UzbekAI

Ўзбекистон Республикаси Вазирлар Маҳкамасининг

қарори

ВАҚТИНЧАЛИК НИЗОМ

СХЕМАСИ

РЎЙХАТИ

Тоғли ва чўл ҳудудларда туризм хизматларини кўрсатувчи тадбиркорлик субъектларини қўллаб-қувватлаш чора-тадбирлари тўғрисида

Республиканинг олис ҳудудлари имкониятларидан самарали фойдаланиш, туризм йўналишига қўшимча инвестицияларни жалб қилиш, экстремал туризм хизматларини кенгайтириш, замонавий инфратузилма объектларини барпо этиш, тадбиркорлик фаолиятини юритиш учун қулай шароитлар яратиш орқали аҳолини даромадли иш ўринлари билан таъминлаш мақсадида Вазирлар Маҳкамаси қарор қилади:

1. Қуйидагилар:

Тадбиркорлик субъектларининг тоғли ва чўл ҳудудларда зиплайн хизматлари ва канатли парк (тайпарк) экстремал туризм мажмуасини ташкил қилиш харажатларининг бир қисмини қоплаб бериш тартиби тўғрисидаги вақтинчалик низом 1-иловага мувофиқ;

Тоғли ва чўл ҳудудларда зиплайн хизматлари ва канатли парк (тайпарк) экстремал туризм мажмуаси ташкил қилиниши режалаштирилган туман ва шаҳарлар рўйхати 2-иловага мувофиқ тасдиқлансин.

2. Белгилансинки:

а) тоғли ва чўл ҳудудларда умумий масофаси 200 метрдан кам бўлмаган зиплайн экстремал туризм мажмуасини ташкил қилиш харажатларининг бир қисмини қоплаш учун 100 миллион сўм;

тоғли ва чўл ҳудудларда 150 кв метрдан кам бўлмаган канатли парк (тайпарк) экстремал туризм мажмуасини ташкил қилиш харажатларининг бир қисмини қоплаш учун 80 миллион сўм миқдорида бир марталик субсидия ажратилади;

б) тоғли ва чўл ҳудудларда зиплайн ҳамда канатли парк (тайпарк) экстремал туризм мажмуасини ташкил қилган тадбиркорлик субъектларига ажратиладиган субсидия Ўзбекистон Республикаси Туризм қўмитасининг Туризмни қўллаб-қувватлаш жамғармаси маблағлари ҳисобидан молиялаштирилади;

в) субсидия зиплайн ва канатли парк (тайпарк) экстремал туризм мажмуалари тўлиқ фойдаланишга топширилгандан кейин ажратилади.

3. Ўзбекистон Республикаси Туризм қўмитаси Ўзбекистон Миллий телерадиокомпанияси, Ўзбекистон Миллий ахборот агентлиги билан биргаликда тоғли ва чўл ҳудудларда экстремал туризм объектларини ташкил этиш харажатларини қоплаб бериш тартиби тўғрисида оммавий ахборот воситалари орқали аҳоли ҳамда тадбиркорлик субъектлари ўртасида кенг тарғибот ишларини ташкил қилсин.

4. Ушбу қарорнинг бажарилишини назорат қилиш Ўзбекистон Республикаси экология, атроф-муҳитни муҳофаза қилиш ва иқлим ўзгариши вазири А.А. Абдухакимов зиммасига юклансин.

Вазирлар Маҳкамасининг 2025 йил 19 июндаги 383-сон қарорига 1-ИЛОВА

1-боб. Умумий қоидалар

1. Ушбу Низом тадбиркорлик субъектларининг тоғли ва чўл ҳудудларда зиплайн хизматлари ва канатли парк (тайпарк) экстремал туризм мажмуасини ташкил қилиш харажатларининг бир қисмини қоплаб бериш тартибини белгилайди.

Ушбу Низом 2025 йил 1 июлдан бошлаб 2027 йил 1 январга қадар амал қилади.

2. Ушбу Низомда қуйидаги тушунчалардан фойдаланилади:

зиплайн хизматлари — пўлат арқоннинг икки учи махсус устунларга қотириб маҳкамланган аттракционда пўлат арқон бўйлаб ердан кўтарилган ҳолда тортишиш кучи таъсирида ҳаво орқали махсус мослама ёрдамида тушиш бўйича экстремал туризм хизматлари;

канатли парк (тайпарк) экстремал туризм мажмуаси — ер сатҳидан маълум масофа баландликда арқонлар ёрдамида маҳкамланган аттракционлардан ташкил топган, турли даражадаги қийинчиликдаги вазифаларни бажариш учун мўлжалланган спорт ва сайёҳлик мажмуаси;

субсидия — тадбиркорлик субъектларининг тоғли ва чўл ҳудудларда зиплайн хизматлари ва канатли парк (тайпарк) экстремал туризм мажмуасини ташкил қилиш харажатларининг бир қисмини қоплаш учун Ўзбекистон Республикаси Туризм қўмитасининг (кейинги ўринларда — Туризм қўмитаси) Туризмни қўллаб-қувватлаш жамғармаси маблағлари ҳисобидан тадбиркорлик субъектларига ажратиладиган маблағлар;

