📅 2025-yil 21-avgust · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 21 август · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 21 августа 2025 г. · Указы Президента
Официальный текст. Официальный документ. Редакционные примечания не включены.
📅 21 August 2025 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Телекоммуникациялар соҳасида тартибга солиш тизимини такомиллаштириш чора-тадбирлари тўғрисида
Телекоммуникациялар хизмати бозорида эркин рақобат муҳитини шакллантириш, кўрсатилаётган хизматлар сифатини янада ошириш, телекоммуникациялар тармоқларидан самарали фойдаланишни йўлга қўйиш, шунингдек, «Телекоммуникациялар тўғрисида»ги Қонун ижросини таъминлаш мақсадида қарор қиламан:
I. Асосий мақсад
1. Ушбу Фармонни қабул қилишдан кўзланган асосий мақсад телекоммуникациялар хизматлари бозорида эркин рақобат муҳитини шакллантириш, телекоммуникациялар тармоқларини бошқариш тизимининг самарадорлигини ошириш, кўрсатилаётган хизматлар сифатини янада яхшилашга қаратилган ислоҳотларни амалга ошириш ҳисобланади.
II. Соҳада давлат бошқарувини такомиллаштириш
2. Телекоммуникацияларни тартибга солиш агентлиги (кейинги ўринларда — Агентлик) ташкил этилсин.
3. Белгилаб қўйилсинки:
(а) «Телекоммуникациялар тўғрисида»ги Қонуннинг 9- ва 11-моддаларига мувофиқ, Рақамли технологиялар вазирлиги телекоммуникациялар соҳасидаги ваколатли давлат органи, Агентлик телекоммуникациялар соҳасини тартибга солувчи орган ҳисобланади;
(б) Агентлик:
(i) республика ижро этувчи ҳокимият органи ҳисобланади;
(ii) ўз ваколатларини «Телекоммуникациялар тўғрисида»ги Қонуннинг 11-моддасига мувофиқ амалга оширади;
(iii) оператор ва провайдерлар томонидан кўрсатилаётган хизматлар сифатининг белгиланган талабларга мувофиқлигини тасдиқланган режага мувофиқ ҳар ойда камида бир маротаба мониторинг қилиб боради;
(iv) молиявий ва тузилмавий жиҳатдан ҳамда ваколати доирасида қарор қабул қилишда мустақил ҳисобланади ҳамда ўз фаолиятида Вазирлар Маҳкамасига ҳисобдор бўлади.
4. Агентлик бошқарув ходимларининг штатлар сони 31 та этиб белгилансин. Бунда Агентлик штат бирликлари Ўзбекистон Республикаси Президентининг 2025 йил 26 июндаги ПФ-105-сон Фармонига мувофиқ:
(а) Рақамли технологиялар вазирлиги ва унинг тизим ташкилотларидан 16 та штат бирлигини мақбуллаштириш ҳисобидан;
(б) Иқтисодиёт ва молия вазирлиги ҳузуридаги Ғазначилик хизмати қўмитасида қисқартирилган 15 та штат бирлиги ҳисобидан шакллантирилади.
III. Молиялаштириш манбалари
5. Қуйидагилар Агентлик фаолиятини молиялаштириш манбалари этиб белгилансин:
(а) 2025 йилда Рақамли технологияларни ривожлантириш жамғармаси маблағлари;
(б) 2026 йилдан бошлаб:
(i) Давлат бюджети маблағлари;
(ii) телекоммуникациялар соҳасидаги фаолият турларини амалга ошириш ҳуқуқига лицензия берилгани учун давлат божидан тушумларнинг Рақамли технологияларни ривожлантириш жамғармасига йўналтириладиган қисмидан 5 фоизи;
(iii) қонунчиликда тақиқланмаган бошқа манбалар.
6. Иқтисодиёт ва молия вазирлиги Давлат бюджети параметрлари шакллантирилишида 2026 йилдан бошлаб Агентлик фаолиятини молиялаштириш учун зарур маблағлар инобатга олинишини таъминласин.
IV. Фармон ижросини ташкил этиш, таъминлаш ва назорат
7. Вазирлар Маҳкамаси:
(а) бир ой муддатда Агентлик фаолиятини ташкил этиш бўйича Ҳукумат қарорини қабул қилсин;
(б) икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Ўзбекистон Республикаси Президенти Администрациясига таклифлар киритсин.
