UzbekAI

Ўзбекистон Республикасининг Қонуни

Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида

Қонунчилик палатаси томонидан 2025 йил 15 апрелда қабул қилинган Сенат томонидан 2025 йил 30 апрелда маъқулланган

Кейинги йилларда мамлакатимизда фуқаролик жамиятини ривожлантириш, нодавлат нотижорат ташкилотларининг фаолиятини қўллаб-қувватлаш, уларнинг самарали фаолият юритиши учун қулай шарт-шароитлар яратиш, давлат ва жамият бошқарувидаги ролини ошириш, шунингдек жамоатчилик назоратини, ижтимоий шерикликни такомиллаштириш борасида бир қатор ишлар амалга оширилди.

Шу билан бирга ижтимоий-иқтисодий соҳада жамоатчилик назоратини кучайтириш, нодавлат нотижорат ташкилотлари фаолиятининг эркинлиги кафолатларини мустаҳкамлаш ҳамда ҳомийлик хайрияларини йиғиш тартибини аниқ белгилаш зарурияти юзага келмоқда.

Мазкур Қонун билан Ўзбекистон Республикасининг Маъмурий жавобгарлик тўғрисидаги кодексида нодавлат нотижорат ташкилотларининг фаолиятига қонунга хилоф равишда аралашганлик, жамоатчилик назоратини амалга ошириш натижалари бўйича тайёрланган якуний ҳужжатни кўриб чиқмаганлик, ҳомийлик тўғрисидаги қонунчилик талабларини бузганлик учун жавобгарлик белгиланмоқда, шунингдек нодавлат нотижорат ташкилотларининг фаолиятни амалга ошириш тартибини бузганлиги учун жавобгарлиги қайта кўриб чиқилмоқда.

« Ижтимоий шериклик тўғрисида »ги, « Нодавлат нотижорат ташкилотлари фаолиятининг кафолатлари тўғрисида »ги Ўзбекистон Республикаси қонунларига фуқаролик жамияти институтларини давлат томонидан қўллаб-қувватлаш тизимини такомиллаштиришни назарда тутувчи ўзгартириш ва қўшимчалар киритилмоқда. Шунингдек фуқаролик жамияти институтларига давлат органлари томонидан бевосита давлат ижтимоий буюртмалари берилишининг янги механизмлари белгиланмоқда.

Ўзбекистон Республикасининг айрим қонунларидаги нодавлат нотижорат ташкилотларининг мажбуриятлари, уларни давлат рўйхатидан ўтказишни рад этиш асослари қайта кўриб чиқилмоқда, қайта рўйхатдан ўтказганлик учун давлат божи миқдори, шунингдек ҳомийлик фаолиятини амалга ошириш тартиби аниқлаштирилмоқда.

«Жамоат фондлари тўғрисида»ги Ўзбекистон Республикаси Қонунига жамоат фонди муассислигига бўлган талаблар кучайтирилишини, жамоат фондини давлат рўйхатидан ўтказиш шартлари ва тартиби аниқлаштирилишини, жамоат фондининг мол-мулкидан фойдаланиш янада эркинлаштирилишини назарда тутувчи ўзгартириш ва қўшимчалар киритилмоқда.

Бир календарь йилда банк ҳисобварақларида пул айланмаси мавжуд бўлмаган жамоат фонди учун ушбу календарь йилда ўз фаолиятини аудиторлик текширувидан ўтказиш ихтиёрий тартибда амалга оширилиши белгиланмоқда.

Ушбу Қонун фуқаролик жамияти институтларини давлат томонидан қўллаб-қувватлаш тизимини янада такомиллаштиришга, унинг самарадорлигини оширишга, ижтимоий шериклик муносабатларини ривожлантиришга, жамоат фондлари фаолиятидаги ортиқча бюрократик талабларни бартараф этишга, шунингдек ҳомийлик ташкилотлари фаолиятининг шаффофлигини таъминлашга хизмат қилади.

1-модда. Ўзбекистон Республикасининг 1994 йил 22 сентябрда қабул қилинган 2015-XII-сонли Қонуни билан тасдиқланган Ўзбекистон Республикасининг Маъмурий жавобгарлик тўғрисидаги кодексига (Ўзбекистон Республикаси Олий Кенгашининг Ахборотномаси, 1995 йил, № 3, 6-модда; Ўзбекистон Республикаси Олий Мажлисининг Ахборотномаси, 1995 йил, № 9, 193-модда, № 12, 269-модда; 1996 йил, № 5-6, 69-модда, № 9, 144-модда; 1997 йил, № 2, 56-модда, № 4-5, 126-модда, № 9, 241-модда; 1998 йил, № 3, 38-модда, № 5-6, 102-модда, № 9, 181-модда; 1999 йил, № 1, 20-модда, № 5, 124-модда, № 9, 229-модда; 2000 йил, № 5-6, 153-модда, № 7-8, 217-модда; 2001 йил, № 1-2, 23-модда, № 9-10, 165, 182-моддалар; 2002 йил, № 1, 20-модда, № 9, 165-модда; 2003 йил, № 1, 8-модда, № 5, 67-модда, № 9-10, 149-модда; 2004 йил, № 1-2, 18-модда, № 5, 90-модда, № 9, 171-модда; 2005 йил, № 1, 18-модда; Ўзбекистон Республикаси Олий Мажлиси палаталарининг Ахборотномаси, 2005 йил, № 9, 312-модда, № 12, 413, 417, 418-моддалар; 2006 йил, № 6, 261-модда, № 9, 498-модда, № 10, 536-модда, № 12, 656, 659-моддалар; 2007 йил, № 4, 158, 159, 164, 165-моддалар, № 9, 416, 421-моддалар, № 12, 596, 604, 607-моддалар; 2008 йил, № 4, 181, 189, 192-моддалар, № 9, 486, 488-моддалар, № 12, 640, 641-моддалар; 2009 йил, № 1, 1-модда, № 9, 334, 335, 337-моддалар, № 10, 380-модда, № 12, 462, 468, 470, 472, 474-моддалар; 2010 йил, № 5, 175, 179-моддалар, № 6, 231-модда, № 9, 335, 339, 341-моддалар, № 10, 380-модда, № 12, 468, 473, 474-моддалар; 2011 йил, № 1, 1-модда, № 4, 104, 105-моддалар, № 9, 247, 252-моддалар, № 12/2, 365-модда; 2012 йил, № 4, 108-модда, № 9/1, 242-модда, № 12, 336-модда; 2013 йил, № 4, 98-модда, № 10, 263-модда; 2014 йил, № 1, 2-модда, № 5, 130-модда, № 9, 244-модда, № 12, 341, 343-моддалар; 2015 йил, № 6, 228-модда, № 8, 310, 312-моддалар, № 12, 452-модда; 2016 йил, № 1, 2-модда, № 4, 125-модда, № 9, 276-модда, № 12, 383, 385-моддалар; 2017 йил, № 4, 137-модда, № 6, 300-модда, № 9, 510-модда, № 10, 605-модда; 2018 йил, № 1, 1, 4, 5-моддалар, № 4, 224-модда, № 7, 430, 431, 432-моддалар, № 10, 671, 673, 679-моддалар; 2019 йил, № 1, 1, 3, 5-моддалар, № 2, 47-модда, № 3, 161, 165, 166-моддалар, № 5, 259, 261, 267, 268-моддалар, № 7, 386-модда, № 8, 469, 471-моддалар, № 9, 591, 592-моддалар, № 10, 674, 676-моддалар, № 11, 787, 791-моддалар, № 12, 880, 891-моддалар; 2020 йил, № 1, 4-модда, № 3, 203, 204-моддалар, № 7, 449-модда, № 9, 539, 540-моддалар, № 10, 593, 596-моддалар, № 11, 651-модда, № 12, 691-модда; 2021 йил, № 1, 5, 7, 12, 13, 14-моддалар, № 2, 142-модда, № 3, 217-модда, № 4, 290, 293-моддалар, 4-сонга илова, № 8, 800, 802, 803-моддалар, № 9, 903-модда, № 10, 966, 967, 968, 973-моддалар, № 11, 1066-модда; 2022 йил, № 1, 1, 2-моддалар, № 2, 80, 81-моддалар, № 3, 215, 216-моддалар, № 4, 337-модда, № 5, 464, 465, 466, 467-моддалар, № 8, 787-модда, № 10, 981, 984-моддалар, № 12, 1188-модда; 2023 йил, № 3, 184, 185, 188, 189-моддалар, № 4, 265, 266, 268-моддалар, № 5, 319, 320-моддалар, № 7, 533, 534, 535, 537, 539-моддалар, № 8, 634-модда, № 10, 798-модда, № 11, 921, 923, 924-моддалар, № 12, 1004-модда; 2024 йил, № 1, 5, 7, 8, 9-моддалар, № 2, 102, 111, 115, 116-моддалар, № 3, 243, 245-моддалар, № 6, 530, 532-моддалар, № 7, 629-модда, № 8, 826, 829, 831-моддалар, № 9, 954, 964, 965-моддалар, № 10, 1070, 1071, 1073, 1077, 1078, 1083, 1084-моддалар, № 11, 1187, 1188, 1189-моддалар, № 12, 1279, 1280, 1282, 1286, 1287-моддалар; 2025 йил, № 1, 5, 8-моддалар, № 2, 187, 188, 196, 198, 201-моддалар, № 3, 368, 376-моддалар) қуйидаги қўшимча ва ўзгартиришлар киритилсин:

1) қуйидаги мазмундаги 197 8 -модда билан тўлдирилсин:

«197 8 -модда. Нодавлат нотижорат ташкилотларининг фаолиятига қонунга хилоф равишда аралашиш

Давлат органларининг мансабдор шахслари томонидан нодавлат нотижорат ташкилотларининг фаолиятига қонунга хилоф равишда аралашиш, —

базавий ҳисоблаш миқдорининг етти бараваридан ўн бараваригача миқдорда жарима солишга сабаб бўлади.

Худди шундай ҳуқуқбузарликлар маъмурий жазо чораси қўлланилганидан кейин бир йил давомида такрор содир этилган бўлса, —

базавий ҳисоблаш миқдорининг ўн бараваридан ўн беш бараваригача миқдорда жарима солишга сабаб бўлади»;

2) қуйидаги мазмундаги 198 7 -модда билан тўлдирилсин:

«198 7 -модда. Жамоатчилик назоратини амалга ошириш натижалари бўйича тайёрланган якуний ҳужжатни кўриб чиқмаслик

Жамоатчилик назорати натижаларига кўра, қонунчилик ҳужжатларида назарда тутилган шаклларда жамоатчилик назорати субъектлари томонидан тайёрланган якуний ҳужжатни кўриб чиқмаслик ёки уни кўриб чиқиш муддатини узрли сабабларсиз бузиш, —

мансабдор шахсларга базавий ҳисоблаш миқдорининг уч бараваридан беш бараваригача миқдорида жарима солишга сабаб бўлади»;

3) 239-модданинг матни қуйидаги таҳрирда баён этилсин:

«Нодавлат нотижорат ташкилотлари (бундан диний ташкилотлар мустасно), шунингдек уларнинг ваколатхоналари ва филиалларининг давлат рўйхатидан ўтмасдан фаолиятни амалга ошириши, —

базавий ҳисоблаш миқдорининг ўн бараваридан йигирма беш бараваригача миқдорда жарима солишга сабаб бўлади.

Бош ташкилоти Ўзбекистон Республикасидан ташқарида жойлашган халқаро ва чет эл нодавлат нотижорат ташкилотларининг ваколатхоналари ва филиаллари ҳамда уларнинг чет эл фуқаролиги бўлган ва фуқаролиги бўлмаган ходимларининг, бошқа нодавлат нотижорат ташкилотларининг чет эл фуқаролиги бўлган ва фуқаролиги бўлмаган ходимларининг бирор-бир сиёсий фаолиятда ҳамда мазкур нодавлат нотижорат ташкилотларининг уставларида белгиланган мақсадлари ва вазифаларига мувофиқ бўлмаган бошқа фаолиятда иштирок этиши, худди шунингдек уларнинг сиёсий партиялар ва оммавий ҳаракатлар томонидан ўтказиладиган амалий ҳаракатлар ҳамда тадбирларни молиялаштириши, бундай ташкилотларни тузиш ташаббуси билан чиқиши ва бундай ташкилотларни тузишни қўллаб-қувватлаши, —

базавий ҳисоблаш миқдорининг ўн беш бараваридан ўттиз бараваригача, мансабдор шахсларга эса — ўттиз бараваридан эллик бараваригача миқдорда жарима солишга ёки ўн беш суткагача муддатга маъмурий қамоққа олишга сабаб бўлади.

Нодавлат нотижорат ташкилотларининг белгиланган тартибда рўйхатдан ўтказилмаган рамзий белгиларни ишлатиши, —

мансабдор шахсларга базавий ҳисоблаш миқдорининг уч бараваридан етти бараваригача миқдорда жарима солишга сабаб бўлади.

Нодавлат нотижорат ташкилотлари (бундан сиёсий партиялар мустасно), уларнинг ваколатхоналари ва филиаллари томонидан тадбирлар ўтказиш ҳақида хабардор қилиш тартибига риоя этмаслик ёки қонунчиликда тақиқланган тадбирлар ўтказиш, худди шунингдек нодавлат нотижорат ташкилотлари ўтказаётган тадбирларга рўйхатдан ўтказувчи орган вакилининг эркин киришини рад этиш, —

мансабдор шахсларга базавий ҳисоблаш миқдорининг йигирма бараваридан қирқ бараваригача миқдорда жарима солишга сабаб бўлади.

Нодавлат нотижорат ташкилотларининг чет давлатлардан, халқаро ва чет эл ташкилотларидан, чет давлатларнинг фуқароларидан ёки уларнинг топшириғига биноан бошқа шахслардан рўйхатдан ўтказувчи органнинг розилигисиз пул маблағлари ва мол-мулк олиши ёхуд ушбу манбалардан олинган пул маблағларидан ва мол-мулкдан фойдаланиш тўғрисидаги ахборотни, шунингдек ушбу манбалар ҳисобидан Ўзбекистон Республикаси ҳудудида амалга оширилган лойиҳанинг натижаси тўғрисидаги маълумотни белгиланган тартибда эълон қилмаслиги, —

мансабдор шахсларга базавий ҳисоблаш миқдорининг ўн бараваридан йигирма беш бараваригача миқдорда жарима солишга сабаб бўлади.

Нодавлат нотижорат ташкилотларининг ўз фаолияти тўғрисидаги ҳисоботларни рўйхатдан ўтказувчи органга тақдим этмаслиги, ўз вақтида тақдим этмаслиги ёки белгиланмаган шаклда тақдим этиши, ўз фаолияти тўғрисида била туриб нотўғри маълумотлар тақдим этиши, худди шунингдек нодавлат нотижорат ташкилотларининг ахборотни, шу жумладан улар томонидан мол-мулк ва пул маблағларидан фойдаланилиши тўғрисидаги тасдиқловчи ҳужжатларни тақдим этмаслиги, —

мансабдор шахсларга базавий ҳисоблаш миқдорининг ўн бараваридан йигирма беш бараваригача миқдорда жарима солишга сабаб бўлади»;

4) 239 1 -модда :

биринчи қисмининг санкциясидаги «ўттиз бараваридан эллик бараваригача» деган сўзлар «йигирма бараваридан қирқ бараваригача» деган сўзлар билан алмаштирилсин;

иккинчи қисмининг санкциясидаги «ўн беш бараваридан ўттиз бараваригача» деган сўзлар «ўн бараваридан йигирма беш бараваригача» деган сўзлар билан алмаштирилсин;

5) қуйидаги мазмундаги 239 2 -модда билан тўлдирилсин:

«239 2 -модда. Ҳомийлик тўғрисидаги қонунчилик талабларини бузиш

Ҳомийлик хайрияларини йиғиш тартибини бузиш, —

фуқароларга базавий ҳисоблаш миқдорининг уч бараваридан беш бараваригача, мансабдор шахсларга эса — беш бараваридан етти бараваригача миқдорда жарима солишга сабаб бўлади.

Хайрия қутисини ўрнатиш ва ундан фойдаланиш тартибини бузиш, —

фуқароларга ҳуқуқбузарлик ашёларини мусодара қилиб, базавий ҳисоблаш миқдорининг уч бараваридан беш бараваригача, мансабдор шахсларга эса — беш бараваридан етти бараваригача миқдорда жарима солишга сабаб бўлади.

Ҳомийлик ташкилоти томонидан ўз таъминоти (шу жумладан фаолияти билан боғлиқ барча харажатлари) учун молия йилида сарфлайдиган молиявий маблағларнинг қонунчиликда белгиланган миқдордан ошириб юборилиши, башарти жиноят аломатлари мавжуд бўлмаса, —

мансабдор шахсларга базавий ҳисоблаш миқдорининг уч бараваридан беш бараваригача миқдорда жарима солишга сабаб бўлади»;

6) 245-модданинг биринчи қисмидаги :

«197 7 » рақами «197 7 , 197 8 » рақамлари билан алмаштирилсин;

«198 6 » рақами «198 6 , 198 7 » рақамлари билан алмаштирилсин;

«239 1 » рақами «239 1 , 239 2 » рақамлари билан алмаштирилсин;

7) 245 2 -модданинг иккинчи қисмидаги :

«198 3 ва 198 4 -моддаларида» деган сўзлар «197 8 , 198 3 , 198 4 , 239, 239 1 -моддаларида» деган сўзлар билан алмаштирилсин;

«назарда тутилган» деган сўзлар «239 2 -моддасининг учинчи қисмида назарда тутилган» деган сўзлар билан алмаштирилсин;

8) 248-модда тўртинчи қисмининг тўртинчи хатбошисидаги «185 1 -моддасида (бундан божхона тўғрисидаги қонунчиликни бузиш билан боғлиқ ҳуқуқбузарликлар мустасно)» деган сўзлар «185 1 -моддасида (бундан божхона тўғрисидаги қонунчиликни бузиш билан боғлиқ ҳуқуқбузарликлар мустасно), 239 2 -моддасининг биринчи ва иккинчи қисмларида» деган сўзлар билан алмаштирилсин.

2-модда. Ўзбекистон Республикасининг 1999 йил 14 апрелда қабул қилинган «Нодавлат нотижорат ташкилотлари тўғрисида»ги 763-I-сонли Қонунига (Ўзбекистон Республикаси Олий Мажлисининг Ахборотномаси, 1999 йил, № 5, 115-модда; 2004 йил, № 5, 90-модда; Ўзбекистон Республикаси Олий Мажлиси палаталарининг Ахборотномаси, 2007 йил, № 12, 608-модда; 2008 йил, № 12, 640-модда; 2012 йил, № 4, 106-модда; 2014 йил, № 12, 343-модда; 2016 йил, № 4, 125-модда; 2019 йил, № 9, 591-модда; 2021 йил, 4-сонга илова; 2024 йил, № 2, 105-модда) қуйидаги ўзгартириш ва қўшимчалар киритилсин:

1) 8-модданинг биринчи қисми қуйидаги таҳрирда баён этилсин:

«Нодавлат нотижорат ташкилоти:

қонунчилик ва таъсис ҳужжатларига риоя этиши;

ўз мол-мулки ва пул маблағларидан фойдаланиши, шу жумладан молиялаштириш манбалари ҳамда мақсадлари тўғрисидаги ахборот билан танишиш эркинлигини таъминлаши;

чет давлатлардан, халқаро ва чет эл ташкилотларидан, чет давлатларнинг фуқароларидан ёки уларнинг топшириғига биноан бошқа шахслардан олинган пул маблағлари ва мол-мулкдан фойдаланиш тўғрисидаги ахборотни ҳар чоракда ўз расмий веб-сайтида, оммавий ахборот воситаларида ёхуд ижтимоий тармоқлардаги саҳифаларида ёки нодавлат нотижорат ташкилотларига давлат хизматлари кўрсатиладиган махсус электрон платформасида Ўзбекистон Республикаси Адлия вазирлиги томонидан тасдиқлаган шаклда эълон қилиб бориши;

рўйхатдан ўтказувчи органни ўтказилиши режалаштирилаётган тадбирлар ҳақида хабардор қилиши (бундан сиёсий партиялар мустасно) ва унинг вакилига ўтказилаётган тадбирларга эркин кириш имконини бериши;

нодавлат нотижорат ташкилоти вакилларининг чет мамлакатларга нодавлат нотижорат ташкилотининг фаолияти билан боғлиқ ташрифлари уюштирилиши ҳақида рўйхатдан ўтказувчи органни хабардор қилиши;

чет давлатлардан, халқаро ва чет эл ташкилотларидан, чет давлатларнинг фуқароларидан ёки уларнинг топшириғига биноан бошқа шахслардан пул маблағлари ва мол-мулк олишни рўйхатдан ўтказувчи орган билан келишиб олиши, шунингдек ушбу манбалар ҳисобидан Ўзбекистон Республикаси ҳудудида амалга оширилган лойиҳанинг натижаси тўғрисидаги маълумотни белгиланган тартибда эълон қилиши;

рўйхатдан ўтказувчи органга, давлат солиқ хизмати органларига ва давлат статистикаси органларига ўз фаолияти тўғрисида белгиланган тартибда ҳисоботлар тақдим этиши шарт»;

2) 9-модданинг учинчи қисмидаги «бўлиши мумкин» деган сўзлар «бўлади» деган сўз билан алмаштирилсин;

3) 21-модданинг :

иккинчи қисмидаги «вилоятлараро» деган сўз чиқариб ташлансин;

учинчи қисмидаги «Вилоят, туман, шаҳар, шаҳарча, қишлоқ ва овул ҳудудларида фаолият олиб борадиган» деган сўзлар «Ҳудудий» деган сўз билан алмаштирилсин;

4) 22-модда :

биринчи қисмининг :

учинчи хатбошисидаги «юридик шахс бўлган» деган сўзлар чиқариб ташлансин;

бешинчи хатбошисидаги «ва вилоятлараро» деган сўзлар чиқариб ташлансин;

