UzbekAI

Ўзбекистон Республикаси Президентининг

Фармони

Иқтисодиёт ва молия вазирлиги ҳузуридаги Ғазначилик хизмати қўмитаси ҳамда бюджетдан ташқари Пенсия жамғармаси томонидан замонавий хизматларни жорий этиш чора-тадбирлари тўғрисида

Сўнгги йилларда молия тизимида жорий этилган замонавий хизматлар ҳисобига ёшга доир пенсияларнинг 62 фоизи проактив шаклда тайинланишига, иш ҳақи, пенсия, нафақа ва стипендияларнинг 90 фоиздан ортиғи банк карталари орқали тўланишига ҳамда бюджет ташкилотларининг молиявий ҳужжатларини электрон тарзда расмийлаштиришга эришилди.

Бу борада Ғазначилик хизмати қўмитаси ва бюджетдан ташқари Пенсия жамғармасининг штат бирликлари сони охирги икки йилда 1 940 тага ёки 45 фоизга қисқартирилди ҳамда келгуси йилда қуйи бўғин ходимлари сонини 4 баробаргача қисқартириш кўзда тутилган.

Фуқаролар ҳамда корхона ва ташкилотлар учун пенсия ва ғазначилик хизматларини кўрсатиш тизимини такомиллаштириш орқали улардан фойдаланиш имкониятларини кенгайтириш мақсадида қарор қиламан:

I. Асосий йўналиш ва мақсадлар

1. Қуйидагилар пенсия ва ғазначилик фаолиятига замонавий хизматларни жорий этишнинг асосий йўналиш ва мақсадлари этиб белгилансин:

(а) ғазначилик ва пенсия таъминоти тизимларини рақамлаштириш ва автоматлаштириш орқали ҳудудларда ихчам хизмат кўрсатиш офисларини ташкил этиш;

(б) фуқароларга кўрсатиладиган хизматларни тўлиқ электрон ва проактив шаклга ўтказишга эришиш;

(в) молиявий операцияларда шаффофликни таъминлаш учун сунъий интеллект ва замонавий технологиялардан фойдаланиш;

(г) тежаб қолинган бюджет маблағларини соҳавий самарадорликни ошириш учун мақсадли йўналтиришни таъминлаш.

II. Замонавий хизматлар орқали ихчам бошқарув тизимини жорий этиш

2. 2027 йил 1 январдан бошлаб Иқтисодиёт ва молия вазирлиги ҳузуридаги Ғазначилик хизмати қўмитасининг (кейинги ўринларда — Ғазначилик қўмитаси) ҳамда бюджетдан ташқари Пенсия жамғармасининг (кейинги ўринларда — Пенсия жамғармаси) туман (шаҳар) бўлимлари ишини рақамлаштириш ҳисобига уларнинг фаолияти тугатилсин. Бунда Ғазначилик қўмитаси ва Пенсия жамғармасининг ҳудудий бошқармаларида ҳар бир туман ва шаҳарлардаги бизнес жараёнларни ва функцияларни қамраб олувчи 1 — 3 штат бирлигидан иборат ихчам хизмат кўрсатиш офислари ташкил этилади.

3. Белгилансинки:

(а) 2026 йил 1 июлдан бошлаб ғазначилик тизимидаги жараёнларни автоматлаштириш ҳисобига қуйидагиларни назарда тутувчи Рақамли ғазна тизими жорий этилади:

(i) бизнес интеллект (Business intelligence) технологияларидан фойдаланган ҳолда маълумотларни таҳлил қилиш, ликвидлиликни таъминлашда қисқа ва узоқ муддатли прогнозларни ишлаб чиқиш ҳамда сунъий интеллект технологиялари асосида ғазначилик операцияларини амалга оширишда инсон омилини камайтиришга эришиш;

(ii) чет эл валютасидаги операцияларни рақамлаштирган ҳолда амалга ошириш учун Давлат молиясини бошқариш ахборот тизимини Бутунжаҳон банклараро молиявий телекоммуникациялар ҳамжамияти (SWIFT) тизимига интеграция қилиш;

(iii) давлат харидлари ва тўлов операцияларини амалга ошириш жараёнида юзага келиши мумкин бўлган қонунчилик бузилиши билан боғлиқ молиявий хавфларни «Е-risk» дастурий мажмуасида автоматик аниқлаш ва аниқланган хавфлар асосида огоҳлантириш ҳамда хабардор қилиш механизмини жорий қилиш;

(б) 2026 йил 1 декабрдан бошлаб пенсия тизимида қуйидаги жараёнларни автоматлаштириш орқали:

(i) фуқароларнинг мавжуд иш стажи ва иш ҳақлари тўғрисидаги электрон маълумотларга асосан пенсия миқдорларини олдиндан аниқлаш бўйича «Менинг пенсиям» онлайн хизмати жорий этилади;

(ii) пенсия таъминотига оид барча хизматлар тўлиқ проактив, электрон ҳамда интерактив шаклга ўтказилади.

4. Белгилансинки, Ғазначилик қўмитаси ва Пенсия жамғармасида рақамлаштириш ишларини жадаллаштириш ҳамда туман (шаҳар) бўлимларидаги айрим вазифаларни ҳудудий бошқармаларга ўтказиш натижасида бошқарув штат бирликлари сони 1 080 тага мақбуллаштирилади. Бунда:

(а) Ғазначилик қўмитасининг туман (шаҳар) бўлимларидаги 594 та штат бирлиги, жумладан:

(i) 2025 йил 1 августдан бошлаб 178 та штат бирлиги ғазначилик операцияларини электронлаштириш ва автоматлаштириш;

(ii) 2026 йил 1 январдан бошлаб 208 та штат бирлиги иш ҳақи ва унга тенглаштирилган тўловларни нақд пул шаклида олиш жараёнини рақамлаштириш;

(iii) 2026 йил 1 июлдан бошлаб 208 та штат бирлиги давлат харидлари соҳасидаги шартномаларни тузиш ҳамда уларни рўйхатдан ўтказиш амалиётини рақамлаштириш ҳисобига қисқартирилади;

(б) Пенсия жамғармасининг туман (шаҳар) бўлимларидаги 486 та штат бирлиги, жумладан:

(i) 2025 йил 1 сентябрдан бошлаб 241 та штат бирлиги ёшга доир ва ногиронлик пенсияларини проактив усулда тайинлаш;

(ii) 2026 йил 1 январдан бошлаб 104 та штат бирлиги пенсияларни тўлашда электрон имзо ва биометрик идентификация қилиш (Face-ID) тизимини йўлга қўйиш;

(iii) 2026 йил 1 декабрдан бошлаб 141 та штат бирлиги «call-марказ» фаолиятига сунъий интеллектни жорий этиш ҳамда маълумотларни тўлиқ рақамлаштириш эвазига қисқартирилади.