тадбиркорлик субъекти — белгиланган тартибда давлат рўйхатидан ўтган ҳамда тадбиркорлик фаолиятини амалга ошираётган юридик шахс ва якка тартибдаги тадбиркорлар;

3. Субсидия тадбиркорлик субъектларига уларнинг аризаларига асосан тоғли ва чўл ҳудудлардаги 2025-2026 йилларда ҳар бир тўлиқ фойдаланишга топширилган зиплайн хизматлари ва канатли парк (тайпарк) экстремал туризм мажмуасини ташкил қилиш харажатларининг бир қисмини қоплаш учун ажратилади.

Бунда:

тоғли ва чўл ҳудудларда умумий масофаси 200 метрдан кам бўлмаган зиплайн экстремал туризм мажмуасини ташкил қилиш харажатларининг бир қисмини қоплаш учун 100 миллион сўм;

4. Тоғли ва чўл ҳудудларда зиплайн хизматлари ва канатли парк (тайпарк) экстремал туризм мажмуасини ташкил қилиш харажатларининг бир қисмини қоплаб бериш учун аризалар Туризм қўмитаси томонидан кўриб чиқилади.

5. Тадбиркорлик субъекти субсидия олиш учун ариза тақдим этиш вақтида қуйидаги талабларга жавоб бериши лозим:

қайта ташкил этиш ёки тугатиш жараёнида бўлмаслиги;

фаолияти қонунчилик ҳужжатларида белгиланган тартибда вақтинча тўхтатилган бўлмаслиги;

суд қарори асосида тўловга қобилиятсиз деб эълон қилинмаган бўлмаслиги.

6. Субсидия ушбу Низомга 1-иловадаги схемага мувофиқ тадбиркорлик субъектларига ажратилади.

2-боб. Субсидия олиш учун аризани тақдим этиш ва кўриб чиқиш тартиби

7. Тадбиркорлик субъекти субсидия олиш учун ушбу Низомга 2-иловадаги шаклга мувофиқ субсидия ажратилиши тўғрисида ёзма ёки электрон равишда ариза билан Туризм қўмитасига мурожаат қилади.

Бунда аризага қуйидаги ҳужжатлар илова қилинади:

зиплайн хизматлари ёки канатли парк (тайпарк) экстремал туризм мажмуаси ташкил қилинган ер участкасига бўлган ҳуқуқни тасдиқловчи ҳужжат нусхаси;

зиплайн хизматлари ёки канатли парк (тайпарк) экстремал туризм мажмуасининг лойиҳа-смета ҳужжатлари нусхаси;

белгиланган тартибда тасдиқланган қабул комиссиясининг қурилиши тугалланган зиплайн хизматлари ва канатли парк (тайпарк) экстремал туризм мажмуаси фойдаланишга қабул қилингани тўғрисидаги далолатнома нусхаси;

Вазирлар Маҳкамаси ҳузуридаги Саноат, радиация ва ядро хавфсизлиги қўмитасининг зиплайн хизматлари ёки канатли парк (тайпарк) экстремал туризм мажмуасини ишга тушириш ва фойдаланиш учун рухсатномаси;

тақдимот материаллари (мавжуд бўлса).

8. Тадбиркорлик субъектларидан келиб тушган аризалар Туризм қўмитасида ташкил қилинадиган комиссия томонидан коллегиал тарзда унинг мажлисларида кўриб чиқилади.

9. Туризм қўмитасига келиб тушган аризалар қабул қилинган кундан бошлаб ўн иш куни мобайнида ушбу Низом талабларига мувофиқ комиссия томонидан ўрганиб чиқилади.

10. Аризани ўрганиб чиқишда қўшимча ўрганишлар ўтказиш талаб этилса, комиссия қарорига асосан тадбиркорлик субъектини ёзма равишда хабардор қилган ҳолда, аризани ўрганиб чиқиш муддати қўшимча ўн иш кунга узайтирилиши мумкин.

Бунда заруратга кўра, ариза комиссия вакиллари ёки Туризм қўмитасининг ҳудудий бошқармалари вакиллари томонидан жойига чиққан ҳолда ўрганилади.

11. Комиссия томонидан қуйидаги масалалар кўриб чиқилади:

аризада кўрсатилган ҳар бир йўналиш бўйича молиялаштиришнинг мақсадга мувофиқлиги;

бажарилган ишлар учун сарфланган маблағларни асосли эканлиги.

Заруратга кўра аризаларни кўриб чиқиш жараёнида уларда кўрсатилган маълумотлар жойига чиққан ҳолда ўрганилади.

12. Аризани ўрганиб чиқиш натижаси бўйича субсидия ажратиш ёки ажратишни рад этиш тўғрисида комиссия қарори қабул қилинади.

