📅 2025-yil 13-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 13 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 13 августа 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 13 August 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Республика ҳудудига кириб келган ва бир қисми яроқсиз ҳолатга келиб қолган маҳсулотларни божхона ва бошқа ваколатли органлар томонидан йўқ қилиш тартиб-таомилларини соддалаштириш тўғрисида
Ўзбекистон Республикаси Президентининг «Самарқанд вилоятида инвестиция ва тадбиркорлик муҳитини янада ривожлантириш ҳамда аҳоли турмуш даражасини яхшилаш чора-тадбирлари тўғрисида» 2024 йил 29 ноябрдаги ПҚ-407-сон қарори ижросини таъминлаш мақсадида Вазирлар Маҳкамаси қарор қилади:
1. Республика ҳудудига кириб келган ва яроқсиз ҳолатга келиб қолган маҳсулотларни божхона ва бошқа ваколатли органлар томонидан йўқ қилиш тартиб-таомилларини соддалаштириш мақсадида Ўзбекистон Республикаси Иқтисодиёт ва молия вазирлиги ҳамда Инвестициялар, саноат ва савдо вазирлигининг қуйидаги таклифлари маъқуллансин:
Ўзбекистон Республикаси ҳудудига кириб келган ва яроқсиз ҳолатга келиб қолган товарлар «йўқ қилиш», шунингдек, товарлар «давлат фойдасига воз кечиш» божхона режимларига расмийлаштирилганда умидсиз қарздорлик деб эътироф этиш;
ташқи савдо шартномалари бўйича умидсиз қарздорликларни ҳисобдан чиқариш тартиб-таомилларини электрон шаклда амалга ошириш амалиётини йўлга қўйиш;
Ўзбекистон Республикаси ҳудудига кириб келган ва яроқсиз ҳолатга келиб қолган товарларни йўқ қилиш юзасидан хулосани беришнинг ягона тартибини ишлаб чиқиш ҳамда «Ягона дарча» божхона ахборот тизими орқали рақамлаштирилган ҳолда тақдим этиш.
2. Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси томонидан «E-kontrakt» ташқи савдо ахборот тизими ишлаб чиқилгани ҳамда Ташқи савдо операцияларининг ягона электрон ахборот тизими орқали амалга ошириладиган барча операциялар «E-kontrakt» ташқи савдо ахборот тизими орқали давом эттирилиши маълумот учун қабул қилинсин.
Бунда Иқтисодиёт ва молия вазирлиги ҳузуридаги Божхона қўмитаси Инвестициялар, саноат ва савдо вазирлиги, Солиқ қўмитаси ҳамда Марказий банк билан биргаликда 2026 йил 1 июлдан бошлаб ташқи савдо шартномалари бўйича умидсиз қарздорликларни ҳисобдан чиқариш тартиб-таомилларини «E-kontrakt» ташқи савдо ахборот тизими орқали электрон шаклда амалга ошириш амалиётини жорий этсин.
3. Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги Иқтисодиёт ва молия вазирлиги ҳузуридаги Божхона қўмитаси, манфаатдор вазирлик ва идоралар билан биргаликда:
а) уч ой муддатда Ўзбекистон ҳудудига кириб келган ва яроқсиз ҳолатга келиб қолган товарларни йўқ қилиш юзасидан хулоса бериш тартибини ишлаб чиқсин ва Вазирлар Маҳкамасига киритсин.
Бунда хулоса шакли, хулосани олиш учун тақдим этиладиган ариза шакли, аризани кўриб чиқиш муддати, товарларни йўқ қилиш усуллари ва жойи назарда тутилади;
б) 2026 йил 1 январдан бошлаб Ўзбекистон ҳудудига кириб келган ва яроқсиз ҳолатга келиб қолган товарларни йўқ қилиш юзасидан хулосани «Ягона дарча» божхона ахборот тизими орқали рақамлаштирилган ҳолда тақдим этишни йўлга қўйсин.
