📅 2025-yil 28-iyul · Vazirlik va idoralar hujjatlari · Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi boshligʻi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 28 июль · Вазирлик ва идоралар ҳужжатлари · Вазирлар Маҳкамаси ҳузуридаги Электр энергияси, нефть маҳсулотлари ва газдан фойдаланишни назорат қилиш инспекцияси бошлиғи
Расмий матн. Расмий ҳужжат. Таҳририй изоҳлар киритилмаган.
📅 28 июля 2025 г. · Документы министерств и ведомств · Начальник Инспекции по контролю за использованием электрической энергии, нефтепродуктов и газа при Кабинете Министров
Официальный текст. Официальный документ. Редакционные примечания не включены.
📅 28 July 2025 · Ministry and agency documents · Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi boshligʻi
Official text. Official document. Editorial notes are not included.
Ўзбекистон Республикаси Вазирлар Маҳкамаси ҳузуридаги Электр энергияси, нефть маҳсулотлари ва газдан фойдаланишни назорат қилиш инспекцияси бошлиғининг
буйруғи
«Реактив қувват компенсацияси бўйича ишларни ташкил этиш тартиби тўғрисидаги низомни тасдиқлаш ҳақида»ги буйруққа ўзгартиришлар киритиш тўғрисида
Ўзбекистон Республикаси Вазирлар Маҳкамасининг 2024 йил 31 майдаги 319-сон «Электр энергияси ва табиий газдан фойдаланиш қоидаларини тасдиқлаш тўғрисида»ги қарорига мувофиқ буюраман:
1. Ўзбекистон Республикаси электр энергетикада назорат бўйича давлат инспекцияси бошлиғининг 2008 йил 9 сентябрдаги 168-сон «Реактив қувват компенсацияси бўйича ишларни ташкил этиш тартиби тўғрисидаги низомни тасдиқлаш ҳақида»ги буйруғига (рўйхат рақами 1864, 2008 йил 10 октябрь) (Ўзбекистон Республикаси қонун ҳужжатлари тўплами, 2008 й., 40-41-сон, 419-модда) иловага мувофиқ ўзгартиришлар киритилсин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси Вазирлар Маҳкамаси ҳузуридаги Электр энергияси, нефть маҳсулотлари ва газдан фойдаланишни назорат қилиш инспекцияси бошлиғининг 2025 йил 28 июлдаги 11-сон буйруғига ИЛОВА
«Реактив қувват компенсацияси бўйича ишларни ташкил этиш тартиби тўғрисидаги низомни тасдиқлаш ҳақида»ги буйруққа киритилаётган ўзгартиришлар
1. Буйруқнинг муқаддимаси қуйидаги таҳрирда баён этилсин:
«Ўзбекистон Республикаси Президентининг 2024 йил 23 августдаги ПФ-118-сон «Ёқилғи-энергетика тармоғида давлат назорати тизимини такомиллаштириш чора-тадбирлари тўғрисида»ги Фармонига мувофиқ буюраман:»;
2. Низомда :
1) 1-бандда :
олтинчи хатбоши қуйидаги таҳрирда баён этилсин:
«истеъмолчи — электр таъминоти шартномасига мувофиқ электр энергиясидан фойдаланувчи, рухсат этилган қуввати 50 кВт ва ундан ортиқни ташкил этган барча истеъмолчилар (маиший истеъмолчилар бундан мустасно);»;
еттинчи хатбоши чиқариб ташлансин;
саккизинчи — йигирманчи хатбошилар тегишли равишда еттинчи — ўн тўққизинчи хатбошилар деб ҳисоблансин;
ўн тўртинчи хатбоши чиқариб ташлансин;
ўн бешинчи — ўн тўққизинчи хатбошилар тегишли равишда ўн тўртинчи — ўн саккизинчи хатбошилар деб ҳисоблансин;
ўн саккизинчи хатбоши қуйидаги таҳрирда баён этилсин:
«электр таъминоти шартномаси — истеъмолчида керакли ускуналар ва электр энергияси истеъмолини ҳисоблагичлар мавжуд бўлган тақдирда, Ҳудудий электр таъминоти корхоналарига электр тармоғи орқали электр энергиясини етказиб бериш мажбуриятини юклайдиган, истеъмолчига эса электр энергияси ҳақини тўлаш, шунингдек, электр энергияси истеъмолининг шартномада назарда тутилган режимига риоя қилиш, ўз тасарруфида бўлган электр тармоқларини эксплуатация қилиш, хавфсизлигини ҳамда электр энергияси истеъмоли билан боғлиқ бўлган ўзи фойдаланадиган ускуналар ва асбобларнинг соз ҳолатда бўлишини таъминлашга доир чора-тадбирларни бажариш мажбуриятини юклайдиган битим.»;
2) 2-банддаги «20» рақами «50» рақами билан алмаштирилсин;
3) 11-банддаги «Энергетика вазирлиги» деган сўзлар «Вазирлар Маҳкамаси» деган сўзлар билан алмаштирилсин;
4) 16-банднинг иккинчи хатбошиси чиқариб ташлансин;
5) 18 ва 19-бандлар қуйидаги таҳрирда баён этилсин:
«18. Электр таъминоти шартномасига қўшимча тарзда қуйидагилар кўрсатилиши лозим:
ягона электр энергетика тизими тармоғидан ҳисобот даври учун истеъмол қилинадиган реактив энергиянинг иқтисодий қиймати;
талаб этиладиган қувват коэффициенти (cos φ);
ягона электр энергетика тизимининг энг катта юкламаларининг назорат соатлари (йилнинг ҳар бир ойи бўйича бўлиб чиқиш орқали);
электр тармоғининг катта юкламали соатларида ягона электр энергетика тизимининг электр тармоғига бир ойда ҳосил қилинадиган ва (ёки) бир ойда кичик юкламали соатларда мажбурий истеъмол қилинадиган реактив энергиянинг чегаравий қийматлари.
