UzbekAI

Ўзбекистон Республикаси Қурилиш ва уй-жой коммунал хўжалиги вазирининг

буйруғи

НИЗОМ

ПАСПОРТ

Қурилиш объектларида QR-кодли (матрик штрихли код) паспорт ўрнатиш тартиби тўғрисидаги низомни тасдиқлаш ҳақида

Ўзбекистон Республикаси Президентининг 2025 йил 14 апрелдаги ПФ-66-сон «Қурилиш ва уй-жой коммунал хўжалиги соҳасида давлат назоратини самарали ташкил қилиш чора-тадбирлари тўғрисида»ги Фармонига мувофиқ буюраман:

1. Қурилиш объектларида QR-кодли (матрик штрихли код) паспорт ўрнатиш тартиби тўғрисидаги низом иловага мувофиқ тасдиқлансин.

2. Мазкур буйруқ Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил, Савдо саноат палатаси ҳамда Вазирлар Маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси билан келишилган.

3. Мазкур буйруқ 2025 йил 1 сентябрдан эътиборан кучга киради.

Келишилди:

Ўзбекистон Республикаси қурилиш ва уй-жой коммунал хўжалиги вазирининг 2025 йил 20 августдаги 01/2-40-сон буйруғига ИЛОВА

Қурилиш объектларида QR-кодли (матрик штрихли код) паспорт ўрнатиш тартиби тўғрисидаги

Мазкур Низом қурилиш объектларида QR-кодли (матрик штрихли код) паспортни ўрнатиш тартибини белгилайди.

1-боб. Умумий қоидалар

1. Ушбу Низом талаблари Қурилиш ва уй-жой коммунал хўжалиги соҳасида назорат қилиш ҳудудий инспекцияларида (бундан буён матнда ҳудудий инспекциялар деб юритилади) рўйхатдан ўтган барча қурилиш объектларига нисбатан татбиқ этилади.

2. Мазкур Низом талаблари давлат сирлари билан боғлиқ бўлган объектларга нисбатан татбиқ этилмайди.

3. Ушбу Низомда қуйидаги асосий тушунчалардан фойдаланилган:

QR-кодли (матрик штрихли код) паспорт — қурилаётган объект ташқарисига жойлаштириладиган ва объект ҳақидаги маълумотларни (объект номи, рухсатнома рақами, қурилиш муддати ва бошқалар), масъул шахслар билан боғланиш имкониятларини ҳамда электрон паспортга ҳаволани ўз ичига олувчи ахборот мажмуи;

буюртмачи — объектларни қуриш, реконструкция қилиш, таъмирлаш ва бузишнинг амалга оширилишини таъминловчи, шунингдек шу мақсадларда лойиҳа-қидирув, экспертлик, қурилиш-монтаж ва назорат ишларини бажариш учун тегишли ташкилотлар билан шартномалар тузувчи жисмоний ёки юридик шахс.

2-боб. QR-кодли (матрик штрихли код) паспорт тайёрлаш, ўрнатиш тартиби ҳамда муддатлари

4. QR-кодли (матрик штрихли код) паспорт қурилиш объекти ҳудудий инспекцияларда рўйхатдан ўтган кунда буюртмачи томонидан объектнинг кириш қисмига ёки барча учун кўринадиган жойда мажбурий тартибда ўрнатилади.

5. QR-кодли (матрик штрихли код) паспорт буюртмачи томонидан мазкур Низомнинг иловасига мувофиқ шаклда тайёрланади. Бунда, QR-кодли (матрик штрихли код) паспортда қуйидаги маълумотлар бўлиши лозим:

объектнинг номи ва манзили;

буюртмачи ташкилотнинг номи;

лойиҳа ташкилоти номи;

пудратчи ташкилотнинг номи;

буюртмачининг техник назорат бўйича мутахассиси фамилияси, исми, отасининг исми ва хизмат телефон рақамлари;

лойиҳачининг муаллифлик назорати бўйича мутахассиси фамилияси, исми, отасининг исми ва хизмат телефон рақамлари;

пудратчининг ички назорат бўйича мутахассиси фамилияси, исми, отасининг исми ва хизмат телефон рақамлари;

қурилиш муддати (бошланган сана ва якунлаш санаси);

объектнинг умумий кўринишлари;

объектнинг қирқими;

объектнинг бош режаси;

объектнинг бош режа қайдномаси;

QR-код (матрик штрихли код) («Шаффоф қурилиш» миллий ахборот тизимининг «Қурилишда давлат назорати» электрон платформасида акс этувчи ҳавола);

қурилиш объектини ҳудудий инспекцияда рўйхатдан ўтган санаси ва рақами.