III. Рақамлаштириш ҳамда янгича ёндашув асосида ишни ташкил этиш

5. Фуқароларнинг пенсияга оид маълумотларини тўлиқ рақамлаштириш мақсадида:

(а) 2025 йил 1 октябрга қадар Мажбурий ижро бюроси (М. Эгамбердиев) мажбурий ижро жараёнида ундирувни пенсия тўловларига қаратишдан аввал дастлаб фуқароларни хабардор қилиш тизимини жорий этсин;

(б) 2025 йил 1 ноябрга қадар Мудофаа вазирлиги (Ш. Халмухамедов) мудофаа ишлари органларида рўйхатда турган ва пенсия тайинланаётган фуқароларнинг ҳарбий хизматни ўтаган даври тўғрисидаги маълумотларни «Рақамли ҳукумат» тизимининг идоралараро интеграциялашув платформаси орқали Пенсия жамғармаси ахборот тизимига тақдим этиш бўйича интеграция қилиш чораларини кўрсин;

(в) 2025 йил июль — октябрь ойлари давомида ҳоким ёрдамчилари ҳар бир маҳалладаги «маҳалла еттилиги» билан биргаликда фуқароларнинг меҳнат дафтарчаси маълумотларини туман (шаҳар) камбағалликни қисқартириш ва бандликка кўмаклашиш бўлимлари орқали рақамлаштириш бўйича тарғибот ишларини амалга оширсин;

(г) 2026 йил 1 августга қадар Олий таълим, фан ва инновациялар вазирлиги (К. Шарипов):

(i) фуқароларнинг олий таълим муассасаларидаги ўқиш даври тўғрисидаги маълумотларни тўлиқ рақамлаштирсин;

(ii) давлат хизматлари марказлари орқали фуқароларнинг олий таълим муассасаларидаги ўқиш даври тўғрисидаги маълумотларни вазирликнинг электрон базасига юбориш имкониятини яратсин.

6. 2025 йил 1 августдан бошлаб Иқтисодиёт ва молия вазирлиги тизимида мазкур Фармоннинг 4-бандида назарда тутилган мақбуллаштирилган штат бирликлари ҳисобига:

(а) ҳудудларни рақамлаштириш ва уларнинг мастер режаларини ишлаб чиқиш, реновация лойиҳаларини жадаллаштириш, ер ислоҳотлари стратегиясини такомиллаштириш, хизматлар соҳаси ва венчур молиялаштириш имкониятларини кенгайтириш, саноатда қўшилган қиймат занжирини яратиш, «яшил» технологиялар ҳамда энергия самарадорлиги йўналишларида ишларни ташкил этиш ҳамда давлат тиббий суғуртаси тизимини самарали ташкил этиш учун 92 та штат бирлиги ажратилсин;

(б) Ғазначилик қўмитаси раисининг рақамли трансформация ва стратегик ривожланиш бўйича ўринбосари лавозими киритилсин;

(в) Ғазначилик қўмитаси ва Пенсия жамғармаси тузилмаларида 3 тадан штат бирлигидан иборат рақамли ривожланиш ва сунъий интеллект технологияларини жорий этиш бўйича лойиҳа офиси ташкил этилсин. Бунда лойиҳа офиси раҳбари иш ҳақи шартларига кўра бошқарма бошлиғига тенглаштирилади;

(г) иқтисод қилинадиган маблағлар маҳаллий давлат ҳокимияти органлари ходимларининг ойлик иш ҳақи миқдорларини ошириш билан боғлиқ харажатларга йўналтирилсин.

IV. Фармон ижросини ташкил этиш, таъминлаш ва назорат

7. Вазирлар Маҳкамаси (Ж. Қўчқоров) икки ой муддатда республика ижро этувчи ҳокимият органларига юклатилган вазифа ва функцияларни рақамлаштириш ҳисобига уларнинг бошқарув ходимлари умумий чекланган сонини 15 фоизгача қисқартириш юзасидан таклифларни Ўзбекистон Республикаси Президенти Администрациясига киритсин.

8. Иқтисодиёт ва молия вазирлиги Марказий банк билан биргаликда икки ой муддатда илғор халқаро тажрибани ўрганган ҳолда ғазна ижроси билан қамраб олинган бюджет ташкилотлари ва давлат муассасалари ходимларининг иш ҳақи ва унга тенглаштирилган тўловлар, шунингдек, пенсиялар банк карталари орқали тўлаб берилишини рағбатлантирувчи механизмларни жорий этиш юзасидан асослантирилган таклифларни Вазирлар Маҳкамасига киритсин.

9. Камбағалликни қисқартириш ва бандлик вазирлиги (Б. Захидов) Ғазначилик қўмитаси ва Пенсия жамғармаси штат бирликлари сонининг мақбуллаштирилиши ҳисобига меҳнат шартномаси бекор қилинадиган ходимларни иш билан таъминлаш чораларини кўрсин.

10. Ўзбекистон Республикаси Президентининг айрим ҳужжатларига иловага мувофиқ ўзгартириш ва қўшимчалар киритилсин.

11. Ушбу Фармоннинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров белгилансин.

12. Фармон ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2025 йил 26 июндаги ПФ-105-сон Фармонига ИЛОВА

Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар

1. Ўзбекистон Республикаси Президентининг 2023 йил 25 январдаги «Республика ижро этувчи ҳокимият органлари фаолиятини самарали йўлга қўйишга доир биринчи навбатдаги ташкилий чора-тадбирлар тўғрисида»ги ПФ-14-сон Фармонида :

(а) 1-иловада :

(i) «Жами» позициясининг «Жами бошқарув штат бирликлари сони» устунидаги «48 496» ва «Давлат бюджети ҳисобидан» устунидаги «44 582» рақамлари тегишлича «48 995» ва «45 081» рақамлари билан алмаштирилсин;

(ii) «1. Иқтисодиёт ва молия вазирлиги» бўлимида:

«Иқтисодиёт ва молия вазирлиги» позициясининг «Жами бошқарув штат бирликлари сони» устунидаги «5 764» ва «Давлат бюджети ҳисобидан» устунидаги «5 729» рақамлари тегишлича «5 618» ва «5 583» рақамлари билан алмаштирилсин;

«Ғазначилик хизмати қўмитаси» позициясининг «Жами бошқарув штат бирликлари сони» ва «Давлат бюджети ҳисобидан» устунларидаги «1 134» ва «1» рақамлари тегишлича «960» ва «2» рақамлари билан алмаштирилсин;

(iii) «3. Камбағалликни қисқартириш ва бандлик вазирлиги» бўлими «Камбағалликни қисқартириш ва бандлик вазирлиги» позициясининг «Жами бошқарув штат бирликлари сони» ва «Давлат бюджети ҳисобидан» устунларидаги «3 234» рақами тегишлича «3 257» рақами билан алмаштирилсин;

(iv) «14. Олий таълим, фан ва инновациялар вазирлиги» бўлимида:

«Олий таълим, фан ва инновациялар вазирлиги» позициясининг «Жами бошқарув штат бирликлари сони» устунидаги «406» ва «Давлат бюджети ҳисобидан» устунидаги «333» рақамлари тегишлича «402» ва «329» рақамлари билан алмаштирилсин;

