📅 2025-yil 18-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 18 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 18 июня 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 18 June 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РАЗРЯДЛАРИ
РАЗРЯДЛАРИ
НИЗОМ
«Амударё» ва «Сирдарё» ҳавзалари сув хўжалиги бирлашмаларининг моддий-техник таъминотини мустаҳкамлаш, ходимлар меҳнатига ҳақ тўлаш ва уларни рағбатлантириш тизимини янада такомиллаштириш чора-тадбирлари тўғрисида
Ўзбекистон Республикаси Президентининг «Сув хўжалигида замонавий бошқарув тизимини жорий қилиш ва ривожлантиришнинг устувор йўналишларини белгилаш тўғрисида» 2024 йил 7 майдаги ПФ-74-сон Фармонига мувофиқ «Амударё» ва «Сирдарё» ҳавзалари сув хўжалиги бирлашмаларининг моддий-техник таъминотини мустаҳкамлаш, кадрлар қўнимсизлигининг олдини олиш, ходимлар меҳнатига ҳақ тўлаш ҳамда уларни моддий рағбатлантириш тизимини янада такомиллаштириш мақсадида Вазирлар Маҳкамаси қарор қилади:
1. Қуйидагилар:
а) Қозоғистон Республикаси, Қирғизистон Республикаси, Ўзбекистон Республикаси, Тожикистон Республикаси ва Туркманистон ўртасидаги «Давлатлараро сув манбаларининг сув ресурсларидан биргаликда фойдаланишни бошқариш ва уларни муҳофаза қилиш соҳасидаги ҳамкорлик ҳақида» 1992 йил 18 февралдаги (Олма-Ота шаҳри) Битимга асосан «Амударё» ва «Сирдарё» ҳавзалари сув хўжалиги бирлашмалари (кейинги ўринларда — Бирлашмалар) Марказий Осиё давлатлараро мувофиқлаштирувчи сув хўжалиги комиссиясининг ижро этувчи ва идоралараро назорат органлари ҳисобланиши;
дарёлар ва сув манбаларидаги Бирлашмалар томонидан эксплуатация қилинадиган барча иншоотлар бошқага бериш ва сотиб олиш ҳуқуқисиз уларга вақтинча фойдаланишга берилгани;
Бирлашмалар бюджет ташкилотлари эканлиги, уларнинг хизмат кўрсатиш харажатлари, ходимлари меҳнатига ҳақ тўлаш ва уларни рағбатлантириш ҳамда Қозоғистон Республикаси, Қирғизистон Республикаси, Ўзбекистон Республикаси, Тожикистон Республикаси ва Туркманистон ҳудудида жойлашган гидротехника иншоотлари, гидропостлар ва каналларнинг эксплуатация харажатлари улар жойлашган манзилдан келиб чиққан ҳолда, томонларнинг Давлат бюджети маблағлари ҳисобидан қопланиши белгилангани;
б) Бирлашмаларнинг асосий вазифалари этиб:
Амударё ва Сирдарё дарёларининг сув ресурсларини самарали бошқариш ва тасдиқланган сув олиш лимитларига асосан давлатлар ўртасида сув тақсимлаш ҳамда сувнинг ҳисобини юритиш ва назорат қилиш;
трансчегаравий сув ресурсларини тезкор ва самарали бошқариш мақсадида барча гидротехника иншоотларини босқичма-босқич замонавий автоматлаштирилган бошқарув тизимига ўтказиш бўйича зарур чораларни кўриш;
сел-тошқин мавсумида сел-тошқин сувларининг хавфсиз ва беталофат ўтказилишини таъминлашда иштирок этиш;
трансчегаравий сув ресурсларини бошқариш ва тақсимлаш бўйича хорижий давлатларнинг илғор тажрибасини ўрганиш ва амалиётда қўллашни ташкил қилиш;
кадрларни тайёрлаш, танлаш ва жой-жойига қўйиш, уларнинг малакасини ошириш орқали билим ва салоҳиятини мустаҳкамлаш ишларини амалга ошириш белгилангани маълумот учун қабул қилинсин.