19. Реактив қувват бўйича ҳисоб-китоб қиладиган истеъмолчилар учун реактив энергия ва қувватнинг иқтисодий ва техник кўрсаткичлари мазкур Низомнинг иловасида келтирилган формулаларга мувофиқ аниқланади.»;
6) 24-банд қуйидаги таҳрирда баён этилсин:
«24. Назорат қилинадиган катталикларга куйидагилар киради:
шартномада кўрсатилган компенсация қурилмаларининг жойида ҳақиқатда ўрнатилган қуввати;
реактив энергиянинг ҳар бир ҳисобот даври учун иқтисодий қиймати.»;
7) 26-банднинг биринчи хатбошиси қуйидаги таҳрирда баён этилсин:
«26. Энергия тизими тармоқларидан истеъмолчининг тармоқларига узатиладиган ва истеъмолчи томонидан ҳосил қилинадиган реактив энергияни назорат қилиш учун электр энергиясини ҳисобга олиш ва назорат қилишнинг автоматлаштирилган тизимига мос келадиган ҳисоблагичлардан фойдаланилади. Бунда, электрон ҳисоблагичлар қуйидаги катталикларни ҳисобга олиш имконига эга бўлишлари керак:».
Бошлиқ в.в.б Х. ЭШҚЎЗИЕВ
Тошкент ш.,
2025 йил 28 июль,
11-сон
Oʻzbekiston Respublikasi Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi boshligʻining
buyrugʻi
“Reaktiv quvvat kompensatsiyasi boʻyicha ishlarni tashkil etish tartibi toʻgʻrisidagi nizomni tasdiqlash haqida”gi buyruqqa oʻzgartirishlar kiritish toʻgʻrisida
Oʻzbekiston Respublikasi Vazirlar Mahkamasining 2024-yil 31-maydagi 319-son “Elektr energiyasi va tabiiy gazdan foydalanish qoidalarini tasdiqlash toʻgʻrisida”gi qaroriga muvofiq buyuraman:
1. Oʻzbekiston Respublikasi elektr energetikada nazorat boʻyicha davlat inspeksiyasi boshligʻining 2008-yil 9-sentabrdagi 168-son “Reaktiv quvvat kompensatsiyasi boʻyicha ishlarni tashkil etish tartibi toʻgʻrisidagi nizomni tasdiqlash haqida”gi buyrugʻiga (roʻyxat raqami 1864, 2008-yil 10-oktabr) (Oʻzbekiston Respublikasi qonun hujjatlari toʻplami, 2008-y., 40-41-son, 419-modda) ilovaga muvofiq oʻzgartirishlar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi boshligʻining 2025-yil 28-iyuldagi 11-son buyrugʻiga ILOVA
“Reaktiv quvvat kompensatsiyasi boʻyicha ishlarni tashkil etish tartibi toʻgʻrisidagi nizomni tasdiqlash haqida”gi buyruqqa kiritilayotgan oʻzgartirishlar
1. Buyruqning muqaddimasi quyidagi tahrirda bayon etilsin:
“Oʻzbekiston Respublikasi Prezidentining 2024-yil 23-avgustdagi PF-118-son “Yoqilgʻi-energetika tarmogʻida davlat nazorati tizimini takomillashtirish chora-tadbirlari toʻgʻrisida”gi Farmoniga muvofiq buyuraman:”;
2. Nizomda :
1) 1-bandda :
oltinchi xatboshi quyidagi tahrirda bayon etilsin:
“isteʼmolchi — elektr taʼminoti shartnomasiga muvofiq elektr energiyasidan foydalanuvchi, ruxsat etilgan quvvati 50 kVt va undan ortiqni tashkil etgan barcha isteʼmolchilar (maishiy isteʼmolchilar bundan mustasno);”;
yettinchi xatboshi chiqarib tashlansin;
sakkizinchi — yigirmanchi xatboshilar tegishli ravishda yettinchi — oʻn toʻqqizinchi xatboshilar deb hisoblansin;
