📅 2025-yil 15-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 15 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 15 июля 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 15 July 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Хотин-қизларни тазйиқ ва зўравонликдан ҳимоя қилиш тизими янада такомиллаштирилиши муносабати билан Ўзбекистон Республикаси Вазирлар Маҳкамасининг «Хотин-қизларни тазйиқ ва зўравонликдан ҳимоя қилиш тизимини такомиллаштириш чора-тадбирлари тўғрисида» 2020 йил 4 январдаги 3-сон қарорига ўзгартириш ва қўшимчалар киритиш ҳақида
Ўзбекистон Республикаси Президентининг « Тазйиқ ва зўравонликдан жабрланган шахсларга ижтимоий хизматлар кўрсатишни такомиллаштириш бўйича қўшимча чора-тадбирлар тўғрисида » 2024 йил 10 майдаги ПҚ-175-сон ҳамда « 2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида » 2025 йил 3 январдаги ПҚ-1-сон қарорлари ижросини таъминлаш мақсадида Вазирлар Маҳкамаси қарор қилади:
1. Қуйидагилар:
Ўзбекистон Республикаси Президентининг 2024 йил 10 майдаги ПҚ-175-сон қарорига мувофиқ ҳимоя ордери берилган ҳар бир ҳолатда тазйиқ ва зўравонлик содир этган ёки содир этишга мойил бўлган шахснинг зўравонлик хулқ-атворини ўзгартириш бўйича тузатиш дастури (кейинги ўринларда — тузатиш дастури) «Инсон» ижтимоий хизматлар марказлари билан келишилган ҳолда тасдиқланиши белгиланганлиги;
Ўзбекистон Республикаси Президентининг 2025 йил 3 январдаги ПҚ-1-сон қарорига мувофиқ ички ишлар органлари хотин-қизлар масалалари бўйича инспекторларига ҳимоя ордерини расмийлаштириш ваколатини бериш назарда тутилганлиги маълумот учун қабул қилинсин.
2. Вазирлар Маҳкамасининг «Хотин-қизларни тазйиқ ва зўравонликдан ҳимоя қилиш тизимини такомиллаштириш чора-тадбирлари тўғрисида» 2020 йил 4 январдаги 3-сон қарорига иловага мувофиқ қуйидагиларни назарда тутувчи ўзгартириш ва қўшимчалар киритилсин:
тузатиш дастурини «Инсон» ижтимоий хизматлар марказлари билан келишиш тартиби;
тазйиқ ва зўравонлик содир этган шахслар томонидан келгусида шу турдаги ҳуқуқбузарликлар содир этилишининг олдини олиш бўйича уларни тузатиш дастуридан ўтказиш;
тузатиш дастуридан ўтказишда туман (шаҳар) ҳокими ўринбосарлари — оила ва хотин-қизлар бўлимлари бошлиқлари ваколатларини кенгайтириш;
тазйиқ ва зўравонлик содир этган шахсларни тузатиш дастуридан ўтказиш жараёнига психологларни жалб қилиш ва уларнинг вазифаларини белгилаш;
хотин-қизлар масалалари бўйича инспекторларнинг ҳимоя ордерини бериш бўйича ваколатини белгилаш.
3. Ички ишлар вазирлиги:
а) 2025 йил 1 ноябрга қадар тазйиқ ва зўравонлик содир этган шахслар билан якка тартибда ишлаш, электрон ахборот тизимида тузатиш дастуридан ўтувчи шахслар билан амалга оширилаётган тадбирларни умумлаштириш, фаолиятни мониторинг қилиш ҳамда ўзаро ахборот алмашишни назарда тутувчи «E-ijtimoiy profilaktika» электрон ахборот тизимининг «E-tuzatish dasturi» модулини ишлаб чиқсин ва амалиётга жорий этсин.
Бунда ушбу ахборот тизимини ишлаб чиқиш бўйича буюртмачи этиб Ички ишлар вазирлиги белгиланади ҳамда ахборот тизимини ишлаб чиқиш ва ундан фойдаланиш билан боғлиқ харажатларни молиялаштириш Ички ишлар вазирлигининг бюджетдан ташқари маблағлари ва қонунчилик ҳужжатларида тақиқланмаган бошқа манбалар ҳисобидан амалга оширилади;
б) 2025 йил 1 декабрга қадар «E-ijtimoiy profilaktika» электрон ахборот тизими «Электрон ҳукумат» тизимининг идоралараро интеграциялашув платформаси орқали тузатиш дастуридан ўтказишда иштирок этувчи ваколатли орган ва ташкилотларнинг мавжуд электрон тизимларига интеграция қилинишини таъминласин;
в) 2025 йил якунига қадар тазйиқ ва зўравонлик содир этган шахсларни тузатиш дастуридан ўтказиш жараёнларига оид маълумотларни рақамлаштириш чораларини кўрсин.
