📅 2025-yil 30-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 30 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 30 июня 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 30 June 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
Ўзбекистон Республикаси Маданият вазирлиги ҳузуридаги Давлат театрлари ва театр-студиялари фаолияти бўйича ихтисослашган бадиий-эксперт гуруҳлари тўғрисидаги низомни тасдиқлаш ҳақида
Ўзбекистон Республикаси Президентининг «Театрларнинг жамият маданий ҳаётидаги аҳамиятини ошириш ва улар фаолиятини янада қўллаб-қувватлаш чора-тадбирлари тўғрисида» 2024 йил 22 ноябрдаги ПҚ-399-сон қарори ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг 2024 йил 22 ноябрдаги ПҚ-399-сон қарори билан тасдиқланган Театр санъатини янада ривожлантириш бўйича чора-тадбирлар дастурига мувофиқ давлат театрларида саҳна асарларининг бадиий савияси, саҳнавий талқини юзасидан таклиф ва тавсиялар бериш мақсадида жанр ва мавзуни инобатга олган ҳолда ихтисослашган бадиий-эксперт гуруҳлари (кейинги ўринларда — Эксперт гуруҳлари) тўғрисидаги низомни тасдиқлаш назарда тутилганлиги маълумот учун қабул қилинсин.
2. Қуйидагиларни назарда тутувчи Ўзбекистон Республикаси Маданият вазирлиги ҳузуридаги Давлат театрлари ва театр-студиялари фаолияти бўйича ихтисослашган бадиий-эксперт гуруҳлари тўғрисидаги низом иловага мувофиқ тасдиқлансин:
Эксперт гуруҳларининг мақоми, асосий вазифалари ва функциялари;
Эксперт гуруҳларининг ҳуқуқлари ва мажбуриятлари, шунингдек, уларнинг фаолиятини ташкил этиш тартиби;
Эксперт гуруҳлари томонидан қарор қабул қилиш ва унинг ижросини ташкил этиш;
Эксперт гуруҳлари аъзоларини рағбатлантириш тартиби.
3. Белгилансинки, Эксперт гуруҳлари аъзолари улар томонидан ҳар чорак якуни бўйича бажарилган ишлар натижадорлигига кўра 2025 йилда Маданият вазирлигига ажратилган бюджет маблағлари, 2026 йилдан бошлаб эса Давлат бюджети маблағлари ҳисобидан меҳнатга ҳақ тўлашнинг энг кам миқдорининг 5 бараваригача миқдорда рағбатлантириб борилади.
Бунда республика ижро этувчи ҳокимият органлари ходимлари Экспертлар гуруҳлари аъзолигига қабул қилинганда, уларга рағбатлантириш тўловлари тўланмайди.
4. Маданият вазирлиги бир ой муддатда:
Экспертлар гуруҳлари таркибини шакллантирсин ва белгиланган тартибда тасдиқласин;
манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
5. Ушбу қарорнинг бажарилишини назорат қилиш Ўзбекистон Республикаси маданият вазири О.А. Назарбеков зиммасига юклансин.
Вазирлар Маҳкамасининг 2025 йил 30 июндаги 399-сон қарорига ИЛОВА
Ўзбекистон Республикаси Маданият вазирлиги ҳузуридаги Давлат театрлари ва театр-студиялари фаолияти бўйича ихтисослашган бадиий-эксперт гуруҳлари тўғрисида
1-боб. Умумий қоидалар
1. Ушбу Низом Ўзбекистон Республикаси Маданият вазирлиги ҳузуридаги Давлат театрлари ва театр-студиялари фаолияти бўйича ихтисослашган бадиий-эксперт гуруҳларининг (кейинги ўринларда — Эксперт гуруҳлари) мақоми, асосий вазифалари, ҳуқуқ ва мажбуриятлари, шунингдек, фаолиятини ташкил этиш тартибини белгилайди.
2. Эксперт гуруҳлари давлат театрлари ва театр-студияларида саҳна асарларининг бадиий савияси, саҳнавий талқини юзасидан таклиф, тавсиялар ва хулосалар бериш, шунингдек, спектаклларда порнографик, тазйиқ, зўравонлик ёки шафқатсизликни ҳамда жинс бўйича камситишни тарғиб қилувчи саҳна кўринишларини намойиш этиш ва уларни реклама қилишнинг олдини олиш, саҳналаштирилаётган асарларни муҳокама қилиш, театр-томоша тадбирларини ўтказишга кўмаклашиш учун тузилган маслаҳат органидир.
