📅 2025-yil 4-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 4 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 августа 2025 г. · Постановления Президента
Официальный текст. Официальный документ. Редакционные примечания не включены.
📅 4 August 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ТАВСИФИ
Самарқанд вилоятида «Нуробод технопарки» махсус саноат зонасини ташкил этиш чора-тадбирлари тўғрисида
Самарқанд вилоятида инвестиция муҳитини янада яхшилаш, саноат зоналарини бошқаришда Хитой тажрибасини қўллаш, шунингдек, электротехника, машинасозлик, кимё ҳамда бошқа соҳаларда ички ва ташқи бозорлар учун рақобатбардош тайёр маҳсулотлар ишлаб чиқариш учун қулай шарт-шароит яратиш мақсадида қарор қиламан:
I. Асосий мақсадлар
1. Қуйидагилар Самарқанд вилояти Нуробод туманида инвестиция муҳитини янада яхшилаш ва саноатни ривожлантиришнинг 2025 — 2030 йилларга мўлжалланган мақсадли кўрсаткичлари этиб белгилансин:
(а) туманда юқори даромадли янги иш ўринларини яратиш мақсадида юқори технологияли замонавий ва сифатли саноат маҳсулотлари ишлаб чиқариш қувватларини ишга тушириш;
(б) 2025 — 2030 йилларда юқори технологияли замонавий ва сифатли саноат маҳсулотлари ишлаб чиқариш лойиҳаларига жами 1,1 миллиард АҚШ доллари миқдоридаги тўғридан-тўғри хорижий инвестицияларни жалб қилиш;
(в) юқори технологияли замонавий ва сифатли саноат маҳсулотлари ишлаб чиқариш қувватларини яратиш орқали 5,1 минг доимий иш ўринларини яратиш.
II. Нуробод туманида инвестиция муҳитини янада яхшилаш ва саноатни ривожлантириш бўйича амалий чора-тадбирлар
2. Самарқанд вилояти ҳокимлиги ҳамда Инвестициялар, саноат ва савдо вазирлигининг Самарқанд вилоятининг Нуробод тумани Сазағон массивидаги бўш турган 115,3 гектар ер участкасини «Ургут» эркин иқтисодий зонаси ҳудудидан чиқариш ва ушбу ҳудудда «Нуробод технопарки» махсус саноат зонасини (кейинги ўринларда — махсус саноат зонаси) ташкил этиш тўғрисидаги таклифлари маъқуллансин.
3. Қуйидагилар:
(а) Самарқанд вилояти ҳокимлиги ҳамда «Xinjiang Urumqi New Vision Investment Development Co., Ltd» (Хитой Халқ Республикаси) компанияси (кейинги ўринларда — Инвестор) ўртасида Инвестор томонидан 2030 йилга қадар махсус саноат зонаси ҳудудига жами 472 миллион АҚШ доллари, шундан 2025 — 2027 йилларда 250 миллион АҚШ доллари, 2027 — 2029 йилларда қўшимча ер ажратилган ҳолда 222 миллион АҚШ доллари миқдоридаги тўғридан-тўғри хорижий инвестицияларни босқичма-босқич жалб қилиб, юқори технологияли замонавий ва сифатли саноат маҳсулотлари ишлаб чиқариш қувватларини ишга тушириш бўйича келишувга эришилгани;
(б) махсус саноат зонасини бошқариш учун Инвестор муассислигида масъулияти чекланган жамият шаклида «New Vision Investment Development» МЧЖ хорижий компанияси (кейинги ўринларда — Бошқарув компанияси) ташкил этилгани маълумот учун қабул қилинсин.
4. «Нуробод технопарки» махсус саноат зонаси таркибига кирувчи ҳудудлар чегараларининг тавсифи 1-иловага мувофиқ тасдиқлансин.
