UzbekAI

Ўзбекистон Республикаси Вазирлар Маҳкамасининг

қарори

МАЪМУРИЙ РЕГЛАМЕНТИ

СХЕМАСИ

намунавий штат БИРЛИКЛАРИ

Автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича давлат хизматини кўрсатишнинг маъмурий регламентини тасдиқлаш тўғрисида

Ўзбекистон Республикаси Президентининг «Ногиронлиги бўлган шахсларга қулай ва тўсиқларсиз муҳит яратиш бўйича қўшимча чора-тадбирлар тўғрисида» 2024 йил 18 июлдаги ПҚ-266-сон қарори ижросини таъминлаш, шунингдек, ногиронлиги бўлган шахсларнинг транспорт воситаларидан мустақил ва тўсиқсиз фойдаланиши ҳамда жамоат транспортида эркин ҳаракатланишини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Ногиронлиги бўлган шахсларга қулай ва тўсиқларсиз муҳит яратиш бўйича қўшимча чора-тадбирлар тўғрисида» 2024 йил 18 июлдаги ПҚ-266-сон қарорига мувофиқ I гуруҳ ногиронлиги бўлган шахсларнинг шахсий автотранспорт воситаларини мослаштириш харажатларининг 50 фоизи (базавий ҳисоблаш миқдорининг 30 бараваригача бўлган миқдорда) Ижтимоий ҳимоя миллий агентлиги ҳузуридаги Ижтимоий ҳимоя давлат жамғармаси маблағлари ҳисобидан қоплаб берилиши белгиланганлиги маълумот учун қабул қилинсин.

2. Қуйидагиларни назарда тутувчи Автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича давлат хизматини кўрсатишнинг маъмурий регламенти 1-иловага мувофиқ тасдиқлансин:

шаҳар, шаҳар атрофи, шаҳарлараро (Қорақалпоғистон Республикаси ва вилоятлар ичида ҳамда Қорақалпоғистон Республикаси, Тошкент шаҳар ва вилоятлараро) автобусда йўловчи ташиш йўналишларида хизмат кўрсатаётган тадбиркорлик субъектларининг (кейинги ўринларда — тадбиркорлик субъектлари) автобуслари ва I гуруҳ ногиронлиги бўлган шахсларнинг шахсий автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича мурожаатларни қабул қилиш ва кўриб чиқиш;

автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш;

автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича маъмурий тартиб-таомилларнинг амалга оширилишини назорат қилиш.

3. Белгилансинки:

тадбиркорлик субъектлари автобуслари ва I гуруҳ ногиронлиги бўлган шахсларнинг шахсий автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича мурожаатлар «Инсон» ижтимоий хизматлар марказлари ва «Ягона миллий ижтимоий ҳимоя» ахборот тизими (кейинги ўринларда — «Ижтимоий ҳимоя» АТ) ҳамда Ягона интерактив давлат хизматлари портали (кейинги ўринларда — ЯИДХП) орқали қабул қилинади;

автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича мурожаатлар Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Ижтимоий ҳимоя миллий агентлиги) ҳузуридаги Ижтимоий инспекциянинг Қорақалпоғистон Республикаси, вилоятлар ва Тошкент шаҳар бошқармалари томонидан ўн иш куни ичида кўриб чиқилади;

автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш Ижтимоий ҳимоя миллий агентлигининг Ижтимоий ҳимоя давлат жамғармаси томонидан тадбиркорлик субъектларининг банк ҳисобварақларига ҳамда I гуруҳ ногиронлиги бўлган шахсларнинг номига очилган банк карталарига пул ўтказиш йўли орқали амалга оширилади.

4. Ижтимоий ҳимоя миллий агентлиги:

а) Адлия вазирлиги ва Рақамли технологиялар вазирлиги билан биргаликда 2025 йил 1 августга қадар:

давлат хизматини кўрсатиш «Ижтимоий ҳимоя» АТ ҳамда ЯИДХП орқали жорий этилишини таъминласин;

«Ижтимоий ҳимоя» АТ ва ЯИДХПда давлат хизмати кўрсатилишининг ҳар бир босқичида мурожаатлар кўриб чиқилишини кузатиб бориш тартибини жорий этсин;

б) икки ой муддатда «Ижтимоий ҳимоя» АТда транспорт воситаларини ногиронлиги бўлган шахслар эҳтиёжларига мослаштириш харажатлари қопланган тадбиркорлик субъектлари ва I гуруҳ ногиронлиги бўлган шахслар реестри юритилишини йўлга қўйсин;

в) Адлия вазирлиги билан биргаликда давлат органлари ва бошқа ташкилотлар томонидан давлат хизматлари кўрсатилишининг белгиланган тартиби бажарилиши юзасидан тегишлилиги бўйича «Ижтимоий ҳимоя» АТ ҳамда ЯИДХП орқали доимий назорат ўрнатсин;

г) 2025 йил 1 октябрга қадар жамоат транспорт воситаларида ногиронлиги бўлган шахслар эҳтиёжларига мослаштирилганлиги юзасидан жамоатчилик назоратини ўрнатиш имкониятини берувчи мобил иловани ишга туширсин.

5. Транспорт вазирлиги йўловчи ташиш йўналишларидаги автобус ҳайдовчилари томонидан ногиронлиги бўлган шахслар учун мўлжалланган жиҳозлар ва имтиёзлардан доимий фойдаланилиши таъминланишини назорат қилиб борсин.

6. Ўзбекистон Республикаси Ҳукуматининг 2-иловага мувофиқ айрим қарорларига ўзгартиришлар ва қўшимча киритилсин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.

Вазирлар Маҳкамасининг 2025 йил 18 июндаги 377-сон қарорига 1-ИЛОВА

Автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича давлат хизматини кўрсатишнинг

1-боб. Умумий қоидалар

1. Ушбу маъмурий регламент (кейинги ўринларда — Регламент) шаҳар, шаҳар атрофи, шаҳарлараро (Қорақалпоғистон Республикаси ва вилоятлар ичида ҳамда Қорақалпоғистон Республикаси, Тошкент шаҳар ва вилоятлараро) автобусда йўловчи ташиш йўналишларида хизмат кўрсатаётган тадбиркорлик субъектлари (кейинги ўринларда — тадбиркорлик субъектлари) ҳамда I гуруҳ ногиронлиги бўлган шахсларнинг шахсий автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича давлат хизмати (кейинги ўринларда — давлат хизмати)ни кўрсатиш тартибини белгилайди.

2. Ушбу Регламентда қуйидаги асосий тушунчалардан фойдаланилади:

автотранспорт воситалари — тадбиркорлик субъектларининг автобуслари ҳамда I гуруҳ ногиронлиги бўлган шахсларнинг автотранспорт воситалар таснифи (классификацияси)нинг М1 тоифасига кирувчи шахсий транспорт воситалари;

ариза берувчи — тадбиркорлик субъектлари ҳамда I гуруҳ ногиронлиги бўлган шахслар;

ваколатли орган — Ўзбекистон Республикаси Президенти ҳузуридаги Ижтимоий ҳимоя миллий агентлиги ҳузуридаги Ижтимоий инспекциянинг Қорақалпоғистон Республикаси, вилоятлар ва Тошкент шаҳар бошқармалари;

жамғарма — Ўзбекистон Республикаси Президенти ҳузуридаги Ижтимоий ҳимоя миллий агентлигининг Ижтимоий ҳимоя давлат жамғармаси;

ҳудудий бошқарма — Ўзбекистон Республикаси Президенти ҳузуридаги Ижтимоий ҳимоя миллий агентлигининг Қорақалпоғистон Республикаси, вилоятлар ва Тошкент шаҳар бошқармалари.

3. Мазкур Регламентга мувофиқ автотранспорт воситаларини ногиронлиги бўлган шахслар эҳтиёжларига мослаштириш харажатларининг 50 фоизини, бироқ базавий ҳисоблаш миқдорининг 30 бараваригача бўлган қисмини Жамғарма маблағлари ҳисобидан қоплаш:

2024 йил 1 октябрга қадар шаҳар, шаҳар атрофи, шаҳарлараро (Қорақалпоғистон Республикаси ва вилоятлар ичида ҳамда Қорақалпоғистон Республикаси, Тошкент шаҳар ва вилоятлараро) автобусда йўловчи ташиш йўналишларини бириктириш бўйича тендерда ғолиб бўлиб, ушбу йўналишларда хизмат кўрсатаётган (йўловчи ташиш хизматларини кўрсатиш шартномасининг амал қилиш муддати тугашига 90 кундан кам бўлмаган) тадбиркорлик субъектларининг ҳар бир автобуси учун;

2024 йил 1 октябрдан бошлаб I гуруҳ ногиронлиги бўлган шахсларнинг ўз номига расмийлаштирилган ва шахсий фойдаланувида бўлган битта автотранспорт воситаси учун амалга оширилади.

4. Автотранспорт воситаларини қуйидагилар билан жиҳозлаш уни ногиронлиги бўлган шахслар эҳтиёжларига мослаштириш деб эътироф этилади:

а) тадбиркорлик субъектларининг автобуслари учун:

йиғма пандус (бир дона);

аудио ва визуал ахборот берувчи монитор (бир дона);

ахборот берувчи колонка (кўпи билан учта);

маълумотларни узатувчи микрофон (бир дона);

алоқа тугмаси;

бекатлар ҳақида ахборот олиш имконини берувчи маълумотлар тахтаси билан жиҳозлаш (бир дона);

б) I гуруҳ ногиронлиги бўлган шахсларнинг шахсий автотранспорт воситалари учун:

газ ва тормоз педалини қўл бошқарувига ўтказиш;

механик узатиш қутисини автомат узатиш қутиси қилиб қайта жиҳозлаш харажатлари.

5. Давлат хизмати 1-иловага мувофиқ схема асосида бепул кўрсатилади.

2-боб. Давлат хизматини кўрсатиш тартиби

6. Давлат хизматидан фойдаланиш учун ариза берувчилар тегишли автотранспорт воситаси ногиронлиги бўлган шахслар эҳтиёжларига мослаштирилган вақтдан эътиборан 90 кун ичида «Инсон» ижтимоий хизматлар марказларига (кейинги ўринларда — «Инсон» маркази) бевосита борган ҳолда ёки «Ягона» миллий ижтимоий ҳимоя» ахборот тизими (кейинги ўринларда — «Ижтимоий ҳимоя» АТ) ёхуд Ягона интерактив давлат хизматлари портали (кейинги ўринларда — ЯИДХП) орқали электрон тарзда мурожаат қилади.

Бунда мурожаат қилингандан кейинги босқичлардаги барча ҳаракатлар «Ижтимоий ҳимоя» АТ орқали амалга оширилади.

7. Ариза берувчилар «Инсон» марказларига бевосита борган ҳолда мурожаат қилганда, «Инсон» марказлари ходими уларнинг номидан, «Ижтимоий ҳимоя» АТ ёки ЯИДХП орқали мурожаат қилганда эса мазкур Регламентга 2-иловага мувофиқ сўровнома мустақил равишда электрон тарзда тўлдирилади.

Электрон тарзда тўлдирилган сўровнома ариза берувчилар томонидан имзони идентификация қилишнинг замонавий воситалари билан (электрон рақамли имзо, дактилоскопия, Mobile-ID ва бошқалар) тасдиқланади.

8. Сўровномага қуйидаги маълумотлар киритилади ва ҳужжатлар PDF форматида илова қилинади:

а) тадбиркорлик субъектлари томонидан:

тадбиркорлик субъекти маълумотлари (СТИР, хизмат кўрсатувчи банк реквизитлари, манзили, телефон рақами, электрон почта манзили ҳамда Қорақалпоғистон Республикаси, вилоятлараро, шаҳар атрофи, шаҳарлараро автобусда йўловчи ташиш йўналиши бўйича тузилган шартнома нусхаси);

автотранспорт воситаси мулк ҳуқуқи асосида тегишли эканлигини тасдиқловчи ёки автобусда йўловчи ташиш йўналишларини бириктириш бўйича тендерда ғолиб бўлгунга қадар тузилган автотранспорт воситасининг ижара шартномаси;

автотранспорт воситасини қайта жиҳозлаш учун рухсатнома;

автотранспорт воситасини қайта жиҳозлаш фаолиятини амалга оширувчи тадбиркорлик субъекти билан тузилган шартнома ва унга мувофиқ кўрсатилган хизмат учун тўлов амалга оширилганлигини тасдиқловчи онлайн назорат касса техникаси чеки ёки қонунчилик ҳужжатларида белгиланган тартибда расмийлаштирилган ҳисоб-фактура нусхалари ва реквизитлари ҳамда хизмат кўрсатувчи банк реквизитлари;

ҳар бир автотранспорт воситасида ўрнатилган мазкур Регламентнинг 4-бандида назарда тутилган жиҳозлар номи ва уларни ўрнатиш харажатининг умумий суммаси.

