UzbekAI

Ўзбекистон Республикаси Вазирлар Маҳкамасининг

қарори

КЛАССИФИКАТОРИ

НИЗОМ

НАМУНАВИЙ ШАКЛЛАРИ

ЎЛЧАМИ

ПАРАМЕТРЛАРИ ВА ТАЛАБЛАРИ

Географик объектларга доир айрим муносабатларни тартибга солиш чора-тадбирлари тўғрисида

Ўзбекистон Республикасининг « Давлат тили ҳақида »ги ва « Географик объектларнинг номлари тўғрисида »ги қонунларига мувофиқ географик объектларни тизимлаштириш ҳамда кўча номи ва кўчмас мулк объекти рақами кўрсаткичларини ўрнатиш фаолиятини тартибга солиш мақсадида Вазирлар Маҳкамаси қарор қилади:

1. Қуйидагилар:

географик объектларни тизимлаштириш, шу жумладан, уларнинг коди, тури, қисқартмаси ва классификация кодини белгилашни назарда тутувчи Географик объектларнинг классификатори (кейинги ўринларда — Классификатор) 1-иловага мувофиқ;

кўча номи ва кўчмас мулк объекти рақами кўрсаткичининг (кейинги ўринларда — кўрсаткич) шакли, ўлчамлари, ёзилиши ва унга доир техник шартларни назарда тутувчи Кўча номи ва кўчмас мулк объекти рақами кўрсаткичини ўрнатиш тартиби тўғрисидаги низом 2-иловага мувофиқ тасдиқлансин.

2. Белгилансинки:

Географик объектларнинг номлари давлат реестри (кейинги ўринларда — Реестр) Классификатор асосида юритилади;

Вазирлар Маҳкамасининг 2018 йил 14 декабрдаги 1010-сон қарори билан тасдиқланган Кўчмас мулк объектлари манзиллари ягона реестрини шакллантириш ва юритиш тартиби тўғрисидаги низомга мувофиқ кўрсаткичларда ёзиладиган кўча номи ва кўчмас мулк объекти рақами тўғрисидаги ахборотлар Иқтисодиёт ва молия вазирлиги ҳузуридаги Кадастр агентлигининг (кейинги ўринларда — Кадастр агентлиги) Давлат кадастрлари палатаси туман (шаҳар)лар филиаллари томонидан тақдим этилади;

кўрсаткичларни тайёрлаш ва ўрнатиш билан боғлиқ харажатлар маҳаллий бюджетнинг қўшимча манбалари ҳамда қонунчилик ҳужжатларида тақиқланмаган бошқа манбалар ҳисобидан молиялаштирилади;

янги қурилган, реконструкция қилинган ва таъмирланган кўчалар, уйлар, кўп квартирали турар жойлар учун кўрсаткичларни тайёрлаш ва ўрнатиш билан боғлиқ харажатлар қурилиш ташкилоти ёки объект эгасининг ўз маблағлари ҳисобидан молиялаштирилади.

3. Кадастр агентлиги ҳамда манфаатдор вазирлик ва идоралар 2025 йил 1 сентябрга қадар ўзининг идоравий тизимларида географик объектларнинг кодларини Классификаторга мувофиқлаштирсин.

4. Тоғ-кон саноати ва геология вазирлиги, Сув хўжалиги вазирлиги, Экология, атроф-муҳитни муҳофаза қилиш ва иқлим ўзгариши вазирлиги, Транспорт вазирлиги, Энергетика вазирлиги, Статистика агентлиги, «Ўзбекгидроэнерго» АЖ, «Ўзбекистон темир йўллари» АЖ Кадастр агентлиги билан биргаликда:

2025 йил 1 октябрга қадар Классификатор асосида тегишлилиги бўйича табиий объектлар ҳамда транспорт ва муҳандислик-техника инфратузилмаси объектлари номларини хатловдан ўтказсин;

2026 йил 1 майга қадар белгиланган тартибда номланмаган ва давлат рўйхатидан ўтказилмаган географик объектлар номларини Ўзбекистон Республикасининг «Географик объектларнинг номлари тўғрисида»ги Қонунига (кейинги ўринларда — Қонун) мувофиқ Реестрга киритиш чораларини кўрсин.

5. Кадастр агентлиги манфаатдор вазирлик ва идоралар билан биргаликда Классификаторга киритилган географик объектлар (табиий объектлар ҳамда транспорт ва муҳандислик-техника инфратузилмаси объектлари)га ном бериш ҳамда уларнинг номларини ўзгартириш тўғрисидаги таклифларни Вазирлар Маҳкамасига киритиб борсин.

6. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари:

Кадастр агентлиги, Статистика агентлиги, Ўзбекистон маҳаллалари уюшмаси билан биргаликда 2026 йил 1 июлга қадар республикадаги барча кўчаларнинг номларини хатловдан ўтказсин ҳамда уларни Реестрга мувофиқлаштириш, янги ташкил этилган ва номланмаган кўчаларга ном бериш, шунингдек, Қонун талабларига зид бўлган номларни ўзгартириш чораларини кўрсин;

2028 йил 1 январга қадар Кадастр агентлигининг Кўчмас мулк объектлари манзиллари ягона реестридаги ахборотлар асосида кўрсаткичлар ўрнатилишини таъминласин.

7. Вазирлар Маҳкамасининг 2018 йил 14 декабрдаги 1010-сон қарори билан тасдиқланган Кўчмас мулк объектлари манзиллари ягона реестрини шакллантириш ва юритиш тартиби тўғрисидаги низомга 3-иловага мувофиқ ўзгартириш киритилсин.

8. Иқтисодиёт ва молия вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

9. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов зиммасига юклансин.

