📅 2025-yil 19-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 19 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 19 июня 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 19 June 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Ҳукуматининг айрим қарорларига ер қаъри участкаларидан фойдаланиш ҳуқуқи учун рухсатномалар бериш тартибини янада такомиллаштиришга қаратилган ўзгартириш ва қўшимчалар киритиш ҳақида
Ўзбекистон Республикаси Президентининг 2024 йил 21 февралдаги ПФ-37-сон Фармони билан тасдиқланган «Ўзбекистон — 2030» стратегиясининг Сув ресурсларини тежаш ва атроф-муҳитни муҳофаза қилиш йўналиши бўйича 2024 йилда ишлаб чиқиладиган норматив-ҳуқуқий ҳужжатлар лойиҳалари рўйхати ҳамда «Миллий қонунчилик базасини комплекс тизимлаштириш чора-тадбирлари тўғрисида» 2021 йил 30 апрелдаги ПФ-6218-сон Фармони ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг айрим қарорларига иловага мувофиқ қуйидагиларни назарда тутувчи ўзгартириш ва қўшимчалар киритилсин:
ер қаърини геологик жиҳатдан ўрганишга берилган рухсатномалар асосида йиллик лицензия тўловини ундириш механизмини такомиллаштириш;
аукционга қўйилган геологик объектлар ва аукцион ғолиблари томонидан тўловларни амалга ошириш рад этилган тақдирда жавобгарлик чораларини кучайтириш;
ер қаъри участкасидан фойдаланиш ҳуқуқи қисман бошқа юридик шахсга берилганда фойдали қазилмаларнинг қолдиқ захирасининг бўлинишига қараб, иккала юридик шахсга ҳам техник иқтисодий асосни ишлаб чиқиш мажбуриятини юклашни жорий этиш.
2. Ушбу қарорнинг бажарилишини назорат қилиш Ўзбекистон Республикаси тоғ-кон саноати ва геология вазири Б.Ф. Исламов зиммасига юклансин.
Вазирлар Маҳкамасининг 2025 йил 19 июндаги 381-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2022 йил 12 январдаги 18-сон қарори билан тасдиқланган «E-auksion» электрон савдо платформасида электрон онлайн-аукцион ва танловларни ташкил этиш ҳамда ўтказиш тартиби тўғрисидаги низомда :
а) 67-бандининг тўртинчи хатбошисидаги «50 фоизи» сўзлари «100 фоизи» сўзлари билан алмаштирилсин;
б) 72-бандининг олтинчи хатбошисидаги «қўмитанинг» сўзи «вазирликнинг» сўзи билан алмаштирилсин.
2. Вазирлар Маҳкамасининг «Ер қаъри участкаларидан фойдаланиш ҳуқуқи учун рухсатномалар бериш тартибини янада такомиллаштириш чора-тадбирлари тўғрисида» 2022 йил 25 мартдаги 133-сон қарорида :
а) 4-бандда :
учинчи хатбоши қуйидаги таҳрирда баён қилинсин:
«ер қаъридан фойдаланувчиларга илгари расмийлаштирилган эски намунадаги лицензиялар янги намунадаги рухсатномага алмаштирилган ҳолда 2025 йилнинг 31 июлидан ўз кучини йўқотган деб ҳисобланади»;
қуйидаги мазмундаги тўртинчи хатбоши билан тўлдирилсин:
«норуда фойдали қазилмаларни қазиб олиш учун ер қаъри участкасидан фойдаланиш ҳуқуқини берувчи рухсатномаси мавжуд тадбиркорлик субъектлари томонидан норуда фойдали қазилма конида автотранспорт воситаларининг оғирлик параметрларини ўлчашга мўлжалланган тарозиларни ўрнатиш ҳамда юк автотранспорт воситалари меъёр талабларида юкланиши ва йўлга чиқиши бўйича мажбуриятларни ўз зиммасига олади»;
тўртинчи — ўн иккинчи хатбошилар тегишлича бешинчи — ўн учинчи хатбошилар деб ҳисоблансин;
б) 1-иловада :
107-бандда :
қуйидаги мазмундаги иккинчи хатбоши билан тўлдирилсин:
«Ер қаъри участкасидан фойдаланиш ҳуқуқи қисман бошқа юридик шахсга берилганда фойдали қазилмаларнинг қолдиқ захирасининг бўлинишига қараб, иккала юридик шахсга ҳам техник-иқтисодий асосни ишлаб чиқиш мажбурияти юкланади ҳамда рухсатномаларнинг муддати ушбу техник-иқтисодий асослардан келиб чиқиб расмийлаштирилади»;
иккинчи ва учинчи хатбошилар тегишлича учинчи ва тўртинчи хатбошилар деб ҳисоблансин;
111-банд қуйидаги таҳрирда баён қилинсин:
«111. Ер қаъридан фойдаланиш маркази ариза олинган кундан бошлаб ўн кун муддатда ер қаъри участкасидан фойдаланиш ҳуқуқи учун рухсатномани (тўлиқ ёки қисман) бошқа шахсга қайта расмийлаштириб беради ёки асослантирилган хулосасини тақдим этган ҳолда рад этади.
