UzbekAI

Ўзбекистон Республикаси Президентининг

қарори

«йўл харитаси»

Заргарлик буюмларини ишлаб чиқариш соҳасини қўллаб-қувватлаш бўйича қўшимча чора-тадбирлар тўғрисида

Заргарлик саноатини янада ривожлантириш ва республиканинг етакчи тармоқларидан бирига айлантириш, шунингдек, қимматбаҳо металлар ва қимматбаҳо тошлардан ясалган заргарлик ва бошқа буюмларни (кейинги ўринларда — заргарлик буюмлари) ишлаб чиқариш ва сотиш фаолиятини давлат томонидан қўллаб-қувватлаш мақсадида қарор қиламан:

I. Асосий мақсадлар

1. Қуйидагилар ушбу қарорни қабул қилишдан кўзланган асосий мақсадлар этиб белгилансин:

(а) қимматбаҳо металларни қайта ишлашнинг йиллик ҳажмини 7 тоннага, заргарлик буюмларини экспорт қилиш кўрсаткичларини 300 миллион АҚШ долларига етказиш;

(б) қимматбаҳо металлар ва заргарлик буюмларининг норасмий айланмасини камида 50 фоизга қисқартириш;

(в) заргарлик буюмларини ишлаб чиқариш фаолиятини саноат даражасига олиб чиқиш, халқаро бозорларда рақобатбардош ва замонавий дизайнга эга заргарлик буюмлари ишлаб чиқарилишини қўллаб-қувватлаш;

(г) заргарлик буюмларини ишлаб чиқариш ва реализация қилиш соҳасида самарали назорат тизимини жорий этиш.

II. Заргарлик буюмларини ишлаб чиқаришни қўллаб-қувватлаш

2. Ўзбекистон Республикаси Президентининг 2024 йил 23 июлдаги ПФ-104-сон Фармонига мувофиқ Давлат бюджетидан Тармоқларни қўллаб-қувватлаш жамғармасига ажратилган 100 миллиард сўм маблағлар ҳисобидан 1-иловада кўрсатилган харажатларни ҳам қоплашга рухсат берилсин.

3. Белгилансинки, 2025 йил 15 июлдан бошлаб:

(а) Тикланиш ва тараққиёт жамғармасига Ўзбекистон Республикаси Президентининг 2024 йил 23 июлдаги ПФ-104-сон Фармонида назарда тутилган мақсадли ресурсларни банкларга депозитга жойлаштириш билан бир қаторда Марказий банкнинг асосий ставкасидан 3 фоиз бандга паст фоиз ставкасида 5 йилгача муддатга лизинг ташкилотларига кредит линияси сифатида ажратишга ҳам рухсат берилади.

(i) Бунда лизинг ташкилотлари ажратилган кредит линияси ҳисобидан заргарлик саноатида ишлатиладиган асбоб-ускуна, эҳтиёт қисмлар ва бутловчи буюмларни 2 йиллик имтиёзли давр билан 5 йилгача бўлган муддатга Марказий банкнинг асосий ставкасида, фоизларни қарздорлик қолдиқ қисмига ҳисоблаш тартибида лизингга беради;

(б) белгиланган тартибда шакллантириладиган рўйхатлар бўйича олиб кириладиган ва Ўзбекистон Республикасида ишлаб чиқарилмайдиган ҳамда заргарлик саноатида фойдаланиладиган асбоб-ускуналар, эҳтиёт қисмлари, бутловчи буюмлар ва сарфлов воситалари 2028 йил 1 июлга қадар божхона божидан озод этилади;

(в) «Навоий КМК» АЖ ва «Олмалиқ КМК» АЖ томонидан қимматбаҳо металларни тўғридан-тўғри шартнома асосида ва кечиктириб тўлаш шарти билан сотиш тартиби 2030 йил 1 январга қадар узайтирилади.

(i) Бунда қимматбаҳо металларни кечиктириб тўлаш шарти билан сотиб олиб, муддати ўтган қарздорликка йўл қўйган тадбиркорлик субъектларига қарздорлик тўлиқ ёпилмагунига қадар ушбу тартиб асосида қимматбаҳо металлар реализация қилинмайди.

4. Заргарлик буюмларини ишлаб чиқариш ва сотишга ихтисослашган ҳамда белгиланган талабларга жавоб берадиган мажмуаларга заргарлик маркази мақомини бериш ваколати Заргарлик саноатини ривожлантириш бўйича республика кенгашига (Ж. Қўчқоров) берилсин.

5. Белгилансинки, заргарлик марказларида фаолият юритаётган тадбиркорлик субъектларига қуйидаги қўллаб-қувватлаш чоралари тақдим этилади:

(а) қимматбаҳо металларни кечиктириб тўлаш шарти билан сотишда 90 кун ичида амалга оширилган тўловлар қисмига фоиз ҳисобланмайди, 91-кундан бошлаб 180-кунгача амалга оширилган тўловлар қисмига — йиллик 3 фоиз миқдорида фоиз ҳисобланади;

(б) заргарлик марказларида «Ўзбекзаргарсаноати» уюшмаси ва Давлат асиллик даражаси назорати инспекциясининг филиаллари фаолияти (сайёр хизмат кўрсатиш) йўлга қўйилади ҳамда заргарлик буюмлари ва қимматбаҳо тошларни тезкор диагностика қилиш лабораторияси ташкил этилади;

(в) заргарлик марказларида фаолият юритаётган тадбиркорлик субъектлари «Ўзбекзаргарсаноати» уюшмасига аъзо бўлганда аъзолик бадалини 50 фоизлик чегирма билан тўлайди.

III. Заргарлик соҳасида хуфиёна иқтисодиёт улушини камайтириш

6. Белгилаб қўйилсинки, 2026 йил 1 январдан бошлаб:

(а) қуйидагилар бекор қилинади:

(i) қимматбаҳо металлар ва қимматбаҳо тошлардан ишлаб чиқарилган заргарлик буюмлари ва ярим тайёр маҳсулотларни реализация қилиш бўйича айланмани қўшилган қиймат солиғидан озод қилишга оид имтиёз;

(ii) олтиндан ясалган заргарлик буюмларини чакана савдода сотганлик учун йиғим;

(б) заргарлик буюмларини ишлаб чиқариш ёки уларни сотиш фаолияти билан шуғулланувчи тадбиркорлик субъектлари даромадидан қатъи назар, қўшилган қиймат солиғини тўловчилар деб эътироф этилади;

(в) 2028 йил 1 январга қадар заргарлик буюмларини ишлаб чиқарувчилар қўшилган қиймат солиғи базасини заргарлик буюмлари ва ярим тайёр маҳсулотларни реализация қилиш нархи ҳамда улар таркибидаги қимматбаҳо металлар ва қимматбаҳо тошлар нархи ўртасидаги ижобий фарқдан келиб чиқиб аниқлайди. Бунда:

(i) заргарлик буюмлари ва ярим тайёр маҳсулотларни реализация қилиш нархидан фақат «Навоий КМК» АЖ, «Олмалиқ КМК» АЖ ва биржа савдолари орқали бошқа субъектлардан сотиб олинган қимматбаҳо металлар нархини ҳамда импорт қилинган қимматбаҳо тошлар нархини чегириб ташлашга рухсат этилади;

(ii) заргарлик буюмлари ва ярим тайёр маҳсулотлар таркибидаги қимматбаҳо металлар ва қимматбаҳо тошлар нархи Солиқ қўмитасининг расмий веб-сайтида эълон қилиб бориладиган нархлардан келиб чиқиб ҳисобланади;

(iii) қимматбаҳо металларни олтин изловчилар усулида қазиб олишга доир фаолиятни амалга оширувчи тадбиркорлик субъектлари ҳамда аффинаж корхоналарига қимматбаҳо металларни биржа савдолари орқали реализация қилишга рухсат этилади;

(г) 2028 йил 1 январга қадар заргарлик буюмларини ишлаб чиқариш ёки уларни сотиш фаолияти билан шуғулланувчи тадбиркорлик субъектларига улар томонидан бюджетга тўланган қўшилган қиймат солиғининг 80 фоизи ҳар ойнинг 25-санасигача автоматик равишда Ўзбекистон Республикасининг республика бюджетидан қайтарилади.

(i) Бунда ушбу тартиб юқоридаги субъектлар томонидан солиқ даврида жами олган даромадининг камида 80 фоизи заргарлик буюмларини ишлаб чиқариш ва улар билан чакана савдо қилишдан олинган тақдирда татбиқ этилади.

7. Шундай тартиб ўрнатилсинки, унга мувофиқ:

(а) 2025 йил 1 сентябрга қадар Давлат асиллик даражаси назорати инспекцияси томонидан хорижда ишлаб чиқарилган заргарлик буюмларининг асиллик даражасини текшириш ва уларни тамғалашда божхона тўловлари тўланганлигини тасдиқловчи ҳужжатлар талаб қилинмайди. Бунда:

(i) мазкур банднинг «а» кичик бандига мувофиқ тамғаланган заргарлик буюмларини божхона тўловлари тўланганлигини тасдиқловчи ҳужжатларсиз реализация қилишга рухсат этилади;

(ii) 2025 йил 1 сентябрдан бошлаб Давлат асиллик даражаси назорати инспекциясига хорижда ишлаб чиқарилган заргарлик буюмларининг, башарти улар бўйича божхона тўловлари амалга оширилганлигини тасдиқловчи ҳужжатлар бўлмаса, асиллик даражасини текшириш ва тамғалаш ман этилади;

(б) 2025 йил 1 сентябрдан бошлаб:

(i) якка тартибдаги тадбиркорларга заргарлик буюмларини сотиш фаолияти билан шуғулланишга рухсат этилади;

(ii) Давлат асиллик даражаси назорати инспекцияси томонидан Тошкент ва Нукус шаҳарлари ҳамда вилоятлар марказларида заргарлик буюмларининг асиллик даражасини текшириш ва уларни тамғалаш бўйича сайёр хизмат кўрсатиш амалиёти йўлга қўйилади;

(iii) қимматбаҳо металлар ва қимматбаҳо тошлар тўғрисидаги қонунчиликка оид ҳуқуқбузарликлар тўғрисида «Soliq» мобил иловаси орқали хабар берган шахсларга ундирилган жарима миқдорининг 50 фоизи миқдорида мукофот тўланади.

8. «Ўзбекзаргарсаноати» уюшмасининг тадбиркорлик субъекти сифатида рўйхатдан ўтмасдан ёки хабардор қилиш тартиб-таомилларига риоя қилмасдан заргарлик буюмларини ишлаб чиқариш ва сотиш билан шуғулланаётган шахслар фаолиятини белгиланган тартибда расмийлаштиришга кўмаклашиш ва уларни олти ой муддатга уюшмага аъзолик бадалини тўлашдан озод қилиш тўғрисидаги таклифи маъқуллансин.

IV. Заргарлик буюмлари импортини тартибга солиш

9. Белгилансинки, 2025 йил 1 сентябрдан бошлаб 2028 йил 1 сентябрга қадар:

(а) заргарлик буюмларини (ТИФ ТН 7113- ва 7114-товар позициясидаги маҳсулотларни) Ўзбекистон Республикаси ҳудудига олиб киришда божхона божи 2 фоиз ставкада қўлланади;

(б) заргарлик буюмларини «эркин муомалага чиқариш» ва «экспорт» божхона режимларига жойлаштиришда божхона расмийлаштируви учун йиғим уларнинг божхона қийматидан қатъи назар, базавий ҳисоблаш миқдорининг бир баравари миқдорида ундирилади;

(в) импорт қилинган заргарлик буюмларини Давлат асиллик даражаси назорати инспекциясида тамғалаш учун ундириладиган йиғим миқдори маҳаллий ишлаб чиқарувчилар учун белгиланган миқдорга тенглаштирилади;

(г) божхона чегараси орқали олиб кирилганлигини тасдиқловчи ҳужжатлари бўлмаган заргарлик буюмларини божхона тўловларини амалга ошириш ва божхона юк декларациясини тўлдириш орқали декларация қилишга рухсат берилади.

V. Самарали назорат тизимини жорий этиш

10. Эксперимент тариқасида қимматбаҳо металлар ва қимматбаҳо тошлар тўғрисидаги қонунчиликка риоя этилиши устидан давлат назоратини амалга оширишнинг қуйидаги тартиби жорий этилсинки, унга мувофиқ 2026 йил 1 январга қадар:

(а) Давлат асиллик даражаси назорати инспекцияси ва солиқ органлари ходимлари томонидан тадбиркорлик субъектларида қимматбаҳо металлар ва қимматбаҳо тошлар тўғрисидаги қонунчиликка оид ҳуқуқбузарликлар аниқланганда улар биринчи марта огоҳлантирилади;

(б) огоҳлантиришдан сўнг бир ой муддатда ҳуқуқбузарлик бартараф этилмагани ёки такроран аниқлангани Давлат асиллик даражаси назорати инспекцияси ва солиқ органлари томонидан сайёр текширув ўтказишга асос бўлади;

(в) сайёр текширув фақат қимматбаҳо металлар ва қимматбаҳо тошлар тўғрисидаги қонунчиликка оид ҳуқуқбузарликлар бўйича ўтказилади ҳамда текширув бошлангандан сўнг 24 соат ичида «Ягона давлат назорати» ахборот тизимида рўйхатга олиш орқали Бизнес-омбудсманни хабардор этиш тартибида амалга оширилади;

(г) сайёр текширув натижалари бўйича расмийлаштирилган далолатнома ва қарор тадбиркорлик субъектларига нисбатан қонунчиликда белгиланган жавобгарлик чораларини кўришга асос бўлади.