Вазирлар Маҳкамасининг 2025 йил 30 июлдаги 475-сон қарорига 1-ИЛОВА

Географик объектларнинг

Код Географик объект тури Қисқартмаси Классификация коди I. Маъмурий-ҳудудий бирликлар 1.1 республика респ. 001001000 1.2 вилоят вил. 001002000 1.3 шаҳар ш. 001003000 1.4 туман т. 001004000 1.5 шаҳарча ш-ча 001005000 1.6 қишлоқ қ. 001006000 1.7 овул о. 001007000 II. Аҳоли пунктлари ва уларнинг таркибий қисмлари 2.1 аҳоли пункти а/п. 002001000 2.2 ҳайвонот боғи ҳ/боғи 002002000 2.3 истироҳат боғи ист/боғи 002003000 2.4 кўчалар - 002004000 2.4.1 шоҳкўча ш/к. 002004001 2.4.2 кўча к. 002004002 2.4.3 тор кўча т/к. 002004003 2.4.4 берк кўча б/к. 002004004 2.5 маҳалла маҳ. 002005000 2.6 мавзе мав. 002006000 2.7 майдон м. 002007000 2.8 қабристон қаб-н 002008000 2.9 хиёбон х-бон 002009000 2.10 зиёратгоҳ з-гоҳ 002010000 III. Транспорт ва муҳандислик-техника инфратузилмаси объектлари 3.1 аэропорт аэрп. 003001000 3.2 автостанция авто/ст. 003002000 3.3 автовокзал авто/в. 003003000 3.4 электр станциялари - 003004000 3.4.1 атом электр станцияси АЭС 003004001 3.4.2 гидроэлектростанция ГЕС/ГРЕС 003004002 3.4.3 иссиқлик электр станцияси ИЭС 003004003 3.4.4 қуёш электр станцияси ҚЕС 003004004 3.4.5 шамол электр станцияси ШЕС 003004005 3.5 фойдали қазилма конлари - 003005000 3.5.1 норуда конлар н/к. 003005001 3.5.2 рудали конлар р/к. 003005002 3.5.3 углеводород конлари угл/к. 003005003 3.6 канал (икки сув объектини боғловчи) кан. 003006000 3.7 метро бекати м/б. 003007000 3.8 метеостанция мет/ст. 003008000 3.9 насос станцияси н/с. 003009000 3.10 порт п. 003010000 3.11 пристан пр. 003011000 3.12 қор кўчки станцияси қ/к ст. 003012000 3.13 сардоба с-ба 003013000 3.14 сейсмик станция сейс/ст. 003014000 3.15 сув омборлари - 003015000 3.15.1 сел сув омбори с/сув омб. 003015001 3.15.2 сув омбори сув омб. 003015002 3.16 темирйўл разезди т.й/раз. 003016000 3.17 темирйўл станцияси т.й/ст. 003017000 3.18 темирйўл вокзали т.й/в. 003018000 IV. Табиий объектлар 4.1 ариқ ариқ 004001000 4.2 бархан барх. 004002000 4.3 ботиқ ботиқ 004003000 4.4 булоқ бул. 004004000 4.5 дара дара 004005000 4.6 дарё д. 004006000 4.7 довон дов. 004007000 4.8 дўнглик дўнг. 004008000 4.9 жарлик жар. 004009000 4.10 кўл кўл 004010000 4.11 муҳофаза этиладиган табиий ҳудудлар - 004011000 4.11.1 биосфера резервати био/рез. 004011001 4.11.2 буюртма қўриқхона буй/қўр. 004011002 4.11.3 давлат биосфера қўриқхонаси дав.био/қўр. 004011003 4.11.4 давлат қўриқхонаси дав/қўр. 004011004 4.11.5 ландшафт буюртма қўриқхонаси ланд.буй/қўр. 004011005 4.11.6 миллий табиат боғи м.т/боғи 004011006 4.11.7 питомник пит. 004011007 4.12 музлик музл. 004012000 4.13 орол орол 004013000 4.14 плато плато 004014000 4.15 қир қир 004015000 4.16 қирлар қирлар 004016000 4.17 қуруқ ўзан қ/ў. 004017000 4.18 сой сой 004018000 4.19 тоғ тизмаси тоғ/тизм. 004019000 4.20 тоғ тоғ 004020000 4.21 ўрмон ўрм. 004021000 4.22 ғор ғор 004022000 4.23 шаршара шар. 004023000 4.24 шўрхок шўрх. 004024000 4.25 чинк чинк 004025000 4.26 чўққи ( тоғ чўққиси ) ч. 004026000

Вазирлар Маҳкамасининг 2025 йил 30 июлдаги 475-сон қарорига 2-ИЛОВА

Кўча номи ва кўчмас мулк объекти рақами кўрсаткичини ўрнатиш тартиби тўғрисида

1-боб. Умумий қоидалар

1. Ушбу Низом Ўзбекистон Республикасининг « Давлат тили ҳақида »ги ва « Географик объектларнинг номлари тўғрисида »ги қонунларига мувофиқ кўча номи ва кўчмас мулк объекти рақами кўрсаткичларининг шакли, ўлчамлари ҳамда уларни тайёрлаш ва ўрнатиш тартибини белгилайди.

2. Ушбу Низомда қуйидаги асосий тушунчалардан фойдаланилади:

кўрсаткич — кўча номи ва кўчмас мулк объекти рақами ёзилган лавҳа;

кўча номи — давлат экспертизасидан ўтказилиб, Ўзбекистон Республикаси Президентининг ёки туман (шаҳар) халқ депутатлари Кенгашининг қарори билан тасдиқланган Географик объектлар номларининг давлат реестридаги номи;

кўчмас мулк объекти рақами — ер участкалари, бинолар ва иншоотлар, қурилиши тугалланмаган иморатлар, шу жумладан, қурилаётган, алоҳида ажратилган жойларга берилган манзил рақами;

кўча-йўл тармоғи элементлари — шоҳкўчалар, кўчалар, тор кўчалар, берк кўчалар, мавзелар, истироҳат боғлари, хиёбонлар, майдонлар.

3. Ушбу Низом йўл белгилари, реклама, товар ва хизматлар, шунингдек, юридик шахсларнинг индивидуаллаштириш воситаларини жойлаштиришга оид муносабатларига нисбатан татбиқ этилмайди.

4. Кўрсаткич давлат тилида (Қорақалпоғистон Республикасида ўзбек ва қорақалпоқ тилида) ёзилади.

2-боб. Кўрсаткичнинг шакли, ўлчамлари ва ёзилиши

5. Кўрсаткич кўчаларга ҳамда кўчмас мулк объектларига жойлаштириш учун мўлжалланган бўлиб, кўча йўл тармоғи элементларининг тоифаларига мувофиқ турли шаклда бўлади.

6. Кўрсаткичнинг намунавий шакллари ушбу Низомга 1-иловага мувофиқ қуйидаги тоифаларга ажратилади:

1-тоифа — полиэтилентерефталат, полиэтилинтерефталатгликол, полистирол ёки поликарбонат материалдан тайёрланган, ёритиш мосламали кўрсаткич;

2-тоифа — композит алюминий материалидан тайёрланган, нур қайтарувчи қопламали кўрсаткич;

3-тоифа — композит алюминий материалидан тайёрланган кўрсаткич.

Бунда, қоида тариқасида, 1-тоифа кўрсаткичлар шаҳар аҳамиятидаги магистрал кўчалар, 2-тоифа кўрсаткичлар туман аҳамиятидаги магистрал кўчалар ва 3-тоифа кўрсаткичлар эса маҳаллий аҳамиятга эга кўчаларда ўрнатилади.

7. Кўча-йўл тармоғи элементларининг, бино ва иншоотларнинг ўзига хос хусусиятларини инобатга олган ҳолда, кўрсаткич алоҳида-алоҳида ёки бино ва иншоотнинг архитектуравий кўринишидан, ҳудуднинг молиявий ҳолати, имкониятидан келиб чиқиб, белгиланган ўлчамлар доирасида битта кўрсаткичда кўча номи ва кўчмас мулк объекти рақами ёзилади.

