📅 2025-yil 21-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 21 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 августа 2025 г. · Постановления Президента
Официальный текст. Официальный документ. Редакционные примечания не включены.
📅 21 August 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Замонавий ахборот технологияларидан фойдаланган ҳолда амалга ошириладиган инвестиция фаолиятини тартибга солиш чора-тадбирлари тўғрисида
Мамлакатимизда замонавий ахборот технологияларидан фойдаланган ҳолда инвестиция фаолиятини амалга оширишнинг ҳуқуқий асосларини шакллантириш, соҳада самарали назорат механизмларини яратиш орқали инвесторлар ҳуқуқлари ҳимоясини таъминлаш ҳамда бизнесни молиялаштиришда қўшимча имкониятлар яратиш мақсадида қарор қиламан:
I. Мақсадлар
1. Ушбу қарорни қабул қилишдан кўзланган асосий мақсад этиб аҳолидан инвестиция лойиҳаларига маблағларни жалб қилиш бўйича оммалашиб бораётган амалиётни ҳуқуқий жиҳатдан тартибга солиш, фуқаролар ҳуқуқ ва манфаатлари ишончли ҳимоя қилинишини таъминлаш, шунингдек, инвестиция фаолиятини замонавий ахборот технологияларидан фойдаланган ҳолда амалга оширишнинг шаффоф ва ишончли механизмларини жорий этиш белгилансин.
II. Инвестицияларни жалб қилишнинг муқобил шакллари
2. 2025 йил 1 октябрдан 2026 йил 1 октябрга қадар инвестиция платформаларидан «Тартибга солиш қумдони» махсус ҳуқуқий режимида (кейинги ўринларда — махсус ҳуқуқий режим) қуйидаги йўналишларда фойдаланишга рухсат берилсин:
(а) қимматли қоғозларни жойлаштириш ва сотиб олишда;
(б) венчур ва пай фондларини молиялаштиришда;
(в) коммандит ширкатларга ҳисса киритишда.
3. Махсус ҳуқуқий режим доирасида:
(а) юридик шахс ҳисобланган тадбиркорлик субъектлари инвестиция жалб этишни талаб этадиган лойиҳаларини ҳамда улушга эга бўлиш орқали тадбиркорлик фаолиятида иштирок этишга оид таклифларини инвестиция платформаларида жойлаштиришга ҳақли;
(б) инвесторлар инвестиция платформаларида эълон қилинган инвестиция лойиҳаларини танлаш ва уларга маблағ киритиш орқали инвестиция фаолиятини амалга ошириш ҳамда шу орқали фойда олиш ҳуқуқига эга;
(в) инвестиция платформалари орқали амалга ошириладиган лойиҳалар инвестиция ва бошқарув компаниялари орқали ҳам бошқарилиши мумкин.
4. Шундай тартиб ўрнатилсинки, унга кўра инвестиция платформаси орқали киритилган инвестициялар рақамли электрон гувоҳномалар билан тасдиқланади ва инвестицияларни жалб этувчи шахс номидан инвестиция платформалари орқали тақдим этилади.
5. Инвестиция платформалари оператори (кейинги ўринларда — платформа оператори) учун қуйидаги талаблар белгилансин:
(а) резидент юридик шахс мақомига эга бўлиши;
(б) ваколатли давлат органи томонидан юритиладиган махсус электрон реестрга киритилган бўлиши;
(в) ўз фаолиятини ваколатли давлат органи томонидан белгиланадиган қоидаларга мувофиқ амалга ошириши;
(г) инвестиция платформаси орқали расмийлаштирилган шартномалар реестрини юритиши.
