📅 2025-yil 10-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 10 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 10 июля 2025 г. · Постановления Президента
Официальный текст. Официальный документ. Редакционные примечания не включены.
📅 10 July 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ТАРКИБИ
Ўзбекистон Республикаси давлат мустақиллигининг ўттиз тўрт йиллик байрамига тайёргарлик кўриш ва уни ўтказиш тўғрисида
[Кўчирма]
Дунёдаги ҳар бир давлатнинг миллий суверенитети ва мустақиллиги шу мамлакатнинг халқаро ҳуқуқ субъекти сифатида жаҳон ҳамжамиятидан муносиб ўрин эгаллаши, ўз халқининг тинч ва фаровон ҳаётини, унинг энг муҳим манфаатларини таъминлашга хизмат қиладиган мустаҳкам сиёсий-ижтимоий замин ва куч-қудрат манбаидир.
Ҳеч шубҳасиз, 1991 йил 31 августда мард ва олижаноб халқимизнинг хоҳиш-иродаси ва азму қарори билан қўлга киритилган миллий истиқлолимиз Янги Ўзбекистонни барпо этиш йўлидаги барча ислоҳотларимиз ҳал қилувчи босқичга кираётган бугунги тарихий шароитда ҳар қачонгидан ҳам муҳим аҳамият касб этмоқда.
Айнан мустақиллик, барча сиёсий-ҳуқуқий кафолатларни ўзида мужассам этган ҳолда, «Ўзбекистон — 2030» стратегиямизни амалга ошириш, жамиятимизда тинчлик, дўстлик ва ҳамжиҳатлик муҳитини кучайтириш, инсон қадри, ҳуқуқ ва манфаатларини таъминлаш, минтақамизда яхши қўшничилик алоқаларини янада ривожлантириш, дунё мамлакатлари билан фаол ҳамкорлик қилиш, Ватанимизнинг халқаро миқёсдаги обрў-эътиборини юксалтиришда беқиёс таянч бўлиб хизмат қилмоқда.
Мамлакатимиз мустақиллигининг ана шундай улкан аҳамиятини инобатга олиб, миллий истиқлолимизнинг ўттиз тўрт йиллик шонли санасини Янги Ўзбекистоннинг тараққиёт даражаси, жаҳон майдонидаги обрў-эътиборига ҳар томонлама муносиб тарзда, юксак савияда нишонлаш мақсадида қарор қиламан:
1. Маданият вазирлиги, Республика Маънавият ва маърифат маркази, Ёзувчилар уюшмаси, Ёшлар ишлари агентлиги томонидан ишлаб чиқилган «Ватан учун, миллат учун, халқ учун!» деган эзгу ғояни ўзида мужассам этган Ўзбекистон Республикаси давлат мустақиллигининг ўттиз тўрт йиллигига бағишланган байрам тадбирларининг ғоявий-бадиий концепцияси (кейинги ўринларда — Концепция) 1-иловага * мувофиқ маъқуллансин.
2. Ўзбекистон Республикаси давлат мустақиллигининг ўттиз тўрт йиллик байрамига тайёргарлик кўриш ва уни ўтказиш бўйича республика комиссияси (кейинги ўринларда — Республика комиссияси) тузилсин ҳамда унинг таркиби 2-иловага мувофиқ тасдиқлансин.
3. Республика комиссияси (А. Арипов):
(а) Ўзбекистон Республикаси давлат мустақиллигининг ўттиз тўрт йиллик байрами (кейинги ўринларда — Мустақиллик байрами) Қорақалпоғистон Республикаси, вилоятлар марказлари ва Тошкент шаҳрида, шунингдек, барча шаҳар ва туманлар, қишлоқ ва овулларда муносиб нишонланишини таъминлаш учун Концепциянинг асосий маъно-мазмуни ва йўналишларидан келиб чиққан ҳолда тегишли чора-тадбирлар дастурларининг ишлаб чиқилиши ва бажарилишини таъминласин;
(б) жойларда Мустақиллик байрамининг юртимиз тараққиёти ва халқимиз фаровонлигини таъминлаш борасидаги аҳамиятига бағишланган маънавий-маърифий анжуманлар, очиқ мулоқот ва суҳбатлар, адабий-бадиий кечалар, миллий кино кунлари, умумхалқ сайиллари, маданият ва спорт тадбирларини самарали ўтказиш мақсадида таниқли илм-фан намояндалари, ижодкорлар, маданият ва санъат арбоблари, спортчилар, жамоатчилик вакилларидан иборат тарғибот гуруҳларини ташкил этсин ҳамда уларнинг аниқ режа асосида фаолият юритиши учун зарур шарт-шароит яратиб берсин;
(в) мазкур йўналишда белгиланган чора-тадбирларнинг амалга оширилиши юзасидан ҳар бир ҳудуд, вазирлик ва идора раҳбарларининг ҳисоботларини Республика комиссияси йиғилишларида мунтазам равишда эшитиб борсин.
