📅 2025-yil 7-avgust · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 7 август · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 7 августа 2025 г. · Указы Президента
Официальный текст. Официальный документ. Редакционные примечания не включены.
📅 7 August 2025 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
МИҚДОРИ
Қорақалпоғистон Республикаси Вазирлар Кенгаши, вилоятлар ва Тошкент шаҳри ҳамда туман (шаҳар) ҳокимликлари ходимларининг меҳнатига ҳақ тўлаш ва уларни моддий рағбатлантириш тизимини такомиллаштириш чора-тадбирлари тўғрисида
Маҳаллий ижро этувчи ҳокимият органлари ходимларининг фаолияти натижадорлигини ошириш, энг муҳим самарадорлик кўрсаткичларига эришиш ҳамда касбий даражасини ривожлантириш, шунингдек, ходимларни кафолатланган моддий рағбатлантириш ва ижтимоий ҳимоя қилишнинг янги тизимини жорий этиш мақсадида қарор қиламан:
1. Ўзбекистон Республикасининг «Давлат фуқаролик хизмати тўғрисида»ги Қонунига мувофиқ халқаро талаблар ва ёндашувлар асосида ишлаб чиқилган қуйидагиларни назарда тутувчи Қорақалпоғистон Республикаси Вазирлар Кенгаши, вилоятлар ва Тошкент шаҳри ҳамда туман (шаҳар) ҳокимликлари (кейинги ўринларда — маҳаллий ижро этувчи ҳокимият органлари) бошқарув ходимларининг меҳнатига ҳақ тўлашнинг янги тизими жорий этилсин:
(а) маҳаллий ижро этувчи ҳокимият органлари ходимларининг лавозим маошини ягона тамойил асосида меҳнатга ҳақ тўлашнинг янгиланган тариф сеткаси ҳамда кўп йиллик хизмати ва лавозимини инобатга олган ҳолда табақалашган тариф коэффициентлари асосида шакллантириш;
(б) рағбатлантириш тўловларини бошқарув ходимлари томонидан эришилган энг муҳим самарадорлик кўрсаткичлари (KPI) асосида ҳар ойлик устамалар, малака (мартаба) даражалари учун ва ҳисобот даври якунлари бўйича рағбатлантириш (кейинги ўринларда — бонус) тўловлари шаклида тўлаш;
(в) маҳаллий ижро этувчи ҳокимият органлари бошқарув ходимларининг меҳнатига ҳақ тўлаш фақат мазкур Фармонда белгиланган шартларда амалга оширилиб, Фармонда кўзда тутилмаган қўшимча устамалар, мукофотлар ва бошқа тўловлар (давлат мукофотлари учун тўловлар бундан мустасно) тўлашни тақиқлаш.
2. Шундай тартиб ўрнатилсинки, унга мувофиқ 2025 йил 1 августдан бошлаб, маҳаллий ижро этувчи ҳокимият органларида меҳнатга ҳақ тўлаш жамғармаси қуйидагиларни ўз ичига олади:
(а) лавозим маоши;
(б) энг муҳим самарадорлик кўрсаткичларига (KPI) эришганлиги учун лавозим маошига ҳар ойлик устамалар;
(в) малака (мартаба) даражалари учун тўловлар;
(г) мукофотлаш ҳамда бонус тўловлари.
3. Белгилансинки, энг муҳим самарадорлик кўрсаткичларига (KPI) эришилганлиги учун лавозим маошига ҳар ойлик устамалар ва бонус тўловларини тўлаш билан боғлиқ харажатлар иқтисодий таснифи бўйича ҳар бири учун алоҳида харажат турида режалаштирилади.
4. Қуйидагилар:
(а) Маҳаллий ижро этувчи ҳокимият органлари ходимларининг меҳнатига ҳақ тўлаш тариф сеткаси разрядлари 1-иловага мувофиқ;
(б) Маҳаллий ижро этувчи ҳокимият органлари ходимларининг меҳнатига ҳақ тўлаш тариф коэффициентлари 2-иловага мувофиқ;
(в) Маҳаллий ижро этувчи ҳокимият органлари ходимларига фаолиятининг энг муҳим самарадорлик кўрсаткичларига (KPI) эришганлиги учун бериладиган лавозим маошига ҳар ойлик устамалар миқдори 3-иловага мувофиқ;
(г) Маҳаллий ижро этувчи ҳокимият органлари ходимларига давлат фуқаролик хизмати малака даражалари учун лавозим маошига қўшимча тўловлар миқдори 4-иловага мувофиқ;
(д) Маҳаллий ижро этувчи ҳокимият органлари раҳбарлари ўринбосарлари фаолиятининг энг муҳим самарадорлик кўрсаткичларини (KPI) тасдиқлашда фойдаланиладиган кўрсаткичларнинг намунавий рўйхати 5-иловага мувофиқ тасдиқлансин.
5. Белгилансинки:
(а) маҳаллий ижро этувчи ҳокимият органлари ходимлари фаолиятининг энг муҳим самарадорлик кўрсаткичларига (KPI) эришганлиги учун харажатлар сметасида штатлар жадвалидаги бир йиллик лавозим маошининг 10 фоизидан ошмаган миқдорида маблағ режалаштирилади, бунда ҳақиқий харажатлардан келиб чиқиб маблағлар етмаган тақдирда, тасдиқланган харажатлар параметрлари доирасида харажатлар сметасига ўзгартириш киритилади;
(б) бонус тўловлари учун харажатлар сметасида бир йил учун штатлар жадвалидаги бир ойлик лавозим маошидан ошмаган миқдорида маблағлар режалаштирилади.
(в) озодликдан маҳрум этиш жойларидан озод қилинган шахсларга бир марталик нафақа пулини тўлаш «Инсон» ижтимоий хизматлар марказлари орқали йўлга қўйилганлигини инобатга олиб, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳамда туман (шаҳар) ҳокимликлари ҳузуридаги озодликдан маҳрум этиш жойларидан озод қилинган шахсларни реабилитация қилиш ва ижтимоий мослаштириш марказлари фаолияти 2025 йил 1 ноябрдан тугатилади.
7. Устама ва мукофот миқдорлари:
(а) маҳаллий ижро этувчи ҳокимият органи ходимлари учун унинг биринчи раҳбари томонидан;
(б) туман (шаҳар) ҳокимлари учун Қорақалпоғистон Республикаси Жўқорғи Кенгеси Раиси, вилоятлар ва Тошкент шаҳри ҳокимлари томонидан;
(в) Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари учун Ўзбекистон Республикаси Бош вазири томонидан белгиланади.
8. Белгилансинки, маҳаллий ижро этувчи ҳокимият органлари раҳбарларининг фаолияти самарадорлиги натижаси уларнинг ўринбосарлари фаолияти самарадорлигининг ўртача натижасидан шаклланади. Бунда:
(а) маҳаллий ижро этувчи ҳокимият органлари раҳбарлари фаолиятининг самарадорлик кўрсаткичлари қонунчилик ҳужжатларида белгиланган тартибда тасдиқланади;
(б) Вазирлар Маҳкамасига мазкур Фармоннинг 5-иловасида келтирилган маҳаллий ижро этувчи ҳокимият органлари раҳбарлари ўринбосарлари фаолиятининг энг муҳим самарадорлик кўрсаткичларини (KPI) тасдиқлашда фойдаланиладиган кўрсаткичларнинг намунавий рўйхатига ўзгартириш ва қўшимчалар киритиш ваколати берилади.
9. Рақамли технологиялар вазирлиги Ўзбекистон Республикаси Президенти ҳузуридаги Бошқарув самарадорлиги агентлиги, Миллий статистика қўмитаси, манфаатдор вазирлик ва идоралар билан биргаликда бир ой муддатда энг муҳим самарадорлик кўрсаткичларини (KPI) инсон омилини камайтирган ҳолда тегишли ахборот тизимлари билан интеграция қилиб, тўлиқ рақамлаштириш чораларини кўрсин.
