UzbekAI

Ўзбекистон Республикаси Вазирлар Маҳкамасининг

қарори

МАҚСАДЛИ КЎРСАТКИЧЛАРИ

Республикада пиёз ва сабзи маҳсулотларини етиштиришни кўпайтириш, чуқур қайта ишлаш ва уларнинг экспорт ҳажмларини ошириш чора-тадбирлари тўғрисида

Республика аҳолисини пиёз ва сабзи маҳсулотлари билан йил давомида узлуксиз таъминлаш учун ҳудудларнинг тупроқ-иқлим шароитига мос, серҳосил, эртапишар пиёз ва сабзи навларини экиш, етиштирилган маҳсулотни сақлаш, қайта ишлаш ва экспорт ҳажмларини кўпайтириш ҳамда маҳсулот етиштирувчилар даромадларини янада ошириш мақсадида Вазирлар Маҳкамаси қарор қилади:

1. Ўзбекистон Республикаси Қишлоқ хўжалиги вазирлиги, Ўзбекистон фермерлари кенгаши, Қорақалпоғистон Республикаси Вазирлар Кенгаши ва вилоятлар ҳокимликларининг ҳудудларда пиёз ва сабзи маҳсулотларини етиштиришни кўпайтириш, илғор хорижий тажрибани қўллаган ҳолда сақлаш, чуқур қайта ишлаш ҳамда уларнинг экспорт ҳажмларини ошириш тўғрисидаги таклифларига розилик берилсин.

2. Қуйидагилар:

Қорақалпоғистон Республикаси ва вилоятлардаги барча тоифа хўжаликларида 2025 — 2027 йилларда пиёз ва сабзи маҳсулотларини етиштиришнинг мақсадли кўрсаткичлари 1-иловага мувофиқ;

Мева-сабзавот маҳсулотларини етиштирувчи субъектлар томонидан маҳсулотларни сақлаш учун совиткичли омборхона, саралаш, қуритиш, қадоқлаш ва қайта ишлаш инфратузилмаларини ташкил этишнинг мақсадли кўрсаткичлари 2-иловага мувофиқ тасдиқлансин.

Бунда маҳсулотларни сақлаш учун совиткичли омборхона, саралаш, қуритиш, қадоқлаш ва қайта ишлаш инфратузилмалари Қорақалпоғистон Республикаси ва вилоятларда дала четларида (муҳофаза зонасидан ташқари) 20 сотихдан кўп бўлмаган, лекин ижарага берилган контур майдонининг бир фоизидан ошмаган қисмида ташкил этилсин.

3. Ўзбекистон Республикаси Қишлоқ хўжалиги вазирлиги Ўсимликлар карантини ва ҳимояси агентлиги, Ўзбекистон фермерлари кенгаши, Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда бир ой муддатда ушбу қарорга 2-иловадаги мақсадли кўрсаткичларга эришиш учун мева-сабзавот маҳсулотларини сақлаш мақсадида совиткичли омборхона, қуритиш, саралаш, қадоқлаш, шок усулида музлатиш ва қайта ишлаш инфратузилмаларини ташкил этиш бўйича лойиҳаларни амалга оширувчи ташаббускорларнинг номма-ном рўйхатини шакллантирсин ҳамда мақсадли кўрсаткичлар бажарилишини таъминласин.

4. Ўзбекистон Республикаси Қишлоқ хўжалиги вазирлиги, Ўсимликлар карантини ва ҳимояси агентлиги, Ўзбекистон фермерлари кенгаши, Қорақалпоғистон Республикаси Вазирлар Кенгаши ва вилоятлар ҳокимликлари 2025 — 2027 йилларда аҳоли даромадларини ошириш мақсадида икки ой муддатда Савдо-саноат палатаси мутахассисларини жалб қилган ҳолда, туманларда пиёз ва сабзини саралаш, сақлаш, чуқур қайта ишлаш ва экспортга чиқариш билан шуғулланувчи кооперацияларнинг ташкил этилиши бўйича ўрганиш ишларини олиб борсин ҳамда ўрганиш натижаларига кўра истиқболли ва натижага эришиш имконияти бўлган туманларга 2025 йил якунига қадар ушбу йўналишларда кооперациялар ташкил этишга кўмаклашсин.