4. Мактабгача ва мактаб таълими вазирлиги, Олий таълим, фан ва инновациялар вазирлиги, Соғлиқни сақлаш вазирлиги 2025 йилнинг иккинчи ярмидан бошлаб ҳар олти ойда ўзларининг тизимида мавжуд психологлар рўйхатини Ички ишлар вазирлигига тақдим этиб борсин.
Ички ишлар вазирлиги 2025 йил 1 октябрга қадар манфаатдор вазирлик ва идоралар билан биргаликда бюджет ташкилотларидаги психолог мутахассисларнинг реестрини шакллантирсин.
5. Ички ишлар вазирлиги тузатиш дастури доирасида тазйиқ ва зўравонлик содир этган шахсларни психокоррекция дастурларидан ўтказиш жараёнига нодавлат нотижорат ташкилотларни жалб қилиш мақсадида Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди маблағларини бошқариш бўйича Парламент комиссиясига давлат ижтимоий буюртмаларини белгиланган тартибда тақдим этиб боради.
6. Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди маблағларини бошқариш бўйича Парламент комиссиясига мазкур қарорнинг 5-бандида назарда тутилган давлат ижтимоий буюртмаларини танлов асосида молиялаштириш тавсия этилсин.
7. Ички ишлар вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.
8. Мазкур қарорнинг бажарилишини назорат қилиш Ўзбекистон Республикаси Бош вазири ўринбосари — Оила ва хотин-қизлар қўмитаси раиси З.Б. Махкамова ҳамда ички ишлар вазири А.А. Ташпулатов зиммасига юклансин.
Вазирлар Маҳкамасининг 2025 йил 15 июлдаги 441-сон қарорига ИЛОВА
Вазирлар Маҳкамасининг «Хотин-қизларни тазйиқ ва зўравонликдан ҳимоя қилиш тизими янада такомиллаштириш чора-тадбирлари тўғрисида» 2020 йил 4 январдаги 3-сон қарорига киритилаётган ўзгартириш ва қўшимчалар
1. 1-иловада :
а) 3-банд «ички ишлар органларининг таянч пункти профилактика (катта) инспектори (кейинги ўринларда профилактика инспектори деб аталади)» сўзларидан кейин «шунингдек, ҳуқуқбузарликлар профилактикаси бўлимлари хотин-қизлар масалалари бўйича инспектори (кейинги ўринларда хотин-қизлар масалалари бўйича инспектор деб аталади)» сўзлари билан тўлдирилсин;
б) 5-банднинг олтинчи хатбошиси «профилактика инспектори» сўзларидан кейин «ва хотин-қизлар масалалари бўйича инспектор» сўзлари билан тўлдирилсин;
в) 9-банднинг биринчи хатбошиси «профилактика инспекторига» сўзларидан кейин «ёки хотин-қизлар масалалари бўйича инспекторга» сўзлари билан тўлдирилсин;
г) 10 ва 11-бандлар «Профилактика инспектори» сўзларидан кейин «ҳамда хотин-қизлар масалалари бўйича инспектор» сўзлари билан тўлдирилсин;
д) 12-банднинг иккинчи хатбошиси «профилактика инспектори» сўзларидан кейин «ёки хотин-қизлар масалалари бўйича инспектор» сўзлари билан тўлдирилсин;
е) 13-банднинг биринчи хатбошиси «профилактика инспектори» сўзларидан кейин «ёки хотин-қизлар масалалари бўйича инспектор» сўзлари билан тўлдирилсин;
ж) 16 ва 20-бандлар «профилактика инспектори» сўзларидан кейин «ёки хотин-қизлар масалалари бўйича инспектор» сўзлари билан тўлдирилсин;
з) 17-банд «профилактика инспекторининг» сўзларидан кейин «, хотин-қизлар масалалари бўйича инспекторнинг» сўзлари билан тўлдирилсин;
и) 21-бандда :
«а» кичик банднинг биринчи хатбошиси «профилактика инспекторлари» сўзларидан кейин «ҳамда хотин-қизлар масалалари бўйича инспектор:» сўзлари билан тўлдирилсин;
«б» кичик банднинг тўртинчи хатбошиси ва «г» кичик бандларнинг учинчи хатбошиси «профилактика инспекторига» сўзларидан кейин «ёки хотин-қизлар масалалари бўйича инспекторга» сўзлари билан тўлдирилсин;
«в» кичик бандининг тўртинчи хатбошиси «профилактика инспекторига» сўзларидан кейин «ёки хотин-қизлар масалалари бўйича инспекторга» сўзлари билан тўлдирилсин;
«д» кичик бандининг олтинчи хатбошиси «профилактика инспекторига» сўзларидан кейин «ёки хотин-қизлар масалалари бўйича инспекторга» сўзлари билан тўлдирилсин;
«е» кичик бандининг бешинчи хатбошиси «профилактика инспекторига» сўзларидан кейин «ёки хотин-қизлар масалалари бўйича инспекторга» сўзлари билан тўлдирилсин;
к) 22-банд «профилактика инспектори» сўзларидан кейин «ёки хотин-қизлар масалалари бўйича инспектор» сўзлари билан тўлдирилсин;
л) 24-банд «профилактика (катта) инспектори» сўзларидан кейин «ёки хотин-қизлар масалалари бўйича инспектор» сўзлари билан тўлдирилсин;
м) 32-банд «Профилактика инспекторлари» сўзларидан кейин «ёки хотин-қизлар масалалари бўйича инспекторлар» сўзлари билан тўлдирилсин;
н) 2-иловада :
2-босқичнинг «Тадбирлар» устуни 2-бандидаги «профилактика инспекторига» сўзлари «профилактика инспектори ёки хотин-қизлар масалалари бўйича инспекторга» сўзлари билан алмаштирилсин;
3 ва 7-босқичларнинг «Субъектлар» устуни «Профилактика инспектори» сўзларидан кейин «ёки хотин-қизлар масалалари бўйича инспектор» сўзлари билан тўлдирилсин;
4-босқичнинг «Тадбирлар» устуни 1-бандидаги «профилактика инспекторининг» сўзлари «профилактика инспектори ёки хотин-қизлар масалалари бўйича инспекторнинг» сўзлари билан алмаштирилсин;
6-босқичнинг «Тадбирлар» устуни 2-бандидаги «профилактика инспекторига» сўзлари «профилактика инспектори ёки хотин-қизлар масалалари бўйича инспекторга» сўзлари билан алмаштирилсин.