10. Ўзбекистон Республикаси Президенти ҳузуридаги Бошқарув самарадорлиги агентлиги Иқтисодиёт ва молия вазирлиги билан биргаликда бир ой муддатда маҳаллий ижро этувчи ҳокимият органлари ходимлари фаолиятининг самарадорлигини баҳолашнинг намунавий тартиби (кейинги ўринларда — Намунавий тартиб)ни тасдиқласин.
11. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари икки ой муддатда Ўзбекистон Республикаси Президенти ҳузуридаги Бошқарув самарадорлиги агентлиги ҳамда Иқтисодиёт ва молия вазирлиги билан келишган ҳолда Намунавий тартиб асосида ўзларининг маҳаллий ижро этувчи ҳокимият органлари ходимлари фаолиятининг самарадорлигини баҳолаш тартибини тасдиқласин.
12. Шундай тартиб ўрнатилсинки, унга мувофиқ Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимларига Ўзбекистон Республикаси Президенти ҳузуридаги Бошқарув самарадорлиги агентлиги билан келишилган ҳолда маҳаллий ижро этувчи ҳокимият органлари ходимлари фаолиятининг самарадорлигини баҳолаш тартибига ўзгартириш ва қўшимчалар киритиш ҳуқуқи берилади.
13. Иқтисодиёт ва молия вазирлиги ушбу жорий этилаётган янги тизимни жойларда ўрганиб, натижаларининг таҳлили асосида уни янада такомиллаштириш юзасидан 2025 йил якунига қадар Ўзбекистон Республикаси Президенти Администрациясига таклиф киритсин.
14. Мазкур Фармон ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров, Ўзбекистон Республикаси Президенти ҳузуридаги Бошқарув самарадорлиги агентлиги директори вазифасини бажарувчи У.Ш. Хусаинов, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари белгилансин.
15. Фармоннинг ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 7 августдаги ПФ-129-сон Фармонига 1-ИЛОВА
Маҳаллий ижро этувчи ҳокимият органлари ходимларининг меҳнатига ҳақ тўлаш тариф сеткаси разрядлари
Т/р Лавозимлар номи Разряд Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари 1. Вазирлар Кенгаши Раиси, ҳоким 11 2. Раиснинг (ҳокимнинг) биринчи ўринбосари 10 3. Раис (ҳоким) ўринбосари 9 4. Раис (ҳоким) маслаҳатчиси, маҳаллий саноатни ривожлантириш масалалари бўйича ёрдамчиси, девон раҳбари * 8 5. Ташкилий-кадрлар гуруҳи раҳбари, ахборот-таҳлил гуруҳи раҳбари, ижро интизоми назорати бўлими бошлиғи, котибият мудири, девон раҳбари ўринбосари * 7 6. Бошқарма бошлиғи, бўлим бошлиғи, бош ҳисобчи, лойиҳа офиси бошлиғи 6 7. Шўъба мудири, гуруҳ раҳбари, юридик хизмат бошлиғи, бошқарма бошлиғи ўринбосари * , Раис (ҳоким) ёрдамчиси, бўлим бошлиғи ўринбосари * 5 8. Бош мутахассис (бош юрисконсульт, лойиҳа менежери) 4 9. Етакчи мутахассис (етакчи юрисконсульт, энергия менежери) 3 10. Мутахассис (юрисконсульт) 2 Туман ва шаҳар ҳокимликлари 11. Ҳоким 10 17. Ҳокимнинг биринчи ўринбосари 9 18. Ҳоким ўринбосари 8 19. Ҳоким маслаҳатчиси, ҳокимнинг чегара масалалари бўйича ёрдамчиси 7 20. Ижро аппарати раҳбари, ташкилий-кадрлар гуруҳи раҳбари, котибият мудири 6 21. Бўлим бошлиғи, бош ҳисобчи 5 22. Гуруҳ раҳбари, шўъба (девонхона) мудири, ҳоким ёрдамчиси 4 23. Бош мутахассис (бош юрисконсульт, лойиҳа менежери) 3 24. Етакчи мутахассис (етакчи юрисконсульт) 2 25. Мутахассис (юрисконсульт) 1
Ўзбекистон Республикаси Президентининг 2025 йил 7 августдаги ПФ-129-сон Фармонига 2-ИЛОВА
Маҳаллий ижро этувчи ҳокимият органлари ходимларининг меҳнатига ҳақ тўлаш тариф коэффициентлари (меҳнатга ҳақ тўлашнинг энг кам миқдорига нисбатан)
Разряд Поғона * 1 2 3 4 5 6 3 йилгача 3 — 6 йилгача 6 — 10 йилгача 10 — 15 йилгача 15 — 20 йилгача 20 йилдан юқори 1. 4,5 5,0 5,4 6,0 6,6 7,2 2. 5,1 5,6 6,2 6,8 7,5 8,3 3. 5,8 6,4 7,1 7,8 8,6 9,4 4. 6,6 7,3 8,0 8,8 9,7 10,6 5. 7,5 8,2 9,0 9,9 10,9 12,0 6. 8,2 9,0 9,9 10,9 12,0 13,2 7. 8,9 9,8 10,7 11,8 13,0 14,3 8. 9,5 10,4 11,5 12,6 13,9 15,3 9. 10,0 11,0 12,1 13,3 14,6 16,1 10. 11,6 12,7 14,0 15,4 16,9 18,6 11. 16,2 17,8 19,6 21,5 23,7 26,1
Ўзбекистон Республикаси Президентининг 2025 йил 7 августдаги ПФ-129-сон Фармонига 3-ИЛОВА
Маҳаллий ижро этувчи ҳокимият органлари ходимларига фаолиятининг энг муҳим самарадорлик кўрсаткичларига (KPI) эришганлиги учун бериладиган лавозим маошига ҳар ойлик устамалар миқдори
Рейтинг баҳолари Баҳоланган натижа, фоизда Ҳар ойлик устамалар миқдори * (лавозим маошига нисбатан) А 100 ва ундан юқори 15 фоизгача B 85 — 100 гача 10 фоизгача C 70 — 85 гача 5 фоизгача D 70 дан паст
Ўзбекистон Республикаси Президентининг 2025 йил 7 августдаги ПФ-129-сон Фармонига 4-ИЛОВА
Маҳаллий ижро этувчи ҳокимият органлари ходимларига давлат фуқаролик хизмати малака даражалари учун лавозим маошига қўшимча тўловлар
Т/р Малака даражалари номи Қўшимча тўловлар миқдори лавозим маошига нисбатан (фоизда) 1. 2-даражали маслаҳатчи 40 2. 3-даражали маслаҳатчи 35 3. 1-даражали хизматчи 30 4. 2-даражали хизматчи 25 5. 3-даражали хизматчи 20 6. 4-даражали хизматчи 15 7. 5-даражали хизматчи 10 8. 6-даражали хизматчи 5
Ўзбекистон Республикаси Президентининг 2025 йил 7 августдаги ПФ-129-сон Фармонига 5-ИЛОВА
Маҳаллий ижро этувчи ҳокимият органлари раҳбарлари ўринбосарлари фаолиятининг энг муҳим самарадорлик кўрсаткичларини (KPI) тасдиқлашда фойдаланиладиган кўрсаткичларнинг намунавий рўйхати
I. Ҳудудни комплекс ривожлантириш
1. Ялпи ҳудудий маҳсулот ҳажмининг ўсиш суръати (вилоят учун) * .
2. Саноат маҳсулотлари ишлаб чиқариш ҳажмининг ўсиш суръати (тармоқ ва соҳалар кесимида) * .
3. Бозор хизматлари ҳажмининг ўсиш суръати (тармоқ ва соҳалар кесимида) * .
