📅 2025-yil 28-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 28 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 июля 2025 г. · Постановления Президента
Официальный текст. Официальный документ. Редакционные примечания не включены.
📅 28 July 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Миллий ва жаҳон мусиқа санъати ютуқларини халқимиз орасида кенг тарғиб қилишга оид қўшимча чора-тадбирлар тўғрисида
Мамлакатимиз аҳолисига маданият соҳасида хизматлар кўрсатиш сифатини ошириш ҳамда жойларда миллий ва жаҳон мусиқа санъатининг сара асарларини янада оммалаштириш, шунингдек, ушбу йўналишларда умидли ёш ижрочиларни аниқлаш ва уларнинг иқтидорини рўёбга чиқаришга кўмаклашиш мақсадида қарор қиламан:
1. Ўзбекистон давлат филармонияси Фарғона вилояти бўлинмаси (кейинги ўринларда — Фарғона вилояти филармонияси) таркибида:
(а) Фарғона миллий чолғулар оркестри (кейинги ўринларда — Миллий чолғулар оркестри);
(б) Фарғона симфоник оркестри (кейинги ўринларда — Симфоник оркестр) ташкил этилсин.
2. Белгилансинки:
(а) 2025 йил 1 сентябрдан Фарғона вилояти филармониясига қўшимча 72 та штат бирлиги, шу жумладан, Симфоник оркестр учун 50 та ва Миллий чолғулар оркестри учун 22 та штат бирлиги ажратилади;
(б) Симфоник оркестр ва Миллий чолғулар оркестри ходимларига давлат маданият муассасалари ва давлат архивлари ходимлари меҳнатига ҳақ тўлаш ва уларни моддий рағбатлантириш шартлари татбиқ этилади;
(в) Симфоник оркестр ва Миллий чолғулар оркестри фаолиятини сақлаш, шу жумладан, ходимлар меҳнатига ҳақ тўлаш харажатлари Фарғона вилояти маҳаллий бюджети, Фарғона вилояти филармониясининг ўз маблағлари ва қонунчилик ҳужжатларида тақиқланмаган бошқа манбалар ҳисобидан молиялаштирилади. Бунда маҳаллий бюджет маблағлари ушбу оркестрлар фаолиятини молиялаштиришда Фарғона вилояти филармонияси ўз маблағларининг етишмаган қисмини қоплаш учун ажратилади.
3. Фарғона вилояти ҳокимлиги:
(а) 2025 йил якунига қадар Фарғона вилояти маҳаллий бюджети ҳисобидан Фарғона вилояти филармониясига Симфоник оркестр ва Миллий чолғулар оркестрининг концерт-томоша тадбирлари самарали ўтказилишини таъминлаш мақсадида хорижда ишлаб чиқарилган бир дона катта сиғимдаги автобус харид қилиш учун белгиланган тартибда маблағ ажратилишини ташкил этсин;
(б) Симфоник оркестр ва Миллий чолғулар оркестрининг моддий-техника базасини мустаҳкамлаш мақсадида улар учун зарур мусиқа чолғулари, овоз кучайтириш мосламалари, ёритиш ускуналари, саҳна либослари ва бошқа анжомларни харид қилсин.
4. Маданият вазирлиги:
(а) режа бўйича Фарғона шаҳридаги «Ecо City» мажмуаси ҳудудида жойлашган амфитеатрда ҳамда маҳаллий аҳоли ва сайёҳлар кўп ташриф буюрадиган бошқа қулай жойларда Симфоник оркестр ва Миллий чолғулар оркестрининг концерт дастурларини ташкил этиб борсин;
(б) Давлат активларини бошқариш агентлиги ва Фарғона вилояти ҳокимлиги билан биргаликда Симфоник оркестрни Фарғона шаҳри Юксалиш кўчаси 59-уй манзилида жойлашган Фарғона вилояти театр ва концерт саройи биносига, Миллий чолғулар оркестрини Фарғона шаҳри Фарғона кўчаси 72-уй манзилида жойлашган Фарғона вилояти филармонияси биносига текин фойдаланиш ҳуқуқи асосида жойлаштириш ҳамда ушбу жамоаларнинг самарали фаолият кўрсатиши учун зарур шарт-шароитлар яратиш чораларини кўрсин;
(в) Иқтисодиёт ва молия вазирлиги ҳамда Камбағалликни қисқартириш ва бандлик вазирлиги билан биргаликда икки ой муддатда ушбу қарордан келиб чиқиб, Ўзбекистон давлат филармониясининг маъмурий-бошқарув, бадиий-раҳбар, ижодий, ёрдамчи ва хизмат кўрсатувчи ходимлари штатлар жадвалига ҳамда унинг ҳудудий бўлинмаларининг намунавий штатлар жадвалига тегишли ўзгартириш ва қўшимчалар киритсин;
(г) Иқтисодиёт ва молия вазирлиги билан биргаликда икки ой муддатда давлат концерт-томоша ташкилотларининг фаолиятини улар томонидан бажарилган иш ҳажми ва ижодий буюртмаларга мувофиқ қўшимча молиялаштириш бўйича таклифларни Вазирлар Маҳкамасига киритсин.