4. Вазирлар Маҳкамасининг 2021 йил 14 апрелдаги 216-сон қарори билан тасдиқланган Ташқи савдо операцияларининг ягона электрон ахборот тизимидан умидсиз қарздорликларни ҳисобдан чиқариш тартиби тўғрисидаги низомга иловага мувофиқ қуйидагиларни назарда тутувчи ўзгартириш ва қўшимча киритилсин:
республика ҳудудига кириб келган ва яроқсиз ҳолатга келиб қолган маҳсулотларни божхона ва бошқа ваколатли органлар томонидан йўқ қилиш тартиб-таомилларини соддалаштириш;
шартнома томонларига боғлиқ бўлмаган сабабларга кўра товарларни транспортда ташиш ва сақлаш жараёнида яроқсиз бўлиб қолиши натижасида «йўқ қилиш» ва «давлат фойдасига воз кечиш» божхона режимларига расмийлаштириш.
5. Ўзбекистон Республикаси Иқтисодиёт ва молия вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни уч ой муддатда ушбу қарорга мувофиқлаштирсин.
6. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.
Вазирлар Маҳкамасининг 2025 йил 13 августдаги 513-сон қарорига ИЛОВА
Вазирлар Маҳкамасининг 2021 йил 14 апрелдаги 216-сон қарори билан тасдиқланган Ташқи савдо операцияларининг ягона электрон ахборот тизимидан умидсиз қарздорликларни ҳисобдан чиқариш тартиби тўғрисидаги низомга киритилаётган ўзгартириш ва қўшимчалар
1. 2-банднинг иккинчи хатбошиси қуйидаги таҳрирда баён этилсин:
« умидсиз қарздорлик — ТСОЯЭАТда шаклланган, бироқ ташқи савдо шартномалари томонларининг мажбуриятлари суд қарорига асосан бекор қилиниши туфайли ёки банкротлик, тугатиш, қарздорнинг вафоти ёки даъво муддати тугаши сабабли тўланиши мумкин бўлмаган қарздорлик, шунингдек, ТСОЯЭАТда шаклланган, бироқ ташқи савдо шартномалари томонлари ўртасида ҳақиқатда мавжуд бўлмаган, томонларга боғлиқ бўлмаган сабабларга кўра товарларни транспортда ташиш ва сақлаш жараёнида яроқсиз бўлиб қолган, «йўқ қилиш» ва «давлат фойдасига воз кечиш» божхона режимларига расмийлаштирилган ёхуд давлат органи томонидан мусодара ёки йўқ қилинган, шу жумладан, кредит-нота асосида тақдим этилган чегирма натижасида юзага келган қарздорлик».
2. 5-бандда :
еттинчи хатбошидан «ва бошқа» сўзлари чиқариб ташлансин;
ўнинчи хатбоши «яроқсиз бўлиб қолган ҳамда» сўзларидан кейин «йўқ қилиш» божхона режимига расмийлаштирилиши,» сўзлари билан тўлдирилсин;
ўн иккинчи хатбоши қуйидаги таҳрирда баён этилсин:
«товарлар «давлат фойдасига воз кечиш» божхона режимига расмийлаштирилиши натижасида юзага келганлиги».
3. 6-бандда :
еттинчи хатбошидан «ва бошқа» сўзлари чиқариб ташлансин;
тўққизинчи хатбошидаги «шартнома» сўзи «етказиб берилган товарлар (бажарилган ишлар, кўрсатилган хизматлар)» сўзлари билан алмаштирилсин;
ўн биринчи хатбоши «яроқсиз бўлиб қолганлигини» сўзларидан кейин «, «йўқ қилиш» божхона режимига расмийлаштирилганлигини» сўзлари билан тўлдирилсин;
қуйидаги мазмундаги ўн учинчи ва ўн тўртинчи хатбошилар билан тўлдирилсин:
«товарларнинг давлат фойдасига воз кечилганлигини тасдиқловчи ҳужжат.
Бунда Адлия вазирлиги томонидан хўжалик юритувчи субъектларнинг банкротлиги ёки тугатилиши натижасида реестрдан чиқарилганлиги ҳақидаги маълумотлар онлайн режимда ТСОЯЭАТга тақдим этиб борилади».