Шаҳар муҳити элементларининг мақсади, анъанавий архитектура ва маданияти, шунингдек, жойнинг табиий-иқлим шароитларини ҳисобга олган ҳолда, «дизайн код» тасдиқланган ҳудудларда ушбу Низомда белгиланган кўрсаткичнинг шакли, ўлчами, ранги ва ёзилиш шакли ўзгартирилиши мумкин.

8. Кўрсаткичнинг ўлчамлари ушбу Низомга 2-иловага мувофиқ белгиланади.

9. Кўрсаткичда кўчанинг номи қисқартирилишига йўл қўйилмайди.

10. Кўрсаткичдаги кўча номи ва кўчмас мулк объекти рақами Кадастр агентлигининг Давлат кадастрлари палатаси туман (шаҳар)лар филиаллари томонидан тақдим этилган ахборотлар асосида ёзилади.

11. Кўрсаткичда ёзиладиган кўча номи ва кўча-йўл тармоғи элементлари ҳамда кўчмас мулк объектларининг рақами «Arial» шрифтида, ушбу Низомга 1-иловага мувофиқ 1-тоифадаги кўрсаткичда ҳошиядан 40 мм, 2 ва 3-тоифаларда эса 25 мм масофа оралиқда ёзилади.

3-боб. Кўрсаткичга доир техник шартлар

12. Кўрсаткичнинг асоси тўқ кўк рангда (CMYK: 100 90 10 15) ва ундаги белги, чизиқ, асосий ҳамда қўшимча матнлар оқ рангда (CMYK: 0 0 0 0) бўлади.

13. Ёритиладиган шаклдаги кўрсаткичлар ўрнатилган бинонинг электр тармоғи орқали ёритилиши таъминланади. Бунда электр энергияси билан боғлиқ харажатлар кўп квартирали турар жойларни бошқарувчи органлар (бевосита жойларнинг мулкдорлари, бошқарув компаниялари ёки ширкатлар)нинг маблағлари, шунингдек, юридик шахсларга тегишли биноларда эса балансда сақловчи ёки фойдаланувчи ташкилотнинг маблағлари ҳисобидан молиялаштирилади.

14. Кўрсаткич бевосита жойлаштирилган бинонинг электр манбаига уланади ҳамда уланиш манбаининг номинал қуввати 220В ± 10 фоиз ва частотаси 50 ± 0,2 Gs бўлган умумий тармоқдан электр токи олади.

4-боб. Кўрсаткични ўрнатиш тартиби

15. Кўрсаткич ушбу Низомга 3-иловага мувофиқ параметрлар ва талаблар асосида ўрнатилади.

16. Кўрсаткичлар Кадастр агентлигининг Давлат кадастрлари палатаси туман (шаҳар)лар филиаллари ахборотлари асосида туман (шаҳар)лар ободонлаштириш бошқармалари томонидан тайёрланади ва ўрнатилади.

Кўрсаткични тайёрлаш ва ўрнатиш билан боғлиқ харажатлар маҳаллий бюджетнинг қўшимча манбалари ҳамда қонунчилик ҳужжатларида тақиқланмаган бошқа манбалар ҳисобидан молиялаштирилади.

Янги қурилган, реконструкция қилинган ва таъмирланган кўчалар, уйлар, кўп квартирали турар жойлар учун кўрсаткичларни тайёрлаш ва ўрнатиш билан боғлиқ харажатлар қурилиш ташкилоти ёки объект эгасининг ўз маблағлари ҳисобидан молиялаштирилади.

17. Кўча-йўл тармоғи элементлари номи ўзгартирилган тақдирда, бу борада тегишли халқ депутатлари туман (шаҳар) Кенгашининг қарори қабул қилинган кундан бошлаб бир ой муддат ичида кўрсаткичлар алмаштирилади.

5-боб. Кўрсаткични сақлаш ва ундан фойдаланиш тартиби

18. Кўрсаткични сақлаш ва ундан фойдаланишда қуйидаги талаблар бажарилиши лозим:

кўрсаткичларнинг техник ҳолатини назорат қилиш;

кўча номи ва кўчмас мулк объекти рақами ўзгарган ёки яроқсиз ҳолга келган кўрсаткичларни ўз вақтида алмаштириш;

кўча-йўл тармоғи элементларини ҳамда бино ва иншоотларни таъмирлаш жараёнида кўрсаткичларга шикаст етказилишининг олдини олиш.

19. Кўрсаткични белгиланган талаблар асосида сақлаш ва ундан фойдаланиш учун кўчмас мулк объекти эгаси ёки ундан фойдаланувчи шахс масъул ҳисобланади.

6-боб. Якунловчи қоида

20. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб беради.

Кўча номи ва кўчмас мулк объекти рақами кўрсаткичини ўрнатиш тартиби тўғрисидаги низомга 1-ИЛОВА

Кўча номи ва кўчмас мулк объекти рақами кўрсаткичининг

Кўча номи ва кўчмас мулк объекти рақами кўрсаткичини ўрнатиш тартиби тўғрисидаги низомга 2-ИЛОВА

Кўча номи ва кўчмас мулк объекти рақами кўрсаткичининг

Кўча номи ва кўчмас мулк объекти рақами кўрсаткичини ўрнатиш тартиби тўғрисидаги низомга 3-ИЛОВА

