📅 2025-yil 31-iyul · Vazirlik va idoralar hujjatlari · Ichki ishlar vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 31 июль · Вазирлик ва идоралар ҳужжатлари · Ички ишлар вазири
Расмий матн. Расмий ҳужжат. Таҳририй изоҳлар киритилмаган.
📅 31 июля 2025 г. · Документы министерств и ведомств · Министр внутренних дел
Официальный текст. Официальный документ. Редакционные примечания не включены.
📅 31 July 2025 · Ministry and agency documents · Ichki ishlar vaziri
Official text. Official document. Editorial notes are not included.
Ўзбекистон Республикаси Ички ишлар вазирининг
буйруғи
«Озодликдан маҳрум этишга ҳукм қилинган, наркологик касалликка (сурункали алкоголизм, гиёҳвандлик, заҳарвандлик) йўлиққан шахсларга нисбатан тиббий йўсиндаги мажбурлов чораларини қўллаш тартиби тўғрисидаги низомни тасдиқлаш ҳақида»ги буйруққа ўзгартириш ва қўшимчалар киритиш тўғрисида
Ўзбекистон Республикасининг «Наркологик касалликлар профилактикаси ва уларни даволаш тўғрисида»ги Қонунига мувофиқ буюраман:
1. Ўзбекистон Республикаси ички ишлар вазирининг 2014 йил 3 майдаги 65-сон «Озодликдан маҳрум этишга ҳукм қилинган, наркологик касалликка (сурункали алкоголизм, гиёҳвандлик, заҳарвандлик) йўлиққан шахсларга нисбатан тиббий йўсиндаги мажбурлов чораларини қўллаш тартиби тўғрисидаги низомни тасдиқлаш ҳақида»ги буйруғига (рўйхат рақами 2591, 2014 йил 3 июнь) (Ўзбекистон Республикаси қонун ҳужжатлари тўплами, 2014 й., 23-сон, 275-модда) иловага мувофиқ ўзгартириш ва қўшимчалар киритилсин.
2. Мазкур буйруқ Ўзбекистон Республикаси Соғлиқни сақлаш вазирлиги билан келишилган.
3. Ушбу буйруқ расмий эълон қилинган кундан эътиборан кучга киради.
Келишилди:
Ўзбекистон Республикаси ички ишлар вазирининг 2025 йил 31 июлдаги 427-сон буйруғига ИЛОВА
«Озодликдан маҳрум этишга ҳукм қилинган, наркологик касалликка (сурункали алкоголизм, гиёҳвандлик, заҳарвандлик) йўлиққан шахсларга нисбатан тиббий йўсиндаги мажбурлов чораларини қўллаш тартиби тўғрисидаги низомни тасдиқлаш ҳақида»ги буйруққа киритилаётган ўзгартириш ва қўшимчалар
1. Буйруқ муқаддимаси қуйидаги таҳрирда баён этилсин:
«Ўзбекистон Республикаси Жиноят-ижроия кодексига мувофиқ буюраман:».
2. Низомда :
1) низом муқаддимаси қуйидаги таҳрирда баён этилсин:
«Мазкур Низом озодликдан маҳрум этишга ҳукм қилинган, наркологик касалликка (сурункали алкоголизм, гиёҳвандлик, заҳарвандлик) йўлиққан шахсларга (бундан буён матнда ҳукм қилинган шахслар деб юритилади) нисбатан тиббий йўсиндаги мажбурлов чораларини қўллаш тартибини белгилайди.»;
2) қуйидаги мазмундаги 3 1 -банд билан тўлдирилсин:
«3 1 . Тиббий йўсиндаги мажбурлов чоралари қўлланилган ҳукм қилинган шахслар мажбурий даволанишда бўлиши даврида даволаш мақсадида ва уларнинг жисмоний ҳолати ҳисобга олинган ҳолда, шунингдек тиббий кўрсатмаларга мувофиқ уларга нисбатан меҳнат терапияси қўлланилади.»;
3) 4-банд қуйидаги таҳрирдаги иккинчи ва учинчи хатбошилар билан тўлдирилсин:
«Умумий, қаттиқ ва махсус тартибли колонияларда жазо муддатини ўтаётган ҳукм қилинган шахсларга тиббий йўсиндаги мажбурлов чоралари даволаш ҳуқуқи асосидаги колониялар ва маҳкумлар учун ихтисослашган касалхонада амалга оширилади.