Мазкур кичик банднинг бешинчи хатбошисида назарда тутилган онлайн назорат касса техникаси чеки ёки ҳисоб-фактура нусхаларида автотранспорт воситасида ўрнатилган мазкур Регламентнинг 4-бандида назарда тутилган жиҳозлар номи, сони ва уларни ўрнатиш харажатлари тўғрисидаги маълумотлар кўрсатилиши талаб этилади;

б) I гуруҳ ногиронлиги бўлган шахслар томонидан:

махсус ускуналар билан қайта жиҳозланган автотранспорт воситасини (фақат қўл билан бошқариладиган ва автомат узаткичли енгил транспорт воситалари) бошқариш лаёқати тўғрисидаги тиббий хулоса;

автотранспорт воситасини қайта жиҳозлаш учун рухсатнома;

автотранспорт воситасини қайта жиҳозлаш фаолиятини амалга оширувчи тадбиркорлик субъекти билан тузилган шартнома ва унга мувофиқ кўрсатилган хизмат учун тўлов амалга оширилганлигини тасдиқловчи онлайн назорат касса техникаси чеки ёки қонунчилик ҳужжатларида белгиланган тартибда расмийлаштирилган ҳисоб-фактура нусхалари ва реквизитлари;

банк картаси ёки хизмат кўрсатувчи банк ҳисобварағи ва унинг реквизитлари тўғрисида маълумот.

Мурожаат ариза берувчиларнинг вакиллари орқали берилганида қонунчилик ҳужжатларида белгиланган тартибда расмийлаштирилган уларнинг ваколатларини тасдиқловчи ишончнома илова қилинади.

9. Мазкур Регламентнинг 8-бандида назарда тутилган ҳужжат ва маълумотларнинг ҳаққонийлиги «Ижтимоий ҳимоя» АТ томонидан автоматик равишда идоралараро ахборот алмашинуви ёрдамида текширилади.

10. Ариза берувчиларнинг автотранспорт воситасининг рўйхатдан ўтказилганлиги ҳақидаги гувоҳнома, автомобиль транспортида йўловчиларни ташиш фаолияти учун лицензия ҳамда ариза берувчи — I гуруҳ ногиронлиги бўлган шахснинг I гуруҳ ногиронлиги бўлган шахс тоифасига кириши ва ҳайдовчилик гувоҳномаси ҳақидаги маълумотлар ваколатли орган томонидан «Рақамли ҳукумат» тизимининг идоралараро интеграциялашув платформаси орқали мустақил равишда олинади.

11. Ушбу Регламентнинг 9 ва 10-бандларига мувофиқ ўтказилган текширишда қуйидагилар аниқланган тақдирда, мурожаатни кўриб чиқиш рад этилади ҳамда ариза берувчига унинг аризасида кўрсатилган телефон рақамига «Ижтимоий ҳимоя» АТ орқали СМС-хабарнома ёки ЯИДХП орқали ариза берувчининг шахсий кабинетига хабар юборилади:

ариза берувчи I гуруҳ ногиронлиги бўлган шахс тоифасига кирмаслиги аниқланганда;

автотранспорт воситаси(лари) мурожаат қилган тадбиркорлик субъектига мулк ҳуқуқи ва ижара ҳуқуқи асосида ёки I гуруҳ ногиронлиги бўлган шахсга мулк ҳуқуқи асосида тегишли бўлмаганида;

автотранспорт воситаси ногиронлиги бўлган шахслар эҳтиёжларига мослаштирилган вақтдан эътиборан 90 кундан сўнг мурожаат қилинганда;

I гуруҳ ногиронлиги бўлган шахснинг автотранспорт воситасининг тоифаси М1 тоифасига тўғри келмаганда;

онлайн назорат касса техникаси чеки ёки ҳисоб-фактура тўғрисидаги маълумотлар Солиқ қўмитасининг ахборот тизимида аниқланмаганда;

автотранспорт воситасининг мослаштириш харажатлари бундан олдин Жамғарма маблағлари ҳисобидан қопланганлиги аниқланганда.

12. «Инсон» марказлари мазкур Регламентга 2-иловага мувофиқ сўровноманинг тўғри тўлдирилганлиги ва ҳужжатларнинг тўлиқ топширилганлигини кўриб чиқади.

«Инсон» марказлари томонидан ариза берувчиларнинг мурожаати келиб тушгандан сўнг уч иш куни ичида мазкур Регламентнинг 8-бандига мувофиқ мурожаатга илова қилиниши белгиланган ҳужжатлар илова қилинмаганлиги ёки сўровнома белгиланган тартибда тўлдирилмаганлиги аниқланган тақдирда, мазкур камчиликларни бартараф этиш учун ўн кун муддат берилади ва бу тўғрисида ариза берувчиларга «Ижтимоий ҳимоя» АТ орқали СМС-хабарнома юборилади.

Мазкур банднинг иккинчи хатбошисида назарда тутилган муддатда мурожаат бўйича камчиликлар бартараф этилмаган тақдирда, мазкур мурожаатни кўриб чиқиш рад этилади ҳамда бу тўғрисида ариза берувчига жавоб хати юборилади.

13. «Инсон» марказлари томонидан ариза берувчиларнинг мурожаатини кўриб чиқишда мазкур Регламентнинг 12-бандида назарда тутилган камчиликлар аниқланмаган тақдирда, ариза берувчининг мурожаатида кўрсатилган автотранспорт воситаси ҳақиқатда ногиронлиги бўлган шахслар эҳтиёжларига мослаштирилганлиги бўйича хулоса расмийлаштириш учун ваколатли органга «Ижтимоий ҳимоя» АТ орқали юборилади.

14. Ваколатли орган томонидан «Ижтимоий ҳимоя» АТ орқали келиб тушган мурожаат тегишли мурожаатларнинг навбат тартиб рақамига мувофиқ улар юборилган санадан эътиборан ўн иш куни ичида кўриб чиқилади.

Бунда ваколатли орган томонидан мурожаат ариза берувчи билан келишилган ҳолда автотранспорт воситаларининг мазкур Регламентнинг 4-бандига мувофиқ ногиронлиги бўлган шахслар эҳтиёжлари учун мослаштирилганлиги жойига чиқиб ўрганилади.

15. Ваколатли орган томонидан ариза берувчининг мурожаатини кўриб чиқиш якуни бўйича унинг автотранспорт воситаси ногиронлиги бўлган шахслар эҳтиёжлари учун мослаштирилганлиги юзасидан мазкур Регламентга 3-иловага мувофиқ шаклда хулоса расмийлаштирилади.

Бунда мурожаатни ўрганиш жараёнида мурожаатда кўрсатилган тадбиркорлик субъектлари билан тузилган йўловчи ташиш хизматларини кўрсатиш бўйича шартноманинг амал қилиш муддати тугашига 90 кундан кам вақт қолганлиги ва (ёки) мазкур Регламентга 8-банднинг «а» кичик бандида назарда тутилган ижара шартномаси автобусда йўловчи ташиш йўналишларини бириктириш бўйича тендер ўтказилганидан сўнг тузилганлиги аниқланган тақдирда, мазкур Регламентга мувофиқ давлат хизматини кўрсатиш тегишли хулоса расмийлаштирилмаган ҳолда рад этилади.

16. Қуйидаги ҳолларда автотранспорт воситаси ногиронлиги бўлган шахслар эҳтиёжлари учун мослаштирилмаганлиги ҳақида мазкур Регламентга 3-иловага мувофиқ шаклда хулоса расмийлаштирилади:

автотранспорт воситаси мазкур Регламентнинг 4-бандида белгиланган талаблар асосида жиҳозланмаганда;

автотранспорт воситалари ишлаб чиқарувчи томонидан мазкур Регламентнинг 4-бандида назарда тутилган техник воситалар билан жиҳозланган бўлса.

17. Ваколатли орган томонидан ариза берувчининг мурожаатини кўриб чиқиш натижаси бўйича автотранспорт воситаси ногиронлиги бўлган шахслар эҳтиёжлари учун мослаштирилганлиги ёки мослаштирилмаганлиги ҳақида мазкур Регламентга 3-иловага мувофиқ шаклда расмийлаштирилган хулоса «Ижтимоий ҳимоя» АТ орқали «Инсон» марказларига йўналтирилади. Бунда «Инсон» марказлари томонидан:

хулосада мазкур Регламентнинг 16-бандида назарда тутилган ҳолатлар аниқланганлиги қайд этилган тақдирда, «Ижтимоий ҳимоя» АТ орқали ариза берувчига давлат хизматини кўрсатиш рад этилганлиги тўғрисида асослантирилган СМС-хабарнома ҳамда «Ижтимоий ҳимоя» АТ ёки ЯИДХП орқали ариза берувчининг шахсий кабинетига хабар юборилади;

хулосада мазкур Регламентнинг 16-бандида назарда тутилган ҳолатлар аниқланмаганлиги қайд этилган тақдирда, хулоса, мурожаат ва унга илова қилинган ҳужжатлар «Ижтимоий ҳимоя» АТ орқали ариза берувчига автотранспорт воситасини ногиронлиги бўлган шахслар эҳтиёжларига мослаштириш харажатларини қоплаш масаласини келишиш учун ҳудудий бошқармаларга юборилади.

18. Ҳудудий бошқармалар томонидан «Ижтимоий ҳимоя» АТ орқали юборилган ҳужжатлар уч иш куни ичида кўриб чиқилади ва келишилади.

Ҳудудий бошқармалар томонидан «Ижтимоий ҳимоя» АТ орқали юборилган ҳужжатларни кўриб чиқишда мазкур Регламентнинг 15 ва 16-бандларида назарда тутилган ҳолатлар аниқланмаган тақдирда, ариза берувчининг автотранспорт воситасини ногиронлиги бўлган шахслар эҳтиёжларига мослаштириш харажатларини қоплаш тўғрисида мазкур Регламентга 4-иловага мувофиқ талабнома шакллантирилади ва хулоса билан бирга «Ижтимоий ҳимоя» АТ орқали Жамғармага юборилади.

3-боб. Автотранспорт воситаларининг мослаштириш харажатларини қоплаш

19. Ариза берувчилар томонидан илова қилинган онлайн назорат касса техникаси чеки ёки ҳисоб-фактурада кўрсатилган автотранспорт воситасини ногиронлиги бўлган шахслар эҳтиёжларига мослаштириш харажатлари миқдори «Ижтимоий ҳимоя» АТ орқали Солиқ қўмитасининг ахборот тизимидан олинган маълумотлар билан солиштирилади.

Автотранспорт воситасини ногиронлиги бўлган шахслар эҳтиёжларига мослаштириш харажатларининг қопланадиган қисми мазкур Регламентнинг 3-бандида белгиланган талаблар асосида «Ижтимоий ҳимоя» АТда автоматик равишда ҳисоб-китоб қилинади.

20. Жамғарма мазкур Регламентнинг 18-бандида назарда тутилган талабнома келиб тушгандан бошлаб беш иш куни ичида талабнома ва унга илова қилинган хулоса асосида талабномада кўрсатилган тадбиркорлик субъекти ёки I гуруҳ ногиронлиги бўлган шахснинг автотранспорт воситасини ногиронлиги бўлган шахслар эҳтиёжларига мослаштириш харажатларининг қопланадиган қисмини белгиланган тартибда молиялаштиради.

21. Жамғарма маблағлари ҳисобидан автотранспорт воситасини ногиронлиги бўлган шахслар эҳтиёжларига мослаштириш харажатларини қоплаш тадбиркорлик субъектларининг банк ҳисобварақларига ёки I гуруҳ ногиронлиги бўлган шахсларнинг номига очилган банк карталарига пул ўтказиш йўли билан амалга оширилади.

Бунда Жамғарма маблағлари ҳисобидан тадбиркорлик субъектларининг банк ҳисобварақларига ёки I гуруҳ ногиронлиги бўлган шахсларнинг банк карталарига пул ўтказишда Ўзбекистон Республикаси Президенти ҳузуридаги Ижтимоий ҳимоя миллий агентлиги директорининг тегишли буйруғини қабул қилиш талаб этилмайди.

22. Ариза берувчиларнинг автотранспорт воситасини ногиронлиги бўлган шахслар эҳтиёжларига мослаштириш харажатларининг тегишли қисми Жамғармадан молиялаштирилгандан сўнг, Жамғарма бир иш куни ичида бу тўғрисидаги маълумотларни «Ижтимоий ҳимоя» АТга киритади.

23. Жамғарма томонидан ариза берувчиларнинг автотранспорт воситасини ногиронлиги бўлган шахслар эҳтиёжларига мослаштириш харажатларининг тегишли қисмини қоплаш бўйича маблағлар ўтказилганидан сўнг бу тўғрисида «Ижтимоий ҳимоя» АТ орқали ариза берувчиларга СМС-хабарнома ёки ЯИДХП орқали ариза берувчининг шахсий кабинетига хабар юборилади.

Бунда «Ижтимоий ҳимоя» АТ орқали ариза берувчиларга СМС-хабарномаларни юбориш билан боғлиқ харажатлар Жамғарма маблағлари ҳисобидан қопланади.

