📅 2025-yil 7-iyul · Vazirlik va idoralar hujjatlari · Ichki ishlar vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 7 июль · Вазирлик ва идоралар ҳужжатлари · Ички ишлар вазири
Расмий матн. Расмий ҳужжат. Таҳририй изоҳлар киритилмаган.
📅 7 июля 2025 г. · Документы министерств и ведомств · Министр внутренних дел
Официальный текст. Официальный документ. Редакционные примечания не включены.
📅 7 July 2025 · Ministry and agency documents · Ichki ishlar vaziri
Official text. Official document. Editorial notes are not included.
Ўзбекистон Республикаси Ички ишлар вазирининг
буйруғи
НИЗОМ
НАМУНАВИЙ ШАКЛИ
Тошкент ва Фарғона вилоятларида криминоген вазияти оғир маҳаллалар учун ички ишлар органлари профилактика соҳасида кўп йиллик амалий тажриба ва самарали натижаларга эга пенсионерларни шартнома асосида ҳуқуқбузарликлар профилактикаси фаолиятига жалб қилиш тартиби тўғрисидаги низомни тасдиқлаш ҳақида
Ўзбекистон Республикасининг «Ички ишлар органлари тўғрисида»ги Қонуни ҳамда Ўзбекистон Республикаси Президентининг 2017 йил 29 ноябрдаги ПҚ-3413-сон «Ички ишлар органлари кадрлари билан ишлаш ва уларнинг хизматини ташкил этиш тартибини тубдан такомиллаштириш чора-тадбирлари тўғрисида»ги қарорига асосан буюраман:
1. Тошкент ва Фарғона вилоятларида криминоген вазияти оғир маҳаллалар учун ички ишлар органлари профилактика соҳасида кўп йиллик амалий тажриба ва самарали натижаларга эга пенсионерларни шартнома асосида ҳуқуқбузарликлар профилактикаси фаолиятига жалб қилиш тартиби тўғрисидаги низом иловага мувофиқ тасдиқлансин.
2. Ушбу буйруқ Ўзбекистон Республикаси Иқтисодиёт ва молия вазирлиги билан келишилган.
3. Мазкур буйруқ расмий эълон қилинган кундан эътиборан кучга киради.
Келишилди:
Ўзбекистон Республикаси ички ишлар вазирининг 2025 йил 7 июлдаги 140-сон буйруғига ИЛОВА
Тошкент ва Фарғона вилоятларида криминоген вазияти оғир маҳаллалар учун ички ишлар органлари профилактика соҳасида кўп йиллик амалий тажриба ва самарали натижаларга эга пенсионерларни шартнома асосида ҳуқуқбузарликлар профилактикаси фаолиятига жалб қилиш тартиби тўғрисидаги
Ушбу Низом Тошкент ва Фарғона вилоятларида криминоген вазияти оғир маҳаллалар учун ички ишлар органлари профилактика соҳасида кўп йиллик амалий тажриба ва самарали натижаларга эга пенсионерларни (бундан буён матнда пенсионерлар деб юритилади) шартнома асосида ҳуқуқбузарликлар профилактикаси фаолиятига жалб қилиш тартибини белгилайди.
1-боб. Умумий қоидалар
1. Пенсионерлар шартнома асосида ҳуқуқбузарликлар профилактикаси фаолиятига ихтиёрий тартибда, ички ишлар органлари томонидан танлов асосида жалб қилинади.
Танловда иштирок этадиган пенсионерларнинг сони чекланмайди.
2. Ҳуқуқбузарликлар профилактикаси фаолиятига жалб қилиш бўйича танловни ўтказиш вақтида пенсионерларга жинси, ёши, ирқи, миллати, тили, ижтимоий келиб чиқиши, қариндошларида судланганликнинг мавжудлиги, мулкий ҳолати ва мансаб мавқеи, яшаш жойи, динга бўлган муносабати, эътиқоди, жамоат бирлашмаларига мансублиги, шунингдек уларнинг ишчанлик сифатлари ва меҳнати натижалари билан боғлиқ бўлмаган бошқа жиҳатларига қараб меҳнат ва машғулотлар соҳасида бирор-бир тўғридан тўғри ёки билвосита чекловлар белгилаш, худди шунингдек имтиёзлар бериш камситиш деб ҳисобланади ва бунга йўл қўйилмайди.