3. Давлат театрлари ва театр-студияларининг фаолият турига кўра Эксперт гуруҳлари қуйидаги йўналишларга бўлинади:
Драматик театр йўналиши;
Мусиқий театр йўналиши;
Ёшлар ва қўғирчоқ театри йўналиши.
4. Эксперт гуруҳлари ўз фаолиятини Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, ушбу Низомга ҳамда бошқа қонунчилик ҳужжатларига мувофиқ амалга оширади.
5. Эксперт гуруҳларининг таркиби Ўзбекистон Республикаси Маданият вазирлиги томонидан тасдиқланади ҳамда камида уч йилда бир марта янгиланади.
2-боб. Эксперт гуруҳларининг асосий вазифалари
6. Эксперт гуруҳларининг асосий вазифалари қуйидагилардан иборат:
давлат театрлари ва театр-студиялари фаолиятидаги ижодий масалаларни ўрганиш ва таҳлил қилиш;
давлат театрлари ва театр-студиялари фаолиятини такомиллаштиришнинг устувор йўналишларига доир таклиф ва тавсиялар ишлаб чиқиш;
давлат театрлари ва театр-студияларининг ижодий фаолияти самарадорлигини ошириш ва уларнинг репертуарлари шакллантирилишини мувофиқлаштириш;
давлат театрлари ва театр-студияларининг ички Бадиий кенгашлари билан ижодий алоқаларни ўрнатиш, ижодий маслаҳатлар бериш ва учрашувлар ташкил этиш;
давлат театрлари ва театр-студияларида саҳналаштирилган янги спектакллар кўриги ва муҳокамасида иштирок этиш, ижодий жамоага тегишли таклиф ва тавсияларни бериш, заруратга кўра театр билан алоҳида ишлаш;
давлат театрлари ва театр-студияларида саҳналаштирилган спектаклларда порнографик, тазйиқ, зўравонлик ёки шафқатсизликни ҳамда жинс бўйича камситишни тарғиб қилувчи саҳна кўринишларини намойиш этиш ва уларни реклама қилишнинг олдини олиш.
3-боб. Эксперт гуруҳларининг ҳуқуқлари ва мажбуриятлари
7. Эксперт гуруҳлари ўзининг асосий вазифаларини амалга ошириш учун қуйидаги ҳуқуқларга эга:
ўзига юкланган вазифаларни бажариш учун зарур бўлган давлат театрлари ва театр-студиялари фаолиятига тегишли ҳужжатларни ва бошқа маълумотларни сўраб олиш;
давлат театрлари ва театр-студияларининг иш режалари ва репертуарларини ҳамда саҳналаштирилган янги спектаклларни муҳокама қилишда иштирок этиш, уларни такомиллаштириш юзасидан таклифлар киритиш;
давлат театрлари ва театр-студиялари раҳбарларига театр фаолиятини такомиллаштириш ва унинг ходимларини моддий рағбатлантириш тўғрисида таклифлар киритиш.
Эксперт гуруҳлари қонунчилик ҳужжатларига мувофиқ бошқа ҳуқуқларга ҳам эга бўлиши мумкин.
8. Эксперт гуруҳлари:
театр соҳасини тартибга солувчи қонунчилик ҳужжатлари, шунингдек, ушбу Низомда белгиланган вазифаларни самарали амалга ошириши;
Эксперт гуруҳлари мажлисларида кўриб чиқиладиган масалаларни таҳлил қилиш, холис баҳолаш ва хулосалар тайёрлаши;
ўз фаолияти тўғрисидаги ахборотларни оммавий ахборот воситаларида эълон қилиб бориши лозим.
Эксперт гуруҳларига қонунчилик ҳужжатларига мувофиқ бошқа мажбуриятларни ҳам юкланиши мумкин.
Эксперт гуруҳлари ўзига юкланган вазифаларнинг самарали бажарилиши ва натижадорлиги учун жавоб беради.
4-боб. Эксперт гуруҳлари фаолиятини ташкил этиш
9. Эксперт гуруҳлари, қоида тариқасида, раис, раис ўринбосари, котиб ва аъзолардан иборат таркибда шакллантирилади.
Эксперт гуруҳлари ҳар бир йўналиш бўйича 9 нафаргача аъзодан иборат бўлади.
10. Эксперт гуруҳлари таркиби ихтисослашувига кўра, қоида тариқасида, таниқли ижодкорлар, маданият ходимлари, олимлар ва театр соҳаси мутахассислари (театршунос, санъатшунос, мусиқашунос, бастакор, дирижёр, актёр, режиссёр, рассом, дизайнер, вокал артисти, опера ижрочиси, қўғирчоқ йўналиши мутахассислари (педагог, қўғирчоқ устаси, қўғирчоқ актёри) орасидан шакллантирилади ва Ўзбекистон Республикаси маданият вазирининг буйруғи билан тасдиқланади.
