📅 2025-yil 24-iyun · Vazirlik va idoralar hujjatlari · Istiqbolli loyihalar milliy agentligi direktori
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 24 июнь · Вазирлик ва идоралар ҳужжатлари · Истиқболли лойиҳалар миллий агентлиги директори
Расмий матн. Расмий ҳужжат. Таҳририй изоҳлар киритилмаган.
📅 24 июня 2025 г. · Документы министерств и ведомств · Директор Национального агентства перспективных проектов
Официальный текст. Официальный документ. Редакционные примечания не включены.
📅 24 June 2025 · Ministry and agency documents · Istiqbolli loyihalar milliy agentligi direktori
Official text. Official document. Editorial notes are not included.
Ўзбекистон Республикаси Истиқболли лойиҳалар миллий агентлиги директорининг
буйруғи
НИЗОМ
Халқаро молия институтларининг миллий валютада ифодаланган облигацияларини чиқариш ва давлат рўйхатидан ўтказиш тўғрисидаги низомни тасдиқлаш ҳақида
Ўзбекистон Республикаси Президентининг 2025 йил 21 февралдаги ПФ-26-сон «Уй-жой ва ипотека бозорини янада ривожлантиришга оид қўшимча чора-тадбирлар тўғрисида»ги Фармонига мувофиқ буюраман:
1. Халқаро молия институтларининг миллий валютада ифодаланган облигацияларини чиқариш ва давлат рўйхатидан ўтказиш тўғрисидаги низом иловага мувофиқ тасдиқлансин.
2. Мазкур буйруқ Ўзбекистон Республикаси Марказий банки билан келишилган.
3. Мазкур буйруқ расмий эълон қилинган кундан эътиборан кучга киради.
Келишилди:
Ўзбекистон Республикаси Истиқболли лойиҳалар миллий агентлиги директорининг 2025 йил 24 июндаги 10-сон буйруғига ИЛОВА
Халқаро молия институтларининг миллий валютада ифодаланган облигацияларини чиқариш ва давлат рўйхатидан ўтказиш тўғрисидаги
Ушбу Низом халқаро молия институтларининг Ўзбекистон Республикасининг миллий валютасида ифодаланган облигацияларининг чиқарилишини соддалаштирилган тартибда ҳисобга олиш орқали давлат рўйхатидан ўтказиш ҳамда уларнинг жойлаштирилиши ва Ўзбекистон Республикаси ҳудудида муомалада бўлиши тартибини белгилайди.
1-боб. Умумий қоидалар
1. Мазкур Низомда қуйидаги асосий тушунчалардан фойдаланилади:
халқаро молия институтлари (бундан буён матнда ХМИ деб юритилади) — халқаро молия соҳасидаги давлатлараро (халқаро) келишувлар асосида тузилган ташкилотлар;
ХМИ облигациялари — Ўзбекистон Республикасидаги лойиҳалар ва дастурларни молиялаштириш учун маблағ жалб этиш мақсадида Ўзбекистон Республикаси ҳудудида ХМИ томонидан Ўзбекистон Республикасининг миллий валютасида ҳужжатсиз шаклда чиқариладиган облигациялар;
эмитент — ХМИ облигацияларини чиқарувчи ва улар юзасидан ХМИ облигацияларининг эгалари олдида мажбуриятлари бўлган ХМИ.
2. Мазкур Низомда белгиланган тартибни амалга ошириш мақсадида қимматли қоғозлар бозорини тартибга солиш бўйича Ўзбекистон Республикаси Истиқболли лойиҳалар миллий агентлиги (бундан буён матнда ваколатли давлат органи деб юритилади) халқаро молия институтлари рўйхатини белгилайди.
2-боб. ХМИ облигациялари чиқарилишини ҳисобга олиш орқали давлат рўйхатидан ўтказиш
3. ХМИ облигацияларини чиқариш тўғрисидаги қарор, ХМИнинг облигациялар дастури (бундан буён матнда облигациялар дастури деб юритилади), эмиссия рисоласи ёки уларнинг ўрнини босувчи бошқа ҳужжатлар, шунингдек ХМИ облигацияларини чиқарилиши билан боғлиқ ҳужжатлар эмитентнинг ички қоидалари ва талабларига мувофиқ қабул қилинади ҳамда расмийлаштирилади.
4. ХМИ облигациялари чиқарилишини (облигациялар дастурини) давлат рўйхатидан ўтказиш эмитент томонидан ваколатли давлат органига тақдим этиладиган ХМИ облигациялари чиқарилишини (облигациялар дастурини) рўйхатдан ўтказиш тўғрисидаги аризага (бундан буён матнда ариза деб юритилади) асосан ХМИ облигацияларини Эмиссиявий қимматли қоғозлар чиқарилишларининг ягона давлат реестрида (бундан буён матнда ЯДР деб юритилади) ҳисобга олиш орқали амалга оширилади.
Ваколатли давлат органи томонидан давлат рўйхатидан ўтказилган облигациялар дастури доирасида чиқариладиган ХМИ облигациялари такроран давлат рўйхатидан ўтказилмайди.
5. Облигациялар дастури доирасида ХМИ облигациялари чиқарилишидан камида беш иш куни олдин эмитент томонидан ваколатли давлат органига чиқариш параметрлари ва облигациялар дастурининг давлат рўйхатдан ўтказилган рақами кўрсатилган ҳолда хабарнома юборилади.
Бунда, ХМИ облигациялари эмитент томонидан ваколатли давлат органига юборилган хабарномага мувофиқ чиқарилиши лозим.
6. ХМИ облигациялари чиқарилишини (облигациялар дастурини) давлат рўйхатидан ўтказиш учун эмитент ваколатли давлат органига қуйидаги ҳужжатларни тақдим этиши шарт:
а) қуйидаги маълумотлар кўрсатилиши лозим бўлган ариза:
эмитент номи;
эмитентнинг юридик манзили;
ХМИ облигацияларининг сони ва турлари;
бир дона ХМИ облигациясининг номинал қиймати;
чиқарилишнинг умумий ҳажми;
ХМИ облигациялари чиқарилишининг тартиб рақами;
эмитентнинг масъул ходими ҳақида маълумот ва унинг алоқа маълумотлари;
б) қуйидаги маълумотлар кўрсатилиши лозим бўлган мазкур Низомнинг иловасидаги шаклда ХМИ облигациялари чиқарилишини рўйхатдан ўтказиш бўйича анкета:
чиқариш параметрлари;
ХМИ облигациялари бўйича даромад олиш тартиби;
ХМИ облигацияларини жойлаштириш тартиби;
ХМИ облигацияларининг муомаласи тартиби;
ХМИ облигацияларини сўндириш тартиби;
в) ХМИ облигацияларини чиқариш тўғрисидаги қарори, облигациялар дастури, эмиссия рисоласи (қимматли қоғозлар оммавий жойлаштирилган тақдирда) ёки уларнинг ўрнини босувчи бошқа ҳужжатларнинг нусхаси;
г) ХМИ облигациялари чиқарилишини (облигациялар дастурини) давлат рўйхатидан ўтказиш учун йиғим тўланганлиги тўғрисидаги тўлов ҳужжатининг нусхаси;
д) Қимматли қоғозлар марказий депозитарийси билан тузилган депозитарий шартномасининг нусхаси.