4. Қорақалпоғистон Республикаси, вилоятлар ва Тошкент шаҳрида ўтказиладиган асосий байрам тадбирларининг дастурларини тайёрлашга юқори профессионал маҳорат ва тажрибага эга бўлган сценарист ва режиссёрлар, ёзувчи ва шоирлар, бастакор ва балетмейстерлар, саҳна рассомлари, истеъдодли ёш ижрочилар, мақом ва бахшичилик санъати вакилларидан иборат ижодий гуруҳлар кенг жалб этилсин.
5. Мустақиллик байрамига бағишланган чора-тадбирларни амалга оширишда қуйидаги устувор йўналишларга алоҳида эътибор қаратилсин:
(а) Янги Ўзбекистонни барпо этиш бўйича саккиз йил олдин бошлаган кенг кўламли ислоҳотларимиз туфайли жамиятимизнинг ижтимоий-сиёсий манзараси бутунлай ўзгариб бораётгани;
(б) қисқа муддатда мамлакатимиз иқтисодиёти шиддат билан ўсиб, ялпи ички маҳсулотимиз ҳажми тарихда биринчи марта 110 миллиард АҚШ долларидан ошгани, «яшил» ва инновацион иқтисодиётга ўтиш, муқобил энергия манбаларини яратиш бўйича улкан дастур ва лойиҳалар амалга оширилаётгани;
(в) янгиланган Конституциямизда белгиланганидек, Ўзбекистон тобора инсон қадри, унинг ҳуқуқ ва манфаатлари улуғланадиган ижтимоий давлатга айланиб бораётгани, бандликни таъминлаш, замонавий иш ўринларини кўпайтириш, камбағалликни қисқартириш, ёрдамга муҳтож тоифаларни қўллаб-қувватлаш бўйича давлат дастурлари катта ижобий натижалар бераётгани;
(г) таълим соҳасидаги ислоҳотлар илгари тарихимизда мисли кўрилмаган ўзгаришларга олиб келаётгани, мактабгача таълим тизимида қамров 2017 йилдаги 27 фоиздан ҳозирги пайтда 77 фоизга, олий таълимда эса 9 фоиздан 42 фоизга етгани, юртимизда ижод мактаблари, ихтисослашган мактаблар ва Президент мактаблари каби янги моделдаги мактаблар тизими пайдо бўлгани;
(д) соғлиқни сақлаш, илм-фан, IT, маданият, адабиёт ва санъат соҳалари ривожига ҳам катта эътибор берилаётгани, Париж Олимпиадаси ва Паралимпиадасида спортчиларимиз илк бор кучли ўн бешталикдан жой олгани, футбол бўйича 17 ёшгача ўсмирлар жамоамиз, шунингдек, миллий терма жамоамиз Ўзбекистон тарихида биринчи марта жаҳон чемпионатига йўлланмани қўлга киритгани;
(е) «Ёшлар — Янги Ўзбекистон бунёдкорлари» деган шиор остида навқирон авлодимизнинг замонавий билим ва касб-ҳунарлар, она тили билан бирга хорижий тилларни, IT технологияларини эгаллашлари, тадбиркорлик билан шуғулланишлари, истеъдод ва қобилиятини рўёбга чиқаришлари учун ҳар томонлама қулай шарт-шароит яратиб берилаётгани, бунга жавобан ўғил-қизларимиз турли соҳаларда дастлабки қувончли ютуқларга эришаётганлари;
(ж) кейинги йилларда шаҳар ва қишлоқларимиз жадал суръатлар билан обод бўлиб бораётгани, «Янги Ўзбекистон» уй-жой мавзеларини барпо этиш, «Обод қишлоқ», «Обод маҳалла» дастурлари доирасида улкан ишлар амалга оширилаётгани, смарт ва инновацион шаҳарсозлик асосида янги шаҳарлар барпо этилиб, ижтимоий инфратузилма тармоқлари ривожланаётгани;
(з) кўп миллатли ва кўп конфессияли жамиятимиздаги тинчлик, ўзаро дўстлик ва ҳамжиҳатлик муҳити — бизнинг бебаҳо бойлигимиз экани, уни асраб-авайлаш ва мустаҳкамлаш барчамизнинг муқаддас бурчимиз бўлиб қолиши зарурлиги;
(и) «Армия ва халқ — бир тану бир жондир!» деган шиор асосида Қуролли Кучларимизнинг жанговар салоҳиятини ошириш, мард ва жасур аскар ва офицерларимизнинг жисмоний, маънавий-руҳий тайёргарлигини юксалтириш, ёшларни ватанпарварлик руҳида тарбиялаш борасидаги ишлар амалга оширилаётгани;
(к) Ўзбекистоннинг Марказий Осиё минтақасида яхши қўшничилик, ҳамкорлик ва интеграция жараёнларини кучайтиришдаги ўрни ва нуфузи ортиб, янги босқичга кўтарилаётгани;
(л) Янги Ўзбекистоннинг жаҳон ҳамжамиятида очиқ, демократик ва дунёвий давлат сифатидаги обрў-эътибори ва нуфузи тобора юксалиб бораётгани.
