📅 2025-yil 18-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 18 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 18 августа 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 18 August 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ҚАРОРИ
МАЪЛУМОТЛАР
АРИЗА НАМУНАСИ
СХЕМАСИ
СЎРОВНОМА
Пенсия ва компенсация тўловларини тайинлаш тартиби такомиллаштирилиши муносабати билан Вазирлар Маҳкамасининг 2022 йил 13 октябрдаги 592-сон қарори билан тасдиқланган Давлат пенсияларини тайинлаш ва тўлаш тартиби тўғрисидаги низомга ўзгартириш ва қўшимчалар киритиш ҳақида
Ўзбекистон Республикаси Президентининг «Аҳолига пенсия тайинлаш бўйича кўрсатиладиган давлат хизматлари сифатини янада оширишга қаратилган қўшимча чора-тадбирлар тўғрисида» 2023 йил 31 октябрдаги ПҚ-353-сон қарори ижросини таъминлаш ҳамда қонунчилик ҳужжатларини ўзаро мувофиқлаштириш мақсадида Вазирлар Маҳкамаси қарор қилади:
1. Вазирлар Маҳкамасининг 2022 йил 13 октябрдаги 592-сон қарори билан тасдиқланган Давлат пенсияларини тайинлаш ва тўлаш тартиби тўғрисидаги низомга иловага мувофиқ қуйидагиларни назарда тутувчи ўзгартириш ва қўшимчалар киритилсин:
пенсия ва компенсация тўловларини тайинлаш тартибини такомиллаштириш;
фуқароларга ёшга доир ва ногиронлик пенсиялари ҳамда компенсация тўловларини проактив шаклда тайинлаш тартибини жорий этиш;
фуқароларнинг давлат пенсия таъминотига оид қонунчилик ҳужжатларини ўзаро мувофиқлаштириш.
2. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.
Вазирлар Маҳкамасининг 2025 йил 18 августдаги 518-сон қарорига ИЛОВА
Вазирлар Маҳкамасининг 2022 йил 13 октябрдаги 592-сон қарори билан тасдиқланган Давлат пенсияларини тайинлаш ва тўлаш тартиби тўғрисидаги низомга киритилаётган ўзгартириш ва қўшимчалар
1. 2-бандда :
ўнинчи хатбоши қуйидаги таҳрирда баён этилсин:
«пенсияга оид ҳужжатлар йиғмажилди (пенсия иши) — пенсия ва/ёки компенсация пул тўловини сўраб мурожаат қилган шахсга пенсия ёки компенсация тайинланган ҳужжатларнинг тикилган туркуми ва/ёки Пенсия жамғармасининг «Пенсия» ахборот тизимида (кейинги ўринларда — ахборот тизими) сақланадиган пенсия ва/ёки компенсация пул тўловини сўраб мурожаат қилган шахснинг электрон кўринишдаги пенсияга ва/ёки компенсация пул тўловига оид ҳужжатлари ва/ёки маълумотлари»;
ўн иккинчи хатбоши «пенсия тайинлашни сўраб мурожаат этиш — » сўзларидан кейин «Қонуннинг 7, 8 ва 15-моддаларида белгиланган пенсиялардан ташқари» сўзлари билан тўлдирилсин;
қуйидаги мазмундаги йигирма биринчи — йигирма тўртинчи хатбошилар билан тўлдирилсин:
« компенсация пул тўлови — ушбу Низомда белгиланган шартлар ва меъёрларга мувофиқ олиш ҳуқуқи аниқланадиган ҳамда уй-жой-коммунал хизматлар ҳақини тўлаш бўйича бериладиган имтиёзлар ўрнига ҳар ойда тўланадиган ойлик пул тўлови;
компенсация пул тўловини проактив шаклда тайинлаш — қонунчилик ҳужжатларига мувофиқ компенсация пул тўловини олиш ҳуқуқи пайдо бўлган шахсга унинг бирор — бир шаклдаги мурожаати талаб этилмайдиган, Пенсия жамғармаси томонидан ахборот-коммуникация технологияларидан фойдаланган ҳолда ахборот тизимлари орқали инсон омилисиз кўрсатиладиган давлат хизмати;
проактив шаклда пенсия тайинлаш — шахсга Қонуннинг 7 ва 8-моддаларида белгиланган пенсия ёшига тўлиши ва/ёки Қонуннинг 15-моддасига мувофиқ ногиронлик гуруҳи белгиланиши муносабати билан Пенсия жамғармаси томонидан ахборот-коммуникация технологияларидан фойдаланган ҳолда, ахборот тизимлари орқали инсон омилисиз кўрсатиладиган давлат хизмати;
проактив шаклда пенсияни қайта ҳисоблаш — Қонуннинг 49-моддаси иккинчи қисмида белгиланган шартлар асосида ногиронлик пенсиясини қайта ҳисоблаш бўйича Пенсия жамғармаси томонидан ахборот-коммуникация технологияларидан фойдаланган ҳолда, ахборот тизимлари орқали инсон омилисиз кўрсатиладиган давлат хизмати».
2. 7-банднинг учинчи — бешинчи хатбошилари қуйидаги таҳрирда баён этилсин:
«Шахс ёки қонуний вакил пенсия тайинлашни сўраб Пенсия жамғармаси бўлимига бевосита ташриф буюрган ҳолда ариза бериш, почта орқали ариза бериш, яшаш жойидан қатъи назар, Давлат хизматлари маркази орқали ёки ЯИДХПдан рўйхатдан ўтган ҳолда сўровномани тўлдириб, мурожаат қилиш ҳуқуқига эга.
Давлат хизматлари маркази орқали ёки ЯИДХПдан рўйхатдан ўтган ҳолда пенсия тайинлаш, шунингдек, проактив шаклда пенсия тайинлаш шахснинг пенсия олиш ҳуқуқини берадиган маълумотлари «ЯММТ» ИДАКда рақамлаштирилгандан сўнг амалга оширилади.
Бунда шахс ёки қонуний вакил томонидан Пенсия жамғармаси бўлимига тақдим қилинган иш стажи, иш ҳақи ва устамага оид рақамлаштирилмаган маълумотлар ёки ҳужжатлар орқали пенсия тайинланиши ёки қайта ҳисобланиши мумкин».
3. 8-банд қуйидаги таҳрирда баён этилсин:
«8. Манзил-колонияларда жазони ўтаётган, озодликдан маҳрум этишга ҳукм қилинган шахслар пенсияни тайинлаш ёки қайта ҳисоблашни сўраб манзил-колония жойлашган жойдаги Пенсия жамғармаси бўлимига ушбу Низомга 22-иловага мувофиқ шаклдаги аризани тўлдириб ёки Давлат хизматлари марказининг давлат хизматини кўрсатиш хизматидан фойдаланган ҳолда, ушбу Низомга 28-иловага мувофиқ шаклдаги сўровномани тўлдириш орқали пенсия тайинлашни сўраб мурожаат қилиш ҳуқуқига эга.
Манзил-колонияларда жазони ўтаётган, озодликдан маҳрум этишга ҳукм қилинган шахсларга пенсиялар ушбу Низомда белгиланган умумий тартибда проактив шаклда тайинланади, шу жумладан, Қонуннинг 49-моддаси иккинчи қисмида белгиланган ногиронлик пенсияси проактив шаклда қайта ҳисобланади.
Шахснинг пенсияни тайинлаш ва/ёки қайта ҳисоблаш тўғрисидаги аризаси манзил-колония маъмурияти томонидан манзил-колония жойлашган жойдаги Пенсия жамғармаси бўлимига берилади. Бунда озодликдан маҳрум этишга ҳукм қилинган шахсга манзил-колония маъмурияти томонидан Пенсия жамғармаси бўлимига тақдим қилинган иш стажи, иш ҳақи ва устамага оид рақамлаштирилмаган маълумотлар ёки ҳужжатлар асосида пенсия тайинланади ва/ёки пенсия миқдори қайта ҳисобланади.
Пенсия жамғармаси бўлими:
шахснинг иш стажига оид маълумотлар асосида пенсияни тайинлаш (қайта ҳисоблаш) учун зарур бўлган ва ушбу Низомнинг 12 — 14-бандларида кўрсатилган ҳужжатларни тўплашда амалий ёрдам кўрсатади;
пенсия тўланишини тиклаш ёки давом эттириш тўғрисидаги аризага асосан пенсияга оид ҳужжатлар йиғмажилдини Пенсия жамғармасининг тегишли бўлимидан талаб қилиб олади».
4. 10-бандда :
қуйидаги мазмундаги иккинчи ва учинчи хатбошилар билан тўлдирилсин:
«Қонуннинг 7, 8 ва 15-моддаларида белгиланган пенсияларни тайинлаш, Қонуннинг 49-моддаси иккинчи қисмида белгиланган шартлар асосида ногиронлик пенсиясини қайта ҳисоблаш фуқаронинг алоҳида мурожаатини талаб этмаган ҳолда проактив шаклда амалга оширилади, компенсация пул тўловини олиш ҳуқуқини берувчи маълумотлар ахборот тизимида мавжуд бўлганда, Пенсия жамғармаси бўлими Қонун ҳамда ушбу Низомда назарда тутилган шартлар ва меъёрларга мувофиқ пенсияни тайинлаш (қайта ҳисоблаш) ёки компенсация пул тўловини тайинлаш масаласини кўриб чиқади.
Ушбу банднинг иккинчи хатбошисида қайд этилган пенсия ва компенсация тўловини проактив шаклда тайинлашнинг (қайта ҳисоблаш) техник камчиликлар сабабли имкони бўлмаганда, ушбу жараён мазкур Низомда белгиланган умумий асосларда мурожаат қилиш орқали амалга оширилади»;
иккинчи — тўққизинчи хатбошилар тегишлича тўртинчи — ўн биринчи хатбошилар деб ҳисоблансин;
олтинчи хатбоши қуйидаги таҳрирда баён этилсин:
«Шахснинг ёки қонуний вакилнинг пенсия тайинлаш тўғрисидаги аризаси ёки сўровномаси, Қонуннинг 7, 8 ва 15-моддаларида белгиланган пенсияларни проактив шаклда тайинлаш ва Қонуннинг 49-моддаси иккинчи қисмида белгиланган ногиронлик пенсиясини проактив шаклда қайта ҳисоблаш, шунингдек, компенсация пул тўловини проактив шаклда тайинлаш ахборот тизимида рўйхатдан ўтказилади. Дам олиш ва ишланмайдиган байрам кунлари пенсия ва компенсациялар кейинги биринчи иш кунида проактив шаклида тайинланади».
5. 12-бандда :
«ж» ва «к» кичик бандлар ўз кучини йўқотган деб ҳисоблансин;
қуйидаги мазмундаги ўн тўртинчи хатбоши билан тўлдирилсин:
«Ўзбекистон Республикаси Камбағалликни қисқартириш ва бандлик вазирлигининг туман (шаҳар) камбағалликни қисқартириш ва бандликка кўмаклашиш бўлимларининг шахсни ишсиз деб эътироф этиш тўғрисидаги тақдимномаси Пенсия жамғармаси бўлими томонидан Ўзбекистон Республикаси Камбағалликни қисқартириш ва бандлик вазирлигининг «Бандлик хизмати» ахборот тизимидан электрон сўров юбориш орқали олинади ва пенсия тайинлаш учун мурожаат қилган шахсдан ушбу ҳужжат талаб этилмайди»;
ўн тўртинчи хатбоши ўн бешинчи хатбоши деб ҳисоблансин ҳамда қуйидаги таҳрирда баён этилсин:
«Мазкур бандда назарда тутилган ҳужжатлар ҳамда маълумотлар вазирлик ва идораларнинг ахборот тизимларида мавжуд бўлган ҳолларда пенсия тайинлаш учун мурожаат қилган шахснинг аризасига илова қилинмайди».
6. 14-банднинг иккинчи хатбошиси қуйидаги таҳрирда баён этилсин:
«суд органлари, ФҲДЁ органлари ва/ёки хорижий давлатлар мансабдор шахслари томонидан оила аъзосининг вафот этган боқувчи билан қариндошлик муносабатларини тасдиқловчи ҳужжатлар ва/ёки маълумотномалар».
7. 15-бандда :
иккинчи хатбошидаги «пенсия тайинлаш (ҳисоблаш) учун қуйидаги» сўзлари «пенсия тайинлаш (қайта ҳисоблаш), шунингдек, компенсация пул тўловини тайинлаш учун қуйидаги» сўзлари билан алмаштирилсин;
«а» кичик бандда :
биринчи хатбоши қуйидаги таҳрирда баён этилсин:
«а) пенсия тайинланаётган шахснинг ва ёки қонуний вакилнинг фуқаролик паспорти (идентификацияловчи ID-картаси) ва оила аъзолари (яқин қариндошлари) тўғрисидаги маълумотларни Ўзбекистон Республикаси Адлия вазирлигининг «ФҲДЁнинг ягона электрон архиви» ва Ички ишлар вазирлиги ҳузуридаги Миграция ва персоналлаштириш департаментининг (кейинги ўринларда — Миграция ва персоналлаштириш департаменти) ахборот тизимига»;
қуйидаги мазмундаги олтинчи хатбоши билан тўлдирилсин:
«шахс гипофизар нанизм (лилипут) ёхуд диспропорционал пакана экани тўғрисидаги»;
олтинчи ва еттинчи хатбошилар тегишлича еттинчи ва саккизинчи хатбошилар деб ҳисоблансин;
«б» кичик бандда :
биринчи хатбоши қуйидаги таҳрирда баён этилсин:
«б) банд шахс учун Солиқ қўмитаси томонидан тақдим этиладиган»;
тўртинчи хатбошидан «Иқтисодиёт ва молия вазирлиги ҳузуридаги» сўзлари чиқариб ташлансин.
8. 17-банднинг тўртинчи хатбошисидаги «Мактабгача ва мактаб таълими вазирлигининг «Болаларни васийлик, ҳомийлик ва фарзандликка олиш» сўзлари «Агентликнинг «Ягона миллий ижтимоий ҳимоя» сўзлари билан алмаштирилсин.
9. 20-банд қуйидаги таҳрирда баён этилсин:
«20. II гуруҳ ногиронлиги бўлган шахснинг якка-ёлғиз шахс ва/ёки ёлғиз яшовчи шахс экани тўғрисидаги маълумотлар Агентликдан олинади. Қонуннинг 28-моддаси «е» бандида белгиланган устама Агентлик томонидан ахборот тизими орқали ҳар ойда II гуруҳ ногиронлиги бўлган шахснинг Пенсия жамғармаси ахборот тизимига тақдим этилган якка-ёлғиз шахс ва/ёки ёлғиз яшовчи шахс экани тўғрисидаги маълумотлар асосида тайинланади».
10. 22-банд қуйидаги таҳрирда баён этилсин:
«22. Ахборот тизимида рақамлаштирилмаган маълумотлар ёки ҳужжатлар Пенсияни тайинлаш ва/ёки қайта ҳисоблаш учун асл нусхаларда тақдим этилади».
11. 59-банднинг биринчи хатбошиси қуйидаги таҳрирда баён этилсин:
«59. Олий таълим ташкилотларида (шу жумладан, уларда ўқиш ҳарбий хизматга тенглаштириладиган ҳарбий-таълим муассасаларида) аспирантурада (стажёрлар — тадқиқотчилар изланувчилар институтида), докторантурада (катта илмий ходимлар — изланувчилар институтида) ва клиник ординатурада, таянч докторантурада ва докторантурада (олий таълимдан кейинги таълим институтида) кундузги ўқиш вақтлари Ўзбекистон Республикаси Олий таълим, фан ва инновациялар вазирлиги томонидан ахборот тизими орқали Пенсия жамғармасининг электрон сўрови асосида тақдим этилган маълумотлар бўйича аниқланади ва фуқарога пенсия ҳисоблашда иш стажи сифатида инобатга олиш учун асос ҳисобланади. Ахборот тизимида шахснинг олий таълим ташкилотларида ўқиш вақтига оид маълумотлар бўлмаган тақдирда, олий таълим ташкилотларида ўқиш вақти дипломлар, шунингдек, маълумотномалар ва архив маълумотлари асосида берилган ва ўқиш даврлари тўғрисидаги маълумотлар мавжуд бўлган бошқа ҳужжатлар билан тасдиқланади».
12. 77-бандда :
тўртинчи хатбоши қуйидаги таҳрирда баён этилсин:
«2005 — 2016 йиллар даври учун — жамғариб бориладиган пенсия тизимига мажбурий бадаллар тўғрисидаги маълумотлардан, бунда ҳар бир йил учун жамғариб бориладиган пенсия тизимига мажбурий бадалларнинг умумий миқдорини ушбу йилдаги ишлаган ойлар сонига бўлинганда ҳар бир ой учун энг кам ойлик иш ҳақининг бир фоизидан кам бўлмаган тақдирда меҳнат дафтачарсида (электрон меҳнат дафтарчасида) мавжуд ёзувлар асосида инобатга олинади»;
ўн тўртинчи хатбоши чиқариб ташлансин.
13. Қуйидаги мазмундаги 105 1 — 105 5 -бандлар билан тўлдирилсин:
«105 1 . Ўзбекистон Республикаси Президентининг 2015 йил 14 апрелдаги ПФ-4715-сон Фармони билан тасдиқланган Уй-жой-коммунал хизматлар ҳақини тўлаш бўйича ҳар ойда компенсация пул тўловлари бериладиган шахсларнинг имтиёзли тоифалари рўйхатида назарда тутилган қуйидаги шахсларга Ўзбекистон Республикаси Давлат бюджети маблағлари ҳисобидан ҳар ойлик компенсация пул тўлови тайинланади ва тўланади:
а) 1941 — 1945 йиллардаги уруш оқибатида ногиронлиги бўлган шахслар ва унинг қатнашчилари;
б) 1941 — 1945 йиллардаги урушнинг меҳнат фронти қатнашчилари;
в) 1941 — 1945 йиллардаги уруш оқибатида ногирон бўлган шахслар ва унинг қатнашчиларига тенглаштирилган шахслар;
г) Совет Иттифоқи Қаҳрамонлари;
д) Социалистик Меҳнат Қаҳрамонлари ва «Слава» орденининг учала даражаси билан мукофотланган шахслар;
е) Фашист концлагерларининг собиқ вояга етмаган маҳбуслари;
ж) Ленинград шаҳри қамали даврида ишлаган шахслар;
з) кўриш қобилияти бўйича I гуруҳ ногиронлиги бўлган шахслар;
и) Чернобиль ҳалокати оқибатида жабрланган шахслар;
к) ядро полигонлари ва бошқа радиация-ядро объектларида ҳарбий хизматни ўтаган шахслар.
Ўзбекистон Республикасининг Солиқ кодексига мувофиқ компенсация пул тўловлари жами даромад таркибига киритилмайди ҳамда пенсиялар тўланадиган тартиб ва муддатларда тўланади.
Ушбу бандда назарда тутилган шахслар тоифасига кирувчи фаолият юритаётган ва юритмаётган шахсларга, шунингдек, Пенсия жамғармасида пенсия олувчи сифатида ҳисобда турувчи шахсларга компенсация пул тўловлари Пенсия жамғармаси томонидан тайинланади.
Республика бюджети ҳисобидан пенсия тайинлайдиган органда пенсия олувчи сифатида ҳисобда турадиган шахсларга компенсация пул тўловлари республика бюджети ҳисобидан пенсия тайинлайдиган орган томонидан тайинланади.
Вазирлар Маҳкамасининг 2023 йил 23 мартдаги 119-сон қарори билан тасдиқланган Ижтимоий ҳимояга муҳтож бўлган айрим тоифадаги шахсларга нафақа тайинлаш ва тўлаш тартиби тўғрисидаги низомнинг 4-бандида белгиланган нафақалардан бирини олувчи шахсларга компенсация пул тўлови Агентлик томонидан тайинланади.
Меҳнат таътилида, таълим олиш муносабати билан таътилда, ҳомиладорлик ва туғиш бўйича таътилда бўлиш вақти, шунингдек, вақтинча меҳнатга лаёқатсизлик даври, бола икки ёшга етишига қадар уни парвариш қилиш бўйича ходимлар таътилда бўлган давр учун ҳам компенсация пул тўловлари тайинланади ва тўланади.
105 2 . Компенсация пул тўловлари пенсияни ҳисоблашнинг базавий миқдорининг табақалашган фоизлардан келиб чиқиб, қуйидаги миқдорларда тайинланади:
ушбу Низомнинг 105 1 -банди «а» кичик бандида назарда тутилган шахсларга пенсияни ҳисоблашнинг базавий миқдорининг 50 фоизи миқдорида;
ушбу Низомнинг 105 1 -банди «б» кичик бандида назарда тутилган шахсларга пенсияни ҳисоблашнинг базавий миқдорининг 25 фоизи миқдорида;
ушбу Низомнинг 105 1 -банди «в» — «к» кичик бандларида назарда тутилган шахсларга пенсияни ҳисоблашнинг базавий миқдорининг 45 фоизи миқдорида.
Бир неча асосга кўра компенсация олиш ҳуқуқига эга бўлган шахсларга уларнинг танлаши бўйича энг кўп миқдордаги битта компенсация тайинланади.
Компенсация пул тўлови шахс ёки унинг қонуний вакили томонидан компенсация пул тўлови тайинлашни сўраб мурожаат этилган санадан кейинги ойнинг биринчи санасидан бошлаб тайинланади.
Компенсация пул тўлови проактив шаклда ахборот тизимига компенсация пул тўловини олиш ҳуқуқини берувчи маълумотлар келиб тушган санадан кейинги ойнинг биринчи санасида бошлаб тайинланади.
105 3 . Ушбу Низомнинг 105 1 -банди «а» — «ж» ва «и» кичик бандларидаги шахсларга компенсация пул тўлови Пенсия жамғармаси бўлимига ташриф буюриб, ушбу Низомга 24-иловага мувофиқ шаклдаги ариза билан мурожаат қилинганда тайинланади.
Ушбу Низомнинг 105 1 -банди «з» ва «к» кичик бандларида назарда тутилган шахсларга компенсация пул тўловлари проактив шаклда 105 4 -105 5 -бандларда белгиланган тартибда тайинланади.
105 4 . Агентлик ТИЭК кўригига келган шахсни қонунчилик ҳужжатларига мувофиқ кўрикдан ўтказади ва кўрик натижаларига кўра шахсга кўриш қобилияти бўйича I гуруҳ ногиронлик белгиланган тақдирда, ногиронлиги бўлган шахсга (республика бюджети ҳисобидан пенсия тайинловчи ташкилотларнинг ходимларидан ташқари) проактив шаклда компенсация пул тўловини тайинлаш учун ушбу Низомга 34-иловада назарда тутилган шахсга доир электрон маълумотларни «Электрон ҳукумат» тизимининг идоралараро интеграциялашув платформаси орқали ахборот тизимига юборади.
Пенсия жамғармаси Рақамли технологиялар вазирлигининг «Рақамли ҳукумат» доирасида аҳоли ва тадбиркорлик субъектларига кўрсатиладиган давлат хизматлари тўғрисида электрон хабардор қилиш ахборот тизимига (кейинги ўринларда — Рақамли технологиялар вазирлиги ахборот тизими) кўриш қобилияти бўйича I гуруҳ ногиронлиги белгиланган шахснинг ЖШШИР маълумотларини ва компенсация пул тўловини тайинлаш масаласи бир иш куни ичида кўриб чиқилиши тўғрисидаги хабар матнини юборади.
Рақамли технологиялар вазирлиги ахборот тизими орқали кўриш қобилияти бўйича I гуруҳ ногиронлиги бўлган шахснинг ЖШШИР маълумотлари асосида унинг мобил телефон рақамига (мавжуд бўлса) компенсация пул тўлови тайинлаш масаласи бир иш куни ичида кўриб чиқилиши тўғрисида СМС-хабар юборади.
Пенсия жамғармаси бир иш кунида ахборот тизимидаги мавжуд компенсация пул тўловини олиш ҳуқуқини берадиган электрон маълумотлар асосида компенсация пул тўловини тайинлаш тўғрисида қарор қабул қилади. Қарор қабул қилинганидан сўнг автоматик тарзда Рақамли технологиялар вазирлигининг ахборот тизимига ногиронлиги бўлган шахснинг ЖШШИР маълумотларини ва компенсация пул тўлови тайинлангани тўғрисида хабар матнини юборади.
Рақамли технологиялар вазирлиги кўриш қобилияти бўйича I гуруҳ ногиронлик белгиланган шахснинг ЖШШИР маълумотлари асосида унинг мобил телефон рақамига компенсация пул тўлови тайинлангани тўғрисида СМС-хабар юборади. Агар кўриш қобилияти бўйича I гуруҳ ногиронлик белгиланган шахснинг номига мобил телефон рақам расмийлаштирилмаган бўлса, бу ҳақида Пенсия жамғармасини хабардор қилади.
