📅 2025-yil 7-iyul · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 7 июль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 7 июля 2025 г. · Указы Президента
Официальный текст. Официальный документ. Редакционные примечания не включены.
📅 7 July 2025 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Халқаро углерод бирликлари бозорида иштирок этиш чора-тадбирлари тўғрисида
«Ўзбекистон-2030» стратегиясида белгиланган вазифаларни бажариш, республиканинг иссиқхона газлари эмиссиясини глобал миқёсда камайтиришга қўшаётган ҳиссасини янада кенгайтириш ҳамда халқаро углерод бирликлари бозорига чиқишини ташкил этиш орқали инвестицияларни жалб қилиш, шунингдек, кам углеродли ривожланиш лойиҳаларини қўллаб-қувватлаш, иқтисодиёт ва ижтимоий соҳаларда инновацион ва энергия тежамкор технологияларни қўллаш орқали «углерод изи»ни камайтириш мақсадида қарор қиламан:
I. Мақсадлар
1. Халқаро углерод бирликлари бозорида иштирок этиш тартибини жорий этишнинг асосий мақсадлари этиб қуйидагилар белгилансин:
(а) Париж битими талабларига мувофиқ, 2030 йилга қадар ялпи ички маҳсулот бирлигида иссиқхона газлари эмиссиясини 2010 йилги кўрсаткичларга нисбатан 35 фоизга қисқартириш бўйича Ўзбекистон Республикаси мажбуриятининг тўлиқ бажарилишини таъминлаш;
(б) республиканинг иссиқхона газлари эмиссиясини қисқартириш бўйича мавжуд имкониятларидан самарали фойдаланиш ҳамда халқаро углерод бирликлари бозорига чиқишини таъминлаш орқали инвестицияларни жалб этиш.
II. Халқаро углерод бирликлари бозорида иштирок этиш
2. Ўзбекистон Республикасида Париж битимининг 6-моддасига мувофиқ халқаро углерод бирликлари, шунингдек, халқаро юмшатиш натижалари шаклидаги углерод бирликлари (ITMO) (кейинги ўринларда — углерод бирликлари (ITMO) бозорида иштирок этиш тартиби жорий этилсин.
3. Белгилансинки, углерод бирликларини Ўзбекистон Республикасининг Миллий миқёсда белгиланган ҳиссаси (NDC) доирасида қамраб олинган ва иссиқхона газлари хатловида акс эттирилган фаолиятлар турларига мувофиқ ишлаб чиқаришга рухсат берилади. Бунда Ўзбекистон Республикасининг Миллий миқёсда белгиланган ҳиссасининг (NDC) халқаро молиявий кўмак ҳисобига бажариладиган шартли мажбуриятлар қисмида акс эттирилган халқаро углерод бирликлари бозоридаги фаолиятларни амалга оширишга устуворлик берилади.
4. Шундай тартиб ўрнатилсинки, унга мувофиқ:
(а) углерод бирликлари (ITMO)нинг:
(i) 20 фоиз ҳажми барча углерод бирликлари савдосига йўналтириладиган лойиҳалар доирасида Ўзбекистон Республикасининг иссиқхона газлари эмиссиясини қисқартириш бўйича мажбуриятини бажариш ҳамда углерод бирликларини меъёрдан ортиқ сотиш хавфини (overselling risk) камайтириш мақсадида сақлаб қолинади ҳамда ушбу ҳажмни халқаро савдога чиқаришга йўл қўйилмайди;
(ii) 80 фоиз ҳажми халқаро углерод бирликлари бозоридаги савдоларга йўналтирилади, бундан хорижий ва маҳаллий инвесторлар билан давлат-хусусий шериклик ёки бошқа шаклда давлат ташкилотлари ва корхоналари иштирокида (буюртмачилигида) амалга оширилган лойиҳалардан (кейинги ўринларда — давлат иштирокидаги лойиҳалар) юзага келадиган ва Ўзбекистон Республикаси Ҳукумати томонидан тасарруф қилинадиган углерод бирликлари мустасно;
(б) давлат иштирокидаги лойиҳалар доирасида углерод бирликларининг савдога йўналтириладиган миқдори, хизмат кўрсатувчи ташкилотни жалб қилиш ва углерод бирликлари савдосидан тушадиган тушумларни тақсимлаш тартиби Вазирлар Маҳкамаси томонидан белгиланади;
(в) ҳар бир углерод бирлиги учун Давлат бюджетига Вазирлар Маҳкамаси томонидан белгиланадиган миқдорларда йиғим ундирилади.
