📅 2025-yil 21-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 21 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 августа 2025 г. · Постановления Президента
Официальный текст. Официальный документ. Редакционные примечания не включены.
📅 21 August 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ТАРКИБИ
АСОСИЙ ВАЗИФАЛАРИ
РЎЙХАТИ
МОЛИЯЛАШТИРИШ МАНБАЛАРИ
Халқаро замонавий санъат биенналесини юқори савияда ўтказиш чора-тадбирлари тўғрисида
Ўзбекистоннинг жаҳон маданий харитасидаги нуфузини юксалтириш, замонавий санъат, тарихий мерос, креатив иқтисодиёт ва туризм уйғунлигини таъминлаш орқали мамлакатнинг ижтимоий-иқтисодий тараққиётига ҳисса қўшиш, шунингдек, ЮНЕСКОнинг Умумжаҳон мероси рўйхатига ва «Ижодкор шаҳарлар тармоғи» дастурига кирган, асрлар давомида илм-фан, меъморчилик, ҳунармандчилик ва санъат маркази бўлиб келаётган кўҳна Бухоро шаҳрининг ўрни ва аҳамиятини янада ошириш мақсадида қарор қиламан:
1. 2025 йилдан бошлаб ҳар икки йилда бир марта сентябрь — ноябрь ойларида Бухоро шаҳрида халқаро замонавий санъат биенналеси (кейинги ўринларда — Биеннале) ўтказиб борилсин.
2. Биринчи Биеннале 2025 йил 5 сентябрь — 20 ноябрь кунлари юқори савияда ўтказилсин.
3. Қуйидагилар Биенналенинг асосий мақсадлари этиб белгилансин:
(а) мамлакатимизда замонавий ва амалий санъат, ҳунармандчиликни қўллаб-қувватлаш ҳамда глобал маданий маконга интеграция қилиш;
(б) креатив индустрияда таълим, тадқиқот ва касбий маҳоратни ривожлантириш, юртимиз вакилларининг жаҳонга машҳур уста-ижодкорлар билан ҳамкорлигини йўлга қўйиш орқали халқаро даражага олиб чиқиш;
(в) юртимиз туристик жозибадорлигини ошириш, маданий мерос объектларини санъат намойиши майдонларига айлантириш, мунтазам қайта ташриф буюришга бўлган қизиқишни шакллантириш.
4. Халқаро замонавий санъат биенналесига тайёргарлик кўриш ва уни ўтказиш бўйича ташкилий қўмита (кейинги ўринларда — Ташкилий қўмита) тузилсин, шунингдек, унинг таркиби ва асосий вазифалари 1- ва 2-иловаларга мувофиқ тасдиқлансин.
5. Белгилаб қўйилсинки, Маданият ва санъатни ривожлантириш жамғармаси (кейинги ўринларда — Жамғарма) Ташкилий қўмитанинг ишчи органи ҳисобланади.
6. Белгилансинки, биринчи Биеннале доирасида қуйидагилар амалга оширилади:
(а) Биеннале ўтказиладиган 14 та маданий мерос объектини кўргазма ва тадбирлар, таълим ва тадқиқот, ижодиёт ва ишлаб чиқариш жараёнлари уйғунлашган креатив кластерга айлантириш;
(б) жаҳонга машҳур уста-ижодкорлар томонидан 60 тадан кўп арт-объект, шу жумладан, инсталляцияларни яратиш, улардан Биеннале ўтказиладиган жойни бадиий безашда фойдаланиш ва уларнинг энг муносибларини дунё бўйлаб кўргазмаларда намойиш этиш;
(в) дунёга таниқли ижодкор, мутахассис ва ошпазлар иштирокида кенг жамоатчилик учун 10 ҳафталик илмий-маърифий, маданий-кўнгилочар, сайёҳлик ва гастрономик дастурларни ташкил этиш;
(г) биринчи Биеннале махсус каталоги ва ўзбек миллий таомлари рецептлар китоб-альбомини чоп этиш, улардан халқаро миқёсдаги тарғибот воситаси ва совғалар тўплами сифатида кенг фойдаланиш;
(д) Бухоро Биенналеси ҳақида ҳужжатли фильм яратиш, шунингдек, ундан фойдаланиб мамлакатимизнинг сайёҳлик салоҳиятини тарғиб қилиш;
(ж) махсус таълим дастури асосида халқаро даражадаги кураторларни тайёрлаш ҳамда уларнинг жаҳоннинг етакчи санъат майдонларида Ўзбекистон номидан иштирок этишини таъминлаш;
(з) 30 нафардан ортиқ халқаро эксперт, куратор ва санъатшунослар иштирокида халқаро академик симпозиумни ўтказиш.