4-боб. Якунловчи қоидалар

24. Жамғарма маблағлари ҳисобидан автотранспорт воситасини ногиронлиги бўлган шахслар эҳтиёжларига мослаштириш харажатларини қоплаш тўғрисида аризаларни ўз вақтида ва белгиланган тартибда сифатли кўриб чиқиш учун тегишлича «Инсон» маркази, ваколатли орган ва ҳудудий бошқарма ҳамда Жамғарма раҳбарлари шахсан жавобгар ҳисобланади.

25. Ариза берувчиларнинг мурожаатларини қонунчилик ҳужжатларида ва мазкур Регламентда белгиланган талабларга риоя этган ҳолда кўриб чиқилиши устидан назорат Ўзбекистон Республикаси Президенти ҳузуридаги Ижтимоий ҳимоя миллий агентлиги ҳузуридаги Ижтимоий инспекция томонидан амалга оширилади.

26. «Инсон» марказлари, ваколатли орган, ҳудудий бошқарма ва Жамғарманинг ходимлари давлат хизматини кўрсатишда жараёнида олинган шахсга доир ва бошқа маълумотларнинг қонунчилик ҳужжатларида белгиланган тартибда сир сақланишини таъминлайди.

27. Ариза берувчилар Жамғарма ва ваколатли орган ходимларининг хатти-ҳаракатлари устидан қонунчилик ҳужжатларида белгиланган тартибда шикоят қилишлари мумкин.

28. Мазкур Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича давлат хизматини кўрсатишнинг маъмурий регламентига 1-ИЛОВА

Автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш

Босқичлар Субъектлар Амалга ошириш механизми Муддатлар 1-босқич Ариза берувчи (тадбиркорлик субъектлари ва I гуруҳ ногиронлиги бўлган шахслар) Автотранспорт воситасини ногиронлиги бўлган шахслар эҳтиёжларига мослаштириш харажатларини қоплаш бўйича давлат хизматидан фойдаланиш учун «Инсон» ижтимоий хизматлари маркази (кейинги ўринларда — «Инсон» маркази)га бевосита борган ҳолда ёхуд «Ягона» миллий ижтимоий ҳимоя» ахборот тизими (кейинги ўринларда — «Ижтимоий ҳимоя» АТ) ҳамда Ягона интерактив давлат хизматлари портали (кейинги ўринларда — ЯИДХП) орқали электрон мурожаат қилади. Ўз хоҳишига кўра 2-босқич «Инсон» маркази 1. «Инсон» марказлари томонидан ариза берувчиларнинг мурожаати келиб тушгандан сўнг Регламентнинг 8-бандига мувофиқ мурожаатга илова қилиниши белгиланган ҳужжатлар илова қилинганлиги ҳамда сўровнома белгиланган тартибда тўлдирилганлигини ўрганади. 2. Мурожаатга илова қилиниши белгиланган ҳужжатлар илова қилинмаганлиги ёки сўровнома белгиланган тартибда тўлдирилмаганлиги аниқлаганда мазкур камчиликларни бартараф этиш учун ўн кун муддат берилади ва бу тўғрисида ариза берувчи хабардор қилинади. 3. Ариза берувчи томонидан ҳужжатларидаги камчиликлар бартараф этилмаганда ёки бартараф этиб бўлмайдиган камчиликлар аниқланганда, аризани кўриб чиқиш рад этилади ва бу ҳақида ариза берувчи хабардор қилинади. 4. «Инсон» маркази ходими керакли ҳужжатларни барчасини қабул қилгандан сўнг, ариза берувчининг мурожаатида кўрсатилган автотранспорт воситаси ҳақиқатда ногиронлиги бўлган шахслар эҳтиёжларига мослаштирилганлигини ўрганиш учун Ижтимоий инспекциянинг Қорақалпоғистон Республикаси, вилоятлар ва Тошкент шаҳар бошқармаларига юборади. Уч иш куни ичида «Ижтимоий ҳимоя» АТ, ЯИДХП Тўлдирилган электрон сўровнома автоматик тарзда «Инсон» марказига юборилади. Реал вақт режимида 3-босқич Ижтимоий инспекциянинг Қорақалпоғистон Республикаси, вилоятлар ва Тошкент шаҳар бошқармалари 1. Автотранспорт воситасининг ногиронлиги бўлган шахслар эҳтиёжига мослаштирилганлигини жойига чиққан ҳолда ўрганади. 2. Ўрганиш якуни бўйича автотранспорт воситасини ногиронлиги бўлган шахслар эҳтиёжига мослаштирилганлиги бўйича хулоса шакллантиради. Ўн иш куни ичида 4-босқич Ижтимоий ҳимоя миллий агентлиги Қорақалпоғистон Республикаси, вилоятлар ва Тошкент шаҳар бошқармалари 1. Автотранспорт воситасини ногиронлиги бўлган шахслар эҳтиёжига мослаштирилганлиги харажатларини қоплаш ёки қоплаб беришни рад этиш ҳақида «Инсон» маркази ёки ариза берувчига «Ижтимоий ҳимоя» АТ ёхуд ЯИДХП орқали ариза берувчи хабардор қилади. 2. Автотранспорт воситасини ногиронлиги бўлган шахслар эҳтиёжига мослаштириш харажатларини қоплаш бўйича хулоса шакллантирилганида, тегишли харажатларни молиялаштириш учун талабномани шакллантириб, Ижтимоий ҳимоя давлат жамғармасига юборади. Уч иш куни ичида 5-босқич Ижтимоий ҳимоя давлат жамғармаси Талабнома келиб тушгандан сўнг тегишли маблағларни ариза берувчига белгиланган тартибда ўтказиб беради. Беш иш куни ичида

Автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича давлат хизматини кўрсатишнинг маъмурий регламентига 2-ИЛОВА

Автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича давлат хизматидан фойдаланиш учун СЎРОВНОМА I. Ариза берувчи — жисмоний шахс тўғрисида маълумот: 1. Фамилияси: 2. Исми: 3. Отасининг исми: 4. Жисмоний шахснинг шахсий идентификация рақами (ЖШШИР): 5. Паспорт/ID-карта серияси ва рақами: 6. Ногиронлик тўғрисидаги маълумотнома рақами ва санаси: 7. Ҳайдовчилик гувоҳномаси серияси ва рақами: 8. Автотранспорт воситасини қайта жиҳозлашни амалга оширган тадбиркорлик субъекти СТИР (юридик шахс) ёки ЖШШИР: 9. Электрон манзили (мавжуд бўлса): 10. Телефон рақами: 11. Банк пластик картаси бўйича маълумот (карта рақами, амал қилиш муддати, транзит ҳисоб рақами): 12. Харажатнинг умумий суммаси: 13. Онлайн назорат касса техникаси чекининг: фискал модуль; фискал белги рақамлари. II. Илова қилинадиган ҳужжатлар : нотариал тасдиқланган ишончнома (заруратга кўра); автомототранспорт воситаси қайта жиҳозланганлиги бўйича кўрсатилган хизмат учун берилган квитанция (онлайн назорат касса техникаси чеки); * автомототранспорт воситасининг рўйхатдан ўтказилгани ҳақидаги гувоҳнома маълумотлари «Рақамли ҳукумат» тизимининг идоралараро интеграциялашув платформаси орқали мустақил равишда олинади

Автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича давлат хизматидан фойдаланиш учун СЎРОВНОМА I. Ариза берувчи — юридик шахс тўғрисида маълумот: 1. Юридик шахс номи: 2. Юридик шахс СТИР: 3. Қорақалпоғистон Республикаси, вилоятлараро, шаҳар атрофи, шаҳарлараро йўналишларида автобусда йўловчи ташиш бўйича лицензия рақами ва берилган санаси: 4. Автотранспорт воситасини қайта жиҳозлашни амалга оширган тадбиркорлик субъекти СТИР (юридик шахс) ёки ЖШШИР: 5. Автотранспорт воситаси рўйхатдан ўтказилганлиги ҳақидаги гувоҳнома серияси, рақами ва берилган санаси: 6. Электрон манзили (мавжуд бўлса): 7. Телефон рақами: 8. Банк ҳисобрақами, банк МФО рақами ва транзит рақами: 9. Харажатнинг умумий суммаси: 10. Ҳисоб-фактуранинг рақами, санаси ёки онлайн назорат касса техникаси чекининг: фискал модуль; фискал белги рақамлари. 11. Автобусда йўловчи ташиш йўналиши бўйича хизмат кўрсатиш учун тузилган шартнома рақами ва санаси: II. Илова қилинадиган ҳужжатлар : нотариал тасдиқланган ишончнома (юридик шахс раҳбари учун талаб этилмайди); автобусда йўловчи ташиш йўналиши бўйича хизмат кўрсатиш учун тузилган шартнома нусхаси; автомототранспорт воситасини қайта жиҳозлаш фаолиятини амалга оширувчи тадбиркорлик субъекти билан тузилган шартнома ёки автомототранспорт воситаси қайта жиҳозланганлиги бўйича кўрсатилган хизмат учун берилган квитанция (онлайн назорат касса техникаси чеки ёки ҳисоб-фактура); * автомототранспорт воситасининг рўйхатдан ўтказилгани ҳақидаги гувоҳнома маълумотлари «Рақамли ҳукумат» тизимининг идоралараро интеграциялашув платформаси орқали мустақил равишда олинади

Автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича давлат хизматини кўрсатишнинг маъмурий регламентига 3-ИЛОВА

НАМУНА «ТАСДИҚЛАЙМАН» Ижтимоий инспекциянинг _______________ бошқармаси бошлиғи ___________________________________ (фамилияси, исми ва отасининг исми) Ҳужжатнинг ҳақиқийлигини тасдиқловчи QR-код 20___ йил «___» _______ Шахсий автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича ХУЛОСА I гуруҳ ногиронлиги бўлган шахсларнинг шахсий автотранспорт воситасини ногиронлиги бўлган шахслар эҳтиёжига мослаштириш харажатларини Ижтимоий ҳимоя давлат жамғармаси ҳисобидан қоплаш учун Ижтимоий инспекциянинг Қорақалпоғистон Республикаси, вилоятлар ва Тошкент шаҳар бошқармалари томонидан __________________________________________________________________ _______________________________________ (лавозими, фамилияси, исми ва отасининг исми) I гуруҳ ногиронлиги бўлган фуқаро __________________________________________________________ _____________________________________________________________________________________ нинг (биометрик паспорт ёки ID-карта маълумотлари (берилган ва амал қилиш санаси, ким томонидан берилган), яшаш жойи бўйича рўйхатдан ўтган манзили) 20___ йил «___»_____даги «____»-сон мурожаати ўрганиб чиқилди ва қуйидагилар аниқланди: Фуқаро ______________________________________________________ томонидан ўзига тегишли __________________________ (лавозими, фамилияси, исми ва отасининг исми) бўлган ____________________________________________________________ автотранспорт воситасига ______________________ (автотранспорт воситасининг русуми, модели) уни ногиронлиги бўлган шахслар эҳтиёжларига мослаштириш учун ўрнатилган жиҳозлар: Т/р Жиҳозлар номи Жиҳозларнинг ўрнатилганлиги (ишлаб чиқарувчи ёки тадбиркорлик субъекти) * ХУЛОСА: I гуруҳ ногиронлиги бўлган фуқаро ____________________________________________________ ___________________________________________________ (фамилияси, исми ва отасининг исми) томонидан унга тегишли бўлган _____________ автотранспорт воситаси жиҳозланган /жиҳозланмаган. ________________ ____________ _________________ ( масъул ходим лавозими) (имзо) (исми ва фамилияси)

«ТАСДИҚЛАЙМАН» Ижтимоий инспекциянинг ________________ бошқармаси бошлиғи ___________________________________ (фамилияси, исми ва отасининг исми) Ҳужжатнинг ҳақиқийлигини тасдиқловчи QR-код 20___ йил «___» _______ Автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича ХУЛОСА _________________________________________________________________________________________ (бириктирилган йўловчи ташиш йўналиши) хизмат кўрсатаётган тадбиркорлик субъектлари автотранспорт воситасини ногиронлиги бўлган шахслар эҳтиёжига мослаштириш харажатларини Ижтимоий ҳимоя давлат жамғармаси ҳисобидан қоплаш учун Ижтимоий инспекциянинг Қорақалпоғистон Республикаси, вилоятлар ва Тошкент шаҳар бошқармалари томонидан _________________________________________________________________________ вакили (тадбиркорлик субъекти номи) _____________________________________________________________________________________нинг (биометрик паспорт ёки ID-карта маълумотлари (берилган ва амал қилиш санаси, ким томонидан берилган), яшаш жойи бўйича рўйхатдан ўтган манзили) 20___ йил «___»_____даги «____»-сон мурожаати ўрганиб чиқилди ва қуйидагилар аниқланди: _________________________________________________________ томонидан унга мулк ҳуқуқи асосида ________________ (тадбиркорлик субъекти номи) тегишли бўлган қуйидаги автотранспорт воситаларига ногиронлиги бўлган шахслар эҳтиёжига мослаштириш учун ўрнатилган жиҳозлар: 1. _________________________________________________________________________________ (автотранспорт воситасининг русуми, модели) Т/р Жиҳозлар номи Жиҳозларнинг ўрнатилганлиги (ишлаб чиқарувчи ёки тадбиркорлик субъекти) * 2. _________________________________________________________________________________ (автотранспорт воситасининг русуми, модели) Т/р Жиҳозлар номи Жиҳозларнинг ўрнатилганлиги (ишлаб чиқарувчи ёки тадбиркорлик субъекти) * ХУЛОСА: ___________________________________________ томонидан унга мулк ҳуқуқи асосида тегишли __________________ (тадбиркорлик субъекти номи) бўлган қуйидаги автотранспорт воситалари ногиронлиги бўлган шахслар эҳтиёжига мослаштириш учун жиҳозланган /жиҳозланмаган. _________________ ____________ _________________ ( масъул ходим лавозими) (имзо) (исми ва фамилияси)

Автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича давлат хизматини кўрсатишнинг маъмурий регламентига 4-ИЛОВА

НАМУНА Ўзбекистон Республикаси Президенти ҳузуридаги Ижтимоий ҳимоя миллий агентлигининг Ижтимоий ҳимоя давлат жамғармаси директорига А втот ранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича ТАЛАБНОМА _______________даги ___________-сон билан рўйхатдан ўтган тадбиркорлик субъектлари ёки I гуруҳ ногиронлиги бўлган шахсларнинг автотранспорт воситасини ногиронлиги бўлган шахслар эҳтиёжларига мослаштириш учун қилинган ҳаракатларни қоплаш мақсадга мувофиқлигига кафолат беради. Иловалар: 1. Автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича хулосаси. 2. Автотранспорт воситасини жиҳозлаган тадбиркорлик субъектлари ёки I гуруҳ ногиронлиги бўлган шахслар тўғрисида маълумот. ___________________ _____________________ ___________________ (лавозими) (имзо) (Ф.И.О.) __________даги _____-сон хатга илова Автотранспорт воситаларига ногиронлиги бўлган шахслар эҳтиёжларига мослаштириш учун ўрнатилган жиҳозлар ТАСНИФИ Т/р Транспорт русуми Жиҳозлар номи Миқдори ва нархи Изоҳ 1. 2. ... Жами:

Вазирлар Маҳкамасининг 2025 йил 18 июндаги 377-сон қарорига 2-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартиришлар ва қўшимча

1. Вазирлар Маҳкамасининг 2021 йил 19 ноябрдаги 693-сон қарори билан тасдиқланган Кексалар ва ногиронлиги бўлган шахсларга санаторийларда даволаниш учун йўлланмалар бериш бўйича давлат хизматлари кўрсатишнинг маъмурий регламентига 3-илова қуйидаги таҳрирда баён этилсин:

«

».

2. Вазирлар Маҳкамасининг 2022 йил 22 февралдаги 86-сон қарори билан тасдиқланган Махсус электрон тизим орқали рухсат этиш хусусиятига эга айрим ҳужжатларни бериш тартиб-таомиллари тўғрисидаги ягона низомнинг 26-иловасида :

12-позициянинг учинчи устуни «II. Автомототранспорт воситасининг кузови ҳамда деталларини ўзгартириш:» бўлими қуйидаги мазмундаги ўн олтинчи ва ўн еттинчи хатбошилар билан тўлдирилсин:

«юк-йўловчи ташувчи автобусларни қонунчилик ҳужжатларида белгиланган тартибда ногиронлиги бўлган шахслар учун тўсиқсиз муҳитни таъминловчи ускуналар билан жиҳозлаш;

I гуруҳ ногиронлиги бўлган шахсларга тегишли автотранспорт воситаларини газ ва тормоз тизимини қўл бошқарувига ўтказиш ҳамда механик бошқарув тизимини автоматик бошқарувга ўтказиш»;

ўн олтинчи хатбоши ўн саккизинчи хатбоши деб ҳисоблансин.

3. Вазирлар Маҳкамасининг 2024 йил 27 декабрдаги 893-сон қарори билан тасдиқланган Кичик ҳажмли болалар уйлари тўғрисидаги низомда :

а) 1-банд қуйидаги таҳрирда баён этилсин:

«1. Мазкур Низом Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик)нинг Қорақалпоғистон Республикаси, вилоятлар ва Тошкент шаҳар бошқармалари ҳузурида ташкил этиладиган кичик ҳажмли болалар уйларининг мақоми, фаолиятини ташкил этиш, ғамхўрлик кўрсатиш ҳамда тарбиялаш хизматини кўрсатиш тартиб-таомилларини белгилайди»;

б) 2-бандда :

тўртинчи хатбоши қуйидаги таҳрирда баён этилсин:

«тарбияланувчилар — 18 ёшгача бўлган етим, ота-она қарамоғидан маҳрум бўлган, шу жумладан топиб олинган ёки қолдириб кетилган болалар»;

бешинчи хатбошидаги «ҳудудий бошқармалар» сўзлари «муассис» сўзи билан алмаштирилсин;

в) 6-банд қуйидаги таҳрирда баён этилсин:

«6. Кичик ҳажмли болалар уйлари юридик шахс мақомисиз муассиснинг буйруғи билан ташкил этилади.

Кичик ҳажмли болалар уйлари ташкил этиладиган бино-иншоотлар, уларни жиҳозлаш ва моддий-техника базаси бўйича минимал талаблар Агентлик томонидан белгиланади»;

г) 8-банд ўз кучини йўқотган деб ҳисоблансин;

д) 13-банддаги «Агентлик тизимидаги тарбия ва тиббий-ижтимоий муассасаларга» сўзлари «Меҳрибонлик уйига» сўзлари билан алмаштирилсин;

е) 20-банд қуйидаги таҳрирда баён этилсин:

«20. Ногиронлиги бўлган болаларнинг ижтимоий реабилитацияси учун зарур хизматлардан фойдаланишига шароит яратилади»;

ж) 25-банд қуйидаги таҳрирда баён этилсин:

«25. Озиқ-овқат маҳсулотларини ва бошқа товарларни ҳисобдан чиқариш тарбиячилар томонидан тақдим этилган чеклар ва далолатномалар асосида, кичик ҳажмли болалар уйи муассисининг доимий ишлайдиган комиссияси томонидан амалга оширилади»;

з) 26-банддаги «бўлган тарбия ва тиббий-ижтимоий муассаса раҳбари» сўзлари чиқариб ташлансин;

и) 27-банд «йўл кира ҳақи» сўзларидан кейин «, шунингдек, мактабгача таълим ташкилотларида тарбияланаётган тарбияланувчиларнинг йўл кира ҳақи» сўзлари билан тўлдирилсин;

к) 29-банд қуйидаги таҳрирда баён этилсин:

«29. Кичик ҳажмли болалар уйига бевосита раҳбарлик мазкур Низомга мувофиқ фаолият юритадиган менежер томонидан амалга оширилади.

Менежер кичик ҳажмли болалар уйининг муассиси томонидан лавозимга тайинланади ва лавозимидан озод этилади»;

л) 31 — 33-бандлар қуйидаги таҳрирда баён этилсин:

«31. Кичик ҳажмли болалар уйи ходимларининг сони ушбу Низомга иловада келтирилган намунавий штат бирликларига мувофиқ белгиланади.

32. Кичик ҳажмли болалар уйи ходимлари қонунчилик ҳужжатларида белгиланган тартибда меҳнат шартномаси асосида ишга жалб қилинади.

33. Кичик ҳажмли болалар уйи тарбиячилари муассис томонидан олий ёки ўрта махсус педагогик, шунингдек психологик ёки тиббий маълумотли, ижтимоий иш кўникмасига эга бўлган шахслар орасидан қонунчиликда белгиланган тартибда танлаб олинади.

Тарбиячилар Агентлик билан келишилган ҳолда муассис томонидан тасдиқланган лавозим йўриқномаларига мувофиқ фаолият олиб боради»;

м) 35-банд қуйидаги таҳрирда баён этилсин:

«35. Кичик ҳажмли болалар уйларига:

ҳар бир тарбияланувчининг озиқ-овқат харажатлари учун бир кунга 7 ёшгача бўлган болаларга базавий ҳисоблаш миқдорининг 6 фоизи миқдорида, 7 ёшдан катта бўлган болаларга базавий ҳисоблаш миқдорининг 10 фоизи миқдорида;

ҳар бир тарбияланувчига кийим-бош ва пойабзал харид қилиш учун йилда бир маротаба меҳнатга ҳақ тўлашнинг энг кам миқдорининг 3 баравари миқдорида;

ҳар бир тарбияланувчининг дори воситалари ва тиббиёт буюмлари, шахсий гигиена воситалари, канцелярия моллари ва бошқалар билан таъминлаш учун бир ойда базавий ҳисоблаш миқдорининг 50 фоизи миқдорида маблағ ажратилади»;

н) 38-банд қуйидаги таҳрирда баён этилсин:

«38. Истеъмол харажатлари учун (озиқ-овқат, гигиена воситалари ва бошқалар) харидлар болаларнинг овқатланишини ташкил этиш учун масъул бўлган тарбиячи номига очилган банк картаси орқали амалга оширилади»;

о) 39-банддаги «ҳудудий бошқармалар» сўзлари «муассис» сўзи билан алмаштирилсин;

п) 41-банднинг биринчи хатбошиси қуйидаги таҳрирда баён этилсин:

«41. Кичик ҳажмли болалар уйлари»;

р) 42-банднинг биринчи хатбошиси қуйидаги таҳрирда баён этилсин:

«42. Ушбу Низомнинг 35-бандида назарда тутилган маблағларни ҳисоблашда муассис тарбияланувчиларга олдинги ой мобайнида амалга оширилган ҳақиқий харажатни инобатга олган ҳолда кичик ҳажмли болалар уйнинг талабидан келиб чиқиб тўлаб берилади»;

с) 45-банддаги «унинг муассиси ҳисобланган тарбия ва тиббий-ижтимоий муассасанинг» сўзлари «муассиснинг» сўзи билан алмаштирилсин;

т) 47-банднинг иккинчи хатбошидаги «ва тегишли ҳудудий бошқарма» сўзлари чиқариб ташлансин;

у) 53-банддаги «ваколатли орган» сўзлари «муассис» сўзи билан алмаштирилсин;

ф) 54-банддаги «кичик ҳажмли болалар уйи жойлашган жойидаги ҳудудий бошқарма» сўзлари «муассис» сўзи билан алмаштирилсин;

х) қуйидаги мазмундаги илова билан тўлдирилсин:

«Кичик ҳажмли болалар уйлари тўғрисидаги низомга ИЛОВА

Кичик ҳажмли болалар уйининг

Т/р Лавозим номи Штат бирлиги сони Меҳнатга ҳақ тўлаш шартлари Менежер 0.5 «Инсон» ижтимоий хизматлар марказининг бош мутахассиси учун белгиланган меҳнатга ҳақ тўлаш шартлари татбиқ этилади Тарбиячи 3 Меҳрибонлик уйи тарбиячиси учун белгиланган меҳнатга ҳақ тўлаш шартлари татбиқ этилади Тарбиячи ёрдамчиси 4 «Мурувват» ногиронлиги бўлган болалар интернат уйларининг санитарка энагалари учун белгиланган меҳнатга ҳақ тўлаш шартлари татбиқ этилади

4. Вазирлар Маҳкамасининг «Ногиронлиги бўлган болалар учун кундузги парвариш хизматини ташкил этиш чора-тадбирлари тўғрисида» 2025 йил 27 февралдаги 126-сон қарорида :

а) 6-банд «(кейинги ўринларда — Марказ)» сўзларидан кейин «, 2025 йил 20 июндан бошлаб Агентликнинг Тошкент шаҳар бошқармаси ҳузурида юридик шахс мақомисиз Шайхонтоҳур туман Ҳудудий ижтимоий хизматлар маркази» сўзлари билан тўлдирилсин;

Ўзбекистон Республикасининг Бош вазири А. АРИПОВ

Тошкент ш.,

2025 йил 18 июнь,

377 -сон

(Қонунчилик маълумотлари миллий базаси, 19.06.2025 й., 09/25/377/0522-сон; 14.07.2025 й., 09/25/440/0656-сон; 06.01.2026 й., 09/26/840/0012-сон; 06.05.2026 й., 09/26/224/0457-сон)

lex.uz

Oʻzbekiston Respublikasi Vazirlar Mahkamasining

qarori

MAʼMURIY REGLAMENTI

SXEMASI

namunaviy shtat BIRLIKLARI

Avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha davlat xizmatini koʻrsatishning maʼmuriy reglamentini tasdiqlash toʻgʻrisida

Oʻzbekiston Respublikasi Prezidentining “Nogironligi boʻlgan shaxslarga qulay va toʻsiqlarsiz muhit yaratish boʻyicha qoʻshimcha chora-tadbirlar toʻgʻrisida” 2024-yil 18-iyuldagi PQ-266-son qarori ijrosini taʼminlash, shuningdek, nogironligi boʻlgan shaxslarning transport vositalaridan mustaqil va toʻsiqsiz foydalanishi hamda jamoat transportida erkin harakatlanishini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Nogironligi boʻlgan shaxslarga qulay va toʻsiqlarsiz muhit yaratish boʻyicha qoʻshimcha chora-tadbirlar toʻgʻrisida” 2024-yil 18-iyuldagi PQ-266-son qaroriga muvofiq I guruh nogironligi boʻlgan shaxslarning shaxsiy avtotransport vositalarini moslashtirish xarajatlarining 50 foizi (bazaviy hisoblash miqdorining 30 baravarigacha boʻlgan miqdorda) Ijtimoiy himoya milliy agentligi huzuridagi Ijtimoiy himoya davlat jamgʻarmasi mablagʻlari hisobidan qoplab berilishi belgilanganligi maʼlumot uchun qabul qilinsin.