2. Ўзбекистон Республикаси Сув хўжалиги вазирлиги Иқтисодиёт ва молия вазирлиги билан биргаликда Бирлашмаларга берилган Ўзбекистон Республикаси ҳудудидаги сув хўжалиги иншоотларини доимий ишчи ҳолда сақлаш учун ҳар йилги Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурини шакллантиришда тегишли маблағлар кўзда тутилишини таъминласин.
3. Ўзбекистон Республикаси Камбағалликни қисқартириш ва бандлик вазирлиги, Сув хўжалиги вазирлиги ҳамда Иқтисодиёт ва молия вазирлигининг:
«Амударё» ва «Сирдарё» ҳавзалари сув хўжалиги бирлашмаларининг марказий аппаратлари ходимлари меҳнатига ҳақ тўлашнинг ягона тариф сеткаси бўйича разрядларини 1-иловага мувофиқ;
«Амударё» ва «Сирдарё» ҳавзалари сув хўжалиги бирлашмаларининг ҳудудий бошқармалари ходимлари меҳнатига ҳақ тўлашнинг ягона тариф сеткаси бўйича разрядларини 2-иловага мувофиқ белгилаш тўғрисидаги таклифларига розилик берилсин.
4. «Амударё» ва «Сирдарё» ҳавзалари сув хўжалиги бирлашмалари фаолиятини молиялаштириш ҳамда ходимлари меҳнатига ҳақ тўлаш ва уларни моддий рағбатлантириш тартиби тўғрисидаги низом 3-иловага мувофиқ тасдиқлансин.
5. Белгилансинки, Бирлашмалар фаолиятини молиялаштириш ҳамда уларнинг моддий-техник таъминотини мустаҳкамлаш билан боғлиқ харажатлар Ўзбекистон Республикасининг республика бюджетидан Ўзбекистон Республикаси Сув хўжалиги вазирлигига (биринчи даражали бюджет маблағларини тақсимловчи сифатида) ажратилган маблағлар доирасида амалга оширилади.
6. Вазирлар Маҳкамасининг «Амударё» ва «Сирдарё» ҳавзалари сув хўжалиги бирлашмалари ходимларининг меҳнатига ҳақ тўлаш шартлари тизимини такомиллаштириш чора-тадбирлари тўғрисида» 2020 йил 13 мартдаги 154-сон қарори ўз кучини йўқотган деб ҳисоблансин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев ҳамда Ўзбекистон Республикаси сув хўжалиги вазири Ш.Р. Хамраев зиммасига юклансин.
Вазирлар Маҳкамасининг 2025 йил 18 июндаги 375-сон қарорига 1-ИЛОВА
«Амударё» ва «Сирдарё» ҳавзалари сув хўжалиги бирлашмаларининг марказий аппаратлари бошқарув ходимлари меҳнатига ҳақ тўлашнинг ягона тариф сеткаси бўйича
Т/р Лавозим номи Ягона тариф сеткаси бўйича разряд 1. Бирлашма бошлиғи 17 2. Бирлашма бошлиғининг ўринбосари-Бош муҳандис 16 3. Бирлашма бошлиғининг ўринбосари 16 4. Бошқарма бошлиғи 14 5. Бошқарма бошлиғининг ўринбосари 14 — 5% 6. Бош ҳуқуқий маслаҳатчи 14 7. Бош бухгалтер 13 8. Бош бухгалтер ўринбосари 13 — 5% 9. Бўлим бошлиғи 13 10. Инсон ресурсларини ривожлантириш, ижро интизоми ва ҳужжатлар билан ишлаш бўйича бош мутахассис 11 11. Бош мутахассис 11 12. Етакчи мутахассис 10 13. Мутахассис 9
Вазирлар Маҳкамасининг 2025 йил 18 июндаги 375-сон қарорига 2-ИЛОВА
«Амударё» ва «Сирдарё» ҳавзалари сув хўжалиги бирлашмаларининг ҳудудий бошқармалари бошқарув ходимлари меҳнатига ҳақ тўлашнинг ягона тариф сеткаси бўйича
