UzbekAI

Ўзбекистон Республикаси Вазирлар Маҳкамасининг

қарори

МАЪМУРИЙ РЕГЛАМЕНТИ

СХЕМАСИ

МАЪМУРИЙ РЕГЛАМЕНТИ

СХЕМАСИ

МАЪМУРИЙ РЕГЛАМЕНТИ

СХЕМАСИ

Маданий мерос соҳасига оид маъмурий регламентларни тасдиқлаш тўғрисида

Ўзбекистон Республикаси Президентининг «Маъмурий ислоҳотлар доирасида адлия органлари ва муассасаларининг масъулиятини янада ошириш ҳамда ихчам бошқарув тизимини шакллантириш тўғрисида» 2024 йил 24 майдаги ПФ-80-сон Фармони ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Маъмурий ислоҳотлар доирасида адлия органлари ва муассасаларининг масъулиятини янада ошириш ҳамда ихчам бошқарув тизимини шакллантириш тўғрисида» 2024 йил 24 майдаги ПФ-80-сон Фармони билан:

моддий маданий мерос объектини Моддий маданий мерос объектларининг давлат кадастрига киритиш;

Миллий музей фондининг Давлат каталогида музей ашёлари ва музей коллекцияларининг рўйхатдан ўтказилгани тўғрисида гувоҳнома бериш;

археология ашёсининг Археология ашёлари давлат каталогига киритилгани ёки киритилмагани ҳақида маълумот бериш бўйича давлат хизматлари Давлат хизматлари марказлари ва Ягона интерактив давлат хизматлари портали орқали жорий этилиши тасдиқлангани маълумот учун қабул қилинсин.

2. Қуйидагилар:

Моддий маданий мерос объектини Моддий маданий мерос объектларининг давлат кадастрига киритиш ва ундан чиқариш бўйича давлат хизматларини кўрсатишнинг маъмурий регламенти 1-иловага мувофиқ;

Миллий музей фондининг Давлат каталогида музей ашёлари ва музей коллекцияларининг рўйхатдан ўтказилгани тўғрисида гувоҳнома бериш бўйича давлат хизматларини кўрсатишнинг маъмурий регламенти 2-иловага мувофиқ;

Археология ашёси Археология ашёлари давлат каталогига киритилгани ёки киритилмагани ҳақида маълумот бериш бўйича давлат хизматларини кўрсатишнинг маъмурий регламенти 3-иловага мувофиқ тасдиқлансин.

3. Белгилансинки, ушбу қарор билан тасдиқланган маъмурий регламентларга мувофиқ давлат хизматлари Давлат хизматлари марказлари ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали кўрсатилади.

4. Маданий мерос агентлиги Рақамли технологиялар вазирлиги ва Адлия вазирлиги билан биргаликда икки ой муддатда:

ушбу қарор билан тасдиқланган маъмурий регламентларга мувофиқ давлат хизматларининг ЯИДХП орқали жорий этилишини таъминласин;

ЯИДХПда давлат хизматлари кўрсатилишининг ҳар бир босқичида мурожаатларнинг кўриб чиқилишини кузатиб боришни жорий этсин.

5. Адлия вазирлиги:

давлат органлари ва бошқа ташкилотлар томонидан давлат хизматлари кўрсатилишининг белгиланган тартиби бажарилиши юзасидан ЯИДХП орқали доимий назорат ўрнатсин;

ушбу қарор билан тасдиқланган маъмурий регламентлар талабларини бузганлик учун давлат органлари ва бошқа ташкилотлар мансабдор шахсларига нисбатан белгиланган тартибда маъмурий жазоларни қўлласин.

6. Вазирлар Маҳкамасининг «Маданий мерос объектларини муҳофаза қилиш ва улардан фойдаланишни янада такомиллаштириш чора-тадбирлари тўғрисида» 2002 йил 29 июлдаги 269-сон қарорига 4-иловага мувофиқ ўзгартиришлар киритилсин.

7. Маданий мерос агентлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

8. Мазкур қарорнинг бажарилишини назорат қилиш Ўзбекистон Республикаси Маданий мерос агентлиги директори Б.Г. Абдикаримов зиммасига юклансин.

Вазирлар Маҳкамасининг 2025 йил 13 августдаги 512-сон қарорига 1-ИЛОВА

Моддий маданий мерос объектини Моддий маданий мерос объектларининг давлат кадастрига киритиш ва ундан чиқариш бўйича давлат хизматларини кўрсатишнинг

1-боб. Умумий қоидалар

1. Ушбу Маъмурий регламент (кейинги ўринларда — Регламент) жисмоний ва юридик шахсларга Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) ва Давлат хизматлари марказлари орқали моддий маданий мерос объектини Моддий маданий мерос объектларининг давлат кадастрига киритиш ва ундан чиқариш бўйича давлат хизматини (кейинги ўринларда — давлат хизмати) кўрсатиш тартибини белгилайди.

2. Ушбу Регламентда қуйидаги асосий тушунчалардан фойдаланилади:

ариза берувчи — моддий маданий мерос объектини Моддий маданий мерос объектларининг давлат кадастрига киритиш ва ундан чиқариш бўйича ваколатли органга мурожаат этувчи жисмоний ва юридик шахс;

ваколатли орган — моддий маданий мерос объектлари давлат кадастри тўғрисидаги маълумотларни юритувчи Ўзбекистон Республикаси Маданий мерос агентлиги (кейинги ўринларда — Агентлик) ва унинг ҳудудий бошқармалари;

давлат кадастри — табиий, хўжалик объекти ёки бошқа объект муайян турининг географик жойлашуви, ҳуқуқий мақоми, миқдор, сифат тавсифлари ва баҳоси тўғрисидаги янгиланиб туриладиган маълумотлар ва ҳужжатлар тизими;

Моддий маданий мерос объектларининг давлат кадастри (кейинги ўринларда — Давлат кадастри) — ўзида моддий маданий мерос объектларининг географик жойлашуви, ҳуқуқий мақоми, миқдор, сифат тавсифлари ва баҳоси тўғрисидаги янгилаб туриладиган маълумотлар ва ҳужжатлар тизими.

3. Давлат кадастрини юритиш маданий мерос объектларига доир мулк ҳуқуқи ва бошқа ҳуқуқларни давлат рўйхатидан ўтказишни, маданий мерос объектларининг миқдорий ва сифат тавсифларини ҳисобга олишни, маданий мерос объектларини сифат ва қиймат жиҳатидан баҳолашни, кадастр ахборотини туркумлаштириш, сақлаш ва янгилашни, маданий мерос объектларининг ҳолати тўғрисидаги ҳисоботларни тузишни, маданий мерос объектлари сони ўзгарган тақдирда, Давлат кадастрлари ягона тизимига янгиланган геоахборот маълумотларни тақдим этиб боришни ҳамда фойдаланувчиларни кадастр ахбороти билан таъминлашни ўз ичига олади.

4. Давлат кадастрини юритиш ишлари маданий мерос соҳасига ажратиладиган Давлат бюджети маблағлари ҳисобидан амалга оширилади.

2-боб. Давлат кадастрининг мазмуни

5. Давлат кадастрида республика ҳудудидаги барча моддий маданий мерос объектлари тўғрисидаги маълумотлар мавжуд бўлади.

Давлат кадастрида ахборот алифболи-рақамли (матнли, жадваллар, ведомостлар) ва чизиқли-графикли (рақамли-график чизмалар, режалар, схемалар, уч ўлчамли моделлар, кесимлар ва ўлчамлар) шаклларда юритилади.

6. Давлат кадастри:

моддий маданий мерос объектларининг географик жойлашиши ҳақидаги маълумотларни;

моддий маданий мерос объектларининг миқдорий ва сифат тавсифлари ҳисобини ўз ичига олади.

7. Маданий мерос объектларини ҳисобга олиш ахбороти:

кадастр тартиб рақамини;

номини;

жойлашган жойини;

типологик тегишлилигини;

сана қўйишни;

мулкдор, эгаси, фойдаланувчи ёки ижарага олувчи — юридик ёки жисмоний шахснинг номини ва манзилини;

моддий маданий мерос объектининг идоравий мансублигини;

моддий маданий мерос объектининг мақсадли вазифасини;

тарихий маълумотларни;

моддий маданий мерос объектининг дастлабки қиёфасини ўзгартирган қайта қуриш ва йўқотишларни;

таъмирлаш ишларини (умумий тавсиф, қиймати, вақти, муаллиф, ҳужжатлар сақланадиган жой);

бинога, иншоотга, ер участкасига бўлган ҳуқуқлар давлат рўйхатидан ўтказилгани тўғрисидаги маълумотларни;

идентификация рақамини;

муҳофаза зоналари ва қурилишни тартибга солиш чегараларини (тасдиқловчи ҳужжатга асосланган ҳолдаги режа, қисқача тавсиф) ўз ичига олади.

8. Қуйидагилар:

археология ёдгорликлари учун: сана қўйиш (даври), қидириш ва қазиш ишлари ким томонидан ва қачон бажарилгани, топилган материалларнинг сақланиш жойи;

тарих ёдгорликлари (диққатга сазовор жойлар) учун: пайдо бўлиш тарихи, объект ёдгорлик аҳамиятига эга эканлиги билан боғлиқ воқеалар ва шахсларнинг қисқача тавсифи;

архитектура ва монументал санъат ёдгорликлари учун: муаллиф, қурувчи, буюртмачи, қурилган санаси (даври) тарихий маълумотлар ҳисобланади.

9. Моддий маданий мерос объекти тавсифи:

номи;

типологик мансублиги;

манзили;

замонавий фойдаланилиши;

тарихий маълумотлар;

ёдгорликнинг дастлабки қиёфасини ўзгартирган қайта қуришлар ва йўқотишлар;

илмий-тарихий ва бадиий аҳамияти;

асосий библиография, архив манбалари, иконографик материал;

техник ҳолати;

муҳофаза қилиш тизими;

муҳофаза қилиш тоифаси;

муҳофаза қилишга қабул қилингани тўғрисидаги ҳужжатнинг санаси ва тартиб рақами;

муҳофаза зонаси чегаралари;

баланс бўйича мансублиги;

муҳофаза ҳужжатининг санаси ва тартиб рақами (мажбуриятлар);

археология ёдгорлиги учун: санаси, энг муҳим топилмалар рўйхати ва тавсифи;

тарих ёдгорликлари учун: санаси, мармар лавҳада матнлар мавжудлиги ва ўрнатилган вақти;

архитектура ёдгорликлари учун: санаси, режалаштирилиши, композицион-макон тузилмаси ва конструкцияларнинг ўзига хослиги, фасад ва интерьерлар безаги хусусияти, ранг-тасвир, ҳайкалтарошлик, амалий санъат мавжудлиги, қурилиш материали, асосий ўлчамлари;

монументал санъат ёдгорликлари учун: муаллифи ва санаси, композицион ечими хусусиятлари, матнлар, материал, техника, ҳажми;

моддий маданий мерос объектининг ижтимоий, илмий-тарихий ва бадиий аҳамиятига умумий баҳо беришдан иборат бўлади.

10. Моддий маданий мероснинг кўчмас мулкка бўлган ҳуқуқлар ер участкалари (шу жумладан, муҳофаза зоналари)нинг натурада белгиланган ва мустаҳкамланган чегаралари мавжуд бўлган тақдирда, бинолар ва иншоотларнинг давлат ер кадастри ва давлат кадастрини юритувчи органларда кадастр рўйхатидан ўтказилади. Ер участкаси чегараларининг бурилиш нуқталари қозиқли белгилари йўқолган тақдирда, улар ўша жойда ер участкаси чегараларининг бурилиш нуқталари ўрнатилган, дала геодезия ўлчамлари ўтказилган ёки тегишли кўламдаги топография маълумотидан фойдаланилган ҳолда ер участкалари ажратиш материаллари бўйича тикланади.

11. Моддий маданий мерос объектлари сони уларнинг амалдаги ҳолати ва фойдаланилишига кўра ҳисобга олинади.

12. Моддий маданий мерос объектларининг сифатга доир тавсифини ҳисобга олиш:

сана (даври) қўйишни;

техник ҳолатни;

архитектура безагини;

бадиий нақшларни ўз ичига олади.

13. Техник ҳолат қуйидаги таснифлаш бўйича баҳоланади: яхши, ўрта, ёмон, авария ҳолатида.

14. Муҳофаза тизими муҳофаза тоифасини (республика аҳамиятига, маҳаллий аҳамиятга эгалиги), муҳофаза учун қабул қилиниши тўғрисидаги ҳужжатнинг санаси ва тартиб рақамини ўз ичига олади.

15. Моддий маданий мерос объектлари, шу жумладан уларнинг қиймати, улардан самарали фойдаланишни белгилаш, етказилган зарар миқдорини аниқлаш, суғурта, ижара тўлови ставкалари, уларни таъмирлаш, консервация қилиш харажатларини қоплаш ва жорий тузатиш учун баҳоланади.

16. Моддий маданий мерос объектлари қиймати ваколатли орган томонидан тасдиқланган методика бўйича баҳоланади.

17. Давлат кадастри кадастр ахборотининг узлуксиз янгиланишини таъминловчи асосий ва жорий турларни ўз ичига олади.

Давлат кадастрининг асосий турини юритишда маданий мерос объектлари барча турларининг бирламчи ҳисоби амалга оширилади, уларнинг сони кўрсатилади ва натурада ер участкалари чегаралари белгиланади (ер участкаларини рўйхатдан ўтказиш маълумотлари асосида).

Жорий турда кадастрга кадастрнинг асосий тури ўтказилгандан кейин маданий мерос объекти бўйича рўй берган барча ўзгартиришлар киритилади.

18. Моддий маданий мерос объектига кадастр ҳужжатлари:

маданий мерос объектига мулк ҳуқуқини ва бошқа ҳуқуқларни тасдиқловчи ҳужжатлардан;

маданий мерос объекти кадастр ишидан;

кадастр дафтаридан;

кадастр харитасидан (режадан);

моддий маданий мерос объектининг ҳолати тўғрисидаги ҳисоботдан иборат бўлади.

19. Моддий маданий мерос объектининг кадастр харитаси (режаси) кадастр объектларининг жойлашган жойини, уларнинг чегараларини, муҳофаза зоналарини, баҳолаш, миқдорий ва сифат тавсифларини акс эттирувчи чизиқли ҳужжат ҳисобланади ҳамда қоғозда, магнит ва бошқа манбаларда тузилади.

20. Маданий мерос объекти кадастр иши кадастр объектига ҳуқуқларни шакллантириш, ҳисобга олиш ва кейинчалик давлат рўйхатидан ўтказиш учун зарур бўлган паспорт, ҳужжатлар, материаллар ва кадастр суратга олиш ҳужжатлари, техник хатлаш ва паспортлаштириш, махсус текшириш ва қидирувлар, кадастр объектининг сифат ва қиймат баҳосидан иборат бўлади.