«Инновацион ривожланиш агентлиги» позициясининг «Жами бошқарув штат бирликлари сони» устунидаги «73» ва «Давлат бюджети ҳисобидан» устунидаги «59» рақамлари тегишлича «70» ва «56» рақамлари билан алмаштирилсин;

Билим ва малакаларни баҳолаш агентлиги» позициясининг «Жами бошқарув штат бирликлари сони» ва «Давлат бюджети ҳисобидан» устунларидаги «111» рақами тегишлича «108» рақами билан алмаштирилсин;

(v) «17. Адлия вазирлиги» бўлимидан 2-позиция чиқариб ташлансин;

(vi) «26. Вазирлар Маҳкамаси ҳузуридаги Саноат, радиация ва ядро хавфсизлиги қўмитаси» бўлими «Саноат, радиация ва ядро хавфсизлиги қўмитаси» позициясининг «Жами бошқарув штат бирликлари сони» ва «Давлат бюджети ҳисобидан» устунларидаги «134» рақами «157» рақами билан алмаштирилсин;

(vii) изоҳлар қисмининг 5.20-кичик банди қуйидаги таҳрирда баён этилсин:

«5.20. Солиқ қўмитаси тизимида Йирик солиқ тўловчилар бўйича ҳудудлараро солиқ инспекцияси ва Рақамли маркировка қоидаларига риоя қилинишини назорат қилиш бўйича ҳудудлараро солиқ инспекцияси»;

(б) 2-иловада :

(i) 17.2.-кичик банди чиқариб ташлансин;

(ii) изоҳлар қисмида :

биринчи хатбошидаги «70» рақами «69» рақами билан алмаштирилсин;

тўртинчи хатбошидаги «27» рақами «26» рақами билан алмаштирилсин;

(в) 2а-иловадан 17.2-позиция чиқариб ташлансин.

2. Ўзбекистон Республикаси Президентининг 2007 йил 28 февралдаги «Давлат бюджетининг ғазна ижроси тизимини янада ривожлантириш чора-тадбирлари тўғрисида»ги ПҚ-594-сон қарорида :

(а) 1-банд қуйидаги таҳрирда баён этилсин:

«1. Ўзбекистон Республикаси Президентининг 2022 йил 21 декабрдаги «Янги Ўзбекистон маъмурий ислоҳотларини амалга ошириш чора-тадбирлари тўғрисида»ги ПФ-269-сон Фармони билан Ўзбекистон Республикаси Молия вазирлиги ғазначилигини негизида Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитаси (кейинги ўринларда — Ғазначилик) ташкил этилганлиги маълумот учун қабул қилинсин»;

(б) 2-бандда :

(i) учинчи хатбошидаги «ягона ғазначилик ҳисоб рақамида» сўзлари «ягона ғазна ҳисобварағида» сўзлари билан алмаштирилсин;

(ii) еттинчи ва ўнинчи хатбошилар чиқариб ташлансин;

(iii) саккизинчи , тўққизинчи ҳамда ўн биринчи — ўн бешинчи хатбошилар тегишлича еттинчи — ўн учинчи хатбошилар деб ҳисоблансин;

(iv) ўн иккинчи хатбошидаги «Молия вазирлиги» сўзлари «Иқтисодиёт ва молия вазирлиги» сўзлари билан алмаштирилсин;

(в) 3-банд қуйидаги таҳрирда баён этилсин:

«3. Ўзбекистон Республикаси иқтисодиёт ва молия вазирига, зарур ҳолларда, Ғазначиликнинг марказий аппарати ва унинг бўлинмалари тузилмасига Ғазначилик ходимларининг чекланган умумий сони доирасида ўзгартишлар киритиш ҳуқуқи берилсин.»;

(г) 4-бандда :

(i) иккинчи хатбоши қуйидаги таҳрирда баён этилсин:

«Ғазначилик раиси Ўзбекистон Республикаси Президенти томонидан лавозимга тайинланади ва лавозимидан озод этилади;»

(ii) учинчи хатбошидаги «молия» сўзи тегишлича «иқтисодиёт ва молия» сўзлари билан алмаштирилсин;

(iii) қуйидаги мазмундаги тўртинчи хатбоши билан тўлдирилсин:

«Ғазначилик марказий аппарати ходимлари тиббий ва ижтимоий ҳимоя қилиш шартларига кўра Иқтисодиёт ва молия вазирлиги марказий аппарати ходимларига тенглаштирилади»;

(д) 5-бандда :

(i) биринчи хатбошидаги «Молия вазирлиги» сўзи «Иқтисодиёт ва молия вазирлиги» сўзлари билан алмаштирилсин;

(ii) иккинчи хатбошидаги «Молия вазирлигининг ғазначилиги» сўзлари «Иқтисодиёт ва молия вазирлиги ҳузуридаги Ғазначилик хизмати қўмитаси» сўзлари билан алмаштирилсин;

(iii) учинчи хатбошидаги «молия» сўзи «иқтисодиёт ва молия» сўзлари билан алмаштирилсин;

(е) 6-банднинг тўртинчи хатбошисидаги «Молия вазирлигининг» сўзлари «Иқтисодиёт ва молия вазирлигининг» сўзлари билан алмаштирилсин;

(ж) 7-банддаги «Ўзбекистон алоқа ва ахборотлаштириш агентлиги» ҳамда «Молия вазирлиги» сўзлари тегишлича «Ўзбекистон Республикаси Рақамли технологиялар вазирлиги» ҳамда «Иқтисодиёт ва молия вазирлиги» сўзлари билан алмаштирилсин;

(з) 9-банд ўз кучини йўқотган деб ҳисоблансин;

(к) 1 — 4-иловалар ўз кучини йўқотган деб ҳисоблансин.

3. Ўзбекистон Республикаси Президентининг 2009 йил 30 декабрдаги «Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармасининг ташкилий тузилмасини шакллантириш чора-тадбирлари тўғрисидаги»ги ПҚ-1252-сон қарори 2-бандида :

(а) қуйидаги мазмундаги тўртинчи хатбоши билан тўлдирилсин:

«Пенсия жамғармаси ижро этувчи аппарати ходимлари тиббий ва ижтимоий ҳимоя қилиш шартларига кўра Иқтисодиёт ва молия вазирлиги марказий аппарати ходимларига тенглаштирилади»;

(б) тўртинчи ва бешинчи хатбошилар тегишлича бешинчи ва олтинчи хатбошилар деб ҳисоблансин.

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 26 июнь,

ПФ-105-сон

(Қонунчилик маълумотлари миллий базаси, 28.06.2025 й., 06/25/105/0549-сон)

lex.uz

Oʻzbekiston Respublikasi Prezidentining

Farmoni

Iqtisodiyot va moliya vazirligi huzuridagi Gʻaznachilik xizmati qoʻmitasi hamda budjetdan tashqari Pensiya jamgʻarmasi tomonidan zamonaviy xizmatlarni joriy etish chora-tadbirlari toʻgʻrisida

Soʻnggi yillarda moliya tizimida joriy etilgan zamonaviy xizmatlar hisobiga yoshga doir pensiyalarning 62 foizi proaktiv shaklda tayinlanishiga, ish haqi, pensiya, nafaqa va stipendiyalarning 90 foizdan ortigʻi bank kartalari orqali toʻlanishiga hamda budjet tashkilotlarining moliyaviy hujjatlarini elektron tarzda rasmiylashtirishga erishildi.