2. 2-иловада :
а) 2-банд қуйидаги мазмундаги бешинчи хатбоши билан тўлдирилсин:
« психокоррекция — тузатиш дастури доирасида шахснинг ривожланиш жараёнидаги камчилик ва бўшлиқларни бартараф этиш мақсадида унга фаол психологик-педагогик таъсир кўрсатиш, шахсларнинг психофизиологик имкониятлари ва жамият томонидан қўйилаётган талаблар ўртасидаги номутаносибликни бартараф этишга қаратилган тадбирлар мажмуи»;
б) 5-банд қуйидаги таҳрирда баён этилсин:
«5. Тузатиш дастури зўравонлик содир этган жамиятда ўрнатилган умуммажбурий хулқ-атвор қоидаларига риоя қилиш мақсадида маҳаллий давлат ҳокимияти, меҳнат, таълимни давлат томонидан бошқариш органлари ва таълим муассасалари, давлат соғлиқни сақлаш тизимини бошқариш органлари ва соғлиқни сақлаш муассасалари, маҳаллалардаги хотин-қизлар фаоллари, туман (шаҳар) ёшлар ишлари бўлимлари, туман (шаҳар) оила ва хотин-қизлар бўлимлари, бюджет ташкилотларидаги психолог мутахассисларнинг реестрига киритилган психологлар ёки грант доирасида жалб этилган психологлар (кейинги ўринларда деб психологлар аталади), хотин-қизлар масалалари бўйича бошланғич ташкилотлар (кейинги ўринларда ваколатли орган ва ташкилотлар деб аталади) томонидан бир ойгача бўлган муддатда амалга оширилади»;
в) 8-банд қуйидаги таҳрирда баён этилсин:
«8. Ҳимоя ордери берилган ҳар бир ҳолатда ички ишлар органларининг таянч пункти профилактика (катта) инспектори (кейинги ўринларда профилактика инспектори деб аталади) ёки ҳуқуқбузарликлар профилактикаси бўлимлари хотин-қизлар масалалари бўйича инспектори зўравонлик содир этган шахснинг тузатиш дастуридан ўтишини ҳимоя ордерида белгилаб, тузатиш дастуридан ўтувчи шахсга имзо қўйдириб таништиради»;
г) 9 ва 10-бандлар ўз кучини йўқотган деб ҳисоблансин;
д) 11 ва 12-бандлар қуйидаги таҳрирда баён этилсин:
«11. Шахс қуйидаги ташкилотларда тузатиш дастуридан ўтади:
фуқаролар йиғинининг Оилавий қадриятларни мустаҳкамлаш комиссиясида — оила-турмуш доирасидаги низоли вазиятлар юзасидан;
таълим муассасасида — тузатиш дастуридан ўтиши белгиланган таълим муассасасида таҳсил олувчи, ўқитувчи ёки бошқа ходим билан боғлиқ низолар юзасидан;
соғлиқни сақлаш муассасасида — тузатиш дастуридан ўтувчи шахснинг руҳий ҳолати бўйича;
меҳнат органларида — тузатиш дастуридан ўтувчи вақтинча ишсиз шахсларнинг бандлигини таъминлаш ҳамда касб-ҳунарга ўқитиш ва уларни ижтимоий қўллаб-қувватлаш бўйича;
туман (шаҳар) ёшлар ишлари бўлимларида — тузатиш дастуридан ўтувчи ёшлар билан якка ва гуруҳ шаклида тарбиявий ишларни олиб бориш, ёшларнинг бўш вақтини мазмунли ўтказиш ҳамда бандлигини таъминлаш ва улар билан боғлиқ низолар бўйича.