4. Қишлоқ хўжалиги ҳажмининг ўсиш суръати (шаҳарлар бундан мустасно) * .
5. Қурилиш ишлари ҳажмининг ўсиш суръати * .
6. Иқтисодий ўсишга туртки берувчи драйвер лойиҳаларни амалга ошириш (Зарбдор тажрибаси) .
7. Мастер режа ишлаб чиқилган ҳудудларда лойиҳаларни амалга ошириш.
8. Ҳудудга йўналтирилган молиявий ресурсларни ўзлаштириш (драйвер лойиҳа, оғир тоифадаги маҳалла, «Ташаббусли бюджет», «Агростар» ва ҳ.к.) .
9. Истеъмол нархлари индекси.
10. Бюджет тушумлари прогнози ижроси (солиқ базасини кенгайтириш) * .
11. Рақамлаштирилганлик даражаси.
II. Тадбиркорликни ривожлантириш, аҳоли бандлигини таъминлаш ва камбағалликни қисқартириш
12. Тадбиркорлик субъектлари фаолияти давомийлиги (яшовчанлик) даражасининг ўзгариши (1 йилдан, 3 йилдан, 5 йилдан, 10 йилдан ортиқ) * .
13. «Чемпион» тадбиркорлар фаолиятини қўллаб-қувватлаш (мисол учун, фаолиятини трансформация қилиш, энергия самарадорлик, яшил тамойиллар (ESG), ҳисоботларни халқаро стандартларга ўтказиш (IFRS), маркетинг, рақамлаштириш каби йўналишлар учун консультант ажратиш).
14. Банк мижозлари билан ишлаб, янги иш ўринлари яратиш (Уйчи тажрибаси).
15. Ишсизлик даражасини пасайтириш, аҳоли бандлигини таъминлаш дастурини амалга ошириш (солиқ базасидан ўтган солиқ тўловчилар) * .
16. Маҳаллаларнинг ихтисослашув даражасини ошириш.
17. «Маҳалла еттилиги» ва аҳоли ўртасида тузилган уч томонлама шартнома шартлари бажарилишини таъминлаш.
18. Аҳоли томорқаси ва деҳқон хўжаликлари ер майдонларидан самарали фойдаланиш («Бир контур — бир маҳсулот», «Бир маҳалла — бир маҳсулот» тамойили асосида лойиҳаларни амалга ошириш).
19. Норасмий иш ўринларини легаллаштириш (банд аҳолига нисбатан улуши) .
20. Камбағаллик даражасини пасайтириш, аҳолини камбағалликдан чиқариш * .
21. Ижтимоий реестрдаги аҳоли улушининг ўзгариши.
22. Давлат дастурлари доирасида аҳоли ва тадбиркорлик субъектларига кредитлар ажратиш («Кичик бизнесни узлуксиз қўллаб-қувватлаш», Оилавий тадбиркорликни ривожлантириш, «Бизнесга биринчи қадам» ва ҳ.к.).
23. Тадбиркорлик ва шаҳарсозлик фаолиятини ташкил этиш учун мулк ҳуқуқи асосида ер участкаларини электрон онлайн аукцион савдоларига чиқариш.
III. Саноатни ривожлантириш
24. Саноат корхоналарида меҳнат унумдорлигининг (саноат ишлаб чиқариш ҳажмининг саноатда банд бўлган аҳолига нисбатан) ўзгариши.
25. Саноат корхоналари солиқ тушумларининг ўтган йилнинг мос даврига нисбатан ўзгариши.
26. Саноат зоналарида ишлаб чиқариш ҳажми (жами саноатга нисбатан улушининг ўзгариши) .
27. Маҳаллаларда микросаноат марказларини ташкил этиш (Ғиждувон тажрибаси).
IV. Хизмат кўрсатиш
28. Туризмга ихтисослашган ҳудудларда маҳаллий ва хорижий турист (сайёҳ)лар оқимини ошириш.
29. Жойлаштириш воситалари, жумладан, оилавий меҳмон уйлари, хостел, модулли меҳмонхона, капсула ва ўтовлар ташкил этиш бўйича лойиҳаларни амалга ошириш.
30. Туризм (меҳмонхона ва ресторанлар) йўналишида фаолият кўрсатаётган субъектларни booking.com, tripadvisor.com ва бошқа онлайн саёҳат ва туристик платформалар орқали мижозларни жалб этиш учун рўйхатдан ўтказиш.
31. IT, тиббиёт, таълим ва бошқа хизмат кўрсатиш соҳаларида хизматлар экспорти ҳажмининг ўсиши.
32. «Бир миллион дастурчи» лойиҳаси доирасида ўқув курсларини муваффақиятли тугатган ва сертификат олган ёшларни кўпайтириш.
33. Туристик ташкилотларни ташкил этиш.
34. Шаҳар ва туман марказларида онлайн такси хизматларини йўлга қўйиш.
V. Қишлоқ ва сув хўжалиги
35. Фойдаланишга киритиладиган қишлоқ хўжалиги ер майдонларининг ўзгариши.
36. «АгроСтар» компанияси билан ҳамкорликда миллий брендларни яратишга қаратилган лойиҳаларни амалга ошириш.
37. Янги боғ-токзорлар барпо этиш ва эски боғларни янгилаш.
38. Қишлоқ хўжалиги ҳудудларида логистика марказлари ва музлаткичли омборхоналарни ташкил этиш.
39. Янги тартибда қишлоқ хўжалиги ер майдонларини аҳолига узоқ муддатга ижарага бериш ва уларда экспортбоп маҳсулот етиштириш.
40. Сувни тежайдиган суғориш технологияларини жорий қилиш.
41. Сув хўжалиги объектларида давлат-хусусий шериклик лойиҳаларини амалга ошириш.
42. Ички суғориш тармоқларини бетонлаштириш.
43. Ўрмон хўжаликларида лойиҳаларни амалга ошириш (дарахт ва буталар уруғларини тайёрлаш, чорвачилик, паррандачилик, асаларичилик ва бошқа йўналишларда).
44. Фойдаланишга киритиладиган ўрмон фонди ер майдонлари.
VI. Инвестиция ва экспорт
45. Тўғридан-тўғри хорижий инвестицияларни ўзлаштириш * .
46. Ҳудудий инвестиция дастури доирасида лойиҳаларни амалга ошириш (шу жумладан саноат зоналаридаги лойиҳаларни амалга ошириш).
47. Ҳудудий экспорт ҳажмини ошириш (саноат ва мева-сабзавот) * .
48. Маҳаллийлаштириш дастурини амалга ошириш.
49. Экспорт географиясини ва экспортбоп товарлар турларини кенгайтириш.
VII. Инфратузилмани яхшилаш
50. Оғир тоифадаги маҳаллаларни зарур инфратузилма билан таъминлаш бўйича лойиҳаларни амалга ошириш ва ажратилган маблағларни самарали ўзлаштириш.
51. Ижтимоий ва ишлаб чиқариш инфратузилмасини ривожлантириш дастури доирасида ажратилган капитал қўйилмалар лимитларини ўзлаштириш * .
52. Аҳолини уй-жой билан таъминлаш дастурини амалга ошириш.
53. Аҳолини тоза ичимлик суви билан қамраб олиш даражаси.
54. Таъмирталаб ички йўллар улушининг жами ички йўлларга нисбатан ўзгариши.
55. Паст кучланишли электр тармоқларини янгилаш ва модернизация қилиш.
56. Югуришга мўлжалланган махсус йўлакчалар узунлигининг жами пиёдалар йўлакчасига нисбатан ўзгариши.
57. Аҳоли яшаш масканларини кенг полосали юқори тезликдаги интернет билан таъминлаш мақсадида оптик толали алоқа линияларини кенгайтириш.
VIII. Яшил ёндашувлар
58. Яшил энергия билан қамраб олинган (иссиқлик тизими, қуёш панеллари ва бошқалар) ижтимоий соҳа объектлари сони жами ижтимоий соҳа объектларига нисбатан ўзгариши * .
