📅 2025-yil 19-iyul · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 19 июль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 19 июля 2025 г. · Указы Президента
Официальный текст. Официальный документ. Редакционные примечания не включены.
📅 19 July 2025 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
РЎЙХАТИ
Ўзбекистон Республикаси Президенти ва Ўзбекистон Республикаси Ҳукуматининг айрим ҳужжатларига ўзгартиришлар киритиш, шунингдек, баъзиларини ўз кучини йўқотган деб ҳисоблаш тўғрисида
Олий таълим ташкилотларининг бошқарув самарадорлигини ошириш орқали уларнинг сифатли фаолият юритишини таъминлаш, хорижнинг етакчи олий таълим ташкилотлари билан ҳамкорликда кадрлар тайёрлашни кенгайтириш, таълим хизматлари экспортини ошириш мақсадида қарор қиламан:
1. Ўзбекистон Республикаси Президентининг айрим ҳужжатларига 1-иловага мувофиқ қуйидагиларни назарда тутувчи ўзгартиришлар киритилсин:
(а) Тошкент шаҳридаги Турин политехника университетида талабаларни Турин политехника университети (Италия Республикаси) ўқув режа ва дастурлари билан бир қаторда бошқа илғор хорижий олий таълим ташкилотларининг ҳам ўқув режа ва дастурлари асосида ўқитиш тизимини жорий қилиш;
(б) олий таълим ташкилотларининг бакалавриат таълим йўналишларига ўқишга қабул қилиш жараёнларини «аввал тест, сўнг танлов» тамойилига мувофиқлаштириш.
2. Ўзбекистон Республикаси Президентининг ва Ўзбекистон Республикаси Ҳукуматининг айрим қарорлари 2-иловага мувофиқ ўз кучини йўқотган деб ҳисоблансин.
3. Ушбу Фармон ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси раҳбарининг таълимни ислоҳ қилиш бўйича ўринбосари Х.У. Умарова зиммасига юклансин.
Ўзбекистон Республикаси Президентининг 2025 йил 19 июлдаги ПФ-114-сон Фармонига 1-ИЛОВА
Ўзбекистон Республикаси Президентининг айрим ҳужжатларига киритилаётган ўзгартиришлар
1. Ўзбекистон Республикаси Президентининг 2020 йил 6 ноябрдаги «Ўзбекистоннинг янги тараққиёт даврида таълим-тарбия ва илм-фан соҳаларини ривожлантириш чора-тадбирлари тўғрисида»ги ПФ-6108-сон Фармони 10-бандининг биринчи ва учинчи хатбошилари чиқариб ташлансин.
2. Ўзбекистон Республикаси Президентининг 2009 йил 27 апрелдаги «Тошкент шаҳридаги Турин политехника университети фаолиятини ташкил этиш тўғрисида»ги ПҚ-1106-сон қарорида :
(а) 3-банд қуйидаги таҳрирда баён этилсин:
«3. Белгилансинки:
а) Университет Турин политехника университети (Италия Республикаси) билан тузиладиган сервис ва лицензия битимлари асосида кадрларга бўлган эҳтиёжни ҳисобга олган ҳолда, барча даражалардаги мутахассислар, шу жумладан, илмий-педагогик кадрлар тайёрлайди, шунингдек, кадрлар тайёрлашнинг асосий йўналишлари бўйича илмий-тадқиқот фаолиятини амалга оширади;
б) абитуриентларни ўқишга қабул қилиш ва Университет битирувчиларини аттестациядан ўтказиш:
лицензия талаблари асосида кадрлар тайёрлаш учун рухсат берилган бакалавриат таълим йўналишлари ва магистратура мутахассисликлари бўйича Ўзбекистон Республикаси қонунчилигига мувофиқ;
Ўзбекистон Республикаси Олий таълим, фан ва инновациялар вазирлиги билан келишилган ҳолда Турин политехника университети (Италия Республикаси) ҳамда бошқа илғор хорижий олий таълим ташкилотлари билан келишувга асосан ташкил этилган таълим дастурларида белгиланган тартиб, талаб ва муддатларга мувофиқ амалга оширилади;