Пенсия жамғармаси хабар келиб тушганидан сўнг автоматик тарзда номига мобил телефон рақам расмийлаштирилмаган кўриш қобилияти бўйича I гуруҳ ногиронлиги белгиланган шахсга компенсация пул тўлови тайинлангани тўғрисида хабарни етказиш учун яшаш жойи бўйича «Ўзбекистон почтаси» АЖнинг электрон почта жўнатмаларининг ягона миллий тизимига юборади. «Ўзбекистон почтаси» АЖ маълумотлар келиб тушганидан сўнг беш кун ичида компенсация пул тўлови тайинлангани тўғрисидаги хабарномани фуқаронинг яшаш жойига етказиб беради ҳамда хабарнома етказилганини тасдиқловчи маълумотни Пенсия жамғармасига электрон шаклда юборади.
105 5 . Пенсия жамғармаси Ядро полигонларида ва бошқа радиация-ядро объектларида хизматни ўтаган Ўзбекистон Республикаси ҳудудида яшаётган Ўзбекистон Республикаси фуқаролари рўйхатига ўзгартириш киритилганда беш иш кунида янгиланган рўйхатни ахборот тизимида шакллантиради. Шу билан бирга, Рақамли технологиялар вазирлигининг ахборот тизимига ядро полигонларида ва бошқа радиация-ядро объектларида хизматни ўтаган шахсларнинг ЖШШИР маълумотларини ва компенсация пул тўловини тайинлаш масаласи бир иш куни ичида кўриб чиқилиши тўғрисидаги хабар матнини юборади.
Рақамли технологиялар вазирлиги автоматик тарзда ахборот тизими орқали ядро полигонларида ва бошқа радиация-ядро объектларида хизматни ўтаган шахсларнинг ЖШШИР маълумотлари асосида уларнинг мобил телефон рақамига (мавжуд бўлса) компенсация пул тўловини тайинлаш масаласи бир иш куни ичида кўриб чиқилиши тўғрисида СМС-хабар юборади.
Пенсия жамғармаси бир иш кунида ядро полигонларида ва бошқа радиация-ядро объектларида хизматни ўтаган шахсга компенсация пул тўловини тайинлаш ҳақида қарор қабул қилади. Қарор қабул қилинганидан сўнг автоматик тарзда Рақамли технологиялар вазирлигининг ахборот тизимига ядро полигонларида ва бошқа радиация-ядро объектларида хизматни ўтаган шахснинг ЖШШИР маълумотларини ва компенсация пул тўлови тайинлангани тўғрисидаги хабар матнини юборади.
Рақамли технологиялар вазирлиги ахборот тизими орқали автоматик тарзда ядро полигонларида ва бошқа радиация-ядро объектларида хизматни ўтаган шахснинг ЖШШИР маълумотлари асосида унинг мобил телефон рақамига компенсация пул тўлови тайинлангани тўғрисида СМС-хабар юборади. Агар ядро полигонларида ва бошқа радиация-ядро объектларида хизматни ўтаган шахснинг номига мобил телефон рақам расмийлаштирилмаган бўлса, бу ҳақида Пенсия жамғармасини ахборот тизими орқали хабардор қилади.
Пенсия жамғармаси ядро полигонларида ва бошқа радиация-ядро объектларида хизматни ўтаган шахснинг номига мобил телефон рақами расмийлаштирилмагани тўғрисида маълумот келиб тушганидан сўнг компенсация пул тўлови тайинлангани тўғрисида хабарни етказиш учун яшаш жойи бўйича «Ўзбекистон почтаси» АЖни электрон почта жўнатмаларининг ягона миллий тизими орқали хабардор қилади. «Ўзбекистон почтаси» АЖ маълумотлар келиб тушганидан сўнг беш кун ичида компенсация пул тўлови тайинлангани тўғрисидаги хабарномани пенсионернинг яшаш жойига етказиб беради ҳамда хабарнома етказилгани ҳақидаги маълумотни Пенсия жамғармасига электрон шаклда юборади».
14. 107-банд қуйидаги мазмундаги иккинчи хатбоши билан тўлдирилсин:
«Комиссия компенсация пул тўлови ва бошқа тўловларни тайинлаш учун ҳам ваколатли ҳисобланади».
15. Қуйидаги мазмундаги 107 1 -107 2 -бандлар билан тўлдирилсин:
«107 1 . Қонуннинг 7 ва 8-моддаларида белгиланган ёшга доир пенсиялар шахсдан алоҳида мурожаат талаб этмаган ҳолда проактив шаклда қуйидаги тартибда тайинланади.
Миграция ва персоналлаштириш департаменти шахс Қонуннинг 7-моддасида белгиланган пенсия ёшига тўлган санада унинг паспорт (идентификация ID-карта) маълумотларини Пенсия жамғармаси ахборот тизимига электрон шаклда юборади. Пенсия жамғармаси электрон маълумотлар келиб тушганидан сўнг автоматик тарзда пенсия тайинлаш ваколатига эга органларга ушбу шахсга пенсия тайинланган ёки тайинланмагани тўғрисидаги маълумотларни олиш учун электрон сўров юборади.
Пенсия тайинлаш ваколатига эга органлар электрон маълумотлар келиб тушганидан сўнг автоматик тарзда «Электрон ҳукумат» тизими идоралараро интеграцион платформаси орқали шахсга пенсия тайинланган ёки тайинланмагани тўғрисидаги электрон маълумотларни Пенсия жамғармаси ахборот тизимига юборади.
Пенсия жамғармаси пенсия тайинлаш ваколатига эга органлар томонидан шахсга пенсия тайинлангани тўғрисида электрон маълумотлар келиб тушганида автоматик тарзда проактив шаклда пенсия тайинлаш жараёнини тўхтатади.
Пенсия тайинлаш ваколатига эга органлар томонидан шахсга пенсия тайинланмагани тўғрисида маълумотлар келиб тушганда Пенсия жамғармаси:
шахсга доир ва оила аъзолари (яқин қариндошлари) тўғрисидаги маълумотларни олиш учун Адлия вазирлигининг «ФҲДЁнинг ягона электрон архиви» ва «Жисмоний шахслар марказий маълумотлар базаси»га;
иш стажи тўғрисидаги маълумотларни олиш учун «ЯММТ» ИДАКга;
иш ҳақи тўғрисидаги маълумотларни олиш учун Солиқ қўмитасининг фуқароларнинг иш ҳақининг якка тартибдаги ҳисобини юритишнинг марказлаштирилган электрон реестрига, жамғариб бориладиган пенсия бадали тўғрисидаги маълумотларни олиш учун АТ «Халқ банки»нинг жамғариб бориладиган пенсия тизимига;
маҳалла фуқаролар йиғини кесимида яшаш жойи тўғрисидаги маълумотларни олиш учун Ички ишлар вазирлигининг «Манзил» ахборот тизимига электрон сўров юборади.
Адлия вазирлиги, Камбағалликни қисқартириш ва бандлик вазирлиги, Солиқ қўмитаси, АТ «Халқ банки», Ички ишлар вазирлиги электрон маълумотлар келиб тушганидан сўнг автоматик тарзда шахснинг шахсига доир ва оила аъзолари (яқин қариндошлари), иш стажи, иш ҳақи, жамғариб бориладиган пенсия бадали ва яшаш жойи тўғрисидаги электрон маълумотларни ахборот тизимига юборади.
Пенсия жамғармаси шу куннинг ўзида шахснинг ахборот тизимидаги мавжуд иш стажи, иш ҳақи, устама олиш ҳуқуқини берадиган электрон маълумотлар асосида пенсияга бўлган ҳуқуқини аниқлайди, пенсия миқдорини ҳисоблайди ва пенсия тайинлаш тўғрисида қарор қабул қилади.
Агарда шахснинг Қонун ва ушбу Низом қоидалари асосида пенсияга бўлган ҳуқуқи мавжуд бўлмаса, пенсия тайинлашни рад этиш тўғрисида қарор қабул қилади.
Пенсия жамғармаси қарор қабул қилинган куни Рақамли технологиялар вазирлиги ахборот тизимига шахснинг ЖШШИР маълумотлари ва пенсия тайинланганлиги ёки пенсия тайинлаш рад этилгани тўғрисидаги хабар матнини юборади.
Рақамли технологиялар вазирлиги автоматик тарзда ЖШШИР маълумотлари асосида шахснинг мобил телефон рақамига пенсия тайинлангани ёки пенсия тайинлаш рад этилгани ва қўшимча маълумотлар тўғрисидаги СМС-хабарни юборади. Агар шахснинг номига мобил телефон рақам расмийлаштирилмаган бўлса, Рақамли технологиялар вазирлиги автоматик тарзда бу ҳақида ахборот тизими орқали Пенсия жамғармасини хабардор қилади.
Ушбу ҳолатда Пенсия жамғармаси шахсга пенсия тайинлангани ёки пенсия тайинлаш рад этилгани тўғрисидаги хабарни яшаш жойи бўйича етказиш учун «Ўзбекистон почтаси» АЖнинг электрон почта жўнатмаларининг ягона миллий тизимига ахборот тизими орқали юборади. «Ўзбекистон почтаси» АЖ маълумотлар келиб тушганидан сўнг беш кун ичида шахсга пенсия тайинлангани ёки тайинлаш рад этилгани ва қўшимча маълумотлар тўғрисидаги хабарномани шахснинг яшаш жойи бўйича етказиб беради ҳамда хабарнома етказилганини тасдиқловчи маълумотни Пенсия жамғармасига электрон шаклда юборади.
Пенсия тайинланган шахс проактив шаклда тайинланган ёшга доир пенсия миқдоридан норози бўлганида ёки меҳнат фаолиятини давом эттириб, ёшга доир пенсияга кейинчалик чиқиш хоҳишини билдириб, СМС-хабар ёки хабарномани олганидан сўнг ўн кун ичида Пенсия жамғармаси бўлимига ташриф буюрган ҳолда ушбу Низомга 35-иловага мувофиқ шаклдаги аризани бериш орқали ёхуд Давлат хизматлари марказлари ва ЯИДХП орқали ушбу Низомга 36-иловада белгиланган схемага мувофиқ 37-иловада белгиланган сўровномани тўлдирган ҳолда тайинланган пенсияни рад қилиш ҳуқуқига эга.
Пенсия тайинланган шахс ўн кун ичида проактив шаклда тайинланган пенсияни рад қилиш бўйича мурожаат қилмаса, проактив шаклда тайинланган пенсиядан рози деб қабул қилинади ва пенсия тўланиши бошланади. Пенсияни рад этган шахс кейинчалик янгидан пенсия тайинлашни сўраб мурожаат қилганида, пенсия Қонун ва ушбу Низомда назарда тутилган пенсия тайинлаш муддатларига мувофиқ тайинланади.
107 2 . Қонуннинг 15-моддасида белгиланган ногиронлик пенсиялари шахсдан алоҳида мурожаат талаб этмаган ҳолда проактив шаклда қуйидаги тартибда тайинланади.
Агентлик ногиронлик белгиланган шахснинг (республика бюджети ҳисобидан пенсия тайинлайдиган ташкилотларнинг ходимларидан ташқари) электрон маълумотларини автоматик тарзда Пенсия жамғармаси бўлимига «Электрон ҳукумат» тизимининг идоралараро интеграциялашув платформаси орқали юборади.
Пенсия жамғармаси электрон маълумотлар келиб тушганидан сўнг автоматик тарзда пенсия тайинлаш ваколатига эга органларга ногиронлиги бўлган шахсга пенсия тайинланган ёки тайинланмагани тўғрисидаги электрон маълумотларни олиш учун ахборот тизими орқали сўров юборади.
Пенсия тайинлаш ваколатига эга органлар электрон маълумотлар келиб тушганидан сўнг автоматик тарзда «Электрон ҳукумат» тизимининг идоралараро интеграциялашув платформаси орқали ногиронлиги бўлган шахсга пенсия тайинланган ёки тайинланмагани тўғрисидаги электрон маълумотларни Пенсия жамғармаси ахборот тизимига юборади.
Пенсия жамғармаси пенсия тайинлаш ваколатига эга органлар томонидан ногиронлиги бўлган шахсга пенсия тайинлангани тўғрисида электрон маълумотлар келиб тушганида автоматик тарзда проактив шаклда ногиронлик пенсиясини тайинлаш жараёнини тўхтатади.
Пенсия тайинлаш ваколатига эга органлар томонидан ногиронлиги бўлган шахсга пенсия тайинланмагани тўғрисида маълумотлар келиб тушганда Пенсия жамғармаси ногиронлиги бўлган шахснинг:
шахсига доир ва оила аъзолари (яқин қариндошлари) тўғрисидаги маълумотларни олиш учун тегишлилиги бўйича Адлия вазирлигининг «ФҲДЁнинг ягона электрон архиви» ва Ички ишлар вазирлигининг «Жисмоний шахслар марказий маълумотлар базаси»га;
иш стажи тўғрисидаги маълумотларни олиш учун Камбағалликни қисқартириш ва бандлик вазирлигининг «ЯММТ» ИДАКга;
иш ҳақи тўғрисидаги маълумотларни олиш учун Солиқ қўмитасининг Фуқаролар иш ҳақининг якка тартибдаги ҳисобини юритишнинг марказлаштирилган электрон реестрига ва АТ «Халқ банки»нинг Жамғариб бориладиган пенсия тизимига;
яшаш жойи тўғрисидаги электрон маълумотларни олиш учун Ички ишлар вазирлигининг «Манзил» ахборот тизимига электрон сўров юборади.
Шу билан бирга, Рақамли технологиялар вазирлигининг ахборот тизимига ногиронлиги бўлган шахснинг ЖШШИР маълумотларини ва пенсия тайинлаш масаласи бир иш куни ичида кўриб чиқилиши тўғрисидаги хабар матнини юборади.
Рақамли технологиялар вазирлиги ахборот тизими орқали ногиронлиги бўлган шахснинг ЖШШИР маълумотлари асосида унинг мобил телефон рақамига (мавжуд бўлса) пенсия тайинлаш масаласи бир иш куни ичида кўриб чиқилиши тўғрисида СМС-хабар юборади.
Ўзбекистон Республикаси Адлия вазирлиги, Камбағалликни қисқартириш ва бандлик вазирлиги, Солиқ қўмитаси, АТ «Халқ банки», Ички ишлар вазирлиги электрон маълумотлар келиб тушганидан сўнг автоматик тарзда «Электрон ҳукумат» тизимининг идоралараро интеграциялашув платформаси орқали ногиронлиги бўлган шахснинг шахсига доир ва оила аъзолари (яқин қариндошлари), иш стажи, иш ҳақи, жамғариб бориладиган пенсия бадали ва яшаш жойи тўғрисидаги электрон маълумотларни Пенсия жамғармасига юборади.
Пенсия жамғармаси бир иш куни ичида ногиронлиги бўлган шахснинг ахборот тизимидаги мавжуд оила аъзолари таркиби, иш стажи, иш ҳақи, устама олиш ҳуқуқини берадиган электрон маълумотлари асосида пенсияга бўлган ҳуқуқини аниқлайди, пенсия миқдорини ҳисоблайди ва пенсия тайинлаш тўғрисида қарор қабул қилади.
Агар шахснинг Қонун ва ушбу Низом асосида пенсия олиш ҳуқуқи мавжуд бўлмаса, пенсия тайинлашни рад этиш тўғрисида қарор қабул қилади.
Қарор қабул қилинганидан сўнг автоматик тарзда Рақамли технологиялар вазирлигининг ахборот тизимига ногиронлиги бўлган шахснинг ЖШШИР маълумотлари ва пенсия тайинлангани ёки пенсия тайинлаш рад этилгани тўғрисидаги хабар матнини юборади.
Рақамли технологиялар вазирлиги ахборот тизими орқали ногиронлиги бўлган шахснинг ЖШШИР маълумотлари асосида унинг мобил телефон рақамига пенсия тайинлангани ёки пенсия тайинлаш рад этилгани тўғрисида СМС-хабар юборади. Агар ногиронлиги бўлган шахснинг номига мобил телефон рақам расмийлаштирилмаган бўлса, бу ҳақида Пенсия жамғармасини хабардор қилади.
Ногиронлиги бўлган шахснинг номига мобил телефон рақами расмийлаштирилмагани тўғрисидаги маълумотлар келиб тушганда, Пенсия жамғармаси шахсга пенсия тайинлангани ёки пенсия тайинлаш рад этилгани тўғрисидаги хабарни яшаш жойи бўйича етказиш учун «Ўзбекистон почтаси» АЖнинг электрон почта жўнатмаларининг ягона миллий тизимига юборади. «Ўзбекистон почтаси» АЖ маълумотлар келиб тушганидан сўнг беш кун ичида ногиронлиги бўлган шахсга пенсия тайинлангани ёки тайинлаш рад этилгани тўғрисидаги хабарномани шахснинг яшаш жойи бўйича етказиб беради ҳамда хабарнома етказилганини тасдиқловчи маълумотни Пенсия жамғармасига электрон шаклда юборади.
Ногиронлик пенсияси тайинланган шахс проактив шаклда тайинланган ногиронлик пенсия миқдоридан норози бўлганда ёки меҳнат фаолиятини давом эттириб, ногиронлик пенсиясига кейинчалик чиқиш ёхуд бошқа пенсия ва нафақа тайинлайдиган органлардан пенсия олиш истагини билдирганда, хабарномани олганидан сўнг ўн кун ичида Пенсия жамғармаси бўлимига ташриф буюрган ҳолда, ушбу Низомга 35-иловага мувофиқ шаклдаги аризани бериш ёки Давлат хизматлари марказлари ёхуд ЯИДХП орқали ушбу Низомга 36-иловада белгиланган схемага мувофиқ 37-иловада белгиланган сўровномани тўлдирган ҳолда тайинланган пенсияни рад қилиш ҳуқуқига эга.
Ногиронлик пенсияси тайинланган шахс ўн кун ичида ариза бермаган ҳолларда, проактив шаклда тайинланган ногиронлик пенсиясидан рози деб қабул қилинади ва пенсияни тўлаш ушбу Низом қоидалари асосида бошланади.
Кейинчалик шахс пенсия тайинлашни сўраб мурожаат қилганда пенсия Қонун ва ушбу Низомда назарда тутилган пенсия тайинлаш муддатларига мувофиқ тайинланади».
16. 108-банд қуйидаги таҳрирда баён этилсин:
«108. Комиссия бошқа зарур ҳужжатлар билан биргаликда пенсия ва/ёки компенсация пул тўловини тайинлаш тўғрисидаги ариза тушгандан кейин ўн кун ичида тегишли қарор қабул қилади (пенсия ва/ёки компенсация пул тўловини тайинлаш, пенсия ва/ёки компенсация пул тўловини тайинлашни рад этиш, тақдим этилган ҳужжатларнинг асосланганини текшириш ва бошқалар тўғрисида)».
17. 110 ва 111-бандлар қуйидаги таҳрирда баён этилсин:
«110. Пенсия иши комиссия томонидан пенсия ёки компенсация пул тўловини тайинлаш тўғрисида қарор қабул қилинган кун мобайнида расмийлаштирилиши керак.
Бунда пенсия ёки компенсация пул тўловини тайинлаш (қайта ҳисоблаш, чегирма қилиш ва бошқалар) ёки рад этиш тўғрисидаги қарорни комиссия ахборот тизими орқали электрон шаклда ҳар бир комиссия аъзоси томонидан мустақил тарзда комиссия аъзоси ва унинг қабул қилган қарори тўғрисидаги маълумотларни ўз ичига олган QR-код (матрик штрихли код) билан тасдиқлайди.
Комиссия томонидан пенсия ёки компенсация пул тўловини тайинлаш тўғрисида қарор қабул қилинганида Пенсия жамғармаси бўлими пенсия ёки компенсация пул тўлови тури, пенсия ёки компенсация пул тўлови миқдори, пенсия ёки компенсация пул тўловини тайинлаш муддати, пенсиянинг ёки компенсация пул тўловининг тўлов шакли ва пенсия ёки компенсация пул тўловини тўлаш санаси тўғрисида пенсионернинг пенсия ёки компенсация пул тўловини тайинлаш тўғрисидаги аризасида ёки сўровномада, шунингдек, кўрсатилган мобил телефон рақамига СМС-хабар ёки шахсий кабинетига хабарнома юборади.
111. Пенсия ёки компенсация пул тўловини тайинлаш рад этилган тақдирда, Пенсия жамғармаси бўлими тегишли қарор чиқарилгандан кейин беш кундан кечиктирмай шахсга рад этиш сабабларини, қабул қилинган қарор юзасидан шикоят қилиш тартиби кўрсатилган билдиришномани бериши ёки юбориши ҳамда барча тақдим этилган ҳужжатларнинг асл нусхаларини ҳужжатлар олингани тўғрисидаги тилхат билан шахсга (қонуний вакилга) қайтариши, шунингдек, шахснинг мобил телефон рақамига рад этиш сабаблари, қабул қилинган қарор юзасидан шикоят қилиш тартиби тўғрисида СМС-хабар юборилиши керак.
Пенсия ёки компенсация пул тўловини тайинлаш тўғрисидаги мурожаат Давлат хизматлари маркази ёки ЯИДХП орқали амалга оширилганда, Пенсия жамғармаси бўлими пенсия ёки компенсация пул тўловини тайинлаш рад этилгани, рад этиш сабаблари, қабул қилинган қарор юзасидан шикоят қилиш тартиби тўғрисида шахснинг сўровномада кўрсатилган мобил телефон рақамига ёки шахсий кабинетига хабарнома юборади.
Шахс комиссия қароридан норози бўлган тақдирда, Пенсия жамғармаси бўлимининг бевосита юқори турувчи органига ёки судга шикоят қилиш ҳуқуқига эга».
18. 125-бандда :
қуйидаги мазмундаги иккинчи хатбоши билан тўлдирилсин:
«I ва II гуруҳ ногиронлик пенсияси тайинланганидан кейин камида 1 йил иш стажига эга бўлса, иш стажи ва иш ҳақи инобатга олинган ҳолда пенсияни ҳар икки йилда бир маротаба қайта ҳисоблаш проактив шаклда ушбу Низомнинг 125 1 -бандида белгиланган тартибда амалга оширилади. Бунда ногиронлик пенсиясини қайта ҳисоблаш ахборот тизимда автоматик тарзда рўйхатдан ўтказилади»;
иккинчи — олтинчи хатбошилар тегишлича учинчи — еттинчи хатбошилар деб ҳисоблансин.
19. Қуйидаги мазмундаги 125 1 -банд билан тўлдирилсин:
«125 1 . Ногиронлиги бўлган шахсга ногиронлик пенсияси тайинланганига ёки қайта ҳисобланганига икки йил бўлганидан сўнг Пенсия жамғармаси «Электрон ҳукумат» тизимининг идоралараро интеграциялашув платформаси орқали ногиронлиги бўлган шахснинг орттирган иш стажи, иш ҳақи ва жамғариб бориладиган пенсия бадали тўғрисидаги маълумотларни аниқлаш учун «ЯММТ» ИДАКга, Жамғариб бориладиган пенсия тизими ва Фуқароларнинг иш ҳақининг якка тартибдаги ҳисобини юритишнинг марказлаштирилган электрон реестрига тегишлилиги бўйича электрон сўров юборади. Шу билан бирга, Рақамли технологиялар вазирлигининг ахборот тизимига ногиронлиги бўлган шахснинг ЖШШИР маълумотларини ва пенсияни қайта ҳисоблаш масаласи бир иш куни ичида кўриб чиқилиши тўғрисидаги хабар матнини юборади.
Рақамли технологиялар вазирлиги ахборот тизими орқали ногиронлиги бўлган шахснинг ЖШШИР маълумотлари асосида унинг мобил телефон рақамига (мавжуд бўлса) пенсияни қайта ҳисоблаш масаласи бир иш куни ичида кўриб чиқилиши тўғрисида СМС-хабар юборади.
Ўзбекистон Республикаси Камбағалликни қисқартириш ва бандлик вазирлиги, АТ «Халқ банки», Солиқ қўмитаси электрон сўров келиб тушганидан сўнг автоматик тарзда Пенсия жамғармасининг ахборот тизимига ногиронлиги бўлган шахснинг иш стажи ва иш ҳақи тўғрисидаги маълумотларни юборади.
