📅 2025-yil 23-iyun · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 23 июнь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 23 июня 2025 г. · Указы Президента
Официальный текст. Официальный документ. Редакционные примечания не включены.
📅 23 June 2025 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Мамлакатимизга тўғридан-тўғри хорижий инвестицияларни жалб этишни рағбатлантиришнинг қўшимча чора-тадбирлари тўғрисида
Инвестиция муҳитини янада яхшилаш, ишлаб чиқариш ва хизмат кўрсатиш соҳаларига тўғридан-тўғри хорижий инвестицияларни кенг жалб этиш, шунингдек, хорижий инвесторлар учун ишончли ҳуқуқий ҳимоя ва кафолатларни таъминлаш мақсадида қарор қиламан:
I. Тўғридан-тўғри хорижий инвестицияларни жалб этишни рағбатлантириш чора-тадбирлари
1. Ўзбекистон Республикаси Президентининг 2005 йил 11 апрелдаги «Тўғридан-тўғри хусусий хорижий инвестицияларни жалб этишни рағбатлантириш борасидаги қўшимча чора-тадбирлар тўғрисида»ги ПФ-3594-сон Фармонининг 1-бандига мувофиқ, Солиқ кодексида белгиланган алоҳида солиқлар бўйича имтиёзлар Тошкент вилоятидаги 4 ва 5-тоифадаги туманларда рўйхатдан ўтган ва шу ҳудудларда фаолият юритадиган тадбиркорлик субъектларига ҳам татбиқ этилсин.
2. Ўзбекистон Республикаси Президентининг 2005 йил 11 апрелдаги ПФ-3594-сон Фармони билан тасдиқланган Тўғридан-тўғри хусусий хорижий инвестициялар учун бериладиган имтиёзлар жорий этиладиган иқтисодиёт тармоқлари рўйхатига «қишлоқ хўжалиги маҳсулотларини етиштириш» йўналиши киритилсин.
II. Фармон ижросини ташкил этиш, таъминлаш ва назорат
3. Ўзбекистон Республикаси Президентининг айрим ҳужжатларига иловага мувофиқ ўзгартириш ва қўшимчалар киритилсин.
4. Мазкур Фармоннинг ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосарлари Ж.А. Ходжаев ва Ж.А. Қўчқоров зиммасига юклансин.
Ўзбекистон Республикаси Президентининг 2025 йил 23 июндаги ПФ-97-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2005 йил 11 апрелдаги «Тўғридан-тўғри хусусий хорижий инвестицияларни жалб этишни рағбатлантириш борасидаги қўшимча чора-тадбирлар тўғрисида»ги ПФ-3594-сон Фармонида :
(а) 2-банддаги «Тошкент вилоятидан» сўзлари «Тошкент вилоятининг 1 — 3 тоифадаги туман ва шаҳарларидан» сўзлари билан алмаштирилсин;
(б) 3-банддаги «Инвестициялар ва ташқи савдо вазирлиги» сўзлари «Инвестициялар, саноат ва савдо вазирлиги» сўзлари билан алмаштирилсин;
(в) илова қуйидаги мазмундаги 23-банд билан тўлдирилсин:
«23. Қишлоқ хўжалиги маҳсулотларини етиштириш».
2. Ўзбекистон Республикаси Президентининг 2021 йил 15 декабрдаги «Мева-сабзавотчилик соҳасини давлат томонидан қўллаб-қувватлаш, тармоқда кластер ва кооперация тизимини янада ривожлантириш чора-тадбирлари тўғрисида»ги ПҚ-52-сон қарорининг 1-банди қуйидаги мазмундаги «г» кичик банд билан тўлдирилсин:
«г) қишлоқ хўжалиги корхоналарига, шу жумладан, фермер ва деҳқон хўжаликларига чорвачилик соҳасига озуқабоп экинларни етиштириш учун олти ой муддатда қайтариш шарти билан ҳар бир гектарига 15 миллион сўмгача Марказий банкнинг асосий ставкасидан юқори бўлмаган ставкада (шундан 2 фоизи банк маржаси) имтиёзли кредит маблағлари ажратилади».
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 23 июнь,
ПФ-97-сон
Oʻzbekiston Respublikasi Prezidentining
Farmoni
Mamlakatimizga toʻgʻridan-toʻgʻri xorijiy investitsiyalarni jalb etishni ragʻbatlantirishning qoʻshimcha chora-tadbirlari toʻgʻrisida
Investitsiya muhitini yanada yaxshilash, ishlab chiqarish va xizmat koʻrsatish sohalariga toʻgʻridan-toʻgʻri xorijiy investitsiyalarni keng jalb etish, shuningdek, xorijiy investorlar uchun ishonchli huquqiy himoya va kafolatlarni taʼminlash maqsadida qaror qilaman:
I. Toʻgʻridan-toʻgʻri xorijiy investitsiyalarni jalb etishni ragʻbatlantirish chora-tadbirlari
1. Oʻzbekiston Respublikasi Prezidentining 2005-yil 11-apreldagi “Toʻgʻridan-toʻgʻri xususiy xorijiy investitsiyalarni jalb etishni ragʻbatlantirish borasidagi qoʻshimcha chora-tadbirlar toʻgʻrisida”gi PF-3594-son Farmonining 1-bandiga muvofiq, Soliq kodeksida belgilangan alohida soliqlar boʻyicha imtiyozlar Toshkent viloyatidagi 4 va 5-toifadagi tumanlarda roʻyxatdan oʻtgan va shu hududlarda faoliyat yuritadigan tadbirkorlik subyektlariga ham tatbiq etilsin.