6. Маданият вазирлиги (О. Назарбеков):
(а) Республика Маънавият ва маърифат маркази, Ёзувчилар уюшмаси билан биргаликда бир ҳафта муддатда Тошкент шаҳрида Мустақиллик байрамига бағишлаб ўтказиладиган асосий байрам тадбирининг дастури ва сценарийсини Концепция асосида ишлаб чиқсин ҳамда уни юксак ғоявий-бадиий савияда тайёрлаш чораларини кўрсин;
(б) Бадиий академия, Ёзувчилар уюшмаси, Журналистлар уюшмаси билан биргаликда «Она диёр — ранглар жилосида», «Ватан учун яшайлик!», «Энг улуғ, энг азиз» каби анъанавий кўрик-танловларни юқори даражада ўтказишни таъминласин;
(в) Композиторлар ва бастакорлар уюшмаси, Ёзувчилар уюшмаси билан биргаликда юртимиз истиқлолини тараннум этадиган энг яхши қўшиқ ва мусиқа асарлари танловларининг якуний босқичини ўтказсин;
(г) мазкур танловларнинг ғолиб ва совриндорларини Мустақиллик байрами арафасида эълон қилиш ва тантанали равишда тақдирлаш чораларини кўрсин.
7. Белгилаб қўйилсинки, ўтказиладиган байрам тадбирлари:
(а) Қорақалпоғистон Республикаси ва вилоятларда — тегишли маҳаллий бюджетларнинг қўшимча манбалари ҳамда жисмоний ва юридик шахсларнинг ихтиёрийлик асосидаги ҳомийлик хайриялари ҳисобидан;
(б) Тошкент шаҳрида — Республика комиссияси томонидан тасдиқланадиган харажатлар сметасига мувофиқ Ўзбекистон Республикаси республика бюджети ва Тошкент шаҳар маҳаллий бюджети маблағлари ҳисобидан тенг улушларда молиялаштирилади.
8. Ўзбекистон Миллий телерадиокомпанияси, Ўзбекистон Миллий ахборот агентлиги, «Дунё» ахборот агентлиги ва бошқа оммавий ахборот воситаларига Мустақиллик байрамига тайёргарлик кўриш ва уни ўтказиш бўйича амалга оширилаётган ишларни кенг ёритиб бориш тавсия этилсин.
9. Ушбу қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси Ижтимоий ривожланиш департаменти раҳбари О.Қ. Абдураҳмонов зиммасига юклансин.
Ўзбекистон Республикаси Президентининг 2025 йил 10 июлдаги ПҚ-222-сон қарорига 2-ИЛОВА
Ўзбекистон Республикаси давлат мустақиллигининг ўттиз тўрт йиллик байрамига тайёргарлик кўриш ва уни ўтказиш бўйича республика комиссиясининг
1. А. Арипов — Ўзбекистон Республикаси Бош вазири, Республика комиссияси раиси 2. Х. Султонов — Ўзбекистон Республикаси Президентининг маслаҳатчиси 3. Р. Давлетов — Ўзбекистон Республикаси Президентининг маслаҳатчиси 4. О. Абдураҳмонов — Ўзбекистон Республикаси Президенти Администрацияси Ижтимоий ривожланиш департаменти раҳбари 5. З. Махкамова — Ўзбекистон Республикаси Бош вазирининг ўринбосари 6. О. Назарбеков — маданият вазири, Республика комиссияси раисининг ўринбосари 7. Ш. Умурзаков — Тошкент шаҳар ҳокими, Республика комиссияси раисининг ўринбосари 8. Б. Саидов — ташқи ишлар вазири 9. Ш. Халмухамедов — мудофаа вазири 10. А. Ташпулатов — ички ишлар вазири 11. Б. Кудратходжаев — фавқулодда вазиятлар вазири 12. Р. Джураев — Миллий гвардия қўмондони 13. К. Шарипов — олий таълим, фан ва инновациялар вазири 14. Х. Умарова — мактабгача ва мактаб таълими вазири 15. Б. Захидов — камбағалликни қисқартириш ва бандлик вазири 16. Ш. Шерматов — рақамли технологиялар вазири 17. А. Икрамов — спорт вазири 18. А. Худаяров — соғлиқни сақлаш вазири 19. И. Норқулов — иқтисодиёт ва молия вазирининг биринчи ўринбосари 20. К. Куранбаев — Ўзбекистон маҳаллалари уюшмаси раиси 21. Қ. Рафиков — Ўзбекистон касаба уюшмалари федерацияси раиси 22. С. Турдиев — Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси республика бошқаруви раиси 23. Ш. Аюпов — Фанлар академияси президенти 24. А. Ходжаев — Ахборот ва оммавий коммуникациялар агентлиги директори 25. Қ. Сариев — Миллатлараро муносабатлар ва хориждаги ватандошлар масалалари бўйича қўмита раиси 26. Ш. Ризаев — Кинематография агентлиги директори в.б. 27. А. Саъдуллаев — Ёшлар ишлари агентлиги директори 28. А. Жў рабоев — Ўзбекистон миллий телерадиокомпанияси раиси 29. А. Кўчимов — Ўзбекистон миллий ахборот агентлиги бош директори 30. А. Нуридинов — Ўзбекистон Бадиий академияси раиси 31. О. Ҳасанов — Республика Маънавият ва маърифат маркази раҳбари 32. С. Саидов — Ўзбекистон Ёзувчилар уюшмаси раиси 33. Р. Абдуллаев — Ўзбекистон композиторлари ва бастакорлари уюшмаси раиси 34. Ш. Қудратхўжа — Ўзбекистон миллий медиа бирлашмаси раиси 35. Х. Салимов — Ўзбекистон Журналистлар уюшмаси раиси ўринбосари 36. Б. Ҳасанов — Вазирлар Маҳкамаси ҳузуридаги Қатағон қурбонлари хотираси давлат музейи директори 37. Лавозимига кўра — Қорақалпоғистон Республикаси Вазирлар Кенгаши Раиси ва вилоятлар ҳокимлари 38. Р. Азимов — Вазирлар Маҳкамаси бўлим бошлиғи, Республика комиссияси котиби