Бунда аъзоликка киритилган битта мутахассиснинг фикри билан бир неча театрнинг ижодий фаолияти баҳоланишига йўл қўйилмаслиги инобатга олинади.
Тарихий асарларни саҳналаштиришда тегишли Эксперт гуруҳлари таркибига саҳна асарининг мавзуси ва йўналишидан келиб чиқиб, ушбу соҳа бўйича малакали мутахассислар қўшимча жалб этилиши мумкин.
11. Ўзбекистон Республикаси маданият вазирининг театр соҳасига масъул ўринбосари Эксперт гуруҳлари фаолиятини мувофиқлаштириб боради.
12. Эксперт гуруҳлари раислари:
Эксперт гуруҳлари қарорларини тасдиқлайди ва уларнинг ижроси назорат қилинишини ташкил этади;
Эксперт гуруҳларининг йиллик иш режасини тасдиқлайди, шунингдек, унинг ижроси юзасидан ҳисоботларни қабул қилади;
Эксперт гуруҳлари аъзоларига юкланган вазифалар ижроси бўйича уларнинг ишини мувофиқлаштиради;
Эксперт гуруҳлари мажлисининг кун тартибини белгилайди ва тасдиқлайди;
Эксперт гуруҳларининг самарали фаолият юритишини таъминлаш учун бошқа ваколатларни амалга оширади.
13. Эксперт гуруҳлари аъзолари:
Эксперт гуруҳлари мажлисларида кўриб чиқиладиган масалаларни муҳокама қилиш ва ҳал этишда иштирок этади;
давлат театрлари ва театр-студиялари (заруратга кўра нодавлат театр-студиялари) фаолиятини ривожлантиришнинг долзарб масалалари бўйича Эксперт гуруҳлари муҳокамасига таклифлар киритади;
Эксперт гуруҳлари томонидан кўриб чиқиладиган масалалар бўйича хулосалар тақдим этади.
Эксперт гуруҳлари аъзолари гуруҳ мажлисларида шахсан қатнашиши шарт.
14. Эксперт гуруҳлари ўз ишини тасдиқланган режа асосида ташкил этади ва ўз мажлисларини заруратга кўра, бироқ ҳар чоракда камида бир марта ўтказади.
Эксперт гуруҳлари раиси гуруҳ аъзоларининг ёзма илтимосномалари асосида навбатдан ташқари мажлислар чақириши мумкин. Эксперт гуруҳлари аъзоларининг илтимосномасида навбатдан ташқари мажлисни ўтказишнинг сабаблари ва асослари баён қилиниши керак.
15. Эксперт гуруҳлари мажлисини Эксперт гуруҳлари раислари, улар бўлмаган тақдирда, ўринбосарлари бошқаради.
Эксперт гуруҳларининг умумий йиғилишлари аъзоларининг камида учдан икки қисми ҳозир бўлганда, ваколатли ҳисобланади.
Заруратга кўра Эксперт гуруҳлари тегишли масала бўйича йиғилиш (навбатдан ташқари) ўтказиши, йиғилишни раис ўринбосари бошқариши мумкин.
16. Эксперт гуруҳлари мажлисида кўриб чиқилаётган масалаларнинг хусусиятига боғлиқ равишда давлат органлари ва бошқа ташкилотларнинг раҳбарлари ва мутахассислари, театр ходимлари, алоҳида соҳа мутахассислари таклиф этилиши мумкин.
17. Эксперт гуруҳлари котиблари:
барча зарур ҳужжатларни Эксперт гуруҳлари мажлисига ўз вақтида тайёрланишини таъминлайди;
мажлисни ўтказиш муддати ва жойини тегишли Эксперт гуруҳлари раислари билан келишади;
Эксперт гуруҳлари аъзоларини ва таклиф этилган шахсларни мажлис ўтказиладиган сана, кун тартиби лойиҳаси, вақти ва жойи тўғрисида хабардор қилади;
Эксперт гуруҳлари қарорлари ижроси мониторингини юритади;
кун тартибидаги масалалар бўйича Эксперт гуруҳлари мажлислари ўтказилишини ташкил этади;
Эксперт гуруҳлари ҳужжатлари сақланишини, шунингдек, Эксперт гуруҳларининг фаолияти тўғрисидаги ахборотни Ўзбекистон Республикаси Маданият вазирлигининг расмий веб-сайти ва ижтимоий тармоқдаги расмий саҳифаларида жойлаштирилишини таъминлайди;
театрларда саҳналаштирилган спектакллар кўриги ва муҳокамаси учун Эксперт гуруҳлари раисларининг кўрсатмаси билан мутахассислар иштирокини таъминлаш чораларини кўради;
Эксперт гуруҳлари баённомаларини расмийлаштиради ва реестрини юритади.