VI. Қарор ижросини ташкил этиш, таъминлаш ва назорат

11. Заргарлик саноатини ривожлантириш ва соҳада хуфиёна иқтисодиёт улушини камайтириш бўйича «йўл харитаси» 2-иловага мувофиқ тасдиқлансин.

12. Иқтисодиёт ва молия вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

13. Давлат органлари тегишли қонуности ҳужжатлари ва идоравий кўрсатмалар қабул қилинишини кутмасдан мазкур қарор нормалари кучга кирган пайтдан эътиборан сўзсиз ва тўғридан-тўғри амалда қўлланишини таъминласин.

14. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров белгилансин.

15. Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2025 йил 26 июндаги ПҚ-207-сон қарорига 1-ИЛОВА

Ўзбекистон Республикаси Президентининг 2024 йил 23 июлдаги ПФ-104-сон Фармонига мувофиқ Давлат бюджетидан Тармоқларни қўллаб-қувватлаш жамғармасига ажратилган 100 миллиард сўм маблағлар ҳисобидан қоплашга рухсат этиладиган харажатлар йўналишлари

Т/р Харажат йўналишлари Шартлари ва миқдори 1. Таниқли хорижий брендларнинг заргарлик буюмлари дизайнидан фойдаланиш ҳуқуқини сотиб олиш ёки улар билан франшиза асосида ҳамкорлик қилиш харажатларини қоплаш. Битта тадбиркорлик субъекти учун 30 000 АҚШ долларигача 2. Заргарлик буюмларини ишлаб чиқариш жараёнларини халқаро тизимларда сертификациядан ўтказиш харажатларини қоплаш. Битта халқаро сертификат бўйича 30 000 АҚШ долларигача 3. Хориждан жалб қилинган дизайнер, технолог, маркетолог ва геммологларга иш ҳақи тўлаш харажатларини қоплаш. Бир ойда битта мутахассис учун меҳнатга ҳақ тўлашнинг энг кам миқдорининг 25 бараваригача, бироқ 1 йилдан кўп бўлмаган муддатга * 4. Маҳаллий мутахассисларни хорижий таълим ва ишлаб чиқариш ташкилотларида ўқитиш, малака ошириш ва стажировкага юбориш харажатларини қоплаш. Битта мутахассис учун меҳнатга ҳақ тўлашнинг энг кам миқдорининг 60 бараваридан кўп бўлмаган миқдорда * 5. Заргарлик буюмларини «Ўзбекистон олтини» шиори остида оммавий ахборот воситалари, интернет ва ижтимоий тармоқлар орқали, шу жумладан, хорижда тарғиб этиш харажатларини қоплаш. Харажатларнинг 50 фоизи миқдорида, лекин битта тадбиркорлик субъектига 5 000 АҚШ долларидан кўп бўлмаган миқдорда 6. Заргарлик саноатини ривожлантиришнинг 5 йилга мўлжалланган стратегиясини ишлаб чиқиш харажатларини қоплаш. Тўлиқ миқдорда

Ўзбекистон Республикаси Президентининг 2025 йил 26 июндаги ПҚ-207-сон қарорига 2-ИЛОВА

Заргарлик саноатини ривожлантириш ва соҳада хуфиёна иқтисодиёт улушини камайтириш бўйича

