UzbekAI

Ўзбекистон Республикаси Вазирлар Маҳкамасининг

қарори

РЎЙХАТИ

ТАРТИБИ

НИЗОМ»;

АРИЗА».

МАЪМУРИЙ РЕГЛАМЕНТИ

СХЕМАСИ

МАЪМУРИЙ РЕГЛАМЕНТИ

СХЕМАСИ

МАЪМУРИЙ РЕГЛАМЕНТИ

СХЕМАСИ

РЕГЛАМЕНТИ

СХЕМАСИ

РЎЙХАТИ

Ер участкаларини онлайн-аукцион орқали реализация қилиш ва кадастр соҳасида давлат хизматлари кўрсатиш тартиб-таомилларини такомиллаштириш юзасидан қўшимча чора-тадбирлар тўғрисида

Сўнгги йилларда мамлакатимизда кўчмас мулкка кадастр ҳужжатларини расмийлаштириш, унга бўлган ҳуқуқларни давлат рўйхатидан ўтказиш соҳасида давлат хизматлари кўрсатиш сифатини ошириш юзасидан тизимли чора-тадбирлар амалга оширилмоқда, шунингдек, қишлоқ хўжалигига мўлжалланмаган ер участкаларини хусусийлаштириш ва ижарага бериш тартиб-таомиллари такомиллаштирилмоқда.

Шу билан бирга, кадастр йиғмажилдини тайёрлаш ва кадастр паспортини бериш, кўчмас мулкка бўлган ҳуқуқларни давлат рўйхатидан ўтказиш, қишлоқ хўжалигига мўлжалланмаган ер участкаларини бериш (реализация қилиш) соҳасида айрим қонунчилик ҳужжатларини замон талабларига мувофиқ такомиллаштириш талаб этилмоқда.

Хусусан, ҳудудларда тадбиркорлик ва шаҳарсозлик фаолиятини амалга ошириш учун ажратилган қишлоқ хўжалигига мўлжалланмаган ер участкаларида мониторинг қилиш жараёнларини такомиллаштириш, аукцион савдоларида ижара ҳуқуқи билан сотиб олинган ер участкаларини бирлаштириш имкониятларини яратиш зарурати мавжуд.

Бундан ташқари ерга оид мулкий ва ҳуқуқий муносабатларда барқарорликни таъминлаш, кичик саноат зоналари ҳамда ёшлар саноат ва тадбиркорлик зоналари ҳудудида инвестиция муҳитини янада яхшилаш бугунги куннинг долзарб масалаларидан бўлиб қолмоқда.

Аҳолига давлат хизматлари кўрсатиш тизимини ислоҳ қилиш, ортиқча бюрократик тўсиқларни бартараф этиш, фуқароларга қўшимча қулайликлар яратиш, уларда танлов имкониятини кенгайтириш ҳамда ерга оид мулкий ва ҳуқуқий муносабатларда барқарорликни таъминлаш, замонавий кўп квартирали турар жойлар қуриш кўламини янада кенгайтириш мақсадида Вазирлар Маҳкамаси қарор қилади:

1. Белгилансинки:

кичик саноат зоналари ҳамда ёшлар саноат ва тадбиркорлик зоналари ҳудудида жойлашган ер участкаларини электрон онлайн-аукцион савдоларига чиқаришда ушбу саноат ва тадбиркорлик зоналари дирекциялари буюртмачи ҳисобланади;

олис ва чўл ҳудудларда ташкил этиладиган ёшлар саноат ва тадбиркорлик зоналари рўйхати Қорақалпоғистон Республикаси Жўқорғи Кенгеси ҳамда халқ депутатлари вилоятлар Кенгашлари қарорларига асосан тасдиқланади ва улар томонидан, заруратга кўра, тасдиқланган рўйхатга тегишли ўзгартириш ва қўшимчалар киритиб борилади;

2025 йил 5 сентябрдан бошлаб, мазкур банднинг учинчи хатбошисида тасдиқланиши назарда тутилган рўйхатларга мувофиқ, олис ва чўл ҳудудларда жойлашган ёшлар саноат ва тадбиркорлик зоналаридаги бўш ер участкалари «1 сўм» харид қийматида электрон онлайн-аукцион савдоларига чиқарилади;

«Yerelektron» автоматлаштирилган ахборот тизимида алоҳида «олис ва чўл ҳудудларда жойлашган ёшлар саноат ва тадбиркорлик зоналаридаги бўш ер участкалари» бўлими яратилади;

Ўзбекистон Республикаси Солиқ қўмитасининг қўшилган қиймат солиғини тўловчи юридик шахслар тўғрисидаги маълумотларни ўз ичига олган электрон ахборот тизими «E-auksion» электрон савдо платформасига уч ой муддатда интеграция қилинади.

2. Шундай тартиб ўрнатилсинки, унга мувофиқ кўп квартирали турар жойлар қуриш учун ер участкаларини ижарага бериш бўйича аукцион ғолиби ҳамда туман (шаҳар) ҳокимлиги билан қуйидагиларни назарда тутувчи электрон шартномани (офертани) имзолайди ҳамда ушбу шартнома «Электрон онлайн-аукционларни ташкил этиш» АЖ томонидан рўйхатга олинади:

кўп квартирали турар жойлар қуриш мақсадида аукцион савдосида сотилган ер участкаларининг лойиҳаолди ҳужжатларини тайёрлашга 15 кунлик, лойиҳа ишларини бажаришга икки ойлик ва қурилиш ишларини бошлашга уч ойлик муддат берилиши;

ер участкасида барпо этиладиган объектни фойдаланишга топшириш муддати;

кўп квартирали турар жойлар қуриш учун ижарага бериш бўйича аукцион савдолари офертаси талаблари бажарилмаганда, ер участкаси белгиланган тартибда қайтариб олиниши ва такроран аукцион савдоларига чиқарилиши.

3. Ўзбекистон Республикаси Камбағалликни қисқартириш ва бандлик вазирлиги, Инвестициялар, саноат ва савдо вазирлиги, Қурилиш ва уй-жой коммунал хўжалиги вазирлиги ҳамда Рақамли технологиялар вазирлигининг тадбиркорлик ва шаҳарсозлик мақсадида электрон онлайн-аукцион савдоларида реализация қилинган ер участкаларида қурилиш ишларини бошлаб, фойдаланишга топширилгунга қадар бўлган жараёнларнинг барча босқичларини «Онлайн маҳалла» электрон платформасида (кейинги ўринларда — электрон платформа) мониторинг қилиш тизимини жорий этиш тўғрисидаги таклифлари маъқуллансин.

4. 2025 йил 1 октябрдан бошлаб махсус иқтисодий зоналар иштирокчиларига, юридик шахсларга жамоат эҳтиёжлари, давлат-хусусий шериклик лойиҳаларини ҳамда ижтимоий шериклик тўғрисидаги келишувлар ва шартномаларни амалга ошириш учун ер участкалари берилганда (сотилганда), ушбу маълумотлар ер участкаларига ҳуқуқни белгиловчи ҳужжатларда акс эттирилиши шарт.

5. Қорақалпоғистон Республикаси Вазирлар Кенгаши, вилоятлар ва Тошкент шаҳри, туман (шаҳар) ҳокимликлари Ўзбекистон Республикаси Инвестициялар, саноат ва савдо вазирлиги ҳамда манфаатдор вазирлик ва идоралар билан биргаликда уч ой муддатда махсус иқтисодий зоналар иштирокчиларига, давлат-хусусий шериклик лойиҳаларини ҳамда ижтимоий шериклик тўғрисидаги келишувлар ва шартномаларни амалга ошириш учун берилган ер участкаларига ҳуқуқни белгиловчи ҳужжатларни хатловдан ўтказиш ҳамда ҳуқуқлари давлат рўйхатидан ўтказилмаган ер участкаларига бўлган ҳуқуқларни давлат рўйхатидан ўтказиш чораларини кўрсин.

6. Ўзбекистон Республикаси Давлат активларини бошқариш агентлиги манфаатдор вазирлик ва идоралар билан биргаликда уч ой муддатда «Yerxususiylashtirish» автоматлаштирилган ахборот тизимининг ушбу қарорга 1-иловада келтирилган электрон ахборот тизимлари ҳамда маълумотлар базалари билан «Рақамли ҳукумат» тизими доирасида интеграция қилинишини таъминласин.

7. Ўзбекистон Республикаси Камбағалликни қисқартириш ва бандлик вазирлиги Инвестициялар, саноат ва савдо вазирлиги, Қурилиш ва уй-жой коммунал хўжалиги вазирлиги ҳамда Рақамли технологиялар вазирлиги билан биргаликда:

икки ҳафта муддатда электрон платформада жисмоний ва юридик шахслар, шу жумладан, ҳоким ёрдамчиларига улар томонидан киритиладиган таклифларнинг жорий ҳолатини кузатиш, муносабат (ижобий, салбий) билдириш ҳамда прокуратура ва адлия органларига шикоят йўллаш имкониятини берувчи янги қўшимча функциялар киритилишини;

бир ой муддатда электрон платформа «E-auksion» электрон савдо платформаси ҳамда «UZKAD» интеграцион ахборот тизими билан интеграция қилинишини;

«E-auksion» электрон савдо платформасида реализация қилинаётган ер участкалари тўғрисидаги маълумотлар маҳаллалар кесимида электрон платформада реал вақт режимида акс этишини;

2018 йилдан бошлаб аукционда реализация қилиниб, иқтисодий айланмага киритилмаган ер участкаларининг маҳаллалар кесимида электрон платформага жойлаштирилишини;

Иқтисодиёт ва молия вазирлиги ҳузуридаги Кадастр агентлиги (кейинги ўринларда — Кадастр агентлиги) билан биргаликда мазкур ер участкаларида лойиҳа амалга ошиб, бино ва иншоотлар давлат рўйхатидан ўтказилиб, тегишли ҳуқуқ шаклланганда «UZKAD» интеграцион ахборот тизими орқали электрон платформага автоматик маълумот юбориш тизими жорий қилинишини таъминласин.

Бунда Давлат активларини бошқариш агентлиги «E-auksion» электрон савдо платформасига юқоридаги платформаларни интеграция қилади.

8. Ўзбекистон Республикаси Иқтисодиёт ва молия вазирлиги электрон платформада ишлаб чиқилиши назарда тутилган модуллар ва уни техник жиҳатдан такомиллаштириб бориш билан боғлиқ харажатларни Камбағалликни қисқартириш ва бандлик вазирлигининг Ҳоким ёрдамчилари фаолиятини қўллаб-қувватлаш жамғармаси маблағлари ҳисобидан белгиланган тартибда молиялаштириш чораларини кўрсин.

9. Белгилансинки:

тадбиркорлик субъектининг қурилиш ишларини бошлаш, кредит маблағларининг ажратилиши, инфратузилма тармоқларига уланиш ва лойиҳани фойдаланишга топшириш жараёнида юзага келадиган масалалари электрон платформага киритилган кундан бошлаб ўн беш кун муддатда бартараф этилмаган тақдирда, муаммоли масалалар тоифасига ўтказилади ҳамда туман (шаҳар) ҳокимликлари томонидан муҳокама этиб борилади;

белгиланган муддатларда фойдаланилмаган ер участкаларини суд тартибида туман (шаҳар) ҳокимликларининг тасарруфига қайтариш учун ҳужжатлар йиғмажилдини судга тақдим қилиш бўйича харажатлар маҳаллий бюджетнинг ортиқча бажарилган қисми ҳамда қонунчиликда тақиқланмаган бошқа манбалар ҳисобидан амалга оширилади;

ер участкасига бўлган ҳуқуқни бекор қилиш тўғрисида суд қарори қабул қилинганда, ер участкасини такроран реализация қилишдан тушган маблағлар ҳисобидан ушбу ер участкасига бўлган ҳуқуқи бекор қилинган шахсга мазкур ер участкасини сотиб олиш учун ҳақиқатда тўлаган маблағлари қайтариб берилади, бунда ер участкасини танлаш материалларини тайёрлаш ва аукцион ўтказиш билан боғлиқ харажатлар чегириб қолинади.

10. Туманларда (шаҳарларда) тадбиркорлик ва шаҳарсозлик мақсадларида реализация қилинган ер участкаларини иқтисодий айланмага киритиш, аукцион савдоларига қўйилган ер участкаларининг сотилиши ва лойиҳани амалга ошириш билан боғлиқ муаммоларни бартараф этиш даражаси юзасидан туман (шаҳар) ҳокимлари ва маҳаллалардаги ҳоким ёрдамчиларининг фаолиятига баҳо берилади.

Бунда иқтисодий айланмага киритилган, хусусан, қурилиш ишлари якунланиб, бинога эгалик ҳуқуқи давлат рўйхатидан ўтказилган ер участкаси электрон платформада амалга оширилган лойиҳалар модулига ўтказилади ҳамда мазкур ер участкаси туман (шаҳар) ҳокими ва ҳоким ёрдамчиси назоратидан ечилади.

11. Қорақалпоғистон Республикаси Вазирлар Кенгаши, вилоятлар ҳамда Тошкент шаҳри ҳокимликлари Камбағалликни қисқартириш ва бандлик вазирлиги билан биргаликда тадбиркорлик ҳамда шаҳарсозлик мақсадларида электрон онлайн-аукцион савдоларида реализация қилиниб, иқтисодий айланмага киритилмаган ер участкаларини доимий мониторинг қилиб, амалга оширилган ишлар ва эришилган натижалар юзасидан ҳар чоракда Вазирлар Маҳкамасига ахборот киритиб борсин.

12. Ўзбекистон Республикаси Инвестициялар, саноат ва савдо вазирлиги Қорақалпоғистон Республикаси Вазирлар Кенгаши, вилоятлар ҳамда Тошкент шаҳри ҳокимликлари билан биргаликда 2025 йил 1 октябрга қадар қишлоқ хўжалигига мўлжалланган ерлар тоифасидан бошқа ерлар тоифасига ўзгартирилган ер участкаларини белгиланган тартибда реализация қилиш бўйича асослантирилган таклифларни Вазирлар Маҳкамасига киритсин.

13. Ўзбекистон Республикаси Ҳукуматининг 2-иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:

кадастр соҳасида кўрсатилаётган давлат хизматларини Кадастр агентлигининг веб-сайти орқали кўрсатиш имкониятини яратиш;

кадастр йиғмажилдини тайёрлаш ва унинг натижаси бўйича кадастр паспортини олиш учун тақдим этилаётган ҳужжатлар рўйхатини амалдаги қонунчилик ҳужжатларига мувофиқлаштириш;

ер участкаларини электрон онлайн-аукцион савдоларига чиқариш тартибларини янада такомиллаштириш.

14. Ўзбекистон Республикаси Ҳукуматининг 3-иловага мувофиқ айрим қарорлари ўз кучини йўқотган деб ҳисоблансин.

15. Ўзбекистон Республикаси Иқтисодиёт ва молия вазирлиги манфаатдор вазирлик ҳамда идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

16. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.

Вазирлар Маҳкамасининг 2025 йил 3 сентябрдаги 559-сон қарорига 1-ИЛОВА

«Yerxususiylashtirish» автоматлаштирилган ахборот тизими билан «Рақамли ҳукумат» тизимининг идоралараро интеграциялашув платформаси орқали интеграция қилинадиган электрон ахборот тизимлари ва маълумотлар базалари

Т/р Электрон ахборот тизими ёки маълумотлар базасининг номи Электрон ахборот тизими ёки маълумотлар базасини юритиш бўйича ваколатли орган 1. «Давлат мулки» ахборот тизими Давлат активларини бошқариш агентлиги 2. «Рақамли геология» тизими Тоғ-кон саноати ва геология вазирлиги 3. «Адолат» ахборот тизимлари комплекси Олий суд 4. «ФҲДЁнинг ягона электрон архиви» ахборот тизими Адлия вазирлиги 5. «E-Fuqaro» идоралараро маълумотлар базаси Ички ишлар вазирлиги 6. Юридик шахслар, фаолиятини ваколатхона, филиал ёки доимий муассаса орқали амалга ошираётган чет эл юридик шахслари ва тадбиркорлик фаолияти билан шуғулланувчи жисмоний шахсларнинг марказий маълумотлар базаси Солиқ қўмитаси

Вазирлар Маҳкамасининг 2025 йил 3 сентябрдаги 559-сон қарорига 2-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг 2005 йил 15 ноябрдаги 250-сон қарори билан тасдиқланган Картография-геодезия давлат кадастрини юритиш тартиби тўғрисидаги низомда :

а) 4-бандда :

тўртинчи хатбошидаги «рақамли электрон» сўзлари «электрон рақамли» сўзлари билан алмаштирилсин;

олтинчи хатбошидаги «аэрофото» сўзи «аэро» сўзи билан алмаштирилсин;

б) 5-банддаги «Давлат солиқ қўмитаси» сўзлари «Иқтисодиёт ва молия вазирлиги» сўзлари билан алмаштирилсин;

в) 8-банддаги «электрон» сўзи «географик ахборот тизимида» сўзлари билан алмаштирилсин;

г) 10 ва 11-бандлар қуйидаги таҳрирда баён этилсин:

«10. Кадастр агентлиги Картография-геодезия давлат кадастрини юритиш ишларига умумий раҳбарлик қилиш ва методик жиҳатдан таъминлашни амалга оширади.

Кадастр агентлигининг Давлат картография-геодезия фонди (кейинги ўринларда — Давлат картография-геодезия фонди) Картография-геодезия давлат кадастрини юритиш ишларининг ижрочиси ҳисобланади.

Кадастр агентлиги Картография-геодезия давлат кадастрининг географик ахборот тизими маълумотлар базаси тузилмасини ишлаб чиқади, маълумотлар базасининг тўғри тўлдирилишини назорат қилади.

11. Давлат картография-геодезия фонди:

кадастр ахборотларини шакллантириш ва тақдим этиш форматларини ишлаб чиқади;

Картография-геодезия давлат кадастрининг автоматлаштирилган ахборот тизимини шакллантиришни ва унинг фаолиятини таъминлайди;

ҳисобга олиш ва баҳолаш кадастр ахборотларини тизимлаштиради, шакллантиради ва уларни Картография-геодезия давлат кадастрининг автоматлаштирилган ахборот тизимига киритади;

кадастр ахборотларига бўлган талабни мунтазам равишда ўрганади, кадастрни юритиш технологиясини такомиллаштиришни таъминлайди;

Ўзбекистон Республикаси ҳудудининг картография-геодезия жиҳатидан ўрганилгани мониторингини юритади;

кадастр маълумотларини республика ижро этувчи ҳокимият органларига, жисмоний ва юридик шахсларга тақдим этади;

кадастр ахборотларини рухсатсиз фойдаланишдан ҳимоя қилишни таъминлайди;

тизимлаштирилган кадастр ахборотларининг Давлат кадастрлари ягона тизимига тезкорлик билан берилишини амалга оширади»;

д) 13-банднинг тўртинчи хатбошиси қуйидаги таҳрирда баён этилсин:

«рўйхатга олиш ва географик ахборот тизимида электрон реестрини юритиш»;

е) 15-банддан «Рўйхат натижалари бўйича ҳар қайси объект учун паспорт тузилади» сўзлари чиқариб ташлансин;

ж) 16-банд қуйидаги таҳрирда баён этилсин:

«16. Картография-геодезия давлат кадастри объектларини ҳисобга олиш хариталар номенклатураси бўйича, давлат геодезия тармоқлари класслари ва турлари бўйича, шу жумладан, маъмурий-ҳудудий бўлиниш бўйича ҳамда аҳоли пунктлари бўйича алоҳида амалга оширилади.

Картография-геодезия давлат кадастри объектларининг миқдор ва сифат тавсифларини ҳисобга олиш учун Давлат картография-геодезия фонди кадастр ахборотларини тақдим этишнинг техник параметрлари ва форматларини ишлаб чиқади.

Ҳужжатли расмийлаштирилган ва белгиланган тартибда тасдиқланган ҳисобга олиш ахборотлари Картография-геодезия давлат кадастрининг географик ахборот тизимига киритилади»;

з) 18-банддаги «Давлат геодезия назорати инспекциясининг» сўзлари «Давлат картография-геодезия фондининг» сўзлари билан алмаштирилсин;

и) илова матни қуйидаги таҳрирда баён этилсин:

«Картография-геодезия давлат кадастрини юритиш

Давлат кадастрлари ягона тизими (ДКЯТ) Иқтисодиёт ва молия вазирлиги ҳузуридаги Кадастр агентлиги 5 3 ↑ 4 ↓ ↓ Картография-геодезия давлат кадастри (КГДК) Кадастр агентлигининг Давлат картография-геодезия фонди 5 Фойдаланувчилар → 1 ↑ 2 ↓ Геодезия, топография ва картография ишларини бажарувчилар

2. Вазирлар Маҳкамасининг 2014 йил 10 июлдаги 186-сон қарори билан тасдиқланган Кўчмас мулк объектларининг давлат кадастри соҳасида давлат хизматлари нархларини белгилаш тартиби матни қуйидаги таҳрирда баён этилсин:

«Кўчмас мулк объектларининг давлат кадастри соҳасида давлат хизматлари нархларини белгилаш

Т/р Давлат хизматларининг номи Ишлар нархи I. Кўчмас мулк объектларининг нотурар бино ва иншоотларга оид қисмига ҳамда кўп квартирали уйдаги умумий мулкка кадастр паспортини тайёрлаш ва кадастр ҳужжатларини расмийлаштириш 1. Умумий майдони 100 квадрат метргача бўлган кўчмас мулк Базавий ҳисоблаш миқдорининг 1,0 баравари 2. Умумий майдони 100 квадрат метрдан 1 000 квадрат метргача бўлган кўчмас мулк Объектнинг 1 квадрат метр майдони учун базавий ҳисоблаш миқдорининг 1,15 фоизи 3. Умумий майдони 1 000 квадрат метрдан 5 000 квадрат метргача бўлган кўчмас мулк Базавий ҳисоблаш миқдорининг 17,25 баравари 4. Умумий майдони 5 000 квадрат метрдан 15 000 квадрат метргача бўлган кўчмас мулк Базавий ҳисоблаш миқдорининг 34,5 баравари 5. Умумий майдони 15 000 квадрат метрдан 50 000 квадрат метргача бўлган кўчмас мулк Базавий ҳисоблаш миқдорининг 57,5 баравари 6. Умумий майдони 50 000 квадрат метрдан ортиқ бўлган кўчмас мулк Базавий ҳисоблаш миқдорининг 80,5 баравари 7. Мулкдор ўзгармаган ҳолда кўчмас мулкни бўлиш ва унинг янги чегараларини белгилаш Базавий ҳисоблаш миқдорининг 1,0 баравари 8. Мулкдор ўзгармаган ҳолда кўчмас мулкни бирлаштириш ва унинг янги чегараларини белгилаш Базавий ҳисоблаш миқдорининг 1,0 баравари 9. Кўп квартирали уйдаги умумий мулкка кадастр паспортини тайёрлаш ва кадастр ҳужжатларини расмийлаштириш Базавий ҳисоблаш миқдорининг 5,0 баравари II. Кўчмас мулк объектларининг турар жой фондига оид қисмига кадастр паспортини тайёрлаш ва кадастр ҳужжатларини расмийлаштириш 1. Кўп квартирали уйдаги квартира Объектнинг 1 квадрат метр майдони учун базавий ҳисоблаш миқдорининг 1,15 фоизи 2. Якка тартибдаги турар жой Объектнинг 1 квадрат метр майдони учун базавий ҳисоблаш миқдорининг 1,15 фоизи III. Ер участкаларига ва кўп йиллик дов-дарахтларга кадастр паспортини тайёрлаш ва кадастр ҳужжатларини расмийлаштириш 1. Ер участкасини ажратиш бўйича иш мавжуд бўлганда, якка тартибда турар жой қуриш учун ажратилган ер участкаси Бепул 2. Ер участкасини ажратиш бўйича иш мавжуд бўлмаганда, якка тартибда турар жой қуриш учун ажратилган ер участкаси Базавий ҳисоблаш миқдорининг 1,25 баравари 3. Деҳқон хўжалигини юритиш учун ажратилган ер участкаси Базавий ҳисоблаш миқдорининг 1,25 баравари 4. Нотурар жой объектларини қуриш учун ажратилган ер участкаси Базавий ҳисоблаш миқдорининг 1,25 баравари 5. Қишлоқ хўжалиги эҳтиёжлари учун ажратилган ер участкаси Базавий ҳисоблаш миқдорининг 2,5 баравари 6. Кўп йиллик дов-дарахтлар Базавий ҳисоблаш миқдорининг 1 баравари ва ҳар 1 гектар дов-дарахтлар билан эгалланган ер участкаси учун базавий ҳисоблаш миқдорининг 7 фоизи IV. Кўчмас мулк объектига бўлган ҳуқуқлар ва улар бўйича тузилган битимларни давлат рўйхатидан ўтказиш 1. Жисмоний шахсларнинг умумий майдони 100 квадрат метргача бўлган турар жой кўчмас мулк объектлари ва давлат реестридан кўчирмалар Базавий ҳисоблаш миқдорининг 1,25 баравари 2. Жисмоний шахсларнинг умумий майдони 100 квадрат метрдан 300 квадрат метргача бўлган турар жой кўчмас мулк объектлари ва давлат реестридан кўчирмалар Базавий ҳисоблаш миқдорининг 2,0 баравари 3. Жисмоний шахсларнинг умумий майдони 300 квадрат метрдан ортиқ бўлган турар жой кўчмас мулк объектлари ва давлат реестридан кўчирмалар Базавий ҳисоблаш миқдорининг 3,0 баравари 4. Юридик шахсларнинг турар жой кўчмас мулк объектлари ва давлат реестридан кўчирмалар Базавий ҳисоблаш миқдорининг 5,0 баравари 5. Жисмоний шахсларнинг нотурар жой кўчмас мулк объектлари ва давлат реестридан кўчирмалар Базавий ҳисоблаш миқдорининг 3,0 баравари 6. Юридик шахсларнинг нотурар жой кўчмас мулк объектлари ва давлат реестридан кўчирмалар Базавий ҳисоблаш миқдорининг 5,0 баравари 7. Жисмоний шахсларнинг якка тартибда турар жой қуриш учун берилган ер участкасига бўлган ҳуқуқларини давлат рўйхатидан ўтказиш ва давлат реестридан кўчирмалар Базавий ҳисоблаш миқдорининг 1,0 баравари 8. Жисмоний шахсларнинг нотурар жой объектлари учун берилган ер участкасига бўлган ҳуқуқларини давлат рўйхатидан ўтказиш ва давлат реестридан кўчирмалар Базавий ҳисоблаш миқдорининг 3,0 баравари 9. Юридик шахсларга берилган ер участкасига бўлган ҳуқуқларни давлат рўйхатидан ўтказиш ва давлат реестридан кўчирмалар Базавий ҳисоблаш миқдорининг 5,0 баравари 10. Жисмоний шахсларнинг (юридик шахс ташкил этмаган ҳолдаги деҳқон хўжалиги бундан мустасно) қишлоқ хўжалиги учун берилган ер участкасига бўлган ҳуқуқларини давлат рўйхатидан ўтказиш ва давлат реестридан кўчирмалар Базавий ҳисоблаш миқдорининг 1,5 баравари 11. Юридик шахсларга (юридик шахс ташкил этган ҳолдаги деҳқон хўжалиги бундан мустасно) қишлоқ хўжалиги эҳтиёжлари учун ажратилган ер участкасига бўлган ҳуқуқларни давлат рўйхатидан ўтказиш ва давлат реестридан кўчирмалар Базавий ҳисоблаш миқдорининг 2,5 баравари 12. Кўп квартирали уйдаги умумий мулкка бўлган ҳуқуқларни давлат рўйхатидан ўтказиш ва давлат реестридан кўчирмалар Базавий ҳисоблаш миқдорининг 3,0 баравари 13. Ипотекани, шунингдек, ижара ҳуқуқини (ер участкасига бўлган ижара ҳуқуқи бундан мустасно), ер участкаси бўйича сервитутни, бепул фойдаланиш ҳуқуқини, кўчмас мулкни ишончли бошқариш ҳуқуқини давлат рўйхатидан ўтказиш ҳамда гаров хатини расмийлаштириш Базавий ҳисоблаш миқдорининг 1,25 баравари 14. Мулкида турар жой борлиги (йўқлиги) ҳақида маълумотнома бериш Базавий ҳисоблаш миқдорининг 3 фоизи (ҳар бир фуқаро учун) 15. Кўчмас мулкка оид кадастр маълумотларини тақдим этиш Базавий ҳисоблаш миқдорининг 5 фоизи (давлат органлари учун бепул) 16. Шаҳодатномага эга бўлган кадастр муҳандиси томонидан тайёрланган кадастр йиғмажилдига асосан кўчмас мулкни ҳисобга олиш ва кадастр паспортини бериш а) объект 100 квадрат метргача бўлганда базавий ҳисоблаш миқдорининг 0,2 баравари, бунда кўчмас мулк объектининг кадастр қийматини ҳисоблаш талаб этилганда, базавий ҳисоблаш миқдорининг 0,5 баравари; б) объект 100 квадрат метрдан 250 квадрат метргача бўлганда базавий ҳисоблаш миқдорининг 0,5 баравари, бунда кўчмас мулк объектининг кадастр қийматини ҳисоблаш талаб этилганда, базавий ҳисоблаш миқдорининг 0,7 баравари; в) объект 250 квадрат метрдан 500 квадрат метргача бўлганда базавий ҳисоблаш миқдорининг 0,7 баравари, бунда кўчмас мулк объектининг кадастр қийматини ҳисоблаш талаб этилганда, базавий ҳисоблаш миқдорининг 1,0 баравари; г) объект 500 квадрат метрдан юқори бўлганда базавий ҳисоблаш миқдорининг 1,0 баравари, бунда кўчмас мулк объектининг кадастр қийматини ҳисоблаш талаб этилганда, базавий ҳисоблаш миқдорининг 2,0 баравари 17. Жисмоний шахсларнинг кўп йиллик дов-дарахтлари давлат реестридан кўчирмалар Базавий ҳисоблаш миқдорининг 3,0 баравари 18. Юридик шахсларнинг кўп йиллик дов-дарахтлари давлат реестридан кўчирмалар Базавий ҳисоблаш миқдорининг 5,0 баравари 19. Кўчмас мулк тарихи тўғрисида маълумотнома бериш Базавий ҳисоблаш миқдорининг 50 фоизи (давлат органлари учун бепул) V. Кўчмас мулк объектларига манзиллар бериш, уларни ўзгартириш ва мавжудлигини бекор қилиш 1. Кўчмас мулк объектларига манзиллар бериш, уларни ўзгартириш Базавий ҳисоблаш миқдорининг 1,0 баравари VI. Кўчмас мулкни бўлиш, бирлаштириш ва унинг янги чегараларини белгилаш 1. Кўчмас мулкни бўлиш ва унинг янги чегараларини белгилаш Базавий ҳисоблаш миқдорининг 1,0 баравари 2. Кўчмас мулкни бирлаштириш ва унинг янги чегараларини белгилаш Базавий ҳисоблаш миқдорининг 1,0 баравари

3. Вазирлар Маҳкамасининг «Аҳоли пунктларида давлат капитал қўйилмалари ҳисобига ичимлик сув таъминотини ва оқова сув хизматини яхшилаш бўйича лойиҳаларни амалга ошириш самарадорлигини таъминлаш чора-тадбирлари тўғрисида» 2015 йил 3 февралдаги 19-сон қарорида :

а) 5-банддаги «Қорақалпоғистон Республикаси Вазирлар Кенгаши, вилоятлар ҳокимликлари ва Ўзбекистон Республикаси Уй-жой-коммунал хизмат кўрсатиш вазирлиги Ўзбекистон Республикаси Қурилиш вазирлиги билан биргаликда» сўзлари «Қорақалпоғистон Республикаси Вазирлар Кенгаши, вилоятлар ҳокимликлари Ўзбекистон Республикаси Қурилиш ва уй-жой коммунал хўжалиги вазирлиги билан биргаликда» сўзлари билан алмаштирилсин;

б) 9-банддаги «Қурилиш вазирлиги» сўзлари «Қурилиш ва уй-жой коммунал хўжалиги вазирлиги» сўзлари билан алмаштирилсин;

в) 3-иловада :

5-банднинг иккинчи , бешинчи ва еттинчи хатбошиларидаги , 7 , 8 , 9-бандлардаги , 10-банднинг биринчи ва бешинчи хатбошиларидаги , 13 ва 14-бандлардаги , 32-банднинг биринчи ва бешинчи — еттинчи хатбошиларидаги , 34-банднинг биринчи хатбошисидаги «Уй-жой коммунал хизмат кўрсатиш вазирлиги» сўзлари «Қурилиш ва уй-жой коммунал хўжалиги вазирлиги» сўзлари билан алмаштирилсин;

18-банд қуйидаги таҳрирда баён этилсин:

«18. Ўзбекистон Республикаси Қурилиш ва уй-жой коммунал хўжалиги вазирлигининг қурилиш соҳасида ҳудудий назорат инспекциялари Вазирлар Маҳкамасининг 2024 йил 17 апрелдаги 214-сон қарори билан тасдиқланган Ўзбекистон Республикаси Қурилиш ва уй-жой коммунал хўжалиги вазирлиги ҳузуридаги Қурилиш ва уй-жой коммунал хўжалиги соҳасида назорат қилиш инспекцияси ҳамда Ўзбекистон Республикаси Қурилиш ва уй-жой коммунал хўжалиги вазирлиги ҳузуридаги Қурилиш ва уй-жой коммунал хўжалиги соҳасида ҳудудий назорат қилиш инспекциялари тўғрисида Намунавий низомларга белгиланган ваколатлар доирасида объектда қурилиш-монтаж ишлари бажарилишининг сифати ва тўлиқлиги юзасидан назоратни амалга оширади»;

24-банддаги «Қурилиш вазирлигининг» сўзлари «Қурилиш ва уй-жой коммунал хўжалиги вазирлигининг» сўзлари билан алмаштирилсин.

4. Вазирлар Маҳкамасининг «Битимларни нотариал тасдиқлаш тартибини идоралараро электрон ҳамкорликни қўллаган ҳолда такомиллаштириш чора-тадбирлари тўғрисида» 2017 йил 27 февралдаги 106-сон қарорида :

а) 2-банднинг иккинчи хатбошиси қуйидаги таҳрирда баён этилсин:

«Кўчмас мулкнинг олди-сотди, айирбошлаш, ҳадя қилиш ва ипотека битимларини идоралараро электрон ҳамкорликни қўллаган ҳолда нотариал тасдиқлаш тартиби тўғрисидаги низом 1-иловага мувофиқ»;

б) 1-иловада :

илованинг номи қуйидаги таҳрирда баён этилсин:

«Кўчмас мулкнинг олди-сотди, айирбошлаш, ҳадя қилиш ва ипотека битимларини идоралараро электрон ҳамкорликни қўллаган ҳолда нотариал тасдиқлаш тартиби тўғрисида

1-банд қуйидаги таҳрирда баён этилсин:

«1. Ушбу Низом Ўзбекистон Республикасининг «Нотариат тўғрисида»ги ва «Электрон ҳукумат тўғрисида»ги қонунларига мувофиқ кўчмас мулкнинг олди-сотди, айирбошлаш, ҳадя қилиш ва ипотека битимларини (кейинги ўринларда — битим) идоралараро электрон ҳамкорликни қўллаган ҳолда нотариал тасдиқлаш тартибини белгилайди»;

1-илованинг илова белгиси қуйидаги таҳрирда баён этилсин:

«Кўчмас мулкнинг олди-сотди, айирбошлаш, ҳадя қилиш ва ипотека битимларини идоралараро электрон ҳамкорликни қўллаган ҳолда нотариал тасдиқлаш тартиби тўғрисидаги низомга 1-илова»;

2-иловада :

илова белгиси қуйидаги таҳрирда баён этилсин:

илова номи қуйидаги таҳрирда баён этилсин:

«Кўчмас мулкнинг олди-сотди, айирбошлаш, ҳадя қилиш ва ипотека битимларини идоралараро электрон ҳамкорликни қўллаган ҳолда нотариал тасдиқлашни амалга оширишга

5. Вазирлар Маҳкамасининг 2018 йил 14 сентябрдаги 733-сон қарори билан тасдиқланган Кўчмас мулкни бошқа шахсга ўтказиш шартномасини нотариал тасдиқлашда ер участкаси, бино ва иншоотлар ҳамда кўп йиллик дов-дарахтлар ҳақида маълумотлар олишнинг маъмурий регламентининг 3-банди қуйидаги таҳрирда баён этилсин:

«3. Ер участкаси, бино ва иншоотлар ҳамда кўп йиллик дов-дарахтлар ҳақидаги маълумотларни олиш ушбу Регламентга 1-иловага мувофиқ схема бўйича амалга оширилади».

6. Вазирлар Маҳкамасининг 2018 йил 26 декабрдаги 1047-сон қарори билан тасдиқланган Жисмоний ва юридик шахсларга етказилган мулкий зарарларни компенсация қилиш бўйича республика ва ҳудудий мақсадли жамғармалар маблағларини шакллантириш ҳамда улардан фойдаланиш тартиби тўғрисидаги низомда :

а) 4-банднинг биринчи хатбошиси «Ер участкаларини» сўзларидан кейин «ёки уларнинг қисмларини» сўзлари билан тўлдирилсин;

б) 11-банд «ер участкаларини» сўзларидан кейин «ёки уларнинг қисмларини» сўзлари билан тўлдирилсин;

в) 1-илованинг номи «Ер участкаларини» сўзларидан кейин «ёки уларнинг қисмларини» сўзлари билан тўлдирилсин.

7. Вазирлар Маҳкамасининг «Кадастр соҳасида айрим давлат хизматлари кўрсатишнинг маъмурий регламентларини тасдиқлаш тўғрисида» 2020 йил 2 сентябрдаги 535-сон қарорида :

а) 1-банд қуйидаги таҳрирда баён этилсин:

«1. Қуйидагилар:

Кўчмас мулк объектига кадастр паспортини бериш бўйича давлат хизматлари кўрсатишнинг маъмурий регламенти 1-иловага мувофиқ;

Кўчмас мулкка бўлган ҳуқуқларни давлат рўйхатидан ўтказиш бўйича давлат хизматлари кўрсатишнинг маъмурий регламенти 2-иловага мувофиқ;

Кўчмас мулкни бўлиш ва унинг янги чегараларини белгилаш бўйича давлат хизматлари кўрсатишнинг маъмурий регламенти 3-иловага мувофиқ;

Кўчмас мулкни бирлаштириш ва унинг янги чегараларини белгилаш бўйича давлат хизматлари кўрсатишнинг маъмурий регламенти 4-иловага мувофиқ;

Кўчмас мулк бўйича кадастр муҳандисининг малака шаҳодатномасини бериш бўйича давлат хизматларини кўрсатишнинг маъмурий регламенти 5а-иловага мувофиқ;

Барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш бўйича давлат хизматлари кўрсатишнинг маъмурий регламенти 5б-иловага;

Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш бўйича давлат хизматлари кўрсатишнинг маъмурий регламенти 5в-иловага мувофиқ;

б) 1-иловада :

1-банд қуйидаги таҳрирда баён этилсин:

«1. Ушбу Регламент ер участкаси, бино ва иншоотлар ҳамда кўп йиллик дов-дарахтларга (кейинги ўринларда — кўчмас мулк объекти) кадастр паспортини бериш бўйича давлат хизматлари кўрсатиш тартибини белгилайди»;

4-банд қуйидаги таҳрирда баён этилсин:

«4. Кўчмас мулк объектига кадастр паспорти қуйидаги ҳолларда расмийлаштирилади:

ер участкалари берилганда (реализация қилинганда);

кўчмас мулк объекти бўйича бирламчи техник инвентаризациядан ўтказиш ишлари бажарилганда;

кадастр йиғмажилди шакллантирилган кўчмас мулк объектида қайта техник инвентаризация ўтказиш натижасида ўзгаришлар аниқланганда (реконструкция, қўшимча иморат қуриш ва (ёки) алоҳида иморат қуриш, бир қисми бузилганда (вайрон бўлганда) ёки йўқ қилинганда);

кўчмас мулк бўлинганда ва унинг янги чегаралари белгиланганда;

кўчмас мулк бирлаштирилганда ва унинг янги чегаралари белгиланганда;

ер участкасининг майдони ёки чегара нуқталари ўзгарганда;

кўчмас мулк объектининг манзили белгиланганда ёки ўзгартирилганда;

ер участкасидан рухсат этилган фойдаланиш асосий тури ёки капитал қурилиш объектининг фойдаланиш мақсади ўзгарганда»;

10-банд қуйидаги таҳрирда баён этилсин:

«10. Ариза берувчилар ўзи келиб мурожаат этган тақдирда, давлат хизматлари марказлари ходими — ариза берувчи номидан, ЯИДХП орқали мурожаат этган тақдирда эса ушбу Регламентга 2-иловага мувофиқ шаклдаги сўровномани электрон шаклда мустақил тўлдиради. Учинчи шахслар манфаати учун ҳаракат қилаётганда, сўровномага белгиланган тартибда расмийлаштирилган ишончнома илова қилинади.

Вафот этган шахс номидан унинг яқин қариндошлари мурожаат қилиши мумкин.

Сўровномага кўчмас мулкка бўлган ҳуқуқларни тасдиқловчи ҳужжат ва янги қурилиш объектларига тасдиқланган лойиҳа ҳужжатлари илова қилинади.

Давлат хизматлари марказлари томонидан ариза берувчидан ушбу бандда кўрсатилмаган маълумотларни ҳамда бошқа ҳужжатларни талаб қилиш қатъиян тақиқланади»;

14-банд қуйидаги таҳрирда баён этилсин:

«14. Филиал зарур ҳолларда ариза берувчи билан келишиб, сўровномада кўрсатилган жойга чиққан ҳолда, объектни техник инвентаризациядан ўтказади ҳамда талаб этилганда кўчмас мулк объектининг манзилини белгилайди ёки ўзгартиради»;

19-банд қуйидаги мазмундаги еттинчи хатбоши билан тўлдирилсин:

«Кўп квартирали уй жойлашган ва унга туташ ер участкаси ҳамда кўп квартирали уйдаги умумий мол-мулкка кадастр паспортини расмийлаштириш учун тўловларни мулкдорлар ёки тегишли кўп квартирали уйнинг бошқариш органи икки йил давомида тенг улушларда бўлиб-бўлиб тўлаши мумкин»;

20-банд қуйидаги таҳрирда баён этилсин:

«20. Тўлов миқдори қуйидаги тартибда тақсимланади:

а) давлат хизматлари марказларига ўзи келиб мурожаат этганда:

15 фоизи — Адлия вазирлигининг Давлат хизматларини ривожлантириш жамғармаси шахсий ҳисобварағига;

10 фоизи — Кадастр агентлигининг бюджетдан ташқари жамғармаси шахсий ҳисобварағига;

0,5 фоизи (ягона биллинг тизими орқали давлат хизмати кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

қолган маблағлар тўлиқ миқдорда Давлат кадастрлари палатасининг Қорақалпоғистон Республикаси, вилоятлар ва Тошкент шаҳар бошқармалари ҳисобварағига ўтказилади;

б) ЯИДХП орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармаси шахсий ҳисобварағига;

11,75 фоизи (шундан 0,5 фоизи — давлат хизмати ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

10 фоизи — Кадастр агентлигининг бюджетдан ташқари жамғармаси шахсий ҳисобварағига;

в) риэлторлик ташкилотлари орқали мурожаат этилганда:

10 фоизи — риэлторлик ташкилотлари ҳисобварағига;

10 фоизи — Кадастр агентлигининг бюджетдан ташқари жамғармаси шахсий ҳисобварағига;

қолган маблағлар тўлиқ миқдорда Давлат кадастрлари палатасининг Қорақалпоғистон Республикаси, вилоятлар ва Тошкент шаҳар бошқармалари ҳисобварағига ўтказилади»;

22 ва 23-бандлар қуйидаги таҳрирда баён этилсин:

«22. Қуйидаги ҳолларда кадастр паспортини расмийлаштириш бепул амалга оширилади:

кўчмас мулк объекти бўйича бирламчи кадастр йиғмажилди (паспорти) мавжуд бўлиб, бегоналаштирилганда ёки объектда ўзгаришлар (реконструкция, қўшимча ва алоҳида қурилиш) мавжуд бўлмаганда;

кўчмас мулк объектининг бир қисми бегоналаштирилганда объектнинг қолган қисмига ёки реконструкциясиз фойдаланиш мақсади ўзгарганда;

ер участкасидан рухсат этилган фойдаланишнинг асосий тури белгиланганда ёки ўзгарганда;

кўчмас мулк объектининг ихтисослашиши реконструкциясиз ўзгартирилганда;

кадастр йиғмажилди (паспорти) йўқолганда (яроқсиз ҳолга келганда ва кўчмас мулк объекти кўрсаткичлари ўзгартирилмасдан).

