UzbekAI

Ўзбекистон Республикаси Президентининг

қарори

АСОСИЙ МАҚСАДЛИ КЎРСАТКИЧЛАРИ

АСОСИЙ ЙЎНАЛИШЛАРИ

УСТУВОР ЙЎНАЛИШЛАРИ

Самарқанд вилоятини 2030 йилга қадар ижтимоий-иқтисодий ривожлантириш чора-тадбирлари тўғрисида

Самарқанд вилоятида замонавий менежмент тамойиллари ҳамда давлат ва тадбиркорлик субъектлари ўртасида ўзаро манфаатли ҳамкорлик тизимини жорий этиш, мавжуд ресурслардан самарали фойдаланиш, вилоятнинг ижтимоий инфратузилмаси ва меъморий қиёфасини яхшилаш, шунингдек, аҳоли учун қулай ҳудудлар ва яшил зоналарни кўпайтириш мақсадида қарор қиламан:

I. Мақсадлар

1. Қуйидагилар Самарқанд вилоятини 2030 йилгача ривожлантиришнинг асосий мақсадли кўрсаткичлари этиб белгилансин:

(а) ялпи ҳудудий маҳсулот ҳажмини 165 триллион сўмга етказиш;

(б) саноат ва хизматлар соҳасида жами 6,8 миллиард АҚШ доллари эквивалентидаги лойиҳаларни амалга ошириш;

(в) саноат, хизматлар ва туризм экспорти ҳажмини 3,5 миллиард АҚШ долларига етказиш;

(г) муҳандислик-коммуникация тармоқларини кенгайтириш ва тўлиқ модернизация қилиш;

(д) қўшимча 6,2 минг гектар яшил ҳудудлар ташкил этиш.

2. Самарқанд вилояти ҳокимлиги (А. Бобоев) бир ҳафта муддатда мақсадли кўрсаткичларни ҳудуд, туман (шаҳар) ва масъуллар кесимида тасдиқласин.

II. Вилоят ҳокимлиги ва тадбиркорлик субъектлари ўртасидаги ҳамкорлик

3. Самарқанд вилоятида давлат ва тадбиркорлик субъектлари ўртасида ўзаро манфаатли ҳамкорлик асосида инвестиция лойиҳаларини амалга ошириш ва вилоят инфратузилмасини яхшилаш бўйича қуйидаги тартиб жорий этилсин:

(а) Самарқанд вилояти ҳокимлиги муассислигида давлат ва тадбиркорлик субъектлари ўртасида кўприк вазифасини бажарувчи «Самарқанд Инвест компанияси» акциядорлик жамиятини (кейинги ўринларда — Компания) ташкил этиш;

(б) вилоят инфратузилмасини ривожлантиришга қаратилган лойиҳаларни молиялаштириш, аҳолининг кундалик ҳаётидаги коммунал ва бошқа соҳалардаги кечиктириб бўлмайдиган масалаларни тезкор ҳал этиш мақсадида Самарқанд вилояти ҳокимлиги ҳузуридаги Тадбиркорлик инфратузилмасини ривожлантириш жамғармасини Самарқанд вилоятини ривожлантириш жамғармаси (кейинги ўринларда — Жамғарма) деб қайта номлаш ва Жамғарма маблағларини бошқариш ҳуқуқини Компанияга бериш;

(в) ер участкаларини қурилиш учун рухсат бериш ва лойиҳа ҳужжатлари расмийлаштирилган ҳолда тайёр бизнес шаклида тадбиркорлик субъектлари билан ўзаро манфаатли лойиҳаларни амалга ошириш учун аукцион савдоларига чиқариш;

(г) 2025 йил 1 ноябрдан бошлаб муҳандислик-коммуникация тармоқлари ва транспорт инфратузилмасини барпо қилиш харажатларининг бир қисмини шаҳарсозлик фаолияти объектини қуриш ёки реконструкция қилишни лойиҳалаштириш учун архитектура-режалаштириш топшириғини ишлаб чиқиш бўйича тўлов қийматига киритиш ва уни бирйўла ёки бўлиб-бўлиб тўлаш имконияти билан тўлиқ Жамғармага йўналтириш (бундан бюджет тизими бюджетлари ҳисобидан молиялаштириладиган объектлар, якка тартибдаги уй-жойлар ҳамда нодавлат мактабгача ва умумий ўрта таълим ташкилотлари мустасно).

4. Белгилансинки:

(а) Компаниянинг устав капитали Халқ депутатлари Самарқанд вилояти кенгаши қарори асосида Самарқанд вилояти вилоят бюджетининг қўшимча манбалари ва муниципал мулклар ҳамда қонунчиликда тақиқланмаган бошқа маблағлар ҳисобидан босқичма-босқич шакллантирилади;

(б) Компаниянинг алоҳида йўналишлар бўйича лойиҳа офисларини ташкил этиш ва уларни молиялаштириш масалалари унинг муассиси томонидан белгиланади;

(в) Компания ва Жамғарма маблағларини лойиҳалар ва бошқа мақсадларга йўналтириш ҳамда тижорат банклари ва халқаро молия институтларидан қарз маблағларини жалб этиш (давлат кафолати остидаги жалб этиладиган қарз маблағлари бундан мустасно) Компания муассиси қарори асосида амалга оширилади;

(г) Компания ва Жамғарманинг ҳисобварақлари тижорат банкларида очилади;

(д) Жамғарма маблағларини Самарқанд вилояти ҳокимлиги мажбуриятлари бўйича ижро ҳужжатлари ва инкассо топшириқномаси асосида ундиришга йўл қўйилмайди;

(ж) Ўзбекистон Республикаси Президентининг 2022 йил 21 январдаги «Республика ҳудудларида тадбиркорлик инфратузилмасини ривожлантиришга доир қўшимча чора-тадбирлар тўғрисида»ги ПФ-54-сон Фармонида белгиланган тадбирларни Жамғарма маблағлари ҳисобидан молиялаштириш тартиби сақлаб қолинади.

5. Компания фаолияти очиқлиги ва унинг жамоатчилик олдидаги ҳисобдорлигини таъминлаш мақсадида шундай тартиб ўрнатилсинки, унга мувофиқ:

(а) Компания молиявий ҳисоботни молиявий ҳисоботнинг халқаро стандартларига мувофиқ тузади ва мазкур ҳисобот аудитнинг халқаро стандартларига асосан аудиторлик компаниялари томонидан ташқи аудитдан ўтказилганидан кейин 2027 йилдан бошлаб ҳар йили 1 августга қадар Самарқанд вилояти ҳокимлигининг расмий веб-сайтида жойлаштирилади;

(б) Компания томонидан молиявий ва номолиявий ҳисоботлар ҳамда унга нисбатан тижорат ва нотижорат мақсадлар 2027 йилдан бошлаб Самарқанд вилояти ҳокимлигининг расмий веб-сайтида жойлаштирилади;

(в) 2028 йилга қадар Компанияда ISO, ERP ва бошқарувнинг бошқа замонавий тизимлари жорий қилиниб, у томонидан етакчи халқаро агентликларнинг кредит рейтинги олиниши таъминланади;

(г) Самарқанд вилояти ҳокимининг ижтимоий-иқтисодий ривожланишнинг энг муҳим ва долзарб масалалари юзасидан Халқ депутатлари Самарқанд вилояти кенгаши олдидаги ҳисоботида Компания фаолияти натижадорлиги ва Жамғарма маблағларидан самарали фойдаланилиши тўғрисидаги маълумот акс эттирилади.