Манзил-колонияларида жазо муддатини ўтаётган ҳукм қилинган шахсларга тиббий йўсиндаги мажбурлов чоралари мажбурий даволаш учун мўлжалланган наркология муассасаларида амалга оширилади.»;
4) 7-банд қуйидаги таҳрирда баён этилсин:
«7. Тиббий йўсиндаги мажбурлов чоралари қўллашга ҳукм қилинган шахсларни текшириш ва даволаш Ўзбекистон Республикаси Соғлиқни сақлаш вазирлиги томонидан белгиланган стандартлар ва клиник баённомаларга мувофиқ амалга оширилади.
Ҳукм қилинган шахсни мажбурий даволаш давомийлиги ўн саккиз ойдан ошмаслиги керак.»;
5) 10-банд қуйидаги таҳрирда баён этилсин:
«10. Стационар даволаниш учун ётқизилган алкоголизм билан касалланган ҳукм қилинган шахсларнинг наркологик стационар бўлимидаги минимал даволаниш муддати қирқ беш кундан, гиёҳванд ёки заҳарвандларни эса олтмиш кундан кам бўлмаслиги лозим.
Ҳар бир ҳукм қилинган шахсга тиббий карта (касаллик тарихи) тўлдирилади, унга ҳукм қилинган шахс тўғрисидаги маълумотлар киритилади.»;
6) 11-банддаги «тегишли даволаш ишлари амалга оширилади.» деган сўзлар «тегишли даволаш, шу жумладан тиббий-ижтимоий реабилитация ишлари амалга оширилади.» деган сўзлар билан алмаштирилсин;
7) 12-бандда :
қуйидаги мазмундаги биринчи — учинчи хатбошилар билан тўлдирилсин:
«12. Тиббий йўсиндаги мажбурлов чоралари қўлланилган ҳукм қилинган шахслар билан тегишли даволаш ишларини ташкил этиш ҳамда самарали тиббий-ижтимоий реабилитацияни йўлга қўйиш мақсадида жазони ижро этиш муассасаси раҳбарининг буйруғи билан доимий фаолият юритадиган тиббий комиссия (бундан буён матнда тиббий комиссия деб юритилади) ташкил этилади.
Тиббий комиссия таркиби ички ишлар органлари ходимлари орасидан камида беш кишидан иборат таркибда шакллантирилади.
Бунда, жазони ижро этиш муассасаси даволаш-профилактика ёрдамини кўрсатиш бўлими бошлиғи тиббий комиссия раиси ҳамда шифокор-нарколог, шифокор-психиатр ва шифокор-терапевтлари комиссия аъзолари ҳисобланади.»;
биринчи хатбоши тўртинчи хатбоши деб ҳисоблансин;
8) 17-банд қуйидаги таҳрирда баён этилсин:
«17. Мажбурий даволаш курси тугалланмаган ҳукм қилинган шахс жазони ижро этиш муассасасидан озод этилган тақдирда, ушбу муассаса маъмурияти ҳукм қилинган шахс яшайдиган манзилдаги наркология муассасаси ҳамда ички ишлар органларини мазкур Низомнинг иловасига мувофиқ қуйидаги муддатларда хабардор қилади:
суд тайинлаган жазо муддатини ўтаб бўлганлиги муносабати билан озод этилишидан ўн кун олдин;
жазодан муддатидан илгари шартли озод қилиш, жазони енгилроғи билан алмаштириш, амнистия акти ёки афв этиш муносабати билан озод этилган кундан бошлаб уч кун ичида.
Бунда, наркология муассасасига ҳукм қилинган шахснинг тиббий амбулатор картасидан кўчирма ҳам юборилади.
Хабарноманинг бир нусхасини Ўзбекистон Республикаси Ички ишлар вазирлиги ҳузуридаги Жазони ижро этиш департаменти Тиббиёт бўлимига юборилади.»;
9) Мазкур ўзгартириш ва қўшимчаларнинг иловасига мувофиқ таҳрирдаги илова билан тўлдирилсин.