5. Белгилаб қўйилсинки, углерод бирликлари билан боғлиқ операциялар ҳисобини юритиш Иқтисодиёт ва молия вазирлиги томонидан Миллий углерод бирликлари реестри орқали амалга оширилади.
6. Иқтисодиёт ва молия вазирлиги Экология, атроф-муҳитни муҳофаза қилиш ва иқлим ўзгариши вазирлиги билан биргаликда халқаро молия институтларининг техник кўмагини жалб қилган ҳолда 2026 йил 1 январдан бошлаб Миллий углерод бирликлари реестрини ишга туширсин.
III. Халқаро углерод бирликлари бозорида иштирок этишни мувофиқлаштириш
7. Белгилансинки:
(а) Ўзбекистон Республикасида «яшил» иқтисодиётга ўтиш чораларини мувофиқлаштириш бўйича идоралараро кенгашга (кейинги ўринларда — Кенгаш) қуйидаги қўшимча вазифалар юкланади:
(i) углерод бирликлари (ITMO) савдосида Париж битимининг 6-моддаси билан белгиланган қоидаларга риоя этилишини таъминлаш чораларини кўриш;
(ii) давлат иштирокидаги лойиҳаларни амалга ошириш натижасида юзага келадиган углерод бирликлари (ITMO) савдосининг йиллик ва лойиҳалар кесимида ҳажмини белгилаш;
(б) Париж битимининг 6-моддасига мувофиқ, Барқарор ривожланишни қўллаб-қувватлаш механизми амалга оширилишини мувофиқлаштирувчи ваколатли орган (Designated National Authority — (DNA) — Иқтисодиёт ва молия вазирлигига қуйидаги қўшимча вазифалар юкланади:
(i) халқаро углерод бирликлари бозоридаги иштирокчилар фаолиятини тартибга солиш ва мувофиқлаштириш;
(ii) халқаро углерод бирликлари бозорини самарали ташкил этиш мақсадида амалдаги қонунчилик ҳужжатларини такомиллаштириш бўйича таклифлар ишлаб чиқиш;
(iii) халқаро углерод бирликлари бозори фаолиятини мувофиқлаштиришга оид йўриқномалар ва ҳужжатлар шаклларини ишлаб чиқиш ва тасдиқлаш;
(iv) углерод бирликларини ишлаб чиқариш лойиҳаларини амалга ошириш ва уларни савдога чиқаришга рухсат бериш;
(v) давлат иштирокидаги лойиҳаларни амалга ошириш натижасида юзага келадиган углерод бирликлари савдосининг йиллик ва лойиҳалар кесимида ҳажми бўйича асослантирилган таклифларни ишлаб чиқиш ва Кенгашга тасдиқлаш учун киритиш;
(vi) давлат иштирокидаги лойиҳаларни амалга ошириш натижасида юзага келадиган ва Ўзбекистон Республикаси Ҳукумати томонидан тасарруф қилинадиган углерод бирликлари савдосини ташкил қилиш.
IV. Фармон ижросини ташкил этиш, таъминлаш ва назорат
8. Иқтисодиёт ва молия вазирлиги манфаатдор вазирлик ва идоралар билан биргаликда:
(а) икки ой муддатда халқаро углерод бирликлари бозорларида иштирок этиш ва лойиҳаларни амалга ошириш тартибини назарда тутувчи Халқаро углерод бирликлари бозорида иштирок этиш тартиби тўғрисидаги низомни тасдиқлаш учун Вазирлар Маҳкамасига киритсин;
(б) икки ой муддатда углерод бирликлари савдоси бўйича лойиҳаларни баҳолаш ва уларнинг мамлакатнинг иқлим ўзгариши бўйича халқаро мажбуриятларига таъсирини таҳлил қилиш билан шуғулланувчи ҳамда соҳавий экспертлардан иборат таркибда Углерод бирликлари бозори маслаҳат ишчи гуруҳини тузиш юзасидан Кенгашга таклиф киритсин;
(в) уч ой муддатда қонунчилик ҳужжатларига мазкур Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин;
(г) уч ой муддатда халқаро углерод бирликлари савдосини амалга ошириш бўйича истиқболли лойиҳалар рўйхатини шакллантирсин;
(д) 2026 йил 1 январга қадар Ўзбекистон Республикасининг «Лицензиялаш, рухсат бериш ва хабардор қилиш тартиб-таомиллари тўғрисида»ги Қонунига углерод бирликларини ишлаб чиқариш лойиҳаларини амалга ошириш ва ишлаб чиқарилган углерод бирликларини савдога чиқаришга рухсат бериш ҳамда савдога чиқариладиган ҳажмни тасдиқлашни назарда тутувчи ўзгартириш ва қўшимчалар киритиш юзасидан халқаро тажрибани ўрганиш асосида тегишли таклифларни Вазирлар Маҳкамасига киритсин.