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 10 июль,
ПҚ-222-сон
Oʻzbekiston Respublikasi Prezidentining
qarori
TARKIBI
Oʻzbekiston Respublikasi davlat mustaqilligining oʻttiz toʻrt yillik bayramiga tayyorgarlik koʻrish va uni oʻtkazish toʻgʻrisida
[Koʻchirma]
Dunyodagi har bir davlatning milliy suvereniteti va mustaqilligi shu mamlakatning xalqaro huquq subyekti sifatida jahon hamjamiyatidan munosib oʻrin egallashi, oʻz xalqining tinch va farovon hayotini, uning eng muhim manfaatlarini taʼminlashga xizmat qiladigan mustahkam siyosiy-ijtimoiy zamin va kuch-qudrat manbaidir.
Hech shubhasiz, 1991-yil 31-avgustda mard va olijanob xalqimizning xohish-irodasi va azmu qarori bilan qoʻlga kiritilgan milliy istiqlolimiz Yangi Oʻzbekistonni barpo etish yoʻlidagi barcha islohotlarimiz hal qiluvchi bosqichga kirayotgan bugungi tarixiy sharoitda har qachongidan ham muhim ahamiyat kasb etmoqda.
Aynan mustaqillik, barcha siyosiy-huquqiy kafolatlarni oʻzida mujassam etgan holda, “Oʻzbekiston — 2030” strategiyamizni amalga oshirish, jamiyatimizda tinchlik, doʻstlik va hamjihatlik muhitini kuchaytirish, inson qadri, huquq va manfaatlarini taʼminlash, mintaqamizda yaxshi qoʻshnichilik aloqalarini yanada rivojlantirish, dunyo mamlakatlari bilan faol hamkorlik qilish, Vatanimizning xalqaro miqyosdagi obroʻ-eʼtiborini yuksaltirishda beqiyos tayanch boʻlib xizmat qilmoqda.
Mamlakatimiz mustaqilligining ana shunday ulkan ahamiyatini inobatga olib, milliy istiqlolimizning oʻttiz toʻrt yillik shonli sanasini Yangi Oʻzbekistonning taraqqiyot darajasi, jahon maydonidagi obroʻ-eʼtiboriga har tomonlama munosib tarzda, yuksak saviyada nishonlash maqsadida qaror qilaman:
1. Madaniyat vazirligi, Respublika Maʼnaviyat va maʼrifat markazi, Yozuvchilar uyushmasi, Yoshlar ishlari agentligi tomonidan ishlab chiqilgan “Vatan uchun, millat uchun, xalq uchun!” degan ezgu gʻoyani oʻzida mujassam etgan Oʻzbekiston Respublikasi davlat mustaqilligining oʻttiz toʻrt yilligiga bagʻishlangan bayram tadbirlarining gʻoyaviy-badiiy konsepsiyasi (keyingi oʻrinlarda — Konsepsiya) 1-ilovaga * muvofiq maʼqullansin.
2. Oʻzbekiston Respublikasi davlat mustaqilligining oʻttiz toʻrt yillik bayramiga tayyorgarlik koʻrish va uni oʻtkazish boʻyicha respublika komissiyasi (keyingi oʻrinlarda — Respublika komissiyasi) tuzilsin hamda uning tarkibi 2-ilovaga muvofiq tasdiqlansin.
3. Respublika komissiyasi (A. Aripov):
(a) Oʻzbekiston Respublikasi davlat mustaqilligining oʻttiz toʻrt yillik bayrami (keyingi oʻrinlarda — Mustaqillik bayrami) Qoraqalpogʻiston Respublikasi, viloyatlar markazlari va Toshkent shahrida, shuningdek, barcha shahar va tumanlar, qishloq va ovullarda munosib nishonlanishini taʼminlash uchun Konsepsiyaning asosiy maʼno-mazmuni va yoʻnalishlaridan kelib chiqqan holda tegishli chora-tadbirlar dasturlarining ishlab chiqilishi va bajarilishini taʼminlasin;
(b) joylarda Mustaqillik bayramining yurtimiz taraqqiyoti va xalqimiz farovonligini taʼminlash borasidagi ahamiyatiga bagʻishlangan maʼnaviy-maʼrifiy anjumanlar, ochiq muloqot va suhbatlar, adabiy-badiiy kechalar, milliy kino kunlari, umumxalq sayillari, madaniyat va sport tadbirlarini samarali oʻtkazish maqsadida taniqli ilm-fan namoyandalari, ijodkorlar, madaniyat va sanʼat arboblari, sportchilar, jamoatchilik vakillaridan iborat targʻibot guruhlarini tashkil etsin hamda ularning aniq reja asosida faoliyat yuritishi uchun zarur shart-sharoit yaratib bersin;
(v) mazkur yoʻnalishda belgilangan chora-tadbirlarning amalga oshirilishi yuzasidan har bir hudud, vazirlik va idora rahbarlarining hisobotlarini Respublika komissiyasi yigʻilishlarida muntazam ravishda eshitib borsin.