7. Эмитент томонидан ваколатли давлат органига ариза, анкета ҳамда ХМИ облигацияларини чиқариш тўғрисидаги қарор (облигациялар дастури), эмиссия рисоласи (қимматли қоғозлар оммавий жойлаштирилган тақдирда) ёки уларнинг ўрнини босувчи бошқа ҳужжатларнинг нусхаси белгиланган тартибда тасдиқланган давлат тилидаги таржимаси ёки рус тилидаги таржимаси билан бирга инглиз тилида тақдим этилиши мумкин.
8. Эмитент давлат рўйхатидан ўтказиш учун тақдим этиладиган ҳужжатларни ваколатли давлат органига ёзма (уч нусхада) ёки электрон шаклда, шу жумладан эмитентнинг почта манзилидан ваколатли давлат органининг электрон почта манзилига юбориш орқали тақдим этади.
Электрон шаклда тақдим этиладиган маълумотлар «DOC», «DOCX», «XLS», «XLSX», «PDF» форматларда бўлиши лозим.
9. Эмитент ваколатли давлат органига давлат рўйхатидан ўтказиш учун тақдим этиладиган ҳужжатларни электрон ташувчи орқали тақдим этган тақдирда, ваколатли давлат органининг масъул ходими томонидан эмитентга ушбу ҳужжатларни қабул қилинганлигини тасдиқловчи ходимнинг фамилияси, исми ва отасининг исми ҳамда қабул қилинган сана кўрсатилган ҳолда аризанинг нусхасига имзо қўйиб берилади.
10. Эмитент ваколатли давлат органига давлат рўйхатидан ўтказиш учун тақдим этиладиган ҳужжатларни электрон почта манзили орқали тақдим этганда, ушбу ҳужжатлар сарлавҳаси «ХМИ облигациялари чиқарилишини давлат рўйхатидан ўтказиш учун ариза» деб номланиши лозим.
Бунда, ваколатли давлат органи томонидан эмитентнинг давлат рўйхатидан ўтказиш учун тақдим этилган ҳужжатларни қабул қилинган санаси уларнинг ваколатли давлат органининг электрон почта манзилига келиб тушган санаси ҳисобланади.
11. Ваколатли давлат органи томонидан ХМИ облигациялари чиқарилишини (облигациялар дастурини) давлат рўйхатидан ўтказиш учун тақдим этилган ҳужжатларни кўриб чиқиш муддати улар ваколатли давлат органи томонидан олинган санадан бошлаб ўн беш кундан ошмаслиги керак. Ушбу муддат давомида ваколатли давлат органи ХМИ облигациялари чиқарилишини (облигациялар дастурини) давлат рўйхатидан ўтказишни амалга оширади ва тегишли маълумотларни ЯДРга киритади ёки ХМИ облигациялари чиқарилишини (облигациялар дастурини) давлат рўйхатидан ўтказишни рад этади.
ХМИ облигациялари давлат рўйхатидан ўтказилганидан кейин давлат рўйхатидан ўтказилганлигини тасдиқловчи белги қўйилган ХМИ облигацияларини чиқариш тўғрисидаги анкетанинг бир нусхаси ваколатли давлат органида қолади, бир нусхаси шахсан ёки электрон почта орқали эмитентга берилади ва бир нусхаси қимматли қоғозлар чиқарилишини тасдиқловчи ҳужжатлар илова қилинган ҳолда Қимматли қоғозлар марказий депозитарийсига топширилади.
12. ХМИ облигациялари чиқарилишини (облигациялар дастурини) давлат рўйхатидан ўтказиш қуйидаги ҳолларда рад этилади:
ушбу Низомнинг 6-бандида назарда тутилган ҳужжатлар тўлиқ тақдим этилмаганда ёки тақдим этилган ҳужжатларда нотўғри ёки бузиб кўрсатилган маълумотлар мавжудлиги аниқланганда;
мазкур Низомнинг 3-бобида назарда тутилган йиғимлар тўланмаганда;
эмитент ваколатли давлат органи томонидан белгиланган ХМИ рўйхатида мавжуд бўлмаганда.
13. ХМИ облигацияларига Қимматли қоғозлар марказий депозитарийси томонидан қимматли қоғознинг халқаро идентификация коди (ISIN), молиявий воситаларни таснифлашнинг халқаро коди (CFI) ва молиявий воситанинг қисқача номи (FISN) берилади.
3-боб. ХМИ облигациялари чиқарилишини (облигациялар дастурини) давлат рўйхатидан ўтказиш учун йиғим
14. ХМИ облигациялари чиқарилишини (облигациялар дастурини) давлат рўйхатидан ўтказиш учун эмитент ваколатли давлат органига Ўзбекистон Республикаси «Қимматли қоғозлар бозори тўғрисида»ги Қонунининг 10-моддасига асосан йиғим тўлайди.
15. Ваколатли давлат органи томонидан ХМИ облигациялари чиқарилишини (облигациялар дастурини) давлат рўйхатидан ўтказиш рад этилганда йиғим қайтарилмайди.
4-боб. Аввал давлат рўйхатидан ўтказилган ХМИ облигациялари чиқарилишига (облигациялар дастурига) ўзгартириш ва (ёки) қўшимчалар киритиш
16. Эмитент томонидан илгари ваколатли давлат органида давлат рўйхатидан ўтказилган ХМИ облигациялари чиқарилишига (облигациялар дастурига) ўзгартириш ва (ёки) қўшимчалар киритилган тақдирда, эмитент мазкур ўзгартириш ва (ёки) қўшимчаларни киритиш тўғрисидаги қарорнинг (облигациялар дастурининг), эмиссия рисоласининг (қимматли қоғозлар оммавий жойлаштирилган тақдирда) ёки уларнинг ўрнини босувчи бошқа ҳужжатларнинг нусхасини тақдим этган ҳолда бундай ўзгартириш ва (ёки) қўшимчалар киритилган кундан бошлаб уч иш куни ичида ваколатли давлат органини ёзма ёки электрон шаклда ёхуд ваколатли давлат органининг электрон почта манзилига юбориш орқали хабардор қилиши шарт.
Бунда, ваколатли давлат органи ХМИ облигациялари чиқарилишига (облигациялар дастурига) киритилган ўзгартириш ва (ёки) қўшимчаларни ўн беш кун ичида ЯДРда давлат рўйхатидан ўтказади.
17. Аввал давлат рўйхатидан ўтказилган ХМИ облигациялари чиқарилишига (облигациялар дастурига) киритилган ўзгартириш ва (ёки) қўшимчаларни давлат рўйхатидан ўтказиш тўғрисидаги ваколатли давлат органининг қарорининг бир нусхаси ваколатли давлат органида қолади, бир нусхаси шахсан ёки электрон почта орқали эмитентга берилади ва бир нусхаси Қимматли қоғозлар марказий депозитарийсига топширилади.
5-боб. ХМИ облигацияларини жойлаштириш ва уларнинг муомаласи
18. ХМИ облигацияларини жойлаштирилишига ваколатли давлат органи томонидан давлат рўйхатидан ўтказилган кундан бошлаб рухсат берилади. Бунда жойлаштириш муддати бир йилдан ошмаслиги лозим.
19. ХМИ облигацияларини жойлаштириш ва уларнинг муомаласи «Тошкент» республика фонд биржаси» АЖда амалга оширилади.
Ўзбекистон Республикаси Марказий банки билан тижорат банклари ўртасида ХМИ облигациялари билан РЕПО операцияларини «Ўзбекистон Республикаси валюта биржаси» АЖда ўтказишга рухсат этилади.
