📅 2025-yil 1-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 1 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 июля 2025 г. · Постановления Президента
Официальный текст. Официальный документ. Редакционные примечания не включены.
📅 1 July 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ДАСТУРИ
Тасвирий ва амалий санъат соҳасини янада ривожлантиришга доир қўшимча чора-тадбирлар тўғрисида
Ўзбекистон тасвирий ва амалий санъатини янада ривожлантириш ва жаҳон миқёсида оммалаштириш, истеъдодли ёш рассомларни қўллаб-қувватлаш, бадиий таълим соҳасида юқори малакали кадрлар тайёрлаш тизимини илғор хорижий тажрибалар асосида такомиллаштириш ҳамда янги замонавий технологияларни қўллаган ҳолда креатив лойиҳаларни амалга ошириш мақсадида қарор қиламан:
1. Қуйидагилар тасвирий ва амалий санъат ҳамда дизайн соҳасини ривожлантиришда Ўзбекистон Бадиий академияси (кейинги ўринларда — Бадиий академия) фаолиятининг асосий устувор йўналишлари этиб белгилансин:
(а) тасвирий ва амалий санъат ҳамда дизайн соҳаси ходимларини моддий ва маънавий қўллаб-қувватлаш ҳамда уларнинг самарали ижод қилиши учун зарур шарт-шароитлар яратиш;
(б) истеъдодли ёш рассомлар учун мўлжалланган ижодий устахоналар фаолиятини йўлга қўйиш, уларнинг шахсий ва жамоавий кўргазмаларини уюштириш;
(в) ёшларга оид давлат сиёсатини изчил амалга ошириш мақсадида истеъдодли ёшларни тасвирий ва амалий санъат соҳаларига кенг жалб этиш ҳамда уларнинг ушбу йўналишда турли креатив лойиҳалардаги иштирокини рағбатлантириш;
(г) бадиий таълим соҳасида кадрлар тайёрлашга оид норматив-ҳуқуқий ҳужжатларни ишлаб чиқиш, уларни амалиётга жорий этиш ва такомиллаштириш, шунингдек, академик бадиий таълимнинг изчиллигини таъминлаш билан боғлиқ вазифаларни ҳал этиш;
(д) Ўзбекистон тасвирий ва амалий санъатини жаҳон миқёсида оммалаштириш мақсадида халқаро ҳамкорликни ривожлантириш.
2. 2026-2027 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида:
(а) Бадиий кўргазмалар дирекциясининг кўргазмалар зали жаҳон стандартлари асосида реконструкция қилинсин ва жиҳозлансин;
(б) Бадиий кўргазмалар дирекцияси фондининг Тошкент шаҳри Чилонзор тумани Лутфий кўчаси 10а-уй манзилида жойлашган биноси реконструкция қилинсин, унинг ҳудудида замонавий галерея биноси қурилсин ҳамда 40 та ижодий устахонадан иборат юридик шахс мақомига эга бўлмаган Ёш рассомлар маркази фаолияти йўлга қўйилсин;
(в) Камолиддин Беҳзод номидаги Шарқ миниатюра санъати музейи ҳудудида қўшимча бино қурилсин ва у ерда миллий усулда қоғоз тайёрлаш бўйича юридик шахс мақомига эга бўлмаган ўқув-ишлаб чиқариш устахонаси ташкил этилсин;
(г) Павел Беньков номидаги Республика ихтисослаштирилган рассомлик мактаби ҳудудида қўшимча 400 ўринли ўқув биноси қурилсин, шунингдек, ушбу мактабнинг ўқув биноларини капитал таъмирлаш ишлари учун зарур капитал қўйилма маблағлари назарда тутилсин.
Бунда Павел Беньков номидаги Республика ихтисослаштирилган рассомлик мактаби ҳудудида 200 ўринли ўқувчилар тураржойи биносини қуриш давлат-хусусий шериклик асосида амалга оширилиши кўзда тутилсин.
3. Бадиий академия:
(а) Ўзбекистон Республикасининг республика бюджетидан 2026 йилда Бадиий академияга ажратиладиган маблағлар ҳисобидан Тошкент фотосуратлар уйида юридик шахс мақомига эга бўлмаган Мультимедиа марказини;
(б) замонавий галерея биноси ва унинг ҳудудида 15 мингдан ортиқ ноёб асарларни сақлаш учун фонд, кутубхона, фотолаборатория, тасвирий ва амалий санъат, ҳайкалтарошлик асарлари, сувенирларни тайёрлаш ва таъмирлаш устахоналари ҳамда лабораториясини ташкил этсин.
4. Ёш рассомлар марказида:
(а) Бадиий ижодкорлар уюшмаси (кейинги ўринларда — Уюшма) ёш аъзолари учун рассомлар ижодий устахоналари фаолияти йўлга қўйилсин;
(б) Уюшма тавсиясига кўра, Бадиий академия бошқарув кенгаши қарорига мувофиқ мазкур ижодий устахоналар ёш ижодкорларга муайян муддатга текин фойдаланиш ҳуқуқи асосида берилсин;
(в) тегишли йўналишлар бўйича тўгараклар фаолияти йўлга қўйилсин.
5. Бадиий академия Ташқи ишлар вазирлиги билан биргаликда 2026 йилдан бошлаб Бадиий академия ҳамда Камолиддин Беҳзод номидаги Миллий рассомлик ва дизайн институтининг бюджетдан ташқари маблағлари, ҳомийлар ва халқаро грантлар ҳисобидан ҳар йили танлов асосида Рассомлик маҳорати устахонаси стажёрлари, энг истеъдодли ёш рассом, ҳайкалтарош, дизайнер, реставратор, санъатшунос ва музейшуносларни хорижий мамлакатларга малака ошириш ва стажировкага юбориш амалиётини йўлга қўйсин.
6. Рассомлик маҳорати устахонасида истеъдодли ёш рассомларни устоз-шогирд анъаналари асосида тарбиялаб келаётган таниқли ижодкорлар Бадиий академияга Давлат бюджетидан ажратилган маблағлар доирасида меҳнатга ҳақ тўлашнинг энг кам миқдорининг 1,6 бараваригача миқдорда ҳар ой қўшимча рағбатлантириб борилсин.
7. Бадиий академия, Олий таълим, фан ва инновациялар вазирлиги соҳадаги нуфузли хорижий олий таълим муассасаларининг ўқув режа ва дастурлари ҳамда кадрлар тайёрлаш андозаларини Камолиддин Беҳзод номидаги Миллий рассомлик ва дизайн институти фаолиятига 2026/2027 ўқув йилидан бошлаб босқичма-босқич жорий этиш чораларини кўрсин.