в) талабаларни ўқитиш, Ўзбекистон Республикаси давлат таълим стандартлари талабларини ҳисобга олган ҳолда, Турин политехника университети (Италия Республикаси), бошқа илғор хорижий олий таълим ташкилотлари ҳамда Университет томонидан ишлаб чиқилган ўқув режалари ва дастурлари бўйича олиб борилади;
г) Университет тўлиқ академик, молиявий ва ташкилий мустақил олий таълим ташкилоти ҳисобланади;
д) Университетнинг:
Ўзбекистон Республикаси Олий таълим, фан ва инновациялар вазирлиги билан келишилган ҳолда Университет томонидан ишлаб чиқилган таълим дастурлари бўйича таълим олган битирувчиларига Университетнинг Ўзбекистон Республикасида олий маълумот тўғрисидаги ҳужжат сифатида эътироф этиладиган белгиланган намунадаги дипломи;
Турин политехника университети (Италия Республикаси) ҳамда бошқа илғор хорижий олий таълим ташкилотлари билан келишувга асосан ташкил этилган таълим дастурлари бўйича таълим олган битирувчиларига тегишли олий таълим ташкилотларининг Ўзбекистон Республикасида олий маълумот тўғрисидаги ҳужжат сифатида эътироф этиладиган белгиланган намунадаги дипломи берилади;
ж) Университетда талабаларни ўқитиш тўлов-контракт асосида амалга оширилади ҳамда қабул параметрлари ва талабаларни ўқитиш учун тўлов-контракт суммаси Университет томонидан белгиланади»;
(б) 2-илова ўз кучини йўқотган деб ҳисоблансин.
3. Ўзбекистон Республикаси Президентининг 2018 йил 21 июндаги «Жаҳон иқтисодиёти ва дипломатия университети фаолиятини тубдан такомиллаштириш чора-тадбирлари тўғрисида»ги ПҚ-3795-сон қарорининг 5-бандида :
(а) тўртинчи ва олтинчи хатбошилар чиқариб ташлансин;
(б) бешинчи хатбоши тўртинчи хатбоши деб ҳисоблансин.
4. Ўзбекистон Республикаси Президентининг 2021 йил 1 апрелдаги «Илм-фан соҳасидаги давлат сиёсати ва инновацион ривожлантиришдаги давлат бошқарувини янада такомиллаштириш чора-тадбирлари тўғрисида»ги ПҚ-5047-сон қарорининг 5-банди қуйидаги таҳрирда баён этилсин:
«5. Тошкент шаҳри, Олмазор тумани, Университет кўчаси, 7-уй манзилида жойлашган бино ва иншоотлар тегишли ҳудуди билан бирга Олий таълим, фан ва инновациялар вазирлигига (кейинги ўринларда — Вазирлик) оператив бошқарув ҳуқуқи асосида берилсин.
Бунда:
Вазирлик, Агентлик, Миллий офис, Жамғарма, Илмий-техник ахборот маркази — ушбу банднинг биринчи хатбошисида кўрсатилган манзилдаги бинога;
илмий ишланмаларни тижоратлаштириш учун ташкил этиладиган ташкилотлар ҳамда акселерация натижасига кўра Жамғарма томонидан молиялаштирилган стартап ташкилотларнинг маъмурий бошқаруви органлари кўпи билан бир йил муддатга — Вазирлик биносига текин фойдаланиш ҳуқуқи асосида жойлаштирилади».
5. Ўзбекистон Республикаси Президентининг 2021 йил 19 майдаги «Ўзбекистон Республикасида хорижий тилларни ўрганишни оммалаштириш фаолиятини сифат жиҳатидан янги босқичга олиб чиқиш чора-тадбирлари тўғрисида»ги ПҚ-5117-сон қарорида :
(а) 5-банднинг «г» кичик банди биринчи хатбошисидаги «Халқ таълими вазирлиги ва Агентлик» сўзлари «Мактабгача ва мактаб таълими вазирлиги ҳамда Олий таълим, фан ва инновациялар вазирлиги» сўзлари билан алмаштирилсин;
(б) 6-банднинг тўртинчи хатбошиси чиқариб ташлансин.