Bu borada Gʻaznachilik xizmati qoʻmitasi va budjetdan tashqari Pensiya jamgʻarmasining shtat birliklari soni oxirgi ikki yilda 1 940 taga yoki 45 foizga qisqartirildi hamda kelgusi yilda quyi boʻgʻin xodimlari sonini 4 barobargacha qisqartirish koʻzda tutilgan.

Fuqarolar hamda korxona va tashkilotlar uchun pensiya va gʻaznachilik xizmatlarini koʻrsatish tizimini takomillashtirish orqali ulardan foydalanish imkoniyatlarini kengaytirish maqsadida qaror qilaman:

I. Asosiy yoʻnalish va maqsadlar

1. Quyidagilar pensiya va gʻaznachilik faoliyatiga zamonaviy xizmatlarni joriy etishning asosiy yoʻnalish va maqsadlari etib belgilansin:

(a) gʻaznachilik va pensiya taʼminoti tizimlarini raqamlashtirish va avtomatlashtirish orqali hududlarda ixcham xizmat koʻrsatish ofislarini tashkil etish;

(b) fuqarolarga koʻrsatiladigan xizmatlarni toʻliq elektron va proaktiv shaklga oʻtkazishga erishish;

(v) moliyaviy operatsiyalarda shaffoflikni taʼminlash uchun sunʼiy intellekt va zamonaviy texnologiyalardan foydalanish;

(g) tejab qolingan budjet mablagʻlarini sohaviy samaradorlikni oshirish uchun maqsadli yoʻnaltirishni taʼminlash.

II. Zamonaviy xizmatlar orqali ixcham boshqaruv tizimini joriy etish

2. 2027-yil 1-yanvardan boshlab Iqtisodiyot va moliya vazirligi huzuridagi Gʻaznachilik xizmati qoʻmitasining (keyingi oʻrinlarda — Gʻaznachilik qoʻmitasi) hamda budjetdan tashqari Pensiya jamgʻarmasining (keyingi oʻrinlarda — Pensiya jamgʻarmasi) tuman (shahar) boʻlimlari ishini raqamlashtirish hisobiga ularning faoliyati tugatilsin. Bunda Gʻaznachilik qoʻmitasi va Pensiya jamgʻarmasining hududiy boshqarmalarida har bir tuman va shaharlardagi biznes jarayonlarni va funksiyalarni qamrab oluvchi 1 — 3 shtat birligidan iborat ixcham xizmat koʻrsatish ofislari tashkil etiladi.

3. Belgilansinki:

(a) 2026-yil 1-iyuldan boshlab gʻaznachilik tizimidagi jarayonlarni avtomatlashtirish hisobiga quyidagilarni nazarda tutuvchi Raqamli gʻazna tizimi joriy etiladi:

(i) biznes intellekt (Business intelligence) texnologiyalaridan foydalangan holda maʼlumotlarni tahlil qilish, likvidlilikni taʼminlashda qisqa va uzoq muddatli prognozlarni ishlab chiqish hamda sunʼiy intellekt texnologiyalari asosida gʻaznachilik operatsiyalarini amalga oshirishda inson omilini kamaytirishga erishish;

(ii) chet el valyutasidagi operatsiyalarni raqamlashtirgan holda amalga oshirish uchun Davlat moliyasini boshqarish axborot tizimini Butunjahon banklararo moliyaviy telekommunikatsiyalar hamjamiyati (SWIFT) tizimiga integratsiya qilish;

(iii) davlat xaridlari va toʻlov operatsiyalarini amalga oshirish jarayonida yuzaga kelishi mumkin boʻlgan qonunchilik buzilishi bilan bogʻliq moliyaviy xavflarni “E-risk” dasturiy majmuasida avtomatik aniqlash va aniqlangan xavflar asosida ogohlantirish hamda xabardor qilish mexanizmini joriy qilish;

(b) 2026-yil 1-dekabrdan boshlab pensiya tizimida quyidagi jarayonlarni avtomatlashtirish orqali:

(i) fuqarolarning mavjud ish staji va ish haqlari toʻgʻrisidagi elektron maʼlumotlarga asosan pensiya miqdorlarini oldindan aniqlash boʻyicha “Mening pensiyam” onlayn xizmati joriy etiladi;

(ii) pensiya taʼminotiga oid barcha xizmatlar toʻliq proaktiv, elektron hamda interaktiv shaklga oʻtkaziladi.

4. Belgilansinki, Gʻaznachilik qoʻmitasi va Pensiya jamgʻarmasida raqamlashtirish ishlarini jadallashtirish hamda tuman (shahar) boʻlimlaridagi ayrim vazifalarni hududiy boshqarmalarga oʻtkazish natijasida boshqaruv shtat birliklari soni 1 080 taga maqbullashtiriladi. Bunda:

(a) Gʻaznachilik qoʻmitasining tuman (shahar) boʻlimlaridagi 594 ta shtat birligi, jumladan:

(i) 2025-yil 1-avgustdan boshlab 178 ta shtat birligi gʻaznachilik operatsiyalarini elektronlashtirish va avtomatlashtirish;

(ii) 2026-yil 1-yanvardan boshlab 208 ta shtat birligi ish haqi va unga tenglashtirilgan toʻlovlarni naqd pul shaklida olish jarayonini raqamlashtirish;

(iii) 2026-yil 1-iyuldan boshlab 208 ta shtat birligi davlat xaridlari sohasidagi shartnomalarni tuzish hamda ularni roʻyxatdan oʻtkazish amaliyotini raqamlashtirish hisobiga qisqartiriladi;

(b) Pensiya jamgʻarmasining tuman (shahar) boʻlimlaridagi 486 ta shtat birligi, jumladan:

(i) 2025-yil 1-sentabrdan boshlab 241 ta shtat birligi yoshga doir va nogironlik pensiyalarini proaktiv usulda tayinlash;

(ii) 2026-yil 1-yanvardan boshlab 104 ta shtat birligi pensiyalarni toʻlashda elektron imzo va biometrik identifikatsiya qilish (Face-ID) tizimini yoʻlga qoʻyish;

(iii) 2026-yil 1-dekabrdan boshlab 141 ta shtat birligi “call-markaz” faoliyatiga sunʼiy intellektni joriy etish hamda maʼlumotlarni toʻliq raqamlashtirish evaziga qisqartiriladi.