5. Инвестицияларни жалб қилиш‚ саноатни ривожлантириш ва савдони тартибга солиш масалалари бўйича Ҳукумат комиссияси (Ж. Ходжаев) Самарқанд вилояти ҳокимлиги ва Инвестор билан келишган ҳолда бир ой муддатда:
(а) Бошқарув компанияси билан унинг инвестиция ва бошқа мажбуриятлари, лойиҳаларга қўйиладиган талаблар, махсус саноат зонасини бошқариш шартлари ва мезонларини белгилаб берувчи инвестиция битимини имзоласин;
(б) махсус саноат зонасининг фаолият кўрсатиш қоидалари ва тартибини белгилаш бўйича Ҳукумат қарори лойиҳасини киритсин.
6. Белгилансинки:
(а) махсус саноат зонасида ер майдонлари Ўзбекистон Республикаси Ер кодексининг 24-моддаси ҳамда Ўзбекистон Республикаси Президентининг 2025 йил 4 мартдаги «Махсус иқтисодий ва саноат зоналари фаолиятининг самарадорлигини ошириш бўйича қўшимча чора-тадбирлар тўғрисида»ги ПФ-41-сон Фармонига мувофиқ ажратилади;
(б) махсус саноат зонасида ишлаб чиқариш биноларини кўп қаватли (3-4 қават) қилиб қуриш назарда тутилади.
7. Қуйидагилар:
(а) махсус саноат зонаси ҳудудида муҳандислик-коммуникация инфратузилмаси объектларини, автомобиль йўлларини қуриш учун махсус саноат зонасига туташ бўлган «Ургут» ЭИЗ ҳудудидан фойдаланишга рухсат этилсин;
(б) махсус саноат зонаси ҳудудида жойлаштириладиган корхоналарда ўрнатиладиган асбоб-ускуналар ва ишлаб чиқариш объектларини лойиҳалаштиришда табиий газ талаб этмайдиган ишлаб чиқариш қувватларини жойлаштириш ҳамда табиий газга муқобил бўлган ёқилғи тури ва энергия тежамкор технологиялардан (гелиоколлектор, иссиқлик насоси, қуёш панеллари, иссиқликни қайта тиклаш-рекуперация қилиш ва бошқалар) фойдаланиш йўлга қўйилсин.
III. Қарор ижросини ташкил этиш, таъминлаш ва назорат
8. Вазирлар Маҳкамасининг 2017 йил 10 апрелдаги «Эркин иқтисодий зоналар фаолиятини ташкил этиш чора-тадбирлари тўғрисида»ги 196-сон қарорига 2-иловага мувофиқ айрим ер майдонларини «Ургут» эркин иқтисодий зонаси таркибидан чиқаришни назарда тутувчи ўзгартириш киритилсин.
9. Мазкур қарорнинг ижросини самарали ташкил қилишга масъул ва шахсий жавобгар этиб инвестициялар, саноат ва савдо вазири Л.Ш. Кудратов ҳамда Самарқанд вилояти ҳокими вазифасини бажарувчи А.М. Бобоев белгилансин.
10. Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Бош вазир ўринбосари Ж.А. Ходжаев зиммасига юклансин.