6. QR-кодли (матрик штрихли код) паспорт қурилиш объектини ҳудудий инспекцияларда рўйхатдан ўтган кундан бошлаб, объект фойдаланишга топширилгунга қадар амалда бўлиши зарур.

7. QR-кодли (матрик штрихли код) паспорт намлик ва ташқи таъсирларга чидамли материалдан тайёрланган бўлиши, умумий ўлчамлари 2400х1200 мм ни ташкил этиши ҳамда ер сатҳидан камида 1 м баландликда ўрнатилиши лозим.

8. QR-кодли (матрик штрихли код) паспортдаги маълумотлар давлат тилида баён этилиши лозим.

9. QR-кодли (матрик штрихли код) паспорт ташқи таъсирлар натижасида яроқсиз ҳолга келиб, QR-код орқали маълумотларни ўқиш ёки кўриш имкони бўлмаса, у янгиланиб, қайта тикланиши лозим. Бунда, уни янгилаш ва қайта тиклаш буюртмачи томонидан амалга оширилади.

10. Қурилиш объекти ҳудудий инспекциясида рўйхатдан ўтказилгач, «Шаффоф қурилиш» ахборот тизимида объектга оид дастлабки маълумотлар жойлаштирилган саҳифа учун QR-код (матрик штрихли код) автоматик тарзда шакллантирилади. Ушбу QR-код (матрик штрихли код)ни мазкур Низом иловасига мувофиқ тарзда жойлаштириш лозим.

11. QR-код (матрик штрихли код)да қуйидаги маълумотларни акс эттирувчи ҳавола бўлиши лозим:

объектнинг номи ва манзили ҳақидаги маълумотлар;

буюртмачининг номи;

лойиҳачининг номи;

пудратчининг номи;

объект қурилишининг бошланиш ва якунланиш саналари;

шаҳарсозлик кенгаши ишчи органининг хулосаси рақами ва санаси;

қурилиш-монтаж ишларини бошлаш учун объект рўйхатдан ўтказилганлигини тасдиқловчи кўчирма рақами ва санаси;

шаҳарсозлик ҳужжатларининг экспертиза хулосаси рақами ва санаси.

3-боб. Якуний қоида

12. Мазкур Низом талаблари бузилишида айбдор бўлган шахслар қонунчилик ҳужжатларига мувофиқ жавобгар бўладилар.

Қурилиш объектларида QR-кодли (матрик штрихли код) паспорт ўрнатиш тартиби тўғрисидаги низомга ИЛОВА

Қурилиш объектларида QR-кодли (матрик штрихли код)

ОБЪЕКТНИНГ МАНЗИЛИ ВА НОМИ ОБЪЕКТНИНГ ОЛД ТОМОНИДАН УМУМИЙ КЎРИНИШИ ОБЪЕКТНИНГ ЁН ТОМОНИДАН УМУМИЙ КЎРИНИШИ ОБЪЕКТНИНГ ҚИРҚИМИ ОБЪЕКТНИНГ БОШ РЕЖАСИ БОШ РЕЖА ҚАЙДНОМАСИ ОБЪЕКТ ТЎҒРИСИДАГИ МАЪЛУМОТЛАР объектнинг номи ва манзили; буюртмачи ташкилотнинг номи; лойиҳа ташкилоти номи; пудратчи ташкилотнинг номи; буюртмачининг техник назорат бўйича мутахассиси фамилияси, исми, отасининг исми ва хизмат телефон рақамлари; лойиҳачининг муаллифлик назорати бўйича мутахассиси фамилияси, исми, отасининг исми ва хизмат телефон рақамлари; пудратчининг ички назорат бўйича мутахассиси фамилияси, исми, отасининг исми ва хизмат телефон рақамлари; қурилиш муддати (бошланган сана ва якунлаш санаси); қурилиш объектини ҳудудий инспекцияда рўйхатдан ўтган санаси ва рақами. QR-КОД (матрик штрихли код)

Вазир Ш. ХИДОЯТОВ

Савдо саноат палатаси раиси Д. ВАХАБОВ

Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ўринбосари Ж. УРУНОВ

Қурилиш ва уй-жой коммунал хўжалиги соҳасида назорат қилиш инспекцияси бошлиғининг биринчи ўринбосари Ж. ЖАББОРОВ

Тошкент ш.,

2025 йил 20 август,

2025 йил 19 август

01/2-40-сон

(Қонунчилик маълумотлари миллий базаси, 26.08.2025 й., 10/25/3672/0781-сон)

lex.uz

Oʻzbekiston Respublikasi Qurilish va uy-joy kommunal xoʻjaligi vazirining

buyrugʻi

NIZOM

PASPORT

Qurilish obyektlarida QR-kodli (matrik shtrixli kod) pasport oʻrnatish tartibi toʻgʻrisidagi nizomni tasdiqlash haqida