21. Кадастр дафтари маданий мероснинг кадастр объектларини рўйхатдан ўтказиш ва ҳисобга олишнинг асосий ҳужжати ҳисобланади ҳамда унда уларнинг географик жойлашиши, ҳуқуқий мақоми, миқдорий ва сифат тавсифлари ва баҳолаш ҳақидаги маълумотлар мавжуд бўлади.

3-боб. Давлат кадастрига киритиш ва чиқариш тартиби

22. Тарихий-маданий қимматга эга бўлган объектларни Давлат кадастрига киритиш ёки чиқариш:

давлат мулки бўлган маданий мерос объектларига нисбатан — маҳаллий ижро этувчи ҳокимият органларининг;

юридик ва жисмоний шахсларнинг мулки бўлган маданий мерос объектларига нисбатан — юридик ва жисмоний шахсларнинг таклифлари асосида амалга оширилади.

23. Давлат хизмати ушбу Регламентга 1-иловага мувофиқ схемага асосан кўрсатилади.

24. Ариза берувчи моддий маданий мерос объектини Моддий маданий мерос объектларининг давлат кадастрига киритиш учун Давлат хизматлари марказларига ўзи келиб мурожаат қилади ёки ЯИДХПда давлат хизматидан электрон тарзда фойдаланиш учун рўйхатдан ўтади.

Давлат хизматидан фойдаланиш учун аризалар ЯИДХП орқали дам олиш ва байрам кунларидан қатъи назар, ҳар куни 24 соат давомида юборилиши мумкин.

Бунда аризалар иш вақтидан кейин ёки дам олиш ва байрам кунлари келиб тушганда навбатдаги иш куни аризаларнинг ваколатли органга келиб тушган ва қабул қилинган кун ҳисобланади.

25. Ариза берувчи ўзи келиб мурожаат этган тақдирда, Давлат хизматлари марказлари ходими ариза берувчи номидан, ЯИДХП орқали мурожаат этган тақдирда эса — ариза берувчи мустақил равишда ушбу Регламентга 2-иловага мувофиқ давлат хизматидан фойдаланиш учун сўровномани электрон тарзда тўлдиради.

Ариза берувчилардан ушбу бандда кўрсатилмаган маълумотларни ҳамда бошқа ҳужжатларни талаб қилиш тақиқланади.

26. Зарур маълумотлар сўровномага киритилгандан сўнг ариза берувчи маълумотларнинг тўғрилигини текширади ва имзоларни идентификация қилишнинг тегишли воситалари (дактилоскопия, электрон имзо, Mobile-ID ва бошқалар) билан тасдиқлайди.

27. Давлат хизматларини кўрсатиш учун базавий ҳисоблаш миқдорининг 50 фоизи миқдорида йиғим ундирилади. Бунда:

Ижтимоий реестрнинг «камбағал оила» тоифасига киритилган оилаларнинг аъзолари, шунингдек, I ва II гуруҳ ногиронлиги бўлган шахслардан мазкур банднинг биринчи ва учинчи хатбошиларда кўрсатилган йиғим суммасининг 50 фоизи, Ижтимоий реестрнинг «давлат таъминотидаги оила» тоифасига киритилган оилаларнинг аъзоларидан эса 25 фоизи;

давлат хизмати кўрсатилиши учун ЯИДХП орқали мурожаат этилганда ушбу банднинг биринчи хатбошисида кўрсатилган йиғим суммасининг 90 фоизи ундирилади.

Мазкур бандда белгиланган чегирмалар Ижтимоий реестрнинг:

«давлат таъминотидаги оила» ёки «камбағал оила» тоифасидан «камбағаллик чегарасидаги оила» тоифасига ўтказилган оилаларга, уларнинг илгари белгиланган тоифасига мувофиқ миқдорда;

оғир ҳаётий вазиятга тушган оила сифатида «камбағаллик чегарасидаги оила» тоифасига киритилган оилаларга «камбағал оила» тоифасидаги оила учун белгиланган миқдорда қўлланилади.

Давлат хизматлари кўрсатилгани учун йиғим тўланганлиги ахборот-коммуникация тизимлари орқали тасдиқланади.

28. Йиғимлар суммаси қуйидаги тартибда тақсимланади:

а) Давлат хизматлари марказларига ўзи келиб мурожаат этганда:

18 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасига;

0,5 фоизи — Ўзбекистон Республикаси Рақамли технологиялар вазирлиги ҳузуридаги «Электрон ҳукумат лойиҳаларини бошқариш маркази» давлат муассасасининг Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига (Ягона биллинг тизими орқали тасдиқлангани учун);

қолган маблағлар — ваколатли органга ўтказилади;

б) ЯИДХП орқали мурожаат этилганда:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасига ўтказилади;

11,75 фоизи — Ўзбекистон Республикаси Рақамли технологиялар вазирлиги ҳузуридаги «Электрон ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик қўмитасидаги махсус ҳисобварағига (жумладан, 0,5 фоизи — Ягона биллинг тизими орқали тасдиқлангани учун);

қолган маблағлар — ваколатли органга ўтказилади.

29. Ариза берувчи давлат хизматидан фойдаланишдан уни кўрсатишнинг ҳар қандай босқичида бош тортиш ҳуқуқига эга.

Ариза берувчи давлат хизматидан фойдаланишдан бош тортганда унинг сўровномаси кўрмасдан қолдирилади. Бунда тўланган йиғим суммаси қайтарилмайди.

30. Ариза берувчи ўзи келиб мурожаат этганда Давлат хизматлари марказлари сўровнома тўлдирилган вақтдан бошлаб реал вақт режимида уни ваколатли органга юборади.

ЯИДХП орқали мурожаат қилинганда эса сўровнома автоматик тарзда ваколатли органга юборилади.

31. Ваколатли орган сўровнома келиб тушгандан сўнг кўпи билан йигирма беш иш кунида Давлат кадастрига киритиш ёки чиқариш тўғрисида тегишли буйруқ чиқаради. Бунда:

ҳудудий бошқармалар 5 иш куни ичида объектни олдиндан ўрганади ва тайёрланган материалларни ваколатли органга юборади;

ваколатли орган 3 иш куни ичида тайёрланган материалларнинг асосли эканлигини ўрганиш бўйича ваколатли орган ҳузуридаги Илмий-эксперт кенгашига киритади;

Илмий-эксперт кенгашининг навбатдаги мажлисига киритилган материаллар 15 иш куни ичида кўриб чиқилади ва экспертиза хулосаси қабул қилинади;

Илмий-эксперт кенгашининг экспертиза хулосасига кўра 2 иш куни ичида ваколатли орган томонидан тегишли буйруқ қабул қилинади.

32. Ваколатли орган объект Давлат кадастрига киритилгани ёки ундан чиқарилгани тўғрисида беш иш куни ичида Ўзбекистон Республикаси Иқтисодиёт ва молия вазирлиги ҳузуридаги Кадастр агентлигига тегишли маълумотларни тақдим этади.

33. Қуйидагилар объектни моддий маданий мероснинг кўчмас мулк объектларини Давлат кадастрига киритиш ёки ундан чиқаришга рад этиш учун асос бўлади:

сўровномада нотўғри маълумотлар кўрсатилиши;

давлат хизматлари кўрсатиш учун йиғимни тўламаслик;

ваколатли органга ариза берувчи томонидан объектни ўрганиш учун имконият яратилмагани;

объектнинг тарихий-маданий экспертизаси хулосасида объектни Давлат кадастрига киритиш ёки чиқаришга тавсия этилмагани;

Илмий-эксперт кенгаши томонидан объектни Давлат кадастрига киритиш ёки ундан чиқариш тўғрисида рад этиш қарори қабул қилингани.

Давлат хизматларини кўрсатишни бошқа асосларга кўра рад этиш тақиқланади.

34. Ариза берувчи моддий маданий мерос объектини Давлат кадастрига киритиш ёки чиқариш рад этилган кундан бошлаб ўн иш куни ичида давлат хизматини кўрсатиш учун йиғим тўламасдан кўрсатилган камчиликни бартараф этган ҳолда, моддий маданий мерос объектини Давлат кадастрига киритиш ёки ундан чиқариш учун такроран мурожаат қилиш ҳуқуқига эга.

35. Моддий маданий мерос объектини Давлат кадастрига киритиш ёки ундан чиқаришни рад этиш учун асос бўлган сабаблар ариза берувчи томонидан бартараф қилинган тақдирда, такроран келишиш сўровнома такроран тушган кундан бошлаб уч иш кунидан ортиқ бўлмаган муддатда амалга оширилади.

36. Моддий маданий мерос объектини Давлат кадастрига киритиш ёки ундан чиқаришни такроран кўриб чиқишда ваколатли орган томонидан аввалги рад этиш асосларида баён этилмаган сабабларнинг келтирилишига йўл қўйилмайди, олдин кўрсатилган сабаблар бартараф этилганлигини тасдиқловчи маълумотлар билан боғлиқ рад этиш сабаблари келтирилиши бундан мустасно.

37. Ваколатли орган моддий маданий мерос объектини Давлат кадастрига киритиш ёки ундан чиқаришни келишган куннинг ўзида QR-код қўйилган Моддий маданий мерос объекти давлат кадастрига киритилгани ҳақидаги хулосани Давлат хизматлари марказларига (ўзи келиб мурожаат этган тақдирда) ёки ариза берувчига (электрон тарзда мурожаат этган тақдирда) ЯИДХП орқали юборади.

38. Давлат хизматлари марказлари хулоса олинганидан сўнг реал вақт режимида уни ариза берувчининг электрон почта манзилига юборади ва бу ҳақида ариза берувчини электрон тарзда хабардор қилади.

39. Давлат хизматлари марказлари ходими ариза берувчи ўзи келиб мурожаат қилган тақдирда, ариза берувчининг сўровига кўра унга хулосани электрон ёки қоғоз шаклида тақдим этади.

40. Ваколатли орган томонидан Моддий маданий мерос объектларининг давлат кадастрига киритилган моддий маданий мерос объектига объектнинг муҳофаза қилиш мазмунидаги маълумотлар ва объектнинг тавсифлари киритилган паспорти шакллантирилади.

41. Ваколатли орган томонидан Моддий маданий мерос объектини Моддий маданий мерос объектларининг давлат кадастрига киритиш ёки ундан чиқариш тўғрисидаги қарор оммавий ахборот воситаларида эълон қилинади.

4-боб. Якунловчи қоидалар

42. Ҳудудий бошқармалар, маҳаллий ижро этувчи ҳокимият органлари Давлат кадастрига киритилган маданий мерос объектларининг ҳолати устидан назоратни таъминлайди.

43. Давлат хизматлари марказлари ва ваколатли органлар ўз фаолиятини амалга ошириши натижасида ариза берувчидан олинган маълумотларнинг сир сақланишини таъминлайди.

44. Адлия вазирлиги, унинг ҳудудий бошқармалари ва Давлат хизматлари марказлари ушбу Регламент талабларига риоя қилиниши бўйича давлат органлари ва бошқа ташкилотларнинг фаолияти устидан, шу жумладан, ЯИДХП орқали доимий назоратни ва мониторингни амалга оширади.

45. Ариза берувчи давлат органлари ва бошқа ташкилотлар ходимларининг ҳаракатлари (ҳаракатсизлиги) юзасидан қонунчилик ҳужжатларида белгиланган тартибда шикоят қилиши мумкин.

46. Давлат кадастрига киритилган маданий мерос объектига нисбатан кадастр ахбороти ўзгарган тақдирда, маданий мерос объектларининг эгалари, маҳаллий ижро этувчи ҳокимият органлари бир ой муддатда бу ҳақида тегишли ҳудудий бошқармага маълум қилишлари шарт.

47. Ҳудудий бошқармалар маҳаллий ижро этувчи ҳокимият органлари билан биргаликда уч йилда бир марта маданий мерос объектларининг ҳолатини текширади. Текшириш натижалари бўйича заруратга кўра ваколатли органга маданий мероснинг мазкур объектларини сақлаш бўйича жорий ва истиқболдаги дастурларни ишлаб чиқишга доир таклифлар киритади.

48. Давлат кадастри ахбороти давлат органлари ва бошқа ташкилотларга бепул, бошқа юридик ва жисмоний шахсларга эса белгиланган тартибда ҳақ тўлаш эвазига берилади.

49. Давлат кадастрини юритишни ташкил этиш бўйича йўриқнома Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги билан келишган ҳолда, белгиланган тартибда ваколатли орган томонидан тасдиқланади.

50. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.

Моддий маданий мерос объектини Моддий маданий мерос объектларининг давлат кадастрига киритиш ва ундан чиқариш бўйича давлат хизматларини кўрсатишнинг маъмурий регламентига 1-ИЛОВА

Моддий маданий мерос объектини Моддий маданий мерос объектларининг давлат кадастрига киритиш ва ундан чиқариш бўйича давлат хизматларини кўрсатишнинг

Босқичлар Субъектлар Тадбирлар Бажариш муддатлари 1-босқич Ариза берувчи (жисмоний ва юридик шахслар) Моддий маданий мерос объектини Давлат кадастрига киритиш ёки ундан чиқариш учун Давлат хизматлари марказига шахсан ёки Ягона интерактив давлат хизматлари портали орқали онлайн мурожаат қилади. Ўз хоҳишига кўра 2-босқич 1. Давлат хизматлари маркази 2. ЯИДХП Ариза берувчи билан биргаликда сўровномани тўлдириб, ҳужжатларни илова қилган ҳолда ваколатли органга юборади. 1. 10 дақиқа мобайнида 2. Автоматик тарзда 3-босқич Ариза берувчи Хулосани олиш учун Регламентнинг 27-бандида белгиланган тўловни амалга оширади. Сўровнома тўлдирилгандан сўнг 4-босқич Ваколатли орган (Маданий мерос агентлиги) 1. Ҳудудий бошқармалар объектни олдиндан ўрганади ва тайёрланган материалларни ваколатли органга юборади. 5 иш кунида 2. Ваколатли орган тайёрланган материалларнинг асосли эканлигини ўрганиш бўйича ваколатли орган ҳузуридаги Илмий-эксперт кенгашига киритади. 3 иш кунида 3. Илмий-эксперт кенгашининг навбатдаги мажлисига киритилган материаллар кўриб чиқилади ва экспертиза хулосаси қабул қилинади. 15 иш кунида 4. Илмий-эксперт кенгашининг экспертиза хулосасига кўра ваколатли орган томонидан тегишли буйруқ қабул қилинади. 2 иш кунида 5-босқич Ваколатли орган Моддий маданий мерос объектини Моддий маданий мерос объектларининг давлат кадастрига киритилгани тўғрисида Кадастр агентлигига маълумотларни тақдим этади. 5 иш кунида 6-босқич 1. Давлат хизматлари маркази 2. ЯИДХП Объект Давлат кадастрига киритилгани ёки ундан чиқарилгани ҳақидаги хулоса ариза берувчига тақдим этилади. 1. 10 дақиқа мобайнида 2. Автоматик тарзда

