📅 2025-yil 28-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 28 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 июля 2025 г. · Постановления Президента
Официальный текст. Официальный документ. Редакционные примечания не включены.
📅 28 July 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Ўзбекистон халқ артисти Ботир Зокиров хотирасини абадийлаштириш, унинг ижодий меросини чуқур ўрганиш ва жаҳон миқёсида тарғиб қилиш чора-тадбирлари тўғрисида
Ўзбекистон халқ артисти, ўзбек эстрада санъати асосчиси, таниқли актёр ва рассом Ботир Зокиров ўзининг кенг қамровли изланишлари ҳамда эришган улкан ижодий ютуқлари билан миллий санъатимизни ҳар томонлама ривожлантириш ва дунёга танитишга жуда катта ҳисса қўшди. Бетакрор истеъдод эгаси бўлган атоқли санъаткор мусиқа ва қўшиқчилик соҳасида устоз-шогирдлик анъаналарини муносиб давом эттириш орқали иқтидорли ёш ижрочиларни тарбиялаш борасида ҳам кўплаб ибратли ишларни амалга оширди.
Ўзининг бутун ҳаёти ва серқирра ижодий фаолиятини миллий маданиятимиз хазинасини бойитиш, халқимиз маънавиятини юксалтиришга бағишлаган фидойи, ватанпарвар инсон, ноёб овоз соҳиби бўлган буюк хонанда Ботир Зокировнинг хотирасини абадийлаштириш ҳамда унинг бебаҳо ижодий меросини янада кенг оммалаштириш мақсадида қарор қиламан:
1. Қуйидагилар:
(а) Тошкент шаҳрида Ботир Зокиров мемориал музейи (кейинги ўринларда — мемориал музей) ташкил этилсин;
(б) Ботир Зокиров номидаги давлат стипендияси таъсис этилсин.
2. Белгилансинки:
(а) мемориал музей Маданият вазирлиги тизимидаги маданият муассасаси ҳисобланади;
(б) мемориал музей фаолиятини сақлаш, унинг моддий-техника базасини мустаҳкамлаш харажатлари учун талаб этиладиган маблағлар, шунингдек, Ботир Зокиров номидаги давлат стипендияси билан боғлиқ харажатларни молиялаштириш 2026 йилдан бошлаб Давлат бюджети параметрларида назарда тутилади.
3. Вазирлар Маҳкамаси икки ой муддатда мемориал музей фаолиятини самарали ташкил этиш ҳамда Ботир Зокиров номидаги давлат стипендиясини тайинлаш тартиби тўғрисидаги низомни тасдиқлашга оид қарор қабул қилсин.
4. Маданий мерос агентлиги Давлат бюджетидан маданий мерос ва музейлар соҳасига ажратилган маблағлар ҳисобидан Ботир Зокиров ижодига оид тарихий материаллар, ашёлар ва ноёб суратларнинг мемориал музей учун харид қилиб борилишини таъминласин.
5. Маданият вазирлиги:
(а) Олий таълим, фан ва инновациялар вазирлиги, Ташқи ишлар вазирлиги, Ўзбекистон Ёзувчилар уюшмаси, Республика Маънавият ва маърифат маркази билан биргаликда 2026 йилдан бошлаб ҳар икки йилда бир маротаба эстрада санъати бўйича Ботир Зокиров номидаги халқаро кўрик-танловни Маданият вазирлигига республика бюджетидан ажратиладиган маблағлар ҳамда қонунчилик ҳужжатлари билан тақиқланмаган бошқа манбалар ҳисобидан ўтказиб борсин;
(б) давлат буюртмаси асосида Ўзбекистон халқ артисти Ботир Зокировнинг ҳаёти ва ижодига бағишланган бадиий фильм яратсин.