Т/р Лавозим номи Ягона тариф сеткаси бўйича разрядлари 1-гуруҳ 2-гуруҳ 3-гуруҳ 1. Бошқарма бошлиғи 15 14 13 2. Бошқарма бошлиғининг ўринбосари (Бош муҳандис) 15 — 5% 14 — 5% 13 — 5% 3. Бошқарма бошлиғининг ўринбосари 15 — 8% 14 — 8% 13 — 8% 4. Бош бухгалтер 12 11 10 5. Бош бухгалтер ўринбосари 12 — 5% 11 — 5% 6. Бўлим бошлиғи 12 11 11 7. Участка бошлиғи 11 11 11 8. Бош ҳуқуқий маслаҳатчи 11 10 9 9. Инсон ресурсларини ривожлантириш, ижро интизоми ва ҳужжатлар билан ишлаш бўйича бош мутахассис 10 10 10 10. Бош мутахассис 10 10 10 11. Етакчи мутахассис 9 9 9 12. Бухгалтер 7 7 7
Вазирлар Маҳкамасининг 2025 йил 18 июндаги 375-сон қарорига 3-ИЛОВА
«Амударё» ва «Сирдарё» ҳавзалари сув хўжалиги бирлашмалари фаолиятини молиялаштириш ҳамда ходимлари меҳнатига ҳақ тўлаш ва уларни моддий рағбатлантириш тартиби тўғрисида
1-боб. Умумий қоидалар
1. Ушбу Низом «Амударё» ва «Сирдарё» ҳавзалари сув хўжалиги бирлашмалари (кейинги ўринларда — Бирлашмалар) ходимларининг меҳнатига ҳақ тўлаш ва уларни моддий рағбатлантириш тартибини белгилайди.
2. «Амударё» ҳавзаси сув хўжалиги бирлашмаси ҳамда унинг Юқоридарё бошқармаси Термиз бўлинмаси, Ўртадарё бошқармаси Аму-Бухоро бўлинмаси, Давлатлараро «Амударё» ирригация каналлари бошқармаси, Қуйидарё бошқармаси, шунингдек, «Сирдарё» ҳавзаси сув хўжалиги бирлашмаси ҳамда унинг Норин-Қорадарё сув иншоотлари бошқармаси, Чорбоғ сув омбори бошқармаси, Юқоричирчиқ сув иншоотлари бошқармаси, Гулистон сув иншоотлари ва «Дўстлик» канали бошқармаси фаолиятини молиялаштириш, ходимларининг меҳнатига ҳақ тўлаш ва моддий рағбатлантириш Ўзбекистон Республикаси республика бюджети маблағлари ҳисобидан молиялаштирилади.
2-боб. Ходимлар меҳнатига ҳақ тўлаш ва уларни моддий рағбатлантириш миқдори ва шартлари
3. Ушбу Низомнинг 2-бандида келтирилган ташкилотларнинг фаолияти ҳамда уларга бириктирилган объектларнинг тоифаси ва хусусиятларидан келиб чиққан ҳолда, ушбу ташкилотлар ходимлари меҳнатига ҳақ тўлаш ва уларни рағбатлантиришни молиялаштиришда 2025 йил 1 январдан бошлаб республика бюджетидан қуйидагилар назарда тутилади:
а) ягона тариф сеткаси бўйича тасдиқланган разрядларга мувофиқ лавозим маоши, бунда лавозим маошини ҳисоблашда тасдиқланган тариф разрядлари тариф коэффициенти Бирлашмалар марказий аппарати бошқарув ходимларига 3 бараварга, ишлаб чиқариш ходимларига 2 бараварга ҳамда ҳудудий бошқармаларнинг бошқарув ва ишлаб чиқариш ходимларига 1,4 бараварга оширилган миқдорида қўлланади;
б) Бирлашмаларнинг марказий аппарати бошқарув ходимлари лавозим маошларига 40 фоиз ва ҳудудий бошқармаларнинг бошқарув ходимлари лавозим маошларига 20 фоиз миқдорида меҳнатни рағбатлантириш (рағбатлантирувчи коэффициент) учун оширилган тариф коэффициентни ҳисобга олган ҳолда устама ҳақ;
в) йилда бир ойлик меҳнатга ҳақ тўлаш фонди миқдорида моддий ёрдам;
г) йилда икки ойлик меҳнатга ҳақ тўлаш фонди миқдорида мукофот пули;
д) ҳар чорак якуни билан бир ойлик меҳнатга ҳақ тўлаш фонди миқдорида мукофот пули;
е) бюджет муассасалари ва ташкилотлари ходимларини моддий рағбатлантириш махсус жамғармасидан устамалар;
ж) бошқарув, ишлаб чиқариш ходимлари ва ёрдамчи (хизмат кўрсатувчи) ходимларига кўп йиллик меҳнати учун ҳар ойлик қўшимча устама ҳақи:
1 йилдан 5 йилгача — 20 фоиз миқдорида;
5 йилдан 10 йилгача — 30 фоиз миқдорида;
10 йилдан 20 йилгача — 40 фоиз миқдорида;
20 йилдан ортиқ — 60 фоиз миқдорида.