6. Қуйидагилар:

(а) Самарқанд вилоятини 2030 йилгача ривожлантиришнинг асосий мақсадли кўрсаткичлари 1-иловага мувофиқ;

(б) Самарқанд вилоятини 2030 йилгача ривожлантиришнинг асосий йўналишлари 2-иловага мувофиқ;

(в) «Самарқанд Инвест компанияси» АЖ фаолиятининг устувор йўналишлари 3-иловага мувофиқ;

(г) Самарқанд вилояти ҳокимлиги ҳузуридаги Самарқанд вилоятини ривожлантириш жамғармаси маблағларини шакллантириш манбалари ва сарфлаш йўналишлари 4-иловага мувофиқ тасдиқлансин.

7. Вазирлар Маҳкамаси:

(а) бир ҳафта муддатда қуйидагиларни назарда тутувчи тартибларни тасдиқласин:

(i) ер участкалари негизида «Самарқанд Инвест компанияси» АЖ ва тадбиркорлик субъектлари ўртасида ўзаро манфаатли ҳамкорлик асосида инвестиция лойиҳаларини амалга ошириш;

(ii) Самарқанд вилояти муҳандислик-коммуникация тармоқлари ва транспорт инфратузилмасини барпо қилиш харажатларининг бир қисмини шаҳарсозлик фаолияти объектини қуриш ёки реконструкция қилишни лойиҳалаштириш учун архитектура-режалаштириш топшириғини ишлаб чиқиш бўйича тўлов қийматига киритиш;

(iii) Самарқанд вилоятида давлат-хусусий шериклик шартларида лойиҳаларни соддалаштирилган тартибда амалга ошириш;

(iv) Самарқанд вилоятида шаҳарсозлик реновация лойиҳаларини амалга ошириш;

(б) икки ой муддатда Самарқанд шаҳрида қурилишга рухсат беришга оид ҳужжатларни рақамли кўринишда расмийлаштириш тартибини назарда тутувчи маъмурий регламентни тасдиқласин.

8. Самарқанд вилояти ҳокимлиги Қурилиш ва уй-жой коммунал хўжалиги вазирлиги, Рақамли технологиялар вазирлиги, Кадастр агентлиги билан биргаликда қурилишга рухсат беришга оид ҳужжатларни расмийлаштириш жараёнларини рақамлаштириш мақсадида 2025 йил якунига қадар Самарқанд шаҳри бош режасининг рақамли форматини ишлаб чиқсин ҳамда унинг «Шаффоф қурилиш» миллий ахборот тизимига интеграция қилинишини таъминласин.

III. Қарор ижросини ташкил этиш, таъминлаш ва назорат

9. Самарқанд вилояти ҳокимлиги Ўзбекистон Миллий телерадиокомпанияси ва Ўзбекистон Миллий ахборот агентлиги билан биргаликда ушбу қарорнинг мазмун-моҳияти оммавий ахборот воситаларида, ижтимоий тармоқлар ва расмий веб-сайтларда кенг ёритилишини таъминласин.

10. Мазкур қарорнинг ижросини самарали ташкил қилишга масъул ва шахсий жавобгар этиб Самарқанд вилояти ҳокими вазифасини бажарувчи А.М. Бобоев белгилансин.

11. Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2025 йил 7 августдаги ПҚ-244-сон қарорига 1-ИЛОВА

Самарқанд вилоятини 2030 йилгача ривожлантиришнинг

Т/р Кўрсаткичлар номи Ўлчов бирлиги Амалда 2025 йил 2026 йил 2027 йил 2028 йил 2029 йил 2030 йил 1. Ялпи ҳудудий маҳсулот ** трлн сўм 99,9 108,9 118,6 129,1 140,2 152,2 164,5 2. Саноат ишлаб чиқариш ҳажми ** трлн сўм 46,2 48,8 55,2 62,8 71,2 80,4 90,1 3. Саноат ва хизмат кўрсатиш соҳасидаги лойиҳалар ** млн доллар 0,56 0,77 0,84 0,98 1,09 1,29 1,40 4. Товар ва хизматлар экспорти ** млн доллар 716 850 895 1 040 1 150 1 309 1 500 5. Камбағаллик даражаси фоизда 7,5 5,4 4,8 4,4 4,0 3,5 3,0 6. Хорижий туристлар сони ** млн нафар 2,1 2,55 2,81 3,09 3,39 3,73 4,11 7. Маҳаллий сайёҳлар сони ** млн нафар 2,4 2,86 3,15 3,46 3,81 4,19 4,61 8. Болаларнинг мактабгача таълим билан қамрови * фоизда 70,6 72,1 72,6 72,9 74,4 78,5 85,0 9. Мактабларда ўқувчи ўринлари сони * минг ўрин 594,8 602,7 605,7 606,0 608,9 609,2 611,2 10. Олий таълим қамрови * фоизда 46 48,0 50,0 52,0 55,0 58,0 60,0 11. Умумий фойдаланишдаги автомобиль йўллари бўйида манзарали дарахт ва бута кўчатларини экиш км 39 87 88 90 91 90 71 12. Каналлар бўйидаги сайилгоҳлар майдони * км 2,1 7,8 15,1 16,7 18,8 19,5 21,1 13. Жамоат транспортидан фойдаланиш даражаси * фоизда 30 33 38 41 43 45 49 14. Электробусларнинг жамоат транспортидаги улуши * фоизда 10 12 14 16 18 20 25 15. Атмосферани ифлослантирувчи моддалар миқдорини камайтириш ** фоизда 1,12 1,12 1,12 1,12 1,12 1,12 1,12 16. Пиёдалар йўлаклари * км 300 300 300 300 300 300 300 17. Уй-жойлар қуриш ** минг хонадон 11,3 11,8 12,3 12,8 13,3 13,8 14,3 18. Ички йўлларни таъмирлаш * км 785,4 837,9 694,0 546,2 599,2 530,3 632,5 19. Электр тармоқларини янгилаш * км 6892 9 841 9 903 1 023 1 089 1 124 1 179 20. Электр трансформаторларини янгилаш * дона 126 215 228 241 256 271 288 21. Электр устунларини янгилаш * дона 8200 6 400 6 400 6 400 6 400 6 400 6 400 22. Янги тортиладиган сув тармоқлари * км 413,2 635,6 699,2 769,1 846,0 930,6 1023,7 23. Сув тармоғини янгилаш * км 28,6 95,3 104,9 115,4 126,9 139,6 153,5

Ўзбекистон Республикаси Президентининг 2025 йил 7 августдаги ПҚ-244-сон қарорига 2-ИЛОВА

Самарқанд вилоятини 2030 йилгача ривожлантиришнинг

1. Давлат ва тадбиркорлик субъектлари ўртасида ўзаро манфаатли лойиҳаларни амалга ошириш ҳамда мавжуд ресурслардан самарали фойдаланишни йўлга қўйиш орқали барқарор иқтисодий ўсишни таъминлаш.

2. Маданият ва истироҳат боғлари ҳамда хиёбонлар қиёфасини ўзгартириш, яшил ҳудудларни кескин кўпайтириш орқали аҳоли ва меҳмонлар ҳордиқ чиқариши учун шароитлар яратиш.

3. Муҳандислик-коммуникация тармоқларини кенгайтириш ва модернизация қилиш орқали вилоятни коммунал хизмат кўрсатиш муаммоларидан ҳоли ҳудудга айлантириш ва аҳоли ҳаракатланиши учун янада қулай йўл инфратузилмасини яратиш.