III. Raqamlashtirish hamda yangicha yondashuv asosida ishni tashkil etish

5. Fuqarolarning pensiyaga oid maʼlumotlarini toʻliq raqamlashtirish maqsadida:

(a) 2025-yil 1-oktabrga qadar Majburiy ijro byurosi (M. Egamberdiyev) majburiy ijro jarayonida undiruvni pensiya toʻlovlariga qaratishdan avval dastlab fuqarolarni xabardor qilish tizimini joriy etsin;

(b) 2025-yil 1-noyabrga qadar Mudofaa vazirligi (Sh. Xalmuxamedov) mudofaa ishlari organlarida roʻyxatda turgan va pensiya tayinlanayotgan fuqarolarning harbiy xizmatni oʻtagan davri toʻgʻrisidagi maʼlumotlarni “Raqamli hukumat” tizimining idoralararo integratsiyalashuv platformasi orqali Pensiya jamgʻarmasi axborot tizimiga taqdim etish boʻyicha integratsiya qilish choralarini koʻrsin;

(v) 2025-yil iyul — oktabr oylari davomida hokim yordamchilari har bir mahalladagi “mahalla yettiligi” bilan birgalikda fuqarolarning mehnat daftarchasi maʼlumotlarini tuman (shahar) kambagʻallikni qisqartirish va bandlikka koʻmaklashish boʻlimlari orqali raqamlashtirish boʻyicha targʻibot ishlarini amalga oshirsin;

(g) 2026-yil 1-avgustga qadar Oliy taʼlim, fan va innovatsiyalar vazirligi (K. Sharipov):

(i) fuqarolarning oliy taʼlim muassasalaridagi oʻqish davri toʻgʻrisidagi maʼlumotlarni toʻliq raqamlashtirsin;

(ii) davlat xizmatlari markazlari orqali fuqarolarning oliy taʼlim muassasalaridagi oʻqish davri toʻgʻrisidagi maʼlumotlarni vazirlikning elektron bazasiga yuborish imkoniyatini yaratsin.

6. 2025-yil 1-avgustdan boshlab Iqtisodiyot va moliya vazirligi tizimida mazkur Farmonning 4-bandida nazarda tutilgan maqbullashtirilgan shtat birliklari hisobiga:

(a) hududlarni raqamlashtirish va ularning master rejalarini ishlab chiqish, renovatsiya loyihalarini jadallashtirish, yer islohotlari strategiyasini takomillashtirish, xizmatlar sohasi va venchur moliyalashtirish imkoniyatlarini kengaytirish, sanoatda qoʻshilgan qiymat zanjirini yaratish, “yashil” texnologiyalar hamda energiya samaradorligi yoʻnalishlarida ishlarni tashkil etish hamda davlat tibbiy sugʻurtasi tizimini samarali tashkil etish uchun 92 ta shtat birligi ajratilsin;

(b) Gʻaznachilik qoʻmitasi raisining raqamli transformatsiya va strategik rivojlanish boʻyicha oʻrinbosari lavozimi kiritilsin;

(v) Gʻaznachilik qoʻmitasi va Pensiya jamgʻarmasi tuzilmalarida 3 tadan shtat birligidan iborat raqamli rivojlanish va sunʼiy intellekt texnologiyalarini joriy etish boʻyicha loyiha ofisi tashkil etilsin. Bunda loyiha ofisi rahbari ish haqi shartlariga koʻra boshqarma boshligʻiga tenglashtiriladi;

(g) iqtisod qilinadigan mablagʻlar mahalliy davlat hokimiyati organlari xodimlarining oylik ish haqi miqdorlarini oshirish bilan bogʻliq xarajatlarga yoʻnaltirilsin.

IV. Farmon ijrosini tashkil etish, taʼminlash va nazorat

7. Vazirlar Mahkamasi (J. Qoʻchqorov) ikki oy muddatda respublika ijro etuvchi hokimiyat organlariga yuklatilgan vazifa va funksiyalarni raqamlashtirish hisobiga ularning boshqaruv xodimlari umumiy cheklangan sonini 15 foizgacha qisqartirish yuzasidan takliflarni Oʻzbekiston Respublikasi Prezidenti Administratsiyasiga kiritsin.

8. Iqtisodiyot va moliya vazirligi Markaziy bank bilan birgalikda ikki oy muddatda ilgʻor xalqaro tajribani oʻrgangan holda gʻazna ijrosi bilan qamrab olingan budjet tashkilotlari va davlat muassasalari xodimlarining ish haqi va unga tenglashtirilgan toʻlovlar, shuningdek, pensiyalar bank kartalari orqali toʻlab berilishini ragʻbatlantiruvchi mexanizmlarni joriy etish yuzasidan asoslantirilgan takliflarni Vazirlar Mahkamasiga kiritsin.

9. Kambagʻallikni qisqartirish va bandlik vazirligi (B. Zaxidov) Gʻaznachilik qoʻmitasi va Pensiya jamgʻarmasi shtat birliklari sonining maqbullashtirilishi hisobiga mehnat shartnomasi bekor qilinadigan xodimlarni ish bilan taʼminlash choralarini koʻrsin.

10. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirish va qoʻshimchalar kiritilsin.

11. Ushbu Farmonning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov belgilansin.

12. Farmon ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2025-yil 26-iyundagi PF-105-son Farmoniga ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmonida :

(a) 1-ilovada :

(i) “Jami” pozitsiyasining “Jami boshqaruv shtat birliklari soni” ustunidagi “48 496” va “Davlat budjeti hisobidan” ustunidagi “44 582” raqamlari tegishlicha “48 995” va “45 081” raqamlari bilan almashtirilsin;

(ii) “1. Iqtisodiyot va moliya vazirligi” boʻlimida:

“Iqtisodiyot va moliya vazirligi” pozitsiyasining “Jami boshqaruv shtat birliklari soni” ustunidagi “5 764” va “Davlat budjeti hisobidan” ustunidagi “5 729” raqamlari tegishlicha “5 618” va “5 583” raqamlari bilan almashtirilsin;

“Gʻaznachilik xizmati qoʻmitasi” pozitsiyasining “Jami boshqaruv shtat birliklari soni” va “Davlat budjeti hisobidan” ustunlaridagi “1 134” va “1” raqamlari tegishlicha “960” va “2” raqamlari bilan almashtirilsin;

(iii) “3. Kambagʻallikni qisqartirish va bandlik vazirligi” boʻlimi “Kambagʻallikni qisqartirish va bandlik vazirligi” pozitsiyasining “Jami boshqaruv shtat birliklari soni” va “Davlat budjeti hisobidan” ustunlaridagi “3 234” raqami tegishlicha “3 257” raqami bilan almashtirilsin;

(iv) “14. Oliy taʼlim, fan va innovatsiyalar vazirligi” boʻlimida:

“Oliy taʼlim, fan va innovatsiyalar vazirligi” pozitsiyasining “Jami boshqaruv shtat birliklari soni” ustunidagi “406” va “Davlat budjeti hisobidan” ustunidagi “333” raqamlari tegishlicha “402” va “329” raqamlari bilan almashtirilsin;

“Innovatsion rivojlanish agentligi” pozitsiyasining “Jami boshqaruv shtat birliklari soni” ustunidagi “73” va “Davlat budjeti hisobidan” ustunidagi “59” raqamlari tegishlicha “70” va “56” raqamlari bilan almashtirilsin;