Кўча номи ва кўчмас мулк объекти рақами кўрсаткичини ўрнатиш

Т/р Параметрлар Талаблар I. Кўча номи кўрсаткичи бўйича 1. Кўрсаткични ўрнатиш шарти Кўрсаткичнинг ранги, шакли, ўлчамлари ҳамда ёзувлари, шунингдек, кўрсаткичнинг техник шартлари ва ўрнатиш тартибига қатъий риоя қилиш. 2. Кўрсаткични ўрнатиш жойи 1. Кўчанинг кириш қисмида ҳамда кўча бўйлаб жойлашган бино ва иншоотларнинг ўнг томонида ўрнатиш (1, 2-расмлар) . 2. Ташкилот ва идораларнинг ташқи тўсиқ деворларида ёки бино ва иншоотларнинг кириш қисми ўнг томонида ўрнатиш. 3. Ёнма-ён ёки туташ бино ва иншоотларда кўрсаткични горизонтал бир чизиқда ўрнатиш (1-расм) . 3. Кўрсаткични ўрнатиш баландлиги Бир ва икки қаватли кўчмас мулк объектларида ҳамда ташкилот ва идораларнинг ташқи тўсиқ деворларида ёки бино ва иншоотларида 2,5 — 3,5 м гача, кўп квартирали турар жойларда эса 4,5 м гача баландликда ўрнатиш (3, 8-расмлар) . 4. Кўрсаткични устунга ўрнатиш 1. Бино ва иншоотларда ўрнатиш имкони бўлмаганда бетон асосли металл устунга ўрнатиш. 2. Кўрсаткич ўрнатиладиган устун иқлим шароитига чидамли, коррозияга қарши рухланган, кулранг фонда, радиуси 32 мм ёки томонлари 60 х 40 мм ўлчамдаги, баландлиги (ер сатҳидан ҳисоблаганда) 2 — 2,5 м металл профил бўлиши (9-расм) . 5. Кўрсаткични фасадга ўрнатиш 1. 1 — тоифа — Бинонинг туташ деворлари бурчаги вертикал ўқидан горизонтал ҳолатда 450 мм узоқликда ўрнатиш (4-5-расмлар) . 2. 2 — тоифа — Бинонинг туташ деворлари бурчаги вертикал ўқидан горизонтал ҳолатда 350 мм узоқликда ўрнатиш (4-5-расмлар) . 3. 3 — тоифа — Бинонинг туташ деворлари бурчаги вертикал ўқидан горизонтал ҳолатда 300 мм узоқликда ўрнатиш (4-5-расмлар) . 4. Ёнма-ён жойлаштирилган кўча номи ва кўчмас мулк объекти рақами кўрсаткичи орасидаги масофа 200 мм бўлиб, кўчмас мулк объекти рақами кўрсаткичини кўча номи кўрсаткичидан ўнгда жойлаштириш (6-расм) . 6. Кўрсаткични ўрнатишда оралиқ масофаси Кўрсаткични ўртача ҳар 300 — 400 м масофада, шунингдек, кўчанинг бошланиши ва охирида ҳамда кўчалар кесишмасида (чорраҳада) ўрнатиш. 7. Кўрсаткични ўрнатиш мумкин бўлмаган ҳолатлар Кўрсаткични бино ва иншоотлар фасадининг транспорт ва пиёдалар ҳаракатидан етарлича кўринмайдиган, бўртиб чиққан ёки ичкарида жойлашган элементларида, шунингдек, декоратив шакллар ва карнизларда ўрнатилишига йўл қўймаслик. II. Кўчмас мулк объекти рақами кўрсаткичи бўйича 8. Кўрсаткични ўрнатиш шарти Кўрсаткичнинг ранги, шакли, ўлчамлари ҳамда ёзувлари, шунингдек, кўрсаткичнинг техник шартлари ва ўрнатиш тартибига қатъий риоя қилиш. 9. Кўрсаткични ўрнатиш жойи 1. Кўчмас мулк объекти рақами кўча номи билан бирга белгиланган ўлчамлар доирасида битта кўрсаткичда кўрсатилса, кўча номи кўрсаткичининг параметрлари ва талабларига риоя қилган ҳолда ўрнатиш. 2. Кўча-йўл тармоғи элементларининг, бино ва иншоотларнинг ўзига хос хусусиятларини инобатга олган ҳолда кўрсаткичда фақат кўчмас мулк объекти рақами кўрсатилганда бино ва иншоотларнинг кириш қисми ўнг томонида ўрнатиш. 10. Кўрсаткични ўрнатиш баландлиги Бир ва икки қаватли кўчмас мулк объектларида ҳамда ташкилот ва идораларнинг ташқи тўсиқ деворларида ёки биноларида 2,5 — 3,5 м гача, кўп квартирали турар жойларда 4,5 м гача масофада ўрнатиш (3, 8-расмлар) . 11. Кўрсаткични фасадга ўрнатиш 1. 1 — тоифа — Бинонинг туташ деворлари бурчаги вертикал ўқидан горизонтал ҳолатда 450 мм узоқликда, кўча номи кўрсаткичининг ўнг томонида, битта горизонтал ўқда ўрнатиш (6-расм) . 2. 2 — тоифа — Бино бурчагидан горизонтал равишда 325 мм, кўча номи ёзилган кўрсаткичнинг ўнг томонида кўрсаткичдан битта горизонтал ўқда ўрнатиш (6-расм) . 3. 3 — тоифа — Бино бурчагидан горизонтал равишда 325 мм, кўча номи ёзилган кўрсаткичнинг ўнг томонида кўрсаткичдан битта горизонтал ўқда ўрнатиш (6-расм) . 4. Якка тартибдаги хонадонлар учун асосий кириш қисмидан ўнгда (агар жойлаштириш имкони мавжуд бўлмаса — чапда) ер сатҳидан 2-3 м гача, кириш йўлаги вертикал ўқидан 200 мм узоқликда ўрнатиш. 5. Кўрсаткичда фақат кўчмас мулк объекти рақами кўрсатилганда бино ва иншоотларнинг кириш қисмидан ўнгда (агар жойлаштириш имкони бўлмаса — чапда) ер сатҳидан 2,5 — 3,5 м гача баландликда ўрнатиш. 12. Кўрсаткични ўрнатишда оралиқ масофаси Бино ва иншоотнинг фасад қисми 100 м ва ундан ортиқ бўлса, кўрсаткични бино ва иншоот фасадининг бошланиши ҳамда охирида ўрнатиш. 13. Кўрсаткични ўрнатиш мумкин бўлмаган ҳолатлар Кўрсаткични фасаднинг автомобил ва пиёдалар ҳаракатидан етарлича кўринмайдиган жойларида, фасаднинг чиқиб кетадиган элементлари яқинида ёки фасаднинг чуқурлаштирилган жойларида, декоратив элементларда ва карнизларда ўрнатишга йўл қўймаслик.

Вазирлар Маҳкамасининг 2025 йил 30 июлдаги 475-сон қарорига 3-ИЛОВА

Вазирлар Маҳкамасининг 2018 йил 14 декабрдаги 1010-сон қарори билан тасдиқланган Кўчмас мулк объектлари манзиллари ягона реестрини шакллантириш ва юритиш тартиби тўғрисидаги низомга киритилаётган ўзгартиришлар

1. 20 1 -банд қуйидаги таҳрирда баён этилсин:

«20 1 . Қуйидагилар манзил элементларининг турлари ва қисқартмалари ҳисобланади:

уй (уй);

корпус (корп.);

блок (б.);

квартира (кв.);

хона (х.);

ертўла (й.);

мансарда (ман.).

Манзил тузилмаси ушбу Низомга 6-иловага ва ички манзил тузилмаси 7-иловага мувофиқ белгиланади.

Манзил Географик объектларнинг классификаторига мувофиқ маъмурий-ҳудудий бирлик номи, аҳоли пунктлари ва уларнинг таркибий қисми, шунингдек, манзил элементларининг турларидан иборат бўлади».

2. 5-илова ўз кучини йўқотган деб ҳисоблансин.