5-боб. Эксперт гуруҳлари томонидан қарорлар қабул қилиниши ва уларнинг ижросини ташкил этиш
18. Эксперт гуруҳлари мажлисининг баённомаси Эксперт гуруҳлари раислари томонидан тасдиқланади ва бир ҳафта муддатда Эксперт гуруҳлари аъзолари ва тегишли ташкилотларга юборилади.
19. Эксперт гуруҳларининг қарори мажлисда иштирок этаётган Эксперт гуруҳлари аъзоларининг кўпчилик овози билан қабул қилинади. Овозлар тенг бўлиб қолганда, Эксперт гуруҳлари раисларининг овози ҳал қилувчи ҳисобланади.
Эксперт гуруҳлари мажлиси баённомаси расмийлаштирилган санадан бошлаб уч иш куни ичида Эксперт гуруҳлари котиблари томонидан тегишли равишда театрларга етказилади.
20. Эксперт гуруҳлари котиблари гуруҳ аъзолари кўмагида Эксперт гуруҳлари қарорлари бажарилишини мунтазам равишда ўрганади ва кўриб чиқади, зарурат бўлганда тегишли Эксперт гуруҳлари раисларига тегишли таклифлар киритади.
21. Эксперт гуруҳлари аъзолари иштирокидаги спектакллар кўриги ва муҳокамаси юзасидан йиғилиш баёнлари Эксперт гуруҳлари раислари ҳамда аъзолари келишуви асосида тасдиқланади.
22. Эксперт гуруҳлари баённомасининг асл нусхаси ва унга таҳлилий материаллар Ўзбекистон Республикаси Маданият вазирлигининг театрлар фаолиятига масъул таркибий бўлинмасида сақланади.
6-боб. Эксперт гуруҳлари аъзоларини рағбатлантириш тартиби
23. Ўзбекистон Республикаси Маданият вазирлигининг театрлар фаолиятига масъул таркибий бўлинмаси ҳисоботлар натижадорлиги юзасидан раҳбариятга таклиф (билдиришнома) киритади.
24. Эксперт гуруҳлари аъзоларининг ҳар чорак якунига кўра бажарилган ишлари юзасидан ҳисоботлари Экпертлар гуруҳлари котиблари томонидан Ўзбекистон Республикаси Маданият вазирлигининг театрлар фаолиятига масъул таркибий бўлинмасига тақдим этилади.
25. Эксперт гуруҳлари котиблари ҳужжат ва иш юритишни ташкил этишдаги фаолияти учун ҳар чоракда аъзолар билан бир хил миқдорда рағбатлантириб борилади.
26. Эксперт гуруҳлари аъзолари томонидан бажарилган ишлар натижадорлигига кўра ҳар чорак якуни бўйича меҳнатга ҳақ тўлашнинг энг кам миқдорининг 5 бараваригача миқдорда рағбатлантирилади.
Бунда республика ижро этувчи ҳокимият органлари ходимлари Эксперт гуруҳлари аъзолигига қабул қилинганда, уларга рағбатлантириш тўловлари тўланмайди.
27. Спектаклларнинг кўриги ва муҳокамаси учун Эксперт гуруҳлари аъзолари жалб этилади.
28. Эксперт гуруҳлари аъзолари театрларда саҳналаштирилган спектаклларнинг кўриги ва муҳокамасига таклиф этилганда, мутахассисларнинг сафар билан боғлиқ (бориш-келиш, овқатланиш ва меҳмонхона) харажатлари қабул қилувчи театрларнинг бюджетдан ташқари маблағлари ҳамда қонунчилик ҳужжатларида тақиқланмаган бошқа манбалар ҳисобидан қопланади.
7-боб. Якунловчи қоидалар
29. Ушбу Низом қўлланилиши билан боғлиқ юзага келадиган низолар қонунчиликда белгиланган тартибда кўриб чиқилади.
30. Мазкур Низом талаблари бузилишида айбдор бўлган шахслар қонунчилик ҳужжатларига мувофиқ жавоб беради.