7. Қуйидагилар:
(а) Халқаро замонавий санъат биенналеси ўтказиладиган моддий маданий мерос объектлари (кейинги ўринларда — Биеннале объектлари) рўйхати 3-иловага мувофиқ;
(б) Халқаро замонавий санъат биенналесига тайёргарлик кўриш ва уни ўтказиш билан боғлиқ харажатларни молиялаштириш манбалари 4-иловага мувофиқ тасдиқлансин.
8. Белгилаб қўйилсинки, Биеннале объектларида:
(а) лойиҳалаштириш ва асрашга доир ишлар бўйича Маданий мерос агентлиги буюртмачи ҳисобланади;
(б) хорижий таниқли мутахассислар билан ҳамкорликда алоҳида концепция ва дизайн асосида объектларни бадиий ёритиш ва асрашга доир ишларни ташкил этиш, инфратузилмаларини яхшилаш, шунингдек, Тасвирий санъат музейининг янги экспозициясини яратиш чоралари кўрилади .
9. Белгилансинки, Биеннале доирасида 2025 йил 31 декабрга қадар Жамғарма ва Маданий мерос агентлиги томонидан шакллантириладиган рўйхатларга асосан ва улар белгилаган субъектлар томонидан импорт қилинадиган техника, жиҳоз, асбоб-ускуна, санъат асарлари ва уларнинг қисмлари, ашёлар ва бошқа товарлар божхона божидан озод этилади.
10. Вазирлар Маҳкамаси уч кун муддатда биринчи Биенналега тайёргарлик кўриш ва уни ўтказиш бўйича чора-тадбирлар режаси, молиялаштириш манбаларини кўрсатган ҳолда харажатлар сметасини тасдиқласин.
11. Ўзбекистон Республикаси Президентининг айрим қарорларига 5-иловага мувофиқ ўзгартиришлар ва қўшимча киритилсин.
12. Мазкур қарорнинг ижросини самарали ташкил қилишга масъул ва шахсий жавобгар этиб Маданият ва санъатни ривожлантириш жамғармаси раиси Г.О. Умерова ҳамда Бухоро вилояти ҳокими Б.К. Зарипов белгилансин.
13. Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 21 августдаги ПҚ-260-сон қарорига 1-ИЛОВА
Халқаро замонавий санъат биенналесига тайёргарлик кўриш ва уни ўтказиш бўйича ташкилий қўмита
1. А.Н. Арипов — Ўзбекистон Республикаси Бош вазири, Ташкилий қўмита раиси 2. Г.О. Умерова — Ўзбекистон Республикаси Президенти Администрацияси Креатив иқтисодиёт ва туризм бўйича департаменти бошлиғи, Ташкилий қўмита раисининг ўринбосари 3. Б.О. Саидов — ташқи ишлар вазири 4. О.А. Назарбеков — маданият вазири 5. Ш.С. Хидоятов — қурилиш ва уй-жой коммунал хўжалиги вазири 6. К.А. Шарипов — олий таълим, фан ва инновациялар вазири 7. Ш.Х. Шерматов — рақамли технологиялар вазири 8. И.Р. Махкамов — транспорт вазири 9. А.А. Худаяров — соғлиқни сақлаш вазири 10. А.А. Ташпулатов — ички ишлар вазири 11. Б.Б. Кудратходжаев — фавқулодда вазиятлар вазири 12. Р.М. Джураев — Миллий гвардия қўмондони 13. Б.К. Зарипов — Бухоро вилояти ҳокими 14. А.Ю. Мавлонов — Божхона қўмитаси раиси 15. У.Р. Шадиев — Туризм қўмитаси раиси 16. Б.Г. Абдикаримов — Маданий мерос агентлиги директори 17. Д.А. Ваҳобов — Савдо-саноат палатаси раиси 18. Ж.О. Умарходжаев — «Uzbekistan Airports» АЖ бошқаруви раиси 19. Ш.Ш. Худайкулов — «Uzbekistan Airways» АЖ бошқаруви раиси 20. З.Г. Нарзуллаев — «Ўзбекистон темир йўллари» АЖ бошқаруви раиси 21. А.А. Жўрабаев — Ўзбекистон Миллий телерадиокомпанияси раиси 22. А.А. Маннопов — Маданият ва санъатни ривожлантириш жамғармаси раиси ўринбосари, Ташкилий қўмита котиби
Ўзбекистон Республикаси Президентининг 2025 йил 21 августдаги ПҚ-260-сон қарорига 2-ИЛОВА
Халқаро замонавий санъат биенналесига тайёргарлик кўриш ва уни ўтказиш бўйича ташкилий қўмитанинг
1. Халқаро замонавий санъат биенналеси (кейинги ўринларда — Биеннале)га тайёргарлик кўриш ва уни юқори савияда ўтказиш бўйича зарур чора-тадбирларни белгилаш ва амалга ошириш.