тўртинчи қисми қуйидаги таҳрирда баён этилсин:

«Нодавлат нотижорат ташкилотининг ваколатхоналари ва филиалларини давлат рўйхатидан ўтказиш нодавлат нотижорат ташкилотининг марказий раҳбар органи томонидан тақдим этилган ва тасдиқланган ҳужжатлар асосида, шунингдек нодавлат нотижорат ташкилоти давлат рўйхатидан ўтганлиги тўғрисидаги гувоҳноманинг кўчирма нусхаси асосида тегишли адлия органлари томонидан амалга оширилади»;

бешинчи қисми чиқариб ташлансин;

олтинчи қисми бешинчи қисм деб ҳисоблансин;

5) 25-модданинг биринчи қисми :

иккинчи хатбошиси қуйидаги таҳрирда баён этилсин:

«нодавлат нотижорат ташкилотининг таъсис ҳужжатлари Ўзбекистон Республикасининг конституциявий тузумини зўрлик билан ўзгартириш, Ўзбекистоннинг давлат суверенитетига, ҳудудий яхлитлигига ва хавфсизлигига қарши чиқувчи, урушни, ижтимоий, миллий, ирқий ҳамда диний адоватни тарғиб қилувчи, фуқароларнинг конституциявий ҳуқуқлари ва эркинликларига, аҳолининг соғлиғига, ижтимоий ахлоққа тажовуз қилувчи мақсадларга эга бўлса»;

қуйидаги мазмундаги учинчи ва тўртинчи хатбошилар билан тўлдирилсин:

«ташаббускорлари (таъсисчилари, муассислари) ёки раҳбар органи аъзолари қонунчилик ҳужжатларига кўра террорчилик фаолиятида ёки оммавий қирғин қуролини тарқатишда иштирок этаётган ёки иштирок этишда гумон қилинаётган шахслар рўйхатига киритилган, шунингдек суд тартибида экстремистик деб топилган ташкилотларнинг аъзолари ва раҳбар органлари аъзолари бўлган шахслар бўлса;

ташаббускорлари (таъсисчилари, муассислари) ёки раҳбар органи аъзолари ўзлаштириш ёки растрата йўли билан талон-торож қилиш ёхуд фирибгарлик жиноятларини содир этганлиги учун судланганлик ҳолати тугалланмаган ёки олиб ташланмаган шахслар бўлса (жамоат фондлари ташкил этилаётганда)»;

учинчи — тўққизинчи хатбошилари тегишинча бешинчи — ўн биринчи хатбошилар деб ҳисоблансин;

6) 29-модда :

қуйидаги мазмундаги тўртинчи хатбоши билан тўлдирилсин:

«чет давлатлардан, халқаро ва чет эл ташкилотларидан, чет давлатларнинг фуқароларидан ёки уларнинг топшириғига биноан бошқа шахслардан олинадиган пул маблағлари ва мол-мулк»;

тўртинчи , бешинчи ва олтинчи хатбошилари тегишинча бешинчи, олтинчи ва еттинчи хатбошилар деб ҳисоблансин;

7) 30-модданинг :

иккинчи қисми қуйидаги таҳрирда баён этилсин:

«Бош ташкилоти Ўзбекистон Республикасидан ташқарида жойлашган халқаро ва чет эл нодавлат нотижорат ташкилотларининг ваколатхоналари ва филиаллари ҳамда уларнинг чет эл фуқаролари бўлган ва фуқаролиги бўлмаган ходимлари, шунингдек бошқа нодавлат нотижорат ташкилотларининг чет эл фуқаролари ва фуқаролиги бўлмаган ходимлари Ўзбекистон Республикаси ҳудудида бирор-бир сиёсий фаолиятда ҳамда мазкур нодавлат нотижорат ташкилотларининг уставларида белгиланган мақсадлари ва вазифаларига мувофиқ бўлмаган бошқа фаолиятда иштирок этишга ҳақли эмас. Уларнинг сиёсий партиялар ва оммавий ҳаракатлар томонидан ўтказиладиган амалий ҳаракатлар ҳамда тадбирларни молиялаштиришига, бундай ташкилотларни тузиш ташаббуси билан чиқишига ва бундай ташкилотлар тузишни қўллаб-қувватлашига йўл қўйилмайди»;

қуйидаги мазмундаги учинчи қисм билан тўлдирилсин:

«Нодавлат нотижорат ташкилотлари томонидан Ўзбекистон Республикаси ҳудудида чет давлатлардан, халқаро ва чет эл ташкилотларидан, чет давлатларнинг фуқароларидан ёки уларнинг топшириғига биноан бошқа шахслардан олинадиган пул маблағлари ва мол-мулк ҳисобидан қуйидагиларни амалга ошириш тақиқланади:

референдум ва сайлов натижаларига таъсир ўтказиш ёки таъсир ўтказишга уриниш;

Ўзбекистон Республикасида тузилган сиёсий партияларнинг сайловолди кампанияларини қўллаб-қувватлаш»;

учинчи қисми тўртинчи қисм деб ҳисоблансин.

3-модда. Ўзбекистон Республикасининг 2003 йил 29 августда қабул қилинган «Жамоат фондлари тўғрисида»ги 527-II-сонли Қонунига (Ўзбекистон Республикаси Олий Мажлисининг Ахборотномаси, 2003 йил, № 9-10, 141-модда; Ўзбекистон Республикаси Олий Мажлиси палаталарининг Ахборотномаси, 2007 йил, № 12, 592-модда; 2008 йил, № 12, 640-модда; 2012 йил, № 4, 106-модда; 2016 йил, № 4, 125-модда; 2019 йил, № 12, 880-модда; 2021 йил, 4-сонга илова; 2024 йил, № 2, 105-модда) қуйидаги ўзгартириш ва қўшимчалар киритилсин:

1) 2-модданинг иккинчи қисмидаги «Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фондининг» деган сўзлар «Фуқаролик жамияти институтларини қўллаб-қувватлаш жамоат фондининг» деган сўзлар билан алмаштирилсин;

2) 10-модда :

қуйидаги мазмундаги иккинчи қисм билан тўлдирилсин:

«Ўзлаштириш ёки растрата йўли билан талон-торож қилганлиги ёхуд фирибгарлик жиноятларини содир этганлиги учун судланганлик ҳолати тугалланмаган ёки олиб ташланмаган шахслар фонд муассислари (муассиси) ёки раҳбар органи аъзолари бўлиши мумкин эмас»;

иккинчи қисми учинчи қисм деб ҳисоблансин;

3) 13-модданинг :

номи ва биринчи қисми қуйидаги таҳрирда баён этилсин:

«13-модда. Фондни ҳамда унинг ваколатхоналари ва филиалларини давлат рўйхатидан ўтказиш

Фондни ҳамда унинг ваколатхоналари ва филиалларини давлат рўйхатидан ўтказиш адлия органлари (бундан буён матнда рўйхатдан ўтказувчи орган деб юритилади) томонидан амалга оширилади»;

тўртинчи қисми чиқариб ташлансин;

4) 14-модда :

номидаги «ва ҳисобга қўйиш» деган сўзлар чиқариб ташлансин;

биринчи қисмининг :

иккинчи хатбошиси «кўрсатилган» деган сўздан кейин «белгиланган шаклдаги» деган сўзлар билан тўлдирилсин;

тўртинчи хатбошиси «(республика фонди учун тегишли ваколатхоналар ва филиалларни ташкил этиш, уларнинг раҳбар органлари ҳамда бошқа органлари тўғрисидаги маълумотлар ҳам кўрсатилади)» деган сўзлар билан тўлдирилсин;

бешинчи хатбошисидаги «юридик шахс бўлган ваколатхона» деган сўзлар «фонднинг ваколатхонаси» деган сўзлар билан алмаштирилсин;

бешинчи қисми чиқариб ташлансин;

5) 15 ва 16-моддалар қуйидаги таҳрирда баён этилсин:

«15-модда. Давлат рўйхатидан ўтказиш тўғрисидаги қарор

Фондни ёки унинг ваколатхоналари ва филиалларини давлат рўйхатидан ўтказиш учун ҳужжатларни қабул қилган рўйхатдан ўтказувчи орган давлат рўйхатидан ўтказиш тўғрисида ёхуд давлат рўйхатидан ўтказишни рад қилиш ҳақида бир ой ичида қарор чиқариши шарт.

Рўйхатдан ўтказилган фондга, унинг ваколатхонаси ва филиалига, бош ташкилоти Ўзбекистон Республикасидан ташқарида жойлашган халқаро фонднинг ва чет эл фондининг ваколатхонасига ёки филиалига рўйхатдан ўтказувчи орган томонидан давлат рўйхатидан ўтказилганлиги тўғрисидаги гувоҳнома ҳамда фонднинг рўйхатдан ўтказувчи орган муҳри билан тасдиқланган, рўйхатга олинганлиги ҳақида белги қўйилган устави (низоми) берилади.

16-модда. Давлат рўйхатидан ўтказишни рад қилиш асослари

Фондни, унинг ваколатхоналари ва филиалларини давлат рўйхатидан ўтказиш қонунда назарда тутилган ҳолларда рад қилиниши мумкин.

Давлат рўйхатидан ўтказишни рад қилиш асослантирилган бўлиши керак. Фондни, унинг ваколатхоналари ва филиалларини ташкил этиш мақсадга мувофиқ эмас деган важ билан давлат рўйхатидан ўтказишни рад қилишга йўл қўйилмайди.

Рўйхатдан ўтказувчи органнинг фондни, унинг ваколатхоналари ва филиалларини давлат рўйхатидан ўтказишни рад қилиш тўғрисидаги қарори устидан, шунингдек мазкур органнинг давлат рўйхатидан ўтказиш муддатларини бузганлиги устидан судга шикоят қилиш мумкин»;

6) 24-модданинг учинчи қисмидаги «йигирма» деган сўз «ўттиз» деган сўз билан алмаштирилсин;

7) 25-модда иккинчи қисмининг учинчи хатбошиси қуйидаги таҳрирда баён этилсин:

«фонднинг йиллик молиявий ҳисоботини, аудиторлик ташкилотининг хулосасини кўрсатган ҳолда (бундан ҳисобот даврида банк ҳисобварақларида пул айланмаси мавжуд бўлмаган фонднинг ўз фаолиятини аудиторлик текширувидан ўтказмаганлиги ҳоллари мустасно)»;

8) 33-модда қуйидаги мазмундаги тўртинчи қисм билан тўлдирилсин:

«Бир календарь йилда банк ҳисобварақларида пул айланмаси мавжуд бўлмаган фонд учун ушбу календарь йилда ўз фаолиятини аудиторлик текширувидан ўтказиш ихтиёрий тартибда амалга оширилади».

4-модда. Ўзбекистон Республикасининг 2007 йил 3 январда қабул қилинган «Нодавлат нотижорат ташкилотлари фаолиятининг кафолатлари тўғрисида»ги ЎРҚ-76-сонли Қонунига (Ўзбекистон Республикаси Олий Мажлиси палаталарининг Ахборотномаси, 2007 йил, № 1, 2-модда; 2008 йил, № 12, 634-модда; 2017 йил, № 9, 510-модда; 2020 йил, № 7, 449-модда; 2021 йил, 4-сонга илова) қуйидаги ўзгартиришлар киритилсин:

1) 11-модданинг учинчи қисмидаги «Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди» деган сўзлар «Фуқаролик жамияти институтларини қўллаб-қувватлаш жамоат фонди ва унинг алоҳида бўлинмалари» деган сўзлар билан алмаштирилсин;

2) 12-модданинг матни қуйидаги таҳрирда баён этилсин:

«Давлат субсидияси Ўзбекистон Республикасининг республика бюджетидан, Қорақалпоғистон Республикасининг республика бюджетидан, вилоятларнинг вилоят бюджетларидан ва Тошкент шаҳрининг шаҳар бюджетидан, давлат мақсадли жамғармалари маблағлари ҳисобидан нодавлат нотижорат ташкилотларини қўллаб-қувватлаш учун бериладиган ва махсус лойиҳалар билан боғлиқ бўлмаган молиявий ёки бошқа моддий кўмакдир.

Нодавлат нотижорат ташкилотларига давлат субсидияларини ажратиш тартиби ва шартлари Ўзбекистон Республикаси Олий Мажлиси палаталари томонидан белгиланади»;

3) 13-модданинг матни қуйидаги таҳрирда баён этилсин:

«Давлат гранти нодавлат нотижорат ташкилотларига ижтимоий фойдали мақсадларга эришишга қаратилган лойиҳаларни амалга ошириш учун танлов асосида Ўзбекистон Республикасининг республика бюджети, Қорақалпоғистон Республикасининг республика бюджети, вилоятларнинг вилоят бюджетлари ва Тошкент шаҳрининг шаҳар бюджети маблағлари ҳисобидан бериладиган пул маблағлари ва моддий ресурслардир.

Нодавлат нотижорат ташкилотларига давлат грантларини ажратиш тартиби ва шартлари Ўзбекистон Республикаси Олий Мажлиси палаталари томонидан белгиланади»;

4) 14-модданинг иккинчи , учинчи ва тўртинчи қисмлари қуйидаги мазмундаги иккинчи — бешинчи қисмлар билан алмаштирилсин:

«Нодавлат нотижорат ташкилотларига давлат ижтимоий буюртмасини бериш тартиби ва шартлари Ўзбекистон Республикаси Олий Мажлиси палаталари томонидан белгиланади.

Давлат органлари ҳар йили социал ва ижтимоий аҳамиятга молик лойиҳаларни амалга ошириш учун нодавлат нотижорат ташкилотларига бюджетдан ташқари маблағлари ҳисобидан бевосита давлат ижтимоий буюртмасини бериш бўйича танловлар ташкил этади.

Нодавлат нотижорат ташкилотлари тегишли соҳалар ва тармоқлардаги муаммоларнинг ечимини назарда тутувчи ташаббусли лойиҳаларни амалга ошириш учун давлат ижтимоий буюртмасини олиш тўғрисида давлат органига таклиф киритиши мумкин. Ташаббусли лойиҳа белгиланган тартибда давлат органи ҳузуридаги жамоатчилик кенгаши томонидан ижобий баҳоланган тақдирда, унинг ташаббускорига давлат органининг бюджетдан ташқари маблағлари ҳисобидан базавий ҳисоблаш миқдорининг минг бараваригача миқдордаги давлат ижтимоий буюртмаси тўғридан-тўғри шартнома тузиш йўли билан берилиши мумкин.

Социал ва ижтимоий аҳамиятга молик лойиҳаларни амалга ошириш учун давлат органлари томонидан нодавлат нотижорат ташкилотларига давлат ижтимоий буюртмаси бериш, шунингдек танлов шартлари ва уни ўтказиш тартиби Ўзбекистон Республикаси Вазирлар Маҳкамаси томонидан белгиланади»;

5) 17-модданинг учинчи хатбошисидаги «давлат бошқаруви органлари» деган сўзлар «республика ижро этувчи ҳокимият органлари» деган сўзлар билан алмаштирилсин.

5-модда. Ўзбекистон Республикасининг 2007 йил 2 майда қабул қилинган «Ҳомийлик тўғрисида»ги ЎРҚ-96-сонли Қонунига (Ўзбекистон Республикаси Олий Мажлиси палаталарининг Ахборотномаси, 2007 йил, № 5, 218-модда; 2008 йил, № 12, 640-модда; 2015 йил, № 8, 312-модда; 2016 йил, № 4, 125-модда; 2021 йил, 4-сонга илова; 2022 йил, № 5, 464-модда; 2024 йил, № 10, 1079-модда; 2025 йил, № 2, 188-модда) қуйидаги қўшимча ва ўзгартиришлар киритилсин:

1) 3-модда :

қуйидаги мазмундаги учинчи хатбоши билан тўлдирилсин:

« хайрия қутиси — нақд пул шаклидаги ҳомийлик хайрияларини йиғиш учун мўлжалланган идиш бўлиб, ундан фойдаланиш ҳуқуқи ҳомийлик ташкилотларига, ҳомийликни амалга оширувчи ёки ҳомийлик олувчи юридик шахсларга тегишли бўлади»;

учинчи — саккизинчи хатбошилари тегишинча тўртинчи — тўққизинчи хатбошилар деб ҳисоблансин;

саккизинчи хатбошиси қуйидаги таҳрирда баён этилсин:

« ҳомийлик ташкилоти — ҳомийлик фаолиятини амалга ошириш учун тузилган нодавлат нотижорат ташкилоти»;

2) 5 1 -модда :

биринчи хатбошисидаги «ва якка тартибдаги тадбиркорлар» деган сўзлар чиқариб ташлансин;

учинчи хатбошиси «веб-сайтларида» деган сўзлардан кейин «ёки ижтимоий тармоқлардаги саҳифаларида» деган сўзлар билан тўлдирилсин;

қуйидаги мазмундаги иккинчи қисм билан тўлдирилсин:

«Ҳомийлик олувчи жисмоний шахслар ҳомийлик хайрияларининг миқдори ва улардан мақсадли фойдаланилганлиги тўғрисидаги маълумотни ушбу хайрияларни берган шахсларнинг талабига кўра тақдим этади»;

3) қуйидаги мазмундаги 5 2 ва 5 3 -моддалар билан тўлдирилсин:

«5 2 -модда. Ҳомийлик хайрияларини йиғиш

Ҳомийлик хайрияларини йиғиш муайян ҳомийлик олувчиларнинг манфаатларини кўзлаб, олдиндан эълон қилинган муддат давомида амалга оширилади.

Ҳомийлик хайриялари ҳомийлик ташкилотлари, ҳомийликни амалга оширувчи ёки ҳомийлик олувчи юридик шахслар томонидан ўз банк ҳисобварақларига пул маблағларини ўтказиш орқали, нақд пул ёки мол-мулк шаклида йиғилиши мумкин.

Ҳомийлик ташкилотлари, ҳомийликни амалга оширувчи ёки ҳомийлик олувчи юридик шахслар томонидан ҳомийлик хайрияларини нақд пул шаклида йиғиш фақат хайрия қутиси ёрдамида амалга оширилади, бундан нақд пул шаклидаги ҳомийлик хайрияларини уларнинг банк ҳисобварақларига қонунчиликда белгиланган тартибда ўтказиш ҳоллари мустасно.

Ҳомийлик ташкилотлари, ҳомийликни амалга оширувчи ёки ҳомийлик олувчи юридик шахслар томонидан ҳомийлик хайриялари мол-мулк шаклида йиғилган тақдирда, қабул қилиб олинган мол-мулк рўйхати шакллантирилиб, мол-мулкнинг тури, миқдори (ҳажми) кўрсатилган ҳолда далолатнома тузилади.

Ҳомийлик хайрияларини йиғиш жараёни бошланишидан камида бир кун олдин ҳомийлик ташкилотлари, ҳомийликни амалга оширувчи ёки ҳомийлик олувчи юридик шахслар ҳомийлик хайрияларини йиғиш шаклларига қараб, улар йиғиладиган банк ҳисобварақлари, хайрия қутилари жойлаштириладиган ва мол-мулк йиғиладиган манзиллар, ҳомийлик хайрияларини йиғишнинг мақсади, муддатлари, зарур бўлган пул маблағининг (мол-мулкнинг) миқдори тўғрисида ва ҳомийлик ташкилотлари, ҳомийликни амалга оширувчи ёки ҳомийлик олувчи юридик шахслар билан боғланиш учун маълумотларни оммавий ахборот воситаларида ёки ўз расмий веб-сайтида ёхуд ижтимоий тармоқлардаги саҳифаларида эълон қилади.

Ҳомийлик ташкилотлари ва ҳомийликни амалга оширувчи юридик шахслар йиғилган ҳомийлик хайриялари миқдори тўғрисидаги маълумотни ҳомийлик хайриялари йиғиш жараёни тугагач бир кун ичида оммавий ахборот воситаларида ёки ўз расмий веб-сайтида ёхуд ижтимоий тармоқлардаги саҳифаларида эълон қилади.

Ҳомийлик ташкилотлари, ҳомийликни амалга оширувчи ёки ҳомийлик олувчи юридик шахслар йиғилган ҳомийлик хайрияларидан ҳомийлик мақсадларида фойдаланилганлиги тўғрисидаги батафсил маълумотни тегишли солиқ ҳисоботида акс эттириши шарт.

Жисмоний шахс ҳомийлик хайрияларини фақат ўзи ёки яқин қариндошлари (ота-онаси, туғишган ва ўгай ака-укаси ва опа-сингиллари, эри (хотини), фарзанди, шу жумладан фарзандликка олинган болалари, бобоси, бувиси, неваралари, шунингдек эрнинг (хотиннинг) ота-онаси, туғишган ва ўгай ака-ука ва опа-сингиллари) учун ўз банк ҳисобварақларига ёки шахсий банк картасига пул ўтказиш орқали, нақд пул ёки мол-мулк шаклида йиғишга ҳақли.

Кўнгиллилар ҳомийлик олувчиларнинг манфаатларини кўзлаб, ҳомийлик хайрияларини йиғишга фақат эълон бериш орқали кўмаклашади, бундан ушбу модданинг саккизинчи қисмида назарда тутилган ҳоллар мустасно. Бунда ҳомийлик хайрияларини йиғиш ҳомийлик олувчи жисмоний шахслар ёки уларнинг яқин қариндошлари номларига очилган банк ҳисобварақларига ёки шахсий банк карталарига пул ўтказиш орқали ёки уларга бевосита нақд пул (мол-мулк) бериш орқали, шунингдек ҳомийлик олувчи юридик шахсларнинг банк ҳисобварақларига пул маблағларини ўтказиш ёки уларга мол-мулк бериш орқали амалга оширилади.

Жисмоний шахслар томонидан ҳомийлик олувчиларнинг манфаатларини кўзлаб ҳомийлик хайрияларини йиғишга ҳамда пул йиғиш учун ўзига тегишли бўлган банк ҳисобварақлари ва банк карталари рақамлари ҳақида эълон беришига йўл қўйилмайди, бундан ушбу модданинг саккизинчи қисмида назарда тутилган ҳоллар мустасно.