12. Профилактика инспектори:
тузатиш дастуридан ўтувчи шахслар билан ваколатли орган ва ташкилотлар томонидан амалга оширилаётган тадбирларни умумлаштириш ҳамда фаолиятни мониторинг қилиш мақсадида ҳар бир шахс бўйича уларга оид маълумотларни «E-ijtimoiy profilaktika» электрон ахборот тизимининг «E-tuzatish dasturi» модулига киритиб боради (электрон ахборот тизими фаолияти йўлга қўйилгунга қадар мазкур маълумотлар ҳар бир шахс бўйича очилган алоҳида йиғмажилдда жамланади);
ҳимоя ордери расмийлаштирилган кундан бошлаб икки иш куни ичида шахсни тузатиш дастуридан ўтказиш тадбирларини ташкил қилиш учун зўравонлик содир этган шахс билан амалга оширилиши лозим бўлган ишлар режасини ишлаб чиқади;
режани туман (шаҳар) «Инсон» ижтимоий хизматлар маркази билан электрон ахборот тизими орқали келишади ҳамда туман (шаҳар) ҳокими ўринбосари — Оила ва хотин-қизлар бўлими бошлиги томонидан тасдиқлангандан сўнг ваколатли орган ва ташкилотларга юборилишини таъминлайди.
Ҳуқуқбузарликлар профилактикаси бўлимлари хотин-қизлар масалалари бўйича инспектори томонидан ҳимоя ордери расмийлаштирилган ҳолатларда, профилактика инспектори Профилактика бўлими бошлиғининг топшириғига кўра, ушбу бандда назарда тутилган тадбирларни бажаради»;
е) қуйидаги мазмундаги 12 1 -банд билан тўлдирилсин:
«12 1 . Туман (шаҳар) ҳокими ўринбосари — Оила ва хотин-қизлар бўлими бошлиғи зўравонлик содир этган шахс билан амалга оширилиши лозим бўлган тадбирлар давлат органлари ва ташкилотлар томонидан ижроси таъминланмаган ҳолатлар бўйича ўз ваколати доирасида давлат органлари ва ташкилотларининг масъул раҳбарларига хотин-қизлар ҳуқуқлари ва қонуний манфаатларини таъминлаш борасидаги қонунчилик ҳужжатлари бузилиши ҳамда уларни келтириб чиқарувчи сабаб ва шарт-шароитларни бартараф этиш юзасидан кўриб чиқилиши мажбурий бўлган тақдимномалар киритади»;
ж) 13-бандда :
биринчи хатбошидан «ёки уни содир этишга мойил бўлган» сўзлари чиқариб ташлансин;
олтинчи хатбошидаги «Ёшлар иттифоқи» сўзлари «Ёшлар ишлари агентлигининг ҳудудий бўлимлари» сўзлари билан алмаштирилсин;
қуйидаги мазмундаги еттинчи ва саккизинчи хатбошилар билан тўлдирилсин:
«Психологлар зўравонлик содир этган шахсларни зўравонлик содир этилишининг олдини олиш бўйича махсус психокоррекция дастурларидан ўтказиш чораларини кўради.
Ўзбекистон Республикаси Президенти ҳузуридаги Ижтимоий ҳимоя миллий агентлиги тизимидаги психологлар мазкур дастур доирасида зўравонлик содир этган шахслар билан ишлаш учун жалб этилишига йўл қўйилмайди.»;
еттинчи хатбоши тўққизинчи хатбоши деб ҳисоблансин;
з) 15-банд қуйидаги таҳрирда баён этилсин:
«15. Ваколатли орган ва ташкилотлар тузатиш дастуридан ўтувчи шахслар билан якка тартибда ва гуруҳ шаклида ўтказилган психологик, психокоррекцион, педагогик, ижтимоий ва тиббий йўналишлардаги тадбирлар тўғрисидаги маълумотларни профилактика инспекторига юборади.
Профилактика инспектори хотин-қизлар масалалари бўйича инспектор билан биргаликда ваколатли орган ва ташкилотларда тузатиш дастуридан ўтган шахслар тўғрисидаги маълумотларни таҳлил қилади ва унинг якуний натижаларини фуқаролар йиғинида туман (шаҳар) ҳокими ўринбосари — Оила ва хотин-қизлар бўлими бошлиғи иштирокида муҳокама қилинишини таъминлайди»;
и) 1-илова ўз кучини йўқотган деб ҳисоблансин.