4. Ягона ёндашув асосида қурилишларни мувофиқлаштириш ва қурилиш ҳажмига мос равишда ижтимоий инфратузилмани кенгайтириш орқали «ақлли» шаҳарсозлик тамойилларини жорий этиш.

5. Ҳокимлик тизимида ҳар бир йўналиш бўйича лойиҳа офисларини ташкил этиш ҳисобига муҳим самарадорлик кўрсаткичларига асосланган замонавий менежментни йўлга қўйиш ва инсон ресурсларини ривожлантириш.

Ўзбекистон Республикаси Президентининг 2025 йил 7 августдаги ПҚ-244-сон қарорига 3-ИЛОВА

«Самарқанд Инвест компанияси» АЖ фаолиятининг

1. Самарқанд вилояти, шаҳар ва туманлар ҳокимликлари ҳамда улар таркибидаги корхона ва муассасаларга тегишли мулклар (кейинги ўринларда — муниципал мулклар) ҳолатини таҳлил қилиш, мавжуд ресурс ва имкониятларни аниқлаш ва улардан самарали фойдаланиш бўйича таклифлар ишлаб чиқиш.

2. Компания бошқарувига берилган муниципал мулкларни бошқариш, уларнинг негизида давлат шериги сифатида давлат-хусусий шериклик лойиҳаларини амалга ошириш ҳамда уларни тадбиркорлик субъектларига ижара ва бошқарувга бериш, уларнинг мониторингини юритиш ва самарадорлигини баҳолаб бориш.

3. Муниципал мулкларнинг инвестицион жозибадорлигини ошириш, компания бошқарувига берилган муниципал мулклар негизида инвесторлар билан ҳамкорликда инвестиция лойиҳаларини амалга ошириш.

4. Компания бошқарувига берилган бозор ва савдо комплекслари ҳамда бошқа муниципал мулкларни замонавий талабларга мослаштириш, яроқсиз ҳолга келганларини бузиб, уларнинг ўрнида янги бинолар қуриш ва белгиланган тартибда сотиш ёки ижарага бериш.

5. Тадбиркорлик субъектларининг Самарқанд вилояти инфратузилмасини ривожлантириш билан боғлиқ истиқболли лойиҳаларини уларнинг молиявий жозибадорлиги ва самарадорлигидан келиб чиқиб молиялаштиришда иштирок этиш.

6. Самарқанд вилоятининг алоҳида ҳудудларини ривожлантириш ва реновация дастурлари, мастер режа ва қуриладиган объектларнинг лойиҳа ҳужжатларини ишлаб чиқиш жараёнларини молиялаштириш.

7. Ҳудудларни комплекс ижтимоий-иқтисодий ривожлантириш мақсадида, авария ҳолатидаги ёки яроқсиз ҳолга келиб қолган турар ва нотурар жойларни замонавий талаблар асосида қайта қуриш, капитал таъмирлаш, реконструкция қилишга оид тадбирларни амалга ошириш.

8. Самарқанд вилоятидаги қурилиш ва реконструкция қилиш ишларини ҳамда инфратузилма тармоқларига уланиш жараёнларини мувофиқлаштириш.

9. Бўш ер участкаларини «Самарқанд Инвест компанияси» АЖ (кейинги ўринларда — Компания) устав фондига киритиш ва тадбиркор билан лойиҳани амалга ошириш ҳуқуқини онлайн аукцион савдоларига қўйиш.

10. Компания бошқарувига берилган муниципал мулкларни ҳамда устав фондига киритилган ер участкалари негизида лойиҳа қиймати 1 миллион АҚШ долларигача бўлган эквивалентдаги давлат-хусусий шериклик лойиҳаларини амалга ошириш.

Ўзбекистон Республикаси Президентининг 2025 йил 7 августдаги ПҚ-244-сон қарорига 4-ИЛОВА

Самарқанд вилояти ҳокимлиги ҳузуридаги Самарқанд вилоятини ривожлантириш жамғармаси маблағларини шакллантириш манбалари ва сарфлаш йўналишлари

I. Жамғарма маблағларини шакллантириш манбалари

1. Жамғарма маблағлари ҳисобидан молиялаштирилган лойиҳалардан олинган даромадлар, шу жумладан, «Самарқанд Инвест компанияси» акциядорлик жамияти (кейинги ўринларда — Компания) томонидан янгидан яратилган активларни сотишдан тушган тушумлар.

2. Компания давлат шериги сифатида иштирок этган давлат-хусусий шериклик лойиҳаларидан олинган даромадлар.

3. Самарқанд вилоятидаги қишлоқ хўжалигига мўлжалланмаган ер участкаларини хусусийлаштиришдан ҳамда ер участкаларини ижарага олиш ҳуқуқини электрон онлайн аукцион орқали сотишдан тушадиган маблағларнинг Вазирлар Маҳкамаси томонидан белгиланган харажатлар чегириб қолинганидан сўнг қолган қисмининг 100 фоизи ва ер участкаси жойлашган туман бюджетига йўналтириладиган қисми, бундан махсус иқтисодий зоналар, ёшлар кичик саноат ва тадбиркорлик зоналаридаги ер участкалари мустасно.

4. Қишлоқ хўжалигига мўлжалланган ер участкаларини ижарага бериш, қишлоқ хўжалиги ерларини ер ижараси ҳуқуқи асосида аукцион орқали сотишдан тушадиган тушумлар, қўшимча тўловлар ҳамда ижара тўловларининг Самарқанд вилояти маҳаллий бюджетига йўналтириладиган қисмининг 100 фоизи.

5. Самарқанд вилоятида махсус автоматлаштирилган фото ва видеофиксация техника воситалари қайд этган йўл ҳаракати қоидалари бузилганлиги учун жарималарнинг Самарқанд вилояти маҳаллий бюджетига йўналтириладиган қисмининг 100 фоизи.

6. Самарқанд вилоятида ташқи реклама ва ахборот объектини (конструкциясини) жойлаштириш учун қонунчиликда белгиланган тўловнинг Самарқанд вилояти маҳаллий бюджетига йўналтириладиган қисмининг 100 фоизи.

7. Самарқанд вилоятида муҳандислик-коммуникация тармоқлари ва транспорт инфратузилмасини яратиш харажатларининг бир қисмини қоплаш мақсадида шаҳарсозлик фаолияти объектини қуриш ёки реконструкция қилишни лойиҳалаштириш учун архитектура-режалаштириш топшириғини ишлаб чиқиш қийматига киритилган тўловнинг 100 фоизи.

8. Ҳудуди 10 минг квадрат метргача бўлган давлат кўчмас мулк объектлари, шунингдек, вилоят, туман (шаҳар) ҳокимларининг қарорлари асосида сотиладиган давлат кўчмас мулк объектларини сотишдан тушадиган маблағларнинг вилоят маҳаллий бюджетига ҳамда объект жойлашган туман (шаҳар) маҳаллий бюджетига тушган қисмининг 100 фоизи.

9. Ҳудуди 10 минг квадрат метрдан ортиқ бўлган давлат кўчмас мулк объектларини сотишдан тушган тушумларнинг республика бюджетига йўналтириладиган қисмининг 50 фоизи.

10. Якка тартибда уй-жой қуриш ва уй-жойни ободонлаштириш учун ер участкаларини мулк ҳуқуқи асосида электрон онлайн аукцион орқали реализация қилиш (сотиш)дан тушадиган маблағларнинг Вазирлар Маҳкамаси томонидан белгиланган харажатлар чегириб қолинганидан сўнг қолган қисми ва ер участкаси жойлашган туман бюджетига йўналтириладиган қисмининг 100 фоизи.