Моддий маданий мерос объектини Моддий маданий мерос объектларининг давлат кадастрига киритиш ва ундан чиқариш бўйича давлат хизматларини кўрсатишнинг маъмурий регламентига 2-ИЛОВА

НАМУНА __________________ __________________ (санаси) (рақами) Моддий маданий мерос объектини Давлат кадастрига киритиш ва ундан чиқариш тўғрисида СЎРОВНОМА I. Ариза берувчи — жисмоний шахс тўғрисида маълумот: 1. Ф.И.О.: 2. Паспорт маълумотлари (серияси ва рақами, жисмоний шахснинг шахсий идентификация рақами (мавжуд бўлса): 3. Телефон рақами: 4. Электрон почта манзили (мавжуд бўлса): Ариза берувчи — юридик шахс тўғрисида маълумот: 1. Расмий номи (тўлиқ): 2. Жойлашган жойи: 3. Телефон рақами: 4. Электрон почта манзили (мавжуд бўлса): II. Моддий маданий мерос объекти тўғрисида маълумот: 1. Моддий маданий мерос объектининг манзили (индекс, манзил, мўлжал): 2. Моддий маданий мерос объектининг техник ҳолати: Яхши Қониқарли Қониқарсиз Авария ҳолатида 3. Моддий маданий мерос объектининг тури: Археология ёдгорлиги Архитектура ёдгорлиги Турар жой Нотурар жой Маҳобатли санъат ёдгорлиги Диққатга сазовор жойлар 4. Мулк ва эгалик ҳуқуқи давлат мулки хусусий мулк 5. Эгалик ҳуқуқини тасдиқловчи ҳужжат Кадастр ҳужжати рақами (давлат ер мулкидан фойдаланиш далолатномаси):___________________ Гувоҳнома серияси (бинога):_______ ҳужжат (қарор) қабул қилган орган номи:____________________________ ҳужжат (қарор) рақами:___________ ҳужжат (қарор) санаси:____________ географик координати: ___________ 6. Объект юзасидан таклиф Моддий маданий мерос объектларини Давлат кадастрига киритиш Моддий маданий мерос объектларини Давлат кадастридан чиқариш

Вазирлар Маҳкамасининг 2025 йил 13 августдаги 512-сон қарорига 2-ИЛОВА

Миллий музей фондининг Давлат каталогида музей ашёлари ва музей коллекцияларининг рўйхатдан ўтказилгани тўғрисида гувоҳнома бериш бўйича давлат хизматларини кўрсатишнинг

1-боб. Умумий қоидалар

1. Мазкур Маъмурий регламент (кейинги ўринларда — Регламент) жисмоний ва юридик шахсларга Миллий музей фондининг Давлат каталогида музей ашёлари ва музей коллекцияларининг рўйхатдан ўтказилганлиги тўғрисида гувоҳнома бериш бўйича давлат хизматларини (кейинги ўринларда — давлат хизмати) кўрсатиш тартибини белгилайди.

2. Ушбу Регламентда қуйидаги асосий тушунчалар қўлланилади:

ариза берувчи — музей ашёлари ва музей коллекцияларининг рўйхатдан ўтказилгани тўғрисида гувоҳнома олиш мақсадида ваколатли органга мурожаат этувчи музей жисмоний ва юридик шахс;

ваколатли орган — ариза берувчининг аризасини кўриб чиқиш, музей ашёлари ва музей коллекцияларининг рўйхатдан ўтказилгани тўғрисида гувоҳнома берувчи Ўзбекистон Республикаси Маданий мерос агентлиги (кейинги ўринларда — Агентлик) ва унинг ҳудудий бошқармалари;

гувоҳнома — жисмоний ва юридик шахсга Миллий музей фондининг Давлат каталогида музей ашёлари ва музей коллекцияларининг рўйхатдан ўтказилганлигини тасдиқловчи ҳужжат;

Давлат каталоги — Миллий музей фонди таркибига киритилган ҳар бир музей ашёси ва ҳар бир музей коллекцияси тўғрисидаги асосий маълумотлар мавжуд бўлган ҳисобга олиш ҳужжати;

Миллий музей фонди — Ўзбекистон Республикаси ҳудудидаги доимий турган музей ашёлари ва коллекциялари мажмуи бўлиб, ушбу музей ашёлари ва коллекцияларини аниқлаш ва асраб-авайлаш, ҳисобга олиш ишини марказлаштириш ҳамда уларни кенг оммага намойиш этиш мақсадида ташкил этиладиган фонд.

3. Давлат хизмати белгиланган тартибда Давлат хизматлари марказлари ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали гувоҳномани беришга масъул бўлган ваколатли орган томонидан кўрсатилади.

4. Давлат хизматлари марказлари ва ваколатли орган ўртасидаги ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро электрон ўзаро боғланиш ёрдамида амалга оширилади.

5. Давлат хизматлари Давлат хизматлари марказлари ва ЯИДХП орқали ушбу Регламентга 1-иловада келтирилган схемага мувофиқ кўрсатилади.

2-боб. Давлат хизматларини кўрсатиш тартиби

6. Ариза берувчилар Миллий музей фондининг Давлат каталогида музей ашёлари ва музей коллекцияларининг рўйхатдан ўтказилгани тўғрисида гувоҳнома олиш учун Давлат хизматлари марказларига шахсан келиб мурожаат этади ёки давлат хизматларидан электрон шаклда фойдаланиш учун ЯИДХПда рўйхатдан ўтади.

Аризалар ЯИДХП орқали дам олиш ва байрам кунларидан қатъи назар, ҳар куни 24 соат давомида юборилиши мумкин.

Бунда аризалар иш вақтидан кейин ёки дам олиш ва байрам кунларида тушганда, календарь бўйича навбатдаги иш куни аризаларнинг ваколатли органга тушган ва ваколатли орган томонидан қабул қилинган кун деб ҳисобланади.

7. Ариза берувчи шахсан ёки унинг номидан мурожаат қилиш ҳуқуқига эга бўлган шахс ўзи келиб мурожаат этган тақдирда, Давлат хизматлари марказлари ходими ариза берувчи номидан, ЯИДХП орқали мурожаат этган тақдирда эса, мустақил равишда сўровномани электрон шаклда тўлдиради.

Ариза берувчи ишончнома асосида ҳаракат қилаётганида, сўровномага нотариал тасдиқланган ишончнома нусхаси илова қилинади.

8. Ариза берувчи гувоҳнома олиш учун Давлат хизматлари марказлари ёки ЯИДХП орқали ваколатли органга ушбу Регламентга 2-иловага мувофиқ сўровномани тўлдиради.

9. Ариза берувчидан ушбу Регламентга 2-иловада кўрсатилмаган маълумотлар ва ҳужжатларни талаб қилиш тақиқланади.

10. Сўровнома тўлдирилганидан сўнг ариза берувчи маълумотлар тўғрилигини текширади ва имзоларни идентификация қилишнинг замонавий воситалари (дактилоскопия, электрон имзо, Mobile-ID ва бошқалар) билан тасдиқлайди.

Ариза берувчилар ЯИДХП орқали мурожаат этган тақдирда, сўровномани ЭРИ билан тасдиқлаш талаб этилмайди.

11. Сўровномани кўриб чиқиш учун йиғим ундирилмайди.

12. Сўровномада нотўғри маълумотлар кўрсатилиши давлат хизматларини кўрсатишни рад этиш учун асос ҳисобланади.

Давлат хизматларини кўрсатишни бошқа асослар бўйича рад этиш тақиқланади.

13. Ариза берувчилар давлат хизматларидан фойдаланишдан хизмат кўрсатишнинг ҳар қандай босқичида бош тортиш ҳуқуқига эга. Ариза берувчи давлат хизматларидан фойдаланишдан бош тортганда, унинг сўровномаси кўрилмасдан қолдирилади.

14. Ариза берувчи давлат хизматлари марказига шахсан келиб мурожаат этганда, сўровнома Давлат хизматлари марказлари ходими томонидан тўлдирилиб, ариза берувчи томонидан тасдиқлангандан сўнг барча ҳужжатлар 10 дақиқа мобайнида ваколатли органга электрон шаклда юборилади, ЯИДХП орқали мурожаат қилинганда эса сўровнома автоматик тарзда ваколатли органга юборилади.

15. Ваколатли орган ўттиз иш куни ичида сўровномани кўриб чиқиб, тегишли ҳужжатлар (маълумотлар) ушбу Регламент ва сўровномага мувофиқ бўлган тақдирда, ушбу Регламентга 3-илова билан тасдиқланган шакл бўйича QR-код (матрик штрихли код) қўйилган гувоҳномани расмийлаштиради ҳамда уни ўз ЭРИси билан тасдиқлаб, Давлат хизматлари марказларига (шахсан келиб мурожаат этган тақдирда) ёки ариза берувчига (электрон тарзда мурожаат этган тақдирда) ЯИДХП орқали электрон шаклда юборади.

16. Ариза берувчи томонидан сўровномада назарда тутилган ҳужжатлар ёки маълумотлар тўлиқ тақдим этилмаганда, ариза ва унга илова қилинадиган ҳужжатларда нотўғри ёки уларда бузиб кўрсатилган маълумотлар мавжуд бўлганда, ваколатли орган ариза берувчига камчиликларни тўлиқ кўрсатган ҳолда уларни бартараф этиш учун беш иш кунидан иборат муддат беради. Давлат хизматларини кўрсатишни тўхтатиб туриш тўғрисидаги хабар ариза берувчига уч иш куни ичида юборилиши лозим.

17. Давлат хизматларини кўрсатиш муддатининг ўтиши камчиликларни бартараф этиш вақти давомида тўхтатиб турилади. Камчиликлар бартараф этилиб қайта тақдим этилган ҳужжатлар кўриб чиқилгани учун тўлов ундирилмайди.

18. Давлат хизматлари марказлари гувоҳнома келиб тушгандан сўнг 10 дақиқа мобайнида уни ариза берувчининг электрон манзилига юборади ва ариза берувчини бу ҳақида ахборот-коммуникация тизими орқали хабардор қилади. Давлат хизматлари марказлари ариза берувчи шахсан келиб мурожаат қилган тақдирда, унга гувоҳномани ариза берувчининг сўровига кўра электрон ёки қоғоз шаклда бериши шарт.

19. Ваколатли орган томонидан расмийлаштирилган гувоҳномада нотўғри маълумотлар мавжудлиги аниқланган тақдирда, ариза берувчи 15 кун ичида белгиланган тартибда қайта мурожаат қилиш ҳуқуқига эга.

3-боб. Якунловчи қоидалар

20. Давлат хизматлари марказлари ва ваколатли орган ўз фаолиятини амалга ошириши натижасида олинган маълумотлар сир сақланишини таъминлайди.

21. Ўзбекистон Республикаси Адлия вазирлиги, унинг ҳудудий бошқармалари ва Давлат хизматлари марказлари Регламент талаблари бажарилиши бўйича давлат органининг фаолияти устидан давлат хизматларини кўрсатиш давомида, шу жумладан, ЯИДХП орқали, доимий назорат ва мониторингни амалга оширади.

22. Ариза берувчи ваколатли орган ходимларининг хатти-ҳаракатлари устидан қонунчилик ҳужжатларида белгиланган тартибда шикоят қилишлари мумкин.

23. Мазкур Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.

Миллий музей фондининг Давлат каталогида музей ашёлари ва музей коллекцияларининг рўйхатдан ўтказилгани тўғрисида гувоҳнома бериш бўйича давлат хизматларини кўрсатишнинг маъмурий регламентига 1-ИЛОВА

Миллий музей фондининг давлат каталогида музей ашёлари ва музей коллекцияларининг рўйхатдан ўтказилгани тўғрисида гувоҳнома бериш бўйича давлат хизматларини кўрсатиш

Босқичлар Субъектлар Тадбирлар Бажариш муддатлари 1-босқич Ариза берувчи (жисмоний ва юридик шахслар) Давлат хизматидан фойдаланиш учун Давлат хизматлари марказига шахсан келиб ёки ЯИДХП орқали мурожаат қилади. Ўз хоҳишига кўра 2-босқич 1. Давлат хизматлари маркази 1. Давлат хизматлари маркази ходими сўровномани тўлдириб, ваколатли органга юборади. 1. Сўровнома тўлдирилгандан кейин 10 дақиқада 2. ЯИДХП 2. Тўлдирилган сўровнома автоматик тарзда ваколатли органга юборилади. 2. Реал вақт режимида 3-босқич Ваколатли орган (Маданий мерос агентлиги) 1. Миллий музей фондининг Давлат каталогида музей ашёлари ва музей коллекцияларининг рўйхатдан ўтказилгани бўйича давлат (нодавлат) музейлари кўриб чиқилади. 2. QR-код (штрихли код) қўйилган гувоҳномани расмийлаштиради ва уни Давлат хизматлари марказига ёки ариза берувчига (ЯИДХП орқали мурожаат қилганда) юборади. 3. Гувоҳнома расмийлаштиришни рад этади. 30 иш кунида 4-босқич 1. Давлат хизматлари маркази 2. ЯИДХП QR-код (матрик штрихли код) қўйилган гувоҳномани ариза берувчига тақдим этади. 10 дақиқа ичида

Миллий музей фондининг Давлат каталогида музей ашёлари ва музей коллекцияларининг рўйхатдан ўтказилгани тўғрисида гувоҳнома бериш бўйича давлат хизматларини кўрсатишнинг маъмурий регламентига 2-ИЛОВА

НАМУНА __________________ __________________ (санаси) (рақами) Миллий музей фондининг давлат каталогида музей ашёлари ва музей коллекцияларининг рўйхатдан ўтказилганлиги тўғрисида гувоҳнома бериш учун СЎРОВНОМА I. Ариза берувчи — жисмоний шахс тўғрисида маълумот : 1. Ф.И.О.: 2. Паспорт маълумотлари (паспорт серияси ва рақами, жисмоний шахснинг шахсий идентификация рақами (мавжуд бўлса): 3. Манзили: 4. Телефон рақами: 5. Электрон почта манзили (мавжуд бўлса): Ариза берувчи — юридик шахс тўғрисида маълумот : 1. Юридик номи (тўлиқ): 2. Ташкилий-ҳуқуқий шакли: 3. Жойлашган жойи: 4. Телефон рақами: 5. Электрон почта манзили (мавжуд бўлса): II. Сўровномага илова қилинадиган ҳужжатлар: Сўралаётган маълумотлар бўйича талаб (номи, даври ва бошқалар); гувоҳнома тили (ўзбек/рус); юридик ва жисмоний (жисмоний шахс бўлганда нотариал тасдиқланган ишончнома) шахс вакиллари учун ишончнома.