Пенсия жамғармаси электрон маълумотлар келиб тушганидан сўнг бир иш кунида ахборот тизимидаги мавжуд оила аъзолари таркиби, иш стажи, иш ҳақи, жамғариб бориладиган пенсия бадали ва устама олиш ҳуқуқини берадиган электрон маълумотлар асосида пенсия миқдорини қайта ҳисоблаш тўғрисида қарор қабул қилади. Агарда ногиронлиги бўлган шахснинг пенсияси қайта ҳисоблангандан сўнг унинг орттирилган иш стажи, иш ҳақи ва жамғариб бориладиган пенсия бадали тўғрисидаги маълумотлар келиб тушмаганда ёки орттирилган иш стажи бир йилдан кам даврни ташкил қилганда ёхуд пенсия миқдори амалдаги пенсия миқдоридан кам миқдорга қайта ҳисобланганда аввалги пенсия миқдорини ўзгаришсиз қолдиради.
Ўзбекистон Республикаси Рақамли технологиялар вазирлигининг ахборот тизимига ногиронлиги бўлган шахснинг ЖШШИР маълумотларини ва пенсия миқдори қайта ҳисоблангани ёки ўзгаришсиз қолгани тўғрисидаги хабар матнини юборади.
Ўзбекистон Республикаси Рақамли технологиялар вазирлиги ахборот тизими орқали ногиронлиги бўлган шахснинг ЖШШИР маълумотлари асосида унинг мобил телефон рақамига (мавжуд бўлса) пенсия миқдори қайта ҳисоблангани ёки ўзгаришсиз қолгани тўғрисида СМС-хабар юборади. Агар ногиронлиги бўлган шахснинг номига мобил телефон рақам расмийлаштирилмаган бўлса, бу ҳақида Пенсия жамғармасини хабардор қилади.
Ногиронлиги бўлган шахснинг номига мобил телефон рақами расмийлаштирилмагани тўғрисидаги маълумотлар келиб тушганда Пенсия жамғармаси пенсия миқдори қайта ҳисоблангани ёки ўзгаришсиз қолгани тўғрисидаги хабарни етказиш учун ногиронлиги бўлган шахснинг яшаш жойи бўйича «Ўзбекистон почтаси» АЖни электрон почта жўнатмалари ягона миллий тизимига юборади. «Ўзбекистон почтаси» АЖ маълумотлар келиб тушганидан сўнг беш кун ичида ногиронлиги бўлган шахсга пенсия миқдори қайта ҳисоблангани ёки ўзгаришсиз қолгани тўғрисидаги хабарномани шахснинг яшаш жойи бўйича етказиб беради ҳамда хабарнома етказилганини тасдиқловчи маълумотни Пенсия жамғармасига электрон шаклда юборади.
Ногиронлик пенсияси қайта ҳисобланган шахс проактив шаклда қайта ҳисобланган ногиронлик пенсия миқдоридан норози бўлганда ёки меҳнат фаолиятини давом эттириб, ногиронлик пенсиясини қайта ҳисоблашни кейинчалик амалга оширишни сўраб, хабарномани олганидан сўнг ўн кун ичида Пенсия жамғармаси бўлимига ташриф буюрган ҳолда, ушбу Низомга 35-иловага мувофиқ шаклдаги аризани бериш орқали қайта ҳисобланган ногиронлик пенсиясини рад қилиш ҳуқуқига эга.
Шахс ўн кун ичида ариза бермаган ҳолларда, проактив шаклда қайта ҳисобланган ногиронлик пенсиясидан рози деб қабул қилинади ва қайта ҳисобланган ногиронлик пенсиясини тўлаш ушбу Низом қоидалари асосида бошланади.
Кейинчалик шахс ногиронлик пенсиясини қайта ҳисоблашни сўраб мурожаат қилганда, ногиронлик пенсияси Қонун ва ушбу Низомда назарда тутилган қоидалар асосида қайта ҳисобланади».
20. 126-банднинг «ж» кичик банди қуйидаги таҳрирда баён этилсин:
«ж) I ва II гуруҳ ногиронлик пенсияси тайинланганидан кейин камида 1 йил иш стажига эга бўлса, иш стажи ва иш ҳақи инобатга олинган ҳолда, пенсия ҳар икки йилда бир маротаба проактив шаклда қайта ҳисоблаб чиқилади. Бунда пенсияни қайта ҳисоблаш проактив шаклда қайта ҳисоблаш санасидаги Қонуннинг 17-моддасида белгиланган ёшга нисбатан талаб қилинган иш стажидан келиб чиққан ҳолда амалга оширилади. Мазкур асос билан пенсияни проактив шаклда қайта ҳисоблаш имкони бўлмаганида, бу ҳақида пенсионерга СМС-хабар юборилиб, умумий тартибда мурожаат қилиш асосида ушбу Низомнинг 127 — 137-бандларида белгиланган тартибда қайта ҳисоблаш амалга оширилади».
21. 135-банднинг биринчи хатбошисидаги «мурожаат қилган ойдан кейинги ойнинг биринчи кунидан бошлаб» сўзлари «мурожаат қилган санадан ёки ногиронлик пенсияси проактив шаклда қайта ҳисобланаётган санадан кейинги ойнинг биринчи санасидан бошлаб» сўзлари билан алмаштирилсин.
22. 138-банднинг учинчи хатбошисидаги «иш стаж, иш ҳақи ва устама ҳақ» сўзлари «иш стажи ва иш ҳақи» сўзлари билан алмаштирилсин.
23. Қуйидаги мазмундаги 140 1 -банд билан тўлдирилсин:
«140 1 . Пенсияни етказиб бериш (топшириш) юкланган ташкилот пенсия олувчи шахсга нақд пул кўринишдаги пенсияни қуйидаги тартибда тўлайди:
пенсияни етказиб бериш (топшириш) юкланган ташкилот ходими махсус планшет орқали пенсия олувчи шахснинг юзини биометрик идентификациядан (Face-ID ёки қонунчиликка мувофиқ бошқа электрон тасдиқлаш усулидан) ўтказган ҳолда электрон маълумотларни олади;
олинган электрон маълумотларни солиштириш мақсадида «Электрон ҳукумат» тизимининг идоралараро интеграциялашув платформаси орқали Миграция ва персоналлаштириш департаментининг ахборот тизимига электрон сўров юборади;
Миграция ва персоналлаштириш департаменти «Электрон ҳукумат» ахборот тизими орқали келиб тушган электрон сўровга асосан пенсия олувчи юзининг биометрик маълумотларини ахборот тизимидаги ушбу пенсия олувчи юзининг биометрик электрон маълумотлари билан солиштиради ҳамда электрон маълумотлар ўзаро мос келгани ёки мос келмагани тўғрисидаги электрон маълумотларни пенсияни етказиб бериш (топшириш) юкланган ташкилотга «Электрон ҳукумат» ахборот тизими орқали юборади;
пенсия олувчи юзининг биометрик электрон маълумотлари Миграция ва персоналлаштириш департаментининг ахборот тизимидаги мавжуд пенсия олувчининг электрон юз биометрик маълумотлари билан мос келганда, пенсияни етказиб бериш (топшириш) юкланган ташкилот томонидан пенсия олувчига пенсия тўланади.
Миграция ва персоналлаштириш департаменти ахборот тизими орқали пенсия олувчи юзининг биометрик электрон маълумотлари мос келмагани тўғрисида электрон маълумот келиб тушганда, пенсияни етказиб бериш (топшириш) юкланган ташкилот томонидан ушбу фуқарога пенсия тўланмайди. Бунда пенсияни етказиб бериш (топшириш) юкланган ташкилот ходими томонидан пенсия олувчи юзининг биометрик электрон маълумотлари такроран олиниб, жараён қайта амалга оширилади.
Қуйидаги ҳолларда пенсия тўлов қайднома (ведомость)ларга электрон имзо қўйиш орқали тўланади (бунда тўлов қайдномасининг қоғоз шакли талаб қилинмайди):
пенсия олувчи юзининг биометрик электрон маълумотлари махсус планшет орқали олиниб, Миграция ва персоналлаштириш департаментининг ахборот тизимидаги мавжуд пенсия олувчи юзининг биометрик электрон маълумотлари билан мос келмагани тўғрисида электрон маълумот келиб тушганда;
тўлов амалга оширилаётган ҳудудда махсус планшет орқали интернет тармоғига уланиш имконияти мавжуд бўлмаганда;
тўлов амалга оширилаётган ҳудудда интернет тармоғи тезлиги тизимдаги пенсия олувчи юзининг биометрик электрон маълумотларини электрон шаклда солиштириш учун талаб этиладиган тезликдан кам бўлганда;
пенсия белгиланган тартибда расмийлаштирилган ишончномага мувофиқ бошқа шахсга тўланганда (бунда ишончнома махсус планшет орқали сканер қилиниб, дастурга юкланган ҳолда электрон имзо қўйиш орқали тасдиқланади);
пенсияни етказиб бериш (топшириш) юкланган ташкилот пенсия тўлангандан сўнг пенсия пенсия олувчининг юзини биометрик идентификация қилиш орқали олинган электрон маълумотларни солиштириш натижасида ёки тўлов қайдномасига электрон имзо қўйиш орқали тўлангани тўғрисида Пенсия жамғармасининг ахборот тизимига электрон шаклда маълумот юборади».
24. 145-банднинг иккинчи хатбошиси қуйидаги таҳрирда баён этилсин:
«пенсияни етказиб бериш (топшириш) юкланган ташкилот учун нақд пул кўринишида — ҳар тўлов ойининг 2-санасига қадар шакллантирилади ва 3-санасига қадар тақдим этади».
25. 148-банднинг бешинчи хатбошисидаги , 149-банддаги , 150-банднинг биринчи , иккинчи ва тўртинчи хатбошиларидаги ҳамда 160-банддаги «тиббий кўрикдан» сўзлари «ТИЭК кўригидан» сўзлари билан алмаштирилсин.
26. 152-банднинг тўртинчи хатбошиси «фахрий унвонлар учун» сўзларидан кейин «, шу жумладан, Қорақалпоғистон Республикаси фахрий унвони эгаларига» сўзлари билан тўлдирилсин.
27. 153-банд қуйидаги таҳрирда баён этилсин:
«153. Пенсионер ёки компенсация пул тўловини олувчи шахс доимий яшаш жойи бўйича рўйхатга олинмаган бўлса ва у фақат вақтинча турган жойи бўйича рўйхатга олинган бўлса, пенсия, 100 ёшга тўлган ва ундан ошган пенсия олувчиларга қўшимча тўлов ва/ёки компенсация пул тўлови вақтинча турган жойи бўйича рўйхатга олинган муддат мобайнида тўланади. Шахсга пенсия, 100 ёшга тўлган ва ундан ошгани учун қўшимча тўлов ҳамда компенсация пул тўлови яшаш гувоҳномаси ёки ID-картаси амал қиладиган муддат давомида тўланади.
Вақтинча турган жойи бўйича рўйхатга олинганлик, яшаш гувоҳномаси ёки ID-картанинг амал қилиш муддатининг тугаши билан вақтинча турган жойи бўйича рўйхатга олиш, яшаш гувоҳномаси ёки ID-картанинг кейинги санаси ўртасида узилиш мавжуд бўлган тақдирда, Пенсия жамғармаси бўлими томонидан пенсия, 100 ёшга тўлган ва ундан ошгани учун қўшимча тўлов ҳамда компенсация пул тўловини тўлаш вақтинча турган жойи бўйича рўйхатга олиш, яшаш гувоҳномаси ёки ID-картанинг янги санасидан бошлаб давом эттирилади. Бунда пенсия, 100 ёшга тўлган ва ундан ошгани учун қўшимча тўлов ҳамда компенсация пул тўловини тўлаш пенсия, 100 ёшга тўлган ва ундан ошгани учун қўшимча тўлов ва/ёки компенсация пул тўлови тўлаш тўхтатилган пайтдан бошлаб Қонуннинг 59-моддасида белгиланган муддат асосида давом эттирилади».
28. 156 — 159-бандлар қуйидаги таҳрирда баён этилсин:
«156. Пенсионерга ёки компенсация пул тўловини олувчи шахсга ҳисоблаб чиқариб қўйилган, лекин унинг томонидан ўз вақтида талаб қилиб олинмаган пенсия ҳамда компенсация пул тўлови уни олиш мақсадида мурожаат этилган санадан Қонуннинг 59-моддасида белгиланган муддат асосида тўланади.
Пенсия жамғармаси бўлимининг айби билан ўз вақтида олинмай қолган пенсия ҳамда компенсация пул тўлови ўтган давр учун муддати чекланмаган ҳолда тўланади.
Бунда ўтган давр учун тўловлар бир йўла тегишли ойлар учун ҳисоблаб чиқариб қўйилган ва олинмаган пенсиянинг ҳамда компенсация пул тўлови суммаларига мос миқдорда тўланади.
157. Пенсия ёки компенсация пул тўловини олувчи шахс Ўзбекистон Республикаси доирасида доимий яшаш учун бошқа туман (шаҳар)га кўчган тақдирда, аввалги яшаш жойидаги Пенсия жамғармаси бўлими электрон сўров келиб тушган Пенсия жамғармаси бўлимига пенсия ёки компенсация пул тўловига оид ҳужжатлар йиғмажилдини шу куннинг ўзида ахборот тизим орқали ёки бир кун муддатда почта орқали юборади.
Пенсия олувчи шахс бир туман (шаҳар) ҳудудида, шунингдек, Ўзбекистон Республикаси ҳудуди доирасида бошқа туман (шаҳар)га доимий яшаш учун кўчиб кетганда, пенсия ёки компенсация пул тўлови аввалги яшаш жойи бўйича шахс рўйхатдан чиқарилган ойнинг охиригача тўланади.
Ушбу ҳолатда пенсияни ёки компенсация пул тўловини тўлаш пенсия ёки компенсация пул тўловига оид ҳужжатлар йиғмажилди ахборот тизими орқали келиб тушгандан сўнг пенсия ёки компенсация пул тўловини олувчи шахснинг янги яшаш жойи бўйича Пенсия жамғармаси бўлими томонидан давом эттирилади. Бунда пенсияни ёки компенсация пул тўлови тўлаш унинг олдинги яшаш жойи бўйича пенсия ёки компенсация пул тўлови тўлаш тўхтатилган вақтдан бошлаб, бироқ у ҳисобга қўйиш мақсадида мурожаат этган кундан Қонуннинг 59-моддасида белгиланган муддат асосида давом эттирилади.
158. Тайинланган пенсия ёки компенсация пул тўловини тўлаш:
пенсионер ёки компенсация пул тўловини олувчи шахс вафот этганда;
пенсионер ёки шахснинг тайинланган пенсия ёки компенсация пул тўловини олишга ҳуқуқлари йўқолганда;
пенсионер ёки компенсация пул тўловини олувчи шахс хорижий давлатда бўлган даврида пенсия (ижтимоий нафақа) олгани аниқланганда;
пенсионер ёки компенсация пул тўловини олувчи шахс доимий яшаш учун Ўзбекистон Республикаси ташқарисига чиқиб кетганда тўхтатилади.
159. Тайинланган пенсия ёки компенсация пул тўловини тўлаш:
пенсия ёки компенсация пул тўловини тўлаш муддати тамом бўлганда;
пенсионер Ўзбекистон Республикаси ташқарисига чиқиб уч ойдан ортиқ вақт мобайнида Ўзбекистон Республикасига қайтиб келмаганида (мазкур Низомнинг 147-бандида белгиланган тартибда ишончнома орқали ёки хорижий давлатда бўлган нақд пулсиз шаклда пенсия олувчилар бундан мустасно);
муддатидан олдин тайинланган ёшга доир пенсия олувчи ишга кирганида;
кетма-кет уч ойдан ортиқ вақт мобайнида пенсияни етказиб бериш (топшириш) юкланган ташкилот орқали пенсия ёки компенсация пул тўлови олинмаганда;
пенсионер озодликдан маҳрум этилганда (манзил-колонияларда жазони ўтаётган шахслар бундан мустасно);
компенсация пул тўловини олувчи шахс озодликдан маҳрум этилганда;
пенсионер ёки компенсация пул тўловини олувчи шахс руҳий ҳолати бузилган шахслар учун Ижтимоий қўллаб-қувватлаш марказларида яшаганда;
пенсияни тўлашни тўхтатиб туриш тўғрисида пенсионер ариза ёки сўровнома орқали мурожаат қилганида;
пенсионер ёки компенсация пул тўловини олувчи шахс суриштирув, тергов органларидан ва суддан яшириниб юрган, жиноий жазони ўташдан бўйин товлаётгани учун қидиришга эълон берилганда, бедарак йўқолганда;
ишончнома берган ёки хорижий давлатда бўлган нақд пулсиз шаклда пенсия олувчи шахс унга тайинланган пенсияга бўлган ҳуқуқни тасдиқлаш учун белгиланган муддатда келмаганда тўхтатиб турилади.
Тайинланган пенсия ёки компенсация пул тўловини тўлаш қонунчиликда назарда тутилган бошқа ҳолларда ҳам тўхтатиб турилади.
Пенсия ёки компенсация пул тўловини тўлаш пенсионер, компенсация пул тўловини олувчи шахс ёки унинг қонуний вакили Пенсия жамғармаси бўлимига келиб, ариза тақдим этгач, шунингдек, шахсини тасдиқловчи ҳужжатни кўрсатгандан сўнг тикланади.
Пенсионер хорижий давлатда бўлиб, Ўзбекистон Республикасига келиш имкониятига эга бўлмаган ҳолатларда пенсионер Ўзбекистон Республикасининг чет элдаги дипломатик ваколатхонаси ёки консуллик муассасасига пенсия тўловини тиклаш юзасидан мурожаат этиши ва хорижий давлат ҳудудида доимий яшаш ҳолати мавжуд эмаслигини, шунингдек, пенсия ёки ижтимоий нафақа олмаслигини тасдиқлаши лозим.
Пенсионернинг суд ҳукми бўйича озодликдан маҳрум этиш жойларида (манзил-колониялардан ташқари) бўлган вақти учун пенсия тўланмайди. Пенсионер ёки компенсация пул тўловини олувчи шахс озод бўлгандан кейин пенсия ёки компенсация пул тўлови уни тиклаш учун Пенсия жамғармаси бўлимига ариза берилган кундан бошлаб тикланади.
Пенсионер озодликдан маҳрум этилганда, пенсия суднинг қонуний ҳукми кучга кирган ойдан кейинги ойнинг биринчи санасидан бошлаб тўхтатиб турилади.
Манзил-колонияда жазони ўтаётган, озодликдан маҳрум этишга ҳукм қилинган пенсионернинг жазо тури ўзгарган тақдирда, манзил-колония маъмурияти жазо тури ўзгарган куннинг ўзида Пенсия жамғармаси бўлимига бу ҳақда хабар бериши лозим. Пенсия жамғармаси бўлими манзил-колония маъмурияти томонидан берилган маълумот асосида пенсия тўловини тўхтатиб туради».
29. 162-банд қуйидаги таҳрирда баён этилсин:
«162. Пенсионерга ёки компенсация пул тўловини олувчи шахсга берилиши керак бўлган ва унинг вафоти муносабати билан олинмай қолган пенсия, 100 ёшга тўлган ва ундан ошган пенсия олувчиларга қўшимча тўлов ёки компенсация пул тўлови суммаси мерос таркибига киритилмайди ва боқувчисини йўқотганлик пенсияси билан таъминланадиган шахслар доирасига тегишли оила аъзоларига тўланади. Ота-оналар, эри (хотини), шунингдек, пенсионер ёки шахс вафот этган кунда у билан бирга яшаган оила аъзолари, агар улар боқувчисини йўқотганлик бўйича пенсия билан таъминланадиганлар доирасига кирмаган тақдирда ҳам, ушбу суммаларни олиш ҳуқуқига эга.
Пенсионер ёки компенсация пул тўловини олувчи шахс вафоти муносабати билан олинмай қолган пенсия, 100 ёшга тўлган ва ундан ошган пенсия олувчиларга қўшимча тўлов ёки компенсация пул тўлови кўрсатиб ўтилган оила аъзоларига вафот этган ой учун тўлиқ миқдорда тўланади. Бунда пенсионер ёки шахс вафот этган ой учун банк пластик картасига кирим қилинган маблағлар вафот этган пенсионернинг ёки шахснинг оила аъзоларига қайта тўланмайди ва Пенсия жамғармасига қайтарилмайди.
Оиланинг бир неча аъзолари олинмай қолган пенсия ёки компенсация пул тўлови учун мурожаат қилган тақдирда, уларга берилиши керак бўлган пенсия ёки компенсация пул тўлови улар ўртасида тенг тақсимланади.
Кўрсатиб ўтилган пенсия ёки компенсация пул тўловини олиш учун пенсионер ёки шахс вафот этганидан сўнг олтмиш кундан кечикмай мурожаат қилинган тақдирда тўланади».
30. 187-бандда :
қуйидаги мазмундаги ўн биринчи хатбоши билан тўлдирилсин:
«Пенсияларни проактив шаклда тайинлаш, ногиронлик пенсиясини проактив шаклда қайта ҳисоблаш ва компенсация пул тўловини проактив шаклда тайинлаш ахборот тизимида автоматик тарзда рўйхатга олинади. Бунда шахснинг маълумотлари вазирлик ва идоралар томонидан ахборот тизими томонидан юборилган сўровга мувофиқ олинган маълумотлар асосида шаклланади»;
ўн биринчи — ўн тўққизинчи хатбошилар тегишлича ўн иккинчи — йигирманчи хатбошилар деб ҳисоблансин;
ўн иккинчи — ўн тўртинчи хатбошилар қуйидаги таҳрирда баён этилсин:
«Ахборот тизимида аризаларни рўйхатга олишда рақамлаш автоматик тарзда амалга оширилади.
Ахборот тизимида шахснинг аризасини расмийлаштиришда қуйидаги маълумотлар шуъба мудири томонидан киритилади:
ариза берувчининг шахсга доир ва идентификация қилиш мумкин бўлган маълумотлари, шу жумладан, жисмоний шахснинг шахсий идентификация рақами».
31. 187 1 -банд қуйидаги таҳрирда баён этилсин:
«187 1 . Компенсация пул тўловларини тайинлаш тўғрисидаги ариза ушбу Низомга 24-иловага мувофиқ шаклда Пенсия жамғармаси бўлимига топширилади ёки почта орқали юборилади.
Пенсия ёки компенсация пул тўловларини тайинлаш учун почта орқали юборилган ариза ва ҳужжатлар шуъба мудири томонидан қабул қилинади ва ахборот тизимида расмийлаштирилиб, рўйхатдан ўтказилади.
Шахс пенсия ёки компенсация пул тўловини тайинлашни сўраб Пенсия жамғармаси бўлимига бевосита келиб мурожаат қилганда, шуъба мудири у томонидан тақдим этилган ҳужжатлар ва кўрсатмалар асосида ахборот тизимида шахс тўғрисидаги маълумотларни киритган ҳолда ушбу Низомга 22 ва 24-иловаларга мувофиқ шаклдаги аризани шакллантиради.
Аризада келтирилган маълумотлар пенсия ёки компенсация пул тўловини тайинлаш учун мурожаат қилувчи шахс томонидан текширилади. Аризадаги маълумотларда хато ёки камчиликлар аниқланган тақдирда, шуъба мудири мазкур хато ёки камчиликларни бартараф этган ҳолда аризани қайта шакллантиради.
Шахс аризадаги маълумотлар тўғри шакллантирилганини билдирганидан сўнг шуъба мудири ариза шахс томонидан берилганини тасдиқлаш мақсадида шахснинг юзини биометрик идентификациядан (Face-ID ёки қонунчиликка мувофиқ бошқа электрон тасдиқлаш усулидан) ўтказган ҳолда электрон маълумотларни олади.
Олинган электрон маълумотларни солиштириш мақсадида «Электрон ҳукумат» ахборот тизими орқали Миграция ва персоналлаштириш департаментининг ахборот тизимига электрон сўров юборади.
Миграция ва персоналлаштириш департаменти ахборот тизим орқали келиб тушган электрон сўровга асосан пенсия ёки компенсация пул тўлови тайинлаш учун мурожаат қилган шахс юзининг биометрик маълумотларини ахборот тизимидаги мавжуд шахс юзининг биометрик электрон маълумотлари билан солиштиради ҳамда электрон маълумотлар ўзаро мос келгани ёки мос келмагани тўғрисидаги электрон маълумотларни Пенсия жамғармасига «Электрон ҳукумат» ахборот тизими орқали юборади.
Пенсия ёки компенсация пул тўловини тайинлаш учун мурожаат қилган шахс юзининг биометрик электрон маълумотлари Миграция ва персоналлаштириш департаментининг ахборот тизимидаги мавжуд ушбу шахс юзининг биометрик маълумотлари билан мос келганда, ариза берувчи юзининг биометрик электрон маълумотлари Миграция ва персоналлаштириш департаментининг ахборот тизимидаги маълумотлар билан тасдиқлангани тўғрисидаги маълумотларни ўз ичига олган QR-код (матрик штрихли код) билан тасдиқланади.