2. Quyidagilarni nazarda tutuvchi Avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha davlat xizmatini koʻrsatishning maʼmuriy reglamenti 1-ilovaga muvofiq tasdiqlansin:

shahar, shahar atrofi, shaharlararo (Qoraqalpogʻiston Respublikasi va viloyatlar ichida hamda Qoraqalpogʻiston Respublikasi, Toshkent shahar va viloyatlararo) avtobusda yoʻlovchi tashish yoʻnalishlarida xizmat koʻrsatayotgan tadbirkorlik subyektlarining (keyingi oʻrinlarda — tadbirkorlik subyektlari) avtobuslari va I guruh nogironligi boʻlgan shaxslarning shaxsiy avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha murojaatlarni qabul qilish va koʻrib chiqish;

avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash;

avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha maʼmuriy tartib-taomillarning amalga oshirilishini nazorat qilish.

3. Belgilansinki:

tadbirkorlik subyektlari avtobuslari va I guruh nogironligi boʻlgan shaxslarning shaxsiy avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha murojaatlar “Inson” ijtimoiy xizmatlar markazlari va “Yagona milliy ijtimoiy himoya” axborot tizimi (keyingi oʻrinlarda — “Ijtimoiy himoya” AT) hamda Yagona interaktiv davlat xizmatlari portali (keyingi oʻrinlarda — YIDXP) orqali qabul qilinadi;

avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha murojaatlar Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Ijtimoiy himoya milliy agentligi) huzuridagi Ijtimoiy inspeksiyaning Qoraqalpogʻiston Respublikasi, viloyatlar va Toshkent shahar boshqarmalari tomonidan oʻn ish kuni ichida koʻrib chiqiladi;

avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash Ijtimoiy himoya milliy agentligining Ijtimoiy himoya davlat jamgʻarmasi tomonidan tadbirkorlik subyektlarining bank hisobvaraqlariga hamda I guruh nogironligi boʻlgan shaxslarning nomiga ochilgan bank kartalariga pul oʻtkazish yoʻli orqali amalga oshiriladi.

4. Ijtimoiy himoya milliy agentligi:

a) Adliya vazirligi va Raqamli texnologiyalar vazirligi bilan birgalikda 2025-yil 1-avgustga qadar:

davlat xizmatini koʻrsatish “Ijtimoiy himoya” AT hamda YIDXP orqali joriy etilishini taʼminlasin;

“Ijtimoiy himoya” AT va YIDXPda davlat xizmati koʻrsatilishining har bir bosqichida murojaatlar koʻrib chiqilishini kuzatib borish tartibini joriy etsin;

b) ikki oy muddatda “Ijtimoiy himoya” ATda transport vositalarini nogironligi boʻlgan shaxslar ehtiyojlariga moslashtirish xarajatlari qoplangan tadbirkorlik subyektlari va I guruh nogironligi boʻlgan shaxslar reyestri yuritilishini yoʻlga qoʻysin;

v) Adliya vazirligi bilan birgalikda davlat organlari va boshqa tashkilotlar tomonidan davlat xizmatlari koʻrsatilishining belgilangan tartibi bajarilishi yuzasidan tegishliligi boʻyicha “Ijtimoiy himoya” AT hamda YIDXP orqali doimiy nazorat oʻrnatsin;

g) 2025-yil 1-oktabrga qadar jamoat transport vositalarida nogironligi boʻlgan shaxslar ehtiyojlariga moslashtirilganligi yuzasidan jamoatchilik nazoratini oʻrnatish imkoniyatini beruvchi mobil ilovani ishga tushirsin.

5. Transport vazirligi yoʻlovchi tashish yoʻnalishlaridagi avtobus haydovchilari tomonidan nogironligi boʻlgan shaxslar uchun moʻljallangan jihozlar va imtiyozlardan doimiy foydalanilishi taʼminlanishini nazorat qilib borsin.

6. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirishlar va qoʻshimcha kiritilsin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Vazirlar Mahkamasining 2025-yil 18-iyundagi 377-son qaroriga 1-ILOVA

Avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha davlat xizmatini koʻrsatishning

1-bob. Umumiy qoidalar

1. Ushbu maʼmuriy reglament (keyingi oʻrinlarda — Reglament) shahar, shahar atrofi, shaharlararo (Qoraqalpogʻiston Respublikasi va viloyatlar ichida hamda Qoraqalpogʻiston Respublikasi, Toshkent shahar va viloyatlararo) avtobusda yoʻlovchi tashish yoʻnalishlarida xizmat koʻrsatayotgan tadbirkorlik subyektlari (keyingi oʻrinlarda — tadbirkorlik subyektlari) hamda I guruh nogironligi boʻlgan shaxslarning shaxsiy avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha davlat xizmati (keyingi oʻrinlarda — davlat xizmati)ni koʻrsatish tartibini belgilaydi.

2. Ushbu Reglamentda quyidagi asosiy tushunchalardan foydalaniladi:

avtotransport vositalari — tadbirkorlik subyektlarining avtobuslari hamda I guruh nogironligi boʻlgan shaxslarning avtotransport vositalar tasnifi (klassifikatsiyasi)ning M1 toifasiga kiruvchi shaxsiy transport vositalari;

ariza beruvchi — tadbirkorlik subyektlari hamda I guruh nogironligi boʻlgan shaxslar;

vakolatli organ — Oʻzbekiston Respublikasi Prezidenti huzuridagi Ijtimoiy himoya milliy agentligi huzuridagi Ijtimoiy inspeksiyaning Qoraqalpogʻiston Respublikasi, viloyatlar va Toshkent shahar boshqarmalari;

jamgʻarma — Oʻzbekiston Respublikasi Prezidenti huzuridagi Ijtimoiy himoya milliy agentligining Ijtimoiy himoya davlat jamgʻarmasi;

hududiy boshqarma — Oʻzbekiston Respublikasi Prezidenti huzuridagi Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmalari.

3. Mazkur Reglamentga muvofiq avtotransport vositalarini nogironligi boʻlgan shaxslar ehtiyojlariga moslashtirish xarajatlarining 50 foizini, biroq bazaviy hisoblash miqdorining 30 baravarigacha boʻlgan qismini Jamgʻarma mablagʻlari hisobidan qoplash:

2024-yil 1-oktabrga qadar shahar, shahar atrofi, shaharlararo (Qoraqalpogʻiston Respublikasi va viloyatlar ichida hamda Qoraqalpogʻiston Respublikasi, Toshkent shahar va viloyatlararo) avtobusda yoʻlovchi tashish yoʻnalishlarini biriktirish boʻyicha tenderda gʻolib boʻlib, ushbu yoʻnalishlarda xizmat koʻrsatayotgan (yoʻlovchi tashish xizmatlarini koʻrsatish shartnomasining amal qilish muddati tugashiga 90 kundan kam boʻlmagan) tadbirkorlik subyektlarining har bir avtobusi uchun;

2024-yil 1-oktabrdan boshlab I guruh nogironligi boʻlgan shaxslarning oʻz nomiga rasmiylashtirilgan va shaxsiy foydalanuvida boʻlgan bitta avtotransport vositasi uchun amalga oshiriladi.

4. Avtotransport vositalarini quyidagilar bilan jihozlash uni nogironligi boʻlgan shaxslar ehtiyojlariga moslashtirish deb eʼtirof etiladi:

a) tadbirkorlik subyektlarining avtobuslari uchun:

yigʻma pandus (bir dona);

audio va vizual axborot beruvchi monitor (bir dona);

axborot beruvchi kolonka (koʻpi bilan uchta);

maʼlumotlarni uzatuvchi mikrofon (bir dona);

aloqa tugmasi;

bekatlar haqida axborot olish imkonini beruvchi maʼlumotlar taxtasi bilan jihozlash (bir dona);

b) I guruh nogironligi boʻlgan shaxslarning shaxsiy avtotransport vositalari uchun:

gaz va tormoz pedalini qoʻl boshqaruviga oʻtkazish;

mexanik uzatish qutisini avtomat uzatish qutisi qilib qayta jihozlash xarajatlari.

5. Davlat xizmati 1-ilovaga muvofiq sxema asosida bepul koʻrsatiladi.

2-bob. Davlat xizmatini koʻrsatish tartibi

6. Davlat xizmatidan foydalanish uchun ariza beruvchilar tegishli avtotransport vositasi nogironligi boʻlgan shaxslar ehtiyojlariga moslashtirilgan vaqtdan eʼtiboran 90 kun ichida “Inson” ijtimoiy xizmatlar markazlariga (keyingi oʻrinlarda — “Inson” markazi) bevosita borgan holda yoki “Yagona” milliy ijtimoiy himoya” axborot tizimi (keyingi oʻrinlarda — “Ijtimoiy himoya” AT) yoxud Yagona interaktiv davlat xizmatlari portali (keyingi oʻrinlarda — YIDXP) orqali elektron tarzda murojaat qiladi.

Bunda murojaat qilingandan keyingi bosqichlardagi barcha harakatlar “Ijtimoiy himoya” AT orqali amalga oshiriladi.

7. Ariza beruvchilar “Inson” markazlariga bevosita borgan holda murojaat qilganda, “Inson” markazlari xodimi ularning nomidan, “Ijtimoiy himoya” AT yoki YIDXP orqali murojaat qilganda esa mazkur Reglamentga 2-ilovaga muvofiq soʻrovnoma mustaqil ravishda elektron tarzda toʻldiriladi.

Elektron tarzda toʻldirilgan soʻrovnoma ariza beruvchilar tomonidan imzoni identifikatsiya qilishning zamonaviy vositalari bilan (elektron raqamli imzo, daktiloskopiya, Mobile-ID va boshqalar) tasdiqlanadi.

8. Soʻrovnomaga quyidagi maʼlumotlar kiritiladi va hujjatlar PDF formatida ilova qilinadi:

a) tadbirkorlik subyektlari tomonidan:

tadbirkorlik subyekti maʼlumotlari (STIR, xizmat koʻrsatuvchi bank rekvizitlari, manzili, telefon raqami, elektron pochta manzili hamda Qoraqalpogʻiston Respublikasi, viloyatlararo, shahar atrofi, shaharlararo avtobusda yoʻlovchi tashish yoʻnalishi boʻyicha tuzilgan shartnoma nusxasi);

avtotransport vositasi mulk huquqi asosida tegishli ekanligini tasdiqlovchi yoki avtobusda yoʻlovchi tashish yoʻnalishlarini biriktirish boʻyicha tenderda gʻolib boʻlgunga qadar tuzilgan avtotransport vositasining ijara shartnomasi;

avtotransport vositasini qayta jihozlash uchun ruxsatnoma;

avtotransport vositasini qayta jihozlash faoliyatini amalga oshiruvchi tadbirkorlik subyekti bilan tuzilgan shartnoma va unga muvofiq koʻrsatilgan xizmat uchun toʻlov amalga oshirilganligini tasdiqlovchi onlayn nazorat kassa texnikasi cheki yoki qonunchilik hujjatlarida belgilangan tartibda rasmiylashtirilgan hisob-faktura nusxalari va rekvizitlari hamda xizmat koʻrsatuvchi bank rekvizitlari;

har bir avtotransport vositasida oʻrnatilgan mazkur Reglamentning 4-bandida nazarda tutilgan jihozlar nomi va ularni oʻrnatish xarajatining umumiy summasi.

