📅 2025-yil 28-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 28 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 июля 2025 г. · Постановления Президента
Официальный текст. Официальный документ. Редакционные примечания не включены.
📅 28 July 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ДАСТУРИ
Ўзбекистон халқ артисти Шерали Жўраев хотирасини абадийлаштириш ва унинг ижодий мактаби анъаналарини муносиб давом эттиришга оид чора-тадбирлар тўғрисида
[Кўчирма]
Ўзининг бетакрор истеъдоди ва кўп йиллик самарали ижодий изланишлари орқали ўзбек миллий қўшиқчилиги соҳасида улкан мактаб яратган машҳур ҳофиз ва бастакор, Ўзбекистон халқ артисти, Алишер Навоий номидаги давлат мукофоти совриндори Шерали Жўраевнинг хотирасини абадийлаштириш ҳамда унинг ижодий анъаналарини муносиб давом эттириш мақсадида қарор қиламан:
1. Андижон ихтисослаштирилган санъат мактаби негизида Шерали Жўраев номидаги мусиқа ва санъат олий мактаби (кейинги ўринларда — Олий мактаб) ташкил этилсин.
2. Белгилансинки:
(а) Олий мактаб Маданият вазирлиги тизимига киради ҳамда унда ўқув жараёни 2025/2026 ўқув йилидан бошланади;
(б) Олий мактабга Маданият вазирлиги томонидан шакллантириладиган ҳар йилги қабул квоталари доирасида бошланғич мусиқий билимга эга бўлган ўқувчилар ижодий синов асосида 9-синфдан қабул қилинади;
(в) Олий мактабда ўқув жараёни давлат грантига асосланган 3 йиллик ўқув дастури бўйича ташкил этилади ҳамда унинг битирувчиларига ўрта махсус касбий таълим тўғрисида давлат намунасидаги диплом берилади;
(г) Олий мактабнинг ўқув дастурлари таълим йўналишлари бўйича таянч олий таълим ташкилотларининг бакалавриат таълим дастурлари билан ўзаро интеграция қилинади;
(д) Олий мактабнинг иқтидорли битирувчилари белгиланган тартибда ўз ўқишини тегишли бакалавриат таълим йўналиши бўйича олий таълим ташкилотларининг иккинчи босқичидан давом эттириши мумкин.
3. Қуйидагилар:
(а) Шерали Жўраев номидаги мусиқа ва санъат олий мактабининг асосий вазифалари ҳамда унинг фаолиятини молиялаштириш манбалари 1 ва 1а-иловаларга мувофиқ;
(б) Ўзбекистон халқ артисти Шерали Жўраевнинг хотирасини абадийлаштириш бўйича чора-тадбирлар дастури 2-иловага мувофиқ тасдиқлансин.
4. Маданият вазирлиги:
(а) республиканинг бошқа ҳудудларида фаолият олиб бораётган соҳанинг етакчи профессор-ўқитувчи ва мутахассисларини Олий мактабда ўқув жараёнига жалб этиш, семинар, очиқ дарс, маҳорат дарслари ҳамда махсус курслар ташкил этиш чораларини кўрсин;
(б) тасарруфидаги олий таълим ташкилотларининг етакчи профессор-ўқитувчилари томонидан Олий мактабда ўқув дастурларига мувофиқ семинар, очиқ дарс, маҳорат дарслари ҳамда махсус курслар ташкил этиш ҳамда уларни қўшимча рағбатлантириб бориш чораларини кўрсин;
(в) ҳар йили миллий қўшиқчилик ва ижро санъати бўйича Шерали Жўраев номидаги телевизион танловни ўтказиб борсин, шунингдек, танлов ғолибларини қонунчиликка мувофиқ олий таълим ташкилотларига имтиёзли қабул қилиш тартибини жорий этиш юзасидан Ҳукуматга таклиф киритсин ҳамда уларнинг ижодий фаолиятини ҳар томонлама қўллаб-қувватласин;
(г) Олий таълим, фан ва инновациялар вазирлиги билан биргаликда ҳар йили миллий қўшиқчилик ва ижро санъати, шу жумладан, Шерали Жўраев ижодий йўналиши ва фаолияти бўйича илмий-тадқиқот ишларига давлат буюртмаси доирасида мақсадли илмий-тадқиқот лойиҳаларини белгиланган тартибда шакллантириб борсин;
(д) Олий мактабда Шерали Жўраев ижодий йўналиши ва фаолияти бўйича илмий-ижодий лаборатория фаолиятини йўлга қўйсин.
5. Андижон вилояти ҳокимлиги ва Маданият вазирлиги:
(а) Қурилиш ва уй-жой коммунал хўжалиги вазирлиги билан биргаликда 2025 йилда Олий мактаб учун қўшимча 200 ўринли ўқув биноси ва зарур инфратузилма объектларини барпо этиш бўйича лойиҳа-смета ҳужжатларини ишлаб чиқсин, 300 ўринли ўқувчилар тураржойи биносини давлат-хусусий шериклик шартлари асосида қуриш чораларини кўрсин;
(б) Иқтисодиёт ва молия вазирлиги билан биргаликда тасдиқланган лойиҳа-смета ҳужжатлари асосида 2026-2027 йилларда ижтимоий ва ишлаб чиқариш инфратузилмасини ривожлантириш дастурини шакллантиришда Олий мактаб учун қўшимча 200 ўринли ўқув биноси қуриш ҳамда зарур инфратузилма объектлари билан таъминлаш ишларини инобатга олсин;
(в) Бадиий академия билан биргаликда Олий мактаб ҳудудида Шерали Жўраев бюстини ўрнатиш чораларини кўрсин;
(г) ҳар йили апрель ойида Шерали Жўраев таваллуди санасини кенг нишонлаш бўйича чора-тадбирларни амалга оширсин;
(д) 2026 йил якунига қадар Олий мактабда замонавий овоз ёзиш ва тасвирга олиш студиясини ташкил этсин ва ундан иқтидорли ёш ижодкорлар имтиёзли асосда фойдаланишини йўлга қўйсин.