2. Биенналени ўтказиш бўйича белгиланган вазифаларни ўз вақтида ва сифатли бажариш, бу борада масъул вазирлик, идора ва ташкилотлар фаолиятини мувофиқлаштириш.
3. Биенналеда иштирок этиш учун нуфузли халқаро ижодкорларни жалб этиш, уларнинг маҳаллий ижодкорлар билан ҳамкорликда (коллаборация) санъат асарлари, шунингдек, Ўзбекистоннинг қадимий тарихи ва бой маданиятидан илҳомланган ҳолда асарлар яратишини рағбатлантириш.
4. Биенналенинг халқаро маданий дипломатия ва жаҳон ҳамжамиятидаги нуфузини ошириш.
5. Биенналени ўтказишга халқаро ва хорижий ташкилотларнинг грантлари, ҳомийлик хайриялари ва меценатлик кўмагини жалб этиш.
6. Биеннале доирасида яратилган асарларнинг мамлакатимиз ва хориждаги кўргазмаларда намойиш этилишига, шунингдек, нуфузли халқаро аукционлар ва савдо майдончаларида сотилишига кўмаклашиш.
7. Заруратга кўра, Биеннале ўтказиладиган кунларни узайтириш ва ўзгартириш.
8. Маҳаллий ва хорижий оммавий ахборот воситаларида, Интернет тармоғида Биеннале тадбирлари кенг ёритилишини ва тарғиб қилинишини ташкил қилиш.
9. Тадбирларни ташкил этиш ва ўтказиш билан боғлиқ бошқа масалаларни тезкор ҳал этиб бориш.
Ўзбекистон Республикаси Президентининг 2025 йил 21 августдаги ПҚ-260-сон қарорига 3-ИЛОВА
Халқаро замонавий санъат биенналеси ўтказиладиган моддий маданий мерос объектлари
Т/р Объект номи Жойлашган манзил 1. Мағоки Аттори масжиди Бухоро шаҳри Меҳтар Амбар кўчаси 2. Фатҳуллажон карвонсаройи Бухоро шаҳри Ҳақиқат кўчаси 3. Аёзжон карвонсаройи Бухоро шаҳри Ҳақиқат кўчаси 4. Тасвирий санъат музейи (Пассаж-1) Бухоро шаҳри Баҳовуддин Нақшбанд кўчаси 5. Олимжон карвонсаройи Бухоро шаҳри Баҳовуддин Нақшбанд кўчаси 6. Абдураҳмон Аълам мадрасаси Бухоро шаҳри Баҳовуддин Нақшбанд кўчаси 7. Гавкушон мадрасаси ва ансамбли Бухоро шаҳри Баҳовуддин Нақшбанд кўчаси 8. Рашид мадрасаси Бухоро шаҳри Баҳовуддин Нақшбанд кўчаси 9. Хўжа Калон масжиди ва минораси Бухоро шаҳри Баҳовуддин Нақшбанд кўчаси 10. Нўғай карвонсаройи Бухоро шаҳри Баҳовуддин Нақшбанд кўчаси 11. Улуғбек тамокифурушон карвонсаройи Бухоро шаҳри Ҳақиқат кўчаси 12. Тоқи саррафон меъморий ёдгорлиги Бухоро шаҳри Баҳовуддин Нақшбанд кўчаси 13. Поччоқул ҳожа масжиди Бухоро шаҳри Баҳовуддин Нақшбанд кўчаси 14. Аҳмаджон карвонсаройи Бухоро шаҳри Ҳақиқат кўчаси
Ўзбекистон Республикаси Президентининг 2025 йил 21 августдаги ПҚ-260-сон қарорига 4-ИЛОВА
Халқаро замонавий санъат биенналесига тайёргарлик кўриш ва уни ўтказиш билан боғлиқ харажатларни
1. Республика бюджети маблағлари.
2. Маданият ва санъатни ривожлантириш жамғармаси маблағлари.
3. Туризм қўмитаси ҳузуридаги бюджетдан ташқари Туризм соҳасини қўллаб-қувватлаш жамғармаси ҳисобидан ажратилган маблағлар.
4. «Савдони ривожлантириш компанияси» АЖ томонидан Савдо-саноат палатасининг Халқаро замонавий санъат биенналеси доирасида санъат асарларини яратишга маҳаллий ҳунармандларни жалб қилиш, улар томонидан ҳунармандчилик маҳсулотларини яратиш ва маҳаллий хомашёларни сотиб олиш бўйича харажатларини қоплаб бериш учун Савдога кўмаклашиш жамғармаси ҳисобидан ажратилган маблағлар.