8. Шундай тартиб ўрнатилсинки, унга кўра 2026/2027 ўқув йилидан бошлаб:
(а) Камолиддин Беҳзод номидаги Миллий рассомлик ва дизайн институтида ташқи ўриндошлик асосида фаолият олиб бораётган илмий даража ва илмий унвонга эга бўлган ижодкор педагог кадрлар мазкур таълим ташкилотининг илмий салоҳият кўрсаткичларида инобатга олинади, асосий иш жойи бошқа олий таълим ташкилотларида бўлган ходимлар бундан мустасно;
(б) Камолиддин Беҳзод номидаги Миллий рассомлик ва дизайн институтида фаолият олиб бораётган педагог кадрлар томонидан яратилган юксак бадиий асарлар институт кенгаши қарорига асосан монографияга тенглаштирилади;
(в) Камолиддин Беҳзод номидаги Миллий рассомлик ва дизайн институтининг ўқув дастури доирасида психология ва педагогика фанларидан таҳсил олган рангтасвир, амалий санъат ва дизайн бакалавриат таълим йўналишлари ҳамда магистратура мутахассисликлари битирувчиларига умумий ўрта таълим муассасаларида тасвирий санъат фанидан таълим беришга рухсат этилади.
9. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, вазирликлар, идоралар ва хўжалик бирлашмалари шаҳарлар инфратузилмасининг эстетик кўринишини янада бойитиш ҳамда шаҳарсозлик маданиятини ривожлантириш мақсадида Давлат бюджети маблағлари ҳисобидан молиялаштириладиган ижтимоий соҳа объектлари қурилиш сметасига бадиий-ижодий ишларни харид қилиш харажатларини киритиб борсин.
10. Бадиий академия 2026 йилдан бошлаб Бадиий академияга Давлат бюджетидан ажратиладиган маблағлар доирасида «Янги Ўзбекистон манзаралари», «Буюк алломалар» ва «Замон қаҳрамонлари» каби туркумдаги ижодий асарларни давлат буюртмаси асосида яратиш тизимини йўлга қўйсин.
11. Иқтисодиёт ва молия вазирлиги Бадиий академия марказий аппаратига 2027 йилда 1 та микроавтобус сотиб олиш ва сақлаш учун лимит ажратсин.
12. 2025 йил 1 июлдан бошлаб Бадиий академия марказий аппарати ва унинг Қорақалпоғистон Республикаси бўлими ходимлари учун Давлат бюджети маблағлари ҳисобидан моддий рағбатлантиришнинг қуйидаги турлари жорий этилсин:
(а) ходимларнинг лавозим маошига 200 фоиз миқдорида ойлик устамалар белгилаш;
(б) кўп йиллик меҳнати учун рағбатлантириш коэффициентини ҳисобга олган ҳолда ходимларнинг лавозим маошига белгиланган коэффициентларда қуйидаги ҳажмларда ҳар ойда устама тўлаш (хизмат кўрсатувчи ва техник ходимлардан ташқари): 1 йилдан 5 йилгача — 0,3; 5 йилдан 10 йилгача — 0,6; 10 йилдан 15 йилгача — 0,9; 15 йилдан ортиқ — 1,2.
Мазкур бандда назарда тутилган тадбирларни молиялаштириш 2025 йилда Бадиий академияга ажратилган маблағлар доирасида, 2026 йилдан эса Давлат бюджети параметрларида мазкур мақсадлар учун белгиланган тартибда назарда тутилган маблағлар ҳисобидан амалга оширилади.
13. Тасвирий ва амалий санъат соҳасини янада ривожлантиришга доир қўшимча чора-тадбирлар дастури иловага мувофиқ тасдиқлансин.
14. Бадиий академиянинг Тошкент шаҳри Яккасарой тумани Шароф Рашидов кўчаси 40-уй манзилида жойлашган бино ва иншоотлари тегишли ҳудуди билан бирга Бадиий кўргазмалар дирекциясига оператив бошқариш ҳуқуқи билан бепул берилсин.
15. Қуйидагилар:
(а) Бадиий ижодкорлар уюшмаси Тошкент шаҳри Яккасарой тумани Шароф Рашидов кўчаси 40-уй манзилида жойлашган Бадиий кўргазмалар дирекцияси бино ва иншоотларининг бир қисмига;
(б) Уюшма ҳузуридаги Бадиий ишлаб чиқариш устахонаси Тошкент шаҳри Чилонзор тумани Лутфий кўчаси 10а-уй манзилида жойлашган Бадиий кўргазмалар дирекцияси фонди бино ва иншоотларининг бир қисмига;
(в) «Sanʼat» журнали таҳририяти Тошкент шаҳри Миробод тумани Истиқбол кўчаси 4-уй манзилида жойлашган Тошкент фотосуратлар уйи бино ва иншоотларининг бир қисмига;
(г) Бадиий академия ҳузуридаги Бадиий таълим йўналишларида педагог ва мутахассис кадрларни қайта тайёрлаш ҳамда уларнинг малакасини ошириш маркази Тошкент шаҳри Учтепа тумани Ширин кўчаси 1а-уй манзилида жойлашган Республика ихтисослаштирилган дизайн мактаби бино ва иншоотларининг бир қисмига текин фойдаланиш ҳуқуқи асосида жойлаштирилсин.
16. Ўзбекистон миллий телерадиокомпанияси, Бадиий академия:
(а) тасвирий ва амалий санъат тарихи ҳамда бугунги кундаги ривожини кенг тарғиб қилиб бориш мақсадида давлат телеканалларида соҳанинг етук мутахассислари ижодига бағишланган теледастурлар туркумини мунтазам равишда намойиш этиб борсин;
(б) икки ой муддатда соҳадаги истеъдодли ёшларни қўллаб-қувватлаш ва уларнинг фаолиятини кенг тарғиб қилиш мақсадида «Madaniyat va maʼrifat» телеканалида «Ёшлар ижоди» кўрсатувини ташкил этсин;
(в) Ўзбекистон миллий ахборот агентлиги билан биргаликда ушбу қарорнинг мазмун-моҳияти ва қарор ижроси билан боғлиқ тадбирларни оммавий ахборот воситаларида кенг ёритиш чораларини кўрсин.
17. Бадиий академия манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
18. Мазкур қарор ижросини самарали ташкил қилишга масъул ва шахсий жавобгар этиб Ўзбекистон Бадиий академияси раиси А.В. Нуридинов белгилансин.
Ушбу қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси Ижтимоий ривожланиш департаменти раҳбари О.Қ. Абдурахманов зиммасига юклансин.