Бунда ходимларнинг кўп йиллик меҳнати учун ҳар ойлик устамалар рағбатлантириш коэффициентини ҳисобга олган ҳолда, лавозим маошига белгиланган коэффициентларда ва миқдорларда ходимларнинг сув хўжалиги соҳасида Давлат ва халқаро ташкилотларидаги иш стажидан келиб чиқиб, Бирлашмалар томонидан тасдиқланадиган тартиб асосида тўланади.
Мазкур банднинг «д» ва «ж» кичик бандларида назарда тутилган рағбатлантириш чоралари ва устамалар 2025 йил 1 июлидан бошлаб қўлланилади.
3-боб. Ходимлар меҳнатига ҳақ тўлаш ва уларни моддий рағбатлантириш тадбирларини молиялаштириш
4. Қуйидагилар ходимларни рағбатлантириш манбалари ҳисобланади:
Ўзбекистон Республикаси Давлат бюджет маблағлари;
қонунчилик ҳужжатларида тақиқланмаган бошқа манбалар.
5. Ходимлар меҳнатига ҳақ тўлаш ва уларни моддий рағбатлантиришни молиялаштириш манбалари ва миқдори қонунчилик ҳужжатларида белгиланган тартибда тасдиқланган харажатлар сметаси асосида амалга оширилади.
4-боб. Якунловчи қоида
6. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.
Ўзбекистон Республикасининг Бош вазири А. АРИПОВ
Тошкент ш.,
2025 йил 18 июнь,
375 -сон
Oʻzbekiston Respublikasi Vazirlar Mahkamasining
qarori
RAZRYADLARI
RAZRYADLARI
NIZOM
“Amudaryo” va “Sirdaryo” havzalari suv xoʻjaligi birlashmalarining moddiy-texnik taʼminotini mustahkamlash, xodimlar mehnatiga haq toʻlash va ularni ragʻbatlantirish tizimini yanada takomillashtirish chora-tadbirlari toʻgʻrisida
Oʻzbekiston Respublikasi Prezidentining “Suv xoʻjaligida zamonaviy boshqaruv tizimini joriy qilish va rivojlantirishning ustuvor yoʻnalishlarini belgilash toʻgʻrisida” 2024-yil 7-maydagi PF-74-son Farmoniga muvofiq “Amudaryo” va “Sirdaryo” havzalari suv xoʻjaligi birlashmalarining moddiy-texnik taʼminotini mustahkamlash, kadrlar qoʻnimsizligining oldini olish, xodimlar mehnatiga haq toʻlash hamda ularni moddiy ragʻbatlantirish tizimini yanada takomillashtirish maqsadida Vazirlar Mahkamasi qaror qiladi:
1. Quyidagilar:
a) Qozogʻiston Respublikasi, Qirgʻiziston Respublikasi, Oʻzbekiston Respublikasi, Tojikiston Respublikasi va Turkmaniston oʻrtasidagi “Davlatlararo suv manbalarining suv resurslaridan birgalikda foydalanishni boshqarish va ularni muhofaza qilish sohasidagi hamkorlik haqida” 1992-yil 18-fevraldagi (Olma-Ota shahri) Bitimga asosan “Amudaryo” va “Sirdaryo” havzalari suv xoʻjaligi birlashmalari (keyingi oʻrinlarda — Birlashmalar) Markaziy Osiyo davlatlararo muvofiqlashtiruvchi suv xoʻjaligi komissiyasining ijro etuvchi va idoralararo nazorat organlari hisoblanishi;
daryolar va suv manbalaridagi Birlashmalar tomonidan ekspluatatsiya qilinadigan barcha inshootlar boshqaga berish va sotib olish huquqisiz ularga vaqtincha foydalanishga berilgani;
Birlashmalar budjet tashkilotlari ekanligi, ularning xizmat koʻrsatish xarajatlari, xodimlari mehnatiga haq toʻlash va ularni ragʻbatlantirish hamda Qozogʻiston Respublikasi, Qirgʻiziston Respublikasi, Oʻzbekiston Respublikasi, Tojikiston Respublikasi va Turkmaniston hududida joylashgan gidrotexnika inshootlari, gidropostlar va kanallarning ekspluatatsiya xarajatlari ular joylashgan manzildan kelib chiqqan holda, tomonlarning Davlat budjeti mablagʻlari hisobidan qoplanishi belgilangani;