Mazkur kichik bandning beshinchi xatboshisida nazarda tutilgan onlayn nazorat kassa texnikasi cheki yoki hisob-faktura nusxalarida avtotransport vositasida oʻrnatilgan mazkur Reglamentning 4-bandida nazarda tutilgan jihozlar nomi, soni va ularni oʻrnatish xarajatlari toʻgʻrisidagi maʼlumotlar koʻrsatilishi talab etiladi;

b) I guruh nogironligi boʻlgan shaxslar tomonidan:

maxsus uskunalar bilan qayta jihozlangan avtotransport vositasini (faqat qoʻl bilan boshqariladigan va avtomat uzatkichli yengil transport vositalari) boshqarish layoqati toʻgʻrisidagi tibbiy xulosa;

avtotransport vositasini qayta jihozlash uchun ruxsatnoma;

avtotransport vositasini qayta jihozlash faoliyatini amalga oshiruvchi tadbirkorlik subyekti bilan tuzilgan shartnoma va unga muvofiq koʻrsatilgan xizmat uchun toʻlov amalga oshirilganligini tasdiqlovchi onlayn nazorat kassa texnikasi cheki yoki qonunchilik hujjatlarida belgilangan tartibda rasmiylashtirilgan hisob-faktura nusxalari va rekvizitlari;

bank kartasi yoki xizmat koʻrsatuvchi bank hisobvaragʻi va uning rekvizitlari toʻgʻrisida maʼlumot.

Murojaat ariza beruvchilarning vakillari orqali berilganida qonunchilik hujjatlarida belgilangan tartibda rasmiylashtirilgan ularning vakolatlarini tasdiqlovchi ishonchnoma ilova qilinadi.

9. Mazkur Reglamentning 8-bandida nazarda tutilgan hujjat va maʼlumotlarning haqqoniyligi “Ijtimoiy himoya” AT tomonidan avtomatik ravishda idoralararo axborot almashinuvi yordamida tekshiriladi.

10. Ariza beruvchilarning avtotransport vositasining roʻyxatdan oʻtkazilganligi haqidagi guvohnoma, avtomobil transportida yoʻlovchilarni tashish faoliyati uchun litsenziya hamda ariza beruvchi — I guruh nogironligi boʻlgan shaxsning I guruh nogironligi boʻlgan shaxs toifasiga kirishi va haydovchilik guvohnomasi haqidagi maʼlumotlar vakolatli organ tomonidan “Raqamli hukumat” tizimining idoralararo integratsiyalashuv platformasi orqali mustaqil ravishda olinadi.

11. Ushbu Reglamentning 9 va 10-bandlariga muvofiq oʻtkazilgan tekshirishda quyidagilar aniqlangan taqdirda, murojaatni koʻrib chiqish rad etiladi hamda ariza beruvchiga uning arizasida koʻrsatilgan telefon raqamiga “Ijtimoiy himoya” AT orqali SMS-xabarnoma yoki YIDXP orqali ariza beruvchining shaxsiy kabinetiga xabar yuboriladi:

ariza beruvchi I guruh nogironligi boʻlgan shaxs toifasiga kirmasligi aniqlanganda;

avtotransport vositasi(lari) murojaat qilgan tadbirkorlik subyektiga mulk huquqi va ijara huquqi asosida yoki I guruh nogironligi boʻlgan shaxsga mulk huquqi asosida tegishli boʻlmaganida;

avtotransport vositasi nogironligi boʻlgan shaxslar ehtiyojlariga moslashtirilgan vaqtdan eʼtiboran 90 kundan soʻng murojaat qilinganda;

I guruh nogironligi boʻlgan shaxsning avtotransport vositasining toifasi M1 toifasiga toʻgʻri kelmaganda;

onlayn nazorat kassa texnikasi cheki yoki hisob-faktura toʻgʻrisidagi maʼlumotlar Soliq qoʻmitasining axborot tizimida aniqlanmaganda;

avtotransport vositasining moslashtirish xarajatlari bundan oldin Jamgʻarma mablagʻlari hisobidan qoplanganligi aniqlanganda.

12. “Inson” markazlari mazkur Reglamentga 2-ilovaga muvofiq soʻrovnomaning toʻgʻri toʻldirilganligi va hujjatlarning toʻliq topshirilganligini koʻrib chiqadi.

“Inson” markazlari tomonidan ariza beruvchilarning murojaati kelib tushgandan soʻng uch ish kuni ichida mazkur Reglamentning 8-bandiga muvofiq murojaatga ilova qilinishi belgilangan hujjatlar ilova qilinmaganligi yoki soʻrovnoma belgilangan tartibda toʻldirilmaganligi aniqlangan taqdirda, mazkur kamchiliklarni bartaraf etish uchun oʻn kun muddat beriladi va bu toʻgʻrisida ariza beruvchilarga “Ijtimoiy himoya” AT orqali SMS-xabarnoma yuboriladi.

Mazkur bandning ikkinchi xatboshisida nazarda tutilgan muddatda murojaat boʻyicha kamchiliklar bartaraf etilmagan taqdirda, mazkur murojaatni koʻrib chiqish rad etiladi hamda bu toʻgʻrisida ariza beruvchiga javob xati yuboriladi.

13. “Inson” markazlari tomonidan ariza beruvchilarning murojaatini koʻrib chiqishda mazkur Reglamentning 12-bandida nazarda tutilgan kamchiliklar aniqlanmagan taqdirda, ariza beruvchining murojaatida koʻrsatilgan avtotransport vositasi haqiqatda nogironligi boʻlgan shaxslar ehtiyojlariga moslashtirilganligi boʻyicha xulosa rasmiylashtirish uchun vakolatli organga “Ijtimoiy himoya” AT orqali yuboriladi.

14. Vakolatli organ tomonidan “Ijtimoiy himoya” AT orqali kelib tushgan murojaat tegishli murojaatlarning navbat tartib raqamiga muvofiq ular yuborilgan sanadan eʼtiboran oʻn ish kuni ichida koʻrib chiqiladi.

Bunda vakolatli organ tomonidan murojaat ariza beruvchi bilan kelishilgan holda avtotransport vositalarining mazkur Reglamentning 4-bandiga muvofiq nogironligi boʻlgan shaxslar ehtiyojlari uchun moslashtirilganligi joyiga chiqib oʻrganiladi.

15. Vakolatli organ tomonidan ariza beruvchining murojaatini koʻrib chiqish yakuni boʻyicha uning avtotransport vositasi nogironligi boʻlgan shaxslar ehtiyojlari uchun moslashtirilganligi yuzasidan mazkur Reglamentga 3-ilovaga muvofiq shaklda xulosa rasmiylashtiriladi.

Bunda murojaatni oʻrganish jarayonida murojaatda koʻrsatilgan tadbirkorlik subyektlari bilan tuzilgan yoʻlovchi tashish xizmatlarini koʻrsatish boʻyicha shartnomaning amal qilish muddati tugashiga 90 kundan kam vaqt qolganligi va (yoki) mazkur Reglamentga 8-bandning “a” kichik bandida nazarda tutilgan ijara shartnomasi avtobusda yoʻlovchi tashish yoʻnalishlarini biriktirish boʻyicha tender oʻtkazilganidan soʻng tuzilganligi aniqlangan taqdirda, mazkur Reglamentga muvofiq davlat xizmatini koʻrsatish tegishli xulosa rasmiylashtirilmagan holda rad etiladi.

16. Quyidagi hollarda avtotransport vositasi nogironligi boʻlgan shaxslar ehtiyojlari uchun moslashtirilmaganligi haqida mazkur Reglamentga 3-ilovaga muvofiq shaklda xulosa rasmiylashtiriladi:

avtotransport vositasi mazkur Reglamentning 4-bandida belgilangan talablar asosida jihozlanmaganda;

avtotransport vositalari ishlab chiqaruvchi tomonidan mazkur Reglamentning 4-bandida nazarda tutilgan texnik vositalar bilan jihozlangan boʻlsa.

17. Vakolatli organ tomonidan ariza beruvchining murojaatini koʻrib chiqish natijasi boʻyicha avtotransport vositasi nogironligi boʻlgan shaxslar ehtiyojlari uchun moslashtirilganligi yoki moslashtirilmaganligi haqida mazkur Reglamentga 3-ilovaga muvofiq shaklda rasmiylashtirilgan xulosa “Ijtimoiy himoya” AT orqali “Inson” markazlariga yoʻnaltiriladi. Bunda “Inson” markazlari tomonidan:

xulosada mazkur Reglamentning 16-bandida nazarda tutilgan holatlar aniqlanganligi qayd etilgan taqdirda, “Ijtimoiy himoya” AT orqali ariza beruvchiga davlat xizmatini koʻrsatish rad etilganligi toʻgʻrisida asoslantirilgan SMS-xabarnoma hamda “Ijtimoiy himoya” AT yoki YIDXP orqali ariza beruvchining shaxsiy kabinetiga xabar yuboriladi;

xulosada mazkur Reglamentning 16-bandida nazarda tutilgan holatlar aniqlanmaganligi qayd etilgan taqdirda, xulosa, murojaat va unga ilova qilingan hujjatlar “Ijtimoiy himoya” AT orqali ariza beruvchiga avtotransport vositasini nogironligi boʻlgan shaxslar ehtiyojlariga moslashtirish xarajatlarini qoplash masalasini kelishish uchun hududiy boshqarmalarga yuboriladi.

18. Hududiy boshqarmalar tomonidan “Ijtimoiy himoya” AT orqali yuborilgan hujjatlar uch ish kuni ichida koʻrib chiqiladi va kelishiladi.

Hududiy boshqarmalar tomonidan “Ijtimoiy himoya” AT orqali yuborilgan hujjatlarni koʻrib chiqishda mazkur Reglamentning 15 va 16-bandlarida nazarda tutilgan holatlar aniqlanmagan taqdirda, ariza beruvchining avtotransport vositasini nogironligi boʻlgan shaxslar ehtiyojlariga moslashtirish xarajatlarini qoplash toʻgʻrisida mazkur Reglamentga 4-ilovaga muvofiq talabnoma shakllantiriladi va xulosa bilan birga “Ijtimoiy himoya” AT orqali Jamgʻarmaga yuboriladi.

3-bob. Avtotransport vositalarining moslashtirish xarajatlarini qoplash

19. Ariza beruvchilar tomonidan ilova qilingan onlayn nazorat kassa texnikasi cheki yoki hisob-fakturada koʻrsatilgan avtotransport vositasini nogironligi boʻlgan shaxslar ehtiyojlariga moslashtirish xarajatlari miqdori “Ijtimoiy himoya” AT orqali Soliq qoʻmitasining axborot tizimidan olingan maʼlumotlar bilan solishtiriladi.

Avtotransport vositasini nogironligi boʻlgan shaxslar ehtiyojlariga moslashtirish xarajatlarining qoplanadigan qismi mazkur Reglamentning 3-bandida belgilangan talablar asosida “Ijtimoiy himoya” ATda avtomatik ravishda hisob-kitob qilinadi.

20. Jamgʻarma mazkur Reglamentning 18-bandida nazarda tutilgan talabnoma kelib tushgandan boshlab besh ish kuni ichida talabnoma va unga ilova qilingan xulosa asosida talabnomada koʻrsatilgan tadbirkorlik subyekti yoki I guruh nogironligi boʻlgan shaxsning avtotransport vositasini nogironligi boʻlgan shaxslar ehtiyojlariga moslashtirish xarajatlarining qoplanadigan qismini belgilangan tartibda moliyalashtiradi.

21. Jamgʻarma mablagʻlari hisobidan avtotransport vositasini nogironligi boʻlgan shaxslar ehtiyojlariga moslashtirish xarajatlarini qoplash tadbirkorlik subyektlarining bank hisobvaraqlariga yoki I guruh nogironligi boʻlgan shaxslarning nomiga ochilgan bank kartalariga pul oʻtkazish yoʻli bilan amalga oshiriladi.

Bunda Jamgʻarma mablagʻlari hisobidan tadbirkorlik subyektlarining bank hisobvaraqlariga yoki I guruh nogironligi boʻlgan shaxslarning bank kartalariga pul oʻtkazishda Oʻzbekiston Respublikasi Prezidenti huzuridagi Ijtimoiy himoya milliy agentligi direktorining tegishli buyrugʻini qabul qilish talab etilmaydi.

22. Ariza beruvchilarning avtotransport vositasini nogironligi boʻlgan shaxslar ehtiyojlariga moslashtirish xarajatlarining tegishli qismi Jamgʻarmadan moliyalashtirilgandan soʻng, Jamgʻarma bir ish kuni ichida bu toʻgʻrisidagi maʼlumotlarni “Ijtimoiy himoya” ATga kiritadi.

23. Jamgʻarma tomonidan ariza beruvchilarning avtotransport vositasini nogironligi boʻlgan shaxslar ehtiyojlariga moslashtirish xarajatlarining tegishli qismini qoplash boʻyicha mablagʻlar oʻtkazilganidan soʻng bu toʻgʻrisida “Ijtimoiy himoya” AT orqali ariza beruvchilarga SMS-xabarnoma yoki YIDXP orqali ariza beruvchining shaxsiy kabinetiga xabar yuboriladi.

Bunda “Ijtimoiy himoya” AT orqali ariza beruvchilarga SMS-xabarnomalarni yuborish bilan bogʻliq xarajatlar Jamgʻarma mablagʻlari hisobidan qoplanadi.