Ўзбекистон Республикаси Президентининг 2025 йил 1 июлдаги ПҚ-212-сон қарорига ИЛОВА
Тасвирий ва амалий санъат соҳасини янада ривожлантиришга доир қўшимча чора-тадбирлар
Т/р Чора-тадбирлар Амалга ошириш механизми Ижро муддати Молиялаштириш манбаси Масъул ижрочилар I. Ижодкорлар фаоллигини ошириш, уларни қўллаб-қувватлаш ҳамда креатив лойиҳалар йўналишида 1. Халқаро анъанавий тасвирий ва амалий санъат фестивали доирасида Халқаро туркий маданият ташкилоти (ТУРКСОЙ)га аъзо давлатлар санъати кўргазмасини ўтказиш. 1. Халқаро туркий маданият ташкилоти (ТУРКСОЙ)га аъзо давлатлар вакилларидан иборат ишчи гуруҳ тузиш. 2. Ишчи гуруҳ томонидан кўргазма концепциясини ишлаб чиқиш. 3. Кўргазмани Халқаро анъанавий тасвирий ва амалий санъат фестивали дастурига киритиш ва юқори савияда ўтказиб бориш. Ҳар йили январь — апрель ойлари Бадиий академияга ажратилган бюджет ва бюджетдан ташқари маблағлар Бадиий академия (А. Нуридинов) 2. Давлат буюртмаларига асосан яратиладиган тасвирий ва амалий санъат асарлари муаллифларининг иш ҳақи ва улар томонидан сарфланадиган хомашёлар харажатларини белгилаш тартибини ишлаб чиқиш. 1. Соҳанинг малакали мутахассисларидан иборат ишчи гуруҳ тузиш. 2025 йил июль - Бадиий академия (А. Нуридинов), Адлия вазирлиги (А. Ташкулов) 2. М уаллифларнинг иш ҳақи ва улар томонидан сарфланадиган хомашёлар харажатларини белгилаш тартибини ишлаб чиқиш. 2025 йил ноябрь 3. Ишлаб чиқилган тартибни тасдиқлаш ва белгиланган тартибда давлат рўйхатидан ўтказиш. 2025 йил декабрь 3. 2026 йилдан бошлаб Бадиий академия ҳамда Камолиддин Беҳзод номидаги Миллий рассомлик ва дизайн институтининг бюджетдан ташқари маблағлари, ҳомийлар ва халқаро грантлар ҳисобидан ҳар йили танлов асосида Рассомлик маҳорати устахонаси стажёрлари, энг истеъдодли ёш рассом, ҳайкалтарош, дизайнер, реставратор, санъатшунос ва музейшуносларни хорижий мамлакатларга малака ошириш ва стажировкага юборишни йўлга қўйиш. 1. Хорижий мамлакатлардаги соҳанинг етакчи ташкилот ва муассасалари билан меморандум ва бошқа ҳамкорлик шартномаларини тузиш. 2. Хорижий мамлакатлар кесимида ҳар йилги малака ошириш ва стажировкалар режасини ишлаб чиқиш. 3. Малака ошириш ва стажировкага юбориладиган ижодкорларни саралаш бўйича танлов тартибини ишлаб чиқиш ва тасдиқлаш. 4. Танлов натижаларига кўра ижодкорларни тасдиқланган режага асосан хорижий мамлакатларга малака ошириш ва стажировка ўташ учун юбориш . 2026 йилдан бошлаб ҳар йили режа асосида Бадиий академиянинг бюджет ва бюджетдан ташқари маблағлари, ҳомийлар ва халқаро ташкилотлар грантлари Бадиий академия (А. Нуридинов), Ташқи ишлар вазирлиги (Б. Саидов) 4. Ўзбекистон тасвирий ва амалий санъатини хорижда тарғиб қилиш мақсадида жаҳоннинг ривожланган мамлакатларида ўтказиладиган санъат ярмаркалари, биенналелар, кўргазмалар ҳамда фестиваль ва симпозиумларда ижодкор ва олимларнинг иштирокини таъминлаш. 1. Соҳа мутахассисларидан иборат ишчи гуруҳ тузиш ҳамда ишчи гуруҳ томонидан жаҳоннинг ривожланган мамлакатларида ўтказиладиган санъат ярмаркалари, биенналелар, халқаро кўргазмалар, фестиваль ва симпозиумлар рўйхатини шакллантириш. 2. Рўйхат асосида ҳар йилги ижодий ва илмий сафарлар режасини ишлаб чиқиш шу асосида халқаро тадбирларда ижодкор ва олимларнинг иштирокини таъминлаб бориш. 2026 йилдан бошлаб ҳар йили режа асосида Бадиий академияга ажратилган бюджет ва бюджетдан ташқари маблағлар Бадиий академия (А. Нуридинов) , Ташқи ишлар вазирлиги (Б. Саидов) 5. Ёшларнинг санъатга бўлган қизиқишини янада ошириш ҳамда тасвирий ва амалий санъат соҳасида лойиҳаларни ташкил этишда кўмаклашишга қаратилган Ёш ижодкорлар клуби фаолиятини йўлга қўйиш. 1. Ёш ижодкорлар клуби низомини ишлаб чиқиш. 2025 йил октябрь - Бадиий академия (А. Нуридинов), Ёшлар ишлари агентлиги (А. Саъдуллаев), Олий таълим, фан ва инновациялар вазирлиги (К. Шарипов) 2. Ёш ижодкорлар клуби фаолиятини ҳар томонлама қўллаб-қувватлаш. Доимий 6. Ўзбекистон тасвирий ва амалий санъатини кенг тарғиб қилиш ва соҳага қизиққан истеъдодли ёшларни юзага чиқариш мақсадида оммавий ахборот воситалари ва ижтимоий тармоқларда «Арт челленж» (Art challenge) лойиҳасини доимий амалга ошириб бориш. 1. Соҳа мутахассисларидан иборат ишчи гуруҳ тузиш. 2025 йил сентябрь - Бадиий академия (А. Нуридинов), Ўзбекистон миллий телерадиокомпанияси (А. Джурабаев) 2. Ишчи гуруҳ томонидан «Арт челленж» лойиҳаси концепциясини ишлаб чиқиш . 2025 йил октябрь 3. Концепция асосида турли видеороликлар яратиш ҳамда оммавий ахборот воситалари ва ижтимоий тармоқларда доимий равишда эълон қилиб бориш. Доимий 7. Замонавий галерея ва Ёш рассомлар маркази фаолияти тўлиқ йўлга қўйилгандан сўнг уларни ўрнатилган тартибда туристик йўналишлар (маршрутлар)нинг ягона реестрига киритиш. 1. Замонавий галерея ва Ёш рассомлар марказини туристик йўналишлар (маршрутлар)нинг ягона реестрига киритиш. 2. Объектларни сайёҳлар орасида кенг тарғиб қилиш. Доимий - Туризм қўмитаси (У. Шадиев), Бадиий академия (А. Нуридинов) 8. «Янги Ўзбекистон манзаралари», «Буюк алломалар» ва «Замон қаҳрамонлари» каби туркумдаги ижодий асарларни давлат буюртмаси асосида яратиш тартибини тасдиқлаш. 1. Туркум ижодий асарларни давлат буюртмаси асосида яратиш тартибини ишлаб чиқиш ва тасдиқлаш. 2. Тасдиқланган тартибни ижрога йўналтириш. 2025 йил ноябрь Бадиий академия (А. Нуридинов), манфаатдор вазирлик ва идоралар II. Бадиий таълим соҳасида юқори малакали кадрлар тайёрлаш йўналишида 9. Тасвирий ва амалий санъат ҳамда дизайн соҳасида кадрлар тайёрлаш тизимини янада такомиллаштириш. 