6. Олий мактабга 1 та енгил автомобиль ва 1 та гастроль сафарларига мўлжалланган махсус автотранспорт воситасини сақлаш учун лимит ажратилсин.
7. Ўзбекистон Республикаси Президентининг айрим қарорларига 3-иловага * мувофиқ ўзгартиришлар киритилсин.
8. Мазкур қарор ижросини самарали ташкил қилишга масъул ва шахсий жавобгар этиб маданият вазири О.А. Назарбеков ҳамда Андижон вилояти ҳокими Ш.Қ. Абдурахманов белгилансин.
9. Ушбу қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 28 июлдаги ПҚ-232-сон қарорига 1-ИЛОВА
Шерали Жўраев номидаги мусиқа ва санъат олий мактабининг асосий вазифалари
Шерали Жўраев номидаги мусиқа ва санъат олий мактабининг асосий вазифалари қуйидагилардан иборат:
(а) маданият ва санъат соҳаси учун замонавий талабларга жавоб берадиган ўрта бўғин кадрларини тайёрлаш;
(б) миллий ва умуминсоний қадриятлар уйғунлиги асосида миллий мусиқа санъати ва бадиий ижодни ривожлантириш;
(в) ўқитишнинг замонавий шакл ва методларидан фойдаланган ҳолда таълим сифатини яхшилаш;
(г) ўқувчиларни эгаллаган мутахассислик бўйича меҳнат фаолияти билан шуғулланиш ҳуқуқини берадиган, сифатли билим олиш ва касбий тайёргарликни таъминлайдиган таълим дастури асосида ўқитиш;
(д) миллий қўшиқчилик ва ижрочилик санъати ҳамда ижро анъаналарини ўрганиш, тадқиқ этиш ва муносиб давом эттириш;
(ж) маҳаллий ва хорижий таълим ташкилотлари билан ҳамкорликни ривожлантириш, замонавий инновацион ўқув лойиҳаларини амалга ошириш учун малакали хорижий мутахассисларни жалб этиш.
Ўзбекистон Республикаси Президентининг 2025 йил 28 июлдаги ПҚ-232-сон қарорига 1а-ИЛОВА
Шерали Жўраев номидаги мусиқа ва санъат олий мактабининг фаолиятини молиялаштириш манбалари
Шерали Жўраев номидаги мусиқа ва санъат олий мактабининг фаолиятини молиялаштириш манбалари қуйидагилардан иборат:
(а) Андижон вилояти маҳаллий бюджети маблағлари;
(б) пулли хизматлар, шу жумладан, таълим хизматлари кўрсатишдан ҳамда бошқа фаолият турларидан олинадиган даромадлар;
(в) юридик ва жисмоний шахсларнинг ҳомийлик хайриялари;
(г) қонунчилик ҳужжатларида тақиқланмаган бошқа манбалар.
Ўзбекистон Республикаси Президентининг 2025 йил 28 июлдаги ПҚ-232-сон қарорига 2-ИЛОВА
Ўзбекистон халқ артисти Шерали Жўраевнинг хотирасини абадийлаштириш бўйича чора-тадбирлар
Т/р Чора-тадбирлар Амалга ошириш механизми Ижро муддати Молиялаштириш манбаи Масъул ижрочилар 1. Шерали Жўраев номидаги мусиқа ва санъат олий мактаби (кейинги ўринларда — Олий мактаб) уставини ишлаб чиқиш ҳамда белгиланган тартибда давлат рўйхатидан ўтказишни таъминлаш. 1. Олий мактаб устави лойиҳасини ишлаб чиқиш. 2. Уставни белгиланган тартибда тасдиқлаш ва давлат рўйхатидан ўтказиш. 2025 йил август - Маданият вазирлиги (О. Назарбеков), Андижон вилояти ҳокимлиги (Ш. Абдурахманов) 2. Андижон ихтисослаштирилган санъат мактаби ўқувчилари ўқишни Олий мактабда давом эттиришини таъминлаш. Андижон ихтисослаштирилган санъат мактаби ўқувчиларини Олий мактабга қабул қилиш бўйича зарур чоралар кўриш. 2025 йил август - Маданият вазирлиги (О. Назарбеков) 3. Андижон ихтисослаштирилган санъат мактабининг малакали ходимларини белгиланган тартибда очиқ танлов асосида Олий мактабга қабул қилиш. 1. Маданият вазирлиги томонидан республика комиссиясини тузиш. 2. Республика комиссияси томонидан белгиланган тартибда очиқ танлов асосида ходимларни ишга қабул қилиш. 2025 йил август - Маданият вазирлиги (О. Назарбеков) 4. Олий мактабга ўқувчиларни қабул қилиш, уларнинг билимини баҳолаб бориш ҳамда битирувчиларнинг ўқишини кейинги таълим босқичида давом эттириш тартибини жорий этиш бўйича норматив-ҳуқуқий ҳужжат лойиҳасини белгиланган тартибда Вазирлар Маҳкамасига киритиш. 1. Қарор лойиҳасини ишлаб чиқиш. 2025 йил август - Маданият вазирлиги (О. Назарбеков), манфаатдор вазирлик ва идоралар 2. Қарор лойиҳасини манфаатдор вазирлик ва идоралар билан келишиш. 2025 йил сентябрь 3. Қарор лойиҳасини белгиланган тартибда Вазирлар Маҳкамасига киритиш. 2025 йил октябрь 5. Маданият ва санъат соҳасида кадрлар тайёрлашнинг узвийлиги ва узлуксизлигини, ижодий жараёнлар билан интеграциясини таъминлаш, малака ошириш тизимини ислоҳ қилиш бўйича норматив-ҳуқуқий ҳужжат лойиҳасини белгиланган тартибда Вазирлар Маҳкамасига киритиш. 1. Қарор лойиҳасини ишлаб чиқиш. 2025 йил октябрь - Маданият вазирлиги (О. Назарбеков), манфаатдор вазирлик ва идоралар 2. Қарор лойиҳасини манфаатдор вазирлик ва идоралар билан келишиш. 