Рухсатнома ариза берувчига «Лицензия» ахборот тизими ёки ЯИДХП орқали юборилади.
Ер қаъри участкасидан фойдаланиш ҳуқуқига рухсатномани қайта расмийлаштириш рад этилганда хулоса асослантирилган бўлиши керак. Ер қаъри участкасидан фойдаланиш ҳуқуқини беришни қайта келишиб олишда ер қаъри участкасидан фойдаланиш ҳуқуқини беришни келишиб олиш рад этилган аввалги сабаблар кўрсатилмаган янги асослар бўйича уни рад этишга йўл қўйилмайди»;
13-илова қўйидаги таҳрирдаги 6.3.-позиция билан тўлдирилсин:
« 6.3. Техник-иқтисодий асослар ер қаъри участкасидан фойдаланиш ҳуқуқи қисман берилаётганда (илова қилинади): »;
в) 2-иловада :
60-бандда :
қуйидаги мазмундаги учинчи хатбоши билан тўлдирилсин:
«йиллик фойдали қазилмаларни қазиб олиш ҳажмлари тўғрисидаги ҳисоботларни икки йил мобайнида тақдим этмаган»;
учинчи — ўн учинчи хатбошилар тегишлича тўртинчи — ўн тўртинчи хатбошилар деб ҳисоблансин;
62-бандда :
қуйидаги мазмундаги иккинчи хатбоши билан тўлдирилсин:
«Ер қаъри участкасидан фойдаланиш ҳуқуқи қисман бошқа юридик шахсга берилганда фойдали қазилмаларнинг қолдиқ захирасининг бўлинишига қараб, иккала юридик шахсга ҳам техник-иқтисодий асос ишлаб чиқиш мажбурияти юкланади ҳамда рухсатномаларнинг муддати ушбу техник-иқтисодий асосдан келиб чиқиб расмийлаштирилади»;
иккинчи ва учинчи хатбошилар тегишлича учинчи ва тўртинчи хатбошилар деб ҳисоблансин;
64-банд қуйидаги таҳрирда баён қилинсин:
«64. Ер қаъридан фойдаланиш маркази ариза олинган кундан бошлаб ўн беш кун муддатда ер қаъри участкасидан фойдаланиш ҳуқуқи учун рухсатномани (тўлиқ ёки қисман) бошқа шахсга қайта расмийлаштириб беради ёки асослантирилган хулосасини тақдим этган ҳолда рад этади.
Рухсатнома ариза берувчига қарор қабул қилинган кундан бошлаб уч иш куни мобайнида «Лицензия» ахборот тизими ёки ЯИДХП орқали юборилади.