20. Эмитент давлат рўйхатидан ўтказилган ХМИ облигацияларини жойлаштириш муддати ўтган кундан кейин ўн беш кундан кечиктирмасдан, агар барча ХМИ облигациялари жойлаштириш муддати ўтмасдан олдин жойлаштирилган бўлса, ушбу чиқарилишдаги сўнгги ХМИ облигацияси жойлаштирилган кундан кейин ўн беш кундан кечиктирмасдан ваколатли давлат органига ХМИ облигацияларини чиқариш натижалари тўғрисида ёзма ёки электрон шаклда ёхуд ваколатли давлат органининг электрон почта манзилига юбориш орқали хабардор қилади.
21. Эмитент ХМИ облигациялари муомаласининг муддати ўтган кундан кейин ўн беш кундан кечиктирмасдан, агар барча ХМИ облигациялари ушбу муддат ўтгунича кейинчалик уларни сўндириш мақсадида қайтариб сотиб олинган бўлса, ушбу чиқаришдаги охирги ХМИ облигацияси қайтариб сотиб олинган кундан кейин ўн беш кундан кечиктирмасдан ваколатли давлат органига ХМИ облигацияларининг муомала муддати тугаганлиги тўғрисида ёзма ёки электрон шаклда ёхуд ваколатли давлат органининг электрон почта манзилига юбориш орқали хабардор қилади.
22. Сўндирилган ХМИ облигациялари ваколатли давлат органининг қарорига асосан бекор қилинади ва ХМИ облигациялари чиқарилишига илгари берилган давлат рўйхатидан ўтказиш рақами ЯДРдан чиқариб ташланади.
Сўндирилган ХМИ облигацияларини бекор қилиш учун эмитент ваколатли давлат органига қуйидаги ҳужжатларни тақдим этади:
эмитентнинг депо ҳисобварағида ушбу чиқарилишнинг барча ХМИ облигациялари мавжудлигини тасдиқловчи эмитентнинг депо ҳисобварағидан кўчирма;
ХМИ облигациялари чиқариш тўғрисидаги қарорда (ёки унинг ўрнини босувчи бошқа ҳужжатларда) назарда тутилган ХМИ облигациялари бўйича барча мажбуриятлар эмитент томонидан бажарилганлигини, шунингдек эмитент томонидан тўлов агентлари вазифасини бажарувчи тижорат банклари орқали облигациялар бўйича мажбуриятлар бажарилган тақдирда, тўлов агентининг сўндирилган чиқарилишдаги облигациялар бўйича мажбуриятлар эмитент томонидан тўлиқ бажарилганлигини ёзма тасдиғи.
Сўндирилган ХМИ облигацияларини бекор қилиш бўйича ваколатли давлат орган томонидан қарор қабул қилинганда, беш кун ичида ушбу қарорнинг бир нусхаси эмитентга берилади (шахсан ёки электрон почта орқали) ва бир нусхаси Қимматли қоғозлар марказий депозитарийсига топширилади ҳамда бир нусхаси ваколатли давлат органида қолади.
23. ХМИ облигациялари биржа облигациялари шаклида чиқарилиши мумкин, уларнинг эмиссияси ваколатли давлат органи билан келишилган ҳолда фонд биржаси томонидан белгиланган тартибда амалга оширилади.
24. ХМИ облигациялари бўйича даромадларни тўлаш ва уларни сўндириш корпоратив облигациялар учун қонунчиликда белгиланган тартибда амалга оширилади.
25. ХМИ облигациялари тижорат банклари томонидан сотиб олинганда, уларга нисбатан Ўзбекистон Республикаси Марказий банки томонидан давлат қимматли қоғозлари учун белгиланган пруденциал меъёрлар ва рискларни бошқариш талаблари қўлланилади.
6-боб. Эмитент томонидан ахборотни ошкор этиш
26. Эмитент чиқарилаётган ХМИ облигациялари тўғрисидаги маълумотларни уларни Корпоратив ахборотнинг ягона порталида ёки эмитентнинг расмий веб-сайтида жойлаштириш орқали ошкор этиши шарт. Бунда, ошкор этиладиган маълумотлар рўйхати ваколатли орган томонидан белгиланади.
7-боб. Якуний қоида
27. Мазкур Низом талабларининг бузилишида айбдор бўлган шахслар қонунчиликка мувофиқ жавобгар бўладилар.
Халқаро молия институтларининг миллий валютада ифодаланган облигацияларини чиқариш ва рўйхатидан ўтказиш тўғрисидаги низомига ИЛОВА
« ТАСДИҚЛАНГАН » « РЎЙХАТДАН ЎТКАЗИЛГАН » __________________________________ ___________________________________ (эмитентнинг номи) (рўйхатдан ўтказувчи ваколатли давлат органининг номи) __________________________________ ___________________________________ (эмитент ваколатли шахсининг Ф.И.О. ва имзоси) (рўйхатдан ўтказувчи ваколатли давлат орган ваколатли шахсининг лавозими, Ф.И.О., имзо) _________________ _____-сон __________________ _______-сон (сана) (сана) Халқаро молия институти облигациялари чиқарилишини рўйхатдан ўтказиш бўйича АНКЕТА _______________________________________________________________________________________ (Халқаро молия институтининг номи) Идентификация рақами берилди: Мазкур ариза орқали Ўзбекистон миллий валютасида ифодаланган халқаро молия институти облигациялари чиқарилишини давлат рўйхатидан ўтказишингизни сўраймиз ва қуйидаги маълумотларни тақдим этамиз: 1. Чиқариш параметрлари Облигациялар тури Бир дона облигациянинг номинал қиймати Облигациялар сони Облигациялар чиқарилишининг (облигациялар дастурининг) умумий ҳажми Облигациялар учун тўлов усули 2. ХМИ облигациялари бўйича даромад олиш тартиби Облигациялар бўйича мукофотни белгилаш Облигациялар бўйича мукофот тўлаш даврийлиги ва (ёки) тўлов саналари, ҳар бир қимматли қоғозга тўғри келадиган даромад суммаси кўрсатилган ҳолда Облигациялар бўйича мукофот ҳисоблаш бошланадиган сана Облигациялар бўйича мукофот тўлаш тартиби ва шартлари Облигациялар бўйича мукофот олиш усули 3. ХМИ облигацияларини жойлаштириш тартиби Жойлаштириш усули Облигацияларни жойлаштиришнинг бошланиш ва тугаш саналари Облигацияларни сотиш жойи Қимматли қоғозлар савдосини ташкил этувчи ташкилотнинг номи ва унинг алоқа маълумотлари 4. ХМИ облигацияларнинг муомаласи тартиби Облигациялар муомаласининг бошланиш ва тугаш саналари 5. ХМИ облигацияларини сўндириш тартиби Облигацияларни сўндириш санаси Облигацияларни сўндириш усули Облигацияларни муддатидан олдин сўндириш имконияти ва шартлари
Директор Д. ЛИ
Марказий банк раиси Т. ИШМЕТОВ
Тошкент ш.,
2025 йил 24 июнь,
2025 йил 3 июнь
10-сон
Oʻzbekiston Respublikasi Istiqbolli loyihalar milliy agentligi direktorining
buyrugʻi
NIZOM
Xalqaro moliya institutlarining milliy valyutada ifodalangan obligatsiyalarini chiqarish va davlat roʻyxatidan oʻtkazish toʻgʻrisidagi nizomni tasdiqlash haqida
Oʻzbekiston Respublikasi Prezidentining 2025-yil 21-fevraldagi PF-26-son “Uy-joy va ipoteka bozorini yanada rivojlantirishga oid qoʻshimcha chora-tadbirlar toʻgʻrisida”gi Farmoniga muvofiq buyuraman:
1. Xalqaro moliya institutlarining milliy valyutada ifodalangan obligatsiyalarini chiqarish va davlat roʻyxatidan oʻtkazish toʻgʻrisidagi nizom ilovaga muvofiq tasdiqlansin.