11. Вақтинча бўш турган маблағларни тижорат банклари депозитларига жойлаштириш ҳисобидан олинган даромадлар.

12. Самарқанд вилоятининг вилоят бюджети даромадларининг прогноздан ошириб бажарилган қисмидан ажратмалар.

13. Жисмоний ва юридик шахсларнинг ҳомийлик хайриялари, халқаро молия институтлари ва хорижий ташкилотларнинг грантлари.

14. Қонунчиликда тақиқланмаган бошқа манбалар.

II. Жамғарма маблағлари сарфланадиган асосий йўналишлар

15. Компания томонидан, шу жумладан, инвесторлар иштирокида инвестиция лойиҳалари, давлат-хусусий шериклик лойиҳалари, Самарқанд вилоятининг инфратузилмасини ривожлантириш билан боғлиқ истиқболли лойиҳаларни амалга ошириш.

16. Самарқанд вилоятининг алоҳида ҳудудларини ривожлантириш ва реновация дастурлари, мастер режа ва қуриладиган объектларнинг лойиҳа ҳужжатларини ишлаб чиқиш.

17. Иқтисодиёт тармоқлари ва ижтимоий соҳа объектларини қуриш, реконструкция қилиш, мукаммал таъмирлаш ва жиҳозлаш.

18. Ҳудудларни ободонлаштириш ва кўкаламзорлаштириш.

19. Реновация дастурларини амалга ошириш.

20. «Янги Ўзбекистон» массивлари, давлат уй-жой дастурларида кўзда тутилган массивлар, шунингдек, махсус иқтисодий зоналар, кичик саноат зоналари, ёшлар саноат ва тадбиркорлик зоналарини ташқи муҳандислик-коммуникация тармоқлари (ичимлик ва оқова сув, электр энергияси, табиий газ тармоқлари ва автомобиль йўли) билан таъминлаш.

21. Қиймати 200 миллиард сўмдан ошадиган, инвесторнинг ўз маблағлари улуши 25 фоиздан кам бўлмаган, инвестиция дастурларига киритилган лойиҳалар, шунингдек, халқаро ва республика аҳамиятидаги автомобиль йўллари бўйидаги яхлит ер майдонларида ташкил этиладиган йўл бўйи инфратузилма объектларини ташқи муҳандислик-коммуникация тармоқлари билан таъминлаш.

22. Самарқанд вилояти ҳокимлигининг бюджет ссудаларини, тижорат банкларидан жалб қилинган кредитларни, жисмоний ва юридик шахсларга етказилган мулкий ва маънавий зарарларни қоплаш ҳамда шаҳар ва туманларни ижтимоий-иқтисодий ривожлантиришга оид тадбирларни молиялаштириш, шунингдек, ер участкалари давлат органлари ва муассасалари фойдаланишида бўлган ва уларнинг ташаббуси билан электрон онлайн аукционга қўйилган тақдирда — ушбу давлат органлари ва ташкилотларига йўналтирилиши белгиланган маблағларни тўлаб бериш.

23. Бозорлар, савдо комплекслари, бошқа муниципал мулкларни қайта қуриш ва бузиш, уларнинг ўрнида қурилишлар қилиш билан боғлиқ харажатларни қоплаш.

24. Ер участкаларини савдога чиқаришда улар бўйича барча рухсат берувчи ҳужжатларни расмийлаштиришда (архитектура-режалаштириш топшириғи, қурилиш лойиҳалари ва бошқалар) юзага келадиган харажатларни қоплаш.

25. Компания Кузатув кенгаши қарори асосида қонунчилик ҳужжатларига зид бўлмаган Компания фаолияти билан боғлиқ бошқа харажатларни амалга ошириш.

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 7 август,

ПҚ-244-сон

(Қонунчилик маълумотлари миллий базаси, 08.08.2025 й., 07/25/244/0706-сон)

lex.uz

Oʻzbekiston Respublikasi Prezidentining

qarori

ASOSIY MAQSADLI KOʻRSATKICHLARI

ASOSIY YOʻNALISHLARI

USTUVOR YOʻNALISHLARI

Samarqand viloyatini 2030-yilga qadar ijtimoiy-iqtisodiy rivojlantirish chora-tadbirlari toʻgʻrisida

Samarqand viloyatida zamonaviy menejment tamoyillari hamda davlat va tadbirkorlik subyektlari oʻrtasida oʻzaro manfaatli hamkorlik tizimini joriy etish, mavjud resurslardan samarali foydalanish, viloyatning ijtimoiy infratuzilmasi va meʼmoriy qiyofasini yaxshilash, shuningdek, aholi uchun qulay hududlar va yashil zonalarni koʻpaytirish maqsadida qaror qilaman:

I. Maqsadlar

1. Quyidagilar Samarqand viloyatini 2030-yilgacha rivojlantirishning asosiy maqsadli koʻrsatkichlari etib belgilansin:

(a) yalpi hududiy mahsulot hajmini 165 trillion soʻmga yetkazish;

(b) sanoat va xizmatlar sohasida jami 6,8 milliard AQSH dollari ekvivalentidagi loyihalarni amalga oshirish;

(v) sanoat, xizmatlar va turizm eksporti hajmini 3,5 milliard AQSH dollariga yetkazish;

(g) muhandislik-kommunikatsiya tarmoqlarini kengaytirish va toʻliq modernizatsiya qilish;

(d) qoʻshimcha 6,2 ming gektar yashil hududlar tashkil etish.

2. Samarqand viloyati hokimligi (A. Boboyev) bir hafta muddatda maqsadli koʻrsatkichlarni hudud, tuman (shahar) va masʼullar kesimida tasdiqlasin.

II. Viloyat hokimligi va tadbirkorlik subyektlari oʻrtasidagi hamkorlik

3. Samarqand viloyatida davlat va tadbirkorlik subyektlari oʻrtasida oʻzaro manfaatli hamkorlik asosida investitsiya loyihalarini amalga oshirish va viloyat infratuzilmasini yaxshilash boʻyicha quyidagi tartib joriy etilsin:

(a) Samarqand viloyati hokimligi muassisligida davlat va tadbirkorlik subyektlari oʻrtasida koʻprik vazifasini bajaruvchi “Samarqand Invest kompaniyasi” aksiyadorlik jamiyatini (keyingi oʻrinlarda — Kompaniya) tashkil etish;

(b) viloyat infratuzilmasini rivojlantirishga qaratilgan loyihalarni moliyalashtirish, aholining kundalik hayotidagi kommunal va boshqa sohalardagi kechiktirib boʻlmaydigan masalalarni tezkor hal etish maqsadida Samarqand viloyati hokimligi huzuridagi Tadbirkorlik infratuzilmasini rivojlantirish jamgʻarmasini Samarqand viloyatini rivojlantirish jamgʻarmasi (keyingi oʻrinlarda — Jamgʻarma) deb qayta nomlash va Jamgʻarma mablagʻlarini boshqarish huquqini Kompaniyaga berish;

(v) yer uchastkalarini qurilish uchun ruxsat berish va loyiha hujjatlari rasmiylashtirilgan holda tayyor biznes shaklida tadbirkorlik subyektlari bilan oʻzaro manfaatli loyihalarni amalga oshirish uchun auksion savdolariga chiqarish;

(g) 2025-yil 1-noyabrdan boshlab muhandislik-kommunikatsiya tarmoqlari va transport infratuzilmasini barpo qilish xarajatlarining bir qismini shaharsozlik faoliyati obyektini qurish yoki rekonstruksiya qilishni loyihalashtirish uchun arxitektura-rejalashtirish topshirigʻini ishlab chiqish boʻyicha toʻlov qiymatiga kiritish va uni biryoʻla yoki boʻlib-boʻlib toʻlash imkoniyati bilan toʻliq Jamgʻarmaga yoʻnaltirish (bundan budjet tizimi budjetlari hisobidan moliyalashtiriladigan obyektlar, yakka tartibdagi uy-joylar hamda nodavlat maktabgacha va umumiy oʻrta taʼlim tashkilotlari mustasno).