8. Рақамли технологиялар вазирлиги бир ой муддатда Агентликни Тошкент шаҳри, Яшнобод тумани, Махтумқули кўчаси, 114а-уй манзилидаги бино ва иншоотларга текин фойдаланиш ҳуқуқи асосида жойлаштириш чорасини кўрсин.
9. Мазкур Фармон ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 21 август,
ПФ-142-сон
Oʻzbekiston Respublikasi Prezidentining
Farmoni
Telekommunikatsiyalar sohasida tartibga solish tizimini takomillashtirish chora-tadbirlari toʻgʻrisida
Telekommunikatsiyalar xizmati bozorida erkin raqobat muhitini shakllantirish, koʻrsatilayotgan xizmatlar sifatini yanada oshirish, telekommunikatsiyalar tarmoqlaridan samarali foydalanishni yoʻlga qoʻyish, shuningdek, “Telekommunikatsiyalar toʻgʻrisida”gi Qonun ijrosini taʼminlash maqsadida qaror qilaman:
I. Asosiy maqsad
1. Ushbu Farmonni qabul qilishdan koʻzlangan asosiy maqsad telekommunikatsiyalar xizmatlari bozorida erkin raqobat muhitini shakllantirish, telekommunikatsiyalar tarmoqlarini boshqarish tizimining samaradorligini oshirish, koʻrsatilayotgan xizmatlar sifatini yanada yaxshilashga qaratilgan islohotlarni amalga oshirish hisoblanadi.
II. Sohada davlat boshqaruvini takomillashtirish
2. Telekommunikatsiyalarni tartibga solish agentligi (keyingi oʻrinlarda — Agentlik) tashkil etilsin.
3. Belgilab qoʻyilsinki:
(a) “Telekommunikatsiyalar toʻgʻrisida”gi Qonunning 9- va 11-moddalariga muvofiq, Raqamli texnologiyalar vazirligi telekommunikatsiyalar sohasidagi vakolatli davlat organi, Agentlik telekommunikatsiyalar sohasini tartibga soluvchi organ hisoblanadi;
(b) Agentlik:
(i) respublika ijro etuvchi hokimiyat organi hisoblanadi;
(ii) oʻz vakolatlarini “Telekommunikatsiyalar toʻgʻrisida”gi Qonunning 11-moddasiga muvofiq amalga oshiradi;
(iii) operator va provayderlar tomonidan koʻrsatilayotgan xizmatlar sifatining belgilangan talablarga muvofiqligini tasdiqlangan rejaga muvofiq har oyda kamida bir marotaba monitoring qilib boradi;
(iv) moliyaviy va tuzilmaviy jihatdan hamda vakolati doirasida qaror qabul qilishda mustaqil hisoblanadi hamda oʻz faoliyatida Vazirlar Mahkamasiga hisobdor boʻladi.
4. Agentlik boshqaruv xodimlarining shtatlar soni 31 ta etib belgilansin. Bunda Agentlik shtat birliklari Oʻzbekiston Respublikasi Prezidentining 2025-yil 26-iyundagi PF-105-son Farmoniga muvofiq:
(a) Raqamli texnologiyalar vazirligi va uning tizim tashkilotlaridan 16 ta shtat birligini maqbullashtirish hisobidan;
(b) Iqtisodiyot va moliya vazirligi huzuridagi Gʻaznachilik xizmati qoʻmitasida qisqartirilgan 15 ta shtat birligi hisobidan shakllantiriladi.
III. Moliyalashtirish manbalari
5. Quyidagilar Agentlik faoliyatini moliyalashtirish manbalari etib belgilansin:
(a) 2025-yilda Raqamli texnologiyalarni rivojlantirish jamgʻarmasi mablagʻlari;
(b) 2026-yildan boshlab:
(i) Davlat budjeti mablagʻlari;
(ii) telekommunikatsiyalar sohasidagi faoliyat turlarini amalga oshirish huquqiga litsenziya berilgani uchun davlat bojidan tushumlarning Raqamli texnologiyalarni rivojlantirish jamgʻarmasiga yoʻnaltiriladigan qismidan 5 foizi;
(iii) qonunchilikda taqiqlanmagan boshqa manbalar.