4-bob. Yakunlovchi qoidalar

24. Jamgʻarma mablagʻlari hisobidan avtotransport vositasini nogironligi boʻlgan shaxslar ehtiyojlariga moslashtirish xarajatlarini qoplash toʻgʻrisida arizalarni oʻz vaqtida va belgilangan tartibda sifatli koʻrib chiqish uchun tegishlicha “Inson” markazi, vakolatli organ va hududiy boshqarma hamda Jamgʻarma rahbarlari shaxsan javobgar hisoblanadi.

25. Ariza beruvchilarning murojaatlarini qonunchilik hujjatlarida va mazkur Reglamentda belgilangan talablarga rioya etgan holda koʻrib chiqilishi ustidan nazorat Oʻzbekiston Respublikasi Prezidenti huzuridagi Ijtimoiy himoya milliy agentligi huzuridagi Ijtimoiy inspeksiya tomonidan amalga oshiriladi.

26. “Inson” markazlari, vakolatli organ, hududiy boshqarma va Jamgʻarmaning xodimlari davlat xizmatini koʻrsatishda jarayonida olingan shaxsga doir va boshqa maʼlumotlarning qonunchilik hujjatlarida belgilangan tartibda sir saqlanishini taʼminlaydi.

27. Ariza beruvchilar Jamgʻarma va vakolatli organ xodimlarining xatti-harakatlari ustidan qonunchilik hujjatlarida belgilangan tartibda shikoyat qilishlari mumkin.

28. Mazkur Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha davlat xizmatini koʻrsatishning maʼmuriy reglamentiga 1-ILOVA

Avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash

Bosqichlar Subyektlar Amalga oshirish mexanizmi Muddatlar 1-bosqich Ariza beruvchi (tadbirkorlik subyektlari va I guruh nogironligi boʻlgan shaxslar) Avtotransport vositasini nogironligi boʻlgan shaxslar ehtiyojlariga moslashtirish xarajatlarini qoplash boʻyicha davlat xizmatidan foydalanish uchun “Inson” ijtimoiy xizmatlari markazi (keyingi oʻrinlarda — “Inson” markazi)ga bevosita borgan holda yoxud “Yagona” milliy ijtimoiy himoya” axborot tizimi (keyingi oʻrinlarda — “Ijtimoiy himoya” AT) hamda Yagona interaktiv davlat xizmatlari portali (keyingi oʻrinlarda — YIDXP) orqali elektron murojaat qiladi. Oʻz xohishiga koʻra 2-bosqich “Inson” markazi 1. “Inson” markazlari tomonidan ariza beruvchilarning murojaati kelib tushgandan soʻng Reglamentning 8-bandiga muvofiq murojaatga ilova qilinishi belgilangan hujjatlar ilova qilinganligi hamda soʻrovnoma belgilangan tartibda toʻldirilganligini oʻrganadi. 2. Murojaatga ilova qilinishi belgilangan hujjatlar ilova qilinmaganligi yoki soʻrovnoma belgilangan tartibda toʻldirilmaganligi aniqlaganda mazkur kamchiliklarni bartaraf etish uchun oʻn kun muddat beriladi va bu toʻgʻrisida ariza beruvchi xabardor qilinadi. 3. Ariza beruvchi tomonidan hujjatlaridagi kamchiliklar bartaraf etilmaganda yoki bartaraf etib boʻlmaydigan kamchiliklar aniqlanganda, arizani koʻrib chiqish rad etiladi va bu haqida ariza beruvchi xabardor qilinadi. 4. “Inson” markazi xodimi kerakli hujjatlarni barchasini qabul qilgandan soʻng, ariza beruvchining murojaatida koʻrsatilgan avtotransport vositasi haqiqatda nogironligi boʻlgan shaxslar ehtiyojlariga moslashtirilganligini oʻrganish uchun Ijtimoiy inspeksiyaning Qoraqalpogʻiston Respublikasi, viloyatlar va Toshkent shahar boshqarmalariga yuboradi. Uch ish kuni ichida “Ijtimoiy himoya” AT, YIDXP Toʻldirilgan elektron soʻrovnoma avtomatik tarzda “Inson” markaziga yuboriladi. Real vaqt rejimida 3-bosqich Ijtimoiy inspeksiyaning Qoraqalpogʻiston Respublikasi, viloyatlar va Toshkent shahar boshqarmalari 1. Avtotransport vositasining nogironligi boʻlgan shaxslar ehtiyojiga moslashtirilganligini joyiga chiqqan holda oʻrganadi. 2. Oʻrganish yakuni boʻyicha avtotransport vositasini nogironligi boʻlgan shaxslar ehtiyojiga moslashtirilganligi boʻyicha xulosa shakllantiradi. Oʻn ish kuni ichida 4-bosqich Ijtimoiy himoya milliy agentligi Qoraqalpogʻiston Respublikasi, viloyatlar va Toshkent shahar boshqarmalari 1. Avtotransport vositasini nogironligi boʻlgan shaxslar ehtiyojiga moslashtirilganligi xarajatlarini qoplash yoki qoplab berishni rad etish haqida “Inson” markazi yoki ariza beruvchiga “Ijtimoiy himoya” AT yoxud YIDXP orqali ariza beruvchi xabardor qiladi. 2. Avtotransport vositasini nogironligi boʻlgan shaxslar ehtiyojiga moslashtirish xarajatlarini qoplash boʻyicha xulosa shakllantirilganida, tegishli xarajatlarni moliyalashtirish uchun talabnomani shakllantirib, Ijtimoiy himoya davlat jamgʻarmasiga yuboradi. Uch ish kuni ichida 5-bosqich Ijtimoiy himoya davlat jamgʻarmasi Talabnoma kelib tushgandan soʻng tegishli mablagʻlarni ariza beruvchiga belgilangan tartibda oʻtkazib beradi. Besh ish kuni ichida

Avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha davlat xizmatini koʻrsatishning maʼmuriy reglamentiga 2-ILOVA

Avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha davlat xizmatidan foydalanish uchun SOʻROVNOMA I. Ariza beruvchi — jismoniy shaxs toʻgʻrisida maʼlumot: 1. Familiyasi: 2. Ismi: 3. Otasining ismi: 4. Jismoniy shaxsning shaxsiy identifikatsiya raqami (JSHSHIR): 5. Pasport/ID-karta seriyasi va raqami: 6. Nogironlik toʻgʻrisidagi maʼlumotnoma raqami va sanasi: 7. Haydovchilik guvohnomasi seriyasi va raqami: 8. Avtotransport vositasini qayta jihozlashni amalga oshirgan tadbirkorlik subyekti STIR (yuridik shaxs) yoki JSHSHIR: 9. Elektron manzili (mavjud boʻlsa): 10. Telefon raqami: 11. Bank plastik kartasi boʻyicha maʼlumot (karta raqami, amal qilish muddati, tranzit hisob raqami): 12. Xarajatning umumiy summasi: 13. Onlayn nazorat kassa texnikasi chekining: fiskal modul; fiskal belgi raqamlari. II. Ilova qilinadigan hujjatlar : notarial tasdiqlangan ishonchnoma (zaruratga koʻra); avtomototransport vositasi qayta jihozlanganligi boʻyicha koʻrsatilgan xizmat uchun berilgan kvitansiya (onlayn nazorat kassa texnikasi cheki); * avtomototransport vositasining roʻyxatdan oʻtkazilgani haqidagi guvohnoma maʼlumotlari “Raqamli hukumat” tizimining idoralararo integratsiyalashuv platformasi orqali mustaqil ravishda olinadi

Avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha davlat xizmatidan foydalanish uchun SOʻROVNOMA I. Ariza beruvchi — yuridik shaxs toʻgʻrisida maʼlumot: 1. Yuridik shaxs nomi: 2. Yuridik shaxs STIR: 3. Qoraqalpogʻiston Respublikasi, viloyatlararo, shahar atrofi, shaharlararo yoʻnalishlarida avtobusda yoʻlovchi tashish boʻyicha litsenziya raqami va berilgan sanasi: 4. Avtotransport vositasini qayta jihozlashni amalga oshirgan tadbirkorlik subyekti STIR (yuridik shaxs) yoki JSHSHIR: 5. Avtotransport vositasi roʻyxatdan oʻtkazilganligi haqidagi guvohnoma seriyasi, raqami va berilgan sanasi: 6. Elektron manzili (mavjud boʻlsa): 7. Telefon raqami: 8. Bank hisobraqami, bank MFO raqami va tranzit raqami: 9. Xarajatning umumiy summasi: 10. Hisob-fakturaning raqami, sanasi yoki onlayn nazorat kassa texnikasi chekining: fiskal modul; fiskal belgi raqamlari. 11. Avtobusda yoʻlovchi tashish yoʻnalishi boʻyicha xizmat koʻrsatish uchun tuzilgan shartnoma raqami va sanasi: II. Ilova qilinadigan hujjatlar : notarial tasdiqlangan ishonchnoma (yuridik shaxs rahbari uchun talab etilmaydi); avtobusda yoʻlovchi tashish yoʻnalishi boʻyicha xizmat koʻrsatish uchun tuzilgan shartnoma nusxasi; avtomototransport vositasini qayta jihozlash faoliyatini amalga oshiruvchi tadbirkorlik subyekti bilan tuzilgan shartnoma yoki avtomototransport vositasi qayta jihozlanganligi boʻyicha koʻrsatilgan xizmat uchun berilgan kvitansiya (onlayn nazorat kassa texnikasi cheki yoki hisob-faktura); * avtomototransport vositasining roʻyxatdan oʻtkazilgani haqidagi guvohnoma maʼlumotlari “Raqamli hukumat” tizimining idoralararo integratsiyalashuv platformasi orqali mustaqil ravishda olinadi

Avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha davlat xizmatini koʻrsatishning maʼmuriy reglamentiga 3-ILOVA

NAMUNA “TASDIQLAYMAN” Ijtimoiy inspeksiyaning _______________ boshqarmasi boshligʻi ___________________________________ (familiyasi, ismi va otasining ismi) Hujjatning haqiqiyligini tasdiqlovchi QR-kod 20___ yil “___” _______ Shaxsiy avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha XULOSA I guruh nogironligi boʻlgan shaxslarning shaxsiy avtotransport vositasini nogironligi boʻlgan shaxslar ehtiyojiga moslashtirish xarajatlarini Ijtimoiy himoya davlat jamgʻarmasi hisobidan qoplash uchun Ijtimoiy inspeksiyaning Qoraqalpogʻiston Respublikasi, viloyatlar va Toshkent shahar boshqarmalari tomonidan __________________________________________________________________ _______________________________________ (lavozimi, familiyasi, ismi va otasining ismi) I guruh nogironligi boʻlgan fuqaro __________________________________________________________ _____________________________________________________________________________________ ning (biometrik pasport yoki ID-karta maʼlumotlari (berilgan va amal qilish sanasi, kim tomonidan berilgan), yashash joyi boʻyicha roʻyxatdan oʻtgan manzili) 20___ yil “___”_____dagi “____”-son murojaati oʻrganib chiqildi va quyidagilar aniqlandi: Fuqaro ______________________________________________________ tomonidan oʻziga tegishli __________________________ (lavozimi, familiyasi, ismi va otasining ismi) boʻlgan ____________________________________________________________ avtotransport vositasiga ______________________ (avtotransport vositasining rusumi, modeli) uni nogironligi boʻlgan shaxslar ehtiyojlariga moslashtirish uchun oʻrnatilgan jihozlar: T/r Jihozlar nomi Jihozlarning oʻrnatilganligi (ishlab chiqaruvchi yoki tadbirkorlik subyekti) * XULOSA: I guruh nogironligi boʻlgan fuqaro ____________________________________________________ ___________________________________________________ (familiyasi, ismi va otasining ismi) tomonidan unga tegishli boʻlgan _____________ avtotransport vositasi jihozlangan /jihozlanmagan. ________________ ____________ _________________ ( masʼul xodim lavozimi) (imzo) (ismi va familiyasi)