59. Яшил энергия билан қамраб олинган (қуёш панеллари, иссиқлик насослари, гелиоколлектор ускуналари ва бошқалар) аҳоли хонадонлари сони жами аҳоли хонадонларига нисбатан ўзгариши.
60. «Яшил макон» умуммиллий лойиҳаси доирасида манзарали ва мевали дарахт ва бута кўчатларини экиш.
61. Корхоналарда атроф-муҳит ифлосланишининг давлат экологик мониторингини ўтказиш.
IX. Ижтимоий соҳа
62. 3 — 7 ёшдаги болаларни мактабгача таълим билан қамраб олиш даражаси * .
63. Давлат-хусусий шериклик асосида мактабгача таълим ташкилотларини ташкил этиш.
64. Хорижий тилларни билиш даражасини белгиловчи миллий ва халқаро тан олинган сертификат (Pearson, IELTS, TOEFL ва ҳ.к.) га эга бўлган 30 ёшгача бўлган ёшларнинг жами ёшларга нисбатан улушининг ўзгариши * .
65. Олий таълим муассасаларига ўқишга қабул қилинган мактаб битирувчиларининг жами битирувчиларга нисбатан ўзгариши (шунингдек, хорижга ўқишга кетган мактаб битирувчилари) * .
66. Умумтаълим мактабларида инклюзив синфлар ташкил этиш.
67. Халқаро аккредитациядан ўтган олий таълим ва хусусий ўқув муассасаларини кўпайтириш (вилоят бўйича) .
68. Оналар ўлими даражаси.
69. Гўдаклар ўлими даражаси.
70. Санитария-гигиена шохобчалари (СГШ) ташкил этиш ва мавжудларини таъмирлаш.
71. Аҳолини спортга жалб қилиш даражаси.
72. «Беш ташаббус олимпиадаси» спорт мусобақаларига аҳолини қамраб олиш даражаси.
73. Спорт йўналишида миллий ва халқаро даражадаги совриндорлар улуши жами аҳоли сонига нисбатан ўзгариши.
X. Оила ва хотин-қизлар
74. Хотин-қизларни касб-ҳунар, тадбиркорлик ва молиявий саводхонликка ўқитиш.
75. Хотин-қизларнинг иқтисодий имкониятларини кенгайтиришга кўмаклашиш * .
76. Оила институтини мустаҳкамлаш, ижтимоий-маънавий муҳит барқарорлигини таъминлаш, маҳаллаларда низоларни барвақт аниқлаш, низоли оилаларни соғлом турмуш тарзига қайтариш.
77. Оғир ижтимоий аҳволга тушиб қолган хотин-қизларни уй-жой билан таъминлаш.
78. Маҳаллаларда хотин-қизларнинг бандлигини таъминлаш ва саломатлигини мустаҳкамлаш марказларини ташкил этиш.
79. Давлат томонидан эҳтиёжманд хотин-қизларга махсус жарроҳлик амалиётини ўтказиш.
80. Оилавий ажралишларни камайтириш (ўтган йилга нисбатан ўзгариши) * .
81. Маданият ва кинематография йўналишида маҳаллий, республика ва халқаро тадбирлар ўтказиш.
XI. Инновацион ривожланиш
82. Ҳудудларни инновацион ривожлантириш мақсадида стартап ва тижоратлаштирилган лойиҳаларни амалга ошириш.
83. Илмий фаолиятга оид давлат дастурлари доирасида илмий лойиҳаларни амалга ошириш.
84. Халқаро грантларни ҳудудга жалб қилиш.
XII. Ижро интизоми
85. «Ijro.gov.uz» ижро интизоми идоралараро ягона электрон тизимидаги топшириқларнинг бажарилиши * .
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 7 август,
ПФ-129-сон
Oʻzbekiston Respublikasi Prezidentining
Farmoni
MIQDORI
Qoraqalpogʻiston Respublikasi Vazirlar Kengashi, viloyatlar va Toshkent shahri hamda tuman (shahar) hokimliklari xodimlarining mehnatiga haq toʻlash va ularni moddiy ragʻbatlantirish tizimini takomillashtirish chora-tadbirlari toʻgʻrisida
Mahalliy ijro etuvchi hokimiyat organlari xodimlarining faoliyati natijadorligini oshirish, eng muhim samaradorlik koʻrsatkichlariga erishish hamda kasbiy darajasini rivojlantirish, shuningdek, xodimlarni kafolatlangan moddiy ragʻbatlantirish va ijtimoiy himoya qilishning yangi tizimini joriy etish maqsadida qaror qilaman:
1. Oʻzbekiston Respublikasining “Davlat fuqarolik xizmati toʻgʻrisida”gi Qonuniga muvofiq xalqaro talablar va yondashuvlar asosida ishlab chiqilgan quyidagilarni nazarda tutuvchi Qoraqalpogʻiston Respublikasi Vazirlar Kengashi, viloyatlar va Toshkent shahri hamda tuman (shahar) hokimliklari (keyingi oʻrinlarda — mahalliy ijro etuvchi hokimiyat organlari) boshqaruv xodimlarining mehnatiga haq toʻlashning yangi tizimi joriy etilsin:
(a) mahalliy ijro etuvchi hokimiyat organlari xodimlarining lavozim maoshini yagona tamoyil asosida mehnatga haq toʻlashning yangilangan tarif setkasi hamda koʻp yillik xizmati va lavozimini inobatga olgan holda tabaqalashgan tarif koeffitsiyentlari asosida shakllantirish;
(b) ragʻbatlantirish toʻlovlarini boshqaruv xodimlari tomonidan erishilgan eng muhim samaradorlik koʻrsatkichlari (KPI) asosida har oylik ustamalar, malaka (martaba) darajalari uchun va hisobot davri yakunlari boʻyicha ragʻbatlantirish (keyingi oʻrinlarda — bonus) toʻlovlari shaklida toʻlash;
(v) mahalliy ijro etuvchi hokimiyat organlari boshqaruv xodimlarining mehnatiga haq toʻlash faqat mazkur Farmonda belgilangan shartlarda amalga oshirilib, Farmonda koʻzda tutilmagan qoʻshimcha ustamalar, mukofotlar va boshqa toʻlovlar (davlat mukofotlari uchun toʻlovlar bundan mustasno) toʻlashni taqiqlash.
2. Shunday tartib oʻrnatilsinki, unga muvofiq 2025-yil 1-avgustdan boshlab, mahalliy ijro etuvchi hokimiyat organlarida mehnatga haq toʻlash jamgʻarmasi quyidagilarni oʻz ichiga oladi:
(a) lavozim maoshi;
(b) eng muhim samaradorlik koʻrsatkichlariga (KPI) erishganligi uchun lavozim maoshiga har oylik ustamalar;
(v) malaka (martaba) darajalari uchun toʻlovlar;
(g) mukofotlash hamda bonus toʻlovlari.
3. Belgilansinki, eng muhim samaradorlik koʻrsatkichlariga (KPI) erishilganligi uchun lavozim maoshiga har oylik ustamalar va bonus toʻlovlarini toʻlash bilan bogʻliq xarajatlar iqtisodiy tasnifi boʻyicha har biri uchun alohida xarajat turida rejalashtiriladi.