Ўзбекистон Республикасининг Бош вазири А. АРИПОВ
Тошкент ш.,
2025 йил 13 август,
513-сон
Oʻzbekiston Respublikasi Vazirlar Mahkamasining
qarori
Respublika hududiga kirib kelgan va bir qismi yaroqsiz holatga kelib qolgan mahsulotlarni bojxona va boshqa vakolatli organlar tomonidan yoʻq qilish tartib-taomillarini soddalashtirish toʻgʻrisida
Oʻzbekiston Respublikasi Prezidentining “Samarqand viloyatida investitsiya va tadbirkorlik muhitini yanada rivojlantirish hamda aholi turmush darajasini yaxshilash chora-tadbirlari toʻgʻrisida” 2024-yil 29-noyabrdagi PQ-407-son qarori ijrosini taʼminlash maqsadida Vazirlar Mahkamasi qaror qiladi:
1. Respublika hududiga kirib kelgan va yaroqsiz holatga kelib qolgan mahsulotlarni bojxona va boshqa vakolatli organlar tomonidan yoʻq qilish tartib-taomillarini soddalashtirish maqsadida Oʻzbekiston Respublikasi Iqtisodiyot va moliya vazirligi hamda Investitsiyalar, sanoat va savdo vazirligining quyidagi takliflari maʼqullansin:
Oʻzbekiston Respublikasi hududiga kirib kelgan va yaroqsiz holatga kelib qolgan tovarlar “yoʻq qilish”, shuningdek, tovarlar “davlat foydasiga voz kechish” bojxona rejimlariga rasmiylashtirilganda umidsiz qarzdorlik deb eʼtirof etish;
tashqi savdo shartnomalari boʻyicha umidsiz qarzdorliklarni hisobdan chiqarish tartib-taomillarini elektron shaklda amalga oshirish amaliyotini yoʻlga qoʻyish;
Oʻzbekiston Respublikasi hududiga kirib kelgan va yaroqsiz holatga kelib qolgan tovarlarni yoʻq qilish yuzasidan xulosani berishning yagona tartibini ishlab chiqish hamda “Yagona darcha” bojxona axborot tizimi orqali raqamlashtirilgan holda taqdim etish.
2. Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi tomonidan “E-kontrakt” tashqi savdo axborot tizimi ishlab chiqilgani hamda Tashqi savdo operatsiyalarining yagona elektron axborot tizimi orqali amalga oshiriladigan barcha operatsiyalar “E-kontrakt” tashqi savdo axborot tizimi orqali davom ettirilishi maʼlumot uchun qabul qilinsin.
Bunda Iqtisodiyot va moliya vazirligi huzuridagi Bojxona qoʻmitasi Investitsiyalar, sanoat va savdo vazirligi, Soliq qoʻmitasi hamda Markaziy bank bilan birgalikda 2026-yil 1-iyuldan boshlab tashqi savdo shartnomalari boʻyicha umidsiz qarzdorliklarni hisobdan chiqarish tartib-taomillarini “E-kontrakt” tashqi savdo axborot tizimi orqali elektron shaklda amalga oshirish amaliyotini joriy etsin.
3. Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi Iqtisodiyot va moliya vazirligi huzuridagi Bojxona qoʻmitasi, manfaatdor vazirlik va idoralar bilan birgalikda:
a) uch oy muddatda Oʻzbekiston hududiga kirib kelgan va yaroqsiz holatga kelib qolgan tovarlarni yoʻq qilish yuzasidan xulosa berish tartibini ishlab chiqsin va Vazirlar Mahkamasiga kiritsin.
Bunda xulosa shakli, xulosani olish uchun taqdim etiladigan ariza shakli, arizani koʻrib chiqish muddati, tovarlarni yoʻq qilish usullari va joyi nazarda tutiladi;
b) 2026-yil 1-yanvardan boshlab Oʻzbekiston hududiga kirib kelgan va yaroqsiz holatga kelib qolgan tovarlarni yoʻq qilish yuzasidan xulosani “Yagona darcha” bojxona axborot tizimi orqali raqamlashtirilgan holda taqdim etishni yoʻlga qoʻysin.