5. Ўзбекистон Республикаси Қишлоқ хўжалиги вазирлиги, Иқтисодиёт ва молия вазирлиги, Инвестициялар, саноат ва савдо вазирлиги, Ўсимликлар карантини ва ҳимояси агентлиги ички бозорларда нархлар барқарорлигини таъминлаш, маҳсулот етиштирувчиларни қўллаб-қувватлаш мақсадида пиёз ва сабзининг тайёр бўлиш даврида ушбу маҳсулотларни экспортга йўналтириш бўйича асослантирилган таклифларни Вазирлар Маҳкамасига киритиб борсин.

6. Ўзбекистон Республикаси Қишлоқ хўжалиги вазирлиги ҳузуридаги Ўсимликлар карантини ва ҳимояси агентлиги, Қорақалпоғистон Республикаси Вазирлар Кенгаши, вилоятлар ва туманлар (шаҳарлар) ҳокимликлари:

Божхона қўмитаси билан келишилган ҳолда экспортга йўналтириладиган тез бузилувчи маҳсулотларнинг (асосан ҳўл мева-сабзавот маҳсулотлари) божхона постларида ҳаракатини тезлаштириш тизимини йўлга қўйсин;

«Ўзбекистон республика товар-хом ашё биржаси» АЖ билан биргаликда «Agro.uzex.uz» электрон савдо платформаси фаолиятига оид видеороликлар ва тарғибот-ташвиқот материалларини тайёрлаб, маҳаллаларда, оммавий ахборот воситалари ва ижтимоий тармоқларда кенг ёритилишини таъминласин.

7. Ўзбекистон Республикаси Қишлоқ хўжалиги вазирлиги ҳузуридаги Ўсимликлар карантини ва ҳимояси агентлиги пиёз ва сабзи экилган майдонларда зараркунанда ва касалликларга қарши курашишда қўлланадиган кимёвий воситалар рўйхатини шакллантирсин ҳамда ўзининг расмий веб-сайтида эълон қилиб борсин.

8. Қорақалпоғистон Республикаси Вазирлар Кенгаши ва вилоятлар ҳокимликлари:

мева-сабзавотчиликка ихтисослашган туманларда Зомин тажрибаси асосида камида 100 гектар ер майдонида пиёз ва сабзининг ҳосилдор навларини экиш, ресурс тежайдиган технологиялар, жумладан, ёмғирлатиб ва томчилатиб суғориш технологияларини қўллаган ҳолда етиштириш, касаллик ва зараркунандаларга ишлов бериш ҳамда бошқа агротехник тадбирларни ўз вақтида ва сифатли амалга ошириш орқали юқори ҳосилдорликка эришишни таъминласин;

Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий марказининг Сабзавот, полиз экинлари ва картошкачилик илмий-тадқиқот институти билан биргаликда ушбу тажрибани кенг жорий этиш мақсадида икки ҳафта муддатда мева-сабзавотчиликка ихтисослашган туманларда илмий-амалий семинарлар ташкил этсин.

9. Ўзбекистон Республикаси Олий таълим, фан ва инновациялар вазирлиги ҳамда Қишлоқ хўжалиги вазирлиги бир ҳафта муддатда илмий фаолиятга оид давлат дастурлари доирасида ҳудудларнинг тупроқ-иқлим шароитига мос, серҳосил, истеъмол сифати юқори, касаллик ва зараркунандаларга чидамли бўлган қишлоқ хўжалиги экинлари, жумладан, пиёз ва сабзининг маҳаллий навларини яратиш ҳамда бирламчи уруғчилигини йўлга қўйиш муаммоларини ҳал этишга қаратилган мақсадли амалий тадқиқот ҳамда инновация лойиҳалари танловини эълон қилсин.

10. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.

Вазирлар Маҳкамасининг 2025 йил 14 июлдаги 437-сон қарорига 1-ИЛОВА

Қорақалпоғистон Республикаси ва вилоятлардаги барча тоифа хўжаликларида 2025 — 2027 йилларда пиёз ва сабзи маҳсулотларини етиштиришнинг