Миллий музей фондининг Давлат каталогида музей ашёлари ва музей коллекцияларининг рўйхатдан ўтказилгани тўғрисида гувоҳнома бериш бўйича давлат хизматларини кўрсатишнинг маъмурий регламентига 3-ИЛОВА

Вазирлар Маҳкамасининг 2025 йил 13 августдаги 512-сон қарорига 3-ИЛОВА

Археология ашёси Археология ашёлари давлат каталогига киритилгани ёки киритилмагани ҳақида маълумот бериш бўйича давлат хизматларини кўрсатишнинг

1-боб. Умумий қоидалар

1. Мазкур Маъмурий регламент (кейинги ўринларда — Регламент) археология ашёси Археология ашёлари давлат каталогига (кейинги ўринларда — Давлат каталоги) киритилгани ёки киритилмагани ҳақида маълумот бериш бўйича давлат хизматларини кўрсатиш тартибини белгилайди.

2. Ушбу Регламентда куйидаги асосий тушунчалар қўлланилади:

ариза берувчи — археология ашёси Археология ашёлари давлат каталогига киритилгани ёки киритилмагани ҳақида маълумот олиш мақсадида ваколатли органга мурожаат этувчи юридик шахс;

Археология ашёлари давлат каталоги — ҳар бир археология ашёси тўғрисидаги асосий маълумотлар мавжуд бўлган ҳисобга олиш ҳужжати;

ваколатли орган — ариза берувчининг аризасини кўриб чиқиш, археология ашёси Археология ашёлари давлат каталогига киритилгани тўғрисида маълумотнома берувчи Ўзбекистон Республикаси Маданий мерос агентлиги (кейинги ўринларда — Агентлик) ва унинг ҳудудий бошқармалари;

маълумотнома — археология ашёси Археология ашёлари давлат каталогига киритилганлигини тасдиқловчи ҳужжат.

3. Давлат хизмати белгиланган тартибда Давлат хизматлари марказлари ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали маълумот беришга масъул бўлган Ўзбекистон Республикаси Маданий мерос агентлиги (кейинги ўринларда — ваколатли орган) томонидан кўрсатилади.

4. Давлат хизматлари марказлари ва ваколатли орган ўртасидаги ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро электрон ўзаро боғланиш ёрдамида амалга оширилади.

5. Давлат хизматлари Давлат хизматлари марказлари ва ЯИДХП орқали ушбу Регламентга 1-иловада келтирилган схемага мувофиқ кўрсатилади.

2-боб. Давлат хизматларини кўрсатиш тартиби

6. Ариза берувчи Археология ашёларининг Давлат каталогига киритилгани ёки киритилмагани ҳақида маълумот олиш учун Давлат хизматлари марказларига шахсан ўзи келиб мурожаат этади ёки ЯИДХПда электрон фойдаланиш учун рўйхатдан ўтади ҳамда Давлат хизматлари марказларига ёки ЯИДХП орқали ваколатли органга электрон шаклда мурожаат қилади.

Аризалар ЯИДХП орқали дам олиш ва байрам кунларидан қатъи назар, ҳар куни 24 соат давомида юборилиши мумкин.

Бунда аризалар иш вақтидан кейин ёки дам олиш ва байрам кунларида тушганда, календарь бўйича навбатдаги иш куни аризаларнинг ваколатли органга тушган ва ваколатли орган томонидан қабул қилинган кун деб ҳисобланади.

7. Ариза берувчи Давлат хизматлари марказларига аризага қуйидаги ҳужжатларни (PDF, PNG ёки JPEG форматда) тақдим этади:

археология ашёсига эгалик қилаётган ёки улардан фойдаланаётган ёхуд тасарруф қилаётган фан, маданият ва таълим муассасаларининг асосий ҳисоб ҳужжатларидан олинган айнан шу ашёга оид маълумотлар;

археология ашёларини рўйхатга олиш китоби (кирим китоби)нинг маълумот олинадиган ашёга оид қисми (мавжуд бўлганида).

Ариза берувчидан ушбу бандда кўрсатиб ўтилмаган ҳужжатларни талаб қилишга йўл қўйилмайди.

8. Ариза берувчидан ушбу Регламентнинг 7-бандида кўрсатилмаган маълумотлар ва ҳужжатларни талаб қилиш тақиқланади.

9. Ариза берувчи шахсан ёки унинг номидан мурожаат қилиш ҳуқуқига эга бўлган шахс ўзи келиб мурожаат этган тақдирда, Давлат хизматлари марказлари ходими ариза берувчи номидан, ЯИДХП орқали мурожаат этган тақдирда эса, мустақил равишда ушбу Регламентга 2-иловага мувофиқ шаклдаги сўровномани электрон тарзда тўлдиради. Сўровномага мазкур Регламентнинг 7-бандида кўрсатиб ўтилган ҳужжатлар илова қилинади.

Ариза берувчи ишончнома асосида ҳаракат қилаётганида, сўровномага нотариал тасдиқланган ишончнома нусхаси илова қилинади.

10. Сўровнома тўлдирилганидан сўнг ариза берувчи маълумотларнинг тўғрилигини текширади ва имзоларни идентификация қилишнинг тегишли воситалари (дактилоскопия, электрон имзо, Mobile-ID ва бошқалар) билан тасдиқлайди.

Ариза берувчи ЯИДХП орқали мурожаат этган тақдирда, сўровномани имзоларни идентификация қилишнинг тегишли воситалари, ЭРИ билан тасдиқлаш талаб этилмайди.

11. Давлат хизматини кўрсатиш учун йиғим ундирилмайди.

12. Ариза берувчилар давлат хизматларидан фойдаланишдан хизмат кўрсатишнинг ҳар қандай босқичида бош тортиш ҳуқуқига эга. Ариза берувчи давлат хизматларидан фойдаланишдан бош тортганда, унинг сўровномаси кўрилмасдан қолдирилади.

13. Ариза берувчи давлат хизматлари марказига келиб мурожаат этганида, унинг сўровномаси Давлат хизматлари марказлари ходими томонидан тўлдирилиб, ариза берувчи томонидан тасдиқлангандан сўнг 10 дақиқа мобайнида ваколатли органга электрон шаклда юборилади, ЯИДХП орқали мурожаат этганда, автоматик тарзда ваколатли органга электрон шаклда юборилади.

14. Давлат хизматлари марказлари ёки ЯИДХП орқали юборилган мурожаатлар ваколатли орган томонидан ўттиз кун ичида кўриб чиқилади.

15. Археология ашёси Давлат каталогига киритилгани ёки киритилмагани ҳақида маълумот тақдим этиш учун ваколатли орган масъул ходимларидан иборат комиссия тузилади. Ариза берувчи ҳамда комиссия аъзолари иштирокида археология ашёси жойида кўриб чиқилади ва далолатнома тузилади.

Шунингдек, ваколатли органга археология ашёларини рўйхатга олиш китоби (кирим китоби)нинг маълумот олинаётган ашёга оид қисми тақдим этилади.

16. Агентлик сўровнома тушган вақтдан бошлаб, ушбу Регламентга 3-иловага мувофиқ шаклдаги QR-код қўйилган маълумотномани расмийлаштиради ҳамда уни ўз ЭРИси билан тасдиқлаб, Давлат хизмати марказларига ёхуд ариза берувчига (электрон шаклда мурожаат этган тақдирда) ЯИДХП орқали электрон шаклда юборади.

17. Давлат хизматлари марказлари маълумот келиб тушгандан сўнг реал вақт режимида уни ариза берувчининг электрон манзилига юборади ва ариза берувчини бу ҳақида ахборот-коммуникация тизими орқали хабардор қилади.

Ариза берувчи Давлат хизматлари марказларига келиб мурожаат қилган тақдирда, унинг сўровига кўра Давлат хизматлари марказлари археология ашёси Давлат каталогига киритилгани ёки киритилмагани ҳақидаги маълумотни электрон ёки қоғоз шаклда тақдим этиши шарт.

3-боб. Якунловчи қоидалар

18. Давлат хизматлари марказлари ва Агентлик ўз фаолиятини амалга ошириши натижасида олинган маълумотларнинг сир сақланишини таъминлайди.

19. Ўзбекистон Республикаси Адлия вазирлиги, унинг ҳудудий бошқармалари ва Давлат хизматлари марказлари Регламент талаблари бажарилиши бўйича давлат органининг фаолияти устидан давлат хизматларини кўрсатиш давомида, шу жумладан, ЯИДХП орқали, доимий назорат ва мониторингни амалга оширади.

20. Ариза берувчи ваколатли орган ходимларининг хатти-ҳаракатлари устидан қонунчилик ҳужжатларида белгиланган тартибда шикоят қилишлари мумкин.

21. Мазкур Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.

Археология ашёси Археология ашёлари давлат каталогига киритилгани ёки киритилмагани ҳақида маълумот бериш бўйича давлат хизматларини кўрсатишнинг маъмурий регламентига 1-ИЛОВА

Археология ашёси Археология ашёлари давлат каталогига киритилгани ёки киритилмагани ҳақида маълумот бериш бўйича давлат хизматини кўрсатиш

Босқичлар Субъектлар Тадбирлар Бажариш муддатлари 1-босқич Ариза берувчи (юридик шахс) Археология ашёси Давлат каталогига киритилгани ёки киритилмагани ҳақида маълумот олиш учун Давлат хизматлари марказига ўзи келиб ёки Ягона интерактив давлат хизматлари портали орқали мурожаат қилади. Ўз хоҳишига кўра 2-босқич 1. Давлат хизматлари маркази 2. ЯИДХП Археология ашёси Давлат каталогига киритилгани ёки киритилмагани ҳақида маълумот олиш учун ариза берувчи билан биргаликда сўровномани тўлдириб, Регламентнинг 7-бандида кўрсатиб ўтилган ҳужжатларни илова қилган ҳолда ваколатли органга юборади. 1. Сўровнома тўлдирилгандан кейин 10 дақиқада 2. Реал вақт режимида 3-босқич Ваколатли орган (Маданий мерос агентлиги) 1. Археология ашёси Давлат каталогига киритилгани ёки киритилмагани ҳақида маълумот тақдим этиш учун масъул ходимлардан иборат комиссия тузилади. 2. QR-код (штрихли код) қўйилган маълумотни расмийлаштиради ва уни Давлат хизматлари марказига ёки ариза берувчига (ЯИДХП орқали мурожаат қилганда) юборади. 3. Маълумот расмийлаштиришни рад этади. 30 иш кунида 4-босқич 1. Давлат хизматлари маркази 2. ЯИДХП QR-код қўйилган маълумотномани ариза берувчига тақдим этади. 10 дақиқа ичида

Археология ашёси Археология ашёлари давлат каталогига киритилгани ёки киритилмагани ҳақида маълумот бериш бўйича давлат хизматларини кўрсатишнинг маъмурий регламентига 2-ИЛОВА

НАМУНА __________________ __________________ (санаси) (рақами) Археология ашёси Давлат каталогига киритилгани ёки киритилмагани ҳақидаги маълумот бериш бўйича давлат хизматларини кўрсатиш учун СЎРОВНОМА I. Ариза берувчи — юридик шахс тўғрисида маълумот: 1. Расмий номи (тўлиқ): 2. Ташкилий-ҳуқуқий шакли: 3. Телефон рақами: 4. Электрон почта манзили (мавжуд бўлса): II. Археология ашёси тўғрисида маълумот: 1. Археология ашёсининг номи ва тури: 2. Археология ашёсининг топилган жойи: 3. Археология ашёсининг техник ҳолати: 4. Мулк ҳуқуқи ва эгалик ҳуқуқи: 5. Археология ашёсининг сақланиш жойи: III. Сўровномага илова қилинадиган ҳужжатлар: Археология ашёсига эгалик қилаётган ёки ундан фойдаланаётган ёхуд уни тасарруф қилаётган фан, маданият ва таълим муассасаларининг асосий ҳисоб ҳужжатларидан олинган айнан шу ашёга оид маълумотлар. Археология ашёларини рўйхатга олиш китобининг Давлат каталогига киритилгани ёки киритилмагани тўғрисида маълумот олинаётган ашёга оид қисми.

Археология ашёси Археология ашёлари давлат каталогига киритилгани ёки киритилмагани ҳақида маълумот бериш бўйича давлат хизматларини кўрсатишнинг маъмурий регламентига 3-ИЛОВА

Вазирлар Маҳкамасининг 2025 йил 13 августдаги 512-сон қарорига 4-ИЛОВА

Вазирлар Маҳкамасининг «Маданий мерос объектларини муҳофаза қилиш ва улардан фойдаланишни янада такомиллаштириш чора-тадбирлари тўғрисида» 2002 йил 29 июлдаги 269-сон қарорига киритилаётган ўзгартиришлар

1. 2-бандда :

иккинчи хатбоши чиқариб ташлансин;

учинчи хатбоши иккинчи хатбоши деб ҳисоблансин.

2. 3-илова ўз кучини йўқотган деб ҳисоблансин.

Ўзбекистон Республикасининг Бош вазири А. АРИПОВ

Тошкент ш.,

2025 йил 13 август,

512-сон

(Қонунчилик маълумотлари миллий базаси, 14.08.2025 й., 09/25/512/0730-сон; 02.02.2026 й., 09/26/35/0101-сон)

lex.uz

Oʻzbekiston Respublikasi Vazirlar Mahkamasining

qarori

MAʼMURIY REGLAMENTI

SXEMASI

MAʼMURIY REGLAMENTI

SXEMASI

MAʼMURIY REGLAMENTI

SXEMASI

Madaniy meros sohasiga oid maʼmuriy reglamentlarni tasdiqlash toʻgʻrisida

Oʻzbekiston Respublikasi Prezidentining “Maʼmuriy islohotlar doirasida adliya organlari va muassasalarining masʼuliyatini yanada oshirish hamda ixcham boshqaruv tizimini shakllantirish toʻgʻrisida” 2024-yil 24-maydagi PF-80-son Farmoni ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Maʼmuriy islohotlar doirasida adliya organlari va muassasalarining masʼuliyatini yanada oshirish hamda ixcham boshqaruv tizimini shakllantirish toʻgʻrisida” 2024-yil 24-maydagi PF-80-son Farmoni bilan:

moddiy madaniy meros obyektini Moddiy madaniy meros obyektlarining davlat kadastriga kiritish;

Milliy muzey fondining Davlat katalogida muzey ashyolari va muzey kolleksiyalarining roʻyxatdan oʻtkazilgani toʻgʻrisida guvohnoma berish;

arxeologiya ashyosining Arxeologiya ashyolari davlat katalogiga kiritilgani yoki kiritilmagani haqida maʼlumot berish boʻyicha davlat xizmatlari Davlat xizmatlari markazlari va Yagona interaktiv davlat xizmatlari portali orqali joriy etilishi tasdiqlangani maʼlumot uchun qabul qilinsin.