1. Норматив-ҳуқуқий ҳужжат лойиҳасини ишлаб чиқиш. Бунда: Бадиий академия томонидан идоравий мансублиги ва ташкилий-ҳуқуқий шаклидан қатъи назар, тасвирий ва амалий санъат ҳамда дизайн йўналишларида кадрлар тайёрлаш сифатини мониторинг қилиш ҳамда хулосалар тайёрлаш; тасвирий ва амалий санъат ҳамда дизайн соҳасида иқтидорли ёшларни аниқлаш, танлаш, ўқитиш ва тарбиялаш бўйича яхлит тизимни яратиш; амалдаги норматив-ҳуқуқий ҳужжатларга қўшимча ва ўзгартиришлар киритишни назарда тутиш. 2. Лойиҳани манфаатдор вазирлик ва идоралар билан келишиш. 3. Лойиҳани белгиланган тартибда Вазирлар Маҳкамасига киритиш. 2026 йил сентябрь - Бадиий академия (А. Нуридинов), Олий таълим, фан ва инновациялар вазирлиги (К. Шарипов), Мактабгача ва мактаб таълими вазирлиги (Х. Умарова), Маданият вазирлиги (О. Назарбеков), Адлия вазирлиги (А. Ташкулов) 10. Соҳадаги атоқли ижодкорлар номини абадийлаштириш мақсадида Бадиий академия тизимидаги ихтисослаштирилган санъат мактаблари ҳамда мактаб-интернатларига уларнинг номини бериш бўйича таклифлар ишлаб чиқиш. 1. Соҳа мутахассисларидан иборат ишчи гуруҳ тузиш. 2025 йил октябрь - Бадиий академия (А. Нуридинов) , Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари 2. Ишчи гуруҳ томонидан таълим муассасаларига атоқли ижодкорлар номини бериш бўйича таклифлар ишлаб чиқиш. 2025 йил ноябрь 3. Таклифларни Вазирлар Маҳкамасига киритиш. 2026 йил февраль
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 1 июль,
ПҚ-212-сон
Oʻzbekiston Respublikasi Prezidentining
qarori
DASTURI
Tasviriy va amaliy sanʼat sohasini yanada rivojlantirishga doir qoʻshimcha chora-tadbirlar toʻgʻrisida
Oʻzbekiston tasviriy va amaliy sanʼatini yanada rivojlantirish va jahon miqyosida ommalashtirish, isteʼdodli yosh rassomlarni qoʻllab-quvvatlash, badiiy taʼlim sohasida yuqori malakali kadrlar tayyorlash tizimini ilgʻor xorijiy tajribalar asosida takomillashtirish hamda yangi zamonaviy texnologiyalarni qoʻllagan holda kreativ loyihalarni amalga oshirish maqsadida qaror qilaman:
1. Quyidagilar tasviriy va amaliy sanʼat hamda dizayn sohasini rivojlantirishda Oʻzbekiston Badiiy akademiyasi (keyingi oʻrinlarda — Badiiy akademiya) faoliyatining asosiy ustuvor yoʻnalishlari etib belgilansin:
(a) tasviriy va amaliy sanʼat hamda dizayn sohasi xodimlarini moddiy va maʼnaviy qoʻllab-quvvatlash hamda ularning samarali ijod qilishi uchun zarur shart-sharoitlar yaratish;
(b) isteʼdodli yosh rassomlar uchun moʻljallangan ijodiy ustaxonalar faoliyatini yoʻlga qoʻyish, ularning shaxsiy va jamoaviy koʻrgazmalarini uyushtirish;
(v) yoshlarga oid davlat siyosatini izchil amalga oshirish maqsadida isteʼdodli yoshlarni tasviriy va amaliy sanʼat sohalariga keng jalb etish hamda ularning ushbu yoʻnalishda turli kreativ loyihalardagi ishtirokini ragʻbatlantirish;
(g) badiiy taʼlim sohasida kadrlar tayyorlashga oid normativ-huquqiy hujjatlarni ishlab chiqish, ularni amaliyotga joriy etish va takomillashtirish, shuningdek, akademik badiiy taʼlimning izchilligini taʼminlash bilan bogʻliq vazifalarni hal etish;
(d) Oʻzbekiston tasviriy va amaliy sanʼatini jahon miqyosida ommalashtirish maqsadida xalqaro hamkorlikni rivojlantirish.
2. 2026-2027-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida:
(a) Badiiy koʻrgazmalar direksiyasining koʻrgazmalar zali jahon standartlari asosida rekonstruksiya qilinsin va jihozlansin;
(b) Badiiy koʻrgazmalar direksiyasi fondining Toshkent shahri Chilonzor tumani Lutfiy koʻchasi 10a-uy manzilida joylashgan binosi rekonstruksiya qilinsin, uning hududida zamonaviy galereya binosi qurilsin hamda 40 ta ijodiy ustaxonadan iborat yuridik shaxs maqomiga ega boʻlmagan Yosh rassomlar markazi faoliyati yoʻlga qoʻyilsin;
(v) Kamoliddin Behzod nomidagi Sharq miniatura sanʼati muzeyi hududida qoʻshimcha bino qurilsin va u yerda milliy usulda qogʻoz tayyorlash boʻyicha yuridik shaxs maqomiga ega boʻlmagan oʻquv-ishlab chiqarish ustaxonasi tashkil etilsin;
(g) Pavel Benkov nomidagi Respublika ixtisoslashtirilgan rassomlik maktabi hududida qoʻshimcha 400 oʻrinli oʻquv binosi qurilsin, shuningdek, ushbu maktabning oʻquv binolarini kapital taʼmirlash ishlari uchun zarur kapital qoʻyilma mablagʻlari nazarda tutilsin.
Bunda Pavel Benkov nomidagi Respublika ixtisoslashtirilgan rassomlik maktabi hududida 200 oʻrinli oʻquvchilar turarjoyi binosini qurish davlat-xususiy sheriklik asosida amalga oshirilishi koʻzda tutilsin.
3. Badiiy akademiya:
(a) Oʻzbekiston Respublikasining respublika budjetidan 2026-yilda Badiiy akademiyaga ajratiladigan mablagʻlar hisobidan Toshkent fotosuratlar uyida yuridik shaxs maqomiga ega boʻlmagan Multimedia markazini;
(b) zamonaviy galereya binosi va uning hududida 15 mingdan ortiq noyob asarlarni saqlash uchun fond, kutubxona, fotolaboratoriya, tasviriy va amaliy sanʼat, haykaltaroshlik asarlari, suvenirlarni tayyorlash va taʼmirlash ustaxonalari hamda laboratoriyasini tashkil etsin.
4. Yosh rassomlar markazida:
(a) Badiiy ijodkorlar uyushmasi (keyingi oʻrinlarda — Uyushma) yosh aʼzolari uchun rassomlar ijodiy ustaxonalari faoliyati yoʻlga qoʻyilsin;
(b) Uyushma tavsiyasiga koʻra, Badiiy akademiya boshqaruv kengashi qaroriga muvofiq mazkur ijodiy ustaxonalar yosh ijodkorlarga muayyan muddatga tekin foydalanish huquqi asosida berilsin;
(v) tegishli yoʻnalishlar boʻyicha toʻgaraklar faoliyati yoʻlga qoʻyilsin.
