📅 2025-yil 14-iyul · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 14 июль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 14 июля 2025 г. · Указы Президента
Официальный текст. Официальный документ. Редакционные примечания не включены.
📅 14 July 2025 · Presidential decrees
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ФАРМОНИ
Давлат бошқаруви тизимида самарадорлик, проактивлик ва натижадорликни ошириш чора-тадбирлари тўғрисида
Ислоҳотлар ижросини эксперт жиҳатидан таъминлаш самарадорлигини ошириш, ҳудудлар ва тармоқларни ижтимоий-иқтисодий ривожлантириш, бизнес муҳитини янада яхшилаш, давлат органларининг масъулияти ва ташаббускорлигини ошириш, бошқарувнинг барча бўғинлари ўртасида ҳамоҳангликни мустаҳкамлаш мақсадида қарор қиламан:
1. Қуйидагилар:
(а) Ўзбекистон Республикаси Президенти Администрациясининг янгиланган тузилмаси 1-иловага * мувофиқ;
(б) Ўзбекистон Республикаси Президенти Администрацияси регламенти 2-иловага * мувофиқ;
(в) Ўзбекистон Республикаси Президенти ва унинг Администрацияси ҳузуридаги ташкилотлар ходимларининг чекланган сони 3-иловага * мувофиқ;
(г) Ўзбекистон Республикаси Президенти Администрацияси раҳбар ва масъул ходимлари меҳнатига Ягона тариф сеткаси бўйича ҳақ тўлаш разрядлари 4-иловага * мувофиқ тасдиқлансин.
2. Ўзбекистон Республикаси Президенти Администрациясининг (кейинги ўринларда — Администрация) янгиланган тузилмасига мувофиқ:
(а) Ахборот ва оммавий коммуникациялар агентлиги тугатилсин ҳамда унинг ахборот соҳасида назорат ва мониторинг бўйича вазифа ва функциялари Ахборотлаштириш ва телекоммуникациялар соҳасида назорат инспекциясига ўтказилсин;
(б) Оммавий коммуникациялар масалалари бўйича марказ Администрация бўйсунувига ўтказилсин;
(в) Наркотикларни назорат қилиш миллий маркази негизида Наркотиклар ва ўқотар қуролларни назорат қилиш агентлиги ташкил этилсин;
(г) Администрация Матбуот хизмати медиа-маркази негизида Оммавий ахборот воситалари учун контент тайёрлаш маркази ташкил этилсин;
(д) Давлат хизматини ривожлантириш агентлиги негизида Бошқарув самарадорлиги агентлиги ташкил этилсин;
(ж) Вазирлар Маҳкамаси ҳузуридаги Маданият ва санъатни ривожлантириш жамғармаси Администрация бўйсунувига ўтказилсин.
3. Республика ижро этувчи ҳокимият органларининг проактив сиёсат юритишини таъминлаш учун 2025 йил 1 августдан қуйидагилар амалга киритилсин:
(а) вазирлик ва идораларнинг ўзларига тегишли соҳани тартибга солиш ваколати доирасида идоравий норматив-ҳуқуқий ҳужжатлар қабул қилиш имкониятларини кенгайтириш, уларнинг устидан жамоатчилик назоратини кучайтириш;
(б) идоравий ҳужжатларни Адлия вазирлигида давлат рўйхатидан ўтказишда қайта ишлаш (таҳрирлаш) имкониятини яратиш, давлат рўйхатидан ўтказиш рад этилган идоравий ҳужжатларни автоматик равишда ўз кучини йўқотган деб топиш амалиётини жорий этиш;
(в) идоравий ҳужжатларни, шу жумладан, санитария қоидалари, нормалари ва гигиена нормативлари, фитосанитария талаблари, экологик нормалар ва қоидалар, ветеринария ҳамда ветеринария-санитария қоидалари ва нормаларини (техник ҳужжатлар) халқаро стандартларга мослаштириш жараёнида уларга ҳуқуқий нормаларни киритишга рухсат этиш.