Ушбу ҳолларда кадастр паспорти уч иш куни мобайнида расмийлаштирилади.

Ушбу банднинг тўртинчи хатбошисида кўрсатилган ҳолларда кадастр паспортини расмийлаштириш ҳамда ихтисослаштирилган объектдаги хоналарнинг фойдаланиш мақсадини белгилаш қурилиш органи томонидан тасдиқланган рухсатнома ва эскиз лойиҳаси асосида амалга оширилади.

23. Қуйидагилар кадастр паспорти беришни рад этиш учун асос бўлади:

сўровномада нотўғри маълумотлар кўрсатилиши;

кўчмас мулк объектларига бўлган ҳуқуқларни белгиловчи ҳужжатлар мавжуд эмаслиги;

кўчмас мулк объектида ўлчов ишларининг олиб борилишига, шу жумладан, кўчмас мулк объектига кириш имкони йўқлиги (фойдаланиб келаётган шахслар томонидан бино ва иншоотга, ер участкасига киришга қаршилик қилиниши бўйича маҳалла раиси иштирокида тузилган далолатнома);

ваколатли орган томонидан кадастр паспортини расмийлаштириш бўйича кўчмас мулк объектига тақиқ ёки хатлов қўйилгани;

бино ва иншоотнинг ихтисослашиши улар жойлашган ер участкасининг фойдаланиш мақсадига мос бўлмаган тарзда ўзгартирилгани;

тақдим этилган ҳужжатларда нотўғри, қарама-қарши маълумотлар аниқланиши;

филиалда ушбу кўчмас мулк объектининг мансублиги масаласида низолар борлигидан далолат берувчи суд ҳужжатларининг мавжудлиги;

филиалда ушбу ер участкаси қонунчилик ҳужжатларида белгиланган тартибда олиб қўйилгани ҳақидаги маълумотларнинг мавжудлиги;

ер участкасига бўлган ҳуқуқларнинг қонунчилик ҳужжатларида назарда тутилган ҳолларда ва тартибда бекор қилингани.

Кадастр паспортини тайёрлаш рад этилганда, ушбу бандда келтирилган рад этишнинг асоси кўрсатилади.

Кадастр паспортини расмийлаштиришни ушбу бандда кўрсатилмаган асослар бўйича рад этиш қатъиян тақиқланади»;

1-илованинг 1-босқич «Тадбирлар» устунидан «1.» рақами чиқариб ташлансин;

в) 2-иловада :

5-банд қуйидаги мазмундаги тўртинчи хатбоши билан тўлдирилсин:

«Ижара ҳуқуқи билан ажратилган ер участкасида жойлашган бино ва иншоотларнинг ихтисослашиши ўзгартирилганда ер участкасининг ҳуқуқ тури ўзгармайди. Бунда ижара шартномасини қайта расмийлаштириш талаб этилмайди, ижара шартномасининг муддати ўтгани бундан мустасно»;

9-банд қуйидаги таҳрирда баён этилсин:

«9. Ариза берувчи ҳуқуқни давлат рўйхатидан ўтказиш учун воситачига мурожаат этганда, воситачи ходими — ариза берувчи номидан, ЯИДХП ёки веб-сайт орқали мурожаат этган тақдирда эса ушбу Регламентга 2-иловадаги шаклга мувофиқ давлат хизматидан фойдаланиш учун аризани электрон шаклда мустақил тўлдиради. Учинчи шахслар манфаати учун ҳаракат қилган тақдирда, сўровномага белгиланган тартибда расмийлаштирилган ишончнома илова қилинади.

Аризага Қонунда назарда тутилган ҳуқуқни белгиловчи ҳужжатлар илова қилинади.

Илова қилинган ҳуқуқни белгиловчи ҳужжатларда бир нечта кўчмас мулкка бўлган ҳуқуқлар юзага келиши, бошқа шахсга ўтиши, чекланиши ва бекор қилиниши белгиланган бўлса, ҳар бир кўчмас мулк бўйича алоҳида ариза берилади.

Ижара ҳуқуқи билан ажратилган ер участкасида жойлашган бино ва иншоотлар тўлиқ бегоналаштирилганда, ер участкасига бўлган ижара ҳуқуқи ҳам бошқа шахсга ўтказилади, кўчмас мулк объектининг бир қисми бегоналаштирилиши, бўлиниши ёки ижара шартномасининг муддати тугаши бундан мустасно.

Бир йилдан кам бўлмаган муддатга тузилган кўчмас мулк объектларини ижарага бериш шартномаси ҳам давлат рўйхатидан ўтказиш учун асос бўлади.

Аризада кўчмас мулк объектининг тури, давлат рўйхатидан ўтказилиши лозим бўлган ҳуқуқ, кўчмас мулк объектининг кадастр рақами кўрсатилади.

Воситачилар томонидан ариза берувчилардан Қонунда ва ушбу бандда назарда тутилмаган маълумот ва ҳужжатларни талаб қилиш қатъиян тақиқланади»;

12-банд қуйидаги таҳрирда баён этилсин:

«12. Йиғим суммаси қуйидаги тартибда тақсимланади:

а) давлат хизматлари марказлари орқали мурожаат этилганда:

18 фоизи — Адлия вазирлигининг Давлат хизматларини ривожлантириш жамғармаси шахсий ҳисобварағига;

10 фоизи — Кадастр агентлигининг бюджетдан ташқари жамғармаси шахсий ҳисобварағига;

қолган маблағнинг 10 фоизи рўйхатдан ўтказувчи орган ҳисобварағига, 90 фоизи тегишлилиги бўйича ҳудудий бошқармаларнинг ҳисобварағига ўтказилади;

б) нотариал идоралар ёки нотариуслар орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармаси шахсий ҳисобварағига;

10 фоизи — Кадастр агентлигининг бюджетдан ташқари жамғармаси шахсий ҳисобварағига;

в) Давлат активларини бошқариш агентлиги, риэлторлик ташкилотлари ва тижорат банклари орқали мурожаат этилганда:

10 фоизи — Кадастр агентлигининг бюджетдан ташқари жамғармаси шахсий ҳисобварағига;

г) ЯИДХП орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармаси шахсий ҳисобварағига;

10 фоизи — Кадастр агентлигининг бюджетдан ташқари жамғармаси шахсий ҳисобварағига;

д) рўйхатдан ўтказувчи органнинг веб-сайти орқали мурожаат этилганда:

10 фоизи — Кадастр агентлигининг бюджетдан ташқари жамғармаси шахсий ҳисобварағига;

қолган маблағнинг 10 фоизи рўйхатдан ўтказувчи орган ҳисобварағига, 90 фоизи тегишлилиги бўйича ҳудудий бошқармаларнинг ҳисобварағига ўтказилади.

Кўп квартирали уй жойлашган ва унга туташ ер участкаси ҳамда кўп квартирали уйдаги умумий мол-мулкка бўлган ҳуқуқларни мулкдорларнинг номига давлат рўйхатидан ўтказиш учун тўловларни мулкдорлар ёки тегишли кўп квартирали уйнинг бошқариш органи икки йил давомида тенг улушларда бўлиб-бўлиб тўлаши мумкин.

Доимий яшаш жойи бўйича рўйхатга олиш учун давлат божи суммаси Вазирлар Маҳкамасининг 2018 йил 22 октябрдаги 845-сон қарори билан тасдиқланган Ўзбекистон Республикаси фуқароларини доимий яшаш жойи ва вақтинча турган жойи бўйича рўйхатга олиш тартиби тўғрисидаги низом ҳамда 2019 йил 28 декабрдаги 1049-сон қарори билан тасдиқланган Ўзбекистон Республикаси фуқароларини Тошкент шаҳри ва Тошкент вилоятида доимий яшаш ва вақтинча турган жойи бўйича рўйхатга олиш тартиби тўғрисидаги низомда белгиланган тартибда тақсимланади»;

15-бандда :

учинчи хатбоши чиқариб ташлансин;

тўртинчи — саккизинчи хатбошилар тегишлича учинчи — еттинчи хатбошилар деб ҳисоблансин;

г) 3-иловада :

1 ва 2-бандлар қуйидаги таҳрирда баён этилсин:

«1. Ушбу Регламент:

жисмоний ва юридик шахсларга мулк ҳуқуқи асосида тегишли бўлган айрим бинолар ва иншоотларга ёки уларнинг бир қисмига бўлган ҳуқуқнинг бошқа шахсга ўтиши муносабати билан ушбу бино ва иншоотлар жойлашган доимий фойдаланиш, ижара, мерос қилиб қолдириладиган умрбод эгалик қилиш ва мулк ҳуқуқидаги ер участкаларини;

мулк ёки ижара ҳуқуқида тегишли ер участкасини;

жисмоний ва юридик шахсларга ижара, доимий фойдаланиш, мерос қилиб қолдириладиган умрбод эгалик қилиш ҳуқуқларида тегишли бўлган ер участкаларини (бунда янги шаклланаётган ер участкаларининг ҳар бирида бино ва иншоотларнинг мавжуд бўлиши);

ҳуқуқ эгасининг мулк ҳуқуқида тегишли бино ва иншоотларни алоҳида қисмларга бўлиш бўйича мурожаатига асосан кўчмас мулкни бўлиш ва унинг янги чегараларини белгилаш далолатномасини (кейинги ўринларда — далолатнома) расмийлаштириш бўйича давлат хизматларини кўрсатиш тартибини белгилайди.

2. Ушбу Регламент кўп квартирали уй жойлашган ва унга туташ ер участкаларига, муддатли (вақтинча) фойдаланиш ҳуқуқида бўлган ер участкаларига, ҳуқуқи давлат рўйхатидан ўтказилмаган кўчмас мулкларга, шунингдек, кўп квартирали уйлардаги квартиралар ва қурилиши тугалланмаган объектларга нисбатан татбиқ этилмайди»;

5 ва 6-бандлар қуйидаги таҳрирда баён этилсин:

«5. Умумий биргаликдаги мулкни бўлиш ушбу умумий мулк иштирокчилари ўртасидаги келишувга ёки суд қарорига асосан амалга оширилади.

6. Кўчмас мулкни бўлиш далолатномасини расмийлаштиришда:

а) янги ташкил этилаётган кўчмас мулклар ўзининг асосий фойдаланиш мақсадини ўзгартирмаган бўлиши;

б) бўлиш ер участкасига нисбатан амалга оширилганда ер участкаси бўлинадиган бўлиши;

в) ер участкалари ёнғинга қарши, санитария, экологияга оид, шаҳарсозлик регламентларини, шаҳарсозлик ҳамда бошқа мажбурий нормалар ва қоидаларни бузмаган ҳолда янгидан ташкил этилиши ҳамда бўлиш амалга оширилганидан кейин ҳосил бўлган қисмларнинг ҳар бири мустақил ер участкасини ташкил этиши;

г) ер участкаларининг эгалари ёки ундан фойдаланувчилар мустақил равишда ер участкасига умумий фойдаланишдаги ер участкаси орқали ўтиш имконидан маҳрум бўлиб қоладиган бўлса, ер участкаси бўлинишига йўл қўйилмайди;

д) ер участкасининг янги чегаралари унинг бўлинишидан аввалги чегаралари асосида белгиланиши лозим, бунда янги ер участкаларининг майдонлари йиғиндиси ҳамда чегаралари аввалги чегара ва майдондан фарқ қилишига йўл қўйилмайди;

е) кўчмас мулкни бўлиш Кўчмас мулк объектларига бўлган ҳуқуқлар давлат реестрида кўрсатилган майдон ва чегаралар доирасида амалга оширилиши зарур»;

12-банд қуйидаги таҳрирда баён этилсин:

«12. Далолатнома расмийлаштириш бўлинаётган кўчмас мулкка бўлган ҳуқуқ эгасининг кўчмас мулкни алоҳида қисмларга бўлиш ҳақидаги сўровномаси асосида амалга оширилади.

Кўчмас мулкка бўлган ҳуқуқ эгасининг ўзига мулк ҳуқуқида тегишли бўлмаган тақдирда, сўровномага белгиланган тартибда расмийлаштирилган мулкдорнинг кўчмас мулкни бўлиш бўйича розилиги илова қилинади.

Мулк ҳуқуқида тегишли якка тартибда уй-жой бўлган кўчмас мулкни ёки унинг бир қисмини бошқа шахсга ўтказиш нотариал тартибда амалга оширилади.

Учинчи шахслар манфаати учун ҳаракат қилинаётганда сўровномага белгиланган тартибда расмийлаштирилган ишончнома илова қилинади.

Давлат хизматлари маркази томонидан ариза берувчидан ушбу бандда кўрсатилмаган бошқа ҳужжатларни талаб қилиш қатъиян тақиқланади»;

18-бандда :

«а» кичик бандда :

қуйидаги мазмундаги тўртинчи хатбоши билан тўлдирилсин:

«10 фоизи — Кадастр агентлигининг бюджетдан ташқари жамғармаси шахсий ҳисобварағига»;

тўртинчи хатбоши бешинчи хатбоши деб ҳисоблансин;

«б» кичик бандда :

тўртинчи хатбошидаги «Электрон» сўзи «Рақамли» сўзи билан алмаштирилсин;

қуйидаги мазмундаги бешинчи хатбоши билан тўлдирилсин:

«10 фоизи — Кадастр агентлигининг бюджетдан ташқари жамғармаси шахсий ҳисобварағига»;

бешинчи хатбоши олтинчи хатбоши деб ҳисоблансин;

«в» кичик бандда :

қуйидаги мазмундаги учинчи хатбоши билан тўлдирилсин:

«10 фоизи — Кадастр агентлигининг бюджетдан ташқари жамғармаси шахсий ҳисобварағига»;

учинчи-тўртинчи хатбошилар тегишлича тўртинчи-бешинчи хатбошилар деб ҳисоблансин;

27-банд қуйидаги таҳрирда баён этилсин:

«27. Қуйидагилар давлат хизмати кўрсатишни рад этиш учун асос ҳисобланади:

ушбу Регламентнинг 1, 2, 5 ва 6-бандларида назарда тутилган талабларга мувофиқ эмаслиги;

сўровномада нотўғри маълумотлар кўрсатилиши;

далолатнома ҳуқуқ эгалари томонидан белгиланган муддатда имзоланмагани;

ер участкасига бўлган ҳуқуқларнинг давлат рўйхатидан ўтказилмагани;

ер участкасида жойлашган бино ва иншоотларга бўлган ҳуқуқларнинг давлат рўйхатидан ўтказилмагани;

кўчмас мулкнинг ҳақиқий ҳолати Кўчмас мулкка бўлган ҳуқуқлар давлат реестридаги маълумотлардан фарқ қилиши;

филиал ҳамда қурилиш ва уй-жой коммунал хўжалиги бўлимлари вакилига кўчмас мулкни кўздан кечириш учун имконият яратилмагани;

кўчмас мулкнинг ҳуқуқ эгаларидан бири томонидан далолатномани имзолашдан бош тортгани;

давлат рўйхатидан ўтказувчи органда ушбу кўчмас мулк объектининг мансублиги масаласида низолар борлигидан далолат берувчи суд ҳужжатлари ва сўровномаларининг мавжудлиги;

ваколатли орган томонидан кўчмас мулк объектига тақиқ ёки хатлов қўйилгани.

Давлат хизмати кўрсатишни бошқа асосларга кўра рад этиш қатъиян тақиқланади»;

д) 4-иловада :

1 — 3-бандлар қуйидаги таҳрирда баён этилсин:

«1. Ушбу Регламент жисмоний ва юридик шахсларга доимий фойдаланиш, ижара, мерос қилиб қолдириладиган умрбод эгалик қилиш, мулк ҳуқуқи асосида тегишли бўлган ер участкаларини, мулк ҳуқуқидаги бинолар ва иншоотларни уларнинг мурожаатига асосан бирлаштириш ва бирлаштирилиши натижасида ҳосил бўлган мулкнинг янги чегараларини белгилаш далолатномасини (кейинги ўринларда — далолатнома) расмийлаштириш бўйича давлат хизматлари кўрсатиш тартибини белгилайди.

2. Ушбу Регламент кўп квартирали уй жойлашган ва унга туташ ер участкаларига, ҳуқуқи давлат рўйхатидан ўтказилмаган кўчмас мулкларга, шунингдек, кўп квартирали уйлардаги квартиралар ва қурилиши тугалланмаган объектларга нисбатан татбиқ этилмайди.

3. Кўчмас мулкни бирлаштириш ва унинг янги чегараларини белгилаш ҳуқуқ эгасига доимий фойдаланиш, ижара, мерос қилиб қолдириладиган умрбод эгалик қилиш, мулк ҳуқуқи асосида тегишли бўлган ҳолларда амалга оширилади»;

7-банд қуйидаги таҳрирда баён этилсин:

«7. Кўчмас мулкни бирлаштириш далолатномасини расмийлаштиришда қуйидагилар талаб этилади:

а) янги ташкил этилаётган кўчмас мулклар ўзининг асосий фойдаланиш мақсадини ўзгартирмаган бўлиши;

б) бирлаштириш ер участкасига нисбатан амалга оширилганда, ер участкаси бирлаштириладиган бўлиши;

в) кўчмас мулк ёнғинга қарши, санитария, экологияга оид, шаҳарсозлик ҳамда бошқа мажбурий нормалар ва қоидаларни бузмаган ҳолда янгидан ташкил этилиши;

г) кўчмас мулкнинг янги чегаралари унинг бирлаштирилишидан аввалги чегаралари асосида белгиланиши, бунда янги кўчмас мулкнинг майдонлари йиғиндиси ҳамда чегаралари аввалги чегара ва майдондан фарқ қилишига йўл қўйилмаслиги;

д) кўчмас мулкни бирлаштириш Кўчмас мулк объектларига бўлган ҳуқуқлар давлат реестрида кўрсатилган майдон ва чегаралар доирасида амалга оширилиши;

е) кўчмас мулкнинг фойдаланиш мақсади, ер участкасининг рухсат этилган фойдаланиш асосий тури, ҳуқуқ тури бир хил бўлиши ҳамда бир маъмурий ҳудудда жойлашган ва умумий чегарага эга бўлиши»;

13-банд қуйидаги таҳрирда баён этилсин:

«13. Далолатнома расмийлаштириш бирлаштирилаётган кўчмас мулкларнинг ҳуқуқ эгалари сўровномаси асосида амалга оширилади.

Кўчмас мулк ҳуқуқ эгасининг ўзига мулк ҳуқуқида тегишли бўлмаган тақдирда, сўровномага белгиланган тартибда расмийлаштирилган мулкдорнинг кўчмас мулкни бирлаштириш бўйича розилиги илова қилинади.

19-бандда :

«а» кичик бандда :

қуйидаги мазмундаги тўртинчи хатбоши билан тўлдирилсин:

«10 фоизи — Кадастр агентлигининг бюджетдан ташқари жамғармаси шахсий ҳисобварағига»;

тўртинчи хатбоши бешинчи хатбоши деб ҳисоблансин;

«б» кичик бандда :

тўртинчи хатбошидаги «Электрон» сўзи «Рақамли» сўзи билан алмаштирилсин;

қуйидаги мазмундаги бешинчи хатбоши билан тўлдирилсин:

«10 фоизи — Кадастр агентлигининг бюджетдан ташқари жамғармаси шахсий ҳисобварағига»;

бешинчи хатбоши олтинчи хатбоши деб ҳисоблансин;

«в» кичик бандда :

қуйидаги мазмундаги учинчи хатбоши билан тўлдирилсин:

«10 фоизи — Кадастр агентлигининг бюджетдан ташқари жамғармаси шахсий ҳисобварағига»;

учинчи ва тўртинчи хатбошилар тегишлича тўртинчи ва бешинчи хатбошилар деб ҳисоблансин;

20-банднинг биринчи хатбошисидаги «7-бандининг «д», «е» сўзлари «7-бандининг «г», «д», «е» сўзлари билан алмаштирилсин;

28-банд қуйидаги таҳрирда баён этилсин:

«28. Қуйидагилар давлат хизмати кўрсатишни рад этиш учун асос ҳисобланади:

ушбу Регламентнинг 2, 3, 6 ва 7-бандларида назарда тутилган талабларга мувофиқ эмаслиги;

сўровномада нотўғри маълумотлар кўрсатилиши;

далолатнома ҳуқуқ эгалари томонидан белгиланган муддатда имзоланмагани;

ер участкасига бўлган ҳуқуқларнинг давлат рўйхатидан ўтказилмагани;

ер участкасида жойлашган бино ва иншоотларга бўлган ҳуқуқларнинг давлат рўйхатидан ўтказилмагани;

кўчмас мулкнинг ҳақиқий ҳолати кўчмас мулкка бўлган ҳуқуқлар давлат реестридаги маълумотлардан фарқ қилиши;

кўчмас мулкнинг ҳуқуқ эгаларидан бири далолатномани имзолашдан бош тортгани;

ваколатли орган томонидан кўчмас мулк объектига тақиқ ёки хатлов қўйилгани.

Давлат хизмати кўрсатишни бошқа асосларга кўра рад этиш қатъиян тақиқланади»;

е) 5а-илова қуйидаги таҳрирда баён этилсин:

«Вазирлар Маҳкамасининг 2020 йил 2 сентябрдаги 535-сон қарорига 5а-ИЛОВА

Кўчмас мулк бўйича кадастр муҳандисининг малака шаҳодатномасини бериш бўйича давлат хизматларини кўрсатишнинг

1-боб. Умумий қоидалар

1. Мазкур Маъмурий регламент кўчмас мулк бўйича кадастр муҳандисининг малака шаҳодатномасини бериш бўйича давлат хизматларини кўрсатиш тартибини белгилайди.

2. Мазкур Регламентда қуйидаги асосий тушунчалардан фойдаланилади:

кўчмас мулк бўйича кадастр муҳандиси (кейинги ўринларда — кадастр муҳандиси) — юридик шахслар билан меҳнат шартномасини тузиш орқали ёки якка тартибдаги тадбиркор сифатида фаолият юритувчи кадастр муҳандиси малака шаҳодатномасига эга жисмоний шахс;

малака имтиҳони — кадастр муҳандисига қўйилган талабларга талабгорнинг мос келишини текширишга йўналтирилган, малака имтиҳони комиссияси томонидан ўтказиладиган имтиҳон;

малака шаҳодатномаси — малака имтиҳонини муваффақиятли топширган талабгорнинг малакасини тасдиқловчи ҳужжат;

талабгор — кадастр муҳандиси малака шаҳодатномасини олишга талабгор бўлган жисмоний шахс.

3. Кадастр муносабатлари соҳасидаги тайёрлаш курсларида ўқиш Тошкент геодезия ва картография коллежининг Кадрларни қайта тайёрлаш ва уларнинг малакасини ошириш маркази (кейинги ўринларда — ўқув маркази) томонидан ташкил этилади.

4. Малака имтиҳонини топшириш учун талабгорлар қуйидаги талабларга жавоб бериши лозим:

геодезия, картография ва кадастр, бино ва иншоотлар қурилиши, қурилиш экспертизаси, кўчмас мулк экспертизаси, архитектура (меъморчилик), ер тузиш ва ер кадастри, амалий геодезия, геодезия ишлари техниги, геодезия ва геоинформатика, шаҳар қурилиши ва хўжалиги, саноат ва фуқаро қурилиши, инфратузилма объектларини қуриш (иншоотлар тури бўйича) йўналишлари бўйича олий маълумотга эга бўлиши;

5. Кадастр муҳандиси Қорақалпоғистон Республикаси, вилоятлар ҳамда Тошкент шаҳри ҳудудида фаолият юритади.

Бунда кадастр муҳандиси ўз фаолиятини амалга ошириш учун юридик шахслар билан меҳнат шартномаси тузади ёки якка тартибдаги тадбиркор сифатида амалга оширади.

2-боб. Малака имтиҳонини топшириш

6. Малака имтиҳонини ўтказиш учун Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги (кейинги ўринларда — Агентлик) директорининг буйруғи билан беш кишидан кам бўлмаган тоқ сонли таркибда малака имтиҳони комиссияси тузилади.

Давлат кадастрлари палатаси (кейинги ўринларда — Палата) раиси малака имтиҳони комиссияси раиси ҳисобланади.

Давлат кадастрлари палатасининг масъул ходими комиссия котиби ҳисобланади.

Малака имтиҳони комиссиясининг таркиби Агентлик ва Палата масъул ходимлари ҳамда Ўзбекистон Савдо-саноат палатасининг масъул вакилларидан шакллантирилади.

7. Малака имтиҳони комиссиясининг таркиби доимий ҳисобланади.

Агентлик малака имтиҳони комиссиясининг таркибини шакллантириш учун Палата ва Ўзбекистон Савдо-саноат палатасига ёзма шаклда мурожаат қилади.

Комиссия ишчи органи вазифаси Палата томонидан амалга оширилади.

8. Малака имтиҳони комиссияси қарорлари баённома билан расмийлаштирилади ва комиссия раиси томонидан тасдиқланади.

Бунда комиссия мажлиси комиссия аъзоларининг камида учдан икки қисми (кворум) иштирок этган тақдирда, ваколатли ҳисобланади. Комиссия мажлисини ўтказиш учун кворум шаклланмаган тақдирда, комиссиянинг янги мажлиси ўтказиладиган сана ва вақти эълон қилинади.

9. Кўчмас мулк бўйича кадастр муҳандисининг малакасини ошириш ва уларга малака шаҳодатномасини бериш ушбу Регламентга 1-иловада келтирилган схема асосида амалга оширилади.

10. Талабгор малака имтиҳонини топшириш учун давлат хизматлари марказлари, Ягона интерактив давлат хизматлари портали (кейинги ўринларда — ЯИДХП) ёки Агентликнинг расмий веб-сайти орқали мазкур Регламентга 2-иловага мувофиқ шаклдаги аризани ҳамда ушбу Регламентнинг 4-бандида келтирилган мутахассисликлардан бири бўйича олий маълумот тўғрисидаги диплом нусхаси ёки хорижий давлатда олий таълим олганлик тўғрисидаги ҳужжатни тан олиш ҳақидаги гувоҳнома нусхасини pdf форматида тақдим этади.

Талабгор тақдим этган ҳужжатлар тўлиқ ва улардаги маълумотлар тўғри бўлиши зарур.

Талабгордан мазкур бандда назарда тутилмаган ҳужжатларни талаб қилишга йўл қўйилмайди.

11. Мазкур Регламентнинг 10-бандида кўрсатилган ҳужжатлардан ташқари қолган зарур бўлган ҳужжат ва маълумотларни, хусусан, талабгорнинг шахсини тасдиқловчи ҳужжат ва меҳнат дафтарчаларининг маълумотлари Агентлик томонидан тегишли давлат органлари ва ташкилотларидан мустақил равишда, шу жумладан, «Рақамли ҳукумат» тизими идоралараро интеграциялашув платформаси орқали сўраб олинади.

12. Агентлик ариза тушган кундан бошлаб уч иш куни ичида талабгорга малака имтиҳонини топширишга рухсат бериш ёки рад этиш ҳақида қарор қабул қилади.

13. Агентлик қуйидаги асосларга кўра малака имтиҳонини топширишга рухсат беришни рад этади:

талабгор мазкур Регламентнинг 4-банди талабларига жавоб бермаганда;

талабгор тақдим қилган ҳужжатлар тўлиқ бўлмаганда ёки нотўғри маълумотлар тақдим қилгани аниқланганда;

давлат хизматларини кўрсатиш учун йиғимни тўламаслик (бунда давлат хизматидан фойдаланиш учун хабарномада кўрсатилган тўлов миқдори бир ой мобайнида тўланмаган буюртмалар автоматик рад этилади).

Бошқа асосларга кўра малака имтиҳонини топширишни рад этишга йўл қўйилмайди.

14. Талабгорнинг малака имтиҳонини топшириши рад этилган тақдирда, Агентлик томонидан тегишли қарор қабул қилинади ва талабгор рад этиш сабаблари кўрсатилган ҳолда, қабул қилинган қарор ҳақида бир иш куни ичида талабгор ариза ва ҳужжатларни Агентликка тақдим этган усулда хабардор қилинади.

15. Малака имтиҳонини топширишга рухсат беришда рад этишга сабаб бўлган камчиликларни бартараф этиш учун талабгорга беш иш кунлик муддат берилади.

Белгиланган муддатда талабгор томонидан камчиликлар бартараф этилмаса, имтиҳон топширишга рухсат этилмайди ва унинг аризаси рад этилади.

16. Талабгорнинг малака имтиҳонини топширишига рухсат бериш ҳақида қарор қабул қилинганида талабгор малака имтиҳонини топширишга рухсат берилган шахслар рўйхатига киритилади ва рўйхат малака имтиҳони бошланишидан олдин малака имтиҳони комиссиясига топширилади.

Малака имтиҳонига қўйилган ва мурожаатлари рад этилган талабгорлар рўйхати ҳамда малака имтиҳонини ўтказиш бўйича баённома комиссия томонидан расмийлаштирилади ва комиссия раиси томонидан тасдиқланади.

17. Малака имтиҳонига қўйилган талабгор малака имтиҳонини ўтказиш санаси, вақти ва жойи ҳақида имтиҳон ўтказиладиган кундан камида беш кун олдин мобил телефони (мавжуд бўлганда), почта ёки электрон алоқа воситаси орқали хабардор қилинади.

Малака имтиҳонини ўтказиш куни, вақти ва жойи тўғрисида маълумот ваколатли органнинг расмий веб-сайтида мавжуд имтиҳон санасидан беш кун олдин жойлаштирилади.

Малака имтиҳонини ташкил этиш ва ўтказиш, шу жумладан, имтиҳон саволларини тузиш ва қайта ишлаш ҳамда натижаларини текширишни амалга ошириш учун талабгорлар томонидан базавий ҳисоблаш миқдорининг бир баравари миқдорида, ЯИДХП орқали мурожаат этилганда ушбу сумманинг 90 фоизи миқдорида тўлов амалга оширилади.

Тўлов миқдори қуйидаги тартибда тақсимланади:

а) давлат хизматлари марказларига ўзи келиб мурожаат этганда:

18 фоизи — Адлия вазирлигининг Давлат хизматларини ривожлантириш жамғармаси шахсий ҳисобварағига;

10 фоизи — Кадастр агентлигининг бюджетдан ташқари жамғармаси шахсий ҳисобварағига;

қолган маблағлар тўлиқ миқдорда Палатанинг ҳисобварағига ўтказилади;

б) ЯИДХП орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармаси шахсий ҳисобварағига;

10 фоизи — Кадастр агентлигининг бюджетдан ташқари жамғармаси шахсий ҳисобварағига;

қолган маблағлар тўлиқ миқдорда Палатанинг ҳисобварағига ўтказилади;

в) Агентликнинг расмий веб-сайти орқали мурожаат этилганда:

10 фоизи — Кадастр агентлигининг бюджетдан ташқари жамғармаси шахсий ҳисобварағига;

қолган маблағлар тўлиқ миқдорда Палатанинг ҳисобварағига ўтказилади.

Тўловлар давлат хизматлари кўрсатилгани учун тўланган давлат божлари ва йиғимлар суммаси ҳисобини юритувчи Ягона биллинг тизими орқали амалга оширилади.

18. Малака имтиҳонини ўтказиш тўғрисидаги маълумот уни ўтказиш ҳақидаги қарор қабул қилинган кунда Агентлик ва Палатанинг расмий веб-сайтига жойлаштирилади.

19. Малака имтиҳони гуруҳлар шаклланишига кўра, лекин камида бир ойда бир маротаба ўтказилиши лозим.

20. Малака имтиҳони комиссиясининг таркиби, иш регламенти, шунингдек, тест саволлари Агентлик директори томонидан тасдиқланади.

21. Малака имтиҳонини топширишда талабгорлар Ўзбекистон Республикаси фуқаросининг биометрик паспорти, Ўзбекистон Республикаси фуқаросининг идентификацияловчи ID-картаси ёки шахсини тасдиқловчи бошқа ҳужжатни тақдим этади.

22. Талабгор Ўзбекистон Республикаси фуқаросининг биометрик паспорти, Ўзбекистон Республикаси фуқаросининг идентификацияловчи ID-картаси ёки шахсини тасдиқловчи бошқа ҳужжатни тақдим қилмаганда ёхуд малака имтиҳонига кечиккан тақдирда, имтиҳонга қўйилмайди ва малака имтиҳонига келмаган ҳисобланади.

23. Малака имтиҳонига кечиккан талабгор навбатдаги малака имтиҳонидаги талабгорлар рўйхатига киритилади ва бу ҳақда мобил телефони, почта ёки электрон алоқа воситаси орқали икки иш кунидан кечиктирмай хабардор қилинади.

24. Агарда талабгор тегишли тарзда хабардор қилинганидан кейин икки маротаба малака имтиҳонини топшириш учун келмаса, навбатдаги малака имтиҳонидаги талабгорлар рўйхатига киритилмайди. Бундай ҳолларда талабгор малака имтиҳонидан ўтиш учун қайтадан ариза билан мурожаат қилиши лозим.

25. Малака имтиҳони тест синови усулида, компьютер техникасидан фойдаланган ҳолда, талабгорнинг танловига кўра ўзбек тилида ёки заруратга кўра рус тилида ҳам ўтказилади.

26. Малака имтиҳонининг шаффофлиги ва холислигини таъминлаш мақсадида имтиҳон жараёнлари узлуксиз видеотасвирга (овозли) туширилади ва видеотасвир камида бир йил сақланади.

27. Тест саволларини тайёрлаш жараёнида фойдаланилган мавзулар Агентлик ва Палата расмий веб-сайтига жойлаштирилади.

Тест саволлари қонунчилик ҳужжатларига киритилган ўзгартириш ва қўшимчаларни ҳисобга олган ҳолда янгилаб борилади.

28. Тест синови соҳага оид 75 та саволдан иборат бўлади.

Талабгорга малака имтиҳонини топшириш умумий имтиҳон вақти давомийлиги 60 дақиқани ташкил этади.

29. Тест синовлари ўтказиладиган хонага жадвал, китоб, уяли телефон ва шпаргалкалар олиб кириш, бошқа талабгорлар билан суҳбатлашиш тақиқланади.

Ушбу талабларни бузган талабгорлар тест синовлари ўтказиладиган хонадан чиқариб юборилади ва малака имтиҳонидан ўтмаган ҳисобланади.

30. Малака имтиҳони тест синови натижалари тест синови якуни билан эълон қилинади.

Малака имтиҳони ўтказилган кундан бошлаб икки иш куни ичида малака имтиҳони комиссиясининг тест синови натижалари қайд этилган баённомаси расмийлаштирилади ва комиссия раиси томонидан тасдиқланади.

31. Малака имтиҳони натижалари ҳамда малака имтиҳони комиссиясининг баённомаси Палатада сақланиши лозим.

32. Талабгорнинг тўғри жавоблар бўйича якуний натижаси 70 фоиз ва ундан юқори кўрсаткични ташкил қилган бўлса, у малака имтиҳонини муваффақиятли топширган ҳисобланади.

33. Малака имтиҳонидан ўтмаган талабгорлар уни навбатдаги малака имтиҳонида такроран топшириш ҳуқуқига эга, бироқ шу куннинг ўзида қайта топширишга йўл қўйилмайди.

Талабгор навбатдаги малака имтиҳонини қайта топширишига қадар тақдим қилинган ҳужжатлар Палатада сақланади.

34. Малака имтиҳонини муваффақиятли топширган талабгорларга малака шаҳодатномаси берилади.

35. Кадастр муҳандисларини Кадастр агентлигининг ўқув марказида ўқитиш ва доимий тарзда (уч йилда бир маротаба) малакасини ошириб бориш лозим.

3-боб. Апелляцияни кўриб чиқиш

36. Малака имтиҳонидан ўтмаган талабгор имтиҳон ўтказилган кундан бошлаб ўн кун муддатда Агентликка апелляция бериш ҳуқуқига эга. Апелляция ёзма ёки электрон алоқа воситалари орқали тақдим этилади.

37. Агентлик бир иш куни муддатида апелляцияни малака имтиҳони комиссиясига тақдим этади.

Малака имтиҳони комиссияси уч иш кунида апелляцияни кўриб чиқади ва Агентликка қабул қилинган қарор ҳақида хабар беради.

Агентлик малака имтиҳони комиссиясининг қарори тўғрисида талабгорга бир иш куни муддатида хабар беради.

38. Малака имтиҳони комиссияси томонидан апелляцияни кўриб чиқиш натижалари бўйича қуйидаги қарорлардан бири қабул қилинади:

апелляцияни қаноатлантириш ва талабгорни малака имтиҳонини муваффақиятли топширган деб ҳисоблаш тўғрисида;

малака имтиҳони натижаларини ўзгаришсиз қолдириш ва апелляцияни қаноатлантиришни рад этиш тўғрисида.

39. Малака имтиҳони натижаларини ўзгаришсиз қолдириш ва апелляцияни қаноатлантиришни рад этиш тўғрисидаги қарор апелляцияда кўрсатилган асослар ўз тасдиғини топмаган ҳолларда қабул қилинади.

40. Агентликнинг қароридан норози бўлган талабгорлар қонунчилик ҳужжатларида белгиланган тартибда судга мурожаат қилишлари мумкин.

4-боб. Малака шаҳодатномасини расмийлаштириш ва бериш

41. Малака шаҳодатномаси мазкур Регламентга 3-иловада келтирилган шаклда расмийлаштирилади ва Тошкент шаҳар ва бутун республика бўйича амал қилади.

42. Малака шаҳодатномаси Агентлик ахборот тизимининг электрон ҳужжатлар базасида шакллантирилиб, веб-сайти орқали ноёб идентификация рақамини киритиш ёки электрон ҳужжатда жойлашган QR-кодни сканер қилиш йўли билан текшириш имконияти бўлади.

43. Малака шаҳодатномаси Агентлик томонидан малака имтиҳони комиссиясининг баённомаси олинганидан бошлаб беш кун ичида расмийлаштирилади ва талабгор ариза ва ҳужжатларни Агентликка тақдим этган усулда электрон кўринишда талабгорга тақдим этилади.

44. Агар талабгор малака шаҳодатномасини олган кундан бошлаб бир йил мобайнида ўз фаолиятини амалга оширмаган бўлса, Агентлик мазкур шаҳодатномани бекор қилиш тўғрисида қарор қабул қилишга ҳақли.

5-боб. Малака шаҳодатномасини қайта расмийлаштириш

45. Кадастр муҳандисининг фамилияси ёки исми ёхуд отасининг исми ўзгарган тақдирда, у тегишли ўзгартиришларни тасдиқловчи ҳужжатлар берилган санадан бошлаб икки ой ичида Агентликка мазкур Регламентга 2-иловада келтирилган шаклда ариза билан мурожаат қилади.

Бунда аризага тегишли ўзгаришларни тасдиқловчи ҳужжатларнинг нусхалари илова қилинади.

46. Малака шаҳодатномасининг қайта расмийлаштирилиши кадастр муҳандиси томонидан ариза берилган вақтдан бошлаб беш иш куни ичида амалга оширилади.

47. Янги малака шаҳодатномада қайта расмийлаштирилаётган малака шаҳодатномасининг рақами қўшимча тарзда қайд қилинади.

48. Кадастр муҳандиси йўқотилган ёки яроқсиз ҳолга келган малака шаҳодатномаси ўрнига Агентлик ахборот тизимининг электрон ҳужжатлар репозиторийси веб-сайти орқали ноёб идентификация рақамини киритиш ёки электрон ҳужжатда жойлашган QR-кодни сканер қилиш йўли билан малака шаҳодатномасини қайта юклаб олиши мумкин.

6-боб. Малака шаҳодатномаси амал қилишини тугатиш ва уни бекор қилиш

49. Кадастр муҳандисининг ташаббуси билан малака шаҳодатномасини тугатиш ва бекор қилиш Агентлик томонидан белгиланган тартибда амалга оширилади.

Ваколатли органлар ташаббуси билан малака шаҳодатномасини тугатиш ва бекор қилиш фақат суд тартибида амалга оширилади.

50. Қуйидагилар малака шаҳодатномаси амал қилишини тугатиш учун асос бўлади:

кадастр муҳандисининг аризаси;

кадастр муҳандиси фаолиятини амалга оширишда қонунчилик ҳужжатларини бузиш;

кадастр йиғмажилди тайёрлашда, унинг қаватма-қават режаларини тузишда, техник режаларни расмийлаштиришда, шунингдек, унинг техник ҳисобга қўйиш ишларини амалга оширишда нотўғри маълумот бериш;

шахсни белгиланган тартибда муомалага лаёқатсиз ёки муомалага лаёқати чекланган деб эътироф этиш тўғрисидаги суд қарори.

51. Малака шаҳодатномасининг амал қилиши уни тугатиш тўғрисидаги қарор қабул қилинган санадан бошлаб тугатилади.

52. Малака шаҳодатномаси қуйидаги ҳолларда бекор қилинади:

Агентликнинг малака шаҳодатномасини бериш тўғрисидаги қарори ноқонуний эканлиги аниқланганда;

малака шаҳодатномаси сохта ҳужжатлардан фойдаланган ҳолда олингани факти аниқланганда;

ушбу Регламентнинг 50-бандида назарда тутилган асослар мавжудлиги.

53. Малака шаҳодатномасини бекор қилиш тўғрисидаги қарор ушбу қарор қонуний кучга кирган санадан бошлаб амал қилади.

54. Қонунчилик ҳужжатлари талабларини бузгани учун малака шаҳодатномасининг амал қилиши тугатилган кадастр муҳандисига, у тугатилган санадан бошлаб қуйидаги муддатлар мобайнида такроран малака шаҳодатномаси берилмайди:

кўчмас мулк объектларида хатлов ишларини олиб бориб кадастр йиғмажилдини шакллантиришда техник хатоликларга йўл қўйганда олти ой мобайнида;

кўчмас мулк объектига тегишли ҳуқуқ белгиловчи ҳужжатларга амал қилмаган холда кадастр йиғмажилдини шакллантиришда бир йил мобайнида.

55. Малака шаҳодатномаси амал қилишини тугатиш ёки малака шаҳодатномасини бекор қилиш тўғрисидаги қарор Агентликнинг расмий веб-сайтида эълон қилинади.

56. Малака шаҳодатномаси амал қилишини тугатиш ёки малака шаҳодатномасини бекор қилиш тўғрисидаги қарор қабул қилинган куннинг ўзида тегишли кадастр муҳандиси ва кадастр муҳандиси билан меҳнат шартномаси тузган юридик шахсга унинг нусхаси юборилади.

57. Малака шаҳодатномасини бекор қилиш ёки унинг амал қилишини тугатиш тўғрисидаги қарор устидан қонунчилик ҳужжатларида белгиланган тартибда судга шикоят қилиниши мумкин.

7-боб. Кадастр муҳандислари реестри

58. Агентлик томонидан кадастр муҳандислари реестри юритилади ва унда кадастр муҳандисларининг қуйидаги маълумотлари қайд этилади:

кадастр муҳандисининг фамилияси, исми, отасининг исми;

жисмоний шахснинг шахсий идентификация рақами;

малака шаҳодатномасининг рақами, берилган сана;

малака шаҳодатномаси олинган сана;

малака имтиҳонида қайд этилган натижа;

малака шаҳодатномасини бекор қилиш ёки амал қилишини тугатиш, қайта расмийлаштириш ҳақидаги маълумотлар.

59. Кадастр муҳандислари реестри электрон шаклда юритилади.

60. Кадастр муҳандислари реестрига киритилган маълумотлардан очиқ фойдаланилиши мумкин.

Кадастр муҳандислари реестри Агентликнинг расмий веб-сайтида акс эттирилади.

8-боб. Якунловчи қоидалар

61. Мазкур Регламентни бажариш жараёнида келиб чиқадиган низолар қонунчилик ҳужжатларига мувофиқ ҳал этилади.

62. Мазкур Регламент талаблари бузилишида айбдор бўлган шахслар қонун ҳужжатларида белгиланган тартибда жавоб берадилар.