2025 йил ноябрь-декабрь 3. Қарор лойиҳасини белгиланган тартибда Вазирлар Маҳкамасига киритиш. 2026 йил 10 январь 6. Олий мактаб учун қўшимча 200 ўринли ўқув биноси, 300 ўринли ўқувчилар тураржойи биноси ҳамда зарур инфратузилма объектларини барпо этиш. 1. Олий мактаб учун қўшимча 200 ўринли ўқув биноси, 300 ўринли ўқувчилар тураржойи биноси ҳамда зарур инфратузилма объектларини қуриш бўйича лойиҳа-смета ҳужжатларини ишлаб чиқиш. 2025 йил октябрь Маҳаллий бюджет маблағлари Андижон вилояти ҳокимлиги ( Ш. Абдурахманов ), Маданият вазирлиги ( О. Назарбеков ), Иқтисодиёт ва молия вазирлиги ( И. Норқулов ), Қурилиш ва уй-жой коммунал хўжалиги вазирлиги (Ш. Хидоятов) 2. Тасдиқланган лойиҳа-смета ҳужжатлари асосида 200 ўринли ўқув биноси, 300 ўринли ўқувчилар тураржойи биносини қуриш ҳамда з арур инфратузилма объектлари билан таъминлаш чораларини кўриш. 2026-2027 йиллар 2026-2027 йилларда ижтимоий ва ишлаб чиқариш инфратузилмасини ривожлантириш дастури доирасида 7. Олий мактаб моддий-техника базасини мустаҳкамлаш. 1. Олий мактаб учун зарур анжомлар рўйхатини шакллантириш ҳамда техник параметрларини ишлаб чиқиш. 2025 йил октябрь Маҳаллий бюджет маблағлари Андижон вилояти ҳокимлиги ( Ш. Абдурахманов ), Маданият вазирлиги ( О. Назарбеков ) 2. Зарур анжомларни белгиланган тартибда харид қилиш. 2026 йил май 8. Олий мактаб ҳудудида Шерали Жўраев бюстини ўрнатиш. 1. Бюстни ўрнатиш бўйича лойиҳа ҳужжатларини ишлаб чиқиш. 2026 йил апрель Бадиий академия учун ажратилган бюджет маблағлари Бадиий академия ( А. Нуридинов ), Андижон вилояти ҳокимлиги ( Ш. Абдурахманов ) 2. Бюстни лойиҳа ҳужжатлари асосида ўрнатиш. 2027 йил март 9. Ҳар йили апрель ойида Шерали Жўраев таваллуди санасини кенг нишонлаш. 1. Шерали Жўраев таваллуди санасини кенг нишонлаш бўйича чора-тадбирлар режасини ишлаб чиқиш. 2. Чора-тадбирлар режаси асосида тадбирларни юқори савияда ўтказиш. 3. Тадбирларни оммавий ахборот воситалари орқали кенг ёритиш. 2026 йилдан бошлаб ҳар йили апрель ойида Ижрочилар маблағлари Маданият вазирлиги ( О. Назарбеков ), Андижон вилояти ҳокимлиги ( Ш. Абдурахманов ) 10. Ёш истеъдодларни аниқлаш ва қўллаб-қувватлаш мақсадида миллий қўшиқчилик ва ижро санъати бўйича Шерали Жўраев номидаги телевизион танловни ташкил этиш ва уни ҳар йили анъанавий тарзда ўтказиб бориш. 1. Телевизион танловни ўтказиш тўғрисидаги низом лойиҳасини ишлаб чиқиш ва тасдиқлаш. 2025 йил октябрь Ижрочилар маблағлари Маданият вазирлиги ( О. Назарбеков ), Андижон вилояти ҳокимлиги ( Ш. Абдурахманов ), Ўзбекистон миллий телерадиокомпанияси (А. Джурабаев) 2. Низом асосида телевизион танловни юқори савияда ўтказиш ва ғолибларни рағбатлантириш. 3. Телевизион танловни оммавий ахборот воситалари орқали кенг ёритиш. 2026 йилдан бошлаб ҳар йили март-апрель ойларида 11. Олий мактабда Шерали Жўраев ижросидаги қўшиқларнинг «олтин фонди»ни яратиш. 1. Шерали Жўраев ижросидаги қўшиқларнинг рўйхатини шакллантириш. 2025 йил сентябрь Ижрочилар маблағлари Маданият вазирлиги ( О. Назарбеков ), Андижон вилояти ҳокимлиги ( Ш. Абдурахманов ) 2. Шакллантирилган рўйхат асосида Шерали Жўраев ижросидаги қўшиқларнинг «олтин фонди»ни яратиш. 2026 йил январь 12. Шерали Жўраев қўшиқларини караоке ёрдамида ижро қилишни оммалаштириш. 1. Шерали Жўраев ижросидаги қўшиқларнинг рўйхатини шакллантириш. 2025 йил сентябрь Ижрочилар маблағлари Маданият вазирлиги ( О. Назарбеков ) 2. Шакллантирилган рўйхат асосида Шерали Жўраев қўшиқларини караоке ёрдамида ижро қилишга мослаштириш. 2025 йил октябрь
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 28 июль,
ПҚ-232-сон
Oʻzbekiston Respublikasi Prezidentining
qarori
DASTURI
Oʻzbekiston xalq artisti Sherali Joʻrayev xotirasini abadiylashtirish va uning ijodiy maktabi anʼanalarini munosib davom ettirishga oid chora-tadbirlar toʻgʻrisida
[Koʻchirma]
Oʻzining betakror isteʼdodi va koʻp yillik samarali ijodiy izlanishlari orqali oʻzbek milliy qoʻshiqchiligi sohasida ulkan maktab yaratgan mashhur hofiz va bastakor, Oʻzbekiston xalq artisti, Alisher Navoiy nomidagi davlat mukofoti sovrindori Sherali Joʻrayevning xotirasini abadiylashtirish hamda uning ijodiy anʼanalarini munosib davom ettirish maqsadida qaror qilaman:
1. Andijon ixtisoslashtirilgan sanʼat maktabi negizida Sherali Joʻrayev nomidagi musiqa va sanʼat oliy maktabi (keyingi oʻrinlarda — Oliy maktab) tashkil etilsin.