4. Quyidagilar:
(a) Mahalliy ijro etuvchi hokimiyat organlari xodimlarining mehnatiga haq toʻlash tarif setkasi razryadlari 1-ilovaga muvofiq;
(b) Mahalliy ijro etuvchi hokimiyat organlari xodimlarining mehnatiga haq toʻlash tarif koeffitsiyentlari 2-ilovaga muvofiq;
(v) Mahalliy ijro etuvchi hokimiyat organlari xodimlariga faoliyatining eng muhim samaradorlik koʻrsatkichlariga (KPI) erishganligi uchun beriladigan lavozim maoshiga har oylik ustamalar miqdori 3-ilovaga muvofiq;
(g) Mahalliy ijro etuvchi hokimiyat organlari xodimlariga davlat fuqarolik xizmati malaka darajalari uchun lavozim maoshiga qoʻshimcha toʻlovlar miqdori 4-ilovaga muvofiq;
(d) Mahalliy ijro etuvchi hokimiyat organlari rahbarlari oʻrinbosarlari faoliyatining eng muhim samaradorlik koʻrsatkichlarini (KPI) tasdiqlashda foydalaniladigan koʻrsatkichlarning namunaviy roʻyxati 5-ilovaga muvofiq tasdiqlansin.
5. Belgilansinki:
(a) mahalliy ijro etuvchi hokimiyat organlari xodimlari faoliyatining eng muhim samaradorlik koʻrsatkichlariga (KPI) erishganligi uchun xarajatlar smetasida shtatlar jadvalidagi bir yillik lavozim maoshining 10 foizidan oshmagan miqdorida mablagʻ rejalashtiriladi, bunda haqiqiy xarajatlardan kelib chiqib mablagʻlar yetmagan taqdirda, tasdiqlangan xarajatlar parametrlari doirasida xarajatlar smetasiga oʻzgartirish kiritiladi;
(b) bonus toʻlovlari uchun xarajatlar smetasida bir yil uchun shtatlar jadvalidagi bir oylik lavozim maoshidan oshmagan miqdorida mablagʻlar rejalashtiriladi.
(v) ozodlikdan mahrum etish joylaridan ozod qilingan shaxslarga bir martalik nafaqa pulini toʻlash “Inson” ijtimoiy xizmatlar markazlari orqali yoʻlga qoʻyilganligini inobatga olib, Qoraqalpogʻiston Respublikasi Vazirlar Kengashi, viloyatlar va Toshkent shahri hamda tuman (shahar) hokimliklari huzuridagi ozodlikdan mahrum etish joylaridan ozod qilingan shaxslarni reabilitatsiya qilish va ijtimoiy moslashtirish markazlari faoliyati 2025-yil 1-noyabrdan tugatiladi.
7. Ustama va mukofot miqdorlari:
(a) mahalliy ijro etuvchi hokimiyat organi xodimlari uchun uning birinchi rahbari tomonidan;
(b) tuman (shahar) hokimlari uchun Qoraqalpogʻiston Respublikasi Joʻqorgʻi Kengesi Raisi, viloyatlar va Toshkent shahri hokimlari tomonidan;
(v) Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari uchun Oʻzbekiston Respublikasi Bosh vaziri tomonidan belgilanadi.
8. Belgilansinki, mahalliy ijro etuvchi hokimiyat organlari rahbarlarining faoliyati samaradorligi natijasi ularning oʻrinbosarlari faoliyati samaradorligining oʻrtacha natijasidan shakllanadi. Bunda:
(a) mahalliy ijro etuvchi hokimiyat organlari rahbarlari faoliyatining samaradorlik koʻrsatkichlari qonunchilik hujjatlarida belgilangan tartibda tasdiqlanadi;
(b) Vazirlar Mahkamasiga mazkur Farmonning 5-ilovasida keltirilgan mahalliy ijro etuvchi hokimiyat organlari rahbarlari oʻrinbosarlari faoliyatining eng muhim samaradorlik koʻrsatkichlarini (KPI) tasdiqlashda foydalaniladigan koʻrsatkichlarning namunaviy roʻyxatiga oʻzgartirish va qoʻshimchalar kiritish vakolati beriladi.
9. Raqamli texnologiyalar vazirligi Oʻzbekiston Respublikasi Prezidenti huzuridagi Boshqaruv samaradorligi agentligi, Milliy statistika qoʻmitasi, manfaatdor vazirlik va idoralar bilan birgalikda bir oy muddatda eng muhim samaradorlik koʻrsatkichlarini (KPI) inson omilini kamaytirgan holda tegishli axborot tizimlari bilan integratsiya qilib, toʻliq raqamlashtirish choralarini koʻrsin.
10. Oʻzbekiston Respublikasi Prezidenti huzuridagi Boshqaruv samaradorligi agentligi Iqtisodiyot va moliya vazirligi bilan birgalikda bir oy muddatda mahalliy ijro etuvchi hokimiyat organlari xodimlari faoliyatining samaradorligini baholashning namunaviy tartibi (keyingi oʻrinlarda — Namunaviy tartib)ni tasdiqlasin.
11. Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari ikki oy muddatda Oʻzbekiston Respublikasi Prezidenti huzuridagi Boshqaruv samaradorligi agentligi hamda Iqtisodiyot va moliya vazirligi bilan kelishgan holda Namunaviy tartib asosida oʻzlarining mahalliy ijro etuvchi hokimiyat organlari xodimlari faoliyatining samaradorligini baholash tartibini tasdiqlasin.
12. Shunday tartib oʻrnatilsinki, unga muvofiq Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlariga Oʻzbekiston Respublikasi Prezidenti huzuridagi Boshqaruv samaradorligi agentligi bilan kelishilgan holda mahalliy ijro etuvchi hokimiyat organlari xodimlari faoliyatining samaradorligini baholash tartibiga oʻzgartirish va qoʻshimchalar kiritish huquqi beriladi.
13. Iqtisodiyot va moliya vazirligi ushbu joriy etilayotgan yangi tizimni joylarda oʻrganib, natijalarining tahlili asosida uni yanada takomillashtirish yuzasidan 2025-yil yakuniga qadar Oʻzbekiston Respublikasi Prezidenti Administratsiyasiga taklif kiritsin.
14. Mazkur Farmon ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov, Oʻzbekiston Respublikasi Prezidenti huzuridagi Boshqaruv samaradorligi agentligi direktori vazifasini bajaruvchi U.Sh. Xusainov, Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari belgilansin.