Ўзбекистон Республикаси Президентининг 2025 йил 4 августдаги ПҚ-243-сон қарорига 1-ИЛОВА
«Нуробод технопарки» махсус саноат зонаси таркибига кирувчи ҳудудлар чегараларининг
Т/р Ҳудуд ва унинг чегаралари тавсифи Майдони, га 1. 1-ҳудуд 1-нуқта (39°33'30.94''''Н, 66°45'42.06''''Э) 81,7 2-нуқта (39°33'36.29''Н, 66°46'0.45''Э) 3-нуқта (39°33'39.37''Н, 66°46'25.66''Э) 4-нуқта (39°33'22.85''Н, 66°47'2.99''Э) 5-нуқта (39°33'12.27''Н, 66°47'4.56''Э) 6-нуқта (39°33'25.30''Н, 66°46'38.99''Э) 7-нуқта (39°33'12.81''Н, 66°46'0.36''Э) 8-нуқта (39°33'27.30''Н, 66°45'50.89''Э) 9-нуқта (39°33'25.57''Н, 66°45'45.08''Э) 2. 2-ҳудуд 1-нуқта (39°33'50.20''Н, 66°47'7.80''Э) 19,3 2-нуқта (39°33'56.27''Н, 66°47'25.66''Э) 3-нуқта (39°33'41.44''Н, 66°47'34.70''Э) 4-нуқта (39°33'40.95''Н, 66°47'13.38''Э) 3. 3-ҳудуд 1-нуқта (39°33'25.69''Н, 66°47'18.13''''Э) 14,3 2-нуқта (39°33'24.16''Н, 66°47'46.38''Э) 3-нуқта (39°33'23.18''Н, 66°47'47.24''Э) 4-нуқта (39°33'19.17''Н, 66°47'46.87''Э) 5-нуқта (39°33'19.54''Н, 66°47'40.08''Э) 6-нуқта (39°33'16.85''Н, 66°47'34.02''Э) 7-нуқта (39°33'17.27''Н, 66°47'32.63''Э) 8-нуқта (39°33'20.03''Н, 66°47'32.18''Э) 9-нуқта (39°33'19.91''Н, 66°47'30.92''Э) 10-нуқта (39°33'17.13''Н, 66°47'31.23''Э) 11-нуқта (39°33'16.84''Н, 66°47'26.21''Э) 12-нуқта (39°33'17.19''Н, 66°47'26.15''Э) 13-нуқта (39°33'16.95''Н, 66°47'19.55''Э) Жами 115,3
Ўзбекистон Республикаси Президентининг 2025 йил 4 августдаги ПҚ-243-сон қарорига 2-ИЛОВА
Вазирлар Маҳкамасининг 2017 йил 10 апрелдаги «Эркин иқтисодий зоналар фаолиятини ташкил этиш чора-тадбирлари тўғрисида»ги 196-сон қарорига киритилаётган ўзгартириш
1-илованинг I бўлими 4-банди қуйидаги таҳрирда баён этилсин:
«4. Самарқанд вилояти Нуробод тумани «Сазағон» массиви 137,26 гектар ер майдонлари қуйидаги чегаралар билан:
а) шимолий томондан — «Нуробод технопарки» махсус саноат зонаси ер майдонлари ҳудуди;
шарқий томондан — Тепакўл сойи ҳудуди;
жанубий томондан — «А-378» Самарқанд-Қарши автомобиль йўли;
ғарбий томондан — «Худаятов Ботир» фермер хўжалиги ва Нуробод тумани ҳокимлиги захира ер майдонлари;
б) шимолий томондан — «Нуробод технопарки» махсус саноат зонаси ер майдонлари ҳудуди;
шарқий томондан — «Плант ОФФ Самарқанд» МЧЖ ҳудуди;
жанубий томондан — «А-378» Самарқанд-Қарши автомобиль йўли;
ғарбий томондан — Тепакўл сойи ҳудуди;
в) шимолий томондан — «Нуробод технопарки» махсус саноат зонаси ер майдонлари ҳудуди;
шарқий томондан — «Плант ОФФ Самарқанд» МЧЖ ҳудуди;
жанубий томондан — «Шўртан-Сирдарё» магистрал газ тармоқлари муҳофаза ҳудуди;
ғарбий томондан — Тепакўл сойи ҳудуди».