Шуъба мудири шахснинг аризасини Пенсия жамғармасининг бўлими бошлиғига ҳужжатларни кўриб чиқиш ва тегишли кўрсатма (резолюция) бериш учун ахборот тизими орқали юборади. Ҳужжатлар ахборот тизимига юкланганидан сўнг ариза автоматик тарзда ахборот тизимида қайд этилади.
Қуйидаги ҳолларда ариза шахс томонидан имзо қўйиш, шу жумладан, факсимил имзо қўйиш орқали тасдиқланади:
ариза берувчи шахс юзининг биометрик электрон маълумотлари махсус қурилма орқали олиниб, Миграция ва персоналлаштириш департаментининг ахборот тизимидаги мавжуд пенсия олувчи юзининг биометрик электрон маълумотлари билан мос келмагани тўғрисида электрон маълумот келиб тушганда;
ариза берилаётган Пенсия жамғармаси бўлимида интернет тармоғига уланиш имконияти мавжуд бўлмаганда;
ариза берилаётган Пенсия жамғармаси бўлимида интернет тармоғи тезлиги тизимдаги пенсия олувчи юзининг биометрик электрон маълумотларини электрон шаклда солиштириш учун талаб этиладиган тезликдан кам бўлганда.
Шуъба мудири тақдим этилган ҳужжатларнинг асл нусхаларини шахсга қайтаради ҳамда унга аризанинг тегишли қисмини қирқиб олган ҳолда, ҳужжатлар қабул қилингани тўғрисида тилхат беради.
Шахснинг пенсияга бўлган ҳуқуқи мавжуд бўлмаса, ушбу Низомда белгиланган қоидалар асосида комиссия тегишли қарорни қабул қилади ва пенсия тайинлаш учун тақдим қилинган ҳужжатлар билан бирга пенсия тайинлашни рад қилиш тўғрисидаги қарор ҳамда хабарномани шахсга қайтаради ёки юборади.
Шахс томонидан пенсия ва компенсация пул тўловларини тайинлаш тўғрисидаги ариза ва унга илова қилинган ҳужжатлар почта орқали юборилганда, шуъба мудири шахснинг аризаси ва унга илова қилинган ҳужжатларни ахборот тизимига киритади ва расмийлаштиради.
Бунда юборилган ҳужжатларнинг асл нусхалари пенсия ва компенсация пул тўловларини тайинлаш тўғрисида қарор қабул қилинганидан сўнг қайтарилади.
Шуъба мудири шахснинг аризаси ва унга илова қилинган ҳужжатларнинг электрон нусхаларини ахборот тизимига юклайди ҳамда Пенсия жамғармаси бўлими бошлиғига ҳужжатларни кўриб чиқиш ва тегишли кўрсатма (резолюция) бериш учун ахборот тизими орқали юборади. Ҳужжатлар ахборот тизимига юкланганидан сўнг ариза автоматик тарзда ахборот тизимида қайд этилади.
Бўлим бошлиғи ариза ва бошқа ҳужжатлар билан танишиб чиқиб, ахборот тизими орқали ўз кўрсатмасини (резолюциясини) берганидан сўнг ахборот тизимида пенсияга оид ҳужжатлар йиғмажилди шаклланиб, автоматик тарзда рақам берилади ва ҳужжатлар шуъба мутахассисига ижро учун юборилади.
Шуъба мудири лавозими мавжуд бўлмаган Пенсия жамғармаси бўлимларида ушбу вазифалар шуъба мутахассиси томонидан амалга оширилади».
32. 187 3 ва 187 5 -бандларнинг биринчи хатбошиларидан «уй-жой-коммунал хизматлари учун» сўзлари чиқариб ташлансин;
33. 187 4 -банд қуйидаги таҳрирда баён этилсин:
«Комиссия қарори қабул қилинганидан сўнг бу ҳақда шу куннинг ўзида шахсга хабар берилади.
Комиссиянинг пенсия ёки компенсация пул тўловини тайинлашни рад этиш, текшириш ўтказиш ва қўшимча ҳужжатларни тақдим этиш зарурлиги, ортиқча тўланган суммаларни пенсиядан ёки компенсация пул тўловидан чегириб қолиш тўғрисидаги қарорлари, шунингдек, аризаларни кўриб чиқишда қабул қилинган бошқа қарорлар ҳам ахборот тизимида тасдиқланади ҳамда ахборот тизимида автоматик тарзда қайд этилади. Бунда шуъба мутахассиси томонидан беш кун муддатда шахсга рад этиш сабаблари ва бошқа асословчи маълумотларни кўрсатган ҳолда ёзма хабарнома ёки аризада кўрсатилган мобил телефон рақамга СМС-хабар юборилади».
34. 14-илова «Ариза берувчининг имзоси __________» сўзларидан кейин «QR-код» блоки билан тўлдирилсин.
35. 21 ва 22-иловалар қуйидаги таҳрирда баён этилсин:
«Давлат пенсияларини тайинлаш ва тўлаш тартиби тўғрисидаги низомга 21-ИЛОВА
Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармаси _______ бўлими комиссиясининг пенсия миқдоридан ёки компенсация пул тўловидан чегирма қилиш ҳақидаги
202_ йил «___» _______ _______ сон Пенсияга оид ҳужжатлар йиғмажилди рақами ___________________________________________ Пенсия (компенсация пул тўлови) тури ________________________________________________ Пенсия (компенсация пул тўлови) олувчининг яшаш жойи ________________________________ Шахс ___________________________________________________________________________ га (Ф.И.О.) 202___ йил «____» ___________ дан, 202___ йил «____» ___________ гача бўлган давр учун _________________________________________________________________________________________ __________________________________________________________________________________ сабабли _____ сўм _________ тийин миқдорда ортиқча тўлов ҳисобланди. Ўзбекистон Республикасининг «Фуқароларнинг давлат пенсия таъминоти тўғрисида»ги Қонуни 65-моддасига мувофиқ 202_ йил ________ ойидан ортиқча тўлов бўйича қарздорлиги тугагунга қадар ойлик тўловига __ фоиз миқдорида чегирма қўйилсин. Комиссия раиси: ________________________________________ (Ф.И.О.) QR-код Комиссия аъзолари: _____________________________________ (Ф.И.О.) QR-код _________________ _____________________________________ (Ф.И.О.) QR-код _________________ _____________________________________ (Ф.И.О.) QR-код _________________ _____________________________________ (Ф.И.О.) QR-код
Давлат пенсияларини тайинлаш ва тўлаш тартиби тўғрисидаги низомга 22-ИЛОВА
Ариза бланки намунаси
Олд томони QR-код Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармаси ___________ (республика, вилоят, шаҳар) ____________ туман/шаҳар бўлими бошлиғига (раҳбар кўрсатмаси) Фуқаро ___________________________________________________________________________ (Ф.И.О.) Манзили ________________________________________________________________________________ Туғилган санаси ____ паспорт (идентификацияловчи ID-карта) серияси ___ рақами __________ Берилган вақти __________ ____________________ томонидан берилган. Телефон рақами _____________________ АРИЗА Менга қонунчилик ҳужжатларига асосан ёшга, ногиронликка, боқувчисини йўқотганликка доир пенсия тайинлашингизни (қайта ҳисоблаш, тиклаш, бошқа турдаги пенсияга ўтказиш, улушини ажратиш, яшаш манзили ўзгаргани муносабати билан ҳисобга қўйиш) сўрайман (кераклисининг тагига чизилсин). Пенсияни ҳисоблаб чиқариш учун иш ҳақини ( охирги ўн йиллик меҳнат фаолияти давомидаги исталган кетма-кет беш йилдаги ) ______ йил ____ ойидан ______ йил ____ ойигача олишингизни сўрайман. Сизга шуни маълум қиламанки, менга авваллари пенсия (нафақа) бошқа асосларга кўра ёки бошқа муассаса томонидан тайинланмаган, тайинланган (кераклисининг тагига чизилсин). Ҳозирги кунда ишлайман/ишламайман ( кераклисининг тагига чизилсин ). Иш жойи ________________________________________________________ Менга пенсия нақд пул шаклида, тижорат банкининг пластик (банк) картаси, манзил-колония (кераклисининг тагига чизилсин ) орқали тўлансин. Қонунчилик ҳужжатларига асосан ҳар хил турдаги пенсия (нафақа) олиш ҳуқуқига эга бўлган шахсга фақатгина битта турдаги пенсия олиш мумкинлиги ҳамда пенсия (нафақа) тайинлаш муддати тўғрисида танишдим. Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармаси _______________ туман/шаҳар бўлимини тўлиқ давлат таъминотига ўтгани, оила аъзолари таркиби ўзгаргани, яшаш жойи ўзгаргани, ишга жойлашгани каби ўзгаришлар содир бўлганда ўз вақтида хабардор қилиш мажбуриятини оламан. Тақдим этилган ҳужжатларнинг ҳаққонийлигини кафолатлайман. Иш стажи ва иш ҳақи тўғрисидаги маълумотларни Халқ банки филиалига шахсий жамғарилиб бориладиган пенсия ҳисобварағига (ШЖБПҲ) киритилган жамғариб бориладиган мажбурий пенсия бадаллари орқали, шунингдек, пенсия ва нафақага оид шахсий маълумотларимни тегишли ташкилот ва идоралар орқали, шу жумладан, трансчегаравий узатиш орқали текширишга розилик бераман. 202 _ йил «____»________ Ариза берувчи имзоси ________ QR-код Паспорт (идентификацияловчи ID-карта) маълумотлари ва тақдим этилган ҳужжатлар текширилди. Ариза ва унга илова қилинган ҳужжатлар 202__ йил «__»______ қабул қилинди ва ___-сон билан қайд этилди. QR-код Пенсия тайинлаш учун етишмаётган ҳужжатлар Ҳужжат тақдим этишнинг сўнгги санаси Ариза берувчи __________ Қабул қилувчи _______ QR-код QR-код
Орқа томони Аризага илова қилинган ҳужжатлар рўйхати Қўшимча тақдим этилган ҳужжатлар рўйхати Т/р Ҳужжат номи Сони Санаси Т/р Ҳужжат номи Сони Санаси 1. 1. 2. 2. 3. 3. Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармаси _____________________ туман/шаҳар бўлими пенсия тайинлаш бўйича комиссиясининг 202 _ йил «___» ________ даги _____-сон қарорининг қисқача мазмуни. _________________________________________________________________________________________ _________________________________________________________________________________________ _________________________________________________________________________________________ _________________________________________________________________________________________ М.Ў. Комиссия раиси: ____________________________________ (Ф.И.О.) QR-код Комиссия аъзолари: ____________________________________ (Ф.И.О.) QR-код _________________ ____________________________________ (Ф.И.О.) QR-код _________________ ____________________________________ (Ф.И.О.) QR-код _________________ ____________________________________ (Ф.И.О.) QR-код ------------------------------------------ кесиш чизиғи ------------------------------------------ QR-код Паспорт (идентификацияловчи ID-карта) маълумотлари ва тақдим этилган ҳужжатлар текширилди. Ариза ва унга илова қилинган ҳужжатларни 202_ йил «__» _________да қабул қилинди ва _________-сон билан қайд этилди. Пенсия тайинлаш учун етишмаётган ҳужжатлар Охирги ҳужжатни тақдим этиш санаси ҳужжат номи тақдим этиш санаси Ариза берувчи имзоси _______ QR-код Қабул қилувчи имзоси _________ QR-код » .
36. 24-илова қуйидаги таҳрирда баён этилсин:
«Давлат пенсияларини тайинлаш ва тўлаш тартиби тўғрисидаги низомга 24-ИЛОВА
Компенсация пул тўлови тайинлаш бўйича ариза бланк намунаси QR-код Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармаси ____________ (республика, вилоят, шаҳар) _____________ туман/шаҳар бўлими бошлиғига (раҳбар кўрсатмаси) Фуқаро ___________________________________________________________________________ (Ф.И.О.) Манзили ________________________________________________________________________________ Туғилган санаси ___паспорт (идентификацияловчи ID-карта) серияси __ рақами Берилган вақти _________ ______________________ томонидан берилган. Телефон рақами _______________________ АРИЗА Мен ________________________ шахслар тоифасига киришим муносабати билан уй-жой-коммунал хизматлар тўлови учун компенсация тўловларини тайинлашингизни сўрайман. Мен ____________________________________________________ Сизга шуни маълум қиламанки, ______________________________________________________________________________ (керакли маълумот кўрсатилади) Тақдим этилган ҳужжатларнинг ҳаққонийлигини кафолатлайман. 202_ йил «__» ___________ Ариза берувчи _________ QR-код QR-код Паспорт (идентификацияловчи ID-карта) маълумотлари ва тақдим этилган ҳужжатлар текширилди. Ариза илова қилинган ҳужжатлар билан 202_ йил «__» ______да қабул қилинди ва _________-сон билан қайд этилди. Ариза берувчи _____ Қабул қилувчи ____ QR-код QR-код Аризага илова қилинган ҳужжатлар рўйхати Т/р Ҳужжат номи Сони Санаси 1. 2. 3. » .
37. 26-илова қуйидаги таҳрирда баён этилсин:
«Давлат пенсияларини тайинлаш ва тўлаш тартиби тўғрисидаги низомга 26-ИЛОВА
QR-код Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармаси ____________ (республика, вилоят, шаҳар) _____________ туман/шаҳар бўлими бошлиғига (раҳбар кўрсатмаси) Фуқаро____________________________________________________________________________ (Ф.И.О.) Манзили ________________________________________________________________________________ Туғилган санаси ______ паспорт (идентификацияловчи ID-карта) серияси _____ рақами ____________. Берилган вақти _________ ______________________ томонидан берилган. Телефон рақами _______________________ АРИЗА Менга тўланиб келаётган ____________ пенсияни 202_ йил «___» _______ дан бошлаб тўхтатиб туришингизни сўрайман. 202_ йил «__» ________ Ариза берувчи имзоси ____________ QR-код ».
38. қуйидаги мазмундаги 34 — 37-иловалар билан тўлдирилсин:
«Давлат пенсияларини тайинлаш ва тўлаш тартиби тўғрисидаги низомга 34-ИЛОВА
Кўриш қобилияти бўйича I гуруҳ ногиронлиги бўлган шахсга проактив шаклда компенсация пул тўлови тайинлаш учун Ўзбекистон Республикаси Президенти ҳузуридаги Ижтимоий ҳимоя миллий агентлиги томонидан Пенсия жамғармасига юбориладиган
I. Кўриш қобилияти бўйича I гуруҳ ногиронлиги бўлган шахснинг қонуний вакили тўғрисида маълумот 1. Ф.И.О: 2. Жисмоний шахснинг шахсий идентификация рақами (ЖШШИР): 3. Телефон рақами ва электрон почта манзили: 4. Ҳудуд номи: 5. Туман/шаҳар номи: 6. Яшаш жойи: 7. Қариндошлик даражаси (ота, она, васий ёки ҳомий): II. Кўриш қобилияти бўйича I гуруҳ ногиронлиги бўлган шахснинг маълумотлари (маълумотлар тўлиқ ёзилиши шарт): 1. Кўриш қобилияти бўйича I гуруҳ ногиронлиги бўлган шахснинг Ф.И.О: 2. Кўриш қобилияти бўйича I гуруҳ ногиронлиги бўлган шахснинг шахсий идентификация рақами (ЖШШИР): 3. Кўриш қобилияти бўйича I гуруҳ ногиронлиги бўлган шахснинг «ТИЭК» ахборот тизимидаги ўзига хос рақами: 4. Кўриш қобилияти бўйича I гуруҳ ногиронлиги бўлган шахсга ногиронлик белгиланган сана: 5. Кўриш қобилияти бўйича I гуруҳ ногиронлиги бўлган шахсга ТИЭК кўриги натижаларига кўра белгиланган ногиронлик муддати: 6. Кўриш қобилияти бўйича I гуруҳ ногиронлиги бўлган шахсни қайта ТИЭК кўригидан ўтказиш муддати: 7. Кўриш қобилияти бўйича I гуруҳ ногиронлиги бўлган шахсни ТИЭКнинг кўригидан ўтказиш далолатномасининг рақами ва берилган сана:
Давлат пенсияларини тайинлаш ва тўлаш тартиби тўғрисидаги низомга 35-ИЛОВА
Проактив шаклда тайинланган (қайта ҳисобланган) пенсияларни рад қилиш тўғрисидаги
QR-код Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармаси _____________________ (шаҳар, вилоят, республика) _______________________ тумани/шаҳар бўлими бошлиғи __________________________ га (раҳбар кўрсатмаси) Фуқаро _________________________________________________________________________дан (Ф.И.О.) Яшаш жойи________________________________________________________________ Туғилган санаси ____ паспорт (идентификацияловчи ID-карта) серияси _____ рақами _______________ Берилган вақти ______ _____________ томонидан берилган. Телефон рақами ___________________________ АРИЗА Менга проактив шаклда тайинланган (қайта ҳисобланган) ёшга доир, ногиронлик пенсиясини ёки компенсация пул тўловини рад қилишингизни сўрайман. (кераклисининг тагига чизилсин). Қонунчилик ҳужжатларига асосан пенсия ва компенсация пул тўловини тайинлаш (қайта ҳисоблаш) муддатлари билан таништирилдим. 202 _ йил «__» _________ Ариза берувчи имзоси _______ QR-код
Давлат пенсияларини тайинлаш ва тўлаш тартиби тўғрисидаги низомга 36-ИЛОВА
Проактив шаклда тайинланган пенсияни рад этиш юзасидан давлат хизматини кўрсатиш
Босқичлар Субъектлар Механизм Бажариш муддатлари 1-босқич Мурожаат қилувчи (шахс ёки унинг қонуний вакили) 1. Проактив шаклда тайинланган пенсияни рад этиш юзасидан Давлат хизматлари марказига келиб мурожаат қилади. 2. Ягона интерактив давлат хизматлари порталидан рўйхатдан ўтган ҳолда проактив шаклда тайинланган пенсияни рад этиш бўйича сўровнома шаклини тўлдиради. Проактив шаклда пенсия тайинлангани ҳақидаги хабарни олганидан сўнг 10 кун ичида 2-босқич Давлат хизматлари маркази 1. Сўровномани тўлдириб, электрон шаклда Иқтисодиёт ва молия вазирлиги ҳузуридаги бюджетдан ташқари Пенсия жамғармаси бўлимига юборади. Сўровнома тўлдирилгандан сўнг 5 дақиқа ичида Ягона интерактив давлат хизматлари портали 2. Сўровномани Пенсия жамғармаси бўлимига юборади. Автоматик тарзда 3-босқич Иқтисодиёт ва молия вазирлиги ҳузуридаги бюджетдан ташқари Пенсия жамғармаси бўлими 1. Қонуний вакил шахснинг васийси ёки ҳомийси эканини ўрганиш учун Ижтимоий ҳимоя миллий агентлигининг «Ягона миллий ижтимоий ҳимоя» ахборот тизимига электрон шаклда сўров юборади. 2. Ахборот тизимида фуқарога проактив шаклда тайинланган пенсия ҳолатини ўрганади. Сўровнома келиб тушганидан сўнг 5 дақиқа ичида 4-босқич Иқтисодиёт ва молия вазирлиги ҳузуридаги бюджетдан ташқари Пенсия жамғармаси бўлими 1. Проактив шаклда тайинланган пенсияни рад этиш тўғрисида қарор қабул қилади. 1. 1 кун ичида. 2. Проактив шаклда тайинланган пенсия рад этилгани тўғрисида электрон шаклдаги маълумотларни Давлат хизматлари марказига юборади. 2. Қарор қабул қилингандан сўнг 5 дақиқа ичида. 3. Ягона интерактив давлат хизматлари портали орқали проактив шаклда тайинланган пенсияни рад этиш учун мурожаат қилган фуқаронинг мобил телефон рақамига пенсия тайинлаш рад этилгани ҳамда келгусида пенсия тайинлаш юзасидан мурожаат қилиш тартиби ҳақидаги СМС-хабар ёки шахсий кабинетига хабар юборади. 3. Қарор қабул қилингандан сўнг 5 дақиқа ичида. 5-босқич Давлат хизматлари маркази Проактив шаклда тайинланган пенсия рад этилгани ҳамда келгусида у юзасидан мурожаат қилиш тартиби тўғрисида мурожаат қилувчини хабардор қилади. Маълумот олинганидан сўнг 5 дақиқа ичида
Давлат пенсияларини тайинлаш ва тўлаш тартиби тўғрисидаги низомга 37-ИЛОВА
Проактив шаклда тайинланган пенсияни рад этиш бўйича
I. Мурожаат қилувчи тўғрисида маълумотлар: 1. Фамилияси 2. Исми 3. Отасининг исми 4. Туғилган санаси 5. Паспорт (идентификацияловчи ID-карта) серияси ва рақами 6. Жисмоний шахснинг шахсий идентификация рақами 7. Маҳалла фуқаролар йиғини номи 8. Телефон рақами 9. Пенсия тайинлаган туман/шаҳар Пенсия жамғармаси бўлими II. Пенсияни рад этиш сабаби Фаолиятни давом эттириш Пенсия миқдоридан норози III. Мурожаат қонуний вакил томонидан берилганда тўлдирилади Қонуний вакил ҳақидаги маълумотлар: 1. Фамилияси 2. Исми 3. Отасининг исми 4. Туғилган санаси 5. Паспорт (идентификацияловчи ID-карта) серияси ва рақами 6. Жисмоний шахснинг шахсий идентификация рақами 7. Яшаш жойи 8. Вакиллик учун асос бўлган ҳужжат 9. Телефон рақами IV. Пенсияни рад этиш сабаби Фаолиятни давом эттириш Пенсия миқдоридан норози » .
Ўзбекистон Республикасининг Бош вазири А. АРИПОВ
Тошкент ш.,
2025 йил 18 август,
518-сон
Oʻzbekiston Respublikasi Vazirlar Mahkamasining
qarori
QARORI
MAʼLUMOTLAR
ARIZA NAMUNASI
SXEMASI
SOʻROVNOMA
Pensiya va kompensatsiya toʻlovlarini tayinlash tartibi takomillashtirilishi munosabati bilan Vazirlar Mahkamasining 2022-yil 13-oktabrdagi 592-son qarori bilan tasdiqlangan Davlat pensiyalarini tayinlash va toʻlash tartibi toʻgʻrisidagi nizomga oʻzgartirish va qoʻshimchalar kiritish haqida
Oʻzbekiston Respublikasi Prezidentining “Aholiga pensiya tayinlash boʻyicha koʻrsatiladigan davlat xizmatlari sifatini yanada oshirishga qaratilgan qoʻshimcha chora-tadbirlar toʻgʻrisida” 2023-yil 31-oktabrdagi PQ-353-son qarori ijrosini taʼminlash hamda qonunchilik hujjatlarini oʻzaro muvofiqlashtirish maqsadida Vazirlar Mahkamasi qaror qiladi:
1. Vazirlar Mahkamasining 2022-yil 13-oktabrdagi 592-son qarori bilan tasdiqlangan Davlat pensiyalarini tayinlash va toʻlash tartibi toʻgʻrisidagi nizomga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:
pensiya va kompensatsiya toʻlovlarini tayinlash tartibini takomillashtirish;
fuqarolarga yoshga doir va nogironlik pensiyalari hamda kompensatsiya toʻlovlarini proaktiv shaklda tayinlash tartibini joriy etish;
fuqarolarning davlat pensiya taʼminotiga oid qonunchilik hujjatlarini oʻzaro muvofiqlashtirish.
2. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.