Т/р Чора-тадбирлар номланиши Амалга ошириш механизми Ижро муддати Масъул ижрочилар I. Заргарлик буюмларининг рақобатдошлигини ошириш 1. Заргарлик саноатини ривожлантиришнинг 5 йиллик стратегиясини ишлаб чиқиш. 1. Стратегияни ишлаб чиқиш учун халқаро консалтинг компаниясини жалб қилиш. 2025 йил 1 сентябрь Савдо-саноат палатаси, «Ўзбекзаргарсаноати» уюшмаси, Иқтисодиёт ва молия вазирлиги 2. Стратегияни ишлаб чиқиш ва тасдиқлаш учун Вазирлар Маҳкамасига киритиш. 2026 йил 1 март 2. Қимматбаҳо металлар ва қимматбаҳо тошлардан ясалган заргарлик ва бошқа буюмлар (кейинги ўринларда — заргарлик буюмлари) ишлаб чиқарувчиларнинг замонавий асбоб-ускуна ва эҳтиёт қисмларга бўлган эҳтиёжини таъминлаш. 1. Ўзбекистон Республикаси Президентининг 2024 йил 23 июлдаги ПФ-104-сон Фармонида назарда тутилган Тикланиш ва тараққиёт жамғармасининг мақсадли ресурсларини тижорат банкларига депозитга жойлаштириш билан бир қаторда Марказий банкнинг асосий ставкасидан 3 фоиз бандга паст фоиз ставкасида 5 йилгача муддатга лизинг ташкилотларига ҳам кредит линия сифатида ажратиш. 2. Лизинг ташкилотлари томонидан кредит линия сифатида ажратилган ресурслар ҳисобидан заргарлик саноатида ишлатиладиган асбоб-ускуна, эҳтиёт қисмлар ва бутловчи буюмларни 2 йиллик имтиёзли давр билан 5 йилгача бўлган муддатга Марказий банкнинг асосий ставкасида, фоизларни қарздорлик қолдиқ қисмига ҳисоблаш тартибида лизингга бериш амалиётини жорий этиш. Талабга мувофиқ Тикланиш ва тараққиёт жамғармаси, Иқтисодиёт ва молия вазирлиги, Марказий банк 3. Заргарлик буюмларини ишлаб чиқариш ва сотишга ихтисослашган мажмуаларга заргарлик маркази мақомини бериш тартибини ишлаб чиқиш. Заргарлик буюмларини ишлаб чиқариш ва сотишга ихтисослашган, шу жумладан, хусусий сектор томонидан ташкил этилган мажмуаларга заргарлик маркази мақомини бериш тартибини белгиловчи Ҳукумат қарори лойиҳасини Вазирлар Маҳкамасига киритиш. 2025 йил 1 октябрь Иқтисодиёт ва молия вазирлиги, Савдо-саноат палатаси, «Ўзбекзаргарсаноати» уюшмаси 4. Заргарлик марказларида фаолият юритувчи заргарлик буюмлари ишлаб чиқарувчиларга ўз брендини яратишга кўмаклашиш. 1. Термиз шаҳрида тадбиркорлик субъекти томонидан ташкил этилган мажмуага заргарлик маркази мақомини бериш масаласини кўриб чиқиш. 2026 йил 1 январь Сурхондарё вилояти ҳокимлиги, Савдо-саноат палатаси, «Ўзбекзаргарсаноати» уюшмаси 2. Заргарлик марказларида камида биттадан заргарлик брендларини яратиш. Бунда заргарлик марказларида фаолият юритаётган заргарлик буюмлари ишлаб чиқарувчиларга қуйидагилар бўйича кўмаклашиш: (а) кредит ва лизинг асосида заргарлик саноатида ишлатиладиган асбоб-ускуна, эҳтиёт қисмлар ва бутловчи буюмларни сотиб олиш; (б) хомашёга бўлган талабни тўлиқ таъминлаш; (в) хориждан дизайнер, маркетолог ва геммологларни олиб келиш ва уларга иш ҳақини тўлаш билан боғлиқ харажатларни белгиланган тартибда қоплаш; (г) заргарлик буюмларини ишлаб чиқариш жараёнларини халқаро тизимларда сертификациядан ўтказиш ва бу билан боғлиқ харажатларни белгиланган тартибда қоплаш; (д) ишлаб чиқарилган заргарлик брендлари билан халқаро кўргазмаларда қатнашиш ҳамда хорижда уларнинг рекламасини ташкил қилиш. 2026 йил 1 сентябрь Андижон, Бухоро, Наманган, Самарқанд, Сурхондарё, Фарғона, Хоразм вилоятлари ва Тошкент шаҳри ҳокимликлари, Савдо-саноат палатаси, «Ўзбекзаргарсаноати» уюшмаси, Иқтисодиёт ва молия вазирлиги 3. Заргарлик марказларига туристларни жалб қилишга қаратилган чора-тадбирларни амалга ошириш. Бунда: (а) туроператор ва турагентлар билан ҳамкорликда заргарлик марказларини туристик йўналишлар (маршрутлар)га киритиш; (б) заргарлик марказларининг имкониятлари тўғрисида тарғибот материаллари тайёрлаш; (в) ҳар йилги «Ипак йўлида туризм» Тошкент халқаро туризм кўргазмаси, хорижий ҳамда маҳаллий туризм ярмаркалари ва кўргазмаларида заргарлик марказлари фаолиятини намойиш қилиб бориш. 2026 йил декабрдан бошлаб доимий Туризм қўмитаси, Андижон, Бухоро, Наманган, Самарқанд, Сурхондарё, Фарғона, Хоразм вилоятлари ва Тошкент шаҳри ҳокимликлари, «Ўзбекзаргарсаноати» уюшмаси, Савдо-саноат палатаси 5. Заргарлик буюмлари ишлаб чиқарувчиларнинг хомашёга бўлган эҳтиёжини таъминлаш. 1. «Ўзмиллийбанк» АЖнинг Қорақалпоғистон Республикаси, вилоятлар ва Тошкент шаҳридаги минтақавий филиаллари омборхоналарида талабдан келиб чиққан ҳолда қимматбаҳо металлар захираларини шакллантириш. Талабга мувофиқ «Навоий КМК» АЖ, «Ўзмиллийбанк» АЖ 2. Қимматбаҳо металлар бевосита «Навоий КМК» АЖ ва «Олмалиқ КМК» АЖнинг омборхоналаридан олиб кетилганда, уларнинг 1 кун муддатда тўлиқ ҳажмда юклаб берилишини таъминлаш. Талабга мувофиқ «Навоий КМК» АЖ, «Олмалиқ КМК» АЖ, «Ўзбекистон республика товар-хом ашё биржаси» АЖ 6. Ўзбекистон Республикасида ишлаб чиқарилмайдиган ҳамда заргарлик соҳасида фойдаланиладиган асбоб-ускуналар, эҳтиёт қисмлар, бутловчи буюмлар ва сарфлов воситаларини божхона божидан озод этиш. 1. Ўзбекистон Республикасида ишлаб чиқарилмайдиган ҳамда заргарлик соҳасида фойдаланиладиган асбоб-ускуналар, эҳтиёт қисмлар, бутловчи буюмлар ва сарфлов воситалари рўйхатини шакллантириш ҳамда «Лойиҳалар ва импорт контрактларини комплекс экспертиза қилиш маркази» ДУКга киритиш. 2025 йил 1 август Савдо-саноат палатаси, «Ўзбекзаргарсаноати» уюшмаси, Божхона қўмитаси 2. Ўзбекистон Республикасида ишлаб чиқарилмайдиган ҳамда заргарлик соҳасида фойдаланиладиган асбоб-ускуналар, эҳтиёт қисмлари, бутловчи буюмлар ва сарфлов воситаларини экспертизадан ўтказиш. 2025 йил 1 сентябрь «Лойиҳалар ва импорт контрактларини комплекс экспертиза қилиш маркази» ДУК 3. Экспертиза натижаларидан келиб чиқиб, Ўзбекистон Республикаси ҳудудига четдан олиб киришда божхона божларидан озод қилинадиган Ўзбекистон Республикасида ишлаб чиқарилмайдиган ҳамда заргарлик соҳасида фойдаланиладиган асбоб-ускуналар, эҳтиёт қисмлар, бутловчи буюмлар ва сарфлов воситалари рўйхатини тасдиқлашни назарда тутувчи Ҳукумат қарори лойиҳасини Вазирлар Маҳкамасига киритиш. 2025 йил 1 ноябрь Савдо-саноат палатаси, «Ўзбекзаргарсаноати» уюшмаси 7. Заргарлик буюмларини Ўзбекистон Республикаси ҳудудига олиб кириш тартибини такомиллаштириш. 1. Қуйидагиларни назарда тутувчи норматив-ҳуқуқий ҳужжат лойиҳасини Вазирлар Маҳкамасига киритиш: (а) импорт қилинган заргарлик буюмларини Давлат асиллик даражаси назорати инспекциясида тамғалаш учун ундириладиган йиғим миқдорини маҳаллий ишлаб чиқарувчилар учун белгиланган миқдорга тенглаштириш; (б) Давлат асиллик даражаси назорати инспекциясига хорижда ишлаб чиқарилган заргарлик буюмларининг, башарти улар бўйича божхона тўловлари амалга оширилганлигини тасдиқловчи ҳужжатлар бўлмаса, асиллик даражасини текшириш ва тамғалашни ман этиш. 2025 йил 1 сентябрь Давлат асиллик даражаси назорати инспекцияси, Савдо-саноат палатаси, «Ўзбекзаргарсаноати» уюшмаси 2. Тажриба тариқасида Тошкент шаҳридаги «Тошкент-АЭРО» ихтисослаштирилган божхона комплекси ҳудудида Давлат асиллик даражаси назорати инспекциясининг заргарлик буюмларининг асиллик даражасини текшириш ва уларни тамғалаш бўйича филиалини ташкил қилиш. 2026 йил 1 март Иқтисодиёт ва молия вазирлиги, Давлат асиллик даражаси назорати инспекцияси, Транспорт вазирлиги, Божхона қўмитаси 8. Заргарлик соҳасида фаолият юритаётган мутахассислар малакасини ошириш. 1. Заргарлик соҳасида фаолият юритаётган мутахассисларнинг малакасини ошириш учун «HRD Antwerp» (Бельгия) ва «IIGJ» (Ҳиндистон) каби хорижий таълим ташкилотлар билан музокаралар ўтказиш. 2025 йил ноябрь Савдо-саноат палатаси, «Ўзбекзаргарсаноати» уюшмаси 2. Заргарлик соҳасида фаолият юритаётган камида 100 нафар мутахассисни, шу жумладан, дизайнер, технолог ва қимматбаҳо тошлар билан ишлайдиган геммологларни хорижга қисқа муддатли малака оширишга юбориш. 2025-2026 йилларда танлов асосида 9. Касбий кўникмалар ва заргарлик марказларида заргарлик саноати йўналишидаги қисқа муддатли ўқув курсларини ташкил қилиш. 1. Касбий кўникмалар ва заргарлик марказларида заргарлик саноати йўналишидаги қисқа муддатли ўқув курсларини ташкил қилиш. 2. Қисқа муддатли ўқув курсларида замонавий таълим дастурларини жорий қилиш ҳамда малакали хорижий ва маҳаллий мутахассисларни жалб қилиш. 2025 йил сентябрь Савдо-саноат палатаси, «Ўзбекзаргарсаноати» уюшмаси, Камбағалликни қисқартириш ва бандлик вазирлиги 10. Заргарлик соҳасида республика кўрик-танловларини ташкил этиш. Заргарлик соҳасида республика кўрик-танловларини ташкил этиш бўйича Ҳукумат қарори лойиҳасини Вазирлар Маҳкамасига киритиш. Бунда қарор лойиҳасида қуйидагиларни назарда тутиш: (а) заргарлик соҳасида «Энг яхши заргар», «Энг яхши дизайнер», «Йил бренди» каби номинациялар бўйича республика кўрик-танловларини ташкил этиш; (б) «Uzbek jewelery fair» кўргазмаси доирасида кўрик-танлов ғолибларини Тармоқларни қўллаб-қувватлаш жамғармаси маблағлари ҳисобидан мукофотлаш. 2025 йил 1сентябрь Савдо-саноат палатаси, «Ўзбекзаргарсаноат» уюшмаси II. Заргарлик соҳасида хуфиёна иқтисодиёт улушини камайтириш 11. Якка тартибдаги тадбиркорларга заргарлик буюмларини сотиш фаолияти билан шуғулланишга рухсат этиш. Якка тартибдаги тадбиркорларга заргарлик буюмларини сотиш билан шуғулланишга рухсат беришни назарда тутувчи Ҳукумат қарори лойиҳасини Вазирлар Маҳкамасига киритиш. 2025 йил 1 август Савдо-саноат палатаси, Иқтисодиёт ва молия вазирлиги, Солиқ қўмитаси 12. Заргарлик буюмларининг ноқонуний айланмасини қисқартириш. 1. Заргарлик буюмларининг ноқонуний айланмасини қисқартириш бўйича назорат тадбирларини ўтказиш, шу жумладан: (а) қимматбаҳо металлар ва қимматбаҳо тошларни ноқонуний қазиб олиш ва сотиш, шунингдек, заргарлик буюмларини ноқонуний реализация қилиш фаолияти билан шуғулланаётган шахсларни аниқлаш ва уларга нисбатан қонунчиликда белгиланган чоралар кўриш; (б) заргарлик буюмларини божхона чегараси орқали Ўзбекистон Республикаси ҳудудига ноқонуний олиб кириш ҳолатларининг олдини олиш; (в) қимматбаҳо металлар ва заргарлик буюмларининг ноқонуний бозорларини аниқлаш ва уларнинг фаолиятига чек қўйиш; (г) заргарлик буюмлари ишлаб чиқарувчилар томонидан «Навоий КМК» АЖ ва «Олмалиқ КМК» АЖдан сотиб олинган қимматбаҳо металларнинг самарали ва мақсадли ишлатилишини ўрганиш; (д) қимматбаҳо металлар ва қимматбаҳо тошлар айланмаси ва муомаласи соҳасида ҳуқуқбузарликларнинг олдини олиш бўйича кенг қамровли тушунтириш ва профилактик ишларни амалга ошириш. 2025 йил июль — декабрь ойлари Давлат асиллик даражаси назорати инспекцияси, Солиқ қўмитаси, Божхона қўмитаси, Тоғ-кон саноати ва геология вазирлиги, Ички ишлар вазирлиги, Иқтисодий жиноятларга қарши курашиш департаменти, Савдо-саноат палатаси, «Ўзбекзаргарсаноати» уюшмаси 2. Қимматбаҳо металлар ва қимматбаҳо тошларни ноқонуний қазиб олиш ва сотиш, шунингдек, заргарлик буюмларини ноқонуний реализация қилиш билан шуғулланаётган шахсларнинг расмий фаолият юритишига кўмаклашиш. 2025 йил 1 декабрь 13. Тошкент ва Нукус шаҳарлари ҳамда вилоятлар марказларида заргарлик буюмларининг асиллик даражасини текшириш ва уларни тамғалаш бўйича сайёр хизмат кўрсатиш амалиётини йўлга қўйиш. 1. Тошкент ва Нукус шаҳарлари ҳамда вилоятлар марказларида Давлат асиллик даражаси назорати инспекциясининг заргарлик буюмларининг асиллик даражасини текшириш ва уларни тамғалаш бўйича сайёр хизмат кўрсатиш амалиётини йўлга қўйиш. 2025 йил 1 сентябрь Давлат асиллик даражаси назорати инспекцияси, Иқтисодиёт ва молия вазирлиги 2. Заргарлик буюмларининг асиллик даражасини текшириш ва уларни тамғалаш бўйича сайёр хизмат кўрсатиш натижаларидан келиб чиқиб, ҳудудларда Давлат асиллик даражаси назорати инспекциясининг филиалларини очиш бўйича Ўзбекистон Республикаси Президенти Администрациясига таклиф киритиш. 2026 йил 1 январь 14. Аҳолидан заргарлик буюмларини, қимматбаҳо металлар ва қимматбаҳо тошларни, уларнинг парчалари ва чиқиндиларини сотиб олишни тартибга солиш. 1. Аҳолидан заргарлик буюмларини, қимматбаҳо металлар ва қимматбаҳо тошлардан ишлаб чиқарилган ярим тайёр маҳсулотларни, қимматбаҳо металлар ва қимматбаҳо тошларнинг парчалари ва чиқиндиларини сотиб олишни тартибга солиш бўйича Ҳукумат қарори лойиҳасини Вазирлар Маҳкамасига киритиш. 2025 йил 1 ноябрь Давлат асиллик даражаси назорати инспекцияси, Савдо-саноат палатаси, «Ўзбекзаргарсаноати» уюшмаси, Солиқ қўмитаси 2. Аҳолидан сотиб олинган заргарлик буюмлари, қимматбаҳо металлар ва қимматбаҳо тошлардан ишлаб чиқарилган ярим тайёр маҳсулотлар, қимматбаҳо металлар ва қимматбаҳо тошларнинг парчалари ва чиқиндилари тўғрисидаги маълумотларнинг тадбиркорлик субъектлари томонидан электрон шаклда солиқ органлари маълумотлар базасида акс эттирилишини солиқ солиш мақсадларида кирим ҳужжатларига тенглаштириш. 2025 йил 1 ноябрь 15. Савдо марказлари, дўконлар ва бозорларда заргарлик буюмлари билан савдо қилишни тартибга солиш. 1. Савдо марказлари, дўконлар ва бозорларда қуйидаги назорат тадбирларини ўтказиш: (а) заргарлик буюмлари билан чакана савдо қилиш ва уларни тамғалаш қоидаларига риоя қилинишини ўрганиш; (б) чет элда ишлаб чиқарилган заргарлик буюмлари бўйича божхона тўловлари тўланганлигини тасдиқловчи ҳужжатлари мавжудлигини ўрганиш. 2. Назорат тадбирларини ўтказиш жараёнларига «Ўзбекзаргарсаноати» уюшмаси мутахассисларини жалб этиш. 2025 йил 1 сентябрдан бошлаб мунтазам равишда Давлат асиллик даражаси назорати инспекцияси, Солиқ қўмитаси, Савдо-саноат палатаси, «Ўзбекзаргарсаноати» уюшмаси 3. Бозорларда заргарлик буюмларининг ноқонуний айланмаси йўлга қўйилган жойларни ободонлаштириш ва барча қулайликларга эга замонавий савдо расталарини ташкил қилиш ҳамда амалга оширилган ишлар юзасидан Ўзбекистон Республикаси Президенти Администрациясига ахборот киритиш. 2025 йил 1 декабрь Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимлиги 4. Заргарлик буюмларини сотиш фаолияти билан шуғулланаётган шахсларнинг заргарлик буюмларини ишлаб чиқарувчилар билан тўғридан-тўғри алоқалар ўрнатишига кўмаклашиш. 5. Қонунчилик ҳужжатларида заргарлик соҳаси иштирокчилари учун яратилган имтиёз ва имкониятлар, расмий фаолиятнинг афзалликлари ва рақамли маркетинг асослари бўйича бевосита жойларда ўқув семинарлар ўтказиш. 2025 йил июль — сентябрь ойлари Савдо-саноат палатаси, «Ўзбекзаргарсаноати» уюшмаси 16. Заргарлик буюмларини ишлаб чиқариш ёки уларни сотиш фаолияти билан шуғулланувчи тадбиркорлик субъектлари томонидан қўшилган қиймат солиғи тўлашни тартибга солиш. 1. Қуйидагиларни назарда тутувчи норматив-ҳуқуқий ҳужжат лойиҳаларини Вазирлар Маҳкамасига киритиш: (а) қимматбаҳо металлар ва қимматбаҳо тошлардан ишлаб чиқарилган заргарлик буюмлари ва ярим тайёр маҳсулотларни реализация қилиш бўйича айланмани қўшилган қиймат солиғидан озод қилишга оид имтиёзни бекор қилиш; (б) заргарлик буюмларини ишлаб чиқариш ёки уларни сотиш фаолияти билан шуғулланувчи тадбиркорлик субъектларини, уларнинг даромадидан қатъи назар, қўшилган қиймат солиғини тўловчилар деб эътироф этиш; (в) 2028 йил 1 январга қадар қўшилган қиймат солиғи базасини заргарлик буюмлари ва ярим тайёр маҳсулотларни реализация қилиш нархи ҳамда улар таркибидаги импорт қилинган қимматбаҳо тошлар, шунингдек, саноат усулида қазиб олувчилардан тўғридан-тўғри шартномалар ва биржа савдолари орқали ҳамда бошқа субъектлардан биржа савдолари орқали сотиб олинган қимматбаҳо металлар нархи ўртасидаги ижобий фарқдан келиб чиқиб аниқлаш. Бунда: (i) заргарлик буюмларини ишлаб чиқарувчилар зиммасига реализация қилинаётган заргарлик буюмлари ва ярим тайёр маҳсулотлар бўйича электрон ҳисобварақ фактураларни расмийлаштиришда Солиқ қўмитасининг ахборот тизимига ушбу буюм ва маҳсулотларнинг асиллик даражаси, улар таркибидаги қимматбаҳо металлар ҳамда қимматбаҳо тошлар миқдори ва қиймати тўғрисидаги маълумотларни киритиш вазифаси юкланади; (ii) заргарлик буюмлари ва ярим тайёр маҳсулотлар таркибидаги қимматбаҳо металлар ва қимматбаҳо тошлар қиймати Солиқ қўмитасининг расмий веб-сайтида эълон қилиб бориладиган нархлардан келиб чиқиб ҳисобланади; (г) 2028 йил 1 январга қадар заргарлик буюмларини ишлаб чиқариш ёки уларни сотиш фаолияти билан шуғулланувчи тадбиркорлик субъектлари томонидан бюджетга тўланган қўшилган қиймат солиғининг 80 фоизини ҳар ойнинг 25-санасигача автоматик равишда Ўзбекистон Республикасининг республика бюджетидан қайтариш; (д) олтиндан ясалган заргарлик буюмларини чакана савдода сотганлик учун йиғимни бекор қилиш. 2025 йил 1 декабрь Иқтисодиёт ва молия вазирлиги, Солиқ қўмитаси 2. Қимматбаҳо металлар нархларини ҳисобот ойидан олдинги ойдаги ўртача биржа нархлардан келиб чиқиб белгилаш ва Солиқ қўмитасининг расмий веб-сайтида эълон қилиб бориш. 2026 йил 1 январдан бошлаб ҳар ойнинг 25 санасигача Солиқ қўмитаси, «Ўзбекзаргарсаноати» уюшмаси, Иқтисодиёт ва молия вазирлиги 3. Қимматбаҳо тошлар нархларини жаҳон бозорида шаклланган нархлардан келиб чиқиб аниқлаш ва Солиқ қўмитасининг расмий веб-сайтида эълон қилиб бориш. 2026 йил 1 январдан бошлаб ҳар ойнинг 25 санасигача 4. Қимматбаҳо металлар ва қимматбаҳо тошлар нархлари тўғрисидаги маълумотларни ҳудудий солиқ органларига ва шахсий кабинет орқали солиқ тўловчиларга етказиб бориш. 2026 йил 1 январдан бошлаб ҳар ойнинг 27 санасигача 5. Заргарлик буюмлари ва ярим тайёр маҳсулотларни реализация қилиш бўйича айланмани қўшилган қиймат солиғидан озод қилишга оид имтиёзни бекор қилиш ва тўланган қўшилган қиймат солиғининг 80 фоизини ҳар ойнинг 25 санасигача автоматик равишда Ўзбекистон Республикасининг республика бюджетидан қайтариш тартибининг натижадорлиги бўйича Ўзбекистон Республикаси Президенти Администрациясига ахборот киритиш. 2026 йил 1 ноябрь Иқтисодиёт ва молия вазирлиги, «Ўзбекзаргарсаноати» уюшмаси 17. Қимматбаҳо металларни олтин изловчилар усулида қазиб олишга доир фаолиятни амалга оширувчи тадбиркорлик субъектлари (кейинги ўринларда — олтин изловчилар) ҳамда аффинаж корхоналарига қимматбаҳо металларни биржа савдолари орқали реализация қилиш учун зарур шароит яратиш. Олтин изловчилар ҳамда аффинаж корхоналари томонидан қимматбаҳо металларни биржа савдолари орқали реализация қилиш тартибини ишлаб чиқиш. 2025 йил 1 ноябрь «Ўзбекистон республикаси товар-хом ашё биржаси» АЖ, Давлат асиллик даражаси назорати инспекцияси, «Ўзбекзаргарсаноати» уюшмаси, Солиқ қўмитаси 18. Ҳудудларда қазиб олинган маъдан таркибидаги олтин миқдорини тез ҳамда ишончли аниқлаш функцияларига эга мустақил шохобчаларни ташкил этиш. 1. Хорижий тажрибани ўрганиш ва шохобчалар фаолиятини йўлга қўйиш. 2026 йил 1 сентябрь Давлат асиллик даражаси назорати инспекцияси, «Ўзбекзаргарсаноати» уюшмаси, Савдо-саноат палатаси 2. Ташкил этилган шохобчаларни заргарлик саноатининг ягона электрон платформасига улаш. 2026 йил 1 ноябрь 19. Қимматбаҳо металларни олтин изловчилар усулида қазиб олиш фаолиятида хуфиёна иқтисодиёт улушини камайтириш. Қимматбаҳо металларни олтин изловчилар усулида қазиб олиш фаолиятида хуфиёна иқтисодиёт улушини камайтириш бўйича норматив-ҳуқуқий ҳужжат лойиҳаларини Вазирлар Маҳкамасига киритиш. 2025 йил 1 август Тоғ-кон саноати ва геология вазирлиги, Солиқ қўмитаси, Иқтисодиёт ва молия вазирлиги, Давлат асиллик даражаси назорати инспекцияси, Савдо-саноат палатаси, «Ўзбекзаргарсаноати» уюшмаси 20. Заргарлик буюмларини ишлаб чиқариш ва сотиш фаолияти билан шуғулланувчи тадбиркорлик субъектлари ва аффинаж корхоналари рўйхати билан танишиш имкониятини яратиш. 1. Заргарлик буюмларини ишлаб чиқариш ва сотиш фаолияти билан шуғулланувчи тадбиркорлик субъектлари ва аффинаж корхоналарининг рўйхатини шакллантириш ва заргарлик саноатининг ягона электрон платформасида эълон қилиб бориш. Ҳар ойда Давлат асиллик даражаси назорати инспекцияси, «Ўзбекзаргарсаноати» уюшмаси, Савдо-саноат палатаси, Рақамли технологиялар вазирлиги, Солиқ қўмитаси, Божхона қўмитаси, «Ўзбекистон республикаси товар-хом ашё биржаси» АЖ 2. Заргарлик саноатининг ягона электрон платформасини Савдо-саноат палатаси, Давлат асиллик даражаси назорати инспекцияси, Солиқ қўмитаси, Божхона қўмитаси, «Ўзбекистон республикаси товар-хом ашё биржаси» АЖ ва бошқа манфаатдор ташкилотлар ахборот тизимлари билан бепул интеграция қилиш. 2026 йил 1 январь 21. Жисмоний шахслар томонидан нақд чет эл валютасини Ўзбекистон Республикасининг божхона чегараси орқали олиб чиқиб кетиш тартибини такомиллаштириш. Жисмоний шахслар томонидан нақд чет эл валютасини Ўзбекистон Республикасининг божхона чегараси орқали олиб чиқиб кетиш тартибини такомиллаштиришга оид Ҳукумат қарори лойиҳасини Вазирлар Маҳкамасига киритиш. Бунда қарор лойиҳасида қуйидагиларни назарда тутиш: (а) «Термиз халқаро савдо маркази» эркин савдо зонасида заргарлик буюмларини чет эл валютасига сотишга рухсат бериш; (б) норезидентлар томонидан Ўзбекистон Республикасига кириш чоғида белгиланган тартибда декларация қилинган заргарлик буюмларни сотишдан олинган нақд чет эл валютасини уларнинг қонунийлигини тасдиқловчи ҳужжатлар асосида четга олиб чиқиб кетишга рухсат этиш. 2025 йил 1 ноябрь Марказий банк, Божхона қўмитаси, Солиқ қўмитаси, Савдо-саноат палатаси 22. Заргарлик буюмларининг ноқонуний айланмасини қисқартиришга қаратилган кенг қамровли медиарежани амалга ошириш. Қимматбаҳо металлар ва қимматбаҳо тошлар ҳамда заргарлик буюмларининг ноқонуний айланмаси учун белгиланган жавобгарлик, расмий фаолиятнинг афзалликлари, давлат томонидан заргарлик соҳаси иштирокчилари учун яратилган шарт-шароитлар ва қўллаб-қувватлаш чоралари бўйича оммавий ахборот воситалари ва интернет ресурсларда тарғибот ишларини ташкил этиш, шу жумладан: (а) аҳоли орасида асиллик тамғаси ёки зарур сертификатлари бўлмаган (қимматбаҳо тошлар учун) контрафакт заргарлик буюмларини харид қилмаслик ҳақида кенг кўламли тушунтириш ишларини олиб бориш; (б) заргарлик буюмларини ноқонуний ишлаб чиқариш ҳамда сотиш ҳолатлари, шунингдек, асиллик белгисига мос келмайдиган заргарлик буюмларини сотиш кенг тарқалган ҳудудлар тўғрисидаги материалларни эълон қилиб бориш. 2025 йил июль — сентябрь ойлари Савдо-саноат палатаси, «Ўзбекзаргарсаноати» уюшмаси, Давлат асиллик даражаси назорати инспекцияси, Ўзбекистон миллий ахборот агентлиги, Ўзбекистон миллий телерадиокомпанияси