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 4 август,
ПҚ-243-сон
Oʻzbekiston Respublikasi Prezidentining
qarori
TAVSIFI
Samarqand viloyatida “Nurobod texnoparki” maxsus sanoat zonasini tashkil etish chora-tadbirlari toʻgʻrisida
Samarqand viloyatida investitsiya muhitini yanada yaxshilash, sanoat zonalarini boshqarishda Xitoy tajribasini qoʻllash, shuningdek, elektrotexnika, mashinasozlik, kimyo hamda boshqa sohalarda ichki va tashqi bozorlar uchun raqobatbardosh tayyor mahsulotlar ishlab chiqarish uchun qulay shart-sharoit yaratish maqsadida qaror qilaman:
I. Asosiy maqsadlar
1. Quyidagilar Samarqand viloyati Nurobod tumanida investitsiya muhitini yanada yaxshilash va sanoatni rivojlantirishning 2025 — 2030-yillarga moʻljallangan maqsadli koʻrsatkichlari etib belgilansin:
(a) tumanda yuqori daromadli yangi ish oʻrinlarini yaratish maqsadida yuqori texnologiyali zamonaviy va sifatli sanoat mahsulotlari ishlab chiqarish quvvatlarini ishga tushirish;
(b) 2025 — 2030-yillarda yuqori texnologiyali zamonaviy va sifatli sanoat mahsulotlari ishlab chiqarish loyihalariga jami 1,1 milliard AQSH dollari miqdoridagi toʻgʻridan-toʻgʻri xorijiy investitsiyalarni jalb qilish;
(v) yuqori texnologiyali zamonaviy va sifatli sanoat mahsulotlari ishlab chiqarish quvvatlarini yaratish orqali 5,1 ming doimiy ish oʻrinlarini yaratish.
II. Nurobod tumanida investitsiya muhitini yanada yaxshilash va sanoatni rivojlantirish boʻyicha amaliy chora-tadbirlar
2. Samarqand viloyati hokimligi hamda Investitsiyalar, sanoat va savdo vazirligining Samarqand viloyatining Nurobod tumani Sazagʻon massividagi boʻsh turgan 115,3 gektar yer uchastkasini “Urgut” erkin iqtisodiy zonasi hududidan chiqarish va ushbu hududda “Nurobod texnoparki” maxsus sanoat zonasini (keyingi oʻrinlarda — maxsus sanoat zonasi) tashkil etish toʻgʻrisidagi takliflari maʼqullansin.
3. Quyidagilar:
(a) Samarqand viloyati hokimligi hamda “Xinjiang Urumqi New Vision Investment Development Co., Ltd” (Xitoy Xalq Respublikasi) kompaniyasi (keyingi oʻrinlarda — Investor) oʻrtasida Investor tomonidan 2030-yilga qadar maxsus sanoat zonasi hududiga jami 472 million AQSH dollari, shundan 2025 — 2027-yillarda 250 million AQSH dollari, 2027 — 2029-yillarda qoʻshimcha yer ajratilgan holda 222 million AQSH dollari miqdoridagi toʻgʻridan-toʻgʻri xorijiy investitsiyalarni bosqichma-bosqich jalb qilib, yuqori texnologiyali zamonaviy va sifatli sanoat mahsulotlari ishlab chiqarish quvvatlarini ishga tushirish boʻyicha kelishuvga erishilgani;
(b) maxsus sanoat zonasini boshqarish uchun Investor muassisligida masʼuliyati cheklangan jamiyat shaklida “New Vision Investment Development” MCHJ xorijiy kompaniyasi (keyingi oʻrinlarda — Boshqaruv kompaniyasi) tashkil etilgani maʼlumot uchun qabul qilinsin.
4. “Nurobod texnoparki” maxsus sanoat zonasi tarkibiga kiruvchi hududlar chegaralarining tavsifi 1-ilovaga muvofiq tasdiqlansin.
5. Investitsiyalarni jalb qilish‚ sanoatni rivojlantirish va savdoni tartibga solish masalalari boʻyicha Hukumat komissiyasi (J. Xodjayev) Samarqand viloyati hokimligi va Investor bilan kelishgan holda bir oy muddatda:
(a) Boshqaruv kompaniyasi bilan uning investitsiya va boshqa majburiyatlari, loyihalarga qoʻyiladigan talablar, maxsus sanoat zonasini boshqarish shartlari va mezonlarini belgilab beruvchi investitsiya bitimini imzolasin;
(b) maxsus sanoat zonasining faoliyat koʻrsatish qoidalari va tartibini belgilash boʻyicha Hukumat qarori loyihasini kiritsin.