5. Бухоро вилояти маҳаллий бюджетининг қўшимча манбалари.
6. Меценатлик кўмаги ва ҳомийлик хайриялари, халқаро ва хорижий ташкилотларнинг грантлари.
7. Қонунчилик ҳужжатлари билан тақиқланмаган бошқа манбалар.
Ўзбекистон Республикаси Президентининг 2025 йил 21 августдаги ПҚ-260-сон қарорига 5-ИЛОВА
Ўзбекистон Республикаси Президентининг айрим қарорларига киритилаётган ўзгартиришлар ва қўшимча
1. Ўзбекистон Республикаси Президентининг 2024 йил 12 августдаги ПҚ-287-сон қарори билан тасдиқланган Бухоро вилоятида кичик ва ўрта бизнес, хизмат кўрсатиш ва туризмни ривожлантириш, инфратузилма лойиҳаларини амалга ошириш йўналишларининг IV бўлимида :
(а) ўн учинчи хатбошидаги «Тасвирий санъат музейи» сўзлари «Тасвирий санъат музейи, шу жумладан, ушбу музейнинг янги экспозициясини яратиш» сўзлари билан алмаштирилсин;
(б) қуйидаги мазмундаги ўн тўртинчи хатбоши билан тўлдирилсин:
«Ситораи Моҳи Хоса саройи музейи, шу жумладан, ушбу музейнинг янги экспозициясини яратиш».
2. Ўзбекистон Республикаси Президентининг 2025 йил 1 апрелдаги ПҚ-132-сон қарори билан тасдиқланган Шовот туманини 2025-2026 йилларда жадал комплекс ривожлантириш дастурининг 22-позицияси чиқариб ташлансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 21 август,
ПҚ-260-сон
Oʻzbekiston Respublikasi Prezidentining
qarori
TARKIBI
ASOSIY VAZIFALARI
ROʻYXATI
MOLIYALASHTIRISH MANBALARI
Xalqaro zamonaviy sanʼat biyennalesini yuqori saviyada oʻtkazish chora-tadbirlari toʻgʻrisida
Oʻzbekistonning jahon madaniy xaritasidagi nufuzini yuksaltirish, zamonaviy sanʼat, tarixiy meros, kreativ iqtisodiyot va turizm uygʻunligini taʼminlash orqali mamlakatning ijtimoiy-iqtisodiy taraqqiyotiga hissa qoʻshish, shuningdek, YUNESKOning Umumjahon merosi roʻyxatiga va “Ijodkor shaharlar tarmogʻi” dasturiga kirgan, asrlar davomida ilm-fan, meʼmorchilik, hunarmandchilik va sanʼat markazi boʻlib kelayotgan koʻhna Buxoro shahrining oʻrni va ahamiyatini yanada oshirish maqsadida qaror qilaman:
1. 2025-yildan boshlab har ikki yilda bir marta sentabr — noyabr oylarida Buxoro shahrida xalqaro zamonaviy sanʼat biyennalesi (keyingi oʻrinlarda — Biyennale) oʻtkazib borilsin.
2. Birinchi Biyennale 2025-yil 5-sentabr — 20-noyabr kunlari yuqori saviyada oʻtkazilsin.
3. Quyidagilar Biyennalening asosiy maqsadlari etib belgilansin:
(a) mamlakatimizda zamonaviy va amaliy sanʼat, hunarmandchilikni qoʻllab-quvvatlash hamda global madaniy makonga integratsiya qilish;
(b) kreativ industriyada taʼlim, tadqiqot va kasbiy mahoratni rivojlantirish, yurtimiz vakillarining jahonga mashhur usta-ijodkorlar bilan hamkorligini yoʻlga qoʻyish orqali xalqaro darajaga olib chiqish;
(v) yurtimiz turistik jozibadorligini oshirish, madaniy meros obyektlarini sanʼat namoyishi maydonlariga aylantirish, muntazam qayta tashrif buyurishga boʻlgan qiziqishni shakllantirish.
4. Xalqaro zamonaviy sanʼat biyennalesiga tayyorgarlik koʻrish va uni oʻtkazish boʻyicha tashkiliy qoʻmita (keyingi oʻrinlarda — Tashkiliy qoʻmita) tuzilsin, shuningdek, uning tarkibi va asosiy vazifalari 1- va 2-ilovalarga muvofiq tasdiqlansin.
5. Belgilab qoʻyilsinki, Madaniyat va sanʼatni rivojlantirish jamgʻarmasi (keyingi oʻrinlarda — Jamgʻarma) Tashkiliy qoʻmitaning ishchi organi hisoblanadi.