Кўчмас мулк бўйича кадастр муҳандисининг малака шаҳодатномасини бериш бўйича давлат хизматлари кўрсатиш маъмурий регламентига 1-ИЛОВА

Кўчмас мулк бўйича кадастр муҳандисининг малакасини ошириш ва унга малака шаҳодатномасини бериш

Босқичлар Субъектлар Тадбирлар Бажариш муддатлари 1-босқич Талабгор Давлат хизматлари марказлари, Ягона интерактив давлат хизматлари портали ёки Агентликнинг расмий веб-сайти орқали аризани ҳамда мазкур Регламентнинг 3‑бандида келтирилган мутахассисликлардан бири бўйича олий маълумот тўғрисидаги диплом нусхаси ёки хорижий давлатда олий таълим олганлик тўғрисидаги ҳужжатни тан олиш ҳақидаги гувоҳнома нусхасини pdf форматида тақдим этади. Ўз хоҳишига кўра 2-босқич 1. Давлат хизматлари маркази. Сўровномани тегишлича Агентликка юборади. 1. Сўровнома тўлдирилиши билан 2. ЯИДХП. 2. Автоматик тарзда 3. Агентликнинг расмий веб-сайти. 3. Автоматик тарзда 3-босқич Агентлик Талабгорга малака имтиҳонини топширишга рухсат бериш ёки рад этиш ҳақида қарор қабул қилади, натижаси бўйича талабгорни хабардор қилади. Уч иш куни ичида 4-босқич Талабгор 1. Малака имтиҳонини топширишга рухсат берилганда базавий ҳисоблаш миқдорининг бир бараварига тенг миқдорда тўлов амалга оширади; Уч иш куни ичида 2. Малака имтиҳонини топшириш рад этилган тақдирда, кўрсатилган камчиликларни бартараф этади. Уч иш куни ичида 5-босқич Агентлик 1. Малака имтиҳонига қўйилган талабгор малака имтиҳонини ўтказиш санаси, вақти ва жойи ҳақида мобил телефони (мавжуд бўлганда), почта ёки электрон алоқа воситаси орқали хабардор қилади. Имтиҳон ўтказиладиган кундан камида беш иш куни олдин 2. Малака имтиҳонини топширишга рухсат берилган шахслар рўйхати Комиссияга тақдим этади. Малака имтиҳони бошланишидан бир кун олдин 3. Малака имтиҳонига қўйилган талабгорлар рўйхати ҳамда малака имтиҳонини ўтказиш тўғрисидаги маълумот Агентлик ва Палатанинг расмий веб-сайтига жойлаштирилади. 4. Кўрсатилган камчиликлар бартараф этилмаган тақдирда, малака имтиҳонини топширишга рухсат этилмайди. Малака имтиҳонини ўтказиш ҳақидаги қарор қабул қилинган кундан бошлаб икки кун ичида 6-босқич Талабгор Белгиланган вақтда келиб малака имтиҳонини топширади 45 дақиқа 7-босқич Агентлик 1. Малака имтиҳонини ўтказади. Белгиланган муддатда 2. Тест синови натижалари бўйича баённомани расмийлаштиради ва эълон қилади. Уч иш кунида 3. Малака шаҳодатномасини расмийлаштиради ва давлат хизматлари марказларига юборади ёки ЯИДХП, электрон почта орқали талабгорга тақдим этади. Икки иш кунида 8-босқич Давлат хизматлари маркази Малака шаҳодатномаси тушгандан сўнг уларни ариза берувчининг электрон манзилига юборади ва ариза берувчини бу ҳақда ахборот-коммуникация тизими орқали хабардор қилади. Реал вақт режимида

Кўчмас мулк бўйича кадастр муҳандисининг малака шаҳодатномасини бериш бўйича давлат хизматлари кўрсатиш маъмурий регламентига 2-ИЛОВА

Ўзбекистон Республикаси Иқтисодиёт ва молия вазирлиги ҳузуридаги Кадастр агентлигига АРИЗА Менга кўчмас мулк бўйича кадастр муҳандиси малака шаҳодатномасини олиш учун малака имтиҳонини топширишга рухсат беришингизни сўрайман. Шу билан бирга, ўзим тўғримда қуйидаги ахборотларни маълум қиламан: 1. Ф.И.О.: 2. Паспорт маълумотлари (серияси ва рақами): 3. (ЖШШИР): 4. Туғилган йили, ойи, санаси: 5. Яшаш манзили: 6. Телефон рақами: 7. Электрон почта манзили: 8. Меҳнат фаолиятини олиб борган жой(ташкилот номи): 9. Лавозими: 10. Ишга кирган сана: 11. Ишдан бўшаган сана: 12. Ўқиган таълим муассасаси: 13. Мутахассислиги: 14. Ўқишга кирган йил: 15. Ўқишни битирган йил: Шахсий маълумотларимдан кадастр муҳандиси малака шаҳодатномаси ва уни расмийлаштириш билан боғлиқ жараёнларда фойдаланилишига розиман. Шахсий имзо __________ 20___ йил «____» _______________.

Кўчмас мулк бўйича кадастр муҳандисининг малака шаҳодатномасини бериш бўйича давлат хизматлари кўрсатиш маъмурий регламентига 3-ИЛОВА

Ўзбекистон Республикасининг Давлат герби тасвири Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги КАДАСТР МУҲАНДИСИНИНГ МАЛАКА ШАҲОДАТНОМАСИ ______-сон 20___ йил «___» ___________ Кўчмас мулк бўйича кадастр муҳандиси малака шаҳодатномаси Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги томонидан _________________________ ________________________________________________________________________________________га (кадастр муҳандиси малака шаҳодатномасини олган шахснинг Ф.И.О.) малака имтиҳон комиссиясининг 20___ йил «___» ___________даги қарорига асосан берилди. ___________________________ (ваколатли шахснинг Ф.И.О.) QR-code »;

ж) қуйидаги мазмундаги 5б ва 5в-иловалар билан тўлдирилсин:

«Вазирлар Маҳкамасининг 2020 йил 2 сентябрдаги 535-сон қарорига 5б-ИЛОВА

Барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш бўйича давлат хизматлари кўрсатишнинг

1-боб. Умумий қоидалар

1. Ушбу Регламент барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш бўйича давлат хизматлари кўрсатиш тартибини белгилайди.

2. Ушбу Регламентга асосан қуйидаги ер участкаларини бирлаштиришга ва унинг чегараларини белгилашга йўл қўйилади:

юридик ва жисмоний шахсларга тегишли ер участкалари;

кўп квартирали уйлар жойлашган ерлар;

кўп квартирали уйларга туташ ҳамда умумий фойдаланишдаги ерлар.

3. Ушбу Регламент қишлоқ хўжалигига мўлжалланган ер участкаларига нисбатан татбиқ этилмайди.

4. Ер участкаларини ягона ер участкасига бирлаштириш ва унинг чегараларини белгилаш бирлаштирилаётган барча ер участкаларини ушбу ерларга бўлган ҳуқуқ тури, ер участкаси ва унда қурилган объектнинг тури, объектнинг қурилиши тугалланган ёки тугалланмаганидан қатъи назар, амалга оширилишига йўл қўйилади.

5. Далолатномани расмийлаштириш ушбу Регламентга 1-иловада келтирилган схемага мувофиқ амалга оширилади.

6. Далолатномани расмийлаштиришда Иқтисодиёт ва молия вазирлиги ҳузуридаги Кадастр агентлигининг Давлат кадастрлари палатаси туман (шаҳар) филиаллари (кейинги ўринларда — филиаллар):

ушбу Регламентга 2-иловага мувофиқ шаклда далолатномани тузади;

ер участкаларининг бирлаштирилиши натижасида ҳосил бўлган ер участкасининг манзилини Вазирлар Маҳкамасининг 2018 йил 14 декабрдаги 1010-сон қарори билан тасдиқланган Кўчмас мулк объектлари манзиллари ягона реестрини шакллантириш ва юритиш тартиби тўғрисидаги низомга мувофиқ белгилайди;

далолатномани туман (шаҳар) қурилиш ва уй-жой коммунал хўжалиги бўлимлари ҳамда Қорақалпоғистон Республикаси Экология, атроф-муҳитни муҳофаза қилиш ва иқлим ўзгариши вазирлиги, Тошкент шаҳар ва вилоят экология, атроф-муҳитни муҳофаза қилиш ва иқлим ўзгариши бошқармалари (кейинги ўринларда — экология, атроф-муҳитни муҳофаза қилиш ва иқлим ўзгариши бошқармалари) билан келишади.

2-боб. Барпо этиладиган янги массив ҳудудидаги ер участкаларини бирлаштириш ҳамда бирлаштирилган ер участкасининг чегараларини белгилаш хусусиятлари

7. Барпо этиладиган янги массив ҳудудидаги ер участкаларини бирлаштириш хусусий инвесторнинг мурожаатига асосан амалга оширилади.

8. Далолатнома расмийлаштиришда қуйидагилар талаб этилади:

а) барпо этиладиган янги массив ҳудуди тасдиқланган ҳудудларни ва аҳоли пунктларини ривожлантиришни шаҳарсозлик жиҳатидан режалаштириш тўғрисидаги ҳамда уларни қуриш ҳақидаги тасдиқланган ҳужжатларга мувофиқлиги;

б) барпо этиладиган янги массив ёнғинга қарши, санитария, экологияга оид, шаҳарсозлик ҳамда бошқа мажбурий нормалар ва қоидаларни бузмаган ҳолда янгидан ташкил этилиши;

в) бирлаштириш натижасида ҳосил бўлган ер участкасида келгусида ўзининг асосий фойдаланиш мақсади билан ёки асослантирилган ҳолда ўзгартириладиган бино ва иншоотларни лойиҳалаштириш ва қурилиш ишларини амалга ошириш имкони мавжуд бўлиши;

г) бирлаштириш натижасида Тошкент ва Нукус шаҳарлари ҳамда вилоятлар марказларида ҳар бир барпо этиладиган янги массивда ягона ер участкаси ҳудудига киритиладиган кўп квартирали уйлар атрофидаги ва умумий фойдаланишдаги ер участкаларининг жами майдони юридик ва жисмоний шахсларга тегишли ер участкалари жами майдонининг 35 фоизидан ошмаслиги;

д) шаҳарсозлик ҳужжатларисиз амалга оширилган қурилиш-монтаж ишлари мавжудлиги;

е) муҳандислик тармоқлари ёки муҳофаза зоналарида объектни жойлаштириш режалаштирилгани;

ж) қурилаётган объект учун шаҳарсозлик талаблари бўйича ер майдони етарли эканлиги;

з) объектнинг ер майдонлари низоли бўлган тақдирда, мазкур низо мазмунан ҳал этилгани тўғрисидаги қонуний кучга кирган суд органининг қарори ёхуд низолашувчи тарафларнинг ёзма равишда расмийлаштирилиб, тасдиқланган келишув битими мавжудлиги;

и) барпо этиладиган янги массив ҳудудига киритилган ерлардаги кўп йиллик дов-дарахтларнинг хатловдан ўтказилгани ва рақамлангани (ID рақам берилгани).

9. Барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш бўйича давлат хизматлари кўрсатиш давлат хизматлари марказлари, филиаллар ва туман (шаҳар) қурилиш ва уй-жой коммунал хўжалиги бўлимлари ҳамда экология, атроф-муҳитни муҳофаза қилиш ва иқлим ўзгариши бошқармалари ўртасидаги ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро электрон ўзаро боғланиш ёрдамида амалга оширилади.

3-боб. Давлат хизматини кўрсатиш тартиби

10. Хусусий инвестор (кейинги ўринларда — ариза берувчи) далолатнома расмийлаштириш учун давлат хизматлари марказига ўзи келиб мурожаат этади ёки Ўзбекистон Республикаси Ягона интерактив давлат хизматлари порталида (кейинги ўринларда — ЯИДХП) ёхуд Кадастр агентлигининг расмий веб-сайти «kadastr.uz» (кейинги ўринларда — веб-сайт) орқали давлат хизматидан электрон тарзда фойдаланиш учун рўйхатдан ўтади.

11. Ариза берувчи ўзи келиб мурожаат этган тақдирда, давлат хизматлари маркази ходими — ариза берувчи номидан, ЯИДХП ёки веб-сайт орқали мурожаат этган тақдирда эса мустақил равишда, ушбу Регламентга 3-иловага мувофиқ электрон шаклдаги сўровномани тўлдиради ҳамда давлат хизматидан фойдаланиш учун тўловни амалга оширади.

Ариза берувчи ихтиёрига кўра далолатнома расмийлаштириш ҳамда белгиланган тартибда кадастр паспортини олиш ҳамда кўчмас мулкни давлат рўйхатидан ўтказиш учун бир вақтда (композит хизмат сифатида) ёки алоҳида мурожаат қилиши мумкин.

12. Аризага қуйидаги ҳужжатлар илова қилинади:

а) барпо этиладиган янги массив ҳудудида бошқа жисмоний ва юридик шахсларга тегишли кўчмас мулклар ҳамда муҳандислик-коммуникация тармоқлари мавжуд бўлган тақдирда:

жисмоний ва юридик шахслар ҳамда хусусий инвестор ўртасида ўзига тегишли ер участкаси ўрнида режалаштирилган янги объектни қуриш ва уни тасарруф қилиш ҳуқуқини жисмоний ва юридик шахсларнинг ўзида қолдириш тўғрисида тузилган нотариал тасдиқланган шартномалар;

муҳандислик-коммуникация тармоқларини (электр, газ, алоқа, сув ва канализация тармоқлари, йўллар) сақловчи ташкилотлар билан уларни кўчириш ёки жойида сақлаш тўғрисида келишув битими;

б) барпо этиладиган янги массивнинг чегаралари кўрсатилган қурилиш лойиҳалари.

Инвестиция фаолияти субъектининг вакили ариза берган тақдирда, сўровномага белгиланган тартибда расмийлаштирилган ишончнома илова қилинади.

Давлат хизматлари маркази томонидан ариза берувчидан ушбу бандда кўрсатилмаган бошқа ҳужжатларни талаб қилиш қатъиян тақиқланади.

13. Зарур маълумотлар сўровномага киритилгандан сўнг ариза берувчи маълумотларнинг тўғрилигини текширади ва идентификация қилишнинг тегишли воситалари (дактилоскопия, электрон имзо, Мобил-ID ва бошқалар) билан тасдиқлайди.

Ариза берувчи ЯИДХП ёки веб-сайт орқали мурожаат этган тақдирда, сўровномани ЭРИ билан тасдиқлаш талаб этилмайди.

14. Ариза берувчи давлат хизматлари марказига келиб мурожаат этганда, унинг сўровномаси марказ ходими томонидан тўлдирилиб, ариза берувчи томонидан тасдиқлангандан сўнг барча ҳужжатлар реал вақт режимида филиалга электрон шаклда юборилади.

ЯИДХП ёки веб-сайт орқали мурожаат қилинганда эса сўровнома автоматик тарзда филиалга юборилади.

15. Далолатнома расмийлаштириш учун базавий ҳисоблаш миқдорининг 3 баравари миқдорида йиғим ундирилади.

Давлат хизмати кўрсатилиши учун ЯИДХП орқали мурожаат этилганда кўрсатилган хизматлар учун йиғимлар суммасининг 90 фоизи ундирилади.

16. Ариза берувчи давлат хизматидан фойдаланишдан далолатнома имзолангунга қадар воз кечиш ҳуқуқига эга. Ариза берувчи давлат хизматидан фойдаланишдан воз кечганда, унинг сўровномаси кўрилмасдан қолдирилади. Бунда тўланган йиғим қайтарилмайди.

17. Давлат хизмати кўрсатилгани учун йиғим тўланганини тасдиқлаш ахборот-коммуникация тизимлари орқали амалга оширилади.

18. Йиғимлар суммаси қуйидаги тартибда тақсимланади:

а) давлат хизматлари марказларига ўзи келиб мурожаат этганда:

18 фоизи — Адлия вазирлигининг Давлат хизматларини ривожлантириш жамғармасининг шахсий ҳисобварағига;

20 фоизи — Қурилиш ва уй-жой коммунал хўжалиги вазирлиги ҳузуридаги Қурилиш соҳасида ахборот-коммуникация технологияларини ривожлантириш марказининг шахсий ҳисобварағига;

0,5 фоизи — «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги шахсий ҳисобварағига (Ягона биллинг тизими орқали тўловлар амалга оширилганда);

10 фоизи — Кадастр агентлигининг бюджетдан ташқари жамғармасининг шахсий ҳисобварағига;

қолган маблағлар тўлиқ миқдорда Давлат кадастрлари палатаси ҳудудий бошқармаларининг ҳисобварағига ўтказилади;

б) ЯИДХП орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармасининг шахсий ҳисобварағига;

10 фоизи — Кадастр агентлигининг бюджетдан ташқари жамғармасининг шахсий ҳисобварағига;

в) веб-сайт орқали мурожаат этилганда:

10 фоизи — Кадастр агентлигининг бюджетдан ташқари жамғармасининг шахсий ҳисобварағига;

қолган маблағлар тўлиқ миқдорда Давлат кадастрлари палатаси ҳудудий бошқармаларининг ҳисобварағига ўтказилади.

19. Далолатнома объектнинг мураккаблигига қараб, қуйидаги муддатларда тайёрланади:

умумий майдони 0,1 гектаргача бўлганда — 10 иш кунигача;

умумий майдони 0,1 гектардан 0,5 гектаргача бўлганда — 15 иш кунигача;

умумий майдони 0,5 гектардан 1,5 гектаргача бўлганда — 20 иш кунигача;

умумий майдони 1,5 гектардан 5 гектаргача бўлганда — 25 иш кунигача;

умумий майдони 5 гектардан ортиқ бўлганда — 30 иш кунигача.

20. Филиал сўровнома келиб тушган кундан бошлаб ушбу Регламентнинг 19-бандида белгиланган муддатларда қуйидаги ишларни амалга оширади:

а) барпо этиладиган янги массивнинг чегаралари кўрсатилган батафсил режалаштириш ва қуриш лойиҳаларида кўрсатилган ҳудуднинг топографик режасини тайёрлайди;

б) аризада келтирилган ер участкаларини бирлаштириш ва топографик режада кўрсатилган чегараларда ер участкасини бирлаштириш имкониятини ўрганади;

в) ушбу Регламентнинг 8-банди «г» кичик бандида кўрсатилган талабларга бирлаштирилаётган ер участкасининг мувофиқлигини текширади;

г) хусусий инвесторга мулк ҳуқуқи, мерос қилиб қолдириладиган умрбод эгалик, доимий эгалик, доимий фойдаланиш ва узоқ муддатли ижара ҳуқуқи билан тегишли бўлган ер участкаларининг кадастр рақамлари асосида мазкур ер участкаларининг хусусий инвестор номига давлат рўйхатидан ўтказилганини текширади;

д) барпо этиладиган янги массив ҳудудида бошқа жисмоний ва юридик шахсларга тегишли кўчмас мулкларга бўлган ҳуқуқларнинг давлат рўйхатидан ўтказилганини текширади.

21. Ўрганиш натижалари ушбу Регламентнинг 20-банди талабларига тўлиқ мувофиқ деб топилган тақдирда, филиал далолатнома лойиҳасини шакллантиради ҳамда далолатнома лойиҳасини филиал бошлиғи ва ижрочи ўз ЭРИси билан имзолайди.

Далолатномага янги ташкил бўлаётган ер участкасининг чегаралари кўрсатилган топографик режа илова қилинади.

Ер участкаси ва унга туташ ҳудуднинг топографик режасини тайёрлаш учун тўлов суммаси бир гектар ер майдони учун базавий ҳисоблаш миқдорининг беш баравари ҳисобидан келиб чиқиб (бир квадрат метргача бўлган аниқликда) ҳисобланади.

Ўрганиш натижалари ушбу Регламентнинг 20-банди талабларига тўлиқ мувофиқ эмас деб топилган тақдирда, филиал рад этишнинг аниқ сабаблари ҳамда қонунчилик ҳужжатлари нормаларини кўрсатган ҳолда далолатнома тайёрлашни рад этади.

22. Филиал томонидан далолатнома лойиҳаси имзолангандан сўнг далолатнома, топографик режа ҳамда топографик режани тайёрлаш учун тўлов миқдори қиймати кўрсатилган хабарнома (инвойс) давлат хизматлари марказига (ўзи келиб мурожаат қилган тақдирда) ёки ЯИДХП ёхуд веб-сайт орқали (электрон шаклда мурожаат қилган тақдирда) аризачига электрон шаклда юборилади.

Далолатномани тайёрлаш рад этилган тақдирда, рад этиш тўғрисидаги хабарнома филиал бошлиғининг ЭРИси билан тасдиқланган ҳолда марказга (ўзи келиб мурожаат қилган тақдирда) ёки ЯИДХП ёхуд веб-сайт орқали (электрон шаклда мурожаат қилган тақдирда) аризачига юборилади.

23. Давлат хизматлари маркази далолатнома, топографик режа ҳамда топографик режани тайёрлаш учун тўлов миқдори қиймати кўрсатилган хабарнома (инвойс) келиб тушгандан сўнг реал вақт режимида бу ҳақда ахборот-коммуникация тизими орқали ариза берувчини хабардор қилади.

24. Ариза берувчи 20 иш куни мобайнида:

марказга келиб (ўзи келиб мурожаат қилган тақдирда) идентификация қилиш воситалари (дактилоскопия ва бошқалар) орқали ёки ЯИДХП ёхуд веб-сайт орқали (электрон шаклда мурожаат қилган тақдирда) далолатномани ЭРИси билан келишади;

топографик режани тайёрлашнинг тўлов қийматини хабарномада қайд этилган миқдорда тўлайди.

25. Ариза берувчи томонидан келишилган далолатнома ва унга илова қилинган топографик режа давлат хизматлари маркази томонидан реал вақт режимида, ЯИДХП ёки веб-сайт орқали мурожаат қилинганда эса автоматик тарзда туман (шаҳар) қурилиш ва уй-жой коммунал хўжалиги бўлимлари ҳамда экология, атроф-муҳитни муҳофаза қилиш ва иқлим ўзгариши бошқармаларига келишиш учун юборилади.

26. Далолатнома ва унга илова қилинган топографик режа келиб тушгандан сўнг:

етти иш куни ичида туман (шаҳар) қурилиш ва уй-жой коммунал хўжалиги бўлимлари қуйидагиларни ўрганган ҳолда далолатномани келишади ёки рад этишнинг аниқ сабабларини ва тегишли қонунчилик ҳужжатлари нормаларини кўрсатган ҳолда уни рад этади:

ер участкаси жойлашган манзилда ер участкаларини ушбу Регламентнинг 8-банди «а» — «в», «д» — «з» кичик бандларида кўрсатилган талаблар асосида бирлаштириш имкониятини;

барпо этиладиган янги массивнинг чегаралари кўрсатилган батафсил режалаштириш ва қуриш лойиҳаларини ҳудудларни ва аҳоли пунктларини ривожлантиришни шаҳарсозлик жиҳатидан режалаштириш тўғрисидаги ҳамда уларни қуриш ҳақидаги тасдиқланган ҳужжатларга мувофиқлигини;

уч иш куни ичида экология, атроф-муҳитни муҳофаза қилиш ва иқлим ўзгариши бошқармалари ушбу Регламентнинг 8-банди «и» кичик бандида кўрсатилган талаблар асосида ўрганган ҳолда далолатномани келишади ёки рад этишнинг аниқ сабабларини ва тегишли қонунчилик ҳужжатлари нормаларини кўрсатган ҳолда уни рад этади.

27. Далолатномани келишиш ёки рад этиш тегишли ташкилотларнинг туман (шаҳар) бўлими ҳамда тегишли вилоят бошқармаси бошлиғининг ЭРИси билан тасдиқлаш орқали амалга оширилади.

Далолатнома келишилган ёки рад этилган куни далолатнома ва топографик режа ёки рад этиш ҳақидаги хабарнома электрон шаклда давлат хизматлари марказига (ўзи келиб мурожаат қилган тақдирда) ёки ЯИДХП ёхуд веб-сайт орқали (электрон шаклда мурожаат қилган тақдирда) юборилади.

28. Давлат хизматлари марказига далолатнома ёки далолатнома тайёрлашни рад этиш ҳақида хабарнома келиб тушган тақдирда, марказ хабарнома келиб тушгандан сўнг реал вақт режимида бу ҳақда ахборот-коммуникация тизими орқали ариза берувчини хабардор қилади.

Аризани кўриб чиқиш натижалари асосида QR-код (матрицали штрих-код) қўйиб берилган электрон ҳужжатлар асл ҳужжатларга тенглаштирилади.

29. Қуйидагилар давлат хизмати кўрсатишни рад этиш учун асос ҳисобланади:

ушбу Регламентнинг 2, 3, 7 ва 8-бандларида назарда тутилган талабларга мувофиқ эмаслиги;

сўровномада нотўғри маълумотлар кўрсатилиши;

далолатнома ариза берувчи томонидан белгиланган муддатда имзоланмагани;

хусусий инвесторга мулк ҳуқуқи, мерос қилиб қолдириладиган умрбод эгалик, доимий эгалик, доимий фойдаланиш ва узоқ муддатли ижара ҳуқуқи билан тегишли бўлган ер участкалари ҳамда юридик ва жисмоний шахсларга тегишли ер участкаларининг ҳақиқий ҳолати кўчмас мулкка бўлган ҳуқуқлар давлат реестридаги маълумотлардан фарқ қилиши;

филиал ҳамда туман (шаҳар) қурилиш ва уй-жой коммунал хўжалиги бўлимлари вакилига барпо этиладиган янги массив ҳудудидаги объектларда ўлчов ишларининг олиб борилишига, шу жумладан, объектларга кириш имкони йўқлиги (фойдаланиб келаётган шахслар томонидан бино ва иншоотга, ер участкасига киришга қаршилик қилиш);

ваколатли орган томонидан кўчмас мулк объектига тақиқ ёки хатлов қўйилгани;

аризага илова қилинган ҳужжатлар тўлиқ эмаслиги;

давлат хизматларини кўрсатиш учун йиғимни ва топографик режани тайёрлаш учун тўлов суммасини тўламаслик.

Далолатнома ариза берувчи томонидан белгиланган муддатда имзоланмаган тақдирда, ариза автоматик тарзда рад этилади.

Давлат хизматларини кўрсатишни бошқа асосларга кўра рад этиш қатъиян тақиқланади.

30. Ариза берувчи давлат хизмати кўрсатилиши рад этилган кундан бошлаб ўн иш куни мобайнида давлат хизмати кўрсатиш учун йиғимни тўламасдан, кўрсатилган камчиликни бартараф этган ҳолда қайта мурожаат қилиш ҳуқуқига эга.

Давлат хизматини такроран кўрсатишда филиаллар, туман (шаҳар) қурилиш ва уй-жой коммунал хўжалиги бўлимлари ва экология, атроф-муҳитни муҳофаза қилиш ва иқлим ўзгариши бошқармалари томонидан аввалги рад этиш асосларида баён этилмаган сабабларнинг келтирилишига йўл қўйилмайди, аввал кўрсатилган сабаблар бартараф этилганини тасдиқловчи маълумотлар билан боғлиқ рад этиш сабабларининг келтирилиши бундан мустасно.

Қайта мурожаат этилганда мурожаатлар ушбу Регламентга асосан умумий тартибда ва муддатларда кўриб чиқилади.

4-боб. Якунловчи қоидалар

31. Хусусий инвестор ҳамда тегишли ташкилотлар томонидан ушбу далолатноманинг тасдиқлангани, кейинчалик бирлаштирилган ер участкаси ҳамда ундаги бино ва иншоотларга кадастр йиғмажилдини қайта шакллантириш ва кўчмас мулкка бўлган ҳуқуқларни давлат рўйхатидан ўтказиш учун асос ҳисобланади.

32. Давлат хизматлари марказлари, филиаллар, туман (шаҳар) қурилиш ва уй-жой коммунал хўжалиги бўлимлари ҳамда экология, атроф-муҳитни муҳофаза қилиш ва иқлим ўзгариши бошқармалари ўз фаолиятини амалга ошириши натижасида олинган ариза берувчи ҳақидаги маълумотларнинг махфийлигини таъминлаши шарт.

33. Адлия вазирлиги, унинг ҳудудий бошқармалари ва давлат хизматлари марказлари давлат органлари ва бошқа ташкилотларнинг ушбу Регламент талаблари ижроси бўйича фаолиятини, шу жумладан, ЯИДХП орқали доимий назорат ва мониторинг қилиб боради.

34. Ариза берувчи давлат органлари ва бошқа ташкилотлар ходимларининг хатти-ҳаракатлари (ҳаракатсизлиги) юзасидан қонунчилик ҳужжатларида белгиланган тартибда шикоят қилиши мумкин.

35. Ушбу Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш

Босқичлар Субъектлар Тадбирлар Бажариш муддатлари 1-босқич Ариза берувчи 1. Далолатнома олиш учун давлат хизматлари марказига ўзи келиб мурожаат қилади ёки Ягона интерактив давлат хизматлари портали ёхуд Кадастр агентлигининг расмий веб-сайти орқали мурожаат қилади. 2. Давлат хизмати кўрсатиш учун йиғимни тўлайди. Хоҳишига кўра 2-босқич 1. Давлат хизматлари маркази. 2. ЯИДХП. 3. Кадастр агентлигининг расмий веб-сайти. Сўровномани филиалга юборади. Реал вақт режимида 3-босқич Филиал 1. Барпо этиладиган янги массивнинг чегаралари кўрсатилган батафсил режалаштириш ва қуриш лойиҳасида кўрсатилган ҳудуднинг топографик режасини тайёрлайди. 2. Аризада келтирилган ер участкаларини бирлаштириш ва топографик режада кўрсатилган чегараларда ер участкасини шакллантириш имкониятини ўрганади. 3. Регламентнинг 8-банди «г» кичик бандида кўрсатилган талаблар асосида бирлаштириш мумкинлигини кўриб чиқади. 4. Инвестиция фаолияти субъектига мулк ҳуқуқи, мерос қилиб қолдириладиган умрбод эгалик, доимий эгалик, доимий фойдаланиш ва узоқ муддатли ижара ҳуқуқи билан тегишли бўлган ер участкаларининг кадастр рақами асосида мазкур ер участкаларининг инвестиция фаолияти субъекти номига давлат рўйхатидан ўтказилганини текширади. 5. Барпо этиладиган янги массив ҳудудида бошқа жисмоний ва юридик шахсларга тегишли кўчмас мулкларга бўлган ҳуқуқларнинг давлат рўйхатидан ўтказилганини текширади. 6. Ўрганишлар натижасида топографик режа илова қилинган далолатномани тайёрлайди ёки далолатнома расмийлаштиришни рад этади ва уни давлат хизматлари марказларига юборади. Регламентнинг 19-бандида белгиланган муддатларда 4-босқич Давлат хизматлари маркази Далолатнома ва топографик режа келиб тушгани ҳақида ахборот-коммуникация тизими орқали ариза берувчини хабардор қилади. Реал вақт режимида 5-босқич Ариза берувчи Марказга келиб идентификация қилиш воситалари орқали ёки ЯИДХП ёхуд веб-сайт орқали ҳуқуқ эгаларининг ЭРИси билан далолатномани келишади. 20 иш куни 6-босқич 1. Давлат хизматлари маркази. 2. ЯИДХП. 3. Кадастр агентлигининг расмий веб-сайти. Далолатнома ва унга илова қилинган ҳужжатларни келишиш учун туман (шаҳар) қурилиш ва уй-жой коммунал хўжалиги бўлимлари ҳамда экология, атроф-муҳитни муҳофаза қилиш ва иқлим ўзгариши бошқармаларига юборади. Реал вақт режимида 7-босқич Туман (шаҳар) қурилиш ва уй-жой коммунал хўжалиги бўлимлари, экология, атроф-муҳитни муҳофаза қилиш ва иқлим ўзгариши бошқармалари Далолатнома ва унга илова қилинган ҳужжатларни келишади ёки далолатнома ва унга илова қилинган ҳужжатларни келишишни рад этади ва уни давлат хизматлари марказларига юборади. Ушбу регламентнинг 26-бандида белгиланган муддатларда 8-босқич Давлат хизматлари маркази Далолатнома ёки далолатномани тайёрлашни рад этиш ҳақида хабарнома келиб тушгани ҳақида ахборот-коммуникация тизими орқали ариза берувчини хабардор қилади. Реал вақт режимида

Барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш ДАЛОЛАТНОМАСИ ________-сон __________ йил Ушбу далолатнома, Давлат кадастрлари палатаси __________________ бошқармасининг _________ туман (шаҳар) филиали, __________ туман (шаҳар) қурилиш ва уй-жой коммунал хўжалиги бўлими вакиллари, __________ экология, атроф-муҳитни муҳофаза қилиш ва иқлим ўзгариши бошқармаси вакиллари ва хусусий инвестор билан ер участкаларини бирлаштириш тўғрисида тузилди. 1. Бирлаштирилаётган ер участкалари тўғрисидаги маълумотлар: Хусусий инвестор: _____________________________________________ Ер участкалари жойлашган манзил: ______________________________ Ер участкаларининг кадастр рақамлари ___________________________ Ер участкаларининг майдонлари (м²) _____________________________ Ер участкаларидан рухсат этилган фойдаланишнинг асосий турлари: ________________________ _______________________________ Ер участкалари чегараларини ўзгартиришга асос бўлган ҳужжатлар _________________________ _______________________________ Ер участкаларининг алоҳида хусусиятлари: ________________________ 2. Бирлаштирилган кўчмас мулк таркиби қуйидагилардан иборат: Хусусий инвестор: _____________________________________________ Ер участкаси жойлашган манзил: ________________________________ Ер участкасининг кадастр рақами ________________________________ Ер участкасининг майдони (м²) __________________________________ Ер участкаларидан рухсат этилган фойдаланишнинг асосий турлари: ________________________ _______________________________ Ер участкасининг алоҳида хусусиятлари: __________________________ Хусусий инвесторга тегишли бўлган ер участкаларининг жами майдони (м² ва %): ____________ _______________________________ Барпо этиладиган янги массив ҳудудида кўп квартирали уйларга туташ ерлар ва умумий фойдаланишдаги ерларнинг жами майдони (м² ва %): ___________________________________________ _______________________ 3. Ушбу далолатнома, унинг ажралмас қисми сифатида илова қилинган топографик режа билан бирга ҳақиқий ҳисобланади. ХУЛОСА ҚИСМИ: Ер участкасига ўзгартириш киритилган кўчмас мулк ушбу далолатноманинг 3-бандида келтирилган таркибда алоҳида кўчмас мулк деб ҳисобланади. туман (шаҳар) филиали бошлиғи ________ ____________________ (Ф.И.О.) туман (шаҳар) қурилиш ва уй-жой коммунал хўжалиги бўлими бошлиғи ________ ____________________ (Ф.И.О.) экология, атроф-муҳитни муҳофаза қилиш ва иқлим ўзгариши бошқармаси бошлиғи ________ ____________________ (Ф.И.О.) туман (шаҳар) филиали муҳандиси ________ ____________________ (Ф.И.О.) Хусусий инвестор ________ ____________________ (Ф.И.О.) 20___ йил « ____» ______ ___ _ __________ тумани (шаҳри).

Барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш далолатномасига ИЛОВА

Ер участкасининг топографик режаси ______________тумани (шаҳри) объект: _____________ Манзили: ______________________________________ Масштаб 1: __________________ Ҳуқуқий ҳужжат бўйича ер участкаси майдони — ____________ м 2 Топограф: ________________ сана: 20___ йил «____» ____________

_________________ ______________ (санаси) (рақами) Барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш тўғрисида СЎРОВНОМА I. Ариза берувчи — жисмоний шахс тўғрисида маълумот: 1. Ф.И.О.: 2. Паспорт (ID-карта) маълумотлари (серияси ва рақами, жисмоний шахснинг шахсий идентификация рақами (мавжуд бўлса): 3. Телефон рақами: 4. Электрон почта манзили (мавжуд бўлса): II. Ариза берувчи — юридик шахс тўғрисида маълумот: 1. Расмий номи (тўлиқ): 2. Жойлашган жойи: 3. Телефон рақами: 4. Электрон почта манзили (мавжуд бўлса): III. Ер участкалари тўғрисида маълумот: 1. Ер участкаларининг манзили (индекс, манзил, мўлжал): 2. Ер участкаларининг кадастр рақами: 3. Ер участкаларининг майдонлари (м²): 4. Ер участкаларидан рухсат этилган фойдаланишнинг асосий турлари:

Вазирлар Маҳкамасининг 2020 йил 2 сентябрдаги 535-сон қарорига 5в-ИЛОВА

Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш бўйича давлат хизматлари кўрсатишнинг

1-боб. Умумий қоидалар

1. Ушбу Регламент барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш бўйича давлат хизматлари кўрсатиш тартибини белгилайди.

2. Ушбу Регламент фақат барпо этиладиган янги массив ҳудудидаги бирлаштирилган ер участкасига нисбатан татбиқ этилади.

3. Далолатномани расмийлаштириш ушбу Регламентга 1-иловада келтирилган схемага мувофиқ амалга оширилади.

4. Далолатномани расмийлаштиришда Иқтисодиёт ва молия вазирлиги ҳузуридаги Кадастр агентлигининг Давлат кадастрлари палатаси туман (шаҳар) филиаллари (кейинги ўринларда — филиаллар):

ушбу Регламентга 2-иловага мувофиқ шаклда Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш далолатномасини тузади;

ер участкасининг бўлиниши натижасида ҳосил бўлган ер участкаларининг манзилини Вазирлар Маҳкамасининг 2018 йил 14 декабрдаги 1010-сон қарори билан тасдиқланган Кўчмас мулк объектлари манзиллари ягона реестрини шакллантириш ва юритиш тартиби тўғрисидаги низомга мувофиқ белгилайди;

2-боб. Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш хусусиятлари

5. Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш инвестиция фаолияти субъектининг мурожаатига асосан амалга оширилади.

6. Далолатнома расмийлаштиришда қуйидагилар талаб этилади:

ер участкасини бўлиш натижасида ҳосил бўлган ер участкалари келгусида ундан рухcат этилган фойдаланишнинг асосий турларини ўзгартирмаган ҳолда бино ва иншоотларни лойиҳалаштириш ва қурилиш ишларини амалга ошириш имкони мавжуд бўлиши;

бўлиш натижасида вужудга келадиган ер участкалари ёнғинга қарши, санитария, экологияга оид, шаҳарсозлик ҳамда бошқа мажбурий нормалар ва қоидаларни бузмаган ҳолда янгидан ташкил этилиши;

ер участкаси бўлинадиган бўлиши;

ер участкаларининг эгалари ёки ундан фойдаланувчилар мустақил равишда ер участкасига умумий фойдаланишдаги ер участкаси орқали ўтиш имкониятидан маҳрум бўлиб қолмаслиги;

ер участкасининг янги чегаралари унинг бўлинишидан аввалги чегаралари асосида белгиланиши, бунда янги ер участкаларининг майдонлари йиғиндиси ҳамда чегаралари аввалги чегара ва майдондан фарқ қилишига йўл қўйилмаслиги;

барпо этиладиган янги массив ҳудудидаги бирлаштирилган ер участкаси бўлинаётганда ҳудуддаги жами кўп йиллик дарахтлар сони ва яшил ҳудудлар майдони камайтирилмагани.

7. Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш бўйича давлат хизматлари кўрсатиш давлат хизматлари марказлари, филиаллар ва туман (шаҳар) қурилиш ва уй-жой коммунал хўжалиги бўлимлари ҳамда экология, атроф-муҳитни муҳофаза қилиш ва иқлим ўзгариши бошқармалари ўртасидаги ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро электрон ўзаро боғланиш ёрдамида амалга оширилади.

3-боб. Давлат хизматини кўрсатиш тартиби

8. Хусусий инвестор (кейинги ўринларда — ариза берувчи) далолатнома расмийлаштириш учун давлат хизматлари марказига ўзи келиб мурожаат этади ёки Ўзбекистон Республикаси Ягона интерактив давлат хизматлари порталида (кейинги ўринларда — ЯИДХП) ёки Кадастр агентлигининг расмий веб-сайти «kadastr.uz» (кейинги ўринларда — веб-сайт) орқали давлат хизматидан электрон тарзда фойдаланиш учун рўйхатдан ўтади.

9. Ариза берувчи ўзи келиб мурожаат этган тақдирда, давлат хизматлари маркази ходими — ариза берувчи номидан, ЯИДХП ёки веб-сайт орқали мурожаат этган тақдирда эса мустақил равишда, ушбу Регламентга 3-иловага мувофиқ электрон шаклдаги сўровномани тўлдиради ҳамда давлат хизматидан фойдаланиш учун тўловни амалга оширади.

Ариза берувчи ихтиёрига кўра далолатнома расмийлаштириш ҳамда белгиланган тартибда кадастр паспортини олиш ҳамда кўчмас мулкка бўлган ҳуқуқни давлат рўйхатидан ўтказиш учун бир вақтда (композит хизмат сифатида) ёки алоҳида мурожаат қилиши мумкин. Бунда далолатнома кадастр паспортини расмийлаштириш ҳамда кўчмас мулкка бўлган ҳуқуқни давлат рўйхатидан ўтказиш учун асос бўлади.

10. Аризага қуйидаги ҳужжатлар илова қилинади:

барпо этиладиган янги массив ҳудудидаги бирлаштирилган ер участкасида қурилиши режалаштирилган объектларнинг бўлиниш чегаралари кўрсатилган лойиҳа-смета ҳужжатлари;

Хусусий инвесторнинг вакили ариза берган тақдирда, сўровномага белгиланган тартибда расмийлаштирилган ишончнома илова қилинади.

11. Зарур маълумотлар сўровномага киритилгандан сўнг ариза берувчи маълумотларнинг тўғрилигини текширади ва идентификация қилишнинг тегишли воситалари (дактилоскопия, электрон имзо, Мобил-ID ва бошқалар) билан тасдиқлайди.

12. Ариза берувчи давлат хизматлари марказига келиб мурожаат этганда, унинг сўровномаси давлат хизматлари маркази ходими томонидан тўлдирилиб, ариза берувчи томонидан тасдиқлангандан сўнг барча ҳужжатлар реал вақт режимида филиалга электрон шаклда юборилади.

ЯИДХП ёки веб-сайт орқали мурожаат қилинганда эса сўровнома автоматик тарзда филиалга юборилади.

13. Далолатнома расмийлаштириш учун базавий ҳисоблаш миқдорининг 3 баравари миқдорида йиғим ундирилади.

14. Ариза берувчи давлат хизматидан фойдаланишдан далолатнома имзолангунга қадар воз кечиш ҳуқуқига эга. Ариза берувчи давлат хизматидан фойдаланишдан воз кечганда, унинг сўровномаси кўрилмасдан қолдирилади. Бунда тўланган йиғим қайтарилмайди.

15. Давлат хизмати кўрсатилгани учун йиғим тўланганини тасдиқлаш ахборот-коммуникация тизимлари орқали амалга оширилади.

16. Йиғимлар суммаси қуйидаги тартибда тақсимланади:

а) давлат хизматлари марказларига ўзи келиб мурожаат этганда:

18 фоизи — Адлия вазирлигининг Давлат хизматларини ривожлантириш жамғармасининг шахсий ҳисобварағига;

10 фоизи — Кадастр агентлигининг бюджетдан ташқари жамғармасининг шахсий ҳисобварағига;

б) ЯИДХП орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармасининг шахсий ҳисобварағига;

10 фоизи — Кадастр агентлигининг бюджетдан ташқари жамғармасининг шахсий ҳисобварағига;

в) веб-сайт орқали мурожаат этилганда:

10 фоизи — Кадастр агентлигининг бюджетдан ташқари жамғармасининг шахсий ҳисобварағига;

17. Далолатнома объектнинг мураккаблигига қараб, қуйидаги муддатларда тайёрланади:

умумий майдони 0,1 гектаргача бўлганда — 10 иш кунигача;

умумий майдони 0,1 гектардан 0,5 гектаргача бўлганда — 15 иш кунигача;

умумий майдони 0,5 гектардан 1,5 гектаргача бўлганда — 20 иш кунигача;

умумий майдони 1,5 гектардан 5 гектаргача бўлганда — 25 иш кунигача;

умумий майдони 5 гектардан ортиқ бўлганда — 30 иш кунигача.