6. Белгилансинки, 2025 йилдан бошлаб ҳар йили Ўзбекистон Республикасининг республика бюджетидан:
(а) эстрада санъати бўйича бакалавриат таълим йўналишларида аъло баҳоларга таҳсил олган икки нафар битирувчининг кейинги таълим босқичини хорижий давлатларда мақсадли давом эттириши учун;
(б) иқтидорли талабаларнинг нуфузли халқаро танловларда иштирок этиш имкониятини янада ошириш учун;
(в) эстрада санъати бўйича Ботир Зокиров номидаги халқаро кўрик-танловни ўтказиш учун доимий равишда маблағ ажратилади.
7. Маданият вазирлиги ҳамда Иқтисодиёт ва молия вазирлиги Ботир Зокиров номидаги миллий эстрада-симфоник оркестри фаолиятини қўллаб-қувватлаш мақсадида икки ой муддатда мазкур оркестрни замонавий чолғу асбоблари ва саҳна либослари билан таъминлаш ҳамда унинг маҳаллий ва хорижий гастроль сафарларини ташкил этиш чораларини кўрсин.
8. Ўзбекистон миллий ахборот агентлиги, Ўзбекистон миллий телерадиокомпанияси ва бошқа оммавий ахборот воситаларига:
(а) Ботир Зокиров ҳаёти ва ижодига оид кўрсатув ва эшиттиришларни тайёрлаб, эфирга узатиб бориш;
(б) Ботир Зокиров номидаги давлат стипендияси таъсис этилган олий таълим ташкилотларининг эстрада санъати билан боғлиқ таълим йўналишларида таҳсил олаётган иқтидорли талабаларнинг ўз касбий салоҳиятини рўёбга чиқариш борасида эришаётган ютуқларини кенг ёритиб бориш тавсия этилсин.
9. Мазкур қарор ижросини самарали ташкил қилишга масъул ва шахсий жавобгар этиб маданият вазири О.А. Назарбеков белгилансин.
10. Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ҳамда назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 28 июль,
ПҚ-230-сон
Oʻzbekiston Respublikasi Prezidentining
qarori
Oʻzbekiston xalq artisti Botir Zokirov xotirasini abadiylashtirish, uning ijodiy merosini chuqur oʻrganish va jahon miqyosida targʻib qilish chora-tadbirlari toʻgʻrisida
Oʻzbekiston xalq artisti, oʻzbek estrada sanʼati asoschisi, taniqli aktyor va rassom Botir Zokirov oʻzining keng qamrovli izlanishlari hamda erishgan ulkan ijodiy yutuqlari bilan milliy sanʼatimizni har tomonlama rivojlantirish va dunyoga tanitishga juda katta hissa qoʻshdi. Betakror isteʼdod egasi boʻlgan atoqli sanʼatkor musiqa va qoʻshiqchilik sohasida ustoz-shogirdlik anʼanalarini munosib davom ettirish orqali iqtidorli yosh ijrochilarni tarbiyalash borasida ham koʻplab ibratli ishlarni amalga oshirdi.
Oʻzining butun hayoti va serqirra ijodiy faoliyatini milliy madaniyatimiz xazinasini boyitish, xalqimiz maʼnaviyatini yuksaltirishga bagʻishlagan fidoyi, vatanparvar inson, noyob ovoz sohibi boʻlgan buyuk xonanda Botir Zokirovning xotirasini abadiylashtirish hamda uning bebaho ijodiy merosini yanada keng ommalashtirish maqsadida qaror qilaman:
1. Quyidagilar:
(a) Toshkent shahrida Botir Zokirov memorial muzeyi (keyingi oʻrinlarda — memorial muzey) tashkil etilsin;
(b) Botir Zokirov nomidagi davlat stipendiyasi taʼsis etilsin.
2. Belgilansinki:
(a) memorial muzey Madaniyat vazirligi tizimidagi madaniyat muassasasi hisoblanadi;
(b) memorial muzey faoliyatini saqlash, uning moddiy-texnika bazasini mustahkamlash xarajatlari uchun talab etiladigan mablagʻlar, shuningdek, Botir Zokirov nomidagi davlat stipendiyasi bilan bogʻliq xarajatlarni moliyalashtirish 2026-yildan boshlab Davlat budjeti parametrlarida nazarda tutiladi.