2. Quyidagilar:

Moddiy madaniy meros obyektini Moddiy madaniy meros obyektlarining davlat kadastriga kiritish va undan chiqarish boʻyicha davlat xizmatlarini koʻrsatishning maʼmuriy reglamenti 1-ilovaga muvofiq;

Milliy muzey fondining Davlat katalogida muzey ashyolari va muzey kolleksiyalarining roʻyxatdan oʻtkazilgani toʻgʻrisida guvohnoma berish boʻyicha davlat xizmatlarini koʻrsatishning maʼmuriy reglamenti 2-ilovaga muvofiq;

Arxeologiya ashyosi Arxeologiya ashyolari davlat katalogiga kiritilgani yoki kiritilmagani haqida maʼlumot berish boʻyicha davlat xizmatlarini koʻrsatishning maʼmuriy reglamenti 3-ilovaga muvofiq tasdiqlansin.

3. Belgilansinki, ushbu qaror bilan tasdiqlangan maʼmuriy reglamentlarga muvofiq davlat xizmatlari Davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali koʻrsatiladi.

4. Madaniy meros agentligi Raqamli texnologiyalar vazirligi va Adliya vazirligi bilan birgalikda ikki oy muddatda:

ushbu qaror bilan tasdiqlangan maʼmuriy reglamentlarga muvofiq davlat xizmatlarining YIDXP orqali joriy etilishini taʼminlasin;

YIDXPda davlat xizmatlari koʻrsatilishining har bir bosqichida murojaatlarning koʻrib chiqilishini kuzatib borishni joriy etsin.

5. Adliya vazirligi:

davlat organlari va boshqa tashkilotlar tomonidan davlat xizmatlari koʻrsatilishining belgilangan tartibi bajarilishi yuzasidan YIDXP orqali doimiy nazorat oʻrnatsin;

ushbu qaror bilan tasdiqlangan maʼmuriy reglamentlar talablarini buzganlik uchun davlat organlari va boshqa tashkilotlar mansabdor shaxslariga nisbatan belgilangan tartibda maʼmuriy jazolarni qoʻllasin.

6. Vazirlar Mahkamasining “Madaniy meros obyektlarini muhofaza qilish va ulardan foydalanishni yanada takomillashtirish chora-tadbirlari toʻgʻrisida” 2002-yil 29-iyuldagi 269-son qaroriga 4-ilovaga muvofiq oʻzgartirishlar kiritilsin.

7. Madaniy meros agentligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

8. Mazkur qarorning bajarilishini nazorat qilish Oʻzbekiston Respublikasi Madaniy meros agentligi direktori B.G. Abdikarimov zimmasiga yuklansin.

Vazirlar Mahkamasining 2025-yil 13-avgustdagi 512-son qaroriga 1-ILOVA

Moddiy madaniy meros obyektini Moddiy madaniy meros obyektlarining davlat kadastriga kiritish va undan chiqarish boʻyicha davlat xizmatlarini koʻrsatishning

1-bob. Umumiy qoidalar

1. Ushbu Maʼmuriy reglament (keyingi oʻrinlarda — Reglament) jismoniy va yuridik shaxslarga Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) va Davlat xizmatlari markazlari orqali moddiy madaniy meros obyektini Moddiy madaniy meros obyektlarining davlat kadastriga kiritish va undan chiqarish boʻyicha davlat xizmatini (keyingi oʻrinlarda — davlat xizmati) koʻrsatish tartibini belgilaydi.

2. Ushbu Reglamentda quyidagi asosiy tushunchalardan foydalaniladi:

ariza beruvchi — moddiy madaniy meros obyektini Moddiy madaniy meros obyektlarining davlat kadastriga kiritish va undan chiqarish boʻyicha vakolatli organga murojaat etuvchi jismoniy va yuridik shaxs;

vakolatli organ — moddiy madaniy meros obyektlari davlat kadastri toʻgʻrisidagi maʼlumotlarni yurituvchi Oʻzbekiston Respublikasi Madaniy meros agentligi (keyingi oʻrinlarda — Agentlik) va uning hududiy boshqarmalari;

davlat kadastri — tabiiy, xoʻjalik obyekti yoki boshqa obyekt muayyan turining geografik joylashuvi, huquqiy maqomi, miqdor, sifat tavsiflari va bahosi toʻgʻrisidagi yangilanib turiladigan maʼlumotlar va hujjatlar tizimi;

Moddiy madaniy meros obyektlarining davlat kadastri (keyingi oʻrinlarda — Davlat kadastri) — oʻzida moddiy madaniy meros obyektlarining geografik joylashuvi, huquqiy maqomi, miqdor, sifat tavsiflari va bahosi toʻgʻrisidagi yangilab turiladigan maʼlumotlar va hujjatlar tizimi.

3. Davlat kadastrini yuritish madaniy meros obyektlariga doir mulk huquqi va boshqa huquqlarni davlat roʻyxatidan oʻtkazishni, madaniy meros obyektlarining miqdoriy va sifat tavsiflarini hisobga olishni, madaniy meros obyektlarini sifat va qiymat jihatidan baholashni, kadastr axborotini turkumlashtirish, saqlash va yangilashni, madaniy meros obyektlarining holati toʻgʻrisidagi hisobotlarni tuzishni, madaniy meros obyektlari soni oʻzgargan taqdirda, Davlat kadastrlari yagona tizimiga yangilangan geoaxborot maʼlumotlarni taqdim etib borishni hamda foydalanuvchilarni kadastr axboroti bilan taʼminlashni oʻz ichiga oladi.

4. Davlat kadastrini yuritish ishlari madaniy meros sohasiga ajratiladigan Davlat budjeti mablagʻlari hisobidan amalga oshiriladi.

2-bob. Davlat kadastrining mazmuni

5. Davlat kadastrida respublika hududidagi barcha moddiy madaniy meros obyektlari toʻgʻrisidagi maʼlumotlar mavjud boʻladi.

Davlat kadastrida axborot alifboli-raqamli (matnli, jadvallar, vedomostlar) va chiziqli-grafikli (raqamli-grafik chizmalar, rejalar, sxemalar, uch oʻlchamli modellar, kesimlar va oʻlchamlar) shakllarda yuritiladi.

6. Davlat kadastri:

moddiy madaniy meros obyektlarining geografik joylashishi haqidagi maʼlumotlarni;

moddiy madaniy meros obyektlarining miqdoriy va sifat tavsiflari hisobini oʻz ichiga oladi.

7. Madaniy meros obyektlarini hisobga olish axboroti:

kadastr tartib raqamini;

nomini;

joylashgan joyini;

tipologik tegishliligini;

sana qoʻyishni;

mulkdor, egasi, foydalanuvchi yoki ijaraga oluvchi — yuridik yoki jismoniy shaxsning nomini va manzilini;

moddiy madaniy meros obyektining idoraviy mansubligini;

moddiy madaniy meros obyektining maqsadli vazifasini;

tarixiy maʼlumotlarni;

moddiy madaniy meros obyektining dastlabki qiyofasini oʻzgartirgan qayta qurish va yoʻqotishlarni;

taʼmirlash ishlarini (umumiy tavsif, qiymati, vaqti, muallif, hujjatlar saqlanadigan joy);

binoga, inshootga, yer uchastkasiga boʻlgan huquqlar davlat roʻyxatidan oʻtkazilgani toʻgʻrisidagi maʼlumotlarni;

identifikatsiya raqamini;

muhofaza zonalari va qurilishni tartibga solish chegaralarini (tasdiqlovchi hujjatga asoslangan holdagi reja, qisqacha tavsif) oʻz ichiga oladi.

8. Quyidagilar:

arxeologiya yodgorliklari uchun: sana qoʻyish (davri), qidirish va qazish ishlari kim tomonidan va qachon bajarilgani, topilgan materiallarning saqlanish joyi;

tarix yodgorliklari (diqqatga sazovor joylar) uchun: paydo boʻlish tarixi, obyekt yodgorlik ahamiyatiga ega ekanligi bilan bogʻliq voqealar va shaxslarning qisqacha tavsifi;

arxitektura va monumental sanʼat yodgorliklari uchun: muallif, quruvchi, buyurtmachi, qurilgan sanasi (davri) tarixiy maʼlumotlar hisoblanadi.

9. Moddiy madaniy meros obyekti tavsifi:

nomi;

tipologik mansubligi;

manzili;

zamonaviy foydalanilishi;

tarixiy maʼlumotlar;

yodgorlikning dastlabki qiyofasini oʻzgartirgan qayta qurishlar va yoʻqotishlar;

ilmiy-tarixiy va badiiy ahamiyati;

asosiy bibliografiya, arxiv manbalari, ikonografik material;

texnik holati;

muhofaza qilish tizimi;

muhofaza qilish toifasi;

muhofaza qilishga qabul qilingani toʻgʻrisidagi hujjatning sanasi va tartib raqami;

muhofaza zonasi chegaralari;

balans boʻyicha mansubligi;

muhofaza hujjatining sanasi va tartib raqami (majburiyatlar);

arxeologiya yodgorligi uchun: sanasi, eng muhim topilmalar roʻyxati va tavsifi;

tarix yodgorliklari uchun: sanasi, marmar lavhada matnlar mavjudligi va oʻrnatilgan vaqti;

arxitektura yodgorliklari uchun: sanasi, rejalashtirilishi, kompozitsion-makon tuzilmasi va konstruksiyalarning oʻziga xosligi, fasad va interyerlar bezagi xususiyati, rang-tasvir, haykaltaroshlik, amaliy sanʼat mavjudligi, qurilish materiali, asosiy oʻlchamlari;

monumental sanʼat yodgorliklari uchun: muallifi va sanasi, kompozitsion yechimi xususiyatlari, matnlar, material, texnika, hajmi;

moddiy madaniy meros obyektining ijtimoiy, ilmiy-tarixiy va badiiy ahamiyatiga umumiy baho berishdan iborat boʻladi.

10. Moddiy madaniy merosning koʻchmas mulkka boʻlgan huquqlar yer uchastkalari (shu jumladan, muhofaza zonalari)ning naturada belgilangan va mustahkamlangan chegaralari mavjud boʻlgan taqdirda, binolar va inshootlarning davlat yer kadastri va davlat kadastrini yurituvchi organlarda kadastr roʻyxatidan oʻtkaziladi. Yer uchastkasi chegaralarining burilish nuqtalari qoziqli belgilari yoʻqolgan taqdirda, ular oʻsha joyda yer uchastkasi chegaralarining burilish nuqtalari oʻrnatilgan, dala geodeziya oʻlchamlari oʻtkazilgan yoki tegishli koʻlamdagi topografiya maʼlumotidan foydalanilgan holda yer uchastkalari ajratish materiallari boʻyicha tiklanadi.

11. Moddiy madaniy meros obyektlari soni ularning amaldagi holati va foydalanilishiga koʻra hisobga olinadi.

12. Moddiy madaniy meros obyektlarining sifatga doir tavsifini hisobga olish:

sana (davri) qoʻyishni;

texnik holatni;

arxitektura bezagini;

badiiy naqshlarni oʻz ichiga oladi.

13. Texnik holat quyidagi tasniflash boʻyicha baholanadi: yaxshi, oʻrta, yomon, avariya holatida.

14. Muhofaza tizimi muhofaza toifasini (respublika ahamiyatiga, mahalliy ahamiyatga egaligi), muhofaza uchun qabul qilinishi toʻgʻrisidagi hujjatning sanasi va tartib raqamini oʻz ichiga oladi.

15. Moddiy madaniy meros obyektlari, shu jumladan ularning qiymati, ulardan samarali foydalanishni belgilash, yetkazilgan zarar miqdorini aniqlash, sugʻurta, ijara toʻlovi stavkalari, ularni taʼmirlash, konservatsiya qilish xarajatlarini qoplash va joriy tuzatish uchun baholanadi.

16. Moddiy madaniy meros obyektlari qiymati vakolatli organ tomonidan tasdiqlangan metodika boʻyicha baholanadi.

17. Davlat kadastri kadastr axborotining uzluksiz yangilanishini taʼminlovchi asosiy va joriy turlarni oʻz ichiga oladi.

Davlat kadastrining asosiy turini yuritishda madaniy meros obyektlari barcha turlarining birlamchi hisobi amalga oshiriladi, ularning soni koʻrsatiladi va naturada yer uchastkalari chegaralari belgilanadi (yer uchastkalarini roʻyxatdan oʻtkazish maʼlumotlari asosida).

Joriy turda kadastrga kadastrning asosiy turi oʻtkazilgandan keyin madaniy meros obyekti boʻyicha roʻy bergan barcha oʻzgartirishlar kiritiladi.

18. Moddiy madaniy meros obyektiga kadastr hujjatlari:

madaniy meros obyektiga mulk huquqini va boshqa huquqlarni tasdiqlovchi hujjatlardan;

madaniy meros obyekti kadastr ishidan;

kadastr daftaridan;

kadastr xaritasidan (rejadan);

moddiy madaniy meros obyektining holati toʻgʻrisidagi hisobotdan iborat boʻladi.

19. Moddiy madaniy meros obyektining kadastr xaritasi (rejasi) kadastr obyektlarining joylashgan joyini, ularning chegaralarini, muhofaza zonalarini, baholash, miqdoriy va sifat tavsiflarini aks ettiruvchi chiziqli hujjat hisoblanadi hamda qogʻozda, magnit va boshqa manbalarda tuziladi.

20. Madaniy meros obyekti kadastr ishi kadastr obyektiga huquqlarni shakllantirish, hisobga olish va keyinchalik davlat roʻyxatidan oʻtkazish uchun zarur boʻlgan pasport, hujjatlar, materiallar va kadastr suratga olish hujjatlari, texnik xatlash va pasportlashtirish, maxsus tekshirish va qidiruvlar, kadastr obyektining sifat va qiymat bahosidan iborat boʻladi.

21. Kadastr daftari madaniy merosning kadastr obyektlarini roʻyxatdan oʻtkazish va hisobga olishning asosiy hujjati hisoblanadi hamda unda ularning geografik joylashishi, huquqiy maqomi, miqdoriy va sifat tavsiflari va baholash haqidagi maʼlumotlar mavjud boʻladi.

3-bob. Davlat kadastriga kiritish va chiqarish tartibi

22. Tarixiy-madaniy qimmatga ega boʻlgan obyektlarni Davlat kadastriga kiritish yoki chiqarish:

davlat mulki boʻlgan madaniy meros obyektlariga nisbatan — mahalliy ijro etuvchi hokimiyat organlarining;

yuridik va jismoniy shaxslarning mulki boʻlgan madaniy meros obyektlariga nisbatan — yuridik va jismoniy shaxslarning takliflari asosida amalga oshiriladi.