18. Филиал сўровнома келиб тушган кундан бошлаб ушбу Регламентнинг 17-бандида белгиланган муддатларда қуйидаги ишларни амалга оширади:

а) барпо этиладиган янги массив ҳудудидаги бирлаштирилган ер участкасида қурилиши режалаштирилган объектларнинг бўлиниш чегаралари кўрсатилган лойиҳа-смета ҳужжатларига асосан ҳудуднинг топографик режасини тайёрлайди;

б) аризада келтирилган ер участкасини бўлиш ва топографик режада кўрсатилган чегараларда ер участкаларини бўлиш имкониятини ўрганади;

в) ушбу Регламент 6-бандининг бешинчи ва олтинчи хатбошиларида кўрсатилган талаблар асосида бўлиш мумкинлигини кўриб чиқади;

г) кадастр рақами аризада кўрсатилган ер участкасининг хусусий инвестор номига давлат рўйхатидан ўтказилганини текширади.

19. Ўрганиш натижалари ушбу Регламентнинг 18-банди талабларига тўлиқ мувофиқ деб топилган тақдирда, филиал далолатнома лойиҳасини шакллантиради ҳамда далолатнома лойиҳасини филиал бошлиғи ва ижрочи ўз ЭРИси билан имзолайди.

Далолатномага янги ҳосил бўлаётган ер участкаларининг чегаралари кўрсатилган топографик режа илова қилинади.

Ер участкалари ва унга туташ ҳудуднинг топографик режасини тайёрлаш учун тўлов суммаси бир гектар ер майдони учун базавий ҳисоблаш миқдорининг беш баравари ҳисобидан келиб чиқиб (бир квадрат метргача бўлган аниқликда) ҳисобланади.

Ўрганиш натижалари ушбу Регламентнинг 18-банди талабларидан бири ёки бир нечтасига мувофиқ эмас деб топилган тақдирда, филиал рад этишнинг аниқ сабаблари ҳамда қонунчилик ҳужжатлари нормаларини кўрсатган ҳолда далолатнома тайёрлашни рад этади.

20. Филиал томонидан далолатнома лойиҳаси имзолангандан сўнг далолатнома, топографик режа ҳамда топографик режани тайёрлаш учун тўлов миқдори қиймати кўрсатилган хабарнома (инвойс) давлат хизматлари марказига (ўзи келиб мурожаат қилган тақдирда) ёки ЯИДХП ёхуд веб-сайт орқали (электрон шаклда мурожаат қилган тақдирда) аризачига электрон шаклда юборилади.

Далолатномани тайёрлаш рад этилган тақдирда, рад этиш тўғрисидаги хабарнома филиал бошлиғининг ЭРИси билан тасдиқланган ҳолда давлат хизматлари марказига (ўзи келиб мурожаат қилган тақдирда) ёки ЯИДХП ёхуд веб-сайт орқали (электрон шаклда мурожаат қилган тақдирда) аризачига юборилади.

21. Давлат хизматлари маркази далолатнома, топографик режа ҳамда топографик режани тайёрлаш учун тўлов миқдори қиймати кўрсатилган хабарнома (инвойс) келиб тушгандан сўнг реал вақт режимида бу ҳақда ахборот-коммуникация тизими орқали ариза берувчини хабардор қилади.

22. Ариза берувчи 20 иш куни мобайнида:

топографик режани тайёрлашнинг тўлов қийматини хабарномада қайд этилган миқдорда тўлайди.

23. Ариза берувчи томонидан келишилган далолатнома ва унга илова қилинган топографик режа давлат хизматлари маркази томонидан реал вақт режимида, ЯИДХП ёки веб-сайт орқали мурожаат қилинганда эса автоматик тарзда туман (шаҳар) қурилиш ва уй-жой коммунал хўжалиги бўлимлари ҳамда экология, атроф-муҳитни муҳофаза қилиш ва иқлим ўзгариши бошқармаларига келишиш учун юборилади.

24. Далолатнома ва унга илова қилинган топографик режа келиб тушгандан сўнг:

етти иш куни ичида туман (шаҳар) қурилиш ва уй-жой коммунал хўжалиги бўлимлари ер участкаси жойлашган манзилда ер участкасини ушбу Регламентнинг 6-бандининг иккинчи — тўртинчи хатбошиларида кўрсатилган талаблар асосида бўлиш имкониятини ўрганган ҳолда далолатномани келишади ёки рад этишнинг аниқ сабабларини ва тегишли қонунчилик ҳужжатлари нормаларини кўрсатган ҳолда уни рад этади;

уч иш куни ичида экология, атроф-муҳитни муҳофаза қилиш ва иқлим ўзгариши бошқармалари ушбу Регламент 6-бандининг еттинчи хатбошида кўрсатилган талаблар асосида ўрганган ҳолда далолатномани келишади ёки рад этишнинг аниқ сабабларини ва тегишли қонунчилик ҳужжатлари нормаларини кўрсатган ҳолда уни рад этади.

25. Далолатномани келишиш ёки рад этиш тегишли ташкилотларнинг туман (шаҳар) бўлими ҳамда тегишли вилоят бошқармаси бошлиғининг ЭРИси билан тасдиқлаш орқали амалга оширилади.

26. Давлат хизматлари марказига далолатнома ёки далолатнома тайёрлашни рад этиш ҳақида хабарнома келиб тушган тақдирда, марказ хабарнома келиб тушгандан сўнг реал вақт режимида бу ҳақда ахборот-коммуникация тизими орқали ариза берувчини хабардор қилади.

27. Қуйидагилар давлат хизмати кўрсатишни рад этиш учун асос ҳисобланади:

ушбу Регламентнинг 2, 5 ва 6-бандларида назарда тутилган талабларга мувофиқ эмаслиги;

сўровномада нотўғри маълумотлар кўрсатилиши;

далолатнома ариза берувчи томонидан белгиланган муддатда имзоланмагани;

ер участкасининг ҳақиқий ҳолати кўчмас мулкка бўлган ҳуқуқлар давлат реестридаги маълумотлардан фарқ қилиши;

ваколатли орган томонидан кўчмас мулк объектига тақиқ ёки хатлов қўйилгани;

аризага илова қилинган ҳужжатлар тўлиқ эмаслиги;

давлат хизматларини кўрсатиш учун йиғимни ва топографик режани тайёрлаш учун тўлов суммасини тўламаслик.

Давлат хизматларини кўрсатишни бошқа асосларга кўра рад этиш қатъиян тақиқланади.

28. Ариза берувчи давлат хизмати кўрсатилиши рад этилган кундан бошлаб ўн иш куни мобайнида давлат хизмати кўрсатиш учун йиғимни тўламасдан, кўрсатилган камчиликни бартараф этган ҳолда қайта мурожаат қилиш ҳуқуқига эга.

4-боб. Якунловчи қоидалар

29. Давлат хизматлари марказлари, филиаллар, туман (шаҳар) қурилиш ва уй-жой коммунал хўжалиги бўлимлари ҳамда экология, атроф-муҳитни муҳофаза қилиш ва иқлим ўзгариши бошқармалари ўз фаолиятини амалга ошириши натижасида олинган ариза берувчи ҳақидаги маълумотларнинг махфийлигини таъминлаши шарт.

30. Хусусий инвестор томонидан ушбу далолатноманинг тасдиқлангани, кейинчалик бўлинган ер участкалари ва улардаги бино иншоотларга кадастр йиғмажилдини қайта шакллантириш ва кўчмас мулкка бўлган ҳуқуқларни давлат рўйхатидан ўтказиш учун асос ҳисобланади.

Адлия вазирлиги, унинг ҳудудий бошқармалари ва давлат хизматлари марказлари давлат органлари ва бошқа ташкилотларнинг ушбу Регламент талаблари ижроси бўйича фаолиятини, шу жумладан, ЯИДХП орқали доимий назорат ва мониторинг қилиб боради.

31. Ариза берувчи давлат органлари ва бошқа ташкилотлар ходимларининг хатти-ҳаракатлари (ҳаракатсизлиги) юзасидан қонунчилик ҳужжатларида белгиланган тартибда шикоят қилиши мумкин.

32. Ушбу Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш

Босқичлар Субъектлар Тадбирлар Бажариш муддатлари 1-босқич Ариза берувчи 1. Далолатнома олиш учун давлат хизматлари марказига ўзи келиб мурожаат қилади ёки Ягона интерактив давлат хизматлари портали ёхуд Кадастр агентлигининг расмий веб-сайти орқали мурожаат қилади. 2. Давлат хизмати кўрсатиш учун йиғимни тўлайди. Хоҳишига кўра 2-босқич 1. Давлат хизматлари маркази. 2. ЯИДХП. 3. Кадастр агентлигининг расмий веб-сайти. Сўровномани филиалга юборади. Реал вақт режимида 3-босқич Филиал 1. Барпо этиладиган янги массив ҳудудидаги бирлаштирилган ер участкасида қурилиши режалаш-тирилган объектларнинг бўлиниш чегаралари кўрсатилган лойиҳа-смета ҳужжатларига асосан ҳудуднинг топографик режасини тайёрлайди. 2. Аризада келтирилган ер участкасини бўлиш ва топографик режада кўрсатилган чегараларда ер участкаларини шакллантириш имкониятини ўрганади. 3. Регламентнинг 6-банди «г» ва «д» кичик бандларида кўрсатилган талаблар асосида бўлиш мумкинлигини кўриб чиқади. 4. Ер участкасининг кадастр рақами асосида мазкур ер участкасининг инвестиция фаолияти субъекти номига давлат рўйхатидан ўтказилганини текширади. 5. Ўрганишлар натижасида топографик режа илова қилинган далолатномани тайёрлайди ёки далолатнома расмийлаштиришни рад этади ва уни давлат хизматлари марказларига юборади. Регламентнинг 17-бандида белгиланган муддатларда 4-босқич Давлат хизматлари маркази Далолатнома ва топографик режа келиб тушгани ҳақида ахборот-коммуникация тизими орқали ариза берувчини хабардор қилади. Реал вақт режимида 5-босқич Ариза берувчи Марказга келиб идентификация қилиш воситалари орқали ёки ЯИДХП ёхуд веб-сайт орқали ҳуқуқ эгаларининг ЭРИси билан далолатномани келишади. 20 иш куни 6-босқич 1. Давлат хизматлари маркази. 2. ЯИДХП. 3. Кадастр агентлигининг расмий веб-сайти. Далолатнома ва унга илова қилинган ҳужжатларни келишиш учун туман (шаҳар) қурилиш ва уй-жой коммунал хўжалиги бўлимлари ҳамда экология, атроф-муҳитни муҳофаза қилиш ва иқлим ўзгариши бошқармаларига юборади. Реал вақт режимида 7-босқич Туман (шаҳар) қурилиш ва уй-жой коммунал хўжалиги бўлимлари, экология, атроф-муҳитни муҳофаза қилиш ва иқлим ўзгариши бошқармалари Далолатнома ва унга илова қилинган ҳужжатларни келишади ёки далолатнома ва унга илова қилинган ҳужжатларни келишишни рад этади ва уни давлат хизматлари марказларига юборади. Ушбу регламентнинг 24-бандида белгиланган муддатларда 8-босқич Давлат хизматлари маркази Далолатнома ёки далолатномани тайёрлашни рад этиш ҳақида хабарнома келиб тушгани ҳақида ахборот-коммуникация тизими орқали ариза берувчини хабардор қилади. Реал вақт режимида

Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш ДАЛОЛАТНОМАСИ ________-сон __________ йил Ушбу далолатнома, Давлат кадастрлари палатаси __________________ бошқармасининг ____________ туман филиали, ____________ туман (шаҳар) қурилиш ва уй-жой коммунал хўжалиги бўлими вакиллари, ______________ экология, атроф-муҳитни муҳофаза қилиш ва иқлим ўзгариши бошқармаси вакиллари ва инвестиция фаолияти субъекти билан ер участкасини бўлиш тўғрисида тузилди. 1. Бўлинаётган ер участкаси тўғрисидаги маълумотлар: 1.1. Хусусий инвестор: ____________________ Ер участкаси жойлашган манзил: ______________ Ер участкасининг кадастр рақами __________ Ер участкасининг майдони (м²) _____________ Ер участкасидан рухсат этилган фойдаланишнинг асосий тури: _________________ Ер участкасининг алоҳида хусусиятлари: _______ 2. Бўлинаётган кўчмас мулк таркиби қуйидагилардан иборат: 2.1. Хусусий инвестор: ________________________ Ер участкалари жойлашган манзил: _________________ Ер участкаларининг кадастр рақамлари ______________ Ер участкаларининг майдонлари (м²) ___________________ Ер участкаларидан рухсат этилган фойдаланишнинг асосий турлари: ______________________________ Ер участкаларининг алоҳида хусусиятлари: __________ Хусусий инвесторга тегишли бўлган ер участкаларининг жами майдони (м² ва %): ____________ Барпо этиладиган янги массив ҳудудида кўп квартирали уйларга туташ ерлар ва умумий фойдаланишдаги ерларнинг жами майдони (м² ва %): _______ 3. Ушбу далолатнома, унинг ажралмас қисми сифатида илова қилинган топографик режа билан бирга ҳақиқий ҳисобланади. ХУЛОСА ҚИСМИ: Ер участкасига ўзгартириш киритилган кўчмас мулк ушбу далолатноманинг 3-бандида келтирилган таркибда алоҳида кўчмас мулк деб ҳисобланади. туман (шаҳар) филиали бошлиғи ________ __________________ (Ф.И.О.) туман (шаҳар) қурилиш ва уй-жой коммунал хўжалиги бўлими бошлиғи ________ ___________________ (Ф.И.О.) экология, атроф-муҳитни муҳофаза қилиш ва иқлим ўзгариши бошқармаси бошлиғи ________ ____________________ (Ф.И.О.) туман (шаҳар) филиали муҳандиси ________ ____________________ (Ф.И.О.) Хусусий инвестор ________ ____________________ (Ф.И.О.) 20___ йил «____» _______ ___________ тумани (шаҳри).

Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш далолатномасига ИЛОВА

_________________ ______________ (санаси) (рақами) Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш тўғрисида СЎРОВНОМА I. Ариза берувчи — жисмоний шахс тўғрисида маълумот: 1. Ф.И.О.: 2. Паспорт (ID-карта) маълумотлари (серияси ва рақами, жисмоний шахснинг шахсий идентификация рақами (мавжуд бўлса): 3. Телефон рақами: 4. Электрон почта манзили (мавжуд бўлса): II. Ариза берувчи — юридик шахс тўғрисида маълумот: 1. Расмий номи (тўлиқ): 2. Жойлашган жойи: 3. Телефон рақами: 4. Электрон почта манзили (мавжуд бўлса): III. Ер участкалари тўғрисида маълумот: 1. Ер участкасининг манзили (индекс, манзил, мўлжал): 2. Ер участкасининг кадастр рақами: 3. Ер участкасининг майдони (м²): 4. Ер участкасидан рухсат этилган фойдаланишнинг асосий тури: » .

8. Вазирлар Маҳкамасининг «Нотариуслар томонидан айрим нотариал ҳаракатларни амалга ошириш тартиби тўғрисидаги маъмурий регламентларни тасдиқлаш ҳақида» 2020 йил 18 ноябрдаги 726-сон қарорида :

а) 1-иловада :

22-банднинг еттинчи хатбошиси қуйидаги таҳрирда баён этилсин:

«кўчмас мулк ёки унинг бир қисми гаровга қўйилган бўлса (гаров реестрида кредиторларнинг ҳуқуқлари тўғрисида ёзув мавжуд бўлса), гаровга олувчининг (кредиторнинг) розилиги»;

31-банднинг бешинчи хатбошисидаги «Ўзбекистон Республикаси Давлат активларини бошқариш агентлигининг ҳудудий органларидан (Тошкент шаҳрида — «Тошкент шаҳар уй-жойларга давлат ордерлари ва маълумотномалар бериш маркази» давлат унитар корхонасидан)» сўзлари «туман (шаҳар) ҳокимликларидан» сўзлари билан алмаштирилсин;

40-бандда :

биринчи хатбоши қуйидаги таҳрирда баён этилсин:

«40. Битимни тасдиқлашда мол-мулкни бошқа шахсга ўтказиш тақиқланмагани ва (ёки) хатланмагани, шунингдек, гаров реестрида мулкка нисбатан кредиторларнинг ҳуқуқлари тўғрисида ёзув мавжуд эмаслиги Тизим орқали текширилади. Бунда текшириш натижаси бўйича олинган мулкни бошқа шахсга ўтказиш тақиқланмагани ёки хатланмагани ва кредиторларнинг ҳуқуқлари тўғрисида ёзув мавжуд эмаслиги ҳақидаги маълумотнома Тизимда сақланади»;

қуйидаги мазмундаги учинчи хатбоши билан тўлдирилсин:

«Гаров реестрида битим предмети бўлган мулкка нисбатан кредиторнинг ҳуқуқлари тўғрисида ёзув мавжудлиги аниқланса, нотариус мурожаат қилувчига кредиторнинг розилиги олингандан кейин нотариал ҳаракатни амалга ошириш мумкинлиги ҳақида тушунтиради. Бунда кредиторнинг розилиги Тизим орқали олинади»;

62-бандда :

иккинчи хатбоши «тақиқланмаганлиги ёки хатланмаганлиги» сўзларидан кейин «шунингдек, гаров реестрида кўчмас мулкка нисбатан кредиторларнинг ҳуқуқлари тўғрисида ёзув мавжуд эмаслиги» сўзлари билан тўлдирилсин;

қуйидаги мазмундаги учинчи хатбоши билан тўлдирилсин:

«Гаров реестрида бекор қилинаётган битим предмети бўлган мулкка нисбатан кредиторнинг ҳуқуқлари тўғрисида ёзув мавжудлиги аниқланса, нотариус мурожаат қилувчига кредиторнинг розилиги олингандан кейин битимни бекор қилиш мумкинлиги ҳақида тушунтиради. Бунда кредиторнинг розилиги Тизим орқали олинади»;

учинчи — олтинчи хатбошилар тегишлича тўртинчи — еттинчи хатбошилар деб ҳисоблансин;

илованинг 2-босқичи «Тадбирлар» устунида:

2-банд «тақиқ ёки хатлов» сўзларидан кейин «шунингдек, гаров реестрида мулкка нисбатан кредиторларнинг ҳуқуқлари тўғрисида ёзув» сўзлари билан тўлдирилсин;

3-банддаги «Ўзбекистон Республикаси Давлат активларини бошқариш агентлигининг ҳудудий органларидан (Тошкент шаҳрида — «Тошкент шаҳар уй-жойларга давлат ордерлари ва маълумотномалар бериш маркази» давлат унитар корхонасидан) олинган» сўзлари «туман (шаҳар) ҳокимликларидан» сўзлари билан алмаштирилсин;

б) 2-иловада :

27-бандда :

биринчи хатбоши қуйидаги таҳрирда баён этилсин:

«27. Битимни тасдиқлашда мол-мулкни бошқа шахсга ўтказиш тақиқланмагани ва (ёки) хатланмагани, шунингдек, гаров реестрида мулкка нисбатан кредиторларнинг ҳуқуқлари тўғрисида ёзув мавжуд эмаслиги Тизим орқали текширилади. Бунда текшириш натижаси бўйича олинган мулкни бошқа шахсга ўтказиш тақиқланмагани ёки хатланмагани ва кредиторларнинг ҳуқуқлари тўғрисида ёзув мавжуд эмаслиги ҳақидаги маълумотнома Тизимда сақланади»;

қуйидаги мазмундаги учинчи хатбоши билан тўлдирилсин:

Нотариуслар томонидан автомототранспорт воситаларини бошқа шахсга ўтказиш ҳақидаги битимларни тасдиқлашнинг маъмурий регламентига илованинг 2-босқичи «Тадбирлар» устунининг 2-банди «тақиқ ёки хатлов» сўзларидан кейин «шунингдек, гаров реестрида мулкка нисбатан кредиторларнинг ҳуқуқлари тўғрисида ёзув» сўзлари билан тўлдирилсин;

в) 3-иловада :

19-банднинг еттинчи хатбошисидаги «Ўзбекистон Республикаси Давлат активларини бошқариш агентлигининг ҳудудий органларидан (Тошкент шаҳрида — «Тошкент шаҳар уй-жойларга давлат ордерлари ва маълумотномалар бериш маркази» давлат унитар корхонасидан)» сўзлари «туман (шаҳар) ҳокимликларидан» сўзлари билан алмаштирилсин;

23 ва 24-бандлар қуйидаги таҳрирда баён этилсин:

«23. Шартномани тасдиқлашда нотариус гаров (ипотека) нарсаси бошқа шахсга ўтказиш тақиқланмагани ва (ёки) хатланмагани, шунингдек, гаров реестрида мулкка нисбатан кредиторларнинг ҳуқуқлари тўғрисида ёзув мавжуд эмаслиги Тизим орқали текширилади.

Бунда мулкни бошқа шахсга ўтказиш тақиқланмагани ёки хатланмагани ва кредиторларнинг ҳуқуқлари тўғрисида ёзув мавжуд эмаслиги ҳақидаги маълумотнома Тизимда сақланади.

24. Агар гаровга (ипотекага) қўювчига тегишли бўлган мол-мулкка нисбатан тақиқ, шунингдек, гаров реестрида мулкка нисбатан кредиторларнинг ҳуқуқлари тўғрисида ёзув мавжуд бўлса, шартномани расмийлаштиришда гаровга олувчининг (кредиторнинг) розилиги олинади»;

44-банднинг иккинчи хатбошиси «тақиқланмаганлиги ёки хатланмаганлиги» сўзларидан кейин «шунингдек, гаров реестрида кўчмас мулкка нисбатан кредиторларнинг ҳуқуқлари тўғрисида ёзув мавжуд эмаслиги» сўзлари билан тўлдирилсин;

илованинг 2-босқичи «Тадбирлар» устунида:

г) 4-иловада :

10-банднинг учинчи хатбошиси «транспорт воситаларига нисбатан тақиқ (хатлов)» сўзларидан кейин «шунингдек, гаров реестрида мулкка нисбатан кредиторларнинг ҳуқуқлари тўғрисида ёзув» сўзлари билан тўлдирилсин;

илованинг 2-босқичи «Тадбирлар» устунининг 2-банди «тақиқ ёки хатлов» сўзларидан кейин «шунингдек, гаров реестрида мулкка нисбатан кредиторларнинг ҳуқуқлари тўғрисида ёзув» сўзлари билан тўлдирилсин;

д) 5-иловада :

31-банднинг учинчи хатбошисидан «қўшимча масъулиятли ёки» сўзлари чиқариб ташлансин;

34-банд қуйидаги таҳрирда баён этилсин:

«34. Гувоҳномани расмийлаштиришда мерос мол-мулки тақиқланмагани ва (ёки) хатланмагани, шунингдек, гаров реестрида мулкка нисбатан кредиторларнинг ҳуқуқлари тўғрисида ёзув мавжуд эмаслиги Тизим орқали текширилади. Бунда текшириш натижаси бўйича олинган мулкни бошқа шахсга ўтказиш тақиқланмагани ёки хатланмагани ва кредиторларнинг ҳуқуқлари тўғрисида ёзув мавжуд эмаслиги ҳақидаги маълумотнома Тизимда сақланади.

Агар мерос мол-мулкига нисбатан тақиқ ва хатлов қўйилган, шунингдек, кредиторларнинг ҳуқуқлари тўғрисида ёзув мавжуд бўлса, тақиқ ва хатлов ҳамда тегишли ёзув олиб ташланмагунга қадар гувоҳномани бериш тўхтатиб турилади. Гаров (ипотека) шартномаси асосида мерос мол-мулкига тақиқ қўйилган бўлса (гаров реестрида кредиторларнинг ҳуқуқлари тўғрисида ёзув мавжуд бўлса), гаровга олувчининг (кредиторнинг) розилиги билан тақиқ бекор қилинмаган ҳолда меросхўрларга гувоҳнома берилиши мумкин»;

илованинг 2-босқичи «Тадбирлар» устунининг 3-банди «тақиқ ёки хатлов» сўзларидан кейин «шунингдек, гаров реестрида мулкка нисбатан кредиторларнинг ҳуқуқлари тўғрисида ёзув» сўзлари билан тўлдирилсин.

9. Вазирлар Маҳкамасининг «Ўзтўқимачиликсаноат» уюшмасининг тўқимачилик ва тикув-трикотаж соҳасини ривожлантириш жамғармаси маблағларини шакллантириш ва ундан фойдаланиш тартиби тўғрисидаги низомни тасдиқлаш ҳақида» 2021 йил 23 февралдаги 93-сон қарорида :

а) 1 , 3 ва 4-бандлар ўз кучини йўқотган деб ҳисоблансин;

б) иловада :

3-банд қуйидаги таҳрирда баён этилсин:

«3. Жамғарма маблағлари қонунчилик ҳужжатларида тақиқланмаган манбалар ҳисобидан шакллантирилади»;

26-банд ўз кучини йўқотган деб ҳисоблансин.

10. Вазирлар Маҳкамасининг «Тошкент вилояти маъмурий марказини қуриш ишларини жадаллаштириш ҳамда замонавий ишбилармонлик ва турар-жой марказларини ташкил этишга доир ташкилий чора-тадбирлар тўғрисида» 2021 йил 28 апрелдаги 246-сон қарорининг 3-банди қуйидаги мазмундаги «е» кичик банд билан тўлдирилсин:

«е) «Nurafshon business city» замонавий ишбилармонлик ва турар-жой маркази ҳудудидаги ер участкаларини электрон онлайн-аукцион савдолари орқали сотишдан тушган маблағлар (савдога чиқариш ва сотиш харажатлари чегириб қолинган ҳолда) Дирекция тасарруфида қолдирилади.

Бунда маблағлар муҳандислик ва транспорт коммуникацияларининг майдон ички тармоқларини қуриш, умумий фойдаланиладиган ҳудудларни ободонлаштириш ҳамда Дирекцияни сақлаш билан боғлиқ харажатлари учун сарфланади».

11. Вазирлар Маҳкамасининг 2021 йил 4 майдаги 266-сон қарори билан тасдиқланган Давлат активларини бошқариш агентлигига давлат мулки сифатида баланс қийматида ўтказиладиган ва кейинчалик оммавий савдолар орқали сотиладиган объектлар рўйхатига эслатманинг биринчи хатбошисидаги «электрон савдолар орқали белгиланган тартибда тадбиркорлик субъектларига берилади» сўзлари «Е-auksion» электрон савдо платформаси орқали жисмоний ва юридик шахсларга қонунчиликда белгиланган тартибда реализация қилинади» сўзлари билан алмаштирилсин.

12. Вазирлар Маҳкамасининг «Давлат кадастрларини юритиш соҳасини тартибга солувчи айрим норматив-ҳуқуқий ҳужжатларни тасдиқлаш тўғрисида» 2021 йил 22 июндаги 389-сон қарорида :

а) 2-иловада 19-банднинг иккинчи хатбошисидан учинчи жумла чиқариб ташлансин;

б) 3-иловада :

1-банд қуйидаги мазмундаги иккинчи хатбоши билан тўлдирилсин:

«Ушбу Низом капитал қурилиш объекти ҳисобланмаган, шу жумладан, енгил конструкцияли қурилмаларга нисбатан татбиқ этилмайди»;

2-бандда :

қуйидаги мазмундаги саккизинчи хатбоши билан тўлдирилсин:

« капитал қурилиш объектлари — ер билан узвий боғлиқ бўлган ва уларнинг белгиланган мақсадига номутаносиб зарар етказмаган ҳолда жойини ўзгартириш мумкин бўлмайдиган бинолар, иншоотлар, шунингдек, қурилиши тугалланмаган объектлар»;

саккизинчи — ўн биринчи хатбошилар тегишлича тўққизинчи — ўн иккинчи хатбошилар деб ҳисоблансин;

5-бандда :

учинчи хатбоши қуйидаги таҳрирда баён этилсин:

Ўзбекистон Республикасининг «Кўчмас мулкка бўлган ҳуқуқларни давлат рўйхатидан ўтказиш тўғрисида»ги Қонуни билан белгиланган кўчмас мулкка бўлган ҳуқуқни белгиловчи ҳужжатлар»;

қуйидаги мазмундаги тўртинчи хатбоши билан тўлдирилсин:

«янги қурилган, реконструкция қилинган ва қурилиши тугалланмаган объектларга тасдиқланган лойиҳа ҳужжатлари»;

тўртинчи ва бешинчи хатбошилар тегишлича бешинчи ва олтинчи хатбошилар деб ҳисоблансин;

11 ва 12-бандлар қуйидаги таҳрирда баён этилсин:

«11. Кўчмас мулк объектига кадастр йиғмажилдини тайёрлаш ва кадастр паспортини расмийлаштиришни рад этиш учун қуйидагилар асос бўлади:

сўровномада нотўғри маълумотлар кўрсатилгани;

кўчмас мулк объектларига бўлган ҳуқуқларни тасдиқловчи ҳужжатлар мавжуд эмаслиги;

туман (шаҳар) филиалида ушбу кўчмас мулк объектининг мансублиги масаласида низолар борлигидан далолат берувчи суд ҳужжатларининг мавжудлиги;

ваколатли орган томонидан кўчмас мулк объектига тақиқ ёки хатлов қўйилгани;

тақдим этилган ҳужжатларда нотўғри, қарама-қарши маълумотлар аниқлангани;

туман (шаҳар) филиалида ушбу ер участкаси қонунчилик ҳужжатларида белгиланган тартибда олиб қўйилгани ҳақидаги маълумотларнинг мавжудлиги;

ер участкасига бўлган ҳуқуқларнинг қонунчилик ҳужжатларида назарда тутилган ҳолларда ва тартибда бекор қилингани;

бино ва иншоотнинг ихтисослашиши улар жойлашган ер участкасининг фойдаланиш мақсадига мос бўлмаган тарзда ўзгартирилгани.

Кадастр йиғмажилди ёки кадастр паспортини тайёрлаш рад этилганда, ушбу бандда назарда тутилган рад этиш асослари кўрсатилади.

Кадастр йиғмажилди ёки кадастр паспортини расмийлаштиришни ушбу бандда кўрсатилмаган асослар бўйича рад этиш қатъиян тақиқланади.

12. Кадастр муҳандиси юридик ва жисмоний шахсларга кадастр йиғмажилдини тайёрлаб бериш бўйича келишув шартномасига мувофиқ Давлат кадастрлари палатасининг махсус ахборот тизимида ажратилган шахсий кабинети орқали кўчмас мулк объектига оид маълумотларни киритади ҳамда мулкдор (фойдаланувчи)нинг кўчмас мулкига оид мавжуд ахборотни тизимда ўзига юклаб олади.

Кадастр муҳандиси ўз шахсий кабинети орқали қуйидаги маълумотларни Давлат кадастрлари палатасининг туман (шаҳар) филиалига юборади:

кўчмас мулк объектининг кадастр рақами (кадастр ҳужжатларига ўзгартириш киритилаётганда);

мулкдор (фойдаланувчи) юридик ва жисмоний шахснинг номи;

юридик шахсларда солиқ тўловчининг идентификация рақами, жисмоний шахсларда жисмоний шахснинг шахсий идентификация рақами;

кадастр йиғмажилдини тайёрлаш (қайта тайёрлаш) учун Ўзбекистон Республикасининг «Кўчмас мулкка бўлган ҳуқуқларни давлат рўйхатидан ўтказиш тўғрисида»ги Қонуни билан белгиланган кўчмас мулкка бўлган ҳуқуқни белгиловчи ҳужжатлар;

янги қурилган, реконструкция қилинган ва қурилиши тугалланмаган объектларга тасдиқланган лойиҳа ҳужжатлари;

кўчмас мулк объектига кадастр йиғмажилдини тайёрлаш (қайта тайёрлаш) бўйича томонлар ўртасида имзоланган, шу жумладан, жисмоний шахс томонидан шахсий маълумотлардан фойдаланишга розилик берилган шартнома.

Якка тартибдаги тадбиркор сифатида фаолиятини амалга оширувчи кадастр муҳандислари геодезия-картография ишлари билан шуғулланувчи юридик шахслар билан шартнома тузиш орқали кадастр суратига олиш ишларини амалга оширган тақдирда, геодезия-картография ишлари билан шуғулланувчи юридик шахслар билан тузилган шартнома нусхасини Давлат кадастрлари палатасининг туман (шаҳар) филиалига юборади.

Кадастр муҳандиси малака шаҳодатномасининг амал қилиши тугаганда, шахсий кабинетнинг ишчи функциялари чекланади»;

17-бандда :

қуйидаги мазмундаги иккинчи — саккизинчи хатбошилар билан тўлдирилсин:

«Кадастр режалари ер участкасининг майдонидан келиб чиқиб қуйидаги масштаблар талабида тузилади:

12,5 гектаргача бўлган майдонлар — 1:500 масштабда;

12,5 гектардан — 50 гектаргача — 1:1 000 масштабда;

50 гектардан — 400 гектаргача — 1:2 000 масштабда;

400 гектардан — 1 000 гектаргача — 1:5 000 масштабда;

1 000 гектар ва ундан ортиқ ер майдонлари — 1:10 000 масштабда.

Бунда кадастр режалари буюртмачининг талабидан келиб чиқиб, топографик режалар масштаблари доирасида йирикроқ масштабларда ҳам тузилиши мумкин»;

иккинчи — тўртинчи хатбошилар тегишлича тўққизинчи — ўн биринчи хатбошилар деб ҳисоблансин;

қуйидаги мазмундаги 22 1 -банд билан тўлдирилсин:

«22 1 . Кўчмас мулк объектини ҳисобга олишда кўп квартирали уй жойлашган ва унга туташ ер участкаси (режаси, жойлашган объектлар, шу жумладан, лойиҳада назарда тутилган автотураргоҳлар, болалар ва спорт майдончалари, дам олиш масканлари, сайилгоҳлар, йўлаклар ва кўп квартирали уйга хизмат кўрсатувчи бошқа объектлар) майдони ҳамда чегаралари бўйича маълумотлар акс эттирилади»;

23-банднинг биринчи хатбошиси қуйидаги таҳрирда баён этилсин:

«23. Ер участкасига бўлган ҳуқуқлари давлат рўйхатидан ўтказилган ер майдонининг фойдаланиш мақсадига мос равишда ҳамда тегишли тартиб асосида барпо этилган ва қурилиши тугалланган ёки тугалланмаган бино ва иншоотларга кадастр йиғмажилди тайёрланишига рухсат берилади»;

29-банд қуйидаги таҳрирда баён этилсин:

«29. Кўчмас мулк объектини ҳисобдан ўтказиш натижасига кўра ахборот тизимида бино ва иншоотларнинг қуйидаги кадастр маълумотлари акс эттирилади:

бинолар сони;

иншоотлар сони;

асосий хоналар сони;

бинолар умумий майдони;

фойдали (яшаш) майдони;

бинонинг қурилишости майдони;

иншоотлар майдони;

бино ва иншоотларнинг капиталлиги;

фойдаланиш мақсади;

конструктив тури (пойдевор, девор, чердак тўсинлар, ораёпма, том қопламаси, пол);

зилзилабардошлиги;

муҳандислик жиҳозлангани (сув, оқова, электр, газ, иссиқлик);

бинонинг қаватлилиги;

объект жойлашган қавати;

бинонинг баландлиги, м;

майдон, кв.м. (қурилишости, умумий, ишлаб чиқариш, фойдали, яшаш);

қурилган йили;

ўзбошимчалик билан қурилган бинолар ва иншоотлар;

кадастр қиймати;

битим (шартнома) қиймати;

махсус иншоотлар тўғрисидаги маълумотлар;

кўп квартирали уйлардаги турар жойлар ва яшаш учун мўлжалланмаган (нотурар) жойлар, умумий мол-мулк (умумий жойлар) рўйхати.

Бино ва иншоотларнинг ўзига хос хусусиятларини акс эттирувчи бошқа кўрсаткичлар ҳам киритилиши мумкин»;

31-банднинг биринчи хатбошиси қуйидаги таҳрирда баён этилсин:

«31. Бинолар улар жойлашган ер участкасининг фойдаланиш мақсадига мос равишда қайта ихтисослаштирилганда, реконструкция қилинганда, кадастр йиғмажилдига тегишли ўзгартиришлар киритилади»;

47-банд қуйидаги таҳрирда баён этилсин:

«47. Бино ва иншоотларнинг конструктив қисмлари, хоналар сони улар жойлашган ер участкасининг фойдаланиш мақсадига мос равишда ўзгартирилган ҳолда реконструкция қилинганда, улар қайтадан техник хатловдан ўтказилади ҳамда шу асосда бино ва иншоотларнинг кадастр маълумотлари қайтадан тайёрланади»;

53-банд қуйидаги таҳрирда баён этилсин:

«53. Кўчмас мулк объектига кадастр паспорти қуйидаги ҳолларда расмийлаштирилади:

ер участкалари берилганда (реализация қилинганда);

кўчмас мулк объекти бўйича бирламчи техник инвентаризациядан ўтказиш ишлари бажарилганда;

кўчмас мулкни бўлиш ва унинг янги чегараларини белгилаш амалга оширилганда;

кўчмас мулкни бирлаштириш ва унинг янги чегараларини белгилаш амалга оширилганда;

ер участкасининг майдони ёки чегара нуқталари ўзгарганда;

кўчмас мулк объектининг манзилини белгилашда ёки ўзгартиришда;

ер участкасидан рухсат этилган фойдаланиш асосий тури ёки капитал қурилиш объектининг фойдаланиш мақсади ўзгарганда;

ўз ер участкасида тегишли рухсатномаларни расмийлаштирмасдан қурилган бино ва иншоотлар мавжуд бўлганда».

13. Вазирлар Маҳкамасининг «Кўчма савдо фаолиятига замонавий ахборот технологияларини янада кенг жорий этиш ҳамда савдо автомати орқали чакана савдо фаолиятини тартибга солиш чора-тадбирлари тўғрисида» 2021 йил 3 августдаги 485-сон қарорида :

а) 3-банднинг биринчи хатбошисидаги «музлатгичлар ҳамда автобус бекатлари учун» сўзлари «музлаткичлар, автобус бекатлари ҳамда электромобилларни қувватлантириш станциялари ўрнатиладиган ҳудудлар учун» сўзлари билан алмаштирилсин;

б) 1-иловада :

20-банднинг биринчи хатбошисидаги «музлатгичлар ҳамда автобус бекатлари учун» сўзлари «музлаткичлар, автобус бекатлари ҳамда электромобилларни қувватлантириш станциялари ўрнатиладиган ҳудудлар учун» сўзлари билан алмаштирилсин;

31-банднинг олтинчи хатбошисидаги «музлатгичлар ҳамда автобус бекатлари учун» сўзлари «музлаткичлар, автобус бекатлари ҳамда электромобилларни қувватлантириш станциялари ўрнатиладиган ҳудудлар учун» сўзлари билан алмаштирилсин;

35-банднинг саккизинчи хатбошисидаги «музлатгичлар ҳамда автобус бекатлари учун» сўзлари «музлаткичлар, автобус бекатлари ҳамда электромобилларни қувватлантириш станциялари ўрнатиладиган ҳудудлар учун» сўзлари билан алмаштирилсин;

40-бандда :

қуйидаги мазмундаги еттинчи хатбоши билан тўлдирилсин:

«ҳудудларда электр таъминотининг техник ҳолати ва мавжуд қувватлардан келиб чиқиб, электромобилларни қувватлантириш станциялари ўрнатиладиган ҳудудларнинг махсус шартлари»;

еттинчи — тўққизинчи хатбошилар тегишлича саккизинчи — ўнинчи хатбошилар деб ҳисоблансин;

саккизинчи хатбошидаги «музлатгичлар ҳамда автобус бекатлари учун» сўзлари «музлаткичлар, автобус бекатлари ҳамда электромобилларни қувватлантириш станциялари ўрнатиладиган ҳудудлар учун» сўзлари билан алмаштирилсин;

41-бандда :

қуйидаги мазмундаги бешинчи хатбоши билан тўлдирилсин:

«Ўзбекистон Республикаси Энергетика вазирлиги ҳамда «Ҳудудий электр тармоқлари» АЖ»;

бешинчи ва олтинчи хатбошилар тегишлича олтинчи ва еттинчи хатбошилар деб ҳисоблансин.

14. Вазирлар Маҳкамасининг 2021 йил 27 августдаги 543-сон қарори билан тасдиқланган Ер участкаларини жамоат эҳтиёжлари учун доимий фойдаланишга ажратишнинг маъмурий регламенти 30-банди қуйидаги мазмундаги ўнинчи хатбоши билан тўлдирилсин:

«қонунчилик ҳужжатларида белгиланган асосий шартлар асосида мазкур ер участкасида бино ва иншоотларни лойиҳалаштириш, қурилишни бошлаш ва якунлаш ҳамда объектни фойдаланишга топшириш муддатлари»;

ўнинчи — ўн иккинчи хатбошилар тегишлича ўн биринчи — ўн учинчи хатбошилар деб ҳисоблансин.

15. Вазирлар Маҳкамасининг 2021 йил 21 сентябрдаги 592-сон қарори билан тасдиқланган Йирик инвестиция лойиҳасини амалга ошириш учун энг яхши таклифни танлаб олишнинг маъмурий регламентида :

5-банд қуйидаги мазмундаги «ж» кичик банд билан тўлдирилсин:

«ж) ер участкаси қийматини қонунчилик ҳужжатларида белгиланган тартибда бевосита ёки бўлиб-бўлиб тўлаш ёхуд талабгор томонидан ташкил этилган (ташкил этиладиган) хўжалик жамиятининг устав фондига давлат улуши сифатида киритиш. Бунда ер участкаси қийматини баҳоловчи ташкилот томонидан аниқланадиган бозор қийматига нисбатан Вазирлар Маҳкамаси томонидан белгиланадиган коэффициентни бевосита тўлаш мажбуриятини олган талабгорга биринчи даражали мезон сифатида «25» балл берилади»;

13-бандда :

олтинчи хатбоши қуйидаги таҳрирда баён этилсин:

«Аризада ер участкаси қийматини баҳоловчи ташкилот томонидан аниқланадиган бозор қийматига нисбатан Вазирлар Маҳкамаси томонидан белгиланадиган коэффициентни қонунчилик ҳужжатларида белгиланган тартибда бевосита ёки бўлиб-бўлиб тўлаш ёхуд талабгор томонидан ташкил этилган (ташкил этиладиган) хўжалик жамиятининг устав фондига давлат улуши сифатида киритиш кўрсатилади»;

еттинчи хатбоши чиқариб ташлансин;

саккизинчи хатбоши еттинчи хатбоши деб ҳисоблансин;

46-банднинг иккинчи хатбошиси қуйидаги таҳрирда баён этилсин:

«Ер участкасини ижарага бериш тўғрисидаги Вазирлар Маҳкамасининг ҳужжати лойиҳасида мазкур Регламентнинг 5-бандидаги йирик инвестиция лойиҳаси бўйича таклифларни баҳолаш мезонларидан келиб чиқиб, инвестиция мажбуриятлари ва қишлоқ хўжалигига мўлжалланмаган ер участкаларида қонунчиликда белгиланган асосий шартлар асосида мазкур ер участкасида бино ва иншоотларни лойиҳалаштириш, қурилишни бошлаш ва якунлаш ҳамда объектни фойдаланишга топшириш муддатлари кўрсатилади»;

50-банднинг биринчи хатбошиси қуйидаги таҳрирда баён этилсин:

«Давлат кадастрлари палатасининг ҳудудий бошқармалари Ўзбекистон Республикасининг «Кўчмас мулкка бўлган ҳуқуқларни давлат рўйхатидан ўтказиш тўғрисида»ги Қонуни асосида талабгор номига ер участкасига бўлган ижара ҳуқуқининг ер ижара шартномаси келиб тушган кундан бошлаб икки иш куни ичида давлат рўйхатидан ўтказилишини таъминлайди»;

54 ва 55-бандлар ўз кучини йўқотган деб ҳисоблансин;

56-банддан «кафолат» сўзи чиқариб ташлансин;

1-илованинг 1-босқич «Тадбирлар» устуни қуйидаги таҳрирда баён этилсин:

«Давлат хизматлари марказлари ёки ЯИДХП орқали Ишчи органга ариза ва тегишли ҳужжатларни юборади»;

2-илова қуйидаги мазмундаги 3.6-банд билан тўлдирилсин:

« 3.6. ер участкаси қийматини баҳоловчи ташкилот томонидан аниқланадиган бозор қийматига нисбатан Вазирлар Маҳкамаси томонидан белгиланадиган коэффициентни бевосита ёки бўлиб-бўлиб тўлаш ёхуд талабгор томонидан ташкил этилган (ташкил этиладиган) хўжалик жамиятининг устав фондига давлат улуши сифатида киритишга оид маълумот. рақамда кўрсатилади ».