Ўзбекистон Республикаси Бош вазири А. АРИПОВ
Тошкент ш.,
2025 йил 30 июнь,
399 -сон
Oʻzbekiston Respublikasi Vazirlar Mahkamasining
qarori
NIZOM
Oʻzbekiston Respublikasi Madaniyat vazirligi huzuridagi Davlat teatrlari va teatr-studiyalari faoliyati boʻyicha ixtisoslashgan badiiy-ekspert guruhlari toʻgʻrisidagi nizomni tasdiqlash haqida
Oʻzbekiston Respublikasi Prezidentining “Teatrlarning jamiyat madaniy hayotidagi ahamiyatini oshirish va ular faoliyatini yanada qoʻllab-quvvatlash chora-tadbirlari toʻgʻrisida” 2024-yil 22-noyabrdagi PQ-399-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining 2024-yil 22-noyabrdagi PQ-399-son qarori bilan tasdiqlangan Teatr sanʼatini yanada rivojlantirish boʻyicha chora-tadbirlar dasturiga muvofiq davlat teatrlarida sahna asarlarining badiiy saviyasi, sahnaviy talqini yuzasidan taklif va tavsiyalar berish maqsadida janr va mavzuni inobatga olgan holda ixtisoslashgan badiiy-ekspert guruhlari (keyingi oʻrinlarda — Ekspert guruhlari) toʻgʻrisidagi nizomni tasdiqlash nazarda tutilganligi maʼlumot uchun qabul qilinsin.
2. Quyidagilarni nazarda tutuvchi Oʻzbekiston Respublikasi Madaniyat vazirligi huzuridagi Davlat teatrlari va teatr-studiyalari faoliyati boʻyicha ixtisoslashgan badiiy-ekspert guruhlari toʻgʻrisidagi nizom ilovaga muvofiq tasdiqlansin:
Ekspert guruhlarining maqomi, asosiy vazifalari va funksiyalari;
Ekspert guruhlarining huquqlari va majburiyatlari, shuningdek, ularning faoliyatini tashkil etish tartibi;
Ekspert guruhlari tomonidan qaror qabul qilish va uning ijrosini tashkil etish;
Ekspert guruhlari aʼzolarini ragʻbatlantirish tartibi.
3. Belgilansinki, Ekspert guruhlari aʼzolari ular tomonidan har chorak yakuni boʻyicha bajarilgan ishlar natijadorligiga koʻra 2025-yilda Madaniyat vazirligiga ajratilgan budjet mablagʻlari, 2026-yildan boshlab esa Davlat budjeti mablagʻlari hisobidan mehnatga haq toʻlashning eng kam miqdorining 5 baravarigacha miqdorda ragʻbatlantirib boriladi.
Bunda respublika ijro etuvchi hokimiyat organlari xodimlari Ekspertlar guruhlari aʼzoligiga qabul qilinganda, ularga ragʻbatlantirish toʻlovlari toʻlanmaydi.
4. Madaniyat vazirligi bir oy muddatda:
Ekspertlar guruhlari tarkibini shakllantirsin va belgilangan tartibda tasdiqlasin;
manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
5. Ushbu qarorning bajarilishini nazorat qilish Oʻzbekiston Respublikasi madaniyat vaziri O.A. Nazarbekov zimmasiga yuklansin.
Vazirlar Mahkamasining 2025-yil 30-iyundagi 399-son qaroriga ILOVA
Oʻzbekiston Respublikasi Madaniyat vazirligi huzuridagi Davlat teatrlari va teatr-studiyalari faoliyati boʻyicha ixtisoslashgan badiiy-ekspert guruhlari toʻgʻrisida
1-bob. Umumiy qoidalar
1. Ushbu Nizom Oʻzbekiston Respublikasi Madaniyat vazirligi huzuridagi Davlat teatrlari va teatr-studiyalari faoliyati boʻyicha ixtisoslashgan badiiy-ekspert guruhlarining (keyingi oʻrinlarda — Ekspert guruhlari) maqomi, asosiy vazifalari, huquq va majburiyatlari, shuningdek, faoliyatini tashkil etish tartibini belgilaydi.
2. Ekspert guruhlari davlat teatrlari va teatr-studiyalarida sahna asarlarining badiiy saviyasi, sahnaviy talqini yuzasidan taklif, tavsiyalar va xulosalar berish, shuningdek, spektakllarda pornografik, tazyiq, zoʻravonlik yoki shafqatsizlikni hamda jins boʻyicha kamsitishni targʻib qiluvchi sahna koʻrinishlarini namoyish etish va ularni reklama qilishning oldini olish, sahnalashtirilayotgan asarlarni muhokama qilish, teatr-tomosha tadbirlarini oʻtkazishga koʻmaklashish uchun tuzilgan maslahat organidir.