Норуда фойдали қазилмаларни ўз ичига олган ер қаъри участкасидан фойдаланиш ҳуқуқига рухсатномани қайта расмийлаштириш рад этилганда хулосада асослантирилган бўлиши керак. Ер қаъри участкасидан фойдаланиш ҳуқуқини беришни қайта келишиб олишда ер қаъри участкасидан фойдаланиш ҳуқуқини беришни келишиб олиш рад этилган аввалги сабаблар кўрсатилмаган янги асослар бўйича уни рад этишга йўл қўйилмайди»;
6-илова қуйидаги таҳрирдаги 6 ва 7-позициялар билан тўлдирилсин:
« 6. Ер қаъри участкасидан (шу жумладан, унинг бир қисмидан) фойдаланишнинг техник-иқтисодий асоси (илова қилинади): 7. Аризани кўриб чиқиш учун базавий ҳисоблаш миқдорининг икки баравари миқдоридаги тўлов. »;
г) 4-илованинг 11-бандида :
қуйидаги мазмундаги учинчи хатбоши билан тўлдирилсин:
«Экспертиза хулосасини беришдан тушган маблағлар Ер қаъридан фойдаланиш марказининг моддий-техник базасини мустаҳкамлаш, ишчи-ходимларини рағбатлантириш ва уларнинг малакасини оширишга мақсадли йўналтирилади»;
учинчи — ўн бешинчи хатбошилар тегишлича учинчи — ўн олтинчи хатбошилар деб ҳисоблансин.
3. Вазирлар Маҳкамасининг «Автомобиль йўллари бўйлаб катта ҳажмли ва оғир вазнли автотранспорт воситаларининг ҳаракатланиш тартибини такомиллаштириш чора-тадбирлари тўғрисида» 2024 йил 28 октябрдаги 710-сон қарори 3-банди «д» кичик бандининг учинчи хатбошисидаги «қазиб олиш учун» сўзларидан кейин «рухсатномаси мавжуд тадбиркорлик субъектлари ҳамда» сўзлари билан тўлдирилсин.
Ўзбекистон Республикасининг Бош вазири А. АРИПОВ
Тошкент ш.,
2025 йил 19 июнь,
381-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Hukumatining ayrim qarorlariga yer qaʼri uchastkalaridan foydalanish huquqi uchun ruxsatnomalar berish tartibini yanada takomillashtirishga qaratilgan oʻzgartirish va qoʻshimchalar kiritish haqida
Oʻzbekiston Respublikasi Prezidentining 2024-yil 21-fevraldagi PF-37-son Farmoni bilan tasdiqlangan “Oʻzbekiston — 2030” strategiyasining Suv resurslarini tejash va atrof-muhitni muhofaza qilish yoʻnalishi boʻyicha 2024-yilda ishlab chiqiladigan normativ-huquqiy hujjatlar loyihalari roʻyxati hamda “Milliy qonunchilik bazasini kompleks tizimlashtirish chora-tadbirlari toʻgʻrisida” 2021-yil 30-apreldagi PF-6218-son Farmoni ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ayrim qarorlariga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:
yer qaʼrini geologik jihatdan oʻrganishga berilgan ruxsatnomalar asosida yillik litsenziya toʻlovini undirish mexanizmini takomillashtirish;
auksionga qoʻyilgan geologik obyektlar va auksion gʻoliblari tomonidan toʻlovlarni amalga oshirish rad etilgan taqdirda javobgarlik choralarini kuchaytirish;
yer qaʼri uchastkasidan foydalanish huquqi qisman boshqa yuridik shaxsga berilganda foydali qazilmalarning qoldiq zaxirasining boʻlinishiga qarab, ikkala yuridik shaxsga ham texnik iqtisodiy asosni ishlab chiqish majburiyatini yuklashni joriy etish.
2. Ushbu qarorning bajarilishini nazorat qilish Oʻzbekiston Respublikasi togʻ-kon sanoati va geologiya vaziri B.F. Islamov zimmasiga yuklansin.