16. Вазирлар Маҳкамасининг «Ёшларни тадбиркорликка жалб этиш ва уларнинг бизнес ташаббусларини қўллаб-қувватлаш бўйича қўшимча чора-тадбирлар тўғрисида» 2021 йил 21 декабрдаги 765-сон қарорида :

а) 1-банддаги «100» рақами «70» рақами билан алмаштирилсин;

б) 2-банднинг «а» кичик банди учинчи хатбошисидаги «50» рақами «20» рақами билан алмаштирилсин;

в) 2-илованинг учинчи устунидаги «100» рақами «70» рақами билан алмаштирилсин.

17. Вазирлар Маҳкамасининг 2022 йил 12 январдаги 18-сон қарори билан тасдиқланган «E-auksion» электрон савдо платформасида электрон онлайн-аукцион ва танловларни ташкил этиш ҳамда ўтказиш тартиби тўғрисидаги низомда :

қуйидаги мазмундаги 6 1 -банд билан тўлдирилсин:

«6 1 . Кўп квартирали уй-жойлар қуриш учун ер участкаларини ижарага бериш бўйича ғолиб туман (шаҳар) ҳокимлиги ва оператор билан электрон шартнома (оферта)ни ЭРИ орқали имзолайди ҳамда ушбу шартномалар оператор томонидан рўйхатга олиб борилади.

Бунда оферта талабларини бажармаган аукцион савдоси ғолибидан ер участкаси Ўзбекистон Республикаси Президентининг 2024 йил 6 сентябрдаги ПФ-135-сон Фармони билан тасдиқланган Янги ажратилган ер участкасида бино ва иншоотларни лойиҳалаштириш, қурилишни бошлаш, қурилишни якунлаш ҳамда объектни фойдаланишга топшириш муддатларини белгилашнинг асосий шартларига мувофиқ қайтариб олинади ва белгиланган тартибда такроран аукцион савдоларига чиқарилади»;

50-банд қуйидаги мазмундаги учинчи хатбоши билан тўлдирилсин:

«Ер участкасига нисбатан тақиқ қўйилган ҳолларда аукцион натижалари бўйича имзоланган ижара шартномаси ёки аукцион натижалари бўйича расмийлаштирилган ер участкасига мулк ҳуқуқини берувчи давлат ордери тақиқни бекор қилиш учун асос ҳисобланади».

18. Вазирлар Маҳкамасининг «Қишлоқ хўжалигига мўлжалланмаган ер участкаларини хусусийлаштириш тўғрисида»ги Ўзбекистон Республикаси Қонунини амалга ошириш чора-тадбирлари ҳақида» 2022 йил 14 февралдаги 71-сон қарорида :

а) 4-банд қуйидаги мазмундаги тўртинчи хатбоши билан тўлдирилсин:

«Тадбиркорлик ва шаҳарсозлик мақсадларида электрон онлайн-аукцион савдоларида реализация қилинган ер участкаларида қурилиш ишларини бошлашдан фойдаланишга топширишгача бўлган жараёнларни мониторинг қилиш регламенти 2 1 -иловага мувофиқ»;

тўртинчи — олтинчи хатбошилар тегишлича бешинчи — еттинчи хатбошилар деб ҳисоблансин;

б) 1-иловада :

2-банднинг учинчи ва тўртинчи хатбошилари қуйидаги таҳрирда баён этилсин:

« Кадастр ва рўйхатдан ўтказиш интеграциялашган ахборот тизими» — Иқтисодиёт ва молия вазирлиги ҳузуридаги Кадастр агентлигининг кўчмас мулкларни ҳисобга олиш ҳамда кўчмас мулкларга бўлган ҳуқуқларни давлат рўйхатидан ўтказиш ишларини амалга ошириш мақсадида фойдаланиладиган ахборот тизими;

ариза берувчи — мерос қилиб қолдириладиган умрбод эгалик қилиш ҳуқуқи, доимий фойдаланиш (эгалик қилиш) ёки ижара ҳуқуқи ўз номига давлат рўйхатидан ўтказилган қишлоқ хўжалигига мўлжалланмаган ер участкасини хусусийлаштириш мақсадида ариза берган Ўзбекистон Республикаси фуқароси ёки юридик шахси»;

6 ва 7-бандлар қуйидаги таҳрирда баён этилсин:

«6. Ариза берувчилар ёки уларнинг ваколатли вакиллари ер участкаларини хусусийлаштириш учун давлат хизматлари марказларига ўзлари келган ҳолда мурожаат қиладилар ёки давлат хизматидан электрон шаклда фойдаланиш учун ЯИДХПда рўйхатдан ўтадилар.

7. Ариза берувчи ўзи келиб мурожаат қилганда давлат хизматлари маркази ходими ариза берувчи номидан, ЯИДХП орқали мурожаат қилганда эса — ариза берувчининг ўзи мустақил равишда ушбу Регламентга 2 ва 3-иловаларга мувофиқ шаклларда ариза тўлдиради.

Ариза тўлдириш жараёнида:

ер участкасига бўлган ҳуқуқнинг давлат рўйхатидан ўтказилгани, ер участкасида жойлашган кўчмас мулк объектларига нисбатан тақиқ ёки хатловнинг мавжуд эмаслиги ҳамда ер участкасига ва унга бўлган ҳуқуқларга нисбатан якунланмаган давлат хизматлари мавжуд эмаслиги Кадастр агентлигининг «Кадастр ва рўйхатдан ўтказиш интеграциялашган ахборот тизими» орқали;

ер участкасида қонунчиликка мувофиқ хусусийлаштирилмайдиган давлат мулки объектлари мавжуд эмаслиги «Давлат мулки» ахборот тизими орқали;

ер участкасига нисбатан тугалланмаган суд ишларининг мавжуд эмаслиги «Адолат» ахборот тизимлари комплекси орқали;

қазилма конлари (бундан захиралари фойдали қазилмалар захиралари давлат баланси ҳисобига олинмаган кенг тарқалган фойдали қазилмалар мустасно) бўлган ҳудудларда ер участкаси жойлашуви «Рақамли геология» тизими орқали;

ер участкаси ҳуқуқ эгасининг (жисмоний шахс) Ўзбекистон Республикаси фуқаролигига эга эканлиги «E-Fuqaro» идоралараро маълумотлар базаси орқали;

ер участкаси ҳуқуқ эгасининг (жисмоний шахс) ўлим ҳақидаги маълумотлари мавжуд эмаслиги (ариза берувчининг вакили мурожаат қилган тақдирда) «ФҲДЁнинг ягона электрон архиви» ахборот тизими орқали;

ер участкаси ҳуқуқ эгаси (юридик шахс) чет эл юридик шахси ёки чет эл инвестициялари иштирокидаги корхонага мансуб эмаслиги ҳақидаги маълумотлар «Юридик шахслар, фаолиятини ваколатхона, филиал ёки доимий муассаса орқали амалга ошираётган чет эл юридик шахслари ва тадбиркорлик фаолияти билан шуғулланувчи жисмоний шахсларнинг марказий маълумотлар базаси»дан «Рақамли ҳукумат» тизимининг идоралараро интеграциялашув платформаси орқали автоматик равишда текширилади.

Агар хусусийлаштириладиган ер участкаси улушли ёки биргаликдаги эгалик қилишда (фойдаланишда) бўлса, ариза барча эгаларнинг (фойдаланувчиларнинг) фуқаролик қонунчилик ҳужжатларига мувофиқ тузиладиган келишувига биноан, бундай келишувга эришилмаган тақдирда, суд қарорига биноан ушбу Регламент талаблари асосида берилади.

Хусусийлаштирилаётган ер участкасида бошқа шахсларга хусусий мулк ҳуқуқи асосида тегишли бино ва иншоотлар мавжуд бўлган тақдирда, уларнинг мазкур ер участкасига доимий фойдаланиш (эгалик қилиш), ижара ёки мерос қилиб қолдириладиган умрбод эгалик қилиш ҳуқуқи мавжудлиги текширилади»;

8-банд қуйидаги мазмундаги тўртинчи хатбоши билан тўлдирилсин:

«ер участкаси улушли ёки биргаликдаги эгалик қилишда (фойдаланишда) бўлса, ариза барча хусусийлаштириш субъекти бўлган ҳуқуқ эгаларининг (фойдаланувчиларнинг) фуқаролик қонунчилик ҳужжатларига мувофиқ тузиладиган келишуви ёки суднинг тегишли ҳужжати»;

9-банд қуйидаги мазмундаги учинчи хатбоши билан тўлдирилсин:

«Агарда ариза «Ижтимоий ҳимоя ягона реестри» ахборот тизимида рўйхатга олинган шахс ёки I ва II гуруҳ ногиронлиги бўлган шахс томонидан берилган ҳолда, бундай шахсларнинг аризалари бўйича ушбу банднинг биринчи ва иккинчи хатбошиларида кўрсатилган йиғимдан 50 фоиз миқдорида чегирма қўлланади (тадбиркорлик фаолияти мақсадларида ёки юридик шахслар вакили сифатида мурожаат қилинган ҳолатлар бундан мустасно)»;

учинчи хатбоши тўртинчи хатбоши деб ҳисоблансин;

10-банд қуйидаги таҳрирда баён этилсин:

«10. Йиғимлар суммаси қуйидаги тартибда тақсимланади:

а) давлат хизматлари марказларига ўзи келиб мурожаат этганда:

18 фоизи — Адлия вазирлигининг Давлат хизматларини ривожлантириш жамғармасига;

0,5 фоизи — тўловларни тасдиқлаш Ягона биллинг тизими орқали амалга оширилгани учун Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

қолган маблағлар тенг миқдорда қуйидаги тартибда ўтказилади:

Иқтисодиёт ва молия вазирлиги ҳузуридаги Кадастр агентлигининг Давлат кадастрлари палатаси (кейинги ўринларда — Давлат кадастрлари палатаси) ҳудудий бошқармалари банк ҳисобварағига;

Қорақалпоғистон Республикаси Қурилиш ва уй-жой коммунал хўжалиги вазирлиги ҳамда вилоятлар қурилиш ва уй-жой коммунал хўжалиги бош бошқармалари ҳамда Тошкент шаҳар қурилиш бош бошқармасининг банк ҳисобварағига;

Экология, атроф-муҳитни муҳофаза қилиш ва иқлим ўзгариши вазирлигининг бюджетдан ташқари жамғармасига (хавфли моддалар билан зарарланган ҳамда биоген заҳарланишга дучор бўлган ҳудудларда);

б) ЯИДХП орқали мурожаат қилинганда:

10 фоизи — Адлия вазирлигининг Давлат хизматларини ривожлантириш жамғармасига;

11,75 фоизи — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига (шу жумладан, 0,5 фоизи йиғим тўлангани Ягона биллинг тизими орқали тасдиқлангани учун);

қолган маблағлар тенг миқдорда қуйидаги тартибда ўтказилади:

Давлат кадастрлари палатаси ҳудудий бошқармаларининг банк ҳисобварағига;

12 ва 13-бандлар қуйидаги таҳрирда баён этилсин:

«12. Ўзи келиб мурожаат этганда давлат хизматлари марказлари ариза тўлдирилган вақтдан бошлаб реал вақт режимида, ЯИДХП орқали мурожаат қилинганда ариза автоматик равишда «Yerxususiylashtirish» ААТ орқали қуйидаги ваколатли давлат органларига келишиш учун юборилади:

туман (шаҳар) қурилиш ва уй-жой коммунал хўжалиги бўлимига;

Давлат кадастрлари палатаси туман (шаҳар) филиалига;

Қорақалпоғистон Республикаси Экология, атроф-муҳитни муҳофаза қилиш ва иқлим ўзгариши вазирлиги, вилоятлар ёки Тошкент шаҳар экология, атроф-муҳитни муҳофаза қилиш ва иқлим ўзгариши бошқармаларига;

кичик ва ёшлар саноат зоналарини бошқариш бўйича тегишли ягона дирекцияга.

13. Туман (шаҳар) қурилиш ва уй-жой коммунал хўжалиги бўлими беш иш куни ичида:

аризада кўрсатилган ер участкаси жойлашган ҳудудни (аҳоли пункти ёки улар орасидаги ҳудудни) ривожлантиришни шаҳарсозлик жиҳатидан режалаштириш тўғрисидаги ҳамда уларни қуриш ҳақидаги тасдиқланган ҳужжатларга ер участкаси жойлашувининг мувофиқлигини;

шаҳарсозлик фаолиятини амалга ошириш учун қонунчиликда чекловлар ўрнатилган ҳудудлардан фойдаланиш зоналарида аризада кўрсатилган ер участкаси жойлашувини;

ер участкасида кўп қаватли уйларнинг мавжудлигини, шунингдек, ер участкасининг кўп қаватли уйга туташ ҳудудда жойлашганини.

Аҳоли пунктларининг тасдиқланган бош режаларида, аҳоли пункти қисмларини батафсил режалаштириш лойиҳаларида, ҳудудларни комплекс ривожлантириш ва қуришга доир бошқа ҳужжатларда ер участкаларини хусусийлаштиришга бевосита монелик қиладиган маълумотларнинг мавжудлиги ҳамда шаҳарсозлик фаолиятини амалга ошириш учун қонунчиликда чекловлар ўрнатилган ҳудудлардан фойдаланиш зоналарида аризада кўрсатилган ер участкаси жойлашувини туман (шаҳар) қурилиш ва уй-жой коммунал хўжалиги бўлими томонидан ер участкаларини хусусийлаштиришни рад этиш учун асос ҳисобланади.

Агар ариза бўйича хусусийлаштириш учун берилган ер участкаси ҳудудида тасдиқланган шаҳарсозлик ҳужжатлари мавжуд бўлмаган тақдирда, туман (шаҳар) қурилиш ва уй-жой коммунал хўжалиги бўлими ушбу банднинг биринчи қисмида кўрсатилган муддат ичида аризада кўрсатилган ер участкаси жойлашган ҳудудда тасдиқланган шаҳарсозлик ҳужжатлари мавжуд эмаслигини тасдиқловчи хулоса тақдим этади»;

қуйидаги мазмундаги 13 1 -банд билан тўлдирилсин:

«13 1 . Қорақалпоғистон Республикаси Экология, атроф-муҳитни муҳофаза қилиш ва иқлим ўзгариши вазирлиги, вилоятлар ҳамда Тошкент шаҳар экология, атроф-муҳитни муҳофаза қилиш ва иқлим ўзгариши бошқармалари беш иш куни ичида хавфли моддалар билан зарарланган ҳамда биоген заҳарланишга дучор бўлган ҳудудларда ер участкаси жойлашувини текширади»;

14-банд қуйидаги таҳрирда баён этилсин:

«14. Давлат кадастрлари палатаси туман (шаҳар) филиали ариза тушган кундан бошлаб беш иш куни ичида қуйидагиларни аниқлаш мақсадида текширади:

ер участкалари бўйича топографик режанинг мавжудлигини;

аризада кўрсатилган ер участкаси ва ҳуқуқ эгаси тўғрисидаги маълумотларнинг Кўчмас мулкка бўлган ҳуқуқларнинг давлат реестридаги маълумотларга мувофиқлигини;

хусусийлаштирилаётган ер участкасига бўлган ҳуқуқ эгаси ҳақидаги маълумотларнинг ушбу ер участкасида жойлашган бино ва иншоотларнинг мулкдори ҳақидаги маълумотларга мувофиқлигини;

ер участкаси жойлашган жойга чиққан ҳолда ер участкаси чегараларини кадастр ҳужжатлари маълумотларига мослигини;

қишлоқ хўжалигига мўлжалланган, ўрмон ҳамда сув фондларининг ерларига киритилмаганини.

Давлат кадастрлари палатаси туман (шаҳар) филиали ер участкасининг топографик режаси мавжуд бўлмаган тақдирда, Вазирлар Маҳкамасининг 2021 йил 22 июндаги 389-сон қарори билан тасдиқланган Кўчмас мулк объектларига кадастр йиғмажилдини тайёрлаш тартиби тўғрисидаги низомнинг 8-бандида белгиланган муддатларда топографик режани тайёрлайди.

15-банднинг биринчи хатбошиси қуйидаги таҳрирда баён этилсин:

«15. Аризани ва унга илова қилинган ҳужжатларни кўриб чиқиш натижалари бўйича ваколатли давлат органлари ер участкасини хусусийлаштириш тўғрисидаги аризани ушбу регламентнинг 13-14-бандлари талаблари асосида келишади ёки унинг мақсадга мувофиқ эмаслиги тўғрисида хабар беради»;

1-илованинг 3-босқичи қуйидаги таҳрирда баён этилсин:

« 3-босқич Давлат кадастрлари палатасининг туман (шаҳар) филиали 1. Ариза тушган кундан бошлаб аниқлаш мақсадида қуйидагиларни текширади: аризада кўрсатилган ер участкаси ва ҳуқуқ эгаси тўғрисидаги маълумотларнинг Кўчмас мулкка бўлган ҳуқуқларнинг давлат реестридаги маълумотларга мувофиқлигини; хусусийлаштирилаётган ер участкаси ҳуқуқ эгаси ҳақидаги маълумотларнинг ушбу ер участкасида жойлашган бино ва иншоотларнинг мулкдори ҳақидаги маълумотларга мувофиқлигини; ер участкаси жойлашган жойга чиққан ҳолда ер участкаси чегаралари, кадастр ҳужжатлари билан мослигини; қишлоқ хўжалигига мўлжалланган, ўрмон ҳамда сув фондларининг ерларига киритилмаганини. 2. Аризани кўриб чиқиш натижалари бўйича «Yerxususiylashtirish» ААТ орқали келишади. 5 иш куни Туман (шаҳар) қурилиш ва уй-жой коммунал хўжалиги бўлими 1. Аризада кўрсатилган ер участкаси: жойлашган ҳудуднинг (аҳоли пункти ёки улар орасидаги ҳудудни) ривожлантиришни шаҳарсозлик жиҳатидан режалаштириш тўғрисидаги ҳамда уларни қуриш ҳақидаги тасдиқланган ҳужжатларга ер участкаси жойлашувининг мувофиқлигини; шаҳарсозлик фаолиятини амалга ошириш учун қонунчиликда чекловлар ўрнатилган ҳудудлардан фойдаланиш зоналарида аризада кўрсатилган ер участкаси жойлашувини; ер участкасида кўп қаватли уйларнинг мавжудлиги, шунингдек, ер участкасининг кўп қаватли уйга туташ ҳудудда жойлашганини кўриб чиқади. 2. Аризани кўриб чиқиш натижалари бўйича «Yerxususiylashtirish» ААТ орқали келишади. Қорақалпоғистон Республикаси Экология, атроф-муҳитни муҳофаза қилиш ва иқлим ўзгариши вазирлиги, вилоятлар ва Тошкент шаҳар экология, атроф-муҳитни муҳофаза қилиш ва иқлим ўзгариши тегишли бошқармалари 1. Хавфли моддалар билан зарарланган ва биоген заҳарланишга дучор бўлган ҳудудларда ер участкаси жойлашувини текширади. 2. Аризани кўриб чиқиш натижалари бўйича «Yerxususiylashtirish» ААТ орқали келишади. » ;

5-илова матни қуйидаги таҳрирда баён этилсин:

« Ўзбекистон Республикаси Давлат герби ЎЗБЕКИСТОН РЕСПУБЛИКАСИ ДАВЛАТ АКТИВЛАРИНИ БОШҚАРИШ АГЕНТЛИГИНИНГ _______________________ ҲУДУДИЙ БОШҚАРМАСИ ( ҳудуд номи ) ЕР УЧАСТКАСИГА МУЛК ҲУҚУҚИНИ БЕРУВЧИ ДАВЛАТ ОРДЕРИ № ______ Мулкдорнинг номи _______________________________________________________________________ (нодавлат юридик шахснинг номи ёки жисмоний шахснинг Ф.И.О.) Мулкдорнинг манзили (яшаш жойи) _________________________________________________________ _________________________________________________________________________________________ паспорт (идентификацияловчи карта) серияси ____ рақами _________ ким томонидан ва қачон берилган _________________________________________________________________________________________ (жисмоний шахслар учун) СТИР __________________________, ЖШШИР ________________________________ (жисмоний шахслар учун) Ер участкасининг кадастр рақами ___________________________________________________________ _________________________________________________________________________ манзилидаги ўзига _________________________________________________________________________________________ (доимий фойдаланиш (эгалик қилиш), ижара ёхуд мерос қилиб қолдириладиган умрбод эгалик қилиш) ҳуқуқи асосида тегишли бўлган __________________________________________________ қийматидаги (сумма рақам ва сўз билан ёзилади) умумий _____________ кв. метр ер майдонига мулк ҳуқуқи берилди. Ушбу ордер ______________________________________________________________________________ (ордерни берган давлат органининг номи) ______________________________________________________________________га асосан берилди. (ордерни беришнинг асоси) Ордер рўйхатдан ўтказилган сана _____________ QR-код Ҳудудий бошқарма бошлиғи Ф.И.О » ;

в) 2-иловада :

5 1 -банд қуйидаги мазмундаги учинчи ва тўртинчи хатбошилар билан тўлдирилсин:

«Бунда ҳудудлар ва аҳоли пунктларининг шаҳарсозлик ҳужжатларига мувофиқ ер участкаси ижара ҳуқуқи асосида аукцион савдоларига чиқарилиши белгиланган тақдирда, туман (шаҳар) қурилиш ва уй-жой коммунал хўжалиги бўлими томонидан ер участкасининг ҳуқуқ тури белгиланганидан сўнг туман (шаҳар) ҳокимликлари томонидан ижара муддати белгиланади.

Туман (шаҳар) ҳокимликлари томонидан ижара муддати бир иш куни ичида белгиланмаган ҳолларда, ушбу Низомнинг 9-бандида назарда тутилган муддатларда ҳудудлар тоифасидан келиб чиққан ҳолда «Yerelektron» ААТда ижара муддати автоматик тарзда қўйилади ва ер участкасининг келишув жараёни кейинги босқичга ўтказилади»;

8-банднинг биринчи хатбошиси қуйидаги таҳрирда баён этилсин:

«8. Ўзбекистон Республикаси Давлат активларини бошқариш агентлигининг ҳудудий бошқармалари ер участкасини аукционга чиқаришда буюртмачи ҳисобланади, кичик саноат, ёшлар саноат ва тадбиркорлик зоналарида жойлашган ер участкалари бундан мустасно»;

9-банд қуйидаги таҳрирда баён этилсин:

«9. Ер участкаларини ижарага бериш муддати Ўзбекистон Республикаси Президентининг «Республика ҳудудларини тоифаларга ажратиш ва тадбиркорликни қўллаб-қувватлашнинг табақалаштирилган тизимини жорий этиш чора-тадбирлари тўғрисида» 2022 йил 30 декабрдаги ПФ-287-сон Фармонида белгиланган 1 ва 2-тоифадаги ҳудудлар учун камида 25 йил, 3-тоифа учун камида 20 йил, 4 ва 5-тоифага киритилган туманлар учун камида 15 йил муддат этиб белгиланади (кичик саноат зоналари ҳудудидаги ер участкалари бундан мустасно)»;

10-бандда :

қуйидаги мазмундаги учинчи хатбоши билан тўлдирилсин:

«Бунда «Yerelektron» ААТда «Янги Ўзбекистон» массивларида жойлашган тижорат биноларини қуришга мўлжалланган ер участкасининг таклифи ишлаб чиқилиши жараёнида, умумий майдонининг камида 10 фоиз қисмини уй-жой қуриш учун ажратилган ер участкалари билан бирга чегараси белгиланади»;

учинчи — тўққизинчи хатбошилар тегишлича тўртинчи — ўнинчи хатбошилар деб ҳисоблансин;

15-банднинг «а» кичик банди қуйидаги мазмундаги еттинчи хатбоши билан тўлдирилсин:

«ер участкаларига яқин бўлган ёки ушбу ҳудудда мавжуд бўлган тегишли ҳудудлар ва иншоотлардан режим асосида фойдаланиш ҳамда уларни эксплуатация қилиш объектлари бўйича — эксплуатация қиладиган ташкилотларга»;

22-банднинг саккизинчи хатбошисидаги «мувофиқлаштирувчи» сўзидан кейин «0,5 дан 3 гача бўлган камайтирувчи ва» сўзлари билан тўлдирилсин;

24-банднинг бешинчи хатбошиси қуйидаги таҳрирда баён этилсин:

«Ижара шартномасида шаҳарсозлик ҳужжатларига ва (ёки) ер участкаси танланган ҳудуднинг (массивнинг) лойиҳа концепциясига мувофиқ ер участкасидан фойдаланиш шартлари, шунингдек, қонунчилик ҳужжатларида белгиланган асосий шартлар асосида мазкур ер участкасида бино ва иншоотларни лойиҳалаштириш, қурилишни бошлаш ва якунлаш ҳамда объектни фойдаланишга топшириш муддатлари кўрсатилади»;

25-бандда :

учинчи хатбоши қуйидаги таҳрирда баён этилсин:

«ер участкасининг ўзига хос рақами, жойлашган жойи ва «Yerelektron» ААТдаги электрон харитадаги шакли»;

қуйидаги мазмундаги ўн бешинчи хатбоши билан тўлдирилсин:

«кичик саноат, ёшлар саноат ва тадбиркорлик зоналари ҳудудидаги ер участкалари бўйича инвестиция битимида кўрсатилган инвестиция миқдори ва яратиладиган иш ўрни сони»;

ўн бешинчи — ўн саккизинчи хатбошилар тегишлича ўн олтинчи — ўн тўққизинчи хатбошилар деб ҳисоблансин;

27-бандда :

қуйидаги мазмундаги тўртинчи хатбоши билан тўлдирилсин:

«Кўп квартирали уй-жойлар қуриш учун ер участкаларини ижарага бериш бўйича аукцион савдосида қўшилган қиймат солиғини тўловчи юридик шахсларга иштирок этишга рухсат берилади»;

тўртинчи хатбоши бешинчи хатбоши деб ҳисоблансин ҳамда қуйидаги таҳрирда баён этилсин:

«Электрон онлайн-аукцион савдолари орқали реализация қилинган ер участкаларида тақиқ мавжуд бўлган тақдирда, ушбу тақиқ ечилгандан сўнг мажбурий тартибда ундириш учун юборилмаган маъмурий жарималарни тўлаш мажбурияти маҳаллий ҳокимлик зиммасида қолади»;

28-бандда :

учинчи хатбоши қуйидаги таҳрирда баён этилсин:

«Ижара шартномаси тарафлар томонидан имзолангандан сўнг автоматик равишда Давлат кадастрлари палатасининг ҳудудий бошқармасига ҳамда Ўзбекистон Республикаси Бош прокуратураси ҳузуридаги Мажбурий ижро бюросига (кейинги ўринларда — Мажбурий ижро бюроси) тегишли ахборот тизими орқали юборилади»;

қуйидаги мазмундаги тўртинчи хатбоши билан тўлдирилсин:

«Ер участкасига нисбатан тақиқ қўйилган ҳолларда аукцион натижалари бўйича имзоланган ижара шартномаси Мажбурий ижро бюроси ва Давлат кадастрлари палатасининг ҳудудий бошқармаси учун тақиқни бекор қилиш учун асос ҳисобланади»;

тўртинчи хатбоши бешинчи хатбоши деб ҳисоблансин;

31-банднинг иккинчи хатбошисидаги «тўлаш рад этилса ва (ёки) тўлов ўз вақтида амалга оширилмаса» сўзларидан кейин «, шу жумладан, аукцион ғолиби ҳамда туман (шаҳар) ҳокимлиги ўртасида тузилган кўп квартирали уй-жойлар қуриш учун ижарага бериш бўйича аукцион савдолари офертаси талаблари бажарилмаганда» сўзлари билан тўлдирилсин;

32-бандда :

биринчи хатбоши «шахсий кабинетига» сўзларидан кейин «, Мажбурий ижро бюросига» сўзлари билан тўлдирилсин;

қуйидаги мазмундаги учинчи хатбоши билан тўлдирилсин:

«Ер участкасига нисбатан тақиқ қўйилган ҳолларда аукцион натижалари бўйича расмийлаштирилган ер участкасига мулк ҳуқуқини берувчи давлат ордери Мажбурий ижро бюроси ва Давлат кадастрлари палатасининг ҳудудий бошқармаси учун тақиқни бекор қилиш учун асос ҳисобланади»;

41-банд қуйидаги таҳрирда баён этилсин:

«41. Жисмоний ва юридик шахсларга КСЁСТЗ ҳудудидаги ер участкалари уларнинг бош режасига мувофиқ электрон онлайн-аукцион савдолари орқали реализация қилинади. Бунда:

ер участкаларини бош режада назарда тутилган лотлар асосида аукционга чиқариш бўйича таклифлар инвестиция битими билан бирга кичик ва ёшлар саноат зоналарини бошқариш бўйича ягона дирекция (кейинги ўринларда — дирекция) томонидан «Yerelektron» ААТга киритилади;

ер участкаси ер участкаларини танлаш материалларини келишиш, хулосалар олиш ва маълумотлар тақдим этиш учун мазкур низомнинг 15-бандида назарда тутилган ташкилотларга юбориш талаб этилмайди;

КСЁСТЗ ҳудудидан фақат инфратузилма билан таъминланган ер участкалари электрон онлайн-аукцион савдоларига чиқарилади;

дирекция КСЁСТЗ ҳудудидаги ер участкаларини аукционга чиқаришда буюртмачи ҳисобланади;

ижара шартномаси туман (шаҳар) ҳокимлиги ва аукцион ғолиби ўртасида, инвестиция битими дирекция ва аукцион ғолиби ўртасида электрон имзоланади.

Бунда ижара шартномасида дирекция билан аукцион ғолиби ўртасида инвестиция мажбуриятлари бажарилиши тўғрисида битим имзолаш мажбурияти юкланади»;

қуйидаги мазмундаги 41 1 -банд билан тўлдирилсин:

«41 1 . Олис ва чўл ҳудудларда жойлашган ёшлар саноат ва тадбиркорлик зоналари ҳудудидаги бўш ер участкалари «1 сўм» бошланғич қийматда электрон онлайн-аукцион савдоларига чиқарилади.

Бунда аукцион қадами ва закалат миқдори инвестиция миқдоридан келиб чиққан ҳолда Вазирлар Маҳкамасининг 2022 йил 12 январдаги 18-сон қарори билан тасдиқланган «E-auksion» электрон савдо платформасида электрон онлайн-аукцион ва танловларни ташкил этиш ҳамда ўтказиш тартиби тўғрисидаги низомга мувофиқ белгиланади»;

2-иловада :

1.2-банд чиқариб ташлансин;

III бўлим қуйидаги таҳрирда баён этилсин:

« III. Ер участкасини бериш ва ундан фойдаланиш тартиби 3.1. Ер участкасидан фойдаланишга рухсат этилган асосий турига мувофиқ фойдаланиш шарт. 3.2. Ижарага олувчи қонунчиликда белгиланган тартибда ер участкаларидан рухсат этилган фойдаланишнинг асосий турини ўзгартириш ҳуқуқи эга. 3.3. Ер участкасини бериш ва фойдаланишнинг бошқа шартлари: «___________________________________________________________________________________________________________________________________________________ (давлат-хусусий шериклик лойиҳаларини амалга ошириш учун берилган, ижтимоий шериклик тўғрисидаги келишувлар ва шартномаларни амалга ошириш учун берилган, жамоат эҳтиёжлари учун берилган) ____________________________________________________________________________________________________________________________________________________»

г) қуйидаги мазмундаги 2 1 -илова билан тўлдирилсин:

«Вазирлар Маҳкамасининг 2022 йил 14 февралдаги 71-сон қарорига 2 1 -ИЛОВА

Тадбиркорлик ва шаҳарсозлик мақсадларида электрон онлайн-аукцион савдоларида реализация қилинган ер участкаларида қурилиш ишларини бошлашдан фойдаланишга топширишгача бўлган жараёнларни мониторинг қилиш

1-боб. Умумий қоидалар

1. Ушбу Регламент тадбиркорлик ва шаҳарсозлик мақсадларида электрон онлайн-аукцион савдоларида реализация қилинган ер участкаларида қурилиш ишларини бошлашдан фойдаланишга топширишгача бўлган жараёнларни мониторинг қилиш тартибини белгилайди.

2. Ушбу Регламент тадбиркорлик ва шаҳарсозлик мақсадларида электрон онлайн-аукцион савдоларида реализация қилинган ер участкаларида қурилиш ишларини бошлашдан фойдаланишга топширишгача бўлган жараёнларда иштирок этадиган республика ва маҳаллий ижро этувчи ҳокимият органлари ҳамда бошқа ташкилотларга, шунингдек, лойиҳаларнинг амалга оширилишини мониторинг қилиш вазифасини бажарувчи давлат органларига нисбатан татбиқ этилади.

3. Ушбу Регламентда қуйидаги асосий тушунчалар қўлланади:

инвестиция лойиҳалари — тадбиркорлик ва шаҳарсозлик мақсадларида электрон онлайн-аукцион савдоларида реализация қилиниб, иқтисодий айланмага тўлиқ киритилмаган ер участкаларида амалга ошириладиган лойиҳалар;

иқтисодий айланмага тўлиқ киритилмаган ер участкалари — тадбиркорлик ва шаҳарсозлик мақсадларида электрон онлайн-аукцион савдоларида реализация қилиниб, режалаштирилган инвестиция лойиҳалари амалга оширилмаган ер участкалари;

комплекс тармоқ жадвали — лойиҳани амалга ошириш доирасида параметрларининг ўзаро боғлиқлиги ҳисобга олинган ҳолда, чора-тадбирлар кетма-кетлиги ва муддатларини белгилайдиган ҳужжат;

тегишли ташкилотлар — коммуникация ва инфратузилмага уланиш билан боғлиқ корхоналар (электр, газ, алоқа, йўл), тижорат банклари, қурилиш назорати инспекцияси ва бошқалар.

4. Лойиҳа ташаббускорлари ва давлат органларининг тадбиркорлик ва шаҳарсозлик мақсадларида электрон онлайн-аукцион савдоларида реализация қилинган ер участкаларида қурилиш ишларини бошлашдан фойдаланишга топширишгача бўлган жараёнларнинг «Онлайн маҳалла» электрон платформасидаги (кейинги ўринларда — электрон платформа) ҳамкорлиги ушбу Регламентга иловадаги схема бўйича ташкил этилади.

2-боб. Ер участкаларини иқтисодий айланмага киритиш жараёнларини мониторинг қилиш тизимининг мақсади

5. Ер участкаларини иқтисодий айланмага киритиш жараёнларини мониторинг қилишдан қуйидагилар мақсад қилинган:

тадбиркорлик ва шаҳарсозлик мақсадларида электрон онлайн-аукцион савдоларида реализация қилинган ер участкаларининг иқтисодий айланмага киритилишини жадаллаштириш орқали ердан фойдаланиш самарадорлигини ошириш;

инвестиция лойиҳаларида қурилиш ишларини бошлаш, молиявий қўллаб-қувватлаш, инфратузилма тармоқларига улаш, рухсат бериш ҳужжатларини расмийлаштириш, қурилиш ишларини якунлаш, мулкка тегишли ҳуқуқни давлат рўйхатидан ўтказиш билан боғлиқ барча босқичлардаги муаммоли масалаларни тезкор ҳал қилиш орқали тадбиркорларга кўмаклашиш;

инвестиция лойиҳаларини ишга тушириш билан боғлиқ муаммоларнинг тегишлилиги юзасидан республика, вилоят ва туман (шаҳар) даражасидаги масъул корхона ва ташкилотларга йўналтириш орқали ечимини жадаллаштириш;

ижара ҳуқуқи билан ажратилиб, белгиланган муддатларда фойдаланилмаган, тадбиркорлик ва шаҳарсозлик фаолияти амалга оширилмаган ер участкалари рўйхатини шакллантириш.

3-боб. Электрон платформада комплекс тармоқ жадвалини ишлаб чиқиш ва мониторинг қилиш тартиби

6. Ўзбекистон Республикаси Камбағалликни қисқартириш ва бандлик вазирлиги:

тадбиркорлик ва шаҳарсозлик мақсадларида электрон онлайн-аукцион савдоларида реализация қилинган ер участкаларида қурилиш ишларини бошлашдан фойдаланишга топширишгача бўлган жараёнларни мониторинг қилиш, онлайн режимда кузатиш имкониятини яратиш мақсадида электрон платформада қўшимча модуллар киритади;

2018 йилдан бошлаб электрон онлайн-аукцион савдоларида реализация қилиниб, иқтисодий айланмага киритилмаган ер участкаларини маҳаллалар кесимида электрон платформадаги мавжуд модулга жойлаштиради;

электрон онлайн-аукцион савдоларида реализация қилинадиган ер участкалари тўғрисидаги маълумотлар маҳаллалар кесимида электрон платформада реал вақт режимида бериб борилишини таъминлаш мақсадида тегишли идораларнинг платформалари билан интеграция қилади;

электрон платформага киритиладиган инвестиция лойиҳаларининг маълумотлар базасини доимий бошқаришни (уларнинг ҳисобини юритиш, назорат қилиш, уларга ўзгартиришлар ҳамда қўшимчаларни тасдиқлаш ёки рад этиш) таъминлайди.

7. Маҳаллалардаги ҳоким ёрдамчилари:

электрон онлайн-аукцион савдолари орқали реализация қилиниб, иқтисодий айланмага тўлиқ киритилмаган ер участкаларини ҳар ойда хатловдан ўтказади;

хатлов натижалари асосида ер участкаларида амалга ошириладиган инвестиция лойиҳаларининг манзилли рўйхатини шакллантиради ва лойиҳа ташаббускори билан биргаликда комплекс тармоқ жадвалини ишлаб чиқади;

туман (шаҳар) камбағалликни қисқартириш ва бандликка кўмаклашиш бўлимининг масъул ходими билан биргаликда лойиҳа маълумотларини бир иш куни мобайнида кўриб чиқиб, номувофиқликлар ва хатоликлар аниқланганда, қайта ишлашга юборади ёки келишиш учун тегишли ташкилотларга киритади;

комплекс тармоқ жадвалида инвестиция лойиҳаларида қурилиш ишларини бошлаш, молиявий қўллаб-қувватлаш, инфратузилма тармоқларига улаш, рухсат бериш ҳужжатларини расмийлаштириш, қурилиш ишларини якунлаш, мулкка тегишли ҳуқуқни давлат рўйхатидан ўтказиш билан боғлиқ барча босқичларнинг аниқ муддатларини белгилайди ва тасдиқлаш учун икки ҳафта муддатда туман (шаҳар) ҳокимлигига киритади.

8. Электрон платформада лойиҳанинг комплекс тармоқ жадвали яратилиб, тегишли ташкилотлар билан келишилгандан кейин бир иш куни мобайнида ҳужжат туман (шаҳар) ҳокими томонидан тасдиқланади ва назорат учун Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳамда Камбағалликни қисқартириш ва бандлик вазирлигига юборилади.

Бунда келишув жараёни электрон платформа орқали амалга оширилади.

9. Инвестиция лойиҳасини амалга ошириш комплекс тармоқ жадвали тасдиқланган кундан бошланади ва ҳар ойда икки маротаба ҳоким ёрдамчилари томонидан жойига чиққан ҳолда мониторинг қилиниб, натижалари электрон платформага киритилади.

Бунда лойиҳани ишга тушириш билан боғлиқ муаммоларни батафсил киритиб, тегишлилиги юзасидан республика, вилоят ва туман (шаҳар) даражасидаги масъул корхона ва ташкилотларга йўналтиради.

10. Туман (шаҳар) ҳокимларининг биринчи ва қурилиш бўйича ўринбосарлари, шунингдек, маҳаллалардаги ҳоким ёрдамчиларининг энг муҳим самарадорлик кўрсаткичларини баҳолаш мезонларига ер участкаларини иқтисодий айланмага киритиш даражаси бўйича алоҳида кўрсаткич киритилади.

Бунда:

туман (шаҳар) ва маҳалла ҳудудида (баҳоланаётган чоракда) тадбиркорлик фаолияти учун аукционда реализация қилинган ер участкалари сони ва майдони;

реализация қилинган, лекин иқтисодий айланмага тўлиқ киритилмаган, қурилиш ишлари бошланмаган ер участкалари ташаббускорларида лойиҳани амалга ошириш билан боғлиқ юзага келган муаммоларни бартараф этиш ёки муаммоларни кўриб чиқиб, ҳал қилиш юзасидан вилоят ёки республика ташкилотларига таклиф киритиш даражаси;

иқтисодий айланмага киритилмаган ер участкаларида қурилиш ишларини якунлаб, фойдаланишга топширилганлик даражаси (ҳолати) инобатга олинади.

4-боб. Фойдаланилмаган ер участкаларини давлат захирасига қайтариш бўйича таклиф киритиш

11. Ҳоким ёрдамчилари электрон онлайн-аукцион савдолари орқали ижара ҳуқуқи билан ажратилиб, белгиланган муддатларда фойдаланилмаган ер участкалари рўйхатини Ўзбекистон Республикасининг Ер кодекси 36 ва 38-моддаларида назарда тутилган тартиблар асосида туман (шаҳар) ҳокимликларининг давлат захирасига қайтариш бўйича таклиф киритади.

12. Туман (шаҳар) ҳокимликлари ҳар ойда бир марта ер танлаш (реализация қилиш) комиссияси билан биргаликда белгиланган муддатларда ер участкаларида инвестиция лойиҳасини амалга оширмаган тадбиркорлик субъектлари билан учрашиб, фаолиятини тиклаш, қурилиш ишларини бошлаш юзасидан мавжуд муаммоларни ўрганади ва бартараф қилиш бўйича чора-тадбирларни белгилайди.

Инвестиция лойиҳасини амалга ошириш имконияти бўлмаган ер участкаларини белгиланган тартибда давлат захирасига қайтариш бўйича судга даъво аризасини киритади.

Суд томонидан ер участкасига бўлган ҳуқуқ бекор қилинганда, мазкур ер участкаси захира ерлар тоифасига ўтказилмайди ҳамда туман (шаҳар) ҳокимликларининг тасарруфидаги бўш турган ерлар сифатида ҳисобга олинади.

Туман (шаҳар) ҳокимликларининг тасарруфидаги бўш турган ерлар ўн беш кун муддатда туман (шаҳар) ҳокимининг қарори асосида давлат ер кадастрида ҳисобга олинади ҳамда ушбу ерларни бошқа юридик ва жисмоний шахсларга бериш (реализация қилиш) бўйича қайта аукцион савдоларига чиқарилади.

5-боб. Лойиҳаларни амалга ошириш жараёнида юзага келган муаммоларни бартараф қилиш тартиби

13. Туман (шаҳар) ҳокимликлари инвестиция лойиҳаларини амалга ошириш жараёнида юзага келаётган муаммоли масалаларни тадбиркорлик субъектлари кесимида ҳар ҳафтада бир маротаба муҳокама қилиб боради.

Туман (шаҳар) ҳокимликлари даражасида ҳал қилиш имконияти бўлмаган муаммоли масалалар тегишлилиги бўйича вилоят ва республика даражасида ҳал қилиш учун киритилади.

14. Ўзбекистон Республикаси Камбағалликни қисқартириш ва бандлик вазирлиги Иқтисодиёт ва молия вазирлиги, Қорақалпоғистон Республикаси Вазирлар Кенгаши, вилоятлар ҳамда Тошкент шаҳри ҳокимликлари, тегишли вазирлик ва идоралар билан биргаликда инвестиция лойиҳаларини амалга ошириш жараёнида юзага келаётган муаммоли масалаларни тадбиркорлик субъектлари кесимида ҳар ойда муҳокама қилиб, тегишлилиги бўйича масалаларни ҳал қилиш чораларини кўради.

6-боб. Якунловчи қоида

15. Ушбу Регламент талабларининг бузилишида айбдор бўлган шахслар қонунчиликда белгиланган тартибда жавоб берадилар.