Vazirlar Mahkamasining 2025-yil 18-avgustdagi 518-son qaroriga ILOVA
Vazirlar Mahkamasining 2022-yil 13-oktabrdagi 592-son qarori bilan tasdiqlangan Davlat pensiyalarini tayinlash va toʻlash tartibi toʻgʻrisidagi nizomga kiritilayotgan oʻzgartirish va qoʻshimchalar
1. 2-bandda :
oʻninchi xatboshi quyidagi tahrirda bayon etilsin:
“pensiyaga oid hujjatlar yigʻmajildi (pensiya ishi) — pensiya va/yoki kompensatsiya pul toʻlovini soʻrab murojaat qilgan shaxsga pensiya yoki kompensatsiya tayinlangan hujjatlarning tikilgan turkumi va/yoki Pensiya jamgʻarmasining “Pensiya” axborot tizimida (keyingi oʻrinlarda — axborot tizimi) saqlanadigan pensiya va/yoki kompensatsiya pul toʻlovini soʻrab murojaat qilgan shaxsning elektron koʻrinishdagi pensiyaga va/yoki kompensatsiya pul toʻloviga oid hujjatlari va/yoki maʼlumotlari”;
oʻn ikkinchi xatboshi “pensiya tayinlashni soʻrab murojaat etish — ” soʻzlaridan keyin “Qonunning 7, 8 va 15-moddalarida belgilangan pensiyalardan tashqari” soʻzlari bilan toʻldirilsin;
quyidagi mazmundagi yigirma birinchi — yigirma toʻrtinchi xatboshilar bilan toʻldirilsin:
“ kompensatsiya pul toʻlovi — ushbu Nizomda belgilangan shartlar va meʼyorlarga muvofiq olish huquqi aniqlanadigan hamda uy-joy-kommunal xizmatlar haqini toʻlash boʻyicha beriladigan imtiyozlar oʻrniga har oyda toʻlanadigan oylik pul toʻlovi;
kompensatsiya pul toʻlovini proaktiv shaklda tayinlash — qonunchilik hujjatlariga muvofiq kompensatsiya pul toʻlovini olish huquqi paydo boʻlgan shaxsga uning biror — bir shakldagi murojaati talab etilmaydigan, Pensiya jamgʻarmasi tomonidan axborot-kommunikatsiya texnologiyalaridan foydalangan holda axborot tizimlari orqali inson omilisiz koʻrsatiladigan davlat xizmati;
proaktiv shaklda pensiya tayinlash — shaxsga Qonunning 7 va 8-moddalarida belgilangan pensiya yoshiga toʻlishi va/yoki Qonunning 15-moddasiga muvofiq nogironlik guruhi belgilanishi munosabati bilan Pensiya jamgʻarmasi tomonidan axborot-kommunikatsiya texnologiyalaridan foydalangan holda, axborot tizimlari orqali inson omilisiz koʻrsatiladigan davlat xizmati;
proaktiv shaklda pensiyani qayta hisoblash — Qonunning 49-moddasi ikkinchi qismida belgilangan shartlar asosida nogironlik pensiyasini qayta hisoblash boʻyicha Pensiya jamgʻarmasi tomonidan axborot-kommunikatsiya texnologiyalaridan foydalangan holda, axborot tizimlari orqali inson omilisiz koʻrsatiladigan davlat xizmati”.
2. 7-bandning uchinchi — beshinchi xatboshilari quyidagi tahrirda bayon etilsin:
“Shaxs yoki qonuniy vakil pensiya tayinlashni soʻrab Pensiya jamgʻarmasi boʻlimiga bevosita tashrif buyurgan holda ariza berish, pochta orqali ariza berish, yashash joyidan qatʼi nazar, Davlat xizmatlari markazi orqali yoki YIDXPdan roʻyxatdan oʻtgan holda soʻrovnomani toʻldirib, murojaat qilish huquqiga ega.
Davlat xizmatlari markazi orqali yoki YIDXPdan roʻyxatdan oʻtgan holda pensiya tayinlash, shuningdek, proaktiv shaklda pensiya tayinlash shaxsning pensiya olish huquqini beradigan maʼlumotlari “YAMMT” IDAKda raqamlashtirilgandan soʻng amalga oshiriladi.
Bunda shaxs yoki qonuniy vakil tomonidan Pensiya jamgʻarmasi boʻlimiga taqdim qilingan ish staji, ish haqi va ustamaga oid raqamlashtirilmagan maʼlumotlar yoki hujjatlar orqali pensiya tayinlanishi yoki qayta hisoblanishi mumkin”.
3. 8-band quyidagi tahrirda bayon etilsin:
“8. Manzil-koloniyalarda jazoni oʻtayotgan, ozodlikdan mahrum etishga hukm qilingan shaxslar pensiyani tayinlash yoki qayta hisoblashni soʻrab manzil-koloniya joylashgan joydagi Pensiya jamgʻarmasi boʻlimiga ushbu Nizomga 22-ilovaga muvofiq shakldagi arizani toʻldirib yoki Davlat xizmatlari markazining davlat xizmatini koʻrsatish xizmatidan foydalangan holda, ushbu Nizomga 28-ilovaga muvofiq shakldagi soʻrovnomani toʻldirish orqali pensiya tayinlashni soʻrab murojaat qilish huquqiga ega.
Manzil-koloniyalarda jazoni oʻtayotgan, ozodlikdan mahrum etishga hukm qilingan shaxslarga pensiyalar ushbu Nizomda belgilangan umumiy tartibda proaktiv shaklda tayinlanadi, shu jumladan, Qonunning 49-moddasi ikkinchi qismida belgilangan nogironlik pensiyasi proaktiv shaklda qayta hisoblanadi.
Shaxsning pensiyani tayinlash va/yoki qayta hisoblash toʻgʻrisidagi arizasi manzil-koloniya maʼmuriyati tomonidan manzil-koloniya joylashgan joydagi Pensiya jamgʻarmasi boʻlimiga beriladi. Bunda ozodlikdan mahrum etishga hukm qilingan shaxsga manzil-koloniya maʼmuriyati tomonidan Pensiya jamgʻarmasi boʻlimiga taqdim qilingan ish staji, ish haqi va ustamaga oid raqamlashtirilmagan maʼlumotlar yoki hujjatlar asosida pensiya tayinlanadi va/yoki pensiya miqdori qayta hisoblanadi.
Pensiya jamgʻarmasi boʻlimi:
shaxsning ish stajiga oid maʼlumotlar asosida pensiyani tayinlash (qayta hisoblash) uchun zarur boʻlgan va ushbu Nizomning 12 — 14-bandlarida koʻrsatilgan hujjatlarni toʻplashda amaliy yordam koʻrsatadi;
pensiya toʻlanishini tiklash yoki davom ettirish toʻgʻrisidagi arizaga asosan pensiyaga oid hujjatlar yigʻmajildini Pensiya jamgʻarmasining tegishli boʻlimidan talab qilib oladi”.
4. 10-bandda :
quyidagi mazmundagi ikkinchi va uchinchi xatboshilar bilan toʻldirilsin:
“Qonunning 7, 8 va 15-moddalarida belgilangan pensiyalarni tayinlash, Qonunning 49-moddasi ikkinchi qismida belgilangan shartlar asosida nogironlik pensiyasini qayta hisoblash fuqaroning alohida murojaatini talab etmagan holda proaktiv shaklda amalga oshiriladi, kompensatsiya pul toʻlovini olish huquqini beruvchi maʼlumotlar axborot tizimida mavjud boʻlganda, Pensiya jamgʻarmasi boʻlimi Qonun hamda ushbu Nizomda nazarda tutilgan shartlar va meʼyorlarga muvofiq pensiyani tayinlash (qayta hisoblash) yoki kompensatsiya pul toʻlovini tayinlash masalasini koʻrib chiqadi.
Ushbu bandning ikkinchi xatboshisida qayd etilgan pensiya va kompensatsiya toʻlovini proaktiv shaklda tayinlashning (qayta hisoblash) texnik kamchiliklar sababli imkoni boʻlmaganda, ushbu jarayon mazkur Nizomda belgilangan umumiy asoslarda murojaat qilish orqali amalga oshiriladi”;
ikkinchi — toʻqqizinchi xatboshilar tegishlicha toʻrtinchi — oʻn birinchi xatboshilar deb hisoblansin;
oltinchi xatboshi quyidagi tahrirda bayon etilsin:
“Shaxsning yoki qonuniy vakilning pensiya tayinlash toʻgʻrisidagi arizasi yoki soʻrovnomasi, Qonunning 7, 8 va 15-moddalarida belgilangan pensiyalarni proaktiv shaklda tayinlash va Qonunning 49-moddasi ikkinchi qismida belgilangan nogironlik pensiyasini proaktiv shaklda qayta hisoblash, shuningdek, kompensatsiya pul toʻlovini proaktiv shaklda tayinlash axborot tizimida roʻyxatdan oʻtkaziladi. Dam olish va ishlanmaydigan bayram kunlari pensiya va kompensatsiyalar keyingi birinchi ish kunida proaktiv shaklida tayinlanadi”.
5. 12-bandda :
“j” va “k” kichik bandlar oʻz kuchini yoʻqotgan deb hisoblansin;
quyidagi mazmundagi oʻn toʻrtinchi xatboshi bilan toʻldirilsin:
“Oʻzbekiston Respublikasi Kambagʻallikni qisqartirish va bandlik vazirligining tuman (shahar) kambagʻallikni qisqartirish va bandlikka koʻmaklashish boʻlimlarining shaxsni ishsiz deb eʼtirof etish toʻgʻrisidagi taqdimnomasi Pensiya jamgʻarmasi boʻlimi tomonidan Oʻzbekiston Respublikasi Kambagʻallikni qisqartirish va bandlik vazirligining “Bandlik xizmati” axborot tizimidan elektron soʻrov yuborish orqali olinadi va pensiya tayinlash uchun murojaat qilgan shaxsdan ushbu hujjat talab etilmaydi”;
oʻn toʻrtinchi xatboshi oʻn beshinchi xatboshi deb hisoblansin hamda quyidagi tahrirda bayon etilsin:
“Mazkur bandda nazarda tutilgan hujjatlar hamda maʼlumotlar vazirlik va idoralarning axborot tizimlarida mavjud boʻlgan hollarda pensiya tayinlash uchun murojaat qilgan shaxsning arizasiga ilova qilinmaydi”.
6. 14-bandning ikkinchi xatboshisi quyidagi tahrirda bayon etilsin:
“sud organlari, FHDY organlari va/yoki xorijiy davlatlar mansabdor shaxslari tomonidan oila aʼzosining vafot etgan boquvchi bilan qarindoshlik munosabatlarini tasdiqlovchi hujjatlar va/yoki maʼlumotnomalar”.
7. 15-bandda :
ikkinchi xatboshidagi “pensiya tayinlash (hisoblash) uchun quyidagi” soʻzlari “pensiya tayinlash (qayta hisoblash), shuningdek, kompensatsiya pul toʻlovini tayinlash uchun quyidagi” soʻzlari bilan almashtirilsin;
“a” kichik bandda :
birinchi xatboshi quyidagi tahrirda bayon etilsin:
“a) pensiya tayinlanayotgan shaxsning va yoki qonuniy vakilning fuqarolik pasporti (identifikatsiyalovchi ID-kartasi) va oila aʼzolari (yaqin qarindoshlari) toʻgʻrisidagi maʼlumotlarni Oʻzbekiston Respublikasi Adliya vazirligining “FHDYning yagona elektron arxivi” va Ichki ishlar vazirligi huzuridagi Migratsiya va personallashtirish departamentining (keyingi oʻrinlarda — Migratsiya va personallashtirish departamenti) axborot tizimiga”;
quyidagi mazmundagi oltinchi xatboshi bilan toʻldirilsin:
“shaxs gipofizar nanizm (liliput) yoxud disproporsional pakana ekani toʻgʻrisidagi”;
oltinchi va yettinchi xatboshilar tegishlicha yettinchi va sakkizinchi xatboshilar deb hisoblansin;
“b” kichik bandda :
birinchi xatboshi quyidagi tahrirda bayon etilsin:
“b) band shaxs uchun Soliq qoʻmitasi tomonidan taqdim etiladigan”;
toʻrtinchi xatboshidan “Iqtisodiyot va moliya vazirligi huzuridagi” soʻzlari chiqarib tashlansin.
8. 17-bandning toʻrtinchi xatboshisidagi “Maktabgacha va maktab taʼlimi vazirligining “Bolalarni vasiylik, homiylik va farzandlikka olish” soʻzlari “Agentlikning “Yagona milliy ijtimoiy himoya” soʻzlari bilan almashtirilsin.
9. 20-band quyidagi tahrirda bayon etilsin:
“20. II guruh nogironligi boʻlgan shaxsning yakka-yolgʻiz shaxs va/yoki yolgʻiz yashovchi shaxs ekani toʻgʻrisidagi maʼlumotlar Agentlikdan olinadi. Qonunning 28-moddasi “e” bandida belgilangan ustama Agentlik tomonidan axborot tizimi orqali har oyda II guruh nogironligi boʻlgan shaxsning Pensiya jamgʻarmasi axborot tizimiga taqdim etilgan yakka-yolgʻiz shaxs va/yoki yolgʻiz yashovchi shaxs ekani toʻgʻrisidagi maʼlumotlar asosida tayinlanadi”.
10. 22-band quyidagi tahrirda bayon etilsin:
“22. Axborot tizimida raqamlashtirilmagan maʼlumotlar yoki hujjatlar Pensiyani tayinlash va/yoki qayta hisoblash uchun asl nusxalarda taqdim etiladi”.
11. 59-bandning birinchi xatboshisi quyidagi tahrirda bayon etilsin:
“59. Oliy taʼlim tashkilotlarida (shu jumladan, ularda oʻqish harbiy xizmatga tenglashtiriladigan harbiy-taʼlim muassasalarida) aspiranturada (stajyorlar — tadqiqotchilar izlanuvchilar institutida), doktoranturada (katta ilmiy xodimlar — izlanuvchilar institutida) va klinik ordinaturada, tayanch doktoranturada va doktoranturada (oliy taʼlimdan keyingi taʼlim institutida) kunduzgi oʻqish vaqtlari Oʻzbekiston Respublikasi Oliy taʼlim, fan va innovatsiyalar vazirligi tomonidan axborot tizimi orqali Pensiya jamgʻarmasining elektron soʻrovi asosida taqdim etilgan maʼlumotlar boʻyicha aniqlanadi va fuqaroga pensiya hisoblashda ish staji sifatida inobatga olish uchun asos hisoblanadi. Axborot tizimida shaxsning oliy taʼlim tashkilotlarida oʻqish vaqtiga oid maʼlumotlar boʻlmagan taqdirda, oliy taʼlim tashkilotlarida oʻqish vaqti diplomlar, shuningdek, maʼlumotnomalar va arxiv maʼlumotlari asosida berilgan va oʻqish davrlari toʻgʻrisidagi maʼlumotlar mavjud boʻlgan boshqa hujjatlar bilan tasdiqlanadi”.
12. 77-bandda :
toʻrtinchi xatboshi quyidagi tahrirda bayon etilsin:
“2005 — 2016-yillar davri uchun — jamgʻarib boriladigan pensiya tizimiga majburiy badallar toʻgʻrisidagi maʼlumotlardan, bunda har bir yil uchun jamgʻarib boriladigan pensiya tizimiga majburiy badallarning umumiy miqdorini ushbu yildagi ishlagan oylar soniga boʻlinganda har bir oy uchun eng kam oylik ish haqining bir foizidan kam boʻlmagan taqdirda mehnat daftacharsida (elektron mehnat daftarchasida) mavjud yozuvlar asosida inobatga olinadi”;
oʻn toʻrtinchi xatboshi chiqarib tashlansin.
13. Quyidagi mazmundagi 105 1 — 105 5 -bandlar bilan toʻldirilsin:
“105 1 . Oʻzbekiston Respublikasi Prezidentining 2015-yil 14-apreldagi PF-4715-son Farmoni bilan tasdiqlangan Uy-joy-kommunal xizmatlar haqini toʻlash boʻyicha har oyda kompensatsiya pul toʻlovlari beriladigan shaxslarning imtiyozli toifalari roʻyxatida nazarda tutilgan quyidagi shaxslarga Oʻzbekiston Respublikasi Davlat budjeti mablagʻlari hisobidan har oylik kompensatsiya pul toʻlovi tayinlanadi va toʻlanadi:
a) 1941 — 1945-yillardagi urush oqibatida nogironligi boʻlgan shaxslar va uning qatnashchilari;
b) 1941 — 1945-yillardagi urushning mehnat fronti qatnashchilari;
v) 1941 — 1945-yillardagi urush oqibatida nogiron boʻlgan shaxslar va uning qatnashchilariga tenglashtirilgan shaxslar;
g) Sovet Ittifoqi Qahramonlari;
d) Sotsialistik Mehnat Qahramonlari va “Slava” ordenining uchala darajasi bilan mukofotlangan shaxslar;
e) Fashist konslagerlarining sobiq voyaga yetmagan mahbuslari;
j) Leningrad shahri qamali davrida ishlagan shaxslar;
z) koʻrish qobiliyati boʻyicha I guruh nogironligi boʻlgan shaxslar;
i) Chernobil halokati oqibatida jabrlangan shaxslar;
k) yadro poligonlari va boshqa radiatsiya-yadro obyektlarida harbiy xizmatni oʻtagan shaxslar.
Oʻzbekiston Respublikasining Soliq kodeksiga muvofiq kompensatsiya pul toʻlovlari jami daromad tarkibiga kiritilmaydi hamda pensiyalar toʻlanadigan tartib va muddatlarda toʻlanadi.
Ushbu bandda nazarda tutilgan shaxslar toifasiga kiruvchi faoliyat yuritayotgan va yuritmayotgan shaxslarga, shuningdek, Pensiya jamgʻarmasida pensiya oluvchi sifatida hisobda turuvchi shaxslarga kompensatsiya pul toʻlovlari Pensiya jamgʻarmasi tomonidan tayinlanadi.
Respublika budjeti hisobidan pensiya tayinlaydigan organda pensiya oluvchi sifatida hisobda turadigan shaxslarga kompensatsiya pul toʻlovlari respublika budjeti hisobidan pensiya tayinlaydigan organ tomonidan tayinlanadi.
Vazirlar Mahkamasining 2023-yil 23-martdagi 119-son qarori bilan tasdiqlangan Ijtimoiy himoyaga muhtoj boʻlgan ayrim toifadagi shaxslarga nafaqa tayinlash va toʻlash tartibi toʻgʻrisidagi nizomning 4-bandida belgilangan nafaqalardan birini oluvchi shaxslarga kompensatsiya pul toʻlovi Agentlik tomonidan tayinlanadi.
Mehnat taʼtilida, taʼlim olish munosabati bilan taʼtilda, homiladorlik va tugʻish boʻyicha taʼtilda boʻlish vaqti, shuningdek, vaqtincha mehnatga layoqatsizlik davri, bola ikki yoshga yetishiga qadar uni parvarish qilish boʻyicha xodimlar taʼtilda boʻlgan davr uchun ham kompensatsiya pul toʻlovlari tayinlanadi va toʻlanadi.
105 2 . Kompensatsiya pul toʻlovlari pensiyani hisoblashning bazaviy miqdorining tabaqalashgan foizlardan kelib chiqib, quyidagi miqdorlarda tayinlanadi:
ushbu Nizomning 105 1 -bandi “a” kichik bandida nazarda tutilgan shaxslarga pensiyani hisoblashning bazaviy miqdorining 50 foizi miqdorida;
ushbu Nizomning 105 1 -bandi “b” kichik bandida nazarda tutilgan shaxslarga pensiyani hisoblashning bazaviy miqdorining 25 foizi miqdorida;
ushbu Nizomning 105 1 -bandi “v” — “k” kichik bandlarida nazarda tutilgan shaxslarga pensiyani hisoblashning bazaviy miqdorining 45 foizi miqdorida.
Bir necha asosga koʻra kompensatsiya olish huquqiga ega boʻlgan shaxslarga ularning tanlashi boʻyicha eng koʻp miqdordagi bitta kompensatsiya tayinlanadi.
Kompensatsiya pul toʻlovi shaxs yoki uning qonuniy vakili tomonidan kompensatsiya pul toʻlovi tayinlashni soʻrab murojaat etilgan sanadan keyingi oyning birinchi sanasidan boshlab tayinlanadi.
Kompensatsiya pul toʻlovi proaktiv shaklda axborot tizimiga kompensatsiya pul toʻlovini olish huquqini beruvchi maʼlumotlar kelib tushgan sanadan keyingi oyning birinchi sanasida boshlab tayinlanadi.
105 3 . Ushbu Nizomning 105 1 -bandi “a” — “j” va “i” kichik bandlaridagi shaxslarga kompensatsiya pul toʻlovi Pensiya jamgʻarmasi boʻlimiga tashrif buyurib, ushbu Nizomga 24-ilovaga muvofiq shakldagi ariza bilan murojaat qilinganda tayinlanadi.
Ushbu Nizomning 105 1 -bandi “z” va “k” kichik bandlarida nazarda tutilgan shaxslarga kompensatsiya pul toʻlovlari proaktiv shaklda 105 4 -105 5 -bandlarda belgilangan tartibda tayinlanadi.
105 4 . Agentlik TIEK koʻrigiga kelgan shaxsni qonunchilik hujjatlariga muvofiq koʻrikdan oʻtkazadi va koʻrik natijalariga koʻra shaxsga koʻrish qobiliyati boʻyicha I guruh nogironlik belgilangan taqdirda, nogironligi boʻlgan shaxsga (respublika budjeti hisobidan pensiya tayinlovchi tashkilotlarning xodimlaridan tashqari) proaktiv shaklda kompensatsiya pul toʻlovini tayinlash uchun ushbu Nizomga 34-ilovada nazarda tutilgan shaxsga doir elektron maʼlumotlarni “Elektron hukumat” tizimining idoralararo integratsiyalashuv platformasi orqali axborot tizimiga yuboradi.
Pensiya jamgʻarmasi Raqamli texnologiyalar vazirligining “Raqamli hukumat” doirasida aholi va tadbirkorlik subyektlariga koʻrsatiladigan davlat xizmatlari toʻgʻrisida elektron xabardor qilish axborot tizimiga (keyingi oʻrinlarda — Raqamli texnologiyalar vazirligi axborot tizimi) koʻrish qobiliyati boʻyicha I guruh nogironligi belgilangan shaxsning JSHSHIR maʼlumotlarini va kompensatsiya pul toʻlovini tayinlash masalasi bir ish kuni ichida koʻrib chiqilishi toʻgʻrisidagi xabar matnini yuboradi.
Raqamli texnologiyalar vazirligi axborot tizimi orqali koʻrish qobiliyati boʻyicha I guruh nogironligi boʻlgan shaxsning JSHSHIR maʼlumotlari asosida uning mobil telefon raqamiga (mavjud boʻlsa) kompensatsiya pul toʻlovi tayinlash masalasi bir ish kuni ichida koʻrib chiqilishi toʻgʻrisida SMS-xabar yuboradi.
Pensiya jamgʻarmasi bir ish kunida axborot tizimidagi mavjud kompensatsiya pul toʻlovini olish huquqini beradigan elektron maʼlumotlar asosida kompensatsiya pul toʻlovini tayinlash toʻgʻrisida qaror qabul qiladi. Qaror qabul qilinganidan soʻng avtomatik tarzda Raqamli texnologiyalar vazirligining axborot tizimiga nogironligi boʻlgan shaxsning JSHSHIR maʼlumotlarini va kompensatsiya pul toʻlovi tayinlangani toʻgʻrisida xabar matnini yuboradi.
Raqamli texnologiyalar vazirligi koʻrish qobiliyati boʻyicha I guruh nogironlik belgilangan shaxsning JSHSHIR maʼlumotlari asosida uning mobil telefon raqamiga kompensatsiya pul toʻlovi tayinlangani toʻgʻrisida SMS-xabar yuboradi. Agar koʻrish qobiliyati boʻyicha I guruh nogironlik belgilangan shaxsning nomiga mobil telefon raqam rasmiylashtirilmagan boʻlsa, bu haqida Pensiya jamgʻarmasini xabardor qiladi.
Pensiya jamgʻarmasi xabar kelib tushganidan soʻng avtomatik tarzda nomiga mobil telefon raqam rasmiylashtirilmagan koʻrish qobiliyati boʻyicha I guruh nogironligi belgilangan shaxsga kompensatsiya pul toʻlovi tayinlangani toʻgʻrisida xabarni yetkazish uchun yashash joyi boʻyicha “Oʻzbekiston pochtasi” AJning elektron pochta joʻnatmalarining yagona milliy tizimiga yuboradi. “Oʻzbekiston pochtasi” AJ maʼlumotlar kelib tushganidan soʻng besh kun ichida kompensatsiya pul toʻlovi tayinlangani toʻgʻrisidagi xabarnomani fuqaroning yashash joyiga yetkazib beradi hamda xabarnoma yetkazilganini tasdiqlovchi maʼlumotni Pensiya jamgʻarmasiga elektron shaklda yuboradi.
105 5 . Pensiya jamgʻarmasi Yadro poligonlarida va boshqa radiatsiya-yadro obyektlarida xizmatni oʻtagan Oʻzbekiston Respublikasi hududida yashayotgan Oʻzbekiston Respublikasi fuqarolari roʻyxatiga oʻzgartirish kiritilganda besh ish kunida yangilangan roʻyxatni axborot tizimida shakllantiradi. Shu bilan birga, Raqamli texnologiyalar vazirligining axborot tizimiga yadro poligonlarida va boshqa radiatsiya-yadro obyektlarida xizmatni oʻtagan shaxslarning JSHSHIR maʼlumotlarini va kompensatsiya pul toʻlovini tayinlash masalasi bir ish kuni ichida koʻrib chiqilishi toʻgʻrisidagi xabar matnini yuboradi.
Raqamli texnologiyalar vazirligi avtomatik tarzda axborot tizimi orqali yadro poligonlarida va boshqa radiatsiya-yadro obyektlarida xizmatni oʻtagan shaxslarning JSHSHIR maʼlumotlari asosida ularning mobil telefon raqamiga (mavjud boʻlsa) kompensatsiya pul toʻlovini tayinlash masalasi bir ish kuni ichida koʻrib chiqilishi toʻgʻrisida SMS-xabar yuboradi.