Т/р Ҳудудлар номи Пиёз (тонна) Сабзи (тонна) 2025 йил 2026 йил 2027 йил 2025 йил 2026 йил 2027 йил 1. Қорақалпоғистон Республикаси 19 500 20 280 20 990 96 500 100 843 104 372 2. Андижон вилояти 191 300 202 778 213 931 700 000 745 500 786 503 3. Бухоро вилояти 68 400 71 136 73 626 262 400 274 208 283 805 4. Жиззах вилояти 146 200 154 972 163 495 130 100 138 557 146 177 5. Қашқадарё вилояти 46 000 48 760 51 442 156 000 166 140 175 278 6. Навоий вилояти 39 700 41 288 42 733 102 800 107 426 111 186 7. Наманган вилояти 90 100 94 605 98 862 346 100 365 136 381 567 8. Самарқанд вилояти 180 500 191 330 201 853 411 400 438 141 462 239 9. Сурхондарё вилояти 169 900 178 395 186 423 279 900 295 295 308 583 10. Сирдарё вилояти 60 500 64 130 67 657 122 700 130 676 137 863 11. Тошкент вилояти 164 300 172 515 180 278 191 400 201 927 211 014 12. Фарғона вилояти 169 800 179 988 189 887 593 800 632 397 667 179 13. Хоразм вилояти 65 800 69 090 72 199 297 900 314 285 328 427 Жами: 1 412 000 1 489 267 1 563 377 3 691 000 3 910 528 4 104 191

Вазирлар Маҳкамасининг 2025 йил 14 июлдаги 437-сон қарорига 2-ИЛОВА

Мева-сабзавот маҳсулотларини етиштирувчи субъектлар томонидан маҳсулотларни сақлаш учун совиткичли омборхона, саралаш, қуритиш, қадоқлаш ва қайта ишлаш инфратузилмаларини ташкил этишнинг

Т/р Ҳудудлар номи Жами ташкил этиладиган инфратузилма объектлари 2025 — 2027 йилларда янги ташкил этиладиган сақлаш учун совиткичли омборхоналар 2025 — 2027 йилларда янги ташкил этиладиган саралаш, қуритиш, қадоқлаш ва қайта ишлаш инфратузилмалари жами 2025 йилда 2026 йилда 2027 йилда жами 2025 йилда 2026 йилда 2027 йилда сони қуввати (минг тонна) сони қуввати (минг тонна) сони қуввати (минг тонна) сони қуввати (минг тонна) сони қуввати (минг тонна) сони қуввати (минг тонна) сони қуввати (минг тонна) сони қуввати (минг тонна) сони қуввати (минг тонна) 1. Қорақалпоғистон Республикаси 266 18 132 8,3 21 1,3 44 2,6 67 4,4 134 10,0 0 0 60 4,5 74 5,5 2. Андижон вилояти 454 28 231 11,1 74 1,2 62 3,7 95 6,2 223 16,4 32 2,1 86 6,4 105 7,9 3. Бухоро вилояти 206 14 93 5,7 12 0,6 32 1,9 49 3,2 113 8,4 15 1,1 44 3,3 54 4,1 4. Жиззах вилояти 47 34 25 15,0 15 3,5 3 4,3 7 7,2 22 19,0 3 2,5 10 7,4 9 9,1 5. Қашқадарё вилояти 282 41 147 16,3 35 1,8 49 5,5 63 9,1 135 24,3 31 3,2 45 9,5 59 11,6 6. Навоий вилояти 43 16 33 6,5 5 0,7 4 2,2 24 3,6 10 9,7 1 1,3 4 3,8 5 4,6 7. Наманган вилояти 453 31 205 12,6 27 1,4 70 4,2 108 7,0 248 18,6 32 2,4 97 7,3 119 8,9 8. Самарқанд вилояти 429 133 217 53,5 37 5,7 75 17,9 105 30,0 212 79,2 35 10,3 76 31,0 101 37,9 9. Сурхондарё вилояти 409 28 185 11,3 24 1,2 63 3,8 98 6,3 224 16,9 29 2,2 88 6,6 107 8,1 10. Сирдарё вилояти 45 10 25 3,9 9 0,4 7 1,3 9 2,2 20 5,9 4 0,8 6 2,3 10 2,8 11. Тошкент вилояти 664 46 301 18,5 40 2,0 103 6,2 158 10,3 363 27,3 47 3,6 142 10,7 174 13,1 12. Фарғона вилояти 896 62 406 24,8 53 2,7 139 8,3 214 13,9 490 36,9 64 4,8 191 14,4 235 17,6 13. Хоразм вилояти 255 18 115 7,1 15 0,8 39 2,4 61 3,9 140 10,5 18 1,4 55 4,1 67 5,0 Жами: 4 449 478 2 115 194,6 367 23,2 690 64,1 1 058 107,2 2 334 283,2 311 35,6 904 111,3 1 119 136,2

