📅 2025-yil 29-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 29 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 29 августа 2025 г. · Постановления Президента
Официальный текст. Официальный документ. Редакционные примечания не включены.
📅 29 August 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Ташаббусли бюджет жараёнларини такомиллаштириш доирасида халқ вакиллари ва сайловчилар ўртасида ҳамкорликни кучайтириш чора-тадбирлари тўғрисида
Олий Мажлис Қонунчилик палатаси депутатларининг сиёсий фаоллигини ва сайловчилар олдидаги масъулиятини янада ошириш, сайлов округларидаги ижтимоий масалаларни ҳал этишдаги ташаббускорлигини кучайтиришга қаратилган чора-тадбирларни қўллаб-қувватлаш, ташаббусли бюджет жараёнларини янада такомиллаштириш мақсадида қарор қиламан:
I. Мақсадлар
1. Олий Мажлис Қонунчилик палатаси депутатлари (кейинги ўринларда — депутатлар)нинг ҳудудларда ижтимоий масалаларни ҳал этишдаги ташаббускорлигини қўллаб-қувватлашнинг асосий йўналишлари этиб қуйидагилар белгилансин:
(а) сайлов округларида ижтимоий масалаларни ҳал этиш учун депутатларни зарур ресурслар билан таъминлаш амалиётини йўлга қўйиш;
(б) ташаббусли бюджет лойиҳаларини молиялаштиришда олий давлат вакиллик органи томонидан назоратни кучайтириш;
(в) ижтимоий масалаларга оид лойиҳаларни аҳоли ва давлат ўртасида шериклик асосида молиялаштириш тартибини жорий қилиш.
II. Олий Мажлис Қонунчилик палатаси депутатларининг ташаббусли бюджет жараёнларидаги ролини ошириш
2. Олий Мажлис Қонунчилик палатасининг:
(а) ташаббусли бюджет жараёнлари доирасида ғолиб бўлмаган лойиҳани депутат ташаббусига кўра ғолиб деб эълон қилиш;
(б) Олий Мажлис Қонунчилик палатасида мазкур жараёнларни мувофиқлаштириш, лойиҳаларнинг молиялаштирилиши ва амалга оширилиши устидан парламент назоратини олиб бориш учун 11 нафар депутатдан иборат парламент комиссиясини ташкил этиш;
(в) депутатларнинг сайловчилар билан мулоқоти давомида аниқланган масалалар бўйича бюджет сўровини шакллантириш учун ҳар йили 1 майга қадар республика ижро этувчи ҳокимият органлари, Қорақалпоғистон Республикаси Вазирлар Кенгаши, вилоятлар ва Тошкент шаҳри, шунингдек, туман (шаҳар) ҳокимликларига таклифлар киритиш ва Давлат бюджети лойиҳасининг Қонунчилик палатасидаги муҳокамаларида киритилган таклифлар инобатга олинишини депутатлар томонидан назорат қилиш амалиётини йўлга қўйиш тўғрисидаги таклифлари маъқуллансин.
3. Олий Мажлис Қонунчилик палатаси таклифларини маъқуллаш доирасида шундай тартиб ўрнатилсинки, 2026 йил 1 январдан бошлаб:
(а) депутатлар ҳар йили ташаббусли бюджет жараёнлари доирасида тегишли сайлов округларида ғолиб бўлмаган лойиҳалар орасидан аҳолининг кундалик ҳаётига ва ҳудудни ривожлантиришга бевосита таъсир қиладиган иккита лойиҳани (ҳар мавсумда биттадан) сайловчиларнинг манфаатларини инобатга олган ҳолда «Очиқ бюджет» ахборот порталида (кейинги ўринларда — портал) танлайди ва мазкур танлов лойиҳани Ўзбекистон Республикаси республика бюджетидан молиялаштириш учун асос ҳисобланади;
(б) порталда депутат ташаббуси асосида молиялаштириладиган лойиҳалар учун алоҳида саҳифа ташкил этилиб, шу турдаги барча лойиҳаларнинг жамоатчилик учун очиқ рўйхати юритилади.