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 26 июнь,

ПҚ-207-сон

(Қонунчилик маълумотлари миллий базаси, 30.06.2025 й., 07/25/207/0548-сон)

lex.uz

Oʻzbekiston Respublikasi Prezidentining

qarori

“yoʻl xaritasi”

Zargarlik buyumlarini ishlab chiqarish sohasini qoʻllab-quvvatlash boʻyicha qoʻshimcha chora-tadbirlar toʻgʻrisida

Zargarlik sanoatini yanada rivojlantirish va respublikaning yetakchi tarmoqlaridan biriga aylantirish, shuningdek, qimmatbaho metallar va qimmatbaho toshlardan yasalgan zargarlik va boshqa buyumlarni (keyingi oʻrinlarda — zargarlik buyumlari) ishlab chiqarish va sotish faoliyatini davlat tomonidan qoʻllab-quvvatlash maqsadida qaror qilaman:

I. Asosiy maqsadlar

1. Quyidagilar ushbu qarorni qabul qilishdan koʻzlangan asosiy maqsadlar etib belgilansin:

(a) qimmatbaho metallarni qayta ishlashning yillik hajmini 7 tonnaga, zargarlik buyumlarini eksport qilish koʻrsatkichlarini 300 million AQSH dollariga yetkazish;

(b) qimmatbaho metallar va zargarlik buyumlarining norasmiy aylanmasini kamida 50 foizga qisqartirish;

(v) zargarlik buyumlarini ishlab chiqarish faoliyatini sanoat darajasiga olib chiqish, xalqaro bozorlarda raqobatbardosh va zamonaviy dizaynga ega zargarlik buyumlari ishlab chiqarilishini qoʻllab-quvvatlash;

(g) zargarlik buyumlarini ishlab chiqarish va realizatsiya qilish sohasida samarali nazorat tizimini joriy etish.

II. Zargarlik buyumlarini ishlab chiqarishni qoʻllab-quvvatlash

2. Oʻzbekiston Respublikasi Prezidentining 2024-yil 23-iyuldagi PF-104-son Farmoniga muvofiq Davlat budjetidan Tarmoqlarni qoʻllab-quvvatlash jamgʻarmasiga ajratilgan 100 milliard soʻm mablagʻlar hisobidan 1-ilovada koʻrsatilgan xarajatlarni ham qoplashga ruxsat berilsin.

3. Belgilansinki, 2025-yil 15-iyuldan boshlab:

(a) Tiklanish va taraqqiyot jamgʻarmasiga Oʻzbekiston Respublikasi Prezidentining 2024-yil 23-iyuldagi PF-104-son Farmonida nazarda tutilgan maqsadli resurslarni banklarga depozitga joylashtirish bilan bir qatorda Markaziy bankning asosiy stavkasidan 3 foiz bandga past foiz stavkasida 5 yilgacha muddatga lizing tashkilotlariga kredit liniyasi sifatida ajratishga ham ruxsat beriladi.

(i) Bunda lizing tashkilotlari ajratilgan kredit liniyasi hisobidan zargarlik sanoatida ishlatiladigan asbob-uskuna, ehtiyot qismlar va butlovchi buyumlarni 2 yillik imtiyozli davr bilan 5 yilgacha boʻlgan muddatga Markaziy bankning asosiy stavkasida, foizlarni qarzdorlik qoldiq qismiga hisoblash tartibida lizingga beradi;

(b) belgilangan tartibda shakllantiriladigan roʻyxatlar boʻyicha olib kiriladigan va Oʻzbekiston Respublikasida ishlab chiqarilmaydigan hamda zargarlik sanoatida foydalaniladigan asbob-uskunalar, ehtiyot qismlari, butlovchi buyumlar va sarflov vositalari 2028-yil 1-iyulga qadar bojxona bojidan ozod etiladi;

(v) “Navoiy KMK” AJ va “Olmaliq KMK” AJ tomonidan qimmatbaho metallarni toʻgʻridan-toʻgʻri shartnoma asosida va kechiktirib toʻlash sharti bilan sotish tartibi 2030-yil 1-yanvarga qadar uzaytiriladi.

(i) Bunda qimmatbaho metallarni kechiktirib toʻlash sharti bilan sotib olib, muddati oʻtgan qarzdorlikka yoʻl qoʻygan tadbirkorlik subyektlariga qarzdorlik toʻliq yopilmaguniga qadar ushbu tartib asosida qimmatbaho metallar realizatsiya qilinmaydi.

4. Zargarlik buyumlarini ishlab chiqarish va sotishga ixtisoslashgan hamda belgilangan talablarga javob beradigan majmualarga zargarlik markazi maqomini berish vakolati Zargarlik sanoatini rivojlantirish boʻyicha respublika kengashiga (J. Qoʻchqorov) berilsin.

5. Belgilansinki, zargarlik markazlarida faoliyat yuritayotgan tadbirkorlik subyektlariga quyidagi qoʻllab-quvvatlash choralari taqdim etiladi:

(a) qimmatbaho metallarni kechiktirib toʻlash sharti bilan sotishda 90 kun ichida amalga oshirilgan toʻlovlar qismiga foiz hisoblanmaydi, 91-kundan boshlab 180-kungacha amalga oshirilgan toʻlovlar qismiga — yillik 3 foiz miqdorida foiz hisoblanadi;

(b) zargarlik markazlarida “Oʻzbekzargarsanoati” uyushmasi va Davlat asillik darajasi nazorati inspeksiyasining filiallari faoliyati (sayyor xizmat koʻrsatish) yoʻlga qoʻyiladi hamda zargarlik buyumlari va qimmatbaho toshlarni tezkor diagnostika qilish laboratoriyasi tashkil etiladi;

(v) zargarlik markazlarida faoliyat yuritayotgan tadbirkorlik subyektlari “Oʻzbekzargarsanoati” uyushmasiga aʼzo boʻlganda aʼzolik badalini 50 foizlik chegirma bilan toʻlaydi.