6. Belgilansinki:
(a) maxsus sanoat zonasida yer maydonlari Oʻzbekiston Respublikasi Yer kodeksining 24-moddasi hamda Oʻzbekiston Respublikasi Prezidentining 2025-yil 4-martdagi “Maxsus iqtisodiy va sanoat zonalari faoliyatining samaradorligini oshirish boʻyicha qoʻshimcha chora-tadbirlar toʻgʻrisida”gi PF-41-son Farmoniga muvofiq ajratiladi;
(b) maxsus sanoat zonasida ishlab chiqarish binolarini koʻp qavatli (3-4 qavat) qilib qurish nazarda tutiladi.
7. Quyidagilar:
(a) maxsus sanoat zonasi hududida muhandislik-kommunikatsiya infratuzilmasi obyektlarini, avtomobil yoʻllarini qurish uchun maxsus sanoat zonasiga tutash boʻlgan “Urgut” EIZ hududidan foydalanishga ruxsat etilsin;
(b) maxsus sanoat zonasi hududida joylashtiriladigan korxonalarda oʻrnatiladigan asbob-uskunalar va ishlab chiqarish obyektlarini loyihalashtirishda tabiiy gaz talab etmaydigan ishlab chiqarish quvvatlarini joylashtirish hamda tabiiy gazga muqobil boʻlgan yoqilgʻi turi va energiya tejamkor texnologiyalardan (geliokollektor, issiqlik nasosi, quyosh panellari, issiqlikni qayta tiklash-rekuperatsiya qilish va boshqalar) foydalanish yoʻlga qoʻyilsin.
III. Qaror ijrosini tashkil etish, taʼminlash va nazorat
8. Vazirlar Mahkamasining 2017-yil 10-apreldagi “Erkin iqtisodiy zonalar faoliyatini tashkil etish chora-tadbirlari toʻgʻrisida”gi 196-son qaroriga 2-ilovaga muvofiq ayrim yer maydonlarini “Urgut” erkin iqtisodiy zonasi tarkibidan chiqarishni nazarda tutuvchi oʻzgartirish kiritilsin.
9. Mazkur qarorning ijrosini samarali tashkil qilishga masʼul va shaxsiy javobgar etib investitsiyalar, sanoat va savdo vaziri L.Sh. Kudratov hamda Samarqand viloyati hokimi vazifasini bajaruvchi A.M. Boboyev belgilansin.
10. Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Bosh vazir oʻrinbosari J.A. Xodjayev zimmasiga yuklansin.
Oʻzbekiston Respublikasi Prezidentining 2025-yil 4-avgustdagi PQ-243-son qaroriga 1-ILOVA
“Nurobod texnoparki” maxsus sanoat zonasi tarkibiga kiruvchi hududlar chegaralarining
T/r Hudud va uning chegaralari tavsifi Maydoni, ga 1. 1-hudud 1-nuqta (39°33'30.94''''N, 66°45'42.06''''E) 81,7 2-nuqta (39°33'36.29''N, 66°46'0.45''E) 3-nuqta (39°33'39.37''N, 66°46'25.66''E) 4-nuqta (39°33'22.85''N, 66°47'2.99''E) 5-nuqta (39°33'12.27''N, 66°47'4.56''E) 6-nuqta (39°33'25.30''N, 66°46'38.99''E) 7-nuqta (39°33'12.81''N, 66°46'0.36''E) 8-nuqta (39°33'27.30''N, 66°45'50.89''E) 9-nuqta (39°33'25.57''N, 66°45'45.08''E) 2. 2-hudud 1-nuqta (39°33'50.20''N, 66°47'7.80''E) 19,3 2-nuqta (39°33'56.27''N, 66°47'25.66''E) 3-nuqta (39°33'41.44''N, 66°47'34.70''E) 4-nuqta (39°33'40.95''N, 66°47'13.38''E) 3. 3-hudud 1-nuqta (39°33'25.69''N, 66°47'18.13''''E) 14,3 2-nuqta (39°33'24.16''N, 66°47'46.38''E) 3-nuqta (39°33'23.18''N, 66°47'47.24''E) 4-nuqta (39°33'19.17''N, 66°47'46.87''E) 5-nuqta (39°33'19.54''N, 66°47'40.08''E) 6-nuqta (39°33'16.85''N, 66°47'34.02''E) 7-nuqta (39°33'17.27''N, 66°47'32.63''E) 8-nuqta (39°33'20.03''N, 66°47'32.18''E) 9-nuqta (39°33'19.91''N, 66°47'30.92''E) 10-nuqta (39°33'17.13''N, 66°47'31.23''E) 11-nuqta (39°33'16.84''N, 66°47'26.21''E) 12-nuqta (39°33'17.19''N, 66°47'26.15''E) 13-nuqta (39°33'16.95''N, 66°47'19.55''E) Jami 115,3