Oʻzbekiston Respublikasi Prezidentining 2025-yil 14-apreldagi PF-66-son “Qurilish va uy-joy kommunal xoʻjaligi sohasida davlat nazoratini samarali tashkil qilish chora-tadbirlari toʻgʻrisida”gi Farmoniga muvofiq buyuraman:

1. Qurilish obyektlarida QR-kodli (matrik shtrixli kod) pasport oʻrnatish tartibi toʻgʻrisidagi nizom ilovaga muvofiq tasdiqlansin.

2. Mazkur buyruq Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Savdo sanoat palatasi hamda Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasi bilan kelishilgan.

3. Mazkur buyruq 2025-yil 1-sentabrdan eʼtiboran kuchga kiradi.

Kelishildi:

Oʻzbekiston Respublikasi qurilish va uy-joy kommunal xoʻjaligi vazirining 2025-yil 20-avgustdagi 01/2-40-son buyrugʻiga ILOVA

Qurilish obyektlarida QR-kodli (matrik shtrixli kod) pasport oʻrnatish tartibi toʻgʻrisidagi

Mazkur Nizom qurilish obyektlarida QR-kodli (matrik shtrixli kod) pasportni oʻrnatish tartibini belgilaydi.

1-bob. Umumiy qoidalar

1. Ushbu Nizom talablari Qurilish va uy-joy kommunal xoʻjaligi sohasida nazorat qilish hududiy inspeksiyalarida (bundan buyon matnda hududiy inspeksiyalar deb yuritiladi) roʻyxatdan oʻtgan barcha qurilish obyektlariga nisbatan tatbiq etiladi.

2. Mazkur Nizom talablari davlat sirlari bilan bogʻliq boʻlgan obyektlarga nisbatan tatbiq etilmaydi.

3. Ushbu Nizomda quyidagi asosiy tushunchalardan foydalanilgan:

QR-kodli (matrik shtrixli kod) pasport — qurilayotgan obyekt tashqarisiga joylashtiriladigan va obyekt haqidagi maʼlumotlarni (obyekt nomi, ruxsatnoma raqami, qurilish muddati va boshqalar), masʼul shaxslar bilan bogʻlanish imkoniyatlarini hamda elektron pasportga havolani oʻz ichiga oluvchi axborot majmui;

buyurtmachi — obyektlarni qurish, rekonstruksiya qilish, taʼmirlash va buzishning amalga oshirilishini taʼminlovchi, shuningdek shu maqsadlarda loyiha-qidiruv, ekspertlik, qurilish-montaj va nazorat ishlarini bajarish uchun tegishli tashkilotlar bilan shartnomalar tuzuvchi jismoniy yoki yuridik shaxs.

2-bob. QR-kodli (matrik shtrixli kod) pasport tayyorlash, oʻrnatish tartibi hamda muddatlari

4. QR-kodli (matrik shtrixli kod) pasport qurilish obyekti hududiy inspeksiyalarda roʻyxatdan oʻtgan kunda buyurtmachi tomonidan obyektning kirish qismiga yoki barcha uchun koʻrinadigan joyda majburiy tartibda oʻrnatiladi.

5. QR-kodli (matrik shtrixli kod) pasport buyurtmachi tomonidan mazkur Nizomning ilovasiga muvofiq shaklda tayyorlanadi. Bunda, QR-kodli (matrik shtrixli kod) pasportda quyidagi maʼlumotlar boʻlishi lozim:

obyektning nomi va manzili;

buyurtmachi tashkilotning nomi;

loyiha tashkiloti nomi;

pudratchi tashkilotning nomi;

buyurtmachining texnik nazorat boʻyicha mutaxassisi familiyasi, ismi, otasining ismi va xizmat telefon raqamlari;

loyihachining mualliflik nazorati boʻyicha mutaxassisi familiyasi, ismi, otasining ismi va xizmat telefon raqamlari;

pudratchining ichki nazorat boʻyicha mutaxassisi familiyasi, ismi, otasining ismi va xizmat telefon raqamlari;

qurilish muddati (boshlangan sana va yakunlash sanasi);

obyektning umumiy koʻrinishlari;

obyektning qirqimi;

obyektning bosh rejasi;

obyektning bosh reja qaydnomasi;

QR-kod (matrik shtrixli kod) (“Shaffof qurilish” milliy axborot tizimining “Qurilishda davlat nazorati” elektron platformasida aks etuvchi havola);

qurilish obyektini hududiy inspeksiyada roʻyxatdan oʻtgan sanasi va raqami.