Ўзбекистон Республикасининг Бош вазири А. АРИПОВ

Тошкент ш.,

2025 йил 14 июль,

437-сон

(Қонунчилик маълумотлари миллий базаси, 15.07.2025 й., 09/25/437/0616-сон)

lex.uz

Oʻzbekiston Respublikasi Vazirlar Mahkamasining

qarori

MAQSADLI KOʻRSATKICHLARI

Respublikada piyoz va sabzi mahsulotlarini yetishtirishni koʻpaytirish, chuqur qayta ishlash va ularning eksport hajmlarini oshirish chora-tadbirlari toʻgʻrisida

Respublika aholisini piyoz va sabzi mahsulotlari bilan yil davomida uzluksiz taʼminlash uchun hududlarning tuproq-iqlim sharoitiga mos, serhosil, ertapishar piyoz va sabzi navlarini ekish, yetishtirilgan mahsulotni saqlash, qayta ishlash va eksport hajmlarini koʻpaytirish hamda mahsulot yetishtiruvchilar daromadlarini yanada oshirish maqsadida Vazirlar Mahkamasi qaror qiladi:

1. Oʻzbekiston Respublikasi Qishloq xoʻjaligi vazirligi, Oʻzbekiston fermerlari kengashi, Qoraqalpogʻiston Respublikasi Vazirlar Kengashi va viloyatlar hokimliklarining hududlarda piyoz va sabzi mahsulotlarini yetishtirishni koʻpaytirish, ilgʻor xorijiy tajribani qoʻllagan holda saqlash, chuqur qayta ishlash hamda ularning eksport hajmlarini oshirish toʻgʻrisidagi takliflariga rozilik berilsin.

2. Quyidagilar:

Qoraqalpogʻiston Respublikasi va viloyatlardagi barcha toifa xoʻjaliklarida 2025 — 2027-yillarda piyoz va sabzi mahsulotlarini yetishtirishning maqsadli koʻrsatkichlari 1-ilovaga muvofiq;

Meva-sabzavot mahsulotlarini yetishtiruvchi subyektlar tomonidan mahsulotlarni saqlash uchun sovitkichli omborxona, saralash, quritish, qadoqlash va qayta ishlash infratuzilmalarini tashkil etishning maqsadli koʻrsatkichlari 2-ilovaga muvofiq tasdiqlansin.

Bunda mahsulotlarni saqlash uchun sovitkichli omborxona, saralash, quritish, qadoqlash va qayta ishlash infratuzilmalari Qoraqalpogʻiston Respublikasi va viloyatlarda dala chetlarida (muhofaza zonasidan tashqari) 20 sotixdan koʻp boʻlmagan, lekin ijaraga berilgan kontur maydonining bir foizidan oshmagan qismida tashkil etilsin.

3. Oʻzbekiston Respublikasi Qishloq xoʻjaligi vazirligi Oʻsimliklar karantini va himoyasi agentligi, Oʻzbekiston fermerlari kengashi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda bir oy muddatda ushbu qarorga 2-ilovadagi maqsadli koʻrsatkichlarga erishish uchun meva-sabzavot mahsulotlarini saqlash maqsadida sovitkichli omborxona, quritish, saralash, qadoqlash, shok usulida muzlatish va qayta ishlash infratuzilmalarini tashkil etish boʻyicha loyihalarni amalga oshiruvchi tashabbuskorlarning nomma-nom roʻyxatini shakllantirsin hamda maqsadli koʻrsatkichlar bajarilishini taʼminlasin.

4. Oʻzbekiston Respublikasi Qishloq xoʻjaligi vazirligi, Oʻsimliklar karantini va himoyasi agentligi, Oʻzbekiston fermerlari kengashi, Qoraqalpogʻiston Respublikasi Vazirlar Kengashi va viloyatlar hokimliklari 2025 — 2027-yillarda aholi daromadlarini oshirish maqsadida ikki oy muddatda Savdo-sanoat palatasi mutaxassislarini jalb qilgan holda, tumanlarda piyoz va sabzini saralash, saqlash, chuqur qayta ishlash va eksportga chiqarish bilan shugʻullanuvchi kooperatsiyalarning tashkil etilishi boʻyicha oʻrganish ishlarini olib borsin hamda oʻrganish natijalariga koʻra istiqbolli va natijaga erishish imkoniyati boʻlgan tumanlarga 2025-yil yakuniga qadar ushbu yoʻnalishlarda kooperatsiyalar tashkil etishga koʻmaklashsin.

5. Oʻzbekiston Respublikasi Qishloq xoʻjaligi vazirligi, Iqtisodiyot va moliya vazirligi, Investitsiyalar, sanoat va savdo vazirligi, Oʻsimliklar karantini va himoyasi agentligi ichki bozorlarda narxlar barqarorligini taʼminlash, mahsulot yetishtiruvchilarni qoʻllab-quvvatlash maqsadida piyoz va sabzining tayyor boʻlish davrida ushbu mahsulotlarni eksportga yoʻnaltirish boʻyicha asoslantirilgan takliflarni Vazirlar Mahkamasiga kiritib borsin.

