📅 2025-yil 18-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 18 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 августа 2025 г. · Постановления Президента
Официальный текст. Официальный документ. Редакционные примечания не включены.
📅 18 August 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Этилен ва пропилен полимерларидан юқори қўшилган қийматга эга маҳсулотлар ишлаб чиқарувчи маҳаллий корхоналарни қўллаб-қувватлаш бўйича қўшимча чора-тадбирлар тўғрисида
Рақобатбардош маҳсулотлар ишлаб чиқаришни рағбатлантириш, маҳаллий ишлаб чиқарувчи корхоналарни сифатли ва арзон хомашё билан таъминлаш, юқори қўшилган қийматга эга маҳсулотларни экспорт қилишни қўллаб-қувватлаш мақсадида қарор қиламан:
1. Иқтисодиёт ва молия вазирлиги ҳамда Инвестициялар, саноат ва савдо вазирлигининг Ўзбекистон Республикасида ишлаб чиқарилмайдиган ва белгиланган тартибда аниқ техник параметрлар асосида шакллантириладиган рўйхат бўйича республика ҳудудига олиб кириладиган полиэтилен гранулалари учун акциз солиғини 2025 йил 1 сентябрдан 2028 йил 1 январга қадар ноль ставкада қўллаш тўғрисидаги таклифига розилик берилсин.
2. 2028 йил 1 январга қадар айрим этилен полимерларининг бирламчи шакллари (ТИФ ТН коди 3901 10 900 0, 3901 30, 3901 40) ва пропилен полимерларининг бирламчи шаклларини (ТИФ ТН коди 3902 10 000 0) импорт қилишда божхона божининг ноль ставкаси қўллансин.
3. Божхона қўмитаси Ўзбекистон техник жиҳатдан тартибга солиш агентлиги билан биргаликда мамлакатга сифатсиз контрафакт эгилувчан қадоқлар (полиэтилен плёнкалар, полипропилен плёнкалар, нотўқима материаллар, полиэтилен қоплар, биг-бэглар ва бошқалар) импортининг олдини олиш (экс-оффицио принципи асосида) чораларини кўрсин.
4. Иқтисодиёт ва молия вазирлиги:
(а) бир ой муддатда Солиқ кодексига мазкур қарорнинг 1-бандидан келиб чиқадиган ўзгартириш киритишни назарда тутувчи қонун лойиҳасини;
(б) 2025 йил 1 октябрга қадар полиэтилен гранулаларини ишлаб чиқарувчи маҳаллий корхоналар учун акциз солиғи солинишида импорт билан тенг шароитлар яратиш бўйича таклифларни Вазирлар Маҳкамасига киритсин.
5. Инвестициялар, саноат ва савдо вазирлиги Иқтисодиёт ва молия вазирлиги, манфаатдор вазирлик ва идоралар билан биргаликда бир ой муддатда мазкур қарорнинг ижросини таъминлаш, унинг мазмун-моҳияти ва аҳамияти тадбиркорлик субъектларига етказилиши ҳамда тушунтирилишини таъминласин.
6. Мазкур қарорнинг ижросини назорат қилиш Ўзбекистон Республикаси Бош вазири ўринбосари Ж.А. Ходжаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 18 август,
ПҚ-252-сон
Oʻzbekiston Respublikasi Prezidentining
qarori
Etilen va propilen polimerlaridan yuqori qoʻshilgan qiymatga ega mahsulotlar ishlab chiqaruvchi mahalliy korxonalarni qoʻllab-quvvatlash boʻyicha qoʻshimcha chora-tadbirlar toʻgʻrisida
Raqobatbardosh mahsulotlar ishlab chiqarishni ragʻbatlantirish, mahalliy ishlab chiqaruvchi korxonalarni sifatli va arzon xomashyo bilan taʼminlash, yuqori qoʻshilgan qiymatga ega mahsulotlarni eksport qilishni qoʻllab-quvvatlash maqsadida qaror qilaman:
1. Iqtisodiyot va moliya vazirligi hamda Investitsiyalar, sanoat va savdo vazirligining Oʻzbekiston Respublikasida ishlab chiqarilmaydigan va belgilangan tartibda aniq texnik parametrlar asosida shakllantiriladigan roʻyxat boʻyicha respublika hududiga olib kiriladigan polietilen granulalari uchun aksiz soligʻini 2025-yil 1-sentabrdan 2028-yil 1-yanvarga qadar nol stavkada qoʻllash toʻgʻrisidagi taklifiga rozilik berilsin.