4. Вазирлар Маҳкамаси Стратегик ислоҳотлар агентлиги ва Бошқарув самарадорлиги агентлиги билан биргаликда:
(а) 2025 йил 1 августга қадар Ҳукумат қарорлари, идоравий ҳужжатлар ва маҳаллий давлат ҳокимияти органлари ҳужжатлари билан тартибга солинадиган масалалар рўйхатини белгиласин;
(б) 2025 йил 1 сентябрга қадар:
(i) бюрократик тўсиқларни бартараф этиш, такрорланувчи назорат функцияларини бекор қилиш, қарор қабул қилишда шаффофлик ва очиқликни таъминлашга қаратилган республика ва маҳаллий ижро этувчи ҳокимият органлари фаолияти самарадорлигини ошириш;
(ii) ҳудудларни комплекс ривожлантириш, аҳоли бандлигини таъминлаш ва даромадларини ошириш борасида маҳаллий ҳокимликлар иқтисодий, маъмурий ва молиявий ваколатларини янада кенгайтиришга қаратилган норматив-ҳуқуқий ҳужжатлар лойиҳалари пакетини Администрацияга киритсин;
(в) 2025 йил 1 августга қадар мазкур Фармон талабларини инобатга олган ҳолда Ҳукумат ижро аппарати ва ижро этувчи органларнинг штат тузилмаларини қайта кўриб чиқсин ва мақбуллаштириш юзасидан таклиф киритсин.
5. Олий суд Конституциявий суд, Бош прокуратура ва Адлия вазирлиги билан биргаликда икки ой муддатда норматив-ҳуқуқий ҳужжатлар ва норматив хусусиятга эга маъмурий ҳужжатлар юзасидан келиб тушаётган мурожаатларни таҳлил қилган ҳолда уларни бекор қилиш, ўзгартириш ва ҳақиқий эмас деб топиш бўйича суд амалиётини такомиллаштириш юзасидан таклифларни Администрацияга киритсин.
6. Президент маслаҳатчилари ва Администрация таркибий бўлинмалари бошлиқлари:
(а) бириктирилган йўналишларда ишларнинг аҳволи ва ривожланиш истиқболларини мунтазам (ҳафтада камида бир марта) муҳокама қилиб борсин, бу борада давлат ташкилотлари, ишбилармон доиралар, бизнес ҳамжамияти, ҳудуд фаоллари ва хусусий сектор вакиллари билан таъсирчан мулоқот ва ҳамкорликни кучайтирсин;
(б) ижтимоий-иқтисодий ривожланиш жараёнларини доимий мониторинг қилсин, ҳудудлар ва тармоқларни ривожлантириш ишлари ҳолати ҳамда истиқболлари тўғрисида ахборот тўплаб, ўз ечимини кутаётган муаммоларни ҳал қилиш йўлларини аниқлаган ҳолда Ўзбекистон Республикаси Президентига кўриб чиқиш учун киритиб борсин;
(в) ижтимоий-иқтисодий ривожлантириш бўйича давлат дастурларининг ўз вақтида шакллантирилишини ва тўлиқ бажарилишини, шу жумладан, тармоқлар ва ҳудудларда инвестициявий, давлат-хусусий шериклик ва бошқа йирик лойиҳаларнинг амалга оширилишини назоратга олсин;
(г) бизнес муҳитини янада яхшилаш, ўсишнинг янги имкониятларини ишга солиш, аҳоли даромадларини ошириш борасида ижро этувчи органларнинг ташкилий тузилмаларини ва иш услубларини такомиллаштириш, уларнинг фаолиятини рақамлаштириш, мансабдор шахсларнинг масъулияти ва ҳисобдорлигини ошириш чораларини кўриб борсин;
(д) бўлинма таркибидаги бошқарма ва шўъбалар фаолиятини замонавий талаблар асосида шакллантириш ва вазифалар тақсимотини мустақил белгилаш, ходимларни долзарб масалалар ечимига тезкор мобилизация қилиш орқали уларнинг иш самарадорлигини оширсин;
(ж) ходимлар фаолиятида замонавий маълумотларни таҳлил қилиш ва визуаллаштириш, лойиҳаларни бошқариш, вақт ва натижадорлик воситаларини, шу жумладан, сунъий интеллект технологиялари ва бошқа рақамли воситаларни жорий этсин.