2. Mazkur buyruq Oʻzbekiston Respublikasi Markaziy banki bilan kelishilgan.
3. Mazkur buyruq rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi Istiqbolli loyihalar milliy agentligi direktorining 2025-yil 24-iyundagi 10-son buyrugʻiga ILOVA
Xalqaro moliya institutlarining milliy valyutada ifodalangan obligatsiyalarini chiqarish va davlat roʻyxatidan oʻtkazish toʻgʻrisidagi
Ushbu Nizom xalqaro moliya institutlarining Oʻzbekiston Respublikasining milliy valyutasida ifodalangan obligatsiyalarining chiqarilishini soddalashtirilgan tartibda hisobga olish orqali davlat roʻyxatidan oʻtkazish hamda ularning joylashtirilishi va Oʻzbekiston Respublikasi hududida muomalada boʻlishi tartibini belgilaydi.
1-bob. Umumiy qoidalar
1. Mazkur Nizomda quyidagi asosiy tushunchalardan foydalaniladi:
xalqaro moliya institutlari (bundan buyon matnda XMI deb yuritiladi) — xalqaro moliya sohasidagi davlatlararo (xalqaro) kelishuvlar asosida tuzilgan tashkilotlar;
XMI obligatsiyalari — Oʻzbekiston Respublikasidagi loyihalar va dasturlarni moliyalashtirish uchun mablagʻ jalb etish maqsadida Oʻzbekiston Respublikasi hududida XMI tomonidan Oʻzbekiston Respublikasining milliy valyutasida hujjatsiz shaklda chiqariladigan obligatsiyalar;
emitent — XMI obligatsiyalarini chiqaruvchi va ular yuzasidan XMI obligatsiyalarining egalari oldida majburiyatlari boʻlgan XMI.
2. Mazkur Nizomda belgilangan tartibni amalga oshirish maqsadida qimmatli qogʻozlar bozorini tartibga solish boʻyicha Oʻzbekiston Respublikasi Istiqbolli loyihalar milliy agentligi (bundan buyon matnda vakolatli davlat organi deb yuritiladi) xalqaro moliya institutlari roʻyxatini belgilaydi.
2-bob. XMI obligatsiyalari chiqarilishini hisobga olish orqali davlat roʻyxatidan oʻtkazish
3. XMI obligatsiyalarini chiqarish toʻgʻrisidagi qaror, XMIning obligatsiyalar dasturi (bundan buyon matnda obligatsiyalar dasturi deb yuritiladi), emissiya risolasi yoki ularning oʻrnini bosuvchi boshqa hujjatlar, shuningdek XMI obligatsiyalarini chiqarilishi bilan bogʻliq hujjatlar emitentning ichki qoidalari va talablariga muvofiq qabul qilinadi hamda rasmiylashtiriladi.
4. XMI obligatsiyalari chiqarilishini (obligatsiyalar dasturini) davlat roʻyxatidan oʻtkazish emitent tomonidan vakolatli davlat organiga taqdim etiladigan XMI obligatsiyalari chiqarilishini (obligatsiyalar dasturini) roʻyxatdan oʻtkazish toʻgʻrisidagi arizaga (bundan buyon matnda ariza deb yuritiladi) asosan XMI obligatsiyalarini Emissiyaviy qimmatli qogʻozlar chiqarilishlarining yagona davlat reyestrida (bundan buyon matnda YADR deb yuritiladi) hisobga olish orqali amalga oshiriladi.
Vakolatli davlat organi tomonidan davlat roʻyxatidan oʻtkazilgan obligatsiyalar dasturi doirasida chiqariladigan XMI obligatsiyalari takroran davlat roʻyxatidan oʻtkazilmaydi.
5. Obligatsiyalar dasturi doirasida XMI obligatsiyalari chiqarilishidan kamida besh ish kuni oldin emitent tomonidan vakolatli davlat organiga chiqarish parametrlari va obligatsiyalar dasturining davlat roʻyxatdan oʻtkazilgan raqami koʻrsatilgan holda xabarnoma yuboriladi.
Bunda, XMI obligatsiyalari emitent tomonidan vakolatli davlat organiga yuborilgan xabarnomaga muvofiq chiqarilishi lozim.
6. XMI obligatsiyalari chiqarilishini (obligatsiyalar dasturini) davlat roʻyxatidan oʻtkazish uchun emitent vakolatli davlat organiga quyidagi hujjatlarni taqdim etishi shart:
a) quyidagi maʼlumotlar koʻrsatilishi lozim boʻlgan ariza:
emitent nomi;
emitentning yuridik manzili;
XMI obligatsiyalarining soni va turlari;
bir dona XMI obligatsiyasining nominal qiymati;
chiqarilishning umumiy hajmi;
XMI obligatsiyalari chiqarilishining tartib raqami;
emitentning masʼul xodimi haqida maʼlumot va uning aloqa maʼlumotlari;
b) quyidagi maʼlumotlar koʻrsatilishi lozim boʻlgan mazkur Nizomning ilovasidagi shaklda XMI obligatsiyalari chiqarilishini roʻyxatdan oʻtkazish boʻyicha anketa:
chiqarish parametrlari;
XMI obligatsiyalari boʻyicha daromad olish tartibi;
XMI obligatsiyalarini joylashtirish tartibi;
XMI obligatsiyalarining muomalasi tartibi;
XMI obligatsiyalarini soʻndirish tartibi;
v) XMI obligatsiyalarini chiqarish toʻgʻrisidagi qarori, obligatsiyalar dasturi, emissiya risolasi (qimmatli qogʻozlar ommaviy joylashtirilgan taqdirda) yoki ularning oʻrnini bosuvchi boshqa hujjatlarning nusxasi;
g) XMI obligatsiyalari chiqarilishini (obligatsiyalar dasturini) davlat roʻyxatidan oʻtkazish uchun yigʻim toʻlanganligi toʻgʻrisidagi toʻlov hujjatining nusxasi;
d) Qimmatli qogʻozlar markaziy depozitariysi bilan tuzilgan depozitariy shartnomasining nusxasi.
7. Emitent tomonidan vakolatli davlat organiga ariza, anketa hamda XMI obligatsiyalarini chiqarish toʻgʻrisidagi qaror (obligatsiyalar dasturi), emissiya risolasi (qimmatli qogʻozlar ommaviy joylashtirilgan taqdirda) yoki ularning oʻrnini bosuvchi boshqa hujjatlarning nusxasi belgilangan tartibda tasdiqlangan davlat tilidagi tarjimasi yoki rus tilidagi tarjimasi bilan birga ingliz tilida taqdim etilishi mumkin.