Bilim va malakalarni baholash agentligi” pozitsiyasining “Jami boshqaruv shtat birliklari soni” va “Davlat budjeti hisobidan” ustunlaridagi “111” raqami tegishlicha “108” raqami bilan almashtirilsin;

(v) “17. Adliya vazirligi” boʻlimidan 2-pozitsiya chiqarib tashlansin;

(vi) “26. Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi” boʻlimi “Sanoat, radiatsiya va yadro xavfsizligi qoʻmitasi” pozitsiyasining “Jami boshqaruv shtat birliklari soni” va “Davlat budjeti hisobidan” ustunlaridagi “134” raqami “157” raqami bilan almashtirilsin;

(vii) izohlar qismining 5.20-kichik bandi quyidagi tahrirda bayon etilsin:

“5.20. Soliq qoʻmitasi tizimida Yirik soliq toʻlovchilar boʻyicha hududlararo soliq inspeksiyasi va Raqamli markirovka qoidalariga rioya qilinishini nazorat qilish boʻyicha hududlararo soliq inspeksiyasi”;

(b) 2-ilovada :

(i) 17.2.-kichik bandi chiqarib tashlansin;

(ii) izohlar qismida :

birinchi xatboshidagi “70” raqami “69” raqami bilan almashtirilsin;

toʻrtinchi xatboshidagi “27” raqami “26” raqami bilan almashtirilsin;

(v) 2a-ilovadan 17.2-pozitsiya chiqarib tashlansin.

2. Oʻzbekiston Respublikasi Prezidentining 2007-yil 28-fevraldagi “Davlat budjetining gʻazna ijrosi tizimini yanada rivojlantirish chora-tadbirlari toʻgʻrisida”gi PQ-594-son qarorida :

(a) 1-band quyidagi tahrirda bayon etilsin:

“1. Oʻzbekiston Respublikasi Prezidentining 2022-yil 21-dekabrdagi “Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida”gi PF-269-son Farmoni bilan Oʻzbekiston Respublikasi Moliya vazirligi gʻaznachiligini negizida Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasi (keyingi oʻrinlarda — Gʻaznachilik) tashkil etilganligi maʼlumot uchun qabul qilinsin”;

(b) 2-bandda :

(i) uchinchi xatboshidagi “yagona gʻaznachilik hisob raqamida” soʻzlari “yagona gʻazna hisobvaragʻida” soʻzlari bilan almashtirilsin;

(ii) yettinchi va oʻninchi xatboshilar chiqarib tashlansin;

(iii) sakkizinchi , toʻqqizinchi hamda oʻn birinchi — oʻn beshinchi xatboshilar tegishlicha yettinchi — oʻn uchinchi xatboshilar deb hisoblansin;

(iv) oʻn ikkinchi xatboshidagi “Moliya vazirligi” soʻzlari “Iqtisodiyot va moliya vazirligi” soʻzlari bilan almashtirilsin;

(v) 3-band quyidagi tahrirda bayon etilsin:

“3. Oʻzbekiston Respublikasi iqtisodiyot va moliya vaziriga, zarur hollarda, Gʻaznachilikning markaziy apparati va uning boʻlinmalari tuzilmasiga Gʻaznachilik xodimlarining cheklangan umumiy soni doirasida oʻzgartishlar kiritish huquqi berilsin.”;

(g) 4-bandda :

(i) ikkinchi xatboshi quyidagi tahrirda bayon etilsin:

“Gʻaznachilik raisi Oʻzbekiston Respublikasi Prezidenti tomonidan lavozimga tayinlanadi va lavozimidan ozod etiladi;”

(ii) uchinchi xatboshidagi “moliya” soʻzi tegishlicha “iqtisodiyot va moliya” soʻzlari bilan almashtirilsin;

(iii) quyidagi mazmundagi toʻrtinchi xatboshi bilan toʻldirilsin:

“Gʻaznachilik markaziy apparati xodimlari tibbiy va ijtimoiy himoya qilish shartlariga koʻra Iqtisodiyot va moliya vazirligi markaziy apparati xodimlariga tenglashtiriladi”;

(d) 5-bandda :

(i) birinchi xatboshidagi “Moliya vazirligi” soʻzi “Iqtisodiyot va moliya vazirligi” soʻzlari bilan almashtirilsin;

(ii) ikkinchi xatboshidagi “Moliya vazirligining gʻaznachiligi” soʻzlari “Iqtisodiyot va moliya vazirligi huzuridagi Gʻaznachilik xizmati qoʻmitasi” soʻzlari bilan almashtirilsin;

(iii) uchinchi xatboshidagi “moliya” soʻzi “iqtisodiyot va moliya” soʻzlari bilan almashtirilsin;

(e) 6-bandning toʻrtinchi xatboshisidagi “Moliya vazirligining” soʻzlari “Iqtisodiyot va moliya vazirligining” soʻzlari bilan almashtirilsin;

(j) 7-banddagi “Oʻzbekiston aloqa va axborotlashtirish agentligi” hamda “Moliya vazirligi” soʻzlari tegishlicha “Oʻzbekiston Respublikasi Raqamli texnologiyalar vazirligi” hamda “Iqtisodiyot va moliya vazirligi” soʻzlari bilan almashtirilsin;

(z) 9-band oʻz kuchini yoʻqotgan deb hisoblansin;

(k) 1 — 4-ilovalar oʻz kuchini yoʻqotgan deb hisoblansin.

3. Oʻzbekiston Respublikasi Prezidentining 2009-yil 30-dekabrdagi “Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasining tashkiliy tuzilmasini shakllantirish chora-tadbirlari toʻgʻrisidagi”gi PQ-1252-son qarori 2-bandida :

(a) quyidagi mazmundagi toʻrtinchi xatboshi bilan toʻldirilsin:

“Pensiya jamgʻarmasi ijro etuvchi apparati xodimlari tibbiy va ijtimoiy himoya qilish shartlariga koʻra Iqtisodiyot va moliya vazirligi markaziy apparati xodimlariga tenglashtiriladi”;

(b) toʻrtinchi va beshinchi xatboshilar tegishlicha beshinchi va oltinchi xatboshilar deb hisoblansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 26-iyun,

PF-105-son

(Qonunchilik maʼlumotlari milliy bazasi, 28.06.2025-y., 06/25/105/0549-son)

lex.uz

Президента Республики Узбекистан

Указ

О мерах по внедрению современных услуг Комитетом казначейской службы и внебюджетным Пенсионным фондом при Министерстве экономики и финансов

В последние годы за счет внедренных в системе финансов современных услуг достигнуты назначение в проактивной форме 62 процентов пенсий по возрасту, выплата посредством банковских карт свыше 90 процентов заработной платы, пенсий, пособий и стипендий, а также оформление в электронной форме финансовой документации бюджетных организаций.

В данном направлении численность штатных единиц Комитета казначейской службы и Внебюджетного пенсионного фонда в последние два года сокращена на 1 940 единиц, или 45 процентов, в следующем году предусмотрено сокращение числа работников низового звена до 4 раз.