7. Администрация раҳбари ва унинг ўринбосарлари, Президент ёрдамчилари, маслаҳатчилари, вакиллари ва Администрация таркибий бўлинмалари бошлиқлари Ўзбекистон Республикаси Президенти томонидан лавозимига тайинланиши ва лавозимидан озод этилиши белгилаб қўйилсин.
8. Администрация раҳбарига қуйидаги ваколатлар тақдим этилсин:
(а) Президент маслаҳатчилари ўринбосарлари ва Администрация таркибий бўлинмалари бошлиқлари ўринбосарлари, Комплаенс хизмати бошлиғи, Канцелярия мудири ҳамда Администрация бошқарув ходимлари, шу жумладан, мазкур лавозимларга илгари Ўзбекистон Республикаси Президенти томонидан тайинланган ходимларни лавозимга тайинлаш ва лавозимидан озод этиш. Бунда қонунчиликка тегишли ўзгартиришлар киритилгунига қадар ҳам мазкур ходимларга тегишли қонун ва қонуности ҳужжатларида Ўзбекистон Республикасининг Президенти томонидан лавозимга тайинланадиган ходимлар учун назарда тутилган барча ҳуқуқлар, имтиёзлар, кафолатлар, ваколатлар ва бошқа қоидалар, шу жумладан, давлат сирларидан фойдаланишга доир рухсатнома беришнинг алоҳида тартиби татбиқ этилади;
(б) Администрация ходимларининг штатлар жадвалини тасдиқлаш;
(в) лойиҳавий бошқарув тамойили асосида ривожлантириш лойиҳаларини амалга ошириш учун маҳаллий ва хорижий мутахассис ва экспертларни, шу жумладан, олимлар, илмий изланувчилар ва тадқиқотчиларни тўғридан-тўғри шартномалар асосида жалб қилиш (ишга олиш), уларнинг натижаларини молиялаштириш, шу жумладан, Администрация фаолиятига кўмаклашиш жамғармаси ҳисобидан;
(г) маҳаллий ва хорижий мутахассислар ва экспертларга хизматлари учун ҳақни (иш ҳақини) миллий ёки чет эл валютасида тўлаш, меҳнатга ҳақ тўлаш миқдорини мустақил белгилаш.
9. Президент маслаҳатчилари ва Администрация таркибий бўлинмалари бошлиқлари ўн кун муддатда ўзига тегишли йўналишда ривожлантириш лойиҳалари рўйхатларини шакллантирсин ва Администрация раҳбарига тасдиқлаш учун тақдим этсин.
10. Коммуникациялар департаменти бир ой муддатда Давлат коммуникация стратегиясини ишлаб чиқсин ва тасдиқлаш учун киритсин.
11. Администрация раҳбари икки ҳафта муддатда Администрация бошқарув ходимлари фаолиятига баҳо бериб, уларнинг аттестациядан ўтказилишини ҳамда Администрацияга салоҳияти ва қобилияти юқори бўлган энг муносиб кадрлар танланишини таъминласин.
12. Администрация Канцелярияси бошқа таркибий бўлинмалар билан биргаликда бир ой муддатда иш жараёнига замонавий рақамли воситаларни (сунъий интеллект, ходимлар фаолияти самарадорлигини мониторинг қилиш, видеоконференциялар, йиғилиш ва тадбирлар календари ва бошқалар) жорий қилсин.
13. Адлия вазирлиги бир ой муддатда қонунчиликка мазкур Фармондан келиб чиқадиган ўзгартириш ва қўшимчалар ҳақида таклифларни Администрацияга киритсин.