5. Белгилансинки, Симфоник оркестр ва Миллий чолғулар оркестрининг ҳар йилга мўлжалланган гастроль сафарлари режалари Вазирлар Маҳкамаси томонидан тасдиқланади.
6. Мазкур қарор ижросини самарали ташкил қилишга масъул ва шахсий жавобгар этиб маданият вазири О.А. Назарбеков белгилансин.
7. Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ҳамда назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 28 июль,
ПҚ-231-сон
Oʻzbekiston Respublikasi Prezidentining
qarori
Milliy va jahon musiqa sanʼati yutuqlarini xalqimiz orasida keng targʻib qilishga oid qoʻshimcha chora-tadbirlar toʻgʻrisida
Mamlakatimiz aholisiga madaniyat sohasida xizmatlar koʻrsatish sifatini oshirish hamda joylarda milliy va jahon musiqa sanʼatining sara asarlarini yanada ommalashtirish, shuningdek, ushbu yoʻnalishlarda umidli yosh ijrochilarni aniqlash va ularning iqtidorini roʻyobga chiqarishga koʻmaklashish maqsadida qaror qilaman:
1. Oʻzbekiston davlat filarmoniyasi Fargʻona viloyati boʻlinmasi (keyingi oʻrinlarda — Fargʻona viloyati filarmoniyasi) tarkibida:
(a) Fargʻona milliy cholgʻular orkestri (keyingi oʻrinlarda — Milliy cholgʻular orkestri);
(b) Fargʻona simfonik orkestri (keyingi oʻrinlarda — Simfonik orkestr) tashkil etilsin.
2. Belgilansinki:
(a) 2025-yil 1-sentabrdan Fargʻona viloyati filarmoniyasiga qoʻshimcha 72 ta shtat birligi, shu jumladan, Simfonik orkestr uchun 50 ta va Milliy cholgʻular orkestri uchun 22 ta shtat birligi ajratiladi;
(b) Simfonik orkestr va Milliy cholgʻular orkestri xodimlariga davlat madaniyat muassasalari va davlat arxivlari xodimlari mehnatiga haq toʻlash va ularni moddiy ragʻbatlantirish shartlari tatbiq etiladi;
(v) Simfonik orkestr va Milliy cholgʻular orkestri faoliyatini saqlash, shu jumladan, xodimlar mehnatiga haq toʻlash xarajatlari Fargʻona viloyati mahalliy budjeti, Fargʻona viloyati filarmoniyasining oʻz mablagʻlari va qonunchilik hujjatlarida taqiqlanmagan boshqa manbalar hisobidan moliyalashtiriladi. Bunda mahalliy budjet mablagʻlari ushbu orkestrlar faoliyatini moliyalashtirishda Fargʻona viloyati filarmoniyasi oʻz mablagʻlarining yetishmagan qismini qoplash uchun ajratiladi.
3. Fargʻona viloyati hokimligi:
(a) 2025-yil yakuniga qadar Fargʻona viloyati mahalliy budjeti hisobidan Fargʻona viloyati filarmoniyasiga Simfonik orkestr va Milliy cholgʻular orkestrining konsert-tomosha tadbirlari samarali oʻtkazilishini taʼminlash maqsadida xorijda ishlab chiqarilgan bir dona katta sigʻimdagi avtobus xarid qilish uchun belgilangan tartibda mablagʻ ajratilishini tashkil etsin;
(b) Simfonik orkestr va Milliy cholgʻular orkestrining moddiy-texnika bazasini mustahkamlash maqsadida ular uchun zarur musiqa cholgʻulari, ovoz kuchaytirish moslamalari, yoritish uskunalari, sahna liboslari va boshqa anjomlarni xarid qilsin.
4. Madaniyat vazirligi:
(a) reja boʻyicha Fargʻona shahridagi “Eco City” majmuasi hududida joylashgan amfiteatrda hamda mahalliy aholi va sayyohlar koʻp tashrif buyuradigan boshqa qulay joylarda Simfonik orkestr va Milliy cholgʻular orkestrining konsert dasturlarini tashkil etib borsin;
(b) Davlat aktivlarini boshqarish agentligi va Fargʻona viloyati hokimligi bilan birgalikda Simfonik orkestrni Fargʻona shahri Yuksalish koʻchasi 59-uy manzilida joylashgan Fargʻona viloyati teatr va konsert saroyi binosiga, Milliy cholgʻular orkestrini Fargʻona shahri Fargʻona koʻchasi 72-uy manzilida joylashgan Fargʻona viloyati filarmoniyasi binosiga tekin foydalanish huquqi asosida joylashtirish hamda ushbu jamoalarning samarali faoliyat koʻrsatishi uchun zarur shart-sharoitlar yaratish choralarini koʻrsin;
(v) Iqtisodiyot va moliya vazirligi hamda Kambagʻallikni qisqartirish va bandlik vazirligi bilan birgalikda ikki oy muddatda ushbu qarordan kelib chiqib, Oʻzbekiston davlat filarmoniyasining maʼmuriy-boshqaruv, badiiy-rahbar, ijodiy, yordamchi va xizmat koʻrsatuvchi xodimlari shtatlar jadvaliga hamda uning hududiy boʻlinmalarining namunaviy shtatlar jadvaliga tegishli oʻzgartirish va qoʻshimchalar kiritsin;
(g) Iqtisodiyot va moliya vazirligi bilan birgalikda ikki oy muddatda davlat konsert-tomosha tashkilotlarining faoliyatini ular tomonidan bajarilgan ish hajmi va ijodiy buyurtmalarga muvofiq qoʻshimcha moliyalashtirish boʻyicha takliflarni Vazirlar Mahkamasiga kiritsin.