Pensiya jamgʻarmasi bir ish kunida yadro poligonlarida va boshqa radiatsiya-yadro obyektlarida xizmatni oʻtagan shaxsga kompensatsiya pul toʻlovini tayinlash haqida qaror qabul qiladi. Qaror qabul qilinganidan soʻng avtomatik tarzda Raqamli texnologiyalar vazirligining axborot tizimiga yadro poligonlarida va boshqa radiatsiya-yadro obyektlarida xizmatni oʻtagan shaxsning JSHSHIR maʼlumotlarini va kompensatsiya pul toʻlovi tayinlangani toʻgʻrisidagi xabar matnini yuboradi.
Raqamli texnologiyalar vazirligi axborot tizimi orqali avtomatik tarzda yadro poligonlarida va boshqa radiatsiya-yadro obyektlarida xizmatni oʻtagan shaxsning JSHSHIR maʼlumotlari asosida uning mobil telefon raqamiga kompensatsiya pul toʻlovi tayinlangani toʻgʻrisida SMS-xabar yuboradi. Agar yadro poligonlarida va boshqa radiatsiya-yadro obyektlarida xizmatni oʻtagan shaxsning nomiga mobil telefon raqam rasmiylashtirilmagan boʻlsa, bu haqida Pensiya jamgʻarmasini axborot tizimi orqali xabardor qiladi.
Pensiya jamgʻarmasi yadro poligonlarida va boshqa radiatsiya-yadro obyektlarida xizmatni oʻtagan shaxsning nomiga mobil telefon raqami rasmiylashtirilmagani toʻgʻrisida maʼlumot kelib tushganidan soʻng kompensatsiya pul toʻlovi tayinlangani toʻgʻrisida xabarni yetkazish uchun yashash joyi boʻyicha “Oʻzbekiston pochtasi” AJni elektron pochta joʻnatmalarining yagona milliy tizimi orqali xabardor qiladi. “Oʻzbekiston pochtasi” AJ maʼlumotlar kelib tushganidan soʻng besh kun ichida kompensatsiya pul toʻlovi tayinlangani toʻgʻrisidagi xabarnomani pensionerning yashash joyiga yetkazib beradi hamda xabarnoma yetkazilgani haqidagi maʼlumotni Pensiya jamgʻarmasiga elektron shaklda yuboradi”.
14. 107-band quyidagi mazmundagi ikkinchi xatboshi bilan toʻldirilsin:
“Komissiya kompensatsiya pul toʻlovi va boshqa toʻlovlarni tayinlash uchun ham vakolatli hisoblanadi”.
15. Quyidagi mazmundagi 107 1 -107 2 -bandlar bilan toʻldirilsin:
“107 1 . Qonunning 7 va 8-moddalarida belgilangan yoshga doir pensiyalar shaxsdan alohida murojaat talab etmagan holda proaktiv shaklda quyidagi tartibda tayinlanadi.
Migratsiya va personallashtirish departamenti shaxs Qonunning 7-moddasida belgilangan pensiya yoshiga toʻlgan sanada uning pasport (identifikatsiya ID-karta) maʼlumotlarini Pensiya jamgʻarmasi axborot tizimiga elektron shaklda yuboradi. Pensiya jamgʻarmasi elektron maʼlumotlar kelib tushganidan soʻng avtomatik tarzda pensiya tayinlash vakolatiga ega organlarga ushbu shaxsga pensiya tayinlangan yoki tayinlanmagani toʻgʻrisidagi maʼlumotlarni olish uchun elektron soʻrov yuboradi.
Pensiya tayinlash vakolatiga ega organlar elektron maʼlumotlar kelib tushganidan soʻng avtomatik tarzda “Elektron hukumat” tizimi idoralararo integratsion platformasi orqali shaxsga pensiya tayinlangan yoki tayinlanmagani toʻgʻrisidagi elektron maʼlumotlarni Pensiya jamgʻarmasi axborot tizimiga yuboradi.
Pensiya jamgʻarmasi pensiya tayinlash vakolatiga ega organlar tomonidan shaxsga pensiya tayinlangani toʻgʻrisida elektron maʼlumotlar kelib tushganida avtomatik tarzda proaktiv shaklda pensiya tayinlash jarayonini toʻxtatadi.
Pensiya tayinlash vakolatiga ega organlar tomonidan shaxsga pensiya tayinlanmagani toʻgʻrisida maʼlumotlar kelib tushganda Pensiya jamgʻarmasi:
shaxsga doir va oila aʼzolari (yaqin qarindoshlari) toʻgʻrisidagi maʼlumotlarni olish uchun Adliya vazirligining “FHDYning yagona elektron arxivi” va “Jismoniy shaxslar markaziy maʼlumotlar bazasi”ga;
ish staji toʻgʻrisidagi maʼlumotlarni olish uchun “YAMMT” IDAKga;
ish haqi toʻgʻrisidagi maʼlumotlarni olish uchun Soliq qoʻmitasining fuqarolarning ish haqining yakka tartibdagi hisobini yuritishning markazlashtirilgan elektron reyestriga, jamgʻarib boriladigan pensiya badali toʻgʻrisidagi maʼlumotlarni olish uchun AT “Xalq banki”ning jamgʻarib boriladigan pensiya tizimiga;
mahalla fuqarolar yigʻini kesimida yashash joyi toʻgʻrisidagi maʼlumotlarni olish uchun Ichki ishlar vazirligining “Manzil” axborot tizimiga elektron soʻrov yuboradi.
Adliya vazirligi, Kambagʻallikni qisqartirish va bandlik vazirligi, Soliq qoʻmitasi, AT “Xalq banki”, Ichki ishlar vazirligi elektron maʼlumotlar kelib tushganidan soʻng avtomatik tarzda shaxsning shaxsiga doir va oila aʼzolari (yaqin qarindoshlari), ish staji, ish haqi, jamgʻarib boriladigan pensiya badali va yashash joyi toʻgʻrisidagi elektron maʼlumotlarni axborot tizimiga yuboradi.
Pensiya jamgʻarmasi shu kunning oʻzida shaxsning axborot tizimidagi mavjud ish staji, ish haqi, ustama olish huquqini beradigan elektron maʼlumotlar asosida pensiyaga boʻlgan huquqini aniqlaydi, pensiya miqdorini hisoblaydi va pensiya tayinlash toʻgʻrisida qaror qabul qiladi.
Agarda shaxsning Qonun va ushbu Nizom qoidalari asosida pensiyaga boʻlgan huquqi mavjud boʻlmasa, pensiya tayinlashni rad etish toʻgʻrisida qaror qabul qiladi.
Pensiya jamgʻarmasi qaror qabul qilingan kuni Raqamli texnologiyalar vazirligi axborot tizimiga shaxsning JSHSHIR maʼlumotlari va pensiya tayinlanganligi yoki pensiya tayinlash rad etilgani toʻgʻrisidagi xabar matnini yuboradi.
Raqamli texnologiyalar vazirligi avtomatik tarzda JSHSHIR maʼlumotlari asosida shaxsning mobil telefon raqamiga pensiya tayinlangani yoki pensiya tayinlash rad etilgani va qoʻshimcha maʼlumotlar toʻgʻrisidagi SMS-xabarni yuboradi. Agar shaxsning nomiga mobil telefon raqam rasmiylashtirilmagan boʻlsa, Raqamli texnologiyalar vazirligi avtomatik tarzda bu haqida axborot tizimi orqali Pensiya jamgʻarmasini xabardor qiladi.
Ushbu holatda Pensiya jamgʻarmasi shaxsga pensiya tayinlangani yoki pensiya tayinlash rad etilgani toʻgʻrisidagi xabarni yashash joyi boʻyicha yetkazish uchun “Oʻzbekiston pochtasi” AJning elektron pochta joʻnatmalarining yagona milliy tizimiga axborot tizimi orqali yuboradi. “Oʻzbekiston pochtasi” AJ maʼlumotlar kelib tushganidan soʻng besh kun ichida shaxsga pensiya tayinlangani yoki tayinlash rad etilgani va qoʻshimcha maʼlumotlar toʻgʻrisidagi xabarnomani shaxsning yashash joyi boʻyicha yetkazib beradi hamda xabarnoma yetkazilganini tasdiqlovchi maʼlumotni Pensiya jamgʻarmasiga elektron shaklda yuboradi.
Pensiya tayinlangan shaxs proaktiv shaklda tayinlangan yoshga doir pensiya miqdoridan norozi boʻlganida yoki mehnat faoliyatini davom ettirib, yoshga doir pensiyaga keyinchalik chiqish xohishini bildirib, SMS-xabar yoki xabarnomani olganidan soʻng oʻn kun ichida Pensiya jamgʻarmasi boʻlimiga tashrif buyurgan holda ushbu Nizomga 35-ilovaga muvofiq shakldagi arizani berish orqali yoxud Davlat xizmatlari markazlari va YIDXP orqali ushbu Nizomga 36-ilovada belgilangan sxemaga muvofiq 37-ilovada belgilangan soʻrovnomani toʻldirgan holda tayinlangan pensiyani rad qilish huquqiga ega.
Pensiya tayinlangan shaxs oʻn kun ichida proaktiv shaklda tayinlangan pensiyani rad qilish boʻyicha murojaat qilmasa, proaktiv shaklda tayinlangan pensiyadan rozi deb qabul qilinadi va pensiya toʻlanishi boshlanadi. Pensiyani rad etgan shaxs keyinchalik yangidan pensiya tayinlashni soʻrab murojaat qilganida, pensiya Qonun va ushbu Nizomda nazarda tutilgan pensiya tayinlash muddatlariga muvofiq tayinlanadi.
107 2 . Qonunning 15-moddasida belgilangan nogironlik pensiyalari shaxsdan alohida murojaat talab etmagan holda proaktiv shaklda quyidagi tartibda tayinlanadi.
Agentlik nogironlik belgilangan shaxsning (respublika budjeti hisobidan pensiya tayinlaydigan tashkilotlarning xodimlaridan tashqari) elektron maʼlumotlarini avtomatik tarzda Pensiya jamgʻarmasi boʻlimiga “Elektron hukumat” tizimining idoralararo integratsiyalashuv platformasi orqali yuboradi.
Pensiya jamgʻarmasi elektron maʼlumotlar kelib tushganidan soʻng avtomatik tarzda pensiya tayinlash vakolatiga ega organlarga nogironligi boʻlgan shaxsga pensiya tayinlangan yoki tayinlanmagani toʻgʻrisidagi elektron maʼlumotlarni olish uchun axborot tizimi orqali soʻrov yuboradi.
Pensiya tayinlash vakolatiga ega organlar elektron maʼlumotlar kelib tushganidan soʻng avtomatik tarzda “Elektron hukumat” tizimining idoralararo integratsiyalashuv platformasi orqali nogironligi boʻlgan shaxsga pensiya tayinlangan yoki tayinlanmagani toʻgʻrisidagi elektron maʼlumotlarni Pensiya jamgʻarmasi axborot tizimiga yuboradi.
Pensiya jamgʻarmasi pensiya tayinlash vakolatiga ega organlar tomonidan nogironligi boʻlgan shaxsga pensiya tayinlangani toʻgʻrisida elektron maʼlumotlar kelib tushganida avtomatik tarzda proaktiv shaklda nogironlik pensiyasini tayinlash jarayonini toʻxtatadi.
Pensiya tayinlash vakolatiga ega organlar tomonidan nogironligi boʻlgan shaxsga pensiya tayinlanmagani toʻgʻrisida maʼlumotlar kelib tushganda Pensiya jamgʻarmasi nogironligi boʻlgan shaxsning:
shaxsiga doir va oila aʼzolari (yaqin qarindoshlari) toʻgʻrisidagi maʼlumotlarni olish uchun tegishliligi boʻyicha Adliya vazirligining “FHDYning yagona elektron arxivi” va Ichki ishlar vazirligining “Jismoniy shaxslar markaziy maʼlumotlar bazasi”ga;
ish staji toʻgʻrisidagi maʼlumotlarni olish uchun Kambagʻallikni qisqartirish va bandlik vazirligining “YAMMT” IDAKga;
ish haqi toʻgʻrisidagi maʼlumotlarni olish uchun Soliq qoʻmitasining Fuqarolar ish haqining yakka tartibdagi hisobini yuritishning markazlashtirilgan elektron reyestriga va AT “Xalq banki”ning Jamgʻarib boriladigan pensiya tizimiga;
yashash joyi toʻgʻrisidagi elektron maʼlumotlarni olish uchun Ichki ishlar vazirligining “Manzil” axborot tizimiga elektron soʻrov yuboradi.
Shu bilan birga, Raqamli texnologiyalar vazirligining axborot tizimiga nogironligi boʻlgan shaxsning JSHSHIR maʼlumotlarini va pensiya tayinlash masalasi bir ish kuni ichida koʻrib chiqilishi toʻgʻrisidagi xabar matnini yuboradi.
Raqamli texnologiyalar vazirligi axborot tizimi orqali nogironligi boʻlgan shaxsning JSHSHIR maʼlumotlari asosida uning mobil telefon raqamiga (mavjud boʻlsa) pensiya tayinlash masalasi bir ish kuni ichida koʻrib chiqilishi toʻgʻrisida SMS-xabar yuboradi.
Oʻzbekiston Respublikasi Adliya vazirligi, Kambagʻallikni qisqartirish va bandlik vazirligi, Soliq qoʻmitasi, AT “Xalq banki”, Ichki ishlar vazirligi elektron maʼlumotlar kelib tushganidan soʻng avtomatik tarzda “Elektron hukumat” tizimining idoralararo integratsiyalashuv platformasi orqali nogironligi boʻlgan shaxsning shaxsiga doir va oila aʼzolari (yaqin qarindoshlari), ish staji, ish haqi, jamgʻarib boriladigan pensiya badali va yashash joyi toʻgʻrisidagi elektron maʼlumotlarni Pensiya jamgʻarmasiga yuboradi.
Pensiya jamgʻarmasi bir ish kuni ichida nogironligi boʻlgan shaxsning axborot tizimidagi mavjud oila aʼzolari tarkibi, ish staji, ish haqi, ustama olish huquqini beradigan elektron maʼlumotlari asosida pensiyaga boʻlgan huquqini aniqlaydi, pensiya miqdorini hisoblaydi va pensiya tayinlash toʻgʻrisida qaror qabul qiladi.
Agar shaxsning Qonun va ushbu Nizom asosida pensiya olish huquqi mavjud boʻlmasa, pensiya tayinlashni rad etish toʻgʻrisida qaror qabul qiladi.
Qaror qabul qilinganidan soʻng avtomatik tarzda Raqamli texnologiyalar vazirligining axborot tizimiga nogironligi boʻlgan shaxsning JSHSHIR maʼlumotlari va pensiya tayinlangani yoki pensiya tayinlash rad etilgani toʻgʻrisidagi xabar matnini yuboradi.
Raqamli texnologiyalar vazirligi axborot tizimi orqali nogironligi boʻlgan shaxsning JSHSHIR maʼlumotlari asosida uning mobil telefon raqamiga pensiya tayinlangani yoki pensiya tayinlash rad etilgani toʻgʻrisida SMS-xabar yuboradi. Agar nogironligi boʻlgan shaxsning nomiga mobil telefon raqam rasmiylashtirilmagan boʻlsa, bu haqida Pensiya jamgʻarmasini xabardor qiladi.
Nogironligi boʻlgan shaxsning nomiga mobil telefon raqami rasmiylashtirilmagani toʻgʻrisidagi maʼlumotlar kelib tushganda, Pensiya jamgʻarmasi shaxsga pensiya tayinlangani yoki pensiya tayinlash rad etilgani toʻgʻrisidagi xabarni yashash joyi boʻyicha yetkazish uchun “Oʻzbekiston pochtasi” AJning elektron pochta joʻnatmalarining yagona milliy tizimiga yuboradi. “Oʻzbekiston pochtasi” AJ maʼlumotlar kelib tushganidan soʻng besh kun ichida nogironligi boʻlgan shaxsga pensiya tayinlangani yoki tayinlash rad etilgani toʻgʻrisidagi xabarnomani shaxsning yashash joyi boʻyicha yetkazib beradi hamda xabarnoma yetkazilganini tasdiqlovchi maʼlumotni Pensiya jamgʻarmasiga elektron shaklda yuboradi.
Nogironlik pensiyasi tayinlangan shaxs proaktiv shaklda tayinlangan nogironlik pensiya miqdoridan norozi boʻlganda yoki mehnat faoliyatini davom ettirib, nogironlik pensiyasiga keyinchalik chiqish yoxud boshqa pensiya va nafaqa tayinlaydigan organlardan pensiya olish istagini bildirganda, xabarnomani olganidan soʻng oʻn kun ichida Pensiya jamgʻarmasi boʻlimiga tashrif buyurgan holda, ushbu Nizomga 35-ilovaga muvofiq shakldagi arizani berish yoki Davlat xizmatlari markazlari yoxud YIDXP orqali ushbu Nizomga 36-ilovada belgilangan sxemaga muvofiq 37-ilovada belgilangan soʻrovnomani toʻldirgan holda tayinlangan pensiyani rad qilish huquqiga ega.
Nogironlik pensiyasi tayinlangan shaxs oʻn kun ichida ariza bermagan hollarda, proaktiv shaklda tayinlangan nogironlik pensiyasidan rozi deb qabul qilinadi va pensiyani toʻlash ushbu Nizom qoidalari asosida boshlanadi.
Keyinchalik shaxs pensiya tayinlashni soʻrab murojaat qilganda pensiya Qonun va ushbu Nizomda nazarda tutilgan pensiya tayinlash muddatlariga muvofiq tayinlanadi”.
16. 108-band quyidagi tahrirda bayon etilsin:
“108. Komissiya boshqa zarur hujjatlar bilan birgalikda pensiya va/yoki kompensatsiya pul toʻlovini tayinlash toʻgʻrisidagi ariza tushgandan keyin oʻn kun ichida tegishli qaror qabul qiladi (pensiya va/yoki kompensatsiya pul toʻlovini tayinlash, pensiya va/yoki kompensatsiya pul toʻlovini tayinlashni rad etish, taqdim etilgan hujjatlarning asoslanganini tekshirish va boshqalar toʻgʻrisida)”.
17. 110 va 111-bandlar quyidagi tahrirda bayon etilsin:
“110. Pensiya ishi komissiya tomonidan pensiya yoki kompensatsiya pul toʻlovini tayinlash toʻgʻrisida qaror qabul qilingan kun mobaynida rasmiylashtirilishi kerak.
Bunda pensiya yoki kompensatsiya pul toʻlovini tayinlash (qayta hisoblash, chegirma qilish va boshqalar) yoki rad etish toʻgʻrisidagi qarorni komissiya axborot tizimi orqali elektron shaklda har bir komissiya aʼzosi tomonidan mustaqil tarzda komissiya aʼzosi va uning qabul qilgan qarori toʻgʻrisidagi maʼlumotlarni oʻz ichiga olgan QR-kod (matrik shtrixli kod) bilan tasdiqlaydi.
Komissiya tomonidan pensiya yoki kompensatsiya pul toʻlovini tayinlash toʻgʻrisida qaror qabul qilinganida Pensiya jamgʻarmasi boʻlimi pensiya yoki kompensatsiya pul toʻlovi turi, pensiya yoki kompensatsiya pul toʻlovi miqdori, pensiya yoki kompensatsiya pul toʻlovini tayinlash muddati, pensiyaning yoki kompensatsiya pul toʻlovining toʻlov shakli va pensiya yoki kompensatsiya pul toʻlovini toʻlash sanasi toʻgʻrisida pensionerning pensiya yoki kompensatsiya pul toʻlovini tayinlash toʻgʻrisidagi arizasida yoki soʻrovnomada, shuningdek, koʻrsatilgan mobil telefon raqamiga SMS-xabar yoki shaxsiy kabinetiga xabarnoma yuboradi.
111. Pensiya yoki kompensatsiya pul toʻlovini tayinlash rad etilgan taqdirda, Pensiya jamgʻarmasi boʻlimi tegishli qaror chiqarilgandan keyin besh kundan kechiktirmay shaxsga rad etish sabablarini, qabul qilingan qaror yuzasidan shikoyat qilish tartibi koʻrsatilgan bildirishnomani berishi yoki yuborishi hamda barcha taqdim etilgan hujjatlarning asl nusxalarini hujjatlar olingani toʻgʻrisidagi tilxat bilan shaxsga (qonuniy vakilga) qaytarishi, shuningdek, shaxsning mobil telefon raqamiga rad etish sabablari, qabul qilingan qaror yuzasidan shikoyat qilish tartibi toʻgʻrisida SMS-xabar yuborilishi kerak.
Pensiya yoki kompensatsiya pul toʻlovini tayinlash toʻgʻrisidagi murojaat Davlat xizmatlari markazi yoki YIDXP orqali amalga oshirilganda, Pensiya jamgʻarmasi boʻlimi pensiya yoki kompensatsiya pul toʻlovini tayinlash rad etilgani, rad etish sabablari, qabul qilingan qaror yuzasidan shikoyat qilish tartibi toʻgʻrisida shaxsning soʻrovnomada koʻrsatilgan mobil telefon raqamiga yoki shaxsiy kabinetiga xabarnoma yuboradi.
Shaxs komissiya qaroridan norozi boʻlgan taqdirda, Pensiya jamgʻarmasi boʻlimining bevosita yuqori turuvchi organiga yoki sudga shikoyat qilish huquqiga ega”.
18. 125-bandda :
quyidagi mazmundagi ikkinchi xatboshi bilan toʻldirilsin:
“I va II guruh nogironlik pensiyasi tayinlanganidan keyin kamida 1 yil ish stajiga ega boʻlsa, ish staji va ish haqi inobatga olingan holda pensiyani har ikki yilda bir marotaba qayta hisoblash proaktiv shaklda ushbu Nizomning 125 1 -bandida belgilangan tartibda amalga oshiriladi. Bunda nogironlik pensiyasini qayta hisoblash axborot tizimda avtomatik tarzda roʻyxatdan oʻtkaziladi”;
ikkinchi — oltinchi xatboshilar tegishlicha uchinchi — yettinchi xatboshilar deb hisoblansin.
19. Quyidagi mazmundagi 125 1 -band bilan toʻldirilsin:
“125 1 . Nogironligi boʻlgan shaxsga nogironlik pensiyasi tayinlanganiga yoki qayta hisoblanganiga ikki yil boʻlganidan soʻng Pensiya jamgʻarmasi “Elektron hukumat” tizimining idoralararo integratsiyalashuv platformasi orqali nogironligi boʻlgan shaxsning orttirgan ish staji, ish haqi va jamgʻarib boriladigan pensiya badali toʻgʻrisidagi maʼlumotlarni aniqlash uchun “YAMMT” IDAKga, Jamgʻarib boriladigan pensiya tizimi va Fuqarolarning ish haqining yakka tartibdagi hisobini yuritishning markazlashtirilgan elektron reyestriga tegishliligi boʻyicha elektron soʻrov yuboradi. Shu bilan birga, Raqamli texnologiyalar vazirligining axborot tizimiga nogironligi boʻlgan shaxsning JSHSHIR maʼlumotlarini va pensiyani qayta hisoblash masalasi bir ish kuni ichida koʻrib chiqilishi toʻgʻrisidagi xabar matnini yuboradi.
Raqamli texnologiyalar vazirligi axborot tizimi orqali nogironligi boʻlgan shaxsning JSHSHIR maʼlumotlari asosida uning mobil telefon raqamiga (mavjud boʻlsa) pensiyani qayta hisoblash masalasi bir ish kuni ichida koʻrib chiqilishi toʻgʻrisida SMS-xabar yuboradi.
Oʻzbekiston Respublikasi Kambagʻallikni qisqartirish va bandlik vazirligi, AT “Xalq banki”, Soliq qoʻmitasi elektron soʻrov kelib tushganidan soʻng avtomatik tarzda Pensiya jamgʻarmasining axborot tizimiga nogironligi boʻlgan shaxsning ish staji va ish haqi toʻgʻrisidagi maʼlumotlarni yuboradi.
Pensiya jamgʻarmasi elektron maʼlumotlar kelib tushganidan soʻng bir ish kunida axborot tizimidagi mavjud oila aʼzolari tarkibi, ish staji, ish haqi, jamgʻarib boriladigan pensiya badali va ustama olish huquqini beradigan elektron maʼlumotlar asosida pensiya miqdorini qayta hisoblash toʻgʻrisida qaror qabul qiladi. Agarda nogironligi boʻlgan shaxsning pensiyasi qayta hisoblangandan soʻng uning orttirilgan ish staji, ish haqi va jamgʻarib boriladigan pensiya badali toʻgʻrisidagi maʼlumotlar kelib tushmaganda yoki orttirilgan ish staji bir yildan kam davrni tashkil qilganda yoxud pensiya miqdori amaldagi pensiya miqdoridan kam miqdorga qayta hisoblanganda avvalgi pensiya miqdorini oʻzgarishsiz qoldiradi.