3. Davlat teatrlari va teatr-studiyalarining faoliyat turiga koʻra Ekspert guruhlari quyidagi yoʻnalishlarga boʻlinadi:
Dramatik teatr yoʻnalishi;
Musiqiy teatr yoʻnalishi;
Yoshlar va qoʻgʻirchoq teatri yoʻnalishi.
4. Ekspert guruhlari oʻz faoliyatini Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, ushbu Nizomga hamda boshqa qonunchilik hujjatlariga muvofiq amalga oshiradi.
5. Ekspert guruhlarining tarkibi Oʻzbekiston Respublikasi Madaniyat vazirligi tomonidan tasdiqlanadi hamda kamida uch yilda bir marta yangilanadi.
2-bob. Ekspert guruhlarining asosiy vazifalari
6. Ekspert guruhlarining asosiy vazifalari quyidagilardan iborat:
davlat teatrlari va teatr-studiyalari faoliyatidagi ijodiy masalalarni oʻrganish va tahlil qilish;
davlat teatrlari va teatr-studiyalari faoliyatini takomillashtirishning ustuvor yoʻnalishlariga doir taklif va tavsiyalar ishlab chiqish;
davlat teatrlari va teatr-studiyalarining ijodiy faoliyati samaradorligini oshirish va ularning repertuarlari shakllantirilishini muvofiqlashtirish;
davlat teatrlari va teatr-studiyalarining ichki Badiiy kengashlari bilan ijodiy aloqalarni oʻrnatish, ijodiy maslahatlar berish va uchrashuvlar tashkil etish;
davlat teatrlari va teatr-studiyalarida sahnalashtirilgan yangi spektakllar koʻrigi va muhokamasida ishtirok etish, ijodiy jamoaga tegishli taklif va tavsiyalarni berish, zaruratga koʻra teatr bilan alohida ishlash;
davlat teatrlari va teatr-studiyalarida sahnalashtirilgan spektakllarda pornografik, tazyiq, zoʻravonlik yoki shafqatsizlikni hamda jins boʻyicha kamsitishni targʻib qiluvchi sahna koʻrinishlarini namoyish etish va ularni reklama qilishning oldini olish.
3-bob. Ekspert guruhlarining huquqlari va majburiyatlari
7. Ekspert guruhlari oʻzining asosiy vazifalarini amalga oshirish uchun quyidagi huquqlarga ega:
oʻziga yuklangan vazifalarni bajarish uchun zarur boʻlgan davlat teatrlari va teatr-studiyalari faoliyatiga tegishli hujjatlarni va boshqa maʼlumotlarni soʻrab olish;
davlat teatrlari va teatr-studiyalarining ish rejalari va repertuarlarini hamda sahnalashtirilgan yangi spektakllarni muhokama qilishda ishtirok etish, ularni takomillashtirish yuzasidan takliflar kiritish;
davlat teatrlari va teatr-studiyalari rahbarlariga teatr faoliyatini takomillashtirish va uning xodimlarini moddiy ragʻbatlantirish toʻgʻrisida takliflar kiritish.
Ekspert guruhlari qonunchilik hujjatlariga muvofiq boshqa huquqlarga ham ega boʻlishi mumkin.
8. Ekspert guruhlari:
teatr sohasini tartibga soluvchi qonunchilik hujjatlari, shuningdek, ushbu Nizomda belgilangan vazifalarni samarali amalga oshirishi;
Ekspert guruhlari majlislarida koʻrib chiqiladigan masalalarni tahlil qilish, xolis baholash va xulosalar tayyorlashi;
oʻz faoliyati toʻgʻrisidagi axborotlarni ommaviy axborot vositalarida eʼlon qilib borishi lozim.
Ekspert guruhlariga qonunchilik hujjatlariga muvofiq boshqa majburiyatlarni ham yuklanishi mumkin.
Ekspert guruhlari oʻziga yuklangan vazifalarning samarali bajarilishi va natijadorligi uchun javob beradi.
4-bob. Ekspert guruhlari faoliyatini tashkil etish
9. Ekspert guruhlari, qoida tariqasida, rais, rais oʻrinbosari, kotib va aʼzolardan iborat tarkibda shakllantiriladi.
Ekspert guruhlari har bir yoʻnalish boʻyicha 9 nafargacha aʼzodan iborat boʻladi.
10. Ekspert guruhlari tarkibi ixtisoslashuviga koʻra, qoida tariqasida, taniqli ijodkorlar, madaniyat xodimlari, olimlar va teatr sohasi mutaxassislari (teatrshunos, sanʼatshunos, musiqashunos, bastakor, dirijor, aktyor, rejissor, rassom, dizayner, vokal artisti, opera ijrochisi, qoʻgʻirchoq yoʻnalishi mutaxassislari (pedagog, qoʻgʻirchoq ustasi, qoʻgʻirchoq aktyori) orasidan shakllantiriladi va Oʻzbekiston Respublikasi madaniyat vazirining buyrugʻi bilan tasdiqlanadi.