В целях расширения возможностей пользования пенсионными и казначейскими услугами для граждан, а также предприятий и организаций путем совершенствования системы их оказания постановляю:

I. Основные направления и цели

1. Определить основными направлениями и целями внедрения современных услуг в пенсионную и казначейскую деятельность:

(а) создание компактных офисов обслуживания в регионах путем цифровизации и автоматизации систем казначейства и пенсионного обеспечения;

(б) достижение перевода оказываемых гражданам услуг полностью в электронную и проактивную формы;

(в) использование искусственного интеллекта и современных технологий для обеспечения открытости в финансовых операциях;

(г) обеспечение целевого направления сэкономленных бюджетных средств на повышение результативности отраслей.

II. Внедрение компактной системы управления посредством современных услуг

2. Упразднить с 1 января 2027 года районные (городские) отделы Комитета казначейской службы (далее — Комитет казначейства) и Внебюджетного пенсионного фонда при Министерстве экономики и финансов (далее — Пенсионный фонд) за счет цифровизации их деятельности. При этом в региональных управлениях Комитета казначейства и Пенсионного фонда создаются компактные офисы оказания услуг из 1 — 3 штатных единиц, охватывающие бизнес-процессы и функции в каждом районе и городе.

3. Установить, что:

(а) начиная с 1 июля 2026 года за счет автоматизации процессов в системе казначейства внедряется система «Цифровая казна», предусматривающая:

(i) достижение сокращения человеческого фактора в анализе данных, выработке краткосрочных и долгосрочных прогнозов обеспечения ликвидности с использованием технологий бизнес-интеллекта (Business intelligence), а также осуществлении казначейских операций на основе технологий искусственного интеллекта;

(ii) интеграцию информационной системы управления государственными финансами с системой Сообщества всемирных межбанковских финансовых телекоммуникаций (SWIFT) для осуществления операций в иностранной валюте в цифровом формате;

(iii) внедрение механизма автоматического обнаружения в Программном комплексе «Е-risk» финансовых рисков, связанных с возможным нарушением актов законодательства в процессе осуществления государственных закупок и платежных операций, а также оповещения и информирования на основе выявленных рисков;

(б) с 1 декабря 2026 года путем автоматизации следующих процессов в пенсионной системе:

(i) внедряется онлайн-услуга «Моя пенсия» по раннему определению размера пенсии на основе имеющихся электронных данных о стаже работы и заработной плате граждан;

(ii) все услуги пенсионного обеспечения полностью переводятся в проактивную, электронную и интерактивную формы.

4. Определить, что в Комитете казначейства и Пенсионном фонде в результате ускорения работ по цифровизации и передачи отдельных задач районных (городских) отделов региональным управлениям численность управленческих штатных единиц оптимизируется на 1 080 единиц. При этом:

(а) в районных (городских) отделах Комитета казначейства сокращаются 594 штатные единицы, из них:

(i) с 1 августа 2025 года 178 штатных единиц — за счет перевода в электронную форму и автоматизации казначейских операций;

(ii) с 1 января 2026 года 208 штатных единиц — за счет цифровизации процесса получения в форме наличных денежных средств заработной платы и приравненных к ней платежей;

(iii) с 1 июля 2026 года 208 штатных единиц — за счет цифровизации практики заключения и регистрации договоров в сфере государственных закупок;

(б) в районных (городских) отделах Пенсионного фонда сокращаются 486 штатных единиц, из них:

(i) с 1 сентября 2025 года 241 штатная единица — за счет назначения в проактивной форме пенсий по возрасту и инвалидности;

(ii) с 1 января 2026 года 104 штатные единицы — за счет внедрения электронной подписи и системы биометрической идентификации (Face-ID) при выплате пенсий;

(iii) с 1 декабря 2026 года 141 штатная единица — за счет внедрения искусственного интеллекта в функционирование Call-центров и полной цифровизации данных.

III. Цифровизация и организация деятельности на основе нового подхода

5. В целях полной цифровизации пенсионных данных граждан:

(а) Бюро принудительного исполнения (М. Эгамбердиев) в срок до 1 октября 2025 года внедрить систему предварительного информирования граждан перед обращением взыскания на пенсионные выплаты в процессе принудительного исполнения;

(б) Министерству обороны (Ш. Халмухамедов) в срок до 1 ноября 2025 года принять меры по интеграции представления сведений о периоде прохождения военной службы граждан, состоящих на учете в органах по делам обороны и которым назначается пенсия, в информационную систему Пенсионного фонда посредством Межведомственной интеграционной платформы системы «Электронное правительство»;

(в) помощникам хокимов совместно с «махаллинской семеркой» провести в июле — октябре 2025 года в каждой махалле пропагандистскую работу по цифровизации данных трудовой книжки граждан посредством районных (городских) отделов занятости и сокращения бедности;

(г) Министерству высшего образования, науки и инноваций (К. Шарипов) в срок до 1 августа 2026 года:

(i) полностью цифровизировать сведения о периоде учебы граждан в высших образовательных учреждениях;

(ii) создать возможность направления в электронную базу Министерства сведений о периоде учебы граждан в высших образовательных учреждениях посредством центров государственных услуг.

6. В системе Министерства экономики и финансов начиная с 1 августа 2025 года за счет предусмотренных в пункте 4 настоящего Указа оптимизированных штатных единиц:

(а) выделить 92 штатные единицы для цифровизации и разработки мастер-планов территорий, ускорения проектов реновации, совершенствования стратегии земельных реформ, расширения сферы услуг и возможностей венчурного финансирования, создания цепочки добавленной стоимости в промышленности, организации работ в области «зеленых» технологий и энергоэффективности, а также эффективной организации системы государственного медицинского страхования;

(б) ввести должность заместителя председателя Комитета казначейства по цифровой трансформации и стратегическому развитию;

(в) образовать Проектный офис цифрового развития и внедрения технологий искусственного интеллекта из 3 штатных единиц в структурах Комитета казначейства и Пенсионного фонда. При этом по условиям оплаты труда руководитель Проектного офиса приравнивается к начальнику управления;

(г) сэкономленные средства направлять на расходы, связанные с повышением ежемесячной заработной платы работников органов государственной власти на местах.

IV. Организация, обеспечение и контроль исполнения Указа

7. Кабинету Министров (Д. Кучкаров) в двухмесячный срок внести в Администрацию Президента Республики Узбекистан предложения о сокращении общей предельной численности управленческого персонала республиканских органов исполнительной власти до 15 процентов за счет цифровизации возложенных на них задач и функций.

8. Министерству экономики и финансов совместно с Центральным банком в двухмесячный срок изучить передовой международный опыт и внести в Кабинет Министров обоснованные предложения по механизмам стимулирования выплаты заработной платы и приравненных к ней выплат работникам охваченных казначейским исполнением бюджетных организаций и государственных учреждений, а также пенсий посредством банковских карт.