2-боб. Пенсионерларни ҳуқуқбузарликлар профилактикаси фаолиятига жалб қилиш чоғида танловни ташкил этиш ва ўтказиш
3. Ички ишлар органлари шартнома асосида муносиб пенсионерларни ҳуқуқбузарликлар профилактикаси фаолиятига жалб қилиш учун танлов ташкил этади ва ўтказади.
4. Танловнинг ўз вақтида ва сифатли ташкил этилиши ва ўтказилишини таъминлаш учун Тошкент вилояти ички ишлар бош бошқармаси ва Фарғона вилояти ички ишлар бошқармаси раҳбарининг буйруғи билан доимий фаолият юритадиган танлов комиссияси (бундан буён матнда Танлов комиссияси деб юритилади) ташкил этилади.
5. Пенсионерларни ҳуқуқбузарликлар профилактикаси фаолиятига жалб қилиш чоғида танлов Тошкент вилояти ички ишлар бош бошқармаси ва Фарғона вилояти ички ишлар бошқармаси раҳбари томонидан тасдиқланган криминоген вазияти оғир маҳаллаларнинг рўйхатидан келиб чиққан ҳолда йилда камида бир марта ўтказилиши мумкин.
Бунда:
криминоген вазияти оғир маҳаллалар рўйхатини шакллантириш ҳудудий профилактика бўлинмалари раҳбарларининг асослантирилган маълумотларга кўра Ҳуқуқбузарликлар профилактикаси бошқармалари томонидан амалга оширилади;
ҳар йил бошида тасдиқланган криминоген вазияти оғир маҳаллаларнинг рўйхатидан келиб чиққан ҳолда ҳуқуқбузарликлар профилактикаси фаолиятига жалб қилиниши лозим бўлган пенсионерлар сонига аниқлик киритилади;
пенсионерларни шартнома асосида ҳуқуқбузарликлар профилактикаси фаолиятига жалб қилиш учун тузиладиган шартномаларнинг амал қилиш муддати кейинги йил бошида криминоген вазияти оғир маҳаллаларнинг рўйхати тасдиқлангунига қадар амал қилади.
6. Танлов комиссияси таркиби ички ишлар органларининг ходимлари орасидан камида беш кишидан иборат ва тоқ сонли таркибда шакллантирилади.
Бунда, Танлов комиссияси раиси ҳудудий маънавий-маърифий ишлар ва кадрлар билан таъминлаш бошқармаси бошлиғи, ушбу бошқарманинг масъул ходими Танлов комиссияси котиби ҳисобланади.
Танлов комиссияси таркибига келишув асосида тегишли соҳанинг малакали мутахассислари ва ҳудудий ички ишлар органлари ҳузуридаги жамоатчилик кенгашларининг вакиллари ҳам киритилиши мумкин.
7. Танлов комиссияси унинг аъзолари умумий сонининг камида учдан икки қисми иштирок этганда ваколатли ҳисобланади. Танлов комиссиясининг қарори оддий кўпчилик овоз билан қабул қилинади ва йиғилишда иштирок этган барча аъзолар томонидан тасдиқланадиган баённома билан расмийлаштирилади.
Берилган овозлар сони тенг бўлиб қолган тақдирда, танлов комиссияси раисининг овози ҳал қилувчи ҳисобланади.
8. Танлов комиссияси таркибига пенсионернинг яқин қариндоши ёки танловнинг натижасидан бевосита ёки билвосита манфаатдор бўлган ёхуд танловнинг холис ўтказилишига таъсир кўрсатадиган шахслар киритилиши мумкин эмас.
9. Танлов комиссияси қуйидаги ҳуқуқларга эга ҳисобланади:
танлов ўтказиш вақтини белгилаш;
танловнинг сифатли ўтказилишини таъминлаш мақсадида комиссия таркибига профессионал ва малакали мутахассисларни жалб қилиш;
малакали пенсионерларнинг танлаб олинишини таъминлаш мақсадида танлов тадбирлари ўтказилиш жараёнини назорат қилиш.
10. Танлов комиссияси қуйидагиларга мажбур ҳисобланади:
пенсионернинг ҳужжатларини қабул қилиш ва уларни ўрганиб чиқиш;
пенсионернинг шахсга доир маълумотларини унинг розилигисиз ошкор қилмаслик;
танловни ўтказиш вақтида пенсионерларга бериладиган саволларни сифатли белгиланган малака талабларига мувофиқ ишлаб чиқиш.