8. Emitent davlat roʻyxatidan oʻtkazish uchun taqdim etiladigan hujjatlarni vakolatli davlat organiga yozma (uch nusxada) yoki elektron shaklda, shu jumladan emitentning pochta manzilidan vakolatli davlat organining elektron pochta manziliga yuborish orqali taqdim etadi.
Elektron shaklda taqdim etiladigan maʼlumotlar “DOC”, “DOCX”, “XLS”, “XLSX”, “PDF” formatlarda boʻlishi lozim.
9. Emitent vakolatli davlat organiga davlat roʻyxatidan oʻtkazish uchun taqdim etiladigan hujjatlarni elektron tashuvchi orqali taqdim etgan taqdirda, vakolatli davlat organining masʼul xodimi tomonidan emitentga ushbu hujjatlarni qabul qilinganligini tasdiqlovchi xodimning familiyasi, ismi va otasining ismi hamda qabul qilingan sana koʻrsatilgan holda arizaning nusxasiga imzo qoʻyib beriladi.
10. Emitent vakolatli davlat organiga davlat roʻyxatidan oʻtkazish uchun taqdim etiladigan hujjatlarni elektron pochta manzili orqali taqdim etganda, ushbu hujjatlar sarlavhasi “XMI obligatsiyalari chiqarilishini davlat roʻyxatidan oʻtkazish uchun ariza” deb nomlanishi lozim.
Bunda, vakolatli davlat organi tomonidan emitentning davlat roʻyxatidan oʻtkazish uchun taqdim etilgan hujjatlarni qabul qilingan sanasi ularning vakolatli davlat organining elektron pochta manziliga kelib tushgan sanasi hisoblanadi.
11. Vakolatli davlat organi tomonidan XMI obligatsiyalari chiqarilishini (obligatsiyalar dasturini) davlat roʻyxatidan oʻtkazish uchun taqdim etilgan hujjatlarni koʻrib chiqish muddati ular vakolatli davlat organi tomonidan olingan sanadan boshlab oʻn besh kundan oshmasligi kerak. Ushbu muddat davomida vakolatli davlat organi XMI obligatsiyalari chiqarilishini (obligatsiyalar dasturini) davlat roʻyxatidan oʻtkazishni amalga oshiradi va tegishli maʼlumotlarni YADRga kiritadi yoki XMI obligatsiyalari chiqarilishini (obligatsiyalar dasturini) davlat roʻyxatidan oʻtkazishni rad etadi.
XMI obligatsiyalari davlat roʻyxatidan oʻtkazilganidan keyin davlat roʻyxatidan oʻtkazilganligini tasdiqlovchi belgi qoʻyilgan XMI obligatsiyalarini chiqarish toʻgʻrisidagi anketaning bir nusxasi vakolatli davlat organida qoladi, bir nusxasi shaxsan yoki elektron pochta orqali emitentga beriladi va bir nusxasi qimmatli qogʻozlar chiqarilishini tasdiqlovchi hujjatlar ilova qilingan holda Qimmatli qogʻozlar markaziy depozitariysiga topshiriladi.
12. XMI obligatsiyalari chiqarilishini (obligatsiyalar dasturini) davlat roʻyxatidan oʻtkazish quyidagi hollarda rad etiladi:
ushbu Nizomning 6-bandida nazarda tutilgan hujjatlar toʻliq taqdim etilmaganda yoki taqdim etilgan hujjatlarda notoʻgʻri yoki buzib koʻrsatilgan maʼlumotlar mavjudligi aniqlanganda;
mazkur Nizomning 3-bobida nazarda tutilgan yigʻimlar toʻlanmaganda;
emitent vakolatli davlat organi tomonidan belgilangan XMI roʻyxatida mavjud boʻlmaganda.
13. XMI obligatsiyalariga Qimmatli qogʻozlar markaziy depozitariysi tomonidan qimmatli qogʻozning xalqaro identifikatsiya kodi (ISIN), moliyaviy vositalarni tasniflashning xalqaro kodi (CFI) va moliyaviy vositaning qisqacha nomi (FISN) beriladi.
3-bob. XMI obligatsiyalari chiqarilishini (obligatsiyalar dasturini) davlat roʻyxatidan oʻtkazish uchun yigʻim
14. XMI obligatsiyalari chiqarilishini (obligatsiyalar dasturini) davlat roʻyxatidan oʻtkazish uchun emitent vakolatli davlat organiga Oʻzbekiston Respublikasi “Qimmatli qogʻozlar bozori toʻgʻrisida”gi Qonunining 10-moddasiga asosan yigʻim toʻlaydi.
15. Vakolatli davlat organi tomonidan XMI obligatsiyalari chiqarilishini (obligatsiyalar dasturini) davlat roʻyxatidan oʻtkazish rad etilganda yigʻim qaytarilmaydi.
4-bob. Avval davlat roʻyxatidan oʻtkazilgan XMI obligatsiyalari chiqarilishiga (obligatsiyalar dasturiga) oʻzgartirish va (yoki) qoʻshimchalar kiritish
16. Emitent tomonidan ilgari vakolatli davlat organida davlat roʻyxatidan oʻtkazilgan XMI obligatsiyalari chiqarilishiga (obligatsiyalar dasturiga) oʻzgartirish va (yoki) qoʻshimchalar kiritilgan taqdirda, emitent mazkur oʻzgartirish va (yoki) qoʻshimchalarni kiritish toʻgʻrisidagi qarorning (obligatsiyalar dasturining), emissiya risolasining (qimmatli qogʻozlar ommaviy joylashtirilgan taqdirda) yoki ularning oʻrnini bosuvchi boshqa hujjatlarning nusxasini taqdim etgan holda bunday oʻzgartirish va (yoki) qoʻshimchalar kiritilgan kundan boshlab uch ish kuni ichida vakolatli davlat organini yozma yoki elektron shaklda yoxud vakolatli davlat organining elektron pochta manziliga yuborish orqali xabardor qilishi shart.
Bunda, vakolatli davlat organi XMI obligatsiyalari chiqarilishiga (obligatsiyalar dasturiga) kiritilgan oʻzgartirish va (yoki) qoʻshimchalarni oʻn besh kun ichida YADRda davlat roʻyxatidan oʻtkazadi.
17. Avval davlat roʻyxatidan oʻtkazilgan XMI obligatsiyalari chiqarilishiga (obligatsiyalar dasturiga) kiritilgan oʻzgartirish va (yoki) qoʻshimchalarni davlat roʻyxatidan oʻtkazish toʻgʻrisidagi vakolatli davlat organining qarorining bir nusxasi vakolatli davlat organida qoladi, bir nusxasi shaxsan yoki elektron pochta orqali emitentga beriladi va bir nusxasi Qimmatli qogʻozlar markaziy depozitariysiga topshiriladi.
5-bob. XMI obligatsiyalarini joylashtirish va ularning muomalasi
18. XMI obligatsiyalarini joylashtirilishiga vakolatli davlat organi tomonidan davlat roʻyxatidan oʻtkazilgan kundan boshlab ruxsat beriladi. Bunda joylashtirish muddati bir yildan oshmasligi lozim.
19. XMI obligatsiyalarini joylashtirish va ularning muomalasi “Toshkent” respublika fond birjasi” AJda amalga oshiriladi.
Oʻzbekiston Respublikasi Markaziy banki bilan tijorat banklari oʻrtasida XMI obligatsiyalari bilan REPO operatsiyalarini “Oʻzbekiston Respublikasi valyuta birjasi” AJda oʻtkazishga ruxsat etiladi.