5 3 -модда. Хайрия қутиларини ўрнатиш ва улардан фойдаланиш

Ҳомийлик хайрияларини йиғиш учун хайрия қутиларидан фақат ҳомийлик ташкилотлари, ҳомийликни амалга оширувчи ва ҳомийлик олувчи юридик шахслар фойдаланади.

Хайрия қутиси шаффоф бўлиши ва уни очиш жойи ҳомийлик ташкилотининг, ҳомийликни амалга оширувчи ёки ҳомийлик олувчи юридик шахснинг раҳбари ёки у ваколат берган шахс томонидан имзоланган ҳамда ҳомийлик ташкилотининг, ҳомийликни амалга оширувчи ёки ҳомийлик олувчи юридик шахснинг муҳри билан муҳрланган қоғозли пломба ёки рақамланган пломба билан пломбаланган бўлиши шарт.

Ҳомийлик ташкилоти, ҳомийликни амалга оширувчи ёки ҳомийлик олувчи юридик шахс томонидан хайрия қутисида ҳомийлик хайрияларини йиғиш мақсади тўғрисидаги ахборот, ўзининг расмий номи ва юридик манзили, у билан алоқа боғлашга доир маълумотлар, шунингдек расмий веб-сайти ёки ижтимоий тармоқлардаги саҳифалари ҳақидаги маълумотлар жойлаштирилиши шарт.

Хайрия қутисини ўрнатиш кўчмас мулк эгаси ёки у ваколат берган шахс ва ҳомийлик ташкилоти, ҳомийликни амалга оширувчи ёки ҳомийлик олувчи юридик шахс ўртасида ёзма шаклда тузилган шартнома асосида амалга оширилади (бундан кўчмас мулк ҳомийлик ташкилотининг, ҳомийликни амалга оширувчи ёки ҳомийлик олувчи юридик шахснинг эгалигида ёки фойдаланишида бўлган ҳоллар, шунингдек хайрия қутисининг ҳомийлик ташкилоти, ҳомийликни амалга оширувчи ёки ҳомийлик олувчи юридик шахс томонидан ташкил этиладиган тадбир жойида ва тадбир вақтида ўрнатилганлиги ҳоллари мустасно). Хайрия қутисини кўчмас мулк ҳудудида сақлаш шартлари шартномада кўрсатилади.

Хайрия қутисидаги йиғилган пул маблағлари хайрия қутиси тўлганда, тўпланган маблағлардан фойдаланиш эҳтиёжи юзага келганда ёки ҳомийлик хайрияларини йиғиш муддатлари тугаганда олинади.

Хайрия қутиси ҳомийлик ташкилотининг, ҳомийликни амалга оширувчи ёки ҳомийлик олувчи юридик шахснинг ваколатли ходими томонидан камида икки нафар холис ҳозирлигида хайрия қутиси ўрнатилган жойда очилади ва ҳисоблаб чиқилади. Хайрия қутисини очиш ва маблағларни ҳисоблаб чиқиш жараёни видеоёзувга олинади.

Хайрия қутисидан олинган пул маблағларининг миқдори ҳомийлик ташкилотининг, ҳомийликни амалга оширувчи ёки ҳомийлик олувчи юридик шахснинг ваколатли ходими ва камида икки нафар холис томонидан имзоланадиган далолатномада қайд этилади.

Далолатнома ва видеоёзув ҳомийлик ташкилотида, ҳомийликни амалга оширувчи ёки ҳомийлик олувчи юридик шахсда сақланади ҳамда далолатнома тузилган кундан эътиборан бир кун ичида далолатномадаги маълумотлар оммавий ахборот воситаларида ёки уларнинг расмий веб-сайтида ёхуд ижтимоий тармоқлардаги саҳифаларида эълон қилинади.

Пул маблағлари ҳомийлик ташкилоти, ҳомийликни амалга оширувчи ёки ҳомийлик олувчи юридик шахс томонидан хайрия қутисидан олинган кунда ёки кейинги иш кунида ҳомийлик ташкилотининг, ҳомийликни амалга оширувчи ёки ҳомийлик олувчи юридик шахснинг банкдаги ҳисобварағига ўтказилиши шарт.

Ушбу модданинг қоидалари эҳсон қутиларини ўрнатган диний ташкилотларга ва улар томонидан ташкил этилган жамоат фондларига нисбатан татбиқ этилмайди»;

4) 9-модданинг учинчи қисмидаги «20» рақами «30» рақами билан алмаштирилсин;

5) 11-модданинг учинчи қисмидаги «80» рақами «70» рақами билан алмаштирилсин;

6) 14-модда қуйидаги мазмундаги учинчи қисм билан тўлдирилсин:

«Ҳомийлик олувчилар томонидан ҳомийлик хайрияларининг олиниши уларнинг қонунчиликда белгиланган бошқа ёрдам турларидан, тўловлардан ёки имтиёзлардан фойдаланишини чеклаш ёки тўхтатиш учун асос бўлмайди».

6-модда. Ўзбекистон Республикасининг 2014 йил 25 сентябрда қабул қилинган «Ижтимоий шериклик тўғрисида»ги ЎРҚ-376-сонли Қонунига (Ўзбекистон Республикаси Олий Мажлиси палаталарининг Ахборотномаси, 2014 йил, № 9, 247-модда; 2017 йил, № 9, 510-модда; 2018 йил, № 1, 8-модда; 2020 йил, № 7, 449-модда; 2021 йил, 4-сонга илова) қуйидаги ўзгартиришлар киритилсин:

1) 3-модданинг :

биринчи қисмидаги «давлат органларининг нодавлат нотижорат ташкилотлари ва фуқаролик жамиятининг бошқа институтлари билан» деган сўзлар «давлат органларининг фуқаролик жамияти институтлари, шу жумладан жамоат бирлашмалари ва бошқа нодавлат нотижорат ташкилотлари, фуқароларнинг ўзини ўзи бошқариш органлари, оммавий ахборот воситалари (бундан буён матнда фуқаролик жамияти институтлари деб юритилади) билан» деган сўзлар билан алмаштирилсин;

иккинчи қисмидаги «нодавлат нотижорат ташкилотлари ва фуқаролик жамиятининг бошқа институтлари» деган сўзлар «фуқаролик жамияти институтлари» деган сўзлар билан алмаштирилсин;

2) 6-модданинг :

иккинчи хатбошисидаги «нодавлат нотижорат ташкилотларининг ва фуқаролик жамияти бошқа институтларининг» деган сўзлар «фуқаролик жамияти институтларининг» деган сўзлар билан алмаштирилсин;

учинчи хатбошисидаги «нодавлат нотижорат ташкилотларининг ва фуқаролик жамияти бошқа институтларининг» деган сўзлар «фуқаролик жамияти институтларининг» деган сўзлар билан алмаштирилсин;

тўртинчи хатбошисидаги «нодавлат нотижорат ташкилотлари ва фуқаролик жамияти бошқа институтлари» деган сўзлар «фуқаролик жамияти институтлари» деган сўзлар билан алмаштирилсин;

3) 7-модда :

номидаги «нодавлат нотижорат ташкилотларининг ва фуқаролик жамияти бошқа институтларининг» деган сўзлар «фуқаролик жамияти институтларининг» деган сўзлар билан алмаштирилсин;

биринчи қисмидаги «нодавлат нотижорат ташкилотларини ва фуқаролик жамиятининг бошқа институтларини» деган сўзлар «фуқаролик жамияти институтларини» деган сўзлар билан алмаштирилсин;

иккинчи қисмидаги «нодавлат нотижорат ташкилотларидан ва фуқаролик жамиятининг бошқа институтларидан» деган сўзлар «фуқаролик жамияти институтларидан» деган сўзлар билан алмаштирилсин;

учинчи қисмидаги «нодавлат нотижорат ташкилотлари ва фуқаролик жамиятининг бошқа институтларини» деган сўзлар «фуқаролик жамияти институтларини» деган сўзлар билан алмаштирилсин;

тўртинчи қисмининг биринчи хатбошиси қуйидаги таҳрирда баён этилсин:

«Фуқаролик жамияти институтлари»;

бешинчи қисмидаги «нодавлат нотижорат ташкилотларининг ва фуқаролик жамияти бошқа институтларининг» деган сўзлар «фуқаролик жамияти институтларининг» деган сўзлар билан алмаштирилсин;

4) 8-модда :

номидаги «Нодавлат нотижорат ташкилотлари ва фуқаролик жамияти бошқа институтлари» деган сўзлар «Фуқаролик жамияти институтлари» деган сўзлар билан алмаштирилсин;

биринчи қисмидаги «Нодавлат нотижорат ташкилотлари ва фуқаролик жамияти бошқа институтларининг» деган сўзлар «Фуқаролик жамияти институтларининг» деган сўзлар билан алмаштирилсин;

иккинчи қисмининг биринчи хатбошиси қуйидаги таҳрирда баён этилсин:

«Фуқаролик жамияти институтлари»;

5) 9-модданинг иккинчи қисмидаги «нодавлат нотижорат ташкилотлари ва фуқаролик жамиятининг бошқа институтлари» деган сўзлар «фуқаролик жамияти институтлари» деган сўзлар билан алмаштирилсин;

6) 12-модданинг :

иккинчи хатбошисидаги «нодавлат нотижорат ташкилотларини ва фуқаролик жамиятининг бошқа институтларини» деган сўзлар «фуқаролик жамияти институтларини» деган сўзлар билан алмаштирилсин;

учинчи хатбошисидаги «нодавлат нотижорат ташкилотларига ва фуқаролик жамиятининг бошқа институтларига» деган сўзлар «фуқаролик жамияти институтларига» деган сўзлар билан алмаштирилсин;

тўртинчи хатбошисидаги «нодавлат нотижорат ташкилотларига ва фуқаролик жамиятининг бошқа институтларига» деган сўзлар «фуқаролик жамияти институтларига» деган сўзлар билан алмаштирилсин;

7) 13-модданинг :

биринчи қисмидаги «нодавлат нотижорат ташкилотларига ва фуқаролик жамиятининг бошқа институтларига» деган сўзлар «фуқаролик жамияти институтларига» деган сўзлар билан алмаштирилсин;

иккинчи қисмидаги «Нодавлат нотижорат ташкилотларига ва фуқаролик жамиятининг бошқа институтларига» деган сўзлар «Фуқаролик жамияти институтларига» деган сўзлар билан алмаштирилсин;

8) 14-модданинг :

биринчи хатбошисидаги «нодавлат нотижорат ташкилотларини ва фуқаролик жамиятининг бошқа институтларини» деган сўзлар «фуқаролик жамияти институтларини» деган сўзлар билан алмаштирилсин;

учинчи хатбошисидаги «нодавлат нотижорат ташкилотларининг ва фуқаролик жамияти бошқа институтларининг» деган сўзлар «фуқаролик жамияти институтларининг» деган сўзлар билан алмаштирилсин;

9) 15 ва 16-моддалар қуйидаги таҳрирда баён этилсин:

«15-модда. Ўзбекистон Республикаси Олий Мажлиси ҳузуридаги Фуқаролик жамияти институтларини қўллаб-қувватлаш жамоат фонди

Мамлакатда демократик ўзгаришларни янада ривожлантиришга ҳамда бунда фуқаролик жамияти институтларининг иштирок этишига кўмаклашиш мақсадида Ўзбекистон Республикаси Олий Мажлиси ҳузурида Фуқаролик жамияти институтларини қўллаб-қувватлаш жамоат фонди (бундан буён матнда Олий Мажлис ҳузуридаги жамоат фонди деб юритилади) ва унинг алоҳида бўлинмалари тузилади.

Олий Мажлис ҳузуридаги жамоат фонди:

Ўзбекистон Республикасининг республика бюджетидан, Қорақалпоғистон Республикасининг республика бюджетидан, вилоятларнинг вилоят бюджетларидан ва Тошкент шаҳрининг шаҳар бюджетидан, қонунчиликда тақиқланмаган бошқа манбалардан олинадиган маблағларни жамлайди, бу маблағлар фуқаролик жамияти институтлари фаолиятини ривожлантиришни рағбатлантириш ҳамда қўллаб-қувватлашга, ижтимоий, иқтисодий, гуманитар масалаларни ҳал этишда уларнинг иштирок этишига қаратилган дастурларни амалга ошириш учун тақсимланишини ташкил этади;

фуқаролик жамияти институтларининг моддий-техника базасини мустаҳкамлаш, уларга ҳуқуқий маслаҳат, ташкилий, техник жиҳатдан ва бошқа хил ёрдам кўрсатиш билан боғлиқ дастурлар ҳамда лойиҳаларни амалга оширишда кўмаклашади.

Олий Мажлис ҳузуридаги жамоат фондининг ташкил этилиши, фаолияти, қайта ташкил этилиши ҳамда тугатилишининг ўзига хос хусусиятлари Ўзбекистон Республикаси Олий Мажлиси палаталари томонидан белгиланади.

16-модда. Ўзбекистон Республикаси Олий Мажлиси ҳузуридаги Фуқаролик жамияти институтларини қўллаб-қувватлаш жамоат фонди маблағларини бошқариш бўйича парламент комиссияси

Ўзбекистон Республикаси Олий Мажлиси ҳузуридаги Фуқаролик жамияти институтларини қўллаб-қувватлаш жамоат фонди маблағларини бошқариш бўйича парламент комиссияси (бундан буён матнда Парламент комиссияси деб юритилади) фуқаролик жамияти институтларини ривожлантириш ҳамда уларнинг мамлакатда демократик ўзгаришларни амалга оширишда ва жамиятни эркинлаштиришда иштирок этишига кўмаклашиш мақсадида тузилади.

Парламент комиссияси Ўзбекистон Республикаси Олий Мажлисининг палаталари томонидан Ўзбекистон Республикаси Олий Мажлиси Қонунчилик палатасининг депутатлари ва Сенатининг аъзоларидан иборат таркибда шакллантирилади.

Парламент комиссиясининг таркибига раис, раис ўринбосари, масъул котиб ва комиссия аъзолари киради. Парламент комиссиясига унинг таркибига киритилган Ўзбекистон Республикаси Олий Мажлиси Қонунчилик палатасининг депутати ва Сенатининг аъзоси ҳар йили навбатма-навбат раислик қилади.

Парламент комиссияси ўз фаолиятига вазирликлар ва идоралар мутахассисларини ҳамда жамоатчилик вакилларини жалб этиши мумкин.

Парламент комиссияси:

Олий Мажлис ҳузуридаги жамоат фонди маблағларининг фуқаролик жамияти институтларини қўллаб-қувватлаш учун тақсимланишини ташкил этади, фуқаролик жамияти институтлари ва давлат органларининг таклифларини ўрганиш асосида аниқ ижтимоий-иқтисодий масалаларни ҳал этишга, фуқароларнинг ижтимоий фаоллигини янада оширишга қаратилган социал ва ижтимоий аҳамиятга молик дастурлар ҳамда лойиҳаларни молиялаштириш дастурларини ишлаб чиқади;

Олий Мажлис ҳузуридаги жамоат фонди маблағларини тақсимлашда очиқлик ва шаффофликни таъминлайди, фуқаролик жамияти институтларини ривожлантириш ҳамда улар фаолиятининг самарадорлигини ошириш, уларнинг ўтказилаётган социал-иқтисодий ва ижтимоий-сиёсий ислоҳотларда, демократик қадриятларнинг, фуқаролар ҳуқуқлари, эркинликлари ва қонуний манфаатларининг ҳимоя қилинишини таъминлашда иштирок этиши масалаларини муҳокама қилишга жамоатчиликни жалб этади;

жойлардаги фуқаролик жамияти институтларини қўллаб-қувватлаш учун маблағларнинг ҳажмларини Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари ҳузуридаги ижтимоий шериклик бўйича жамоат комиссияларининг (бундан буён матнда жамоат комиссиялари деб юритилади) таклифлари асосида аниқлайди ҳамда тақсимлайди, ушбу комиссиялар фаолиятига услубий раҳбарликни таъминлайди;

Олий Мажлис ҳузуридаги жамоат фонди маблағларидан мақсадли ва самарали фойдаланилиши, молиялаштирилган дастурлар ҳамда лойиҳалар устидан назоратни (мониторингни) амалга оширади, ўз мажлисларида молиялаштирилаётган дастурлар ҳамда лойиҳалар амалга оширилишининг бориши ва натижалари тўғрисида фуқаролик жамияти институтларининг ҳисоботларини, маҳаллий давлат ҳокимияти органларининг ахборотини эшитади, ижтимоий шерикликни янада ривожлантиришга доир зарур тавсияларни ишлаб чиқади ва топширади;

социал ва ижтимоий аҳамиятга молик дастурлар ва лойиҳаларни амалга оширишда фуқаролик жамияти институтларининг давлат органлари билан ҳамкорлигини чуқурлаштиришга, ижтимоий ҳаётни демократлаштиришда фуқаролик жамияти институтларининг ролини кучайтириш жараёнларига кўмаклашади;

ижтимоий-иқтисодий ривожлантириш дастурлари ва норматив-ҳуқуқий ҳужжатлар лойиҳаларининг жамоатчилик муҳокамасини, жамоатчилик экспертизасини ташкил этишда давлат органларига ёрдам кўрсатади, мамлакатда амалга оширилаётган демократик ўзгаришларнинг моҳияти ва аҳамиятини аҳолига тушунтириш бўйича тизимли ишлар олиб боради;

ижтимоий шериклик соҳасида кўриб чиқилаётган масалалар юзасидан қарорлар қабул қилади ва уларнинг бажарилиши устидан назоратни амалга оширади;

бажарилган ишлар тўғрисида ҳар йили Ўзбекистон Республикаси Олий Мажлисининг Қонунчилик палатасига ва Сенатига ахборот тақдим этади;

ўз фаолияти тўғрисида жамоатчиликни хабардор қилади.

Парламент комиссияси Олий Мажлис ҳузуридаги жамоат фондининг васийлик кенгаши вазифасини бажаради.

Парламент комиссияси қонунчиликка мувофиқ бошқа ваколатларни ҳам амалга ошириши мумкин.

Парламент комиссиясининг фаолиятини ташкил этиш тартиби Ўзбекистон Республикаси Олий Мажлисининг палаталари томонидан белгиланади»;

10) 17-модда чиқариб ташлансин;

11) 18-модда :

биринчи қисмидаги «нодавлат нотижорат ташкилотларининг ва фуқаролик жамияти бошқа институтларининг» деган сўзлар «фуқаролик жамияти институтларининг» деган сўзлар билан алмаштирилсин;

иккинчи қисмининг :

иккинчи хатбошисидаги «нодавлат нотижорат ташкилотларининг ва фуқаролик жамияти бошқа институтларининг» деган сўзлар «фуқаролик жамияти институтларининг» деган сўзлар билан алмаштирилсин;

учинчи ва тўртинчи хатбошилари қуйидаги таҳрирда баён этилсин:

«фуқаролик жамияти институтларининг жойларда ижтимоий, социал-иқтисодий масалаларни ҳал этишга қаратилган социал ҳамда ижтимоий аҳамиятга молик дастурлари ва лойиҳаларини қўллаб-қувватлашга, уларни амалга ошириш учун маблағларнинг зарур ҳажмларини аниқлашга доир таклифларни ишлаб чиқади ҳамда уларни Парламент комиссиясига тақдим этиб боради;

жойларда фуқаролик жамияти институтлари томонидан давлат субсидияси, грантлари ва ижтимоий буюртмалари доирасида амалга оширилаётган фаолият самарадорлигини ўрганиш, таҳлил қилиш ва баҳолаш борасида Парламент комиссиясига кўмаклашади»;

учинчи қисми чиқариб ташлансин;

тўртинчи — еттинчи қисмлари тегишинча учинчи — олтинчи қисмлар деб ҳисоблансин;

бешинчи қисми чиқариб ташлансин;

олтинчи қисми бешинчи қисм деб ҳисоблансин;

12) 19-модданинг матни қуйидаги таҳрирда баён этилсин:

«Давлат субсидияси социал ва ижтимоий аҳамиятга молик фаолиятни амалга ошираётган фуқаролик жамияти институтларини қўллаб-қувватлаш учун Ўзбекистон Республикасининг республика бюджети, Қорақалпоғистон Республикасининг республика бюджети, вилоятларнинг вилоят бюджетлари ва Тошкент шаҳрининг шаҳар бюджети, давлат мақсадли жамғармалари маблағлари ҳисобидан бериладиган ҳамда аниқ лойиҳалар билан боғлиқ бўлмаган молиявий ёки бошқа моддий кўмакдир.

Давлат субсидияларидан фақат фуқаролик жамияти институтларининг уставида белгиланган мақсад ва вазифаларни бажариш, моддий-техника базасини мустаҳкамлаш ҳамда ижтимоий фойдали мақсадларга эришиш учунгина фойдаланилади.

Фуқаролик жамияти институтлари давлат субсидиясини олиш учун Олий Мажлис ҳузуридаги жамоат фондига буюртмалар билан мурожаат этади.

Олий Мажлис ҳузуридаги жамоат фонди фуқаролик жамияти институтларининг буюртмаларини умумлаштиради, субсидиялаш ҳажмларига доир таклифларни тайёрлайди ҳамда уларни Парламент комиссиясига киритади.

Парламент комиссияси Олий Мажлис ҳузуридаги жамоат фонди томонидан тақдим этилган ҳужжатларни ўрганиб чиқиб, субсидиялашнинг мақсадга мувофиқлиги ва зарур ҳажмлари тўғрисида белгиланган тартибда қарор қабул қилади.

Олий Мажлис ҳузуридаги жамоат фонди навбатдаги йил учун Ўзбекистон Республикасининг Давлат бюджети тасдиқланганидан кейин Парламент комиссиясига давлат субсидияларини тақсимлашга доир таклифларни тақдим этади.

Парламент комиссияси Олий Мажлис ҳузуридаги жамоат фондининг таклифлари олинганидан кейин фуқаролик жамияти институтларига ажратиладиган давлат субсидияларининг ҳажмларини аниқлайди.