Bunda aʼzolikka kiritilgan bitta mutaxassisning fikri bilan bir necha teatrning ijodiy faoliyati baholanishiga yoʻl qoʻyilmasligi inobatga olinadi.
Tarixiy asarlarni sahnalashtirishda tegishli Ekspert guruhlari tarkibiga sahna asarining mavzusi va yoʻnalishidan kelib chiqib, ushbu soha boʻyicha malakali mutaxassislar qoʻshimcha jalb etilishi mumkin.
11. Oʻzbekiston Respublikasi madaniyat vazirining teatr sohasiga masʼul oʻrinbosari Ekspert guruhlari faoliyatini muvofiqlashtirib boradi.
12. Ekspert guruhlari raislari:
Ekspert guruhlari qarorlarini tasdiqlaydi va ularning ijrosi nazorat qilinishini tashkil etadi;
Ekspert guruhlarining yillik ish rejasini tasdiqlaydi, shuningdek, uning ijrosi yuzasidan hisobotlarni qabul qiladi;
Ekspert guruhlari aʼzolariga yuklangan vazifalar ijrosi boʻyicha ularning ishini muvofiqlashtiradi;
Ekspert guruhlari majlisining kun tartibini belgilaydi va tasdiqlaydi;
Ekspert guruhlarining samarali faoliyat yuritishini taʼminlash uchun boshqa vakolatlarni amalga oshiradi.
13. Ekspert guruhlari aʼzolari:
Ekspert guruhlari majlislarida koʻrib chiqiladigan masalalarni muhokama qilish va hal etishda ishtirok etadi;
davlat teatrlari va teatr-studiyalari (zaruratga koʻra nodavlat teatr-studiyalari) faoliyatini rivojlantirishning dolzarb masalalari boʻyicha Ekspert guruhlari muhokamasiga takliflar kiritadi;
Ekspert guruhlari tomonidan koʻrib chiqiladigan masalalar boʻyicha xulosalar taqdim etadi.
Ekspert guruhlari aʼzolari guruh majlislarida shaxsan qatnashishi shart.
14. Ekspert guruhlari oʻz ishini tasdiqlangan reja asosida tashkil etadi va oʻz majlislarini zaruratga koʻra, biroq har chorakda kamida bir marta oʻtkazadi.
Ekspert guruhlari raisi guruh aʼzolarining yozma iltimosnomalari asosida navbatdan tashqari majlislar chaqirishi mumkin. Ekspert guruhlari aʼzolarining iltimosnomasida navbatdan tashqari majlisni oʻtkazishning sabablari va asoslari bayon qilinishi kerak.
15. Ekspert guruhlari majlisini Ekspert guruhlari raislari, ular boʻlmagan taqdirda, oʻrinbosarlari boshqaradi.
Ekspert guruhlarining umumiy yigʻilishlari aʼzolarining kamida uchdan ikki qismi hozir boʻlganda, vakolatli hisoblanadi.
Zaruratga koʻra Ekspert guruhlari tegishli masala boʻyicha yigʻilish (navbatdan tashqari) oʻtkazishi, yigʻilishni rais oʻrinbosari boshqarishi mumkin.
16. Ekspert guruhlari majlisida koʻrib chiqilayotgan masalalarning xususiyatiga bogʻliq ravishda davlat organlari va boshqa tashkilotlarning rahbarlari va mutaxassislari, teatr xodimlari, alohida soha mutaxassislari taklif etilishi mumkin.
17. Ekspert guruhlari kotiblari:
barcha zarur hujjatlarni Ekspert guruhlari majlisiga oʻz vaqtida tayyorlanishini taʼminlaydi;
majlisni oʻtkazish muddati va joyini tegishli Ekspert guruhlari raislari bilan kelishadi;
Ekspert guruhlari aʼzolarini va taklif etilgan shaxslarni majlis oʻtkaziladigan sana, kun tartibi loyihasi, vaqti va joyi toʻgʻrisida xabardor qiladi;
Ekspert guruhlari qarorlari ijrosi monitoringini yuritadi;
kun tartibidagi masalalar boʻyicha Ekspert guruhlari majlislari oʻtkazilishini tashkil etadi;
Ekspert guruhlari hujjatlari saqlanishini, shuningdek, Ekspert guruhlarining faoliyati toʻgʻrisidagi axborotni Oʻzbekiston Respublikasi Madaniyat vazirligining rasmiy veb-sayti va ijtimoiy tarmoqdagi rasmiy sahifalarida joylashtirilishini taʼminlaydi;
teatrlarda sahnalashtirilgan spektakllar koʻrigi va muhokamasi uchun Ekspert guruhlari raislarining koʻrsatmasi bilan mutaxassislar ishtirokini taʼminlash choralarini koʻradi;
Ekspert guruhlari bayonnomalarini rasmiylashtiradi va reyestrini yuritadi.