6. Iqtisodiyot va moliya vazirligi Davlat budjeti parametrlari shakllantirilishida 2026-yildan boshlab Agentlik faoliyatini moliyalashtirish uchun zarur mablagʻlar inobatga olinishini taʼminlasin.
IV. Farmon ijrosini tashkil etish, taʼminlash va nazorat
7. Vazirlar Mahkamasi:
(a) bir oy muddatda Agentlik faoliyatini tashkil etish boʻyicha Hukumat qarorini qabul qilsin;
(b) ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Prezidenti Administratsiyasiga takliflar kiritsin.
8. Raqamli texnologiyalar vazirligi bir oy muddatda Agentlikni Toshkent shahri, Yashnobod tumani, Maxtumquli koʻchasi, 114a-uy manzilidagi bino va inshootlarga tekin foydalanish huquqi asosida joylashtirish chorasini koʻrsin.
9. Mazkur Farmon ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 21-avgust,
PF-142-son
Президента Республики Узбекистан
Указ
О мерах по совершенствованию системы регулирования в сфере телекоммуникаций
В целях формирования свободной конкурентной среды на рынке телекоммуникационных услуг, дальнейшего повышения качества оказываемых услуг, налаживания эффективного использования телекоммуникационных сетей, а также обеспечения исполнения Закона «О телекоммуникациях» постановляю:
I. Основная цель
1. Основной целью принятия настоящего Указа является осуществление реформ, направленных на формирование свободной конкурентной среды на рынке телекоммуникационных услуг, повышение эффективности системы управления телекоммуникационными сетями, дальнейшее улучшение качества оказываемых услуг.
II. Совершенствование государственного управления в сфере
2. Создать Агентство регулирования телекоммуникаций (далее — Агентство).
3. Установить, что:
(а) в соответствии со статьями 9 и 11 Закона «О телекоммуникациях» Министерство цифровых технологий является уполномоченным государственным органом в сфере телекоммуникаций, Агентство — регулирующим органом в сфере телекоммуникаций;
(б) Агентство:
(i) является республиканским органом исполнительной власти;
(ii) осуществляет свои полномочия в соответствии со статьей 11 Закона «О телекоммуникациях»;
(iii) осуществляет мониторинг соответствия качества оказываемых операторами и провайдерами услуг установленным требованиям согласно утвержденному плану ежемесячно не реже одного раза;
(iv) является независимым по финансам, структуре и по принятию решений в рамках полномочий, а также подотчетным в своей деятельности Кабинету Министров.
4. Установить штатную численность управленческого персонала Агентства в количестве 31 единицы. При этом штатные единицы Агентства в соответствии с Указом Президента Республики Узбекистан от 26 июня 2025 года № УП-105 формируются:
(а) за счет оптимизации 16 штатных единиц Министерства цифровых технологий и организаций его системы;
(б) за счет 15 штатных единиц, сокращенных в Комитете казначейской службы при Министерстве экономики и финансов.
III. Источники финансирования
5. Определить источниками финансирования деятельности Агентства:
(а) в 2025 году — средства Фонда развития цифровых технологий;
(б) начиная с 2026 года:
(i) средства Государственного бюджета;
(ii) 5 процентов части поступлений от государственных пошлин за выдачу лицензий на право осуществления видов деятельности в сфере телекоммуникаций, направляемой в Фонд развития цифровых технологий;
(iii) иные источники, не запрещенные законодательством.
6. Министерству экономики и финансов при формировании параметров Государственного бюджета обеспечить начиная с 2026 года предусмотрение необходимых средств для финансирования деятельности Агентства.
IV. Организация, обеспечение и контроль исполнения Указа
7. Кабинету Министров:
(а) в месячный срок принять постановление Правительства по организации деятельности Агентства;
(б) в двухмесячный срок внести в Администрацию Президента Республики Узбекистан предложения об изменениях и дополнениях в акты законодательства, вытекающих из настоящего Указа.
8. Министерству цифровых технологий в месячный срок принять меры по размещению Агентства в здании по адресу: город Ташкент, Яшнабадский район, улица Махтумкули, дом 114-А, на основе права безвозмездного пользования.
9. Контроль за исполнением настоящего Указа возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
21 августа 2025 г.,
№ УП-142