Давлат субсидияларини ажратиш тартиби ва шартлари Ўзбекистон Республикаси Олий Мажлиси палаталари томонидан белгиланади.

Қонунчиликда айрим фуқаролик жамияти институтлари учун давлат томонидан субсидиялашнинг бошқача тартиби ҳам назарда тутилиши мумкин»;

13) 20-модданинг матни қуйидаги таҳрирда баён этилсин:

«Давлат гранти ижтимоий фойдали мақсадларга эришишга қаратилган лойиҳаларни амалга ошириш учун Ўзбекистон Республикасининг республика бюджети, Қорақалпоғистон Республикасининг республика бюджети, вилоятларнинг вилоят бюджетлари ва Тошкент шаҳрининг шаҳар бюджети, шунингдек Олий Мажлис ҳузуридаги жамоат фондининг маблағлари ҳисобидан фуқаролик жамияти институтларига танлов асосида бериладиган пул маблағлари ва моддий ресурслардир.

Давлат грантларини ажратиш Олий Мажлис ҳузуридаги жамоат фонди ва унинг алоҳида бўлинмалари орқали амалга оширилади.

Олий Мажлис ҳузуридаги жамоат фонди давлат грантини тақсимлаш мақсадида грант танловларини ташкил этади.

Грант танловларида ижтимоий фойдали мақсадларга эришишга қаратилган лойиҳаларни тақдим этган фуқаролик жамияти институтлари иштирок этишга ҳақлидир.

Грант танловларига тақдим этилган лойиҳаларни танлаб олиш ва ғолибларни аниқлаш Парламент комиссияси томонидан амалга оширилади.

Давлат гранти ажратилаётганда грант берувчи ва грант олувчи ўртасида грант ажратилганлиги тўғрисида шартнома тузилади.

Фуқаролик жамияти институтларига давлат грантларини ажратиш тартиби ва шартлари Ўзбекистон Республикаси Олий Мажлиси палаталари томонидан белгиланади»;

14) 21-модданинг матни қуйидаги таҳрирда баён этилсин:

«Давлат ижтимоий буюртмаси давлат органи ва фуқаролик жамияти институти ўртасида шартнома тузиш йўли билан социал ва ижтимоий аҳамиятга молик лойиҳаларни амалга ошириш учун ишлар бажаришга ёки тадбирлар ўтказишга доир давлат топшириғидан иборат бўлади.

Давлат ижтимоий буюртмаларини бериш Олий Мажлис ҳузуридаги жамоат фонди, унинг алоҳида бўлинмалари орқали ёки бевосита давлат органлари томонидан амалга оширилади.

Давлат ижтимоий буюртмалари Олий Мажлис ҳузуридаги жамоат фонди ёки унинг алоҳида бўлинмалари орқали берилган тақдирда, давлат органлари ушбу Қонунда назарда тутилган ижтимоий шериклик соҳалари доирасида ўз фаолиятининг фуқаролик жамияти институтлари қўллаб-қувватлашини талаб этадиган устувор йўналишларини белгилайди ва келгуси молия йили учун давлат ижтимоий буюртмаларини бериш тўғрисида Олий Мажлис ҳузуридаги жамоат фондига ёки унинг алоҳида бўлинмаларига буюртмалар юборади. Буюртмада давлат органи фаолиятининг устувор йўналишлари, ишлар бажаришга ёки тадбирлар ўтказишга доир топшириқнинг мақсадлари, вазифалари ва шартлари, шунингдек талаб этиладиган маблағлар миқдори, унда давлат органининг улуши кўрсатилади.

Олий Мажлис ҳузуридаги жамоат фонди, унинг алоҳида бўлинмалари давлат органларининг буюртмаларини умумлаштиради ҳамда Парламент комиссиясига кўриб чиқиш учун киритади. Парламент комиссияси буюртмаларда назарда тутилган тадбирларнинг долзарблигини ва ижтимоий аҳамиятини баҳолайди, шунингдек буюртмаларни молиялаштириш мақсадга мувофиқлиги, ҳар бир буюртма учун ажратиладиган маблағлар миқдори ва танловларни ташкил этиш тўғрисида белгиланган тартибда қарор қабул қилади.

Олий Мажлис ҳузуридаги жамоат фонди давлат ижтимоий буюртмаларини бериш бўйича танлов ташкил этади, бунда давлат буюртмачилари, буюртмаларнинг мақсадлари, вазифалари ва шартлари, ажратиладиган маблағлар миқдори ҳақидаги маълумотларни ўзининг веб-сайтида, махсус электрон платформасида, шунингдек оммавий ахборот воситаларида ҳамда ижтимоий тармоқларда эълон қилади.

Фуқаролик жамияти институтлари давлат ижтимоий буюртмалари лойиҳаларини ишлаб чиқади ҳамда уларни кўриб чиқиш учун Олий Мажлис ҳузуридаги жамоат фондига тақдим этади.

Олий Мажлис ҳузуридаги жамоат фонди фуқаролик жамияти институтлари томонидан тақдим этилган давлат ижтимоий буюртмалари лойиҳаларини умумлаштиради ва кўриб чиқиш учун Парламент комиссиясига киритади.

Парламент комиссияси Олий Мажлис ҳузуридаги жамоат фонди томонидан киритилган фуқаролик жамияти институтларининг давлат ижтимоий буюртмалари лойиҳаларини кўриб чиқади, баҳолайди ва ғолибларни аниқлайди.

Давлат ижтимоий буюртмаси берилаётганда давлат ижтимоий буюртмасини бериш тўғрисида буюртма юборган давлат органи, фуқаролик жамияти институти ва Олий Мажлис ҳузуридаги жамоат фонди ўртасида уч томонлама шартнома тузилади.

Давлат органлари Парламент комиссияси томонидан қўллаб-қувватланган давлат ижтимоий буюртмалари лойиҳаларини бюджетдан ташқари маблағлар ҳисобидан қўшимча молиялаштиришни амалга ошириши мумкин. Бунда қўшимча молиялаштириш миқдори умумий молиялаштириш суммасининг йигирма фоизидан ошмаслиги лозим.

Олий Мажлис ҳузуридаги жамоат фонди, унинг алоҳида бўлинмалари орқали давлат ижтимоий буюртмасини бериш тартиби ва шартлари Ўзбекистон Республикаси Олий Мажлиси палаталари томонидан белгиланади.

Давлат органлари ҳар йили социал ва ижтимоий аҳамиятга молик лойиҳаларни амалга ошириш учун бюджетдан ташқари маблағлари ҳисобидан фуқаролик жамияти институтларига бевосита давлат ижтимоий буюртмаси бериш бўйича танловлар ташкил этади. Танловлар ҳақидаги ахборот давлат органининг веб-сайтида, оммавий ахборот воситаларида, шу жумладан электрон оммавий ахборот воситаларида олдиндан эълон қилинади.

Давлат органларига фуқаролик жамияти институтларидан келиб тушадиган лойиҳаларни кўриб чиқиш, умумлаштириш ва уларни баҳолаш давлат органлари ҳузуридаги жамоатчилик кенгашлари томонидан амалга оширилади. Давлат ижтимоий буюртмаларини бериш бўйича танлов ғолиби лойиҳаларни кўриб чиқиш, умумлаштириш ва уларни баҳолаш натижаларига кўра аниқланади. Давлат органи ва танловда ғолиб деб топилган фуқаролик жамияти институти ўртасида шартнома тузилади.

Фуқаролик жамияти институти тегишли соҳалар ва тармоқлардаги мавжуд муаммоларнинг ечимини назарда тутувчи ташаббусли лойиҳаларни амалга ошириш учун давлат ижтимоий буюртмасини олиш тўғрисида тегишли давлат органига таклиф киритиши мумкин.

Фуқаролик жамияти институтининг давлат ижтимоий буюртмасини олиш учун киритган ташаббусли лойиҳаси тегишли давлат органи ҳузуридаги жамоатчилик кенгаши томонидан белгиланган тартибда кўриб чиқилади ва баҳоланади.

Давлат органи ҳузуридаги жамоатчилик кенгаши томонидан ташаббусли лойиҳани молиялаштириш мақсадга мувофиқлиги ҳақида қарор қабул қилинган тақдирда, уни киритган фуқаролик жамияти институтига мазкур давлат органининг бюджетдан ташқари маблағлари ҳисобидан базавий ҳисоблаш миқдорининг минг бараваригача миқдордаги давлат ижтимоий буюртмаси тўғридан-тўғри шартнома тузиш йўли билан берилиши мумкин.

Социал ва ижтимоий аҳамиятга молик лойиҳаларни амалга ошириш учун давлат органлари томонидан фуқаролик жамияти институтларига давлат ижтимоий буюртмасини бериш, шунингдек танлов шартлари ва уни ўтказиш тартиби Ўзбекистон Республикаси Вазирлар Маҳкамаси томонидан белгиланади»;

15) 23-модда :

номидаги «Нодавлат нотижорат ташкилотларининг ва фуқаролик жамияти бошқа институтларининг» деган сўзлар «Фуқаролик жамияти институтларининг» деган сўзлар билан алмаштирилсин;

биринчи қисмининг биринчи хатбошисидаги «Нодавлат нотижорат ташкилотлари ва фуқаролик жамиятининг бошқа институтлари» деган сўзлар «Фуқаролик жамияти институтлари» деган сўзлар билан алмаштирилсин;

иккинчи қисмидаги «Нодавлат нотижорат ташкилотлари ва фуқаролик жамиятининг бошқа институтлари» деган сўзлар «Фуқаролик жамияти институтлари» деган сўзлар билан алмаштирилсин;

16) 24-модда :

номидаги «Нодавлат нотижорат ташкилотларининг ва фуқаролик жамияти бошқа институтларининг» деган сўзлар «Фуқаролик жамияти институтларининг» деган сўзлар билан алмаштирилсин;

биринчи қисмининг биринчи хатбошиси қуйидаги таҳрирда баён этилсин:

«Фуқаролик жамияти институтлари»;

иккинчи қисмидаги «Нодавлат нотижорат ташкилотлари ва фуқаролик жамиятининг бошқа институтлари» деган сўзлар «Фуқаролик жамияти институтлари» деган сўзлар билан алмаштирилсин;

17) 25-модда биринчи қисмининг :

иккинчи хатбошисидаги «нодавлат нотижорат ташкилотларини ва фуқаролик жамиятининг бошқа институтларини» деган сўзлар «фуқаролик жамияти институтларини» деган сўзлар билан алмаштирилсин;

учинчи хатбошиси қуйидаги таҳрирда баён этилсин:

«фуқаролик жамияти институтлари билан биргаликда ишчи гуруҳлар ва комиссиялар тузишга, шу жумладан улар вакилларининг ўз ваколатларига кирадиган масалалар бўйича давлат органлари ҳузуридаги жамоатчилик-маслаҳат органлари ишида иштирок этишини таъминлашга»;

тўртинчи хатбошисидаги «нодавлат нотижорат ташкилотлари ва фуқаролик жамиятининг бошқа институтлари» деган сўзлар «фуқаролик жамияти институтлари» деган сўзлар билан алмаштирилсин;

18) 26-модданинг биринчи қисми қуйидаги таҳрирда баён этилсин:

«Давлат органлари ижтимоий шериклик соҳасида:

фаолиятнинг фуқаролик жамияти институтларини қўллаб-қувватлашни талаб қиладиган устувор йўналишларини, шу жумладан улар билан маслаҳатлашувлар ўтказиш орқали аниқлаши;

фуқаролик жамияти институтларига ижтимоий шерикликда иштирок этиши учун шарт-шароитлар яратиши;

фуқаролик жамияти институтларининг ташаббуслари ҳамда таклифларини, шу жумладан ижтимоий-иқтисодий ривожлантириш дастурлари ва норматив-ҳуқуқий ҳужжатлар лойиҳаларини ишлаб чиқиш бўйича ташаббуслари ҳамда таклифларини кўриб чиқиши;

ижтимоий-иқтисодий ривожлантириш дастурлари ва норматив-ҳуқуқий ҳужжатлар ишлаб чиқилиши ҳамда амалга оширилишининг бориши бўйича зарур ҳолларда жамоатчилик муҳокамасини ташкил этиши, шунингдек фуқаролик жамияти институтларининг уларни амалга ошириш самарадорлигини юксалтиришга доир таклифларини кўриб чиқиши;

фуқаролик жамияти институтлари билан олдиндан маслаҳатлашувлар ва музокаралар ўтказилишини таъминлаши;

соҳавий ва ҳудудий фуқаролик жамияти институтлари вакиллари билан ҳар йили камида бир марта очиқ мулоқот ўтказиши;

ижтимоий шериклик соҳасидаги битимлар ва шартномалар, дастурлар ҳамда лойиҳалар бўйича мажбуриятларнинг бажарилишини таъминлаши шарт»;

19) 29-модданинг учинчи хатбошисидаги «давлат бошқаруви органлари» деган сўзлар «республика ижро этувчи ҳокимият органлари» деган сўзлар билан алмаштирилсин.

7-модда. Ўзбекистон Республикасининг 2018 йил 12 апрелда қабул қилинган «Жамоатчилик назорати тўғрисида»ги ЎРҚ-474-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2018 йил, № 4, 222-модда; 2021 йил, 4-сонга илова) 17-моддаси қуйидаги мазмундаги тўртинчи қисм билан тўлдирилсин:

«Якуний ҳужжат давлат органига келиб тушган кундан эътиборан бир ойгача бўлган муддатда кўриб чиқилади, бундан қўшимча ўрганишни талаб этадиган якуний ҳужжатлар мустасно бўлиб, бу ҳақда якуний ҳужжатни киритган жамоатчилик назорати субъектига ўн кунлик муддатда ёзма шаклда хабар қилинади».

8-модда. Ўзбекистон Республикасининг 2019 йил 30 декабрда қабул қилинган ЎРҚ-599-сонли Қонуни билан янги таҳрирда тасдиқланган Ўзбекистон Республикасининг Солиқ кодекси (Ўзбекистон Республикаси Олий Мажлиси палаталарининг Ахборотномаси, 2019 йил, 12-сонга 1-илова; 2020 йил, № 3, 198-модда, № 10, 593-модда, № 11, 652-модда, № 12, 690, 691-моддалар; 2021 йил, № 1, 6-модда, № 4, 294-модда, 4-сонга илова, № 8, 800-модда, № 9, 901-модда, № 10, 968, 969, 972, 973-моддалар, № 12, 1199-модда; 2022 йил, № 2, 79-модда, № 3, 215, 216-моддалар, № 5, 461, 464, 467-моддалар, № 6, 570-модда, № 7, 664, 666-моддалар, № 12, 1190-модда; 2023 йил, № 6, 444, 446-моддалар, № 7, 540-модда, № 12, 1011-модда; 2024 йил, № 2, 106, 110, 111-моддалар, № 4, 346-модда, № 5, 458, 459-моддалар, № 8, 822, 831-моддалар, № 9, 958-модда, № 10, 1076-модда, № 11, 1190-модда, № 12, 1283, 1284, 1296, 1297-моддалар; 2025 йил, № 2, 188, 194-моддалар) 22-моддасига қуйидаги қўшимча ва ўзгартириш киритилсин:

қуйидаги мазмундаги тўртинчи ва бешинчи қисмлар билан тўлдирилсин:

«Чет давлатлардан, халқаро ва чет эл ташкилотларидан, чет давлатларнинг фуқароларидан ёки уларнинг топшириғига биноан бошқа шахслардан пул маблағларини ёки мол-мулкни қуйидаги мақсадларда олган юридик шахслар тегишли солиқ ҳисоботида, жисмоний шахслар эса жами йиллик даромад тўғрисидаги декларацияда олинган пул маблағлари ёки мол-мулки ҳақидаги маълумотни акс эттириши шарт:

жамоатчилик фикрини ўрганиш бўйича тадқиқотлар, сўровлар ўтказиш (бундан тижорат мақсадларида ўтказиладиган тадқиқот ва сўровлар мустасно);

маълумотларни йиғиш, таҳлил қилиш ва тарқатиш (бундан ушбу фаолият тижорат мақсадларига қаратилган ҳоллар мустасно).

Ушбу модданинг тўртинчи қисмида белгиланган мажбурият қуйидагиларга нисбатан татбиқ этилмайди:

давлат органлари, ташкилотлари ва муассасаларига;

нодавлат нотижорат ташкилотларга;

чет эл дипломатик ваколатхоналарига ҳамда уларга тенглаштирилган ваколатхоналар ва консуллик муассасаларига;

Ўзбекистон Республикаси аъзо бўлган халқаро ташкилотларнинг ихтисослаштирилган муассасаларига»;

тўртинчи , бешинчи ва олтинчи қисмлар тегишинча олтинчи, еттинчи ва саккизинчи қисмлар деб ҳисоблансин.

9-модда. Ўзбекистон Республикасининг 2020 йил 6 январда қабул қилинган «Давлат божи тўғрисида»ги ЎРҚ-600-сонли Қонунига (Ўзбекистон Республикаси Олий Мажлиси палаталарининг Ахборотномаси, 2020 йил, № 1, 1-модда, № 3, 201-модда, № 5, 298-модда, № 10, 593-модда, № 12, 691-модда; 2021 йил, № 1, 13-модда, 4-сонга илова, № 7, 661-модда, № 8, 800, 803-моддалар, № 10, 968-модда; 2022 йил, № 2, 76-модда, № 3, 214, 216-моддалар, № 4, 340-модда, № 5, 463, 464, 467-моддалар, № 12, 1186-модда; 2023 йил, № 2, 103-модда, № 3, 186-модда, № 4, 265, 269-моддалар, № 6, 444, 445-моддалар, № 7, 538-модда, № 9, 710-модда; 2024 йил, № 1, 5, 6, 7-моддалар, № 2, 101, 105, 107, 108, 111, 112-моддалар, № 7, 628-модда, № 8, 819, 823, 831-моддалар, № 9, 958-модда, № 10, 1076, 1079-моддалар, № 11, 1191-модда, № 12, 1279, 1280, 1285-моддалар; 2025 йил, № 1, 4, 6-моддалар, № 2, 188, 189, 195, 197-моддалар) қуйидаги ўзгартиришлар киритилсин:

1) 5-модданинг 11-бандидаги «халқаро жамоат ташкилотларини рўйхатга олганлик, нодавлат нотижорат ташкилотларини, шу жумладан диний ташкилотлар, халқаро ва чет эл нодавлат нотижорат ташкилотларининг ваколатхоналари ва филиаллари ходимларини, шунингдек уларнинг қарамоғида бўлган оила аъзоларини аккредитация қилганлик» деган сўзлар «нодавлат нотижорат ташкилотларини, шу жумладан халқаро нодавлат нотижорат ташкилотларини, халқаро ва чет эл нодавлат нотижорат ташкилотларининг ваколатхоналари ва филиалларини ҳамда диний ташкилотларни давлат рўйхатидан ва қайта рўйхатдан ўтказганлик, шунингдек бундай ташкилотларнинг чет эл фуқаролари бўлган ходимларини, уларнинг қарамоғида бўлган оила аъзоларини аккредитациядан ўтказганлик» деган сўзлар билан алмаштирилсин;

2) 14-модданинг 5-бандидаги «хорижий» деган сўз «чет эл» деган сўзлар билан алмаштирилсин;

3) илова 7-бандининг:

«а» кичик банди қуйидаги таҳрирда баён этилсин:

« а) адлия органлари томонидан халқаро нодавлат нотижорат ташкилотларини, шунингдек халқаро ва чет эл нодавлат нотижорат ташкилотларининг ваколатхоналари ва филиалларини — БҲМнинг 12,5 баравари республика нодавлат нотижорат ташкилотларини — БҲМнинг 3 баравари ҳудудий нодавлат нотижорат ташкилотларини — БҲМнинг 50 фоизи диний ташкилотларнинг марказий бошқарув органлари ва диний ўқув юртларини — БҲМнинг 20 баравари бошқа диний ташкилотларни — БҲМнинг 10 баравари нодавлат нотижорат ташкилотларини, шу жумладан халқаро нодавлат нотижорат ташкилотларини, халқаро ва чет эл нодавлат нотижорат ташкилотларининг ваколатхоналари ва филиалларини, шунингдек диний ташкилотларни қайта рўйхатдан ўтказганлик учун — уларни давлат рўйхатидан ўтказганлик учун белгиланган сумманинг 50 фоизи »;

«г» кичик банди қуйидаги таҳрирда баён этилсин:

« г) Ўзбекистон Республикаси Инвестициялар, саноат ва савдо вазирлиги томонидан чет эл тижорат ташкилотлари ваколатхоналарини аккредитация қилганлик учун — БҲМнинг 48 баравари »;

«д» кичик банди чиқариб ташлансин.

10-модда. Ўзбекистон Республикасининг 2021 йил 25 февралда қабул қилинган «Аудиторлик фаолияти тўғрисида»ги ЎРҚ-677-сонли Қонуни (Ўзбекистон Республикаси Олий Мажлиси палаталарининг Ахборотномаси, 2021 йил, № 2, 146-модда; 2022 йил, № 3, 216, 217-моддалар, № 4, 340-модда; 2023 йил, № 1, 2-модда, № 11, 923-модда; 2024 йил, № 2, 105-модда, № 11, 1193-модда; 2025 йил, № 2, 188-модда) 35-моддаси биринчи қисмининг еттинчи хатбошиси «бошқа фондлар» деган сўзлардан кейин «(бундан бир календарь йилда банк ҳисобварақларида пул айланмаси мавжуд бўлмаган жамоат фондлари мустасно)» деган сўзлар билан тўлдирилсин.

11-модда. Ўзбекистон Республикаси Адлия вазирлиги, Бош прокуратураси ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

12-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

13-модда. Ушбу Қонун расмий эълон қилинган кундан эътиборан кучга киради.