6. Белгилаб қўйилсинки, инвестицияларни жалб этувчи шахслар инвестиция лойиҳалари ёки таклифлари билан бир вақтда қуйидагиларни инвестиция платформасига жойлаштириши шарт:
(а) инвестиция жалб этувчи шахсларда тўловга қобилиятсизлик аломатлари мавжуд эмаслиги ҳамда улар томонидан ўтган молия йили давомида солиқ ва бухгалтерия қонунчилигига риоя этилгани тўғрисидаги аудиторлик ташкилотининг хулосаси;
(б) инвестиция лойиҳасини амалга ошириш, уни бошқаришда иштирок этиш ҳамда инвестицияни қайтариб олиш тартиби, киритилган инвестиция қаерга йўналтирилиши ҳамда у орқали инвестор бевосита ёки билвосита эга бўладиган мулк ҳақидаги маълумот, инвесторнинг ҳуқуқ ва мажбуриятлари ҳамда хавф-хатарлар юзасидан ахборот.
7. Белгилансинки:
(а) инвесторлар томонидан инвестиция платформаси орқали киритилган маблағлар гаров объекти ҳисобланмайди ва бошқа мақсадларда фойдаланилмайди, шунингдек, платформа операторлари ва учинчи шахслар томонидан ва уларнинг фойдасига ундирилмайди, бундан суд қарори асосида амалга ошириладиган ҳолатлар мустасно;
(б) жисмоний ва юридик шахсларга, шу жумладан, норезидентларга инвестиция платформалари орқали инвестиция киритишга рухсат берилади;
(в) инвестиция платформалари орқали жалб этиладиган маблағлар фақат Ўзбекистон Республикаси ҳудудида амалга ошириладиган инвестиция лойиҳаларига йўналтирилади;
(г) инвестиция платформалари орқали киритилган инвестициялар қайтарилиши ва рентабеллиги учун тўлиқ жавобгарлик инвестицияларни жалб этувчи шахс зиммасига юкланади;
(д) инвестиция платформалари орқали инвестиция фаолиятини амалга оширган инвесторлар, улуш ёки ҳиссага эга бўлган юридик ва жисмоний шахслар тегишлича « Акциядорлик жамиятлари ва акциядорларнинг ҳуқуқларини ҳимоя қилиш тўғрисида »ги, « Хўжалик ширкатлари тўғрисида »ги қонунлар ҳамда бошқа қонунчилик ҳужжатларида белгиланган ҳуқуқ ва мажбуриятларга эга бўладилар ва ҳуқуқий ҳимоя воситаларидан тўлиқ фойдаланадилар;
(ж) инвестиция платформалари иштирокчиларининг ҳуқуқ ҳамда мажбуриятларини белгилаш, ўзгартириш ва тўхтатиш «ақлли шартномалар» (smart contract) ёрдамида амалга оширилиши мумкин.
8. Истиқболли лойиҳалар миллий агентлиги платформа операторлари фаолияти соҳасида тартибга солиш ва рухсат бериш тартиб-таомилларини амалга ошириш бўйича ваколатли давлат органи этиб белгилансин.
9. Истиқболли лойиҳалар миллий агентлиги:
(а) платформа операторларининг фаолиятига рухсат бериш ва уларнинг фаолиятини амалга ошириш тартиб-таомилларини белгилайди;
(б) инвестиция платформалари ва платформа операторларининг электрон реестрларини юритади;
(в) инвестиция платформалари ва платформа операторлари фаолияти устидан назоратни амалга оширади.
10. Белгилансинки:
(а) инвестиция платформалари орқали инвестиция киритишга оид битимлар электрон шаклда тузилади ва инвестиция платформаларидан олинган маълумотлар асосида қўшимча ҳужжатларсиз реал вақт режимида Тадбиркорлик субъектлари ягона давлат реестрига тегишли ёзув киритилади;
(б) улуш эгаси ва ҳиссадорлар таркиби ўзгариши юзасидан инвестиция платформаларидаги маълумотлар асосида Тадбиркорлик субъектлари ягона давлат реестрига тегишли ёзув киритилган кундан бошлаб уч ой ичида коммандит ширкатлар таъсис ҳужжатларига киритилган ўзгартириш ва қўшимчалар давлат рўйхатидан ўтказилиши лозим.