Vazirlar Mahkamasining 2025-yil 19-iyundagi 381-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2022-yil 12-yanvardagi 18-son qarori bilan tasdiqlangan “E-auksion” elektron savdo platformasida elektron onlayn-auksion va tanlovlarni tashkil etish hamda oʻtkazish tartibi toʻgʻrisidagi nizomda :
a) 67-bandining toʻrtinchi xatboshisidagi “50 foizi” soʻzlari “100 foizi” soʻzlari bilan almashtirilsin;
b) 72-bandining oltinchi xatboshisidagi “qoʻmitaning” soʻzi “vazirlikning” soʻzi bilan almashtirilsin.
2. Vazirlar Mahkamasining “Yer qaʼri uchastkalaridan foydalanish huquqi uchun ruxsatnomalar berish tartibini yanada takomillashtirish chora-tadbirlari toʻgʻrisida” 2022-yil 25-martdagi 133-son qarorida :
a) 4-bandda :
uchinchi xatboshi quyidagi tahrirda bayon qilinsin:
“yer qaʼridan foydalanuvchilarga ilgari rasmiylashtirilgan eski namunadagi litsenziyalar yangi namunadagi ruxsatnomaga almashtirilgan holda 2025-yilning 31-iyulidan oʻz kuchini yoʻqotgan deb hisoblanadi”;
quyidagi mazmundagi toʻrtinchi xatboshi bilan toʻldirilsin:
“noruda foydali qazilmalarni qazib olish uchun yer qaʼri uchastkasidan foydalanish huquqini beruvchi ruxsatnomasi mavjud tadbirkorlik subyektlari tomonidan noruda foydali qazilma konida avtotransport vositalarining ogʻirlik parametrlarini oʻlchashga moʻljallangan tarozilarni oʻrnatish hamda yuk avtotransport vositalari meʼyor talablarida yuklanishi va yoʻlga chiqishi boʻyicha majburiyatlarni oʻz zimmasiga oladi”;
toʻrtinchi — oʻn ikkinchi xatboshilar tegishlicha beshinchi — oʻn uchinchi xatboshilar deb hisoblansin;
b) 1-ilovada :
107-bandda :
quyidagi mazmundagi ikkinchi xatboshi bilan toʻldirilsin:
“Yer qaʼri uchastkasidan foydalanish huquqi qisman boshqa yuridik shaxsga berilganda foydali qazilmalarning qoldiq zaxirasining boʻlinishiga qarab, ikkala yuridik shaxsga ham texnik-iqtisodiy asosni ishlab chiqish majburiyati yuklanadi hamda ruxsatnomalarning muddati ushbu texnik-iqtisodiy asoslardan kelib chiqib rasmiylashtiriladi”;
ikkinchi va uchinchi xatboshilar tegishlicha uchinchi va toʻrtinchi xatboshilar deb hisoblansin;
111-band quyidagi tahrirda bayon qilinsin:
“111. Yer qaʼridan foydalanish markazi ariza olingan kundan boshlab oʻn kun muddatda yer qaʼri uchastkasidan foydalanish huquqi uchun ruxsatnomani (toʻliq yoki qisman) boshqa shaxsga qayta rasmiylashtirib beradi yoki asoslantirilgan xulosasini taqdim etgan holda rad etadi.
Ruxsatnoma ariza beruvchiga “Litsenziya” axborot tizimi yoki YIDXP orqali yuboriladi.