6. Ўзбекистон Республикаси Президентининг 2024 йил 18 июлдаги ПҚ-265-сон қарори билан тасдиқланган 2024 — 2027 йилларда Термиз давлат муҳандислик ва агротехнологиялар университети фаолиятини ташкил этиш ҳамда унинг моддий-техника базасини мустаҳкамлаш бўйича «йўл харитаси»нинг 28-позицияси «Молиялаштириш манбалари» устунидаги «Олий таълим муассасасининг бюджетдан ташқари маблағлари» сўзлари «Давлат бюджетидан мазкур мақсадларга ажратилган субсидиялар» сўзлари билан алмаштирилсин.
Ўзбекистон Республикаси Президентининг 2025 йил 19 июлдаги ПФ-114-сон Фармонига 2-ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг ўз кучини йўқотган деб эътироф этилаётган айрим қарорлари
1. Ўзбекистон Республикаси Президентининг 2022 йил 31 майдаги «Андижон давлат чет тиллари институтини ташкил этиш тўғрисида»ги ПҚ-265-сон қарори 4-бандининг «г» кичик банди .
2. Ўзбекистон Республикаси Президентининг 2022 йил 9 июндаги «Исҳоқхон Ибрат номидаги Наманган давлат чет тиллари институтини ташкил этиш тўғрисида»ги ПҚ-275-сон қарори 4-бандининг «в» кичик банди .
3. Ўзбекистон Республикаси Президентининг 2022 йил 21 июндаги «Низомий номидаги Тошкент давлат педагогика университети фаолиятини такомиллаштириш бўйича қўшимча чора-тадбирлар тўғрисида»ги ПҚ-290-сон қарорининг 5 ва 6-бандлари .
4. Вазирлар Маҳкамасининг 2009 йил 23 июлдаги «Тошкент шаҳридаги Турин политехника университетининг ташкилий тузилмасини тасдиқлаш тўғрисида»ги 211-сон қарори .
5. Вазирлар Маҳкамасининг 2021 йил 19 ноябрдаги «Олий таълим ташкилотларига кириш имтиҳонларида абитуриентларнинг таълим тўғрисидаги ҳужжатларига қўйилган баҳоларини инобатга олиш тартибини жорий этиш чора-тадбирлари тўғрисида»ги 696-сон қарори .
6. Вазирлар Маҳкамасининг 2022 йил 19 январдаги «Хорижий тилларни ўрганишни такомиллаштириш бўйича қўшимча чора-тадбирлар тўғрисида»ги 34-сон қарорининг 6 ва 7-бандлари .
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 19 июль,
ПФ-114-сон
Oʻzbekiston Respublikasi Prezidentining
Farmoni
ROʻYXATI
Oʻzbekiston Respublikasi Prezidenti va Oʻzbekiston Respublikasi Hukumatining ayrim hujjatlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida
Oliy taʼlim tashkilotlarining boshqaruv samaradorligini oshirish orqali ularning sifatli faoliyat yuritishini taʼminlash, xorijning yetakchi oliy taʼlim tashkilotlari bilan hamkorlikda kadrlar tayyorlashni kengaytirish, taʼlim xizmatlari eksportini oshirish maqsadida qaror qilaman:
1. Oʻzbekiston Respublikasi Prezidentining ayrim hujjatlariga 1-ilovaga muvofiq quyidagilarni nazarda tutuvchi oʻzgartirishlar kiritilsin:
(a) Toshkent shahridagi Turin politexnika universitetida talabalarni Turin politexnika universiteti (Italiya Respublikasi) oʻquv reja va dasturlari bilan bir qatorda boshqa ilgʻor xorijiy oliy taʼlim tashkilotlarining ham oʻquv reja va dasturlari asosida oʻqitish tizimini joriy qilish;
(b) oliy taʼlim tashkilotlarining bakalavriat taʼlim yoʻnalishlariga oʻqishga qabul qilish jarayonlarini “avval test, soʻng tanlov” tamoyiliga muvofiqlashtirish.
2. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlari 2-ilovaga muvofiq oʻz kuchini yoʻqotgan deb hisoblansin.
3. Ushbu Farmon ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi rahbarining taʼlimni isloh qilish boʻyicha oʻrinbosari X.U. Umarova zimmasiga yuklansin.