4. Belgilansinki:

(a) Kompaniyaning ustav kapitali Xalq deputatlari Samarqand viloyati kengashi qarori asosida Samarqand viloyati viloyat budjetining qoʻshimcha manbalari va munitsipal mulklar hamda qonunchilikda taqiqlanmagan boshqa mablagʻlar hisobidan bosqichma-bosqich shakllantiriladi;

(b) Kompaniyaning alohida yoʻnalishlar boʻyicha loyiha ofislarini tashkil etish va ularni moliyalashtirish masalalari uning muassisi tomonidan belgilanadi;

(v) Kompaniya va Jamgʻarma mablagʻlarini loyihalar va boshqa maqsadlarga yoʻnaltirish hamda tijorat banklari va xalqaro moliya institutlaridan qarz mablagʻlarini jalb etish (davlat kafolati ostidagi jalb etiladigan qarz mablagʻlari bundan mustasno) Kompaniya muassisi qarori asosida amalga oshiriladi;

(g) Kompaniya va Jamgʻarmaning hisobvaraqlari tijorat banklarida ochiladi;

(d) Jamgʻarma mablagʻlarini Samarqand viloyati hokimligi majburiyatlari boʻyicha ijro hujjatlari va inkasso topshiriqnomasi asosida undirishga yoʻl qoʻyilmaydi;

(j) Oʻzbekiston Respublikasi Prezidentining 2022-yil 21-yanvardagi “Respublika hududlarida tadbirkorlik infratuzilmasini rivojlantirishga doir qoʻshimcha chora-tadbirlar toʻgʻrisida”gi PF-54-son Farmonida belgilangan tadbirlarni Jamgʻarma mablagʻlari hisobidan moliyalashtirish tartibi saqlab qolinadi.

5. Kompaniya faoliyati ochiqligi va uning jamoatchilik oldidagi hisobdorligini taʼminlash maqsadida shunday tartib oʻrnatilsinki, unga muvofiq:

(a) Kompaniya moliyaviy hisobotni moliyaviy hisobotning xalqaro standartlariga muvofiq tuzadi va mazkur hisobot auditning xalqaro standartlariga asosan auditorlik kompaniyalari tomonidan tashqi auditdan oʻtkazilganidan keyin 2027-yildan boshlab har yili 1-avgustga qadar Samarqand viloyati hokimligining rasmiy veb-saytida joylashtiriladi;

(b) Kompaniya tomonidan moliyaviy va nomoliyaviy hisobotlar hamda unga nisbatan tijorat va notijorat maqsadlar 2027-yildan boshlab Samarqand viloyati hokimligining rasmiy veb-saytida joylashtiriladi;

(v) 2028-yilga qadar Kompaniyada ISO, ERP va boshqaruvning boshqa zamonaviy tizimlari joriy qilinib, u tomonidan yetakchi xalqaro agentliklarning kredit reytingi olinishi taʼminlanadi;

(g) Samarqand viloyati hokimining ijtimoiy-iqtisodiy rivojlanishning eng muhim va dolzarb masalalari yuzasidan Xalq deputatlari Samarqand viloyati kengashi oldidagi hisobotida Kompaniya faoliyati natijadorligi va Jamgʻarma mablagʻlaridan samarali foydalanilishi toʻgʻrisidagi maʼlumot aks ettiriladi.

6. Quyidagilar:

(a) Samarqand viloyatini 2030-yilgacha rivojlantirishning asosiy maqsadli koʻrsatkichlari 1-ilovaga muvofiq;

(b) Samarqand viloyatini 2030-yilgacha rivojlantirishning asosiy yoʻnalishlari 2-ilovaga muvofiq;

(v) “Samarqand Invest kompaniyasi” AJ faoliyatining ustuvor yoʻnalishlari 3-ilovaga muvofiq;

(g) Samarqand viloyati hokimligi huzuridagi Samarqand viloyatini rivojlantirish jamgʻarmasi mablagʻlarini shakllantirish manbalari va sarflash yoʻnalishlari 4-ilovaga muvofiq tasdiqlansin.

7. Vazirlar Mahkamasi:

(a) bir hafta muddatda quyidagilarni nazarda tutuvchi tartiblarni tasdiqlasin:

(i) yer uchastkalari negizida “Samarqand Invest kompaniyasi” AJ va tadbirkorlik subyektlari oʻrtasida oʻzaro manfaatli hamkorlik asosida investitsiya loyihalarini amalga oshirish;

(ii) Samarqand viloyati muhandislik-kommunikatsiya tarmoqlari va transport infratuzilmasini barpo qilish xarajatlarining bir qismini shaharsozlik faoliyati obyektini qurish yoki rekonstruksiya qilishni loyihalashtirish uchun arxitektura-rejalashtirish topshirigʻini ishlab chiqish boʻyicha toʻlov qiymatiga kiritish;

(iii) Samarqand viloyatida davlat-xususiy sheriklik shartlarida loyihalarni soddalashtirilgan tartibda amalga oshirish;

(iv) Samarqand viloyatida shaharsozlik renovatsiya loyihalarini amalga oshirish;

(b) ikki oy muddatda Samarqand shahrida qurilishga ruxsat berishga oid hujjatlarni raqamli koʻrinishda rasmiylashtirish tartibini nazarda tutuvchi maʼmuriy reglamentni tasdiqlasin.

8. Samarqand viloyati hokimligi Qurilish va uy-joy kommunal xoʻjaligi vazirligi, Raqamli texnologiyalar vazirligi, Kadastr agentligi bilan birgalikda qurilishga ruxsat berishga oid hujjatlarni rasmiylashtirish jarayonlarini raqamlashtirish maqsadida 2025-yil yakuniga qadar Samarqand shahri bosh rejasining raqamli formatini ishlab chiqsin hamda uning “Shaffof qurilish” milliy axborot tizimiga integratsiya qilinishini taʼminlasin.

III. Qaror ijrosini tashkil etish, taʼminlash va nazorat

9. Samarqand viloyati hokimligi Oʻzbekiston Milliy teleradiokompaniyasi va Oʻzbekiston Milliy axborot agentligi bilan birgalikda ushbu qarorning mazmun-mohiyati ommaviy axborot vositalarida, ijtimoiy tarmoqlar va rasmiy veb-saytlarda keng yoritilishini taʼminlasin.

10. Mazkur qarorning ijrosini samarali tashkil qilishga masʼul va shaxsiy javobgar etib Samarqand viloyati hokimi vazifasini bajaruvchi A.M. Boboyev belgilansin.

11. Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2025-yil 7-avgustdagi PQ-244-son qaroriga 1-ILOVA

Samarqand viloyatini 2030-yilgacha rivojlantirishning

T/r Koʻrsatkichlar nomi Oʻlchov birligi Amalda 2025-yil 2026-yil 2027-yil 2028-yil 2029-yil 2030-yil 1. Yalpi hududiy mahsulot ** trln soʻm 99,9 108,9 118,6 129,1 140,2 152,2 164,5 2. Sanoat ishlab chiqarish hajmi ** trln soʻm 46,2 48,8 55,2 62,8 71,2 80,4 90,1 3. Sanoat va xizmat koʻrsatish sohasidagi loyihalar ** mln dollar 0,56 0,77 0,84 0,98 1,09 1,29 1,40 4. Tovar va xizmatlar eksporti ** mln dollar 716 850 895 1 040 1 150 1 309 1 500 5. Kambagʻallik darajasi foizda 7,5 5,4 4,8 4,4 4,0 3,5 3,0 6. Xorijiy turistlar soni ** mln nafar 2,1 2,55 2,81 3,09 3,39 3,73 4,11 7. Mahalliy sayyohlar soni ** mln nafar 2,4 2,86 3,15 3,46 3,81 4,19 4,61 8. Bolalarning maktabgacha taʼlim bilan qamrovi * foizda 70,6 72,1 72,6 72,9 74,4 78,5 85,0 9. Maktablarda oʻquvchi oʻrinlari soni * ming oʻrin 594,8 602,7 605,7 606,0 608,9 609,2 611,2 10. Oliy taʼlim qamrovi * foizda 46 48,0 50,0 52,0 55,0 58,0 60,0 11. Umumiy foydalanishdagi avtomobil yoʻllari boʻyida manzarali daraxt va buta koʻchatlarini ekish km 39 87 88 90 91 90 71 12. Kanallar boʻyidagi sayilgohlar maydoni * km 2,1 7,8 15,1 16,7 18,8 19,5 21,1 13. Jamoat transportidan foydalanish darajasi * foizda 30 33 38 41 43 45 49 14. Elektrobuslarning jamoat transportidagi ulushi * foizda 10 12 14 16 18 20 25 15. Atmosferani ifloslantiruvchi moddalar miqdorini kamaytirish ** foizda 1,12 1,12 1,12 1,12 1,12 1,12 1,12 16. Piyodalar yoʻlaklari * km 300 300 300 300 300 300 300 17. Uy-joylar qurish ** ming xonadon 11,3 11,8 12,3 12,8 13,3 13,8 14,3 18. Ichki yoʻllarni taʼmirlash * km 785,4 837,9 694,0 546,2 599,2 530,3 632,5 19. Elektr tarmoqlarini yangilash * km 6892 9 841 9 903 1 023 1 089 1 124 1 179 20. Elektr transformatorlarini yangilash * dona 126 215 228 241 256 271 288 21. Elektr ustunlarini yangilash * dona 8200 6 400 6 400 6 400 6 400 6 400 6 400 22. Yangi tortiladigan suv tarmoqlari * km 413,2 635,6 699,2 769,1 846,0 930,6 1023,7 23. Suv tarmogʻini yangilash * km 28,6 95,3 104,9 115,4 126,9 139,6 153,5

Oʻzbekiston Respublikasi Prezidentining 2025-yil 7-avgustdagi PQ-244-son qaroriga 2-ILOVA

Samarqand viloyatini 2030-yilgacha rivojlantirishning

1. Davlat va tadbirkorlik subyektlari oʻrtasida oʻzaro manfaatli loyihalarni amalga oshirish hamda mavjud resurslardan samarali foydalanishni yoʻlga qoʻyish orqali barqaror iqtisodiy oʻsishni taʼminlash.

2. Madaniyat va istirohat bogʻlari hamda xiyobonlar qiyofasini oʻzgartirish, yashil hududlarni keskin koʻpaytirish orqali aholi va mehmonlar hordiq chiqarishi uchun sharoitlar yaratish.

3. Muhandislik-kommunikatsiya tarmoqlarini kengaytirish va modernizatsiya qilish orqali viloyatni kommunal xizmat koʻrsatish muammolaridan holi hududga aylantirish va aholi harakatlanishi uchun yanada qulay yoʻl infratuzilmasini yaratish.

4. Yagona yondashuv asosida qurilishlarni muvofiqlashtirish va qurilish hajmiga mos ravishda ijtimoiy infratuzilmani kengaytirish orqali “aqlli” shaharsozlik tamoyillarini joriy etish.

5. Hokimlik tizimida har bir yoʻnalish boʻyicha loyiha ofislarini tashkil etish hisobiga muhim samaradorlik koʻrsatkichlariga asoslangan zamonaviy menejmentni yoʻlga qoʻyish va inson resurslarini rivojlantirish.

Oʻzbekiston Respublikasi Prezidentining 2025-yil 7-avgustdagi PQ-244-son qaroriga 3-ILOVA

“Samarqand Invest kompaniyasi” AJ faoliyatining

1. Samarqand viloyati, shahar va tumanlar hokimliklari hamda ular tarkibidagi korxona va muassasalarga tegishli mulklar (keyingi oʻrinlarda — munitsipal mulklar) holatini tahlil qilish, mavjud resurs va imkoniyatlarni aniqlash va ulardan samarali foydalanish boʻyicha takliflar ishlab chiqish.

2. Kompaniya boshqaruviga berilgan munitsipal mulklarni boshqarish, ularning negizida davlat sherigi sifatida davlat-xususiy sheriklik loyihalarini amalga oshirish hamda ularni tadbirkorlik subyektlariga ijara va boshqaruvga berish, ularning monitoringini yuritish va samaradorligini baholab borish.

3. Munitsipal mulklarning investitsion jozibadorligini oshirish, kompaniya boshqaruviga berilgan munitsipal mulklar negizida investorlar bilan hamkorlikda investitsiya loyihalarini amalga oshirish.

4. Kompaniya boshqaruviga berilgan bozor va savdo komplekslari hamda boshqa munitsipal mulklarni zamonaviy talablarga moslashtirish, yaroqsiz holga kelganlarini buzib, ularning oʻrnida yangi binolar qurish va belgilangan tartibda sotish yoki ijaraga berish.

5. Tadbirkorlik subyektlarining Samarqand viloyati infratuzilmasini rivojlantirish bilan bogʻliq istiqbolli loyihalarini ularning moliyaviy jozibadorligi va samaradorligidan kelib chiqib moliyalashtirishda ishtirok etish.

6. Samarqand viloyatining alohida hududlarini rivojlantirish va renovatsiya dasturlari, master reja va quriladigan obyektlarning loyiha hujjatlarini ishlab chiqish jarayonlarini moliyalashtirish.

7. Hududlarni kompleks ijtimoiy-iqtisodiy rivojlantirish maqsadida, avariya holatidagi yoki yaroqsiz holga kelib qolgan turar va noturar joylarni zamonaviy talablar asosida qayta qurish, kapital taʼmirlash, rekonstruksiya qilishga oid tadbirlarni amalga oshirish.

8. Samarqand viloyatidagi qurilish va rekonstruksiya qilish ishlarini hamda infratuzilma tarmoqlariga ulanish jarayonlarini muvofiqlashtirish.

9. Boʻsh yer uchastkalarini “Samarqand Invest kompaniyasi” AJ (keyingi oʻrinlarda — Kompaniya) ustav fondiga kiritish va tadbirkor bilan loyihani amalga oshirish huquqini onlayn auksion savdolariga qoʻyish.

10. Kompaniya boshqaruviga berilgan munitsipal mulklarni hamda ustav fondiga kiritilgan yer uchastkalari negizida loyiha qiymati 1 million AQSH dollarigacha boʻlgan ekvivalentdagi davlat-xususiy sheriklik loyihalarini amalga oshirish.

