UzbekAI

Ўзбекистон Республикаси Вазирлар Маҳкамасининг

қарори

Ўзбекистон кимё-фармацевтика ҳамда «Шарқ табобати» илмий-тадқиқот институтлари Давлат бюджети маблағлари ҳисобидан базавий молиялаштиришга ўтказилиши муносабати билан Вазирлар Маҳкамасининг «Давлат илмий ташкилотларини Ўзбекистон Республикаси Давлат бюджети маблағлари ҳисобидан базавий молиялаштиришга ўтказиш тўғрисида» 2021 йил 26 майдаги 326-сон қарорига ўзгартириш ва қўшимчалар киритиш ҳақида

Ўзбекистон кимё-фармацевтика ва «Шарқ табобати» илмий-тадқиқот институтларини Давлат бюджети маблағлари ҳисобидан базавий молиялаштиришга ўтказиш, шунингдек, фармацевтика йўналишида янги дори воситаларини яратиш бўйича тадқиқот ишларини қўллаб-қувватлаш ҳамда илмий ходимлар учун зарур шарт-шароитлар яратиш мақсадида Вазирлар Маҳкамаси қарор қилади:

1. Соғлиқни сақлаш вазирлиги, Иқтисодиёт ва молия вазирлиги, Олий таълим, фан ва инновациялар вазирлиги ҳамда Фармацевтика тармоғини ривожлантириш агентлигининг Ўзбекистон кимё-фармацевтика ҳамда «Шарқ табобати» илмий-тадқиқот институтларини Давлат бюджети маблағлари ҳисобидан базавий молиялаштиришга ўтказиш тўғрисидаги таклифлари маъқуллансин.

2. Белгилансинки, Ўзбекистон кимё-фармацевтика ҳамда «Шарқ табобати» илмий-тадқиқот институтларини Давлат бюджети маблағлари ҳисобидан сақлаш харажатлари 2025 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Соғлиқни сақлаш вазирлигига ажратилган маблағлар доирасида амалга оширилади, 2026 йилдан бошлаб эса Давлат бюджети параметрларида назарда тутилади.

3. Вазирлар Маҳкамасининг «Давлат илмий ташкилотларини Ўзбекистон Республикаси Давлат бюджети маблағлари ҳисобидан базавий молиялаштиришга ўтказиш тўғрисида» 2021 йил 26 майдаги 326-сон қарорига иловага мувофиқ ўзгартириш ва қўшимчалар киритилсин.

4. Ушбу қарорнинг бажарилишини назорат қилиш Ўзбекистон Республикаси соғлиқни сақлаш вазири А.А. Худаяров зиммасига юклансин.

Вазирлар Маҳкамасининг 2025 йил 10 июндаги 357-сон қарорига ИЛОВА

Вазирлар Маҳкамасининг «Давлат илмий ташкилотларини Ўзбекистон Республикаси Давлат бюджети маблағлари ҳисобидан базавий молиялаштиришга ўтказиш тўғрисида» 2021 йил 26 майдаги 326-сон қарорига киритилаётган ўзгартириш ва қўшимчалар

1. 1-илованинг «I. Соғлиқни сақлаш вазирлиги» бўлими қуйидаги мазмундаги 25 ва 26-позициялар билан тўлдирилсин:

« 25. Ўзбекистон кимё-фармацевтика илмий-тадқиқот институти 26. «Шарқ табобати» илмий-тадқиқот институти ».

2. 2-иловада :

а) куйидаги мазмундаги 21 4 ва 21 5 -позициялар билан тўлдирилсин:

« 21 4 . Ўзбекистон кимё-фармацевтика илмий-тадқиқот институти Директор 1 Илмий ишлар бўйича директор ўринбосари 1 Илмий котиб 1 Лаборатория мудирлари 6 Лаборантлар 6 Жами 15 21 5 . «Шарқ табобати» илмий-тадқиқот институти Директор 1 Илмий ишлар бўйича директор ўринбосари 1 Илмий котиб 1 Лаборатория мудирлари 3 Лаборантлар 3 Жами 9 »;

б) «Жами» позициясининг «Штат бирлиги сони» устунидаги «298» рақами «322» рақами билан алмаштирилсин;

в) «Жами ташкилотлар бўйича» позициясининг «Штат бирлиги сони» устунидаги «361» рақами «385» рақами билан алмаштирилсин.