2. Oʻzbekiston Respublikasi Prezidentining 2005-yil 11-apreldagi PF-3594-son Farmoni bilan tasdiqlangan Toʻgʻridan-toʻgʻri xususiy xorijiy investitsiyalar uchun beriladigan imtiyozlar joriy etiladigan iqtisodiyot tarmoqlari roʻyxatiga “qishloq xoʻjaligi mahsulotlarini yetishtirish” yoʻnalishi kiritilsin.
II. Farmon ijrosini tashkil etish, taʼminlash va nazorat
3. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirish va qoʻshimchalar kiritilsin.
4. Mazkur Farmonning ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosarlari J.A. Xodjayev va J.A. Qoʻchqorov zimmasiga yuklansin.
Oʻzbekiston Respublikasi Prezidentining 2025-yil 23-iyundagi PF-97-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2005-yil 11-apreldagi “Toʻgʻridan-toʻgʻri xususiy xorijiy investitsiyalarni jalb etishni ragʻbatlantirish borasidagi qoʻshimcha chora-tadbirlar toʻgʻrisida”gi PF-3594-son Farmonida :
(a) 2-banddagi “Toshkent viloyatidan” soʻzlari “Toshkent viloyatining 1 — 3 toifadagi tuman va shaharlaridan” soʻzlari bilan almashtirilsin;
(b) 3-banddagi “Investitsiyalar va tashqi savdo vazirligi” soʻzlari “Investitsiyalar, sanoat va savdo vazirligi” soʻzlari bilan almashtirilsin;
(v) ilova quyidagi mazmundagi 23-band bilan toʻldirilsin:
“23. Qishloq xoʻjaligi mahsulotlarini yetishtirish”.
2. Oʻzbekiston Respublikasi Prezidentining 2021-yil 15-dekabrdagi “Meva-sabzavotchilik sohasini davlat tomonidan qoʻllab-quvvatlash, tarmoqda klaster va kooperatsiya tizimini yanada rivojlantirish chora-tadbirlari toʻgʻrisida”gi PQ-52-son qarorining 1-bandi quyidagi mazmundagi “g” kichik band bilan toʻldirilsin:
“g) qishloq xoʻjaligi korxonalariga, shu jumladan, fermer va dehqon xoʻjaliklariga chorvachilik sohasiga ozuqabop ekinlarni yetishtirish uchun olti oy muddatda qaytarish sharti bilan har bir gektariga 15 million soʻmgacha Markaziy bankning asosiy stavkasidan yuqori boʻlmagan stavkada (shundan 2 foizi bank marjasi) imtiyozli kredit mablagʻlari ajratiladi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 23-iyun,
PF-97-son
Президента Республики Узбекистан
Указ
О дополнительных мерах по стимулированию привлечения прямых иностранных инвестиций в страну
В целях дальнейшего улучшения инвестиционного климата, широкого привлечения прямых иностранных инвестиций в сферы производства и оказания услуг, а также обеспечения надежной правовой защиты и гарантий для иностранных инвесторов постановляю:
I. Меры по стимулированию привлечения прямых иностранных инвестиций
1. Льготы в соответствии с пунктом 1 Указа Президента Республики Узбекистан от 11 апреля 2005 года № УП-3594 «О дополнительных мерах по стимулированию привлечения прямых частных иностранных инвестиций» по отдельным налогам, установленные Налоговым кодексом , распространить также на субъекты предпринимательства, зарегистрированные и осуществляющие деятельность в районах Ташкентской области, отнесенных к категориям 4 и 5.
2. Включить в Перечень отраслей экономики, на которые распространяются льготы, предоставляемые для прямых частных иностранных инвестиций, утвержденный Указом Президента Республики Узбекистан от 11 апреля 2005 года № УП-3594, направление «выращивание сельскохозяйственной продукции».
II. Организация, обеспечение исполнения Указа и контроль
3. Внести изменения и дополнения в некоторые акты Президента Республики Узбекистан согласно приложению .
4. Обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на заместителей Премьер-министра Ж.А. Ходжаева и Д.А. Кучкарова.
ПРИЛОЖЕНИЕ к Указу Президента Республики Узбекистан от 23 июня 2025 года № УП-97
Изменения и дополнения, вносимые в некоторые акты Президента Республики Узбекистан
1. В Указе Президента Республики Узбекистан от 11 апреля 2005 года № УП-3594 «О дополнительных мерах по стимулированию привлечения прямых частных иностранных инвестиций»:
(а) в пункте 2 слова «Ташкентской области» заменить словами «районов и городов Ташкентской области, отнесенных к категориям 1 — 3»;
(б) в пункте 3 слова «Министерство инвестиций и внешней торговли» заменить словами «Министерство инвестиций, промышленности и торговли»;
(в) приложение дополнить пунктом 23 следующего содержания:
«23. Выращивание сельскохозяйственной продукции».
2. Пункт 1 постановления Президента Республики от 15 декабря 2021 года № ПП-52 «О мерах по государственной поддержке сферы плодоовощеводства, дальнейшему развитию системы кластера и кооперации в отрасли» дополнить подпунктом «г» следующего содержания:
«г) сельскохозяйственным предприятиям, в том числе фермерским и дехканским хозяйствам, выделяются льготные кредиты для выращивания кормовых культур для животноводческой отрасли в размере до 15 миллионов сумов на каждый гектар на условиях возврата в шестимесячный срок по ставке, не превышающей основную ставку Центрального банка (из них 2 процента — маржа банка)».
Президент Республики Узбекистан Ш. МИРЗИЁЕВ
г. Ташкент,
23 июня 2025 г.,
№ УП-97