2. Belgilansinki:
(a) Oliy maktab Madaniyat vazirligi tizimiga kiradi hamda unda oʻquv jarayoni 2025/2026 oʻquv yilidan boshlanadi;
(b) Oliy maktabga Madaniyat vazirligi tomonidan shakllantiriladigan har yilgi qabul kvotalari doirasida boshlangʻich musiqiy bilimga ega boʻlgan oʻquvchilar ijodiy sinov asosida 9-sinfdan qabul qilinadi;
(v) Oliy maktabda oʻquv jarayoni davlat grantiga asoslangan 3 yillik oʻquv dasturi boʻyicha tashkil etiladi hamda uning bitiruvchilariga oʻrta maxsus kasbiy taʼlim toʻgʻrisida davlat namunasidagi diplom beriladi;
(g) Oliy maktabning oʻquv dasturlari taʼlim yoʻnalishlari boʻyicha tayanch oliy taʼlim tashkilotlarining bakalavriat taʼlim dasturlari bilan oʻzaro integratsiya qilinadi;
(d) Oliy maktabning iqtidorli bitiruvchilari belgilangan tartibda oʻz oʻqishini tegishli bakalavriat taʼlim yoʻnalishi boʻyicha oliy taʼlim tashkilotlarining ikkinchi bosqichidan davom ettirishi mumkin.
3. Quyidagilar:
(a) Sherali Joʻrayev nomidagi musiqa va sanʼat oliy maktabining asosiy vazifalari hamda uning faoliyatini moliyalashtirish manbalari 1 va 1a-ilovalarga muvofiq;
(b) Oʻzbekiston xalq artisti Sherali Joʻrayevning xotirasini abadiylashtirish boʻyicha chora-tadbirlar dasturi 2-ilovaga muvofiq tasdiqlansin.
4. Madaniyat vazirligi:
(a) respublikaning boshqa hududlarida faoliyat olib borayotgan sohaning yetakchi professor-oʻqituvchi va mutaxassislarini Oliy maktabda oʻquv jarayoniga jalb etish, seminar, ochiq dars, mahorat darslari hamda maxsus kurslar tashkil etish choralarini koʻrsin;
(b) tasarrufidagi oliy taʼlim tashkilotlarining yetakchi professor-oʻqituvchilari tomonidan Oliy maktabda oʻquv dasturlariga muvofiq seminar, ochiq dars, mahorat darslari hamda maxsus kurslar tashkil etish hamda ularni qoʻshimcha ragʻbatlantirib borish choralarini koʻrsin;
(v) har yili milliy qoʻshiqchilik va ijro sanʼati boʻyicha Sherali Joʻrayev nomidagi televizion tanlovni oʻtkazib borsin, shuningdek, tanlov gʻoliblarini qonunchilikka muvofiq oliy taʼlim tashkilotlariga imtiyozli qabul qilish tartibini joriy etish yuzasidan Hukumatga taklif kiritsin hamda ularning ijodiy faoliyatini har tomonlama qoʻllab-quvvatlasin;
(g) Oliy taʼlim, fan va innovatsiyalar vazirligi bilan birgalikda har yili milliy qoʻshiqchilik va ijro sanʼati, shu jumladan, Sherali Joʻrayev ijodiy yoʻnalishi va faoliyati boʻyicha ilmiy-tadqiqot ishlariga davlat buyurtmasi doirasida maqsadli ilmiy-tadqiqot loyihalarini belgilangan tartibda shakllantirib borsin;
(d) Oliy maktabda Sherali Joʻrayev ijodiy yoʻnalishi va faoliyati boʻyicha ilmiy-ijodiy laboratoriya faoliyatini yoʻlga qoʻysin.
5. Andijon viloyati hokimligi va Madaniyat vazirligi:
(a) Qurilish va uy-joy kommunal xoʻjaligi vazirligi bilan birgalikda 2025-yilda Oliy maktab uchun qoʻshimcha 200 oʻrinli oʻquv binosi va zarur infratuzilma obyektlarini barpo etish boʻyicha loyiha-smeta hujjatlarini ishlab chiqsin, 300 oʻrinli oʻquvchilar turarjoyi binosini davlat-xususiy sheriklik shartlari asosida qurish choralarini koʻrsin;
(b) Iqtisodiyot va moliya vazirligi bilan birgalikda tasdiqlangan loyiha-smeta hujjatlari asosida 2026-2027-yillarda ijtimoiy va ishlab chiqarish infratuzilmasini rivojlantirish dasturini shakllantirishda Oliy maktab uchun qoʻshimcha 200 oʻrinli oʻquv binosi qurish hamda zarur infratuzilma obyektlari bilan taʼminlash ishlarini inobatga olsin;
(v) Badiiy akademiya bilan birgalikda Oliy maktab hududida Sherali Joʻrayev byustini oʻrnatish choralarini koʻrsin;
(g) har yili aprel oyida Sherali Joʻrayev tavalludi sanasini keng nishonlash boʻyicha chora-tadbirlarni amalga oshirsin;
(d) 2026-yil yakuniga qadar Oliy maktabda zamonaviy ovoz yozish va tasvirga olish studiyasini tashkil etsin va undan iqtidorli yosh ijodkorlar imtiyozli asosda foydalanishini yoʻlga qoʻysin.
6. Oliy maktabga 1 ta yengil avtomobil va 1 ta gastrol safarlariga moʻljallangan maxsus avtotransport vositasini saqlash uchun limit ajratilsin.