Oʻzbekiston Respublikasi Prezidentining 2025-yil 19-iyuldagi PF-114-son Farmoniga 1-ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar
1. Oʻzbekiston Respublikasi Prezidentining 2020-yil 6-noyabrdagi “Oʻzbekistonning yangi taraqqiyot davrida taʼlim-tarbiya va ilm-fan sohalarini rivojlantirish chora-tadbirlari toʻgʻrisida”gi PF-6108-son Farmoni 10-bandining birinchi va uchinchi xatboshilari chiqarib tashlansin.
2. Oʻzbekiston Respublikasi Prezidentining 2009-yil 27-apreldagi “Toshkent shahridagi Turin politexnika universiteti faoliyatini tashkil etish toʻgʻrisida”gi PQ-1106-son qarorida :
(a) 3-band quyidagi tahrirda bayon etilsin:
“3. Belgilansinki:
a) Universitet Turin politexnika universiteti (Italiya Respublikasi) bilan tuziladigan servis va litsenziya bitimlari asosida kadrlarga boʻlgan ehtiyojni hisobga olgan holda, barcha darajalardagi mutaxassislar, shu jumladan, ilmiy-pedagogik kadrlar tayyorlaydi, shuningdek, kadrlar tayyorlashning asosiy yoʻnalishlari boʻyicha ilmiy-tadqiqot faoliyatini amalga oshiradi;
b) abituriyentlarni oʻqishga qabul qilish va Universitet bitiruvchilarini attestatsiyadan oʻtkazish:
litsenziya talablari asosida kadrlar tayyorlash uchun ruxsat berilgan bakalavriat taʼlim yoʻnalishlari va magistratura mutaxassisliklari boʻyicha Oʻzbekiston Respublikasi qonunchiligiga muvofiq;
Oʻzbekiston Respublikasi Oliy taʼlim, fan va innovatsiyalar vazirligi bilan kelishilgan holda Turin politexnika universiteti (Italiya Respublikasi) hamda boshqa ilgʻor xorijiy oliy taʼlim tashkilotlari bilan kelishuvga asosan tashkil etilgan taʼlim dasturlarida belgilangan tartib, talab va muddatlarga muvofiq amalga oshiriladi;
v) talabalarni oʻqitish, Oʻzbekiston Respublikasi davlat taʼlim standartlari talablarini hisobga olgan holda, Turin politexnika universiteti (Italiya Respublikasi), boshqa ilgʻor xorijiy oliy taʼlim tashkilotlari hamda Universitet tomonidan ishlab chiqilgan oʻquv rejalari va dasturlari boʻyicha olib boriladi;
g) Universitet toʻliq akademik, moliyaviy va tashkiliy mustaqil oliy taʼlim tashkiloti hisoblanadi;
d) Universitetning:
Oʻzbekiston Respublikasi Oliy taʼlim, fan va innovatsiyalar vazirligi bilan kelishilgan holda Universitet tomonidan ishlab chiqilgan taʼlim dasturlari boʻyicha taʼlim olgan bitiruvchilariga Universitetning Oʻzbekiston Respublikasida oliy maʼlumot toʻgʻrisidagi hujjat sifatida eʼtirof etiladigan belgilangan namunadagi diplomi;
Turin politexnika universiteti (Italiya Respublikasi) hamda boshqa ilgʻor xorijiy oliy taʼlim tashkilotlari bilan kelishuvga asosan tashkil etilgan taʼlim dasturlari boʻyicha taʼlim olgan bitiruvchilariga tegishli oliy taʼlim tashkilotlarining Oʻzbekiston Respublikasida oliy maʼlumot toʻgʻrisidagi hujjat sifatida eʼtirof etiladigan belgilangan namunadagi diplomi beriladi;
j) Universitetda talabalarni oʻqitish toʻlov-kontrakt asosida amalga oshiriladi hamda qabul parametrlari va talabalarni oʻqitish uchun toʻlov-kontrakt summasi Universitet tomonidan belgilanadi”;
(b) 2-ilova oʻz kuchini yoʻqotgan deb hisoblansin.
3. Oʻzbekiston Respublikasi Prezidentining 2018-yil 21-iyundagi “Jahon iqtisodiyoti va diplomatiya universiteti faoliyatini tubdan takomillashtirish chora-tadbirlari toʻgʻrisida”gi PQ-3795-son qarorining 5-bandida :
(a) toʻrtinchi va oltinchi xatboshilar chiqarib tashlansin;
(b) beshinchi xatboshi toʻrtinchi xatboshi deb hisoblansin.