2. 2028-yil 1-yanvarga qadar ayrim etilen polimerlarining birlamchi shakllari (TIF TN kodi 3901 10 900 0, 3901 30, 3901 40) va propilen polimerlarining birlamchi shakllarini (TIF TN kodi 3902 10 000 0) import qilishda bojxona bojining nol stavkasi qoʻllansin.
3. Bojxona qoʻmitasi Oʻzbekiston texnik jihatdan tartibga solish agentligi bilan birgalikda mamlakatga sifatsiz kontrafakt egiluvchan qadoqlar (polietilen plyonkalar, polipropilen plyonkalar, notoʻqima materiallar, polietilen qoplar, big-beglar va boshqalar) importining oldini olish (eks-offitsio prinsipi asosida) choralarini koʻrsin.
4. Iqtisodiyot va moliya vazirligi:
(a) bir oy muddatda Soliq kodeksiga mazkur qarorning 1-bandidan kelib chiqadigan oʻzgartirish kiritishni nazarda tutuvchi qonun loyihasini;
(b) 2025-yil 1-oktabrga qadar polietilen granulalarini ishlab chiqaruvchi mahalliy korxonalar uchun aksiz soligʻi solinishida import bilan teng sharoitlar yaratish boʻyicha takliflarni Vazirlar Mahkamasiga kiritsin.
5. Investitsiyalar, sanoat va savdo vazirligi Iqtisodiyot va moliya vazirligi, manfaatdor vazirlik va idoralar bilan birgalikda bir oy muddatda mazkur qarorning ijrosini taʼminlash, uning mazmun-mohiyati va ahamiyati tadbirkorlik subyektlariga yetkazilishi hamda tushuntirilishini taʼminlasin.
6. Mazkur qarorning ijrosini nazorat qilish Oʻzbekiston Respublikasi Bosh vaziri oʻrinbosari J.A. Xodjayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 18-avgust,
PQ-252-son
Президента Республики Узбекистан
Постановление
О дополнительных мерах по поддержке отечественных предприятий-производителей продукции из полимеров этилена и пропилена с высокой добавленной стоимостью
В целях стимулирования производства конкурентоспособной продукции, обеспечения отечественных предприятий-производителей качественным и доступным сырьем, поддержки экспорта продукции с высокой добавленной стоимостью постановляю:
1. Согласиться с предложением Министерства экономики и финансов и Министерства инвестиций, промышленности и торговли о применении на срок с 1 сентября 2025 года по 1 января 2028 года нулевой ставки акцизного налога на полиэтиленовые гранулы, не производимые в Республике Узбекистан и ввозимые на территорию республики по перечню, формируемому в установленном порядке на основе конкретных технических параметров.
2. Применить на срок до 1 января 2028 года нулевую ставку таможенной пошлины при импорте первичных форм некоторых полимеров этилена (код ТН ВЭД 3901 10 900 0, 3901 30, 3901 40) и первичных форм полимеров пропилена (код ТН ВЭД 3902 10 000 0).
3. Таможенному комитету совместно с Узбекским агентством по техническому регулированию принять меры по предотвращению (на основе принципа экс-оффицио) импорта в страну некачественных контрафактных гибких упаковок (полиэтиленовых и полипропиленовых пленок, нетканых материалов, полиэтиленовых мешков, биг-бэгов и других).
4. Министерству экономики и финансов внести в Кабинет Министров:
(а) в месячный срок проект закона, предусматривающий внесение в Налоговый кодекс изменений, вытекающих из пункта 1 настоящего постановления;
(б) в срок до 1 октября 2025 года предложения о создании для отечественных предприятий-производителей полиэтиленовых гранул равных с импортом условий при обложении акцизным налогом.
5. Министерству инвестиций, промышленности и торговли совместно с Министерством экономики и финансов, заинтересованными министерствами и ведомствами в месячный срок обеспечить исполнение, а также доведение и разъяснение субъектам предпринимательства сути, содержания и значения настоящего постановления.
6. Контроль за исполнением настоящего постановления возложить на заместителя Премьер-министра Республики Узбекистан Ж.А. Ходжаева.
Президент Республики Узбекистан Ш. МИРЗИЁЕВ
г. Ташкент,
18 августа 2025 г.,
№ ПП-252