7. Oʻzbekiston Respublikasi Prezidentining ayrim qarorlariga 3-ilovaga * muvofiq oʻzgartirishlar kiritilsin.
8. Mazkur qaror ijrosini samarali tashkil qilishga masʼul va shaxsiy javobgar etib madaniyat vaziri O.A. Nazarbekov hamda Andijon viloyati hokimi Sh.Q. Abduraxmanov belgilansin.
9. Ushbu qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 28-iyuldagi PQ-232-son qaroriga 1-ILOVA
Sherali Joʻrayev nomidagi musiqa va sanʼat oliy maktabining asosiy vazifalari
Sherali Joʻrayev nomidagi musiqa va sanʼat oliy maktabining asosiy vazifalari quyidagilardan iborat:
(a) madaniyat va sanʼat sohasi uchun zamonaviy talablarga javob beradigan oʻrta boʻgʻin kadrlarini tayyorlash;
(b) milliy va umuminsoniy qadriyatlar uygʻunligi asosida milliy musiqa sanʼati va badiiy ijodni rivojlantirish;
(v) oʻqitishning zamonaviy shakl va metodlaridan foydalangan holda taʼlim sifatini yaxshilash;
(g) oʻquvchilarni egallagan mutaxassislik boʻyicha mehnat faoliyati bilan shugʻullanish huquqini beradigan, sifatli bilim olish va kasbiy tayyorgarlikni taʼminlaydigan taʼlim dasturi asosida oʻqitish;
(d) milliy qoʻshiqchilik va ijrochilik sanʼati hamda ijro anʼanalarini oʻrganish, tadqiq etish va munosib davom ettirish;
(j) mahalliy va xorijiy taʼlim tashkilotlari bilan hamkorlikni rivojlantirish, zamonaviy innovatsion oʻquv loyihalarini amalga oshirish uchun malakali xorijiy mutaxassislarni jalb etish.
Oʻzbekiston Respublikasi Prezidentining 2025-yil 28-iyuldagi PQ-232-son qaroriga 1a-ILOVA
Sherali Joʻrayev nomidagi musiqa va sanʼat oliy maktabining faoliyatini moliyalashtirish manbalari
Sherali Joʻrayev nomidagi musiqa va sanʼat oliy maktabining faoliyatini moliyalashtirish manbalari quyidagilardan iborat:
(a) Andijon viloyati mahalliy budjeti mablagʻlari;
(b) pulli xizmatlar, shu jumladan, taʼlim xizmatlari koʻrsatishdan hamda boshqa faoliyat turlaridan olinadigan daromadlar;
(v) yuridik va jismoniy shaxslarning homiylik xayriyalari;
(g) qonunchilik hujjatlarida taqiqlanmagan boshqa manbalar.
Oʻzbekiston Respublikasi Prezidentining 2025-yil 28-iyuldagi PQ-232-son qaroriga 2-ILOVA
Oʻzbekiston xalq artisti Sherali Joʻrayevning xotirasini abadiylashtirish boʻyicha chora-tadbirlar
T/r Chora-tadbirlar Amalga oshirish mexanizmi Ijro muddati Moliyalashtirish manbai Masʼul ijrochilar 1. Sherali Joʻrayev nomidagi musiqa va sanʼat oliy maktabi (keyingi oʻrinlarda — Oliy maktab) ustavini ishlab chiqish hamda belgilangan tartibda davlat roʻyxatidan oʻtkazishni taʼminlash. 1. Oliy maktab ustavi loyihasini ishlab chiqish. 2. Ustavni belgilangan tartibda tasdiqlash va davlat roʻyxatidan oʻtkazish. 2025-yil avgust - Madaniyat vazirligi (O. Nazarbekov), Andijon viloyati hokimligi (Sh. Abduraxmanov) 2. Andijon ixtisoslashtirilgan sanʼat maktabi oʻquvchilari oʻqishni Oliy maktabda davom ettirishini taʼminlash. Andijon ixtisoslashtirilgan sanʼat maktabi oʻquvchilarini Oliy maktabga qabul qilish boʻyicha zarur choralar koʻrish. 2025-yil avgust - Madaniyat vazirligi (O. Nazarbekov) 3. Andijon ixtisoslashtirilgan sanʼat maktabining malakali xodimlarini belgilangan tartibda ochiq tanlov asosida Oliy maktabga qabul qilish. 1. Madaniyat vazirligi tomonidan respublika komissiyasini tuzish. 2. Respublika komissiyasi tomonidan belgilangan tartibda ochiq tanlov asosida xodimlarni ishga qabul qilish. 2025-yil avgust - Madaniyat vazirligi (O. Nazarbekov) 4. Oliy maktabga oʻquvchilarni qabul qilish, ularning bilimini baholab borish hamda bitiruvchilarning oʻqishini keyingi taʼlim bosqichida davom ettirish tartibini joriy etish boʻyicha normativ-huquqiy hujjat loyihasini belgilangan tartibda Vazirlar Mahkamasiga kiritish. 1. Qaror loyihasini ishlab chiqish. 2025-yil avgust - Madaniyat vazirligi (O. Nazarbekov), manfaatdor vazirlik va idoralar 2. Qaror loyihasini manfaatdor vazirlik va idoralar bilan kelishish. 2025-yil sentabr 3. Qaror loyihasini belgilangan tartibda Vazirlar Mahkamasiga kiritish. 2025-yil oktabr 5. Madaniyat va sanʼat sohasida kadrlar tayyorlashning uzviyligi va uzluksizligini, ijodiy jarayonlar bilan integratsiyasini taʼminlash, malaka oshirish tizimini isloh qilish boʻyicha normativ-huquqiy hujjat loyihasini belgilangan tartibda Vazirlar Mahkamasiga kiritish. 1. Qaror loyihasini ishlab chiqish. 2025-yil oktabr - Madaniyat vazirligi (O. Nazarbekov), manfaatdor vazirlik va idoralar 2. Qaror loyihasini manfaatdor vazirlik va idoralar bilan kelishish. 