14. Мазкур Фармоннинг ижросини назорат қилиш Ўзбекистон Республикаси Президенти Администрацияси раҳбари С.Ш. Мирзиёева зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 14 июль,
ПФ- 111 -сон
OʻZBEKISTON RESPUBLIKASI PREZIDENTINING
FARMONI
Davlat boshqaruvi tizimida samaradorlik, proaktivlik va natijadorlikni oshirish chora-tadbirlari toʻgʻrisida
Islohotlar ijrosini ekspert jihatidan taʼminlash samaradorligini oshirish, hududlar va tarmoqlarni ijtimoiy-iqtisodiy rivojlantirish, biznes muhitini yanada yaxshilash, davlat organlarining masʼuliyati va tashabbuskorligini oshirish, boshqaruvning barcha boʻgʻinlari oʻrtasida hamohanglikni mustahkamlash maqsadida qaror qilaman:
1. Quyidagilar:
(a) Oʻzbekiston Respublikasi Prezidenti Administratsiyasining yangilangan tuzilmasi 1-ilovaga * muvofiq;
(b) Oʻzbekiston Respublikasi Prezidenti Administratsiyasi reglamenti 2-ilovaga * muvofiq;
(v) Oʻzbekiston Respublikasi Prezidenti va uning Administratsiyasi huzuridagi tashkilotlar xodimlarining cheklangan soni 3-ilovaga * muvofiq;
(g) Oʻzbekiston Respublikasi Prezidenti Administratsiyasi rahbar va masʼul xodimlari mehnatiga Yagona tarif setkasi boʻyicha haq toʻlash razryadlari 4-ilovaga * muvofiq tasdiqlansin.
2. Oʻzbekiston Respublikasi Prezidenti Administratsiyasining (keyingi oʻrinlarda — Administratsiya) yangilangan tuzilmasiga muvofiq:
(a) Axborot va ommaviy kommunikatsiyalar agentligi tugatilsin hamda uning axborot sohasida nazorat va monitoring boʻyicha vazifa va funksiyalari Axborotlashtirish va telekommunikatsiyalar sohasida nazorat inspeksiyasiga oʻtkazilsin;
(b) Ommaviy kommunikatsiyalar masalalari boʻyicha markaz Administratsiya boʻysunuviga oʻtkazilsin;
(v) Narkotiklarni nazorat qilish milliy markazi negizida Narkotiklar va oʻqotar qurollarni nazorat qilish agentligi tashkil etilsin;
(g) Administratsiya Matbuot xizmati media-markazi negizida Ommaviy axborot vositalari uchun kontent tayyorlash markazi tashkil etilsin;
(d) Davlat xizmatini rivojlantirish agentligi negizida Boshqaruv samaradorligi agentligi tashkil etilsin;
(j) Vazirlar Mahkamasi huzuridagi Madaniyat va sanʼatni rivojlantirish jamgʻarmasi Administratsiya boʻysunuviga oʻtkazilsin.
3. Respublika ijro etuvchi hokimiyat organlarining proaktiv siyosat yuritishini taʼminlash uchun 2025-yil 1-avgustdan quyidagilar amalga kiritilsin:
(a) vazirlik va idoralarning oʻzlariga tegishli sohani tartibga solish vakolati doirasida idoraviy normativ-huquqiy hujjatlar qabul qilish imkoniyatlarini kengaytirish, ularning ustidan jamoatchilik nazoratini kuchaytirish;
(b) idoraviy hujjatlarni Adliya vazirligida davlat roʻyxatidan oʻtkazishda qayta ishlash (tahrirlash) imkoniyatini yaratish, davlat roʻyxatidan oʻtkazish rad etilgan idoraviy hujjatlarni avtomatik ravishda oʻz kuchini yoʻqotgan deb topish amaliyotini joriy etish;
(v) idoraviy hujjatlarni, shu jumladan, sanitariya qoidalari, normalari va gigiyena normativlari, fitosanitariya talablari, ekologik normalar va qoidalar, veterinariya hamda veterinariya-sanitariya qoidalari va normalarini (texnik hujjatlar) xalqaro standartlarga moslashtirish jarayonida ularga huquqiy normalarni kiritishga ruxsat etish.