Ушбу Қонуннинг 1-моддаси 5-банди , 6-банди тўртинчи хатбошиси , 7-банди учинчи хатбошиси , 8-банди ва 5-моддаси мазкур Қонун кучга кирган кундан эътиборан уч ой ўтгач амалга киритилади.

Ўзбекистон Республикасининг Президенти Ш. МИРЗИЁЕВ

Тошкент ш.,

2025 йил 21 август,

ЎРҚ-1083-сон

(Қонунчилик маълумотлари миллий базаси, 22.08.2025 й., 03/25/1083/0769-сон)

lex.uz

Oʻzbekiston Respublikasining Qonuni

Oʻzbekiston Respublikasining ayrim qonun hujjatlariga qoʻshimcha va oʻzgartirishlar kiritish toʻgʻrisida

Qonunchilik palatasi tomonidan 2025-yil 15-aprelda qabul qilingan Senat tomonidan 2025-yil 30-aprelda maʼqullangan

Keyingi yillarda mamlakatimizda fuqarolik jamiyatini rivojlantirish, nodavlat notijorat tashkilotlarining faoliyatini qoʻllab-quvvatlash, ularning samarali faoliyat yuritishi uchun qulay shart-sharoitlar yaratish, davlat va jamiyat boshqaruvidagi rolini oshirish, shuningdek jamoatchilik nazoratini, ijtimoiy sheriklikni takomillashtirish borasida bir qator ishlar amalga oshirildi.

Shu bilan birga ijtimoiy-iqtisodiy sohada jamoatchilik nazoratini kuchaytirish, nodavlat notijorat tashkilotlari faoliyatining erkinligi kafolatlarini mustahkamlash hamda homiylik xayriyalarini yigʻish tartibini aniq belgilash zaruriyati yuzaga kelmoqda.

Mazkur Qonun bilan Oʻzbekiston Respublikasining Maʼmuriy javobgarlik toʻgʻrisidagi kodeksida nodavlat notijorat tashkilotlarining faoliyatiga qonunga xilof ravishda aralashganlik, jamoatchilik nazoratini amalga oshirish natijalari boʻyicha tayyorlangan yakuniy hujjatni koʻrib chiqmaganlik, homiylik toʻgʻrisidagi qonunchilik talablarini buzganlik uchun javobgarlik belgilanmoqda, shuningdek nodavlat notijorat tashkilotlarining faoliyatni amalga oshirish tartibini buzganligi uchun javobgarligi qayta koʻrib chiqilmoqda.

“ Ijtimoiy sheriklik toʻgʻrisida ”gi, “ Nodavlat notijorat tashkilotlari faoliyatining kafolatlari toʻgʻrisida ”gi Oʻzbekiston Respublikasi qonunlariga fuqarolik jamiyati institutlarini davlat tomonidan qoʻllab-quvvatlash tizimini takomillashtirishni nazarda tutuvchi oʻzgartirish va qoʻshimchalar kiritilmoqda. Shuningdek fuqarolik jamiyati institutlariga davlat organlari tomonidan bevosita davlat ijtimoiy buyurtmalari berilishining yangi mexanizmlari belgilanmoqda.

Oʻzbekiston Respublikasining ayrim qonunlaridagi nodavlat notijorat tashkilotlarining majburiyatlari, ularni davlat roʻyxatidan oʻtkazishni rad etish asoslari qayta koʻrib chiqilmoqda, qayta roʻyxatdan oʻtkazganlik uchun davlat boji miqdori, shuningdek homiylik faoliyatini amalga oshirish tartibi aniqlashtirilmoqda.

“Jamoat fondlari toʻgʻrisida”gi Oʻzbekiston Respublikasi Qonuniga jamoat fondi muassisligiga boʻlgan talablar kuchaytirilishini, jamoat fondini davlat roʻyxatidan oʻtkazish shartlari va tartibi aniqlashtirilishini, jamoat fondining mol-mulkidan foydalanish yanada erkinlashtirilishini nazarda tutuvchi oʻzgartirish va qoʻshimchalar kiritilmoqda.

Bir kalendar yilda bank hisobvaraqlarida pul aylanmasi mavjud boʻlmagan jamoat fondi uchun ushbu kalendar yilda oʻz faoliyatini auditorlik tekshiruvidan oʻtkazish ixtiyoriy tartibda amalga oshirilishi belgilanmoqda.

Ushbu Qonun fuqarolik jamiyati institutlarini davlat tomonidan qoʻllab-quvvatlash tizimini yanada takomillashtirishga, uning samaradorligini oshirishga, ijtimoiy sheriklik munosabatlarini rivojlantirishga, jamoat fondlari faoliyatidagi ortiqcha byurokratik talablarni bartaraf etishga, shuningdek homiylik tashkilotlari faoliyatining shaffofligini taʼminlashga xizmat qiladi.

1-modda. Oʻzbekiston Respublikasining 1994-yil 22-sentabrda qabul qilingan 2015-XII-sonli Qonuni bilan tasdiqlangan Oʻzbekiston Respublikasining Maʼmuriy javobgarlik toʻgʻrisidagi kodeksiga (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 23-modda, № 9-10, 165, 182-moddalar; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda, № 9-10, 149-modda; 2004-yil, № 1-2, 18-modda, № 5, 90-modda, № 9, 171-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 9, 312-modda, № 12, 413, 417, 418-moddalar; 2006-yil, № 6, 261-modda, № 9, 498-modda, № 10, 536-modda, № 12, 656, 659-moddalar; 2007-yil, № 4, 158, 159, 164, 165-moddalar, № 9, 416, 421-moddalar, № 12, 596, 604, 607-moddalar; 2008-yil, № 4, 181, 189, 192-moddalar, № 9, 486, 488-moddalar, № 12, 640, 641-moddalar; 2009-yil, № 1, 1-modda, № 9, 334, 335, 337-moddalar, № 10, 380-modda, № 12, 462, 468, 470, 472, 474-moddalar; 2010-yil, № 5, 175, 179-moddalar, № 6, 231-modda, № 9, 335, 339, 341-moddalar, № 10, 380-modda, № 12, 468, 473, 474-moddalar; 2011-yil, № 1, 1-modda, № 4, 104, 105-moddalar, № 9, 247, 252-moddalar, № 12/2, 365-modda; 2012-yil, № 4, 108-modda, № 9/1, 242-modda, № 12, 336-modda; 2013-yil, № 4, 98-modda, № 10, 263-modda; 2014-yil, № 1, 2-modda, № 5, 130-modda, № 9, 244-modda, № 12, 341, 343-moddalar; 2015-yil, № 6, 228-modda, № 8, 310, 312-moddalar, № 12, 452-modda; 2016-yil, № 1, 2-modda, № 4, 125-modda, № 9, 276-modda, № 12, 383, 385-moddalar; 2017-yil, № 4, 137-modda, № 6, 300-modda, № 9, 510-modda, № 10, 605-modda; 2018-yil, № 1, 1, 4, 5-moddalar, № 4, 224-modda, № 7, 430, 431, 432-moddalar, № 10, 671, 673, 679-moddalar; 2019-yil, № 1, 1, 3, 5-moddalar, № 2, 47-modda, № 3, 161, 165, 166-moddalar, № 5, 259, 261, 267, 268-moddalar, № 7, 386-modda, № 8, 469, 471-moddalar, № 9, 591, 592-moddalar, № 10, 674, 676-moddalar, № 11, 787, 791-moddalar, № 12, 880, 891-moddalar; 2020-yil, № 1, 4-modda, № 3, 203, 204-moddalar, № 7, 449-modda, № 9, 539, 540-moddalar, № 10, 593, 596-moddalar, № 11, 651-modda, № 12, 691-modda; 2021-yil, № 1, 5, 7, 12, 13, 14-moddalar, № 2, 142-modda, № 3, 217-modda, № 4, 290, 293-moddalar, 4-songa ilova, № 8, 800, 802, 803-moddalar, № 9, 903-modda, № 10, 966, 967, 968, 973-moddalar, № 11, 1066-modda; 2022-yil, № 1, 1, 2-moddalar, № 2, 80, 81-moddalar, № 3, 215, 216-moddalar, № 4, 337-modda, № 5, 464, 465, 466, 467-moddalar, № 8, 787-modda, № 10, 981, 984-moddalar, № 12, 1188-modda; 2023-yil, № 3, 184, 185, 188, 189-moddalar, № 4, 265, 266, 268-moddalar, № 5, 319, 320-moddalar, № 7, 533, 534, 535, 537, 539-moddalar, № 8, 634-modda, № 10, 798-modda, № 11, 921, 923, 924-moddalar, № 12, 1004-modda; 2024-yil, № 1, 5, 7, 8, 9-moddalar, № 2, 102, 111, 115, 116-moddalar, № 3, 243, 245-moddalar, № 6, 530, 532-moddalar, № 7, 629-modda, № 8, 826, 829, 831-moddalar, № 9, 954, 964, 965-moddalar, № 10, 1070, 1071, 1073, 1077, 1078, 1083, 1084-moddalar, № 11, 1187, 1188, 1189-moddalar, № 12, 1279, 1280, 1282, 1286, 1287-moddalar; 2025-yil, № 1, 5, 8-moddalar, № 2, 187, 188, 196, 198, 201-moddalar, № 3, 368, 376-moddalar) quyidagi qoʻshimcha va oʻzgartirishlar kiritilsin:

1) quyidagi mazmundagi 197 8 -modda bilan toʻldirilsin:

“197 8 -modda. Nodavlat notijorat tashkilotlarining faoliyatiga qonunga xilof ravishda aralashish

Davlat organlarining mansabdor shaxslari tomonidan nodavlat notijorat tashkilotlarining faoliyatiga qonunga xilof ravishda aralashish, —

bazaviy hisoblash miqdorining yetti baravaridan oʻn baravarigacha miqdorda jarima solishga sabab boʻladi.

Xuddi shunday huquqbuzarliklar maʼmuriy jazo chorasi qoʻllanilganidan keyin bir yil davomida takror sodir etilgan boʻlsa, —

bazaviy hisoblash miqdorining oʻn baravaridan oʻn besh baravarigacha miqdorda jarima solishga sabab boʻladi”;

2) quyidagi mazmundagi 198 7 -modda bilan toʻldirilsin:

“198 7 -modda. Jamoatchilik nazoratini amalga oshirish natijalari boʻyicha tayyorlangan yakuniy hujjatni koʻrib chiqmaslik

Jamoatchilik nazorati natijalariga koʻra, qonunchilik hujjatlarida nazarda tutilgan shakllarda jamoatchilik nazorati subyektlari tomonidan tayyorlangan yakuniy hujjatni koʻrib chiqmaslik yoki uni koʻrib chiqish muddatini uzrli sabablarsiz buzish, —

mansabdor shaxslarga bazaviy hisoblash miqdorining uch baravaridan besh baravarigacha miqdorida jarima solishga sabab boʻladi”;

3) 239-moddaning matni quyidagi tahrirda bayon etilsin:

“Nodavlat notijorat tashkilotlari (bundan diniy tashkilotlar mustasno), shuningdek ularning vakolatxonalari va filiallarining davlat roʻyxatidan oʻtmasdan faoliyatni amalga oshirishi, —

bazaviy hisoblash miqdorining oʻn baravaridan yigirma besh baravarigacha miqdorda jarima solishga sabab boʻladi.

Bosh tashkiloti Oʻzbekiston Respublikasidan tashqarida joylashgan xalqaro va chet el nodavlat notijorat tashkilotlarining vakolatxonalari va filiallari hamda ularning chet el fuqaroligi boʻlgan va fuqaroligi boʻlmagan xodimlarining, boshqa nodavlat notijorat tashkilotlarining chet el fuqaroligi boʻlgan va fuqaroligi boʻlmagan xodimlarining biror-bir siyosiy faoliyatda hamda mazkur nodavlat notijorat tashkilotlarining ustavlarida belgilangan maqsadlari va vazifalariga muvofiq boʻlmagan boshqa faoliyatda ishtirok etishi, xuddi shuningdek ularning siyosiy partiyalar va ommaviy harakatlar tomonidan oʻtkaziladigan amaliy harakatlar hamda tadbirlarni moliyalashtirishi, bunday tashkilotlarni tuzish tashabbusi bilan chiqishi va bunday tashkilotlarni tuzishni qoʻllab-quvvatlashi, —

bazaviy hisoblash miqdorining oʻn besh baravaridan oʻttiz baravarigacha, mansabdor shaxslarga esa — oʻttiz baravaridan ellik baravarigacha miqdorda jarima solishga yoki oʻn besh sutkagacha muddatga maʼmuriy qamoqqa olishga sabab boʻladi.

Nodavlat notijorat tashkilotlarining belgilangan tartibda roʻyxatdan oʻtkazilmagan ramziy belgilarni ishlatishi, —

mansabdor shaxslarga bazaviy hisoblash miqdorining uch baravaridan yetti baravarigacha miqdorda jarima solishga sabab boʻladi.

Nodavlat notijorat tashkilotlari (bundan siyosiy partiyalar mustasno), ularning vakolatxonalari va filiallari tomonidan tadbirlar oʻtkazish haqida xabardor qilish tartibiga rioya etmaslik yoki qonunchilikda taqiqlangan tadbirlar oʻtkazish, xuddi shuningdek nodavlat notijorat tashkilotlari oʻtkazayotgan tadbirlarga roʻyxatdan oʻtkazuvchi organ vakilining erkin kirishini rad etish, —

mansabdor shaxslarga bazaviy hisoblash miqdorining yigirma baravaridan qirq baravarigacha miqdorda jarima solishga sabab boʻladi.

Nodavlat notijorat tashkilotlarining chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirigʻiga binoan boshqa shaxslardan roʻyxatdan oʻtkazuvchi organning roziligisiz pul mablagʻlari va mol-mulk olishi yoxud ushbu manbalardan olingan pul mablagʻlaridan va mol-mulkdan foydalanish toʻgʻrisidagi axborotni, shuningdek ushbu manbalar hisobidan Oʻzbekiston Respublikasi hududida amalga oshirilgan loyihaning natijasi toʻgʻrisidagi maʼlumotni belgilangan tartibda eʼlon qilmasligi, —

mansabdor shaxslarga bazaviy hisoblash miqdorining oʻn baravaridan yigirma besh baravarigacha miqdorda jarima solishga sabab boʻladi.

Nodavlat notijorat tashkilotlarining oʻz faoliyati toʻgʻrisidagi hisobotlarni roʻyxatdan oʻtkazuvchi organga taqdim etmasligi, oʻz vaqtida taqdim etmasligi yoki belgilanmagan shaklda taqdim etishi, oʻz faoliyati toʻgʻrisida bila turib notoʻgʻri maʼlumotlar taqdim etishi, xuddi shuningdek nodavlat notijorat tashkilotlarining axborotni, shu jumladan ular tomonidan mol-mulk va pul mablagʻlaridan foydalanilishi toʻgʻrisidagi tasdiqlovchi hujjatlarni taqdim etmasligi, —

mansabdor shaxslarga bazaviy hisoblash miqdorining oʻn baravaridan yigirma besh baravarigacha miqdorda jarima solishga sabab boʻladi”;

4) 239 1 -modda :

birinchi qismining sanksiyasidagi “oʻttiz baravaridan ellik baravarigacha” degan soʻzlar “yigirma baravaridan qirq baravarigacha” degan soʻzlar bilan almashtirilsin;

ikkinchi qismining sanksiyasidagi “oʻn besh baravaridan oʻttiz baravarigacha” degan soʻzlar “oʻn baravaridan yigirma besh baravarigacha” degan soʻzlar bilan almashtirilsin;

5) quyidagi mazmundagi 239 2 -modda bilan toʻldirilsin:

“239 2 -modda. Homiylik toʻgʻrisidagi qonunchilik talablarini buzish

Homiylik xayriyalarini yigʻish tartibini buzish, —

fuqarolarga bazaviy hisoblash miqdorining uch baravaridan besh baravarigacha, mansabdor shaxslarga esa — besh baravaridan yetti baravarigacha miqdorda jarima solishga sabab boʻladi.

Xayriya qutisini oʻrnatish va undan foydalanish tartibini buzish, —

fuqarolarga huquqbuzarlik ashyolarini musodara qilib, bazaviy hisoblash miqdorining uch baravaridan besh baravarigacha, mansabdor shaxslarga esa — besh baravaridan yetti baravarigacha miqdorda jarima solishga sabab boʻladi.

Homiylik tashkiloti tomonidan oʻz taʼminoti (shu jumladan faoliyati bilan bogʻliq barcha xarajatlari) uchun moliya yilida sarflaydigan moliyaviy mablagʻlarning qonunchilikda belgilangan miqdordan oshirib yuborilishi, basharti jinoyat alomatlari mavjud boʻlmasa, —

mansabdor shaxslarga bazaviy hisoblash miqdorining uch baravaridan besh baravarigacha miqdorda jarima solishga sabab boʻladi”;

6) 245-moddaning birinchi qismidagi :

“197 7 ” raqami “197 7 , 197 8 ” raqamlari bilan almashtirilsin;

“198 6 ” raqami “198 6 , 198 7 ” raqamlari bilan almashtirilsin;

“239 1 ” raqami “239 1 , 239 2 ” raqamlari bilan almashtirilsin;

7) 245 2 -moddaning ikkinchi qismidagi :

“198 3 va 198 4 -moddalarida” degan soʻzlar “197 8 , 198 3 , 198 4 , 239, 239 1 -moddalarida” degan soʻzlar bilan almashtirilsin;

“nazarda tutilgan” degan soʻzlar “239 2 -moddasining uchinchi qismida nazarda tutilgan” degan soʻzlar bilan almashtirilsin;

8) 248-modda toʻrtinchi qismining toʻrtinchi xatboshisidagi “185 1 -moddasida (bundan bojxona toʻgʻrisidagi qonunchilikni buzish bilan bogʻliq huquqbuzarliklar mustasno)” degan soʻzlar “185 1 -moddasida (bundan bojxona toʻgʻrisidagi qonunchilikni buzish bilan bogʻliq huquqbuzarliklar mustasno), 239 2 -moddasining birinchi va ikkinchi qismlarida” degan soʻzlar bilan almashtirilsin.

2-modda. Oʻzbekiston Respublikasining 1999-yil 14-aprelda qabul qilingan “Nodavlat notijorat tashkilotlari toʻgʻrisida”gi 763-I-sonli Qonuniga (Oʻzbekiston Respublikasi Oliy Majlisining Axborotnomasi, 1999-yil, № 5, 115-modda; 2004-yil, № 5, 90-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 12, 608-modda; 2008-yil, № 12, 640-modda; 2012-yil, № 4, 106-modda; 2014-yil, № 12, 343-modda; 2016-yil, № 4, 125-modda; 2019-yil, № 9, 591-modda; 2021-yil, 4-songa ilova; 2024-yil, № 2, 105-modda) quyidagi oʻzgartirish va qoʻshimchalar kiritilsin:

1) 8-moddaning birinchi qismi quyidagi tahrirda bayon etilsin:

“Nodavlat notijorat tashkiloti:

qonunchilik va taʼsis hujjatlariga rioya etishi;

oʻz mol-mulki va pul mablagʻlaridan foydalanishi, shu jumladan moliyalashtirish manbalari hamda maqsadlari toʻgʻrisidagi axborot bilan tanishish erkinligini taʼminlashi;

chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirigʻiga binoan boshqa shaxslardan olingan pul mablagʻlari va mol-mulkdan foydalanish toʻgʻrisidagi axborotni har chorakda oʻz rasmiy veb-saytida, ommaviy axborot vositalarida yoxud ijtimoiy tarmoqlardagi sahifalarida yoki nodavlat notijorat tashkilotlariga davlat xizmatlari koʻrsatiladigan maxsus elektron platformasida Oʻzbekiston Respublikasi Adliya vazirligi tomonidan tasdiqlagan shaklda eʼlon qilib borishi;

roʻyxatdan oʻtkazuvchi organni oʻtkazilishi rejalashtirilayotgan tadbirlar haqida xabardor qilishi (bundan siyosiy partiyalar mustasno) va uning vakiliga oʻtkazilayotgan tadbirlarga erkin kirish imkonini berishi;

nodavlat notijorat tashkiloti vakillarining chet mamlakatlarga nodavlat notijorat tashkilotining faoliyati bilan bogʻliq tashriflari uyushtirilishi haqida roʻyxatdan oʻtkazuvchi organni xabardor qilishi;

chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirigʻiga binoan boshqa shaxslardan pul mablagʻlari va mol-mulk olishni roʻyxatdan oʻtkazuvchi organ bilan kelishib olishi, shuningdek ushbu manbalar hisobidan Oʻzbekiston Respublikasi hududida amalga oshirilgan loyihaning natijasi toʻgʻrisidagi maʼlumotni belgilangan tartibda eʼlon qilishi;

roʻyxatdan oʻtkazuvchi organga, davlat soliq xizmati organlariga va davlat statistikasi organlariga oʻz faoliyati toʻgʻrisida belgilangan tartibda hisobotlar taqdim etishi shart”;

2) 9-moddaning uchinchi qismidagi “boʻlishi mumkin” degan soʻzlar “boʻladi” degan soʻz bilan almashtirilsin;

3) 21-moddaning :

ikkinchi qismidagi “viloyatlararo” degan soʻz chiqarib tashlansin;

uchinchi qismidagi “Viloyat, tuman, shahar, shaharcha, qishloq va ovul hududlarida faoliyat olib boradigan” degan soʻzlar “Hududiy” degan soʻz bilan almashtirilsin;

4) 22-modda :

birinchi qismining :

uchinchi xatboshisidagi “yuridik shaxs boʻlgan” degan soʻzlar chiqarib tashlansin;

beshinchi xatboshisidagi “va viloyatlararo” degan soʻzlar chiqarib tashlansin;

toʻrtinchi qismi quyidagi tahrirda bayon etilsin:

“Nodavlat notijorat tashkilotining vakolatxonalari va filiallarini davlat roʻyxatidan oʻtkazish nodavlat notijorat tashkilotining markaziy rahbar organi tomonidan taqdim etilgan va tasdiqlangan hujjatlar asosida, shuningdek nodavlat notijorat tashkiloti davlat roʻyxatidan oʻtganligi toʻgʻrisidagi guvohnomaning koʻchirma nusxasi asosida tegishli adliya organlari tomonidan amalga oshiriladi”;

beshinchi qismi chiqarib tashlansin;

oltinchi qismi beshinchi qism deb hisoblansin;

5) 25-moddaning birinchi qismi :

ikkinchi xatboshisi quyidagi tahrirda bayon etilsin:

“nodavlat notijorat tashkilotining taʼsis hujjatlari Oʻzbekiston Respublikasining konstitutsiyaviy tuzumini zoʻrlik bilan oʻzgartirish, Oʻzbekistonning davlat suverenitetiga, hududiy yaxlitligiga va xavfsizligiga qarshi chiquvchi, urushni, ijtimoiy, milliy, irqiy hamda diniy adovatni targʻib qiluvchi, fuqarolarning konstitutsiyaviy huquqlari va erkinliklariga, aholining sogʻligʻiga, ijtimoiy axloqqa tajovuz qiluvchi maqsadlarga ega boʻlsa”;

quyidagi mazmundagi uchinchi va toʻrtinchi xatboshilar bilan toʻldirilsin:

“tashabbuskorlari (taʼsischilari, muassislari) yoki rahbar organi aʼzolari qonunchilik hujjatlariga koʻra terrorchilik faoliyatida yoki ommaviy qirgʻin qurolini tarqatishda ishtirok etayotgan yoki ishtirok etishda gumon qilinayotgan shaxslar roʻyxatiga kiritilgan, shuningdek sud tartibida ekstremistik deb topilgan tashkilotlarning aʼzolari va rahbar organlari aʼzolari boʻlgan shaxslar boʻlsa;

tashabbuskorlari (taʼsischilari, muassislari) yoki rahbar organi aʼzolari oʻzlashtirish yoki rastrata yoʻli bilan talon-toroj qilish yoxud firibgarlik jinoyatlarini sodir etganligi uchun sudlanganlik holati tugallanmagan yoki olib tashlanmagan shaxslar boʻlsa (jamoat fondlari tashkil etilayotganda)”;

uchinchi — toʻqqizinchi xatboshilari tegishincha beshinchi — oʻn birinchi xatboshilar deb hisoblansin;

6) 29-modda :

quyidagi mazmundagi toʻrtinchi xatboshi bilan toʻldirilsin:

“chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirigʻiga binoan boshqa shaxslardan olinadigan pul mablagʻlari va mol-mulk”;

toʻrtinchi , beshinchi va oltinchi xatboshilari tegishincha beshinchi, oltinchi va yettinchi xatboshilar deb hisoblansin;

7) 30-moddaning :

ikkinchi qismi quyidagi tahrirda bayon etilsin:

“Bosh tashkiloti Oʻzbekiston Respublikasidan tashqarida joylashgan xalqaro va chet el nodavlat notijorat tashkilotlarining vakolatxonalari va filiallari hamda ularning chet el fuqarolari boʻlgan va fuqaroligi boʻlmagan xodimlari, shuningdek boshqa nodavlat notijorat tashkilotlarining chet el fuqarolari va fuqaroligi boʻlmagan xodimlari Oʻzbekiston Respublikasi hududida biror-bir siyosiy faoliyatda hamda mazkur nodavlat notijorat tashkilotlarining ustavlarida belgilangan maqsadlari va vazifalariga muvofiq boʻlmagan boshqa faoliyatda ishtirok etishga haqli emas. Ularning siyosiy partiyalar va ommaviy harakatlar tomonidan oʻtkaziladigan amaliy harakatlar hamda tadbirlarni moliyalashtirishiga, bunday tashkilotlarni tuzish tashabbusi bilan chiqishiga va bunday tashkilotlar tuzishni qoʻllab-quvvatlashiga yoʻl qoʻyilmaydi”;

quyidagi mazmundagi uchinchi qism bilan toʻldirilsin:

“Nodavlat notijorat tashkilotlari tomonidan Oʻzbekiston Respublikasi hududida chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirigʻiga binoan boshqa shaxslardan olinadigan pul mablagʻlari va mol-mulk hisobidan quyidagilarni amalga oshirish taqiqlanadi:

referendum va saylov natijalariga taʼsir oʻtkazish yoki taʼsir oʻtkazishga urinish;

Oʻzbekiston Respublikasida tuzilgan siyosiy partiyalarning saylovoldi kampaniyalarini qoʻllab-quvvatlash”;

uchinchi qismi toʻrtinchi qism deb hisoblansin.

3-modda. Oʻzbekiston Respublikasining 2003-yil 29-avgustda qabul qilingan “Jamoat fondlari toʻgʻrisida”gi 527-II-sonli Qonuniga (Oʻzbekiston Respublikasi Oliy Majlisining Axborotnomasi, 2003-yil, № 9-10, 141-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 12, 592-modda; 2008-yil, № 12, 640-modda; 2012-yil, № 4, 106-modda; 2016-yil, № 4, 125-modda; 2019-yil, № 12, 880-modda; 2021-yil, 4-songa ilova; 2024-yil, № 2, 105-modda) quyidagi oʻzgartirish va qoʻshimchalar kiritilsin:

1) 2-moddaning ikkinchi qismidagi “Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondining” degan soʻzlar “Fuqarolik jamiyati institutlarini qoʻllab-quvvatlash jamoat fondining” degan soʻzlar bilan almashtirilsin;

2) 10-modda :

quyidagi mazmundagi ikkinchi qism bilan toʻldirilsin:

“Oʻzlashtirish yoki rastrata yoʻli bilan talon-toroj qilganligi yoxud firibgarlik jinoyatlarini sodir etganligi uchun sudlanganlik holati tugallanmagan yoki olib tashlanmagan shaxslar fond muassislari (muassisi) yoki rahbar organi aʼzolari boʻlishi mumkin emas”;

ikkinchi qismi uchinchi qism deb hisoblansin;

3) 13-moddaning :

nomi va birinchi qismi quyidagi tahrirda bayon etilsin:

“13-modda. Fondni hamda uning vakolatxonalari va filiallarini davlat roʻyxatidan oʻtkazish

Fondni hamda uning vakolatxonalari va filiallarini davlat roʻyxatidan oʻtkazish adliya organlari (bundan buyon matnda roʻyxatdan oʻtkazuvchi organ deb yuritiladi) tomonidan amalga oshiriladi”;

toʻrtinchi qismi chiqarib tashlansin;

4) 14-modda :

nomidagi “va hisobga qoʻyish” degan soʻzlar chiqarib tashlansin;

birinchi qismining :

ikkinchi xatboshisi “koʻrsatilgan” degan soʻzdan keyin “belgilangan shakldagi” degan soʻzlar bilan toʻldirilsin;

toʻrtinchi xatboshisi “(respublika fondi uchun tegishli vakolatxonalar va filiallarni tashkil etish, ularning rahbar organlari hamda boshqa organlari toʻgʻrisidagi maʼlumotlar ham koʻrsatiladi)” degan soʻzlar bilan toʻldirilsin;

beshinchi xatboshisidagi “yuridik shaxs boʻlgan vakolatxona” degan soʻzlar “fondning vakolatxonasi” degan soʻzlar bilan almashtirilsin;

beshinchi qismi chiqarib tashlansin;

5) 15 va 16-moddalar quyidagi tahrirda bayon etilsin:

“15-modda. Davlat roʻyxatidan oʻtkazish toʻgʻrisidagi qaror

Fondni yoki uning vakolatxonalari va filiallarini davlat roʻyxatidan oʻtkazish uchun hujjatlarni qabul qilgan roʻyxatdan oʻtkazuvchi organ davlat roʻyxatidan oʻtkazish toʻgʻrisida yoxud davlat roʻyxatidan oʻtkazishni rad qilish haqida bir oy ichida qaror chiqarishi shart.

Roʻyxatdan oʻtkazilgan fondga, uning vakolatxonasi va filialiga, bosh tashkiloti Oʻzbekiston Respublikasidan tashqarida joylashgan xalqaro fondning va chet el fondining vakolatxonasiga yoki filialiga roʻyxatdan oʻtkazuvchi organ tomonidan davlat roʻyxatidan oʻtkazilganligi toʻgʻrisidagi guvohnoma hamda fondning roʻyxatdan oʻtkazuvchi organ muhri bilan tasdiqlangan, roʻyxatga olinganligi haqida belgi qoʻyilgan ustavi (nizomi) beriladi.

16-modda. Davlat roʻyxatidan oʻtkazishni rad qilish asoslari

Fondni, uning vakolatxonalari va filiallarini davlat roʻyxatidan oʻtkazish qonunda nazarda tutilgan hollarda rad qilinishi mumkin.

Davlat roʻyxatidan oʻtkazishni rad qilish asoslantirilgan boʻlishi kerak. Fondni, uning vakolatxonalari va filiallarini tashkil etish maqsadga muvofiq emas degan vaj bilan davlat roʻyxatidan oʻtkazishni rad qilishga yoʻl qoʻyilmaydi.

Roʻyxatdan oʻtkazuvchi organning fondni, uning vakolatxonalari va filiallarini davlat roʻyxatidan oʻtkazishni rad qilish toʻgʻrisidagi qarori ustidan, shuningdek mazkur organning davlat roʻyxatidan oʻtkazish muddatlarini buzganligi ustidan sudga shikoyat qilish mumkin”;

6) 24-moddaning uchinchi qismidagi “yigirma” degan soʻz “oʻttiz” degan soʻz bilan almashtirilsin;

7) 25-modda ikkinchi qismining uchinchi xatboshisi quyidagi tahrirda bayon etilsin:

“fondning yillik moliyaviy hisobotini, auditorlik tashkilotining xulosasini koʻrsatgan holda (bundan hisobot davrida bank hisobvaraqlarida pul aylanmasi mavjud boʻlmagan fondning oʻz faoliyatini auditorlik tekshiruvidan oʻtkazmaganligi hollari mustasno)”;

8) 33-modda quyidagi mazmundagi toʻrtinchi qism bilan toʻldirilsin:

“Bir kalendar yilda bank hisobvaraqlarida pul aylanmasi mavjud boʻlmagan fond uchun ushbu kalendar yilda oʻz faoliyatini auditorlik tekshiruvidan oʻtkazish ixtiyoriy tartibda amalga oshiriladi”.

4-modda. Oʻzbekiston Respublikasining 2007-yil 3-yanvarda qabul qilingan “Nodavlat notijorat tashkilotlari faoliyatining kafolatlari toʻgʻrisida”gi OʻRQ-76-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2007-yil, № 1, 2-modda; 2008-yil, № 12, 634-modda; 2017-yil, № 9, 510-modda; 2020-yil, № 7, 449-modda; 2021-yil, 4-songa ilova) quyidagi oʻzgartirishlar kiritilsin:

1) 11-moddaning uchinchi qismidagi “Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi” degan soʻzlar “Fuqarolik jamiyati institutlarini qoʻllab-quvvatlash jamoat fondi va uning alohida boʻlinmalari” degan soʻzlar bilan almashtirilsin;

2) 12-moddaning matni quyidagi tahrirda bayon etilsin:

“Davlat subsidiyasi Oʻzbekiston Respublikasining respublika budjetidan, Qoraqalpogʻiston Respublikasining respublika budjetidan, viloyatlarning viloyat budjetlaridan va Toshkent shahrining shahar budjetidan, davlat maqsadli jamgʻarmalari mablagʻlari hisobidan nodavlat notijorat tashkilotlarini qoʻllab-quvvatlash uchun beriladigan va maxsus loyihalar bilan bogʻliq boʻlmagan moliyaviy yoki boshqa moddiy koʻmakdir.

Nodavlat notijorat tashkilotlariga davlat subsidiyalarini ajratish tartibi va shartlari Oʻzbekiston Respublikasi Oliy Majlisi palatalari tomonidan belgilanadi”;

3) 13-moddaning matni quyidagi tahrirda bayon etilsin:

“Davlat granti nodavlat notijorat tashkilotlariga ijtimoiy foydali maqsadlarga erishishga qaratilgan loyihalarni amalga oshirish uchun tanlov asosida Oʻzbekiston Respublikasining respublika budjeti, Qoraqalpogʻiston Respublikasining respublika budjeti, viloyatlarning viloyat budjetlari va Toshkent shahrining shahar budjeti mablagʻlari hisobidan beriladigan pul mablagʻlari va moddiy resurslardir.

Nodavlat notijorat tashkilotlariga davlat grantlarini ajratish tartibi va shartlari Oʻzbekiston Respublikasi Oliy Majlisi palatalari tomonidan belgilanadi”;

4) 14-moddaning ikkinchi , uchinchi va toʻrtinchi qismlari quyidagi mazmundagi ikkinchi — beshinchi qismlar bilan almashtirilsin:

“Nodavlat notijorat tashkilotlariga davlat ijtimoiy buyurtmasini berish tartibi va shartlari Oʻzbekiston Respublikasi Oliy Majlisi palatalari tomonidan belgilanadi.

Davlat organlari har yili sotsial va ijtimoiy ahamiyatga molik loyihalarni amalga oshirish uchun nodavlat notijorat tashkilotlariga budjetdan tashqari mablagʻlari hisobidan bevosita davlat ijtimoiy buyurtmasini berish boʻyicha tanlovlar tashkil etadi.

Nodavlat notijorat tashkilotlari tegishli sohalar va tarmoqlardagi muammolarning yechimini nazarda tutuvchi tashabbusli loyihalarni amalga oshirish uchun davlat ijtimoiy buyurtmasini olish toʻgʻrisida davlat organiga taklif kiritishi mumkin. Tashabbusli loyiha belgilangan tartibda davlat organi huzuridagi jamoatchilik kengashi tomonidan ijobiy baholangan taqdirda, uning tashabbuskoriga davlat organining budjetdan tashqari mablagʻlari hisobidan bazaviy hisoblash miqdorining ming baravarigacha miqdordagi davlat ijtimoiy buyurtmasi toʻgʻridan-toʻgʻri shartnoma tuzish yoʻli bilan berilishi mumkin.

Sotsial va ijtimoiy ahamiyatga molik loyihalarni amalga oshirish uchun davlat organlari tomonidan nodavlat notijorat tashkilotlariga davlat ijtimoiy buyurtmasi berish, shuningdek tanlov shartlari va uni oʻtkazish tartibi Oʻzbekiston Respublikasi Vazirlar Mahkamasi tomonidan belgilanadi”;

5) 17-moddaning uchinchi xatboshisidagi “davlat boshqaruvi organlari” degan soʻzlar “respublika ijro etuvchi hokimiyat organlari” degan soʻzlar bilan almashtirilsin.

5-modda. Oʻzbekiston Respublikasining 2007-yil 2-mayda qabul qilingan “Homiylik toʻgʻrisida”gi OʻRQ-96-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2007-yil, № 5, 218-modda; 2008-yil, № 12, 640-modda; 2015-yil, № 8, 312-modda; 2016-yil, № 4, 125-modda; 2021-yil, 4-songa ilova; 2022-yil, № 5, 464-modda; 2024-yil, № 10, 1079-modda; 2025-yil, № 2, 188-modda) quyidagi qoʻshimcha va oʻzgartirishlar kiritilsin:

1) 3-modda :

quyidagi mazmundagi uchinchi xatboshi bilan toʻldirilsin:

“ xayriya qutisi — naqd pul shaklidagi homiylik xayriyalarini yigʻish uchun moʻljallangan idish boʻlib, undan foydalanish huquqi homiylik tashkilotlariga, homiylikni amalga oshiruvchi yoki homiylik oluvchi yuridik shaxslarga tegishli boʻladi”;

uchinchi — sakkizinchi xatboshilari tegishincha toʻrtinchi — toʻqqizinchi xatboshilar deb hisoblansin;

sakkizinchi xatboshisi quyidagi tahrirda bayon etilsin:

“ homiylik tashkiloti — homiylik faoliyatini amalga oshirish uchun tuzilgan nodavlat notijorat tashkiloti”;

2) 5 1 -modda :

birinchi xatboshisidagi “va yakka tartibdagi tadbirkorlar” degan soʻzlar chiqarib tashlansin;

uchinchi xatboshisi “veb-saytlarida” degan soʻzlardan keyin “yoki ijtimoiy tarmoqlardagi sahifalarida” degan soʻzlar bilan toʻldirilsin;

quyidagi mazmundagi ikkinchi qism bilan toʻldirilsin:

“Homiylik oluvchi jismoniy shaxslar homiylik xayriyalarining miqdori va ulardan maqsadli foydalanilganligi toʻgʻrisidagi maʼlumotni ushbu xayriyalarni bergan shaxslarning talabiga koʻra taqdim etadi”;

3) quyidagi mazmundagi 5 2 va 5 3 -moddalar bilan toʻldirilsin:

“5 2 -modda. Homiylik xayriyalarini yigʻish

Homiylik xayriyalarini yigʻish muayyan homiylik oluvchilarning manfaatlarini koʻzlab, oldindan eʼlon qilingan muddat davomida amalga oshiriladi.

Homiylik xayriyalari homiylik tashkilotlari, homiylikni amalga oshiruvchi yoki homiylik oluvchi yuridik shaxslar tomonidan oʻz bank hisobvaraqlariga pul mablagʻlarini oʻtkazish orqali, naqd pul yoki mol-mulk shaklida yigʻilishi mumkin.

Homiylik tashkilotlari, homiylikni amalga oshiruvchi yoki homiylik oluvchi yuridik shaxslar tomonidan homiylik xayriyalarini naqd pul shaklida yigʻish faqat xayriya qutisi yordamida amalga oshiriladi, bundan naqd pul shaklidagi homiylik xayriyalarini ularning bank hisobvaraqlariga qonunchilikda belgilangan tartibda oʻtkazish hollari mustasno.

Homiylik tashkilotlari, homiylikni amalga oshiruvchi yoki homiylik oluvchi yuridik shaxslar tomonidan homiylik xayriyalari mol-mulk shaklida yigʻilgan taqdirda, qabul qilib olingan mol-mulk roʻyxati shakllantirilib, mol-mulkning turi, miqdori (hajmi) koʻrsatilgan holda dalolatnoma tuziladi.

Homiylik xayriyalarini yigʻish jarayoni boshlanishidan kamida bir kun oldin homiylik tashkilotlari, homiylikni amalga oshiruvchi yoki homiylik oluvchi yuridik shaxslar homiylik xayriyalarini yigʻish shakllariga qarab, ular yigʻiladigan bank hisobvaraqlari, xayriya qutilari joylashtiriladigan va mol-mulk yigʻiladigan manzillar, homiylik xayriyalarini yigʻishning maqsadi, muddatlari, zarur boʻlgan pul mablagʻining (mol-mulkning) miqdori toʻgʻrisida va homiylik tashkilotlari, homiylikni amalga oshiruvchi yoki homiylik oluvchi yuridik shaxslar bilan bogʻlanish uchun maʼlumotlarni ommaviy axborot vositalarida yoki oʻz rasmiy veb-saytida yoxud ijtimoiy tarmoqlardagi sahifalarida eʼlon qiladi.

Homiylik tashkilotlari va homiylikni amalga oshiruvchi yuridik shaxslar yigʻilgan homiylik xayriyalari miqdori toʻgʻrisidagi maʼlumotni homiylik xayriyalari yigʻish jarayoni tugagach bir kun ichida ommaviy axborot vositalarida yoki oʻz rasmiy veb-saytida yoxud ijtimoiy tarmoqlardagi sahifalarida eʼlon qiladi.

Homiylik tashkilotlari, homiylikni amalga oshiruvchi yoki homiylik oluvchi yuridik shaxslar yigʻilgan homiylik xayriyalaridan homiylik maqsadlarida foydalanilganligi toʻgʻrisidagi batafsil maʼlumotni tegishli soliq hisobotida aks ettirishi shart.

Jismoniy shaxs homiylik xayriyalarini faqat oʻzi yoki yaqin qarindoshlari (ota-onasi, tugʻishgan va oʻgay aka-ukasi va opa-singillari, eri (xotini), farzandi, shu jumladan farzandlikka olingan bolalari, bobosi, buvisi, nevaralari, shuningdek erning (xotinning) ota-onasi, tugʻishgan va oʻgay aka-uka va opa-singillari) uchun oʻz bank hisobvaraqlariga yoki shaxsiy bank kartasiga pul oʻtkazish orqali, naqd pul yoki mol-mulk shaklida yigʻishga haqli.

Koʻngillilar homiylik oluvchilarning manfaatlarini koʻzlab, homiylik xayriyalarini yigʻishga faqat eʼlon berish orqali koʻmaklashadi, bundan ushbu moddaning sakkizinchi qismida nazarda tutilgan hollar mustasno. Bunda homiylik xayriyalarini yigʻish homiylik oluvchi jismoniy shaxslar yoki ularning yaqin qarindoshlari nomlariga ochilgan bank hisobvaraqlariga yoki shaxsiy bank kartalariga pul oʻtkazish orqali yoki ularga bevosita naqd pul (mol-mulk) berish orqali, shuningdek homiylik oluvchi yuridik shaxslarning bank hisobvaraqlariga pul mablagʻlarini oʻtkazish yoki ularga mol-mulk berish orqali amalga oshiriladi.

Jismoniy shaxslar tomonidan homiylik oluvchilarning manfaatlarini koʻzlab homiylik xayriyalarini yigʻishga hamda pul yigʻish uchun oʻziga tegishli boʻlgan bank hisobvaraqlari va bank kartalari raqamlari haqida eʼlon berishiga yoʻl qoʻyilmaydi, bundan ushbu moddaning sakkizinchi qismida nazarda tutilgan hollar mustasno.

5 3 -modda. Xayriya qutilarini oʻrnatish va ulardan foydalanish

Homiylik xayriyalarini yigʻish uchun xayriya qutilaridan faqat homiylik tashkilotlari, homiylikni amalga oshiruvchi va homiylik oluvchi yuridik shaxslar foydalanadi.