11. Танлов қуйидаги босқичлардан иборат ҳисобланади:
танловнинг ўтказилиши тўғрисида эълон бериш;
пенсионернинг ҳужжатларини қабул қилиш ва уларни ўрганиб чиқиш;
пенсионерни суҳбатдан ўтказиш;
танлов натижаларини эълон қилиш.
12. Танлов комиссияси котиби томонидан танлов тадбирлари ўтказилишидан камида бир ой олдин ички ишлар органининг расмий веб-сайтида пенсионерларни ҳуқуқбузарликлар профилактикаси фаолиятига жалб қилишга доир талаблар ва шартлар ҳақидаги маълумотлар ҳамда танлов ўтказиш жойи ва кунлари тўғрисидаги ахборотни жойлаштирилади.
13. Пенсионерлар танлов комиссиясига мазкур Низомнинг иловасига мувофиқ шаклдаги ариза билан ёзма ёки электрон шаклда мурожаат қилади.
14. Танлов комиссияси томонидан пенсионернинг аризаси келиб тушган кундан эътиборан беш иш куни ичида унда кўрсатилган маълумотлар ўрганиб чиқилади.
15. Пенсионер томонидан ариза ва маълумотлар мазкур Низомнинг иловасига мувофиқ тақдим этилмаган бўлса ёки аризада тегишли маълумотлар тўлиқ кўрсатилмаган ёхуд нотўғри кўрсатилган бўлса, танлов комиссияси томонидан пенсионерга камчиликларни бартараф этиб, қайта мурожаат қилиш мумкинлиги тўғрисида ушбу ариза келиб тушган кундан эътиборан беш иш куни ичида ёзма ёки электрон шаклда маълум қилинади.
16. Танлов тадбирлари бошланишига беш иш кунидан кам муддат қолганда мурожаат қилган пенсионерлар ушбу танловда эмас, балки кейинги танловда иштирок этишлари мумкин бўлади.
17. Танловда қатнашиш тўғрисидаги ариза билан мурожаат қилган пенсионерларга танлов тадбирлари бошланишидан камида бир ҳафта олдин танлов тадбирларининг бошланиш вақти ва жойи ҳақида танлов комиссияси томонидан хабар берилади.
18. Пенсионернинг ҳуқуқбузарликлар профилактикаси фаолиятига жалб қилишга доир талаблар ва шартларга мувофиқлигини, шунингдек унинг иш тажрибаси ва касбий компетенциясини аниқлаш учун танлов комиссияси томонидан суҳбат ўтказилади.
19. Пенсионер билан суҳбат ўтказиш жараёнида унинг натижалари 5 баллик тизимда баҳоланади. Бунда, Танлов комиссиянинг ҳар бир аъзоси пенсионерни қуйидаги мезонларга асосан баҳолайди:
берилган саволларга тўлиқ ва аниқ жавоб бериши, фаолият соҳаси билан боғлиқ тизимли билимларга эга бўлиши, улардан ўз касб фаолиятида мустақил фойдаланишни билиши — 5 балл;
берилган саволларга аниқ, бироқ тўлиқ жавоб беролмаслиги, фаолият соҳаси билан боғлиқ билимларга эга бўлиши, улардан ўз касб фаолиятида фойдаланишни билиши — 4 балл;
берилган саволларга тўлиқ жавоб беролмаслиги, фаолият соҳаси билан боғлиқ билимларга етарли даражада эга бўлиши, улардан ўз касб фаолиятида фойдаланишни билиши — 3 балл;
берилган саволларга ноаниқ жавоб бериши, фаолият соҳаси билан боғлиқ билимларга эга бўлиши, улардан ўз касб фаолиятида фойдаланишни билмаслиги — 2 балл;
берилган саволларга ноаниқ жавоб бериши, фаолият соҳаси билан боғлиқ билимларга етарли даражада эга эмаслиги — 1 балл;
берилган саволларга умуман жавоб бера олмаслиги — 0 балл.
20. Танлов натижасига кўра энг юқори балл тўплаган ҳамда ушбу Низомнинг 22-бандида кўрсатилган монелик қилувчи омиллар мавжуд бўлмаган пенсионерлар ҳуқуқбузарликлар профилактикаси фаолиятига жалб қилинади.