23. Davlat xizmati ushbu Reglamentga 1-ilovaga muvofiq sxemaga asosan koʻrsatiladi.

24. Ariza beruvchi moddiy madaniy meros obyektini Moddiy madaniy meros obyektlarining davlat kadastriga kiritish uchun Davlat xizmatlari markazlariga oʻzi kelib murojaat qiladi yoki YIDXPda davlat xizmatidan elektron tarzda foydalanish uchun roʻyxatdan oʻtadi.

Davlat xizmatidan foydalanish uchun arizalar YIDXP orqali dam olish va bayram kunlaridan qatʼi nazar, har kuni 24 soat davomida yuborilishi mumkin.

Bunda arizalar ish vaqtidan keyin yoki dam olish va bayram kunlari kelib tushganda navbatdagi ish kuni arizalarning vakolatli organga kelib tushgan va qabul qilingan kun hisoblanadi.

25. Ariza beruvchi oʻzi kelib murojaat etgan taqdirda, Davlat xizmatlari markazlari xodimi ariza beruvchi nomidan, YIDXP orqali murojaat etgan taqdirda esa — ariza beruvchi mustaqil ravishda ushbu Reglamentga 2-ilovaga muvofiq davlat xizmatidan foydalanish uchun soʻrovnomani elektron tarzda toʻldiradi.

Ariza beruvchilardan ushbu bandda koʻrsatilmagan maʼlumotlarni hamda boshqa hujjatlarni talab qilish taqiqlanadi.

26. Zarur maʼlumotlar soʻrovnomaga kiritilgandan soʻng ariza beruvchi maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, Mobile-ID va boshqalar) bilan tasdiqlaydi.

27. Davlat xizmatlarini koʻrsatish uchun bazaviy hisoblash miqdorining 50 foizi miqdorida yigʻim undiriladi. Bunda:

Ijtimoiy reyestrning “kambagʻal oila” toifasiga kiritilgan oilalarning aʼzolari, shuningdek, I va II guruh nogironligi boʻlgan shaxslardan mazkur bandning birinchi va uchinchi xatboshilarda koʻrsatilgan yigʻim summasining 50 foizi, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolaridan esa 25 foizi;

davlat xizmati koʻrsatilishi uchun YIDXP orqali murojaat etilganda ushbu bandning birinchi xatboshisida koʻrsatilgan yigʻim summasining 90 foizi undiriladi.

Mazkur bandda belgilangan chegirmalar Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi.

Davlat xizmatlari koʻrsatilgani uchun yigʻim toʻlanganligi axborot-kommunikatsiya tizimlari orqali tasdiqlanadi.

28. Yigʻimlar summasi quyidagi tartibda taqsimlanadi:

a) Davlat xizmatlari markazlariga oʻzi kelib murojaat etganda:

18 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

0,5 foizi — Oʻzbekiston Respublikasi Raqamli texnologiyalar vazirligi huzuridagi “Elektron hukumat loyihalarini boshqarish markazi” davlat muassasasining Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga (Yagona billing tizimi orqali tasdiqlangani uchun);

qolgan mablagʻlar — vakolatli organga oʻtkaziladi;

b) YIDXP orqali murojaat etilganda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga oʻtkaziladi;

11,75 foizi — Oʻzbekiston Respublikasi Raqamli texnologiyalar vazirligi huzuridagi “Elektron hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik qoʻmitasidagi maxsus hisobvaragʻiga (jumladan, 0,5 foizi — Yagona billing tizimi orqali tasdiqlangani uchun);

qolgan mablagʻlar — vakolatli organga oʻtkaziladi.

29. Ariza beruvchi davlat xizmatidan foydalanishdan uni koʻrsatishning har qanday bosqichida bosh tortish huquqiga ega.

Ariza beruvchi davlat xizmatidan foydalanishdan bosh tortganda uning soʻrovnomasi koʻrmasdan qoldiriladi. Bunda toʻlangan yigʻim summasi qaytarilmaydi.

30. Ariza beruvchi oʻzi kelib murojaat etganda Davlat xizmatlari markazlari soʻrovnoma toʻldirilgan vaqtdan boshlab real vaqt rejimida uni vakolatli organga yuboradi.

YIDXP orqali murojaat qilinganda esa soʻrovnoma avtomatik tarzda vakolatli organga yuboriladi.

31. Vakolatli organ soʻrovnoma kelib tushgandan soʻng koʻpi bilan yigirma besh ish kunida Davlat kadastriga kiritish yoki chiqarish toʻgʻrisida tegishli buyruq chiqaradi. Bunda:

hududiy boshqarmalar 5 ish kuni ichida obyektni oldindan oʻrganadi va tayyorlangan materiallarni vakolatli organga yuboradi;

vakolatli organ 3 ish kuni ichida tayyorlangan materiallarning asosli ekanligini oʻrganish boʻyicha vakolatli organ huzuridagi Ilmiy-ekspert kengashiga kiritadi;

Ilmiy-ekspert kengashining navbatdagi majlisiga kiritilgan materiallar 15 ish kuni ichida koʻrib chiqiladi va ekspertiza xulosasi qabul qilinadi;

Ilmiy-ekspert kengashining ekspertiza xulosasiga koʻra 2 ish kuni ichida vakolatli organ tomonidan tegishli buyruq qabul qilinadi.

32. Vakolatli organ obyekt Davlat kadastriga kiritilgani yoki undan chiqarilgani toʻgʻrisida besh ish kuni ichida Oʻzbekiston Respublikasi Iqtisodiyot va moliya vazirligi huzuridagi Kadastr agentligiga tegishli maʼlumotlarni taqdim etadi.

33. Quyidagilar obyektni moddiy madaniy merosning koʻchmas mulk obyektlarini Davlat kadastriga kiritish yoki undan chiqarishga rad etish uchun asos boʻladi:

soʻrovnomada notoʻgʻri maʼlumotlar koʻrsatilishi;

davlat xizmatlari koʻrsatish uchun yigʻimni toʻlamaslik;

vakolatli organga ariza beruvchi tomonidan obyektni oʻrganish uchun imkoniyat yaratilmagani;

obyektning tarixiy-madaniy ekspertizasi xulosasida obyektni Davlat kadastriga kiritish yoki chiqarishga tavsiya etilmagani;

Ilmiy-ekspert kengashi tomonidan obyektni Davlat kadastriga kiritish yoki undan chiqarish toʻgʻrisida rad etish qarori qabul qilingani.

Davlat xizmatlarini koʻrsatishni boshqa asoslarga koʻra rad etish taqiqlanadi.

34. Ariza beruvchi moddiy madaniy meros obyektini Davlat kadastriga kiritish yoki chiqarish rad etilgan kundan boshlab oʻn ish kuni ichida davlat xizmatini koʻrsatish uchun yigʻim toʻlamasdan koʻrsatilgan kamchilikni bartaraf etgan holda, moddiy madaniy meros obyektini Davlat kadastriga kiritish yoki undan chiqarish uchun takroran murojaat qilish huquqiga ega.

35. Moddiy madaniy meros obyektini Davlat kadastriga kiritish yoki undan chiqarishni rad etish uchun asos boʻlgan sabablar ariza beruvchi tomonidan bartaraf qilingan taqdirda, takroran kelishish soʻrovnoma takroran tushgan kundan boshlab uch ish kunidan ortiq boʻlmagan muddatda amalga oshiriladi.

36. Moddiy madaniy meros obyektini Davlat kadastriga kiritish yoki undan chiqarishni takroran koʻrib chiqishda vakolatli organ tomonidan avvalgi rad etish asoslarida bayon etilmagan sabablarning keltirilishiga yoʻl qoʻyilmaydi, oldin koʻrsatilgan sabablar bartaraf etilganligini tasdiqlovchi maʼlumotlar bilan bogʻliq rad etish sabablari keltirilishi bundan mustasno.

37. Vakolatli organ moddiy madaniy meros obyektini Davlat kadastriga kiritish yoki undan chiqarishni kelishgan kunning oʻzida QR-kod qoʻyilgan Moddiy madaniy meros obyekti davlat kadastriga kiritilgani haqidagi xulosani Davlat xizmatlari markazlariga (oʻzi kelib murojaat etgan taqdirda) yoki ariza beruvchiga (elektron tarzda murojaat etgan taqdirda) YIDXP orqali yuboradi.

38. Davlat xizmatlari markazlari xulosa olinganidan soʻng real vaqt rejimida uni ariza beruvchining elektron pochta manziliga yuboradi va bu haqida ariza beruvchini elektron tarzda xabardor qiladi.

39. Davlat xizmatlari markazlari xodimi ariza beruvchi oʻzi kelib murojaat qilgan taqdirda, ariza beruvchining soʻroviga koʻra unga xulosani elektron yoki qogʻoz shaklida taqdim etadi.

40. Vakolatli organ tomonidan Moddiy madaniy meros obyektlarining davlat kadastriga kiritilgan moddiy madaniy meros obyektiga obyektning muhofaza qilish mazmunidagi maʼlumotlar va obyektning tavsiflari kiritilgan pasporti shakllantiriladi.

41. Vakolatli organ tomonidan Moddiy madaniy meros obyektini Moddiy madaniy meros obyektlarining davlat kadastriga kiritish yoki undan chiqarish toʻgʻrisidagi qaror ommaviy axborot vositalarida eʼlon qilinadi.

4-bob. Yakunlovchi qoidalar

42. Hududiy boshqarmalar, mahalliy ijro etuvchi hokimiyat organlari Davlat kadastriga kiritilgan madaniy meros obyektlarining holati ustidan nazoratni taʼminlaydi.

43. Davlat xizmatlari markazlari va vakolatli organlar oʻz faoliyatini amalga oshirishi natijasida ariza beruvchidan olingan maʼlumotlarning sir saqlanishini taʼminlaydi.

44. Adliya vazirligi, uning hududiy boshqarmalari va Davlat xizmatlari markazlari ushbu Reglament talablariga rioya qilinishi boʻyicha davlat organlari va boshqa tashkilotlarning faoliyati ustidan, shu jumladan, YIDXP orqali doimiy nazoratni va monitoringni amalga oshiradi.

45. Ariza beruvchi davlat organlari va boshqa tashkilotlar xodimlarining harakatlari (harakatsizligi) yuzasidan qonunchilik hujjatlarida belgilangan tartibda shikoyat qilishi mumkin.

46. Davlat kadastriga kiritilgan madaniy meros obyektiga nisbatan kadastr axboroti oʻzgargan taqdirda, madaniy meros obyektlarining egalari, mahalliy ijro etuvchi hokimiyat organlari bir oy muddatda bu haqida tegishli hududiy boshqarmaga maʼlum qilishlari shart.

47. Hududiy boshqarmalar mahalliy ijro etuvchi hokimiyat organlari bilan birgalikda uch yilda bir marta madaniy meros obyektlarining holatini tekshiradi. Tekshirish natijalari boʻyicha zaruratga koʻra vakolatli organga madaniy merosning mazkur obyektlarini saqlash boʻyicha joriy va istiqboldagi dasturlarni ishlab chiqishga doir takliflar kiritadi.

48. Davlat kadastri axboroti davlat organlari va boshqa tashkilotlarga bepul, boshqa yuridik va jismoniy shaxslarga esa belgilangan tartibda haq toʻlash evaziga beriladi.

49. Davlat kadastrini yuritishni tashkil etish boʻyicha yoʻriqnoma Oʻzbekiston Respublikasi Iqtisodiyot va moliya vazirligi huzuridagi Kadastr agentligi bilan kelishgan holda, belgilangan tartibda vakolatli organ tomonidan tasdiqlanadi.

50. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

Moddiy madaniy meros obyektini Moddiy madaniy meros obyektlarining davlat kadastriga kiritish va undan chiqarish boʻyicha davlat xizmatlarini koʻrsatishning maʼmuriy reglamentiga 1-ILOVA

Moddiy madaniy meros obyektini Moddiy madaniy meros obyektlarining davlat kadastriga kiritish va undan chiqarish boʻyicha davlat xizmatlarini koʻrsatishning

Bosqichlar Subyektlar Tadbirlar Bajarish muddatlari 1-bosqich Ariza beruvchi (jismoniy va yuridik shaxslar) Moddiy madaniy meros obyektini Davlat kadastriga kiritish yoki undan chiqarish uchun Davlat xizmatlari markaziga shaxsan yoki Yagona interaktiv davlat xizmatlari portali orqali onlayn murojaat qiladi. Oʻz xohishiga koʻra 2-bosqich 1. Davlat xizmatlari markazi 2. YIDXP Ariza beruvchi bilan birgalikda soʻrovnomani toʻldirib, hujjatlarni ilova qilgan holda vakolatli organga yuboradi. 1. 10 daqiqa mobaynida 2. Avtomatik tarzda 3-bosqich Ariza beruvchi Xulosani olish uchun Reglamentning 27-bandida belgilangan toʻlovni amalga oshiradi. Soʻrovnoma toʻldirilgandan soʻng 4-bosqich Vakolatli organ (Madaniy meros agentligi) 1. Hududiy boshqarmalar obyektni oldindan oʻrganadi va tayyorlangan materiallarni vakolatli organga yuboradi. 5 ish kunida 2. Vakolatli organ tayyorlangan materiallarning asosli ekanligini oʻrganish boʻyicha vakolatli organ huzuridagi Ilmiy-ekspert kengashiga kiritadi. 3 ish kunida 3. Ilmiy-ekspert kengashining navbatdagi majlisiga kiritilgan materiallar koʻrib chiqiladi va ekspertiza xulosasi qabul qilinadi. 15 ish kunida 4. Ilmiy-ekspert kengashining ekspertiza xulosasiga koʻra vakolatli organ tomonidan tegishli buyruq qabul qilinadi. 2 ish kunida 5-bosqich Vakolatli organ Moddiy madaniy meros obyektini Moddiy madaniy meros obyektlarining davlat kadastriga kiritilgani toʻgʻrisida Kadastr agentligiga maʼlumotlarni taqdim etadi. 5 ish kunida 6-bosqich 1. Davlat xizmatlari markazi 2. YIDXP Obyekt Davlat kadastriga kiritilgani yoki undan chiqarilgani haqidagi xulosa ariza beruvchiga taqdim etiladi. 1. 10 daqiqa mobaynida 2. Avtomatik tarzda

Moddiy madaniy meros obyektini Moddiy madaniy meros obyektlarining davlat kadastriga kiritish va undan chiqarish boʻyicha davlat xizmatlarini koʻrsatishning maʼmuriy reglamentiga 2-ILOVA