Озодликдан маҳрум этишга ҳукм қилинган, наркологик касалликка (сурункали алкоголизм, гиёҳвандлик, заҳарвандлик) йўлиққан шахсларга нисбатан тиббий йўсиндаги мажбурлов чораларини қўллаш тартиби тўғрисидаги низомга киритилаётган ўзгартириш ва қўшимчаларга ИЛОВА
«Озодликдан маҳрум этишга ҳукм қилинган, наркологик касалликка (сурункали алкоголизм, гиёҳвандлик, заҳарвандлик) йўлиққан шахсларга нисбатан тиббий йўсиндаги мажбурлов чораларини қўллаш тартиби тўғрисидаги низомга ИЛОВА
____________________________ (шаҳар ёки вилоят) ИИБ Жамоат хавфсизлиги хизмати пробация бўлими бошлиғига ____________________________ (шаҳар ёки вилоят) наркология диспансери бош шифокорига Ўзбекистон Республикаси ИИВ ҳузуридаги Жазони ижро этиш департаментнинг Тиббиёт бўлими бошлиғига ХАБАРНОМА ____ йил «___» _________ да туғилган, Ўзбекистон Республикаси Жиноят кодексининг ____________ _________________________________-моддаси(лари) билан ____ йил ____ ой муддатга озодликдан маҳрум этишга ҳукм қилинган __________________________ ______________________________________ ҳукм қилинган шахсга Ўзбекистон Республикаси Жиноят кодексининг 96-моддасига биноан тиббий йўсиндаги мажбурлов чоралари қўллаш белгиланган. Ҳукм қилинган шахс ________________ __________ ____йил «___» ____________ куни жазони ижро этиш муассасасидан ___________________________ асосида озод этилган. Ҳукм қилинган шахс ____________________________ _________________________ қамоққа олинишдан аввал _________________________________________ _______________________________________________________________________ манзилда яшаган. ________________________________ жазо муддатини ўтаётган даврида наркологик касалликдан мажбурий даволаш курсини тугатмаганлиги ва ___________ _________________ (шаҳар ёки вилоят) наркология муассасасида мажбурий даволашни давом этиш лозимлиги маълум қилинади. ___-сон ______ бошлиғи ______________ __________________________ (имзо) (Ф.И.О.) » .
Вазир А. ТАШПУЛАТОВ
Соғлиқни сақлаш вазири А. ХУДАЯРОВ
Тошкент ш.,
2025 йил 31 июль
2025 йил 9 июль
427-сон
Oʻzbekiston Respublikasi Ichki ishlar vazirining
buyrugʻi
“Ozodlikdan mahrum etishga hukm qilingan, narkologik kasallikka (surunkali alkogolizm, giyohvandlik, zaharvandlik) yoʻliqqan shaxslarga nisbatan tibbiy yoʻsindagi majburlov choralarini qoʻllash tartibi toʻgʻrisidagi nizomni tasdiqlash haqida”gi buyruqqa oʻzgartirish va qoʻshimchalar kiritish toʻgʻrisida
Oʻzbekiston Respublikasining “Narkologik kasalliklar profilaktikasi va ularni davolash toʻgʻrisida”gi Qonuniga muvofiq buyuraman:
1. Oʻzbekiston Respublikasi ichki ishlar vazirining 2014-yil 3-maydagi 65-son “Ozodlikdan mahrum etishga hukm qilingan, narkologik kasallikka (surunkali alkogolizm, giyohvandlik, zaharvandlik) yoʻliqqan shaxslarga nisbatan tibbiy yoʻsindagi majburlov choralarini qoʻllash tartibi toʻgʻrisidagi nizomni tasdiqlash haqida”gi buyrugʻiga (roʻyxat raqami 2591, 2014-yil 3-iyun) (Oʻzbekiston Respublikasi qonun hujjatlari toʻplami, 2014-y., 23-son, 275-modda) ilovaga muvofiq oʻzgartirish va qoʻshimchalar kiritilsin.