Ўзбекистон Республикасининг Бош вазири А. АРИПОВ
Тошкент ш.,
2025 йил 15 июль,
441-сон
Oʻzbekiston Respublikasi Vazirlar Mahkamasining
qarori
Xotin-qizlarni tazyiq va zoʻravonlikdan himoya qilish tizimi yanada takomillashtirilishi munosabati bilan Oʻzbekiston Respublikasi Vazirlar Mahkamasining “Xotin-qizlarni tazyiq va zoʻravonlikdan himoya qilish tizimini takomillashtirish chora-tadbirlari toʻgʻrisida” 2020-yil 4-yanvardagi 3-son qaroriga oʻzgartirish va qoʻshimchalar kiritish haqida
Oʻzbekiston Respublikasi Prezidentining “ Tazyiq va zoʻravonlikdan jabrlangan shaxslarga ijtimoiy xizmatlar koʻrsatishni takomillashtirish boʻyicha qoʻshimcha chora-tadbirlar toʻgʻrisida ” 2024-yil 10-maydagi PQ-175-son hamda “ 2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida ” 2025-yil 3-yanvardagi PQ-1-son qarorlari ijrosini taʼminlash maqsadida Vazirlar Mahkamasi qaror qiladi:
1. Quyidagilar:
Oʻzbekiston Respublikasi Prezidentining 2024-yil 10-maydagi PQ-175-son qaroriga muvofiq himoya orderi berilgan har bir holatda tazyiq va zoʻravonlik sodir etgan yoki sodir etishga moyil boʻlgan shaxsning zoʻravonlik xulq-atvorini oʻzgartirish boʻyicha tuzatish dasturi (keyingi oʻrinlarda — tuzatish dasturi) “Inson” ijtimoiy xizmatlar markazlari bilan kelishilgan holda tasdiqlanishi belgilanganligi;
Oʻzbekiston Respublikasi Prezidentining 2025-yil 3-yanvardagi PQ-1-son qaroriga muvofiq ichki ishlar organlari xotin-qizlar masalalari boʻyicha inspektorlariga himoya orderini rasmiylashtirish vakolatini berish nazarda tutilganligi maʼlumot uchun qabul qilinsin.
2. Vazirlar Mahkamasining “Xotin-qizlarni tazyiq va zoʻravonlikdan himoya qilish tizimini takomillashtirish chora-tadbirlari toʻgʻrisida” 2020-yil 4-yanvardagi 3-son qaroriga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:
tuzatish dasturini “Inson” ijtimoiy xizmatlar markazlari bilan kelishish tartibi;
tazyiq va zoʻravonlik sodir etgan shaxslar tomonidan kelgusida shu turdagi huquqbuzarliklar sodir etilishining oldini olish boʻyicha ularni tuzatish dasturidan oʻtkazish;
tuzatish dasturidan oʻtkazishda tuman (shahar) hokimi oʻrinbosarlari — oila va xotin-qizlar boʻlimlari boshliqlari vakolatlarini kengaytirish;
tazyiq va zoʻravonlik sodir etgan shaxslarni tuzatish dasturidan oʻtkazish jarayoniga psixologlarni jalb qilish va ularning vazifalarini belgilash;
xotin-qizlar masalalari boʻyicha inspektorlarning himoya orderini berish boʻyicha vakolatini belgilash.
3. Ichki ishlar vazirligi:
a) 2025-yil 1-noyabrga qadar tazyiq va zoʻravonlik sodir etgan shaxslar bilan yakka tartibda ishlash, elektron axborot tizimida tuzatish dasturidan oʻtuvchi shaxslar bilan amalga oshirilayotgan tadbirlarni umumlashtirish, faoliyatni monitoring qilish hamda oʻzaro axborot almashishni nazarda tutuvchi “E-ijtimoiy profilaktika” elektron axborot tizimining “E-tuzatish dasturi” modulini ishlab chiqsin va amaliyotga joriy etsin.
Bunda ushbu axborot tizimini ishlab chiqish boʻyicha buyurtmachi etib Ichki ishlar vazirligi belgilanadi hamda axborot tizimini ishlab chiqish va undan foydalanish bilan bogʻliq xarajatlarni moliyalashtirish Ichki ishlar vazirligining budjetdan tashqari mablagʻlari va qonunchilik hujjatlarida taqiqlanmagan boshqa manbalar hisobidan amalga oshiriladi;
b) 2025-yil 1-dekabrga qadar “E-ijtimoiy profilaktika” elektron axborot tizimi “Elektron hukumat” tizimining idoralararo integratsiyalashuv platformasi orqali tuzatish dasturidan oʻtkazishda ishtirok etuvchi vakolatli organ va tashkilotlarning mavjud elektron tizimlariga integratsiya qilinishini taʼminlasin;
v) 2025-yil yakuniga qadar tazyiq va zoʻravonlik sodir etgan shaxslarni tuzatish dasturidan oʻtkazish jarayonlariga oid maʼlumotlarni raqamlashtirish choralarini koʻrsin.
4. Maktabgacha va maktab taʼlimi vazirligi, Oliy taʼlim, fan va innovatsiyalar vazirligi, Sogʻliqni saqlash vazirligi 2025-yilning ikkinchi yarmidan boshlab har olti oyda oʻzlarining tizimida mavjud psixologlar roʻyxatini Ichki ishlar vazirligiga taqdim etib borsin.
Ichki ishlar vazirligi 2025-yil 1-oktabrga qadar manfaatdor vazirlik va idoralar bilan birgalikda budjet tashkilotlaridagi psixolog mutaxassislarning reyestrini shakllantirsin.