20. Emitent davlat roʻyxatidan oʻtkazilgan XMI obligatsiyalarini joylashtirish muddati oʻtgan kundan keyin oʻn besh kundan kechiktirmasdan, agar barcha XMI obligatsiyalari joylashtirish muddati oʻtmasdan oldin joylashtirilgan boʻlsa, ushbu chiqarilishdagi soʻnggi XMI obligatsiyasi joylashtirilgan kundan keyin oʻn besh kundan kechiktirmasdan vakolatli davlat organiga XMI obligatsiyalarini chiqarish natijalari toʻgʻrisida yozma yoki elektron shaklda yoxud vakolatli davlat organining elektron pochta manziliga yuborish orqali xabardor qiladi.
21. Emitent XMI obligatsiyalari muomalasining muddati oʻtgan kundan keyin oʻn besh kundan kechiktirmasdan, agar barcha XMI obligatsiyalari ushbu muddat oʻtgunicha keyinchalik ularni soʻndirish maqsadida qaytarib sotib olingan boʻlsa, ushbu chiqarishdagi oxirgi XMI obligatsiyasi qaytarib sotib olingan kundan keyin oʻn besh kundan kechiktirmasdan vakolatli davlat organiga XMI obligatsiyalarining muomala muddati tugaganligi toʻgʻrisida yozma yoki elektron shaklda yoxud vakolatli davlat organining elektron pochta manziliga yuborish orqali xabardor qiladi.
22. Soʻndirilgan XMI obligatsiyalari vakolatli davlat organining qaroriga asosan bekor qilinadi va XMI obligatsiyalari chiqarilishiga ilgari berilgan davlat roʻyxatidan oʻtkazish raqami YADRdan chiqarib tashlanadi.
Soʻndirilgan XMI obligatsiyalarini bekor qilish uchun emitent vakolatli davlat organiga quyidagi hujjatlarni taqdim etadi:
emitentning depo hisobvaragʻida ushbu chiqarilishning barcha XMI obligatsiyalari mavjudligini tasdiqlovchi emitentning depo hisobvaragʻidan koʻchirma;
XMI obligatsiyalari chiqarish toʻgʻrisidagi qarorda (yoki uning oʻrnini bosuvchi boshqa hujjatlarda) nazarda tutilgan XMI obligatsiyalari boʻyicha barcha majburiyatlar emitent tomonidan bajarilganligini, shuningdek emitent tomonidan toʻlov agentlari vazifasini bajaruvchi tijorat banklari orqali obligatsiyalar boʻyicha majburiyatlar bajarilgan taqdirda, toʻlov agentining soʻndirilgan chiqarilishdagi obligatsiyalar boʻyicha majburiyatlar emitent tomonidan toʻliq bajarilganligini yozma tasdigʻi.
Soʻndirilgan XMI obligatsiyalarini bekor qilish boʻyicha vakolatli davlat organ tomonidan qaror qabul qilinganda, besh kun ichida ushbu qarorning bir nusxasi emitentga beriladi (shaxsan yoki elektron pochta orqali) va bir nusxasi Qimmatli qogʻozlar markaziy depozitariysiga topshiriladi hamda bir nusxasi vakolatli davlat organida qoladi.
23. XMI obligatsiyalari birja obligatsiyalari shaklida chiqarilishi mumkin, ularning emissiyasi vakolatli davlat organi bilan kelishilgan holda fond birjasi tomonidan belgilangan tartibda amalga oshiriladi.
24. XMI obligatsiyalari boʻyicha daromadlarni toʻlash va ularni soʻndirish korporativ obligatsiyalar uchun qonunchilikda belgilangan tartibda amalga oshiriladi.
25. XMI obligatsiyalari tijorat banklari tomonidan sotib olinganda, ularga nisbatan Oʻzbekiston Respublikasi Markaziy banki tomonidan davlat qimmatli qogʻozlari uchun belgilangan prudensial meʼyorlar va risklarni boshqarish talablari qoʻllaniladi.
6-bob. Emitent tomonidan axborotni oshkor etish
26. Emitent chiqarilayotgan XMI obligatsiyalari toʻgʻrisidagi maʼlumotlarni ularni Korporativ axborotning yagona portalida yoki emitentning rasmiy veb-saytida joylashtirish orqali oshkor etishi shart. Bunda, oshkor etiladigan maʼlumotlar roʻyxati vakolatli organ tomonidan belgilanadi.
7-bob. Yakuniy qoida
27. Mazkur Nizom talablarining buzilishida aybdor boʻlgan shaxslar qonunchilikka muvofiq javobgar boʻladilar.
Xalqaro moliya institutlarining milliy valyutada ifodalangan obligatsiyalarini chiqarish va roʻyxatidan oʻtkazish toʻgʻrisidagi nizomiga ILOVA
“ TASDIQLANGAN ” “ ROʻYXATDAN OʻTKAZILGAN ” __________________________________ ___________________________________ (emitentning nomi) (roʻyxatdan oʻtkazuvchi vakolatli davlat organining nomi) __________________________________ ___________________________________ (emitent vakolatli shaxsining F.I.O. va imzosi) (roʻyxatdan oʻtkazuvchi vakolatli davlat organ vakolatli shaxsining lavozimi, F.I.O., imzo) _________________ _____-son __________________ _______-son (sana) (sana) Xalqaro moliya instituti obligatsiyalari chiqarilishini roʻyxatdan oʻtkazish boʻyicha ANKETA _______________________________________________________________________________________ (Xalqaro moliya institutining nomi) Identifikatsiya raqami berildi: Mazkur ariza orqali Oʻzbekiston milliy valyutasida ifodalangan xalqaro moliya instituti obligatsiyalari chiqarilishini davlat roʻyxatidan oʻtkazishingizni soʻraymiz va quyidagi maʼlumotlarni taqdim etamiz: 1. Chiqarish parametrlari Obligatsiyalar turi Bir dona obligatsiyaning nominal qiymati Obligatsiyalar soni Obligatsiyalar chiqarilishining (obligatsiyalar dasturining) umumiy hajmi Obligatsiyalar uchun toʻlov usuli 2. XMI obligatsiyalari boʻyicha daromad olish tartibi Obligatsiyalar boʻyicha mukofotni belgilash Obligatsiyalar boʻyicha mukofot toʻlash davriyligi va (yoki) toʻlov sanalari, har bir qimmatli qogʻozga toʻgʻri keladigan daromad summasi koʻrsatilgan holda Obligatsiyalar boʻyicha mukofot hisoblash boshlanadigan sana Obligatsiyalar boʻyicha mukofot toʻlash tartibi va shartlari Obligatsiyalar boʻyicha mukofot olish usuli 3. XMI obligatsiyalarini joylashtirish tartibi Joylashtirish usuli Obligatsiyalarni joylashtirishning boshlanish va tugash sanalari Obligatsiyalarni sotish joyi Qimmatli qogʻozlar savdosini tashkil etuvchi tashkilotning nomi va uning aloqa maʼlumotlari 4. XMI obligatsiyalarning muomalasi tartibi Obligatsiyalar muomalasining boshlanish va tugash sanalari 5. XMI obligatsiyalarini soʻndirish tartibi Obligatsiyalarni soʻndirish sanasi Obligatsiyalarni soʻndirish usuli Obligatsiyalarni muddatidan oldin soʻndirish imkoniyati va shartlari
Direktor D. LI
Markaziy bank raisi T. ISHMETOV
Toshkent sh.,
2025-yil 24-iyun,
2025-yil 3-iyun
10-son
Директора Национального агентства перспективных проектов Республики Узбекистан
Приказ
ПОЛОЖЕНИЕ
Об утверждении Положения о выпуске и государственной регистрации облигаций международных финансовых институтов, выраженных в национальной валюте
В соответствии с Указом Президента Республики Узбекистан от 21 февраля 2025 года № УП-26 «О дополнительных мерах по дальнейшему развитию рынков жилья и ипотеки» приказываю:
1. Утвердить Положение о выпуске и государственной регистрации облигаций международных финансовых институтов, выраженных в национальной валюте, согласно приложению .