2025-yil noyabr-dekabr 3. Qaror loyihasini belgilangan tartibda Vazirlar Mahkamasiga kiritish. 2026-yil 10-yanvar 6. Oliy maktab uchun qoʻshimcha 200 oʻrinli oʻquv binosi, 300 oʻrinli oʻquvchilar turarjoyi binosi hamda zarur infratuzilma obyektlarini barpo etish. 1. Oliy maktab uchun qoʻshimcha 200 oʻrinli oʻquv binosi, 300 oʻrinli oʻquvchilar turarjoyi binosi hamda zarur infratuzilma obyektlarini qurish boʻyicha loyiha-smeta hujjatlarini ishlab chiqish. 2025-yil oktabr Mahalliy budjet mablagʻlari Andijon viloyati hokimligi ( Sh. Abduraxmanov ), Madaniyat vazirligi ( O. Nazarbekov ), Iqtisodiyot va moliya vazirligi ( I. Norqulov ), Qurilish va uy-joy kommunal xoʻjaligi vazirligi (Sh. Xidoyatov) 2. Tasdiqlangan loyiha-smeta hujjatlari asosida 200 oʻrinli oʻquv binosi, 300 oʻrinli oʻquvchilar turarjoyi binosini qurish hamda z arur infratuzilma obyektlari bilan taʼminlash choralarini koʻrish. 2026-2027-yillar 2026-2027-yillarda ijtimoiy va ishlab chiqarish infratuzilmasini rivojlantirish dasturi doirasida 7. Oliy maktab moddiy-texnika bazasini mustahkamlash. 1. Oliy maktab uchun zarur anjomlar roʻyxatini shakllantirish hamda texnik parametrlarini ishlab chiqish. 2025-yil oktabr Mahalliy budjet mablagʻlari Andijon viloyati hokimligi ( Sh. Abduraxmanov ), Madaniyat vazirligi ( O. Nazarbekov ) 2. Zarur anjomlarni belgilangan tartibda xarid qilish. 2026-yil may 8. Oliy maktab hududida Sherali Joʻrayev byustini oʻrnatish. 1. Byustni oʻrnatish boʻyicha loyiha hujjatlarini ishlab chiqish. 2026-yil aprel Badiiy akademiya uchun ajratilgan budjet mablagʻlari Badiiy akademiya ( A. Nuridinov ), Andijon viloyati hokimligi ( Sh. Abduraxmanov ) 2. Byustni loyiha hujjatlari asosida oʻrnatish. 2027-yil mart 9. Har yili aprel oyida Sherali Joʻrayev tavalludi sanasini keng nishonlash. 1. Sherali Joʻrayev tavalludi sanasini keng nishonlash boʻyicha chora-tadbirlar rejasini ishlab chiqish. 2. Chora-tadbirlar rejasi asosida tadbirlarni yuqori saviyada oʻtkazish. 3. Tadbirlarni ommaviy axborot vositalari orqali keng yoritish. 2026-yildan boshlab har yili aprel oyida Ijrochilar mablagʻlari Madaniyat vazirligi ( O. Nazarbekov ), Andijon viloyati hokimligi ( Sh. Abduraxmanov ) 10. Yosh isteʼdodlarni aniqlash va qoʻllab-quvvatlash maqsadida milliy qoʻshiqchilik va ijro sanʼati boʻyicha Sherali Joʻrayev nomidagi televizion tanlovni tashkil etish va uni har yili anʼanaviy tarzda oʻtkazib borish. 1. Televizion tanlovni oʻtkazish toʻgʻrisidagi nizom loyihasini ishlab chiqish va tasdiqlash. 2025-yil oktabr Ijrochilar mablagʻlari Madaniyat vazirligi ( O. Nazarbekov ), Andijon viloyati hokimligi ( Sh. Abduraxmanov ), Oʻzbekiston milliy teleradiokompaniyasi (A. Djurabayev) 2. Nizom asosida televizion tanlovni yuqori saviyada oʻtkazish va gʻoliblarni ragʻbatlantirish. 3. Televizion tanlovni ommaviy axborot vositalari orqali keng yoritish. 2026-yildan boshlab har yili mart-aprel oylarida 11. Oliy maktabda Sherali Joʻrayev ijrosidagi qoʻshiqlarning “oltin fondi”ni yaratish. 1. Sherali Joʻrayev ijrosidagi qoʻshiqlarning roʻyxatini shakllantirish. 2025-yil sentabr Ijrochilar mablagʻlari Madaniyat vazirligi ( O. Nazarbekov ), Andijon viloyati hokimligi ( Sh. Abduraxmanov ) 2. Shakllantirilgan roʻyxat asosida Sherali Joʻrayev ijrosidagi qoʻshiqlarning “oltin fondi”ni yaratish. 2026-yil yanvar 12. Sherali Joʻrayev qoʻshiqlarini karaoke yordamida ijro qilishni ommalashtirish. 1. Sherali Joʻrayev ijrosidagi qoʻshiqlarning roʻyxatini shakllantirish. 2025-yil sentabr Ijrochilar mablagʻlari Madaniyat vazirligi ( O. Nazarbekov ) 2. Shakllantirilgan roʻyxat asosida Sherali Joʻrayev qoʻshiqlarini karaoke yordamida ijro qilishga moslashtirish. 2025-yil oktabr
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 28-iyul,
PQ-232-son
Президента Республики Узбекистан
Постановление
О мерах по увековечению памяти народного артиста Узбекистана Шерали Джураева и достойному продолжению традиций его творческой школы
[Извлечение]
В целях увековечения памяти Шерали Джураева — известного хафиза и бастакора, народного артиста Узбекистана, лауреата Государственной премии имени Алишера Навои, который своим неповторимым талантом и многолетними плодотворными творческими изысканиями создал большую школу в области узбекского национального песенного искусства, а также достойного продолжения его творческих традиций постановляю:
1. Создать Высшую школу музыки и искусств имени Шерали Джураева (далее — Высшая школа) на базе Андижанской специализированной школы искусств.