III. Қарор ижросини ташкил этиш, таъминлаш ва назорат
11. Истиқболли лойиҳалар миллий агентлиги:
2025 йил 1 октябрга қадар платформа операторларининг фаолиятига рухсат бериш ва уларнинг фаолиятини амалга ошириш тартиб-таомилларини тасдиқласин;
2027 йил 1 январга қадар Адлия вазирлиги билан биргаликда махсус ҳуқуқий режим доирасида эришилган натижалар асосида инвестиция платформаларини хорижий тажрибани инобатга олган ҳолда жорий этиш тўғрисида Вазирлар Маҳкамасига таклифлар киритсин.
12. Рақамли технологиялар вазирлиги, Истиқболли лойиҳалар миллий агентлиги, Адлия вазирлиги платформа операторлари билан биргаликда инвестиция платформалари «Электрон ҳукумат» тизими идоралараро интеграциялашув платформасига интеграция қилинишини ва реал вақт режимида ахборот алмашувини таъминласин.
13. Мазкур қарор ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Ходжаев ва Истиқболли лойиҳалар миллий агентлиги директори Д.Р. Ли белгилансин.
14. Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклатилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 21 август,
ПҚ-255-сон
Oʻzbekiston Respublikasi Prezidentining
qarori
Zamonaviy axborot texnologiyalaridan foydalangan holda amalga oshiriladigan investitsiya faoliyatini tartibga solish chora-tadbirlari toʻgʻrisida
Mamlakatimizda zamonaviy axborot texnologiyalaridan foydalangan holda investitsiya faoliyatini amalga oshirishning huquqiy asoslarini shakllantirish, sohada samarali nazorat mexanizmlarini yaratish orqali investorlar huquqlari himoyasini taʼminlash hamda biznesni moliyalashtirishda qoʻshimcha imkoniyatlar yaratish maqsadida qaror qilaman:
I. Maqsadlar
1. Ushbu qarorni qabul qilishdan koʻzlangan asosiy maqsad etib aholidan investitsiya loyihalariga mablagʻlarni jalb qilish boʻyicha ommalashib borayotgan amaliyotni huquqiy jihatdan tartibga solish, fuqarolar huquq va manfaatlari ishonchli himoya qilinishini taʼminlash, shuningdek, investitsiya faoliyatini zamonaviy axborot texnologiyalaridan foydalangan holda amalga oshirishning shaffof va ishonchli mexanizmlarini joriy etish belgilansin.
II. Investitsiyalarni jalb qilishning muqobil shakllari
2. 2025-yil 1-oktabrdan 2026-yil 1-oktabrga qadar investitsiya platformalaridan “Tartibga solish qumdoni” maxsus huquqiy rejimida (keyingi oʻrinlarda — maxsus huquqiy rejim) quyidagi yoʻnalishlarda foydalanishga ruxsat berilsin:
(a) qimmatli qogʻozlarni joylashtirish va sotib olishda;
(b) venchur va pay fondlarini moliyalashtirishda;
(v) kommandit shirkatlarga hissa kiritishda.
3. Maxsus huquqiy rejim doirasida:
(a) yuridik shaxs hisoblangan tadbirkorlik subyektlari investitsiya jalb etishni talab etadigan loyihalarini hamda ulushga ega boʻlish orqali tadbirkorlik faoliyatida ishtirok etishga oid takliflarini investitsiya platformalarida joylashtirishga haqli;
(b) investorlar investitsiya platformalarida eʼlon qilingan investitsiya loyihalarini tanlash va ularga mablagʻ kiritish orqali investitsiya faoliyatini amalga oshirish hamda shu orqali foyda olish huquqiga ega;
(v) investitsiya platformalari orqali amalga oshiriladigan loyihalar investitsiya va boshqaruv kompaniyalari orqali ham boshqarilishi mumkin.
4. Shunday tartib oʻrnatilsinki, unga koʻra investitsiya platformasi orqali kiritilgan investitsiyalar raqamli elektron guvohnomalar bilan tasdiqlanadi va investitsiyalarni jalb etuvchi shaxs nomidan investitsiya platformalari orqali taqdim etiladi.