9. Ушбу Фармоннинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров белгилансин.
10. Фармон ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 7 июль,
ПФ-110-сон
Oʻzbekiston Respublikasi Prezidentining
Farmoni
Xalqaro uglerod birliklari bozorida ishtirok etish chora-tadbirlari toʻgʻrisida
“Oʻzbekiston-2030” strategiyasida belgilangan vazifalarni bajarish, respublikaning issiqxona gazlari emissiyasini global miqyosda kamaytirishga qoʻshayotgan hissasini yanada kengaytirish hamda xalqaro uglerod birliklari bozoriga chiqishini tashkil etish orqali investitsiyalarni jalb qilish, shuningdek, kam uglerodli rivojlanish loyihalarini qoʻllab-quvvatlash, iqtisodiyot va ijtimoiy sohalarda innovatsion va energiya tejamkor texnologiyalarni qoʻllash orqali “uglerod izi”ni kamaytirish maqsadida qaror qilaman:
I. Maqsadlar
1. Xalqaro uglerod birliklari bozorida ishtirok etish tartibini joriy etishning asosiy maqsadlari etib quyidagilar belgilansin:
(a) Parij bitimi talablariga muvofiq, 2030-yilga qadar yalpi ichki mahsulot birligida issiqxona gazlari emissiyasini 2010-yilgi koʻrsatkichlarga nisbatan 35 foizga qisqartirish boʻyicha Oʻzbekiston Respublikasi majburiyatining toʻliq bajarilishini taʼminlash;
(b) respublikaning issiqxona gazlari emissiyasini qisqartirish boʻyicha mavjud imkoniyatlaridan samarali foydalanish hamda xalqaro uglerod birliklari bozoriga chiqishini taʼminlash orqali investitsiyalarni jalb etish.
II. Xalqaro uglerod birliklari bozorida ishtirok etish
2. Oʻzbekiston Respublikasida Parij bitimining 6-moddasiga muvofiq xalqaro uglerod birliklari, shuningdek, xalqaro yumshatish natijalari shaklidagi uglerod birliklari (ITMO) (keyingi oʻrinlarda — uglerod birliklari (ITMO) bozorida ishtirok etish tartibi joriy etilsin.
3. Belgilansinki, uglerod birliklarini Oʻzbekiston Respublikasining Milliy miqyosda belgilangan hissasi (NDC) doirasida qamrab olingan va issiqxona gazlari xatlovida aks ettirilgan faoliyatlar turlariga muvofiq ishlab chiqarishga ruxsat beriladi. Bunda Oʻzbekiston Respublikasining Milliy miqyosda belgilangan hissasining (NDC) xalqaro moliyaviy koʻmak hisobiga bajariladigan shartli majburiyatlar qismida aks ettirilgan xalqaro uglerod birliklari bozoridagi faoliyatlarni amalga oshirishga ustuvorlik beriladi.