21. Қуйидагилар пенсионерни шартнома асосида жалб қилиш учун монелик қилувчи омиллар ҳисобланади:
қасддан содир этган жинояти учун судланганлик ҳолати тугалланмаган ёки судланганлиги олиб ташланмаган бўлиши;
суд томонидан муомалага лаёқатсиз ёки муомала лаёқати чекланган деб топилиши;
психиатрия ёки наркология муассасаларида ҳисобда турган бўлиши;
пенсионерда унга юклатилган вазифаларни ўташга монелик қиладиган касалликлар ёки жисмоний нуқсонлар мавжуд бўлиши;
шахсий ва ишчанлик сифатлари бўйича шартномада кўрсатилган мажбуриятларни бажаришга қодир эмаслиги;
ҳуқуқбузарликлар профилактикаси соҳасида амалий тажрибасига, шунингдек, ички ишлар органларида камида 5 йиллик амалий иш стажига эга бўлмаслик.
22. Танлов ғолиби ўз аризасига кўра шартномани тузишдан бош тортган тақдирда, Танлов комиссияси қарорига асосан энг юқори баллдан кейинги ўринни эгаллаган пенсионер танлов ғолиби деб топилади.
23. Танлов натижалари у ўтказилган куннинг ўзида эълон қилинади ва танлов комиссиясининг барча аъзолари томонидан имзоланадиган, комиссия раиси томонидан тасдиқланадиган баённомада қайд этилади.
Бунда, баённомада қуйидагилар кўрсатилади:
баённома рақами ва қабул қилинган санаси;
танловда иштирок этган комиссия аъзолари рўйхати;
пенсионер тушган саволлар ва уларга берилган жавобларнинг мазмуни;
танлов натижалари;
танловда ғолиб деб топилган, шунингдек танловдан ўта олмаган пенсионерлар рўйхати;
24. Танловда ғолиб бўлмаган пенсионерлар кейинги танловда номзод сифатида иштирок этиши мумкин.
3-боб. Ҳақ тўлаш тартиби ва шартлари
25. Профилактика инспектори томонидан шартнома асосида ҳуқуқбузарликлар профилактикаси фаолиятига жалб қилинган пенсионер бажарган ишларга оид далолатнома (бундан буён матнда далолатнома деб юритилади) расмийлаштириб борилади.
Бунда, профилактика инспектори томонидан ушбу далолатнома ҳар ой якунида Тошкент вилояти ички ишлар бош бошқармаси ва Фарғона вилояти ички ишлар бошқармасининг молиявий таъминот хизматига тақдим этилади.
26. Далолатномаларнинг расмийлаштирилиши ва уларга оид маълумотларнинг тўғрилиги ҳамда ҳаққонийлиги учун профилактика инспектори жавобгар ҳисобланади.
27. Шартнома асосида ҳуқуқбузарликлар профилактикаси фаолиятига жалб қилинган пенсионерларга ҳақ тўлаш тақдим этилган далолатномаларга асосан уларга тўланаётган пенсиясининг 100 фоизи миқдорда Ҳуқуқбузарликлар профилактикаси хизматининг ҳуқуқбузарликлар профилактикаси тизимини ривожлантириш жамғармалари маблағлари ҳисобидан амалга оширилади.
4-боб. Якунловчи қоида
28. Ушбу Низом талаблари бузилишида айбдор бўлган шахслар қонунчилик ҳужжатларига асосан жавоб беради.
Тошкент ва Фарғона вилоятларида криминоген вазияти оғир маҳаллалар учун ички ишлар органлари профилактика соҳасида кўп йиллик амалий тажриба ва самарали натижаларга эга пенсионерларни шартнома асосида ҳуқуқбузарликлар профилактикаси фаолиятига жалб қилиш тартиби тўғрисидаги низомга ИЛОВА
Ҳуқуқбузарликлар профилактикаси фаолиятига жалб қилиш бўйича танловни ўтказишда ички ишлар органларига пенсионер томонидан тақдим этиладиган аризанинг
Танлов комиссиясига 1. Ариза берувчи номзоднинг Ф.И.О. 2. Яшаш манзили: 3. ЖШИР рақами: 4. Паспорт ёки ID-карта маълумотлари (серияси, рақами, ким томонидан ва қачон берилган) 5. Боғланиш учун телефон 6. Маълумоти: (умумий ўрта, ўрта махсус, профессионал ва олий) 7. Шахсга доир маълумотлардан фойдаланишга розилиги (ариза берувчи шахснинг имзоси)
Вазир А. ТАШПУЛАТОВ
Вазир Ж. КУЧКАРОВ
Тошкент ш.,
2025 йил 7 июль,