“TASDIQLAYMAN” Ijtimoiy inspeksiyaning ________________ boshqarmasi boshligʻi ___________________________________ (familiyasi, ismi va otasining ismi) Hujjatning haqiqiyligini tasdiqlovchi QR-kod 20___ yil “___” _______ Avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha XULOSA _________________________________________________________________________________________ (biriktirilgan yoʻlovchi tashish yoʻnalishi) xizmat koʻrsatayotgan tadbirkorlik subyektlari avtotransport vositasini nogironligi boʻlgan shaxslar ehtiyojiga moslashtirish xarajatlarini Ijtimoiy himoya davlat jamgʻarmasi hisobidan qoplash uchun Ijtimoiy inspeksiyaning Qoraqalpogʻiston Respublikasi, viloyatlar va Toshkent shahar boshqarmalari tomonidan _________________________________________________________________________ vakili (tadbirkorlik subyekti nomi) _____________________________________________________________________________________ning (biometrik pasport yoki ID-karta maʼlumotlari (berilgan va amal qilish sanasi, kim tomonidan berilgan), yashash joyi boʻyicha roʻyxatdan oʻtgan manzili) 20___ yil “___”_____dagi “____”-son murojaati oʻrganib chiqildi va quyidagilar aniqlandi: _________________________________________________________ tomonidan unga mulk huquqi asosida ________________ (tadbirkorlik subyekti nomi) tegishli boʻlgan quyidagi avtotransport vositalariga nogironligi boʻlgan shaxslar ehtiyojiga moslashtirish uchun oʻrnatilgan jihozlar: 1. _________________________________________________________________________________ (avtotransport vositasining rusumi, modeli) T/r Jihozlar nomi Jihozlarning oʻrnatilganligi (ishlab chiqaruvchi yoki tadbirkorlik subyekti) * 2. _________________________________________________________________________________ (avtotransport vositasining rusumi, modeli) T/r Jihozlar nomi Jihozlarning oʻrnatilganligi (ishlab chiqaruvchi yoki tadbirkorlik subyekti) * XULOSA: ___________________________________________ tomonidan unga mulk huquqi asosida tegishli __________________ (tadbirkorlik subyekti nomi) boʻlgan quyidagi avtotransport vositalari nogironligi boʻlgan shaxslar ehtiyojiga moslashtirish uchun jihozlangan /jihozlanmagan. _________________ ____________ _________________ ( masʼul xodim lavozimi) (imzo) (ismi va familiyasi)

Avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha davlat xizmatini koʻrsatishning maʼmuriy reglamentiga 4-ILOVA

NAMUNA Oʻzbekiston Respublikasi Prezidenti huzuridagi Ijtimoiy himoya milliy agentligining Ijtimoiy himoya davlat jamgʻarmasi direktoriga A vtot ransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha TALABNOMA _______________dagi ___________-son bilan roʻyxatdan oʻtgan tadbirkorlik subyektlari yoki I guruh nogironligi boʻlgan shaxslarning avtotransport vositasini nogironligi boʻlgan shaxslar ehtiyojlariga moslashtirish uchun qilingan harakatlarni qoplash maqsadga muvofiqligiga kafolat beradi. Ilovalar: 1. Avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha xulosasi. 2. Avtotransport vositasini jihozlagan tadbirkorlik subyektlari yoki I guruh nogironligi boʻlgan shaxslar toʻgʻrisida maʼlumot. ___________________ _____________________ ___________________ (lavozimi) (imzo) (F.I.O.) __________dagi _____-son xatga ilova Avtotransport vositalariga nogironligi boʻlgan shaxslar ehtiyojlariga moslashtirish uchun oʻrnatilgan jihozlar TASNIFI T/r Transport rusumi Jihozlar nomi Miqdori va narxi Izoh 1. 2. ... Jami:

Vazirlar Mahkamasining 2025-yil 18-iyundagi 377-son qaroriga 2-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirishlar va qoʻshimcha

1. Vazirlar Mahkamasining 2021-yil 19-noyabrdagi 693-son qarori bilan tasdiqlangan Keksalar va nogironligi boʻlgan shaxslarga sanatoriylarda davolanish uchun yoʻllanmalar berish boʻyicha davlat xizmatlari koʻrsatishning maʼmuriy reglamentiga 3-ilova quyidagi tahrirda bayon etilsin:

“

”.

2. Vazirlar Mahkamasining 2022-yil 22-fevraldagi 86-son qarori bilan tasdiqlangan Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari toʻgʻrisidagi yagona nizomning 26-ilovasida :

12-pozitsiyaning uchinchi ustuni “II. Avtomototransport vositasining kuzovi hamda detallarini oʻzgartirish:” boʻlimi quyidagi mazmundagi oʻn oltinchi va oʻn yettinchi xatboshilar bilan toʻldirilsin:

“yuk-yoʻlovchi tashuvchi avtobuslarni qonunchilik hujjatlarida belgilangan tartibda nogironligi boʻlgan shaxslar uchun toʻsiqsiz muhitni taʼminlovchi uskunalar bilan jihozlash;

I guruh nogironligi boʻlgan shaxslarga tegishli avtotransport vositalarini gaz va tormoz tizimini qoʻl boshqaruviga oʻtkazish hamda mexanik boshqaruv tizimini avtomatik boshqaruvga oʻtkazish”;

oʻn oltinchi xatboshi oʻn sakkizinchi xatboshi deb hisoblansin.

3. Vazirlar Mahkamasining 2024-yil 27-dekabrdagi 893-son qarori bilan tasdiqlangan Kichik hajmli bolalar uylari toʻgʻrisidagi nizomda :

a) 1-band quyidagi tahrirda bayon etilsin:

“1. Mazkur Nizom Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik)ning Qoraqalpogʻiston Respublikasi, viloyatlar va Toshkent shahar boshqarmalari huzurida tashkil etiladigan kichik hajmli bolalar uylarining maqomi, faoliyatini tashkil etish, gʻamxoʻrlik koʻrsatish hamda tarbiyalash xizmatini koʻrsatish tartib-taomillarini belgilaydi”;

b) 2-bandda :

toʻrtinchi xatboshi quyidagi tahrirda bayon etilsin:

“tarbiyalanuvchilar — 18 yoshgacha boʻlgan yetim, ota-ona qaramogʻidan mahrum boʻlgan, shu jumladan topib olingan yoki qoldirib ketilgan bolalar”;

beshinchi xatboshidagi “hududiy boshqarmalar” soʻzlari “muassis” soʻzi bilan almashtirilsin;

v) 6-band quyidagi tahrirda bayon etilsin:

“6. Kichik hajmli bolalar uylari yuridik shaxs maqomisiz muassisning buyrugʻi bilan tashkil etiladi.

Kichik hajmli bolalar uylari tashkil etiladigan bino-inshootlar, ularni jihozlash va moddiy-texnika bazasi boʻyicha minimal talablar Agentlik tomonidan belgilanadi”;

g) 8-band oʻz kuchini yoʻqotgan deb hisoblansin;

d) 13-banddagi “Agentlik tizimidagi tarbiya va tibbiy-ijtimoiy muassasalarga” soʻzlari “Mehribonlik uyiga” soʻzlari bilan almashtirilsin;

e) 20-band quyidagi tahrirda bayon etilsin:

“20. Nogironligi boʻlgan bolalarning ijtimoiy reabilitatsiyasi uchun zarur xizmatlardan foydalanishiga sharoit yaratiladi”;

j) 25-band quyidagi tahrirda bayon etilsin:

“25. Oziq-ovqat mahsulotlarini va boshqa tovarlarni hisobdan chiqarish tarbiyachilar tomonidan taqdim etilgan cheklar va dalolatnomalar asosida, kichik hajmli bolalar uyi muassisining doimiy ishlaydigan komissiyasi tomonidan amalga oshiriladi”;

z) 26-banddagi “boʻlgan tarbiya va tibbiy-ijtimoiy muassasa rahbari” soʻzlari chiqarib tashlansin;

i) 27-band “yoʻl kira haqi” soʻzlaridan keyin “, shuningdek, maktabgacha taʼlim tashkilotlarida tarbiyalanayotgan tarbiyalanuvchilarning yoʻl kira haqi” soʻzlari bilan toʻldirilsin;

k) 29-band quyidagi tahrirda bayon etilsin:

“29. Kichik hajmli bolalar uyiga bevosita rahbarlik mazkur Nizomga muvofiq faoliyat yuritadigan menejer tomonidan amalga oshiriladi.

Menejer kichik hajmli bolalar uyining muassisi tomonidan lavozimga tayinlanadi va lavozimidan ozod etiladi”;

l) 31 — 33-bandlar quyidagi tahrirda bayon etilsin:

“31. Kichik hajmli bolalar uyi xodimlarining soni ushbu Nizomga ilovada keltirilgan namunaviy shtat birliklariga muvofiq belgilanadi.

32. Kichik hajmli bolalar uyi xodimlari qonunchilik hujjatlarida belgilangan tartibda mehnat shartnomasi asosida ishga jalb qilinadi.

33. Kichik hajmli bolalar uyi tarbiyachilari muassis tomonidan oliy yoki oʻrta maxsus pedagogik, shuningdek psixologik yoki tibbiy maʼlumotli, ijtimoiy ish koʻnikmasiga ega boʻlgan shaxslar orasidan qonunchilikda belgilangan tartibda tanlab olinadi.

Tarbiyachilar Agentlik bilan kelishilgan holda muassis tomonidan tasdiqlangan lavozim yoʻriqnomalariga muvofiq faoliyat olib boradi”;

m) 35-band quyidagi tahrirda bayon etilsin:

“35. Kichik hajmli bolalar uylariga:

har bir tarbiyalanuvchining oziq-ovqat xarajatlari uchun bir kunga 7 yoshgacha boʻlgan bolalarga bazaviy hisoblash miqdorining 6 foizi miqdorida, 7 yoshdan katta boʻlgan bolalarga bazaviy hisoblash miqdorining 10 foizi miqdorida;

har bir tarbiyalanuvchiga kiyim-bosh va poyabzal xarid qilish uchun yilda bir marotaba mehnatga haq toʻlashning eng kam miqdorining 3 baravari miqdorida;

har bir tarbiyalanuvchining dori vositalari va tibbiyot buyumlari, shaxsiy gigiyena vositalari, kanselyariya mollari va boshqalar bilan taʼminlash uchun bir oyda bazaviy hisoblash miqdorining 50 foizi miqdorida mablagʻ ajratiladi”;

n) 38-band quyidagi tahrirda bayon etilsin:

“38. Isteʼmol xarajatlari uchun (oziq-ovqat, gigiyena vositalari va boshqalar) xaridlar bolalarning ovqatlanishini tashkil etish uchun masʼul boʻlgan tarbiyachi nomiga ochilgan bank kartasi orqali amalga oshiriladi”;

o) 39-banddagi “hududiy boshqarmalar” soʻzlari “muassis” soʻzi bilan almashtirilsin;

p) 41-bandning birinchi xatboshisi quyidagi tahrirda bayon etilsin:

“41. Kichik hajmli bolalar uylari”;

r) 42-bandning birinchi xatboshisi quyidagi tahrirda bayon etilsin:

“42. Ushbu Nizomning 35-bandida nazarda tutilgan mablagʻlarni hisoblashda muassis tarbiyalanuvchilarga oldingi oy mobaynida amalga oshirilgan haqiqiy xarajatni inobatga olgan holda kichik hajmli bolalar uyning talabidan kelib chiqib toʻlab beriladi”;

s) 45-banddagi “uning muassisi hisoblangan tarbiya va tibbiy-ijtimoiy muassasaning” soʻzlari “muassisning” soʻzi bilan almashtirilsin;

t) 47-bandning ikkinchi xatboshidagi “va tegishli hududiy boshqarma” soʻzlari chiqarib tashlansin;

u) 53-banddagi “vakolatli organ” soʻzlari “muassis” soʻzi bilan almashtirilsin;

f) 54-banddagi “kichik hajmli bolalar uyi joylashgan joyidagi hududiy boshqarma” soʻzlari “muassis” soʻzi bilan almashtirilsin;

x) quyidagi mazmundagi ilova bilan toʻldirilsin:

“Kichik hajmli bolalar uylari toʻgʻrisidagi nizomga ILOVA

Kichik hajmli bolalar uyining

T/r Lavozim nomi Shtat birligi soni Mehnatga haq toʻlash shartlari Menejer 0.5 “Inson” ijtimoiy xizmatlar markazining bosh mutaxassisi uchun belgilangan mehnatga haq toʻlash shartlari tatbiq etiladi Tarbiyachi 3 Mehribonlik uyi tarbiyachisi uchun belgilangan mehnatga haq toʻlash shartlari tatbiq etiladi Tarbiyachi yordamchisi 4 “Muruvvat” nogironligi boʻlgan bolalar internat uylarining sanitarka enagalari uchun belgilangan mehnatga haq toʻlash shartlari tatbiq etiladi

4. Vazirlar Mahkamasining “Nogironligi boʻlgan bolalar uchun kunduzgi parvarish xizmatini tashkil etish chora-tadbirlari toʻgʻrisida” 2025-yil 27-fevraldagi 126-son qarorida :

a) 6-band “(keyingi oʻrinlarda — Markaz)” soʻzlaridan keyin “, 2025-yil 20-iyundan boshlab Agentlikning Toshkent shahar boshqarmasi huzurida yuridik shaxs maqomisiz Shayxontohur tuman Hududiy ijtimoiy xizmatlar markazi” soʻzlari bilan toʻldirilsin;

Oʻzbekiston Respublikasining Bosh vaziri A. ARIPOV

Toshkent sh.,

2025-yil 18-iyun,

377 -son

(Qonunchilik maʼlumotlari milliy bazasi, 19.06.2025-y., 09/25/377/0522-son; 14.07.2025-y., 09/25/440/0656-son; 06.01.2026-y., 09/26/840/0012-son; 06.05.2026-y., 09/26/224/0457-son)

lex.uz