4. Oʻzbekiston Respublikasi Prezidentining 2021-yil 1-apreldagi “Ilm-fan sohasidagi davlat siyosati va innovatsion rivojlantirishdagi davlat boshqaruvini yanada takomillashtirish chora-tadbirlari toʻgʻrisida”gi PQ-5047-son qarorining 5-bandi quyidagi tahrirda bayon etilsin:
“5. Toshkent shahri, Olmazor tumani, Universitet koʻchasi, 7-uy manzilida joylashgan bino va inshootlar tegishli hududi bilan birga Oliy taʼlim, fan va innovatsiyalar vazirligiga (keyingi oʻrinlarda — Vazirlik) operativ boshqaruv huquqi asosida berilsin.
Bunda:
Vazirlik, Agentlik, Milliy ofis, Jamgʻarma, Ilmiy-texnik axborot markazi — ushbu bandning birinchi xatboshisida koʻrsatilgan manzildagi binoga;
ilmiy ishlanmalarni tijoratlashtirish uchun tashkil etiladigan tashkilotlar hamda akseleratsiya natijasiga koʻra Jamgʻarma tomonidan moliyalashtirilgan startap tashkilotlarning maʼmuriy boshqaruvi organlari koʻpi bilan bir yil muddatga — Vazirlik binosiga tekin foydalanish huquqi asosida joylashtiriladi”.
5. Oʻzbekiston Respublikasi Prezidentining 2021-yil 19-maydagi “Oʻzbekiston Respublikasida xorijiy tillarni oʻrganishni ommalashtirish faoliyatini sifat jihatidan yangi bosqichga olib chiqish chora-tadbirlari toʻgʻrisida”gi PQ-5117-son qarorida :
(a) 5-bandning “g” kichik bandi birinchi xatboshisidagi “Xalq taʼlimi vazirligi va Agentlik” soʻzlari “Maktabgacha va maktab taʼlimi vazirligi hamda Oliy taʼlim, fan va innovatsiyalar vazirligi” soʻzlari bilan almashtirilsin;
(b) 6-bandning toʻrtinchi xatboshisi chiqarib tashlansin.
6. Oʻzbekiston Respublikasi Prezidentining 2024-yil 18-iyuldagi PQ-265-son qarori bilan tasdiqlangan 2024 — 2027-yillarda Termiz davlat muhandislik va agrotexnologiyalar universiteti faoliyatini tashkil etish hamda uning moddiy-texnika bazasini mustahkamlash boʻyicha “yoʻl xaritasi”ning 28-pozitsiyasi “Moliyalashtirish manbalari” ustunidagi “Oliy taʼlim muassasasining budjetdan tashqari mablagʻlari” soʻzlari “Davlat budjetidan mazkur maqsadlarga ajratilgan subsidiyalar” soʻzlari bilan almashtirilsin.
Oʻzbekiston Respublikasi Prezidentining 2025-yil 19-iyuldagi PF-114-son Farmoniga 2-ILOVA
Oʻzbekiston Respublikasi Prezidentining va Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari
1. Oʻzbekiston Respublikasi Prezidentining 2022-yil 31-maydagi “Andijon davlat chet tillari institutini tashkil etish toʻgʻrisida”gi PQ-265-son qarori 4-bandining “g” kichik bandi .
2. Oʻzbekiston Respublikasi Prezidentining 2022-yil 9-iyundagi “Isʼhoqxon Ibrat nomidagi Namangan davlat chet tillari institutini tashkil etish toʻgʻrisida”gi PQ-275-son qarori 4-bandining “v” kichik bandi .
3. Oʻzbekiston Respublikasi Prezidentining 2022-yil 21-iyundagi “Nizomiy nomidagi Toshkent davlat pedagogika universiteti faoliyatini takomillashtirish boʻyicha qoʻshimcha chora-tadbirlar toʻgʻrisida”gi PQ-290-son qarorining 5 va 6-bandlari .
4. Vazirlar Mahkamasining 2009-yil 23-iyuldagi “Toshkent shahridagi Turin politexnika universitetining tashkiliy tuzilmasini tasdiqlash toʻgʻrisida”gi 211-son qarori .