Oʻzbekiston Respublikasi Prezidentining 2025-yil 4-avgustdagi PQ-243-son qaroriga 2-ILOVA
Vazirlar Mahkamasining 2017-yil 10-apreldagi “Erkin iqtisodiy zonalar faoliyatini tashkil etish chora-tadbirlari toʻgʻrisida”gi 196-son qaroriga kiritilayotgan oʻzgartirish
1-ilovaning I boʻlimi 4-bandi quyidagi tahrirda bayon etilsin:
“4. Samarqand viloyati Nurobod tumani “Sazagʻon” massivi 137,26 gektar yer maydonlari quyidagi chegaralar bilan:
a) shimoliy tomondan — “Nurobod texnoparki” maxsus sanoat zonasi yer maydonlari hududi;
sharqiy tomondan — Tepakoʻl soyi hududi;
janubiy tomondan — “A-378” Samarqand-Qarshi avtomobil yoʻli;
gʻarbiy tomondan — “Xudayatov Botir” fermer xoʻjaligi va Nurobod tumani hokimligi zaxira yer maydonlari;
b) shimoliy tomondan — “Nurobod texnoparki” maxsus sanoat zonasi yer maydonlari hududi;
sharqiy tomondan — “Plant OFF Samarqand” MCHJ hududi;
janubiy tomondan — “A-378” Samarqand-Qarshi avtomobil yoʻli;
gʻarbiy tomondan — Tepakoʻl soyi hududi;
v) shimoliy tomondan — “Nurobod texnoparki” maxsus sanoat zonasi yer maydonlari hududi;
sharqiy tomondan — “Plant OFF Samarqand” MCHJ hududi;
janubiy tomondan — “Shoʻrtan-Sirdaryo” magistral gaz tarmoqlari muhofaza hududi;
gʻarbiy tomondan — Tepakoʻl soyi hududi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 4-avgust,
PQ-243-son
Президента Республики Узбекистан
Постановление
О мерах по образованию специальной промышленной зоны «Технопарк «Нурабад» в Самаркандской области
В целях дальнейшего улучшения инвестиционного климата в Самаркандской области, применения опыта Китая в управлении промышленными зонами, а также создания благоприятных условий для производства конкурентоспособной готовой продукции в электротехнической, машиностроительной, химической и иных отраслях для внутреннего и внешнего рынков постановляю:
I. Основные цели
1. Определить целевыми показателями дальнейшего улучшения инвестиционного климата и развития промышленности в Нурабадском районе Самаркандской области на 2025 — 2030 годы:
(а) ввод в эксплуатацию мощностей производства высокотехнологичной современной и качественной промышленной продукции в целях создания высокодоходных новых рабочих мест в районе;
(б) привлечение прямых иностранных инвестиций в размере всего 1,1 миллиарда долларов США на проекты производства высокотехнологичной современной и качественной промышленной продукции в 2025 — 2030 годах;
(в) создание 5,1 тысячи постоянных рабочих мест посредством создания мощностей производства высокотехнологичной современной и качественной промышленной продукции.