9. Министерству занятости и сокращения бедности (Б. Захидов) принять меры по обеспечению трудоустройства работников, трудовой договор с которыми прекращается в связи с оптимизацией штатной численности Комитета казначейства и Пенсионного фонда.

10. Внести изменения и дополнения в некоторые акты Президента Республики Узбекистан согласно приложению .

11. Возложить на заместителя Премьер-министра Д.А. Кучкарова персональную ответственность за эффективную организацию исполнения настоящего Указа.

12. Обсуждение хода исполнения настоящего Указа, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.

ПРИЛОЖЕНИЕ к Указу Президента Республики Узбекистан от 26 июня 2025 года № УП-105

Изменения и дополнения, вносимые в некоторые акты Президента Республики Узбекистан

1. В Указе Президента Республики Узбекистан от 25 января 2023 года № УП-14 «О первоочередных организационных мерах по эффективному налаживанию деятельности республиканских органов исполнительной власти»:

(а) в приложении № 1 :

(i) в позиции «Всего» в графе «Общее количество управленческих штатных единиц» цифру «48 496» и в графе «за счет Государственного бюджета» цифру «44 582» заменить соответственно цифрами «48 995» и «45 081»;

(ii) в разделе «1. Министерство экономики и финансов»:

в позиции «Министерство экономики и финансов» в графе «Общее количество управленческих штатных единиц» цифру «5 764» и в графе «за счет Государственного бюджета» цифру «5 729» заменить соответственно цифрами «5 618» и «5 583»;

в позиции «Комитет казначейской службы» в графах «Общее количество управленческих штатных единиц» и «за счет Государственного бюджета» цифры «1 134» и «1» заменить соответственно цифрами «960» и «2»;

(iii) в разделе «3. Министерство занятости и сокращения бедности» в позиции «Министерство занятости и сокращения бедности» в графах «Общее количество управленческих штатных единиц» и «за счет Государственного бюджета» цифру «3 234» заменить цифрой «3 257»;

(iv) в разделе «14. Министерство высшего образования, науки и инноваций»:

в позиции «Министерство высшего образования, науки и инноваций» в графе «Общее количество управленческих штатных единиц» цифру «406» и в графе «за счет Государственного бюджета» цифру «333» заменить соответственно цифрами «402» и «329»;

в позиции «Агентство инновационного развития» в графе «Общее количество управленческих штатных единиц» цифру «73» и в графе «за счет Государственного бюджета» цифру «59» заменить соответственно цифрами «70» и «56»;

в позиции «Агентство по оценке знаний и квалификаций» в графах «Общее количество управленческих штатных единиц» и «за счет Государственного бюджета» цифру «111» заменить соответственно цифрой «108»;

(v) из раздела «17. Министерство юстиции» позицию 2 исключить;

(vi) в разделе «26. Комитет промышленной, радиационной и ядерной безопасности при Кабинете Министров» в позиции «Комитет промышленной, радиационной и ядерной безопасности» в графах «Общее количество управленческих штатных единиц» и «за счет Государственного бюджета» цифру «134» заменить цифрой «157»;

(vii) в примечании подпункт 5.20 изложить в следующей редакции:

«5.20. Межрегиональная налоговая инспекция по крупным налогоплательщикам в системе Налогового комитета и Межрегиональная налоговая инспекция по контролю за соблюдением правил цифровой маркировки»;

(б) в приложении № 2 :

(i) подпункт 17.2. исключить;

(ii) в примечании :

в абзаце первом цифру «70» заменить цифрой «69»;

в абзаце четвертом цифру «27» заменить цифрой «26»;

(в) из приложения № 2а позицию 17.2. исключить.

2. В постановлении Президента Республики Узбекистан от 28 февраля 2007 года № ПП-594 «О мерах по дальнейшему развитию системы казначейского исполнения Государственного бюджета»:

(а) пункт 1 изложить в следующей редакции:

«1. Принять к сведению, что Указом Президента Республики Узбекистан от 21 декабря 2022 года № УП-269 «О мерах по реализации административных реформ Нового Узбекистана» создан Комитет казначейской службы при Министерстве экономики и финансов Республики Узбекистан (далее — Казначейство) на базе Казначейства Министерства финансов Республики Узбекистан»;

(б) в пункте 2 :

(i) в тексте на государственном языке в абзаце третьем слова «ягона ғазначилик ҳисоб рақамида» заменить словами «ягона ғазна ҳисобварағида»;

(ii) абзацы седьмой и десятый исключить;

(iii) абзацы восьмой , девятый и одиннадцатый — пятнадцатый считать абзацами седьмым — тринадцатым соответственно;

(iv) в абзаце двенадцатом слова «Министерством финансов» заменить словами «Министерством экономики и финансов»;

(в) пункт 3 изложить в следующей редакции:

«3. Предоставить право министру экономики и финансов Республики Узбекистан вносить, при необходимости, изменения в структуру центрального аппарата Казначейства и его подразделений в пределах общей предельной численности работников Казначейства»;

(г) в пункте 4 :

(i) абзац второй изложить в следующей редакции:

«председатель Казначейства назначается на должность и освобождается от должности Президентом Республики Узбекистан»;

(ii) в абзаце третьем слово «финансовых» заменить словами «экономических и финансовых»;

(iii) дополнить абзацем четвертым следующего содержания:

«работники центрального аппарата Казначейства по условиям медицинской и социальной защиты приравниваются к работникам центрального аппарата Министерства экономики и финансов»;

(д) в пункте 5 :

(i) в абзаце первом слова «Министерству финансов» заменить словами «Министерству экономики и финансов»;

(ii) в абзаце втором слова «Казначействе Министерства финансов» заменить словами «Комитете казначейской службы при Министерстве экономики и финансов»;

(iii) в абзаце третьем слово «финансовых» заменить словами «экономических и финансовых»;

(е) в абзаце пятом пункта 6 слова «Министерства финансов» заменить словами «Министерства экономики и финансов»;

(ж) в пункте 7 слова «Узбекскому агентству связи и информатизации», а также «Министерства финансов» соответственно заменить словами «Министерству цифровых технологий Республики Узбекистан» и «Министерства экономики и финансов»;

(з) пункт 9 признать утратившим силу;

(к) приложения №№ 1 — 4 признать утратившими силу.

3. В пункте 2 постановления Президента Республики Узбекистан от 30 декабря 2009 года № ПП-1252 «О мерах по формированию организационной структуры внебюджетного Пенсионного фонда при Министерстве экономики и финансов Республики Узбекистан»:

(а) дополнить абзацем четвертым следующего содержания:

«работники исполнительного аппарата Пенсионного фонда по условиям медицинской и социальной защиты приравниваются к работникам центрального аппарата Министерства экономики и финансов»;

(б) абзацы четвертый и пятый считать абзацами пятым и шестым соответственно.

Президент Республики Узбекистан Ш. МИРЗИЁЕВ

г. Ташкент,

26 июня 2025 г.,

№ УП-105

(Национальная база данных законодательства, 28.06.2025 г., № 06/25/105/0549)

lex.uz