6. Belgilansinki, birinchi Biyennale doirasida quyidagilar amalga oshiriladi:
(a) Biyennale oʻtkaziladigan 14 ta madaniy meros obyektini koʻrgazma va tadbirlar, taʼlim va tadqiqot, ijodiyot va ishlab chiqarish jarayonlari uygʻunlashgan kreativ klasterga aylantirish;
(b) jahonga mashhur usta-ijodkorlar tomonidan 60 tadan koʻp art-obyekt, shu jumladan, installyatsiyalarni yaratish, ulardan Biyennale oʻtkaziladigan joyni badiiy bezashda foydalanish va ularning eng munosiblarini dunyo boʻylab koʻrgazmalarda namoyish etish;
(v) dunyoga taniqli ijodkor, mutaxassis va oshpazlar ishtirokida keng jamoatchilik uchun 10 haftalik ilmiy-maʼrifiy, madaniy-koʻngilochar, sayyohlik va gastronomik dasturlarni tashkil etish;
(g) birinchi Biyennale maxsus katalogi va oʻzbek milliy taomlari retseptlar kitob-albomini chop etish, ulardan xalqaro miqyosdagi targʻibot vositasi va sovgʻalar toʻplami sifatida keng foydalanish;
(d) Buxoro Biyennalesi haqida hujjatli film yaratish, shuningdek, undan foydalanib mamlakatimizning sayyohlik salohiyatini targʻib qilish;
(j) maxsus taʼlim dasturi asosida xalqaro darajadagi kuratorlarni tayyorlash hamda ularning jahonning yetakchi sanʼat maydonlarida Oʻzbekiston nomidan ishtirok etishini taʼminlash;
(z) 30 nafardan ortiq xalqaro ekspert, kurator va sanʼatshunoslar ishtirokida xalqaro akademik simpoziumni oʻtkazish.
7. Quyidagilar:
(a) Xalqaro zamonaviy sanʼat biyennalesi oʻtkaziladigan moddiy madaniy meros obyektlari (keyingi oʻrinlarda — Biyennale obyektlari) roʻyxati 3-ilovaga muvofiq;
(b) Xalqaro zamonaviy sanʼat biyennalesiga tayyorgarlik koʻrish va uni oʻtkazish bilan bogʻliq xarajatlarni moliyalashtirish manbalari 4-ilovaga muvofiq tasdiqlansin.
8. Belgilab qoʻyilsinki, Biyennale obyektlarida:
(a) loyihalashtirish va asrashga doir ishlar boʻyicha Madaniy meros agentligi buyurtmachi hisoblanadi;
(b) xorijiy taniqli mutaxassislar bilan hamkorlikda alohida konsepsiya va dizayn asosida obyektlarni badiiy yoritish va asrashga doir ishlarni tashkil etish, infratuzilmalarini yaxshilash, shuningdek, Tasviriy sanʼat muzeyining yangi ekspozitsiyasini yaratish choralari koʻriladi .
9. Belgilansinki, Biyennale doirasida 2025-yil 31-dekabrga qadar Jamgʻarma va Madaniy meros agentligi tomonidan shakllantiriladigan roʻyxatlarga asosan va ular belgilagan subyektlar tomonidan import qilinadigan texnika, jihoz, asbob-uskuna, sanʼat asarlari va ularning qismlari, ashyolar va boshqa tovarlar bojxona bojidan ozod etiladi.
10. Vazirlar Mahkamasi uch kun muddatda birinchi Biyennalega tayyorgarlik koʻrish va uni oʻtkazish boʻyicha chora-tadbirlar rejasi, moliyalashtirish manbalarini koʻrsatgan holda xarajatlar smetasini tasdiqlasin.
11. Oʻzbekiston Respublikasi Prezidentining ayrim qarorlariga 5-ilovaga muvofiq oʻzgartirishlar va qoʻshimcha kiritilsin.
12. Mazkur qarorning ijrosini samarali tashkil qilishga masʼul va shaxsiy javobgar etib Madaniyat va sanʼatni rivojlantirish jamgʻarmasi raisi G.O. Umerova hamda Buxoro viloyati hokimi B.K. Zaripov belgilansin.
13. Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 21-avgustdagi PQ-260-son qaroriga 1-ILOVA
Xalqaro zamonaviy sanʼat biyennalesiga tayyorgarlik koʻrish va uni oʻtkazish boʻyicha tashkiliy qoʻmita
1. A.N. Aripov — Oʻzbekiston Respublikasi Bosh vaziri, Tashkiliy qoʻmita raisi 2. G.O. Umerova — Oʻzbekiston Respublikasi Prezidenti Administratsiyasi Kreativ iqtisodiyot va turizm boʻyicha departamenti boshligʻi, Tashkiliy qoʻmita raisining oʻrinbosari 3. B.O. Saidov — tashqi ishlar vaziri 4. O.A. Nazarbekov — madaniyat vaziri 5. Sh.S. Xidoyatov — qurilish va uy-joy kommunal xoʻjaligi vaziri 6. K.A. Sharipov — oliy taʼlim, fan va innovatsiyalar vaziri 7. Sh.X. Shermatov — raqamli texnologiyalar vaziri 8. I.R. Maxkamov — transport vaziri 9. A.A. Xudayarov — sogʻliqni saqlash vaziri 10. A.A. Tashpulatov — ichki ishlar vaziri 11. B.B. Kudratxodjayev — favqulodda vaziyatlar vaziri 12. R.M. Djurayev — Milliy gvardiya qoʻmondoni 13. B.K. Zaripov — Buxoro viloyati hokimi 14. A.Yu. Mavlonov — Bojxona qoʻmitasi raisi 15. U.R. Shadiyev — Turizm qoʻmitasi raisi 16. B.G. Abdikarimov — Madaniy meros agentligi direktori 17. D.A. Vahobov — Savdo-sanoat palatasi raisi 18. J.O. Umarxodjayev — “Uzbekistan Airports” AJ boshqaruvi raisi 19. Sh.Sh. Xudaykulov — “Uzbekistan Airways” AJ boshqaruvi raisi 20. Z.G. Narzullayev — “Oʻzbekiston temir yoʻllari” AJ boshqaruvi raisi 21. A.A. Joʻrabayev — Oʻzbekiston Milliy teleradiokompaniyasi raisi 22. A.A. Mannopov — Madaniyat va sanʼatni rivojlantirish jamgʻarmasi raisi oʻrinbosari, Tashkiliy qoʻmita kotibi
Oʻzbekiston Respublikasi Prezidentining 2025-yil 21-avgustdagi PQ-260-son qaroriga 2-ILOVA
Xalqaro zamonaviy sanʼat biyennalesiga tayyorgarlik koʻrish va uni oʻtkazish boʻyicha tashkiliy qoʻmitaning
1. Xalqaro zamonaviy sanʼat biyennalesi (keyingi oʻrinlarda — Biyennale)ga tayyorgarlik koʻrish va uni yuqori saviyada oʻtkazish boʻyicha zarur chora-tadbirlarni belgilash va amalga oshirish.
2. Biyennaleni oʻtkazish boʻyicha belgilangan vazifalarni oʻz vaqtida va sifatli bajarish, bu borada masʼul vazirlik, idora va tashkilotlar faoliyatini muvofiqlashtirish.
3. Biyennaleda ishtirok etish uchun nufuzli xalqaro ijodkorlarni jalb etish, ularning mahalliy ijodkorlar bilan hamkorlikda (kollaboratsiya) sanʼat asarlari, shuningdek, Oʻzbekistonning qadimiy tarixi va boy madaniyatidan ilhomlangan holda asarlar yaratishini ragʻbatlantirish.
4. Biyennalening xalqaro madaniy diplomatiya va jahon hamjamiyatidagi nufuzini oshirish.
5. Biyennaleni oʻtkazishga xalqaro va xorijiy tashkilotlarning grantlari, homiylik xayriyalari va metsenatlik koʻmagini jalb etish.
6. Biyennale doirasida yaratilgan asarlarning mamlakatimiz va xorijdagi koʻrgazmalarda namoyish etilishiga, shuningdek, nufuzli xalqaro auksionlar va savdo maydonchalarida sotilishiga koʻmaklashish.
7. Zaruratga koʻra, Biyennale oʻtkaziladigan kunlarni uzaytirish va oʻzgartirish.
8. Mahalliy va xorijiy ommaviy axborot vositalarida, Internet tarmogʻida Biyennale tadbirlari keng yoritilishini va targʻib qilinishini tashkil qilish.