4. Белгилансинки:
(а) ташаббусли бюджет жараёнлари доирасида ғолиб бўлмаган лойиҳаларни молиялаштириш учун ҳар бир депутатга бир йилда икки мавсумга базавий ҳисоблаш миқдорининг саккиз минг баравари миқдорида маблағ ҳар йилги Ўзбекистон Республикаси республика бюджетида назарда тутилади;
(б) депутатлар ташаббуси лойиҳалари учун қўйиладиган талаблар амалдаги Ташаббусли бюджет жараёнларини ўтказиш ҳамда молиялаштириш тартиби тўғрисидаги низомда назарда тутилган мезонлар асосида аниқланади.
III. Лойиҳаларни аҳоли ва давлат ўртасида шериклик асосида молиялаштириш тартибини жорий қилиш ва айрим масалалар бўйича ташаббусли бюджет жараёнларини соддалаштириш
5. 2026 йил 1 февралдан бошлаб ташаббусли бюджет жараёнлари доирасида ижтимоий аҳамиятга эга лойиҳаларни аҳоли ва давлат ўртасида шериклик асосида молиялаштириш амалиёти жорий этилсин.
Белгилансинки, ташаббускор аҳоли томонидан лойиҳалар қийматининг 50 фоиз қисми ихтиёрий равишда молиялаштирилган тақдирда лойиҳалар ғолиб деб топилади ва қолган 50 фоизи Ўзбекистон Республикаси республика бюджетидан молиялаштирилади.
6. 2025 йил 1 сентябрдан бошлаб қуйидагиларга ташаббусли бюджет жараёнлари доирасида сўнгги мавсумларда кетма-кет икки маротаба ғолиб деб топилган маҳаллалар учун навбатдаги иккита мавсумда лойиҳа киритиш имкониятини чеклаш қоидаси қўлланмаслиги белгилансин:
(а) маҳаллалари сони 15 ва ундан кам бўлган туман ва шаҳарлардаги барча маҳаллаларга;
(б) аҳоли ва давлат ўртасида шериклик асосида молиялаштириладиган лойиҳаларга.
7. Иқтисодиёт ва молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг суд ва бошқа органлар ижро ҳужжатларига асосан ундирувлар фуқаролар ташаббуси жамғармаларига қаратилмаслигига оид қоидалар бўйича тегишли қонун ҳужжатларига ўзгартиришлар киритиш тўғрисидаги таклифи маъқуллансин.
8. Иқтисодиёт ва молия вазирлиги Рақамли технологиялар вазирлиги билан биргаликда 2025 йил 1 ноябрга қадар порталда жамоатчилик учун очиқ бўлган ташаббусли бюджет жараёнларида ғолиб деб топилган лойиҳаларнинг интерактив харитасини ишга туширсин.
IV. Қарор ижросини ташкил этиш, таъминлаш ва назорат
9. Иқтисодиёт ва молия вазирлиги 2026 йил учун Давлат бюджетини шакллантиришда Ўзбекистон Республикаси республика бюджетида жами 1 триллион сўм, шундан депутатлар ташаббуслари лойиҳалари учун 494 миллиард сўм, шериклик асосида молиялаштириладиган лойиҳалар учун 506 миллиард сўм маблағни назарда тутсин, кейинги йилларда худди шундай тартибда молиялаштиришни амалга оширсин.
10. Ҳисоб палатаси 2026 йил 1 февралдан бошлаб ҳудудларда қонунчилик ҳужжатлари ва топшириқлар ижросини ўрганиб бориш бўйича ишчи гуруҳлар орқали ташаббусли бюджет жараёнларида ғолиб бўлган лойиҳаларни қонунчиликка асосан молиялаштириш ва самарадорлигини таъминлаш жараёнлари устидан қатъий назорат ўрнатсин ва ҳар йил якуни бўйича Ўзбекистон Республикаси Президенти Администрациясига ахборот киритиб борсин.