6. Oʻzbekiston Respublikasi Qishloq xoʻjaligi vazirligi huzuridagi Oʻsimliklar karantini va himoyasi agentligi, Qoraqalpogʻiston Respublikasi Vazirlar Kengashi, viloyatlar va tumanlar (shaharlar) hokimliklari:

Bojxona qoʻmitasi bilan kelishilgan holda eksportga yoʻnaltiriladigan tez buziluvchi mahsulotlarning (asosan hoʻl meva-sabzavot mahsulotlari) bojxona postlarida harakatini tezlashtirish tizimini yoʻlga qoʻysin;

“Oʻzbekiston respublika tovar-xom ashyo birjasi” AJ bilan birgalikda “Agro.uzex.uz” elektron savdo platformasi faoliyatiga oid videoroliklar va targʻibot-tashviqot materiallarini tayyorlab, mahallalarda, ommaviy axborot vositalari va ijtimoiy tarmoqlarda keng yoritilishini taʼminlasin.

7. Oʻzbekiston Respublikasi Qishloq xoʻjaligi vazirligi huzuridagi Oʻsimliklar karantini va himoyasi agentligi piyoz va sabzi ekilgan maydonlarda zararkunanda va kasalliklarga qarshi kurashishda qoʻllanadigan kimyoviy vositalar roʻyxatini shakllantirsin hamda oʻzining rasmiy veb-saytida eʼlon qilib borsin.

8. Qoraqalpogʻiston Respublikasi Vazirlar Kengashi va viloyatlar hokimliklari:

meva-sabzavotchilikka ixtisoslashgan tumanlarda Zomin tajribasi asosida kamida 100 gektar yer maydonida piyoz va sabzining hosildor navlarini ekish, resurs tejaydigan texnologiyalar, jumladan, yomgʻirlatib va tomchilatib sugʻorish texnologiyalarini qoʻllagan holda yetishtirish, kasallik va zararkunandalarga ishlov berish hamda boshqa agrotexnik tadbirlarni oʻz vaqtida va sifatli amalga oshirish orqali yuqori hosildorlikka erishishni taʼminlasin;

Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazining Sabzavot, poliz ekinlari va kartoshkachilik ilmiy-tadqiqot instituti bilan birgalikda ushbu tajribani keng joriy etish maqsadida ikki hafta muddatda meva-sabzavotchilikka ixtisoslashgan tumanlarda ilmiy-amaliy seminarlar tashkil etsin.

9. Oʻzbekiston Respublikasi Oliy taʼlim, fan va innovatsiyalar vazirligi hamda Qishloq xoʻjaligi vazirligi bir hafta muddatda ilmiy faoliyatga oid davlat dasturlari doirasida hududlarning tuproq-iqlim sharoitiga mos, serhosil, isteʼmol sifati yuqori, kasallik va zararkunandalarga chidamli boʻlgan qishloq xoʻjaligi ekinlari, jumladan, piyoz va sabzining mahalliy navlarini yaratish hamda birlamchi urugʻchiligini yoʻlga qoʻyish muammolarini hal etishga qaratilgan maqsadli amaliy tadqiqot hamda innovatsiya loyihalari tanlovini eʼlon qilsin.

10. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.

Vazirlar Mahkamasining 2025-yil 14-iyuldagi 437-son qaroriga 1-ILOVA

Qoraqalpogʻiston Respublikasi va viloyatlardagi barcha toifa xoʻjaliklarida 2025 — 2027-yillarda piyoz va sabzi mahsulotlarini yetishtirishning