2025 йил 28 июнь
140-сон
Oʻzbekiston Respublikasi Ichki ishlar vazirining
buyrugʻi
NIZOM
NAMUNAVIY SHAKLI
Toshkent va Fargʻona viloyatlarida kriminogen vaziyati ogʻir mahallalar uchun ichki ishlar organlari profilaktika sohasida koʻp yillik amaliy tajriba va samarali natijalarga ega pensionerlarni shartnoma asosida huquqbuzarliklar profilaktikasi faoliyatiga jalb qilish tartibi toʻgʻrisidagi nizomni tasdiqlash haqida
Oʻzbekiston Respublikasining “Ichki ishlar organlari toʻgʻrisida”gi Qonuni hamda Oʻzbekiston Respublikasi Prezidentining 2017-yil 29-noyabrdagi PQ-3413-son “Ichki ishlar organlari kadrlari bilan ishlash va ularning xizmatini tashkil etish tartibini tubdan takomillashtirish chora-tadbirlari toʻgʻrisida”gi qaroriga asosan buyuraman:
1. Toshkent va Fargʻona viloyatlarida kriminogen vaziyati ogʻir mahallalar uchun ichki ishlar organlari profilaktika sohasida koʻp yillik amaliy tajriba va samarali natijalarga ega pensionerlarni shartnoma asosida huquqbuzarliklar profilaktikasi faoliyatiga jalb qilish tartibi toʻgʻrisidagi nizom ilovaga muvofiq tasdiqlansin.
2. Ushbu buyruq Oʻzbekiston Respublikasi Iqtisodiyot va moliya vazirligi bilan kelishilgan.
3. Mazkur buyruq rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi ichki ishlar vazirining 2025-yil 7-iyuldagi 140-son buyrugʻiga ILOVA
Toshkent va Fargʻona viloyatlarida kriminogen vaziyati ogʻir mahallalar uchun ichki ishlar organlari profilaktika sohasida koʻp yillik amaliy tajriba va samarali natijalarga ega pensionerlarni shartnoma asosida huquqbuzarliklar profilaktikasi faoliyatiga jalb qilish tartibi toʻgʻrisidagi
Ushbu Nizom Toshkent va Fargʻona viloyatlarida kriminogen vaziyati ogʻir mahallalar uchun ichki ishlar organlari profilaktika sohasida koʻp yillik amaliy tajriba va samarali natijalarga ega pensionerlarni (bundan buyon matnda pensionerlar deb yuritiladi) shartnoma asosida huquqbuzarliklar profilaktikasi faoliyatiga jalb qilish tartibini belgilaydi.
1-bob. Umumiy qoidalar
1. Pensionerlar shartnoma asosida huquqbuzarliklar profilaktikasi faoliyatiga ixtiyoriy tartibda, ichki ishlar organlari tomonidan tanlov asosida jalb qilinadi.
Tanlovda ishtirok etadigan pensionerlarning soni cheklanmaydi.
2. Huquqbuzarliklar profilaktikasi faoliyatiga jalb qilish boʻyicha tanlovni oʻtkazish vaqtida pensionerlarga jinsi, yoshi, irqi, millati, tili, ijtimoiy kelib chiqishi, qarindoshlarida sudlanganlikning mavjudligi, mulkiy holati va mansab mavqeyi, yashash joyi, dinga boʻlgan munosabati, eʼtiqodi, jamoat birlashmalariga mansubligi, shuningdek ularning ishchanlik sifatlari va mehnati natijalari bilan bogʻliq boʻlmagan boshqa jihatlariga qarab mehnat va mashgʻulotlar sohasida biror-bir toʻgʻridan toʻgʻri yoki bilvosita cheklovlar belgilash, xuddi shuningdek imtiyozlar berish kamsitish deb hisoblanadi va bunga yoʻl qoʻyilmaydi.
2-bob. Pensionerlarni huquqbuzarliklar profilaktikasi faoliyatiga jalb qilish chogʻida tanlovni tashkil etish va oʻtkazish
3. Ichki ishlar organlari shartnoma asosida munosib pensionerlarni huquqbuzarliklar profilaktikasi faoliyatiga jalb qilish uchun tanlov tashkil etadi va oʻtkazadi.
4. Tanlovning oʻz vaqtida va sifatli tashkil etilishi va oʻtkazilishini taʼminlash uchun Toshkent viloyati ichki ishlar bosh boshqarmasi va Fargʻona viloyati ichki ishlar boshqarmasi rahbarining buyrugʻi bilan doimiy faoliyat yuritadigan tanlov komissiyasi (bundan buyon matnda Tanlov komissiyasi deb yuritiladi) tashkil etiladi.