Босқич Иштирокчилар Тадбирлар Бажариш муддати 1-босқич Камбағалликни қисқартириш ва бандлик вазирлиги 1. Тадбиркорлик ва шаҳарсозлик мақсадларида электрон онлайн-аукцион савдоларида реализация қилинган ер участкаларида қурилиш ишларини бошлашдан фойдаланишга топширишгача бўлган жараёнларни мониторинг қилиш, онлайн режимида кузатиш имкониятини яратиш мақсадида «Онлайн маҳалла» электрон платформасига (кейинги ўринларда — электрон платформа) қўшимча модуллар киритади. 2. 2018 йилдан бошлаб электрон онлайн-аукцион савдоларида реализация қилиниб, иқтисодий айланмага киритилмаган ер участкаларини маҳаллалар кесимида электрон платформада мавжуд модулга жойлаштиради. 3. Келгусида электрон онлайн-аукцион савдоларида реализация қилинадиган ер участкалари тўғрисидаги маълумотларнинг маҳаллалар кесимида электрон платформада реал вақт режимида бериб борилишини таъминлаш мақсадида тегишли идораларнинг платформалари билан интеграция қилади. 4. Электрон платформага киритиладиган инвестиция лойиҳаларининг маълумотлар базасини бошқаришни (уларнинг ҳисобини юритиш ва назорат қилиш, уларга ўзгартиришлар ҳамда қўшимчаларни тасдиқлаш ёки рад этиш) таъминлайди. Доимий 2-босқич Маҳаллалардаги ҳоким ёрдамчилари 1. Электрон платформада мавжуд модулга жойлаштирилган электрон онлайн-аукцион савдолари орқали реализация қилиниб, иқтисодий айланмага тўлиқ киритилмаган ер участкаларини хатловдан ўтказади. Ҳар ойда 2. Ер участкаларида амалга ошириладиган инвестиция лойиҳаларининг манзилли рўйхатини шакллантиради ва лойиҳа ташаббускори билан биргаликда комплекс тармоқ жадвалини ишлаб чиқади. Ҳар ойда 3. Лойиҳа маълумотларини кўриб чиқиб, номувофиқликлар ва хатоликлар аниқланганда қайта ишлашга юборади ёки келишиш учун тегишли ташкилотларга киритади. Бир иш куни мобайнида 4. Комплекс тармоқ жадвалида инвестиция лойиҳаларида қурилиш ишларини бошлаш, молиявий қўллаб-қувватлаш, инфратузилма тармоқларига улаш, рухсат бериш ҳужжатларини расмийлаштириш, қурилиш ишларини якунлаш, мулкка тегишли ҳуқуқни давлат рўйхатидан ўтказиш билан боғлиқ барча босқичларнинг аниқ муддатларини белгилайди ва тасдиқлаш учун киритади. Хатлов якунлангандан сўнг икки ҳафта муддатда 3-босқич Туман (шаҳар) ҳокимлари 1. Электрон платформада лойиҳанинг комплекс тармоқ жадвали яратилиб, тегишли ташкилотлар билан келишилгандан кейин ҳужжат туман (шаҳар) ҳокими томонидан тасдиқланади. 2. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳамда Камбағалликни қисқартириш ва бандлик вазирлигига назорат учун юборилади. Бир кун муддатда 4-босқич Ҳоким ёрдамчилари 1. Инвестиция лойиҳасининг комплекс тармоқ жадвали тасдиқланган кундан бошлаб жойига чиққан ҳолда мониторинг қилади, натижаларни электрон платформага киритади. 2. Лойиҳани ишга тушириш билан боғлиқ муаммоларни батафсил киритиб, тегишлилиги юзасидан республика, вилоят ва туман (шаҳар) даражасидаги масъул корхона ва ташкилотларга йўналтиради. Лойиҳа ишга тушганга қадар ҳар ойда икки маротаба 3. Электрон онлайн-аукцион савдолари орқали ижара ҳуқуқи билан ажратилиб, икки йил давомида фойдаланилмаган ер участкаларини Ўзбекистон Республикасининг Ер кодекси 36 ва 38-моддаларида назарда тутилган тартиблар асосида давлат захирасига қайтариш бўйича туман (шаҳар) ҳокимликларига таклиф киритади. Доимий 5-босқич Туман (шаҳар) ҳокимлари Белгиланган муддатларда ер участкаларида инвестиция лойиҳасини амалга оширмаган тадбиркорлик субъектлари билан учрашиб, фаолиятини тиклаш ёки белгиланган тартибда судга даъво аризасини киритиш чораларини кўради. Ҳар ойда бир марта 6-босқич Камбағалликни қисқартириш ва бандлик вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари Қурилиш ишлари якунланиб, бинога эгалик ҳуқуқи давлат рўйхатидан ўтказилган ер участкаси электрон платформада амалга оширилган лойиҳалар модулига ўтказилади ва мазкур ер участкаси туман ҳокими ва ҳоким ёрдамчиси назоратидан ечилади. Доимий 7-босқич Камбағалликни қисқартириш ва бандлик вазирлиги, Иқтисодиёт ва молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, тегишли вазирлик ва идоралар, туман (шаҳар) ҳокимликлари Инвестиция лойиҳаларини амалга ошириш жараёнида юзага келаётган муаммоли масалаларни тадбиркорлик субъектлари кесимида муҳокама қилиб, тегишлилиги бўйича масалаларни ҳал қилиш чораларини кўради. Ҳар ойда » .

д) 4-илова қуйидаги мазмундаги 10 1 — 10 5 -бандлар билан тўлдирилсин:

«10 1 . Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги ва унинг ҳудудий бўлинмалари;

10 2 . Ўзбекистон Республикаси Тоғ-кон саноати ва геология вазирлиги;

10 3 . Ўзбекистон Республикаси Ички ишлар вазирлиги ва унинг ҳудудий бўлинмалари;

10 4 . Ўзбекистон Республикаси Олий Суди ва унинг ҳудудий бўлинмалари;

10 5 . Ўзбекистон Республикаси Инвестициялар, саноат ва савдо вазирлиги ҳамда кичик ва ёшлар саноат зоналарини бошқариш бўйича ягона дирекциялари».

19. Вазирлар Маҳкамасининг «Давлат ер ва кадастр назоратини амалга ошириш тартиби ҳамда давлат геодезия назоратини амалга ошириш тартиби тўғрисидаги низомларни тасдиқлаш ҳақида» 2022 йил 14 апрелдаги 183-сон қарорида :

а) 1-бандда :

«а» кичик банднинг иккинчи — бешинчи хатбошилари қуйидаги таҳрирда баён этилсин:

«давлат ер назоратини маҳаллий давлат ҳокимияти органлари ва махсус ваколатли давлат органлари (Иқтисодиёт ва молия вазирлиги ҳузуридаги Кадастр агентлиги, Вазирлар Маҳкамаси ҳузуридаги Агросаноат мажмуи устидан назорат қилиш инспекцияси, Экология, атроф-муҳитни муҳофаза қилиш ва иқлим ўзгариши вазирлиги) томонидан амалга ошириш тартиби;

давлат кадастр назоратини Иқтисодиёт ва молия вазирлиги ҳузуридаги Кадастр агентлиги томонидан амалга ошириш тартиби;

давлат ер ва кадастр назоратини амалга оширувчи махсус ваколатли давлат органларининг вазифа ва функциялари, ушбу органлар мансабдор шахслари таркиби, назорат тадбирлари иштирокчилари, уларнинг ҳуқуқлари ва мажбуриятлари, давлат ер ва кадастр назоратини ташкил этиш ва ўтказиш тартиби;

ерга оид ҳуқуқбузарликларни аниқлашда жамоатчилик назоратини амалга ошириш ва жамоатчилик назорати субъектларини базавий ҳисоблаш миқдорининг бир баравари (жарима миқдоридан ошмаган) миқдоридаги пул мукофоти билан рағбатлантириш тартиби»;

«б» кичик банднинг иккинчи хатбошисидаги «Давлат солиқ қўмитаси» сўзлари «Иқтисодиёт ва молия вазирлиги» сўзлари билан алмаштирилсин;

б) 1-иловада :

2-бандда :

иккинчи ва учинчи хатбошилардаги «давлат бошқаруви органлари» сўзлари «республика ижро этувчи ҳокимият органлари» сўзлари билан алмаштирилсин;

қуйидаги мазмундаги бешинчи ва олтинчи хатбошилар билан тўлдирилсин:

« электрон график имзо (кейинги ўринларда — ЭГИ) — электрон ҳужжатни замонавий ахборот-коммуникация технологияларидан фойдаланган ҳолда планшет ёки компьютерга ўрнатилган техник қурилмалар ёрдамида тасдиқлайдиган электрон ҳужжатдаги шахс томонидан қўлда (ёзма равишда) амалга ошириладиган графикли имзо;

электрон рақамли имзо (кейинги ўринларда — ЭРИ) — электрон ҳужжатдаги мазкур электрон ҳужжат ахборотини электрон рақамли имзонинг ёпиқ калитидан фойдаланган ҳолда махсус ўзгаришлар натижасида ҳосил қилинган ҳамда электрон рақамли имзонинг очиқ калити ёрдамида электрон ҳужжатдаги ахборотда хатолик мавжуд эмаслигини аниқлаш ва электрон рақамли имзо калитининг эгасини идентификация қилиш имконини берадиган имзо»;

бешинчи — еттинчи хатбошилар тегишлича еттинчи — тўққизинчи хатбошилар деб ҳисоблансин;

еттинчи хатбоши қуйидаги таҳрирда баён этилсин:

« ўзбошимчалик билан эгаллаб олинган ер участкаси — фуқаролар, якка тартибдаги тадбиркорлар ва резидент бўлган юридик шахслар томонидан ер участкасига бўлган ҳуқуқларни белгиловчи ҳужжатларсиз, шу жумладан, бундай ҳужжатлар йўқолган ёки тўлиқ расмийлаштирилмаган ҳолда эгаллаб келинаётган ёки ортиқча эгалланган ер участкаси»;

4-банддаги «давлат бошқаруви органлари» сўзлари «республика ижро этувчи ҳокимият органлари» сўзлари билан алмаштирилсин;

8-банд қуйидаги таҳрирда баён этилсин:

«8. Қуйидагилар давлат ер назорати бўйича махсус ваколатли давлат органлари ҳисобланади:

Иқтисодиёт ва молия вазирлиги ҳузуридаги Кадастр агентлиги (кейинги ўринларда — Кадастр агентлиги) ва унинг ҳудудий органлари — ер тоифасидан қатъи назар, барча турдаги ер участкаларига бўлган ҳуқуқларни давлат рўйхатидан ўтказмаслик ҳолатларини, ер участкаларининг ўзбошимчалик билан эгаллаб олиниши ва ушбу ер участкаларида ўзбошимчалик билан иморат қурилишини аниқлаш, ер участкаси чегараларини ўзбошимчалик билан ўзгартиришга йўл қўймаслик чораларини кўриш, ер участкасидан мақсадли фойдаланиши устидан давлат назоратини амалга ошириш бўйича;

Вазирлар Маҳкамаси ҳузуридаги Агросаноат мажмуи устидан назорат қилиш инспекцияси (кейинги ўринларда — Ўзагроинспекция) ва унинг ҳудудий органлари — қишлоқ хўжалигига мўлжалланган ерлардан фойдаланишни ташкил этиш ва муҳофаза қилиш соҳасида самарали давлат назоратини амалга ошириш бўйича;

Экология, атроф-муҳитни муҳофаза қилиш ва иқлим ўзгариши вазирлиги (кейинги ўринларда — Экология вазирлиги) ва унинг ҳудудий органлари — ерларнинг ишлаб чиқариш чиқиндилари ва бошқа чиқиндилар, кимёвий ва радиоактив моддалар, оқова сувлар билан ифлосланиши, табиатни муҳофаза қилиш, соғломлаштириш, рекреация мақсадидаги ерлардан, сув фонди ерларидан фойдаланиш ва уларни муҳофаза қилиш устидан давлат назоратини амалга ошириш бўйича»;

12-банддаги «Қишлоқ хўжалиги вазирлиги» сўзлари «Ўзагроинспекция» сўзи билан алмаштирилсин;

13-банддаги «Давлат экология қўмитаси» сўзлари «Экология вазирлиги» сўзлари билан алмаштирилсин;

15 ва 16-бандлар қуйидаги таҳрирда баён этилсин:

«15. Ўзагроинспекция ва Қорақалпоғистон Республикаси Агросаноат мажмуи устидан назорат қилиш инспекцияси, вилоятлар бошқармалари ва туманлар (Қувасой шаҳар) бўлимларининг мансабдор шахслари қишлоқ хўжалиги ерларидан фойдаланиш ва уни муҳофаза қилиш устидан давлат назоратини амалга оширувчи мансабдор шахслар ҳисобланади.

16. Экология вазирлиги ва Қорақалпоғистон Республикаси Экология, атроф-муҳитни муҳофаза қилиш ва иқлим ўзгариши вазирлиги, вилоятлар ва Тошкент шаҳар Экология, атроф-муҳитни муҳофаза қилиш ва иқлим ўзгариши бошқармалари бош давлат инспекторлари ва уларнинг ўринбосарлари, катта давлат инспекторлари ва давлат инспекторлари ўз ваколатларига мувофиқ Экология вазирлиги органларининг ерларни муҳофаза қилиш устидан давлат назоратини амалга оширувчи мансабдор шахслари ҳисобланади»;

17-банддаги «давлат бошқаруви органлари» сўзлари «республика ижро этувчи ҳокимият органлари» сўзлари билан алмаштирилсин;

19-банднинг учинчи ва тўртинчи хатбошилардаги «давлат бошқаруви органлари» сўзлари «республика ижро этувчи ҳокимият органлари» сўзлари билан алмаштирилсин;

24-банд қуйидаги таҳрирда баён этилсин:

«24. Давлат ер назорати махсус ваколатли давлат органи раҳбарининг (раҳбар ўринбосарининг) «E-YERNAZORAT» ААТда электрон тарзда шакллантирилиб, тасдиқланган буйруғига асосан ўн иш кунидан кўп бўлмаган муддатда амалга оширилади.

Давлат ер назоратини амалга ошириш тўғрисидаги буйруқда юридик шахснинг номи ёки жисмоний шахснинг фамилияси, исми, отасининг исми, назорат амалга ошириладиган ер участкаси жойлашган манзил, назоратни амалга оширувчи мансабдор шахсларнинг фамилияси, исми, отасининг исми ҳамда лавозими, назоратни амалга ошириш муддати ва мақсадлари кўрсатилади, ушбу банднинг учинчи хатбошиси бундан мустасно.

Ер участкаларини ўзбошимчалик билан эгаллаб олиш, ушбу ер участкаларида ўзбошимчалик билан иморат қуриш билан боғлиқ давлат ер назоратини амалга ошириш тўғрисидаги буйруқда юридик ва жисмоний шахсларнинг номи кўрсатилмайди.

Давлат ер назоратини амалга ошириш тўғрисидаги буйруққа назорат объектининг WGS-84 координаталар тизимидаги геолокацияси илова қилиниши лозим»;

29-банд қуйидаги таҳрирда баён этилсин:

«29. Ҳужжатларни олиб қўйиш тўғрисида махсус ваколатли давлат органининг мансабдор шахси томонидан баённома тузилади, унда қуйидагилар кўрсатилади:

баённома тузилган вақти ва жойи;

баённомани тузган шахснинг лавозими, фамилияси, исми, отасининг исми;

ҳужжатлари олиб қўйилган шахс тўғрисидаги маълумотлар (юридик шахс номи, унинг мансабдор шахси ёки ҳужжатларни олиб қўйишда иштирок этган вакили ёхуд жисмоний шахснинг фамилияси, исми, отасининг исми, манзили ва шу кабилар);

ҳужжатларни олиб қўйишда иштирок этган шахслар тўғрисидаги маълумотлар, агар улар бўлса;

олиб қўйилаётган ҳужжатнинг номи (мазмуни), санаси, рақами, уни қабул қилган (расмийлаштирган) орган, ташкилот номи ҳамда ҳужжатнинг варақлари сони.

Ҳужжатларни олиб қўйиш тўғрисидаги баённома планшет ёки компьютер ёрдамида «E-YERNAZORAT» ААТ орқали электрон тарзда расмийлаштирилади.

Ушбу баённома юридик шахснинг мансабдор шахси ёки унинг вакили ёхуд жисмоний шахс томонидан имзоларни идентификация қилишнинг тегишли воситалари (дактилоскопия (бармоқ изи), ёки ЭГИ) билан тасдиқлангандан сўнг баённома ушбу шахсларга электрон алоқа воситаси ёки почта хизмати орқали юборилади.

Юридик шахснинг мансабдор шахси ёки унинг вакили ёхуд жисмоний шахс ҳужжатларни олиб қўйиш тўғрисидаги баённомани имзолашдан бош тортган ҳолларда, бу ҳақида баённомага тегишли ёзув киритилади ва баённома ушбу шахсларга электрон алоқа воситаси ёки почта хизмати орқали юборилади»;

31-бандда :

биринчи хатбоши қуйидаги таҳрирда баён этилсин:

«Махсус ваколатли давлат органининг мансабдор шахслари томонидан давлат ер назорати натижалари бўйича қуйидагилар кўрсатилган ҳолда «E-YERNAZORAT» ААТда электрон тарзда далолатнома тузилади»;

тўққизинчи хатбоши қуйидаги таҳрирда баён этилсин:

«Ушбу далолатнома юридик шахснинг мансабдор шахси ёки унинг вакили ёхуд жисмоний шахс томонидан имзоларни идентификация қилишнинг тегишли воситалари (дактилоскопия (бармоқ изи) ёки ЭГИ) билан тасдиқлагандан сўнг далолатнома ушбу шахсларга электрон алоқа воситалари ва почта хизмати орқали юборилади»;

32-банд қуйидаги таҳрирда баён этилсин:

«32. Юридик шахснинг мансабдор шахси ёки унинг вакили ёхуд жисмоний шахс далолатномани имзолашдан бош тортган ҳолларда, бу ҳақида далолатномага тегишли ёзув киритилади ва далолатнома ушбу шахсларга уч иш кунидан кечиктирмасдан электрон алоқа воситалари ҳамда почта хизмати орқали юборилади»;

40-банднинг биринчи ва иккинчи хатбошиларидаги «давлат бошқаруви органлари» сўзлари «республика ижро этувчи ҳокимият органлари» сўзлари билан алмаштирилсин;

44-банднинг учинчи хатбошисидаги «ўн фоизи» сўзлари «бир баравари (жарима миқдоридан ошмаган)» сўзлари билан алмаштирилсин;

53-банд қуйидаги таҳрирда баён этилсин:

«53. Ер участкаларидан мақсадсиз фойдаланиш ва ўзбошимчалик билан эгалланган ер майдонида ноқонуний қурилган иморатларни бартараф этиш тўғрисидаги Кадастр агентлиги органларининг кўрсатмаси жисмоний ва юридик шахслар томонидан ўн беш кун муддатда ихтиёрий равишда бажарилган тақдирда, махсус ваколатли давлат органининг мансабдор шахслари томонидан ўзбошимчалик билан эгалланган ер майдонида ноқонуний қурилган иморатлар бартараф этилганини қайд этиш тўғрисида электрон шаклдаги далолатнома «E-YERNAZORAT» ААТ орқали расмийлаштирилиб, махсус ваколатли давлат органининг мансабдор шахслари томонидан ЭРИ билан тасдиқланади.

Мазкур кўрсатмалар бажарилмаган тақдирда, Кадастр агентлиги органлари Ўзбекистон Республикасининг Ер кодекси 36-моддасига мувофиқ ушбу ер участкаларига бўлган ҳуқуқни бекор қилиш ҳамда ноқонуний қурилган иморатларни бартараф этиш (бузиб ташлаш) юзасидан тўғридан тўғри судга мурожаат қилишга ҳақли»;

1-илованинг 5-босқичидаги «Тадбирлар» устунидаги матн қуйидаги таҳрирда баён этилсин:

«Юридик шахснинг мансабдор шахси ёки унинг вакили ёхуд жисмоний шахс далолатномани олишдан бош тортганда, далолатномага тегишли ёзув киритади ва далолатномани юридик ёки жисмоний шахсга электрон алоқа воситаси ёки почта хизмати орқали юборади»;

2-илованинг 2-босқичидаги «Тадбирлар» устунидаги матн қуйидаги таҳрирда баён этилсин:

«Келиб тушган ҳуқуқбузарлик ҳолатлари қайд этилган аризалар ва шикоятларни кўриб чиқади»;

в) 2-илованинг 2-банди тўртинчи хатбошидаги «Давлат солиқ қўмитаси» сўзлари «Иқтисодиёт ва молия вазирлиги» сўзлари билан алмаштирилсин.

20. Вазирлар Маҳкамасининг «Қурилиш соҳасига оид ягона маъмурий қурилиш регламентларини тасдиқлаш тўғрисида» 2022 йил 20 апрелдаги 200-сон қарорида :

а) 2-иловада :

18-банднинг ўн учинчи хатбошиси «қўшимча бино ва иншоотларни қуриш режалаштирилаётган ўз ҳудудида кўп йиллик дарахтлар мавжуд бўлган тақдирда қуриш учун экология органларининг тегишли ижобий хулосаси» сўзларидан кейин «ҳамда тупроқнинг унумдор қатламини аниқлаш юзасидан Қишлоқ хўжалиги вазирлигининг Тупроқшунослик ва агрокимёвий тадқиқотлар институтидан хулоса мавжудлиги» сўзлари қўшилсин;

19-бандда :

қуйидаги мазмундаги олтинчи хатбоши билан тўлдирилсин:

«бино ва иншоот улар жойлашган ер участкасининг фойдаланиш мақсадига мос равишда жойлашмагани»;

олтинчи — ўн учинчи хатбошилар тегишлича еттинчи — ўн тўртинчи хатбошилар деб ҳисоблансин.

б) 3-иловада :

9-банд қуйидаги мазмундаги бешинчи ва олтинчи хатбошилар билан тўлдирилсин:

«кўчмас мулкни бирлаштириш ва унинг янги чегараларини белгилаш далолатномаси;

қишлоқ хўжалигига мўлжалланган суғорилмайдиган ерларда ер участкасидан рухсат этилган фойдаланишнинг асосий турига мос бўлган объектларни жойлаштиришни (қуришни) назарда тутувчи ички хўжалик ер тузиш лойиҳаси»;

бешинчи — еттинчи хатбошилар тегишлича еттинчи — тўққизинчи деб ҳисоблансин;

4-илова қуйидаги мазмундаги 13 2 -позиция билан тўлдирилсин:

« 13 2 . Тупроқни муҳофаза қилиш ва ундан оқилона фойдаланиш талаблари Лойиҳалаштиришда тупроқни муҳофаза қилиш ва ундан оқилона фойдаланишга қўйилган талабларга амал қилиш. »;

в) 4-иловада :

9-банд «Давлат хизматлари марказлари, Кенгашлар, ваколатли органлар, туман (шаҳар) қурилиш бўлимлари, ҳудудий экология, атроф-муҳитни муҳофаза қилиш ва иқлим ўзгариши органлари, санитария-эпидемиология хизматининг туман (шаҳар) бўлимлари, туман (шаҳар) фавқулодда вазиятлар бўлимлари, Ўзкомназорат инспекцияси» сўзларидан кейин «ҳамда Тупроқшунослик ва агрокимёвий тадқиқотлар институти» сўзлари қўшилсин.

21. Вазирлар Маҳкамасининг 2022 йил 1 июндаги 290-сон қарори билан тасдиқланган Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг тадбиркорлик инфратузилмасини ривожлантириш жамғармалари маблағларини шакллантириш ва улардан фойдаланиш тартиби тўғрисидаги низом қуйидаги мазмундаги 31 1 -банд билан тўлдирилсин:

«31 1 . Янги массив ҳудудларини шаҳарсозлик жиҳатидан режалаштириш ишларига лойиҳа ташкилотларини жалб қилиш бўйича харажатларнинг 30 фоизигача қисми жамғармалар маблағлари ҳисобидан қоплаб берилади».

22. Вазирлар Маҳкамасининг «Идоралараро электрон ҳамкорлик тизими ва маълумотларнинг ахборот алмашинувини янада такомиллаштириш чора-тадбирлари тўғрисида» 2022 йил 20 сентябрдаги 516-сон қарорининг 4-банди «в» кичик банди еттинчи хатбошиси қуйидаги мазмундаги еттинчи-саккизинчи хатбошилари билан алмаштирилсин:

«кадастр органларининг ахборот тизимлари ва ресурсларида мавжуд бўлган маълумотларнинг учинчи шахсларга тақдим этилиши бўйича тўловларнинг Вазирлар Маҳкамасининг «Кўчмас мулкка бўлган ҳуқуқларнинг ҳисобини юритишда шаффофликни таъминлаш, шунингдек, кадастр соҳасидаги айрим маъмурий тартиб-таомилларни такомиллаштириш чора-тадбирлари тўғрисида» 2022 йил 18 октябрдаги 610-сон қарорига асосан «Компьютерлаштириш, геоахборот технологияларини жорий этиш ва ривожлантириш маркази» ДУК ва «Рақамли ҳукумат лойиҳаларини бошқариш маркази» давлат муассасаси ўртасида тузиладиган шартномага мувофиқ давлат муассасаси ихтиёрида қоладиган қисми ушбу кичик бандда белгиланган тартибда тақсимланади;

солиқ органларининг ахборот тизимлари ва ресурсларида мавжуд бўлган маълумотларнинг учинчи шахсларга тақдим этилиши бўйича тўловларнинг Вазирлар Маҳкамасининг «Учинчи шахсларга солиқ тўловчилар тўғрисидаги маълумотларни тақдим этиш чора-тадбирлари ҳақида» 2021 йил 19 августдаги 529-сон қарорига асосан хусусий шерик ва «Рақамли ҳукумат лойиҳаларини бошқариш маркази» давлат муассасаси ўртасида тузиладиган шартномага мувофиқ давлат муассасаси ихтиёрида қоладиган қисми ушбу кичик бандда белгиланган тартибда тақсимланади».

23. Вазирлар Маҳкамасининг 2023 йил 7 июлдаги 279-сон қарори билан тасдиқланган «20 минг тадбиркор — 500 минг малакали мутахассис» дастурини амалга ошириш тартиби тўғрисидаги низомда :

33-банд «ерга бўлган ҳуқуқларни» сўзларидан кейин «(Тошкент шаҳрида жойлашган ер участкалари бундан мустасно)» сўзлари билан тўлдирилсин;

34-банднинг биринчи хатбошиси «муддатларда амалга оширилади» сўзларидан кейин «(Тошкент шаҳрида жойлашган ер участкалари бундан мустасно)» сўзлари билан тўлдирилсин.

Вазирлар Маҳкамасининг 2025 йил 3 сентябрдаги 559-сон қарорига 3-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган айрим қарорлари

1. Вазирлар Маҳкамасининг «Ҳудудларнинг давлат кадастрини юритиш тартиби тўғрисидаги низомни тасдиқлаш ҳақида» 2014 йил 14 августдаги 231-сон қарори .

2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўзбекистон Республикаси Маданият вазирлиги фаолиятини ташкил этиш тўғрисида» 2017 йил 15 февралдаги ПҚ-2778-сон қарори)» 2017 йил 11 майдаги 270-сон қарорига 1-илованинг 55-банди .

3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзи қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Йўл хўжалигини бошқариш тизимини янада такомиллаштириш чора-тадбирлари тўғрисида» 2017 йил 14 февралдаги ПФ-4954-сон Фармони)» 2017 йил 7 июлдаги 472-сон қарорига 1-илованинг 8-банди .

4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Фавқулодда вазиятларнинг олдини олиш ва уларни бартараф этиш тизими самарадорлигини тубдан ошириш чора-тадбирлари тўғрисида» 2017 йил 1 июндаги ПФ-5066-сон Фармони)» 2017 йил 18 августдаги 644-сон қарорига 1-илованинг 12-банди .

5. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикаси Президентининг «Экология ва атроф-муҳитни муҳофаза қилиш соҳасида давлат бошқаруви тизимини такомиллаштириш тўғрисида» 2017 йил 21 апрелдаги ПФ-5024-сон Фармони ва Ўзбекистон Республикаси Президентининг «Ўзбекистон Республикаси Экология ва атроф-муҳитни муҳофаза қилиш давлат қўмитаси фаолиятини таъминлаш чора-тадбирлари тўғрисида» 2017 йил 21 апрелдаги ПҚ-2915-сон қарори)» 2017 йил 14 ноябрдаги 915-сон қарорига 1-илованинг 56-банди .

6. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Қишлоқ ва сув хўжалиги давлат бошқаруви тизимини тубдан такомиллаштириш чора-тадбирлари тўғрисида» 2018 йил 17 апрелдаги ПФ-5418-сон Фармони, Ўзбекистон Республикаси Президентининг «Ўзбекистон Республикаси Қишлоқ хўжалиги вазирлиги фаолиятини ташкил этиш чора-тадбирлари тўғрисида» 2018 йил 17 апрелдаги ПҚ-3671-сон қарори, «Ўзбекистон Республикаси Сув хўжалиги вазирлиги фаолиятини ташкил этиш чора-тадбирлари тўғрисида» 2018 йил 17 апрелдаги ПҚ-3672-сон қарори)» 2018 йил 7 декабрдаги 995-сон қарорига 1-илованинг 81-банди .

7. Вазирлар Маҳкамасининг «Ўзбекистон Республикаси Сув хўжалиги вазирлиги ҳузуридаги Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш давлат инспекцияси тўғрисида низомни тасдиқлаш ҳақида» 2019 йил 12 мартдаги 215-сон қарорига 2-илованинг 5-банди .

8. Вазирлар Маҳкамасининг «Қурилиш соҳасида давлат бошқаруви тизимининг тубдан такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, баъзиларини ўз кучини йўқотган деб ҳисоблаш тўғрисида» 2019 йил 14 июндаги 498-сон қарорига 1-илованинг 29-банди .

9. Вазирлар Маҳкамасининг «Ўзбекистон Республикаси Гидрометеорология хизмати маркази фаолиятини ташкил этиш тўғрисида» 2021 йил 10 апрелдаги 200-сон қарорига 3-илованинг 5-банди .

10. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг «Норматив-ҳуқуқий ҳужжатлар тўғрисида» 2021 йил 20 апрелдаги ЎРҚ-682-сон Қонуни)» 2022 йил 4 апрелдаги 153-сон қарорига илованинг 343-банди .

11. Вазирлар Маҳкамасининг «Тўқимачилик ва тикув-трикотаж корхоналарида чуқур қайта ишлаш ва юқори қўшилган қийматли тайёр маҳсулотлар ишлаб чиқаришни ҳамда уларнинг экспортини молиявий қўллаб-қувватлашни янада кенгайтириш чора-тадбирлари тўғрисида» 2022 йил 30 сентябрдаги 556-сон қарори 2-банди ҳамда унга 4-илованинг 3-банди «а» ва «б» кичик бандлари .

12. Вазирлар Маҳкамасининг «Ўзбекистон Республикаси Сув хўжалиги вазирлиги ҳузуридаги Сув хўжалиги объектлари хавфсизлигини ва сувдан фойдаланишни назорат қилиш инспекцияси фаолиятини тартибга солувчи айрим норматив-ҳуқуқий ҳужжатларни тасдиқлаш тўғрисида» 2023 йил 27 сентябрдаги 500-сон қарорига 5-илованинг 5-банди .

Ўзбекистон Республикасининг Бош вазири А. АРИПОВ

Тошкент ш.,

2025 йил 3 сентябрь,

559-сон

(Қонунчилик маълумотлари миллий базаси, 04.09.2025 й., 09/25/559/0802-сон; 25.12.2025 й., 09/25/821/1211-сон)

lex.uz

Oʻzbekiston Respublikasi Vazirlar Mahkamasining

qarori

ROʻYXATI

TARTIBI

NIZOM”;

ARIZA”.

MAʼMURIY REGLAMENTI

SXEMASI

MAʼMURIY REGLAMENTI

SXEMASI

MAʼMURIY REGLAMENTI

SXEMASI

REGLAMENTI

SXEMASI

ROʻYXATI

Yer uchastkalarini onlayn-auksion orqali realizatsiya qilish va kadastr sohasida davlat xizmatlari koʻrsatish tartib-taomillarini takomillashtirish yuzasidan qoʻshimcha chora-tadbirlar toʻgʻrisida

Soʻnggi yillarda mamlakatimizda koʻchmas mulkka kadastr hujjatlarini rasmiylashtirish, unga boʻlgan huquqlarni davlat roʻyxatidan oʻtkazish sohasida davlat xizmatlari koʻrsatish sifatini oshirish yuzasidan tizimli chora-tadbirlar amalga oshirilmoqda, shuningdek, qishloq xoʻjaligiga moʻljallanmagan yer uchastkalarini xususiylashtirish va ijaraga berish tartib-taomillari takomillashtirilmoqda.

Shu bilan birga, kadastr yigʻmajildini tayyorlash va kadastr pasportini berish, koʻchmas mulkka boʻlgan huquqlarni davlat roʻyxatidan oʻtkazish, qishloq xoʻjaligiga moʻljallanmagan yer uchastkalarini berish (realizatsiya qilish) sohasida ayrim qonunchilik hujjatlarini zamon talablariga muvofiq takomillashtirish talab etilmoqda.

Xususan, hududlarda tadbirkorlik va shaharsozlik faoliyatini amalga oshirish uchun ajratilgan qishloq xoʻjaligiga moʻljallanmagan yer uchastkalarida monitoring qilish jarayonlarini takomillashtirish, auksion savdolarida ijara huquqi bilan sotib olingan yer uchastkalarini birlashtirish imkoniyatlarini yaratish zarurati mavjud.

Bundan tashqari yerga oid mulkiy va huquqiy munosabatlarda barqarorlikni taʼminlash, kichik sanoat zonalari hamda yoshlar sanoat va tadbirkorlik zonalari hududida investitsiya muhitini yanada yaxshilash bugungi kunning dolzarb masalalaridan boʻlib qolmoqda.

Aholiga davlat xizmatlari koʻrsatish tizimini isloh qilish, ortiqcha byurokratik toʻsiqlarni bartaraf etish, fuqarolarga qoʻshimcha qulayliklar yaratish, ularda tanlov imkoniyatini kengaytirish hamda yerga oid mulkiy va huquqiy munosabatlarda barqarorlikni taʼminlash, zamonaviy koʻp kvartirali turar joylar qurish koʻlamini yanada kengaytirish maqsadida Vazirlar Mahkamasi qaror qiladi:

1. Belgilansinki:

kichik sanoat zonalari hamda yoshlar sanoat va tadbirkorlik zonalari hududida joylashgan yer uchastkalarini elektron onlayn-auksion savdolariga chiqarishda ushbu sanoat va tadbirkorlik zonalari direksiyalari buyurtmachi hisoblanadi;

olis va choʻl hududlarda tashkil etiladigan yoshlar sanoat va tadbirkorlik zonalari roʻyxati Qoraqalpogʻiston Respublikasi Joʻqorgʻi Kengesi hamda xalq deputatlari viloyatlar Kengashlari qarorlariga asosan tasdiqlanadi va ular tomonidan, zaruratga koʻra, tasdiqlangan roʻyxatga tegishli oʻzgartirish va qoʻshimchalar kiritib boriladi;

2025-yil 5-sentabrdan boshlab, mazkur bandning uchinchi xatboshisida tasdiqlanishi nazarda tutilgan roʻyxatlarga muvofiq, olis va choʻl hududlarda joylashgan yoshlar sanoat va tadbirkorlik zonalaridagi boʻsh yer uchastkalari “1 soʻm” xarid qiymatida elektron onlayn-auksion savdolariga chiqariladi;

“Yerelektron” avtomatlashtirilgan axborot tizimida alohida “olis va choʻl hududlarda joylashgan yoshlar sanoat va tadbirkorlik zonalaridagi boʻsh yer uchastkalari” boʻlimi yaratiladi;

Oʻzbekiston Respublikasi Soliq qoʻmitasining qoʻshilgan qiymat soligʻini toʻlovchi yuridik shaxslar toʻgʻrisidagi maʼlumotlarni oʻz ichiga olgan elektron axborot tizimi “E-auksion” elektron savdo platformasiga uch oy muddatda integratsiya qilinadi.

2. Shunday tartib oʻrnatilsinki, unga muvofiq koʻp kvartirali turar joylar qurish uchun yer uchastkalarini ijaraga berish boʻyicha auksion gʻolibi hamda tuman (shahar) hokimligi bilan quyidagilarni nazarda tutuvchi elektron shartnomani (ofertani) imzolaydi hamda ushbu shartnoma “Elektron onlayn-auksionlarni tashkil etish” AJ tomonidan roʻyxatga olinadi:

koʻp kvartirali turar joylar qurish maqsadida auksion savdosida sotilgan yer uchastkalarining loyihaoldi hujjatlarini tayyorlashga 15 kunlik, loyiha ishlarini bajarishga ikki oylik va qurilish ishlarini boshlashga uch oylik muddat berilishi;

yer uchastkasida barpo etiladigan obyektni foydalanishga topshirish muddati;

koʻp kvartirali turar joylar qurish uchun ijaraga berish boʻyicha auksion savdolari ofertasi talablari bajarilmaganda, yer uchastkasi belgilangan tartibda qaytarib olinishi va takroran auksion savdolariga chiqarilishi.

3. Oʻzbekiston Respublikasi Kambagʻallikni qisqartirish va bandlik vazirligi, Investitsiyalar, sanoat va savdo vazirligi, Qurilish va uy-joy kommunal xoʻjaligi vazirligi hamda Raqamli texnologiyalar vazirligining tadbirkorlik va shaharsozlik maqsadida elektron onlayn-auksion savdolarida realizatsiya qilingan yer uchastkalarida qurilish ishlarini boshlab, foydalanishga topshirilgunga qadar boʻlgan jarayonlarning barcha bosqichlarini “Onlayn mahalla” elektron platformasida (keyingi oʻrinlarda — elektron platforma) monitoring qilish tizimini joriy etish toʻgʻrisidagi takliflari maʼqullansin.

4. 2025-yil 1-oktabrdan boshlab maxsus iqtisodiy zonalar ishtirokchilariga, yuridik shaxslarga jamoat ehtiyojlari, davlat-xususiy sheriklik loyihalarini hamda ijtimoiy sheriklik toʻgʻrisidagi kelishuvlar va shartnomalarni amalga oshirish uchun yer uchastkalari berilganda (sotilganda), ushbu maʼlumotlar yer uchastkalariga huquqni belgilovchi hujjatlarda aks ettirilishi shart.

5. Qoraqalpogʻiston Respublikasi Vazirlar Kengashi, viloyatlar va Toshkent shahri, tuman (shahar) hokimliklari Oʻzbekiston Respublikasi Investitsiyalar, sanoat va savdo vazirligi hamda manfaatdor vazirlik va idoralar bilan birgalikda uch oy muddatda maxsus iqtisodiy zonalar ishtirokchilariga, davlat-xususiy sheriklik loyihalarini hamda ijtimoiy sheriklik toʻgʻrisidagi kelishuvlar va shartnomalarni amalga oshirish uchun berilgan yer uchastkalariga huquqni belgilovchi hujjatlarni xatlovdan oʻtkazish hamda huquqlari davlat roʻyxatidan oʻtkazilmagan yer uchastkalariga boʻlgan huquqlarni davlat roʻyxatidan oʻtkazish choralarini koʻrsin.

6. Oʻzbekiston Respublikasi Davlat aktivlarini boshqarish agentligi manfaatdor vazirlik va idoralar bilan birgalikda uch oy muddatda “Yerxususiylashtirish” avtomatlashtirilgan axborot tizimining ushbu qarorga 1-ilovada keltirilgan elektron axborot tizimlari hamda maʼlumotlar bazalari bilan “Raqamli hukumat” tizimi doirasida integratsiya qilinishini taʼminlasin.

7. Oʻzbekiston Respublikasi Kambagʻallikni qisqartirish va bandlik vazirligi Investitsiyalar, sanoat va savdo vazirligi, Qurilish va uy-joy kommunal xoʻjaligi vazirligi hamda Raqamli texnologiyalar vazirligi bilan birgalikda:

ikki hafta muddatda elektron platformada jismoniy va yuridik shaxslar, shu jumladan, hokim yordamchilariga ular tomonidan kiritiladigan takliflarning joriy holatini kuzatish, munosabat (ijobiy, salbiy) bildirish hamda prokuratura va adliya organlariga shikoyat yoʻllash imkoniyatini beruvchi yangi qoʻshimcha funksiyalar kiritilishini;

bir oy muddatda elektron platforma “E-auksion” elektron savdo platformasi hamda “UZKAD” integratsion axborot tizimi bilan integratsiya qilinishini;

“E-auksion” elektron savdo platformasida realizatsiya qilinayotgan yer uchastkalari toʻgʻrisidagi maʼlumotlar mahallalar kesimida elektron platformada real vaqt rejimida aks etishini;

2018-yildan boshlab auksionda realizatsiya qilinib, iqtisodiy aylanmaga kiritilmagan yer uchastkalarining mahallalar kesimida elektron platformaga joylashtirilishini;

Iqtisodiyot va moliya vazirligi huzuridagi Kadastr agentligi (keyingi oʻrinlarda — Kadastr agentligi) bilan birgalikda mazkur yer uchastkalarida loyiha amalga oshib, bino va inshootlar davlat roʻyxatidan oʻtkazilib, tegishli huquq shakllanganda “UZKAD” integratsion axborot tizimi orqali elektron platformaga avtomatik maʼlumot yuborish tizimi joriy qilinishini taʼminlasin.

Bunda Davlat aktivlarini boshqarish agentligi “E-auksion” elektron savdo platformasiga yuqoridagi platformalarni integratsiya qiladi.

8. Oʻzbekiston Respublikasi Iqtisodiyot va moliya vazirligi elektron platformada ishlab chiqilishi nazarda tutilgan modullar va uni texnik jihatdan takomillashtirib borish bilan bogʻliq xarajatlarni Kambagʻallikni qisqartirish va bandlik vazirligining Hokim yordamchilari faoliyatini qoʻllab-quvvatlash jamgʻarmasi mablagʻlari hisobidan belgilangan tartibda moliyalashtirish choralarini koʻrsin.

9. Belgilansinki:

tadbirkorlik subyektining qurilish ishlarini boshlash, kredit mablagʻlarining ajratilishi, infratuzilma tarmoqlariga ulanish va loyihani foydalanishga topshirish jarayonida yuzaga keladigan masalalari elektron platformaga kiritilgan kundan boshlab oʻn besh kun muddatda bartaraf etilmagan taqdirda, muammoli masalalar toifasiga oʻtkaziladi hamda tuman (shahar) hokimliklari tomonidan muhokama etib boriladi;

belgilangan muddatlarda foydalanilmagan yer uchastkalarini sud tartibida tuman (shahar) hokimliklarining tasarrufiga qaytarish uchun hujjatlar yigʻmajildini sudga taqdim qilish boʻyicha xarajatlar mahalliy budjetning ortiqcha bajarilgan qismi hamda qonunchilikda taqiqlanmagan boshqa manbalar hisobidan amalga oshiriladi;

yer uchastkasiga boʻlgan huquqni bekor qilish toʻgʻrisida sud qarori qabul qilinganda, yer uchastkasini takroran realizatsiya qilishdan tushgan mablagʻlar hisobidan ushbu yer uchastkasiga boʻlgan huquqi bekor qilingan shaxsga mazkur yer uchastkasini sotib olish uchun haqiqatda toʻlagan mablagʻlari qaytarib beriladi, bunda yer uchastkasini tanlash materiallarini tayyorlash va auksion oʻtkazish bilan bogʻliq xarajatlar chegirib qolinadi.

10. Tumanlarda (shaharlarda) tadbirkorlik va shaharsozlik maqsadlarida realizatsiya qilingan yer uchastkalarini iqtisodiy aylanmaga kiritish, auksion savdolariga qoʻyilgan yer uchastkalarining sotilishi va loyihani amalga oshirish bilan bogʻliq muammolarni bartaraf etish darajasi yuzasidan tuman (shahar) hokimlari va mahallalardagi hokim yordamchilarining faoliyatiga baho beriladi.

Bunda iqtisodiy aylanmaga kiritilgan, xususan, qurilish ishlari yakunlanib, binoga egalik huquqi davlat roʻyxatidan oʻtkazilgan yer uchastkasi elektron platformada amalga oshirilgan loyihalar moduliga oʻtkaziladi hamda mazkur yer uchastkasi tuman (shahar) hokimi va hokim yordamchisi nazoratidan yechiladi.