5. Ichki ishlar vazirligi tuzatish dasturi doirasida tazyiq va zoʻravonlik sodir etgan shaxslarni psixokorreksiya dasturlaridan oʻtkazish jarayoniga nodavlat notijorat tashkilotlarni jalb qilish maqsadida Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasiga davlat ijtimoiy buyurtmalarini belgilangan tartibda taqdim etib boradi.
6. Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasiga mazkur qarorning 5-bandida nazarda tutilgan davlat ijtimoiy buyurtmalarini tanlov asosida moliyalashtirish tavsiya etilsin.
7. Ichki ishlar vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.
8. Mazkur qarorning bajarilishini nazorat qilish Oʻzbekiston Respublikasi Bosh vaziri oʻrinbosari — Oila va xotin-qizlar qoʻmitasi raisi Z.B. Maxkamova hamda ichki ishlar vaziri A.A. Tashpulatov zimmasiga yuklansin.
Vazirlar Mahkamasining 2025-yil 15-iyuldagi 441-son qaroriga ILOVA
Vazirlar Mahkamasining “Xotin-qizlarni tazyiq va zoʻravonlikdan himoya qilish tizimi yanada takomillashtirish chora-tadbirlari toʻgʻrisida” 2020-yil 4-yanvardagi 3-son qaroriga kiritilayotgan oʻzgartirish va qoʻshimchalar
1. 1-ilovada :
a) 3-band “ichki ishlar organlarining tayanch punkti profilaktika (katta) inspektori (keyingi oʻrinlarda profilaktika inspektori deb ataladi)” soʻzlaridan keyin “shuningdek, huquqbuzarliklar profilaktikasi boʻlimlari xotin-qizlar masalalari boʻyicha inspektori (keyingi oʻrinlarda xotin-qizlar masalalari boʻyicha inspektor deb ataladi)” soʻzlari bilan toʻldirilsin;
b) 5-bandning oltinchi xatboshisi “profilaktika inspektori” soʻzlaridan keyin “va xotin-qizlar masalalari boʻyicha inspektor” soʻzlari bilan toʻldirilsin;
v) 9-bandning birinchi xatboshisi “profilaktika inspektoriga” soʻzlaridan keyin “yoki xotin-qizlar masalalari boʻyicha inspektorga” soʻzlari bilan toʻldirilsin;
g) 10 va 11-bandlar “Profilaktika inspektori” soʻzlaridan keyin “hamda xotin-qizlar masalalari boʻyicha inspektor” soʻzlari bilan toʻldirilsin;
d) 12-bandning ikkinchi xatboshisi “profilaktika inspektori” soʻzlaridan keyin “yoki xotin-qizlar masalalari boʻyicha inspektor” soʻzlari bilan toʻldirilsin;
e) 13-bandning birinchi xatboshisi “profilaktika inspektori” soʻzlaridan keyin “yoki xotin-qizlar masalalari boʻyicha inspektor” soʻzlari bilan toʻldirilsin;
j) 16 va 20-bandlar “profilaktika inspektori” soʻzlaridan keyin “yoki xotin-qizlar masalalari boʻyicha inspektor” soʻzlari bilan toʻldirilsin;
z) 17-band “profilaktika inspektorining” soʻzlaridan keyin “, xotin-qizlar masalalari boʻyicha inspektorning” soʻzlari bilan toʻldirilsin;
i) 21-bandda :
“a” kichik bandning birinchi xatboshisi “profilaktika inspektorlari” soʻzlaridan keyin “hamda xotin-qizlar masalalari boʻyicha inspektor:” soʻzlari bilan toʻldirilsin;
“b” kichik bandning toʻrtinchi xatboshisi va “g” kichik bandlarning uchinchi xatboshisi “profilaktika inspektoriga” soʻzlaridan keyin “yoki xotin-qizlar masalalari boʻyicha inspektorga” soʻzlari bilan toʻldirilsin;
“v” kichik bandining toʻrtinchi xatboshisi “profilaktika inspektoriga” soʻzlaridan keyin “yoki xotin-qizlar masalalari boʻyicha inspektorga” soʻzlari bilan toʻldirilsin;
“d” kichik bandining oltinchi xatboshisi “profilaktika inspektoriga” soʻzlaridan keyin “yoki xotin-qizlar masalalari boʻyicha inspektorga” soʻzlari bilan toʻldirilsin;
“e” kichik bandining beshinchi xatboshisi “profilaktika inspektoriga” soʻzlaridan keyin “yoki xotin-qizlar masalalari boʻyicha inspektorga” soʻzlari bilan toʻldirilsin;
k) 22-band “profilaktika inspektori” soʻzlaridan keyin “yoki xotin-qizlar masalalari boʻyicha inspektor” soʻzlari bilan toʻldirilsin;
l) 24-band “profilaktika (katta) inspektori” soʻzlaridan keyin “yoki xotin-qizlar masalalari boʻyicha inspektor” soʻzlari bilan toʻldirilsin;
m) 32-band “Profilaktika inspektorlari” soʻzlaridan keyin “yoki xotin-qizlar masalalari boʻyicha inspektorlar” soʻzlari bilan toʻldirilsin;
n) 2-ilovada :
2-bosqichning “Tadbirlar” ustuni 2-bandidagi “profilaktika inspektoriga” soʻzlari “profilaktika inspektori yoki xotin-qizlar masalalari boʻyicha inspektorga” soʻzlari bilan almashtirilsin;
3 va 7-bosqichlarning “Subyektlar” ustuni “Profilaktika inspektori” soʻzlaridan keyin “yoki xotin-qizlar masalalari boʻyicha inspektor” soʻzlari bilan toʻldirilsin;
4-bosqichning “Tadbirlar” ustuni 1-bandidagi “profilaktika inspektorining” soʻzlari “profilaktika inspektori yoki xotin-qizlar masalalari boʻyicha inspektorning” soʻzlari bilan almashtirilsin;
6-bosqichning “Tadbirlar” ustuni 2-bandidagi “profilaktika inspektoriga” soʻzlari “profilaktika inspektori yoki xotin-qizlar masalalari boʻyicha inspektorga” soʻzlari bilan almashtirilsin.