III. Zargarlik sohasida xufiyona iqtisodiyot ulushini kamaytirish

6. Belgilab qoʻyilsinki, 2026-yil 1-yanvardan boshlab:

(a) quyidagilar bekor qilinadi:

(i) qimmatbaho metallar va qimmatbaho toshlardan ishlab chiqarilgan zargarlik buyumlari va yarim tayyor mahsulotlarni realizatsiya qilish boʻyicha aylanmani qoʻshilgan qiymat soligʻidan ozod qilishga oid imtiyoz;

(ii) oltindan yasalgan zargarlik buyumlarini chakana savdoda sotganlik uchun yigʻim;

(b) zargarlik buyumlarini ishlab chiqarish yoki ularni sotish faoliyati bilan shugʻullanuvchi tadbirkorlik subyektlari daromadidan qatʼi nazar, qoʻshilgan qiymat soligʻini toʻlovchilar deb eʼtirof etiladi;

(v) 2028-yil 1-yanvarga qadar zargarlik buyumlarini ishlab chiqaruvchilar qoʻshilgan qiymat soligʻi bazasini zargarlik buyumlari va yarim tayyor mahsulotlarni realizatsiya qilish narxi hamda ular tarkibidagi qimmatbaho metallar va qimmatbaho toshlar narxi oʻrtasidagi ijobiy farqdan kelib chiqib aniqlaydi. Bunda:

(i) zargarlik buyumlari va yarim tayyor mahsulotlarni realizatsiya qilish narxidan faqat “Navoiy KMK” AJ, “Olmaliq KMK” AJ va birja savdolari orqali boshqa subyektlardan sotib olingan qimmatbaho metallar narxini hamda import qilingan qimmatbaho toshlar narxini chegirib tashlashga ruxsat etiladi;

(ii) zargarlik buyumlari va yarim tayyor mahsulotlar tarkibidagi qimmatbaho metallar va qimmatbaho toshlar narxi Soliq qoʻmitasining rasmiy veb-saytida eʼlon qilib boriladigan narxlardan kelib chiqib hisoblanadi;

(iii) qimmatbaho metallarni oltin izlovchilar usulida qazib olishga doir faoliyatni amalga oshiruvchi tadbirkorlik subyektlari hamda affinaj korxonalariga qimmatbaho metallarni birja savdolari orqali realizatsiya qilishga ruxsat etiladi;

(g) 2028-yil 1-yanvarga qadar zargarlik buyumlarini ishlab chiqarish yoki ularni sotish faoliyati bilan shugʻullanuvchi tadbirkorlik subyektlariga ular tomonidan budjetga toʻlangan qoʻshilgan qiymat soligʻining 80 foizi har oyning 25-sanasigacha avtomatik ravishda Oʻzbekiston Respublikasining respublika budjetidan qaytariladi.

(i) Bunda ushbu tartib yuqoridagi subyektlar tomonidan soliq davrida jami olgan daromadining kamida 80 foizi zargarlik buyumlarini ishlab chiqarish va ular bilan chakana savdo qilishdan olingan taqdirda tatbiq etiladi.

7. Shunday tartib oʻrnatilsinki, unga muvofiq:

(a) 2025-yil 1-sentabrga qadar Davlat asillik darajasi nazorati inspeksiyasi tomonidan xorijda ishlab chiqarilgan zargarlik buyumlarining asillik darajasini tekshirish va ularni tamgʻalashda bojxona toʻlovlari toʻlanganligini tasdiqlovchi hujjatlar talab qilinmaydi. Bunda:

(i) mazkur bandning “a” kichik bandiga muvofiq tamgʻalangan zargarlik buyumlarini bojxona toʻlovlari toʻlanganligini tasdiqlovchi hujjatlarsiz realizatsiya qilishga ruxsat etiladi;

(ii) 2025-yil 1-sentabrdan boshlab Davlat asillik darajasi nazorati inspeksiyasiga xorijda ishlab chiqarilgan zargarlik buyumlarining, basharti ular boʻyicha bojxona toʻlovlari amalga oshirilganligini tasdiqlovchi hujjatlar boʻlmasa, asillik darajasini tekshirish va tamgʻalash man etiladi;

(b) 2025-yil 1-sentabrdan boshlab:

(i) yakka tartibdagi tadbirkorlarga zargarlik buyumlarini sotish faoliyati bilan shugʻullanishga ruxsat etiladi;

(ii) Davlat asillik darajasi nazorati inspeksiyasi tomonidan Toshkent va Nukus shaharlari hamda viloyatlar markazlarida zargarlik buyumlarining asillik darajasini tekshirish va ularni tamgʻalash boʻyicha sayyor xizmat koʻrsatish amaliyoti yoʻlga qoʻyiladi;

(iii) qimmatbaho metallar va qimmatbaho toshlar toʻgʻrisidagi qonunchilikka oid huquqbuzarliklar toʻgʻrisida “Soliq” mobil ilovasi orqali xabar bergan shaxslarga undirilgan jarima miqdorining 50 foizi miqdorida mukofot toʻlanadi.

8. “Oʻzbekzargarsanoati” uyushmasining tadbirkorlik subyekti sifatida roʻyxatdan oʻtmasdan yoki xabardor qilish tartib-taomillariga rioya qilmasdan zargarlik buyumlarini ishlab chiqarish va sotish bilan shugʻullanayotgan shaxslar faoliyatini belgilangan tartibda rasmiylashtirishga koʻmaklashish va ularni olti oy muddatga uyushmaga aʼzolik badalini toʻlashdan ozod qilish toʻgʻrisidagi taklifi maʼqullansin.

IV. Zargarlik buyumlari importini tartibga solish

9. Belgilansinki, 2025-yil 1-sentabrdan boshlab 2028-yil 1-sentabrga qadar:

(a) zargarlik buyumlarini (TIF TN 7113- va 7114-tovar pozitsiyasidagi mahsulotlarni) Oʻzbekiston Respublikasi hududiga olib kirishda bojxona boji 2 foiz stavkada qoʻllanadi;

(b) zargarlik buyumlarini “erkin muomalaga chiqarish” va “eksport” bojxona rejimlariga joylashtirishda bojxona rasmiylashtiruvi uchun yigʻim ularning bojxona qiymatidan qatʼi nazar, bazaviy hisoblash miqdorining bir baravari miqdorida undiriladi;

(v) import qilingan zargarlik buyumlarini Davlat asillik darajasi nazorati inspeksiyasida tamgʻalash uchun undiriladigan yigʻim miqdori mahalliy ishlab chiqaruvchilar uchun belgilangan miqdorga tenglashtiriladi;

(g) bojxona chegarasi orqali olib kirilganligini tasdiqlovchi hujjatlari boʻlmagan zargarlik buyumlarini bojxona toʻlovlarini amalga oshirish va bojxona yuk deklaratsiyasini toʻldirish orqali deklaratsiya qilishga ruxsat beriladi.

V. Samarali nazorat tizimini joriy etish

10. Eksperiment tariqasida qimmatbaho metallar va qimmatbaho toshlar toʻgʻrisidagi qonunchilikka rioya etilishi ustidan davlat nazoratini amalga oshirishning quyidagi tartibi joriy etilsinki, unga muvofiq 2026-yil 1-yanvarga qadar:

(a) Davlat asillik darajasi nazorati inspeksiyasi va soliq organlari xodimlari tomonidan tadbirkorlik subyektlarida qimmatbaho metallar va qimmatbaho toshlar toʻgʻrisidagi qonunchilikka oid huquqbuzarliklar aniqlanganda ular birinchi marta ogohlantiriladi;

(b) ogohlantirishdan soʻng bir oy muddatda huquqbuzarlik bartaraf etilmagani yoki takroran aniqlangani Davlat asillik darajasi nazorati inspeksiyasi va soliq organlari tomonidan sayyor tekshiruv oʻtkazishga asos boʻladi;

(v) sayyor tekshiruv faqat qimmatbaho metallar va qimmatbaho toshlar toʻgʻrisidagi qonunchilikka oid huquqbuzarliklar boʻyicha oʻtkaziladi hamda tekshiruv boshlangandan soʻng 24 soat ichida “Yagona davlat nazorati” axborot tizimida roʻyxatga olish orqali Biznes-ombudsmanni xabardor etish tartibida amalga oshiriladi;

(g) sayyor tekshiruv natijalari boʻyicha rasmiylashtirilgan dalolatnoma va qaror tadbirkorlik subyektlariga nisbatan qonunchilikda belgilangan javobgarlik choralarini koʻrishga asos boʻladi.

VI. Qaror ijrosini tashkil etish, taʼminlash va nazorat

11. Zargarlik sanoatini rivojlantirish va sohada xufiyona iqtisodiyot ulushini kamaytirish boʻyicha “yoʻl xaritasi” 2-ilovaga muvofiq tasdiqlansin.

12. Iqtisodiyot va moliya vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

13. Davlat organlari tegishli qonunosti hujjatlari va idoraviy koʻrsatmalar qabul qilinishini kutmasdan mazkur qaror normalari kuchga kirgan paytdan eʼtiboran soʻzsiz va toʻgʻridan-toʻgʻri amalda qoʻllanishini taʼminlasin.

14. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov belgilansin.

15. Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2025-yil 26-iyundagi PQ-207-son qaroriga 1-ILOVA

Oʻzbekiston Respublikasi Prezidentining 2024-yil 23-iyuldagi PF-104-son Farmoniga muvofiq Davlat budjetidan Tarmoqlarni qoʻllab-quvvatlash jamgʻarmasiga ajratilgan 100 milliard soʻm mablagʻlar hisobidan qoplashga ruxsat etiladigan xarajatlar yoʻnalishlari

T/r Xarajat yoʻnalishlari Shartlari va miqdori 1. Taniqli xorijiy brendlarning zargarlik buyumlari dizaynidan foydalanish huquqini sotib olish yoki ular bilan franshiza asosida hamkorlik qilish xarajatlarini qoplash. Bitta tadbirkorlik subyekti uchun 30 000 AQSH dollarigacha 2. Zargarlik buyumlarini ishlab chiqarish jarayonlarini xalqaro tizimlarda sertifikatsiyadan oʻtkazish xarajatlarini qoplash. Bitta xalqaro sertifikat boʻyicha 30 000 AQSH dollarigacha 3. Xorijdan jalb qilingan dizayner, texnolog, marketolog va gemmologlarga ish haqi toʻlash xarajatlarini qoplash. Bir oyda bitta mutaxassis uchun mehnatga haq toʻlashning eng kam miqdorining 25 baravarigacha, biroq 1 yildan koʻp boʻlmagan muddatga * 4. Mahalliy mutaxassislarni xorijiy taʼlim va ishlab chiqarish tashkilotlarida oʻqitish, malaka oshirish va stajirovkaga yuborish xarajatlarini qoplash. Bitta mutaxassis uchun mehnatga haq toʻlashning eng kam miqdorining 60 baravaridan koʻp boʻlmagan miqdorda * 5. Zargarlik buyumlarini “Oʻzbekiston oltini” shiori ostida ommaviy axborot vositalari, internet va ijtimoiy tarmoqlar orqali, shu jumladan, xorijda targʻib etish xarajatlarini qoplash. Xarajatlarning 50 foizi miqdorida, lekin bitta tadbirkorlik subyektiga 5 000 AQSH dollaridan koʻp boʻlmagan miqdorda 6. Zargarlik sanoatini rivojlantirishning 5 yilga moʻljallangan strategiyasini ishlab chiqish xarajatlarini qoplash. Toʻliq miqdorda

Oʻzbekiston Respublikasi Prezidentining 2025-yil 26-iyundagi PQ-207-son qaroriga 2-ILOVA

Zargarlik sanoatini rivojlantirish va sohada xufiyona iqtisodiyot ulushini kamaytirish boʻyicha