Комиссия қарори баённома билан расмийлаштирилади. Комиссия қарорининг нусхаси қабул қилинган кунда тадбиркорлик субъектига юборилади.

13. Субсидия ажратиш қуйидаги асосларга кўра рад этилиши мумкин:

субсидия олиш учун ҳужжатлар ва маълумотлар тўлиқ тақдим этилмаганда ёки нотўғри маълумотлар тақдим этилганда;

зиплайн ва канатли парк (тайпарк) экстремал туризм мажмуаси тоғли ва (ёки) чўл ҳудудида ташкил этилмаганда;

зиплайн хизматлари ва канатли парк (тайпарк) экстремал туризм мажмуаси тўлиқ фойдаланишга топширилмаганда ва ишга туширилмаганда;

тадбиркорлик субъекти аризани топшириш вақтида қайта ташкил этиш ёки тугатиш жараёнида ёхуд фаолияти Ўзбекистон Республикаси қонунчилик ҳужжатларида белгиланган тартибда вақтинча тўхтатилган бўлса;

тадбиркорлик субъекти ариза берган санаси ҳолатига кўра суд қарори асосида тўловга қобилиятсиз деб эълон қилинган бўлса.

Субсидия ажратишни ушбу бандда кўрсатиб ўтилмаган асослар бўйича рад этиш мумкин эмас.

14. Субсидия ажратишни рад этиш тўғрисидаги комиссия қарори тадбиркорлик субъектига топширилади ёки почта орқали юборилади ва унга қабул қилинган қарор устидан шикоят қилиш тартиби ва муддати тушунтирилади.

15. Субсидия ажратиш рад этилган тақдирда, рад этиш учун асос бўлган сабаблар аниқ кўрсатиб ўтилган комиссия қарори тадбиркорлик субъектига ушбу қарор қабул қилинган кундан бошлаб бир иш кунида юборилади.

16. Тадбиркорлик субъекти комиссия қарорини олган кундан бошлаб кўпи билан ўн тўрт иш кунида кўрсатиб ўтилган камчиликлар бартараф этилганлигини тасдиқловчи тегишли ҳужжатларни илова қилган ҳолда, Туризм қўмитасига такроран ариза билан мурожаат қилиш ҳуқуқига эга.

17. Ариза такроран тақдим этилган кундан бошлаб етти иш куни мобайнида қайта кўриб чиқилади. Бунда:

тадбиркорлик субъекти томонидан комиссиянинг аввалги қарорида келтирилган камчиликлар тўлиқ бартараф этилгани тасдиқланганидан сўнг субсидия ажратиш тўғрисида қарор қабул қилинади;

тадбиркорлик субъекти томонидан комиссиянинг аввалги қарорида келтирилган камчиликлар тўлиқ бартараф этилган тақдирда, аввал кўрсатилмаган янги асослар бўйича рад этишга йўл қўйилмайди.

18. Ушбу Низомнинг 16-бандида кўрсатилган муддат тугагандан сўнг тақдим этилган ариза янгидан берилган деб ҳисобланади.

3-боб. Субсидия ажратиш тартиби

19. Кўриб чиқиш натижаси бўйича субсидия ажратиш тўғрисидаги қарор қабул қилинган ҳар бир ариза бўйича комиссия томонидан алоҳида иш жилди шакллантирилади.

20. Субсидия тадбиркорлик субъектининг аризасини кўриб чиқиш натижаси бўйича субсидия ажратиш тўғрисида комиссия қарори қабул қилинган кундан бошлаб ўн иш куни муддатда Туризм қўмитаси томонидан Туризмни қўллаб-қувватлаш жамғармаси маблағлари ҳисобидан ажратилади.

21. Аризаларга мувофиқ ажратилиши лозим бўлган субсидия тадбиркорлик субъектининг унга хизмат кўрсатувчи тижорат банклардаги ҳисобварағига ўтказиб берилади.

4-боб. Якунловчи қоидалар

22. Субсидия олиш учун тақдим этилган маълумотлар ва ҳужжатларнинг ҳаққонийлигига тадбиркорлик субъекти масъул ҳисобланади.

23. Туризм қўмитаси субсидия ажратиш ишларини ташкил этиш, мувофиқлаштириш ва мониторингини юритиш, ажратилган маблағларнинг етказилиши юзасидан масъул ҳисобланади.

24. Тадбиркорлик субъекти давлат органлари ва бошқа ташкилотлар ходимларининг хатти-ҳаракатлари устидан қонунчиликда белгиланган тартибда шикоят қилиши мумкин.

25. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Субъектлар Тадбирлар Бажариш муддати Тадбиркорлик субъекти Тегишли ҳужжатларни илова қилган ҳолда Туризм қўмитасига субсидия олиш тўғрисида ариза билан мурожаат қилади. Хоҳишига кўра Туризм қўмитаси Аризани ўрганиб чиқади. 10 иш кунида, қўшимча ўрганиш талаб этилганда — 20 иш кунида Туризм қўмитаси Субсидия ажратиш ёки рад этиш тўғрисида қарор қабул қилади ва тадбиркорлик субъектига юборади. 1 иш кунида Тадбиркорлик субъекти Субсидия ажратишни рад этиш тўғрисидаги қарорни олганда, қарорда кўрсатиб ўтилган камчиликларни бартараф этиш ва уларнинг бартараф этилганлигини тасдиқловчи тегишли ҳужжатларни илова қилган ҳолда, Туризм қўмитасига такроран ариза билан мурожаат қилади. 14 иш кунида Туризм қўмитаси Ариза такроран тақдим этилганда, уни қайта кўриб чиқади. 7 иш кунида Туризм қўмитаси Субсидия ажратиш тўғрисида қабул қилинган қарор асосида маблағларни тадбиркорлик субъектининг унга хизмат кўрсатувчи тижорат банкдаги ҳисобварағига ўтказиб беради. 10 иш кунида

Ўзбекистон Республикаси Туризм қўмитасига Субсидия ажратиш тўғрисида АРИЗА ________________________________________________________________________________________ (тадбиркорлик субъектини рўйхатдан ўтказиш тўғрисидаги гувоҳномага мувофиқ ариза берувчининг тўлиқ номи) ________________________________________________________________________________________ ________________________________________________________________________________________ (манзили, телефон, факс, электрон почта) _____________________________________________________________ манзил бўйича рўйхатдан ўтган _______________________________________________________________________________ манзилида (вилоят, туман, шаҳар, кўча, уй рақами) жойлашган тоғли ва (ёки) чўл ҳудудида зиплайн хизматлари ёки канатли парк (тайпарк)экстремал туризм мажмуасини ташкил қилиш учун йўналтирилган харажатларининг бир қисмини қоплаш учун жами: __________________________________ сўм миқдорида субсидия ажратишингизни сўрайман. Далолатнома олинган сана ва рақами: _______________________________________________________ Тадбиркорлик субъектининг жойлашган жойи (почта манзили): ________________________________________________________________________________________ СТИР: __________________________ Электрон почта манзили: __________________________________________________________________ Банк ҳисобварағи маълумотлари: Хизмат кўрсатувчи банк номи: ____________________________________________ МФО: ____________ Илова: ______ варақда __________________________________________ _____________ (ариза берувчининг лавозими, Ф.И.О) (шахсий имзо) 20___ йил _______________

Вазирлар Маҳкамасининг 2025 йил 19 июндаги 383-сон қарорига 2-ИЛОВА

Тоғли ва чўл ҳудудларда зиплайн хизматлари ва канатли парк (тайпарк) экстремал туризм мажмуаси ташкил қилиниши режалаштирилган туман ва шаҳарлар

Т/р Ҳудуд номи Туман (шаҳар) номи 1. Қорақалпоғистон Республикаси Амударё тумани 2. Мўйноқ тумани 3. Тахтакўпир тумани 4. Элликқалъа тумани 5. Андижон вилояти Хўжаобод тумани 6. Хонобод шаҳри 7. Бухоро вилояти Когон тумани 8. Ғиждувон тумани 9. Ромитан тумани 10. Жиззах вилояти Арнасой тумани 11. Бахмал тумани 12. Зомин тумани 13. Фориш тумани 14. Қашқадарё вилояти Китоб тумани 15. Шаҳрисабз тумани 16. Навоий вилояти Конимех тумани 17. Нурота тумани 18. Хатирчи тумани 19. Зарафшон шаҳри 20. Учқудуқ тумани 21. Томди тумани 22. Наманган вилояти Косонсой тумани 23. Поп тумани 24. Чортоқ тумани 25. Чуст тумани 26. Самарқанд вилояти Самарқанд тумани 27. Ургут тумани 28. Сурхондарё вилояти Бойсун тумани 29. Сариосиё тумани 30. Сирдарё вилояти Сайхунобод тумани 31. Тошкент вилояти Ангрен шаҳри 32. Бўстонлиқ тумани 33. Оҳангарон тумани 34. Паркент тумани 35. Фарғона вилояти Сўх тумани 36. Фарғона тумани 37. Хоразм вилояти Боғот тумани 38. Тупроққалъа тумани 39. Хива тумани 40. Урганч тумани 41 Янгибозор тумани

Ўзбекистон Республикасининг Бош вазири А. АРИПОВ

Тошкент ш.,

2025 йил 19 июнь,

383-сон

(Қонунчилик маълумотлари миллий базаси, 19.06.2025 й., 09/25/383/0527-сон; 16.02.2026 й., 07/26/58/0143-сон; 17.03.2026 й., 09/26/105/0244-сон)

lex.uz

Oʻzbekiston Respublikasi Vazirlar Mahkamasining

qarori

VAQTINCHALIK NIZOM

SXEMASI

ROʻYXATI

Togʻli va choʻl hududlarda turizm xizmatlarini koʻrsatuvchi tadbirkorlik subyektlarini qoʻllab-quvvatlash chora-tadbirlari toʻgʻrisida