9. Tadbirlarni tashkil etish va oʻtkazish bilan bogʻliq boshqa masalalarni tezkor hal etib borish.
Oʻzbekiston Respublikasi Prezidentining 2025-yil 21-avgustdagi PQ-260-son qaroriga 3-ILOVA
Xalqaro zamonaviy sanʼat biyennalesi oʻtkaziladigan moddiy madaniy meros obyektlari
T/r Obyekt nomi Joylashgan manzil 1. Magʻoki Attori masjidi Buxoro shahri Mehtar Ambar koʻchasi 2. Fathullajon karvonsaroyi Buxoro shahri Haqiqat koʻchasi 3. Ayozjon karvonsaroyi Buxoro shahri Haqiqat koʻchasi 4. Tasviriy sanʼat muzeyi (Passaj-1) Buxoro shahri Bahovuddin Naqshband koʻchasi 5. Olimjon karvonsaroyi Buxoro shahri Bahovuddin Naqshband koʻchasi 6. Abdurahmon Aʼlam madrasasi Buxoro shahri Bahovuddin Naqshband koʻchasi 7. Gavkushon madrasasi va ansambli Buxoro shahri Bahovuddin Naqshband koʻchasi 8. Rashid madrasasi Buxoro shahri Bahovuddin Naqshband koʻchasi 9. Xoʻja Kalon masjidi va minorasi Buxoro shahri Bahovuddin Naqshband koʻchasi 10. Noʻgʻay karvonsaroyi Buxoro shahri Bahovuddin Naqshband koʻchasi 11. Ulugʻbek tamokifurushon karvonsaroyi Buxoro shahri Haqiqat koʻchasi 12. Toqi sarrafon meʼmoriy yodgorligi Buxoro shahri Bahovuddin Naqshband koʻchasi 13. Pochchoqul hoja masjidi Buxoro shahri Bahovuddin Naqshband koʻchasi 14. Ahmadjon karvonsaroyi Buxoro shahri Haqiqat koʻchasi
Oʻzbekiston Respublikasi Prezidentining 2025-yil 21-avgustdagi PQ-260-son qaroriga 4-ILOVA
Xalqaro zamonaviy sanʼat biyennalesiga tayyorgarlik koʻrish va uni oʻtkazish bilan bogʻliq xarajatlarni
1. Respublika budjeti mablagʻlari.
2. Madaniyat va sanʼatni rivojlantirish jamgʻarmasi mablagʻlari.
3. Turizm qoʻmitasi huzuridagi budjetdan tashqari Turizm sohasini qoʻllab-quvvatlash jamgʻarmasi hisobidan ajratilgan mablagʻlar.
4. “Savdoni rivojlantirish kompaniyasi” AJ tomonidan Savdo-sanoat palatasining Xalqaro zamonaviy sanʼat biyennalesi doirasida sanʼat asarlarini yaratishga mahalliy hunarmandlarni jalb qilish, ular tomonidan hunarmandchilik mahsulotlarini yaratish va mahalliy xomashyolarni sotib olish boʻyicha xarajatlarini qoplab berish uchun Savdoga koʻmaklashish jamgʻarmasi hisobidan ajratilgan mablagʻlar.
5. Buxoro viloyati mahalliy budjetining qoʻshimcha manbalari.
6. Metsenatlik koʻmagi va homiylik xayriyalari, xalqaro va xorijiy tashkilotlarning grantlari.
7. Qonunchilik hujjatlari bilan taqiqlanmagan boshqa manbalar.
Oʻzbekiston Respublikasi Prezidentining 2025-yil 21-avgustdagi PQ-260-son qaroriga 5-ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2024-yil 12-avgustdagi PQ-287-son qarori bilan tasdiqlangan Buxoro viloyatida kichik va oʻrta biznes, xizmat koʻrsatish va turizmni rivojlantirish, infratuzilma loyihalarini amalga oshirish yoʻnalishlarining IV boʻlimida :
(a) oʻn uchinchi xatboshidagi “Tasviriy sanʼat muzeyi” soʻzlari “Tasviriy sanʼat muzeyi, shu jumladan, ushbu muzeyning yangi ekspozitsiyasini yaratish” soʻzlari bilan almashtirilsin;
(b) quyidagi mazmundagi oʻn toʻrtinchi xatboshi bilan toʻldirilsin:
“Sitorai Mohi Xosa saroyi muzeyi, shu jumladan, ushbu muzeyning yangi ekspozitsiyasini yaratish”.
2. Oʻzbekiston Respublikasi Prezidentining 2025-yil 1-apreldagi PQ-132-son qarori bilan tasdiqlangan Shovot tumanini 2025-2026-yillarda jadal kompleks rivojlantirish dasturining 22-pozitsiyasi chiqarib tashlansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 21-avgust,
PQ-260-son
Президента Республики Узбекистан
Постановление
О мерах по проведению Международной биеннале современного искусства на высоком уровне
В целях повышения авторитета Узбекистана на культурной карте мира, внесения вклада в социально-экономическое развитие страны путем обеспечения тесной связи современного искусства, исторического наследия, креативной экономики и туризма, а также дальнейшего повышения роли и значения древнего города Бухары, включенного в список Всемирного наследия ЮНЕСКО и Сеть творческих городов, являющегося центром науки, архитектуры, ремесленничества и искусства на протяжении многих веков, постановляю:
1. Проводить начиная с 2025 года один раз каждые два года в сентябре — ноябре Международную биеннале современного искусства в городе Бухаре (далее — Биеннале).
2. Провести первую Биеннале 5 сентября — 20 ноября 2025 года на высоком уровне.