2. Настоящий приказ согласован с Центральным банком Республики Узбекистан.
3. Настоящий приказ вступает в силу со дня его официального опубликования.
Согласовано:
ПРИЛОЖЕНИЕ к Приказу Директора Национального агентства перспективных проектов Республики Узбекистан от 24 июня 2025 года № 10
о выпуске и государственной регистрации облигаций международных финансовых институтов, выраженных в национальной валюте
Настоящее Положение определяет порядок государственной регистрации выпуска облигаций международных финансовых институтов, выраженных в национальной валюте Республики Узбекистан в упрощенном порядке, путем постановки на учет и их размещения и обращения на территории Республики Узбекистан.
Глава 1. Общие положения
1. В настоящем Положении используются следующие основные понятия:
международные финансовые институты (далее — МФИ) — организации, созданные на основе межгосударственных (международных) соглашений в области международных финансов;
облигации МФИ — облигации, выпускаемые МФИ на территории Республики Узбекистан в национальной валюте Республики Узбекистан в бездокументарной форме с целью привлечения средств для финансирования проектов и программ в Республике Узбекистан;
эмитент — МФИ, выпускающие облигации МФИ и имеющие обязательства по ним перед владельцами облигаций МФИ.
2. В целях реализации порядка, установленного настоящим Положением, Национальное агентство перспективных проектов Республики Узбекистан (далее — уполномоченный государственный орган) определяет перечень международных финансовых институтов.
Глава 2. Государственная регистрация выпуска облигаций МФИ путем постановки на учет
3. Решение МФИ о выпуске облигаций, программа облигаций МФИ (далее — программа облигаций), проспект эмиссии или иные заменяющие их документы, а также другие документы, связанные с выпуском облигаций МФИ, принимаются и оформляются в соответствии с внутренними правилами и требованиями эмитента.
4. Государственная регистрация выпуска облигаций (программы облигаций) МФИ осуществляется путем постановки на учет выпуска облигаций (программы облигаций) МФИ в Едином государственном реестре выпусков эмиссионных ценных бумаг (далее — ЕГР) на основании заявления о регистрации выпуска облигаций МФИ (программы облигаций) (далее — заявление), представляемого эмитентом в уполномоченный государственный орган.
Облигации МФИ, выпущенные в рамках зарегистрированной уполномоченным государственным органом программы облигаций, не подлежат повторной государственной регистрации.
5. В рамках программы облигаций не менее чем за пять рабочих дней до выпуска облигаций МФИ эмитентом направляется уведомление в уполномоченный государственный орган с указанием параметров выпуска и государственного регистрационного номера программы облигаций.
При этом облигации МФИ должны выпускаться в соответствии с уведомлением, направленным эмитентом в уполномоченный государственный орган.
6. Для государственной регистрации выпуска облигаций (программы облигаций) МФИ, эмитент обязан представить в уполномоченный государственный орган следующие документы:
а) Заявление, в котором должны быть указаны следующие сведения:
наименование эмитента;
юридический адрес эмитента;
количество и виды облигаций МФИ;
номинальная стоимость одной облигации МФИ;
общий объем выпуска;
порядковый номер выпуска облигаций МФИ;
сведения об ответственном сотруднике эмитента и его контактные данные;
б) анкета по регистрации выпуска облигаций МФИ по форме согласно приложению к настоящему Положению, в которой должны быть указаны следующие сведения:
параметры выпуска;
порядок получения дохода по облигациям МФИ;
порядок размещения облигаций МФИ;
порядок обращения облигаций МФИ;
порядок погашения облигаций МФИ;
в) копия решения о выпуске облигаций МФИ, программы облигаций, проспекта эмиссии (в случае публичного размещения ценных бумаг) или иных заменяющих их документов;
г) копия платежного документа об уплате сбора за государственную регистрацию выпуска облигаций МФИ (программы облигаций);
д) копия депозитарного договора, заключенного с Центральным депозитарием ценных бумаг;
7. Эмитент может представить в уполномоченный государственный орган заявление, анкету и копию решения о выпуске облигаций МФИ (программы облигаций), проспекта эмиссии (в случае публичного размещения ценных бумаг) или иных заменяющих их документов на английском языке с заверенным в установленном порядке переводом на государственный язык или переводом на русский язык.
8. Эмитент представляет документы для государственной регистрации в уполномоченный государственный орган в письменной (в трех экземплярах) или электронной форме, в том числе путем направления с почтового адреса эмитента на электронный адрес уполномоченного государственного органа.
Информация, представляемая в электронной форме, должна быть в форматах «DOC», «DOCX», «XLS», «XLSX», «PDF».
9. В случае представления эмитентом в уполномоченный государственный орган документов, предоставляемых для государственной регистрации посредством электронного носителя, ответственный сотрудник уполномоченного государственного органа подписывает копию заявления эмитента с указанием фамилии, имени и отчества сотрудника, а также даты приема, подтверждающую получение документов.
10. При представлении эмитентом в уполномоченный государственный орган документов, предоставляемых для государственной регистрации посредством электронной почты, заголовок этих документов должен называться «Заявление на государственную регистрацию выпуска облигаций МФИ».
При этом, датой принятия документов, предоставленных эмитентом для государственной регистрации в уполномоченный государственный орган считается дата их поступления на адрес электронной почты уполномоченного государственного органа.
11. Срок рассмотрения уполномоченным государственным органом документов, представленных для государственной регистрации выпуска облигаций МФИ (программы облигаций), не должен превышать пятнадцати рабочих дней с даты их получения уполномоченным государственным органом. В течение этого срока уполномоченный государственный орган осуществляет государственную регистрацию выпуска облигаций МФИ (программы облигаций) и вносит соответствующие данные в ЕГР или отказывает в государственной регистрации выпуска облигаций МФИ (программы облигаций).
После государственной регистрации облигаций МФИ один экземпляр анкеты о выпуске облигаций МФИ с отметкой, подтверждающей государственную регистрацию, остается в уполномоченном государственном органе, один экземпляр выдается эмитенту лично или по электронной почте и один экземпляр передается в Центральный депозитарий ценных бумаг с приложением документов, подтверждающих выпуск ценных бумаг.
12. Государственная регистрация выпуска облигаций МФИ (программы облигаций) отказывается в следующих случаях:
представления документов, предусмотренных пунктом 6 настоящего Положения, не в полном объеме или выявления наличия в представленных документах недостоверных или искаженных сведений;
неуплаты сборов, предусмотренных главой 3 настоящего Положения;
отсутствие эмитента в перечне МФИ, определяемом уполномоченным государственным органом.
13. Облигациям МФИ Центральным депозитарием ценных бумаг присваиваются международный идентификационный код ценной бумаги (ISIN), международный код классификации финансовых инструментов (CFI) и краткое название финансового инструмента (FISN).