Respublikaning olis hududlari imkoniyatlaridan samarali foydalanish, turizm yoʻnalishiga qoʻshimcha investitsiyalarni jalb qilish, ekstremal turizm xizmatlarini kengaytirish, zamonaviy infratuzilma obyektlarini barpo etish, tadbirkorlik faoliyatini yuritish uchun qulay sharoitlar yaratish orqali aholini daromadli ish oʻrinlari bilan taʼminlash maqsadida Vazirlar Mahkamasi qaror qiladi:

1. Quyidagilar:

Tadbirkorlik subyektlarining togʻli va choʻl hududlarda ziplayn xizmatlari va kanatli park (taypark) ekstremal turizm majmuasini tashkil qilish xarajatlarining bir qismini qoplab berish tartibi toʻgʻrisidagi vaqtinchalik nizom 1-ilovaga muvofiq;

Togʻli va choʻl hududlarda ziplayn xizmatlari va kanatli park (taypark) ekstremal turizm majmuasi tashkil qilinishi rejalashtirilgan tuman va shaharlar roʻyxati 2-ilovaga muvofiq tasdiqlansin.

2. Belgilansinki:

a) togʻli va choʻl hududlarda umumiy masofasi 200 metrdan kam boʻlmagan ziplayn ekstremal turizm majmuasini tashkil qilish xarajatlarining bir qismini qoplash uchun 100 million soʻm;

togʻli va choʻl hududlarda 150 kv metrdan kam boʻlmagan kanatli park (taypark) ekstremal turizm majmuasini tashkil qilish xarajatlarining bir qismini qoplash uchun 80 million soʻm miqdorida bir martalik subsidiya ajratiladi;

b) togʻli va choʻl hududlarda ziplayn hamda kanatli park (taypark) ekstremal turizm majmuasini tashkil qilgan tadbirkorlik subyektlariga ajratiladigan subsidiya Oʻzbekiston Respublikasi Turizm qoʻmitasining Turizmni qoʻllab-quvvatlash jamgʻarmasi mablagʻlari hisobidan moliyalashtiriladi;

v) subsidiya ziplayn va kanatli park (taypark) ekstremal turizm majmualari toʻliq foydalanishga topshirilgandan keyin ajratiladi.

3. Oʻzbekiston Respublikasi Turizm qoʻmitasi Oʻzbekiston Milliy teleradiokompaniyasi, Oʻzbekiston Milliy axborot agentligi bilan birgalikda togʻli va choʻl hududlarda ekstremal turizm obyektlarini tashkil etish xarajatlarini qoplab berish tartibi toʻgʻrisida ommaviy axborot vositalari orqali aholi hamda tadbirkorlik subyektlari oʻrtasida keng targʻibot ishlarini tashkil qilsin.

4. Ushbu qarorning bajarilishini nazorat qilish Oʻzbekiston Respublikasi ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov zimmasiga yuklansin.

Vazirlar Mahkamasining 2025-yil 19-iyundagi 383-son qaroriga 1-ILOVA

1-bob. Umumiy qoidalar

1. Ushbu Nizom tadbirkorlik subyektlarining togʻli va choʻl hududlarda ziplayn xizmatlari va kanatli park (taypark) ekstremal turizm majmuasini tashkil qilish xarajatlarining bir qismini qoplab berish tartibini belgilaydi.

Ushbu Nizom 2025-yil 1-iyuldan boshlab 2027-yil 1-yanvarga qadar amal qiladi.

2. Ushbu Nizomda quyidagi tushunchalardan foydalaniladi:

ziplayn xizmatlari — poʻlat arqonning ikki uchi maxsus ustunlarga qotirib mahkamlangan attraksionda poʻlat arqon boʻylab yerdan koʻtarilgan holda tortishish kuchi taʼsirida havo orqali maxsus moslama yordamida tushish boʻyicha ekstremal turizm xizmatlari;

kanatli park (taypark) ekstremal turizm majmuasi — yer sathidan maʼlum masofa balandlikda arqonlar yordamida mahkamlangan attraksionlardan tashkil topgan, turli darajadagi qiyinchilikdagi vazifalarni bajarish uchun moʻljallangan sport va sayyohlik majmuasi;

subsidiya — tadbirkorlik subyektlarining togʻli va choʻl hududlarda ziplayn xizmatlari va kanatli park (taypark) ekstremal turizm majmuasini tashkil qilish xarajatlarining bir qismini qoplash uchun Oʻzbekiston Respublikasi Turizm qoʻmitasining (keyingi oʻrinlarda — Turizm qoʻmitasi) Turizmni qoʻllab-quvvatlash jamgʻarmasi mablagʻlari hisobidan tadbirkorlik subyektlariga ajratiladigan mablagʻlar;

tadbirkorlik subyekti — belgilangan tartibda davlat roʻyxatidan oʻtgan hamda tadbirkorlik faoliyatini amalga oshirayotgan yuridik shaxs va yakka tartibdagi tadbirkorlar;

3. Subsidiya tadbirkorlik subyektlariga ularning arizalariga asosan togʻli va choʻl hududlardagi 2025-2026-yillarda har bir toʻliq foydalanishga topshirilgan ziplayn xizmatlari va kanatli park (taypark) ekstremal turizm majmuasini tashkil qilish xarajatlarining bir qismini qoplash uchun ajratiladi.