2. Mazkur buyruq Oʻzbekiston Respublikasi Sogʻliqni saqlash vazirligi bilan kelishilgan.
3. Ushbu buyruq rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi ichki ishlar vazirining 2025-yil 31-iyuldagi 427-son buyrugʻiga ILOVA
“Ozodlikdan mahrum etishga hukm qilingan, narkologik kasallikka (surunkali alkogolizm, giyohvandlik, zaharvandlik) yoʻliqqan shaxslarga nisbatan tibbiy yoʻsindagi majburlov choralarini qoʻllash tartibi toʻgʻrisidagi nizomni tasdiqlash haqida”gi buyruqqa kiritilayotgan oʻzgartirish va qoʻshimchalar
1. Buyruq muqaddimasi quyidagi tahrirda bayon etilsin:
“Oʻzbekiston Respublikasi Jinoyat-ijroiya kodeksiga muvofiq buyuraman:”.
2. Nizomda :
1) nizom muqaddimasi quyidagi tahrirda bayon etilsin:
“Mazkur Nizom ozodlikdan mahrum etishga hukm qilingan, narkologik kasallikka (surunkali alkogolizm, giyohvandlik, zaharvandlik) yoʻliqqan shaxslarga (bundan buyon matnda hukm qilingan shaxslar deb yuritiladi) nisbatan tibbiy yoʻsindagi majburlov choralarini qoʻllash tartibini belgilaydi.”;
2) quyidagi mazmundagi 3 1 -band bilan toʻldirilsin:
“3 1 . Tibbiy yoʻsindagi majburlov choralari qoʻllanilgan hukm qilingan shaxslar majburiy davolanishda boʻlishi davrida davolash maqsadida va ularning jismoniy holati hisobga olingan holda, shuningdek tibbiy koʻrsatmalarga muvofiq ularga nisbatan mehnat terapiyasi qoʻllaniladi.”;
3) 4-band quyidagi tahrirdagi ikkinchi va uchinchi xatboshilar bilan toʻldirilsin:
“Umumiy, qattiq va maxsus tartibli koloniyalarda jazo muddatini oʻtayotgan hukm qilingan shaxslarga tibbiy yoʻsindagi majburlov choralari davolash huquqi asosidagi koloniyalar va mahkumlar uchun ixtisoslashgan kasalxonada amalga oshiriladi.
Manzil-koloniyalarida jazo muddatini oʻtayotgan hukm qilingan shaxslarga tibbiy yoʻsindagi majburlov choralari majburiy davolash uchun moʻljallangan narkologiya muassasalarida amalga oshiriladi.”;
4) 7-band quyidagi tahrirda bayon etilsin:
“7. Tibbiy yoʻsindagi majburlov choralari qoʻllashga hukm qilingan shaxslarni tekshirish va davolash Oʻzbekiston Respublikasi Sogʻliqni saqlash vazirligi tomonidan belgilangan standartlar va klinik bayonnomalarga muvofiq amalga oshiriladi.
Hukm qilingan shaxsni majburiy davolash davomiyligi oʻn sakkiz oydan oshmasligi kerak.”;
5) 10-band quyidagi tahrirda bayon etilsin:
“10. Statsionar davolanish uchun yotqizilgan alkogolizm bilan kasallangan hukm qilingan shaxslarning narkologik statsionar boʻlimidagi minimal davolanish muddati qirq besh kundan, giyohvand yoki zaharvandlarni esa oltmish kundan kam boʻlmasligi lozim.
Har bir hukm qilingan shaxsga tibbiy karta (kasallik tarixi) toʻldiriladi, unga hukm qilingan shaxs toʻgʻrisidagi maʼlumotlar kiritiladi.”;
6) 11-banddagi “tegishli davolash ishlari amalga oshiriladi.” degan soʻzlar “tegishli davolash, shu jumladan tibbiy-ijtimoiy reabilitatsiya ishlari amalga oshiriladi.” degan soʻzlar bilan almashtirilsin;
7) 12-bandda :
quyidagi mazmundagi birinchi — uchinchi xatboshilar bilan toʻldirilsin:
“12. Tibbiy yoʻsindagi majburlov choralari qoʻllanilgan hukm qilingan shaxslar bilan tegishli davolash ishlarini tashkil etish hamda samarali tibbiy-ijtimoiy reabilitatsiyani yoʻlga qoʻyish maqsadida jazoni ijro etish muassasasi rahbarining buyrugʻi bilan doimiy faoliyat yuritadigan tibbiy komissiya (bundan buyon matnda tibbiy komissiya deb yuritiladi) tashkil etiladi.
Tibbiy komissiya tarkibi ichki ishlar organlari xodimlari orasidan kamida besh kishidan iborat tarkibda shakllantiriladi.