5. Vazirlar Mahkamasining 2021-yil 19-noyabrdagi “Oliy taʼlim tashkilotlariga kirish imtihonlarida abituriyentlarning taʼlim toʻgʻrisidagi hujjatlariga qoʻyilgan baholarini inobatga olish tartibini joriy etish chora-tadbirlari toʻgʻrisida”gi 696-son qarori .
6. Vazirlar Mahkamasining 2022-yil 19-yanvardagi “Xorijiy tillarni oʻrganishni takomillashtirish boʻyicha qoʻshimcha chora-tadbirlar toʻgʻrisida”gi 34-son qarorining 6 va 7-bandlari .
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 19-iyul,
PF-114-son
Президента Республики Узбекистан
Указ
ПЕРЕЧЕНЬ
О внесении изменений, а также признании утратившими силу некоторых актов Президента Республики Узбекистан и Правительства Республики Узбекистан
В целях обеспечения качественного функционирования высших образовательных организаций посредством повышения эффективности их управления, расширения подготовки кадров в сотрудничестве с ведущими зарубежными высшими образовательными организациями, увеличения экспорта образовательных услуг постановляю:
1. Внести изменения в некоторые акты Президента Республики Узбекистан согласно приложению № 1 , предусматривающие:
(а) внедрение в Туринском политехническом университете в городе Ташкенте системы обучения студентов наряду с учебными планами и программами Туринского политехнического университета (Итальянская Республика) также на основе учебных планов и программ других передовых зарубежных высших образовательных организаций;
(б) приведение процессов приема на учебу на направления образования бакалавриата высших образовательных организаций в соответствие с принципом «в начале тест, затем выбор».
2. Признать утратившими силу некоторые постановления Президента Республики Узбекистан и Правительства Республики Узбекистан согласно приложению № 2 .
3. Контроль за исполнением настоящего Указа возложить на Премьер-министра Республики Узбекистан А.Н. Арипова и заместителя руководителя Администрации Президента Республики Узбекистан по реформированию образования Х.У. Умарову.
ПРИЛОЖЕНИЕ № 1 к Указу Президента Республики Узбекистан от 19 июля 2025 года № УП-114
Изменения, вносимые в некоторые акты Президента Республики Узбекистан
1. Абзацы первый и третий пункта 10 Указа Президента Республики Узбекистан от 6 ноября 2020 года № УП-6108 «О мерах по развитию сфер образования и воспитания, и науки в новый период развития Узбекистана» исключить.
2. В постановлении Президента Республики Узбекистан от 27 апреля 2009 года № ПП-1106 «Об организации деятельности Туринского политехнического университета в г. Ташкенте»:
(а) пункт 3 изложить в следующей редакции:
«3. Определить, что:
а) на основе сервисного и лицензионного соглашений, заключаемых с Туринским политехническим университетом (Итальянская Республика), Университет осуществляет подготовку специалистов всех уровней, включая научно-педагогических кадров, с учетом потребности в кадрах, также ведет научно-исследовательскую деятельность по основным направлениям подготовки кадров;
б) прием абитуриентов на учебу и аттестация выпускников Университета осуществляются:
в соответствии с законодательством Республики Узбекистан по направлениям образования бакалавриата и специальностям магистратуры, разрешенных для подготовки кадров на основе лицензионных требований;
в соответствии с порядком, требованиями и сроками, установленными в образовательных программах, организованных на основе соглашения с Туринским политехническим университетом (Итальянская Республика) и другими передовыми зарубежными высшими образовательными организациями по согласованию с Министерством высшего образования, науки и инноваций Республики Узбекистан;
в) обучение студентов ведется по учебным планам и программам, разработанным Туринским политехническим университетом (Итальянская Республика), другими передовыми зарубежными высшими образовательными организациями и Университетом с учетом требований государственных образовательных стандартов Республики Узбекистан;
г) Университет является высшей образовательной организацией, обладающей полной академической, организационной и финансовой самостоятельностью;
д) выпускникам Университета:
обучавшимся по образовательным программам, разработанным Университетом по согласованию с Министерством высшего образования, науки и инноваций Республики Узбекистан, выдается диплом установленного образца Университета, признаваемый в качестве документа о высшем образовании в Республике Узбекистан;
обучавшимся по образовательным программам, внедренным на основе соглашения с Туринским политехническим университетом (Итальянская Республика) и другими передовыми зарубежными высшими образовательными организациями, выдается диплом установленного образца соответствующих высших образовательных организаций, признаваемый в качестве документа о высшем образовании в Республике Узбекистан;
ж) обучение студентов в Университете осуществляется на основе платного контракта, параметры приема и сумма контракта за обучение студентов определяются Университетом»;
(б) приложение № 2 признать утратившим силу.