NAMUNA __________________ __________________ (sanasi) (raqami) Moddiy madaniy meros obyektini Davlat kadastriga kiritish va undan chiqarish toʻgʻrisida SOʻROVNOMA I. Ariza beruvchi — jismoniy shaxs toʻgʻrisida maʼlumot: 1. F.I.O.: 2. Pasport maʼlumotlari (seriyasi va raqami, jismoniy shaxsning shaxsiy identifikatsiya raqami (mavjud boʻlsa): 3. Telefon raqami: 4. Elektron pochta manzili (mavjud boʻlsa): Ariza beruvchi — yuridik shaxs toʻgʻrisida maʼlumot: 1. Rasmiy nomi (toʻliq): 2. Joylashgan joyi: 3. Telefon raqami: 4. Elektron pochta manzili (mavjud boʻlsa): II. Moddiy madaniy meros obyekti toʻgʻrisida maʼlumot: 1. Moddiy madaniy meros obyektining manzili (indeks, manzil, moʻljal): 2. Moddiy madaniy meros obyektining texnik holati: Yaxshi Qoniqarli Qoniqarsiz Avariya holatida 3. Moddiy madaniy meros obyektining turi: Arxeologiya yodgorligi Arxitektura yodgorligi Turar joy Noturar joy Mahobatli sanʼat yodgorligi Diqqatga sazovor joylar 4. Mulk va egalik huquqi davlat mulki xususiy mulk 5. Egalik huquqini tasdiqlovchi hujjat Kadastr hujjati raqami (davlat yer mulkidan foydalanish dalolatnomasi):___________________ Guvohnoma seriyasi (binoga):_______ hujjat (qaror) qabul qilgan organ nomi:____________________________ hujjat (qaror) raqami:___________ hujjat (qaror) sanasi:____________ geografik koordinati: ___________ 6. Obyekt yuzasidan taklif Moddiy madaniy meros obyektlarini Davlat kadastriga kiritish Moddiy madaniy meros obyektlarini Davlat kadastridan chiqarish

Vazirlar Mahkamasining 2025-yil 13-avgustdagi 512-son qaroriga 2-ILOVA

Milliy muzey fondining Davlat katalogida muzey ashyolari va muzey kolleksiyalarining roʻyxatdan oʻtkazilgani toʻgʻrisida guvohnoma berish boʻyicha davlat xizmatlarini koʻrsatishning

1-bob. Umumiy qoidalar

1. Mazkur Maʼmuriy reglament (keyingi oʻrinlarda — Reglament) jismoniy va yuridik shaxslarga Milliy muzey fondining Davlat katalogida muzey ashyolari va muzey kolleksiyalarining roʻyxatdan oʻtkazilganligi toʻgʻrisida guvohnoma berish boʻyicha davlat xizmatlarini (keyingi oʻrinlarda — davlat xizmati) koʻrsatish tartibini belgilaydi.

2. Ushbu Reglamentda quyidagi asosiy tushunchalar qoʻllaniladi:

ariza beruvchi — muzey ashyolari va muzey kolleksiyalarining roʻyxatdan oʻtkazilgani toʻgʻrisida guvohnoma olish maqsadida vakolatli organga murojaat etuvchi muzey jismoniy va yuridik shaxs;

vakolatli organ — ariza beruvchining arizasini koʻrib chiqish, muzey ashyolari va muzey kolleksiyalarining roʻyxatdan oʻtkazilgani toʻgʻrisida guvohnoma beruvchi Oʻzbekiston Respublikasi Madaniy meros agentligi (keyingi oʻrinlarda — Agentlik) va uning hududiy boshqarmalari;

guvohnoma — jismoniy va yuridik shaxsga Milliy muzey fondining Davlat katalogida muzey ashyolari va muzey kolleksiyalarining roʻyxatdan oʻtkazilganligini tasdiqlovchi hujjat;

Davlat katalogi — Milliy muzey fondi tarkibiga kiritilgan har bir muzey ashyosi va har bir muzey kolleksiyasi toʻgʻrisidagi asosiy maʼlumotlar mavjud boʻlgan hisobga olish hujjati;

Milliy muzey fondi — Oʻzbekiston Respublikasi hududidagi doimiy turgan muzey ashyolari va kolleksiyalari majmui boʻlib, ushbu muzey ashyolari va kolleksiyalarini aniqlash va asrab-avaylash, hisobga olish ishini markazlashtirish hamda ularni keng ommaga namoyish etish maqsadida tashkil etiladigan fond.

3. Davlat xizmati belgilangan tartibda Davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali guvohnomani berishga masʼul boʻlgan vakolatli organ tomonidan koʻrsatiladi.

4. Davlat xizmatlari markazlari va vakolatli organ oʻrtasidagi axborot almashinuvi elektron raqamli imzoni (keyingi oʻrinlarda — ERI) majburiy tartibda qoʻllash orqali faqat idoralararo elektron oʻzaro bogʻlanish yordamida amalga oshiriladi.

5. Davlat xizmatlari Davlat xizmatlari markazlari va YIDXP orqali ushbu Reglamentga 1-ilovada keltirilgan sxemaga muvofiq koʻrsatiladi.

2-bob. Davlat xizmatlarini koʻrsatish tartibi

6. Ariza beruvchilar Milliy muzey fondining Davlat katalogida muzey ashyolari va muzey kolleksiyalarining roʻyxatdan oʻtkazilgani toʻgʻrisida guvohnoma olish uchun Davlat xizmatlari markazlariga shaxsan kelib murojaat etadi yoki davlat xizmatlaridan elektron shaklda foydalanish uchun YIDXPda roʻyxatdan oʻtadi.

Arizalar YIDXP orqali dam olish va bayram kunlaridan qatʼi nazar, har kuni 24 soat davomida yuborilishi mumkin.

Bunda arizalar ish vaqtidan keyin yoki dam olish va bayram kunlarida tushganda, kalendar boʻyicha navbatdagi ish kuni arizalarning vakolatli organga tushgan va vakolatli organ tomonidan qabul qilingan kun deb hisoblanadi.

7. Ariza beruvchi shaxsan yoki uning nomidan murojaat qilish huquqiga ega boʻlgan shaxs oʻzi kelib murojaat etgan taqdirda, Davlat xizmatlari markazlari xodimi ariza beruvchi nomidan, YIDXP orqali murojaat etgan taqdirda esa, mustaqil ravishda soʻrovnomani elektron shaklda toʻldiradi.

Ariza beruvchi ishonchnoma asosida harakat qilayotganida, soʻrovnomaga notarial tasdiqlangan ishonchnoma nusxasi ilova qilinadi.

8. Ariza beruvchi guvohnoma olish uchun Davlat xizmatlari markazlari yoki YIDXP orqali vakolatli organga ushbu Reglamentga 2-ilovaga muvofiq soʻrovnomani toʻldiradi.

9. Ariza beruvchidan ushbu Reglamentga 2-ilovada koʻrsatilmagan maʼlumotlar va hujjatlarni talab qilish taqiqlanadi.

10. Soʻrovnoma toʻldirilganidan soʻng ariza beruvchi maʼlumotlar toʻgʻriligini tekshiradi va imzolarni identifikatsiya qilishning zamonaviy vositalari (daktiloskopiya, elektron imzo, Mobile-ID va boshqalar) bilan tasdiqlaydi.

Ariza beruvchilar YIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.

11. Soʻrovnomani koʻrib chiqish uchun yigʻim undirilmaydi.

12. Soʻrovnomada notoʻgʻri maʼlumotlar koʻrsatilishi davlat xizmatlarini koʻrsatishni rad etish uchun asos hisoblanadi.

Davlat xizmatlarini koʻrsatishni boshqa asoslar boʻyicha rad etish taqiqlanadi.

13. Ariza beruvchilar davlat xizmatlaridan foydalanishdan xizmat koʻrsatishning har qanday bosqichida bosh tortish huquqiga ega. Ariza beruvchi davlat xizmatlaridan foydalanishdan bosh tortganda, uning soʻrovnomasi koʻrilmasdan qoldiriladi.

14. Ariza beruvchi davlat xizmatlari markaziga shaxsan kelib murojaat etganda, soʻrovnoma Davlat xizmatlari markazlari xodimi tomonidan toʻldirilib, ariza beruvchi tomonidan tasdiqlangandan soʻng barcha hujjatlar 10 daqiqa mobaynida vakolatli organga elektron shaklda yuboriladi, YIDXP orqali murojaat qilinganda esa soʻrovnoma avtomatik tarzda vakolatli organga yuboriladi.

15. Vakolatli organ oʻttiz ish kuni ichida soʻrovnomani koʻrib chiqib, tegishli hujjatlar (maʼlumotlar) ushbu Reglament va soʻrovnomaga muvofiq boʻlgan taqdirda, ushbu Reglamentga 3-ilova bilan tasdiqlangan shakl boʻyicha QR-kod (matrik shtrixli kod) qoʻyilgan guvohnomani rasmiylashtiradi hamda uni oʻz ERIsi bilan tasdiqlab, Davlat xizmatlari markazlariga (shaxsan kelib murojaat etgan taqdirda) yoki ariza beruvchiga (elektron tarzda murojaat etgan taqdirda) YIDXP orqali elektron shaklda yuboradi.

16. Ariza beruvchi tomonidan soʻrovnomada nazarda tutilgan hujjatlar yoki maʼlumotlar toʻliq taqdim etilmaganda, ariza va unga ilova qilinadigan hujjatlarda notoʻgʻri yoki ularda buzib koʻrsatilgan maʼlumotlar mavjud boʻlganda, vakolatli organ ariza beruvchiga kamchiliklarni toʻliq koʻrsatgan holda ularni bartaraf etish uchun besh ish kunidan iborat muddat beradi. Davlat xizmatlarini koʻrsatishni toʻxtatib turish toʻgʻrisidagi xabar ariza beruvchiga uch ish kuni ichida yuborilishi lozim.

17. Davlat xizmatlarini koʻrsatish muddatining oʻtishi kamchiliklarni bartaraf etish vaqti davomida toʻxtatib turiladi. Kamchiliklar bartaraf etilib qayta taqdim etilgan hujjatlar koʻrib chiqilgani uchun toʻlov undirilmaydi.

18. Davlat xizmatlari markazlari guvohnoma kelib tushgandan soʻng 10 daqiqa mobaynida uni ariza beruvchining elektron manziliga yuboradi va ariza beruvchini bu haqida axborot-kommunikatsiya tizimi orqali xabardor qiladi. Davlat xizmatlari markazlari ariza beruvchi shaxsan kelib murojaat qilgan taqdirda, unga guvohnomani ariza beruvchining soʻroviga koʻra elektron yoki qogʻoz shaklda berishi shart.

19. Vakolatli organ tomonidan rasmiylashtirilgan guvohnomada notoʻgʻri maʼlumotlar mavjudligi aniqlangan taqdirda, ariza beruvchi 15 kun ichida belgilangan tartibda qayta murojaat qilish huquqiga ega.

3-bob. Yakunlovchi qoidalar

20. Davlat xizmatlari markazlari va vakolatli organ oʻz faoliyatini amalga oshirishi natijasida olingan maʼlumotlar sir saqlanishini taʼminlaydi.

21. Oʻzbekiston Respublikasi Adliya vazirligi, uning hududiy boshqarmalari va Davlat xizmatlari markazlari Reglament talablari bajarilishi boʻyicha davlat organining faoliyati ustidan davlat xizmatlarini koʻrsatish davomida, shu jumladan, YIDXP orqali, doimiy nazorat va monitoringni amalga oshiradi.

22. Ariza beruvchi vakolatli organ xodimlarining xatti-harakatlari ustidan qonunchilik hujjatlarida belgilangan tartibda shikoyat qilishlari mumkin.

23. Mazkur Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

Milliy muzey fondining Davlat katalogida muzey ashyolari va muzey kolleksiyalarining roʻyxatdan oʻtkazilgani toʻgʻrisida guvohnoma berish boʻyicha davlat xizmatlarini koʻrsatishning maʼmuriy reglamentiga 1-ILOVA

Milliy muzey fondining davlat katalogida muzey ashyolari va muzey kolleksiyalarining roʻyxatdan oʻtkazilgani toʻgʻrisida guvohnoma berish boʻyicha davlat xizmatlarini koʻrsatish

Bosqichlar Subyektlar Tadbirlar Bajarish muddatlari 1-bosqich Ariza beruvchi (jismoniy va yuridik shaxslar) Davlat xizmatidan foydalanish uchun Davlat xizmatlari markaziga shaxsan kelib yoki YIDXP orqali murojaat qiladi. Oʻz xohishiga koʻra 2-bosqich 1. Davlat xizmatlari markazi 1. Davlat xizmatlari markazi xodimi soʻrovnomani toʻldirib, vakolatli organga yuboradi. 1. Soʻrovnoma toʻldirilgandan keyin 10 daqiqada 2. YIDXP 2. Toʻldirilgan soʻrovnoma avtomatik tarzda vakolatli organga yuboriladi. 2. Real vaqt rejimida 3-bosqich Vakolatli organ (Madaniy meros agentligi) 1. Milliy muzey fondining Davlat katalogida muzey ashyolari va muzey kolleksiyalarining roʻyxatdan oʻtkazilgani boʻyicha davlat (nodavlat) muzeylari koʻrib chiqiladi. 2. QR-kod (shtrixli kod) qoʻyilgan guvohnomani rasmiylashtiradi va uni Davlat xizmatlari markaziga yoki ariza beruvchiga (YIDXP orqali murojaat qilganda) yuboradi. 3. Guvohnoma rasmiylashtirishni rad etadi. 30 ish kunida 4-bosqich 1. Davlat xizmatlari markazi 2. YIDXP QR-kod (matrik shtrixli kod) qoʻyilgan guvohnomani ariza beruvchiga taqdim etadi. 10 daqiqa ichida

Milliy muzey fondining Davlat katalogida muzey ashyolari va muzey kolleksiyalarining roʻyxatdan oʻtkazilgani toʻgʻrisida guvohnoma berish boʻyicha davlat xizmatlarini koʻrsatishning maʼmuriy reglamentiga 2-ILOVA

NAMUNA __________________ __________________ (sanasi) (raqami) Milliy muzey fondining davlat katalogida muzey ashyolari va muzey kolleksiyalarining roʻyxatdan oʻtkazilganligi toʻgʻrisida guvohnoma berish uchun SOʻROVNOMA I. Ariza beruvchi — jismoniy shaxs toʻgʻrisida maʼlumot : 1. F.I.O.: 2. Pasport maʼlumotlari (pasport seriyasi va raqami, jismoniy shaxsning shaxsiy identifikatsiya raqami (mavjud boʻlsa): 3. Manzili: 4. Telefon raqami: 5. Elektron pochta manzili (mavjud boʻlsa): Ariza beruvchi — yuridik shaxs toʻgʻrisida maʼlumot : 1. Yuridik nomi (toʻliq): 2. Tashkiliy-huquqiy shakli: 3. Joylashgan joyi: 4. Telefon raqami: 5. Elektron pochta manzili (mavjud boʻlsa): II. Soʻrovnomaga ilova qilinadigan hujjatlar: Soʻralayotgan maʼlumotlar boʻyicha talab (nomi, davri va boshqalar); guvohnoma tili (oʻzbek/rus); yuridik va jismoniy (jismoniy shaxs boʻlganda notarial tasdiqlangan ishonchnoma) shaxs vakillari uchun ishonchnoma.