3. Определить основными целями Биеннале:
(а) поддержку современного и прикладного искусства, ремесленничества в нашей стране, их интеграцию в глобальное культурное пространство;
(б) развитие образования, исследований и профессионального мастерства в креативной индустрии, их выведение на международный уровень путем организации взаимодействия представителей нашей страны с известными в мире творческими деятелями-мастерами;
(в) повышение туристской привлекательности нашей страны, превращение объектов культурного наследия в площадку показа искусства, формирование интереса их регулярного повторного посещения.
4. Создать Организационный комитет по подготовке и проведению Международной биеннале современного искусства (далее — Организационный комитет), а также утвердить его состав и основные задачи согласно приложениям №№ 1 * и 2 * .
5. Установить, что Фонд развития культуры и искусства (далее — Фонд) является рабочим органом Организационного комитета.
6. Определить, что в рамках первой Биеннале осуществляются:
(а) превращение 14 объектов культурного наследия, в которых проводится Биеннале, в креативный кластер, охватывающий процессы выставок и мероприятий, образования и исследований, творчества и производства;
(б) создание известными в мире творческими деятелями-мастерами свыше 60 арт-объектов, включая инсталляции, а также их использование в художественном оформлении мест проведения Биеннале, демонстрация наиболее достойных из них на выставках по всему миру;
(в) организация 10-недельных научно-просветительских, культурно-развлекательных, туристских и гастрономических программ для широкой общественности с участием известных в мире творческих деятелей, специалистов и поваров;
(г) издание специального каталога первой Биеннале и книги-альбома рецептов узбекских национальных блюд, их широкое использование на международном уровне в качестве средств пропаганды и подарочного набора;
(д) создание документального фильма о бухарской Биеннале, а также пропаганда посредством этого фильма туристского потенциала нашей страны;
(ж) подготовка кураторов международного уровня на основе специальных образовательных программ, а также обеспечение их участия на ведущих мировых площадках искусства от имени Узбекистана;
(з) проведение Международного академического симпозиума с участием более 30 международных экспертов, кураторов и искусствоведов.
7. Утвердить:
(а) Перечень объектов материального культурного наследия, в которых проводится Международная биеннале современного искусства (далее — объекты Биеннале), согласно приложению № 3 * ;
(б) Источники финансирования расходов, связанных с подготовкой и проведением Международной биеннале современного искусства, согласно приложению № 4 * .
8. Определить, что по объектам Биеннале:
(а) Агентство культурного наследия является заказчиком работ по проектированию и сохранению;
(б) принимаются меры организации работ по художественному освещению и сохранению объектов на основе отдельной концепции и дизайна в сотрудничестве с известными зарубежными специалистами, а также улучшения их инфраструктуры, создания новой экспозиции Музея изобразительного искусства .
9. Установить, что в рамках Биеннале на срок до 31 декабря 2025 года техника, оборудование, инвентарь, произведения искусства и их части, предметы и прочие товары, импортируемые по формируемым Фондом, Агентством культурного наследия перечням и определяемыми ими субъектами, освобождаются от таможенной пошлины.
10. Кабинету Министров в трехдневный срок утвердить план мер по подготовке и проведению первой Биеннале, а также ее смету расходов с указанием источников финансирования.
11. Внести изменения и дополнение в некоторые постановления Президента Республики Узбекистан согласно приложению № 5 .
12. Возложить на председателя Фонда развития культуры и искусства Г.О. Умерову, а также хокима Бухарской области Б.К. Зарипова персональную ответственность за эффективную организацию исполнения настоящего постановления.
13. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ № 5 к постановлению Президента Республики Узбекистан от 21 августа 2025 года № ПП-260
Изменения и дополнение, вносимые в некоторые постановления Президента Республики Узбекистан
1. В тексте на государственном языке раздела IV Направлений развития малого и среднего бизнеса, сервиса и туризма, реализации инфраструктурных проектов в Бухарской области, утвержденных постановлением Президента Республики Узбекистан от 12 августа 2024 года № ПП-287:
(а) в абзаце тринадцатом слова «Тасвирий санъат музейи» заменить словами «Тасвирий санъат музейи, шу жумладан, ушбу музейнинг янги экспозициясини яратиш»;
(б) дополнить абзацем четырнадцатым следующего содержания:
«Ситораи Моҳи Хоса саройи музейи, шу жумладан, ушбу музейнинг янги экспозициясини яратиш».
2. Позицию 22 Программы ускоренного комплексного развития Шаватского района в 2025-2026 годах, утвержденной постановлением Президента Республики Узбекистан от 1 апреля 2025 года № ПП-132, исключить.
Президент Республики Узбекистан Ш. МИРЗИЁЕВ
г. Ташкент,
21 августа 2025 г.,
№ ПП-260