11. Иқтисодиёт ва молия вазирлиги 2025 йил 1 ноябрга қадар Ташаббусли бюджет жараёнларини ўтказиш ҳамда молиялаштириш тартиби тўғрисидаги низомга ушбу қарор талабларидан келиб чиқиб тегишли ўзгартириш ва қўшимчалар киритиш бўйича Олий Мажлис Сенатига таклиф киритсин.
12. Ўзбекистон Миллий ахборот агентлиги ва Ўзбекистон Миллий телерадиокомпанияси маҳаллий давлат ҳокимияти органлари билан биргаликда ташаббусли бюджет жараёнлари доирасида амалга оширилаётган ишлар бўйича маълумотларни кенг жамоатчиликка мунтазам равишда етказишни ташкиллаштирсин.
13. Мазкур қарорнинг ижросини таъминлаш учун масъул ва шахсий жавобгар этиб Бош вазир ўринбосари — иқтисодиёт ва молия вазири Ж.А. Қўчқоров белгилансин.
14. Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 29 август,
ПҚ-264-сон
Oʻzbekiston Respublikasi Prezidentining
qarori
Tashabbusli budjet jarayonlarini takomillashtirish doirasida xalq vakillari va saylovchilar oʻrtasida hamkorlikni kuchaytirish chora-tadbirlari toʻgʻrisida
Oliy Majlis Qonunchilik palatasi deputatlarining siyosiy faolligini va saylovchilar oldidagi masʼuliyatini yanada oshirish, saylov okruglaridagi ijtimoiy masalalarni hal etishdagi tashabbuskorligini kuchaytirishga qaratilgan chora-tadbirlarni qoʻllab-quvvatlash, tashabbusli budjet jarayonlarini yanada takomillashtirish maqsadida qaror qilaman:
I. Maqsadlar
1. Oliy Majlis Qonunchilik palatasi deputatlari (keyingi oʻrinlarda — deputatlar)ning hududlarda ijtimoiy masalalarni hal etishdagi tashabbuskorligini qoʻllab-quvvatlashning asosiy yoʻnalishlari etib quyidagilar belgilansin:
(a) saylov okruglarida ijtimoiy masalalarni hal etish uchun deputatlarni zarur resurslar bilan taʼminlash amaliyotini yoʻlga qoʻyish;
(b) tashabbusli budjet loyihalarini moliyalashtirishda oliy davlat vakillik organi tomonidan nazoratni kuchaytirish;
(v) ijtimoiy masalalarga oid loyihalarni aholi va davlat oʻrtasida sheriklik asosida moliyalashtirish tartibini joriy qilish.
II. Oliy Majlis Qonunchilik palatasi deputatlarining tashabbusli budjet jarayonlaridagi rolini oshirish
2. Oliy Majlis Qonunchilik palatasining:
(a) tashabbusli budjet jarayonlari doirasida gʻolib boʻlmagan loyihani deputat tashabbusiga koʻra gʻolib deb eʼlon qilish;
(b) Oliy Majlis Qonunchilik palatasida mazkur jarayonlarni muvofiqlashtirish, loyihalarning moliyalashtirilishi va amalga oshirilishi ustidan parlament nazoratini olib borish uchun 11 nafar deputatdan iborat parlament komissiyasini tashkil etish;
(v) deputatlarning saylovchilar bilan muloqoti davomida aniqlangan masalalar boʻyicha budjet soʻrovini shakllantirish uchun har yili 1-mayga qadar respublika ijro etuvchi hokimiyat organlari, Qoraqalpogʻiston Respublikasi Vazirlar Kengashi, viloyatlar va Toshkent shahri, shuningdek, tuman (shahar) hokimliklariga takliflar kiritish va Davlat budjeti loyihasining Qonunchilik palatasidagi muhokamalarida kiritilgan takliflar inobatga olinishini deputatlar tomonidan nazorat qilish amaliyotini yoʻlga qoʻyish toʻgʻrisidagi takliflari maʼqullansin.