5. Investitsiya platformalari operatori (keyingi oʻrinlarda — platforma operatori) uchun quyidagi talablar belgilansin:
(a) rezident yuridik shaxs maqomiga ega boʻlishi;
(b) vakolatli davlat organi tomonidan yuritiladigan maxsus elektron reyestrga kiritilgan boʻlishi;
(v) oʻz faoliyatini vakolatli davlat organi tomonidan belgilanadigan qoidalarga muvofiq amalga oshirishi;
(g) investitsiya platformasi orqali rasmiylashtirilgan shartnomalar reyestrini yuritishi.
6. Belgilab qoʻyilsinki, investitsiyalarni jalb etuvchi shaxslar investitsiya loyihalari yoki takliflari bilan bir vaqtda quyidagilarni investitsiya platformasiga joylashtirishi shart:
(a) investitsiya jalb etuvchi shaxslarda toʻlovga qobiliyatsizlik alomatlari mavjud emasligi hamda ular tomonidan oʻtgan moliya yili davomida soliq va buxgalteriya qonunchiligiga rioya etilgani toʻgʻrisidagi auditorlik tashkilotining xulosasi;
(b) investitsiya loyihasini amalga oshirish, uni boshqarishda ishtirok etish hamda investitsiyani qaytarib olish tartibi, kiritilgan investitsiya qayerga yoʻnaltirilishi hamda u orqali investor bevosita yoki bilvosita ega boʻladigan mulk haqidagi maʼlumot, investorning huquq va majburiyatlari hamda xavf-xatarlar yuzasidan axborot.
7. Belgilansinki:
(a) investorlar tomonidan investitsiya platformasi orqali kiritilgan mablagʻlar garov obyekti hisoblanmaydi va boshqa maqsadlarda foydalanilmaydi, shuningdek, platforma operatorlari va uchinchi shaxslar tomonidan va ularning foydasiga undirilmaydi, bundan sud qarori asosida amalga oshiriladigan holatlar mustasno;
(b) jismoniy va yuridik shaxslarga, shu jumladan, norezidentlarga investitsiya platformalari orqali investitsiya kiritishga ruxsat beriladi;
(v) investitsiya platformalari orqali jalb etiladigan mablagʻlar faqat Oʻzbekiston Respublikasi hududida amalga oshiriladigan investitsiya loyihalariga yoʻnaltiriladi;
(g) investitsiya platformalari orqali kiritilgan investitsiyalar qaytarilishi va rentabelligi uchun toʻliq javobgarlik investitsiyalarni jalb etuvchi shaxs zimmasiga yuklanadi;
(d) investitsiya platformalari orqali investitsiya faoliyatini amalga oshirgan investorlar, ulush yoki hissaga ega boʻlgan yuridik va jismoniy shaxslar tegishlicha “ Aksiyadorlik jamiyatlari va aksiyadorlarning huquqlarini himoya qilish toʻgʻrisida ”gi, “ Xoʻjalik shirkatlari toʻgʻrisida ”gi qonunlar hamda boshqa qonunchilik hujjatlarida belgilangan huquq va majburiyatlarga ega boʻladilar va huquqiy himoya vositalaridan toʻliq foydalanadilar;
(j) investitsiya platformalari ishtirokchilarining huquq hamda majburiyatlarini belgilash, oʻzgartirish va toʻxtatish “aqlli shartnomalar” (smart contract) yordamida amalga oshirilishi mumkin.
8. Istiqbolli loyihalar milliy agentligi platforma operatorlari faoliyati sohasida tartibga solish va ruxsat berish tartib-taomillarini amalga oshirish boʻyicha vakolatli davlat organi etib belgilansin.
9. Istiqbolli loyihalar milliy agentligi:
(a) platforma operatorlarining faoliyatiga ruxsat berish va ularning faoliyatini amalga oshirish tartib-taomillarini belgilaydi;
(b) investitsiya platformalari va platforma operatorlarining elektron reyestrlarini yuritadi;
(v) investitsiya platformalari va platforma operatorlari faoliyati ustidan nazoratni amalga oshiradi.