T/r Chora-tadbirlar nomlanishi Amalga oshirish mexanizmi Ijro muddati Masʼul ijrochilar I. Zargarlik buyumlarining raqobatdoshligini oshirish 1. Zargarlik sanoatini rivojlantirishning 5 yillik strategiyasini ishlab chiqish. 1. Strategiyani ishlab chiqish uchun xalqaro konsalting kompaniyasini jalb qilish. 2025-yil 1-sentabr Savdo-sanoat palatasi, “Oʻzbekzargarsanoati” uyushmasi, Iqtisodiyot va moliya vazirligi 2. Strategiyani ishlab chiqish va tasdiqlash uchun Vazirlar Mahkamasiga kiritish. 2026-yil 1-mart 2. Qimmatbaho metallar va qimmatbaho toshlardan yasalgan zargarlik va boshqa buyumlar (keyingi oʻrinlarda — zargarlik buyumlari) ishlab chiqaruvchilarning zamonaviy asbob-uskuna va ehtiyot qismlarga boʻlgan ehtiyojini taʼminlash. 1. Oʻzbekiston Respublikasi Prezidentining 2024-yil 23-iyuldagi PF-104-son Farmonida nazarda tutilgan Tiklanish va taraqqiyot jamgʻarmasining maqsadli resurslarini tijorat banklariga depozitga joylashtirish bilan bir qatorda Markaziy bankning asosiy stavkasidan 3 foiz bandga past foiz stavkasida 5 yilgacha muddatga lizing tashkilotlariga ham kredit liniya sifatida ajratish. 2. Lizing tashkilotlari tomonidan kredit liniya sifatida ajratilgan resurslar hisobidan zargarlik sanoatida ishlatiladigan asbob-uskuna, ehtiyot qismlar va butlovchi buyumlarni 2 yillik imtiyozli davr bilan 5 yilgacha boʻlgan muddatga Markaziy bankning asosiy stavkasida, foizlarni qarzdorlik qoldiq qismiga hisoblash tartibida lizingga berish amaliyotini joriy etish. Talabga muvofiq Tiklanish va taraqqiyot jamgʻarmasi, Iqtisodiyot va moliya vazirligi, Markaziy bank 3. Zargarlik buyumlarini ishlab chiqarish va sotishga ixtisoslashgan majmualarga zargarlik markazi maqomini berish tartibini ishlab chiqish. Zargarlik buyumlarini ishlab chiqarish va sotishga ixtisoslashgan, shu jumladan, xususiy sektor tomonidan tashkil etilgan majmualarga zargarlik markazi maqomini berish tartibini belgilovchi Hukumat qarori loyihasini Vazirlar Mahkamasiga kiritish. 2025-yil 1-oktabr Iqtisodiyot va moliya vazirligi, Savdo-sanoat palatasi, “Oʻzbekzargarsanoati” uyushmasi 4. Zargarlik markazlarida faoliyat yurituvchi zargarlik buyumlari ishlab chiqaruvchilarga oʻz brendini yaratishga koʻmaklashish. 1. Termiz shahrida tadbirkorlik subyekti tomonidan tashkil etilgan majmuaga zargarlik markazi maqomini berish masalasini koʻrib chiqish. 2026-yil 1-yanvar Surxondaryo viloyati hokimligi, Savdo-sanoat palatasi, “Oʻzbekzargarsanoati” uyushmasi 2. Zargarlik markazlarida kamida bittadan zargarlik brendlarini yaratish. Bunda zargarlik markazlarida faoliyat yuritayotgan zargarlik buyumlari ishlab chiqaruvchilarga quyidagilar boʻyicha koʻmaklashish: (a) kredit va lizing asosida zargarlik sanoatida ishlatiladigan asbob-uskuna, ehtiyot qismlar va butlovchi buyumlarni sotib olish; (b) xomashyoga boʻlgan talabni toʻliq taʼminlash; (v) xorijdan dizayner, marketolog va gemmologlarni olib kelish va ularga ish haqini toʻlash bilan bogʻliq xarajatlarni belgilangan tartibda qoplash; (g) zargarlik buyumlarini ishlab chiqarish jarayonlarini xalqaro tizimlarda sertifikatsiyadan oʻtkazish va bu bilan bogʻliq xarajatlarni belgilangan tartibda qoplash; (d) ishlab chiqarilgan zargarlik brendlari bilan xalqaro koʻrgazmalarda qatnashish hamda xorijda ularning reklamasini tashkil qilish. 2026-yil 1-sentabr Andijon, Buxoro, Namangan, Samarqand, Surxondaryo, Fargʻona, Xorazm viloyatlari va Toshkent shahri hokimliklari, Savdo-sanoat palatasi, “Oʻzbekzargarsanoati” uyushmasi, Iqtisodiyot va moliya vazirligi 3. Zargarlik markazlariga turistlarni jalb qilishga qaratilgan chora-tadbirlarni amalga oshirish. Bunda: (a) turoperator va turagentlar bilan hamkorlikda zargarlik markazlarini turistik yoʻnalishlar (marshrutlar)ga kiritish; (b) zargarlik markazlarining imkoniyatlari toʻgʻrisida targʻibot materiallari tayyorlash; (v) har yilgi “Ipak yoʻlida turizm” Toshkent xalqaro turizm koʻrgazmasi, xorijiy hamda mahalliy turizm yarmarkalari va koʻrgazmalarida zargarlik markazlari faoliyatini namoyish qilib borish. 2026-yil dekabrdan boshlab doimiy Turizm qoʻmitasi, Andijon, Buxoro, Namangan, Samarqand, Surxondaryo, Fargʻona, Xorazm viloyatlari va Toshkent shahri hokimliklari, “Oʻzbekzargarsanoati” uyushmasi, Savdo-sanoat palatasi 5. Zargarlik buyumlari ishlab chiqaruvchilarning xomashyoga boʻlgan ehtiyojini taʼminlash. 1. “Oʻzmilliybank” AJning Qoraqalpogʻiston Respublikasi, viloyatlar va Toshkent shahridagi mintaqaviy filiallari omborxonalarida talabdan kelib chiqqan holda qimmatbaho metallar zaxiralarini shakllantirish. Talabga muvofiq “Navoiy KMK” AJ, “Oʻzmilliybank” AJ 2. Qimmatbaho metallar bevosita “Navoiy KMK” AJ va “Olmaliq KMK” AJning omborxonalaridan olib ketilganda, ularning 1 kun muddatda toʻliq hajmda yuklab berilishini taʼminlash. Talabga muvofiq “Navoiy KMK” AJ, “Olmaliq KMK” AJ, “Oʻzbekiston respublika tovar-xom ashyo birjasi” AJ 6. Oʻzbekiston Respublikasida ishlab chiqarilmaydigan hamda zargarlik sohasida foydalaniladigan asbob-uskunalar, ehtiyot qismlar, butlovchi buyumlar va sarflov vositalarini bojxona bojidan ozod etish. 1. Oʻzbekiston Respublikasida ishlab chiqarilmaydigan hamda zargarlik sohasida foydalaniladigan asbob-uskunalar, ehtiyot qismlar, butlovchi buyumlar va sarflov vositalari roʻyxatini shakllantirish hamda “Loyihalar va import kontraktlarini kompleks ekspertiza qilish markazi” DUKga kiritish. 2025-yil 1-avgust Savdo-sanoat palatasi, “Oʻzbekzargarsanoati” uyushmasi, Bojxona qoʻmitasi 2. Oʻzbekiston Respublikasida ishlab chiqarilmaydigan hamda zargarlik sohasida foydalaniladigan asbob-uskunalar, ehtiyot qismlari, butlovchi buyumlar va sarflov vositalarini ekspertizadan oʻtkazish. 2025-yil 1-sentabr “Loyihalar va import kontraktlarini kompleks ekspertiza qilish markazi” DUK 3. Ekspertiza natijalaridan kelib chiqib, Oʻzbekiston Respublikasi hududiga chetdan olib kirishda bojxona bojlaridan ozod qilinadigan Oʻzbekiston Respublikasida ishlab chiqarilmaydigan hamda zargarlik sohasida foydalaniladigan asbob-uskunalar, ehtiyot qismlar, butlovchi buyumlar va sarflov vositalari roʻyxatini tasdiqlashni nazarda tutuvchi Hukumat qarori loyihasini Vazirlar Mahkamasiga kiritish. 2025-yil 1-noyabr Savdo-sanoat palatasi, “Oʻzbekzargarsanoati” uyushmasi 7. Zargarlik buyumlarini Oʻzbekiston Respublikasi hududiga olib kirish tartibini takomillashtirish. 1. Quyidagilarni nazarda tutuvchi normativ-huquqiy hujjat loyihasini Vazirlar Mahkamasiga kiritish: (a) import qilingan zargarlik buyumlarini Davlat asillik darajasi nazorati inspeksiyasida tamgʻalash uchun undiriladigan yigʻim miqdorini mahalliy ishlab chiqaruvchilar uchun belgilangan miqdorga tenglashtirish; (b) Davlat asillik darajasi nazorati inspeksiyasiga xorijda ishlab chiqarilgan zargarlik buyumlarining, basharti ular boʻyicha bojxona toʻlovlari amalga oshirilganligini tasdiqlovchi hujjatlar boʻlmasa, asillik darajasini tekshirish va tamgʻalashni man etish. 2025-yil 1-sentabr Davlat asillik darajasi nazorati inspeksiyasi, Savdo-sanoat palatasi, “Oʻzbekzargarsanoati” uyushmasi 2. Tajriba tariqasida Toshkent shahridagi “Toshkent-AERO” ixtisoslashtirilgan bojxona kompleksi hududida Davlat asillik darajasi nazorati inspeksiyasining zargarlik buyumlarining asillik darajasini tekshirish va ularni tamgʻalash boʻyicha filialini tashkil qilish. 2026-yil 1-mart Iqtisodiyot va moliya vazirligi, Davlat asillik darajasi nazorati inspeksiyasi, Transport vazirligi, Bojxona qoʻmitasi 8. Zargarlik sohasida faoliyat yuritayotgan mutaxassislar malakasini oshirish. 1. Zargarlik sohasida faoliyat yuritayotgan mutaxassislarning malakasini oshirish uchun “HRD Antwerp” (Belgiya) va “IIGJ” (Hindiston) kabi xorijiy taʼlim tashkilotlar bilan muzokaralar oʻtkazish. 2025-yil noyabr Savdo-sanoat palatasi, “Oʻzbekzargarsanoati” uyushmasi 2. Zargarlik sohasida faoliyat yuritayotgan kamida 100 nafar mutaxassisni, shu jumladan, dizayner, texnolog va qimmatbaho toshlar bilan ishlaydigan gemmologlarni xorijga qisqa muddatli malaka oshirishga yuborish. 2025-2026-yillarda tanlov asosida 9. Kasbiy koʻnikmalar va zargarlik markazlarida zargarlik sanoati yoʻnalishidagi qisqa muddatli oʻquv kurslarini tashkil qilish. 1. Kasbiy koʻnikmalar va zargarlik markazlarida zargarlik sanoati yoʻnalishidagi qisqa muddatli oʻquv kurslarini tashkil qilish. 2. Qisqa muddatli oʻquv kurslarida zamonaviy taʼlim dasturlarini joriy qilish hamda malakali xorijiy va mahalliy mutaxassislarni jalb qilish. 2025-yil sentabr Savdo-sanoat palatasi, “Oʻzbekzargarsanoati” uyushmasi, Kambagʻallikni qisqartirish va bandlik vazirligi 10. Zargarlik sohasida respublika koʻrik-tanlovlarini tashkil etish. Zargarlik sohasida respublika koʻrik-tanlovlarini tashkil etish boʻyicha Hukumat qarori loyihasini Vazirlar Mahkamasiga kiritish. Bunda qaror loyihasida quyidagilarni nazarda tutish: (a) zargarlik sohasida “Eng yaxshi zargar”, “Eng yaxshi dizayner”, “Yil brendi” kabi nominatsiyalar boʻyicha respublika koʻrik-tanlovlarini tashkil etish; (b) “Uzbek jewelery fair” koʻrgazmasi doirasida koʻrik-tanlov gʻoliblarini Tarmoqlarni qoʻllab-quvvatlash jamgʻarmasi mablagʻlari hisobidan mukofotlash. 2025-yil 1sentabr Savdo-sanoat palatasi, “Oʻzbekzargarsanoat” uyushmasi II. Zargarlik sohasida xufiyona iqtisodiyot ulushini kamaytirish 11. Yakka tartibdagi tadbirkorlarga zargarlik buyumlarini sotish faoliyati bilan shugʻullanishga ruxsat etish. Yakka tartibdagi tadbirkorlarga zargarlik buyumlarini sotish bilan shugʻullanishga ruxsat berishni nazarda tutuvchi Hukumat qarori loyihasini Vazirlar Mahkamasiga kiritish. 2025-yil 1-avgust Savdo-sanoat palatasi, Iqtisodiyot va moliya vazirligi, Soliq qoʻmitasi 12. Zargarlik buyumlarining noqonuniy aylanmasini qisqartirish. 1. Zargarlik buyumlarining noqonuniy aylanmasini qisqartirish boʻyicha nazorat tadbirlarini oʻtkazish, shu jumladan: (a) qimmatbaho metallar va qimmatbaho toshlarni noqonuniy qazib olish va sotish, shuningdek, zargarlik buyumlarini noqonuniy realizatsiya qilish faoliyati bilan shugʻullanayotgan shaxslarni aniqlash va ularga nisbatan qonunchilikda belgilangan choralar koʻrish; (b) zargarlik buyumlarini bojxona chegarasi orqali Oʻzbekiston Respublikasi hududiga noqonuniy olib kirish holatlarining oldini olish; (v) qimmatbaho metallar va zargarlik buyumlarining noqonuniy bozorlarini aniqlash va ularning faoliyatiga chek qoʻyish; (g) zargarlik buyumlari ishlab chiqaruvchilar tomonidan “Navoiy KMK” AJ va “Olmaliq KMK” AJdan sotib olingan qimmatbaho metallarning samarali va maqsadli ishlatilishini oʻrganish; (d) qimmatbaho metallar va qimmatbaho toshlar aylanmasi va muomalasi sohasida huquqbuzarliklarning oldini olish boʻyicha keng qamrovli tushuntirish va profilaktik ishlarni amalga oshirish. 2025-yil iyul — dekabr oylari Davlat asillik darajasi nazorati inspeksiyasi, Soliq qoʻmitasi, Bojxona qoʻmitasi, Togʻ-kon sanoati va geologiya vazirligi, Ichki ishlar vazirligi, Iqtisodiy jinoyatlarga qarshi kurashish departamenti, Savdo-sanoat palatasi, “Oʻzbekzargarsanoati” uyushmasi 2. Qimmatbaho metallar va qimmatbaho toshlarni noqonuniy qazib olish va sotish, shuningdek, zargarlik buyumlarini noqonuniy realizatsiya qilish bilan shugʻullanayotgan shaxslarning rasmiy faoliyat yuritishiga koʻmaklashish. 2025-yil 1-dekabr 13. Toshkent va Nukus shaharlari hamda viloyatlar markazlarida zargarlik buyumlarining asillik darajasini tekshirish va ularni tamgʻalash boʻyicha sayyor xizmat koʻrsatish amaliyotini yoʻlga qoʻyish. 