Bunda, jazoni ijro etish muassasasi davolash-profilaktika yordamini koʻrsatish boʻlimi boshligʻi tibbiy komissiya raisi hamda shifokor-narkolog, shifokor-psixiatr va shifokor-terapevtlari komissiya aʼzolari hisoblanadi.”;
birinchi xatboshi toʻrtinchi xatboshi deb hisoblansin;
8) 17-band quyidagi tahrirda bayon etilsin:
“17. Majburiy davolash kursi tugallanmagan hukm qilingan shaxs jazoni ijro etish muassasasidan ozod etilgan taqdirda, ushbu muassasa maʼmuriyati hukm qilingan shaxs yashaydigan manzildagi narkologiya muassasasi hamda ichki ishlar organlarini mazkur Nizomning ilovasiga muvofiq quyidagi muddatlarda xabardor qiladi:
sud tayinlagan jazo muddatini oʻtab boʻlganligi munosabati bilan ozod etilishidan oʻn kun oldin;
jazodan muddatidan ilgari shartli ozod qilish, jazoni yengilrogʻi bilan almashtirish, amnistiya akti yoki afv etish munosabati bilan ozod etilgan kundan boshlab uch kun ichida.
Bunda, narkologiya muassasasiga hukm qilingan shaxsning tibbiy ambulator kartasidan koʻchirma ham yuboriladi.
Xabarnomaning bir nusxasini Oʻzbekiston Respublikasi Ichki ishlar vazirligi huzuridagi Jazoni ijro etish departamenti Tibbiyot boʻlimiga yuboriladi.”;
9) Mazkur oʻzgartirish va qoʻshimchalarning ilovasiga muvofiq tahrirdagi ilova bilan toʻldirilsin.
Ozodlikdan mahrum etishga hukm qilingan, narkologik kasallikka (surunkali alkogolizm, giyohvandlik, zaharvandlik) yoʻliqqan shaxslarga nisbatan tibbiy yoʻsindagi majburlov choralarini qoʻllash tartibi toʻgʻrisidagi nizomga kiritilayotgan oʻzgartirish va qoʻshimchalarga ILOVA
“Ozodlikdan mahrum etishga hukm qilingan, narkologik kasallikka (surunkali alkogolizm, giyohvandlik, zaharvandlik) yoʻliqqan shaxslarga nisbatan tibbiy yoʻsindagi majburlov choralarini qoʻllash tartibi toʻgʻrisidagi nizomga ILOVA
____________________________ (shahar yoki viloyat) IIB Jamoat xavfsizligi xizmati probatsiya boʻlimi boshligʻiga ____________________________ (shahar yoki viloyat) narkologiya dispanseri bosh shifokoriga Oʻzbekiston Respublikasi IIV huzuridagi Jazoni ijro etish departamentning Tibbiyot boʻlimi boshligʻiga XABARNOMA ____ yil “___” _________ da tugʻilgan, Oʻzbekiston Respublikasi Jinoyat kodeksining ____________ _________________________________-moddasi(lari) bilan ____ yil ____ oy muddatga ozodlikdan mahrum etishga hukm qilingan __________________________ ______________________________________ hukm qilingan shaxsga Oʻzbekiston Respublikasi Jinoyat kodeksining 96-moddasiga binoan tibbiy yoʻsindagi majburlov choralari qoʻllash belgilangan. Hukm qilingan shaxs ________________ __________ ____yil “___” ____________ kuni jazoni ijro etish muassasasidan ___________________________ asosida ozod etilgan. Hukm qilingan shaxs ____________________________ _________________________ qamoqqa olinishdan avval _________________________________________ _______________________________________________________________________ manzilda yashagan. ________________________________ jazo muddatini oʻtayotgan davrida narkologik kasallikdan majburiy davolash kursini tugatmaganligi va ___________ _________________ (shahar yoki viloyat) narkologiya muassasasida majburiy davolashni davom etish lozimligi maʼlum qilinadi. ___-son ______ boshligʻi ______________ __________________________ (imzo) (F.I.O.) ” .
Vazir A. TASHPULATOV
Sogʻliqni saqlash vaziri A. XUDAYAROV
Toshkent sh.,
2025-yil 31-iyul
2025-yil 9-iyul
427-son