Ўзбекистон Республикасининг Бош вазири А. АРИПОВ

Тошкент ш.,

2025 йил 30 июль,

475-сон

(Қонунчилик маълумотлари миллий базаси, 30.07.2025 й., 09/25/475/0668-сон)

lex.uz

Oʻzbekiston Respublikasi Vazirlar Mahkamasining

qarori

KLASSIFIKATORI

NIZOM

NAMUNAVIY SHAKLLARI

OʻLCHAMI

PARAMETRLARI VA TALABLARI

Geografik obyektlarga doir ayrim munosabatlarni tartibga solish chora-tadbirlari toʻgʻrisida

Oʻzbekiston Respublikasining “ Davlat tili haqida ”gi va “ Geografik obyektlarning nomlari toʻgʻrisida ”gi qonunlariga muvofiq geografik obyektlarni tizimlashtirish hamda koʻcha nomi va koʻchmas mulk obyekti raqami koʻrsatkichlarini oʻrnatish faoliyatini tartibga solish maqsadida Vazirlar Mahkamasi qaror qiladi:

1. Quyidagilar:

geografik obyektlarni tizimlashtirish, shu jumladan, ularning kodi, turi, qisqartmasi va klassifikatsiya kodini belgilashni nazarda tutuvchi Geografik obyektlarning klassifikatori (keyingi oʻrinlarda — Klassifikator) 1-ilovaga muvofiq;

koʻcha nomi va koʻchmas mulk obyekti raqami koʻrsatkichining (keyingi oʻrinlarda — koʻrsatkich) shakli, oʻlchamlari, yozilishi va unga doir texnik shartlarni nazarda tutuvchi Koʻcha nomi va koʻchmas mulk obyekti raqami koʻrsatkichini oʻrnatish tartibi toʻgʻrisidagi nizom 2-ilovaga muvofiq tasdiqlansin.

2. Belgilansinki:

Geografik obyektlarning nomlari davlat reyestri (keyingi oʻrinlarda — Reyestr) Klassifikator asosida yuritiladi;

Vazirlar Mahkamasining 2018-yil 14-dekabrdagi 1010-son qarori bilan tasdiqlangan Koʻchmas mulk obyektlari manzillari yagona reyestrini shakllantirish va yuritish tartibi toʻgʻrisidagi nizomga muvofiq koʻrsatkichlarda yoziladigan koʻcha nomi va koʻchmas mulk obyekti raqami toʻgʻrisidagi axborotlar Iqtisodiyot va moliya vazirligi huzuridagi Kadastr agentligining (keyingi oʻrinlarda — Kadastr agentligi) Davlat kadastrlari palatasi tuman (shahar)lar filiallari tomonidan taqdim etiladi;

koʻrsatkichlarni tayyorlash va oʻrnatish bilan bogʻliq xarajatlar mahalliy budjetning qoʻshimcha manbalari hamda qonunchilik hujjatlarida taqiqlanmagan boshqa manbalar hisobidan moliyalashtiriladi;

yangi qurilgan, rekonstruksiya qilingan va taʼmirlangan koʻchalar, uylar, koʻp kvartirali turar joylar uchun koʻrsatkichlarni tayyorlash va oʻrnatish bilan bogʻliq xarajatlar qurilish tashkiloti yoki obyekt egasining oʻz mablagʻlari hisobidan moliyalashtiriladi.

3. Kadastr agentligi hamda manfaatdor vazirlik va idoralar 2025-yil 1-sentabrga qadar oʻzining idoraviy tizimlarida geografik obyektlarning kodlarini Klassifikatorga muvofiqlashtirsin.

4. Togʻ-kon sanoati va geologiya vazirligi, Suv xoʻjaligi vazirligi, Ekologiya, atrof-muhitni muhofaza qilish va iqlim oʻzgarishi vazirligi, Transport vazirligi, Energetika vazirligi, Statistika agentligi, “Oʻzbekgidroenergo” AJ, “Oʻzbekiston temir yoʻllari” AJ Kadastr agentligi bilan birgalikda:

2025-yil 1-oktabrga qadar Klassifikator asosida tegishliligi boʻyicha tabiiy obyektlar hamda transport va muhandislik-texnika infratuzilmasi obyektlari nomlarini xatlovdan oʻtkazsin;

2026-yil 1-mayga qadar belgilangan tartibda nomlanmagan va davlat roʻyxatidan oʻtkazilmagan geografik obyektlar nomlarini Oʻzbekiston Respublikasining “Geografik obyektlarning nomlari toʻgʻrisida”gi Qonuniga (keyingi oʻrinlarda — Qonun) muvofiq Reyestrga kiritish choralarini koʻrsin.

5. Kadastr agentligi manfaatdor vazirlik va idoralar bilan birgalikda Klassifikatorga kiritilgan geografik obyektlar (tabiiy obyektlar hamda transport va muhandislik-texnika infratuzilmasi obyektlari)ga nom berish hamda ularning nomlarini oʻzgartirish toʻgʻrisidagi takliflarni Vazirlar Mahkamasiga kiritib borsin.

6. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari:

Kadastr agentligi, Statistika agentligi, Oʻzbekiston mahallalari uyushmasi bilan birgalikda 2026-yil 1-iyulga qadar respublikadagi barcha koʻchalarning nomlarini xatlovdan oʻtkazsin hamda ularni Reyestrga muvofiqlashtirish, yangi tashkil etilgan va nomlanmagan koʻchalarga nom berish, shuningdek, Qonun talablariga zid boʻlgan nomlarni oʻzgartirish choralarini koʻrsin;

2028-yil 1-yanvarga qadar Kadastr agentligining Koʻchmas mulk obyektlari manzillari yagona reyestridagi axborotlar asosida koʻrsatkichlar oʻrnatilishini taʼminlasin.

7. Vazirlar Mahkamasining 2018-yil 14-dekabrdagi 1010-son qarori bilan tasdiqlangan Koʻchmas mulk obyektlari manzillari yagona reyestrini shakllantirish va yuritish tartibi toʻgʻrisidagi nizomga 3-ilovaga muvofiq oʻzgartirish kiritilsin.

8. Iqtisodiyot va moliya vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

9. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov zimmasiga yuklansin.