5. Badiiy akademiya Tashqi ishlar vazirligi bilan birgalikda 2026-yildan boshlab Badiiy akademiya hamda Kamoliddin Behzod nomidagi Milliy rassomlik va dizayn institutining budjetdan tashqari mablagʻlari, homiylar va xalqaro grantlar hisobidan har yili tanlov asosida Rassomlik mahorati ustaxonasi stajyorlari, eng isteʼdodli yosh rassom, haykaltarosh, dizayner, restavrator, sanʼatshunos va muzeyshunoslarni xorijiy mamlakatlarga malaka oshirish va stajirovkaga yuborish amaliyotini yoʻlga qoʻysin.
6. Rassomlik mahorati ustaxonasida isteʼdodli yosh rassomlarni ustoz-shogird anʼanalari asosida tarbiyalab kelayotgan taniqli ijodkorlar Badiiy akademiyaga Davlat budjetidan ajratilgan mablagʻlar doirasida mehnatga haq toʻlashning eng kam miqdorining 1,6 baravarigacha miqdorda har oy qoʻshimcha ragʻbatlantirib borilsin.
7. Badiiy akademiya, Oliy taʼlim, fan va innovatsiyalar vazirligi sohadagi nufuzli xorijiy oliy taʼlim muassasalarining oʻquv reja va dasturlari hamda kadrlar tayyorlash andozalarini Kamoliddin Behzod nomidagi Milliy rassomlik va dizayn instituti faoliyatiga 2026/2027 oʻquv yilidan boshlab bosqichma-bosqich joriy etish choralarini koʻrsin.
8. Shunday tartib oʻrnatilsinki, unga koʻra 2026/2027 oʻquv yilidan boshlab:
(a) Kamoliddin Behzod nomidagi Milliy rassomlik va dizayn institutida tashqi oʻrindoshlik asosida faoliyat olib borayotgan ilmiy daraja va ilmiy unvonga ega boʻlgan ijodkor pedagog kadrlar mazkur taʼlim tashkilotining ilmiy salohiyat koʻrsatkichlarida inobatga olinadi, asosiy ish joyi boshqa oliy taʼlim tashkilotlarida boʻlgan xodimlar bundan mustasno;
(b) Kamoliddin Behzod nomidagi Milliy rassomlik va dizayn institutida faoliyat olib borayotgan pedagog kadrlar tomonidan yaratilgan yuksak badiiy asarlar institut kengashi qaroriga asosan monografiyaga tenglashtiriladi;
(v) Kamoliddin Behzod nomidagi Milliy rassomlik va dizayn institutining oʻquv dasturi doirasida psixologiya va pedagogika fanlaridan tahsil olgan rangtasvir, amaliy sanʼat va dizayn bakalavriat taʼlim yoʻnalishlari hamda magistratura mutaxassisliklari bitiruvchilariga umumiy oʻrta taʼlim muassasalarida tasviriy sanʼat fanidan taʼlim berishga ruxsat etiladi.
9. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, vazirliklar, idoralar va xoʻjalik birlashmalari shaharlar infratuzilmasining estetik koʻrinishini yanada boyitish hamda shaharsozlik madaniyatini rivojlantirish maqsadida Davlat budjeti mablagʻlari hisobidan moliyalashtiriladigan ijtimoiy soha obyektlari qurilish smetasiga badiiy-ijodiy ishlarni xarid qilish xarajatlarini kiritib borsin.
10. Badiiy akademiya 2026-yildan boshlab Badiiy akademiyaga Davlat budjetidan ajratiladigan mablagʻlar doirasida “Yangi Oʻzbekiston manzaralari”, “Buyuk allomalar” va “Zamon qahramonlari” kabi turkumdagi ijodiy asarlarni davlat buyurtmasi asosida yaratish tizimini yoʻlga qoʻysin.
11. Iqtisodiyot va moliya vazirligi Badiiy akademiya markaziy apparatiga 2027-yilda 1 ta mikroavtobus sotib olish va saqlash uchun limit ajratsin.
12. 2025-yil 1-iyuldan boshlab Badiiy akademiya markaziy apparati va uning Qoraqalpogʻiston Respublikasi boʻlimi xodimlari uchun Davlat budjeti mablagʻlari hisobidan moddiy ragʻbatlantirishning quyidagi turlari joriy etilsin:
(a) xodimlarning lavozim maoshiga 200 foiz miqdorida oylik ustamalar belgilash;
(b) koʻp yillik mehnati uchun ragʻbatlantirish koeffitsiyentini hisobga olgan holda xodimlarning lavozim maoshiga belgilangan koeffitsiyentlarda quyidagi hajmlarda har oyda ustama toʻlash (xizmat koʻrsatuvchi va texnik xodimlardan tashqari): 1 yildan 5 yilgacha — 0,3; 5 yildan 10 yilgacha — 0,6; 10 yildan 15 yilgacha — 0,9; 15 yildan ortiq — 1,2.
Mazkur bandda nazarda tutilgan tadbirlarni moliyalashtirish 2025-yilda Badiiy akademiyaga ajratilgan mablagʻlar doirasida, 2026-yildan esa Davlat budjeti parametrlarida mazkur maqsadlar uchun belgilangan tartibda nazarda tutilgan mablagʻlar hisobidan amalga oshiriladi.
13. Tasviriy va amaliy sanʼat sohasini yanada rivojlantirishga doir qoʻshimcha chora-tadbirlar dasturi ilovaga muvofiq tasdiqlansin.
14. Badiiy akademiyaning Toshkent shahri Yakkasaroy tumani Sharof Rashidov koʻchasi 40-uy manzilida joylashgan bino va inshootlari tegishli hududi bilan birga Badiiy koʻrgazmalar direksiyasiga operativ boshqarish huquqi bilan bepul berilsin.
15. Quyidagilar:
(a) Badiiy ijodkorlar uyushmasi Toshkent shahri Yakkasaroy tumani Sharof Rashidov koʻchasi 40-uy manzilida joylashgan Badiiy koʻrgazmalar direksiyasi bino va inshootlarining bir qismiga;
(b) Uyushma huzuridagi Badiiy ishlab chiqarish ustaxonasi Toshkent shahri Chilonzor tumani Lutfiy koʻchasi 10a-uy manzilida joylashgan Badiiy koʻrgazmalar direksiyasi fondi bino va inshootlarining bir qismiga;
(v) “Sanʼat” jurnali tahririyati Toshkent shahri Mirobod tumani Istiqbol koʻchasi 4-uy manzilida joylashgan Toshkent fotosuratlar uyi bino va inshootlarining bir qismiga;
(g) Badiiy akademiya huzuridagi Badiiy taʼlim yoʻnalishlarida pedagog va mutaxassis kadrlarni qayta tayyorlash hamda ularning malakasini oshirish markazi Toshkent shahri Uchtepa tumani Shirin koʻchasi 1a-uy manzilida joylashgan Respublika ixtisoslashtirilgan dizayn maktabi bino va inshootlarining bir qismiga tekin foydalanish huquqi asosida joylashtirilsin.