Oʻzbekiston Respublikasi Raqamli texnologiyalar vazirligining axborot tizimiga nogironligi boʻlgan shaxsning JSHSHIR maʼlumotlarini va pensiya miqdori qayta hisoblangani yoki oʻzgarishsiz qolgani toʻgʻrisidagi xabar matnini yuboradi.
Oʻzbekiston Respublikasi Raqamli texnologiyalar vazirligi axborot tizimi orqali nogironligi boʻlgan shaxsning JSHSHIR maʼlumotlari asosida uning mobil telefon raqamiga (mavjud boʻlsa) pensiya miqdori qayta hisoblangani yoki oʻzgarishsiz qolgani toʻgʻrisida SMS-xabar yuboradi. Agar nogironligi boʻlgan shaxsning nomiga mobil telefon raqam rasmiylashtirilmagan boʻlsa, bu haqida Pensiya jamgʻarmasini xabardor qiladi.
Nogironligi boʻlgan shaxsning nomiga mobil telefon raqami rasmiylashtirilmagani toʻgʻrisidagi maʼlumotlar kelib tushganda Pensiya jamgʻarmasi pensiya miqdori qayta hisoblangani yoki oʻzgarishsiz qolgani toʻgʻrisidagi xabarni yetkazish uchun nogironligi boʻlgan shaxsning yashash joyi boʻyicha “Oʻzbekiston pochtasi” AJni elektron pochta joʻnatmalari yagona milliy tizimiga yuboradi. “Oʻzbekiston pochtasi” AJ maʼlumotlar kelib tushganidan soʻng besh kun ichida nogironligi boʻlgan shaxsga pensiya miqdori qayta hisoblangani yoki oʻzgarishsiz qolgani toʻgʻrisidagi xabarnomani shaxsning yashash joyi boʻyicha yetkazib beradi hamda xabarnoma yetkazilganini tasdiqlovchi maʼlumotni Pensiya jamgʻarmasiga elektron shaklda yuboradi.
Nogironlik pensiyasi qayta hisoblangan shaxs proaktiv shaklda qayta hisoblangan nogironlik pensiya miqdoridan norozi boʻlganda yoki mehnat faoliyatini davom ettirib, nogironlik pensiyasini qayta hisoblashni keyinchalik amalga oshirishni soʻrab, xabarnomani olganidan soʻng oʻn kun ichida Pensiya jamgʻarmasi boʻlimiga tashrif buyurgan holda, ushbu Nizomga 35-ilovaga muvofiq shakldagi arizani berish orqali qayta hisoblangan nogironlik pensiyasini rad qilish huquqiga ega.
Shaxs oʻn kun ichida ariza bermagan hollarda, proaktiv shaklda qayta hisoblangan nogironlik pensiyasidan rozi deb qabul qilinadi va qayta hisoblangan nogironlik pensiyasini toʻlash ushbu Nizom qoidalari asosida boshlanadi.
Keyinchalik shaxs nogironlik pensiyasini qayta hisoblashni soʻrab murojaat qilganda, nogironlik pensiyasi Qonun va ushbu Nizomda nazarda tutilgan qoidalar asosida qayta hisoblanadi”.
20. 126-bandning “j” kichik bandi quyidagi tahrirda bayon etilsin:
“j) I va II guruh nogironlik pensiyasi tayinlanganidan keyin kamida 1 yil ish stajiga ega boʻlsa, ish staji va ish haqi inobatga olingan holda, pensiya har ikki yilda bir marotaba proaktiv shaklda qayta hisoblab chiqiladi. Bunda pensiyani qayta hisoblash proaktiv shaklda qayta hisoblash sanasidagi Qonunning 17-moddasida belgilangan yoshga nisbatan talab qilingan ish stajidan kelib chiqqan holda amalga oshiriladi. Mazkur asos bilan pensiyani proaktiv shaklda qayta hisoblash imkoni boʻlmaganida, bu haqida pensionerga SMS-xabar yuborilib, umumiy tartibda murojaat qilish asosida ushbu Nizomning 127 — 137-bandlarida belgilangan tartibda qayta hisoblash amalga oshiriladi”.
21. 135-bandning birinchi xatboshisidagi “murojaat qilgan oydan keyingi oyning birinchi kunidan boshlab” soʻzlari “murojaat qilgan sanadan yoki nogironlik pensiyasi proaktiv shaklda qayta hisoblanayotgan sanadan keyingi oyning birinchi sanasidan boshlab” soʻzlari bilan almashtirilsin.
22. 138-bandning uchinchi xatboshisidagi “ish staj, ish haqi va ustama haq” soʻzlari “ish staji va ish haqi” soʻzlari bilan almashtirilsin.
23. Quyidagi mazmundagi 140 1 -band bilan toʻldirilsin:
“140 1 . Pensiyani yetkazib berish (topshirish) yuklangan tashkilot pensiya oluvchi shaxsga naqd pul koʻrinishdagi pensiyani quyidagi tartibda toʻlaydi:
pensiyani yetkazib berish (topshirish) yuklangan tashkilot xodimi maxsus planshet orqali pensiya oluvchi shaxsning yuzini biometrik identifikatsiyadan (Face-ID yoki qonunchilikka muvofiq boshqa elektron tasdiqlash usulidan) oʻtkazgan holda elektron maʼlumotlarni oladi;
olingan elektron maʼlumotlarni solishtirish maqsadida “Elektron hukumat” tizimining idoralararo integratsiyalashuv platformasi orqali Migratsiya va personallashtirish departamentining axborot tizimiga elektron soʻrov yuboradi;
Migratsiya va personallashtirish departamenti “Elektron hukumat” axborot tizimi orqali kelib tushgan elektron soʻrovga asosan pensiya oluvchi yuzining biometrik maʼlumotlarini axborot tizimidagi ushbu pensiya oluvchi yuzining biometrik elektron maʼlumotlari bilan solishtiradi hamda elektron maʼlumotlar oʻzaro mos kelgani yoki mos kelmagani toʻgʻrisidagi elektron maʼlumotlarni pensiyani yetkazib berish (topshirish) yuklangan tashkilotga “Elektron hukumat” axborot tizimi orqali yuboradi;
pensiya oluvchi yuzining biometrik elektron maʼlumotlari Migratsiya va personallashtirish departamentining axborot tizimidagi mavjud pensiya oluvchining elektron yuz biometrik maʼlumotlari bilan mos kelganda, pensiyani yetkazib berish (topshirish) yuklangan tashkilot tomonidan pensiya oluvchiga pensiya toʻlanadi.
Migratsiya va personallashtirish departamenti axborot tizimi orqali pensiya oluvchi yuzining biometrik elektron maʼlumotlari mos kelmagani toʻgʻrisida elektron maʼlumot kelib tushganda, pensiyani yetkazib berish (topshirish) yuklangan tashkilot tomonidan ushbu fuqaroga pensiya toʻlanmaydi. Bunda pensiyani yetkazib berish (topshirish) yuklangan tashkilot xodimi tomonidan pensiya oluvchi yuzining biometrik elektron maʼlumotlari takroran olinib, jarayon qayta amalga oshiriladi.
Quyidagi hollarda pensiya toʻlov qaydnoma (vedomost)larga elektron imzo qoʻyish orqali toʻlanadi (bunda toʻlov qaydnomasining qogʻoz shakli talab qilinmaydi):
pensiya oluvchi yuzining biometrik elektron maʼlumotlari maxsus planshet orqali olinib, Migratsiya va personallashtirish departamentining axborot tizimidagi mavjud pensiya oluvchi yuzining biometrik elektron maʼlumotlari bilan mos kelmagani toʻgʻrisida elektron maʼlumot kelib tushganda;
toʻlov amalga oshirilayotgan hududda maxsus planshet orqali internet tarmogʻiga ulanish imkoniyati mavjud boʻlmaganda;
toʻlov amalga oshirilayotgan hududda internet tarmogʻi tezligi tizimdagi pensiya oluvchi yuzining biometrik elektron maʼlumotlarini elektron shaklda solishtirish uchun talab etiladigan tezlikdan kam boʻlganda;
pensiya belgilangan tartibda rasmiylashtirilgan ishonchnomaga muvofiq boshqa shaxsga toʻlanganda (bunda ishonchnoma maxsus planshet orqali skaner qilinib, dasturga yuklangan holda elektron imzo qoʻyish orqali tasdiqlanadi);
pensiyani yetkazib berish (topshirish) yuklangan tashkilot pensiya toʻlangandan soʻng pensiya pensiya oluvchining yuzini biometrik identifikatsiya qilish orqali olingan elektron maʼlumotlarni solishtirish natijasida yoki toʻlov qaydnomasiga elektron imzo qoʻyish orqali toʻlangani toʻgʻrisida Pensiya jamgʻarmasining axborot tizimiga elektron shaklda maʼlumot yuboradi”.
24. 145-bandning ikkinchi xatboshisi quyidagi tahrirda bayon etilsin:
“pensiyani yetkazib berish (topshirish) yuklangan tashkilot uchun naqd pul koʻrinishida — har toʻlov oyining 2-sanasiga qadar shakllantiriladi va 3-sanasiga qadar taqdim etadi”.
25. 148-bandning beshinchi xatboshisidagi , 149-banddagi , 150-bandning birinchi , ikkinchi va toʻrtinchi xatboshilaridagi hamda 160-banddagi “tibbiy koʻrikdan” soʻzlari “TIEK koʻrigidan” soʻzlari bilan almashtirilsin.
26. 152-bandning toʻrtinchi xatboshisi “faxriy unvonlar uchun” soʻzlaridan keyin “, shu jumladan, Qoraqalpogʻiston Respublikasi faxriy unvoni egalariga” soʻzlari bilan toʻldirilsin.
27. 153-band quyidagi tahrirda bayon etilsin:
“153. Pensioner yoki kompensatsiya pul toʻlovini oluvchi shaxs doimiy yashash joyi boʻyicha roʻyxatga olinmagan boʻlsa va u faqat vaqtincha turgan joyi boʻyicha roʻyxatga olingan boʻlsa, pensiya, 100 yoshga toʻlgan va undan oshgan pensiya oluvchilarga qoʻshimcha toʻlov va/yoki kompensatsiya pul toʻlovi vaqtincha turgan joyi boʻyicha roʻyxatga olingan muddat mobaynida toʻlanadi. Shaxsga pensiya, 100 yoshga toʻlgan va undan oshgani uchun qoʻshimcha toʻlov hamda kompensatsiya pul toʻlovi yashash guvohnomasi yoki ID-kartasi amal qiladigan muddat davomida toʻlanadi.
Vaqtincha turgan joyi boʻyicha roʻyxatga olinganlik, yashash guvohnomasi yoki ID-kartaning amal qilish muddatining tugashi bilan vaqtincha turgan joyi boʻyicha roʻyxatga olish, yashash guvohnomasi yoki ID-kartaning keyingi sanasi oʻrtasida uzilish mavjud boʻlgan taqdirda, Pensiya jamgʻarmasi boʻlimi tomonidan pensiya, 100 yoshga toʻlgan va undan oshgani uchun qoʻshimcha toʻlov hamda kompensatsiya pul toʻlovini toʻlash vaqtincha turgan joyi boʻyicha roʻyxatga olish, yashash guvohnomasi yoki ID-kartaning yangi sanasidan boshlab davom ettiriladi. Bunda pensiya, 100 yoshga toʻlgan va undan oshgani uchun qoʻshimcha toʻlov hamda kompensatsiya pul toʻlovini toʻlash pensiya, 100 yoshga toʻlgan va undan oshgani uchun qoʻshimcha toʻlov va/yoki kompensatsiya pul toʻlovi toʻlash toʻxtatilgan paytdan boshlab Qonunning 59-moddasida belgilangan muddat asosida davom ettiriladi”.
28. 156 — 159-bandlar quyidagi tahrirda bayon etilsin:
“156. Pensionerga yoki kompensatsiya pul toʻlovini oluvchi shaxsga hisoblab chiqarib qoʻyilgan, lekin uning tomonidan oʻz vaqtida talab qilib olinmagan pensiya hamda kompensatsiya pul toʻlovi uni olish maqsadida murojaat etilgan sanadan Qonunning 59-moddasida belgilangan muddat asosida toʻlanadi.
Pensiya jamgʻarmasi boʻlimining aybi bilan oʻz vaqtida olinmay qolgan pensiya hamda kompensatsiya pul toʻlovi oʻtgan davr uchun muddati cheklanmagan holda toʻlanadi.
Bunda oʻtgan davr uchun toʻlovlar bir yoʻla tegishli oylar uchun hisoblab chiqarib qoʻyilgan va olinmagan pensiyaning hamda kompensatsiya pul toʻlovi summalariga mos miqdorda toʻlanadi.
157. Pensiya yoki kompensatsiya pul toʻlovini oluvchi shaxs Oʻzbekiston Respublikasi doirasida doimiy yashash uchun boshqa tuman (shahar)ga koʻchgan taqdirda, avvalgi yashash joyidagi Pensiya jamgʻarmasi boʻlimi elektron soʻrov kelib tushgan Pensiya jamgʻarmasi boʻlimiga pensiya yoki kompensatsiya pul toʻloviga oid hujjatlar yigʻmajildini shu kunning oʻzida axborot tizim orqali yoki bir kun muddatda pochta orqali yuboradi.
Pensiya oluvchi shaxs bir tuman (shahar) hududida, shuningdek, Oʻzbekiston Respublikasi hududi doirasida boshqa tuman (shahar)ga doimiy yashash uchun koʻchib ketganda, pensiya yoki kompensatsiya pul toʻlovi avvalgi yashash joyi boʻyicha shaxs roʻyxatdan chiqarilgan oyning oxirigacha toʻlanadi.
Ushbu holatda pensiyani yoki kompensatsiya pul toʻlovini toʻlash pensiya yoki kompensatsiya pul toʻloviga oid hujjatlar yigʻmajildi axborot tizimi orqali kelib tushgandan soʻng pensiya yoki kompensatsiya pul toʻlovini oluvchi shaxsning yangi yashash joyi boʻyicha Pensiya jamgʻarmasi boʻlimi tomonidan davom ettiriladi. Bunda pensiyani yoki kompensatsiya pul toʻlovi toʻlash uning oldingi yashash joyi boʻyicha pensiya yoki kompensatsiya pul toʻlovi toʻlash toʻxtatilgan vaqtdan boshlab, biroq u hisobga qoʻyish maqsadida murojaat etgan kundan Qonunning 59-moddasida belgilangan muddat asosida davom ettiriladi.
158. Tayinlangan pensiya yoki kompensatsiya pul toʻlovini toʻlash:
pensioner yoki kompensatsiya pul toʻlovini oluvchi shaxs vafot etganda;
pensioner yoki shaxsning tayinlangan pensiya yoki kompensatsiya pul toʻlovini olishga huquqlari yoʻqolganda;
pensioner yoki kompensatsiya pul toʻlovini oluvchi shaxs xorijiy davlatda boʻlgan davrida pensiya (ijtimoiy nafaqa) olgani aniqlanganda;
pensioner yoki kompensatsiya pul toʻlovini oluvchi shaxs doimiy yashash uchun Oʻzbekiston Respublikasi tashqarisiga chiqib ketganda toʻxtatiladi.
159. Tayinlangan pensiya yoki kompensatsiya pul toʻlovini toʻlash:
pensiya yoki kompensatsiya pul toʻlovini toʻlash muddati tamom boʻlganda;
pensioner Oʻzbekiston Respublikasi tashqarisiga chiqib uch oydan ortiq vaqt mobaynida Oʻzbekiston Respublikasiga qaytib kelmaganida (mazkur Nizomning 147-bandida belgilangan tartibda ishonchnoma orqali yoki xorijiy davlatda boʻlgan naqd pulsiz shaklda pensiya oluvchilar bundan mustasno);
muddatidan oldin tayinlangan yoshga doir pensiya oluvchi ishga kirganida;
ketma-ket uch oydan ortiq vaqt mobaynida pensiyani yetkazib berish (topshirish) yuklangan tashkilot orqali pensiya yoki kompensatsiya pul toʻlovi olinmaganda;
pensioner ozodlikdan mahrum etilganda (manzil-koloniyalarda jazoni oʻtayotgan shaxslar bundan mustasno);
kompensatsiya pul toʻlovini oluvchi shaxs ozodlikdan mahrum etilganda;
pensioner yoki kompensatsiya pul toʻlovini oluvchi shaxs ruhiy holati buzilgan shaxslar uchun Ijtimoiy qoʻllab-quvvatlash markazlarida yashaganda;
pensiyani toʻlashni toʻxtatib turish toʻgʻrisida pensioner ariza yoki soʻrovnoma orqali murojaat qilganida;
pensioner yoki kompensatsiya pul toʻlovini oluvchi shaxs surishtiruv, tergov organlaridan va suddan yashirinib yurgan, jinoiy jazoni oʻtashdan boʻyin tovlayotgani uchun qidirishga eʼlon berilganda, bedarak yoʻqolganda;
ishonchnoma bergan yoki xorijiy davlatda boʻlgan naqd pulsiz shaklda pensiya oluvchi shaxs unga tayinlangan pensiyaga boʻlgan huquqni tasdiqlash uchun belgilangan muddatda kelmaganda toʻxtatib turiladi.
Tayinlangan pensiya yoki kompensatsiya pul toʻlovini toʻlash qonunchilikda nazarda tutilgan boshqa hollarda ham toʻxtatib turiladi.
Pensiya yoki kompensatsiya pul toʻlovini toʻlash pensioner, kompensatsiya pul toʻlovini oluvchi shaxs yoki uning qonuniy vakili Pensiya jamgʻarmasi boʻlimiga kelib, ariza taqdim etgach, shuningdek, shaxsini tasdiqlovchi hujjatni koʻrsatgandan soʻng tiklanadi.
Pensioner xorijiy davlatda boʻlib, Oʻzbekiston Respublikasiga kelish imkoniyatiga ega boʻlmagan holatlarda pensioner Oʻzbekiston Respublikasining chet eldagi diplomatik vakolatxonasi yoki konsullik muassasasiga pensiya toʻlovini tiklash yuzasidan murojaat etishi va xorijiy davlat hududida doimiy yashash holati mavjud emasligini, shuningdek, pensiya yoki ijtimoiy nafaqa olmasligini tasdiqlashi lozim.
Pensionerning sud hukmi boʻyicha ozodlikdan mahrum etish joylarida (manzil-koloniyalardan tashqari) boʻlgan vaqti uchun pensiya toʻlanmaydi. Pensioner yoki kompensatsiya pul toʻlovini oluvchi shaxs ozod boʻlgandan keyin pensiya yoki kompensatsiya pul toʻlovi uni tiklash uchun Pensiya jamgʻarmasi boʻlimiga ariza berilgan kundan boshlab tiklanadi.
Pensioner ozodlikdan mahrum etilganda, pensiya sudning qonuniy hukmi kuchga kirgan oydan keyingi oyning birinchi sanasidan boshlab toʻxtatib turiladi.
Manzil-koloniyada jazoni oʻtayotgan, ozodlikdan mahrum etishga hukm qilingan pensionerning jazo turi oʻzgargan taqdirda, manzil-koloniya maʼmuriyati jazo turi oʻzgargan kunning oʻzida Pensiya jamgʻarmasi boʻlimiga bu haqda xabar berishi lozim. Pensiya jamgʻarmasi boʻlimi manzil-koloniya maʼmuriyati tomonidan berilgan maʼlumot asosida pensiya toʻlovini toʻxtatib turadi”.
29. 162-band quyidagi tahrirda bayon etilsin:
“162. Pensionerga yoki kompensatsiya pul toʻlovini oluvchi shaxsga berilishi kerak boʻlgan va uning vafoti munosabati bilan olinmay qolgan pensiya, 100 yoshga toʻlgan va undan oshgan pensiya oluvchilarga qoʻshimcha toʻlov yoki kompensatsiya pul toʻlovi summasi meros tarkibiga kiritilmaydi va boquvchisini yoʻqotganlik pensiyasi bilan taʼminlanadigan shaxslar doirasiga tegishli oila aʼzolariga toʻlanadi. Ota-onalar, eri (xotini), shuningdek, pensioner yoki shaxs vafot etgan kunda u bilan birga yashagan oila aʼzolari, agar ular boquvchisini yoʻqotganlik boʻyicha pensiya bilan taʼminlanadiganlar doirasiga kirmagan taqdirda ham, ushbu summalarni olish huquqiga ega.
Pensioner yoki kompensatsiya pul toʻlovini oluvchi shaxs vafoti munosabati bilan olinmay qolgan pensiya, 100 yoshga toʻlgan va undan oshgan pensiya oluvchilarga qoʻshimcha toʻlov yoki kompensatsiya pul toʻlovi koʻrsatib oʻtilgan oila aʼzolariga vafot etgan oy uchun toʻliq miqdorda toʻlanadi. Bunda pensioner yoki shaxs vafot etgan oy uchun bank plastik kartasiga kirim qilingan mablagʻlar vafot etgan pensionerning yoki shaxsning oila aʼzolariga qayta toʻlanmaydi va Pensiya jamgʻarmasiga qaytarilmaydi.
Oilaning bir necha aʼzolari olinmay qolgan pensiya yoki kompensatsiya pul toʻlovi uchun murojaat qilgan taqdirda, ularga berilishi kerak boʻlgan pensiya yoki kompensatsiya pul toʻlovi ular oʻrtasida teng taqsimlanadi.
Koʻrsatib oʻtilgan pensiya yoki kompensatsiya pul toʻlovini olish uchun pensioner yoki shaxs vafot etganidan soʻng oltmish kundan kechikmay murojaat qilingan taqdirda toʻlanadi”.
30. 187-bandda :
quyidagi mazmundagi oʻn birinchi xatboshi bilan toʻldirilsin:
“Pensiyalarni proaktiv shaklda tayinlash, nogironlik pensiyasini proaktiv shaklda qayta hisoblash va kompensatsiya pul toʻlovini proaktiv shaklda tayinlash axborot tizimida avtomatik tarzda roʻyxatga olinadi. Bunda shaxsning maʼlumotlari vazirlik va idoralar tomonidan axborot tizimi tomonidan yuborilgan soʻrovga muvofiq olingan maʼlumotlar asosida shakllanadi”;
oʻn birinchi — oʻn toʻqqizinchi xatboshilar tegishlicha oʻn ikkinchi — yigirmanchi xatboshilar deb hisoblansin;
oʻn ikkinchi — oʻn toʻrtinchi xatboshilar quyidagi tahrirda bayon etilsin:
“Axborot tizimida arizalarni roʻyxatga olishda raqamlash avtomatik tarzda amalga oshiriladi.
Axborot tizimida shaxsning arizasini rasmiylashtirishda quyidagi maʼlumotlar shuʼba mudiri tomonidan kiritiladi:
ariza beruvchining shaxsga doir va identifikatsiya qilish mumkin boʻlgan maʼlumotlari, shu jumladan, jismoniy shaxsning shaxsiy identifikatsiya raqami”.
31. 187 1 -band quyidagi tahrirda bayon etilsin:
“187 1 . Kompensatsiya pul toʻlovlarini tayinlash toʻgʻrisidagi ariza ushbu Nizomga 24-ilovaga muvofiq shaklda Pensiya jamgʻarmasi boʻlimiga topshiriladi yoki pochta orqali yuboriladi.
Pensiya yoki kompensatsiya pul toʻlovlarini tayinlash uchun pochta orqali yuborilgan ariza va hujjatlar shuʼba mudiri tomonidan qabul qilinadi va axborot tizimida rasmiylashtirilib, roʻyxatdan oʻtkaziladi.
Shaxs pensiya yoki kompensatsiya pul toʻlovini tayinlashni soʻrab Pensiya jamgʻarmasi boʻlimiga bevosita kelib murojaat qilganda, shuʼba mudiri u tomonidan taqdim etilgan hujjatlar va koʻrsatmalar asosida axborot tizimida shaxs toʻgʻrisidagi maʼlumotlarni kiritgan holda ushbu Nizomga 22 va 24-ilovalarga muvofiq shakldagi arizani shakllantiradi.
Arizada keltirilgan maʼlumotlar pensiya yoki kompensatsiya pul toʻlovini tayinlash uchun murojaat qiluvchi shaxs tomonidan tekshiriladi. Arizadagi maʼlumotlarda xato yoki kamchiliklar aniqlangan taqdirda, shuʼba mudiri mazkur xato yoki kamchiliklarni bartaraf etgan holda arizani qayta shakllantiradi.