Vazirlar Mahkamasining 2025-yil 30-iyuldagi 475-son qaroriga 1-ILOVA

Geografik obyektlarning

Kod Geografik obyekt turi Qisqartmasi Klassifikatsiya kodi I. Maʼmuriy-hududiy birliklar 1.1 respublika resp. 001001000 1.2 viloyat vil. 001002000 1.3 shahar sh. 001003000 1.4 tuman t. 001004000 1.5 shaharcha sh-cha 001005000 1.6 qishloq q. 001006000 1.7 ovul o. 001007000 II. Aholi punktlari va ularning tarkibiy qismlari 2.1 aholi punkti a/p. 002001000 2.2 hayvonot bogʻi h/bogʻi 002002000 2.3 istirohat bogʻi ist/bogʻi 002003000 2.4 koʻchalar - 002004000 2.4.1 shohkoʻcha sh/k. 002004001 2.4.2 koʻcha k. 002004002 2.4.3 tor koʻcha t/k. 002004003 2.4.4 berk koʻcha b/k. 002004004 2.5 mahalla mah. 002005000 2.6 mavze mav. 002006000 2.7 maydon m. 002007000 2.8 qabriston qab-n 002008000 2.9 xiyobon x-bon 002009000 2.10 ziyoratgoh z-goh 002010000 III. Transport va muhandislik-texnika infratuzilmasi obyektlari 3.1 aeroport aerp. 003001000 3.2 avtostansiya avto/st. 003002000 3.3 avtovokzal avto/v. 003003000 3.4 elektr stansiyalari - 003004000 3.4.1 atom elektr stansiyasi AES 003004001 3.4.2 gidroelektrostansiya GES/GRES 003004002 3.4.3 issiqlik elektr stansiyasi IES 003004003 3.4.4 quyosh elektr stansiyasi QES 003004004 3.4.5 shamol elektr stansiyasi SHES 003004005 3.5 foydali qazilma konlari - 003005000 3.5.1 noruda konlar n/k. 003005001 3.5.2 rudali konlar r/k. 003005002 3.5.3 uglevodorod konlari ugl/k. 003005003 3.6 kanal (ikki suv obyektini bogʻlovchi) kan. 003006000 3.7 metro bekati m/b. 003007000 3.8 meteostansiya met/st. 003008000 3.9 nasos stansiyasi n/s. 003009000 3.10 port p. 003010000 3.11 pristan pr. 003011000 3.12 qor koʻchki stansiyasi q/k st. 003012000 3.13 sardoba s-ba 003013000 3.14 seysmik stansiya seys/st. 003014000 3.15 suv omborlari - 003015000 3.15.1 sel suv ombori s/suv omb. 003015001 3.15.2 suv ombori suv omb. 003015002 3.16 temiryoʻl razezdi t.y/raz. 003016000 3.17 temiryoʻl stansiyasi t.y/st. 003017000 3.18 temiryoʻl vokzali t.y/v. 003018000 IV. Tabiiy obyektlar 4.1 ariq ariq 004001000 4.2 barxan barx. 004002000 4.3 botiq botiq 004003000 4.4 buloq bul. 004004000 4.5 dara dara 004005000 4.6 daryo d. 004006000 4.7 dovon dov. 004007000 4.8 doʻnglik doʻng. 004008000 4.9 jarlik jar. 004009000 4.10 koʻl koʻl 004010000 4.11 muhofaza etiladigan tabiiy hududlar - 004011000 4.11.1 biosfera rezervati bio/rez. 004011001 4.11.2 buyurtma qoʻriqxona buy/qoʻr. 004011002 4.11.3 davlat biosfera qoʻriqxonasi dav.bio/qoʻr. 004011003 4.11.4 davlat qoʻriqxonasi dav/qoʻr. 004011004 4.11.5 landshaft buyurtma qoʻriqxonasi land.buy/qoʻr. 004011005 4.11.6 milliy tabiat bogʻi m.t/bogʻi 004011006 4.11.7 pitomnik pit. 004011007 4.12 muzlik muzl. 004012000 4.13 orol orol 004013000 4.14 plato plato 004014000 4.15 qir qir 004015000 4.16 qirlar qirlar 004016000 4.17 quruq oʻzan q/oʻ. 004017000 4.18 soy soy 004018000 4.19 togʻ tizmasi togʻ/tizm. 004019000 4.20 togʻ togʻ 004020000 4.21 oʻrmon oʻrm. 004021000 4.22 gʻor gʻor 004022000 4.23 sharshara shar. 004023000 4.24 shoʻrxok shoʻrx. 004024000 4.25 chink chink 004025000 4.26 choʻqqi ( togʻ choʻqqisi ) ch. 004026000

Vazirlar Mahkamasining 2025-yil 30-iyuldagi 475-son qaroriga 2-ILOVA

Koʻcha nomi va koʻchmas mulk obyekti raqami koʻrsatkichini oʻrnatish tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasining “ Davlat tili haqida ”gi va “ Geografik obyektlarning nomlari toʻgʻrisida ”gi qonunlariga muvofiq koʻcha nomi va koʻchmas mulk obyekti raqami koʻrsatkichlarining shakli, oʻlchamlari hamda ularni tayyorlash va oʻrnatish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

koʻrsatkich — koʻcha nomi va koʻchmas mulk obyekti raqami yozilgan lavha;

koʻcha nomi — davlat ekspertizasidan oʻtkazilib, Oʻzbekiston Respublikasi Prezidentining yoki tuman (shahar) xalq deputatlari Kengashining qarori bilan tasdiqlangan Geografik obyektlar nomlarining davlat reyestridagi nomi;

koʻchmas mulk obyekti raqami — yer uchastkalari, binolar va inshootlar, qurilishi tugallanmagan imoratlar, shu jumladan, qurilayotgan, alohida ajratilgan joylarga berilgan manzil raqami;

koʻcha-yoʻl tarmogʻi elementlari — shohkoʻchalar, koʻchalar, tor koʻchalar, berk koʻchalar, mavzelar, istirohat bogʻlari, xiyobonlar, maydonlar.

3. Ushbu Nizom yoʻl belgilari, reklama, tovar va xizmatlar, shuningdek, yuridik shaxslarning individuallashtirish vositalarini joylashtirishga oid munosabatlariga nisbatan tatbiq etilmaydi.

4. Koʻrsatkich davlat tilida (Qoraqalpogʻiston Respublikasida oʻzbek va qoraqalpoq tilida) yoziladi.

2-bob. Koʻrsatkichning shakli, oʻlchamlari va yozilishi

5. Koʻrsatkich koʻchalarga hamda koʻchmas mulk obyektlariga joylashtirish uchun moʻljallangan boʻlib, koʻcha yoʻl tarmogʻi elementlarining toifalariga muvofiq turli shaklda boʻladi.

6. Koʻrsatkichning namunaviy shakllari ushbu Nizomga 1-ilovaga muvofiq quyidagi toifalarga ajratiladi:

1-toifa — polietilentereftalat, polietilintereftalatglikol, polistirol yoki polikarbonat materialdan tayyorlangan, yoritish moslamali koʻrsatkich;

2-toifa — kompozit aluminiy materialidan tayyorlangan, nur qaytaruvchi qoplamali koʻrsatkich;

3-toifa — kompozit aluminiy materialidan tayyorlangan koʻrsatkich.

Bunda, qoida tariqasida, 1-toifa koʻrsatkichlar shahar ahamiyatidagi magistral koʻchalar, 2-toifa koʻrsatkichlar tuman ahamiyatidagi magistral koʻchalar va 3-toifa koʻrsatkichlar esa mahalliy ahamiyatga ega koʻchalarda oʻrnatiladi.

7. Koʻcha-yoʻl tarmogʻi elementlarining, bino va inshootlarning oʻziga xos xususiyatlarini inobatga olgan holda, koʻrsatkich alohida-alohida yoki bino va inshootning arxitekturaviy koʻrinishidan, hududning moliyaviy holati, imkoniyatidan kelib chiqib, belgilangan oʻlchamlar doirasida bitta koʻrsatkichda koʻcha nomi va koʻchmas mulk obyekti raqami yoziladi.

Shahar muhiti elementlarining maqsadi, anʼanaviy arxitektura va madaniyati, shuningdek, joyning tabiiy-iqlim sharoitlarini hisobga olgan holda, “dizayn kod” tasdiqlangan hududlarda ushbu Nizomda belgilangan koʻrsatkichning shakli, oʻlchami, rangi va yozilish shakli oʻzgartirilishi mumkin.