16. Oʻzbekiston milliy teleradiokompaniyasi, Badiiy akademiya:
(a) tasviriy va amaliy sanʼat tarixi hamda bugungi kundagi rivojini keng targʻib qilib borish maqsadida davlat telekanallarida sohaning yetuk mutaxassislari ijodiga bagʻishlangan teledasturlar turkumini muntazam ravishda namoyish etib borsin;
(b) ikki oy muddatda sohadagi isteʼdodli yoshlarni qoʻllab-quvvatlash va ularning faoliyatini keng targʻib qilish maqsadida “Madaniyat va maʼrifat” telekanalida “Yoshlar ijodi” koʻrsatuvini tashkil etsin;
(v) Oʻzbekiston milliy axborot agentligi bilan birgalikda ushbu qarorning mazmun-mohiyati va qaror ijrosi bilan bogʻliq tadbirlarni ommaviy axborot vositalarida keng yoritish choralarini koʻrsin.
17. Badiiy akademiya manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
18. Mazkur qaror ijrosini samarali tashkil qilishga masʼul va shaxsiy javobgar etib Oʻzbekiston Badiiy akademiyasi raisi A.V. Nuridinov belgilansin.
Ushbu qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari O.Q. Abduraxmanov zimmasiga yuklansin.
Oʻzbekiston Respublikasi Prezidentining 2025-yil 1-iyuldagi PQ-212-son qaroriga ILOVA
Tasviriy va amaliy sanʼat sohasini yanada rivojlantirishga doir qoʻshimcha chora-tadbirlar
T/r Chora-tadbirlar Amalga oshirish mexanizmi Ijro muddati Moliyalashtirish manbasi Masʼul ijrochilar I. Ijodkorlar faolligini oshirish, ularni qoʻllab-quvvatlash hamda kreativ loyihalar yoʻnalishida 1. Xalqaro anʼanaviy tasviriy va amaliy sanʼat festivali doirasida Xalqaro turkiy madaniyat tashkiloti (TURKSOY)ga aʼzo davlatlar sanʼati koʻrgazmasini oʻtkazish. 1. Xalqaro turkiy madaniyat tashkiloti (TURKSOY)ga aʼzo davlatlar vakillaridan iborat ishchi guruh tuzish. 2. Ishchi guruh tomonidan koʻrgazma konsepsiyasini ishlab chiqish. 3. Koʻrgazmani Xalqaro anʼanaviy tasviriy va amaliy sanʼat festivali dasturiga kiritish va yuqori saviyada oʻtkazib borish. Har yili yanvar — aprel oylari Badiiy akademiyaga ajratilgan budjet va budjetdan tashqari mablagʻlar Badiiy akademiya (A. Nuridinov) 2. Davlat buyurtmalariga asosan yaratiladigan tasviriy va amaliy sanʼat asarlari mualliflarining ish haqi va ular tomonidan sarflanadigan xomashyolar xarajatlarini belgilash tartibini ishlab chiqish. 1. Sohaning malakali mutaxassislaridan iborat ishchi guruh tuzish. 2025-yil iyul - Badiiy akademiya (A. Nuridinov), Adliya vazirligi (A. Tashkulov) 2. M ualliflarning ish haqi va ular tomonidan sarflanadigan xomashyolar xarajatlarini belgilash tartibini ishlab chiqish. 2025-yil noyabr 3. Ishlab chiqilgan tartibni tasdiqlash va belgilangan tartibda davlat roʻyxatidan oʻtkazish. 2025-yil dekabr 3. 2026-yildan boshlab Badiiy akademiya hamda Kamoliddin Behzod nomidagi Milliy rassomlik va dizayn institutining budjetdan tashqari mablagʻlari, homiylar va xalqaro grantlar hisobidan har yili tanlov asosida Rassomlik mahorati ustaxonasi stajyorlari, eng isteʼdodli yosh rassom, haykaltarosh, dizayner, restavrator, sanʼatshunos va muzeyshunoslarni xorijiy mamlakatlarga malaka oshirish va stajirovkaga yuborishni yoʻlga qoʻyish. 1. Xorijiy mamlakatlardagi sohaning yetakchi tashkilot va muassasalari bilan memorandum va boshqa hamkorlik shartnomalarini tuzish. 2. Xorijiy mamlakatlar kesimida har yilgi malaka oshirish va stajirovkalar rejasini ishlab chiqish. 3. Malaka oshirish va stajirovkaga yuboriladigan ijodkorlarni saralash boʻyicha tanlov tartibini ishlab chiqish va tasdiqlash. 4. Tanlov natijalariga koʻra ijodkorlarni tasdiqlangan rejaga asosan xorijiy mamlakatlarga malaka oshirish va stajirovka oʻtash uchun yuborish . 2026-yildan boshlab har yili reja asosida Badiiy akademiyaning budjet va budjetdan tashqari mablagʻlari, homiylar va xalqaro tashkilotlar grantlari Badiiy akademiya (A. Nuridinov), Tashqi ishlar vazirligi (B. Saidov) 4. Oʻzbekiston tasviriy va amaliy sanʼatini xorijda targʻib qilish maqsadida jahonning rivojlangan mamlakatlarida oʻtkaziladigan sanʼat yarmarkalari, biyennalelar, koʻrgazmalar hamda festival va simpoziumlarda ijodkor va olimlarning ishtirokini taʼminlash. 1. Soha mutaxassislaridan iborat ishchi guruh tuzish hamda ishchi guruh tomonidan jahonning rivojlangan mamlakatlarida oʻtkaziladigan sanʼat yarmarkalari, biyennalelar, xalqaro koʻrgazmalar, festival va simpoziumlar roʻyxatini shakllantirish. 2. Roʻyxat asosida har yilgi ijodiy va ilmiy safarlar rejasini ishlab chiqish shu asosida xalqaro tadbirlarda ijodkor va olimlarning ishtirokini taʼminlab borish. 2026-yildan boshlab har yili reja asosida Badiiy akademiyaga ajratilgan budjet va budjetdan tashqari mablagʻlar Badiiy akademiya (A. Nuridinov) , Tashqi ishlar vazirligi (B. Saidov) 5. Yoshlarning sanʼatga boʻlgan qiziqishini yanada oshirish hamda tasviriy va amaliy sanʼat sohasida loyihalarni tashkil etishda koʻmaklashishga qaratilgan Yosh ijodkorlar klubi faoliyatini yoʻlga qoʻyish. 1. Yosh ijodkorlar klubi nizomini ishlab chiqish. 2025-yil oktabr - Badiiy akademiya (A. Nuridinov), Yoshlar ishlari agentligi (A. Saʼdullayev), Oliy taʼlim, fan va innovatsiyalar vazirligi (K. Sharipov) 2. Yosh ijodkorlar klubi faoliyatini har tomonlama qoʻllab-quvvatlash. Doimiy 6. Oʻzbekiston tasviriy va amaliy sanʼatini keng targʻib qilish va sohaga qiziqqan isteʼdodli yoshlarni yuzaga chiqarish maqsadida ommaviy axborot vositalari va ijtimoiy tarmoqlarda “Art chellenj” (Art challenge) loyihasini doimiy amalga oshirib borish. 1. Soha mutaxassislaridan iborat ishchi guruh tuzish. 2025-yil sentabr - Badiiy akademiya (A. Nuridinov), Oʻzbekiston milliy teleradiokompaniyasi (A. Djurabayev) 2. Ishchi guruh tomonidan “Art chellenj” loyihasi konsepsiyasini ishlab chiqish . 