4. Shunday tartib oʻrnatilsinki, unga muvofiq:
(a) uglerod birliklari (ITMO)ning:
(i) 20 foiz hajmi barcha uglerod birliklari savdosiga yoʻnaltiriladigan loyihalar doirasida Oʻzbekiston Respublikasining issiqxona gazlari emissiyasini qisqartirish boʻyicha majburiyatini bajarish hamda uglerod birliklarini meʼyordan ortiq sotish xavfini (overselling risk) kamaytirish maqsadida saqlab qolinadi hamda ushbu hajmni xalqaro savdoga chiqarishga yoʻl qoʻyilmaydi;
(ii) 80 foiz hajmi xalqaro uglerod birliklari bozoridagi savdolarga yoʻnaltiriladi, bundan xorijiy va mahalliy investorlar bilan davlat-xususiy sheriklik yoki boshqa shaklda davlat tashkilotlari va korxonalari ishtirokida (buyurtmachiligida) amalga oshirilgan loyihalardan (keyingi oʻrinlarda — davlat ishtirokidagi loyihalar) yuzaga keladigan va Oʻzbekiston Respublikasi Hukumati tomonidan tasarruf qilinadigan uglerod birliklari mustasno;
(b) davlat ishtirokidagi loyihalar doirasida uglerod birliklarining savdoga yoʻnaltiriladigan miqdori, xizmat koʻrsatuvchi tashkilotni jalb qilish va uglerod birliklari savdosidan tushadigan tushumlarni taqsimlash tartibi Vazirlar Mahkamasi tomonidan belgilanadi;
(v) har bir uglerod birligi uchun Davlat budjetiga Vazirlar Mahkamasi tomonidan belgilanadigan miqdorlarda yigʻim undiriladi.
5. Belgilab qoʻyilsinki, uglerod birliklari bilan bogʻliq operatsiyalar hisobini yuritish Iqtisodiyot va moliya vazirligi tomonidan Milliy uglerod birliklari reyestri orqali amalga oshiriladi.
6. Iqtisodiyot va moliya vazirligi Ekologiya, atrof-muhitni muhofaza qilish va iqlim oʻzgarishi vazirligi bilan birgalikda xalqaro moliya institutlarining texnik koʻmagini jalb qilgan holda 2026-yil 1-yanvardan boshlab Milliy uglerod birliklari reyestrini ishga tushirsin.
III. Xalqaro uglerod birliklari bozorida ishtirok etishni muvofiqlashtirish
7. Belgilansinki:
(a) Oʻzbekiston Respublikasida “yashil” iqtisodiyotga oʻtish choralarini muvofiqlashtirish boʻyicha idoralararo kengashga (keyingi oʻrinlarda — Kengash) quyidagi qoʻshimcha vazifalar yuklanadi:
(i) uglerod birliklari (ITMO) savdosida Parij bitimining 6-moddasi bilan belgilangan qoidalarga rioya etilishini taʼminlash choralarini koʻrish;
(ii) davlat ishtirokidagi loyihalarni amalga oshirish natijasida yuzaga keladigan uglerod birliklari (ITMO) savdosining yillik va loyihalar kesimida hajmini belgilash;
(b) Parij bitimining 6-moddasiga muvofiq, Barqaror rivojlanishni qoʻllab-quvvatlash mexanizmi amalga oshirilishini muvofiqlashtiruvchi vakolatli organ (Designated National Authority — (DNA) — Iqtisodiyot va moliya vazirligiga quyidagi qoʻshimcha vazifalar yuklanadi:
(i) xalqaro uglerod birliklari bozoridagi ishtirokchilar faoliyatini tartibga solish va muvofiqlashtirish;
(ii) xalqaro uglerod birliklari bozorini samarali tashkil etish maqsadida amaldagi qonunchilik hujjatlarini takomillashtirish boʻyicha takliflar ishlab chiqish;
(iii) xalqaro uglerod birliklari bozori faoliyatini muvofiqlashtirishga oid yoʻriqnomalar va hujjatlar shakllarini ishlab chiqish va tasdiqlash;
(iv) uglerod birliklarini ishlab chiqarish loyihalarini amalga oshirish va ularni savdoga chiqarishga ruxsat berish;
(v) davlat ishtirokidagi loyihalarni amalga oshirish natijasida yuzaga keladigan uglerod birliklari savdosining yillik va loyihalar kesimida hajmi boʻyicha asoslantirilgan takliflarni ishlab chiqish va Kengashga tasdiqlash uchun kiritish;
(vi) davlat ishtirokidagi loyihalarni amalga oshirish natijasida yuzaga keladigan va Oʻzbekiston Respublikasi Hukumati tomonidan tasarruf qilinadigan uglerod birliklari savdosini tashkil qilish.