T/r Hududlar nomi Piyoz (tonna) Sabzi (tonna) 2025-yil 2026-yil 2027-yil 2025-yil 2026-yil 2027-yil 1. Qoraqalpogʻiston Respublikasi 19 500 20 280 20 990 96 500 100 843 104 372 2. Andijon viloyati 191 300 202 778 213 931 700 000 745 500 786 503 3. Buxoro viloyati 68 400 71 136 73 626 262 400 274 208 283 805 4. Jizzax viloyati 146 200 154 972 163 495 130 100 138 557 146 177 5. Qashqadaryo viloyati 46 000 48 760 51 442 156 000 166 140 175 278 6. Navoiy viloyati 39 700 41 288 42 733 102 800 107 426 111 186 7. Namangan viloyati 90 100 94 605 98 862 346 100 365 136 381 567 8. Samarqand viloyati 180 500 191 330 201 853 411 400 438 141 462 239 9. Surxondaryo viloyati 169 900 178 395 186 423 279 900 295 295 308 583 10. Sirdaryo viloyati 60 500 64 130 67 657 122 700 130 676 137 863 11. Toshkent viloyati 164 300 172 515 180 278 191 400 201 927 211 014 12. Fargʻona viloyati 169 800 179 988 189 887 593 800 632 397 667 179 13. Xorazm viloyati 65 800 69 090 72 199 297 900 314 285 328 427 Jami: 1 412 000 1 489 267 1 563 377 3 691 000 3 910 528 4 104 191

Vazirlar Mahkamasining 2025-yil 14-iyuldagi 437-son qaroriga 2-ILOVA

Meva-sabzavot mahsulotlarini yetishtiruvchi subyektlar tomonidan mahsulotlarni saqlash uchun sovitkichli omborxona, saralash, quritish, qadoqlash va qayta ishlash infratuzilmalarini tashkil etishning

T/r Hududlar nomi Jami tashkil etiladigan infratuzilma obyektlari 2025 — 2027-yillarda yangi tashkil etiladigan saqlash uchun sovitkichli omborxonalar 2025 — 2027-yillarda yangi tashkil etiladigan saralash, quritish, qadoqlash va qayta ishlash infratuzilmalari jami 2025-yilda 2026-yilda 2027-yilda jami 2025-yilda 2026-yilda 2027-yilda soni quvvati (ming tonna) soni quvvati (ming tonna) soni quvvati (ming tonna) soni quvvati (ming tonna) soni quvvati (ming tonna) soni quvvati (ming tonna) soni quvvati (ming tonna) soni quvvati (ming tonna) soni quvvati (ming tonna) 1. Qoraqalpogʻiston Respublikasi 266 18 132 8,3 21 1,3 44 2,6 67 4,4 134 10,0 0 0 60 4,5 74 5,5 2. Andijon viloyati 454 28 231 11,1 74 1,2 62 3,7 95 6,2 223 16,4 32 2,1 86 6,4 105 7,9 3. Buxoro viloyati 206 14 93 5,7 12 0,6 32 1,9 49 3,2 113 8,4 15 1,1 44 3,3 54 4,1 4. Jizzax viloyati 47 34 25 15,0 15 3,5 3 4,3 7 7,2 22 19,0 3 2,5 10 7,4 9 9,1 5. Qashqadaryo viloyati 282 41 147 16,3 35 1,8 49 5,5 63 9,1 135 24,3 31 3,2 45 9,5 59 11,6 6. Navoiy viloyati 43 16 33 6,5 5 0,7 4 2,2 24 3,6 10 9,7 1 1,3 4 3,8 5 4,6 7. Namangan viloyati 453 31 205 12,6 27 1,4 70 4,2 108 7,0 248 18,6 32 2,4 97 7,3 119 8,9 8. Samarqand viloyati 429 133 217 53,5 37 5,7 75 17,9 105 30,0 212 79,2 35 10,3 76 31,0 101 37,9 9. Surxondaryo viloyati 409 28 185 11,3 24 1,2 63 3,8 98 6,3 224 16,9 29 2,2 88 6,6 107 8,1 10. Sirdaryo viloyati 45 10 25 3,9 9 0,4 7 1,3 9 2,2 20 5,9 4 0,8 6 2,3 10 2,8 11. Toshkent viloyati 664 46 301 18,5 40 2,0 103 6,2 158 10,3 363 27,3 47 3,6 142 10,7 174 13,1 12. Fargʻona viloyati 896 62 406 24,8 53 2,7 139 8,3 214 13,9 490 36,9 64 4,8 191 14,4 235 17,6 13. Xorazm viloyati 255 18 115 7,1 15 0,8 39 2,4 61 3,9 140 10,5 18 1,4 55 4,1 67 5,0 Jami: 4 449 478 2 115 194,6 367 23,2 690 64,1 1 058 107,2 2 334 283,2 311 35,6 904 111,3 1 119 136,2

Oʻzbekiston Respublikasining Bosh vaziri A. ARIPOV

Toshkent sh.,

2025-yil 14-iyul,

437-son

(Qonunchilik maʼlumotlari milliy bazasi, 15.07.2025-y., 09/25/437/0616-son)

lex.uz