10. Belgilansinki:
(a) investitsiya platformalari orqali investitsiya kiritishga oid bitimlar elektron shaklda tuziladi va investitsiya platformalaridan olingan maʼlumotlar asosida qoʻshimcha hujjatlarsiz real vaqt rejimida Tadbirkorlik subyektlari yagona davlat reyestriga tegishli yozuv kiritiladi;
(b) ulush egasi va hissadorlar tarkibi oʻzgarishi yuzasidan investitsiya platformalaridagi maʼlumotlar asosida Tadbirkorlik subyektlari yagona davlat reyestriga tegishli yozuv kiritilgan kundan boshlab uch oy ichida kommandit shirkatlar taʼsis hujjatlariga kiritilgan oʻzgartirish va qoʻshimchalar davlat roʻyxatidan oʻtkazilishi lozim.
III. Qaror ijrosini tashkil etish, taʼminlash va nazorat
11. Istiqbolli loyihalar milliy agentligi:
2025-yil 1-oktabrga qadar platforma operatorlarining faoliyatiga ruxsat berish va ularning faoliyatini amalga oshirish tartib-taomillarini tasdiqlasin;
2027-yil 1-yanvarga qadar Adliya vazirligi bilan birgalikda maxsus huquqiy rejim doirasida erishilgan natijalar asosida investitsiya platformalarini xorijiy tajribani inobatga olgan holda joriy etish toʻgʻrisida Vazirlar Mahkamasiga takliflar kiritsin.
12. Raqamli texnologiyalar vazirligi, Istiqbolli loyihalar milliy agentligi, Adliya vazirligi platforma operatorlari bilan birgalikda investitsiya platformalari “Elektron hukumat” tizimi idoralararo integratsiyalashuv platformasiga integratsiya qilinishini va real vaqt rejimida axborot almashuvini taʼminlasin.
13. Mazkur qaror ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Xodjayev va Istiqbolli loyihalar milliy agentligi direktori D.R. Li belgilansin.
14. Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklatilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 21-avgust,
PQ-255-son
Президента Республики Узбекистан
Постановление
О мерах по регулированию инвестиционной деятельности, осуществляемой с использованием современных информационных технологий
В целях формирования правовых основ осуществления инвестиционной деятельности в стране с использованием современных информационных технологий, обеспечения защиты прав инвесторов путем внедрения эффективных механизмов контроля в сфере, а также создания дополнительных возможностей в финансировании бизнеса постановляю:
I. Цели
1. Определить основной целью принятия настоящего постановления правовое регулирование все более распространяющейся практики по привлечению средств населения на инвестиционные проекты, обеспечение надежной защиты прав и интересов граждан, а также внедрение прозрачных и эффективных механизмов осуществления инвестиционной деятельности с использованием современных информационных технологий.
II. Альтернативные формы привлечения инвестиций
2. Разрешить на срок с 1 октября 2025 года по 1 октября 2026 года пользоваться инвестиционными платформами в специальном правовом режиме «Регуляторная песочница» (далее — специальный правовой режим) по следующим направлениям:
(а) при размещении и реализации ценных бумаг;
(б) при финансировании венчурных и паевых фондов;
(в) при внесении вклада в коммандитные товарищества.
3. В рамках специального правового режима:
(а) субъекты предпринимательства, являющиеся юридическим лицом, вправе размещать на инвестиционных платформах проекты, требующие привлечения инвестиций, а также предложения по участию в предпринимательской деятельности путем владения долей;
(б) инвесторы имеют право осуществлять инвестиционную деятельность путем отбора выставленных на инвестиционных платформах инвестиционных проектов и вложения в них средств, а также получать посредством этого прибыль;
(в) управление проектами, реализуемыми посредством инвестиционных платформ, также может осуществляться через инвестиционные и управляющие компании.
4. Установить порядок, в соответствии с которым инвестиции, внесенные посредством инвестиционной платформы, подтверждаются цифровыми электронными свидетельствами и предоставляются посредством инвестиционной платформы от имени лица, привлекающего инвестиции.
5. Установить для оператора инвестиционных платформ (далее — оператор платформы) следующие требования:
(а) иметь статус юридического лица — резидента;
(б) быть включенным в специальный электронный реестр, который ведется уполномоченным государственным органом;
(в) осуществлять свою деятельность в соответствии с правилами, устанавливаемыми уполномоченным государственным органом;
(г) вести реестр договоров, оформленных посредством инвестиционной платформы.