5-bob. Ekspert guruhlari tomonidan qarorlar qabul qilinishi va ularning ijrosini tashkil etish
18. Ekspert guruhlari majlisining bayonnomasi Ekspert guruhlari raislari tomonidan tasdiqlanadi va bir hafta muddatda Ekspert guruhlari aʼzolari va tegishli tashkilotlarga yuboriladi.
19. Ekspert guruhlarining qarori majlisda ishtirok etayotgan Ekspert guruhlari aʼzolarining koʻpchilik ovozi bilan qabul qilinadi. Ovozlar teng boʻlib qolganda, Ekspert guruhlari raislarining ovozi hal qiluvchi hisoblanadi.
Ekspert guruhlari majlisi bayonnomasi rasmiylashtirilgan sanadan boshlab uch ish kuni ichida Ekspert guruhlari kotiblari tomonidan tegishli ravishda teatrlarga yetkaziladi.
20. Ekspert guruhlari kotiblari guruh aʼzolari koʻmagida Ekspert guruhlari qarorlari bajarilishini muntazam ravishda oʻrganadi va koʻrib chiqadi, zarurat boʻlganda tegishli Ekspert guruhlari raislariga tegishli takliflar kiritadi.
21. Ekspert guruhlari aʼzolari ishtirokidagi spektakllar koʻrigi va muhokamasi yuzasidan yigʻilish bayonlari Ekspert guruhlari raislari hamda aʼzolari kelishuvi asosida tasdiqlanadi.
22. Ekspert guruhlari bayonnomasining asl nusxasi va unga tahliliy materiallar Oʻzbekiston Respublikasi Madaniyat vazirligining teatrlar faoliyatiga masʼul tarkibiy boʻlinmasida saqlanadi.
6-bob. Ekspert guruhlari aʼzolarini ragʻbatlantirish tartibi
23. Oʻzbekiston Respublikasi Madaniyat vazirligining teatrlar faoliyatiga masʼul tarkibiy boʻlinmasi hisobotlar natijadorligi yuzasidan rahbariyatga taklif (bildirishnoma) kiritadi.
24. Ekspert guruhlari aʼzolarining har chorak yakuniga koʻra bajarilgan ishlari yuzasidan hisobotlari Ekpertlar guruhlari kotiblari tomonidan Oʻzbekiston Respublikasi Madaniyat vazirligining teatrlar faoliyatiga masʼul tarkibiy boʻlinmasiga taqdim etiladi.
25. Ekspert guruhlari kotiblari hujjat va ish yuritishni tashkil etishdagi faoliyati uchun har chorakda aʼzolar bilan bir xil miqdorda ragʻbatlantirib boriladi.
26. Ekspert guruhlari aʼzolari tomonidan bajarilgan ishlar natijadorligiga koʻra har chorak yakuni boʻyicha mehnatga haq toʻlashning eng kam miqdorining 5 baravarigacha miqdorda ragʻbatlantiriladi.
Bunda respublika ijro etuvchi hokimiyat organlari xodimlari Ekspert guruhlari aʼzoligiga qabul qilinganda, ularga ragʻbatlantirish toʻlovlari toʻlanmaydi.
27. Spektakllarning koʻrigi va muhokamasi uchun Ekspert guruhlari aʼzolari jalb etiladi.
28. Ekspert guruhlari aʼzolari teatrlarda sahnalashtirilgan spektakllarning koʻrigi va muhokamasiga taklif etilganda, mutaxassislarning safar bilan bogʻliq (borish-kelish, ovqatlanish va mehmonxona) xarajatlari qabul qiluvchi teatrlarning budjetdan tashqari mablagʻlari hamda qonunchilik hujjatlarida taqiqlanmagan boshqa manbalar hisobidan qoplanadi.
7-bob. Yakunlovchi qoidalar
29. Ushbu Nizom qoʻllanilishi bilan bogʻliq yuzaga keladigan nizolar qonunchilikda belgilangan tartibda koʻrib chiqiladi.
30. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javob beradi.
Oʻzbekiston Respublikasi Bosh vaziri A. ARIPOV
Toshkent sh.,
2025-yil 30-iyun,
399 -son