Глава 3. Сбор за государственную регистрацию выпуска облигаций МФИ (программы облигаций)
14. За государственную регистрацию выпуска облигаций МФИ (программы облигаций) эмитент уплачивает в уполномоченный государственный орган сбор в соответствии со статьей 10 Закона Республики Узбекистан «О рынке ценных бумаг».
15. В случае отказа уполномоченного государственного органа в государственной регистрации выпуска облигаций МФИ (программы облигаций) сбор не возвращается.
Глава 4. Внесение изменений и (или) дополнений в ранее прошедший государственную регистрацию выпуск облигаций МФИ (программы облигаций)
16. В случае внесения эмитентом изменений и (или) дополнений в ранее зарегистрированный в уполномоченном государственном органе выпуск (программу облигаций) облигаций МФИ, эмитент обязан уведомить уполномоченный государственный орган в письменной или электронной форме либо путем направления на электронный адрес уполномоченного государственного органа копии решения о внесении указанных изменений и (или) дополнений (программы облигаций), проспекта эмиссии (в случае публичного размещения ценных бумаг) или иных заменяющих их документов в течение трех рабочих дней со дня внесения таких изменений и (или) дополнений.
При этом уполномоченный государственный орган в течение пятнадцати дней осуществляет государственную регистрацию изменений и (или) дополнений в выпуск облигаций МФИ (программу облигаций) в ЕГР.
17. Один экземпляр решения уполномоченного государственного органа о государственной регистрации изменений и (или) дополнений, внесенных в ранее зарегистрированный выпуск облигаций МФИ (программы облигаций), остается в уполномоченном государственном органе, один экземпляр выдается эмитенту лично или по электронной почте и один экземпляр передается в Центральный депозитарий ценных бумаг.
Глава 5. Размещение и обращение облигаций МФИ
18. Размещение облигаций МФИ разрешается с даты их государственной регистрации уполномоченным государственным органом. При этом срок размещения не должен превышать одного года.
19. Размещение и обращение облигаций МФИ осуществляется на АО «Республиканская фондовая биржа «Тошкент».
Разрешается проведение операций РЕПО с облигациями МФИ между Центральным банком Республики Узбекистан и коммерческими банками в АО «Узбекская Республиканская валютная биржа».
20. Эмитент не позднее пятнадцати дней со дня истечения срока размещения облигаций МФИ, прошедших государственную регистрацию, а в случае, если все облигации МФИ были размещены до истечения срока размещения, не позднее пятнадцати дней со дня размещения последней облигации МФИ данного выпуска, уведомляет уполномоченный государственный орган о результатах выпуска облигаций МФИ в письменной или электронной форме либо путем направления на адрес электронной почты уполномоченного государственного органа.
21. Эмитент не позднее пятнадцати дней со дня истечения срока обращения облигаций МФИ, а в случае, если все облигации МФИ были выкуплены до истечения этого срока с целью их последующего погашения, не позднее пятнадцати дней со дня выкупа последней облигации МФИ данного выпуска, уведомляет уполномоченный государственный орган в письменной или электронной форме либо путем направления на адрес электронной почты уполномоченного государственного органа об окончании срока обращения облигаций МФИ.
22. Погашенные облигации МФИ аннулируются на основании решения уполномоченного государственного органа, и ранее присвоенный государственный регистрационный номер выпуска облигаций МФИ исключается из ЕГР.
Для аннулирования погашенных облигаций МФИ эмитент представляет в уполномоченный государственный орган следующие документы:
выписка со счета депо эмитента, подтверждающая наличие на счете депо эмитента всех облигаций МФИ данного выпуска;
письменное подтверждение эмитента о выполнении всех обязательств по облигациям МФИ, предусмотренных решением о выпуске облигаций МФИ (или иными заменяющими его документами), а также письменное подтверждение платежного агента о полном исполнении эмитентом обязательств по облигациям МФИ погашенного выпуска в случае исполнения эмитентом обязательств по облигациям через коммерческие банки, выполняющие функции платежных агентов.
При принятии уполномоченным государственным органом решения об аннулировании погашенных облигаций МФИ, в течение пяти дней один экземпляр данного решения передается эмитенту (лично или по электронной почте) и один экземпляр передается в Центральный депозитарий ценных бумаг, а один экземпляр остается в уполномоченном государственном органе.
23. Облигации МФИ могут выпускаться в форме биржевых облигаций, эмиссия которых осуществляется в порядке, установленном фондовой биржей по согласованию с уполномоченным государственным органом.
24. Выплата доходов по облигациям МФИ и их погашение осуществляются в порядке, установленном законодательством для корпоративных облигаций.
25. При приобретении облигаций МФИ коммерческими банками к ним применяются пруденциальные нормы и требования по управлению рисками, установленные Центральным банком Республики Узбекистан для государственных ценных бумаг.
Глава 6. Раскрытие информации эмитентом
26. Эмитент обязан раскрывать информацию о выпускаемых облигациях МФИ путем размещения на Едином портале корпоративной информации или на официальном веб-сайте эмитента. При этом, перечень раскрываемой информации определяется уполномоченным государственным органом.
Глава 7. Заключительное положение
27. Лица, виновные в нарушении требований настоящего Положения, несут ответственность в соответствии с законодательством.
ПРИЛОЖЕНИЕ к Положению о выпуске и государственной регистрации облигаций международных финансовых институтов, выраженных в национальной валюте
«УТВЕРЖДЕНО» «ЗАРЕГИСТРИРОВАНО» __________________________________ ___________________________________ (наименование эмитента) (наименование регистрирующего уполномоченного государственного органа) __________________________________ ___________________________________ (Ф.И.О. и подпись уполномоченного лица эмитента) (должность, Ф.И.О., подпись уполномоченного лица регистрирующего уполномоченного государственного органа) _________________ № _____ __________________ № _______ (дата) (дата) АНКЕТА по регистрации выпуска облигаций Международного финансового института _______________________________________________________________________________________ (наименование Международного финансового института) Присвоен идентификационный номер: Настоящим заявлением просим осуществить государственную регистрацию выпуска облигаций международного финансового института, выраженных в национальной валюте Узбекистана, и предоставляем следующую информацию: 1. Параметры выпуска Вид облигаций Номинальная стоимость одной облигации Количество облигаций Общий объем выпуска облигаций (программы облигаций) Способ оплаты облигаций 2. Порядок получения дохода по облигациям МФИ Определение вознаграждения по облигациям Периодичность выплаты вознаграждения и (или) даты выплаты вознаграждения по облигациям с указанием суммы дохода на одну ценную бумагу Дата, с которой начинается начисление вознаграждения по облигациям Порядок и условия выплаты вознаграждения по облигациям Способ получения вознаграждения по облигациям 3. Порядок размещения облигаций МФИ Способ размещения Дата начала и дата окончания размещения облигаций Место реализации облигаций Наименование организатора торгов ценными бумагами и его контактные данные 4. Порядок обращения облигаций МФИ Дата начала и дата окончания обращения облигаций 5. Порядок погашения облигаций МФИ Дата погашения облигаций Способ погашения облигаций Возможность и условия досрочного погашения облигаций
Директор Д. ЛИ
Председатель Центрального банка Т. ИШМЕТОВ
г. Ташкент,
24 июня 2025 г.,
3 июня 2025 г.
№ 10