4. Qoraqalpogʻiston Respublikasi, viloyatlar va Toshkent shahrida oʻtkaziladigan asosiy bayram tadbirlarining dasturlarini tayyorlashga yuqori professional mahorat va tajribaga ega boʻlgan ssenarist va rejissorlar, yozuvchi va shoirlar, bastakor va baletmeysterlar, sahna rassomlari, isteʼdodli yosh ijrochilar, maqom va baxshichilik sanʼati vakillaridan iborat ijodiy guruhlar keng jalb etilsin.
5. Mustaqillik bayramiga bagʻishlangan chora-tadbirlarni amalga oshirishda quyidagi ustuvor yoʻnalishlarga alohida eʼtibor qaratilsin:
(a) Yangi Oʻzbekistonni barpo etish boʻyicha sakkiz yil oldin boshlagan keng koʻlamli islohotlarimiz tufayli jamiyatimizning ijtimoiy-siyosiy manzarasi butunlay oʻzgarib borayotgani;
(b) qisqa muddatda mamlakatimiz iqtisodiyoti shiddat bilan oʻsib, yalpi ichki mahsulotimiz hajmi tarixda birinchi marta 110 milliard AQSH dollaridan oshgani, “yashil” va innovatsion iqtisodiyotga oʻtish, muqobil energiya manbalarini yaratish boʻyicha ulkan dastur va loyihalar amalga oshirilayotgani;
(v) yangilangan Konstitutsiyamizda belgilanganidek, Oʻzbekiston tobora inson qadri, uning huquq va manfaatlari ulugʻlanadigan ijtimoiy davlatga aylanib borayotgani, bandlikni taʼminlash, zamonaviy ish oʻrinlarini koʻpaytirish, kambagʻallikni qisqartirish, yordamga muhtoj toifalarni qoʻllab-quvvatlash boʻyicha davlat dasturlari katta ijobiy natijalar berayotgani;
(g) taʼlim sohasidagi islohotlar ilgari tariximizda misli koʻrilmagan oʻzgarishlarga olib kelayotgani, maktabgacha taʼlim tizimida qamrov 2017-yildagi 27 foizdan hozirgi paytda 77 foizga, oliy taʼlimda esa 9 foizdan 42 foizga yetgani, yurtimizda ijod maktablari, ixtisoslashgan maktablar va Prezident maktablari kabi yangi modeldagi maktablar tizimi paydo boʻlgani;
(d) sogʻliqni saqlash, ilm-fan, IT, madaniyat, adabiyot va sanʼat sohalari rivojiga ham katta eʼtibor berilayotgani, Parij Olimpiadasi va Paralimpiadasida sportchilarimiz ilk bor kuchli oʻn beshtalikdan joy olgani, futbol boʻyicha 17 yoshgacha oʻsmirlar jamoamiz, shuningdek, milliy terma jamoamiz Oʻzbekiston tarixida birinchi marta jahon chempionatiga yoʻllanmani qoʻlga kiritgani;
(e) “Yoshlar — Yangi Oʻzbekiston bunyodkorlari” degan shior ostida navqiron avlodimizning zamonaviy bilim va kasb-hunarlar, ona tili bilan birga xorijiy tillarni, IT texnologiyalarini egallashlari, tadbirkorlik bilan shugʻullanishlari, isteʼdod va qobiliyatini roʻyobga chiqarishlari uchun har tomonlama qulay shart-sharoit yaratib berilayotgani, bunga javoban oʻgʻil-qizlarimiz turli sohalarda dastlabki quvonchli yutuqlarga erishayotganlari;
(j) keyingi yillarda shahar va qishloqlarimiz jadal surʼatlar bilan obod boʻlib borayotgani, “Yangi Oʻzbekiston” uy-joy mavzelarini barpo etish, “Obod qishloq”, “Obod mahalla” dasturlari doirasida ulkan ishlar amalga oshirilayotgani, smart va innovatsion shaharsozlik asosida yangi shaharlar barpo etilib, ijtimoiy infratuzilma tarmoqlari rivojlanayotgani;
(z) koʻp millatli va koʻp konfessiyali jamiyatimizdagi tinchlik, oʻzaro doʻstlik va hamjihatlik muhiti — bizning bebaho boyligimiz ekani, uni asrab-avaylash va mustahkamlash barchamizning muqaddas burchimiz boʻlib qolishi zarurligi;
(i) “Armiya va xalq — bir tanu bir jondir!” degan shior asosida Qurolli Kuchlarimizning jangovar salohiyatini oshirish, mard va jasur askar va ofitserlarimizning jismoniy, maʼnaviy-ruhiy tayyorgarligini yuksaltirish, yoshlarni vatanparvarlik ruhida tarbiyalash borasidagi ishlar amalga oshirilayotgani;
(k) Oʻzbekistonning Markaziy Osiyo mintaqasida yaxshi qoʻshnichilik, hamkorlik va integratsiya jarayonlarini kuchaytirishdagi oʻrni va nufuzi ortib, yangi bosqichga koʻtarilayotgani;
(l) Yangi Oʻzbekistonning jahon hamjamiyatida ochiq, demokratik va dunyoviy davlat sifatidagi obroʻ-eʼtibori va nufuzi tobora yuksalib borayotgani.