Bunda:

togʻli va choʻl hududlarda umumiy masofasi 200 metrdan kam boʻlmagan ziplayn ekstremal turizm majmuasini tashkil qilish xarajatlarining bir qismini qoplash uchun 100 million soʻm;

4. Togʻli va choʻl hududlarda ziplayn xizmatlari va kanatli park (taypark) ekstremal turizm majmuasini tashkil qilish xarajatlarining bir qismini qoplab berish uchun arizalar Turizm qoʻmitasi tomonidan koʻrib chiqiladi.

5. Tadbirkorlik subyekti subsidiya olish uchun ariza taqdim etish vaqtida quyidagi talablarga javob berishi lozim:

qayta tashkil etish yoki tugatish jarayonida boʻlmasligi;

faoliyati qonunchilik hujjatlarida belgilangan tartibda vaqtincha toʻxtatilgan boʻlmasligi;

sud qarori asosida toʻlovga qobiliyatsiz deb eʼlon qilinmagan boʻlmasligi.

6. Subsidiya ushbu Nizomga 1-ilovadagi sxemaga muvofiq tadbirkorlik subyektlariga ajratiladi.

2-bob. Subsidiya olish uchun arizani taqdim etish va koʻrib chiqish tartibi

7. Tadbirkorlik subyekti subsidiya olish uchun ushbu Nizomga 2-ilovadagi shaklga muvofiq subsidiya ajratilishi toʻgʻrisida yozma yoki elektron ravishda ariza bilan Turizm qoʻmitasiga murojaat qiladi.

Bunda arizaga quyidagi hujjatlar ilova qilinadi:

ziplayn xizmatlari yoki kanatli park (taypark) ekstremal turizm majmuasi tashkil qilingan yer uchastkasiga boʻlgan huquqni tasdiqlovchi hujjat nusxasi;

ziplayn xizmatlari yoki kanatli park (taypark) ekstremal turizm majmuasining loyiha-smeta hujjatlari nusxasi;

belgilangan tartibda tasdiqlangan qabul komissiyasining qurilishi tugallangan ziplayn xizmatlari va kanatli park (taypark) ekstremal turizm majmuasi foydalanishga qabul qilingani toʻgʻrisidagi dalolatnoma nusxasi;

Vazirlar Mahkamasi huzuridagi Sanoat, radiatsiya va yadro xavfsizligi qoʻmitasining ziplayn xizmatlari yoki kanatli park (taypark) ekstremal turizm majmuasini ishga tushirish va foydalanish uchun ruxsatnomasi;

taqdimot materiallari (mavjud boʻlsa).

8. Tadbirkorlik subyektlaridan kelib tushgan arizalar Turizm qoʻmitasida tashkil qilinadigan komissiya tomonidan kollegial tarzda uning majlislarida koʻrib chiqiladi.

9. Turizm qoʻmitasiga kelib tushgan arizalar qabul qilingan kundan boshlab oʻn ish kuni mobaynida ushbu Nizom talablariga muvofiq komissiya tomonidan oʻrganib chiqiladi.

10. Arizani oʻrganib chiqishda qoʻshimcha oʻrganishlar oʻtkazish talab etilsa, komissiya qaroriga asosan tadbirkorlik subyektini yozma ravishda xabardor qilgan holda, arizani oʻrganib chiqish muddati qoʻshimcha oʻn ish kunga uzaytirilishi mumkin.

Bunda zaruratga koʻra, ariza komissiya vakillari yoki Turizm qoʻmitasining hududiy boshqarmalari vakillari tomonidan joyiga chiqqan holda oʻrganiladi.

11. Komissiya tomonidan quyidagi masalalar koʻrib chiqiladi:

arizada koʻrsatilgan har bir yoʻnalish boʻyicha moliyalashtirishning maqsadga muvofiqligi;

bajarilgan ishlar uchun sarflangan mablagʻlarni asosli ekanligi.

Zaruratga koʻra arizalarni koʻrib chiqish jarayonida ularda koʻrsatilgan maʼlumotlar joyiga chiqqan holda oʻrganiladi.

12. Arizani oʻrganib chiqish natijasi boʻyicha subsidiya ajratish yoki ajratishni rad etish toʻgʻrisida komissiya qarori qabul qilinadi.

Komissiya qarori bayonnoma bilan rasmiylashtiriladi. Komissiya qarorining nusxasi qabul qilingan kunda tadbirkorlik subyektiga yuboriladi.