5. Pensionerlarni huquqbuzarliklar profilaktikasi faoliyatiga jalb qilish chogʻida tanlov Toshkent viloyati ichki ishlar bosh boshqarmasi va Fargʻona viloyati ichki ishlar boshqarmasi rahbari tomonidan tasdiqlangan kriminogen vaziyati ogʻir mahallalarning roʻyxatidan kelib chiqqan holda yilda kamida bir marta oʻtkazilishi mumkin.
Bunda:
kriminogen vaziyati ogʻir mahallalar roʻyxatini shakllantirish hududiy profilaktika boʻlinmalari rahbarlarining asoslantirilgan maʼlumotlarga koʻra Huquqbuzarliklar profilaktikasi boshqarmalari tomonidan amalga oshiriladi;
har yil boshida tasdiqlangan kriminogen vaziyati ogʻir mahallalarning roʻyxatidan kelib chiqqan holda huquqbuzarliklar profilaktikasi faoliyatiga jalb qilinishi lozim boʻlgan pensionerlar soniga aniqlik kiritiladi;
pensionerlarni shartnoma asosida huquqbuzarliklar profilaktikasi faoliyatiga jalb qilish uchun tuziladigan shartnomalarning amal qilish muddati keyingi yil boshida kriminogen vaziyati ogʻir mahallalarning roʻyxati tasdiqlanguniga qadar amal qiladi.
6. Tanlov komissiyasi tarkibi ichki ishlar organlarining xodimlari orasidan kamida besh kishidan iborat va toq sonli tarkibda shakllantiriladi.
Bunda, Tanlov komissiyasi raisi hududiy maʼnaviy-maʼrifiy ishlar va kadrlar bilan taʼminlash boshqarmasi boshligʻi, ushbu boshqarmaning masʼul xodimi Tanlov komissiyasi kotibi hisoblanadi.
Tanlov komissiyasi tarkibiga kelishuv asosida tegishli sohaning malakali mutaxassislari va hududiy ichki ishlar organlari huzuridagi jamoatchilik kengashlarining vakillari ham kiritilishi mumkin.
7. Tanlov komissiyasi uning aʼzolari umumiy sonining kamida uchdan ikki qismi ishtirok etganda vakolatli hisoblanadi. Tanlov komissiyasining qarori oddiy koʻpchilik ovoz bilan qabul qilinadi va yigʻilishda ishtirok etgan barcha aʼzolar tomonidan tasdiqlanadigan bayonnoma bilan rasmiylashtiriladi.
Berilgan ovozlar soni teng boʻlib qolgan taqdirda, tanlov komissiyasi raisining ovozi hal qiluvchi hisoblanadi.
8. Tanlov komissiyasi tarkibiga pensionerning yaqin qarindoshi yoki tanlovning natijasidan bevosita yoki bilvosita manfaatdor boʻlgan yoxud tanlovning xolis oʻtkazilishiga taʼsir koʻrsatadigan shaxslar kiritilishi mumkin emas.
9. Tanlov komissiyasi quyidagi huquqlarga ega hisoblanadi:
tanlov oʻtkazish vaqtini belgilash;
tanlovning sifatli oʻtkazilishini taʼminlash maqsadida komissiya tarkibiga professional va malakali mutaxassislarni jalb qilish;
malakali pensionerlarning tanlab olinishini taʼminlash maqsadida tanlov tadbirlari oʻtkazilish jarayonini nazorat qilish.
10. Tanlov komissiyasi quyidagilarga majbur hisoblanadi:
pensionerning hujjatlarini qabul qilish va ularni oʻrganib chiqish;
pensionerning shaxsga doir maʼlumotlarini uning roziligisiz oshkor qilmaslik;
tanlovni oʻtkazish vaqtida pensionerlarga beriladigan savollarni sifatli belgilangan malaka talablariga muvofiq ishlab chiqish.
11. Tanlov quyidagi bosqichlardan iborat hisoblanadi:
tanlovning oʻtkazilishi toʻgʻrisida eʼlon berish;
pensionerning hujjatlarini qabul qilish va ularni oʻrganib chiqish;
pensionerni suhbatdan oʻtkazish;
tanlov natijalarini eʼlon qilish.