6. Madaniyat vazirligi (O. Nazarbekov):
(a) Respublika Maʼnaviyat va maʼrifat markazi, Yozuvchilar uyushmasi bilan birgalikda bir hafta muddatda Toshkent shahrida Mustaqillik bayramiga bagʻishlab oʻtkaziladigan asosiy bayram tadbirining dasturi va ssenariysini Konsepsiya asosida ishlab chiqsin hamda uni yuksak gʻoyaviy-badiiy saviyada tayyorlash choralarini koʻrsin;
(b) Badiiy akademiya, Yozuvchilar uyushmasi, Jurnalistlar uyushmasi bilan birgalikda “Ona diyor — ranglar jilosida”, “Vatan uchun yashaylik!”, “Eng ulugʻ, eng aziz” kabi anʼanaviy koʻrik-tanlovlarni yuqori darajada oʻtkazishni taʼminlasin;
(v) Kompozitorlar va bastakorlar uyushmasi, Yozuvchilar uyushmasi bilan birgalikda yurtimiz istiqlolini tarannum etadigan eng yaxshi qoʻshiq va musiqa asarlari tanlovlarining yakuniy bosqichini oʻtkazsin;
(g) mazkur tanlovlarning gʻolib va sovrindorlarini Mustaqillik bayrami arafasida eʼlon qilish va tantanali ravishda taqdirlash choralarini koʻrsin.
7. Belgilab qoʻyilsinki, oʻtkaziladigan bayram tadbirlari:
(a) Qoraqalpogʻiston Respublikasi va viloyatlarda — tegishli mahalliy budjetlarning qoʻshimcha manbalari hamda jismoniy va yuridik shaxslarning ixtiyoriylik asosidagi homiylik xayriyalari hisobidan;
(b) Toshkent shahrida — Respublika komissiyasi tomonidan tasdiqlanadigan xarajatlar smetasiga muvofiq Oʻzbekiston Respublikasi respublika budjeti va Toshkent shahar mahalliy budjeti mablagʻlari hisobidan teng ulushlarda moliyalashtiriladi.
8. Oʻzbekiston Milliy teleradiokompaniyasi, Oʻzbekiston Milliy axborot agentligi, “Dunyo” axborot agentligi va boshqa ommaviy axborot vositalariga Mustaqillik bayramiga tayyorgarlik koʻrish va uni oʻtkazish boʻyicha amalga oshirilayotgan ishlarni keng yoritib borish tavsiya etilsin.
9. Ushbu qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari O.Q. Abdurahmonov zimmasiga yuklansin.
Oʻzbekiston Respublikasi Prezidentining 2025-yil 10-iyuldagi PQ-222-son qaroriga 2-ILOVA
Oʻzbekiston Respublikasi davlat mustaqilligining oʻttiz toʻrt yillik bayramiga tayyorgarlik koʻrish va uni oʻtkazish boʻyicha respublika komissiyasining
1. A. Aripov — Oʻzbekiston Respublikasi Bosh vaziri, Respublika komissiyasi raisi 2. X. Sultonov — Oʻzbekiston Respublikasi Prezidentining maslahatchisi 3. R. Davletov — Oʻzbekiston Respublikasi Prezidentining maslahatchisi 4. O. Abdurahmonov — Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari 5. Z. Maxkamova — Oʻzbekiston Respublikasi Bosh vazirining oʻrinbosari 6. O. Nazarbekov — madaniyat vaziri, Respublika komissiyasi raisining oʻrinbosari 7. Sh. Umurzakov — Toshkent shahar hokimi, Respublika komissiyasi raisining oʻrinbosari 8. B. Saidov — tashqi ishlar vaziri 9. Sh. Xalmuxamedov — mudofaa vaziri 10. A. Tashpulatov — ichki ishlar vaziri 11. B. Kudratxodjayev — favqulodda vaziyatlar vaziri 12. R. Djurayev — Milliy gvardiya qoʻmondoni 13. K. Sharipov — oliy taʼlim, fan va innovatsiyalar vaziri 14. X. Umarova — maktabgacha va maktab taʼlimi vaziri 15. B. Zaxidov — kambagʻallikni qisqartirish va bandlik vaziri 16. Sh. Shermatov — raqamli texnologiyalar vaziri 17. A. Ikramov — sport vaziri 18. A. Xudayarov — sogʻliqni saqlash vaziri 19. I. Norqulov — iqtisodiyot va moliya vazirining birinchi oʻrinbosari 20. K. Kuranbayev — Oʻzbekiston mahallalari uyushmasi raisi 21. Q. Rafikov — Oʻzbekiston kasaba uyushmalari federatsiyasi raisi 22. S. Turdiyev — Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasi respublika boshqaruvi raisi 23. Sh. Ayupov — Fanlar akademiyasi prezidenti 24. A. Xodjayev — Axborot va ommaviy kommunikatsiyalar agentligi direktori 25. Q. Sariyev — Millatlararo munosabatlar va xorijdagi vatandoshlar masalalari boʻyicha qoʻmita raisi 26. Sh. Rizayev — Kinematografiya agentligi direktori v.b. 27. A. Saʼdullayev — Yoshlar ishlari agentligi direktori 28. A. Joʻ raboyev — Oʻzbekiston milliy teleradiokompaniyasi raisi 29. A. Koʻchimov — Oʻzbekiston milliy axborot agentligi bosh direktori 30. A. Nuridinov — Oʻzbekiston Badiiy akademiyasi raisi 31. O. Hasanov — Respublika Maʼnaviyat va