3. Vazirlar Mahkamasi ikki oy muddatda memorial muzey faoliyatini samarali tashkil etish hamda Botir Zokirov nomidagi davlat stipendiyasini tayinlash tartibi toʻgʻrisidagi nizomni tasdiqlashga oid qaror qabul qilsin.
4. Madaniy meros agentligi Davlat budjetidan madaniy meros va muzeylar sohasiga ajratilgan mablagʻlar hisobidan Botir Zokirov ijodiga oid tarixiy materiallar, ashyolar va noyob suratlarning memorial muzey uchun xarid qilib borilishini taʼminlasin.
5. Madaniyat vazirligi:
(a) Oliy taʼlim, fan va innovatsiyalar vazirligi, Tashqi ishlar vazirligi, Oʻzbekiston Yozuvchilar uyushmasi, Respublika Maʼnaviyat va maʼrifat markazi bilan birgalikda 2026-yildan boshlab har ikki yilda bir marotaba estrada sanʼati boʻyicha Botir Zokirov nomidagi xalqaro koʻrik-tanlovni Madaniyat vazirligiga respublika budjetidan ajratiladigan mablagʻlar hamda qonunchilik hujjatlari bilan taqiqlanmagan boshqa manbalar hisobidan oʻtkazib borsin;
(b) davlat buyurtmasi asosida Oʻzbekiston xalq artisti Botir Zokirovning hayoti va ijodiga bagʻishlangan badiiy film yaratsin.
6. Belgilansinki, 2025-yildan boshlab har yili Oʻzbekiston Respublikasining respublika budjetidan:
(a) estrada sanʼati boʻyicha bakalavriat taʼlim yoʻnalishlarida aʼlo baholarga tahsil olgan ikki nafar bitiruvchining keyingi taʼlim bosqichini xorijiy davlatlarda maqsadli davom ettirishi uchun;
(b) iqtidorli talabalarning nufuzli xalqaro tanlovlarda ishtirok etish imkoniyatini yanada oshirish uchun;
(v) estrada sanʼati boʻyicha Botir Zokirov nomidagi xalqaro koʻrik-tanlovni oʻtkazish uchun doimiy ravishda mablagʻ ajratiladi.
7. Madaniyat vazirligi hamda Iqtisodiyot va moliya vazirligi Botir Zokirov nomidagi milliy estrada-simfonik orkestri faoliyatini qoʻllab-quvvatlash maqsadida ikki oy muddatda mazkur orkestrni zamonaviy cholgʻu asboblari va sahna liboslari bilan taʼminlash hamda uning mahalliy va xorijiy gastrol safarlarini tashkil etish choralarini koʻrsin.
8. Oʻzbekiston milliy axborot agentligi, Oʻzbekiston milliy teleradiokompaniyasi va boshqa ommaviy axborot vositalariga:
(a) Botir Zokirov hayoti va ijodiga oid koʻrsatuv va eshittirishlarni tayyorlab, efirga uzatib borish;
(b) Botir Zokirov nomidagi davlat stipendiyasi taʼsis etilgan oliy taʼlim tashkilotlarining estrada sanʼati bilan bogʻliq taʼlim yoʻnalishlarida tahsil olayotgan iqtidorli talabalarning oʻz kasbiy salohiyatini roʻyobga chiqarish borasida erishayotgan yutuqlarini keng yoritib borish tavsiya etilsin.
9. Mazkur qaror ijrosini samarali tashkil qilishga masʼul va shaxsiy javobgar etib madaniyat vaziri O.A. Nazarbekov belgilansin.