IV. Farmon ijrosini tashkil etish, taʼminlash va nazorat
8. Iqtisodiyot va moliya vazirligi manfaatdor vazirlik va idoralar bilan birgalikda:
(a) ikki oy muddatda xalqaro uglerod birliklari bozorlarida ishtirok etish va loyihalarni amalga oshirish tartibini nazarda tutuvchi Xalqaro uglerod birliklari bozorida ishtirok etish tartibi toʻgʻrisidagi nizomni tasdiqlash uchun Vazirlar Mahkamasiga kiritsin;
(b) ikki oy muddatda uglerod birliklari savdosi boʻyicha loyihalarni baholash va ularning mamlakatning iqlim oʻzgarishi boʻyicha xalqaro majburiyatlariga taʼsirini tahlil qilish bilan shugʻullanuvchi hamda sohaviy ekspertlardan iborat tarkibda Uglerod birliklari bozori maslahat ishchi guruhini tuzish yuzasidan Kengashga taklif kiritsin;
(v) uch oy muddatda qonunchilik hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin;
(g) uch oy muddatda xalqaro uglerod birliklari savdosini amalga oshirish boʻyicha istiqbolli loyihalar roʻyxatini shakllantirsin;
(d) 2026-yil 1-yanvarga qadar Oʻzbekiston Respublikasining “Litsenziyalash, ruxsat berish va xabardor qilish tartib-taomillari toʻgʻrisida”gi Qonuniga uglerod birliklarini ishlab chiqarish loyihalarini amalga oshirish va ishlab chiqarilgan uglerod birliklarini savdoga chiqarishga ruxsat berish hamda savdoga chiqariladigan hajmni tasdiqlashni nazarda tutuvchi oʻzgartirish va qoʻshimchalar kiritish yuzasidan xalqaro tajribani oʻrganish asosida tegishli takliflarni Vazirlar Mahkamasiga kiritsin.
9. Ushbu Farmonning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov belgilansin.
10. Farmon ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 7-iyul,
PF-110-son
Президента Республики Узбекистан
Указ
О мерах по участию на международном рынке углеродных единиц
В целях исполнения задач, определенных Стратегией «Узбекистан — 2030», дальнейшего увеличения вклада, вносимого республикой в сокращение эмиссии парниковых газов на глобальном уровне, привлечения инвестиций путем организации выхода на международный рынок углеродных единиц, уменьшения «углеродного следа» путем поддержки проектов низкоуглеродного развития, а также использования инновационных и энергосберегающих технологий в экономике и социальной сфере постановляю:
I. Цели
1. Определить основными целями внедрения порядка участия на международном рынке углеродных единиц:
(а) в соответствии с требованиями Парижского соглашения обеспечение полного исполнения обязательств Республики Узбекистан по сокращению до 2030 года эмиссии парниковых газов в единице валового внутреннего продукта на 35 процентов по отношению к показателям 2010 года;
(б) привлечение инвестиций путем эффективного задействования имеющихся возможностей республики по сокращению эмиссии парниковых газов и обеспечения выхода страны на международный рынок углеродных единиц.
II. Участие на международном рынке углеродных единиц
2. В соответствии со статьей 6 Парижского соглашения внедрить в Республике Узбекистан порядок участия на международном рынке углеродных единиц, в том числе в форме передаваемых на международном уровне результатов смягчения последствий (ITMO) (далее — (ITMO) углеродных единиц).
3. Установить, что генерация углеродных единиц разрешается в соответствии с видами деятельности, охваченными в рамках определенного на национальном уровне вклада (NDC) Республики Узбекистан и указанными в инвентаризации парниковых газов. При этом приоритет предоставляется видам деятельности, осуществляемым на международном рынке углеродных единиц, указанным в части условных обязательств определенного на национальном уровне вклада (NDC) Республики Узбекистан, реализуемых за счет средств международного финансового содействия.