b) Birlashmalarning asosiy vazifalari etib:
Amudaryo va Sirdaryo daryolarining suv resurslarini samarali boshqarish va tasdiqlangan suv olish limitlariga asosan davlatlar oʻrtasida suv taqsimlash hamda suvning hisobini yuritish va nazorat qilish;
transchegaraviy suv resurslarini tezkor va samarali boshqarish maqsadida barcha gidrotexnika inshootlarini bosqichma-bosqich zamonaviy avtomatlashtirilgan boshqaruv tizimiga oʻtkazish boʻyicha zarur choralarni koʻrish;
sel-toshqin mavsumida sel-toshqin suvlarining xavfsiz va betalofat oʻtkazilishini taʼminlashda ishtirok etish;
transchegaraviy suv resurslarini boshqarish va taqsimlash boʻyicha xorijiy davlatlarning ilgʻor tajribasini oʻrganish va amaliyotda qoʻllashni tashkil qilish;
kadrlarni tayyorlash, tanlash va joy-joyiga qoʻyish, ularning malakasini oshirish orqali bilim va salohiyatini mustahkamlash ishlarini amalga oshirish belgilangani maʼlumot uchun qabul qilinsin.
2. Oʻzbekiston Respublikasi Suv xoʻjaligi vazirligi Iqtisodiyot va moliya vazirligi bilan birgalikda Birlashmalarga berilgan Oʻzbekiston Respublikasi hududidagi suv xoʻjaligi inshootlarini doimiy ishchi holda saqlash uchun har yilgi Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturini shakllantirishda tegishli mablagʻlar koʻzda tutilishini taʼminlasin.
3. Oʻzbekiston Respublikasi Kambagʻallikni qisqartirish va bandlik vazirligi, Suv xoʻjaligi vazirligi hamda Iqtisodiyot va moliya vazirligining:
“Amudaryo” va “Sirdaryo” havzalari suv xoʻjaligi birlashmalarining markaziy apparatlari xodimlari mehnatiga haq toʻlashning yagona tarif setkasi boʻyicha razryadlarini 1-ilovaga muvofiq;
“Amudaryo” va “Sirdaryo” havzalari suv xoʻjaligi birlashmalarining hududiy boshqarmalari xodimlari mehnatiga haq toʻlashning yagona tarif setkasi boʻyicha razryadlarini 2-ilovaga muvofiq belgilash toʻgʻrisidagi takliflariga rozilik berilsin.
4. “Amudaryo” va “Sirdaryo” havzalari suv xoʻjaligi birlashmalari faoliyatini moliyalashtirish hamda xodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizom 3-ilovaga muvofiq tasdiqlansin.
5. Belgilansinki, Birlashmalar faoliyatini moliyalashtirish hamda ularning moddiy-texnik taʼminotini mustahkamlash bilan bogʻliq xarajatlar Oʻzbekiston Respublikasining respublika budjetidan Oʻzbekiston Respublikasi Suv xoʻjaligi vazirligiga (birinchi darajali budjet mablagʻlarini taqsimlovchi sifatida) ajratilgan mablagʻlar doirasida amalga oshiriladi.
6. Vazirlar Mahkamasining “Amudaryo” va “Sirdaryo” havzalari suv xoʻjaligi birlashmalari xodimlarining mehnatiga haq toʻlash shartlari tizimini takomillashtirish chora-tadbirlari toʻgʻrisida” 2020-yil 13-martdagi 154-son qarori oʻz kuchini yoʻqotgan deb hisoblansin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev hamda Oʻzbekiston Respublikasi suv xoʻjaligi vaziri Sh.R. Xamrayev zimmasiga yuklansin.