3. Oliy Majlis Qonunchilik palatasi takliflarini maʼqullash doirasida shunday tartib oʻrnatilsinki, 2026-yil 1-yanvardan boshlab:
(a) deputatlar har yili tashabbusli budjet jarayonlari doirasida tegishli saylov okruglarida gʻolib boʻlmagan loyihalar orasidan aholining kundalik hayotiga va hududni rivojlantirishga bevosita taʼsir qiladigan ikkita loyihani (har mavsumda bittadan) saylovchilarning manfaatlarini inobatga olgan holda “Ochiq budjet” axborot portalida (keyingi oʻrinlarda — portal) tanlaydi va mazkur tanlov loyihani Oʻzbekiston Respublikasi respublika budjetidan moliyalashtirish uchun asos hisoblanadi;
(b) portalda deputat tashabbusi asosida moliyalashtiriladigan loyihalar uchun alohida sahifa tashkil etilib, shu turdagi barcha loyihalarning jamoatchilik uchun ochiq roʻyxati yuritiladi.
4. Belgilansinki:
(a) tashabbusli budjet jarayonlari doirasida gʻolib boʻlmagan loyihalarni moliyalashtirish uchun har bir deputatga bir yilda ikki mavsumga bazaviy hisoblash miqdorining sakkiz ming baravari miqdorida mablagʻ har yilgi Oʻzbekiston Respublikasi respublika budjetida nazarda tutiladi;
(b) deputatlar tashabbusi loyihalari uchun qoʻyiladigan talablar amaldagi Tashabbusli budjet jarayonlarini oʻtkazish hamda moliyalashtirish tartibi toʻgʻrisidagi nizomda nazarda tutilgan mezonlar asosida aniqlanadi.
III. Loyihalarni aholi va davlat oʻrtasida sheriklik asosida moliyalashtirish tartibini joriy qilish va ayrim masalalar boʻyicha tashabbusli budjet jarayonlarini soddalashtirish
5. 2026-yil 1-fevraldan boshlab tashabbusli budjet jarayonlari doirasida ijtimoiy ahamiyatga ega loyihalarni aholi va davlat oʻrtasida sheriklik asosida moliyalashtirish amaliyoti joriy etilsin.
Belgilansinki, tashabbuskor aholi tomonidan loyihalar qiymatining 50 foiz qismi ixtiyoriy ravishda moliyalashtirilgan taqdirda loyihalar gʻolib deb topiladi va qolgan 50 foizi Oʻzbekiston Respublikasi respublika budjetidan moliyalashtiriladi.
6. 2025-yil 1-sentabrdan boshlab quyidagilarga tashabbusli budjet jarayonlari doirasida soʻnggi mavsumlarda ketma-ket ikki marotaba gʻolib deb topilgan mahallalar uchun navbatdagi ikkita mavsumda loyiha kiritish imkoniyatini cheklash qoidasi qoʻllanmasligi belgilansin:
(a) mahallalari soni 15 va undan kam boʻlgan tuman va shaharlardagi barcha mahallalarga;
(b) aholi va davlat oʻrtasida sheriklik asosida moliyalashtiriladigan loyihalarga.
7. Iqtisodiyot va moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining sud va boshqa organlar ijro hujjatlariga asosan undiruvlar fuqarolar tashabbusi jamgʻarmalariga qaratilmasligiga oid qoidalar boʻyicha tegishli qonun hujjatlariga oʻzgartirishlar kiritish toʻgʻrisidagi taklifi maʼqullansin.
8. Iqtisodiyot va moliya vazirligi Raqamli texnologiyalar vazirligi bilan birgalikda 2025-yil 1-noyabrga qadar portalda jamoatchilik uchun ochiq boʻlgan tashabbusli budjet jarayonlarida gʻolib deb topilgan loyihalarning interaktiv xaritasini ishga tushirsin.
IV. Qaror ijrosini tashkil etish, taʼminlash va nazorat
9. Iqtisodiyot va moliya vazirligi 2026-yil uchun Davlat budjetini shakllantirishda Oʻzbekiston Respublikasi respublika budjetida jami 1 trillion soʻm, shundan deputatlar tashabbuslari loyihalari uchun 494 milliard soʻm, sheriklik asosida moliyalashtiriladigan loyihalar uchun 506 milliard soʻm mablagʻni nazarda tutsin, keyingi yillarda xuddi shunday tartibda moliyalashtirishni amalga oshirsin.