Shaxs arizadagi maʼlumotlar toʻgʻri shakllantirilganini bildirganidan soʻng shuʼba mudiri ariza shaxs tomonidan berilganini tasdiqlash maqsadida shaxsning yuzini biometrik identifikatsiyadan (Face-ID yoki qonunchilikka muvofiq boshqa elektron tasdiqlash usulidan) oʻtkazgan holda elektron maʼlumotlarni oladi.
Olingan elektron maʼlumotlarni solishtirish maqsadida “Elektron hukumat” axborot tizimi orqali Migratsiya va personallashtirish departamentining axborot tizimiga elektron soʻrov yuboradi.
Migratsiya va personallashtirish departamenti axborot tizim orqali kelib tushgan elektron soʻrovga asosan pensiya yoki kompensatsiya pul toʻlovi tayinlash uchun murojaat qilgan shaxs yuzining biometrik maʼlumotlarini axborot tizimidagi mavjud shaxs yuzining biometrik elektron maʼlumotlari bilan solishtiradi hamda elektron maʼlumotlar oʻzaro mos kelgani yoki mos kelmagani toʻgʻrisidagi elektron maʼlumotlarni Pensiya jamgʻarmasiga “Elektron hukumat” axborot tizimi orqali yuboradi.
Pensiya yoki kompensatsiya pul toʻlovini tayinlash uchun murojaat qilgan shaxs yuzining biometrik elektron maʼlumotlari Migratsiya va personallashtirish departamentining axborot tizimidagi mavjud ushbu shaxs yuzining biometrik maʼlumotlari bilan mos kelganda, ariza beruvchi yuzining biometrik elektron maʼlumotlari Migratsiya va personallashtirish departamentining axborot tizimidagi maʼlumotlar bilan tasdiqlangani toʻgʻrisidagi maʼlumotlarni oʻz ichiga olgan QR-kod (matrik shtrixli kod) bilan tasdiqlanadi.
Shuʼba mudiri shaxsning arizasini Pensiya jamgʻarmasining boʻlimi boshligʻiga hujjatlarni koʻrib chiqish va tegishli koʻrsatma (rezolyutsiya) berish uchun axborot tizimi orqali yuboradi. Hujjatlar axborot tizimiga yuklanganidan soʻng ariza avtomatik tarzda axborot tizimida qayd etiladi.
Quyidagi hollarda ariza shaxs tomonidan imzo qoʻyish, shu jumladan, faksimil imzo qoʻyish orqali tasdiqlanadi:
ariza beruvchi shaxs yuzining biometrik elektron maʼlumotlari maxsus qurilma orqali olinib, Migratsiya va personallashtirish departamentining axborot tizimidagi mavjud pensiya oluvchi yuzining biometrik elektron maʼlumotlari bilan mos kelmagani toʻgʻrisida elektron maʼlumot kelib tushganda;
ariza berilayotgan Pensiya jamgʻarmasi boʻlimida internet tarmogʻiga ulanish imkoniyati mavjud boʻlmaganda;
ariza berilayotgan Pensiya jamgʻarmasi boʻlimida internet tarmogʻi tezligi tizimdagi pensiya oluvchi yuzining biometrik elektron maʼlumotlarini elektron shaklda solishtirish uchun talab etiladigan tezlikdan kam boʻlganda.
Shuʼba mudiri taqdim etilgan hujjatlarning asl nusxalarini shaxsga qaytaradi hamda unga arizaning tegishli qismini qirqib olgan holda, hujjatlar qabul qilingani toʻgʻrisida tilxat beradi.
Shaxsning pensiyaga boʻlgan huquqi mavjud boʻlmasa, ushbu Nizomda belgilangan qoidalar asosida komissiya tegishli qarorni qabul qiladi va pensiya tayinlash uchun taqdim qilingan hujjatlar bilan birga pensiya tayinlashni rad qilish toʻgʻrisidagi qaror hamda xabarnomani shaxsga qaytaradi yoki yuboradi.
Shaxs tomonidan pensiya va kompensatsiya pul toʻlovlarini tayinlash toʻgʻrisidagi ariza va unga ilova qilingan hujjatlar pochta orqali yuborilganda, shuʼba mudiri shaxsning arizasi va unga ilova qilingan hujjatlarni axborot tizimiga kiritadi va rasmiylashtiradi.
Bunda yuborilgan hujjatlarning asl nusxalari pensiya va kompensatsiya pul toʻlovlarini tayinlash toʻgʻrisida qaror qabul qilinganidan soʻng qaytariladi.
Shuʼba mudiri shaxsning arizasi va unga ilova qilingan hujjatlarning elektron nusxalarini axborot tizimiga yuklaydi hamda Pensiya jamgʻarmasi boʻlimi boshligʻiga hujjatlarni koʻrib chiqish va tegishli koʻrsatma (rezolyutsiya) berish uchun axborot tizimi orqali yuboradi. Hujjatlar axborot tizimiga yuklanganidan soʻng ariza avtomatik tarzda axborot tizimida qayd etiladi.
Boʻlim boshligʻi ariza va boshqa hujjatlar bilan tanishib chiqib, axborot tizimi orqali oʻz koʻrsatmasini (rezolyutsiyasini) berganidan soʻng axborot tizimida pensiyaga oid hujjatlar yigʻmajildi shakllanib, avtomatik tarzda raqam beriladi va hujjatlar shuʼba mutaxassisiga ijro uchun yuboriladi.
Shuʼba mudiri lavozimi mavjud boʻlmagan Pensiya jamgʻarmasi boʻlimlarida ushbu vazifalar shuʼba mutaxassisi tomonidan amalga oshiriladi”.
32. 187 3 va 187 5 -bandlarning birinchi xatboshilaridan “uy-joy-kommunal xizmatlari uchun” soʻzlari chiqarib tashlansin;
33. 187 4 -band quyidagi tahrirda bayon etilsin:
“Komissiya qarori qabul qilinganidan soʻng bu haqda shu kunning oʻzida shaxsga xabar beriladi.
Komissiyaning pensiya yoki kompensatsiya pul toʻlovini tayinlashni rad etish, tekshirish oʻtkazish va qoʻshimcha hujjatlarni taqdim etish zarurligi, ortiqcha toʻlangan summalarni pensiyadan yoki kompensatsiya pul toʻlovidan chegirib qolish toʻgʻrisidagi qarorlari, shuningdek, arizalarni koʻrib chiqishda qabul qilingan boshqa qarorlar ham axborot tizimida tasdiqlanadi hamda axborot tizimida avtomatik tarzda qayd etiladi. Bunda shuʼba mutaxassisi tomonidan besh kun muddatda shaxsga rad etish sabablari va boshqa asoslovchi maʼlumotlarni koʻrsatgan holda yozma xabarnoma yoki arizada koʻrsatilgan mobil telefon raqamga SMS-xabar yuboriladi”.
34. 14-ilova “Ariza beruvchining imzosi __________” soʻzlaridan keyin “QR-kod” bloki bilan toʻldirilsin.
35. 21 va 22-ilovalar quyidagi tahrirda bayon etilsin:
“Davlat pensiyalarini tayinlash va toʻlash tartibi toʻgʻrisidagi nizomga 21-ILOVA
Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi _______ boʻlimi komissiyasining pensiya miqdoridan yoki kompensatsiya pul toʻlovidan chegirma qilish haqidagi
202_ yil “___” _______ _______ son Pensiyaga oid hujjatlar yigʻmajildi raqami ___________________________________________ Pensiya (kompensatsiya pul toʻlovi) turi ________________________________________________ Pensiya (kompensatsiya pul toʻlovi) oluvchining yashash joyi ________________________________ Shaxs ___________________________________________________________________________ ga (F.I.O.) 202___ yil “____” ___________ dan, 202___ yil “____” ___________ gacha boʻlgan davr uchun _________________________________________________________________________________________ __________________________________________________________________________________ sababli _____ soʻm _________ tiyin miqdorda ortiqcha toʻlov hisoblandi. Oʻzbekiston Respublikasining “Fuqarolarning davlat pensiya taʼminoti toʻgʻrisida”gi Qonuni 65-moddasiga muvofiq 202_ yil ________ oyidan ortiqcha toʻlov boʻyicha qarzdorligi tugagunga qadar oylik toʻloviga __ foiz miqdorida chegirma qoʻyilsin. Komissiya raisi: ________________________________________ (F.I.O.) QR-kod Komissiya aʼzolari: _____________________________________ (F.I.O.) QR-kod _________________ _____________________________________ (F.I.O.) QR-kod _________________ _____________________________________ (F.I.O.) QR-kod _________________ _____________________________________ (F.I.O.) QR-kod
Davlat pensiyalarini tayinlash va toʻlash tartibi toʻgʻrisidagi nizomga 22-ILOVA
Ariza blanki namunasi
Old tomoni QR-kod Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi ___________ (respublika, viloyat, shahar) ____________ tuman/shahar boʻlimi boshligʻiga (rahbar koʻrsatmasi) Fuqaro ___________________________________________________________________________ (F.I.O.) Manzili ________________________________________________________________________________ Tugʻilgan sanasi ____ pasport (identifikatsiyalovchi ID-karta) seriyasi ___ raqami __________ Berilgan vaqti __________ ____________________ tomonidan berilgan. Telefon raqami _____________________ ARIZA Menga qonunchilik hujjatlariga asosan yoshga, nogironlikka, boquvchisini yoʻqotganlikka doir pensiya tayinlashingizni (qayta hisoblash, tiklash, boshqa turdagi pensiyaga oʻtkazish, ulushini ajratish, yashash manzili oʻzgargani munosabati bilan hisobga qoʻyish) soʻrayman (keraklisining tagiga chizilsin). Pensiyani hisoblab chiqarish uchun ish haqini ( oxirgi oʻn yillik mehnat faoliyati davomidagi istalgan ketma-ket besh yildagi ) ______ yil ____ oyidan ______ yil ____ oyigacha olishingizni soʻrayman. Sizga shuni maʼlum qilamanki, menga avvallari pensiya (nafaqa) boshqa asoslarga koʻra yoki boshqa muassasa tomonidan tayinlanmagan, tayinlangan (keraklisining tagiga chizilsin). Hozirgi kunda ishlayman/ishlamayman ( keraklisining tagiga chizilsin ). Ish joyi ________________________________________________________ Menga pensiya naqd pul shaklida, tijorat bankining plastik (bank) kartasi, manzil-koloniya (keraklisining tagiga chizilsin ) orqali toʻlansin. Qonunchilik hujjatlariga asosan har xil turdagi pensiya (nafaqa) olish huquqiga ega boʻlgan shaxsga faqatgina bitta turdagi pensiya olish mumkinligi hamda pensiya (nafaqa) tayinlash muddati toʻgʻrisida tanishdim. Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi _______________ tuman/shahar boʻlimini toʻliq davlat taʼminotiga oʻtgani, oila aʼzolari tarkibi oʻzgargani, yashash joyi oʻzgargani, ishga joylashgani kabi oʻzgarishlar sodir boʻlganda oʻz vaqtida xabardor qilish majburiyatini olaman. Taqdim etilgan hujjatlarning haqqoniyligini kafolatlayman. Ish staji va ish haqi toʻgʻrisidagi maʼlumotlarni Xalq banki filialiga shaxsiy jamgʻarilib boriladigan pensiya hisobvaragʻiga (SHJBPH) kiritilgan jamgʻarib boriladigan majburiy pensiya badallari orqali, shuningdek, pensiya va nafaqaga oid shaxsiy maʼlumotlarimni tegishli tashkilot va idoralar orqali, shu jumladan, transchegaraviy uzatish orqali tekshirishga rozilik beraman. 202 _ yil “____”________ Ariza beruvchi imzosi ________ QR-kod Pasport (identifikatsiyalovchi ID-karta) maʼlumotlari va taqdim etilgan hujjatlar tekshirildi. Ariza va unga ilova qilingan hujjatlar 202__ yil “__”______ qabul qilindi va ___-son bilan qayd etildi. QR-kod Pensiya tayinlash uchun yetishmayotgan hujjatlar Hujjat taqdim etishning soʻnggi sanasi Ariza beruvchi __________ Qabul qiluvchi _______ QR-kod QR-kod
Orqa tomoni Arizaga ilova qilingan hujjatlar roʻyxati Qoʻshimcha taqdim etilgan hujjatlar roʻyxati T/r Hujjat nomi Soni Sanasi T/r Hujjat nomi Soni Sanasi 1. 1. 2. 2. 3. 3. Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi _____________________ tuman/shahar boʻlimi pensiya tayinlash boʻyicha komissiyasining 202 _ yil “___” ________ dagi _____-son qarorining qisqacha mazmuni. _________________________________________________________________________________________ _________________________________________________________________________________________ _________________________________________________________________________________________ _________________________________________________________________________________________ M.Oʻ. Komissiya raisi: ____________________________________ (F.I.O.) QR-kod Komissiya aʼzolari: ____________________________________ (F.I.O.) QR-kod _________________ ____________________________________ (F.I.O.) QR-kod _________________ ____________________________________ (F.I.O.) QR-kod _________________ ____________________________________ (F.I.O.) QR-kod ------------------------------------------ kesish chizigʻi ------------------------------------------ QR-kod Pasport (identifikatsiyalovchi ID-karta) maʼlumotlari va taqdim etilgan hujjatlar tekshirildi. Ariza va unga ilova qilingan hujjatlarni 202_ yil “__” _________da qabul qilindi va _________-son bilan qayd etildi. Pensiya tayinlash uchun yetishmayotgan hujjatlar Oxirgi hujjatni taqdim etish sanasi hujjat nomi taqdim etish sanasi Ariza beruvchi imzosi _______ QR-kod Qabul qiluvchi imzosi _________ QR-kod ” .
36. 24-ilova quyidagi tahrirda bayon etilsin:
“Davlat pensiyalarini tayinlash va toʻlash tartibi toʻgʻrisidagi nizomga 24-ILOVA
Kompensatsiya pul toʻlovi tayinlash boʻyicha ariza blank namunasi QR-kod Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi ____________ (respublika, viloyat, shahar) _____________ tuman/shahar boʻlimi boshligʻiga (rahbar koʻrsatmasi) Fuqaro ___________________________________________________________________________ (F.I.O.) Manzili ________________________________________________________________________________ Tugʻilgan sanasi ___pasport (identifikatsiyalovchi ID-karta) seriyasi __ raqami Berilgan vaqti _________ ______________________ tomonidan berilgan. Telefon raqami _______________________ ARIZA Men ________________________ shaxslar toifasiga kirishim munosabati bilan uy-joy-kommunal xizmatlar toʻlovi uchun kompensatsiya toʻlovlarini tayinlashingizni soʻrayman. Men ____________________________________________________ Sizga shuni maʼlum qilamanki, ______________________________________________________________________________ (kerakli maʼlumot koʻrsatiladi) Taqdim etilgan hujjatlarning haqqoniyligini kafolatlayman. 202_ yil “__” ___________ Ariza beruvchi _________ QR-kod QR-kod Pasport (identifikatsiyalovchi ID-karta) maʼlumotlari va taqdim etilgan hujjatlar tekshirildi. Ariza ilova qilingan hujjatlar bilan 202_ yil “__” ______da qabul qilindi va _________-son bilan qayd etildi. Ariza beruvchi _____ Qabul qiluvchi ____ QR-kod QR-kod Arizaga ilova qilingan hujjatlar roʻyxati T/r Hujjat nomi Soni Sanasi 1. 2. 3. ” .
37. 26-ilova quyidagi tahrirda bayon etilsin:
“Davlat pensiyalarini tayinlash va toʻlash tartibi toʻgʻrisidagi nizomga 26-ILOVA
QR-kod Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi ____________ (respublika, viloyat, shahar) _____________ tuman/shahar boʻlimi boshligʻiga (rahbar koʻrsatmasi) Fuqaro____________________________________________________________________________ (F.I.O.) Manzili ________________________________________________________________________________ Tugʻilgan sanasi ______ pasport (identifikatsiyalovchi ID-karta) seriyasi _____ raqami ____________. Berilgan vaqti _________ ______________________ tomonidan berilgan. Telefon raqami _______________________ ARIZA Menga toʻlanib kelayotgan ____________ pensiyani 202_ yil “___” _______ dan boshlab toʻxtatib turishingizni soʻrayman. 202_ yil “__” ________ Ariza beruvchi imzosi ____________ QR-kod ”.
38. quyidagi mazmundagi 34 — 37-ilovalar bilan toʻldirilsin:
“Davlat pensiyalarini tayinlash va toʻlash tartibi toʻgʻrisidagi nizomga 34-ILOVA
Koʻrish qobiliyati boʻyicha I guruh nogironligi boʻlgan shaxsga proaktiv shaklda kompensatsiya pul toʻlovi tayinlash uchun Oʻzbekiston Respublikasi Prezidenti huzuridagi Ijtimoiy himoya milliy agentligi tomonidan Pensiya jamgʻarmasiga yuboriladigan
I. Koʻrish qobiliyati boʻyicha I guruh nogironligi boʻlgan shaxsning qonuniy vakili toʻgʻrisida maʼlumot 1. F.I.O: 2. Jismoniy shaxsning shaxsiy identifikatsiya raqami (JSHSHIR): 3. Telefon raqami va elektron pochta manzili: 4. Hudud nomi: 5. Tuman/shahar nomi: 6. Yashash joyi: 7. Qarindoshlik darajasi (ota, ona, vasiy yoki homiy): II. Koʻrish qobiliyati boʻyicha I guruh nogironligi boʻlgan shaxsning maʼlumotlari (maʼlumotlar toʻliq yozilishi shart): 1. Koʻrish qobiliyati boʻyicha I guruh nogironligi boʻlgan shaxsning F.I.O: 2. Koʻrish qobiliyati boʻyicha I guruh nogironligi boʻlgan shaxsning shaxsiy identifikatsiya raqami (JSHSHIR): 3. Koʻrish qobiliyati boʻyicha I guruh nogironligi boʻlgan shaxsning “TIEK” axborot tizimidagi oʻziga xos raqami: 4. Koʻrish qobiliyati boʻyicha I guruh nogironligi boʻlgan shaxsga nogironlik belgilangan sana: 5. Koʻrish qobiliyati boʻyicha I guruh nogironligi boʻlgan shaxsga TIEK koʻrigi natijalariga koʻra belgilangan nogironlik muddati: 6. Koʻrish qobiliyati boʻyicha I guruh nogironligi boʻlgan shaxsni qayta TIEK koʻrigidan oʻtkazish muddati: 7. Koʻrish qobiliyati boʻyicha I guruh nogironligi boʻlgan shaxsni TIEKning koʻrigidan oʻtkazish dalolatnomasining raqami va berilgan sana:
Davlat pensiyalarini tayinlash va toʻlash tartibi toʻgʻrisidagi nizomga 35-ILOVA
Proaktiv shaklda tayinlangan (qayta hisoblangan) pensiyalarni rad qilish toʻgʻrisidagi
QR-kod Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi _____________________ (shahar, viloyat, respublika) _______________________ tumani/shahar boʻlimi boshligʻi __________________________ ga (rahbar koʻrsatmasi) Fuqaro _________________________________________________________________________dan (F.I.O.) Yashash joyi________________________________________________________________ Tugʻilgan sanasi ____ pasport (identifikatsiyalovchi ID-karta) seriyasi _____ raqami _______________ Berilgan vaqti ______ _____________ tomonidan berilgan. Telefon raqami ___________________________ ARIZA Menga proaktiv shaklda tayinlangan (qayta hisoblangan) yoshga doir, nogironlik pensiyasini yoki kompensatsiya pul toʻlovini rad qilishingizni soʻrayman. (keraklisining tagiga chizilsin). Qonunchilik hujjatlariga asosan pensiya va kompensatsiya pul toʻlovini tayinlash (qayta hisoblash) muddatlari bilan tanishtirildim. 202 _ yil “__” _________ Ariza beruvchi imzosi _______ QR-kod
Davlat pensiyalarini tayinlash va toʻlash tartibi toʻgʻrisidagi nizomga 36-ILOVA
Proaktiv shaklda tayinlangan pensiyani rad etish yuzasidan davlat xizmatini koʻrsatish
Bosqichlar Subyektlar Mexanizm Bajarish muddatlari 1-bosqich Murojaat qiluvchi (shaxs yoki uning qonuniy vakili) 1. Proaktiv shaklda tayinlangan pensiyani rad etish yuzasidan Davlat xizmatlari markaziga kelib murojaat qiladi. 2. Yagona interaktiv davlat xizmatlari portalidan roʻyxatdan oʻtgan holda proaktiv shaklda tayinlangan pensiyani rad etish boʻyicha soʻrovnoma shaklini toʻldiradi. Proaktiv shaklda pensiya tayinlangani haqidagi xabarni olganidan soʻng 10 kun ichida 2-bosqich Davlat xizmatlari markazi 1. Soʻrovnomani toʻldirib, elektron shaklda Iqtisodiyot va moliya vazirligi huzuridagi budjetdan tashqari Pensiya jamgʻarmasi boʻlimiga yuboradi. Soʻrovnoma toʻldirilgandan soʻng 5 daqiqa ichida Yagona interaktiv davlat xizmatlari portali 2. Soʻrovnomani Pensiya jamgʻarmasi boʻlimiga yuboradi. Avtomatik tarzda 3-bosqich Iqtisodiyot va moliya vazirligi huzuridagi budjetdan tashqari Pensiya jamgʻarmasi boʻlimi 1. Qonuniy vakil shaxsning vasiysi yoki homiysi ekanini oʻrganish uchun Ijtimoiy himoya milliy agentligining “Yagona milliy ijtimoiy himoya” axborot tizimiga elektron shaklda soʻrov yuboradi. 2. Axborot tizimida fuqaroga proaktiv shaklda tayinlangan pensiya holatini oʻrganadi. Soʻrovnoma kelib tushganidan soʻng 5 daqiqa ichida 4-bosqich Iqtisodiyot va moliya vazirligi huzuridagi budjetdan tashqari Pensiya jamgʻarmasi boʻlimi 1. Proaktiv shaklda tayinlangan pensiyani rad etish toʻgʻrisida qaror qabul qiladi. 1. 1 kun ichida. 2. Proaktiv shaklda tayinlangan pensiya rad etilgani toʻgʻrisida elektron shakldagi maʼlumotlarni Davlat xizmatlari markaziga yuboradi. 2. Qaror qabul qilingandan soʻng 5 daqiqa ichida. 3. Yagona interaktiv davlat xizmatlari portali orqali proaktiv shaklda tayinlangan pensiyani rad etish uchun murojaat qilgan fuqaroning mobil telefon raqamiga pensiya tayinlash rad etilgani hamda kelgusida pensiya tayinlash yuzasidan murojaat qilish tartibi haqidagi SMS-xabar yoki shaxsiy kabinetiga xabar yuboradi. 3. Qaror qabul qilingandan soʻng 5 daqiqa ichida. 5-bosqich Davlat xizmatlari markazi Proaktiv shaklda tayinlangan pensiya rad etilgani hamda kelgusida u yuzasidan murojaat qilish tartibi toʻgʻrisida murojaat qiluvchini xabardor qiladi. Maʼlumot olinganidan soʻng 5 daqiqa ichida
Davlat pensiyalarini tayinlash va toʻlash tartibi toʻgʻrisidagi nizomga 37-ILOVA
Proaktiv shaklda tayinlangan pensiyani rad etish boʻyicha
I. Murojaat qiluvchi toʻgʻrisida maʼlumotlar: 1. Familiyasi 2. Ismi 3. Otasining ismi 4. Tugʻilgan sanasi 5. Pasport (identifikatsiyalovchi ID-karta) seriyasi va raqami 6. Jismoniy shaxsning shaxsiy identifikatsiya raqami 7. Mahalla fuqarolar yigʻini nomi 8. Telefon raqami 9. Pensiya tayinlagan tuman/shahar Pensiya jamgʻarmasi boʻlimi II. Pensiyani rad etish sababi Faoliyatni davom ettirish Pensiya miqdoridan norozi III. Murojaat qonuniy vakil tomonidan berilganda toʻldiriladi Qonuniy vakil haqidagi maʼlumotlar: 1. Familiyasi 2. Ismi 3. Otasining ismi 4. Tugʻilgan sanasi 5. Pasport (identifikatsiyalovchi ID-karta) seriyasi va raqami 6. Jismoniy shaxsning shaxsiy identifikatsiya raqami 7. Yashash joyi 8. Vakillik uchun asos boʻlgan hujjat 9. Telefon raqami IV. Pensiyani rad etish sababi Faoliyatni davom ettirish Pensiya miqdoridan norozi ” .
Oʻzbekiston Respublikasining Bosh vaziri A. ARIPOV
Toshkent sh.,
2025-yil 18-avgust,
518-son