Vazirlar Mahkamasining 2025-yil 18-iyundagi 375-son qaroriga 1-ILOVA
“Amudaryo” va “Sirdaryo” havzalari suv xoʻjaligi birlashmalarining markaziy apparatlari boshqaruv xodimlari mehnatiga haq toʻlashning yagona tarif setkasi boʻyicha
T/r Lavozim nomi Yagona tarif setkasi boʻyicha razryad 1. Birlashma boshligʻi 17 2. Birlashma boshligʻining oʻrinbosari-Bosh muhandis 16 3. Birlashma boshligʻining oʻrinbosari 16 4. Boshqarma boshligʻi 14 5. Boshqarma boshligʻining oʻrinbosari 14 — 5% 6. Bosh huquqiy maslahatchi 14 7. Bosh buxgalter 13 8. Bosh buxgalter oʻrinbosari 13 — 5% 9. Boʻlim boshligʻi 13 10. Inson resurslarini rivojlantirish, ijro intizomi va hujjatlar bilan ishlash boʻyicha bosh mutaxassis 11 11. Bosh mutaxassis 11 12. Yetakchi mutaxassis 10 13. Mutaxassis 9
Vazirlar Mahkamasining 2025-yil 18-iyundagi 375-son qaroriga 2-ILOVA
“Amudaryo” va “Sirdaryo” havzalari suv xoʻjaligi birlashmalarining hududiy boshqarmalari boshqaruv xodimlari mehnatiga haq toʻlashning yagona tarif setkasi boʻyicha
T/r Lavozim nomi Yagona tarif setkasi boʻyicha razryadlari 1-guruh 2-guruh 3-guruh 1. Boshqarma boshligʻi 15 14 13 2. Boshqarma boshligʻining oʻrinbosari (Bosh muhandis) 15 — 5% 14 — 5% 13 — 5% 3. Boshqarma boshligʻining oʻrinbosari 15 — 8% 14 — 8% 13 — 8% 4. Bosh buxgalter 12 11 10 5. Bosh buxgalter oʻrinbosari 12 — 5% 11 — 5% 6. Boʻlim boshligʻi 12 11 11 7. Uchastka boshligʻi 11 11 11 8. Bosh huquqiy maslahatchi 11 10 9 9. Inson resurslarini rivojlantirish, ijro intizomi va hujjatlar bilan ishlash boʻyicha bosh mutaxassis 10 10 10 10. Bosh mutaxassis 10 10 10 11. Yetakchi mutaxassis 9 9 9 12. Buxgalter 7 7 7
Vazirlar Mahkamasining 2025-yil 18-iyundagi 375-son qaroriga 3-ILOVA
“Amudaryo” va “Sirdaryo” havzalari suv xoʻjaligi birlashmalari faoliyatini moliyalashtirish hamda xodimlari mehnatiga haq toʻlash va ularni moddiy ragʻbatlantirish tartibi toʻgʻrisida
1-bob. Umumiy qoidalar
1. Ushbu Nizom “Amudaryo” va “Sirdaryo” havzalari suv xoʻjaligi birlashmalari (keyingi oʻrinlarda — Birlashmalar) xodimlarining mehnatiga haq toʻlash va ularni moddiy ragʻbatlantirish tartibini belgilaydi.
2. “Amudaryo” havzasi suv xoʻjaligi birlashmasi hamda uning Yuqoridaryo boshqarmasi Termiz boʻlinmasi, Oʻrtadaryo boshqarmasi Amu-Buxoro boʻlinmasi, Davlatlararo “Amudaryo” irrigatsiya kanallari boshqarmasi, Quyidaryo boshqarmasi, shuningdek, “Sirdaryo” havzasi suv xoʻjaligi birlashmasi hamda uning Norin-Qoradaryo suv inshootlari boshqarmasi, Chorbogʻ suv ombori boshqarmasi, Yuqorichirchiq suv inshootlari boshqarmasi, Guliston suv inshootlari va “Doʻstlik” kanali boshqarmasi faoliyatini moliyalashtirish, xodimlarining mehnatiga haq toʻlash va moddiy ragʻbatlantirish Oʻzbekiston Respublikasi respublika budjeti mablagʻlari hisobidan moliyalashtiriladi.