Xayriya qutisi shaffof boʻlishi va uni ochish joyi homiylik tashkilotining, homiylikni amalga oshiruvchi yoki homiylik oluvchi yuridik shaxsning rahbari yoki u vakolat bergan shaxs tomonidan imzolangan hamda homiylik tashkilotining, homiylikni amalga oshiruvchi yoki homiylik oluvchi yuridik shaxsning muhri bilan muhrlangan qogʻozli plomba yoki raqamlangan plomba bilan plombalangan boʻlishi shart.

Homiylik tashkiloti, homiylikni amalga oshiruvchi yoki homiylik oluvchi yuridik shaxs tomonidan xayriya qutisida homiylik xayriyalarini yigʻish maqsadi toʻgʻrisidagi axborot, oʻzining rasmiy nomi va yuridik manzili, u bilan aloqa bogʻlashga doir maʼlumotlar, shuningdek rasmiy veb-sayti yoki ijtimoiy tarmoqlardagi sahifalari haqidagi maʼlumotlar joylashtirilishi shart.

Xayriya qutisini oʻrnatish koʻchmas mulk egasi yoki u vakolat bergan shaxs va homiylik tashkiloti, homiylikni amalga oshiruvchi yoki homiylik oluvchi yuridik shaxs oʻrtasida yozma shaklda tuzilgan shartnoma asosida amalga oshiriladi (bundan koʻchmas mulk homiylik tashkilotining, homiylikni amalga oshiruvchi yoki homiylik oluvchi yuridik shaxsning egaligida yoki foydalanishida boʻlgan hollar, shuningdek xayriya qutisining homiylik tashkiloti, homiylikni amalga oshiruvchi yoki homiylik oluvchi yuridik shaxs tomonidan tashkil etiladigan tadbir joyida va tadbir vaqtida oʻrnatilganligi hollari mustasno). Xayriya qutisini koʻchmas mulk hududida saqlash shartlari shartnomada koʻrsatiladi.

Xayriya qutisidagi yigʻilgan pul mablagʻlari xayriya qutisi toʻlganda, toʻplangan mablagʻlardan foydalanish ehtiyoji yuzaga kelganda yoki homiylik xayriyalarini yigʻish muddatlari tugaganda olinadi.

Xayriya qutisi homiylik tashkilotining, homiylikni amalga oshiruvchi yoki homiylik oluvchi yuridik shaxsning vakolatli xodimi tomonidan kamida ikki nafar xolis hozirligida xayriya qutisi oʻrnatilgan joyda ochiladi va hisoblab chiqiladi. Xayriya qutisini ochish va mablagʻlarni hisoblab chiqish jarayoni videoyozuvga olinadi.

Xayriya qutisidan olingan pul mablagʻlarining miqdori homiylik tashkilotining, homiylikni amalga oshiruvchi yoki homiylik oluvchi yuridik shaxsning vakolatli xodimi va kamida ikki nafar xolis tomonidan imzolanadigan dalolatnomada qayd etiladi.

Dalolatnoma va videoyozuv homiylik tashkilotida, homiylikni amalga oshiruvchi yoki homiylik oluvchi yuridik shaxsda saqlanadi hamda dalolatnoma tuzilgan kundan eʼtiboran bir kun ichida dalolatnomadagi maʼlumotlar ommaviy axborot vositalarida yoki ularning rasmiy veb-saytida yoxud ijtimoiy tarmoqlardagi sahifalarida eʼlon qilinadi.

Pul mablagʻlari homiylik tashkiloti, homiylikni amalga oshiruvchi yoki homiylik oluvchi yuridik shaxs tomonidan xayriya qutisidan olingan kunda yoki keyingi ish kunida homiylik tashkilotining, homiylikni amalga oshiruvchi yoki homiylik oluvchi yuridik shaxsning bankdagi hisobvaragʻiga oʻtkazilishi shart.

Ushbu moddaning qoidalari ehson qutilarini oʻrnatgan diniy tashkilotlarga va ular tomonidan tashkil etilgan jamoat fondlariga nisbatan tatbiq etilmaydi”;

4) 9-moddaning uchinchi qismidagi “20” raqami “30” raqami bilan almashtirilsin;

5) 11-moddaning uchinchi qismidagi “80” raqami “70” raqami bilan almashtirilsin;

6) 14-modda quyidagi mazmundagi uchinchi qism bilan toʻldirilsin:

“Homiylik oluvchilar tomonidan homiylik xayriyalarining olinishi ularning qonunchilikda belgilangan boshqa yordam turlaridan, toʻlovlardan yoki imtiyozlardan foydalanishini cheklash yoki toʻxtatish uchun asos boʻlmaydi”.

6-modda. Oʻzbekiston Respublikasining 2014-yil 25-sentabrda qabul qilingan “Ijtimoiy sheriklik toʻgʻrisida”gi OʻRQ-376-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2014-yil, № 9, 247-modda; 2017-yil, № 9, 510-modda; 2018-yil, № 1, 8-modda; 2020-yil, № 7, 449-modda; 2021-yil, 4-songa ilova) quyidagi oʻzgartirishlar kiritilsin:

1) 3-moddaning :

birinchi qismidagi “davlat organlarining nodavlat notijorat tashkilotlari va fuqarolik jamiyatining boshqa institutlari bilan” degan soʻzlar “davlat organlarining fuqarolik jamiyati institutlari, shu jumladan jamoat birlashmalari va boshqa nodavlat notijorat tashkilotlari, fuqarolarning oʻzini oʻzi boshqarish organlari, ommaviy axborot vositalari (bundan buyon matnda fuqarolik jamiyati institutlari deb yuritiladi) bilan” degan soʻzlar bilan almashtirilsin;

ikkinchi qismidagi “nodavlat notijorat tashkilotlari va fuqarolik jamiyatining boshqa institutlari” degan soʻzlar “fuqarolik jamiyati institutlari” degan soʻzlar bilan almashtirilsin;

2) 6-moddaning :

ikkinchi xatboshisidagi “nodavlat notijorat tashkilotlarining va fuqarolik jamiyati boshqa institutlarining” degan soʻzlar “fuqarolik jamiyati institutlarining” degan soʻzlar bilan almashtirilsin;

uchinchi xatboshisidagi “nodavlat notijorat tashkilotlarining va fuqarolik jamiyati boshqa institutlarining” degan soʻzlar “fuqarolik jamiyati institutlarining” degan soʻzlar bilan almashtirilsin;

toʻrtinchi xatboshisidagi “nodavlat notijorat tashkilotlari va fuqarolik jamiyati boshqa institutlari” degan soʻzlar “fuqarolik jamiyati institutlari” degan soʻzlar bilan almashtirilsin;

3) 7-modda :

nomidagi “nodavlat notijorat tashkilotlarining va fuqarolik jamiyati boshqa institutlarining” degan soʻzlar “fuqarolik jamiyati institutlarining” degan soʻzlar bilan almashtirilsin;

birinchi qismidagi “nodavlat notijorat tashkilotlarini va fuqarolik jamiyatining boshqa institutlarini” degan soʻzlar “fuqarolik jamiyati institutlarini” degan soʻzlar bilan almashtirilsin;

ikkinchi qismidagi “nodavlat notijorat tashkilotlaridan va fuqarolik jamiyatining boshqa institutlaridan” degan soʻzlar “fuqarolik jamiyati institutlaridan” degan soʻzlar bilan almashtirilsin;

uchinchi qismidagi “nodavlat notijorat tashkilotlari va fuqarolik jamiyatining boshqa institutlarini” degan soʻzlar “fuqarolik jamiyati institutlarini” degan soʻzlar bilan almashtirilsin;

toʻrtinchi qismining birinchi xatboshisi quyidagi tahrirda bayon etilsin:

“Fuqarolik jamiyati institutlari”;

beshinchi qismidagi “nodavlat notijorat tashkilotlarining va fuqarolik jamiyati boshqa institutlarining” degan soʻzlar “fuqarolik jamiyati institutlarining” degan soʻzlar bilan almashtirilsin;

4) 8-modda :

nomidagi “Nodavlat notijorat tashkilotlari va fuqarolik jamiyati boshqa institutlari” degan soʻzlar “Fuqarolik jamiyati institutlari” degan soʻzlar bilan almashtirilsin;

birinchi qismidagi “Nodavlat notijorat tashkilotlari va fuqarolik jamiyati boshqa institutlarining” degan soʻzlar “Fuqarolik jamiyati institutlarining” degan soʻzlar bilan almashtirilsin;

ikkinchi qismining birinchi xatboshisi quyidagi tahrirda bayon etilsin:

“Fuqarolik jamiyati institutlari”;

5) 9-moddaning ikkinchi qismidagi “nodavlat notijorat tashkilotlari va fuqarolik jamiyatining boshqa institutlari” degan soʻzlar “fuqarolik jamiyati institutlari” degan soʻzlar bilan almashtirilsin;

6) 12-moddaning :

ikkinchi xatboshisidagi “nodavlat notijorat tashkilotlarini va fuqarolik jamiyatining boshqa institutlarini” degan soʻzlar “fuqarolik jamiyati institutlarini” degan soʻzlar bilan almashtirilsin;

uchinchi xatboshisidagi “nodavlat notijorat tashkilotlariga va fuqarolik jamiyatining boshqa institutlariga” degan soʻzlar “fuqarolik jamiyati institutlariga” degan soʻzlar bilan almashtirilsin;

toʻrtinchi xatboshisidagi “nodavlat notijorat tashkilotlariga va fuqarolik jamiyatining boshqa institutlariga” degan soʻzlar “fuqarolik jamiyati institutlariga” degan soʻzlar bilan almashtirilsin;

7) 13-moddaning :

birinchi qismidagi “nodavlat notijorat tashkilotlariga va fuqarolik jamiyatining boshqa institutlariga” degan soʻzlar “fuqarolik jamiyati institutlariga” degan soʻzlar bilan almashtirilsin;

ikkinchi qismidagi “Nodavlat notijorat tashkilotlariga va fuqarolik jamiyatining boshqa institutlariga” degan soʻzlar “Fuqarolik jamiyati institutlariga” degan soʻzlar bilan almashtirilsin;

8) 14-moddaning :

birinchi xatboshisidagi “nodavlat notijorat tashkilotlarini va fuqarolik jamiyatining boshqa institutlarini” degan soʻzlar “fuqarolik jamiyati institutlarini” degan soʻzlar bilan almashtirilsin;

uchinchi xatboshisidagi “nodavlat notijorat tashkilotlarining va fuqarolik jamiyati boshqa institutlarining” degan soʻzlar “fuqarolik jamiyati institutlarining” degan soʻzlar bilan almashtirilsin;

9) 15 va 16-moddalar quyidagi tahrirda bayon etilsin:

“15-modda. Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi

Mamlakatda demokratik oʻzgarishlarni yanada rivojlantirishga hamda bunda fuqarolik jamiyati institutlarining ishtirok etishiga koʻmaklashish maqsadida Oʻzbekiston Respublikasi Oliy Majlisi huzurida Fuqarolik jamiyati institutlarini qoʻllab-quvvatlash jamoat fondi (bundan buyon matnda Oliy Majlis huzuridagi jamoat fondi deb yuritiladi) va uning alohida boʻlinmalari tuziladi.

Oliy Majlis huzuridagi jamoat fondi:

Oʻzbekiston Respublikasining respublika budjetidan, Qoraqalpogʻiston Respublikasining respublika budjetidan, viloyatlarning viloyat budjetlaridan va Toshkent shahrining shahar budjetidan, qonunchilikda taqiqlanmagan boshqa manbalardan olinadigan mablagʻlarni jamlaydi, bu mablagʻlar fuqarolik jamiyati institutlari faoliyatini rivojlantirishni ragʻbatlantirish hamda qoʻllab-quvvatlashga, ijtimoiy, iqtisodiy, gumanitar masalalarni hal etishda ularning ishtirok etishiga qaratilgan dasturlarni amalga oshirish uchun taqsimlanishini tashkil etadi;

fuqarolik jamiyati institutlarining moddiy-texnika bazasini mustahkamlash, ularga huquqiy maslahat, tashkiliy, texnik jihatdan va boshqa xil yordam koʻrsatish bilan bogʻliq dasturlar hamda loyihalarni amalga oshirishda koʻmaklashadi.

Oliy Majlis huzuridagi jamoat fondining tashkil etilishi, faoliyati, qayta tashkil etilishi hamda tugatilishining oʻziga xos xususiyatlari Oʻzbekiston Respublikasi Oliy Majlisi palatalari tomonidan belgilanadi.

16-modda. Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha parlament komissiyasi

Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha parlament komissiyasi (bundan buyon matnda Parlament komissiyasi deb yuritiladi) fuqarolik jamiyati institutlarini rivojlantirish hamda ularning mamlakatda demokratik oʻzgarishlarni amalga oshirishda va jamiyatni erkinlashtirishda ishtirok etishiga koʻmaklashish maqsadida tuziladi.

Parlament komissiyasi Oʻzbekiston Respublikasi Oliy Majlisining palatalari tomonidan Oʻzbekiston Respublikasi Oliy Majlisi Qonunchilik palatasining deputatlari va Senatining aʼzolaridan iborat tarkibda shakllantiriladi.

Parlament komissiyasining tarkibiga rais, rais oʻrinbosari, masʼul kotib va komissiya aʼzolari kiradi. Parlament komissiyasiga uning tarkibiga kiritilgan Oʻzbekiston Respublikasi Oliy Majlisi Qonunchilik palatasining deputati va Senatining aʼzosi har yili navbatma-navbat raislik qiladi.

Parlament komissiyasi oʻz faoliyatiga vazirliklar va idoralar mutaxassislarini hamda jamoatchilik vakillarini jalb etishi mumkin.

Parlament komissiyasi:

Oliy Majlis huzuridagi jamoat fondi mablagʻlarining fuqarolik jamiyati institutlarini qoʻllab-quvvatlash uchun taqsimlanishini tashkil etadi, fuqarolik jamiyati institutlari va davlat organlarining takliflarini oʻrganish asosida aniq ijtimoiy-iqtisodiy masalalarni hal etishga, fuqarolarning ijtimoiy faolligini yanada oshirishga qaratilgan sotsial va ijtimoiy ahamiyatga molik dasturlar hamda loyihalarni moliyalashtirish dasturlarini ishlab chiqadi;

Oliy Majlis huzuridagi jamoat fondi mablagʻlarini taqsimlashda ochiqlik va shaffoflikni taʼminlaydi, fuqarolik jamiyati institutlarini rivojlantirish hamda ular faoliyatining samaradorligini oshirish, ularning oʻtkazilayotgan sotsial-iqtisodiy va ijtimoiy-siyosiy islohotlarda, demokratik qadriyatlarning, fuqarolar huquqlari, erkinliklari va qonuniy manfaatlarining himoya qilinishini taʼminlashda ishtirok etishi masalalarini muhokama qilishga jamoatchilikni jalb etadi;

joylardagi fuqarolik jamiyati institutlarini qoʻllab-quvvatlash uchun mablagʻlarning hajmlarini Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari huzuridagi ijtimoiy sheriklik boʻyicha jamoat komissiyalarining (bundan buyon matnda jamoat komissiyalari deb yuritiladi) takliflari asosida aniqlaydi hamda taqsimlaydi, ushbu komissiyalar faoliyatiga uslubiy rahbarlikni taʼminlaydi;

Oliy Majlis huzuridagi jamoat fondi mablagʻlaridan maqsadli va samarali foydalanilishi, moliyalashtirilgan dasturlar hamda loyihalar ustidan nazoratni (monitoringni) amalga oshiradi, oʻz majlislarida moliyalashtirilayotgan dasturlar hamda loyihalar amalga oshirilishining borishi va natijalari toʻgʻrisida fuqarolik jamiyati institutlarining hisobotlarini, mahalliy davlat hokimiyati organlarining axborotini eshitadi, ijtimoiy sheriklikni yanada rivojlantirishga doir zarur tavsiyalarni ishlab chiqadi va topshiradi;

sotsial va ijtimoiy ahamiyatga molik dasturlar va loyihalarni amalga oshirishda fuqarolik jamiyati institutlarining davlat organlari bilan hamkorligini chuqurlashtirishga, ijtimoiy hayotni demokratlashtirishda fuqarolik jamiyati institutlarining rolini kuchaytirish jarayonlariga koʻmaklashadi;

ijtimoiy-iqtisodiy rivojlantirish dasturlari va normativ-huquqiy hujjatlar loyihalarining jamoatchilik muhokamasini, jamoatchilik ekspertizasini tashkil etishda davlat organlariga yordam koʻrsatadi, mamlakatda amalga oshirilayotgan demokratik oʻzgarishlarning mohiyati va ahamiyatini aholiga tushuntirish boʻyicha tizimli ishlar olib boradi;

ijtimoiy sheriklik sohasida koʻrib chiqilayotgan masalalar yuzasidan qarorlar qabul qiladi va ularning bajarilishi ustidan nazoratni amalga oshiradi;

bajarilgan ishlar toʻgʻrisida har yili Oʻzbekiston Respublikasi Oliy Majlisining Qonunchilik palatasiga va Senatiga axborot taqdim etadi;

oʻz faoliyati toʻgʻrisida jamoatchilikni xabardor qiladi.

Parlament komissiyasi Oliy Majlis huzuridagi jamoat fondining vasiylik kengashi vazifasini bajaradi.

Parlament komissiyasi qonunchilikka muvofiq boshqa vakolatlarni ham amalga oshirishi mumkin.

Parlament komissiyasining faoliyatini tashkil etish tartibi Oʻzbekiston Respublikasi Oliy Majlisining palatalari tomonidan belgilanadi”;

10) 17-modda chiqarib tashlansin;

11) 18-modda :

birinchi qismidagi “nodavlat notijorat tashkilotlarining va fuqarolik jamiyati boshqa institutlarining” degan soʻzlar “fuqarolik jamiyati institutlarining” degan soʻzlar bilan almashtirilsin;

ikkinchi qismining :

ikkinchi xatboshisidagi “nodavlat notijorat tashkilotlarining va fuqarolik jamiyati boshqa institutlarining” degan soʻzlar “fuqarolik jamiyati institutlarining” degan soʻzlar bilan almashtirilsin;

uchinchi va toʻrtinchi xatboshilari quyidagi tahrirda bayon etilsin:

“fuqarolik jamiyati institutlarining joylarda ijtimoiy, sotsial-iqtisodiy masalalarni hal etishga qaratilgan sotsial hamda ijtimoiy ahamiyatga molik dasturlari va loyihalarini qoʻllab-quvvatlashga, ularni amalga oshirish uchun mablagʻlarning zarur hajmlarini aniqlashga doir takliflarni ishlab chiqadi hamda ularni Parlament komissiyasiga taqdim etib boradi;

joylarda fuqarolik jamiyati institutlari tomonidan davlat subsidiyasi, grantlari va ijtimoiy buyurtmalari doirasida amalga oshirilayotgan faoliyat samaradorligini oʻrganish, tahlil qilish va baholash borasida Parlament komissiyasiga koʻmaklashadi”;

uchinchi qismi chiqarib tashlansin;

toʻrtinchi — yettinchi qismlari tegishincha uchinchi — oltinchi qismlar deb hisoblansin;

beshinchi qismi chiqarib tashlansin;

oltinchi qismi beshinchi qism deb hisoblansin;

12) 19-moddaning matni quyidagi tahrirda bayon etilsin:

“Davlat subsidiyasi sotsial va ijtimoiy ahamiyatga molik faoliyatni amalga oshirayotgan fuqarolik jamiyati institutlarini qoʻllab-quvvatlash uchun Oʻzbekiston Respublikasining respublika budjeti, Qoraqalpogʻiston Respublikasining respublika budjeti, viloyatlarning viloyat budjetlari va Toshkent shahrining shahar budjeti, davlat maqsadli jamgʻarmalari mablagʻlari hisobidan beriladigan hamda aniq loyihalar bilan bogʻliq boʻlmagan moliyaviy yoki boshqa moddiy koʻmakdir.

Davlat subsidiyalaridan faqat fuqarolik jamiyati institutlarining ustavida belgilangan maqsad va vazifalarni bajarish, moddiy-texnika bazasini mustahkamlash hamda ijtimoiy foydali maqsadlarga erishish uchungina foydalaniladi.

Fuqarolik jamiyati institutlari davlat subsidiyasini olish uchun Oliy Majlis huzuridagi jamoat fondiga buyurtmalar bilan murojaat etadi.

Oliy Majlis huzuridagi jamoat fondi fuqarolik jamiyati institutlarining buyurtmalarini umumlashtiradi, subsidiyalash hajmlariga doir takliflarni tayyorlaydi hamda ularni Parlament komissiyasiga kiritadi.

Parlament komissiyasi Oliy Majlis huzuridagi jamoat fondi tomonidan taqdim etilgan hujjatlarni oʻrganib chiqib, subsidiyalashning maqsadga muvofiqligi va zarur hajmlari toʻgʻrisida belgilangan tartibda qaror qabul qiladi.

Oliy Majlis huzuridagi jamoat fondi navbatdagi yil uchun Oʻzbekiston Respublikasining Davlat budjeti tasdiqlanganidan keyin Parlament komissiyasiga davlat subsidiyalarini taqsimlashga doir takliflarni taqdim etadi.

Parlament komissiyasi Oliy Majlis huzuridagi jamoat fondining takliflari olinganidan keyin fuqarolik jamiyati institutlariga ajratiladigan davlat subsidiyalarining hajmlarini aniqlaydi.

Davlat subsidiyalarini ajratish tartibi va shartlari Oʻzbekiston Respublikasi Oliy Majlisi palatalari tomonidan belgilanadi.

Qonunchilikda ayrim fuqarolik jamiyati institutlari uchun davlat tomonidan subsidiyalashning boshqacha tartibi ham nazarda tutilishi mumkin”;

13) 20-moddaning matni quyidagi tahrirda bayon etilsin:

“Davlat granti ijtimoiy foydali maqsadlarga erishishga qaratilgan loyihalarni amalga oshirish uchun Oʻzbekiston Respublikasining respublika budjeti, Qoraqalpogʻiston Respublikasining respublika budjeti, viloyatlarning viloyat budjetlari va Toshkent shahrining shahar budjeti, shuningdek Oliy Majlis huzuridagi jamoat fondining mablagʻlari hisobidan fuqarolik jamiyati institutlariga tanlov asosida beriladigan pul mablagʻlari va moddiy resurslardir.