8. Koʻrsatkichning oʻlchamlari ushbu Nizomga 2-ilovaga muvofiq belgilanadi.

9. Koʻrsatkichda koʻchaning nomi qisqartirilishiga yoʻl qoʻyilmaydi.

10. Koʻrsatkichdagi koʻcha nomi va koʻchmas mulk obyekti raqami Kadastr agentligining Davlat kadastrlari palatasi tuman (shahar)lar filiallari tomonidan taqdim etilgan axborotlar asosida yoziladi.

11. Koʻrsatkichda yoziladigan koʻcha nomi va koʻcha-yoʻl tarmogʻi elementlari hamda koʻchmas mulk obyektlarining raqami “Arial” shriftida, ushbu Nizomga 1-ilovaga muvofiq 1-toifadagi koʻrsatkichda hoshiyadan 40 mm, 2 va 3-toifalarda esa 25 mm masofa oraliqda yoziladi.

3-bob. Koʻrsatkichga doir texnik shartlar

12. Koʻrsatkichning asosi toʻq koʻk rangda (CMYK: 100 90 10 15) va undagi belgi, chiziq, asosiy hamda qoʻshimcha matnlar oq rangda (CMYK: 0 0 0 0) boʻladi.

13. Yoritiladigan shakldagi koʻrsatkichlar oʻrnatilgan binoning elektr tarmogʻi orqali yoritilishi taʼminlanadi. Bunda elektr energiyasi bilan bogʻliq xarajatlar koʻp kvartirali turar joylarni boshqaruvchi organlar (bevosita joylarning mulkdorlari, boshqaruv kompaniyalari yoki shirkatlar)ning mablagʻlari, shuningdek, yuridik shaxslarga tegishli binolarda esa balansda saqlovchi yoki foydalanuvchi tashkilotning mablagʻlari hisobidan moliyalashtiriladi.

14. Koʻrsatkich bevosita joylashtirilgan binoning elektr manbaiga ulanadi hamda ulanish manbaining nominal quvvati 220V ± 10 foiz va chastotasi 50 ± 0,2 Gs boʻlgan umumiy tarmoqdan elektr toki oladi.

4-bob. Koʻrsatkichni oʻrnatish tartibi

15. Koʻrsatkich ushbu Nizomga 3-ilovaga muvofiq parametrlar va talablar asosida oʻrnatiladi.

16. Koʻrsatkichlar Kadastr agentligining Davlat kadastrlari palatasi tuman (shahar)lar filiallari axborotlari asosida tuman (shahar)lar obodonlashtirish boshqarmalari tomonidan tayyorlanadi va oʻrnatiladi.

Koʻrsatkichni tayyorlash va oʻrnatish bilan bogʻliq xarajatlar mahalliy budjetning qoʻshimcha manbalari hamda qonunchilik hujjatlarida taqiqlanmagan boshqa manbalar hisobidan moliyalashtiriladi.

Yangi qurilgan, rekonstruksiya qilingan va taʼmirlangan koʻchalar, uylar, koʻp kvartirali turar joylar uchun koʻrsatkichlarni tayyorlash va oʻrnatish bilan bogʻliq xarajatlar qurilish tashkiloti yoki obyekt egasining oʻz mablagʻlari hisobidan moliyalashtiriladi.

17. Koʻcha-yoʻl tarmogʻi elementlari nomi oʻzgartirilgan taqdirda, bu borada tegishli xalq deputatlari tuman (shahar) Kengashining qarori qabul qilingan kundan boshlab bir oy muddat ichida koʻrsatkichlar almashtiriladi.

5-bob. Koʻrsatkichni saqlash va undan foydalanish tartibi

18. Koʻrsatkichni saqlash va undan foydalanishda quyidagi talablar bajarilishi lozim:

koʻrsatkichlarning texnik holatini nazorat qilish;

koʻcha nomi va koʻchmas mulk obyekti raqami oʻzgargan yoki yaroqsiz holga kelgan koʻrsatkichlarni oʻz vaqtida almashtirish;

koʻcha-yoʻl tarmogʻi elementlarini hamda bino va inshootlarni taʼmirlash jarayonida koʻrsatkichlarga shikast yetkazilishining oldini olish.

19. Koʻrsatkichni belgilangan talablar asosida saqlash va undan foydalanish uchun koʻchmas mulk obyekti egasi yoki undan foydalanuvchi shaxs masʼul hisoblanadi.

6-bob. Yakunlovchi qoida

20. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradi.

Koʻcha nomi va koʻchmas mulk obyekti raqami koʻrsatkichini oʻrnatish tartibi toʻgʻrisidagi nizomga 1-ILOVA

Koʻcha nomi va koʻchmas mulk obyekti raqami koʻrsatkichining

Koʻcha nomi va koʻchmas mulk obyekti raqami koʻrsatkichini oʻrnatish tartibi toʻgʻrisidagi nizomga 2-ILOVA

Koʻcha nomi va koʻchmas mulk obyekti raqami koʻrsatkichining

Koʻcha nomi va koʻchmas mulk obyekti raqami koʻrsatkichini oʻrnatish tartibi toʻgʻrisidagi nizomga 3-ILOVA