maʼrifat markazi rahbari 32. S. Saidov — Oʻzbekiston Yozuvchilar uyushmasi raisi 33. R. Abdullayev — Oʻzbekiston kompozitorlari va bastakorlari uyushmasi raisi 34. Sh. Qudratxoʻja — Oʻzbekiston milliy media birlashmasi raisi 35. X. Salimov — Oʻzbekiston Jurnalistlar uyushmasi raisi oʻrinbosari 36. B. Hasanov — Vazirlar Mahkamasi huzuridagi Qatagʻon qurbonlari xotirasi davlat muzeyi direktori 37. Lavozimiga koʻra — Qoraqalpogʻiston Respublikasi Vazirlar Kengashi Raisi va viloyatlar hokimlari 38. R. Azimov — Vazirlar Mahkamasi boʻlim boshligʻi, Respublika komissiyasi kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 10-iyul,
PQ-222-son
Президента Республики Узбекистан
Постановление
О подготовке и проведении празднования тридцать четвертой годовщины государственной независимости Республики Узбекистан
Национальный суверенитет и независимость любого государства в мире — это надежный политический и социальный фундамент, источник силы и могущества, который служит обретению страной как субъектом международного права достойного места в мировом сообществе, обеспечению мирной и благополучной жизни народа, его важнейших интересов.
Наша национальная независимость, провозглашенная 31 августа 1991 года благодаря непоколебимой воле и решимости нашего мужественного народа, несомненно, имеет чрезвычайно важное значение в сегодняшних исторических условиях, когда все наши реформы на пути построения Нового Узбекистана вступают в решающий этап.
Именно независимость, воплотившая в себе все политико-правовые гарантии, служит прочной опорой в реализации Стратегии «Узбекистан — 2030», укреплении в обществе атмосферы мира, дружбы и согласия, обеспечении прав и интересов, чести и достоинства человека, дальнейшем развитии добрососедских связей в регионе, активном сотрудничестве со странами мира, повышении авторитета нашей Родины в международном масштабе.
Учитывая столь огромное значение независимости страны, в целях всесторонне достойного празднования на высоком уровне славной даты — тридцать четвертой годовщины национальной независимости в соответствии с уровнем развития Нового Узбекистана, его авторитетом на мировой арене постановляю:
1. Одобрить идейно-художественную концепцию праздничных мероприятий, посвященных тридцать четвертой годовщине государственной независимости Республики Узбекистан (далее — Концепция), воплощающую благородную идею «Во имя Родины, во имя нации, во имя народа!», разработанную Министерством культуры, Республиканским центром духовности и просветительства, Союзом писателей, Агентством по делам молодежи, согласно приложению № 1 * .
2. Создать Республиканскую комиссию по подготовке и проведению празднования тридцать четвертой годовщины государственной независимости Республики Узбекистан (далее — Республиканская комиссия) и утвердить ее состав согласно приложению № 2 * .
3. Республиканской комиссии (А. Арипов):
(а) в целях обеспечения достойного празднования тридцать четвертой годовщины государственной независимости Республики Узбекистан (далее — Праздник независимости) в Республике Каракалпакстан, областных центрах и городе Ташкенте, а также во всех городах и районах, селах и аулах обеспечить разработку и исполнение программ соответствующих мероприятий, исходя из основной сути и направлений Концепции;
(б) для эффективного проведения на местах духовно-просветительских конференций, открытых диалогов и бесед, литературно-художественных вечеров, дней национального кино, всенародных гуляний, культурных и спортивных мероприятий, посвященных значению Праздника независимости в развитии страны и обеспечении благосостояния народа, образовать пропагандистские группы из числа известных деятелей науки, культуры и искусства, творческих работников, спортсменов, представителей общественности, а также создать необходимые условия для осуществления ими деятельности на основе конкретного плана;
(в) регулярно заслушивать на заседаниях Республиканской комиссии отчеты руководителей каждого региона, министерства и ведомства о реализации намеченных мер в данном направлении.