10. Hisob palatasi 2026-yil 1-fevraldan boshlab hududlarda qonunchilik hujjatlari va topshiriqlar ijrosini oʻrganib borish boʻyicha ishchi guruhlar orqali tashabbusli budjet jarayonlarida gʻolib boʻlgan loyihalarni qonunchilikka asosan moliyalashtirish va samaradorligini taʼminlash jarayonlari ustidan qatʼiy nazorat oʻrnatsin va har yil yakuni boʻyicha Oʻzbekiston Respublikasi Prezidenti Administratsiyasiga axborot kiritib borsin.
11. Iqtisodiyot va moliya vazirligi 2025-yil 1-noyabrga qadar Tashabbusli budjet jarayonlarini oʻtkazish hamda moliyalashtirish tartibi toʻgʻrisidagi nizomga ushbu qaror talablaridan kelib chiqib tegishli oʻzgartirish va qoʻshimchalar kiritish boʻyicha Oliy Majlis Senatiga taklif kiritsin.
12. Oʻzbekiston Milliy axborot agentligi va Oʻzbekiston Milliy teleradiokompaniyasi mahalliy davlat hokimiyati organlari bilan birgalikda tashabbusli budjet jarayonlari doirasida amalga oshirilayotgan ishlar boʻyicha maʼlumotlarni keng jamoatchilikka muntazam ravishda yetkazishni tashkillashtirsin.
13. Mazkur qarorning ijrosini taʼminlash uchun masʼul va shaxsiy javobgar etib Bosh vazir oʻrinbosari — iqtisodiyot va moliya vaziri J.A. Qoʻchqorov belgilansin.
14. Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 29-avgust,
PQ-264-son
Президента Республики Узбекистан
Постановление
О мерах по усилению взаимосвязи между представителями народа и избирателями в рамках совершенствования процессов инициативного бюджета
В целях дальнейшего повышения политической активности и ответственности депутатов Законодательной палаты Олий Мажлиса перед избирателями, поддержки мер, направленных на усиление их инициативности в решении социальных вопросов в избирательных округах, дальнейшего совершенствования процессов инициативного бюджета постановляю:
I. Цели
1. Определить основными направлениями поддержки инициативности депутатов Законодательной палаты Олий Мажлиса (далее — депутаты) в решении социальных вопросов в регионах:
(а) налаживание практики обеспечения депутатов необходимыми ресурсами для решения социальных вопросов в избирательных округах;
(б) усиление контроля со стороны высшего государственного представительного органа при финансировании проектов инициативного бюджета;
(в) внедрение порядка финансирования проектов касательно социальных вопросов на основе партнерства между населением и государством.
II. Повышение роли депутатов Законодательной палаты Олий Мажлиса в процессах инициативного бюджета
2. Одобрить предложения Законодательной палаты Олий Мажлиса, предусматривающие:
(а) объявление победителем по инициативе депутата проекта, не ставшего победителем в рамках процессов инициативного бюджета;
(б) создание в Законодательной палате Олий Мажлиса парламентской комиссии в составе 11 депутатов по координации данных процессов, осуществлению парламентского контроля за финансированием и реализацией проектов;
(в) внедрение практики ежегодного внесения до 1 мая в республиканские органы исполнительной власти, Совет Министров Республики Каракалпакстан, хокимияты областей и города Ташкента, а также районов (городов) предложений для формирования бюджетного запроса по вопросам, выявленным в ходе диалога депутатов с избирателями, осуществления депутатами контроля по учету внесенных предложений в ходе обсуждения проекта Государственного бюджета в Законодательной палате.