6. QR-kodli (matrik shtrixli kod) pasport qurilish obyektini hududiy inspeksiyalarda roʻyxatdan oʻtgan kundan boshlab, obyekt foydalanishga topshirilgunga qadar amalda boʻlishi zarur.

7. QR-kodli (matrik shtrixli kod) pasport namlik va tashqi taʼsirlarga chidamli materialdan tayyorlangan boʻlishi, umumiy oʻlchamlari 2400x1200 mm ni tashkil etishi hamda yer sathidan kamida 1 m balandlikda oʻrnatilishi lozim.

8. QR-kodli (matrik shtrixli kod) pasportdagi maʼlumotlar davlat tilida bayon etilishi lozim.

9. QR-kodli (matrik shtrixli kod) pasport tashqi taʼsirlar natijasida yaroqsiz holga kelib, QR-kod orqali maʼlumotlarni oʻqish yoki koʻrish imkoni boʻlmasa, u yangilanib, qayta tiklanishi lozim. Bunda, uni yangilash va qayta tiklash buyurtmachi tomonidan amalga oshiriladi.

10. Qurilish obyekti hududiy inspeksiyasida roʻyxatdan oʻtkazilgach, “Shaffof qurilish” axborot tizimida obyektga oid dastlabki maʼlumotlar joylashtirilgan sahifa uchun QR-kod (matrik shtrixli kod) avtomatik tarzda shakllantiriladi. Ushbu QR-kod (matrik shtrixli kod)ni mazkur Nizom ilovasiga muvofiq tarzda joylashtirish lozim.

11. QR-kod (matrik shtrixli kod)da quyidagi maʼlumotlarni aks ettiruvchi havola boʻlishi lozim:

obyektning nomi va manzili haqidagi maʼlumotlar;

buyurtmachining nomi;

loyihachining nomi;

pudratchining nomi;

obyekt qurilishining boshlanish va yakunlanish sanalari;

shaharsozlik kengashi ishchi organining xulosasi raqami va sanasi;

qurilish-montaj ishlarini boshlash uchun obyekt roʻyxatdan oʻtkazilganligini tasdiqlovchi koʻchirma raqami va sanasi;

shaharsozlik hujjatlarining ekspertiza xulosasi raqami va sanasi.

3-bob. Yakuniy qoida

12. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladilar.

Qurilish obyektlarida QR-kodli (matrik shtrixli kod) pasport oʻrnatish tartibi toʻgʻrisidagi nizomga ILOVA

Qurilish obyektlarida QR-kodli (matrik shtrixli kod)

OBYEKTNING MANZILI VA NOMI OBYEKTNING OLD TOMONIDAN UMUMIY KOʻRINISHI OBYEKTNING YON TOMONIDAN UMUMIY KOʻRINISHI OBYEKTNING QIRQIMI OBYEKTNING BOSH REJASI BOSH REJA QAYDNOMASI OBYEKT TOʻGʻRISIDAGI MAʼLUMOTLAR obyektning nomi va manzili; buyurtmachi tashkilotning nomi; loyiha tashkiloti nomi; pudratchi tashkilotning nomi; buyurtmachining texnik nazorat boʻyicha mutaxassisi familiyasi, ismi, otasining ismi va xizmat telefon raqamlari; loyihachining mualliflik nazorati boʻyicha mutaxassisi familiyasi, ismi, otasining ismi va xizmat telefon raqamlari; pudratchining ichki nazorat boʻyicha mutaxassisi familiyasi, ismi, otasining ismi va xizmat telefon raqamlari; qurilish muddati (boshlangan sana va yakunlash sanasi); qurilish obyektini hududiy inspeksiyada roʻyxatdan oʻtgan sanasi va raqami. QR-KOD (matrik shtrixli kod)

Vazir Sh. XIDOYATOV

Savdo sanoat palatasi raisi D. VAXABOV

Tadbirkorlik subyektlarining huquqlari va qonuniy manfaatlarini himoya qilish boʻyicha vakil oʻrinbosari J. URUNOV

Qurilish va uy-joy kommunal xoʻjaligi sohasida nazorat qilish inspeksiyasi boshligʻining birinchi oʻrinbosari J. JABBOROV

Toshkent sh.,

2025-yil 20-avgust,

2025-yil 19-avgust

01/2-40-son

(Qonunchilik maʼlumotlari milliy bazasi, 26.08.2025-y., 10/25/3672/0781-son)

lex.uz