4. Широко привлекать к подготовке программ основных праздничных мероприятий в Республике Каракалпакстан, областях и городе Ташкенте творческие группы из числа сценаристов и режиссеров, писателей и поэтов, композиторов и балетмейстеров, художников сцены, талантливых молодых исполнителей, представителей искусства макома и бахши, обладающих высоким профессиональным мастерством и опытом.
5. При реализации мероприятий, посвященных Празднику независимости, особое внимание уделить следующим приоритетным направлениям:
(а) кардинальному изменению общественно-политической картины нашего общества благодаря начатым восемь лет назад широкомасштабным реформам по построению Нового Узбекистана;
(б) достижению впервые в истории за короткий период в результате ускоренного роста экономики страны объема валового внутреннего продукта свыше 110 миллиардов долларов США, реализации грандиозных программ и проектов по переходу на «зеленую» и инновационную экономику, созданию альтернативных источников энергии;
(в) становлению Узбекистана, согласно обновленной Конституции , как социального государства, в котором честь, достоинство, права и интересы человека превыше всего, достижению значительных позитивных результатов в реализации государственных программ по обеспечению занятости, увеличению количества современных рабочих мест, сокращению бедности, поддержке нуждающихся в помощи категорий граждан;
(г) небывалым в нашей истории изменениям в сфере образования, достигнутым благодаря реформам, росту охвата в системе дошкольного образования с 27 процентов в 2017 году до нынешних 77 процентов, в высшем образовании — с 9 процентов до 42 процентов, созданию в стране системы новой модели школ — творческих, специализированных и Президентских;
(д) большому вниманию развитию сфер здравоохранения, науки, IT, культуры, литературы и искусства, а также тому, что впервые наши спортсмены вошли в число сильнейших пятнадцати команд Парижской Олимпиады и Паралимпиады, впервые в истории Узбекистана юношеская сборная по футболу до 17 лет, а также национальная сборная команда по футболу завоевали путевки на чемпионат мира;
(е) созданию под девизом «Молодежь — созидатели Нового Узбекистана» всесторонне благоприятных условий для овладения подрастающим поколением современными знаниями и профессиями, иностранными языками, наряду с родным языком, IT-технологиями, осуществлению предпринимательской деятельности, проявлению талантов и способностей и достижению нашими юношами и девушками первых впечатляющих успехов в разных сферах;
(ж) благоустройству ускоренными темпами в последние годы наших городов и сел, возведению жилых массивов «Новый Узбекистан», осуществлению огромной работы в рамках программ «Благоустроенное село», «Благоустроенная махалля», созданию новых городов на основе модели смарт- и инновационного градостроительства, развитию сетей социальной инфраструктуры;
(з) обеспечению атмосферы мира, взаимной дружбы и согласия — бесценного богатства — в нашем многонациональном и многоконфессиональном обществе, значению его сохранения и укрепления как нашего всеобщего священного долга;
(и) осуществлению на основе принципа «Армия и народ — едины!» работы по повышению боевого потенциала Вооруженных Сил, усилению физической, морально-психологической подготовки мужественных и отважных солдат и офицеров, воспитанию молодежи в духе патриотизма;
(к) повышению и выведению на новый уровень роли и статуса Узбекистана в укреплении добрососедства, сотрудничества и усилении процессов интеграции в Центральноазиатском регионе;
(л) росту авторитета Нового Узбекистана в мировом сообществе как открытого, демократического и светского государства.
6. Министерству культуры (О. Назарбеков):
(а) совместно с Республиканским центром духовности и просветительства, Союзом писателей в недельный срок разработать на основе Концепции программу и сценарий основного праздничного мероприятия в городе Ташкенте, посвященного Празднику независимости, а также принять меры по его подготовке на высоком идейно-художественном уровне;
(б) совместно с Академией художеств, Союзом писателей, Союзом журналистов обеспечить проведение на высоком уровне традиционных конкурсов «Образ Родины глазами художника», «Жить во имя Родины!», «Самый великий, самый дорогой»;
(в) совместно с Союзом композиторов и бастакоров, Союзом писателей провести заключительный этап конкурсов на лучшие песни и музыкальные произведения, воспевающие независимость страны;
(г) объявить имена победителей и призеров этих конкурсов и провести их награждение в торжественной обстановке накануне Праздника независимости.
7. Установить, что праздничные мероприятия финансируются:
(а) в Республике Каракалпакстан и областях — за счет дополнительных источников соответствующих местных бюджетов, а также благотворительных пожертвований физических и юридических лиц на добровольной основе;
(б) в городе Ташкенте — в равных долях за счет средств республиканского бюджета Республики Узбекистан и местного бюджета города Ташкента согласно смете расходов, утверждаемой Республиканской комиссией.
8. Рекомендовать Национальной телерадиокомпании Узбекистана, Национальному информационному агентству Узбекистана, Информационному агентству «Дунё» и другим средствам массовой информации широко освещать работу по подготовке и проведению Праздника независимости.
9. Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Департамента социального развития Администрации Президента Республики Узбекистан О.К. Абдурахманова.
Президент Республики Узбекистан Ш. МИРЗИЁЕВ
г. Ташкент,
10 июля 2025 г.,
№ ПП-222