12. Tanlov komissiyasi kotibi tomonidan tanlov tadbirlari oʻtkazilishidan kamida bir oy oldin ichki ishlar organining rasmiy veb-saytida pensionerlarni huquqbuzarliklar profilaktikasi faoliyatiga jalb qilishga doir talablar va shartlar haqidagi maʼlumotlar hamda tanlov oʻtkazish joyi va kunlari toʻgʻrisidagi axborotni joylashtiriladi.
13. Pensionerlar tanlov komissiyasiga mazkur Nizomning ilovasiga muvofiq shakldagi ariza bilan yozma yoki elektron shaklda murojaat qiladi.
14. Tanlov komissiyasi tomonidan pensionerning arizasi kelib tushgan kundan eʼtiboran besh ish kuni ichida unda koʻrsatilgan maʼlumotlar oʻrganib chiqiladi.
15. Pensioner tomonidan ariza va maʼlumotlar mazkur Nizomning ilovasiga muvofiq taqdim etilmagan boʻlsa yoki arizada tegishli maʼlumotlar toʻliq koʻrsatilmagan yoxud notoʻgʻri koʻrsatilgan boʻlsa, tanlov komissiyasi tomonidan pensionerga kamchiliklarni bartaraf etib, qayta murojaat qilish mumkinligi toʻgʻrisida ushbu ariza kelib tushgan kundan eʼtiboran besh ish kuni ichida yozma yoki elektron shaklda maʼlum qilinadi.
16. Tanlov tadbirlari boshlanishiga besh ish kunidan kam muddat qolganda murojaat qilgan pensionerlar ushbu tanlovda emas, balki keyingi tanlovda ishtirok etishlari mumkin boʻladi.
17. Tanlovda qatnashish toʻgʻrisidagi ariza bilan murojaat qilgan pensionerlarga tanlov tadbirlari boshlanishidan kamida bir hafta oldin tanlov tadbirlarining boshlanish vaqti va joyi haqida tanlov komissiyasi tomonidan xabar beriladi.
18. Pensionerning huquqbuzarliklar profilaktikasi faoliyatiga jalb qilishga doir talablar va shartlarga muvofiqligini, shuningdek uning ish tajribasi va kasbiy kompetensiyasini aniqlash uchun tanlov komissiyasi tomonidan suhbat oʻtkaziladi.
19. Pensioner bilan suhbat oʻtkazish jarayonida uning natijalari 5 ballik tizimda baholanadi. Bunda, Tanlov komissiyaning har bir aʼzosi pensionerni quyidagi mezonlarga asosan baholaydi:
berilgan savollarga toʻliq va aniq javob berishi, faoliyat sohasi bilan bogʻliq tizimli bilimlarga ega boʻlishi, ulardan oʻz kasb faoliyatida mustaqil foydalanishni bilishi — 5 ball;
berilgan savollarga aniq, biroq toʻliq javob berolmasligi, faoliyat sohasi bilan bogʻliq bilimlarga ega boʻlishi, ulardan oʻz kasb faoliyatida foydalanishni bilishi — 4 ball;
berilgan savollarga toʻliq javob berolmasligi, faoliyat sohasi bilan bogʻliq bilimlarga yetarli darajada ega boʻlishi, ulardan oʻz kasb faoliyatida foydalanishni bilishi — 3 ball;
berilgan savollarga noaniq javob berishi, faoliyat sohasi bilan bogʻliq bilimlarga ega boʻlishi, ulardan oʻz kasb faoliyatida foydalanishni bilmasligi — 2 ball;
berilgan savollarga noaniq javob berishi, faoliyat sohasi bilan bogʻliq bilimlarga yetarli darajada ega emasligi — 1 ball;
berilgan savollarga umuman javob bera olmasligi — 0 ball.
20. Tanlov natijasiga koʻra eng yuqori ball toʻplagan hamda ushbu Nizomning 22-bandida koʻrsatilgan monelik qiluvchi omillar mavjud boʻlmagan pensionerlar huquqbuzarliklar profilaktikasi faoliyatiga jalb qilinadi.
21. Quyidagilar pensionerni shartnoma asosida jalb qilish uchun monelik qiluvchi omillar hisoblanadi:
qasddan sodir etgan jinoyati uchun sudlanganlik holati tugallanmagan yoki sudlanganligi olib tashlanmagan boʻlishi;
sud tomonidan muomalaga layoqatsiz yoki muomala layoqati cheklangan deb topilishi;
psixiatriya yoki narkologiya muassasalarida hisobda turgan boʻlishi;
pensionerda unga yuklatilgan vazifalarni oʻtashga monelik qiladigan kasalliklar yoki jismoniy nuqsonlar mavjud boʻlishi;
shaxsiy va ishchanlik sifatlari boʻyicha shartnomada koʻrsatilgan majburiyatlarni bajarishga qodir emasligi;
huquqbuzarliklar profilaktikasi sohasida amaliy tajribasiga, shuningdek, ichki ishlar organlarida kamida 5 yillik amaliy ish stajiga ega boʻlmaslik.