4. Vazirlar Mahkamasi Strategik islohotlar agentligi va Boshqaruv samaradorligi agentligi bilan birgalikda:
(a) 2025-yil 1-avgustga qadar Hukumat qarorlari, idoraviy hujjatlar va mahalliy davlat hokimiyati organlari hujjatlari bilan tartibga solinadigan masalalar roʻyxatini belgilasin;
(b) 2025-yil 1-sentabrga qadar:
(i) byurokratik toʻsiqlarni bartaraf etish, takrorlanuvchi nazorat funksiyalarini bekor qilish, qaror qabul qilishda shaffoflik va ochiqlikni taʼminlashga qaratilgan respublika va mahalliy ijro etuvchi hokimiyat organlari faoliyati samaradorligini oshirish;
(ii) hududlarni kompleks rivojlantirish, aholi bandligini taʼminlash va daromadlarini oshirish borasida mahalliy hokimliklar iqtisodiy, maʼmuriy va moliyaviy vakolatlarini yanada kengaytirishga qaratilgan normativ-huquqiy hujjatlar loyihalari paketini Administratsiyaga kiritsin;
(v) 2025-yil 1-avgustga qadar mazkur Farmon talablarini inobatga olgan holda Hukumat ijro apparati va ijro etuvchi organlarning shtat tuzilmalarini qayta koʻrib chiqsin va maqbullashtirish yuzasidan taklif kiritsin.
5. Oliy sud Konstitutsiyaviy sud, Bosh prokuratura va Adliya vazirligi bilan birgalikda ikki oy muddatda normativ-huquqiy hujjatlar va normativ xususiyatga ega maʼmuriy hujjatlar yuzasidan kelib tushayotgan murojaatlarni tahlil qilgan holda ularni bekor qilish, oʻzgartirish va haqiqiy emas deb topish boʻyicha sud amaliyotini takomillashtirish yuzasidan takliflarni Administratsiyaga kiritsin.
6. Prezident maslahatchilari va Administratsiya tarkibiy boʻlinmalari boshliqlari:
(a) biriktirilgan yoʻnalishlarda ishlarning ahvoli va rivojlanish istiqbollarini muntazam (haftada kamida bir marta) muhokama qilib borsin, bu borada davlat tashkilotlari, ishbilarmon doiralar, biznes hamjamiyati, hudud faollari va xususiy sektor vakillari bilan taʼsirchan muloqot va hamkorlikni kuchaytirsin;
(b) ijtimoiy-iqtisodiy rivojlanish jarayonlarini doimiy monitoring qilsin, hududlar va tarmoqlarni rivojlantirish ishlari holati hamda istiqbollari toʻgʻrisida axborot toʻplab, oʻz yechimini kutayotgan muammolarni hal qilish yoʻllarini aniqlagan holda Oʻzbekiston Respublikasi Prezidentiga koʻrib chiqish uchun kiritib borsin;
(v) ijtimoiy-iqtisodiy rivojlantirish boʻyicha davlat dasturlarining oʻz vaqtida shakllantirilishini va toʻliq bajarilishini, shu jumladan, tarmoqlar va hududlarda investitsiyaviy, davlat-xususiy sheriklik va boshqa yirik loyihalarning amalga oshirilishini nazoratga olsin;
(g) biznes muhitini yanada yaxshilash, oʻsishning yangi imkoniyatlarini ishga solish, aholi daromadlarini oshirish borasida ijro etuvchi organlarning tashkiliy tuzilmalarini va ish uslublarini takomillashtirish, ularning faoliyatini raqamlashtirish, mansabdor shaxslarning masʼuliyati va hisobdorligini oshirish choralarini koʻrib borsin;
(d) boʻlinma tarkibidagi boshqarma va shoʻbalar faoliyatini zamonaviy talablar asosida shakllantirish va vazifalar taqsimotini mustaqil belgilash, xodimlarni dolzarb masalalar yechimiga tezkor mobilizatsiya qilish orqali ularning ish samaradorligini oshirsin;
(j) xodimlar faoliyatida zamonaviy maʼlumotlarni tahlil qilish va vizuallashtirish, loyihalarni boshqarish, vaqt va natijadorlik vositalarini, shu jumladan, sunʼiy intellekt texnologiyalari va boshqa raqamli vositalarni joriy etsin.