4. Установить порядок, в соответствии с которым:
(а) из (ITMO) углеродных единиц:
(i) 20 процентов объема сохраняется для выполнения обязательств Республики Узбекистан по сокращению эмиссии парниковых газов в рамках всех проектов, направленных на реализацию углеродных единиц, и снижения рисков реализации углеродных единиц свыше установленной нормы (overselling risk), а также не допускается выставление вышеуказанного объема на международные торги;
(ii) 80 процентов объема направляется для реализации на международном рынке углеродных единиц, за исключением углеродных единиц, образуемых в результате проектов с зарубежными и отечественными инвесторами, реализованных с участием (по заказу) государственных организаций и предприятий в форме государственно-частного партнерства или в иной форме (далее — проекты с государственным участием), и распоряжение которыми осуществляется Правительством Республики Узбекистан;
(б) объем углеродных единиц, направляемых на реализацию, порядок привлечения обслуживающих организаций и распределения поступлений от реализации углеродных единиц в рамках проектов с государственным участием определяются Кабинетом Министров;
(в) за каждую углеродную единицу взимается сбор в Государственный бюджет в размере, определяемом Кабинетом Министров.
5. Определить, что ведение учета операций, связанных с углеродными единицами, осуществляется Министерством экономики и финансов посредством Национального реестра углеродных единиц.
6. Министерству экономики и финансов совместно с Министерством экологии, охраны окружающей среды и изменения климата с привлечением технического содействия международных финансовых институтов внедрить с 1 января 2026 года Национальный реестр углеродных единиц.
III. Координация участия на международном рынке углеродных единиц
7. Определить, что:
(а) на Межведомственный совет по координации мер по переходу на «зеленую» экономику в Республике Узбекистан (далее — Совет) возлагаются следующие дополнительные задачи:
(i) принятие мер по обеспечению соблюдения правил реализации углеродных единиц (ITMO), установленных статьей 6 Парижского соглашения;
(ii) установление объема в разрезе проектов и годового объема реализации углеродных единиц (ITMO), образуемых в результате осуществления проектов с государственным участием;
(б) на Уполномоченный орган по координации реализации механизма поддержки устойчивого развития в соответствии со статьей 6 Парижского соглашения (Designated National Authority — (DNA) — Министерство экономики и финансов возлагаются следующие дополнительные задачи:
(i) регулирование и координация деятельности участников международного рынка углеродных единиц;
(ii) разработка предложений о совершенствовании действующих актов законодательства в целях эффективной организации международного рынка углеродных единиц;
(iii) разработка и утверждение инструкций и форм документации по координации функционирования международного рынка углеродных единиц;
(iv) осуществление проектов по генерации углеродных единиц и предоставление разрешения для их направления на реализацию;
(v) разработка и внесение на утверждение в Совет обоснованных предложений по реализации углеродных единиц в разрезе проектов и годовому объему, образуемых в результате осуществления проектов с государственным участием;
(vi) организация реализации углеродных единиц, образуемых в результате осуществления проектов с государственным участием, и распоряжение которыми осуществляется Правительством Республики Узбекистан.
IV. Организация, обеспечение и контроль исполнения Указа
8. Министерству экономики и финансов совместно с заинтересованными министерствами и ведомствами:
(а) в двухмесячный срок внести на утверждение в Кабинет Министров Положение о порядке участия на международном рынке углеродных единиц, предусматривающее порядок участия и реализации проектов на международных рынках углеродных единиц;
(б) в двухмесячный срок внести в Совет предложения о формировании Консультативной рабочей группы по рынкам углеродных единиц из числа экспертов, занимающихся оценкой проектов реализации углеродных единиц и их воздействием на международные обязательства страны по изменению климата, и экспертами в данной сфере;
(в) в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа;
(г) в трехмесячный срок сформировать перечень перспективных проектов по осуществлению реализации международных углеродных единиц;
(д) в срок до 1 января 2026 года внести в Кабинет Министров соответствующие предложения по внесению изменений и дополнений в Закон Республики Узбекистан «О лицензировании, разрешительных и уведомительных процедурах», предусматривающие предоставление разрешения на осуществление проектов по генерации углеродных единиц и выставление для реализации образованных углеродных единиц, а также утверждение объема углеродных единиц, выставляемых на реализацию.
9. Возложить на заместителя Премьер-министра Д.А. Кучкарова персональную ответственность за эффективную организацию исполнения настоящего Указа.
10. Обсуждение хода исполнения настоящего Указа, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
7 июля 2025 г.,
№ УП-110