2025-yil oktabr 3. Konsepsiya asosida turli videoroliklar yaratish hamda ommaviy axborot vositalari va ijtimoiy tarmoqlarda doimiy ravishda eʼlon qilib borish. Doimiy 7. Zamonaviy galereya va Yosh rassomlar markazi faoliyati toʻliq yoʻlga qoʻyilgandan soʻng ularni oʻrnatilgan tartibda turistik yoʻnalishlar (marshrutlar)ning yagona reyestriga kiritish. 1. Zamonaviy galereya va Yosh rassomlar markazini turistik yoʻnalishlar (marshrutlar)ning yagona reyestriga kiritish. 2. Obyektlarni sayyohlar orasida keng targʻib qilish. Doimiy - Turizm qoʻmitasi (U. Shadiyev), Badiiy akademiya (A. Nuridinov) 8. “Yangi Oʻzbekiston manzaralari”, “Buyuk allomalar” va “Zamon qahramonlari” kabi turkumdagi ijodiy asarlarni davlat buyurtmasi asosida yaratish tartibini tasdiqlash. 1. Turkum ijodiy asarlarni davlat buyurtmasi asosida yaratish tartibini ishlab chiqish va tasdiqlash. 2. Tasdiqlangan tartibni ijroga yoʻnaltirish. 2025-yil noyabr Badiiy akademiya (A. Nuridinov), manfaatdor vazirlik va idoralar II. Badiiy taʼlim sohasida yuqori malakali kadrlar tayyorlash yoʻnalishida 9. Tasviriy va amaliy sanʼat hamda dizayn sohasida kadrlar tayyorlash tizimini yanada takomillashtirish. 1. Normativ-huquqiy hujjat loyihasini ishlab chiqish. Bunda: Badiiy akademiya tomonidan idoraviy mansubligi va tashkiliy-huquqiy shaklidan qatʼi nazar, tasviriy va amaliy sanʼat hamda dizayn yoʻnalishlarida kadrlar tayyorlash sifatini monitoring qilish hamda xulosalar tayyorlash; tasviriy va amaliy sanʼat hamda dizayn sohasida iqtidorli yoshlarni aniqlash, tanlash, oʻqitish va tarbiyalash boʻyicha yaxlit tizimni yaratish; amaldagi normativ-huquqiy hujjatlarga qoʻshimcha va oʻzgartirishlar kiritishni nazarda tutish. 2. Loyihani manfaatdor vazirlik va idoralar bilan kelishish. 3. Loyihani belgilangan tartibda Vazirlar Mahkamasiga kiritish. 2026-yil sentabr - Badiiy akademiya (A. Nuridinov), Oliy taʼlim, fan va innovatsiyalar vazirligi (K. Sharipov), Maktabgacha va maktab taʼlimi vazirligi (X. Umarova), Madaniyat vazirligi (O. Nazarbekov), Adliya vazirligi (A. Tashkulov) 10. Sohadagi atoqli ijodkorlar nomini abadiylashtirish maqsadida Badiiy akademiya tizimidagi ixtisoslashtirilgan sanʼat maktablari hamda maktab-internatlariga ularning nomini berish boʻyicha takliflar ishlab chiqish. 1. Soha mutaxassislaridan iborat ishchi guruh tuzish. 2025-yil oktabr - Badiiy akademiya (A. Nuridinov) , Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 2. Ishchi guruh tomonidan taʼlim muassasalariga atoqli ijodkorlar nomini berish boʻyicha takliflar ishlab chiqish. 2025-yil noyabr 3. Takliflarni Vazirlar Mahkamasiga kiritish. 2026-yil fevral
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 1-iyul,
PQ-212-son
Президента Республики Узбекистан
Постановление
О дополнительных мерах по дальнейшему развитию сферы изобразительного и прикладного искусства
В целях дальнейшего развития и популяризации в мировом масштабе изобразительного и прикладного искусства Узбекистана, поддержки талантливых молодых художников, совершенствования системы подготовки высококвалифицированных кадров на основе передового зарубежного опыта и реализации креативных проектов в сфере художественного образования с использованием новых современных технологий постановляю:
1. Определить основными приоритетными направлениями деятельности Академии художеств Узбекистана (далее — Академия художеств) по развитию сферы изобразительного и прикладного искусства, а также дизайна:
(а) материальную и моральную поддержку работников сферы изобразительного и прикладного искусства, а также дизайна и создание необходимых условий для эффективного занятия творчеством;
(б) организацию деятельности творческих мастерских, предназначенных для талантливых молодых художников, а также их персональных и коллективных выставок;
(в) широкое вовлечение в сферу изобразительного и прикладного искусства и стимулирование участия талантливой молодежи в различных креативных проектах в данном направлении в целях последовательной реализации государственной молодежной политики;
(г) разработку, внедрение на практике и совершенствование нормативно-правовых актов по подготовке кадров в сфере художественного образования, а также решение задач, связанных с обеспечением преемственности академического художественного образования;
(д) развитие международного сотрудничества в целях популяризации изобразительного и прикладного искусства Узбекистана в мировом масштабе.
2. В рамках Программы развития социальной и производственной инфраструктуры Республики Узбекистан на 2026-2027 годы:
(а) реконструировать и оборудовать на основе мировых стандартов Выставочный зал Дирекции художественных выставок;
(б) реконструировать здание Фонда Дирекции художественных выставок, расположенное по адресу: город Ташкент, Чиланзарский район, улица Лутфий, 10 а, построить на его территории здание Современной галереи и наладить деятельность состоящего из 40 творческих мастерских Центра молодых художников без статуса юридического лица;
(в) построить дополнительное здание на территории Музея искусства миниатюры Востока имени Камолиддина Бехзода и образовать в нем учебно-производственную мастерскую по изготовлению бумаги национальным методом без статуса юридического лица;
(г) построить дополнительно учебное здание на 400 мест на территории Республиканской специализированной художественной школы имени Павла Бенькова, предусмотреть средства капитальных вложений, необходимые для работ по капитальному ремонту учебных зданий этой школы.
При этом предусмотреть осуществление строительства здания места проживания учащихся на 200 мест на территории Республиканской специализированной художественной школы имени Павла Бенькова на основе государственно-частного партнерства.