6. Определить, что лица, привлекающие инвестиции, одновременно с инвестиционными проектами или предложениями должны размещать на инвестиционной платформе:
(а) заключение аудиторской организации об отсутствии признаков неплатежеспособности у лиц, привлекающих инвестиции, а также о соблюдении ими налогового и бухгалтерского законодательства в течение прошедшего финансового года;
(б) информацию о порядке реализации инвестиционного проекта, участия в его управлении и возврата инвестиции, сведения о том, на что будет направляться вложенная инвестиция, о собственности, которой инвестор будет прямо либо косвенно владеть посредством этого, о правах и обязательствах инвестора, а также о рисках.
7. Установить, что:
(а) вложенные инвесторами посредством инвестиционной платформы средства не являются объектом залога и не используются в иных целях, а также не взыскиваются операторами платформы, третьими лицами и в их пользу, за исключением случаев, осуществляемых на основе решения суда;
(б) разрешается вложение инвестиций посредством инвестиционных платформ физическим и юридическим лицам, в том числе нерезидентам;
(в) средства, привлекаемые через инвестиционные платформы, направляются исключительно на инвестиционные проекты, реализуемые на территории Республики Узбекистан;
(г) ответственность за возврат и рентабельность инвестиций, внесенных посредством инвестиционных платформ, полностью возлагается на лицо, привлекающее инвестиции;
(д) инвесторы, осуществившие инвестиционную деятельность посредством инвестиционных платформ, юридические и физические лица, получившие долю или вклад, обладают правами и обязанностями, определенными соответственно в законах Республики Узбекистан « Об акционерных обществах и защите прав акционеров », « О хозяйственных товариществах » и других актах законодательства, и полностью пользуются средствами правовой защиты;
(ж) определение, изменение и прекращение прав и обязанностей участников инвестиционных платформ могут осуществляться с помощью «умных договоров» (smart contract).
8. Определить Национальное агентство перспективных проектов уполномоченным государственным органом по регулированию в сфере деятельности операторов платформы и осуществлению разрешительных процедур.
9. Национальное агентство перспективных проектов:
(а) определяет процедуры выдачи разрешения на деятельность операторов платформы и их функционирования;
(б) ведет электронные реестры инвестиционных платформ и операторов платформы;
(в) осуществляет контроль за деятельностью инвестиционных платформ и операторов платформы.
10. Определить, что:
(а) соглашения о вложении инвестиций посредством инвестиционных платформ составляются в электронной форме и на основе сведений, полученных из инвестиционных платформ, в Единый государственный реестр субъектов предпринимательства вносится соответствующая запись в режиме реального времени без дополнительной документации;
(б) изменения и дополнения, внесенные в учредительные документы коммандитных товариществ, подлежат государственной регистрации в течение трех месяцев со дня внесения в Единый государственный реестр субъектов предпринимательства соответствующей записи на основе информации на инвестиционных платформах по изменению состава дольщиков или вкладчиков.
III. Организация, обеспечение и контроль исполнения постановления
11. Национальному агентству перспективных проектов:
до 1 октября 2025 года утвердить процедуры выдачи разрешения на деятельность операторов платформы и их функционирования;
до 1 января 2027 года совместно с Министерством юстиции внести в Кабинет Министров предложения о внедрении инвестиционных платформ на основе результатов, полученных в рамках специального правового режима, с учетом зарубежного опыта.
12. Министерству цифровых технологий, Национальному агентству перспективных проектов, Министерству юстиции совместно с операторами платформы обеспечить интеграцию инвестиционных платформ с Межведомственной интеграционной платформой системы «Электронное правительство» и обмен информации в режиме реального времени.
13. Возложить на заместителя Премьер-министра Ж.А. Ходжаева и директора Национального агентства перспективных проектов Д.Р. Ли персональную ответственность за эффективную организацию исполнения настоящего постановления.
14. Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
21 августа 2025 г.,
№ ПП-255