UzbekAI

Ўзбекистон Республикаси Президентининг

қарори

Халқаро шартномаларни тасдиқлаш тўғрисида

«Ўзбекистон Республикасининг халқаро шартномалари тўғрисида»ги Ўзбекистон Республикаси Қонунининг 22-моддасига мувофиқ:

1. 2025 йил 12 март куни Париж шаҳрида имзоланган қуйидаги халқаро шартномалар тасдиқлансин:

(а) Ўзбекистон Республикаси Ҳукумати билан Франция Республикаси Ҳукумати ўртасида дипломатик паспорт эгаларини қисқа муддатли виза талабларидан ўзаро озод этиш тўғрисидаги битим;

(б) Ўзбекистон Республикаси Ҳукумати билан Франция Республикаси Ҳукумати ўртасида расмий ваколатхоналар ходимларининг оила аъзолари томонидан ҳақ тўланадиган фаолиятнинг амалга оширилиши тўғрисидаги битим.

2. Ташқи ишлар вазирлиги ушбу халқаро шартномаларни амалга ошириш учун масъул ваколатли орган этиб белгилансин.

3. Ташқи ишлар вазирлиги Ўзбекистон Республикаси томонидан ушбу халқаро шартномаларнинг кучга кириши учун зарур бўлган давлат ички тартиб-таомиллари бажарилганлиги тўғрисида Франция томонига тегишли билдиришнома юборсин.

4. Вазирлар Маҳкамаси ҳамда тегишли вазирлик ва идоралар раҳбарлари ушбу халқаро шартномалар кучга кирганидан кейин уларнинг қоидалари бажарилиши устидан белгиланган тартибда назоратни таъминласин.

5. Ушбу қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 30 июль,

ПҚ-238-сон

(Қонунчилик маълумотлари миллий базаси, 30.07.2025 й., 07/25/238/0670-сон)

lex.uz

Oʻzbekiston Respublikasi Prezidentining

qarori

Xalqaro shartnomalarni tasdiqlash toʻgʻrisida

“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi Qonunining 22-moddasiga muvofiq:

1. 2025-yil 12-mart kuni Parij shahrida imzolangan quyidagi xalqaro shartnomalar tasdiqlansin:

(a) Oʻzbekiston Respublikasi Hukumati bilan Fransiya Respublikasi Hukumati oʻrtasida diplomatik pasport egalarini qisqa muddatli viza talablaridan oʻzaro ozod etish toʻgʻrisidagi bitim;

(b) Oʻzbekiston Respublikasi Hukumati bilan Fransiya Respublikasi Hukumati oʻrtasida rasmiy vakolatxonalar xodimlarining oila aʼzolari tomonidan haq toʻlanadigan faoliyatning amalga oshirilishi toʻgʻrisidagi bitim.

2. Tashqi ishlar vazirligi ushbu xalqaro shartnomalarni amalga oshirish uchun masʼul vakolatli organ etib belgilansin.

3. Tashqi ishlar vazirligi Oʻzbekiston Respublikasi tomonidan ushbu xalqaro shartnomalarning kuchga kirishi uchun zarur boʻlgan davlat ichki tartib-taomillari bajarilganligi toʻgʻrisida Fransiya tomoniga tegishli bildirishnoma yuborsin.

4. Vazirlar Mahkamasi hamda tegishli vazirlik va idoralar rahbarlari ushbu xalqaro shartnomalar kuchga kirganidan keyin ularning qoidalari bajarilishi ustidan belgilangan tartibda nazoratni taʼminlasin.

5. Ushbu qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 30-iyul,

PQ-238-son

(Qonunchilik maʼlumotlari milliy bazasi, 30.07.2025-y., 07/25/238/0670-son)

lex.uz

Президента Республики Узбекистан

Постановление

Об утверждении международных договоров

В соответствии со статьей 22 Закона Республики Узбекистан «О международных договорах Республики Узбекистан»:

1. Утвердить следующие международные договоры, подписанные 12 марта 2025 года в городе Париже:

(а) Соглашение между Правительством Республики Узбекистан и Правительством Французской Республики о взаимном освобождении владельцев дипломатических паспортов от краткосрочных визовых требований;

(б) Соглашение между Правительством Республики Узбекистан и Правительством Французской Республики об осуществлении оплачиваемой деятельности членами семей сотрудников официальных представительств.

2. Определить Министерство иностранных дел компетентным органом, ответственным за реализацию данных международных договоров.

3. Министерству иностранных дел направить французской стороне соответствующее уведомление о выполнении Республикой Узбекистан внутригосударственных процедур, необходимых для вступления в силу указанных международных договоров.

4. Кабинету Министров и руководителям соответствующих министерств и ведомств после вступления в силу указанных международных договоров в установленном порядке обеспечить контроль за выполнением их положений.

5. Контроль за исполнением настоящего постановления возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.

Президент Республики Узбекистан Ш. МИРЗИЁЕВ

г. Ташкент,

30 июля 2025 г.,

№ ПП-238

(Национальная база данных законодательства, 30.07.2025 г., № 07/25/238/0670)

lex.uz