3. В рамках одобрения предложений Законодательной палаты Олий Мажлиса установить порядок, в соответствии с которым с 1 января 2026 года:
(а) депутаты в рамках ежегодных процессов инициативного бюджета с учетом интересов избирателей выбирают из проектов, не ставших победителями в соответствующих избирательных округах, на информационном портале «Открытый бюджет» (далее — портал) два проекта (в каждом сезоне по одному), оказывающие непосредственное воздействие на повседневную жизнь населения и развитие территории, и данный отбор является основанием для финансирования проекта из республиканского бюджета Республики Узбекистан;
(б) на портале создается отдельная страница для проектов, финансируемых на основе инициативы депутата, и для общественности ведется открытый перечень всех проектов этой категории.
4. Установить, что:
(а) средства в размере восьмитысячекратного размера базовой расчетной величины предусматриваются в ежегодном республиканском бюджете Республики Узбекистан на каждого депутата для финансирования проектов, не ставших победителями в рамках процессов инициативного бюджета, для двух сезонов в году;
(б) требования, предъявляемые для проектов по инициативе депутатов, определяются на основе критериев, предусмотренных в действующем Положении о порядке проведения и финансирования процессов инициативного бюджета.
III. Внедрение порядка финансирования проектов на основе партнерства между населением и государством, а также упрощение процессов инициативного бюджета по отдельным вопросам
5. Внедрить с 1 февраля 2026 года практику финансирования проектов социального значения в рамках процессов инициативного бюджета на основе партнерства между населением и государством.
Определить, что в случае добровольного финансирования со стороны инициативного населения 50 процентов стоимости проектов, такие проекты признаются победившими и оставшиеся 50 процентов финансируются из республиканского бюджета Республики Узбекистан.
6. Установить, что с 1 сентября 2025 года положение ограничения возможности внесения проекта в очередные два сезона для махаллей, признанных победителями два раза подряд в последние сезоны в рамках процессов инициативного бюджета, не применяется:
(а) ко всем махаллям в районах и городах, количество махаллей в которых составляет 15 и менее;
(б) к проектам, финансирование которых осуществляется на основе партнерства между населением и государством.
7. Одобрить предложение Министерства экономики и финансов, Совета Министров Республики Каракалпакстан, хокимиятов областей и города Ташкента о внесении изменений в соответствующие акты законодательства по положениям относительно необращения взысканий в фонды гражданских инициатив на основании исполнительских документов судебных и иных органов.
8. Министерству экономики и финансов совместно с Министерством цифровых технологий до 1 ноября 2025 года запустить на портале открытую для общественности интерактивную карту проектов, признанных победителями в процессах инициативного бюджета.
IV. Организация, обеспечение и контроль исполнения постановления
9. Министерству экономики и финансов при формировании Государственного бюджета на 2026 год предусмотреть в республиканском бюджете Республики Узбекистан в общей сложности 1 триллион сумов, из них 494 миллиарда сумов — на проекты по инициативе депутатов, 506 миллиардов сумов — на проекты, финансируемые на основе партнерства, осуществить финансирование в таком порядке в последующие годы.
10. Счетной палате с 1 февраля 2026 года установить строгий контроль за процессами финансирования и обеспечения эффективности на основании законодательства проектов, ставших победителями в рамках процессов инициативного бюджета посредством рабочих групп по изучению исполнения актов законодательства и поручений в регионах и по итогам каждого года вносить информацию в Администрацию Президента Республики Узбекистан.
11. Министерству экономики и финансов до 1 ноября 2025 года внести в Сенат Олий Мажлиса предложение о соответствующих изменениях и дополнениях в Положение о порядке проведения и финансирования процессов инициативного бюджета, исходя из требований настоящего постановления.
12. Национальному информационному агентству Узбекистана и Национальной телерадиокомпании Узбекистана совместно с органами государственной власти на местах организовать регулярное доведение до широкой общественности информации о работе, осуществляемой в рамках процессов инициативного бюджета.
13. Возложить на заместителя Премьер-министра — министра экономики и финансов Д.А. Кучкарова персональную ответственность за обеспечение исполнения настоящего постановления.
14. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
29 августа 2025 г.,
№ ПП-264