15. Farmonning ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 7-avgustdagi PF-129-son Farmoniga 1-ILOVA
Mahalliy ijro etuvchi hokimiyat organlari xodimlarining mehnatiga haq toʻlash tarif setkasi razryadlari
T/r Lavozimlar nomi Razryad Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 1. Vazirlar Kengashi Raisi, hokim 11 2. Raisning (hokimning) birinchi oʻrinbosari 10 3. Rais (hokim) oʻrinbosari 9 4. Rais (hokim) maslahatchisi, mahalliy sanoatni rivojlantirish masalalari boʻyicha yordamchisi, devon rahbari * 8 5. Tashkiliy-kadrlar guruhi rahbari, axborot-tahlil guruhi rahbari, ijro intizomi nazorati boʻlimi boshligʻi, kotibiyat mudiri, devon rahbari oʻrinbosari * 7 6. Boshqarma boshligʻi, boʻlim boshligʻi, bosh hisobchi, loyiha ofisi boshligʻi 6 7. Shoʻba mudiri, guruh rahbari, yuridik xizmat boshligʻi, boshqarma boshligʻi oʻrinbosari * , Rais (hokim) yordamchisi, boʻlim boshligʻi oʻrinbosari * 5 8. Bosh mutaxassis (bosh yuriskonsult, loyiha menejeri) 4 9. Yetakchi mutaxassis (yetakchi yuriskonsult, energiya menejeri) 3 10. Mutaxassis (yuriskonsult) 2 Tuman va shahar hokimliklari 11. Hokim 10 17. Hokimning birinchi oʻrinbosari 9 18. Hokim oʻrinbosari 8 19. Hokim maslahatchisi, hokimning chegara masalalari boʻyicha yordamchisi 7 20. Ijro apparati rahbari, tashkiliy-kadrlar guruhi rahbari, kotibiyat mudiri 6 21. Boʻlim boshligʻi, bosh hisobchi 5 22. Guruh rahbari, shoʻba (devonxona) mudiri, hokim yordamchisi 4 23. Bosh mutaxassis (bosh yuriskonsult, loyiha menejeri) 3 24. Yetakchi mutaxassis (yetakchi yuriskonsult) 2 25. Mutaxassis (yuriskonsult) 1
Oʻzbekiston Respublikasi Prezidentining 2025-yil 7-avgustdagi PF-129-son Farmoniga 2-ILOVA
Mahalliy ijro etuvchi hokimiyat organlari xodimlarining mehnatiga haq toʻlash tarif koeffitsiyentlari (mehnatga haq toʻlashning eng kam miqdoriga nisbatan)
Razryad Pogʻona * 1 2 3 4 5 6 3 yilgacha 3 — 6 yilgacha 6 — 10 yilgacha 10 — 15 yilgacha 15 — 20 yilgacha 20 yildan yuqori 1. 4,5 5,0 5,4 6,0 6,6 7,2 2. 5,1 5,6 6,2 6,8 7,5 8,3 3. 5,8 6,4 7,1 7,8 8,6 9,4 4. 6,6 7,3 8,0 8,8 9,7 10,6 5. 7,5 8,2 9,0 9,9 10,9 12,0 6. 8,2 9,0 9,9 10,9 12,0 13,2 7. 8,9 9,8 10,7 11,8 13,0 14,3 8. 9,5 10,4 11,5 12,6 13,9 15,3 9. 10,0 11,0 12,1 13,3 14,6 16,1 10. 11,6 12,7 14,0 15,4 16,9 18,6 11. 16,2 17,8 19,6 21,5 23,7 26,1
Oʻzbekiston Respublikasi Prezidentining 2025-yil 7-avgustdagi PF-129-son Farmoniga 3-ILOVA
Mahalliy ijro etuvchi hokimiyat organlari xodimlariga faoliyatining eng muhim samaradorlik koʻrsatkichlariga (KPI) erishganligi uchun beriladigan lavozim maoshiga har oylik ustamalar miqdori
Reyting baholari Baholangan natija, foizda Har oylik ustamalar miqdori * (lavozim maoshiga nisbatan) A 100 va undan yuqori 15 foizgacha B 85 — 100 gacha 10 foizgacha C 70 — 85 gacha 5 foizgacha D 70 dan past
Oʻzbekiston Respublikasi Prezidentining 2025-yil 7-avgustdagi PF-129-son Farmoniga 4-ILOVA
Mahalliy ijro etuvchi hokimiyat organlari xodimlariga davlat fuqarolik xizmati malaka darajalari uchun lavozim maoshiga qoʻshimcha toʻlovlar
T/r Malaka darajalari nomi Qoʻshimcha toʻlovlar miqdori lavozim maoshiga nisbatan (foizda) 1. 2-darajali maslahatchi 40 2. 3-darajali maslahatchi 35 3. 1-darajali xizmatchi 30 4. 2-darajali xizmatchi 25 5. 3-darajali xizmatchi 20 6. 4-darajali xizmatchi 15 7. 5-darajali xizmatchi 10 8. 6-darajali xizmatchi 5
Oʻzbekiston Respublikasi Prezidentining 2025-yil 7-avgustdagi PF-129-son Farmoniga 5-ILOVA
Mahalliy ijro etuvchi hokimiyat organlari rahbarlari oʻrinbosarlari faoliyatining eng muhim samaradorlik koʻrsatkichlarini (KPI) tasdiqlashda foydalaniladigan koʻrsatkichlarning namunaviy roʻyxati
I. Hududni kompleks rivojlantirish
1. Yalpi hududiy mahsulot hajmining oʻsish surʼati (viloyat uchun) * .
2. Sanoat mahsulotlari ishlab chiqarish hajmining oʻsish surʼati (tarmoq va sohalar kesimida) * .
3. Bozor xizmatlari hajmining oʻsish surʼati (tarmoq va sohalar kesimida) * .
4. Qishloq xoʻjaligi hajmining oʻsish surʼati (shaharlar bundan mustasno) * .
5. Qurilish ishlari hajmining oʻsish surʼati * .
6. Iqtisodiy oʻsishga turtki beruvchi drayver loyihalarni amalga oshirish (Zarbdor tajribasi) .
7. Master reja ishlab chiqilgan hududlarda loyihalarni amalga oshirish.
8. Hududga yoʻnaltirilgan moliyaviy resurslarni oʻzlashtirish (drayver loyiha, ogʻir toifadagi mahalla, “Tashabbusli budjet”, “Agrostar” va h.k.) .
9. Isteʼmol narxlari indeksi.
10. Budjet tushumlari prognozi ijrosi (soliq bazasini kengaytirish) * .
11. Raqamlashtirilganlik darajasi.
II. Tadbirkorlikni rivojlantirish, aholi bandligini taʼminlash va kambagʻallikni qisqartirish
12. Tadbirkorlik subyektlari faoliyati davomiyligi (yashovchanlik) darajasining oʻzgarishi (1 yildan, 3 yildan, 5 yildan, 10 yildan ortiq) * .
13. “Chempion” tadbirkorlar faoliyatini qoʻllab-quvvatlash (misol uchun, faoliyatini transformatsiya qilish, energiya samaradorlik, yashil tamoyillar (ESG), hisobotlarni xalqaro standartlarga oʻtkazish (IFRS), marketing, raqamlashtirish kabi yoʻnalishlar uchun konsultant ajratish).
14. Bank mijozlari bilan ishlab, yangi ish oʻrinlari yaratish (Uychi tajribasi).
15. Ishsizlik darajasini pasaytirish, aholi bandligini taʼminlash dasturini amalga oshirish (soliq bazasidan oʻtgan soliq toʻlovchilar) * .
16. Mahallalarning ixtisoslashuv darajasini oshirish.
17. “Mahalla yettiligi” va aholi oʻrtasida tuzilgan uch tomonlama shartnoma shartlari bajarilishini taʼminlash.
18. Aholi tomorqasi va dehqon xoʻjaliklari yer maydonlaridan samarali foydalanish (“Bir kontur — bir mahsulot”, “Bir mahalla — bir mahsulot” tamoyili asosida loyihalarni amalga oshirish).
19. Norasmiy ish oʻrinlarini legallashtirish (band aholiga nisbatan ulushi) .
20. Kambagʻallik darajasini pasaytirish, aholini kambagʻallikdan chiqarish * .
21. Ijtimoiy reyestrdagi aholi ulushining oʻzgarishi.
22. Davlat dasturlari doirasida aholi va tadbirkorlik subyektlariga kreditlar ajratish (“Kichik biznesni uzluksiz qoʻllab-quvvatlash”, Oilaviy tadbirkorlikni rivojlantirish, “Biznesga birinchi qadam” va h.k.).
23. Tadbirkorlik va shaharsozlik faoliyatini tashkil etish uchun mulk huquqi asosida yer uchastkalarini elektron onlayn auksion savdolariga chiqarish.
III. Sanoatni rivojlantirish
24. Sanoat korxonalarida mehnat unumdorligining (sanoat ishlab chiqarish hajmining sanoatda band boʻlgan aholiga nisbatan) oʻzgarishi.
25. Sanoat korxonalari soliq tushumlarining oʻtgan yilning mos davriga nisbatan oʻzgarishi.
26. Sanoat zonalarida ishlab chiqarish hajmi (jami sanoatga nisbatan ulushining oʻzgarishi) .
27. Mahallalarda mikrosanoat markazlarini tashkil etish (Gʻijduvon tajribasi).
IV. Xizmat koʻrsatish
28. Turizmga ixtisoslashgan hududlarda mahalliy va xorijiy turist (sayyoh)lar oqimini oshirish.
29. Joylashtirish vositalari, jumladan, oilaviy mehmon uylari, xostel, modulli mehmonxona, kapsula va oʻtovlar tashkil etish boʻyicha loyihalarni amalga oshirish.