2. Определить, что:
(а) Высшая школа входит в систему Министерства культуры и учебный процесс в ней начинается с 2025/2026 учебного года;
(б) в Высшую школу в рамках ежегодных квот приема, формируемых Министерством культуры, принимаются учащиеся, обладающие начальными музыкальными знаниями, начиная с 9-го класса, на основе творческого испытания;
(в) в Высшей школе учебный процесс организуется по трехлетней учебной программе, основанной на государственном гранте, ее выпускникам выдается диплом государственного образца о среднем специальном профессиональном образовании;
(г) учебные программы Высшей школы интегрируются с образовательными программами бакалавриата базовых высших образовательных организаций по направлениям образования;
(д) одаренные выпускники Высшей школы в установленном порядке могут продолжить обучение со второго курса высших образовательных организаций по соответствующему направлению образования бакалавриата.
3. Утвердить:
(а) основные задачи и источники финансирования деятельности Высшей школы музыки и искусств имени Шерали Джураева согласно приложениям № № 1 и 1а ;
(б) Программу мер по увековечению памяти народного артиста Узбекистана Шерали Джураева согласно приложению № 2 .
4. Министерству культуры:
(а) принять меры по привлечению ведущих профессоров-преподавателей и специалистов сферы, осуществляющих деятельность в других регионах республики, к учебному процессу в Высшей школе, организации семинаров, открытых уроков, мастер-классов и специальных курсов;
(б) принять меры по организации в Высшей школе семинаров, открытых уроков, мастер-классов и специальных курсов согласно учебным программам ведущими профессорами-преподавателями высших образовательных организаций, подведомственных министерству, а также по их дополнительному стимулированию;
(в) ежегодно проводить телевизионный конкурс национального песенного и исполнительского искусства имени Шерали Джураева, внести в Правительство предложение о внедрении порядка льготного приема победителей конкурса в высшие образовательные организации согласно законодательству, а также всесторонне поддерживать их творческую деятельность;
(г) совместно с Министерством высшего образования, науки и инноваций ежегодно формировать целевые научно-исследовательские проекты по национальному песенному и исполнительскому искусству, в том числе творческому направлению и деятельности Шерали Джураева, в рамках государственного заказа на научно-исследовательские работы в установленном порядке;
(д) организовать в Высшей школе деятельность научно-творческой лаборатории по творческому направлению и деятельности Шерали Джураева.
5. Хокимияту Андижанской области и Министерству культуры:
(а) совместно с Министерством строительства и жилищно-коммунального хозяйства разработать проектно-сметную документацию по строительству в 2025 году для Высшей школы дополнительного учебного здания на 200 мест и необходимых инфраструктурных объектов, а также принять меры по возведению здания места проживания учащихся на 300 мест на условиях государственно-частного партнерства;
(б) совместно с Министерством экономики и финансов на основе утвержденной проектно-сметной документации, при формировании Программы развития социальной и производственной инфраструктуры на 2026-2027 годы, принять во внимание работы по строительству для Высшей школы дополнительного учебного здания на 200 мест и обеспечению необходимыми инфраструктурными объектами;
(в) совместно с Академией художеств принять меры по установке бюста Шерали Джураева на территории Высшей школы;
(г) осуществлять меры по широкому празднованию ежегодно в апреле дня рождения Шерали Джураева;
(д) до конца 2026 года создать в Высшей школе современную студию звукозаписи и съемки, организовать пользование ею одаренными молодыми творческими деятелями на льготной основе.
6. Выделить Высшей школе лимит на содержание одного легкового автомобиля и одного специального автотранспортного средства, предназначенного для гастролей.
7. Внести изменения в некоторые постановления Президента Республики Узбекистан согласно приложению № 3 * .
8. Возложить на министра культуры О.А. Назарбекова и хокима Андижанской области Ш.К. Абдурахманова персональную ответственность за эффективную организацию исполнения настоящего постановления.
9. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 28 июля 2025 года № ПП-232
Основные задачи Высшей школы музыки и искусств имени Шерали Джураева
Основными задачами Высшей школы музыки и искусств имени Шерали Джураева являются:
(а) подготовка соответствующих современным требованиям кадров среднего звена для сферы культуры и искусства;
(б) развитие национального музыкального искусства и художественного творчества на основе гармонии национальных и общечеловеческих ценностей;
(в) повышение качества образования путем применения современных форм и методов обучения;
(г) обучение учащихся на основе образовательной программы, которая обеспечивает получение ими качественных знаний и профессиональную подготовку, а также предоставляет право на осуществление трудовой деятельности по освоенной специальности;
(д) изучение, исследование и достойное продолжение национального песенного и исполнительского искусства, а также традиций исполнительства;
(ж) развитие сотрудничества с отечественными и зарубежными образовательными организациями, привлечение квалифицированных зарубежных специалистов для реализации современных инновационных обучающих проектов.
ПРИЛОЖЕНИЕ № 1а к постановлению Президента Республики Узбекистан от 28 июля 2025 года № ПП-232
Источники финансирования деятельности Высшей школы музыки и искусств имени Шерали Джураева
Источниками финансирования деятельности Высшей школы музыки и искусств имени Шерали Джураева являются:
(а) средства местного бюджета Андижанской области;
(б) доходы, получаемые от оказания платных услуг, в том числе образовательных услуг, а также иных видов деятельности;
(в) благотворительные пожертвования юридических и физических лиц;
(г) иные источники, не запрещенные актами законодательства.