Ўзбекистон Республикасининг Бош вазири А. АРИПОВ

Тошкент ш.,

2025 йил 10 июнь,

357-сон

(Қонунчилик маълумотлари миллий базаси, 11.06.2025 й., 09/25/357/0506-сон)

lex.uz

Oʻzbekiston Respublikasi Vazirlar Mahkamasining

qarori

Oʻzbekiston kimyo-farmatsevtika hamda “Sharq tabobati” ilmiy-tadqiqot institutlari Davlat budjeti mablagʻlari hisobidan bazaviy moliyalashtirishga oʻtkazilishi munosabati bilan Vazirlar Mahkamasining “Davlat ilmiy tashkilotlarini Oʻzbekiston Respublikasi Davlat budjeti mablagʻlari hisobidan bazaviy moliyalashtirishga oʻtkazish toʻgʻrisida” 2021-yil 26-maydagi 326-son qaroriga oʻzgartirish va qoʻshimchalar kiritish haqida

Oʻzbekiston kimyo-farmatsevtika va “Sharq tabobati” ilmiy-tadqiqot institutlarini Davlat budjeti mablagʻlari hisobidan bazaviy moliyalashtirishga oʻtkazish, shuningdek, farmatsevtika yoʻnalishida yangi dori vositalarini yaratish boʻyicha tadqiqot ishlarini qoʻllab-quvvatlash hamda ilmiy xodimlar uchun zarur shart-sharoitlar yaratish maqsadida Vazirlar Mahkamasi qaror qiladi:

1. Sogʻliqni saqlash vazirligi, Iqtisodiyot va moliya vazirligi, Oliy taʼlim, fan va innovatsiyalar vazirligi hamda Farmatsevtika tarmogʻini rivojlantirish agentligining Oʻzbekiston kimyo-farmatsevtika hamda “Sharq tabobati” ilmiy-tadqiqot institutlarini Davlat budjeti mablagʻlari hisobidan bazaviy moliyalashtirishga oʻtkazish toʻgʻrisidagi takliflari maʼqullansin.

2. Belgilansinki, Oʻzbekiston kimyo-farmatsevtika hamda “Sharq tabobati” ilmiy-tadqiqot institutlarini Davlat budjeti mablagʻlari hisobidan saqlash xarajatlari 2025-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Sogʻliqni saqlash vazirligiga ajratilgan mablagʻlar doirasida amalga oshiriladi, 2026-yildan boshlab esa Davlat budjeti parametrlarida nazarda tutiladi.

3. Vazirlar Mahkamasining “Davlat ilmiy tashkilotlarini Oʻzbekiston Respublikasi Davlat budjeti mablagʻlari hisobidan bazaviy moliyalashtirishga oʻtkazish toʻgʻrisida” 2021-yil 26-maydagi 326-son qaroriga ilovaga muvofiq oʻzgartirish va qoʻshimchalar kiritilsin.

4. Ushbu qarorning bajarilishini nazorat qilish Oʻzbekiston Respublikasi sogʻliqni saqlash vaziri A.A. Xudayarov zimmasiga yuklansin.

Vazirlar Mahkamasining 2025-yil 10-iyundagi 357-son qaroriga ILOVA

Vazirlar Mahkamasining “Davlat ilmiy tashkilotlarini Oʻzbekiston Respublikasi Davlat budjeti mablagʻlari hisobidan bazaviy moliyalashtirishga oʻtkazish toʻgʻrisida” 2021-yil 26-maydagi 326-son qaroriga kiritilayotgan oʻzgartirish va qoʻshimchalar

1. 1-ilovaning “I. Sogʻliqni saqlash vazirligi” boʻlimi quyidagi mazmundagi 25 va 26-pozitsiyalar bilan toʻldirilsin:

“ 25. Oʻzbekiston kimyo-farmatsevtika ilmiy-tadqiqot instituti 26. “Sharq tabobati” ilmiy-tadqiqot instituti ”.

2. 2-ilovada :

a) kuyidagi mazmundagi 21 4 va 21 5 -pozitsiyalar bilan toʻldirilsin:

“ 21 4 . Oʻzbekiston kimyo-farmatsevtika ilmiy-tadqiqot instituti Direktor 1 Ilmiy ishlar boʻyicha direktor oʻrinbosari 1 Ilmiy kotib 1 Laboratoriya mudirlari 6 Laborantlar 6 Jami 15 21 5 . “Sharq tabobati” ilmiy-tadqiqot instituti Direktor 1 Ilmiy ishlar boʻyicha direktor oʻrinbosari 1 Ilmiy kotib 1 Laboratoriya mudirlari 3 Laborantlar 3 Jami 9 ”;

b) “Jami” pozitsiyasining “Shtat birligi soni” ustunidagi “298” raqami “322” raqami bilan almashtirilsin;

v) “Jami tashkilotlar boʻyicha” pozitsiyasining “Shtat birligi soni” ustunidagi “361” raqami “385” raqami bilan almashtirilsin.

Oʻzbekiston Respublikasining Bosh vaziri A. ARIPOV

Toshkent sh.,

2025-yil 10-iyun,

357-son

(Qonunchilik maʼlumotlari milliy bazasi, 11.06.2025-y., 09/25/357/0506-son)

lex.uz