Koʻcha nomi va koʻchmas mulk obyekti raqami koʻrsatkichini oʻrnatish

T/r Parametrlar Talablar I. Koʻcha nomi koʻrsatkichi boʻyicha 1. Koʻrsatkichni oʻrnatish sharti Koʻrsatkichning rangi, shakli, oʻlchamlari hamda yozuvlari, shuningdek, koʻrsatkichning texnik shartlari va oʻrnatish tartibiga qatʼiy rioya qilish. 2. Koʻrsatkichni oʻrnatish joyi 1. Koʻchaning kirish qismida hamda koʻcha boʻylab joylashgan bino va inshootlarning oʻng tomonida oʻrnatish (1, 2-rasmlar) . 2. Tashkilot va idoralarning tashqi toʻsiq devorlarida yoki bino va inshootlarning kirish qismi oʻng tomonida oʻrnatish. 3. Yonma-yon yoki tutash bino va inshootlarda koʻrsatkichni gorizontal bir chiziqda oʻrnatish (1-rasm) . 3. Koʻrsatkichni oʻrnatish balandligi Bir va ikki qavatli koʻchmas mulk obyektlarida hamda tashkilot va idoralarning tashqi toʻsiq devorlarida yoki bino va inshootlarida 2,5 — 3,5 m gacha, koʻp kvartirali turar joylarda esa 4,5 m gacha balandlikda oʻrnatish (3, 8-rasmlar) . 4. Koʻrsatkichni ustunga oʻrnatish 1. Bino va inshootlarda oʻrnatish imkoni boʻlmaganda beton asosli metall ustunga oʻrnatish. 2. Koʻrsatkich oʻrnatiladigan ustun iqlim sharoitiga chidamli, korroziyaga qarshi ruxlangan, kulrang fonda, radiusi 32 mm yoki tomonlari 60 x 40 mm oʻlchamdagi, balandligi (yer sathidan hisoblaganda) 2 — 2,5 m metall profil boʻlishi (9-rasm) . 5. Koʻrsatkichni fasadga oʻrnatish 1. 1 — toifa — Binoning tutash devorlari burchagi vertikal oʻqidan gorizontal holatda 450 mm uzoqlikda oʻrnatish (4-5-rasmlar) . 2. 2 — toifa — Binoning tutash devorlari burchagi vertikal oʻqidan gorizontal holatda 350 mm uzoqlikda oʻrnatish (4-5-rasmlar) . 3. 3 — toifa — Binoning tutash devorlari burchagi vertikal oʻqidan gorizontal holatda 300 mm uzoqlikda oʻrnatish (4-5-rasmlar) . 4. Yonma-yon joylashtirilgan koʻcha nomi va koʻchmas mulk obyekti raqami koʻrsatkichi orasidagi masofa 200 mm boʻlib, koʻchmas mulk obyekti raqami koʻrsatkichini koʻcha nomi koʻrsatkichidan oʻngda joylashtirish (6-rasm) . 6. Koʻrsatkichni oʻrnatishda oraliq masofasi Koʻrsatkichni oʻrtacha har 300 — 400 m masofada, shuningdek, koʻchaning boshlanishi va oxirida hamda koʻchalar kesishmasida (chorrahada) oʻrnatish. 7. Koʻrsatkichni oʻrnatish mumkin boʻlmagan holatlar Koʻrsatkichni bino va inshootlar fasadining transport va piyodalar harakatidan yetarlicha koʻrinmaydigan, boʻrtib chiqqan yoki ichkarida joylashgan elementlarida, shuningdek, dekorativ shakllar va karnizlarda oʻrnatilishiga yoʻl qoʻymaslik. II. Koʻchmas mulk obyekti raqami koʻrsatkichi boʻyicha 8. Koʻrsatkichni oʻrnatish sharti Koʻrsatkichning rangi, shakli, oʻlchamlari hamda yozuvlari, shuningdek, koʻrsatkichning texnik shartlari va oʻrnatish tartibiga qatʼiy rioya qilish. 9. Koʻrsatkichni oʻrnatish joyi 1. Koʻchmas mulk obyekti raqami koʻcha nomi bilan birga belgilangan oʻlchamlar doirasida bitta koʻrsatkichda koʻrsatilsa, koʻcha nomi koʻrsatkichining parametrlari va talablariga rioya qilgan holda oʻrnatish. 2. Koʻcha-yoʻl tarmogʻi elementlarining, bino va inshootlarning oʻziga xos xususiyatlarini inobatga olgan holda koʻrsatkichda faqat koʻchmas mulk obyekti raqami koʻrsatilganda bino va inshootlarning kirish qismi oʻng tomonida oʻrnatish. 10. Koʻrsatkichni oʻrnatish balandligi Bir va ikki qavatli koʻchmas mulk obyektlarida hamda tashkilot va idoralarning tashqi toʻsiq devorlarida yoki binolarida 2,5 — 3,5 m gacha, koʻp kvartirali turar joylarda 4,5 m gacha masofada oʻrnatish (3, 8-rasmlar) . 11. Koʻrsatkichni fasadga oʻrnatish 1. 1 — toifa — Binoning tutash devorlari burchagi vertikal oʻqidan gorizontal holatda 450 mm uzoqlikda, koʻcha nomi koʻrsatkichining oʻng tomonida, bitta gorizontal oʻqda oʻrnatish (6-rasm) . 2. 2 — toifa — Bino burchagidan gorizontal ravishda 325 mm, koʻcha nomi yozilgan koʻrsatkichning oʻng tomonida koʻrsatkichdan bitta gorizontal oʻqda oʻrnatish (6-rasm) . 3. 3 — toifa — Bino burchagidan gorizontal ravishda 325 mm, koʻcha nomi yozilgan koʻrsatkichning oʻng tomonida koʻrsatkichdan bitta gorizontal oʻqda oʻrnatish (6-rasm) . 4. Yakka tartibdagi xonadonlar uchun asosiy kirish qismidan oʻngda (agar joylashtirish imkoni mavjud boʻlmasa — chapda) yer sathidan 2-3 m gacha, kirish yoʻlagi vertikal oʻqidan 200 mm uzoqlikda oʻrnatish. 5. Koʻrsatkichda faqat koʻchmas mulk obyekti raqami koʻrsatilganda bino va inshootlarning kirish qismidan oʻngda (agar joylashtirish imkoni boʻlmasa — chapda) yer sathidan 2,5 — 3,5 m gacha balandlikda oʻrnatish. 12. Koʻrsatkichni oʻrnatishda oraliq masofasi Bino va inshootning fasad qismi 100 m va undan ortiq boʻlsa, koʻrsatkichni bino va inshoot fasadining boshlanishi hamda oxirida oʻrnatish. 13. Koʻrsatkichni oʻrnatish mumkin boʻlmagan holatlar Koʻrsatkichni fasadning avtomobil va piyodalar harakatidan yetarlicha koʻrinmaydigan joylarida, fasadning chiqib ketadigan elementlari yaqinida yoki fasadning chuqurlashtirilgan joylarida, dekorativ elementlarda va karnizlarda oʻrnatishga yoʻl qoʻymaslik.

Vazirlar Mahkamasining 2025-yil 30-iyuldagi 475-son qaroriga 3-ILOVA

Vazirlar Mahkamasining 2018-yil 14-dekabrdagi 1010-son qarori bilan tasdiqlangan Koʻchmas mulk obyektlari manzillari yagona reyestrini shakllantirish va yuritish tartibi toʻgʻrisidagi nizomga kiritilayotgan oʻzgartirishlar

1. 20 1 -band quyidagi tahrirda bayon etilsin:

“20 1 . Quyidagilar manzil elementlarining turlari va qisqartmalari hisoblanadi:

uy (uy);

korpus (korp.);

blok (b.);

kvartira (kv.);

xona (x.);

yertoʻla (y.);

mansarda (man.).

Manzil tuzilmasi ushbu Nizomga 6-ilovaga va ichki manzil tuzilmasi 7-ilovaga muvofiq belgilanadi.

Manzil Geografik obyektlarning klassifikatoriga muvofiq maʼmuriy-hududiy birlik nomi, aholi punktlari va ularning tarkibiy qismi, shuningdek, manzil elementlarining turlaridan iborat boʻladi”.

2. 5-ilova oʻz kuchini yoʻqotgan deb hisoblansin.

Oʻzbekiston Respublikasining Bosh vaziri A. ARIPOV

Toshkent sh.,

2025-yil 30-iyul,

475-son

(Qonunchilik maʼlumotlari milliy bazasi, 30.07.2025-y., 09/25/475/0668-son)

lex.uz