oʻn toʻrtinchi xatboshi chiqarib tashlansin;
oʻn beshinchi — oʻn toʻqqizinchi xatboshilar tegishli ravishda oʻn toʻrtinchi — oʻn sakkizinchi xatboshilar deb hisoblansin;
oʻn sakkizinchi xatboshi quyidagi tahrirda bayon etilsin:
“elektr taʼminoti shartnomasi — isteʼmolchida kerakli uskunalar va elektr energiyasi isteʼmolini hisoblagichlar mavjud boʻlgan taqdirda, Hududiy elektr taʼminoti korxonalariga elektr tarmogʻi orqali elektr energiyasini yetkazib berish majburiyatini yuklaydigan, isteʼmolchiga esa elektr energiyasi haqini toʻlash, shuningdek, elektr energiyasi isteʼmolining shartnomada nazarda tutilgan rejimiga rioya qilish, oʻz tasarrufida boʻlgan elektr tarmoqlarini ekspluatatsiya qilish, xavfsizligini hamda elektr energiyasi isteʼmoli bilan bogʻliq boʻlgan oʻzi foydalanadigan uskunalar va asboblarning soz holatda boʻlishini taʼminlashga doir chora-tadbirlarni bajarish majburiyatini yuklaydigan bitim.”;
2) 2-banddagi “20” raqami “50” raqami bilan almashtirilsin;
3) 11-banddagi “Energetika vazirligi” degan soʻzlar “Vazirlar Mahkamasi” degan soʻzlar bilan almashtirilsin;
4) 16-bandning ikkinchi xatboshisi chiqarib tashlansin;
5) 18 va 19-bandlar quyidagi tahrirda bayon etilsin:
“18. Elektr taʼminoti shartnomasiga qoʻshimcha tarzda quyidagilar koʻrsatilishi lozim:
yagona elektr energetika tizimi tarmogʻidan hisobot davri uchun isteʼmol qilinadigan reaktiv energiyaning iqtisodiy qiymati;
talab etiladigan quvvat koeffitsiyenti (cos φ);
yagona elektr energetika tizimining eng katta yuklamalarining nazorat soatlari (yilning har bir oyi boʻyicha boʻlib chiqish orqali);
elektr tarmogʻining katta yuklamali soatlarida yagona elektr energetika tizimining elektr tarmogʻiga bir oyda hosil qilinadigan va (yoki) bir oyda kichik yuklamali soatlarda majburiy isteʼmol qilinadigan reaktiv energiyaning chegaraviy qiymatlari.
19. Reaktiv quvvat boʻyicha hisob-kitob qiladigan isteʼmolchilar uchun reaktiv energiya va quvvatning iqtisodiy va texnik koʻrsatkichlari mazkur Nizomning ilovasida keltirilgan formulalarga muvofiq aniqlanadi.”;
6) 24-band quyidagi tahrirda bayon etilsin:
“24. Nazorat qilinadigan kattaliklarga kuyidagilar kiradi:
shartnomada koʻrsatilgan kompensatsiya qurilmalarining joyida haqiqatda oʻrnatilgan quvvati;
reaktiv energiyaning har bir hisobot davri uchun iqtisodiy qiymati.”;
7) 26-bandning birinchi xatboshisi quyidagi tahrirda bayon etilsin:
“26. Energiya tizimi tarmoqlaridan isteʼmolchining tarmoqlariga uzatiladigan va isteʼmolchi tomonidan hosil qilinadigan reaktiv energiyani nazorat qilish uchun elektr energiyasini hisobga olish va nazorat qilishning avtomatlashtirilgan tizimiga mos keladigan hisoblagichlardan foydalaniladi. Bunda, elektron hisoblagichlar quyidagi kattaliklarni hisobga olish imkoniga ega boʻlishlari kerak:”.
Boshliq v.v.b X. ESHQOʻZIYEV
Toshkent sh.,
2025-yil 28-iyul,
11-son