7. Administratsiya rahbari va uning oʻrinbosarlari, Prezident yordamchilari, maslahatchilari, vakillari va Administratsiya tarkibiy boʻlinmalari boshliqlari Oʻzbekiston Respublikasi Prezidenti tomonidan lavozimiga tayinlanishi va lavozimidan ozod etilishi belgilab qoʻyilsin.
8. Administratsiya rahbariga quyidagi vakolatlar taqdim etilsin:
(a) Prezident maslahatchilari oʻrinbosarlari va Administratsiya tarkibiy boʻlinmalari boshliqlari oʻrinbosarlari, Komplayens xizmati boshligʻi, Kanselyariya mudiri hamda Administratsiya boshqaruv xodimlari, shu jumladan, mazkur lavozimlarga ilgari Oʻzbekiston Respublikasi Prezidenti tomonidan tayinlangan xodimlarni lavozimga tayinlash va lavozimidan ozod etish. Bunda qonunchilikka tegishli oʻzgartirishlar kiritilguniga qadar ham mazkur xodimlarga tegishli qonun va qonunosti hujjatlarida Oʻzbekiston Respublikasining Prezidenti tomonidan lavozimga tayinlanadigan xodimlar uchun nazarda tutilgan barcha huquqlar, imtiyozlar, kafolatlar, vakolatlar va boshqa qoidalar, shu jumladan, davlat sirlaridan foydalanishga doir ruxsatnoma berishning alohida tartibi tatbiq etiladi;
(b) Administratsiya xodimlarining shtatlar jadvalini tasdiqlash;
(v) loyihaviy boshqaruv tamoyili asosida rivojlantirish loyihalarini amalga oshirish uchun mahalliy va xorijiy mutaxassis va ekspertlarni, shu jumladan, olimlar, ilmiy izlanuvchilar va tadqiqotchilarni toʻgʻridan-toʻgʻri shartnomalar asosida jalb qilish (ishga olish), ularning natijalarini moliyalashtirish, shu jumladan, Administratsiya faoliyatiga koʻmaklashish jamgʻarmasi hisobidan;
(g) mahalliy va xorijiy mutaxassislar va ekspertlarga xizmatlari uchun haqni (ish haqini) milliy yoki chet el valyutasida toʻlash, mehnatga haq toʻlash miqdorini mustaqil belgilash.
9. Prezident maslahatchilari va Administratsiya tarkibiy boʻlinmalari boshliqlari oʻn kun muddatda oʻziga tegishli yoʻnalishda rivojlantirish loyihalari roʻyxatlarini shakllantirsin va Administratsiya rahbariga tasdiqlash uchun taqdim etsin.
10. Kommunikatsiyalar departamenti bir oy muddatda Davlat kommunikatsiya strategiyasini ishlab chiqsin va tasdiqlash uchun kiritsin.
11. Administratsiya rahbari ikki hafta muddatda Administratsiya boshqaruv xodimlari faoliyatiga baho berib, ularning attestatsiyadan oʻtkazilishini hamda Administratsiyaga salohiyati va qobiliyati yuqori boʻlgan eng munosib kadrlar tanlanishini taʼminlasin.
12. Administratsiya Kanselyariyasi boshqa tarkibiy boʻlinmalar bilan birgalikda bir oy muddatda ish jarayoniga zamonaviy raqamli vositalarni (sunʼiy intellekt, xodimlar faoliyati samaradorligini monitoring qilish, videokonferensiyalar, yigʻilish va tadbirlar kalendari va boshqalar) joriy qilsin.
13. Adliya vazirligi bir oy muddatda qonunchilikka mazkur Farmondan kelib chiqadigan oʻzgartirish va qoʻshimchalar haqida takliflarni Administratsiyaga kiritsin.