3. Академии художеств образовать:
(а) в Ташкентском доме фотографии Мультимедийный центр без статуса юридического лица за счет средств республиканского бюджета Республики Узбекистан, предусмотренных к выделению Академии художеств на 2026 год;
(б) в здании и на территории Современной галереи фонд, библиотеку, фотолабораторию для хранения свыше 15 тысяч уникальных произведений, мастерские по изготовлению и реставрации произведений изобразительного и прикладного искусства, скульптурных произведений, сувениров, а также лабораторию.
4. В Центре молодых художников:
(а) наладить деятельность творческих мастерских художников для молодых членов Творческого союза художников (далее — Союз);
(б) по рекомендации Союза передать данные творческие мастерские молодым творческим работникам на определенный срок на основе права безвозмездного пользования согласно решению Совета правления Академии художеств;
(в) наладить деятельность кружков по соответствующим направлениям.
5. Академии художеств совместно с Министерством иностранных дел начиная с 2026 года внедрить практику ежегодного направления в зарубежные страны для повышения квалификации и прохождения стажировки наиболее талантливых молодых художников, скульпторов, дизайнеров, реставраторов, искусствоведов и музееведов, стажеров Мастерской художественного мастерства на конкурсной основе за счет внебюджетных средств Академии художеств и Национального института художеств и дизайна имени Камолиддина Бехзода, спонсорских средств и международных грантов.
6. Обеспечить дополнительное поощрение известных творческих работников, воспитывающих молодых талантливых художников на основе традиций «наставник-ученик» в Мастерской художественного мастерства, ежемесячно до 1,6-кратного размера минимального размера оплаты труда в рамках средств Государственного бюджета, выделенных Академии художеств.
7. Академии художеств, Министерству высшего образования, науки и инноваций принять меры по поэтапному внедрению начиная с 2026/2027 учебного года учебных планов и программ, а также стандартов подготовки кадров престижных профильных зарубежных высших образовательных учреждений в деятельность Национального института художеств и дизайна имени Камолиддина Бехзода.
8. Установить порядок, в соответствии с которым начиная с 2026/2027 учебного года:
(а) творчески мыслящие педагогические кадры с ученой степенью и ученым званием, осуществляющие деятельность в Национальном институте художеств и дизайна имени Камолиддина Бехзода на основе внешнего совместительства, учитываются в показателях научного потенциала этой образовательной организации, за исключением работников, основным местом работы которых являются другие высшие образовательные организации;
(б) высокохудожественные произведения, созданные педагогическими кадрами, осуществляющими деятельность в Национальном институте художеств и дизайна имени Камолиддина Бехзода, на основании решения Совета Института приравниваются к монографии;
(в) выпускникам направлений образования бакалавриата и специальностей магистратуры «живопись», «прикладное искусство» и «дизайн», обучавшимся предметам «психология» и «педагогика» в рамках учебной программы Национального института художеств и дизайна имени Камолиддина Бехзода, разрешается преподавать предмет «изобразительное искусство» в общих средних образовательных учреждениях.
9. Совету Министров Республики Каракалпакстан, хокимиятам областей и города Ташкента, а также министерствам, ведомствам и хозяйственным объединениям в целях дальнейшего обогащения эстетического облика инфраструктуры городов и развития градостроительной культуры регулярно включать расходы на закупку творческо-художественных работ в смету строительства социальных объектов, финансируемых за счет средств Государственного бюджета.
10. Академии художеств начиная с 2026 года в рамках средств Государственного бюджета, выделяемых Академии художеств, внедрить систему создания на основе государственного заказа творческих работ таких циклов, как «Пейзажи Нового Узбекистана», «Великие мыслители» и «Герои нашего времени».
11. Министерству экономики и финансов выделить в 2027 году лимит на приобретение и содержание 1 микроавтобуса для центрального аппарата Академии художеств.
12. Внедрить начиная с 1 июля 2025 года следующие виды материального стимулирования работников центрального аппарата Академии художеств и ее Каракалпакского Республиканского отдела за счет средств Государственного бюджета:
(а) ежемесячную надбавку в размере 200 процентов должностного оклада работников;
(б) ежемесячную надбавку за выслугу лет в коэффициентах к должностному окладу работников (за исключением обслуживающего и технического персонала) с учетом коэффициента стимулирования в следующих размерах: от 1 года до 5 лет — 0,3; от 5 до 10 лет — 0,6; от 10 до 15 лет — 0,9; свыше 15 лет — 1,2.
Финансирование предусмотренных настоящим пунктом мероприятий осуществляется в 2025 году в рамках выделенных Академии художеств средств, начиная с 2026 года — за счет средств, предусмотренных на данные цели в параметрах Государственного бюджета, в установленном порядке.
13. Утвердить Программу дополнительных мер по дальнейшему развитию сферы изобразительного и прикладного искусства согласно приложению * .
14. Передать на безвозмездной основе Дирекции художественных выставок здания и сооружения Академии художеств, расположенные по адресу: город Ташкент, Яккасарайский район, улица Шарафа Рашидова, 40 вместе с соответствующей территорией, с правом оперативного управления.
15. Разместить на основе права безвозмездного пользования:
(а) Творческий союз художников — в часть зданий и сооружений Дирекции художественных выставок, расположенных по адресу: город Ташкент, Яккасарайский район, улица Шарафа Рашидова, 40;
(б) Художественную производственную мастерскую при Союзе — в часть зданий и сооружений Фонда Дирекции художественных выставок, расположенных по адресу: город Ташкент, Чиланзарский район, улица Лутфий, 10 а;
(в) редакцию журнала «Sanʼat» — в часть зданий и сооружений Ташкентского дома фотографии, расположенных по адресу: город Ташкент, Мирабадский район, улица Истикбол, 4;
(г) Центр переподготовки и повышения квалификации кадров педагогов и специалистов направлений художественного образования при Академии художеств — в часть зданий и сооружений Республиканской специализированной школы дизайна, расположенных по адресу: город Ташкент, Учтепинский район, улица Ширин, 1 а.
16. Национальной телерадиокомпании Узбекистана, Академии художеств:
(а) на постоянной основе показывать на государственных телеканалах цикл телепрограмм, посвященных творчеству ведущих специалистов сферы изобразительного и прикладного искусства, в целях широкой пропаганды ее истории и сегодняшнего развития;
(б) в двухмесячный срок учредить передачу «Ёшлар ижоди» («Творчество молодежи») на телеканале «Madaniyat va maʼrifat» в целях поддержки и широкой пропаганды деятельности талантливой молодежи в данной сфере;
(в) совместно с Национальным информационным агентством Узбекистана принять меры по широкому разъяснению в средствах массовой информации сути и содержания настоящего постановления, а также мероприятий, связанных с его исполнением.
17. Академии художеств совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
18. Возложить на председателя Академии художеств Узбекистана А.В. Нуридинова персональную ответственность за эффективную организацию исполнения настоящего постановления.
Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Департамента социального развития Администрации Президента Республики Узбекистан О.К. Абдурахманова.
Президент Республики Узбекистан Ш. МИРЗИЁЕВ
г. Ташкент,
1 июля 2025 г.,
№ ПП-212