13. Subsidiya ajratish quyidagi asoslarga koʻra rad etilishi mumkin:

subsidiya olish uchun hujjatlar va maʼlumotlar toʻliq taqdim etilmaganda yoki notoʻgʻri maʼlumotlar taqdim etilganda;

ziplayn va kanatli park (taypark) ekstremal turizm majmuasi togʻli va (yoki) choʻl hududida tashkil etilmaganda;

ziplayn xizmatlari va kanatli park (taypark) ekstremal turizm majmuasi toʻliq foydalanishga topshirilmaganda va ishga tushirilmaganda;

tadbirkorlik subyekti arizani topshirish vaqtida qayta tashkil etish yoki tugatish jarayonida yoxud faoliyati Oʻzbekiston Respublikasi qonunchilik hujjatlarida belgilangan tartibda vaqtincha toʻxtatilgan boʻlsa;

tadbirkorlik subyekti ariza bergan sanasi holatiga koʻra sud qarori asosida toʻlovga qobiliyatsiz deb eʼlon qilingan boʻlsa.

Subsidiya ajratishni ushbu bandda koʻrsatib oʻtilmagan asoslar boʻyicha rad etish mumkin emas.

14. Subsidiya ajratishni rad etish toʻgʻrisidagi komissiya qarori tadbirkorlik subyektiga topshiriladi yoki pochta orqali yuboriladi va unga qabul qilingan qaror ustidan shikoyat qilish tartibi va muddati tushuntiriladi.

15. Subsidiya ajratish rad etilgan taqdirda, rad etish uchun asos boʻlgan sabablar aniq koʻrsatib oʻtilgan komissiya qarori tadbirkorlik subyektiga ushbu qaror qabul qilingan kundan boshlab bir ish kunida yuboriladi.

16. Tadbirkorlik subyekti komissiya qarorini olgan kundan boshlab koʻpi bilan oʻn toʻrt ish kunida koʻrsatib oʻtilgan kamchiliklar bartaraf etilganligini tasdiqlovchi tegishli hujjatlarni ilova qilgan holda, Turizm qoʻmitasiga takroran ariza bilan murojaat qilish huquqiga ega.

17. Ariza takroran taqdim etilgan kundan boshlab yetti ish kuni mobaynida qayta koʻrib chiqiladi. Bunda:

tadbirkorlik subyekti tomonidan komissiyaning avvalgi qarorida keltirilgan kamchiliklar toʻliq bartaraf etilgani tasdiqlanganidan soʻng subsidiya ajratish toʻgʻrisida qaror qabul qilinadi;

tadbirkorlik subyekti tomonidan komissiyaning avvalgi qarorida keltirilgan kamchiliklar toʻliq bartaraf etilgan taqdirda, avval koʻrsatilmagan yangi asoslar boʻyicha rad etishga yoʻl qoʻyilmaydi.

18. Ushbu Nizomning 16-bandida koʻrsatilgan muddat tugagandan soʻng taqdim etilgan ariza yangidan berilgan deb hisoblanadi.

3-bob. Subsidiya ajratish tartibi

19. Koʻrib chiqish natijasi boʻyicha subsidiya ajratish toʻgʻrisidagi qaror qabul qilingan har bir ariza boʻyicha komissiya tomonidan alohida ish jildi shakllantiriladi.

20. Subsidiya tadbirkorlik subyektining arizasini koʻrib chiqish natijasi boʻyicha subsidiya ajratish toʻgʻrisida komissiya qarori qabul qilingan kundan boshlab oʻn ish kuni muddatda Turizm qoʻmitasi tomonidan Turizmni qoʻllab-quvvatlash jamgʻarmasi mablagʻlari hisobidan ajratiladi.

21. Arizalarga muvofiq ajratilishi lozim boʻlgan subsidiya tadbirkorlik subyektining unga xizmat koʻrsatuvchi tijorat banklardagi hisobvaragʻiga oʻtkazib beriladi.

4-bob. Yakunlovchi qoidalar

22. Subsidiya olish uchun taqdim etilgan maʼlumotlar va hujjatlarning haqqoniyligiga tadbirkorlik subyekti masʼul hisoblanadi.

23. Turizm qoʻmitasi subsidiya ajratish ishlarini tashkil etish, muvofiqlashtirish va monitoringini yuritish, ajratilgan mablagʻlarning yetkazilishi yuzasidan masʼul hisoblanadi.

24. Tadbirkorlik subyekti davlat organlari va boshqa tashkilotlar xodimlarining xatti-harakatlari ustidan qonunchilikda belgilangan tartibda shikoyat qilishi mumkin.

25. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Subyektlar Tadbirlar Bajarish muddati Tadbirkorlik subyekti Tegishli hujjatlarni ilova qilgan holda Turizm qoʻmitasiga subsidiya olish toʻgʻrisida ariza bilan murojaat qiladi. Xohishiga koʻra Turizm qoʻmitasi Arizani oʻrganib chiqadi. 10 ish kunida, qoʻshimcha oʻrganish talab etilganda — 20 ish kunida Turizm qoʻmitasi Subsidiya ajratish yoki rad etish toʻgʻrisida qaror qabul qiladi va tadbirkorlik subyektiga yuboradi. 1 ish kunida Tadbirkorlik subyekti Subsidiya ajratishni rad etish toʻgʻrisidagi qarorni olganda, qarorda koʻrsatib oʻtilgan kamchiliklarni bartaraf etish va ularning bartaraf etilganligini tasdiqlovchi tegishli hujjatlarni ilova qilgan holda, Turizm qoʻmitasiga takroran ariza bilan murojaat qiladi. 14 ish kunida Turizm qoʻmitasi Ariza takroran taqdim etilganda, uni qayta koʻrib chiqadi. 7 ish kunida Turizm qoʻmitasi Subsidiya ajratish toʻgʻrisida qabul qilingan qaror asosida mablagʻlarni tadbirkorlik subyektining unga xizmat koʻrsatuvchi tijorat bankdagi hisobvaragʻiga oʻtkazib beradi. 10 ish kunida

Oʻzbekiston Respublikasi Turizm qoʻmitasiga Subsidiya ajratish toʻgʻrisida ARIZA _________________________________________________________________________________________ (tadbirkorlik subyektini roʻyxatdan oʻtkazish toʻgʻrisidagi guvohnomaga muvofiq ariza beruvchining toʻliq nomi) _________________________________________________________________________________________ _________________________________________________________________________________________ (manzili, telefon, faks, elektron pochta) _____________________________________________________________ manzil boʻyicha roʻyxatdan oʻtgan _______________________________________________________________________________ manzilida (viloyat, tuman, shahar, koʻcha, uy raqami) joylashgan togʻli va (yoki) choʻl hududida ziplayn xizmatlari yoki kanatli park (taypark) ekstremal turizm majmuasini tashkil qilish uchun yoʻnaltirilgan xarajatlarining bir qismini qoplash uchun jami: __________________________________ soʻm miqdorida subsidiya ajratishingizni soʻrayman. Dalolatnoma olingan sana va raqami: _______________________________________________________ Tadbirkorlik subyektining joylashgan joyi (pochta manzili): ________________________________________________________________________________________ STIR: __________________________ Elektron pochta manzili: __________________________________________________________________ Bank hisobvaragʻi maʼlumotlari: Xizmat koʻrsatuvchi bank nomi: ____________________________________________ MFO: ____________ Ilova: ______ varaqda __________________________________________ _____________ (ariza beruvchining lavozimi, F.I.O) (shaxsiy imzo) 20___ yil _______________

Vazirlar Mahkamasining 2025-yil 19-iyundagi 383-son qaroriga 2-ILOVA

Togʻli va choʻl hududlarda ziplayn xizmatlari va kanatli park (taypark) ekstremal turizm majmuasi tashkil qilinishi rejalashtirilgan tuman va shaharlar

T/r Hudud nomi Tuman (shahar) nomi 1. Qoraqalpogʻiston Respublikasi Amudaryo tumani 2. Moʻynoq tumani 3. Taxtakoʻpir tumani 4. Ellikqalʼa tumani 5. Andijon viloyati Xoʻjaobod tumani 6. Xonobod shahri 7. Buxoro viloyati Kogon tumani 8. Gʻijduvon tumani 9. Romitan tumani 10. Jizzax viloyati Arnasoy tumani 11. Baxmal tumani 12. Zomin tumani 13. Forish tumani 14. Qashqadaryo viloyati Kitob tumani 15. Shahrisabz tumani 16. Navoiy viloyati Konimex tumani 17. Nurota tumani 18. Xatirchi tumani 19. Zarafshon shahri 20. Uchquduq tumani 21. Tomdi tumani 22. Namangan viloyati Kosonsoy tumani 23. Pop tumani 24. Chortoq tumani 25. Chust tumani 26. Samarqand viloyati Samarqand tumani 27. Urgut tumani 28. Surxondaryo viloyati Boysun tumani 29. Sariosiyo tumani 30. Sirdaryo viloyati Sayxunobod tumani 31. Toshkent viloyati Angren shahri 32. Boʻstonliq tumani 33. Ohangaron tumani 34. Parkent tumani 35. Fargʻona viloyati Soʻx tumani 36. Fargʻona tumani 37. Xorazm viloyati Bogʻot tumani 38. Tuproqqalʼa tumani 39. Xiva tumani 40. Urganch tumani 41 Yangibozor tumani

Oʻzbekiston Respublikasining Bosh vaziri A. ARIPOV

Toshkent sh.,

2025-yil 19-iyun,

383-son

(Qonunchilik maʼlumotlari milliy bazasi, 19.06.2025-y., 09/25/383/0527-son; 16.02.2026-y., 07/26/58/0143-son; 17.03.2026-y., 09/26/105/0244-son)

lex.uz