Milliy muzey fondining Davlat katalogida muzey ashyolari va muzey kolleksiyalarining roʻyxatdan oʻtkazilgani toʻgʻrisida guvohnoma berish boʻyicha davlat xizmatlarini koʻrsatishning maʼmuriy reglamentiga 3-ILOVA

Vazirlar Mahkamasining 2025-yil 13-avgustdagi 512-son qaroriga 3-ILOVA

Arxeologiya ashyosi Arxeologiya ashyolari davlat katalogiga kiritilgani yoki kiritilmagani haqida maʼlumot berish boʻyicha davlat xizmatlarini koʻrsatishning

1-bob. Umumiy qoidalar

1. Mazkur Maʼmuriy reglament (keyingi oʻrinlarda — Reglament) arxeologiya ashyosi Arxeologiya ashyolari davlat katalogiga (keyingi oʻrinlarda — Davlat katalogi) kiritilgani yoki kiritilmagani haqida maʼlumot berish boʻyicha davlat xizmatlarini koʻrsatish tartibini belgilaydi.

2. Ushbu Reglamentda kuyidagi asosiy tushunchalar qoʻllaniladi:

ariza beruvchi — arxeologiya ashyosi Arxeologiya ashyolari davlat katalogiga kiritilgani yoki kiritilmagani haqida maʼlumot olish maqsadida vakolatli organga murojaat etuvchi yuridik shaxs;

Arxeologiya ashyolari davlat katalogi — har bir arxeologiya ashyosi toʻgʻrisidagi asosiy maʼlumotlar mavjud boʻlgan hisobga olish hujjati;

vakolatli organ — ariza beruvchining arizasini koʻrib chiqish, arxeologiya ashyosi Arxeologiya ashyolari davlat katalogiga kiritilgani toʻgʻrisida maʼlumotnoma beruvchi Oʻzbekiston Respublikasi Madaniy meros agentligi (keyingi oʻrinlarda — Agentlik) va uning hududiy boshqarmalari;

maʼlumotnoma — arxeologiya ashyosi Arxeologiya ashyolari davlat katalogiga kiritilganligini tasdiqlovchi hujjat.

3. Davlat xizmati belgilangan tartibda Davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali maʼlumot berishga masʼul boʻlgan Oʻzbekiston Respublikasi Madaniy meros agentligi (keyingi oʻrinlarda — vakolatli organ) tomonidan koʻrsatiladi.

4. Davlat xizmatlari markazlari va vakolatli organ oʻrtasidagi axborot almashinuvi elektron raqamli imzoni (keyingi oʻrinlarda — ERI) majburiy tartibda qoʻllash orqali faqat idoralararo elektron oʻzaro bogʻlanish yordamida amalga oshiriladi.

5. Davlat xizmatlari Davlat xizmatlari markazlari va YIDXP orqali ushbu Reglamentga 1-ilovada keltirilgan sxemaga muvofiq koʻrsatiladi.

2-bob. Davlat xizmatlarini koʻrsatish tartibi

6. Ariza beruvchi Arxeologiya ashyolarining Davlat katalogiga kiritilgani yoki kiritilmagani haqida maʼlumot olish uchun Davlat xizmatlari markazlariga shaxsan oʻzi kelib murojaat etadi yoki YIDXPda elektron foydalanish uchun roʻyxatdan oʻtadi hamda Davlat xizmatlari markazlariga yoki YIDXP orqali vakolatli organga elektron shaklda murojaat qiladi.

Arizalar YIDXP orqali dam olish va bayram kunlaridan qatʼi nazar, har kuni 24 soat davomida yuborilishi mumkin.

Bunda arizalar ish vaqtidan keyin yoki dam olish va bayram kunlarida tushganda, kalendar boʻyicha navbatdagi ish kuni arizalarning vakolatli organga tushgan va vakolatli organ tomonidan qabul qilingan kun deb hisoblanadi.

7. Ariza beruvchi Davlat xizmatlari markazlariga arizaga quyidagi hujjatlarni (PDF, PNG yoki JPEG formatda) taqdim etadi:

arxeologiya ashyosiga egalik qilayotgan yoki ulardan foydalanayotgan yoxud tasarruf qilayotgan fan, madaniyat va taʼlim muassasalarining asosiy hisob hujjatlaridan olingan aynan shu ashyoga oid maʼlumotlar;

arxeologiya ashyolarini roʻyxatga olish kitobi (kirim kitobi)ning maʼlumot olinadigan ashyoga oid qismi (mavjud boʻlganida).

Ariza beruvchidan ushbu bandda koʻrsatib oʻtilmagan hujjatlarni talab qilishga yoʻl qoʻyilmaydi.

8. Ariza beruvchidan ushbu Reglamentning 7-bandida koʻrsatilmagan maʼlumotlar va hujjatlarni talab qilish taqiqlanadi.

9. Ariza beruvchi shaxsan yoki uning nomidan murojaat qilish huquqiga ega boʻlgan shaxs oʻzi kelib murojaat etgan taqdirda, Davlat xizmatlari markazlari xodimi ariza beruvchi nomidan, YIDXP orqali murojaat etgan taqdirda esa, mustaqil ravishda ushbu Reglamentga 2-ilovaga muvofiq shakldagi soʻrovnomani elektron tarzda toʻldiradi. Soʻrovnomaga mazkur Reglamentning 7-bandida koʻrsatib oʻtilgan hujjatlar ilova qilinadi.

Ariza beruvchi ishonchnoma asosida harakat qilayotganida, soʻrovnomaga notarial tasdiqlangan ishonchnoma nusxasi ilova qilinadi.

10. Soʻrovnoma toʻldirilganidan soʻng ariza beruvchi maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, Mobile-ID va boshqalar) bilan tasdiqlaydi.

Ariza beruvchi YIDXP orqali murojaat etgan taqdirda, soʻrovnomani imzolarni identifikatsiya qilishning tegishli vositalari, ERI bilan tasdiqlash talab etilmaydi.

11. Davlat xizmatini koʻrsatish uchun yigʻim undirilmaydi.

12. Ariza beruvchilar davlat xizmatlaridan foydalanishdan xizmat koʻrsatishning har qanday bosqichida bosh tortish huquqiga ega. Ariza beruvchi davlat xizmatlaridan foydalanishdan bosh tortganda, uning soʻrovnomasi koʻrilmasdan qoldiriladi.

13. Ariza beruvchi davlat xizmatlari markaziga kelib murojaat etganida, uning soʻrovnomasi Davlat xizmatlari markazlari xodimi tomonidan toʻldirilib, ariza beruvchi tomonidan tasdiqlangandan soʻng 10 daqiqa mobaynida vakolatli organga elektron shaklda yuboriladi, YIDXP orqali murojaat etganda, avtomatik tarzda vakolatli organga elektron shaklda yuboriladi.

14. Davlat xizmatlari markazlari yoki YIDXP orqali yuborilgan murojaatlar vakolatli organ tomonidan oʻttiz kun ichida koʻrib chiqiladi.

15. Arxeologiya ashyosi Davlat katalogiga kiritilgani yoki kiritilmagani haqida maʼlumot taqdim etish uchun vakolatli organ masʼul xodimlaridan iborat komissiya tuziladi. Ariza beruvchi hamda komissiya aʼzolari ishtirokida arxeologiya ashyosi joyida koʻrib chiqiladi va dalolatnoma tuziladi.

Shuningdek, vakolatli organga arxeologiya ashyolarini roʻyxatga olish kitobi (kirim kitobi)ning maʼlumot olinayotgan ashyoga oid qismi taqdim etiladi.

16. Agentlik soʻrovnoma tushgan vaqtdan boshlab, ushbu Reglamentga 3-ilovaga muvofiq shakldagi QR-kod qoʻyilgan maʼlumotnomani rasmiylashtiradi hamda uni oʻz ERIsi bilan tasdiqlab, Davlat xizmati markazlariga yoxud ariza beruvchiga (elektron shaklda murojaat etgan taqdirda) YIDXP orqali elektron shaklda yuboradi.

17. Davlat xizmatlari markazlari maʼlumot kelib tushgandan soʻng real vaqt rejimida uni ariza beruvchining elektron manziliga yuboradi va ariza beruvchini bu haqida axborot-kommunikatsiya tizimi orqali xabardor qiladi.

Ariza beruvchi Davlat xizmatlari markazlariga kelib murojaat qilgan taqdirda, uning soʻroviga koʻra Davlat xizmatlari markazlari arxeologiya ashyosi Davlat katalogiga kiritilgani yoki kiritilmagani haqidagi maʼlumotni elektron yoki qogʻoz shaklda taqdim etishi shart.

3-bob. Yakunlovchi qoidalar

18. Davlat xizmatlari markazlari va Agentlik oʻz faoliyatini amalga oshirishi natijasida olingan maʼlumotlarning sir saqlanishini taʼminlaydi.

19. Oʻzbekiston Respublikasi Adliya vazirligi, uning hududiy boshqarmalari va Davlat xizmatlari markazlari Reglament talablari bajarilishi boʻyicha davlat organining faoliyati ustidan davlat xizmatlarini koʻrsatish davomida, shu jumladan, YIDXP orqali, doimiy nazorat va monitoringni amalga oshiradi.

20. Ariza beruvchi vakolatli organ xodimlarining xatti-harakatlari ustidan qonunchilik hujjatlarida belgilangan tartibda shikoyat qilishlari mumkin.

21. Mazkur Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

Arxeologiya ashyosi Arxeologiya ashyolari davlat katalogiga kiritilgani yoki kiritilmagani haqida maʼlumot berish boʻyicha davlat xizmatlarini koʻrsatishning maʼmuriy reglamentiga 1-ILOVA

Arxeologiya ashyosi Arxeologiya ashyolari davlat katalogiga kiritilgani yoki kiritilmagani haqida maʼlumot berish boʻyicha davlat xizmatini koʻrsatish

Bosqichlar Subyektlar Tadbirlar Bajarish muddatlari 1-bosqich Ariza beruvchi (yuridik shaxs) Arxeologiya ashyosi Davlat katalogiga kiritilgani yoki kiritilmagani haqida maʼlumot olish uchun Davlat xizmatlari markaziga oʻzi kelib yoki Yagona interaktiv davlat xizmatlari portali orqali murojaat qiladi. Oʻz xohishiga koʻra 2-bosqich 1. Davlat xizmatlari markazi 2. YIDXP Arxeologiya ashyosi Davlat katalogiga kiritilgani yoki kiritilmagani haqida maʼlumot olish uchun ariza beruvchi bilan birgalikda soʻrovnomani toʻldirib, Reglamentning 7-bandida koʻrsatib oʻtilgan hujjatlarni ilova qilgan holda vakolatli organga yuboradi. 1. Soʻrovnoma toʻldirilgandan keyin 10 daqiqada 2. Real vaqt rejimida 3-bosqich Vakolatli organ (Madaniy meros agentligi) 1. Arxeologiya ashyosi Davlat katalogiga kiritilgani yoki kiritilmagani haqida maʼlumot taqdim etish uchun masʼul xodimlardan iborat komissiya tuziladi. 2. QR-kod (shtrixli kod) qoʻyilgan maʼlumotni rasmiylashtiradi va uni Davlat xizmatlari markaziga yoki ariza beruvchiga (YIDXP orqali murojaat qilganda) yuboradi. 3. Maʼlumot rasmiylashtirishni rad etadi. 30 ish kunida 4-bosqich 1. Davlat xizmatlari markazi 2. YIDXP QR-kod qoʻyilgan maʼlumotnomani ariza beruvchiga taqdim etadi. 10 daqiqa ichida

Arxeologiya ashyosi Arxeologiya ashyolari davlat katalogiga kiritilgani yoki kiritilmagani haqida maʼlumot berish boʻyicha davlat xizmatlarini koʻrsatishning maʼmuriy reglamentiga 2-ILOVA

NAMUNA __________________ __________________ (sanasi) (raqami) Arxeologiya ashyosi Davlat katalogiga kiritilgani yoki kiritilmagani haqidagi maʼlumot berish boʻyicha davlat xizmatlarini koʻrsatish uchun SOʻROVNOMA I. Ariza beruvchi — yuridik shaxs toʻgʻrisida maʼlumot: 1. Rasmiy nomi (toʻliq): 2. Tashkiliy-huquqiy shakli: 3. Telefon raqami: 4. Elektron pochta manzili (mavjud boʻlsa): II. Arxeologiya ashyosi toʻgʻrisida maʼlumot: 1. Arxeologiya ashyosining nomi va turi: 2. Arxeologiya ashyosining topilgan joyi: 3. Arxeologiya ashyosining texnik holati: 4. Mulk huquqi va egalik huquqi: 5. Arxeologiya ashyosining saqlanish joyi: III. Soʻrovnomaga ilova qilinadigan hujjatlar: Arxeologiya ashyosiga egalik qilayotgan yoki undan foydalanayotgan yoxud uni tasarruf qilayotgan fan, madaniyat va taʼlim muassasalarining asosiy hisob hujjatlaridan olingan aynan shu ashyoga oid maʼlumotlar. Arxeologiya ashyolarini roʻyxatga olish kitobining Davlat katalogiga kiritilgani yoki kiritilmagani toʻgʻrisida maʼlumot olinayotgan ashyoga oid qismi.

Arxeologiya ashyosi Arxeologiya ashyolari davlat katalogiga kiritilgani yoki kiritilmagani haqida maʼlumot berish boʻyicha davlat xizmatlarini koʻrsatishning maʼmuriy reglamentiga 3-ILOVA

Vazirlar Mahkamasining 2025-yil 13-avgustdagi 512-son qaroriga 4-ILOVA

Vazirlar Mahkamasining “Madaniy meros obyektlarini muhofaza qilish va ulardan foydalanishni yanada takomillashtirish chora-tadbirlari toʻgʻrisida” 2002-yil 29-iyuldagi 269-son qaroriga kiritilayotgan oʻzgartirishlar

1. 2-bandda :

ikkinchi xatboshi chiqarib tashlansin;

uchinchi xatboshi ikkinchi xatboshi deb hisoblansin.

2. 3-ilova oʻz kuchini yoʻqotgan deb hisoblansin.

Oʻzbekiston Respublikasining Bosh vaziri A. ARIPOV

Toshkent sh.,

2025-yil 13-avgust,

512-son

(Qonunchilik maʼlumotlari milliy bazasi, 14.08.2025-y., 09/25/512/0730-son; 02.02.2026-y., 09/26/35/0101-son)

lex.uz