2. 2-ilovada :
a) 2-band quyidagi mazmundagi beshinchi xatboshi bilan toʻldirilsin:
“ psixokorreksiya — tuzatish dasturi doirasida shaxsning rivojlanish jarayonidagi kamchilik va boʻshliqlarni bartaraf etish maqsadida unga faol psixologik-pedagogik taʼsir koʻrsatish, shaxslarning psixofiziologik imkoniyatlari va jamiyat tomonidan qoʻyilayotgan talablar oʻrtasidagi nomutanosiblikni bartaraf etishga qaratilgan tadbirlar majmui”;
b) 5-band quyidagi tahrirda bayon etilsin:
“5. Tuzatish dasturi zoʻravonlik sodir etgan jamiyatda oʻrnatilgan umummajburiy xulq-atvor qoidalariga rioya qilish maqsadida mahalliy davlat hokimiyati, mehnat, taʼlimni davlat tomonidan boshqarish organlari va taʼlim muassasalari, davlat sogʻliqni saqlash tizimini boshqarish organlari va sogʻliqni saqlash muassasalari, mahallalardagi xotin-qizlar faollari, tuman (shahar) yoshlar ishlari boʻlimlari, tuman (shahar) oila va xotin-qizlar boʻlimlari, budjet tashkilotlaridagi psixolog mutaxassislarning reyestriga kiritilgan psixologlar yoki grant doirasida jalb etilgan psixologlar (keyingi oʻrinlarda deb psixologlar ataladi), xotin-qizlar masalalari boʻyicha boshlangʻich tashkilotlar (keyingi oʻrinlarda vakolatli organ va tashkilotlar deb ataladi) tomonidan bir oygacha boʻlgan muddatda amalga oshiriladi”;
v) 8-band quyidagi tahrirda bayon etilsin:
“8. Himoya orderi berilgan har bir holatda ichki ishlar organlarining tayanch punkti profilaktika (katta) inspektori (keyingi oʻrinlarda profilaktika inspektori deb ataladi) yoki huquqbuzarliklar profilaktikasi boʻlimlari xotin-qizlar masalalari boʻyicha inspektori zoʻravonlik sodir etgan shaxsning tuzatish dasturidan oʻtishini himoya orderida belgilab, tuzatish dasturidan oʻtuvchi shaxsga imzo qoʻydirib tanishtiradi”;
g) 9 va 10-bandlar oʻz kuchini yoʻqotgan deb hisoblansin;
d) 11 va 12-bandlar quyidagi tahrirda bayon etilsin:
“11. Shaxs quyidagi tashkilotlarda tuzatish dasturidan oʻtadi:
fuqarolar yigʻinining Oilaviy qadriyatlarni mustahkamlash komissiyasida — oila-turmush doirasidagi nizoli vaziyatlar yuzasidan;
taʼlim muassasasida — tuzatish dasturidan oʻtishi belgilangan taʼlim muassasasida tahsil oluvchi, oʻqituvchi yoki boshqa xodim bilan bogʻliq nizolar yuzasidan;
sogʻliqni saqlash muassasasida — tuzatish dasturidan oʻtuvchi shaxsning ruhiy holati boʻyicha;
mehnat organlarida — tuzatish dasturidan oʻtuvchi vaqtincha ishsiz shaxslarning bandligini taʼminlash hamda kasb-hunarga oʻqitish va ularni ijtimoiy qoʻllab-quvvatlash boʻyicha;
tuman (shahar) yoshlar ishlari boʻlimlarida — tuzatish dasturidan oʻtuvchi yoshlar bilan yakka va guruh shaklida tarbiyaviy ishlarni olib borish, yoshlarning boʻsh vaqtini mazmunli oʻtkazish hamda bandligini taʼminlash va ular bilan bogʻliq nizolar boʻyicha.