II. Практические меры по дальнейшему улучшению инвестиционного климата и развитию промышленности в Нурабадском районе
2. Одобрить предложения хокимията Самаркандской области, а также Министерства инвестиций, промышленности и торговли по выведению из территории свободной экономической зоны «Ургут» 115,3 гектара пустующих земельных участков на массиве «Сазогон» в Нурабадском районе Самаркандской области и образованию на данной территории специальной промышленной зоны «Технопарк «Нурабад» (далее — специальная промышленная зона).
3. Принять к сведению, что:
(а) между хокимиятом Самаркандской области и компанией «Xinjiang Urumqi New Vision Investment Development Co., Ltd» (Китайская Народная Республика) (далее — Инвестор) достигнута договоренность о поэтапном привлечении Инвестором до 2030 года на территорию специальной промышленной зоны прямых иностранных инвестиций в размере в общей сложности 472 миллиона долларов США, из них в 2025 — 2027 годах — 250 миллионов долларов США, в 2027 — 2029 годах с выделением дополнительной земельной площади — 222 миллиона долларов США, а также введении в эксплуатацию мощностей производства высокотехнологичной современной и качественной промышленной продукции;
(б) для управления специальной промышленной зоной при учредительстве Инвестора создана иностранная компания ООО «New Vision Investment Development» в форме общества с ограниченной ответственностью (далее — Управляющая компания).
4. Утвердить Описание границ территорий, включенных в состав специальной промышленной зоны «Технопарк «Нурабад», согласно приложению № 1 * .
5. Правительственной комиссии по вопросам привлечения инвестиций, развития промышленности и регулирования торговли (Ж. Ходжаев) по согласованию с хокимиятом Самаркандской области и Инвестором в месячный срок:
(а) подписать инвестиционное соглашение с Управляющей компанией, устанавливающее ее инвестиционные и прочие обязательства, а также предъявляемые требования к проектам, условия и критерии управления специальной промышленной зоной;
(б) внести проект постановления Правительства по определению правил и порядка функционирования специальной промышленной зоны.
6. Установить, что:
(а) земельные площади на специальной промышленной зоне выделяются в соответствии со статьей 24 Земельного кодекса Республики Узбекистан, а также Указом Президента Республики Узбекистан от 4 марта 2025 года № УП-41 «О дополнительных мерах по повышению эффективности деятельности специальных экономических и промышленных зон»;
(б) строительство производственных зданий на специальной промышленной зоне предусматривается в форме многоэтажных сооружений (из 3-4 этажей).
7. Нижеследующие:
(а) разрешить использование прилегающей к специальной промышленной зоне территории СЭЗ «Ургут» для строительства объектов инженерно-коммуникационной инфраструктуры и автомобильных дорог на территории специальной промышленной зоны;
(б) организовать размещение не требующих природного газа производственных мощностей, а также использование альтернативных природному газу видов топлива и энергосберегающих технологий (гелиоколлекторов, тепловых насосов, солнечных панелей, систем восстановления-рекуперации тепла и прочих) при проектировании оборудования и производственных объектов, устанавливаемых на предприятиях, которые будут располагаться на территории специальной промышленной зоны.
III. Организация, обеспечение и контроль исполнения постановления
8. Внести в постановление Кабинета Министров от 10 апреля 2017 года № 196 «О мерах по организации деятельности свободных экономических зон» изменение, предусматривающее выведение из состава свободной экономической зоны «Ургут» некоторых земельных площадей, согласно приложению № 2 * .
9. Возложить на министра инвестиций, промышленности и торговли Л.Ш. Кудратова и исполняющего обязанности хокима Самаркандской области А.М. Бобоева персональную ответственность за эффективную организацию исполнения настоящего постановления.
10. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на заместителя Премьер-министра Ж.А. Ходжаева.
Президент Республики Узбекистан Ш. МИРЗИЁЕВ
г. Ташкент,
4 августа 2025 г.,
№ ПП-243