14. Mazkur Farmonning ijrosini nazorat qilish Oʻzbekiston Respublikasi Prezidenti Administratsiyasi rahbari S.Sh. Mirziyoyeva zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 14-iyul,
PF- 111 -son
ПРЕЗИДЕНТА РЕСПУБЛИКИ УЗБЕКИСТАН
УКАЗ
О мерах по повышению эффективности, проактивности и результативности в системе государственного управления
В целях повышения эффективности экспертного обеспечения исполнения реформ, социально-экономического развития регионов и отраслей, дальнейшего улучшения бизнес-среды, повышения ответственности и инициативности государственных органов, укрепления взаимосвязи между всеми звеньями управления постановляю:
1. Утвердить:
(а) обновленную структуру Администрации Президента Республики Узбекистан согласно приложению № 1 * ;
(б) Регламент Администрации Президента Республики Узбекистан согласно приложению № 2 * ;
(в) предельную численность работников организаций при Президенте Республики Узбекистан и при его Администрации согласно приложению № 3 * ;
(г) разряды оплаты труда по Единой тарифной сетке руководящих и ответственных работников Администрации Президента Республики Узбекистан согласно приложению № 4 * .
2. В соответствии с обновленной структурой Администрации Президента Республики Узбекистан (далее — Администрация):
(а) упразднить Агентство информации и массовых коммуникаций, а также передать его задачи и функции по контролю и мониторингу в сфере информации Инспекции по контролю в сфере информатизации и телекоммуникаций;
(б) Центр по вопросам массовых коммуникаций перевести в подчинение Администрации;
(в) создать Агентство по контролю за наркотиками и огнестрельным оружием на базе Национального центра по контролю за наркотиками;
(г) создать Центр подготовки контента для средств массовой информации на базе Медиа-центра Пресс-службы Администрации;
(д) создать Агентство эффективности управления на базе Агентства развития государственной службы;
(ж) перевести Фонд развития культуры и искусства при Кабинете Министров в подчинение Администрации.
3. В целях обеспечения осуществления проактивной политики республиканскими органами исполнительной власти внедрить с 1 августа 2025 года:
(а) расширение возможностей министерств и ведомств по принятию ведомственных нормативно-правовых актов в пределах своих полномочий по регулированию курируемой ими сферы, усиление общественного контроля за ними;
(б) создание возможности доработки (редактирования) ведомственных актов при государственной регистрации в Министерстве юстиции, внедрение практики признания в автоматическом порядке утратившими силу ведомственных актов, в государственной регистрации которых отказано;
(в) разрешение на внесение правовых норм в ведомственные акты, в том числе санитарные правила, нормы и гигиенические нормативы, фитосанитарные требования, экологические нормы и правила, ветеринарные и ветеринарно-санитарные правила и нормы (технические документы) в процессе приведения их в соответствие международным стандартам.
4. Кабинету Министров совместно с Агентством стратегических реформ и Агентством эффективности управления:
(а) в срок до 1 августа 2025 года определить перечень вопросов, регулируемых постановлениями Правительства, ведомственными актами и актами органов государственной власти на местах;
(б) в срок до 1 сентября 2025 года внести в Администрацию пакет проектов нормативно-правовых актов, предусматривающих:
(i) повышение эффективности деятельности республиканских и местных органов исполнительной власти, направленной на устранение бюрократических барьеров, отмену дублирующих контрольных функций, обеспечение прозрачности и открытости при принятии решений;
(ii) дальнейшее расширение экономических, административных и финансовых полномочий местных хокимиятов по комплексному развитию регионов, обеспечению занятости и повышению доходов населения;
(в) в срок до 1 августа 2025 года с учетом требований настоящего Указа пересмотреть штатные структуры исполнительного аппарата Правительства и исполнительных органов, и внести предложение по их оптимизации.
5. Верховному суду совместно с Конституционным судом, Генеральной прокуратурой и Министерством юстиции в двухмесячный срок внести в Администрацию предложения по совершенствованию судебной практики по отмене, изменению и признанию недействительными нормативно-правовых актов и административных актов нормативного характера с проведением анализа поступающих по ним обращений.