ПРИЛОЖЕНИЕ № 2 к постановлению Президента Республики Узбекистан от 28 июля 2025 года № ПП-232
Программа мер по увековечению памяти народного артиста Узбекистана Шерали Джураева
№ Меры Механизмы реализации Сроки исполнения Источники финансирования Ответственные исполнители 1. Разработка и обеспечение государственной регистрации в установленном порядке устава Высшей школы музыки и искусств имени Шерали Джураева (далее — Высшая школа). 1. Р азработка проекта устава Высшей школы . 2. Утверждение и государственная регистрация устава в установленном порядке . Август 2025 года - Министерство культуры (О. Назарбеков), хокимият Андижанской области (Ш. Абдурахманов) 2. Обеспечение продолжения учебы учащихся Андижанской специализированной школы искусств в Высшей школе. Принятие необходимых мер по приему учащихся Андижанской специализированной школы искусств в Высшую школу. Август 2025 года - Министерство культуры (О. Назарбеков) 3. Осуществление приема квалифицированных работников Андижанской специализированной школы искусств в Высшую школу в установленном порядке на основе открытого конкурса. 1. Создание Министерством культуры республиканской комиссии. 2. Осуществление республиканской комиссией приема работников в установленном порядке на основе открытого конкурса. Август 2025 года - Министерство культуры (О. Назарбеков) 4. Внесение в Кабинет Министров в установленном порядке проекта нормативно-правового акта о внедрении порядка приема учащихся в Высшую школу, оценки их знаний и продолжения обучения выпускников на следующей ступени образования. 1. Разработка проекта постановления. Август 2025 года - Министерство культуры (О. Назарбеков), заинтересованные министерства и ведомства 2. Согласование проекта постановления с заинтересованными министерствами и ведомствами. Сентябрь 2025 года 3. Внесение проекта постановления в Кабинет Министров в установленном порядке. Октябрь 2025 года 5. Внесение в Кабинет Министров в установленном порядке проекта нормативно-правового акта по обеспечению непрерывности и преемственности подготовки кадров в сфере культуры и искусства, интеграции с творческими процессами, а также реформированию системы повышения квалификации. 1. Разработка проекта постановления. Октябрь 2025 года - Министерство культуры (О. Назарбеков), заинтересованные министерства и ведомства 2. Согласование проекта постановления с заинтересованными министерствами и ведомствами. Ноябрь-декабрь 2025 года 3. Внесение проекта постановления в Кабинет Министров в установленном порядке. 10 января 2025 года 6. Строительство для Высшей школы дополнительного учебного здания на 200 мест, здания места проживания учащихся на 300 мест, а также необходимых инфраструктурных объектов. 1. Разработка проектно-сметной документации с троительства для Высшей школы дополнительного учебного здания на 200 мест, здания места проживания учащихся на 300 мест, а также необходимых инфраструктурных объектов. Октябрь 2025 года Средства местного бюджета Хокимият Андижанской области ( Ш. Абдурахманов ), Министерство культуры ( О. Назарбеков ), Министерство экономики и финансов ( И. Норкулов ), Министерство строительства и жилищно-коммунального хозяйства (Ш. Хидоятов) 2. Принятие мер по с троительству учебного здания на 200 мест, здания места проживания учащихся на 300 мест, а также обеспечению необходимыми инфраструктурными объектами на основании утвержденной проектно-сметной документации. 2026-2027 годы В рамках Программы развития социальной и производственной инфраструктуры на 2026-2027 годы 7. Укрепление материально-технической базы Высшей школы. 1. Составление перечня и разработка технических параметров оборудования, необходимого для Высшей школы . Октябрь 2025 года Средства местного бюджета Хокимият Андижанской области ( Ш. Абдурахманов ), Министерство культуры ( О. Назарбеков ) 2. Закупка в установленном порядке необходимого оборудования. Май 2026 года 8. Установка бюста Шерали Джураева на территории Высшей школы. 1. Разработка проектной документации установки бюста. Апрель 2026 года Бюджетные средства, выделенные Академии художеств Академия художеств ( А. Нуридинов ), хокимият Андижанской области ( Ш. Абдурахманов ) 2. Установка бюста на основании проектной документации. М арт 2027 года 9. Ш ирокое празднование дня рождения Шерали Джураева ежегодно в апреле. 1. Разработка плана мер по ш ирокому празднованию дня рождения Шерали Джураева . 2. Проведение мероприятий на высоком уровне в соответствии с планом мер. 3. Широкое освещение мероприятий в средствах массовой информации. Начиная с 2026 года ежегодно в апреле Средства исполнителей Министерство культуры ( О. Назарбеков ), хокимият Андижанской области ( Ш. Абдурахманов ) 10. Организация и ежегодное проведение на традиционной основе телевизионного конкурса национального песенного и исполнительского искусства имени Шерали Джураева в целях выявления и поддержки молодых дарований. 1. Разработка и утверждение проекта положения по проведению телевизионного конкурса. Октябрь 2025 года Средства исполнителей Министерство культуры ( О. Назарбеков ), хокимият Андижанской области ( Ш. Абдурахманов ), Национальная телерадиокомпания Узбекистана (А. Джурабаев) 2. Проведение на высоком уровне телевизионного конкурса и поощрение его победителей на основе положения. 3. Широкое освещение телевизионного конкурса в средствах массовой информации. Начиная с 2026 года ежегодно в марте-апреле 11. Создание в Высшей школе «З олотого фонда » песен, исполненных Шерали Джураевым. 1. Составление перечня песен, исполненных Шерали Джураевым. Сентябрь 2025 года Средства исполнителей Министерство культуры ( О. Назарбеков ), хокимият Андижанской области ( Ш. Абдурахманов ) 2. Создание «З олотого фонда » песен, исполненных Шерали Джураевым, на основе составленного перечня. Январь 2026 года 12. Популяризация исполнения в караоке песен Шерали Джураева. 1. Формирование перечня песен, исполненных Шерали Джураевым. Сентябрь 2025 года Средства исполнителей Министерство культуры ( О. Назарбеков ) 2. Приведение песен Шерали Джураева в соответствие для исполнения в караоке на основе сформированного перечня. Октябрь 2025 года
Президент Республики Узбекистан Ш. МИРЗИЁЕВ
г. Ташкент,
28 июля 2025 г.,
№ ПП-232