10. Qaror ijrosini muhokama qilib borish, ijro uchun masʼul idoralar faoliyatini muvofiqlashtirish hamda nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 28-iyul,
PQ-230-son
Президента Республики Узбекистан
Постановление
О мерах по увековечению памяти народного артиста Узбекистана Батыра Закирова, глубокому изучению и пропаганде в мировом масштабе его творческого наследия
Народный артист Узбекистана, основоположник узбекского эстрадного искусства, известный актер и художник Батыр Закиров своими масштабными изысканиями, достигнутыми значимыми творческими успехами внес огромный вклад во всестороннее развитие и прославление в мире нашего национального искусства. Выдающийся артист, обладатель неповторимого таланта, который путем достойного продолжения традиций «наставник — ученик» в области музыкального и песенного искусства, осуществил весомую образцовую работу также в деле воспитания одаренных молодых исполнителей.
В целях увековечения памяти великого певца — самоотверженного человека-патриота, обладателя уникального голоса Батыра Закирова, посвятившего всю свою жизнь и многогранную творческую деятельность обогащению сокровищницы национальной культуры, повышению духовности нашего народа, а также дальнейшей широкой популяризации его бесценного творческого наследия постановляю:
1. Нижеследующее:
(а) создать в городе Ташкенте мемориальный музей Батыра Закирова (далее — мемориальный музей);
(б) учредить Государственную стипендию имени Батыра Закирова.
2. Определить, что:
(а) мемориальный музей является учреждением культуры в системе Министерства культуры;
(б) финансирование средств, требуемых на расходы по содержанию деятельности мемориального музея, укрепление его материально-технической базы, а также расходов, связанных с Государственной стипендией имени Батыра Закирова, начиная с 2026 года предусматриваются в параметрах Государственного бюджета.
3. Кабинету Министров в двухмесячный срок принять постановление об утверждении положения по эффективной организации деятельности мемориального музея и о порядке назначения Государственной стипендии имени Батыра Закирова.
4. Агентству культурного наследия обеспечить приобретение на регулярной основе для мемориального музея исторических материалов, предметов и редких снимков касательно творчества Батыра Закирова за счет средств, выделенных из Государственного бюджета на сферы культурного наследия и музеев.
5. Министерству культуры:
(а) совместно с Министерством высшего образования, науки и инноваций, Министерством иностранных дел, Союзом писателей Узбекистана, Республиканским центром духовности и просветительства начиная с 2026 года проводить один раз в два года международный конкурс имени Батыра Закирова по эстрадному искусству за счет средств, выделяемых Министерству культуры из республиканского бюджета, а также иных источников, не запрещенных актами законодательства;
(б) на основе государственного заказа создать художественный фильм, посвященный жизни и творчеству народного артиста Узбекистана Батыра Закирова.
6. Определить, что начиная с 2025 года ежегодно из республиканского бюджета Республики Узбекистан на постоянной основе выделяются средства на:
(а) целевое продолжение в зарубежных государствах следующего этапа образования двух выпускников, обучавшихся на «отлично» по направлениям образования бакалавриата в области эстрадного искусства;
(б) дальнейшее повышение возможности участия одаренных студентов в престижных международных конкурсах;
(в) проведение международного конкурса имени Батыра Закирова по эстрадному искусству.
7. Министерству культуры и Министерству экономики и финансов в целях поддержки деятельности Национального эстрадно-симфонического оркестра имени Батыра Закирова в двухмесячный срок принять меры по обеспечению данного оркестра современными музыкальными инструментами и сценическими костюмами, а также организации его местных и зарубежных гастролей.
8. Национальному информационному агентству Узбекистана, Национальной телерадиокомпании Узбекистана и другим средствам массовой информации рекомендовать организацию:
(а) подготовки и трансляции передач и вещаний о жизни и творчестве Батыра Закирова;
(б) широкого освещения успехов, достигаемых по реализации профессионального потенциала талантливыми студентами, обучающимися по направлениям образования, связанным с эстрадным искусством в высших образовательных организациях, в которых учреждена Государственная стипендия имени Батыра Закирова.
9. Возложить на министра культуры О.А. Назарбекова персональную ответственность за эффективную организацию исполнения настоящего постановления.
10. Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
28 июля 2025 г.,
№ ПП-230