6. Советникам Президента и начальникам структурных подразделений Администрации:
(а) обсуждать на регулярной основе (не реже одного раза в неделю) состояние и перспективы развития дел в закрепленных направлениях, при этом усилить действенный диалог и сотрудничество с государственными организациями, деловыми кругами, бизнес-сообществом, активистами регионов и представителями частного сектора;
(б) проводить постоянный мониторинг процессов социально-экономического развития, осуществлять сбор информации о состоянии дел и перспективах развития регионов и отраслей, вносить ее на рассмотрение Президенту Республики Узбекистан с уточнением путей решения насущных проблем;
(в) взять на контроль своевременное формирование и выполнение в полном объеме государственных программ социально-экономического развития, в том числе реализацию инвестиционных проектов, проектов государственно-частного партнерства и других крупных проектов в отраслях и регионах;
(г) принимать меры совершенствования организационных структур и методов работы исполнительных органов по дальнейшему улучшению бизнес-среды, задействованию новых возможностей роста, повышению доходов населения, а также цифровизации их деятельности, усиления ответственности и подотчетности должностных лиц;
(д) повысить эффективность работы управлений и секторов в составе подразделения путем формирования их деятельности на основе современных требований и самостоятельного определения распределения задач, оперативной мобилизации работников к решению актуальных вопросов;
(ж) внедрить в деятельность работников современные средства анализа и визуализации данных, управления проектами, времени и результативности, в том числе технологий искусственного интеллекта и иных цифровых средств.
7. Установить, что руководитель Администрации и его заместители, помощники, советники, представители Президента и начальники структурных подразделений Администрации назначаются на должность и освобождаются от должности Президентом Республики Узбекистан.
8. Предоставить руководителю Администрации следующие полномочия:
(а) назначать на должность и освобождать от должности заместителей советников Президента и заместителей начальников структурных подразделений Администрации, начальника Службы комплаенса, заведующего Канцелярией и управленческого персонала Администрации, в том числе работников, ранее назначенных на данные должности Президентом Республики Узбекистан. При этом на данных работников распространяются все права, льготы, гарантии, полномочия и иные нормы, в том числе особый порядок выдачи допуска на использование государственных секретов, предусмотренные в соответствующих законодательных и подзаконных актах для работников, назначаемых на должность Президентом Республики Узбекистан, также до внесения соответствующих изменений в законодательство;
(б) утверждать штатное расписание работников Администрации;
(в) привлекать (осуществлять прием на работу) для реализации проектов развития на основе принципа проектного управления отечественных и зарубежных специалистов и экспертов, в том числе ученых, научных соискателей и исследователей на основе прямых договоров, финансировать их результаты, в частности за счет Фонда содействия деятельности Администрации;
(г) осуществлять выплату платы за услуги (заработной платы) в национальной или иностранной валюте отечественным и зарубежным специалистам и экспертам, при этом самостоятельно определять размер оплаты их труда.
9. Советникам Президента и начальникам структурных подразделений Администрации в десятидневный срок сформировать и представить на утверждение руководителю Администрации перечни проектов развития в курируемых ими направлениях.
10. Департаменту коммуникаций в месячный срок разработать и внести на утверждение Государственную стратегию коммуникации.
11. Руководителю Администрации в двухнедельный срок обеспечить проведение аттестации управленческого персонала Администрации с оценкой его деятельности, а также отбор в Администрацию наиболее достойных кадров, обладающих высоким потенциалом и способностями.
12. Канцелярии Администрации совместно с другими структурными подразделениями в месячный срок внедрить в процесс работы современные цифровые средства (искусственный интеллект, мониторинг эффективности деятельности работников, календарь видеоконференций, заседаний и мероприятий и другие).
13. Министерству юстиции в месячный срок внести в Администрацию предложения об изменениях и дополнениях в законодательство, вытекающих из настоящего Указа.
14. Контроль за исполнением настоящего Указа возложить на руководителя Администрации Президента Республики Узбекистан С.Ш. Мирзиёеву.
Президент Республики Узбекистан Ш. МИРЗИЁЕВ
г. Ташкент,
14 июля 2025 г.,
№ УП- 111