Davlat grantlarini ajratish Oliy Majlis huzuridagi jamoat fondi va uning alohida boʻlinmalari orqali amalga oshiriladi.

Oliy Majlis huzuridagi jamoat fondi davlat grantini taqsimlash maqsadida grant tanlovlarini tashkil etadi.

Grant tanlovlarida ijtimoiy foydali maqsadlarga erishishga qaratilgan loyihalarni taqdim etgan fuqarolik jamiyati institutlari ishtirok etishga haqlidir.

Grant tanlovlariga taqdim etilgan loyihalarni tanlab olish va gʻoliblarni aniqlash Parlament komissiyasi tomonidan amalga oshiriladi.

Davlat granti ajratilayotganda grant beruvchi va grant oluvchi oʻrtasida grant ajratilganligi toʻgʻrisida shartnoma tuziladi.

Fuqarolik jamiyati institutlariga davlat grantlarini ajratish tartibi va shartlari Oʻzbekiston Respublikasi Oliy Majlisi palatalari tomonidan belgilanadi”;

14) 21-moddaning matni quyidagi tahrirda bayon etilsin:

“Davlat ijtimoiy buyurtmasi davlat organi va fuqarolik jamiyati instituti oʻrtasida shartnoma tuzish yoʻli bilan sotsial va ijtimoiy ahamiyatga molik loyihalarni amalga oshirish uchun ishlar bajarishga yoki tadbirlar oʻtkazishga doir davlat topshirigʻidan iborat boʻladi.

Davlat ijtimoiy buyurtmalarini berish Oliy Majlis huzuridagi jamoat fondi, uning alohida boʻlinmalari orqali yoki bevosita davlat organlari tomonidan amalga oshiriladi.

Davlat ijtimoiy buyurtmalari Oliy Majlis huzuridagi jamoat fondi yoki uning alohida boʻlinmalari orqali berilgan taqdirda, davlat organlari ushbu Qonunda nazarda tutilgan ijtimoiy sheriklik sohalari doirasida oʻz faoliyatining fuqarolik jamiyati institutlari qoʻllab-quvvatlashini talab etadigan ustuvor yoʻnalishlarini belgilaydi va kelgusi moliya yili uchun davlat ijtimoiy buyurtmalarini berish toʻgʻrisida Oliy Majlis huzuridagi jamoat fondiga yoki uning alohida boʻlinmalariga buyurtmalar yuboradi. Buyurtmada davlat organi faoliyatining ustuvor yoʻnalishlari, ishlar bajarishga yoki tadbirlar oʻtkazishga doir topshiriqning maqsadlari, vazifalari va shartlari, shuningdek talab etiladigan mablagʻlar miqdori, unda davlat organining ulushi koʻrsatiladi.

Oliy Majlis huzuridagi jamoat fondi, uning alohida boʻlinmalari davlat organlarining buyurtmalarini umumlashtiradi hamda Parlament komissiyasiga koʻrib chiqish uchun kiritadi. Parlament komissiyasi buyurtmalarda nazarda tutilgan tadbirlarning dolzarbligini va ijtimoiy ahamiyatini baholaydi, shuningdek buyurtmalarni moliyalashtirish maqsadga muvofiqligi, har bir buyurtma uchun ajratiladigan mablagʻlar miqdori va tanlovlarni tashkil etish toʻgʻrisida belgilangan tartibda qaror qabul qiladi.

Oliy Majlis huzuridagi jamoat fondi davlat ijtimoiy buyurtmalarini berish boʻyicha tanlov tashkil etadi, bunda davlat buyurtmachilari, buyurtmalarning maqsadlari, vazifalari va shartlari, ajratiladigan mablagʻlar miqdori haqidagi maʼlumotlarni oʻzining veb-saytida, maxsus elektron platformasida, shuningdek ommaviy axborot vositalarida hamda ijtimoiy tarmoqlarda eʼlon qiladi.

Fuqarolik jamiyati institutlari davlat ijtimoiy buyurtmalari loyihalarini ishlab chiqadi hamda ularni koʻrib chiqish uchun Oliy Majlis huzuridagi jamoat fondiga taqdim etadi.

Oliy Majlis huzuridagi jamoat fondi fuqarolik jamiyati institutlari tomonidan taqdim etilgan davlat ijtimoiy buyurtmalari loyihalarini umumlashtiradi va koʻrib chiqish uchun Parlament komissiyasiga kiritadi.

Parlament komissiyasi Oliy Majlis huzuridagi jamoat fondi tomonidan kiritilgan fuqarolik jamiyati institutlarining davlat ijtimoiy buyurtmalari loyihalarini koʻrib chiqadi, baholaydi va gʻoliblarni aniqlaydi.

Davlat ijtimoiy buyurtmasi berilayotganda davlat ijtimoiy buyurtmasini berish toʻgʻrisida buyurtma yuborgan davlat organi, fuqarolik jamiyati instituti va Oliy Majlis huzuridagi jamoat fondi oʻrtasida uch tomonlama shartnoma tuziladi.

Davlat organlari Parlament komissiyasi tomonidan qoʻllab-quvvatlangan davlat ijtimoiy buyurtmalari loyihalarini budjetdan tashqari mablagʻlar hisobidan qoʻshimcha moliyalashtirishni amalga oshirishi mumkin. Bunda qoʻshimcha moliyalashtirish miqdori umumiy moliyalashtirish summasining yigirma foizidan oshmasligi lozim.

Oliy Majlis huzuridagi jamoat fondi, uning alohida boʻlinmalari orqali davlat ijtimoiy buyurtmasini berish tartibi va shartlari Oʻzbekiston Respublikasi Oliy Majlisi palatalari tomonidan belgilanadi.

Davlat organlari har yili sotsial va ijtimoiy ahamiyatga molik loyihalarni amalga oshirish uchun budjetdan tashqari mablagʻlari hisobidan fuqarolik jamiyati institutlariga bevosita davlat ijtimoiy buyurtmasi berish boʻyicha tanlovlar tashkil etadi. Tanlovlar haqidagi axborot davlat organining veb-saytida, ommaviy axborot vositalarida, shu jumladan elektron ommaviy axborot vositalarida oldindan eʼlon qilinadi.

Davlat organlariga fuqarolik jamiyati institutlaridan kelib tushadigan loyihalarni koʻrib chiqish, umumlashtirish va ularni baholash davlat organlari huzuridagi jamoatchilik kengashlari tomonidan amalga oshiriladi. Davlat ijtimoiy buyurtmalarini berish boʻyicha tanlov gʻolibi loyihalarni koʻrib chiqish, umumlashtirish va ularni baholash natijalariga koʻra aniqlanadi. Davlat organi va tanlovda gʻolib deb topilgan fuqarolik jamiyati instituti oʻrtasida shartnoma tuziladi.

Fuqarolik jamiyati instituti tegishli sohalar va tarmoqlardagi mavjud muammolarning yechimini nazarda tutuvchi tashabbusli loyihalarni amalga oshirish uchun davlat ijtimoiy buyurtmasini olish toʻgʻrisida tegishli davlat organiga taklif kiritishi mumkin.

Fuqarolik jamiyati institutining davlat ijtimoiy buyurtmasini olish uchun kiritgan tashabbusli loyihasi tegishli davlat organi huzuridagi jamoatchilik kengashi tomonidan belgilangan tartibda koʻrib chiqiladi va baholanadi.

Davlat organi huzuridagi jamoatchilik kengashi tomonidan tashabbusli loyihani moliyalashtirish maqsadga muvofiqligi haqida qaror qabul qilingan taqdirda, uni kiritgan fuqarolik jamiyati institutiga mazkur davlat organining budjetdan tashqari mablagʻlari hisobidan bazaviy hisoblash miqdorining ming baravarigacha miqdordagi davlat ijtimoiy buyurtmasi toʻgʻridan-toʻgʻri shartnoma tuzish yoʻli bilan berilishi mumkin.

Sotsial va ijtimoiy ahamiyatga molik loyihalarni amalga oshirish uchun davlat organlari tomonidan fuqarolik jamiyati institutlariga davlat ijtimoiy buyurtmasini berish, shuningdek tanlov shartlari va uni oʻtkazish tartibi Oʻzbekiston Respublikasi Vazirlar Mahkamasi tomonidan belgilanadi”;

15) 23-modda :

nomidagi “Nodavlat notijorat tashkilotlarining va fuqarolik jamiyati boshqa institutlarining” degan soʻzlar “Fuqarolik jamiyati institutlarining” degan soʻzlar bilan almashtirilsin;

birinchi qismining birinchi xatboshisidagi “Nodavlat notijorat tashkilotlari va fuqarolik jamiyatining boshqa institutlari” degan soʻzlar “Fuqarolik jamiyati institutlari” degan soʻzlar bilan almashtirilsin;

ikkinchi qismidagi “Nodavlat notijorat tashkilotlari va fuqarolik jamiyatining boshqa institutlari” degan soʻzlar “Fuqarolik jamiyati institutlari” degan soʻzlar bilan almashtirilsin;

16) 24-modda :

nomidagi “Nodavlat notijorat tashkilotlarining va fuqarolik jamiyati boshqa institutlarining” degan soʻzlar “Fuqarolik jamiyati institutlarining” degan soʻzlar bilan almashtirilsin;

birinchi qismining birinchi xatboshisi quyidagi tahrirda bayon etilsin:

“Fuqarolik jamiyati institutlari”;

ikkinchi qismidagi “Nodavlat notijorat tashkilotlari va fuqarolik jamiyatining boshqa institutlari” degan soʻzlar “Fuqarolik jamiyati institutlari” degan soʻzlar bilan almashtirilsin;

17) 25-modda birinchi qismining :

ikkinchi xatboshisidagi “nodavlat notijorat tashkilotlarini va fuqarolik jamiyatining boshqa institutlarini” degan soʻzlar “fuqarolik jamiyati institutlarini” degan soʻzlar bilan almashtirilsin;

uchinchi xatboshisi quyidagi tahrirda bayon etilsin:

“fuqarolik jamiyati institutlari bilan birgalikda ishchi guruhlar va komissiyalar tuzishga, shu jumladan ular vakillarining oʻz vakolatlariga kiradigan masalalar boʻyicha davlat organlari huzuridagi jamoatchilik-maslahat organlari ishida ishtirok etishini taʼminlashga”;

toʻrtinchi xatboshisidagi “nodavlat notijorat tashkilotlari va fuqarolik jamiyatining boshqa institutlari” degan soʻzlar “fuqarolik jamiyati institutlari” degan soʻzlar bilan almashtirilsin;

18) 26-moddaning birinchi qismi quyidagi tahrirda bayon etilsin:

“Davlat organlari ijtimoiy sheriklik sohasida:

faoliyatning fuqarolik jamiyati institutlarini qoʻllab-quvvatlashni talab qiladigan ustuvor yoʻnalishlarini, shu jumladan ular bilan maslahatlashuvlar oʻtkazish orqali aniqlashi;

fuqarolik jamiyati institutlariga ijtimoiy sheriklikda ishtirok etishi uchun shart-sharoitlar yaratishi;

fuqarolik jamiyati institutlarining tashabbuslari hamda takliflarini, shu jumladan ijtimoiy-iqtisodiy rivojlantirish dasturlari va normativ-huquqiy hujjatlar loyihalarini ishlab chiqish boʻyicha tashabbuslari hamda takliflarini koʻrib chiqishi;

ijtimoiy-iqtisodiy rivojlantirish dasturlari va normativ-huquqiy hujjatlar ishlab chiqilishi hamda amalga oshirilishining borishi boʻyicha zarur hollarda jamoatchilik muhokamasini tashkil etishi, shuningdek fuqarolik jamiyati institutlarining ularni amalga oshirish samaradorligini yuksaltirishga doir takliflarini koʻrib chiqishi;

fuqarolik jamiyati institutlari bilan oldindan maslahatlashuvlar va muzokaralar oʻtkazilishini taʼminlashi;

sohaviy va hududiy fuqarolik jamiyati institutlari vakillari bilan har yili kamida bir marta ochiq muloqot oʻtkazishi;

ijtimoiy sheriklik sohasidagi bitimlar va shartnomalar, dasturlar hamda loyihalar boʻyicha majburiyatlarning bajarilishini taʼminlashi shart”;

19) 29-moddaning uchinchi xatboshisidagi “davlat boshqaruvi organlari” degan soʻzlar “respublika ijro etuvchi hokimiyat organlari” degan soʻzlar bilan almashtirilsin.

7-modda. Oʻzbekiston Respublikasining 2018-yil 12-aprelda qabul qilingan “Jamoatchilik nazorati toʻgʻrisida”gi OʻRQ-474-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2018-yil, № 4, 222-modda; 2021-yil, 4-songa ilova) 17-moddasi quyidagi mazmundagi toʻrtinchi qism bilan toʻldirilsin:

“Yakuniy hujjat davlat organiga kelib tushgan kundan eʼtiboran bir oygacha boʻlgan muddatda koʻrib chiqiladi, bundan qoʻshimcha oʻrganishni talab etadigan yakuniy hujjatlar mustasno boʻlib, bu haqda yakuniy hujjatni kiritgan jamoatchilik nazorati subyektiga oʻn kunlik muddatda yozma shaklda xabar qilinadi”.

8-modda. Oʻzbekiston Respublikasining 2019-yil 30-dekabrda qabul qilingan OʻRQ-599-sonli Qonuni bilan yangi tahrirda tasdiqlangan Oʻzbekiston Respublikasining Soliq kodeksi (Oʻzbekiston Respublikasi Oliy Majlisi palatalarining Axborotnomasi, 2019-yil, 12-songa 1-ilova; 2020-yil, № 3, 198-modda, № 10, 593-modda, № 11, 652-modda, № 12, 690, 691-moddalar; 2021-yil, № 1, 6-modda, № 4, 294-modda, 4-songa ilova, № 8, 800-modda, № 9, 901-modda, № 10, 968, 969, 972, 973-moddalar, № 12, 1199-modda; 2022-yil, № 2, 79-modda, № 3, 215, 216-moddalar, № 5, 461, 464, 467-moddalar, № 6, 570-modda, № 7, 664, 666-moddalar, № 12, 1190-modda; 2023-yil, № 6, 444, 446-moddalar, № 7, 540-modda, № 12, 1011-modda; 2024-yil, № 2, 106, 110, 111-moddalar, № 4, 346-modda, № 5, 458, 459-moddalar, № 8, 822, 831-moddalar, № 9, 958-modda, № 10, 1076-modda, № 11, 1190-modda, № 12, 1283, 1284, 1296, 1297-moddalar; 2025-yil, № 2, 188, 194-moddalar) 22-moddasiga quyidagi qoʻshimcha va oʻzgartirish kiritilsin:

quyidagi mazmundagi toʻrtinchi va beshinchi qismlar bilan toʻldirilsin:

“Chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirigʻiga binoan boshqa shaxslardan pul mablagʻlarini yoki mol-mulkni quyidagi maqsadlarda olgan yuridik shaxslar tegishli soliq hisobotida, jismoniy shaxslar esa jami yillik daromad toʻgʻrisidagi deklaratsiyada olingan pul mablagʻlari yoki mol-mulki haqidagi maʼlumotni aks ettirishi shart:

jamoatchilik fikrini oʻrganish boʻyicha tadqiqotlar, soʻrovlar oʻtkazish (bundan tijorat maqsadlarida oʻtkaziladigan tadqiqot va soʻrovlar mustasno);

maʼlumotlarni yigʻish, tahlil qilish va tarqatish (bundan ushbu faoliyat tijorat maqsadlariga qaratilgan hollar mustasno).

Ushbu moddaning toʻrtinchi qismida belgilangan majburiyat quyidagilarga nisbatan tatbiq etilmaydi:

davlat organlari, tashkilotlari va muassasalariga;

nodavlat notijorat tashkilotlarga;

chet el diplomatik vakolatxonalariga hamda ularga tenglashtirilgan vakolatxonalar va konsullik muassasalariga;

Oʻzbekiston Respublikasi aʼzo boʻlgan xalqaro tashkilotlarning ixtisoslashtirilgan muassasalariga”;

toʻrtinchi , beshinchi va oltinchi qismlar tegishincha oltinchi, yettinchi va sakkizinchi qismlar deb hisoblansin.

9-modda. Oʻzbekiston Respublikasining 2020-yil 6-yanvarda qabul qilingan “Davlat boji toʻgʻrisida”gi OʻRQ-600-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2020-yil, № 1, 1-modda, № 3, 201-modda, № 5, 298-modda, № 10, 593-modda, № 12, 691-modda; 2021-yil, № 1, 13-modda, 4-songa ilova, № 7, 661-modda, № 8, 800, 803-moddalar, № 10, 968-modda; 2022-yil, № 2, 76-modda, № 3, 214, 216-moddalar, № 4, 340-modda, № 5, 463, 464, 467-moddalar, № 12, 1186-modda; 2023-yil, № 2, 103-modda, № 3, 186-modda, № 4, 265, 269-moddalar, № 6, 444, 445-moddalar, № 7, 538-modda, № 9, 710-modda; 2024-yil, № 1, 5, 6, 7-moddalar, № 2, 101, 105, 107, 108, 111, 112-moddalar, № 7, 628-modda, № 8, 819, 823, 831-moddalar, № 9, 958-modda, № 10, 1076, 1079-moddalar, № 11, 1191-modda, № 12, 1279, 1280, 1285-moddalar; 2025-yil, № 1, 4, 6-moddalar, № 2, 188, 189, 195, 197-moddalar) quyidagi oʻzgartirishlar kiritilsin:

1) 5-moddaning 11-bandidagi “xalqaro jamoat tashkilotlarini roʻyxatga olganlik, nodavlat notijorat tashkilotlarini, shu jumladan diniy tashkilotlar, xalqaro va chet el nodavlat notijorat tashkilotlarining vakolatxonalari va filiallari xodimlarini, shuningdek ularning qaramogʻida boʻlgan oila aʼzolarini akkreditatsiya qilganlik” degan soʻzlar “nodavlat notijorat tashkilotlarini, shu jumladan xalqaro nodavlat notijorat tashkilotlarini, xalqaro va chet el nodavlat notijorat tashkilotlarining vakolatxonalari va filiallarini hamda diniy tashkilotlarni davlat roʻyxatidan va qayta roʻyxatdan oʻtkazganlik, shuningdek bunday tashkilotlarning chet el fuqarolari boʻlgan xodimlarini, ularning qaramogʻida boʻlgan oila aʼzolarini akkreditatsiyadan oʻtkazganlik” degan soʻzlar bilan almashtirilsin;

2) 14-moddaning 5-bandidagi “xorijiy” degan soʻz “chet el” degan soʻzlar bilan almashtirilsin;

3) ilova 7-bandining:

“a” kichik bandi quyidagi tahrirda bayon etilsin:

“ a) adliya organlari tomonidan xalqaro nodavlat notijorat tashkilotlarini, shuningdek xalqaro va chet el nodavlat notijorat tashkilotlarining vakolatxonalari va filiallarini — BHMning 12,5 baravari respublika nodavlat notijorat tashkilotlarini — BHMning 3 baravari hududiy nodavlat notijorat tashkilotlarini — BHMning 50 foizi diniy tashkilotlarning markaziy boshqaruv organlari va diniy oʻquv yurtlarini — BHMning 20 baravari boshqa diniy tashkilotlarni — BHMning 10 baravari nodavlat notijorat tashkilotlarini, shu jumladan xalqaro nodavlat notijorat tashkilotlarini, xalqaro va chet el nodavlat notijorat tashkilotlarining vakolatxonalari va filiallarini, shuningdek diniy tashkilotlarni qayta roʻyxatdan oʻtkazganlik uchun — ularni davlat roʻyxatidan oʻtkazganlik uchun belgilangan summaning 50 foizi ”;

“g” kichik bandi quyidagi tahrirda bayon etilsin:

“ g) Oʻzbekiston Respublikasi Investitsiyalar, sanoat va savdo vazirligi tomonidan chet el tijorat tashkilotlari vakolatxonalarini akkreditatsiya qilganlik uchun — BHMning 48 baravari ”;

“d” kichik bandi chiqarib tashlansin.

10-modda. Oʻzbekiston Respublikasining 2021-yil 25-fevralda qabul qilingan “Auditorlik faoliyati toʻgʻrisida”gi OʻRQ-677-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2021-yil, № 2, 146-modda; 2022-yil, № 3, 216, 217-moddalar, № 4, 340-modda; 2023-yil, № 1, 2-modda, № 11, 923-modda; 2024-yil, № 2, 105-modda, № 11, 1193-modda; 2025-yil, № 2, 188-modda) 35-moddasi birinchi qismining yettinchi xatboshisi “boshqa fondlar” degan soʻzlardan keyin “(bundan bir kalendar yilda bank hisobvaraqlarida pul aylanmasi mavjud boʻlmagan jamoat fondlari mustasno)” degan soʻzlar bilan toʻldirilsin.

11-modda. Oʻzbekiston Respublikasi Adliya vazirligi, Bosh prokuraturasi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

12-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

13-modda. Ushbu Qonun rasmiy eʼlon qilingan kundan eʼtiboran kuchga kiradi.

Ushbu Qonunning 1-moddasi 5-bandi , 6-bandi toʻrtinchi xatboshisi , 7-bandi uchinchi xatboshisi , 8-bandi va 5-moddasi mazkur Qonun kuchga kirgan kundan eʼtiboran uch oy oʻtgach amalga kiritiladi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2025-yil 21-avgust,

OʻRQ-1083-son

(Qonunchilik maʼlumotlari milliy bazasi, 22.08.2025-y., 03/25/1083/0769-son)

lex.uz