Oʻzbekiston Respublikasi Prezidentining 2025-yil 7-avgustdagi PQ-244-son qaroriga 4-ILOVA

Samarqand viloyati hokimligi huzuridagi Samarqand viloyatini rivojlantirish jamgʻarmasi mablagʻlarini shakllantirish manbalari va sarflash yoʻnalishlari

I. Jamgʻarma mablagʻlarini shakllantirish manbalari

1. Jamgʻarma mablagʻlari hisobidan moliyalashtirilgan loyihalardan olingan daromadlar, shu jumladan, “Samarqand Invest kompaniyasi” aksiyadorlik jamiyati (keyingi oʻrinlarda — Kompaniya) tomonidan yangidan yaratilgan aktivlarni sotishdan tushgan tushumlar.

2. Kompaniya davlat sherigi sifatida ishtirok etgan davlat-xususiy sheriklik loyihalaridan olingan daromadlar.

3. Samarqand viloyatidagi qishloq xoʻjaligiga moʻljallanmagan yer uchastkalarini xususiylashtirishdan hamda yer uchastkalarini ijaraga olish huquqini elektron onlayn auksion orqali sotishdan tushadigan mablagʻlarning Vazirlar Mahkamasi tomonidan belgilangan xarajatlar chegirib qolinganidan soʻng qolgan qismining 100 foizi va yer uchastkasi joylashgan tuman budjetiga yoʻnaltiriladigan qismi, bundan maxsus iqtisodiy zonalar, yoshlar kichik sanoat va tadbirkorlik zonalaridagi yer uchastkalari mustasno.

4. Qishloq xoʻjaligiga moʻljallangan yer uchastkalarini ijaraga berish, qishloq xoʻjaligi yerlarini yer ijarasi huquqi asosida auksion orqali sotishdan tushadigan tushumlar, qoʻshimcha toʻlovlar hamda ijara toʻlovlarining Samarqand viloyati mahalliy budjetiga yoʻnaltiriladigan qismining 100 foizi.

5. Samarqand viloyatida maxsus avtomatlashtirilgan foto va videofiksatsiya texnika vositalari qayd etgan yoʻl harakati qoidalari buzilganligi uchun jarimalarning Samarqand viloyati mahalliy budjetiga yoʻnaltiriladigan qismining 100 foizi.

6. Samarqand viloyatida tashqi reklama va axborot obyektini (konstruksiyasini) joylashtirish uchun qonunchilikda belgilangan toʻlovning Samarqand viloyati mahalliy budjetiga yoʻnaltiriladigan qismining 100 foizi.

7. Samarqand viloyatida muhandislik-kommunikatsiya tarmoqlari va transport infratuzilmasini yaratish xarajatlarining bir qismini qoplash maqsadida shaharsozlik faoliyati obyektini qurish yoki rekonstruksiya qilishni loyihalashtirish uchun arxitektura-rejalashtirish topshirigʻini ishlab chiqish qiymatiga kiritilgan toʻlovning 100 foizi.

8. Hududi 10 ming kvadrat metrgacha boʻlgan davlat koʻchmas mulk obyektlari, shuningdek, viloyat, tuman (shahar) hokimlarining qarorlari asosida sotiladigan davlat koʻchmas mulk obyektlarini sotishdan tushadigan mablagʻlarning viloyat mahalliy budjetiga hamda obyekt joylashgan tuman (shahar) mahalliy budjetiga tushgan qismining 100 foizi.

9. Hududi 10 ming kvadrat metrdan ortiq boʻlgan davlat koʻchmas mulk obyektlarini sotishdan tushgan tushumlarning respublika budjetiga yoʻnaltiriladigan qismining 50 foizi.

10. Yakka tartibda uy-joy qurish va uy-joyni obodonlashtirish uchun yer uchastkalarini mulk huquqi asosida elektron onlayn auksion orqali realizatsiya qilish (sotish)dan tushadigan mablagʻlarning Vazirlar Mahkamasi tomonidan belgilangan xarajatlar chegirib qolinganidan soʻng qolgan qismi va yer uchastkasi joylashgan tuman budjetiga yoʻnaltiriladigan qismining 100 foizi.

11. Vaqtincha boʻsh turgan mablagʻlarni tijorat banklari depozitlariga joylashtirish hisobidan olingan daromadlar.

12. Samarqand viloyatining viloyat budjeti daromadlarining prognozdan oshirib bajarilgan qismidan ajratmalar.

13. Jismoniy va yuridik shaxslarning homiylik xayriyalari, xalqaro moliya institutlari va xorijiy tashkilotlarning grantlari.

14. Qonunchilikda taqiqlanmagan boshqa manbalar.

II. Jamgʻarma mablagʻlari sarflanadigan asosiy yoʻnalishlar

15. Kompaniya tomonidan, shu jumladan, investorlar ishtirokida investitsiya loyihalari, davlat-xususiy sheriklik loyihalari, Samarqand viloyatining infratuzilmasini rivojlantirish bilan bogʻliq istiqbolli loyihalarni amalga oshirish.

16. Samarqand viloyatining alohida hududlarini rivojlantirish va renovatsiya dasturlari, master reja va quriladigan obyektlarning loyiha hujjatlarini ishlab chiqish.

17. Iqtisodiyot tarmoqlari va ijtimoiy soha obyektlarini qurish, rekonstruksiya qilish, mukammal taʼmirlash va jihozlash.

18. Hududlarni obodonlashtirish va koʻkalamzorlashtirish.

19. Renovatsiya dasturlarini amalga oshirish.

20. “Yangi Oʻzbekiston” massivlari, davlat uy-joy dasturlarida koʻzda tutilgan massivlar, shuningdek, maxsus iqtisodiy zonalar, kichik sanoat zonalari, yoshlar sanoat va tadbirkorlik zonalarini tashqi muhandislik-kommunikatsiya tarmoqlari (ichimlik va oqova suv, elektr energiyasi, tabiiy gaz tarmoqlari va avtomobil yoʻli) bilan taʼminlash.

21. Qiymati 200 milliard soʻmdan oshadigan, investorning oʻz mablagʻlari ulushi 25 foizdan kam boʻlmagan, investitsiya dasturlariga kiritilgan loyihalar, shuningdek, xalqaro va respublika ahamiyatidagi avtomobil yoʻllari boʻyidagi yaxlit yer maydonlarida tashkil etiladigan yoʻl boʻyi infratuzilma obyektlarini tashqi muhandislik-kommunikatsiya tarmoqlari bilan taʼminlash.

22. Samarqand viloyati hokimligining budjet ssudalarini, tijorat banklaridan jalb qilingan kreditlarni, jismoniy va yuridik shaxslarga yetkazilgan mulkiy va maʼnaviy zararlarni qoplash hamda shahar va tumanlarni ijtimoiy-iqtisodiy rivojlantirishga oid tadbirlarni moliyalashtirish, shuningdek, yer uchastkalari davlat organlari va muassasalari foydalanishida boʻlgan va ularning tashabbusi bilan elektron onlayn auksionga qoʻyilgan taqdirda — ushbu davlat organlari va tashkilotlariga yoʻnaltirilishi belgilangan mablagʻlarni toʻlab berish.

23. Bozorlar, savdo komplekslari, boshqa munitsipal mulklarni qayta qurish va buzish, ularning oʻrnida qurilishlar qilish bilan bogʻliq xarajatlarni qoplash.

24. Yer uchastkalarini savdoga chiqarishda ular boʻyicha barcha ruxsat beruvchi hujjatlarni rasmiylashtirishda (arxitektura-rejalashtirish topshirigʻi, qurilish loyihalari va boshqalar) yuzaga keladigan xarajatlarni qoplash.