1. Toshkent va Nukus shaharlari hamda viloyatlar markazlarida Davlat asillik darajasi nazorati inspeksiyasining zargarlik buyumlarining asillik darajasini tekshirish va ularni tamgʻalash boʻyicha sayyor xizmat koʻrsatish amaliyotini yoʻlga qoʻyish. 2025-yil 1-sentabr Davlat asillik darajasi nazorati inspeksiyasi, Iqtisodiyot va moliya vazirligi 2. Zargarlik buyumlarining asillik darajasini tekshirish va ularni tamgʻalash boʻyicha sayyor xizmat koʻrsatish natijalaridan kelib chiqib, hududlarda Davlat asillik darajasi nazorati inspeksiyasining filiallarini ochish boʻyicha Oʻzbekiston Respublikasi Prezidenti Administratsiyasiga taklif kiritish. 2026-yil 1-yanvar 14. Aholidan zargarlik buyumlarini, qimmatbaho metallar va qimmatbaho toshlarni, ularning parchalari va chiqindilarini sotib olishni tartibga solish. 1. Aholidan zargarlik buyumlarini, qimmatbaho metallar va qimmatbaho toshlardan ishlab chiqarilgan yarim tayyor mahsulotlarni, qimmatbaho metallar va qimmatbaho toshlarning parchalari va chiqindilarini sotib olishni tartibga solish boʻyicha Hukumat qarori loyihasini Vazirlar Mahkamasiga kiritish. 2025-yil 1-noyabr Davlat asillik darajasi nazorati inspeksiyasi, Savdo-sanoat palatasi, “Oʻzbekzargarsanoati” uyushmasi, Soliq qoʻmitasi 2. Aholidan sotib olingan zargarlik buyumlari, qimmatbaho metallar va qimmatbaho toshlardan ishlab chiqarilgan yarim tayyor mahsulotlar, qimmatbaho metallar va qimmatbaho toshlarning parchalari va chiqindilari toʻgʻrisidagi maʼlumotlarning tadbirkorlik subyektlari tomonidan elektron shaklda soliq organlari maʼlumotlar bazasida aks ettirilishini soliq solish maqsadlarida kirim hujjatlariga tenglashtirish. 2025-yil 1-noyabr 15. Savdo markazlari, doʻkonlar va bozorlarda zargarlik buyumlari bilan savdo qilishni tartibga solish. 1. Savdo markazlari, doʻkonlar va bozorlarda quyidagi nazorat tadbirlarini oʻtkazish: (a) zargarlik buyumlari bilan chakana savdo qilish va ularni tamgʻalash qoidalariga rioya qilinishini oʻrganish; (b) chet elda ishlab chiqarilgan zargarlik buyumlari boʻyicha bojxona toʻlovlari toʻlanganligini tasdiqlovchi hujjatlari mavjudligini oʻrganish. 2. Nazorat tadbirlarini oʻtkazish jarayonlariga “Oʻzbekzargarsanoati” uyushmasi mutaxassislarini jalb etish. 2025-yil 1-sentabrdan boshlab muntazam ravishda Davlat asillik darajasi nazorati inspeksiyasi, Soliq qoʻmitasi, Savdo-sanoat palatasi, “Oʻzbekzargarsanoati” uyushmasi 3. Bozorlarda zargarlik buyumlarining noqonuniy aylanmasi yoʻlga qoʻyilgan joylarni obodonlashtirish va barcha qulayliklarga ega zamonaviy savdo rastalarini tashkil qilish hamda amalga oshirilgan ishlar yuzasidan Oʻzbekiston Respublikasi Prezidenti Administratsiyasiga axborot kiritish. 2025-yil 1-dekabr Qoraqalpogʻiston Respublikasi Vazirlar Kengashi, viloyatlar va Toshkent shahri hokimligi 4. Zargarlik buyumlarini sotish faoliyati bilan shugʻullanayotgan shaxslarning zargarlik buyumlarini ishlab chiqaruvchilar bilan toʻgʻridan-toʻgʻri aloqalar oʻrnatishiga koʻmaklashish. 5. Qonunchilik hujjatlarida zargarlik sohasi ishtirokchilari uchun yaratilgan imtiyoz va imkoniyatlar, rasmiy faoliyatning afzalliklari va raqamli marketing asoslari boʻyicha bevosita joylarda oʻquv seminarlar oʻtkazish. 2025-yil iyul — sentabr oylari Savdo-sanoat palatasi, “Oʻzbekzargarsanoati” uyushmasi 16. Zargarlik buyumlarini ishlab chiqarish yoki ularni sotish faoliyati bilan shugʻullanuvchi tadbirkorlik subyektlari tomonidan qoʻshilgan qiymat soligʻi toʻlashni tartibga solish. 1. Quyidagilarni nazarda tutuvchi normativ-huquqiy hujjat loyihalarini Vazirlar Mahkamasiga kiritish: (a) qimmatbaho metallar va qimmatbaho toshlardan ishlab chiqarilgan zargarlik buyumlari va yarim tayyor mahsulotlarni realizatsiya qilish boʻyicha aylanmani qoʻshilgan qiymat soligʻidan ozod qilishga oid imtiyozni bekor qilish; (b) zargarlik buyumlarini ishlab chiqarish yoki ularni sotish faoliyati bilan shugʻullanuvchi tadbirkorlik subyektlarini, ularning daromadidan qatʼi nazar, qoʻshilgan qiymat soligʻini toʻlovchilar deb eʼtirof etish; (v) 2028-yil 1-yanvarga qadar qoʻshilgan qiymat soligʻi bazasini zargarlik buyumlari va yarim tayyor mahsulotlarni realizatsiya qilish narxi hamda ular tarkibidagi import qilingan qimmatbaho toshlar, shuningdek, sanoat usulida qazib oluvchilardan toʻgʻridan-toʻgʻri shartnomalar va birja savdolari orqali hamda boshqa subyektlardan birja savdolari orqali sotib olingan qimmatbaho metallar narxi oʻrtasidagi ijobiy farqdan kelib chiqib aniqlash. Bunda: (i) zargarlik buyumlarini ishlab chiqaruvchilar zimmasiga realizatsiya qilinayotgan zargarlik buyumlari va yarim tayyor mahsulotlar boʻyicha elektron hisobvaraq fakturalarni rasmiylashtirishda Soliq qoʻmitasining axborot tizimiga ushbu buyum va mahsulotlarning asillik darajasi, ular tarkibidagi qimmatbaho metallar hamda qimmatbaho toshlar miqdori va qiymati toʻgʻrisidagi maʼlumotlarni kiritish vazifasi yuklanadi; (ii) zargarlik buyumlari va yarim tayyor mahsulotlar tarkibidagi qimmatbaho metallar va qimmatbaho toshlar qiymati Soliq qoʻmitasining rasmiy veb-saytida eʼlon qilib boriladigan narxlardan kelib chiqib hisoblanadi; (g) 2028-yil 1-yanvarga qadar zargarlik buyumlarini ishlab chiqarish yoki ularni sotish faoliyati bilan shugʻullanuvchi tadbirkorlik subyektlari tomonidan budjetga toʻlangan qoʻshilgan qiymat soligʻining 80 foizini har oyning 25-sanasigacha avtomatik ravishda Oʻzbekiston Respublikasining respublika budjetidan qaytarish; (d) oltindan yasalgan zargarlik buyumlarini chakana savdoda sotganlik uchun yigʻimni bekor qilish. 2025-yil 1-dekabr Iqtisodiyot va moliya vazirligi, Soliq qoʻmitasi 2. Qimmatbaho metallar narxlarini hisobot oyidan oldingi oydagi oʻrtacha birja narxlardan kelib chiqib belgilash va Soliq qoʻmitasining rasmiy veb-saytida eʼlon qilib borish. 2026-yil 1-yanvardan boshlab har oyning 25 sanasigacha Soliq qoʻmitasi, “Oʻzbekzargarsanoati” uyushmasi, Iqtisodiyot va moliya vazirligi 3. Qimmatbaho toshlar narxlarini jahon bozorida shakllangan narxlardan kelib chiqib aniqlash va Soliq qoʻmitasining rasmiy veb-saytida eʼlon qilib borish. 2026-yil 1-yanvardan boshlab har oyning 25 sanasigacha 4. Qimmatbaho metallar va qimmatbaho toshlar narxlari toʻgʻrisidagi maʼlumotlarni hududiy soliq organlariga va shaxsiy kabinet orqali soliq toʻlovchilarga yetkazib borish. 2026-yil 1-yanvardan boshlab har oyning 27 sanasigacha 5. Zargarlik buyumlari va yarim tayyor mahsulotlarni realizatsiya qilish boʻyicha aylanmani qoʻshilgan qiymat soligʻidan ozod qilishga oid imtiyozni bekor qilish va toʻlangan qoʻshilgan qiymat soligʻining 80 foizini har oyning 25 sanasigacha avtomatik ravishda Oʻzbekiston Respublikasining respublika budjetidan qaytarish tartibining natijadorligi boʻyicha Oʻzbekiston Respublikasi Prezidenti Administratsiyasiga axborot kiritish. 2026-yil 1-noyabr Iqtisodiyot va moliya vazirligi, “Oʻzbekzargarsanoati” uyushmasi 17. Qimmatbaho metallarni oltin izlovchilar usulida qazib olishga doir faoliyatni amalga oshiruvchi tadbirkorlik subyektlari (keyingi oʻrinlarda — oltin izlovchilar) hamda affinaj korxonalariga qimmatbaho metallarni birja savdolari orqali realizatsiya qilish uchun zarur sharoit yaratish. Oltin izlovchilar hamda affinaj korxonalari tomonidan qimmatbaho metallarni birja savdolari orqali realizatsiya qilish tartibini ishlab chiqish. 2025-yil 1-noyabr “Oʻzbekiston respublikasi tovar-xom ashyo birjasi” AJ, Davlat asillik darajasi nazorati inspeksiyasi, “Oʻzbekzargarsanoati” uyushmasi, Soliq qoʻmitasi 18. Hududlarda qazib olingan maʼdan tarkibidagi oltin miqdorini tez hamda ishonchli aniqlash funksiyalariga ega mustaqil shoxobchalarni tashkil etish. 1. Xorijiy tajribani oʻrganish va shoxobchalar faoliyatini yoʻlga qoʻyish. 2026-yil 1-sentabr Davlat asillik darajasi nazorati inspeksiyasi, “Oʻzbekzargarsanoati” uyushmasi, Savdo-sanoat palatasi 2. Tashkil etilgan shoxobchalarni zargarlik sanoatining yagona elektron platformasiga ulash. 2026-yil 1-noyabr 19. Qimmatbaho metallarni oltin izlovchilar usulida qazib olish faoliyatida xufiyona iqtisodiyot ulushini kamaytirish. Qimmatbaho metallarni oltin izlovchilar usulida qazib olish faoliyatida xufiyona iqtisodiyot ulushini kamaytirish boʻyicha normativ-huquqiy hujjat loyihalarini Vazirlar Mahkamasiga kiritish. 2025-yil 1-avgust Togʻ-kon sanoati va geologiya vazirligi, Soliq qoʻmitasi, Iqtisodiyot va moliya vazirligi, Davlat asillik darajasi nazorati inspeksiyasi, Savdo-sanoat palatasi, “Oʻzbekzargarsanoati” uyushmasi 20. Zargarlik buyumlarini ishlab chiqarish va sotish faoliyati bilan shugʻullanuvchi tadbirkorlik subyektlari va affinaj korxonalari roʻyxati bilan tanishish imkoniyatini yaratish. 1. Zargarlik buyumlarini ishlab chiqarish va sotish faoliyati bilan shugʻullanuvchi tadbirkorlik subyektlari va affinaj korxonalarining roʻyxatini shakllantirish va zargarlik sanoatining yagona elektron platformasida eʼlon qilib borish. Har oyda Davlat asillik darajasi nazorati inspeksiyasi, “Oʻzbekzargarsanoati” uyushmasi, Savdo-sanoat palatasi, Raqamli texnologiyalar vazirligi, Soliq qoʻmitasi, Bojxona qoʻmitasi, “Oʻzbekiston respublikasi tovar-xom ashyo birjasi” AJ 2. Zargarlik sanoatining yagona elektron platformasini Savdo-sanoat palatasi, Davlat asillik darajasi nazorati inspeksiyasi, Soliq qoʻmitasi, Bojxona qoʻmitasi, “Oʻzbekiston respublikasi tovar-xom ashyo birjasi” AJ va boshqa manfaatdor tashkilotlar axborot tizimlari bilan bepul integratsiya qilish. 2026-yil 1-yanvar 21. Jismoniy shaxslar tomonidan naqd chet el valyutasini Oʻzbekiston Respublikasining bojxona chegarasi orqali olib chiqib ketish tartibini takomillashtirish. Jismoniy shaxslar tomonidan naqd chet el valyutasini Oʻzbekiston Respublikasining bojxona chegarasi orqali olib chiqib ketish tartibini takomillashtirishga oid Hukumat qarori loyihasini Vazirlar Mahkamasiga kiritish. Bunda qaror loyihasida quyidagilarni nazarda tutish: (a) “Termiz xalqaro savdo markazi” erkin savdo zonasida zargarlik buyumlarini chet el valyutasiga sotishga ruxsat berish; (b) norezidentlar tomonidan Oʻzbekiston Respublikasiga kirish chogʻida belgilangan tartibda deklaratsiya qilingan zargarlik buyumlarni sotishdan olingan naqd chet el valyutasini ularning qonuniyligini tasdiqlovchi hujjatlar asosida chetga olib chiqib ketishga ruxsat etish. 2025-yil 1-noyabr Markaziy bank, Bojxona qoʻmitasi, Soliq qoʻmitasi, Savdo-sanoat palatasi 22. Zargarlik buyumlarining noqonuniy aylanmasini qisqartirishga qaratilgan keng qamrovli mediarejani amalga oshirish. Qimmatbaho metallar va qimmatbaho toshlar hamda zargarlik buyumlarining noqonuniy aylanmasi uchun belgilangan javobgarlik, rasmiy faoliyatning afzalliklari, davlat tomonidan zargarlik sohasi ishtirokchilari uchun yaratilgan shart-sharoitlar va qoʻllab-quvvatlash choralari boʻyicha ommaviy axborot vositalari va internet resurslarda targʻibot ishlarini tashkil etish, shu jumladan: (a) aholi orasida asillik tamgʻasi yoki zarur sertifikatlari boʻlmagan (qimmatbaho toshlar uchun) kontrafakt zargarlik buyumlarini xarid qilmaslik haqida keng koʻlamli tushuntirish ishlarini olib borish; (b) zargarlik buyumlarini noqonuniy ishlab chiqarish hamda sotish holatlari, shuningdek, asillik belgisiga mos kelmaydigan zargarlik buyumlarini sotish keng tarqalgan hududlar toʻgʻrisidagi materiallarni eʼlon qilib borish. 2025-yil iyul — sentabr oylari Savdo-sanoat palatasi, “Oʻzbekzargarsanoati” uyushmasi, Davlat asillik darajasi nazorati inspeksiyasi, Oʻzbekiston milliy axborot agentligi, Oʻzbekiston milliy teleradiokompaniyasi