30. Turizm (mehmonxona va restoranlar) yoʻnalishida faoliyat koʻrsatayotgan subyektlarni booking.com, tripadvisor.com va boshqa onlayn sayohat va turistik platformalar orqali mijozlarni jalb etish uchun roʻyxatdan oʻtkazish.
31. IT, tibbiyot, taʼlim va boshqa xizmat koʻrsatish sohalarida xizmatlar eksporti hajmining oʻsishi.
32. “Bir million dasturchi” loyihasi doirasida oʻquv kurslarini muvaffaqiyatli tugatgan va sertifikat olgan yoshlarni koʻpaytirish.
33. Turistik tashkilotlarni tashkil etish.
34. Shahar va tuman markazlarida onlayn taksi xizmatlarini yoʻlga qoʻyish.
V. Qishloq va suv xoʻjaligi
35. Foydalanishga kiritiladigan qishloq xoʻjaligi yer maydonlarining oʻzgarishi.
36. “AgroStar” kompaniyasi bilan hamkorlikda milliy brendlarni yaratishga qaratilgan loyihalarni amalga oshirish.
37. Yangi bogʻ-tokzorlar barpo etish va eski bogʻlarni yangilash.
38. Qishloq xoʻjaligi hududlarida logistika markazlari va muzlatkichli omborxonalarni tashkil etish.
39. Yangi tartibda qishloq xoʻjaligi yer maydonlarini aholiga uzoq muddatga ijaraga berish va ularda eksportbop mahsulot yetishtirish.
40. Suvni tejaydigan sugʻorish texnologiyalarini joriy qilish.
41. Suv xoʻjaligi obyektlarida davlat-xususiy sheriklik loyihalarini amalga oshirish.
42. Ichki sugʻorish tarmoqlarini betonlashtirish.
43. Oʻrmon xoʻjaliklarida loyihalarni amalga oshirish (daraxt va butalar urugʻlarini tayyorlash, chorvachilik, parrandachilik, asalarichilik va boshqa yoʻnalishlarda).
44. Foydalanishga kiritiladigan oʻrmon fondi yer maydonlari.
VI. Investitsiya va eksport
45. Toʻgʻridan-toʻgʻri xorijiy investitsiyalarni oʻzlashtirish * .
46. Hududiy investitsiya dasturi doirasida loyihalarni amalga oshirish (shu jumladan sanoat zonalaridagi loyihalarni amalga oshirish).
47. Hududiy eksport hajmini oshirish (sanoat va meva-sabzavot) * .
48. Mahalliylashtirish dasturini amalga oshirish.
49. Eksport geografiyasini va eksportbop tovarlar turlarini kengaytirish.
VII. Infratuzilmani yaxshilash
50. Ogʻir toifadagi mahallalarni zarur infratuzilma bilan taʼminlash boʻyicha loyihalarni amalga oshirish va ajratilgan mablagʻlarni samarali oʻzlashtirish.
51. Ijtimoiy va ishlab chiqarish infratuzilmasini rivojlantirish dasturi doirasida ajratilgan kapital qoʻyilmalar limitlarini oʻzlashtirish * .
52. Aholini uy-joy bilan taʼminlash dasturini amalga oshirish.
53. Aholini toza ichimlik suvi bilan qamrab olish darajasi.
54. Taʼmirtalab ichki yoʻllar ulushining jami ichki yoʻllarga nisbatan oʻzgarishi.
55. Past kuchlanishli elektr tarmoqlarini yangilash va modernizatsiya qilish.
56. Yugurishga moʻljallangan maxsus yoʻlakchalar uzunligining jami piyodalar yoʻlakchasiga nisbatan oʻzgarishi.
57. Aholi yashash maskanlarini keng polosali yuqori tezlikdagi internet bilan taʼminlash maqsadida optik tolali aloqa liniyalarini kengaytirish.
VIII. Yashil yondashuvlar
58. Yashil energiya bilan qamrab olingan (issiqlik tizimi, quyosh panellari va boshqalar) ijtimoiy soha obyektlari soni jami ijtimoiy soha obyektlariga nisbatan oʻzgarishi * .
59. Yashil energiya bilan qamrab olingan (quyosh panellari, issiqlik nasoslari, geliokollektor uskunalari va boshqalar) aholi xonadonlari soni jami aholi xonadonlariga nisbatan oʻzgarishi.
60. “Yashil makon” umummilliy loyihasi doirasida manzarali va mevali daraxt va buta koʻchatlarini ekish.
61. Korxonalarda atrof-muhit ifloslanishining davlat ekologik monitoringini oʻtkazish.
IX. Ijtimoiy soha
62. 3 — 7 yoshdagi bolalarni maktabgacha taʼlim bilan qamrab olish darajasi * .
63. Davlat-xususiy sheriklik asosida maktabgacha taʼlim tashkilotlarini tashkil etish.
64. Xorijiy tillarni bilish darajasini belgilovchi milliy va xalqaro tan olingan sertifikat (Pearson, IELTS, TOEFL va h.k.) ga ega boʻlgan 30 yoshgacha boʻlgan yoshlarning jami yoshlarga nisbatan ulushining oʻzgarishi * .
65. Oliy taʼlim muassasalariga oʻqishga qabul qilingan maktab bitiruvchilarining jami bitiruvchilarga nisbatan oʻzgarishi (shuningdek, xorijga oʻqishga ketgan maktab bitiruvchilari) * .
66. Umumtaʼlim maktablarida inklyuziv sinflar tashkil etish.
67. Xalqaro akkreditatsiyadan oʻtgan oliy taʼlim va xususiy oʻquv muassasalarini koʻpaytirish (viloyat boʻyicha) .
68. Onalar oʻlimi darajasi.
69. Goʻdaklar oʻlimi darajasi.
70. Sanitariya-gigiyena shoxobchalari (SGSH) tashkil etish va mavjudlarini taʼmirlash.
71. Aholini sportga jalb qilish darajasi.
72. “Besh tashabbus olimpiadasi” sport musobaqalariga aholini qamrab olish darajasi.
73. Sport yoʻnalishida milliy va xalqaro darajadagi sovrindorlar ulushi jami aholi soniga nisbatan oʻzgarishi.
X. Oila va xotin-qizlar
74. Xotin-qizlarni kasb-hunar, tadbirkorlik va moliyaviy savodxonlikka oʻqitish.
75. Xotin-qizlarning iqtisodiy imkoniyatlarini kengaytirishga koʻmaklashish * .
76. Oila institutini mustahkamlash, ijtimoiy-maʼnaviy muhit barqarorligini taʼminlash, mahallalarda nizolarni barvaqt aniqlash, nizoli oilalarni sogʻlom turmush tarziga qaytarish.
77. Ogʻir ijtimoiy ahvolga tushib qolgan xotin-qizlarni uy-joy bilan taʼminlash.
78. Mahallalarda xotin-qizlarning bandligini taʼminlash va salomatligini mustahkamlash markazlarini tashkil etish.
79. Davlat tomonidan ehtiyojmand xotin-qizlarga maxsus jarrohlik amaliyotini oʻtkazish.
80. Oilaviy ajralishlarni kamaytirish (oʻtgan yilga nisbatan oʻzgarishi) * .
81. Madaniyat va kinematografiya yoʻnalishida mahalliy, respublika va xalqaro tadbirlar oʻtkazish.
XI. Innovatsion rivojlanish
82. Hududlarni innovatsion rivojlantirish maqsadida startap va tijoratlashtirilgan loyihalarni amalga oshirish.
83. Ilmiy faoliyatga oid davlat dasturlari doirasida ilmiy loyihalarni amalga oshirish.
84. Xalqaro grantlarni hududga jalb qilish.
XII. Ijro intizomi
85. “Ijro.gov.uz” ijro intizomi idoralararo yagona elektron tizimidagi topshiriqlarning bajarilishi * .