3. В пункте 5 постановления Президента Республики Узбекистан от 21 июня 2018 года № ПП-3795 «О мерах по кардинальному совершенствованию деятельности Университета мировой экономики и дипломатии»:
(а) абзацы четвертый и шестой исключить;
(б) абзац пятый считать абзацем четвертым.
4. Пункт 5 постановления Президента Республики Узбекистан от 1 апреля 2021 года № ПП-5047 «О мерах по дальнейшему совершенствованию государственной политики в сфере науки и государственного управления в области инновационного развития» изложить в следующей редакции:
«5. Передать Министерству высшего образования, науки и инноваций (далее — Министерство) здания и сооружения вместе с соответствующей территорией, расположенных по адресу: город Ташкент, Алмазарский район, улица Университетская, дом 7, на праве оперативного управления.
При этом:
Министерство, Агентство, Национальный офис, Фонд, Центр научно-технической информации размещаются в здании по адресу, указанному в абзаце первом настоящего пункта;
организации, создаваемые для коммерциализации научных разработок, а также органы административного управления стартап-организаций, финансируемых Фондом по результатам акселерации на срок не более одного года, размещаются в здании Министерства на основе права безвозмездного пользования».
5. В постановлении Президента Республики Узбекистан от 19 мая 2021 года № ПП-5117 «О мерах по поднятию на качественно новый уровень деятельности по популяризации изучения иностранных языков в Республике Узбекистан»:
(а) в абзаце первом подпункта «г» пункта 5 слова «Министерством народного образования и Агентством» заменить словами «Министерством дошкольного и школьного образования и Министерством высшего образования, науки и инноваций»;
(б) абзац четвертый пункта 6 исключить.
6. В графе «Источники финансирования» позиции 28 «Дорожной карты» по организации деятельности и укреплению материально-технической базы Термезского государственного университета инженерии и агротехнологий в 2024 — 2027 годах, утвержденной постановлением Президента Республики Узбекистан от 18 июля 2024 года № ПП-265, слова «внебюджетные средства высшего образовательного учреждения» заменить словами «субсидии, выделенные на данные цели из Государственного бюджета».
ПРИЛОЖЕНИЕ № 2 к Указу Президента Республики Узбекистан от 19 июля 2025 года № УП-114
некоторых постановлений Президента Республики Узбекистан и Правительства Республики Узбекистан, признаваемых утратившими силу
1. Подпункт «г» пункта 4 постановления Президента Республики Узбекистан от 31 мая 2022 года № ПП-265 «Об образовании Андижанского государственного института иностранных языков».
2. Подпункт «в» пункта 4 постановления Президента Республики Узбекистан от 9 июня 2022 года № ПП-275 «Об образовании Наманганского государственного института иностранных языков имени Исхокхона Ибрата».
3. Пункты 5 и 6 постановления Президента Республики Узбекистан от 21 июня 2022 года № ПП-290 «О дополнительных мерах по совершенствованию деятельности Ташкентского государственного педагогического университета имени Низами».
4. Постановление Кабинета Министров от 23 июля 2009 года № 211 «Об утверждении организационной структуры Туринского политехнического университета в городе Ташкенте».
5. Постановление Кабинета Министров от 19 ноября 2021 года № 696 «О мерах по внедрению порядка учета оценок абитуриентов, проставленных в документах об образовании, на вступительных экзаменах в высшие образовательные организации».
6. Пункты 6 и 7 постановления Кабинета Министров от 19 января 2022 года № 34 «О дополнительных мерах по совершенствованию изучения иностранных языков».
Президент Республики Узбекистан Ш. МИРЗИЁЕВ
г. Ташкент,
19 июля 2025 г.,
№ УП-114