2-bob. Xodimlar mehnatiga haq toʻlash va ularni moddiy ragʻbatlantirish miqdori va shartlari
3. Ushbu Nizomning 2-bandida keltirilgan tashkilotlarning faoliyati hamda ularga biriktirilgan obyektlarning toifasi va xususiyatlaridan kelib chiqqan holda, ushbu tashkilotlar xodimlari mehnatiga haq toʻlash va ularni ragʻbatlantirishni moliyalashtirishda 2025-yil 1-yanvardan boshlab respublika budjetidan quyidagilar nazarda tutiladi:
a) yagona tarif setkasi boʻyicha tasdiqlangan razryadlarga muvofiq lavozim maoshi, bunda lavozim maoshini hisoblashda tasdiqlangan tarif razryadlari tarif koeffitsiyenti Birlashmalar markaziy apparati boshqaruv xodimlariga 3 baravarga, ishlab chiqarish xodimlariga 2 baravarga hamda hududiy boshqarmalarning boshqaruv va ishlab chiqarish xodimlariga 1,4 baravarga oshirilgan miqdorida qoʻllanadi;
b) Birlashmalarning markaziy apparati boshqaruv xodimlari lavozim maoshlariga 40 foiz va hududiy boshqarmalarning boshqaruv xodimlari lavozim maoshlariga 20 foiz miqdorida mehnatni ragʻbatlantirish (ragʻbatlantiruvchi koeffitsiyent) uchun oshirilgan tarif koeffitsiyentni hisobga olgan holda ustama haq;
v) yilda bir oylik mehnatga haq toʻlash fondi miqdorida moddiy yordam;
g) yilda ikki oylik mehnatga haq toʻlash fondi miqdorida mukofot puli;
d) har chorak yakuni bilan bir oylik mehnatga haq toʻlash fondi miqdorida mukofot puli;
e) budjet muassasalari va tashkilotlari xodimlarini moddiy ragʻbatlantirish maxsus jamgʻarmasidan ustamalar;
j) boshqaruv, ishlab chiqarish xodimlari va yordamchi (xizmat koʻrsatuvchi) xodimlariga koʻp yillik mehnati uchun har oylik qoʻshimcha ustama haqi:
1 yildan 5 yilgacha — 20 foiz miqdorida;
5 yildan 10 yilgacha — 30 foiz miqdorida;
10 yildan 20 yilgacha — 40 foiz miqdorida;
20 yildan ortiq — 60 foiz miqdorida.
Bunda xodimlarning koʻp yillik mehnati uchun har oylik ustamalar ragʻbatlantirish koeffitsiyentini hisobga olgan holda, lavozim maoshiga belgilangan koeffitsiyentlarda va miqdorlarda xodimlarning suv xoʻjaligi sohasida Davlat va xalqaro tashkilotlaridagi ish stajidan kelib chiqib, Birlashmalar tomonidan tasdiqlanadigan tartib asosida toʻlanadi.
Mazkur bandning “d” va “j” kichik bandlarida nazarda tutilgan ragʻbatlantirish choralari va ustamalar 2025-yil 1-iyulidan boshlab qoʻllaniladi.
3-bob. Xodimlar mehnatiga haq toʻlash va ularni moddiy ragʻbatlantirish tadbirlarini moliyalashtirish
4. Quyidagilar xodimlarni ragʻbatlantirish manbalari hisoblanadi:
Oʻzbekiston Respublikasi Davlat budjet mablagʻlari;
qonunchilik hujjatlarida taqiqlanmagan boshqa manbalar.
5. Xodimlar mehnatiga haq toʻlash va ularni moddiy ragʻbatlantirishni moliyalashtirish manbalari va miqdori qonunchilik hujjatlarida belgilangan tartibda tasdiqlangan xarajatlar smetasi asosida amalga oshiriladi.
4-bob. Yakunlovchi qoida
6. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.
Oʻzbekiston Respublikasining Bosh vaziri A. ARIPOV
Toshkent sh.,
2025-yil 18-iyun,
375 -son