22. Tanlov gʻolibi oʻz arizasiga koʻra shartnomani tuzishdan bosh tortgan taqdirda, Tanlov komissiyasi qaroriga asosan eng yuqori balldan keyingi oʻrinni egallagan pensioner tanlov gʻolibi deb topiladi.
23. Tanlov natijalari u oʻtkazilgan kunning oʻzida eʼlon qilinadi va tanlov komissiyasining barcha aʼzolari tomonidan imzolanadigan, komissiya raisi tomonidan tasdiqlanadigan bayonnomada qayd etiladi.
Bunda, bayonnomada quyidagilar koʻrsatiladi:
bayonnoma raqami va qabul qilingan sanasi;
tanlovda ishtirok etgan komissiya aʼzolari roʻyxati;
pensioner tushgan savollar va ularga berilgan javoblarning mazmuni;
tanlov natijalari;
tanlovda gʻolib deb topilgan, shuningdek tanlovdan oʻta olmagan pensionerlar roʻyxati;
24. Tanlovda gʻolib boʻlmagan pensionerlar keyingi tanlovda nomzod sifatida ishtirok etishi mumkin.
3-bob. Haq toʻlash tartibi va shartlari
25. Profilaktika inspektori tomonidan shartnoma asosida huquqbuzarliklar profilaktikasi faoliyatiga jalb qilingan pensioner bajargan ishlarga oid dalolatnoma (bundan buyon matnda dalolatnoma deb yuritiladi) rasmiylashtirib boriladi.
Bunda, profilaktika inspektori tomonidan ushbu dalolatnoma har oy yakunida Toshkent viloyati ichki ishlar bosh boshqarmasi va Fargʻona viloyati ichki ishlar boshqarmasining moliyaviy taʼminot xizmatiga taqdim etiladi.
26. Dalolatnomalarning rasmiylashtirilishi va ularga oid maʼlumotlarning toʻgʻriligi hamda haqqoniyligi uchun profilaktika inspektori javobgar hisoblanadi.
27. Shartnoma asosida huquqbuzarliklar profilaktikasi faoliyatiga jalb qilingan pensionerlarga haq toʻlash taqdim etilgan dalolatnomalarga asosan ularga toʻlanayotgan pensiyasining 100 foizi miqdorda Huquqbuzarliklar profilaktikasi xizmatining huquqbuzarliklar profilaktikasi tizimini rivojlantirish jamgʻarmalari mablagʻlari hisobidan amalga oshiriladi.
4-bob. Yakunlovchi qoida
28. Ushbu Nizom talablari buzilishida aybdor boʻlgan shaxslar qonunchilik hujjatlariga asosan javob beradi.
Toshkent va Fargʻona viloyatlarida kriminogen vaziyati ogʻir mahallalar uchun ichki ishlar organlari profilaktika sohasida koʻp yillik amaliy tajriba va samarali natijalarga ega pensionerlarni shartnoma asosida huquqbuzarliklar profilaktikasi faoliyatiga jalb qilish tartibi toʻgʻrisidagi nizomga ILOVA
Huquqbuzarliklar profilaktikasi faoliyatiga jalb qilish boʻyicha tanlovni oʻtkazishda ichki ishlar organlariga pensioner tomonidan taqdim etiladigan arizaning
Tanlov komissiyasiga 1. Ariza beruvchi nomzodning F.I.O. 2. Yashash manzili: 3. JSHIR raqami: 4. Pasport yoki ID-karta maʼlumotlari (seriyasi, raqami, kim tomonidan va qachon berilgan) 5. Bogʻlanish uchun telefon 6. Maʼlumoti: (umumiy oʻrta, oʻrta maxsus, professional va oliy) 7. Shaxsga doir maʼlumotlardan foydalanishga roziligi (ariza beruvchi shaxsning imzosi)
Vazir A. TASHPULATOV
Vazir J. KUCHKAROV
Toshkent sh.,
2025-yil 7-iyul,
2025-yil 28-iyun
140-son