5. Belgilansinki, Simfonik orkestr va Milliy cholgʻular orkestrining har yilga moʻljallangan gastrol safarlari rejalari Vazirlar Mahkamasi tomonidan tasdiqlanadi.
6. Mazkur qaror ijrosini samarali tashkil qilishga masʼul va shaxsiy javobgar etib madaniyat vaziri O.A. Nazarbekov belgilansin.
7. Qaror ijrosini muhokama qilib borish, ijro uchun masʼul idoralar faoliyatini muvofiqlashtirish hamda nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 28-iyul,
PQ-231-son
Президента Республики Узбекистан
Постановление
О дополнительных мерах по широкой пропаганде среди народа достижений национального и мирового музыкального искусства
В целях повышения качества оказания услуг населению страны в области культуры, дальнейшей популяризации в регионах избранных произведений национального и мирового музыкального искусства, а также выявления подающих надежды молодых исполнителей в данных направлениях и содействия реализации их таланта постановляю:
1. Образовать в составе Ферганского областного отделения Государственной филармонии Узбекистана (далее — Ферганская областная филармония):
(а) Ферганский оркестр национальных инструментов (далее — Оркестр национальных инструментов);
(б) Ферганский симфонический оркестр (далее — Симфонический оркестр).
2. Определить, что:
(а) с 1 сентября 2025 года Ферганской областной филармонии выделяются дополнительно 72 штатные единицы, из них для Симфонического оркестра — 50 и Оркестра национальных инструментов — 22 штатные единицы;
(б) на работников Симфонического оркестра и Оркестра национальных инструментов распространяются условия оплаты труда и материального стимулирования, предусмотренные для работников государственных учреждений культуры и государственных архивов;
(в) расходы на содержание деятельности Симфонического оркестра и Оркестра национальных инструментов, в том числе оплату труда работников, финансируются за счет средств местного бюджета Ферганской области, собственных средств Ферганской областной филармонии и иных источников, не запрещенных актами законодательства. При этом средства местного бюджета выделяются для покрытия недостающей части средств Ферганской областной филармонии при финансировании деятельности данных оркестров.
3. Хокимияту Ферганской области:
(а) до конца 2025 года организовать в установленном порядке выделение средств за счет местного бюджета Ферганской области на закупку одного автобуса большой вместимости зарубежного производства для Ферганской областной филармонии в целях обеспечения эффективного проведения концертно-зрелищных мероприятий Симфонического оркестра и Оркестра национальных инструментов;
(б) в целях укрепления материально-технической базы Симфонического оркестра и Оркестра национальных инструментов осуществить закупку необходимых для них музыкальных инструментов, звукоусилительных установок, осветительных приборов, сценических костюмов и иного инвентаря.
4. Министерству культуры:
(а) организовать на регулярной основе согласно плану концертные программы Симфонического оркестра и Оркестра национальных инструментов в амфитеатре, расположенном на территории комплекса «Ecо City», а также других удобных локациях города Ферганы, часто посещаемых местным населением и туристами;
(б) совместно с Агентством по управлению государственными активами и хокимиятом Ферганской области принять меры по размещению Симфонического оркестра в здании Ферганского областного дворца театра и концерта, расположенном по адресу: город Фергана, улица Юксалиш, 59, Оркестра национальных инструментов — в здании Ферганской областной филармонии, расположенном по адресу: город Фергана, улица Фергана, 72, на основе права безвозмездного пользования, а также по созданию необходимых условий для эффективного функционирования данных коллективов;
(в) совместно с Министерством экономики и финансов, Министерством занятости и сокращения бедности в двухмесячный срок исходя из настоящего постановления внести соответствующие изменения и дополнения в штатные расписания административно-управленческих, художественно-руководящих, творческих, вспомогательных и обслуживающих работников Государственной филармонии Узбекистана, а также в типовые штатные расписания ее территориальных отделений;
(г) совместно с Министерством экономики и финансов в двухмесячный срок внести в Кабинет Министров предложения по дополнительному финансированию деятельности государственных концертно-зрелищных организаций в соответствии с выполненными ими объемами работы и творческими заказами.
5. Установить, что ежегодные планы гастролей Симфонического оркестра и Оркестра национальных инструментов утверждаются Кабинетом Министров.
6. Возложить на министра культуры О.А. Назарбекова персональную ответственность за эффективную организацию исполнения настоящего постановления.
7. Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
28 июля 2025 г.,
№ ПП-231