11. Qoraqalpogʻiston Respublikasi Vazirlar Kengashi, viloyatlar hamda Toshkent shahri hokimliklari Kambagʻallikni qisqartirish va bandlik vazirligi bilan birgalikda tadbirkorlik hamda shaharsozlik maqsadlarida elektron onlayn-auksion savdolarida realizatsiya qilinib, iqtisodiy aylanmaga kiritilmagan yer uchastkalarini doimiy monitoring qilib, amalga oshirilgan ishlar va erishilgan natijalar yuzasidan har chorakda Vazirlar Mahkamasiga axborot kiritib borsin.

12. Oʻzbekiston Respublikasi Investitsiyalar, sanoat va savdo vazirligi Qoraqalpogʻiston Respublikasi Vazirlar Kengashi, viloyatlar hamda Toshkent shahri hokimliklari bilan birgalikda 2025-yil 1-oktabrga qadar qishloq xoʻjaligiga moʻljallangan yerlar toifasidan boshqa yerlar toifasiga oʻzgartirilgan yer uchastkalarini belgilangan tartibda realizatsiya qilish boʻyicha asoslantirilgan takliflarni Vazirlar Mahkamasiga kiritsin.

13. Oʻzbekiston Respublikasi Hukumatining 2-ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:

kadastr sohasida koʻrsatilayotgan davlat xizmatlarini Kadastr agentligining veb-sayti orqali koʻrsatish imkoniyatini yaratish;

kadastr yigʻmajildini tayyorlash va uning natijasi boʻyicha kadastr pasportini olish uchun taqdim etilayotgan hujjatlar roʻyxatini amaldagi qonunchilik hujjatlariga muvofiqlashtirish;

yer uchastkalarini elektron onlayn-auksion savdolariga chiqarish tartiblarini yanada takomillashtirish.

14. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin.

15. Oʻzbekiston Respublikasi Iqtisodiyot va moliya vazirligi manfaatdor vazirlik hamda idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

16. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Vazirlar Mahkamasining 2025-yil 3-sentabrdagi 559-son qaroriga 1-ILOVA

“Yerxususiylashtirish” avtomatlashtirilgan axborot tizimi bilan “Raqamli hukumat” tizimining idoralararo integratsiyalashuv platformasi orqali integratsiya qilinadigan elektron axborot tizimlari va maʼlumotlar bazalari

T/r Elektron axborot tizimi yoki maʼlumotlar bazasining nomi Elektron axborot tizimi yoki maʼlumotlar bazasini yuritish boʻyicha vakolatli organ 1. “Davlat mulki” axborot tizimi Davlat aktivlarini boshqarish agentligi 2. “Raqamli geologiya” tizimi Togʻ-kon sanoati va geologiya vazirligi 3. “Adolat” axborot tizimlari kompleksi Oliy sud 4. “FHDYning yagona elektron arxivi” axborot tizimi Adliya vazirligi 5. “E-Fuqaro” idoralararo maʼlumotlar bazasi Ichki ishlar vazirligi 6. Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shugʻullanuvchi jismoniy shaxslarning markaziy maʼlumotlar bazasi Soliq qoʻmitasi

Vazirlar Mahkamasining 2025-yil 3-sentabrdagi 559-son qaroriga 2-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2005-yil 15-noyabrdagi 250-son qarori bilan tasdiqlangan Kartografiya-geodeziya davlat kadastrini yuritish tartibi toʻgʻrisidagi nizomda :

a) 4-bandda :

toʻrtinchi xatboshidagi “raqamli elektron” soʻzlari “elektron raqamli” soʻzlari bilan almashtirilsin;

oltinchi xatboshidagi “aerofoto” soʻzi “aero” soʻzi bilan almashtirilsin;

b) 5-banddagi “Davlat soliq qoʻmitasi” soʻzlari “Iqtisodiyot va moliya vazirligi” soʻzlari bilan almashtirilsin;

v) 8-banddagi “elektron” soʻzi “geografik axborot tizimida” soʻzlari bilan almashtirilsin;

g) 10 va 11-bandlar quyidagi tahrirda bayon etilsin:

“10. Kadastr agentligi Kartografiya-geodeziya davlat kadastrini yuritish ishlariga umumiy rahbarlik qilish va metodik jihatdan taʼminlashni amalga oshiradi.

Kadastr agentligining Davlat kartografiya-geodeziya fondi (keyingi oʻrinlarda — Davlat kartografiya-geodeziya fondi) Kartografiya-geodeziya davlat kadastrini yuritish ishlarining ijrochisi hisoblanadi.

Kadastr agentligi Kartografiya-geodeziya davlat kadastrining geografik axborot tizimi maʼlumotlar bazasi tuzilmasini ishlab chiqadi, maʼlumotlar bazasining toʻgʻri toʻldirilishini nazorat qiladi.

11. Davlat kartografiya-geodeziya fondi:

kadastr axborotlarini shakllantirish va taqdim etish formatlarini ishlab chiqadi;

Kartografiya-geodeziya davlat kadastrining avtomatlashtirilgan axborot tizimini shakllantirishni va uning faoliyatini taʼminlaydi;

hisobga olish va baholash kadastr axborotlarini tizimlashtiradi, shakllantiradi va ularni Kartografiya-geodeziya davlat kadastrining avtomatlashtirilgan axborot tizimiga kiritadi;

kadastr axborotlariga boʻlgan talabni muntazam ravishda oʻrganadi, kadastrni yuritish texnologiyasini takomillashtirishni taʼminlaydi;

Oʻzbekiston Respublikasi hududining kartografiya-geodeziya jihatidan oʻrganilgani monitoringini yuritadi;

kadastr maʼlumotlarini respublika ijro etuvchi hokimiyat organlariga, jismoniy va yuridik shaxslarga taqdim etadi;

kadastr axborotlarini ruxsatsiz foydalanishdan himoya qilishni taʼminlaydi;

tizimlashtirilgan kadastr axborotlarining Davlat kadastrlari yagona tizimiga tezkorlik bilan berilishini amalga oshiradi”;

d) 13-bandning toʻrtinchi xatboshisi quyidagi tahrirda bayon etilsin:

“roʻyxatga olish va geografik axborot tizimida elektron reyestrini yuritish”;

e) 15-banddan “Roʻyxat natijalari boʻyicha har qaysi obyekt uchun pasport tuziladi” soʻzlari chiqarib tashlansin;

j) 16-band quyidagi tahrirda bayon etilsin:

“16. Kartografiya-geodeziya davlat kadastri obyektlarini hisobga olish xaritalar nomenklaturasi boʻyicha, davlat geodeziya tarmoqlari klasslari va turlari boʻyicha, shu jumladan, maʼmuriy-hududiy boʻlinish boʻyicha hamda aholi punktlari boʻyicha alohida amalga oshiriladi.

Kartografiya-geodeziya davlat kadastri obyektlarining miqdor va sifat tavsiflarini hisobga olish uchun Davlat kartografiya-geodeziya fondi kadastr axborotlarini taqdim etishning texnik parametrlari va formatlarini ishlab chiqadi.

Hujjatli rasmiylashtirilgan va belgilangan tartibda tasdiqlangan hisobga olish axborotlari Kartografiya-geodeziya davlat kadastrining geografik axborot tizimiga kiritiladi”;

z) 18-banddagi “Davlat geodeziya nazorati inspeksiyasining” soʻzlari “Davlat kartografiya-geodeziya fondining” soʻzlari bilan almashtirilsin;

i) ilova matni quyidagi tahrirda bayon etilsin:

“Kartografiya-geodeziya davlat kadastrini yuritish

Davlat kadastrlari yagona tizimi (DKYAT) Iqtisodiyot va moliya vazirligi huzuridagi Kadastr agentligi 5 3 ↑ 4 ↓ ↓ Kartografiya-geodeziya davlat kadastri (KGDK) Kadastr agentligining Davlat kartografiya-geodeziya fondi 5 Foydalanuvchilar → 1 ↑ 2 ↓ Geodeziya, topografiya va kartografiya ishlarini bajaruvchilar

2. Vazirlar Mahkamasining 2014-yil 10-iyuldagi 186-son qarori bilan tasdiqlangan Koʻchmas mulk obyektlarining davlat kadastri sohasida davlat xizmatlari narxlarini belgilash tartibi matni quyidagi tahrirda bayon etilsin:

“Koʻchmas mulk obyektlarining davlat kadastri sohasida davlat xizmatlari narxlarini belgilash

T/r Davlat xizmatlarining nomi Ishlar narxi I. Koʻchmas mulk obyektlarining noturar bino va inshootlarga oid qismiga hamda koʻp kvartirali uydagi umumiy mulkka kadastr pasportini tayyorlash va kadastr hujjatlarini rasmiylashtirish 1. Umumiy maydoni 100 kvadrat metrgacha boʻlgan koʻchmas mulk Bazaviy hisoblash miqdorining 1,0 baravari 2. Umumiy maydoni 100 kvadrat metrdan 1 000 kvadrat metrgacha boʻlgan koʻchmas mulk Obyektning 1 kvadrat metr maydoni uchun bazaviy hisoblash miqdorining 1,15 foizi 3. Umumiy maydoni 1 000 kvadrat metrdan 5 000 kvadrat metrgacha boʻlgan koʻchmas mulk Bazaviy hisoblash miqdorining 17,25 baravari 4. Umumiy maydoni 5 000 kvadrat metrdan 15 000 kvadrat metrgacha boʻlgan koʻchmas mulk Bazaviy hisoblash miqdorining 34,5 baravari 5. Umumiy maydoni 15 000 kvadrat metrdan 50 000 kvadrat metrgacha boʻlgan koʻchmas mulk Bazaviy hisoblash miqdorining 57,5 baravari 6. Umumiy maydoni 50 000 kvadrat metrdan ortiq boʻlgan koʻchmas mulk Bazaviy hisoblash miqdorining 80,5 baravari 7. Mulkdor oʻzgarmagan holda koʻchmas mulkni boʻlish va uning yangi chegaralarini belgilash Bazaviy hisoblash miqdorining 1,0 baravari 8. Mulkdor oʻzgarmagan holda koʻchmas mulkni birlashtirish va uning yangi chegaralarini belgilash Bazaviy hisoblash miqdorining 1,0 baravari 9. Koʻp kvartirali uydagi umumiy mulkka kadastr pasportini tayyorlash va kadastr hujjatlarini rasmiylashtirish Bazaviy hisoblash miqdorining 5,0 baravari II. Koʻchmas mulk obyektlarining turar joy fondiga oid qismiga kadastr pasportini tayyorlash va kadastr hujjatlarini rasmiylashtirish 1. Koʻp kvartirali uydagi kvartira Obyektning 1 kvadrat metr maydoni uchun bazaviy hisoblash miqdorining 1,15 foizi 2. Yakka tartibdagi turar joy Obyektning 1 kvadrat metr maydoni uchun bazaviy hisoblash miqdorining 1,15 foizi III. Yer uchastkalariga va koʻp yillik dov-daraxtlarga kadastr pasportini tayyorlash va kadastr hujjatlarini rasmiylashtirish 1. Yer uchastkasini ajratish boʻyicha ish mavjud boʻlganda, yakka tartibda turar joy qurish uchun ajratilgan yer uchastkasi Bepul 2. Yer uchastkasini ajratish boʻyicha ish mavjud boʻlmaganda, yakka tartibda turar joy qurish uchun ajratilgan yer uchastkasi Bazaviy hisoblash miqdorining 1,25 baravari 3. Dehqon xoʻjaligini yuritish uchun ajratilgan yer uchastkasi Bazaviy hisoblash miqdorining 1,25 baravari 4. Noturar joy obyektlarini qurish uchun ajratilgan yer uchastkasi Bazaviy hisoblash miqdorining 1,25 baravari 5. Qishloq xoʻjaligi ehtiyojlari uchun ajratilgan yer uchastkasi Bazaviy hisoblash miqdorining 2,5 baravari 6. Koʻp yillik dov-daraxtlar Bazaviy hisoblash miqdorining 1 baravari va har 1 gektar dov-daraxtlar bilan egallangan yer uchastkasi uchun bazaviy hisoblash miqdorining 7 foizi IV. Koʻchmas mulk obyektiga boʻlgan huquqlar va ular boʻyicha tuzilgan bitimlarni davlat roʻyxatidan oʻtkazish 1. Jismoniy shaxslarning umumiy maydoni 100 kvadrat metrgacha boʻlgan turar joy koʻchmas mulk obyektlari va davlat reyestridan koʻchirmalar Bazaviy hisoblash miqdorining 1,25 baravari 2. Jismoniy shaxslarning umumiy maydoni 100 kvadrat metrdan 300 kvadrat metrgacha boʻlgan turar joy koʻchmas mulk obyektlari va davlat reyestridan koʻchirmalar Bazaviy hisoblash miqdorining 2,0 baravari 3. Jismoniy shaxslarning umumiy maydoni 300 kvadrat metrdan ortiq boʻlgan turar joy koʻchmas mulk obyektlari va davlat reyestridan koʻchirmalar Bazaviy hisoblash miqdorining 3,0 baravari 4. Yuridik shaxslarning turar joy koʻchmas mulk obyektlari va davlat reyestridan koʻchirmalar Bazaviy hisoblash miqdorining 5,0 baravari 5. Jismoniy shaxslarning noturar joy koʻchmas mulk obyektlari va davlat reyestridan koʻchirmalar Bazaviy hisoblash miqdorining 3,0 baravari 6. Yuridik shaxslarning noturar joy koʻchmas mulk obyektlari va davlat reyestridan koʻchirmalar Bazaviy hisoblash miqdorining 5,0 baravari 7. Jismoniy shaxslarning yakka tartibda turar joy qurish uchun berilgan yer uchastkasiga boʻlgan huquqlarini davlat roʻyxatidan oʻtkazish va davlat reyestridan koʻchirmalar Bazaviy hisoblash miqdorining 1,0 baravari 8. Jismoniy shaxslarning noturar joy obyektlari uchun berilgan yer uchastkasiga boʻlgan huquqlarini davlat roʻyxatidan oʻtkazish va davlat reyestridan koʻchirmalar Bazaviy hisoblash miqdorining 3,0 baravari 9. Yuridik shaxslarga berilgan yer uchastkasiga boʻlgan huquqlarni davlat roʻyxatidan oʻtkazish va davlat reyestridan koʻchirmalar Bazaviy hisoblash miqdorining 5,0 baravari 10. Jismoniy shaxslarning (yuridik shaxs tashkil etmagan holdagi dehqon xoʻjaligi bundan mustasno) qishloq xoʻjaligi uchun berilgan yer uchastkasiga boʻlgan huquqlarini davlat roʻyxatidan oʻtkazish va davlat reyestridan koʻchirmalar Bazaviy hisoblash miqdorining 1,5 baravari 11. Yuridik shaxslarga (yuridik shaxs tashkil etgan holdagi dehqon xoʻjaligi bundan mustasno) qishloq xoʻjaligi ehtiyojlari uchun ajratilgan yer uchastkasiga boʻlgan huquqlarni davlat roʻyxatidan oʻtkazish va davlat reyestridan koʻchirmalar Bazaviy hisoblash miqdorining 2,5 baravari 12. Koʻp kvartirali uydagi umumiy mulkka boʻlgan huquqlarni davlat roʻyxatidan oʻtkazish va davlat reyestridan koʻchirmalar Bazaviy hisoblash miqdorining 3,0 baravari 13. Ipotekani, shuningdek, ijara huquqini (yer uchastkasiga boʻlgan ijara huquqi bundan mustasno), yer uchastkasi boʻyicha servitutni, bepul foydalanish huquqini, koʻchmas mulkni ishonchli boshqarish huquqini davlat roʻyxatidan oʻtkazish hamda garov xatini rasmiylashtirish Bazaviy hisoblash miqdorining 1,25 baravari 14. Mulkida turar joy borligi (yoʻqligi) haqida maʼlumotnoma berish Bazaviy hisoblash miqdorining 3 foizi (har bir fuqaro uchun) 15. Koʻchmas mulkka oid kadastr maʼlumotlarini taqdim etish Bazaviy hisoblash miqdorining 5 foizi (davlat organlari uchun bepul) 16. Shahodatnomaga ega boʻlgan kadastr muhandisi tomonidan tayyorlangan kadastr yigʻmajildiga asosan koʻchmas mulkni hisobga olish va kadastr pasportini berish a) obyekt 100 kvadrat metrgacha boʻlganda bazaviy hisoblash miqdorining 0,2 baravari, bunda koʻchmas mulk obyektining kadastr qiymatini hisoblash talab etilganda, bazaviy hisoblash miqdorining 0,5 baravari; b) obyekt 100 kvadrat metrdan 250 kvadrat metrgacha boʻlganda bazaviy hisoblash miqdorining 0,5 baravari, bunda koʻchmas mulk obyektining kadastr qiymatini hisoblash talab etilganda, bazaviy hisoblash miqdorining 0,7 baravari; v) obyekt 250 kvadrat metrdan 500 kvadrat metrgacha boʻlganda bazaviy hisoblash miqdorining 0,7 baravari, bunda koʻchmas mulk obyektining kadastr qiymatini hisoblash talab etilganda, bazaviy hisoblash miqdorining 1,0 baravari; g) obyekt 500 kvadrat metrdan yuqori boʻlganda bazaviy hisoblash miqdorining 1,0 baravari, bunda koʻchmas mulk obyektining kadastr qiymatini hisoblash talab etilganda, bazaviy hisoblash miqdorining 2,0 baravari 17. Jismoniy shaxslarning koʻp yillik dov-daraxtlari davlat reyestridan koʻchirmalar Bazaviy hisoblash miqdorining 3,0 baravari 18. Yuridik shaxslarning koʻp yillik dov-daraxtlari davlat reyestridan koʻchirmalar Bazaviy hisoblash miqdorining 5,0 baravari 19. Koʻchmas mulk tarixi toʻgʻrisida maʼlumotnoma berish Bazaviy hisoblash miqdorining 50 foizi (davlat organlari uchun bepul) V. Koʻchmas mulk obyektlariga manzillar berish, ularni oʻzgartirish va mavjudligini bekor qilish 1. Koʻchmas mulk obyektlariga manzillar berish, ularni oʻzgartirish Bazaviy hisoblash miqdorining 1,0 baravari VI. Koʻchmas mulkni boʻlish, birlashtirish va uning yangi chegaralarini belgilash 1. Koʻchmas mulkni boʻlish va uning yangi chegaralarini belgilash Bazaviy hisoblash miqdorining 1,0 baravari 2. Koʻchmas mulkni birlashtirish va uning yangi chegaralarini belgilash Bazaviy hisoblash miqdorining 1,0 baravari

3. Vazirlar Mahkamasining “Aholi punktlarida davlat kapital qoʻyilmalari hisobiga ichimlik suv taʼminotini va oqova suv xizmatini yaxshilash boʻyicha loyihalarni amalga oshirish samaradorligini taʼminlash chora-tadbirlari toʻgʻrisida” 2015-yil 3-fevraldagi 19-son qarorida :

a) 5-banddagi “Qoraqalpogʻiston Respublikasi Vazirlar Kengashi, viloyatlar hokimliklari va Oʻzbekiston Respublikasi Uy-joy-kommunal xizmat koʻrsatish vazirligi Oʻzbekiston Respublikasi Qurilish vazirligi bilan birgalikda” soʻzlari “Qoraqalpogʻiston Respublikasi Vazirlar Kengashi, viloyatlar hokimliklari Oʻzbekiston Respublikasi Qurilish va uy-joy kommunal xoʻjaligi vazirligi bilan birgalikda” soʻzlari bilan almashtirilsin;

b) 9-banddagi “Qurilish vazirligi” soʻzlari “Qurilish va uy-joy kommunal xoʻjaligi vazirligi” soʻzlari bilan almashtirilsin;

v) 3-ilovada :

5-bandning ikkinchi , beshinchi va yettinchi xatboshilaridagi , 7 , 8 , 9-bandlardagi , 10-bandning birinchi va beshinchi xatboshilaridagi , 13 va 14-bandlardagi , 32-bandning birinchi va beshinchi — yettinchi xatboshilaridagi , 34-bandning birinchi xatboshisidagi “Uy-joy kommunal xizmat koʻrsatish vazirligi” soʻzlari “Qurilish va uy-joy kommunal xoʻjaligi vazirligi” soʻzlari bilan almashtirilsin;

18-band quyidagi tahrirda bayon etilsin:

“18. Oʻzbekiston Respublikasi Qurilish va uy-joy kommunal xoʻjaligi vazirligining qurilish sohasida hududiy nazorat inspeksiyalari Vazirlar Mahkamasining 2024-yil 17-apreldagi 214-son qarori bilan tasdiqlangan Oʻzbekiston Respublikasi Qurilish va uy-joy kommunal xoʻjaligi vazirligi huzuridagi Qurilish va uy-joy kommunal xoʻjaligi sohasida nazorat qilish inspeksiyasi hamda Oʻzbekiston Respublikasi Qurilish va uy-joy kommunal xoʻjaligi vazirligi huzuridagi Qurilish va uy-joy kommunal xoʻjaligi sohasida hududiy nazorat qilish inspeksiyalari toʻgʻrisida Namunaviy nizomlarga belgilangan vakolatlar doirasida obyektda qurilish-montaj ishlari bajarilishining sifati va toʻliqligi yuzasidan nazoratni amalga oshiradi”;

24-banddagi “Qurilish vazirligining” soʻzlari “Qurilish va uy-joy kommunal xoʻjaligi vazirligining” soʻzlari bilan almashtirilsin.

4. Vazirlar Mahkamasining “Bitimlarni notarial tasdiqlash tartibini idoralararo elektron hamkorlikni qoʻllagan holda takomillashtirish chora-tadbirlari toʻgʻrisida” 2017-yil 27-fevraldagi 106-son qarorida :

a) 2-bandning ikkinchi xatboshisi quyidagi tahrirda bayon etilsin:

“Koʻchmas mulkning oldi-sotdi, ayirboshlash, hadya qilish va ipoteka bitimlarini idoralararo elektron hamkorlikni qoʻllagan holda notarial tasdiqlash tartibi toʻgʻrisidagi nizom 1-ilovaga muvofiq”;

b) 1-ilovada :

ilovaning nomi quyidagi tahrirda bayon etilsin:

“Koʻchmas mulkning oldi-sotdi, ayirboshlash, hadya qilish va ipoteka bitimlarini idoralararo elektron hamkorlikni qoʻllagan holda notarial tasdiqlash tartibi toʻgʻrisida

1-band quyidagi tahrirda bayon etilsin:

“1. Ushbu Nizom Oʻzbekiston Respublikasining “Notariat toʻgʻrisida”gi va “Elektron hukumat toʻgʻrisida”gi qonunlariga muvofiq koʻchmas mulkning oldi-sotdi, ayirboshlash, hadya qilish va ipoteka bitimlarini (keyingi oʻrinlarda — bitim) idoralararo elektron hamkorlikni qoʻllagan holda notarial tasdiqlash tartibini belgilaydi”;

1-ilovaning ilova belgisi quyidagi tahrirda bayon etilsin:

“Koʻchmas mulkning oldi-sotdi, ayirboshlash, hadya qilish va ipoteka bitimlarini idoralararo elektron hamkorlikni qoʻllagan holda notarial tasdiqlash tartibi toʻgʻrisidagi nizomga 1-ilova”;

2-ilovada :

ilova belgisi quyidagi tahrirda bayon etilsin:

“Koʻchmas mulkning oldi-sotdi, ayirboshlash, hadya qilish va ipoteka bitimlarini idoralararo elektron hamkorlikni qoʻllagan holda notarial tasdiqlash tartibi toʻgʻrisidagi nizomga 2-ilova”;

ilova nomi quyidagi tahrirda bayon etilsin:

“Koʻchmas mulkning oldi-sotdi, ayirboshlash, hadya qilish va ipoteka bitimlarini idoralararo elektron hamkorlikni qoʻllagan holda notarial tasdiqlashni amalga oshirishga

5. Vazirlar Mahkamasining 2018-yil 14-sentabrdagi 733-son qarori bilan tasdiqlangan Koʻchmas mulkni boshqa shaxsga oʻtkazish shartnomasini notarial tasdiqlashda yer uchastkasi, bino va inshootlar hamda koʻp yillik dov-daraxtlar haqida maʼlumotlar olishning maʼmuriy reglamentining 3-bandi quyidagi tahrirda bayon etilsin:

“3. Yer uchastkasi, bino va inshootlar hamda koʻp yillik dov-daraxtlar haqidagi maʼlumotlarni olish ushbu Reglamentga 1-ilovaga muvofiq sxema boʻyicha amalga oshiriladi”.

6. Vazirlar Mahkamasining 2018-yil 26-dekabrdagi 1047-son qarori bilan tasdiqlangan Jismoniy va yuridik shaxslarga yetkazilgan mulkiy zararlarni kompensatsiya qilish boʻyicha respublika va hududiy maqsadli jamgʻarmalar mablagʻlarini shakllantirish hamda ulardan foydalanish tartibi toʻgʻrisidagi nizomda :

a) 4-bandning birinchi xatboshisi “Yer uchastkalarini” soʻzlaridan keyin “yoki ularning qismlarini” soʻzlari bilan toʻldirilsin;

b) 11-band “yer uchastkalarini” soʻzlaridan keyin “yoki ularning qismlarini” soʻzlari bilan toʻldirilsin;

v) 1-ilovaning nomi “Yer uchastkalarini” soʻzlaridan keyin “yoki ularning qismlarini” soʻzlari bilan toʻldirilsin.

7. Vazirlar Mahkamasining “Kadastr sohasida ayrim davlat xizmatlari koʻrsatishning maʼmuriy reglamentlarini tasdiqlash toʻgʻrisida” 2020-yil 2-sentabrdagi 535-son qarorida :

a) 1-band quyidagi tahrirda bayon etilsin:

“1. Quyidagilar:

Koʻchmas mulk obyektiga kadastr pasportini berish boʻyicha davlat xizmatlari koʻrsatishning maʼmuriy reglamenti 1-ilovaga muvofiq;

Koʻchmas mulkka boʻlgan huquqlarni davlat roʻyxatidan oʻtkazish boʻyicha davlat xizmatlari koʻrsatishning maʼmuriy reglamenti 2-ilovaga muvofiq;

Koʻchmas mulkni boʻlish va uning yangi chegaralarini belgilash boʻyicha davlat xizmatlari koʻrsatishning maʼmuriy reglamenti 3-ilovaga muvofiq;

Koʻchmas mulkni birlashtirish va uning yangi chegaralarini belgilash boʻyicha davlat xizmatlari koʻrsatishning maʼmuriy reglamenti 4-ilovaga muvofiq;

Koʻchmas mulk boʻyicha kadastr muhandisining malaka shahodatnomasini berish boʻyicha davlat xizmatlarini koʻrsatishning maʼmuriy reglamenti 5a-ilovaga muvofiq;

Barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash boʻyicha davlat xizmatlari koʻrsatishning maʼmuriy reglamenti 5b-ilovaga;

Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash boʻyicha davlat xizmatlari koʻrsatishning maʼmuriy reglamenti 5v-ilovaga muvofiq;

b) 1-ilovada :

1-band quyidagi tahrirda bayon etilsin:

“1. Ushbu Reglament yer uchastkasi, bino va inshootlar hamda koʻp yillik dov-daraxtlarga (keyingi oʻrinlarda — koʻchmas mulk obyekti) kadastr pasportini berish boʻyicha davlat xizmatlari koʻrsatish tartibini belgilaydi”;

4-band quyidagi tahrirda bayon etilsin:

“4. Koʻchmas mulk obyektiga kadastr pasporti quyidagi hollarda rasmiylashtiriladi:

yer uchastkalari berilganda (realizatsiya qilinganda);

koʻchmas mulk obyekti boʻyicha birlamchi texnik inventarizatsiyadan oʻtkazish ishlari bajarilganda;

kadastr yigʻmajildi shakllantirilgan koʻchmas mulk obyektida qayta texnik inventarizatsiya oʻtkazish natijasida oʻzgarishlar aniqlanganda (rekonstruksiya, qoʻshimcha imorat qurish va (yoki) alohida imorat qurish, bir qismi buzilganda (vayron boʻlganda) yoki yoʻq qilinganda);

koʻchmas mulk boʻlinganda va uning yangi chegaralari belgilanganda;

koʻchmas mulk birlashtirilganda va uning yangi chegaralari belgilanganda;

yer uchastkasining maydoni yoki chegara nuqtalari oʻzgarganda;

koʻchmas mulk obyektining manzili belgilanganda yoki oʻzgartirilganda;

yer uchastkasidan ruxsat etilgan foydalanish asosiy turi yoki kapital qurilish obyektining foydalanish maqsadi oʻzgarganda”;

10-band quyidagi tahrirda bayon etilsin:

“10. Ariza beruvchilar oʻzi kelib murojaat etgan taqdirda, davlat xizmatlari markazlari xodimi — ariza beruvchi nomidan, YIDXP orqali murojaat etgan taqdirda esa ushbu Reglamentga 2-ilovaga muvofiq shakldagi soʻrovnomani elektron shaklda mustaqil toʻldiradi. Uchinchi shaxslar manfaati uchun harakat qilayotganda, soʻrovnomaga belgilangan tartibda rasmiylashtirilgan ishonchnoma ilova qilinadi.

Vafot etgan shaxs nomidan uning yaqin qarindoshlari murojaat qilishi mumkin.

Soʻrovnomaga koʻchmas mulkka boʻlgan huquqlarni tasdiqlovchi hujjat va yangi qurilish obyektlariga tasdiqlangan loyiha hujjatlari ilova qilinadi.

Davlat xizmatlari markazlari tomonidan ariza beruvchidan ushbu bandda koʻrsatilmagan maʼlumotlarni hamda boshqa hujjatlarni talab qilish qatʼiyan taqiqlanadi”;

14-band quyidagi tahrirda bayon etilsin:

“14. Filial zarur hollarda ariza beruvchi bilan kelishib, soʻrovnomada koʻrsatilgan joyga chiqqan holda, obyektni texnik inventarizatsiyadan oʻtkazadi hamda talab etilganda koʻchmas mulk obyektining manzilini belgilaydi yoki oʻzgartiradi”;

19-band quyidagi mazmundagi yettinchi xatboshi bilan toʻldirilsin:

“Koʻp kvartirali uy joylashgan va unga tutash yer uchastkasi hamda koʻp kvartirali uydagi umumiy mol-mulkka kadastr pasportini rasmiylashtirish uchun toʻlovlarni mulkdorlar yoki tegishli koʻp kvartirali uyning boshqarish organi ikki yil davomida teng ulushlarda boʻlib-boʻlib toʻlashi mumkin”;

20-band quyidagi tahrirda bayon etilsin:

“20. Toʻlov miqdori quyidagi tartibda taqsimlanadi:

a) davlat xizmatlari markazlariga oʻzi kelib murojaat etganda:

15 foizi — Adliya vazirligining Davlat xizmatlarini rivojlantirish jamgʻarmasi shaxsiy hisobvaragʻiga;

10 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

0,5 foizi (yagona billing tizimi orqali davlat xizmati koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

qolgan mablagʻlar toʻliq miqdorda Davlat kadastrlari palatasining Qoraqalpogʻiston Respublikasi, viloyatlar va Toshkent shahar boshqarmalari hisobvaragʻiga oʻtkaziladi;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasi shaxsiy hisobvaragʻiga;

11,75 foizi (shundan 0,5 foizi — davlat xizmati yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

10 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

qolgan mablagʻlar toʻliq miqdorda Davlat kadastrlari palatasining Qoraqalpogʻiston Respublikasi, viloyatlar va Toshkent shahar boshqarmalari hisobvaragʻiga oʻtkaziladi;

v) rieltorlik tashkilotlari orqali murojaat etilganda:

10 foizi — rieltorlik tashkilotlari hisobvaragʻiga;

10 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

qolgan mablagʻlar toʻliq miqdorda Davlat kadastrlari palatasining Qoraqalpogʻiston Respublikasi, viloyatlar va Toshkent shahar boshqarmalari hisobvaragʻiga oʻtkaziladi”;

22 va 23-bandlar quyidagi tahrirda bayon etilsin:

“22. Quyidagi hollarda kadastr pasportini rasmiylashtirish bepul amalga oshiriladi:

koʻchmas mulk obyekti boʻyicha birlamchi kadastr yigʻmajildi (pasporti) mavjud boʻlib, begonalashtirilganda yoki obyektda oʻzgarishlar (rekonstruksiya, qoʻshimcha va alohida qurilish) mavjud boʻlmaganda;

koʻchmas mulk obyektining bir qismi begonalashtirilganda obyektning qolgan qismiga yoki rekonstruksiyasiz foydalanish maqsadi oʻzgarganda;

yer uchastkasidan ruxsat etilgan foydalanishning asosiy turi belgilanganda yoki oʻzgarganda;

koʻchmas mulk obyektining ixtisoslashishi rekonstruksiyasiz oʻzgartirilganda;

kadastr yigʻmajildi (pasporti) yoʻqolganda (yaroqsiz holga kelganda va koʻchmas mulk obyekti koʻrsatkichlari oʻzgartirilmasdan).

Ushbu hollarda kadastr pasporti uch ish kuni mobaynida rasmiylashtiriladi.

Ushbu bandning toʻrtinchi xatboshisida koʻrsatilgan hollarda kadastr pasportini rasmiylashtirish hamda ixtisoslashtirilgan obyektdagi xonalarning foydalanish maqsadini belgilash qurilish organi tomonidan tasdiqlangan ruxsatnoma va eskiz loyihasi asosida amalga oshiriladi.

23. Quyidagilar kadastr pasporti berishni rad etish uchun asos boʻladi:

soʻrovnomada notoʻgʻri maʼlumotlar koʻrsatilishi;

koʻchmas mulk obyektlariga boʻlgan huquqlarni belgilovchi hujjatlar mavjud emasligi;

koʻchmas mulk obyektida oʻlchov ishlarining olib borilishiga, shu jumladan, koʻchmas mulk obyektiga kirish imkoni yoʻqligi (foydalanib kelayotgan shaxslar tomonidan bino va inshootga, yer uchastkasiga kirishga qarshilik qilinishi boʻyicha mahalla raisi ishtirokida tuzilgan dalolatnoma);

vakolatli organ tomonidan kadastr pasportini rasmiylashtirish boʻyicha koʻchmas mulk obyektiga taqiq yoki xatlov qoʻyilgani;

bino va inshootning ixtisoslashishi ular joylashgan yer uchastkasining foydalanish maqsadiga mos boʻlmagan tarzda oʻzgartirilgani;

taqdim etilgan hujjatlarda notoʻgʻri, qarama-qarshi maʼlumotlar aniqlanishi;

filialda ushbu koʻchmas mulk obyektining mansubligi masalasida nizolar borligidan dalolat beruvchi sud hujjatlarining mavjudligi;

filialda ushbu yer uchastkasi qonunchilik hujjatlarida belgilangan tartibda olib qoʻyilgani haqidagi maʼlumotlarning mavjudligi;

yer uchastkasiga boʻlgan huquqlarning qonunchilik hujjatlarida nazarda tutilgan hollarda va tartibda bekor qilingani.

Kadastr pasportini tayyorlash rad etilganda, ushbu bandda keltirilgan rad etishning asosi koʻrsatiladi.

Kadastr pasportini rasmiylashtirishni ushbu bandda koʻrsatilmagan asoslar boʻyicha rad etish qatʼiyan taqiqlanadi”;

1-ilovaning 1-bosqich “Tadbirlar” ustunidan “1.” raqami chiqarib tashlansin;

v) 2-ilovada :

5-band quyidagi mazmundagi toʻrtinchi xatboshi bilan toʻldirilsin:

“Ijara huquqi bilan ajratilgan yer uchastkasida joylashgan bino va inshootlarning ixtisoslashishi oʻzgartirilganda yer uchastkasining huquq turi oʻzgarmaydi. Bunda ijara shartnomasini qayta rasmiylashtirish talab etilmaydi, ijara shartnomasining muddati oʻtgani bundan mustasno”;

9-band quyidagi tahrirda bayon etilsin:

“9. Ariza beruvchi huquqni davlat roʻyxatidan oʻtkazish uchun vositachiga murojaat etganda, vositachi xodimi — ariza beruvchi nomidan, YIDXP yoki veb-sayt orqali murojaat etgan taqdirda esa ushbu Reglamentga 2-ilovadagi shaklga muvofiq davlat xizmatidan foydalanish uchun arizani elektron shaklda mustaqil toʻldiradi. Uchinchi shaxslar manfaati uchun harakat qilgan taqdirda, soʻrovnomaga belgilangan tartibda rasmiylashtirilgan ishonchnoma ilova qilinadi.

Arizaga Qonunda nazarda tutilgan huquqni belgilovchi hujjatlar ilova qilinadi.

Ilova qilingan huquqni belgilovchi hujjatlarda bir nechta koʻchmas mulkka boʻlgan huquqlar yuzaga kelishi, boshqa shaxsga oʻtishi, cheklanishi va bekor qilinishi belgilangan boʻlsa, har bir koʻchmas mulk boʻyicha alohida ariza beriladi.

Ijara huquqi bilan ajratilgan yer uchastkasida joylashgan bino va inshootlar toʻliq begonalashtirilganda, yer uchastkasiga boʻlgan ijara huquqi ham boshqa shaxsga oʻtkaziladi, koʻchmas mulk obyektining bir qismi begonalashtirilishi, boʻlinishi yoki ijara shartnomasining muddati tugashi bundan mustasno.

Bir yildan kam boʻlmagan muddatga tuzilgan koʻchmas mulk obyektlarini ijaraga berish shartnomasi ham davlat roʻyxatidan oʻtkazish uchun asos boʻladi.

Arizada koʻchmas mulk obyektining turi, davlat roʻyxatidan oʻtkazilishi lozim boʻlgan huquq, koʻchmas mulk obyektining kadastr raqami koʻrsatiladi.

Vositachilar tomonidan ariza beruvchilardan Qonunda va ushbu bandda nazarda tutilmagan maʼlumot va hujjatlarni talab qilish qatʼiyan taqiqlanadi”;

12-band quyidagi tahrirda bayon etilsin:

“12. Yigʻim summasi quyidagi tartibda taqsimlanadi:

a) davlat xizmatlari markazlari orqali murojaat etilganda:

18 foizi — Adliya vazirligining Davlat xizmatlarini rivojlantirish jamgʻarmasi shaxsiy hisobvaragʻiga;

10 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

qolgan mablagʻning 10 foizi roʻyxatdan oʻtkazuvchi organ hisobvaragʻiga, 90 foizi tegishliligi boʻyicha hududiy boshqarmalarning hisobvaragʻiga oʻtkaziladi;

b) notarial idoralar yoki notariuslar orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasi shaxsiy hisobvaragʻiga;

10 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

qolgan mablagʻning 10 foizi roʻyxatdan oʻtkazuvchi organ hisobvaragʻiga, 90 foizi tegishliligi boʻyicha hududiy boshqarmalarning hisobvaragʻiga oʻtkaziladi;

v) Davlat aktivlarini boshqarish agentligi, rieltorlik tashkilotlari va tijorat banklari orqali murojaat etilganda:

10 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

qolgan mablagʻning 10 foizi roʻyxatdan oʻtkazuvchi organ hisobvaragʻiga, 90 foizi tegishliligi boʻyicha hududiy boshqarmalarning hisobvaragʻiga oʻtkaziladi;

g) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasi shaxsiy hisobvaragʻiga;

10 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

qolgan mablagʻning 10 foizi roʻyxatdan oʻtkazuvchi organ hisobvaragʻiga, 90 foizi tegishliligi boʻyicha hududiy boshqarmalarning hisobvaragʻiga oʻtkaziladi;

d) roʻyxatdan oʻtkazuvchi organning veb-sayti orqali murojaat etilganda:

10 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

qolgan mablagʻning 10 foizi roʻyxatdan oʻtkazuvchi organ hisobvaragʻiga, 90 foizi tegishliligi boʻyicha hududiy boshqarmalarning hisobvaragʻiga oʻtkaziladi.

Koʻp kvartirali uy joylashgan va unga tutash yer uchastkasi hamda koʻp kvartirali uydagi umumiy mol-mulkka boʻlgan huquqlarni mulkdorlarning nomiga davlat roʻyxatidan oʻtkazish uchun toʻlovlarni mulkdorlar yoki tegishli koʻp kvartirali uyning boshqarish organi ikki yil davomida teng ulushlarda boʻlib-boʻlib toʻlashi mumkin.

Doimiy yashash joyi boʻyicha roʻyxatga olish uchun davlat boji summasi Vazirlar Mahkamasining 2018-yil 22-oktabrdagi 845-son qarori bilan tasdiqlangan Oʻzbekiston Respublikasi fuqarolarini doimiy yashash joyi va vaqtincha turgan joyi boʻyicha roʻyxatga olish tartibi toʻgʻrisidagi nizom hamda 2019-yil 28-dekabrdagi 1049-son qarori bilan tasdiqlangan Oʻzbekiston Respublikasi fuqarolarini Toshkent shahri va Toshkent viloyatida doimiy yashash va vaqtincha turgan joyi boʻyicha roʻyxatga olish tartibi toʻgʻrisidagi nizomda belgilangan tartibda taqsimlanadi”;

15-bandda :

uchinchi xatboshi chiqarib tashlansin;

toʻrtinchi — sakkizinchi xatboshilar tegishlicha uchinchi — yettinchi xatboshilar deb hisoblansin;

g) 3-ilovada :

1 va 2-bandlar quyidagi tahrirda bayon etilsin:

“1. Ushbu Reglament:

jismoniy va yuridik shaxslarga mulk huquqi asosida tegishli boʻlgan ayrim binolar va inshootlarga yoki ularning bir qismiga boʻlgan huquqning boshqa shaxsga oʻtishi munosabati bilan ushbu bino va inshootlar joylashgan doimiy foydalanish, ijara, meros qilib qoldiriladigan umrbod egalik qilish va mulk huquqidagi yer uchastkalarini;

mulk yoki ijara huquqida tegishli yer uchastkasini;

jismoniy va yuridik shaxslarga ijara, doimiy foydalanish, meros qilib qoldiriladigan umrbod egalik qilish huquqlarida tegishli boʻlgan yer uchastkalarini (bunda yangi shakllanayotgan yer uchastkalarining har birida bino va inshootlarning mavjud boʻlishi);

huquq egasining mulk huquqida tegishli bino va inshootlarni alohida qismlarga boʻlish boʻyicha murojaatiga asosan koʻchmas mulkni boʻlish va uning yangi chegaralarini belgilash dalolatnomasini (keyingi oʻrinlarda — dalolatnoma) rasmiylashtirish boʻyicha davlat xizmatlarini koʻrsatish tartibini belgilaydi.

2. Ushbu Reglament koʻp kvartirali uy joylashgan va unga tutash yer uchastkalariga, muddatli (vaqtincha) foydalanish huquqida boʻlgan yer uchastkalariga, huquqi davlat roʻyxatidan oʻtkazilmagan koʻchmas mulklarga, shuningdek, koʻp kvartirali uylardagi kvartiralar va qurilishi tugallanmagan obyektlarga nisbatan tatbiq etilmaydi”;

5 va 6-bandlar quyidagi tahrirda bayon etilsin:

“5. Umumiy birgalikdagi mulkni boʻlish ushbu umumiy mulk ishtirokchilari oʻrtasidagi kelishuvga yoki sud qaroriga asosan amalga oshiriladi.

6. Koʻchmas mulkni boʻlish dalolatnomasini rasmiylashtirishda:

a) yangi tashkil etilayotgan koʻchmas mulklar oʻzining asosiy foydalanish maqsadini oʻzgartirmagan boʻlishi;

b) boʻlish yer uchastkasiga nisbatan amalga oshirilganda yer uchastkasi boʻlinadigan boʻlishi;

v) yer uchastkalari yongʻinga qarshi, sanitariya, ekologiyaga oid, shaharsozlik reglamentlarini, shaharsozlik hamda boshqa majburiy normalar va qoidalarni buzmagan holda yangidan tashkil etilishi hamda boʻlish amalga oshirilganidan keyin hosil boʻlgan qismlarning har biri mustaqil yer uchastkasini tashkil etishi;

g) yer uchastkalarining egalari yoki undan foydalanuvchilar mustaqil ravishda yer uchastkasiga umumiy foydalanishdagi yer uchastkasi orqali oʻtish imkonidan mahrum boʻlib qoladigan boʻlsa, yer uchastkasi boʻlinishiga yoʻl qoʻyilmaydi;

d) yer uchastkasining yangi chegaralari uning boʻlinishidan avvalgi chegaralari asosida belgilanishi lozim, bunda yangi yer uchastkalarining maydonlari yigʻindisi hamda chegaralari avvalgi chegara va maydondan farq qilishiga yoʻl qoʻyilmaydi;

e) koʻchmas mulkni boʻlish Koʻchmas mulk obyektlariga boʻlgan huquqlar davlat reyestrida koʻrsatilgan maydon va chegaralar doirasida amalga oshirilishi zarur”;

12-band quyidagi tahrirda bayon etilsin:

“12. Dalolatnoma rasmiylashtirish boʻlinayotgan koʻchmas mulkka boʻlgan huquq egasining koʻchmas mulkni alohida qismlarga boʻlish haqidagi soʻrovnomasi asosida amalga oshiriladi.