12. Profilaktika inspektori:
tuzatish dasturidan oʻtuvchi shaxslar bilan vakolatli organ va tashkilotlar tomonidan amalga oshirilayotgan tadbirlarni umumlashtirish hamda faoliyatni monitoring qilish maqsadida har bir shaxs boʻyicha ularga oid maʼlumotlarni “E-ijtimoiy profilaktika” elektron axborot tizimining “E-tuzatish dasturi” moduliga kiritib boradi (elektron axborot tizimi faoliyati yoʻlga qoʻyilgunga qadar mazkur maʼlumotlar har bir shaxs boʻyicha ochilgan alohida yigʻmajildda jamlanadi);
himoya orderi rasmiylashtirilgan kundan boshlab ikki ish kuni ichida shaxsni tuzatish dasturidan oʻtkazish tadbirlarini tashkil qilish uchun zoʻravonlik sodir etgan shaxs bilan amalga oshirilishi lozim boʻlgan ishlar rejasini ishlab chiqadi;
rejani tuman (shahar) “Inson” ijtimoiy xizmatlar markazi bilan elektron axborot tizimi orqali kelishadi hamda tuman (shahar) hokimi oʻrinbosari — Oila va xotin-qizlar boʻlimi boshligi tomonidan tasdiqlangandan soʻng vakolatli organ va tashkilotlarga yuborilishini taʼminlaydi.
Huquqbuzarliklar profilaktikasi boʻlimlari xotin-qizlar masalalari boʻyicha inspektori tomonidan himoya orderi rasmiylashtirilgan holatlarda, profilaktika inspektori Profilaktika boʻlimi boshligʻining topshirigʻiga koʻra, ushbu bandda nazarda tutilgan tadbirlarni bajaradi”;
e) quyidagi mazmundagi 12 1 -band bilan toʻldirilsin:
“12 1 . Tuman (shahar) hokimi oʻrinbosari — Oila va xotin-qizlar boʻlimi boshligʻi zoʻravonlik sodir etgan shaxs bilan amalga oshirilishi lozim boʻlgan tadbirlar davlat organlari va tashkilotlar tomonidan ijrosi taʼminlanmagan holatlar boʻyicha oʻz vakolati doirasida davlat organlari va tashkilotlarining masʼul rahbarlariga xotin-qizlar huquqlari va qonuniy manfaatlarini taʼminlash borasidagi qonunchilik hujjatlari buzilishi hamda ularni keltirib chiqaruvchi sabab va shart-sharoitlarni bartaraf etish yuzasidan koʻrib chiqilishi majburiy boʻlgan taqdimnomalar kiritadi”;
j) 13-bandda :
birinchi xatboshidan “yoki uni sodir etishga moyil boʻlgan” soʻzlari chiqarib tashlansin;
oltinchi xatboshidagi “Yoshlar ittifoqi” soʻzlari “Yoshlar ishlari agentligining hududiy boʻlimlari” soʻzlari bilan almashtirilsin;
quyidagi mazmundagi yettinchi va sakkizinchi xatboshilar bilan toʻldirilsin:
“Psixologlar zoʻravonlik sodir etgan shaxslarni zoʻravonlik sodir etilishining oldini olish boʻyicha maxsus psixokorreksiya dasturlaridan oʻtkazish choralarini koʻradi.
Oʻzbekiston Respublikasi Prezidenti huzuridagi Ijtimoiy himoya milliy agentligi tizimidagi psixologlar mazkur dastur doirasida zoʻravonlik sodir etgan shaxslar bilan ishlash uchun jalb etilishiga yoʻl qoʻyilmaydi.”;
yettinchi xatboshi toʻqqizinchi xatboshi deb hisoblansin;
z) 15-band quyidagi tahrirda bayon etilsin:
“15. Vakolatli organ va tashkilotlar tuzatish dasturidan oʻtuvchi shaxslar bilan yakka tartibda va guruh shaklida oʻtkazilgan psixologik, psixokorreksion, pedagogik, ijtimoiy va tibbiy yoʻnalishlardagi tadbirlar toʻgʻrisidagi maʼlumotlarni profilaktika inspektoriga yuboradi.
Profilaktika inspektori xotin-qizlar masalalari boʻyicha inspektor bilan birgalikda vakolatli organ va tashkilotlarda tuzatish dasturidan oʻtgan shaxslar toʻgʻrisidagi maʼlumotlarni tahlil qiladi va uning yakuniy natijalarini fuqarolar yigʻinida tuman (shahar) hokimi oʻrinbosari — Oila va xotin-qizlar boʻlimi boshligʻi ishtirokida muhokama qilinishini taʼminlaydi”;
i) 1-ilova oʻz kuchini yoʻqotgan deb hisoblansin.
Oʻzbekiston Respublikasining Bosh vaziri A. ARIPOV
Toshkent sh.,
2025-yil 15-iyul,
441-son