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 26-iyun,

PQ-207-son

(Qonunchilik maʼlumotlari milliy bazasi, 30.06.2025-y., 07/25/207/0548-son)

lex.uz

Президента Республики Узбекистан

Постановление

О дополнительных мерах по поддержке сферы производства ювелирных изделий

В целях дальнейшего развития и превращения ювелирной промышленности в одну из ведущих отраслей республики, а также государственной поддержки деятельности по производству и реализации ювелирных и иных изделий из драгоценных металлов и драгоценных камней (далее — ювелирные изделия) постановляю:

I. Основные цели

1. Определить основными целями принятия настоящего постановления:

(а) доведение годового объема переработки драгоценных металлов до 7 тонн, показателей экспорта ювелирных изделий — до 300 млн долларов США;

(б) сокращение незаконного оборота драгоценных металлов и ювелирных изделий как минимум на 50 процентов;

(в) выведения деятельности по производству ювелирных изделий на промышленный уровень, а также поддержку производства ювелирных изделий с современным дизайном, способных конкурировать на международных рынках;

(г) внедрение эффективной системы контроля в сфере производства и реализации ювелирных изделий.

II. Поддержка производства ювелирных изделий

2. Разрешить за счет средств Государственного бюджета в размере 100 миллиардов сумов, выделенных Фонду поддержки отраслей в соответствии с Указом Президента Республики Узбекистан от 23 июля 2024 года № УП-104, покрывать также расходы, указанные в приложении № 1 * .

3. Установить, что с 15 июля 2025 года:

(а) Фонду реконструкции и развития наряду с размещением на депозиты банков целевых ресурсов, предусмотренных Указом Президента Республики Узбекистан от 23 июля 2024 года № УП-104, разрешается выделять данные средства также лизинговым организациям в качестве кредитной линии сроком до 5 лет с процентной ставкой на 3 процентных пункта ниже основной ставки Центрального банка.

(i) При этом лизинговые организации за счет выделенной кредитной линии предоставляют используемые в ювелирной промышленности оборудование, запасные части и комплектующие в лизинг на срок до 5 лет, включая льготный период 2 года, по основной ставке Центрального банка в порядке начисления процентов на остаток задолженности;

(б) ввозимые по перечням, формируемым в установленном порядке, не производимые в Республике Узбекистан и используемые в ювелирной промышленности оборудование, запасные части, комплектующие и расходные материалы на срок до 1 июля 2028 года освобождаются от таможенной пошлины;

(в) порядок реализации АО «Навоийский ГМК» и АО «Алмалыкский ГМК» драгоценных металлов на основе прямых договоров и с условием оплаты в рассрочку продлевается до 1 января 2030 года.

(i) При этом субъектам предпринимательства, приобретшим драгоценные металлы с условием оплаты в рассрочку и допустившим просроченную задолженность, драгоценные металлы в соответствии с указанным порядком до полного погашения задолженности не реализуются.

4. Предоставить Республиканскому совету по развитию ювелирной промышленности (Д. Кучкаров) полномочие присвоения статуса ювелирного центра комплексам, специализированным на производстве и реализации ювелирных изделий и соответствующим установленным требованиям.

5. Определить, что субъектам предпринимательства, осуществляющим деятельность в ювелирных центрах, предоставляются следующие меры поддержки, в соответствии с которыми:

(а) при реализации драгоценных металлов с условием оплаты в рассрочку на часть платежей, произведенных в течение 90 дней, проценты не начисляются, на часть платежей, произведенных с 91-го дня по 180-й день включительно, проценты начисляются в размере 3 процентов годовых;

(б) в ювелирных центрах налаживается деятельность филиалов (выездных услуг) Ассоциации «Узбекзаргарсаноати» и Инспекции государственного пробирного контроля, а также создаются лаборатории оперативной диагностики ювелирных изделий и драгоценных камней;

(в) в случае вступления в членство Ассоциации «Узбекзаргарсаноати» субъекты предпринимательства, осуществляющие деятельность в ювелирных центрах, оплачивают членские взносы с 50-процентной скидкой.

III. Сокращение доли теневой экономики в ювелирной отрасли

6. Установить, что с 1 января 2026 года:

(а) отменяются:

(i) льгота по освобождению от налога на добавленную стоимость оборота по реализации ювелирных изделий и полуфабрикатов, изготовленных из драгоценных металлов и драгоценных камней;

(ii) сбор за реализацию в розничной торговле ювелирных изделий из золота;

(б) субъекты предпринимательства, занимающиеся производством либо реализацией ювелирных изделий, признаются плательщиками налога на добавленную стоимость независимо от их дохода;

(в) до 1 января 2028 года производители ювелирных изделий определяют базу налога на добавленную стоимость исходя из положительной разницы между ценой реализации ювелирных изделий (полуфабрикатов) и ценой содержащихся в их составе драгоценных металлов и драгоценных камней. При этом:

(i) разрешается вычитывать из цены реализации ювелирных изделий и полуфабрикатов только цену драгоценных металлов, приобретенных у АО «Навоийский ГМК», АО «Алмалыкский ГМК, а также на биржевых торгах у других субъектов, и цену импортированных драгоценных камней;

(ii) цена драгоценных металлов и драгоценных камней, содержащихся в составе ювелирных изделий и полуфабрикатов, рассчитывается исходя из цен, публикуемых на официальном веб-сайте Налогового комитета;

(iii) субъектам предпринимательства, занимающимся старательской добычей драгоценных металлов, а также аффинажным предприятиям разрешается осуществлять реализацию драгоценных металлов на биржевых торгах;

(г) в срок до 1 января 2028 года субъектам предпринимательства, занимающимся производством или реализацией ювелирных изделий, не позднее 25-го числа каждого месяца из республиканского бюджета Республики Узбекистан автоматически возвращается 80 процентов оплаченного ими в бюджет налога на добавленную стоимость.

(i) При этом настоящий порядок применяется в случае, если в общей выручке указанных субъектов за налоговый период доход от производства и розничной торговли ювелирными изделиями составляет не менее 80 процентов.

7. Установить порядок, в соответствии с которым:

(а) до 1 сентября 2025 года Инспекция государственного пробирного контроля осуществляет опробование и клеймение ювелирных изделий, произведенных за рубежом, без истребования документов, подтверждающих оплату таможенных платежей. При этом:

(i) ювелирные изделия, клеймение которых осуществлено в соответствии с подпунктом «а» настоящего пункта, могут реализовываться без документов, подтверждающих оплату таможенных платежей;

(ii) с 1 сентября 2025 года Инспекции государственного пробирного контроля запрещается осуществлять опробование и клеймение ювелирных изделий, произведенных за рубежом и не имеющих документов, подтверждающих оплату таможенных платежей;

(б) с 1 сентября 2025 года:

(i) индивидуальным предпринимателям разрешается заниматься деятельностью по реализации ювелирных изделий;

(ii) Инспекцией государственного пробирного контроля в городах Ташкенте и Нукусе, а также областных центрах внедряется практика оказания выездных услуг по опробованию и клеймению ювелирных изделий;

(iii) лицам, сообщившим посредством мобильного приложения «Soliq» о нарушении законодательства о драгоценных металлах и драгоценных камнях, выплачивается премия в размере 50 процентов взысканной суммы штрафа.

8. Одобрить предложение Ассоциации «Узбекзаргарсаноати» по оказанию содействия в оформлении в установленном порядке деятельности лиц, занимающихся производством и реализацией ювелирных изделий без регистрации в качестве субъекта предпринимательства или без соблюдения уведомительных процедур, а также освобождению их от уплаты членских взносов в Ассоциацию сроком на шесть месяцев.

IV. Регулирование импорта ювелирных изделий

9. Определить, что на период с 1 сентября 2025 года до 1 сентября 2028 года:

(а) при ввозе на территорию Республики Узбекистан ювелирных изделий (продукции товарных позиций 7113 и 7114 ТН ВЭД) таможенная пошлина применяется по ставке 2 процента;

(б) при помещении ювелирных изделий под таможенные режимы «выпуск для свободного обращения» и «экспорт» сбор за таможенное оформление взимается в однократном размере базовой расчетной величины независимо от таможенной стоимости этих изделий;

(в) размер сбора, взимаемого Инспекцией государственного пробирного контроля за клеймение импортированных ювелирных изделий, приравнивается к размеру, установленному для отечественных производителей;

(г) разрешается декларирование ювелирных изделий, не имеющих документов, подтверждающих их ввоз через таможенную границу, посредством осуществления таможенных платежей и заполнения таможенной грузовой декларации.

V. Внедрение системы эффективного контроля

10. Внедрить в порядке эксперимента на срок до 1 января 2026 года следующий порядок осуществления государственного контроля за соблюдением законодательства о драгоценных металлах и драгоценных камнях, в соответствии с которым:

(а) в случае выявления работниками Инспекции государственного пробирного контроля и налоговых органов нарушения законодательства о драгоценных металлах и драгоценных камнях субъектам предпринимательства в первый раз объявляется предупреждение;

(б) неустранение нарушения в месячный срок либо совершение его повторно после предупреждения являются основанием для проведения Инспекцией государственного пробирного контроля и налоговыми органами выездной проверки;

(в) выездная проверка проводится только по нарушениям законодательства о драгоценных металлах и драгоценных камнях, а также осуществляется в порядке уведомления Бизнес-омбудсмана путем регистрации в информационной системе «Единый государственный контроль» в течение 24 часов с момента начала проверки;

(г) акт и решение, оформленные по результатам выездной проверки, являются основанием для принятия к субъектам предпринимательства мер ответственности, установленных законодательством.

VI. Организация, обеспечение и контроль исполнения постановления

11. Утвердить «Дорожную карту» по развитию ювелирной промышленности и сокращению доли теневой экономики в отрасли согласно приложению № 2 * .

12. Министерству экономики и финансов совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

13. Государственным органам, не дожидаясь принятия соответствующих подзаконных актов и ведомственных указаний, с момента вступления в силу норм настоящего постановления обеспечить их безусловное и прямое применение на практике.

14. Возложить на заместителя Премьер-министра Д.А. Кучкарова персональную ответственность за эффективную организацию исполнения настоящего постановления.

15. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

26 июня 2025 г.,

№ ПП-207

(Национальная база данных законодательства, 30.06.2025 г., № 07/25/207/0548)

lex.uz