25. Kompaniya Kuzatuv kengashi qarori asosida qonunchilik hujjatlariga zid boʻlmagan Kompaniya faoliyati bilan bogʻliq boshqa xarajatlarni amalga oshirish.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 7-avgust,

PQ-244-son

(Qonunchilik maʼlumotlari milliy bazasi, 08.08.2025-y., 07/25/244/0706-son)

lex.uz

Президента Республики Узбекистан

Постановление

О мерах по социально-экономическому развитию Самаркандской области до 2030 года

В целях внедрения в Самаркандской области современных принципов менеджмента и системы взаимовыгодного партнерства между государством и субъектами предпринимательства, эффективного использования имеющихся ресурсов, улучшения социальной инфраструктуры и архитектурного облика региона, а также увеличения доступных локаций и зеленых зон для населения постановляю:

I. Цели

1. Определить основными целевыми показателями развития Самаркандской области до 2030 года:

(а) доведение объема валового регионального продукта до 165 триллионов сумов;

(б) реализацию проектов в сфере промышленности и услуг общей стоимостью в эквиваленте 6,8 миллиарда долларов США;

(в) доведение объема экспорта промышленности, услуг и туризма до 3,5 миллиарда долларов США;

(г) расширение и полную модернизацию инженерно-коммуникационных сетей;

(д) создание дополнительно 6,2 тысячи гектаров зеленых зон.

2. Хокимияту Самаркандской области (А. Бобоев) в недельный срок утвердить целевые показатели в разрезе региона, районов (городов) и ответственных лиц.

II. Партнерство между хокимиятом области и субъектами предпринимательства

3. Внедрить в Самаркандской области порядок реализации инвестиционных проектов и улучшения инфраструктуры региона на основе взаимовыгодного партнерства между государством и субъектами предпринимательства, предусматривающий:

(а) образование Акционерного общества «Компания «Самарканд Инвест» при учредительстве хокимията Самаркандской области (далее — Компания), выполняющего задачу «моста» между государством и субъектами предпринимательства;

(б) переименование Фонда развития предпринимательской инфраструктуры при хокимияте Самаркандской области в Фонд развития Самаркандской области (далее — Фонд) в целях финансирования проектов, направленных на развитие инфраструктуры области, оперативного решения неотложных вопросов повседневной жизни населения в коммунальной и иных сферах, а также передачу Компании права на управление средствами Фонда;

(в) выставление на аукционные торги земельных участков в форме готового бизнеса для реализации взаимовыгодных проектов с субъектами предпринимательства с оформлением разрешения на строительство и проектной документации;

(г) включение с 1 ноября 2025 года части расходов на создание инженерно-коммуникационных сетей и транспортной инфраструктуры в стоимость оплаты разработки архитектурно-планировочного задания на проектирование строительства или реконструкции объекта градостроительной деятельности, а также направление указанной части расходов в полном размере в Фонд единовременно либо с возможностью оплаты по частям (за исключением объектов, финансируемых за счет бюджетов бюджетной системы, индивидуальных жилых домов, а также негосударственных дошкольных и общих средних образовательных организаций).

4. Установить, что:

(а) уставный капитал Компании формируется поэтапно за счет дополнительных источников областного бюджета и муниципального имущества Самаркандской области на основании решения Кенгаша народных депутатов Самаркандской области, а также иных средств, не запрещенных законодательством;

(б) вопросы создания и финансирования проектных офисов Компании по отдельным направлениям определяются ее учредителем;

(в) направление средств Компании и Фонда на проекты и прочие цели, а также привлечение заемных средств коммерческих банков и международных финансовых институтов (за исключением заемных средств, привлекаемых под государственную гарантию) осуществляются по решению учредителя Компании;

(г) расчетные счета Компании и Фонда открываются в коммерческих банках;

(д) взыскание средств Фонда на основании исполнительных документов и инкассовых поручений по обязательствам хокимията Самаркандской области не допускается;

(ж) порядок финансирования мероприятий, определенных в Указе Президента Республики Узбекистан от 21 января 2022 года № УП-54 «О дополнительных мерах по развитию инфраструктуры предпринимательства в регионах республики», за счет средств Фонда сохраняется.

5. В целях обеспечения открытости деятельности Компании и ее подотчетности перед общественностью установить порядок, согласно которому:

(а) Компания составляет финансовый отчет в соответствии с международными стандартами финансовой отчетности и начиная с 2027 года ежегодно до 1 августа данный отчет размещается на официальном веб-сайте хокимията Самаркандской области после проведения внешнего аудита аудиторскими компаниями на основе международных стандартов аудита;

(б) Компания с 2027 года размещает финансовые и нефинансовые отчеты, а также коммерческие и некоммерческие цели в отношении нее на официальном веб-сайте хокимията Самаркандской области;

(в) до 2028 года в Компании будут внедрены ISO, ERP и другие современные системы управления, а также с ее стороны будет обеспечено получение кредитных рейтингов ведущих международных агентств;

(г) в отчете хокима Самаркандской области перед Кенгашем народных депутатов Самаркандской области о наиболее важных и актуальных вопросах социально-экономического развития отображается информация о результативности деятельности Компании и эффективном использовании средств Фонда.

6. Утвердить:

(а) Основные целевые показатели развития Самаркандской области до 2030 года согласно приложению № 1 * ;

(б) Основные направления развития Самаркандской области до 2030 года согласно приложению № 2 * ;

(в) Приоритетные направления деятельности АО «Компания «Самарканд Инвест» согласно приложению № 3 * ;

(г) Источники формирования и направления расходования средств Фонда развития Самаркандской области при хокимияте Самаркандской области согласно приложению № 4 * .

7. Кабинету Министров:

(а) в недельный срок утвердить следующие порядки, предусматривающие:

(i) реализацию инвестиционных проектов на основе взаимовыгодного партнерства между АО «Компания «Самарканд Инвест» и субъектами предпринимательства на базе земельных участков;

(ii) внесение части расходов на создание инженерно-коммуникационных сетей и транспортной инфраструктуры Самаркандской области в стоимость оплаты за разработку архитектурно-планировочного задания на проектирование строительства или реконструкции объекта градостроительной деятельности;

(iii) реализацию проектов в Самаркандской области в упрощенном порядке на условиях государственно-частного партнерства;

(iv) осуществление в Самаркандской области градостроительных проектов реновации;

(б) в двухмесячный срок утвердить административный регламент, предусматривающий порядок цифрового оформления разрешительной документации на строительство в городе Самарканде.

8. Хокимияту Самаркандской области совместно с Министерством строительства и жилищно-коммунального хозяйства, Министерством цифровых технологий, Агентством по кадастру в целях цифровизации процессов оформления разрешительной документации на строительство разработать до конца 2025 года цифровой формат генерального плана города Самарканда и обеспечить его интеграцию с национальной информационной системой «Шаффоф курилиш».

III. Организация, обеспечение и контроль исполнения постановления

9. Хокимияту Самаркандской области совместно с Национальной телерадиокомпанией Узбекистана и Национальным информационным агентством Узбекистана обеспечить широкое освещение сути и содержания настоящего постановления в средствах массовой информации, социальных сетях и на официальных веб-сайтах.

10. Возложить на исполняющего обязанности хокима Самаркандской области А.М. Бобоева персональную ответственность за эффективную организацию исполнения настоящего постановления.

11. Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

7 августа 2025 г.,

№ ПП-244

(Национальная база данных законодательства, 08.08.2025 г., № 07/25/244/0706)

lex.uz