4. Vazirlar Mahkamasining 2021-yil 14-apreldagi 216-son qarori bilan tasdiqlangan Tashqi savdo operatsiyalarining yagona elektron axborot tizimidan umidsiz qarzdorliklarni hisobdan chiqarish tartibi toʻgʻrisidagi nizomga ilovaga muvofiq quyidagilarni nazarda tutuvchi oʻzgartirish va qoʻshimcha kiritilsin:
respublika hududiga kirib kelgan va yaroqsiz holatga kelib qolgan mahsulotlarni bojxona va boshqa vakolatli organlar tomonidan yoʻq qilish tartib-taomillarini soddalashtirish;
shartnoma tomonlariga bogʻliq boʻlmagan sabablarga koʻra tovarlarni transportda tashish va saqlash jarayonida yaroqsiz boʻlib qolishi natijasida “yoʻq qilish” va “davlat foydasiga voz kechish” bojxona rejimlariga rasmiylashtirish.
5. Oʻzbekiston Respublikasi Iqtisodiyot va moliya vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni uch oy muddatda ushbu qarorga muvofiqlashtirsin.
6. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.
Vazirlar Mahkamasining 2025-yil 13-avgustdagi 513-son qaroriga ILOVA
Vazirlar Mahkamasining 2021-yil 14-apreldagi 216-son qarori bilan tasdiqlangan Tashqi savdo operatsiyalarining yagona elektron axborot tizimidan umidsiz qarzdorliklarni hisobdan chiqarish tartibi toʻgʻrisidagi nizomga kiritilayotgan oʻzgartirish va qoʻshimchalar
1. 2-bandning ikkinchi xatboshisi quyidagi tahrirda bayon etilsin:
“ umidsiz qarzdorlik — TSOYAEATda shakllangan, biroq tashqi savdo shartnomalari tomonlarining majburiyatlari sud qaroriga asosan bekor qilinishi tufayli yoki bankrotlik, tugatish, qarzdorning vafoti yoki daʼvo muddati tugashi sababli toʻlanishi mumkin boʻlmagan qarzdorlik, shuningdek, TSOYAEATda shakllangan, biroq tashqi savdo shartnomalari tomonlari oʻrtasida haqiqatda mavjud boʻlmagan, tomonlarga bogʻliq boʻlmagan sabablarga koʻra tovarlarni transportda tashish va saqlash jarayonida yaroqsiz boʻlib qolgan, “yoʻq qilish” va “davlat foydasiga voz kechish” bojxona rejimlariga rasmiylashtirilgan yoxud davlat organi tomonidan musodara yoki yoʻq qilingan, shu jumladan, kredit-nota asosida taqdim etilgan chegirma natijasida yuzaga kelgan qarzdorlik”.
2. 5-bandda :
yettinchi xatboshidan “va boshqa” soʻzlari chiqarib tashlansin;
oʻninchi xatboshi “yaroqsiz boʻlib qolgan hamda” soʻzlaridan keyin “yoʻq qilish” bojxona rejimiga rasmiylashtirilishi,” soʻzlari bilan toʻldirilsin;
oʻn ikkinchi xatboshi quyidagi tahrirda bayon etilsin:
“tovarlar “davlat foydasiga voz kechish” bojxona rejimiga rasmiylashtirilishi natijasida yuzaga kelganligi”.
3. 6-bandda :
yettinchi xatboshidan “va boshqa” soʻzlari chiqarib tashlansin;
toʻqqizinchi xatboshidagi “shartnoma” soʻzi “yetkazib berilgan tovarlar (bajarilgan ishlar, koʻrsatilgan xizmatlar)” soʻzlari bilan almashtirilsin;
oʻn birinchi xatboshi “yaroqsiz boʻlib qolganligini” soʻzlaridan keyin “, “yoʻq qilish” bojxona rejimiga rasmiylashtirilganligini” soʻzlari bilan toʻldirilsin;
quyidagi mazmundagi oʻn uchinchi va oʻn toʻrtinchi xatboshilar bilan toʻldirilsin:
“tovarlarning davlat foydasiga voz kechilganligini tasdiqlovchi hujjat.
Bunda Adliya vazirligi tomonidan xoʻjalik yurituvchi subyektlarning bankrotligi yoki tugatilishi natijasida reyestrdan chiqarilganligi haqidagi maʼlumotlar onlayn rejimda TSOYAEATga taqdim etib boriladi”.
Oʻzbekiston Respublikasining Bosh vaziri A. ARIPOV
Toshkent sh.,
2025-yil 13-avgust,
513-son