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 7-avgust,
PF-129-son
Президента Республики Узбекистан
Указ
О мерах по совершенствованию системы оплаты труда и материального стимулирования работников Совета Министров Республики Каракалпакстан, хокимиятов областей и города Ташкента, а также районов (городов)
В целях повышения результативности деятельности работников органов исполнительной власти на местах, достижения ими ключевых показателей эффективности и развития профессионального уровня, а также внедрения новой системы гарантированного материального стимулирования и социальной защиты работников постановляю:
1. Внедрить разработанную в соответствии с Законом Республики Узбекистан «О государственной гражданской службе» на основе международных требований и подходов новую систему оплаты труда управленческого персонала Совета Министров Республики Каракалпакстан, хокимиятов областей и города Ташкента, а также районов (городов) (далее — органы исполнительной власти на местах), предусматривающую:
(а) формирование должностного оклада работников органов исполнительной власти на местах на основе единого принципа согласно обновленной тарифной сетке оплаты труда, а также дифференцированным тарифным коэффициентам с учетом выслуги лет и должности;
(б) осуществление на основе ключевых показателей эффективности (KPI), достигнутых управленческим персоналом, стимулирующих выплат в форме ежемесячных надбавок, за квалификационные классы (классные чины), а также стимулирующих выплат по итогам отчетного периода (далее — бонусные выплаты);
(в) осуществление оплаты труда управленческого персонала органов исполнительной власти на местах исключительно на условиях, определенных настоящим Указом, а также запрещение выплаты непредусмотренных настоящим Указом дополнительных надбавок, премий и других выплат (за исключением выплат за государственные награды).
2. Установить порядок, в соответствии с которым с 1 августа 2025 года фонд оплаты труда в органах исполнительной власти на местах включает в себя нижеследующее:
(а) должностной оклад;
(б) ежемесячные надбавки к должностному окладу за достижение ключевых показателей эффективности (KPI);
(в) выплаты за квалификационные классы (классные чины);
(г) премии и бонусные выплаты.
3. Определить, что расходы, связанные с осуществлением выплаты ежемесячных надбавок к должностному окладу за достижение ключевых показателей эффективности (KPI) и бонусных выплат, будут планироваться в разряде расхода по отдельности за каждый из них по экономической классификации.
4. Утвердить:
(а) Разряды тарифной сетки оплаты труда работников органов исполнительной власти на местах согласно приложению № 1 * ;
(б) Тарифные коэффициенты оплаты труда работников органов исполнительной власти на местах согласно приложению № 2 * ;
(в) Размеры ежемесячных надбавок к должностному окладу работникам органов исполнительной власти на местах за достижение ключевых показателей эффективности деятельности (KPI) согласно приложению № 3 * ;
(г) Размеры надбавок к должностному окладу работников органов исполнительной власти на местах за квалификационные классы государственной гражданской службы согласно приложению № 4 * ;
(д) Типовой перечень показателей, используемых при утверждении ключевых показателей эффективности деятельности (KPI) заместителей руководителей органов исполнительной власти на местах согласно приложению № 5 * .
5. Установить, что:
(а) средства в размере, не превышающем 10 процентов одного годового должностного оклада в штатном расписании, планируются в смете расходов за достижение ключевых показателей эффективности деятельности (KPI) работников органов исполнительной власти на местах, при этом в случае нехватки средств исходя из фактических расходов вносится изменение в смету расходов в рамках утвержденных параметров расходов;
(б) средства в размере, не превышающем месячного должностного оклада в штатном расписании за один год, планируются в смете расходов для осуществления бонусных выплат.
(в) с учетом внедрения выплаты единовременного денежного пособия лицам, освобожденным из мест лишения свободы, через центры социальных услуг «Инсон», деятельность центров реабилитации и социальной адаптации лиц, освободившихся из мест лишения свободы, при Совете Министров Республики Каракалпакстан, хокимиятах областей и города Ташкента, а также районов (городов) с 1 ноября 2025 года прекращается.
6. Определить, что:
(а) средства, запланированные для осуществления бонусных выплат, направляются на установление надбавок к заработной плате работников органов исполнительной власти на местах от их должностного оклада, а также на премирование работников;
(б) в целях стимулирования высококвалифицированных работников, с инициативой и добросовестно выполняющих служебные обязанности в органах исполнительной власти на местах, разрешается в порядке, определенном законодательством, устанавливать им персональные надбавки в размере до 100 процентов должностного оклада за успехи, достигнутые в работе;
(в) в смете расходов в рамках средств, запланированных на бонусные выплаты, могут устанавливаться месячные или квартальные надбавки;
(г) премирование работников может осуществляться по случаю юбилеев, праздников, а также по итогам отчетного периода. При этом размер премии определяется исходя из размера (возможности) средств, запланированных в смете расходов на осуществление бонусных выплат, в соответствии с личным вкладом работника в общие результаты в рамках данных средств, а также предельный размер премии не ограничивается.
7. Размеры надбавок и премий устанавливаются:
(а) для работников органа исполнительной власти на местах — его первым руководителем;
(б) для хокимов районов (городов) — Председателем Жокаргы Кенеса Республики Каракалпакстан, хокимами областей и города Ташкента;
(в) для Председателя Совета Министров Республики Каракалпакстан, хокимов областей и города Ташкента — Премьер-министром Республики Узбекистан.
8. Установить, что результат эффективности деятельности руководителей органов исполнительной власти на местах формируется из среднего результата эффективности деятельности их заместителей. При этом:
(а) показатели эффективности деятельности руководителей органов исполнительной власти на местах утверждаются в порядке, установленном актами законодательства;
(б) Кабинету Министров предоставляется полномочие вносить изменения и дополнения в Типовой перечень показателей, используемых при утверждении ключевых показателей эффективности деятельности (KPI) заместителей руководителей органов исполнительной власти на местах, приведенный в приложении № 5 * к настоящему Указу.
9. Министерству цифровых технологий совместно с Агентством эффективности управления при Президенте Республики Узбекистан, Национальным комитетом по статистике, заинтересованными министерствами и ведомствами в месячный срок осуществить интеграцию ключевых показателей эффективности (KPI) с соответствующими информационными системами с уменьшением человеческого фактора, а также принять меры по их полной цифровизации.
10. Агентству эффективности управления при Президенте Республики Узбекистан совместно с Министерством экономики и финансов в месячный срок утвердить Типовой порядок оценки эффективности деятельности работников органов исполнительной власти на местах (далее — Типовой порядок).
11. Председателю Совета Министров Республики Каракалпакстан, хокимам областей и города Ташкента в двухмесячный срок по согласованию с Агентством эффективности управления при Президенте Республики Узбекистан и Министерством экономики и финансов на основе Типового порядка утвердить порядок оценки эффективности деятельности работников органов исполнительной власти на местах.
12. Установить порядок, в соответствии с которым Председателю Совета Министров Республики Каракалпакстан, хокимам областей и города Ташкента предоставляется право на внесение по согласованию с Агентством эффективности управления при Президенте Республики Узбекистан изменений и дополнений в порядок оценки эффективности деятельности работников органов исполнительной власти на местах.
13. Министерству экономики и финансов изучить на местах внедряемую новую систему и до конца 2025 года на основе анализа результатов внести в Администрацию Президента Республики Узбекистан предложение по ее дальнейшему совершенствованию.
14. Возложить на заместителя Премьер-министра Д.А. Кучкарова, исполняющего обязанности директора Агентства эффективности управления при Президенте Республики Узбекистан У.Ш. Хусаинова, Председателя Совета Министров Республики Каракалпакстан, хокимов областей и города Ташкента персональную ответственность за эффективную организацию исполнения настоящего Указа.
15. Обсуждение хода исполнения настоящего Указа, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
7 августа 2025 г.,
№ УП-129