Yer qaʼri uchastkasidan foydalanish huquqiga ruxsatnomani qayta rasmiylashtirish rad etilganda xulosa asoslantirilgan boʻlishi kerak. Yer qaʼri uchastkasidan foydalanish huquqini berishni qayta kelishib olishda yer qaʼri uchastkasidan foydalanish huquqini berishni kelishib olish rad etilgan avvalgi sabablar koʻrsatilmagan yangi asoslar boʻyicha uni rad etishga yoʻl qoʻyilmaydi”;
13-ilova qoʻyidagi tahrirdagi 6.3.-pozitsiya bilan toʻldirilsin:
“ 6.3. Texnik-iqtisodiy asoslar yer qaʼri uchastkasidan foydalanish huquqi qisman berilayotganda (ilova qilinadi): ”;
v) 2-ilovada :
60-bandda :
quyidagi mazmundagi uchinchi xatboshi bilan toʻldirilsin:
“yillik foydali qazilmalarni qazib olish hajmlari toʻgʻrisidagi hisobotlarni ikki yil mobaynida taqdim etmagan”;
uchinchi — oʻn uchinchi xatboshilar tegishlicha toʻrtinchi — oʻn toʻrtinchi xatboshilar deb hisoblansin;
62-bandda :
quyidagi mazmundagi ikkinchi xatboshi bilan toʻldirilsin:
“Yer qaʼri uchastkasidan foydalanish huquqi qisman boshqa yuridik shaxsga berilganda foydali qazilmalarning qoldiq zaxirasining boʻlinishiga qarab, ikkala yuridik shaxsga ham texnik-iqtisodiy asos ishlab chiqish majburiyati yuklanadi hamda ruxsatnomalarning muddati ushbu texnik-iqtisodiy asosdan kelib chiqib rasmiylashtiriladi”;
ikkinchi va uchinchi xatboshilar tegishlicha uchinchi va toʻrtinchi xatboshilar deb hisoblansin;
64-band quyidagi tahrirda bayon qilinsin:
“64. Yer qaʼridan foydalanish markazi ariza olingan kundan boshlab oʻn besh kun muddatda yer qaʼri uchastkasidan foydalanish huquqi uchun ruxsatnomani (toʻliq yoki qisman) boshqa shaxsga qayta rasmiylashtirib beradi yoki asoslantirilgan xulosasini taqdim etgan holda rad etadi.
Ruxsatnoma ariza beruvchiga qaror qabul qilingan kundan boshlab uch ish kuni mobaynida “Litsenziya” axborot tizimi yoki YIDXP orqali yuboriladi.
Noruda foydali qazilmalarni oʻz ichiga olgan yer qaʼri uchastkasidan foydalanish huquqiga ruxsatnomani qayta rasmiylashtirish rad etilganda xulosada asoslantirilgan boʻlishi kerak. Yer qaʼri uchastkasidan foydalanish huquqini berishni qayta kelishib olishda yer qaʼri uchastkasidan foydalanish huquqini berishni kelishib olish rad etilgan avvalgi sabablar koʻrsatilmagan yangi asoslar boʻyicha uni rad etishga yoʻl qoʻyilmaydi”;
6-ilova quyidagi tahrirdagi 6 va 7-pozitsiyalar bilan toʻldirilsin:
“ 6. Yer qaʼri uchastkasidan (shu jumladan, uning bir qismidan) foydalanishning texnik-iqtisodiy asosi (ilova qilinadi): 7. Arizani koʻrib chiqish uchun bazaviy hisoblash miqdorining ikki baravari miqdoridagi toʻlov. ”;
g) 4-ilovaning 11-bandida :
quyidagi mazmundagi uchinchi xatboshi bilan toʻldirilsin:
“Ekspertiza xulosasini berishdan tushgan mablagʻlar Yer qaʼridan foydalanish markazining moddiy-texnik bazasini mustahkamlash, ishchi-xodimlarini ragʻbatlantirish va ularning malakasini oshirishga maqsadli yoʻnaltiriladi”;
uchinchi — oʻn beshinchi xatboshilar tegishlicha uchinchi — oʻn oltinchi xatboshilar deb hisoblansin.
3. Vazirlar Mahkamasining “Avtomobil yoʻllari boʻylab katta hajmli va ogʻir vaznli avtotransport vositalarining harakatlanish tartibini takomillashtirish chora-tadbirlari toʻgʻrisida” 2024-yil 28-oktabrdagi 710-son qarori 3-bandi “d” kichik bandining uchinchi xatboshisidagi “qazib olish uchun” soʻzlaridan keyin “ruxsatnomasi mavjud tadbirkorlik subyektlari hamda” soʻzlari bilan toʻldirilsin.
Oʻzbekiston Respublikasining Bosh vaziri A. ARIPOV
Toshkent sh.,
2025-yil 19-iyun,
381-son