Koʻchmas mulkka boʻlgan huquq egasining oʻziga mulk huquqida tegishli boʻlmagan taqdirda, soʻrovnomaga belgilangan tartibda rasmiylashtirilgan mulkdorning koʻchmas mulkni boʻlish boʻyicha roziligi ilova qilinadi.

Mulk huquqida tegishli yakka tartibda uy-joy boʻlgan koʻchmas mulkni yoki uning bir qismini boshqa shaxsga oʻtkazish notarial tartibda amalga oshiriladi.

Uchinchi shaxslar manfaati uchun harakat qilinayotganda soʻrovnomaga belgilangan tartibda rasmiylashtirilgan ishonchnoma ilova qilinadi.

Davlat xizmatlari markazi tomonidan ariza beruvchidan ushbu bandda koʻrsatilmagan boshqa hujjatlarni talab qilish qatʼiyan taqiqlanadi”;

18-bandda :

“a” kichik bandda :

quyidagi mazmundagi toʻrtinchi xatboshi bilan toʻldirilsin:

“10 foizi — Kadastr agentligining budjetdan tashqari jamgʻarmasi shaxsiy hisobvaragʻiga”;

toʻrtinchi xatboshi beshinchi xatboshi deb hisoblansin;

“b” kichik bandda :

toʻrtinchi xatboshidagi “Elektron” soʻzi “Raqamli” soʻzi bilan almashtirilsin;

quyidagi mazmundagi beshinchi xatboshi bilan toʻldirilsin:

“10 foizi — Kadastr agentligining budjetdan tashqari jamgʻarmasi shaxsiy hisobvaragʻiga”;

beshinchi xatboshi oltinchi xatboshi deb hisoblansin;

“v” kichik bandda :

quyidagi mazmundagi uchinchi xatboshi bilan toʻldirilsin:

“10 foizi — Kadastr agentligining budjetdan tashqari jamgʻarmasi shaxsiy hisobvaragʻiga”;

uchinchi-toʻrtinchi xatboshilar tegishlicha toʻrtinchi-beshinchi xatboshilar deb hisoblansin;

27-band quyidagi tahrirda bayon etilsin:

“27. Quyidagilar davlat xizmati koʻrsatishni rad etish uchun asos hisoblanadi:

ushbu Reglamentning 1, 2, 5 va 6-bandlarida nazarda tutilgan talablarga muvofiq emasligi;

soʻrovnomada notoʻgʻri maʼlumotlar koʻrsatilishi;

dalolatnoma huquq egalari tomonidan belgilangan muddatda imzolanmagani;

yer uchastkasiga boʻlgan huquqlarning davlat roʻyxatidan oʻtkazilmagani;

yer uchastkasida joylashgan bino va inshootlarga boʻlgan huquqlarning davlat roʻyxatidan oʻtkazilmagani;

koʻchmas mulkning haqiqiy holati Koʻchmas mulkka boʻlgan huquqlar davlat reyestridagi maʼlumotlardan farq qilishi;

filial hamda qurilish va uy-joy kommunal xoʻjaligi boʻlimlari vakiliga koʻchmas mulkni koʻzdan kechirish uchun imkoniyat yaratilmagani;

koʻchmas mulkning huquq egalaridan biri tomonidan dalolatnomani imzolashdan bosh tortgani;

davlat roʻyxatidan oʻtkazuvchi organda ushbu koʻchmas mulk obyektining mansubligi masalasida nizolar borligidan dalolat beruvchi sud hujjatlari va soʻrovnomalarining mavjudligi;

vakolatli organ tomonidan koʻchmas mulk obyektiga taqiq yoki xatlov qoʻyilgani.

Davlat xizmati koʻrsatishni boshqa asoslarga koʻra rad etish qatʼiyan taqiqlanadi”;

d) 4-ilovada :

1 — 3-bandlar quyidagi tahrirda bayon etilsin:

“1. Ushbu Reglament jismoniy va yuridik shaxslarga doimiy foydalanish, ijara, meros qilib qoldiriladigan umrbod egalik qilish, mulk huquqi asosida tegishli boʻlgan yer uchastkalarini, mulk huquqidagi binolar va inshootlarni ularning murojaatiga asosan birlashtirish va birlashtirilishi natijasida hosil boʻlgan mulkning yangi chegaralarini belgilash dalolatnomasini (keyingi oʻrinlarda — dalolatnoma) rasmiylashtirish boʻyicha davlat xizmatlari koʻrsatish tartibini belgilaydi.

2. Ushbu Reglament koʻp kvartirali uy joylashgan va unga tutash yer uchastkalariga, huquqi davlat roʻyxatidan oʻtkazilmagan koʻchmas mulklarga, shuningdek, koʻp kvartirali uylardagi kvartiralar va qurilishi tugallanmagan obyektlarga nisbatan tatbiq etilmaydi.

3. Koʻchmas mulkni birlashtirish va uning yangi chegaralarini belgilash huquq egasiga doimiy foydalanish, ijara, meros qilib qoldiriladigan umrbod egalik qilish, mulk huquqi asosida tegishli boʻlgan hollarda amalga oshiriladi”;

7-band quyidagi tahrirda bayon etilsin:

“7. Koʻchmas mulkni birlashtirish dalolatnomasini rasmiylashtirishda quyidagilar talab etiladi:

a) yangi tashkil etilayotgan koʻchmas mulklar oʻzining asosiy foydalanish maqsadini oʻzgartirmagan boʻlishi;

b) birlashtirish yer uchastkasiga nisbatan amalga oshirilganda, yer uchastkasi birlashtiriladigan boʻlishi;

v) koʻchmas mulk yongʻinga qarshi, sanitariya, ekologiyaga oid, shaharsozlik hamda boshqa majburiy normalar va qoidalarni buzmagan holda yangidan tashkil etilishi;

g) koʻchmas mulkning yangi chegaralari uning birlashtirilishidan avvalgi chegaralari asosida belgilanishi, bunda yangi koʻchmas mulkning maydonlari yigʻindisi hamda chegaralari avvalgi chegara va maydondan farq qilishiga yoʻl qoʻyilmasligi;

d) koʻchmas mulkni birlashtirish Koʻchmas mulk obyektlariga boʻlgan huquqlar davlat reyestrida koʻrsatilgan maydon va chegaralar doirasida amalga oshirilishi;

e) koʻchmas mulkning foydalanish maqsadi, yer uchastkasining ruxsat etilgan foydalanish asosiy turi, huquq turi bir xil boʻlishi hamda bir maʼmuriy hududda joylashgan va umumiy chegaraga ega boʻlishi”;

13-band quyidagi tahrirda bayon etilsin:

“13. Dalolatnoma rasmiylashtirish birlashtirilayotgan koʻchmas mulklarning huquq egalari soʻrovnomasi asosida amalga oshiriladi.

Koʻchmas mulk huquq egasining oʻziga mulk huquqida tegishli boʻlmagan taqdirda, soʻrovnomaga belgilangan tartibda rasmiylashtirilgan mulkdorning koʻchmas mulkni birlashtirish boʻyicha roziligi ilova qilinadi.

Uchinchi shaxslar manfaati uchun harakat qilinayotganda soʻrovnomaga belgilangan tartibda rasmiylashtirilgan ishonchnoma ilova qilinadi.

Davlat xizmatlari markazi tomonidan ariza beruvchidan ushbu bandda koʻrsatilmagan boshqa hujjatlarni talab qilish qatʼiyan taqiqlanadi”;

19-bandda :

“a” kichik bandda :

quyidagi mazmundagi toʻrtinchi xatboshi bilan toʻldirilsin:

“10 foizi — Kadastr agentligining budjetdan tashqari jamgʻarmasi shaxsiy hisobvaragʻiga”;

toʻrtinchi xatboshi beshinchi xatboshi deb hisoblansin;

“b” kichik bandda :

toʻrtinchi xatboshidagi “Elektron” soʻzi “Raqamli” soʻzi bilan almashtirilsin;

quyidagi mazmundagi beshinchi xatboshi bilan toʻldirilsin:

“10 foizi — Kadastr agentligining budjetdan tashqari jamgʻarmasi shaxsiy hisobvaragʻiga”;

beshinchi xatboshi oltinchi xatboshi deb hisoblansin;

“v” kichik bandda :

quyidagi mazmundagi uchinchi xatboshi bilan toʻldirilsin:

“10 foizi — Kadastr agentligining budjetdan tashqari jamgʻarmasi shaxsiy hisobvaragʻiga”;

uchinchi va toʻrtinchi xatboshilar tegishlicha toʻrtinchi va beshinchi xatboshilar deb hisoblansin;

20-bandning birinchi xatboshisidagi “7-bandining “d”, “e” soʻzlari “7-bandining “g”, “d”, “e” soʻzlari bilan almashtirilsin;

28-band quyidagi tahrirda bayon etilsin:

“28. Quyidagilar davlat xizmati koʻrsatishni rad etish uchun asos hisoblanadi:

ushbu Reglamentning 2, 3, 6 va 7-bandlarida nazarda tutilgan talablarga muvofiq emasligi;

soʻrovnomada notoʻgʻri maʼlumotlar koʻrsatilishi;

dalolatnoma huquq egalari tomonidan belgilangan muddatda imzolanmagani;

yer uchastkasiga boʻlgan huquqlarning davlat roʻyxatidan oʻtkazilmagani;

yer uchastkasida joylashgan bino va inshootlarga boʻlgan huquqlarning davlat roʻyxatidan oʻtkazilmagani;

koʻchmas mulkning haqiqiy holati koʻchmas mulkka boʻlgan huquqlar davlat reyestridagi maʼlumotlardan farq qilishi;

filial hamda qurilish va uy-joy kommunal xoʻjaligi boʻlimlari vakiliga koʻchmas mulkni koʻzdan kechirish uchun imkoniyat yaratilmagani;

koʻchmas mulkning huquq egalaridan biri dalolatnomani imzolashdan bosh tortgani;

davlat roʻyxatidan oʻtkazuvchi organda ushbu koʻchmas mulk obyektining mansubligi masalasida nizolar borligidan dalolat beruvchi sud hujjatlari va soʻrovnomalarining mavjudligi;

vakolatli organ tomonidan koʻchmas mulk obyektiga taqiq yoki xatlov qoʻyilgani.

Davlat xizmati koʻrsatishni boshqa asoslarga koʻra rad etish qatʼiyan taqiqlanadi”;

e) 5a-ilova quyidagi tahrirda bayon etilsin:

“Vazirlar Mahkamasining 2020-yil 2-sentabrdagi 535-son qaroriga 5a-ILOVA

Koʻchmas mulk boʻyicha kadastr muhandisining malaka shahodatnomasini berish boʻyicha davlat xizmatlarini koʻrsatishning

1-bob. Umumiy qoidalar

1. Mazkur Maʼmuriy reglament koʻchmas mulk boʻyicha kadastr muhandisining malaka shahodatnomasini berish boʻyicha davlat xizmatlarini koʻrsatish tartibini belgilaydi.

2. Mazkur Reglamentda quyidagi asosiy tushunchalardan foydalaniladi:

koʻchmas mulk boʻyicha kadastr muhandisi (keyingi oʻrinlarda — kadastr muhandisi) — yuridik shaxslar bilan mehnat shartnomasini tuzish orqali yoki yakka tartibdagi tadbirkor sifatida faoliyat yurituvchi kadastr muhandisi malaka shahodatnomasiga ega jismoniy shaxs;

malaka imtihoni — kadastr muhandisiga qoʻyilgan talablarga talabgorning mos kelishini tekshirishga yoʻnaltirilgan, malaka imtihoni komissiyasi tomonidan oʻtkaziladigan imtihon;

malaka shahodatnomasi — malaka imtihonini muvaffaqiyatli topshirgan talabgorning malakasini tasdiqlovchi hujjat;

talabgor — kadastr muhandisi malaka shahodatnomasini olishga talabgor boʻlgan jismoniy shaxs.

3. Kadastr munosabatlari sohasidagi tayyorlash kurslarida oʻqish Toshkent geodeziya va kartografiya kollejining Kadrlarni qayta tayyorlash va ularning malakasini oshirish markazi (keyingi oʻrinlarda — oʻquv markazi) tomonidan tashkil etiladi.

4. Malaka imtihonini topshirish uchun talabgorlar quyidagi talablarga javob berishi lozim:

geodeziya, kartografiya va kadastr, bino va inshootlar qurilishi, qurilish ekspertizasi, koʻchmas mulk ekspertizasi, arxitektura (meʼmorchilik), yer tuzish va yer kadastri, amaliy geodeziya, geodeziya ishlari texnigi, geodeziya va geoinformatika, shahar qurilishi va xoʻjaligi, sanoat va fuqaro qurilishi, infratuzilma obyektlarini qurish (inshootlar turi boʻyicha) yoʻnalishlari boʻyicha oliy maʼlumotga ega boʻlishi;

5. Kadastr muhandisi Qoraqalpogʻiston Respublikasi, viloyatlar hamda Toshkent shahri hududida faoliyat yuritadi.

Bunda kadastr muhandisi oʻz faoliyatini amalga oshirish uchun yuridik shaxslar bilan mehnat shartnomasi tuzadi yoki yakka tartibdagi tadbirkor sifatida amalga oshiradi.

2-bob. Malaka imtihonini topshirish

6. Malaka imtihonini oʻtkazish uchun Oʻzbekiston Respublikasi Iqtisodiyot va moliya vazirligi huzuridagi Kadastr agentligi (keyingi oʻrinlarda — Agentlik) direktorining buyrugʻi bilan besh kishidan kam boʻlmagan toq sonli tarkibda malaka imtihoni komissiyasi tuziladi.

Davlat kadastrlari palatasi (keyingi oʻrinlarda — Palata) raisi malaka imtihoni komissiyasi raisi hisoblanadi.

Davlat kadastrlari palatasining masʼul xodimi komissiya kotibi hisoblanadi.

Malaka imtihoni komissiyasining tarkibi Agentlik va Palata masʼul xodimlari hamda Oʻzbekiston Savdo-sanoat palatasining masʼul vakillaridan shakllantiriladi.

7. Malaka imtihoni komissiyasining tarkibi doimiy hisoblanadi.

Agentlik malaka imtihoni komissiyasining tarkibini shakllantirish uchun Palata va Oʻzbekiston Savdo-sanoat palatasiga yozma shaklda murojaat qiladi.

Komissiya ishchi organi vazifasi Palata tomonidan amalga oshiriladi.

8. Malaka imtihoni komissiyasi qarorlari bayonnoma bilan rasmiylashtiriladi va komissiya raisi tomonidan tasdiqlanadi.

Bunda komissiya majlisi komissiya aʼzolarining kamida uchdan ikki qismi (kvorum) ishtirok etgan taqdirda, vakolatli hisoblanadi. Komissiya majlisini oʻtkazish uchun kvorum shakllanmagan taqdirda, komissiyaning yangi majlisi oʻtkaziladigan sana va vaqti eʼlon qilinadi.

9. Koʻchmas mulk boʻyicha kadastr muhandisining malakasini oshirish va ularga malaka shahodatnomasini berish ushbu Reglamentga 1-ilovada keltirilgan sxema asosida amalga oshiriladi.

10. Talabgor malaka imtihonini topshirish uchun davlat xizmatlari markazlari, Yagona interaktiv davlat xizmatlari portali (keyingi oʻrinlarda — YIDXP) yoki Agentlikning rasmiy veb-sayti orqali mazkur Reglamentga 2-ilovaga muvofiq shakldagi arizani hamda ushbu Reglamentning 4-bandida keltirilgan mutaxassisliklardan biri boʻyicha oliy maʼlumot toʻgʻrisidagi diplom nusxasi yoki xorijiy davlatda oliy taʼlim olganlik toʻgʻrisidagi hujjatni tan olish haqidagi guvohnoma nusxasini pdf formatida taqdim etadi.

Talabgor taqdim etgan hujjatlar toʻliq va ulardagi maʼlumotlar toʻgʻri boʻlishi zarur.

Talabgordan mazkur bandda nazarda tutilmagan hujjatlarni talab qilishga yoʻl qoʻyilmaydi.

11. Mazkur Reglamentning 10-bandida koʻrsatilgan hujjatlardan tashqari qolgan zarur boʻlgan hujjat va maʼlumotlarni, xususan, talabgorning shaxsini tasdiqlovchi hujjat va mehnat daftarchalarining maʼlumotlari Agentlik tomonidan tegishli davlat organlari va tashkilotlaridan mustaqil ravishda, shu jumladan, “Raqamli hukumat” tizimi idoralararo integratsiyalashuv platformasi orqali soʻrab olinadi.

12. Agentlik ariza tushgan kundan boshlab uch ish kuni ichida talabgorga malaka imtihonini topshirishga ruxsat berish yoki rad etish haqida qaror qabul qiladi.

13. Agentlik quyidagi asoslarga koʻra malaka imtihonini topshirishga ruxsat berishni rad etadi:

talabgor mazkur Reglamentning 4-bandi talablariga javob bermaganda;

talabgor taqdim qilgan hujjatlar toʻliq boʻlmaganda yoki notoʻgʻri maʼlumotlar taqdim qilgani aniqlanganda;

davlat xizmatlarini koʻrsatish uchun yigʻimni toʻlamaslik (bunda davlat xizmatidan foydalanish uchun xabarnomada koʻrsatilgan toʻlov miqdori bir oy mobaynida toʻlanmagan buyurtmalar avtomatik rad etiladi).

Boshqa asoslarga koʻra malaka imtihonini topshirishni rad etishga yoʻl qoʻyilmaydi.

14. Talabgorning malaka imtihonini topshirishi rad etilgan taqdirda, Agentlik tomonidan tegishli qaror qabul qilinadi va talabgor rad etish sabablari koʻrsatilgan holda, qabul qilingan qaror haqida bir ish kuni ichida talabgor ariza va hujjatlarni Agentlikka taqdim etgan usulda xabardor qilinadi.

15. Malaka imtihonini topshirishga ruxsat berishda rad etishga sabab boʻlgan kamchiliklarni bartaraf etish uchun talabgorga besh ish kunlik muddat beriladi.

Belgilangan muddatda talabgor tomonidan kamchiliklar bartaraf etilmasa, imtihon topshirishga ruxsat etilmaydi va uning arizasi rad etiladi.

16. Talabgorning malaka imtihonini topshirishiga ruxsat berish haqida qaror qabul qilinganida talabgor malaka imtihonini topshirishga ruxsat berilgan shaxslar roʻyxatiga kiritiladi va roʻyxat malaka imtihoni boshlanishidan oldin malaka imtihoni komissiyasiga topshiriladi.

Malaka imtihoniga qoʻyilgan va murojaatlari rad etilgan talabgorlar roʻyxati hamda malaka imtihonini oʻtkazish boʻyicha bayonnoma komissiya tomonidan rasmiylashtiriladi va komissiya raisi tomonidan tasdiqlanadi.

17. Malaka imtihoniga qoʻyilgan talabgor malaka imtihonini oʻtkazish sanasi, vaqti va joyi haqida imtihon oʻtkaziladigan kundan kamida besh kun oldin mobil telefoni (mavjud boʻlganda), pochta yoki elektron aloqa vositasi orqali xabardor qilinadi.

Malaka imtihonini oʻtkazish kuni, vaqti va joyi toʻgʻrisida maʼlumot vakolatli organning rasmiy veb-saytida mavjud imtihon sanasidan besh kun oldin joylashtiriladi.

Malaka imtihonini tashkil etish va oʻtkazish, shu jumladan, imtihon savollarini tuzish va qayta ishlash hamda natijalarini tekshirishni amalga oshirish uchun talabgorlar tomonidan bazaviy hisoblash miqdorining bir baravari miqdorida, YIDXP orqali murojaat etilganda ushbu summaning 90 foizi miqdorida toʻlov amalga oshiriladi.

Toʻlov miqdori quyidagi tartibda taqsimlanadi:

a) davlat xizmatlari markazlariga oʻzi kelib murojaat etganda:

18 foizi — Adliya vazirligining Davlat xizmatlarini rivojlantirish jamgʻarmasi shaxsiy hisobvaragʻiga;

10 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

qolgan mablagʻlar toʻliq miqdorda Palataning hisobvaragʻiga oʻtkaziladi;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasi shaxsiy hisobvaragʻiga;

10 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

qolgan mablagʻlar toʻliq miqdorda Palataning hisobvaragʻiga oʻtkaziladi;

v) Agentlikning rasmiy veb-sayti orqali murojaat etilganda:

10 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

qolgan mablagʻlar toʻliq miqdorda Palataning hisobvaragʻiga oʻtkaziladi.

Toʻlovlar davlat xizmatlari koʻrsatilgani uchun toʻlangan davlat bojlari va yigʻimlar summasi hisobini yurituvchi Yagona billing tizimi orqali amalga oshiriladi.

18. Malaka imtihonini oʻtkazish toʻgʻrisidagi maʼlumot uni oʻtkazish haqidagi qaror qabul qilingan kunda Agentlik va Palataning rasmiy veb-saytiga joylashtiriladi.

19. Malaka imtihoni guruhlar shakllanishiga koʻra, lekin kamida bir oyda bir marotaba oʻtkazilishi lozim.

20. Malaka imtihoni komissiyasining tarkibi, ish reglamenti, shuningdek, test savollari Agentlik direktori tomonidan tasdiqlanadi.

21. Malaka imtihonini topshirishda talabgorlar Oʻzbekiston Respublikasi fuqarosining biometrik pasporti, Oʻzbekiston Respublikasi fuqarosining identifikatsiyalovchi ID-kartasi yoki shaxsini tasdiqlovchi boshqa hujjatni taqdim etadi.

22. Talabgor Oʻzbekiston Respublikasi fuqarosining biometrik pasporti, Oʻzbekiston Respublikasi fuqarosining identifikatsiyalovchi ID-kartasi yoki shaxsini tasdiqlovchi boshqa hujjatni taqdim qilmaganda yoxud malaka imtihoniga kechikkan taqdirda, imtihonga qoʻyilmaydi va malaka imtihoniga kelmagan hisoblanadi.

23. Malaka imtihoniga kechikkan talabgor navbatdagi malaka imtihonidagi talabgorlar roʻyxatiga kiritiladi va bu haqda mobil telefoni, pochta yoki elektron aloqa vositasi orqali ikki ish kunidan kechiktirmay xabardor qilinadi.

24. Agarda talabgor tegishli tarzda xabardor qilinganidan keyin ikki marotaba malaka imtihonini topshirish uchun kelmasa, navbatdagi malaka imtihonidagi talabgorlar roʻyxatiga kiritilmaydi. Bunday hollarda talabgor malaka imtihonidan oʻtish uchun qaytadan ariza bilan murojaat qilishi lozim.

25. Malaka imtihoni test sinovi usulida, kompyuter texnikasidan foydalangan holda, talabgorning tanloviga koʻra oʻzbek tilida yoki zaruratga koʻra rus tilida ham oʻtkaziladi.

26. Malaka imtihonining shaffofligi va xolisligini taʼminlash maqsadida imtihon jarayonlari uzluksiz videotasvirga (ovozli) tushiriladi va videotasvir kamida bir yil saqlanadi.

27. Test savollarini tayyorlash jarayonida foydalanilgan mavzular Agentlik va Palata rasmiy veb-saytiga joylashtiriladi.

Test savollari qonunchilik hujjatlariga kiritilgan oʻzgartirish va qoʻshimchalarni hisobga olgan holda yangilab boriladi.

28. Test sinovi sohaga oid 75 ta savoldan iborat boʻladi.

Talabgorga malaka imtihonini topshirish umumiy imtihon vaqti davomiyligi 60 daqiqani tashkil etadi.

29. Test sinovlari oʻtkaziladigan xonaga jadval, kitob, uyali telefon va shpargalkalar olib kirish, boshqa talabgorlar bilan suhbatlashish taqiqlanadi.

Ushbu talablarni buzgan talabgorlar test sinovlari oʻtkaziladigan xonadan chiqarib yuboriladi va malaka imtihonidan oʻtmagan hisoblanadi.

30. Malaka imtihoni test sinovi natijalari test sinovi yakuni bilan eʼlon qilinadi.

Malaka imtihoni oʻtkazilgan kundan boshlab ikki ish kuni ichida malaka imtihoni komissiyasining test sinovi natijalari qayd etilgan bayonnomasi rasmiylashtiriladi va komissiya raisi tomonidan tasdiqlanadi.

31. Malaka imtihoni natijalari hamda malaka imtihoni komissiyasining bayonnomasi Palatada saqlanishi lozim.

32. Talabgorning toʻgʻri javoblar boʻyicha yakuniy natijasi 70 foiz va undan yuqori koʻrsatkichni tashkil qilgan boʻlsa, u malaka imtihonini muvaffaqiyatli topshirgan hisoblanadi.

33. Malaka imtihonidan oʻtmagan talabgorlar uni navbatdagi malaka imtihonida takroran topshirish huquqiga ega, biroq shu kunning oʻzida qayta topshirishga yoʻl qoʻyilmaydi.

Talabgor navbatdagi malaka imtihonini qayta topshirishiga qadar taqdim qilingan hujjatlar Palatada saqlanadi.

34. Malaka imtihonini muvaffaqiyatli topshirgan talabgorlarga malaka shahodatnomasi beriladi.

35. Kadastr muhandislarini Kadastr agentligining oʻquv markazida oʻqitish va doimiy tarzda (uch yilda bir marotaba) malakasini oshirib borish lozim.

3-bob. Apellyatsiyani koʻrib chiqish

36. Malaka imtihonidan oʻtmagan talabgor imtihon oʻtkazilgan kundan boshlab oʻn kun muddatda Agentlikka apellyatsiya berish huquqiga ega. Apellyatsiya yozma yoki elektron aloqa vositalari orqali taqdim etiladi.

37. Agentlik bir ish kuni muddatida apellyatsiyani malaka imtihoni komissiyasiga taqdim etadi.

Malaka imtihoni komissiyasi uch ish kunida apellyatsiyani koʻrib chiqadi va Agentlikka qabul qilingan qaror haqida xabar beradi.

Agentlik malaka imtihoni komissiyasining qarori toʻgʻrisida talabgorga bir ish kuni muddatida xabar beradi.

38. Malaka imtihoni komissiyasi tomonidan apellyatsiyani koʻrib chiqish natijalari boʻyicha quyidagi qarorlardan biri qabul qilinadi:

apellyatsiyani qanoatlantirish va talabgorni malaka imtihonini muvaffaqiyatli topshirgan deb hisoblash toʻgʻrisida;

malaka imtihoni natijalarini oʻzgarishsiz qoldirish va apellyatsiyani qanoatlantirishni rad etish toʻgʻrisida.

39. Malaka imtihoni natijalarini oʻzgarishsiz qoldirish va apellyatsiyani qanoatlantirishni rad etish toʻgʻrisidagi qaror apellyatsiyada koʻrsatilgan asoslar oʻz tasdigʻini topmagan hollarda qabul qilinadi.

40. Agentlikning qaroridan norozi boʻlgan talabgorlar qonunchilik hujjatlarida belgilangan tartibda sudga murojaat qilishlari mumkin.

4-bob. Malaka shahodatnomasini rasmiylashtirish va berish

41. Malaka shahodatnomasi mazkur Reglamentga 3-ilovada keltirilgan shaklda rasmiylashtiriladi va Toshkent shahar va butun respublika boʻyicha amal qiladi.

42. Malaka shahodatnomasi Agentlik axborot tizimining elektron hujjatlar bazasida shakllantirilib, veb-sayti orqali noyob identifikatsiya raqamini kiritish yoki elektron hujjatda joylashgan QR-kodni skaner qilish yoʻli bilan tekshirish imkoniyati boʻladi.

43. Malaka shahodatnomasi Agentlik tomonidan malaka imtihoni komissiyasining bayonnomasi olinganidan boshlab besh kun ichida rasmiylashtiriladi va talabgor ariza va hujjatlarni Agentlikka taqdim etgan usulda elektron koʻrinishda talabgorga taqdim etiladi.

44. Agar talabgor malaka shahodatnomasini olgan kundan boshlab bir yil mobaynida oʻz faoliyatini amalga oshirmagan boʻlsa, Agentlik mazkur shahodatnomani bekor qilish toʻgʻrisida qaror qabul qilishga haqli.

5-bob. Malaka shahodatnomasini qayta rasmiylashtirish

45. Kadastr muhandisining familiyasi yoki ismi yoxud otasining ismi oʻzgargan taqdirda, u tegishli oʻzgartirishlarni tasdiqlovchi hujjatlar berilgan sanadan boshlab ikki oy ichida Agentlikka mazkur Reglamentga 2-ilovada keltirilgan shaklda ariza bilan murojaat qiladi.

Bunda arizaga tegishli oʻzgarishlarni tasdiqlovchi hujjatlarning nusxalari ilova qilinadi.

46. Malaka shahodatnomasining qayta rasmiylashtirilishi kadastr muhandisi tomonidan ariza berilgan vaqtdan boshlab besh ish kuni ichida amalga oshiriladi.

47. Yangi malaka shahodatnomada qayta rasmiylashtirilayotgan malaka shahodatnomasining raqami qoʻshimcha tarzda qayd qilinadi.

48. Kadastr muhandisi yoʻqotilgan yoki yaroqsiz holga kelgan malaka shahodatnomasi oʻrniga Agentlik axborot tizimining elektron hujjatlar repozitoriysi veb-sayti orqali noyob identifikatsiya raqamini kiritish yoki elektron hujjatda joylashgan QR-kodni skaner qilish yoʻli bilan malaka shahodatnomasini qayta yuklab olishi mumkin.

6-bob. Malaka shahodatnomasi amal qilishini tugatish va uni bekor qilish

49. Kadastr muhandisining tashabbusi bilan malaka shahodatnomasini tugatish va bekor qilish Agentlik tomonidan belgilangan tartibda amalga oshiriladi.

Vakolatli organlar tashabbusi bilan malaka shahodatnomasini tugatish va bekor qilish faqat sud tartibida amalga oshiriladi.

50. Quyidagilar malaka shahodatnomasi amal qilishini tugatish uchun asos boʻladi:

kadastr muhandisining arizasi;

kadastr muhandisi faoliyatini amalga oshirishda qonunchilik hujjatlarini buzish;

kadastr yigʻmajildi tayyorlashda, uning qavatma-qavat rejalarini tuzishda, texnik rejalarni rasmiylashtirishda, shuningdek, uning texnik hisobga qoʻyish ishlarini amalga oshirishda notoʻgʻri maʼlumot berish;

shaxsni belgilangan tartibda muomalaga layoqatsiz yoki muomalaga layoqati cheklangan deb eʼtirof etish toʻgʻrisidagi sud qarori.

51. Malaka shahodatnomasining amal qilishi uni tugatish toʻgʻrisidagi qaror qabul qilingan sanadan boshlab tugatiladi.

52. Malaka shahodatnomasi quyidagi hollarda bekor qilinadi:

Agentlikning malaka shahodatnomasini berish toʻgʻrisidagi qarori noqonuniy ekanligi aniqlanganda;

malaka shahodatnomasi soxta hujjatlardan foydalangan holda olingani fakti aniqlanganda;

ushbu Reglamentning 50-bandida nazarda tutilgan asoslar mavjudligi.

53. Malaka shahodatnomasini bekor qilish toʻgʻrisidagi qaror ushbu qaror qonuniy kuchga kirgan sanadan boshlab amal qiladi.

54. Qonunchilik hujjatlari talablarini buzgani uchun malaka shahodatnomasining amal qilishi tugatilgan kadastr muhandisiga, u tugatilgan sanadan boshlab quyidagi muddatlar mobaynida takroran malaka shahodatnomasi berilmaydi:

koʻchmas mulk obyektlarida xatlov ishlarini olib borib kadastr yigʻmajildini shakllantirishda texnik xatoliklarga yoʻl qoʻyganda olti oy mobaynida;

koʻchmas mulk obyektiga tegishli huquq belgilovchi hujjatlarga amal qilmagan xolda kadastr yigʻmajildini shakllantirishda bir yil mobaynida.

55. Malaka shahodatnomasi amal qilishini tugatish yoki malaka shahodatnomasini bekor qilish toʻgʻrisidagi qaror Agentlikning rasmiy veb-saytida eʼlon qilinadi.

56. Malaka shahodatnomasi amal qilishini tugatish yoki malaka shahodatnomasini bekor qilish toʻgʻrisidagi qaror qabul qilingan kunning oʻzida tegishli kadastr muhandisi va kadastr muhandisi bilan mehnat shartnomasi tuzgan yuridik shaxsga uning nusxasi yuboriladi.

57. Malaka shahodatnomasini bekor qilish yoki uning amal qilishini tugatish toʻgʻrisidagi qaror ustidan qonunchilik hujjatlarida belgilangan tartibda sudga shikoyat qilinishi mumkin.

7-bob. Kadastr muhandislari reyestri

58. Agentlik tomonidan kadastr muhandislari reyestri yuritiladi va unda kadastr muhandislarining quyidagi maʼlumotlari qayd etiladi:

kadastr muhandisining familiyasi, ismi, otasining ismi;

jismoniy shaxsning shaxsiy identifikatsiya raqami;

malaka shahodatnomasining raqami, berilgan sana;

malaka shahodatnomasi olingan sana;

malaka imtihonida qayd etilgan natija;

malaka shahodatnomasini bekor qilish yoki amal qilishini tugatish, qayta rasmiylashtirish haqidagi maʼlumotlar.

59. Kadastr muhandislari reyestri elektron shaklda yuritiladi.

60. Kadastr muhandislari reyestriga kiritilgan maʼlumotlardan ochiq foydalanilishi mumkin.

Kadastr muhandislari reyestri Agentlikning rasmiy veb-saytida aks ettiriladi.

8-bob. Yakunlovchi qoidalar

61. Mazkur Reglamentni bajarish jarayonida kelib chiqadigan nizolar qonunchilik hujjatlariga muvofiq hal etiladi.

62. Mazkur Reglament talablari buzilishida aybdor boʻlgan shaxslar qonun hujjatlarida belgilangan tartibda javob beradilar.

Koʻchmas mulk boʻyicha kadastr muhandisining malaka shahodatnomasini berish boʻyicha davlat xizmatlari koʻrsatish maʼmuriy reglamentiga 1-ILOVA

Koʻchmas mulk boʻyicha kadastr muhandisining malakasini oshirish va unga malaka shahodatnomasini berish

Bosqichlar Subyektlar Tadbirlar Bajarish muddatlari 1-bosqich Talabgor Davlat xizmatlari markazlari, Yagona interaktiv davlat xizmatlari portali yoki Agentlikning rasmiy veb-sayti orqali arizani hamda mazkur Reglamentning 3‑bandida keltirilgan mutaxassisliklardan biri boʻyicha oliy maʼlumot toʻgʻrisidagi diplom nusxasi yoki xorijiy davlatda oliy taʼlim olganlik toʻgʻrisidagi hujjatni tan olish haqidagi guvohnoma nusxasini pdf formatida taqdim etadi. Oʻz xohishiga koʻra 2-bosqich 1. Davlat xizmatlari markazi. Soʻrovnomani tegishlicha Agentlikka yuboradi. 1. Soʻrovnoma toʻldirilishi bilan 2. YIDXP. 2. Avtomatik tarzda 3. Agentlikning rasmiy veb-sayti. 3. Avtomatik tarzda 3-bosqich Agentlik Talabgorga malaka imtihonini topshirishga ruxsat berish yoki rad etish haqida qaror qabul qiladi, natijasi boʻyicha talabgorni xabardor qiladi. Uch ish kuni ichida 4-bosqich Talabgor 1. Malaka imtihonini topshirishga ruxsat berilganda bazaviy hisoblash miqdorining bir baravariga teng miqdorda toʻlov amalga oshiradi; Uch ish kuni ichida 2. Malaka imtihonini topshirish rad etilgan taqdirda, koʻrsatilgan kamchiliklarni bartaraf etadi. Uch ish kuni ichida 5-bosqich Agentlik 1. Malaka imtihoniga qoʻyilgan talabgor malaka imtihonini oʻtkazish sanasi, vaqti va joyi haqida mobil telefoni (mavjud boʻlganda), pochta yoki elektron aloqa vositasi orqali xabardor qiladi. Imtihon oʻtkaziladigan kundan kamida besh ish kuni oldin 2. Malaka imtihonini topshirishga ruxsat berilgan shaxslar roʻyxati Komissiyaga taqdim etadi. Malaka imtihoni boshlanishidan bir kun oldin 3. Malaka imtihoniga qoʻyilgan talabgorlar roʻyxati hamda malaka imtihonini oʻtkazish toʻgʻrisidagi maʼlumot Agentlik va Palataning rasmiy veb-saytiga joylashtiriladi. 4. Koʻrsatilgan kamchiliklar bartaraf etilmagan taqdirda, malaka imtihonini topshirishga ruxsat etilmaydi. Malaka imtihonini oʻtkazish haqidagi qaror qabul qilingan kundan boshlab ikki kun ichida 6-bosqich Talabgor Belgilangan vaqtda kelib malaka imtihonini topshiradi 45 daqiqa 7-bosqich Agentlik 1. Malaka imtihonini oʻtkazadi. Belgilangan muddatda 2. Test sinovi natijalari boʻyicha bayonnomani rasmiylashtiradi va eʼlon qiladi. Uch ish kunida 3. Malaka shahodatnomasini rasmiylashtiradi va davlat xizmatlari markazlariga yuboradi yoki YIDXP, elektron pochta orqali talabgorga taqdim etadi. Ikki ish kunida 8-bosqich Davlat xizmatlari markazi Malaka shahodatnomasi tushgandan soʻng ularni ariza beruvchining elektron manziliga yuboradi va ariza beruvchini bu haqda axborot-kommunikatsiya tizimi orqali xabardor qiladi. Real vaqt rejimida

Koʻchmas mulk boʻyicha kadastr muhandisining malaka shahodatnomasini berish boʻyicha davlat xizmatlari koʻrsatish maʼmuriy reglamentiga 2-ILOVA

Oʻzbekiston Respublikasi Iqtisodiyot va moliya vazirligi huzuridagi Kadastr agentligiga ARIZA Menga koʻchmas mulk boʻyicha kadastr muhandisi malaka shahodatnomasini olish uchun malaka imtihonini topshirishga ruxsat berishingizni soʻrayman. Shu bilan birga, oʻzim toʻgʻrimda quyidagi axborotlarni maʼlum qilaman: 1. F.I.O.: 2. Pasport maʼlumotlari (seriyasi va raqami): 3. (JSHSHIR): 4. Tugʻilgan yili, oyi, sanasi: 5. Yashash manzili: 6. Telefon raqami: 7. Elektron pochta manzili: 8. Mehnat faoliyatini olib borgan joy(tashkilot nomi): 9. Lavozimi: 10. Ishga kirgan sana: 11. Ishdan boʻshagan sana: 12. Oʻqigan taʼlim muassasasi: 13. Mutaxassisligi: 14. Oʻqishga kirgan yil: 15. Oʻqishni bitirgan yil: Shaxsiy maʼlumotlarimdan kadastr muhandisi malaka shahodatnomasi va uni rasmiylashtirish bilan bogʻliq jarayonlarda foydalanilishiga roziman. Shaxsiy imzo __________ 20___ yil “____” _______________.

Koʻchmas mulk boʻyicha kadastr muhandisining malaka shahodatnomasini berish boʻyicha davlat xizmatlari koʻrsatish maʼmuriy reglamentiga 3-ILOVA

Oʻzbekiston Respublikasining Davlat gerbi tasviri Oʻzbekiston Respublikasi Iqtisodiyot va moliya vazirligi huzuridagi Kadastr agentligi KADASTR MUHANDISINING MALAKA SHAHODATNOMASI ______-son 20___ yil “___” ___________ Koʻchmas mulk boʻyicha kadastr muhandisi malaka shahodatnomasi Oʻzbekiston Respublikasi Iqtisodiyot va moliya vazirligi huzuridagi Kadastr agentligi tomonidan _________________________ ________________________________________________________________________________________ga (kadastr muhandisi malaka shahodatnomasini olgan shaxsning F.I.O.) malaka imtihon komissiyasining 20___ yil “___” ___________dagi qaroriga asosan berildi. ___________________________ (vakolatli shaxsning F.I.O.) QR-code ”;

j) quyidagi mazmundagi 5b va 5v-ilovalar bilan toʻldirilsin:

“Vazirlar Mahkamasining 2020-yil 2-sentabrdagi 535-son qaroriga 5b-ILOVA

Barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash boʻyicha davlat xizmatlari koʻrsatishning

1-bob. Umumiy qoidalar

1. Ushbu Reglament barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash boʻyicha davlat xizmatlari koʻrsatish tartibini belgilaydi.

2. Ushbu Reglamentga asosan quyidagi yer uchastkalarini birlashtirishga va uning chegaralarini belgilashga yoʻl qoʻyiladi:

xususiy investorga mulk huquqi, meros qilib qoldiriladigan umrbod egalik, doimiy egalik, doimiy foydalanish va uzoq muddatli ijara huquqi bilan tegishli boʻlgan yer uchastkalari;

yuridik va jismoniy shaxslarga tegishli yer uchastkalari;

koʻp kvartirali uylar joylashgan yerlar;

koʻp kvartirali uylarga tutash hamda umumiy foydalanishdagi yerlar.

3. Ushbu Reglament qishloq xoʻjaligiga moʻljallangan yer uchastkalariga nisbatan tatbiq etilmaydi.

4. Yer uchastkalarini yagona yer uchastkasiga birlashtirish va uning chegaralarini belgilash birlashtirilayotgan barcha yer uchastkalarini ushbu yerlarga boʻlgan huquq turi, yer uchastkasi va unda qurilgan obyektning turi, obyektning qurilishi tugallangan yoki tugallanmaganidan qatʼi nazar, amalga oshirilishiga yoʻl qoʻyiladi.

5. Dalolatnomani rasmiylashtirish ushbu Reglamentga 1-ilovada keltirilgan sxemaga muvofiq amalga oshiriladi.

6. Dalolatnomani rasmiylashtirishda Iqtisodiyot va moliya vazirligi huzuridagi Kadastr agentligining Davlat kadastrlari palatasi tuman (shahar) filiallari (keyingi oʻrinlarda — filiallar):

ushbu Reglamentga 2-ilovaga muvofiq shaklda dalolatnomani tuzadi;

yer uchastkalarining birlashtirilishi natijasida hosil boʻlgan yer uchastkasining manzilini Vazirlar Mahkamasining 2018-yil 14-dekabrdagi 1010-son qarori bilan tasdiqlangan Koʻchmas mulk obyektlari manzillari yagona reyestrini shakllantirish va yuritish tartibi toʻgʻrisidagi nizomga muvofiq belgilaydi;

dalolatnomani tuman (shahar) qurilish va uy-joy kommunal xoʻjaligi boʻlimlari hamda Qoraqalpogʻiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Toshkent shahar va viloyat ekologiya, atrof-muhitni muhofaza qilish va iqlim oʻzgarishi boshqarmalari (keyingi oʻrinlarda — ekologiya, atrof-muhitni muhofaza qilish va iqlim oʻzgarishi boshqarmalari) bilan kelishadi.

2-bob. Barpo etiladigan yangi massiv hududidagi yer uchastkalarini birlashtirish hamda birlashtirilgan yer uchastkasining chegaralarini belgilash xususiyatlari

7. Barpo etiladigan yangi massiv hududidagi yer uchastkalarini birlashtirish xususiy investorning murojaatiga asosan amalga oshiriladi.

8. Dalolatnoma rasmiylashtirishda quyidagilar talab etiladi:

a) barpo etiladigan yangi massiv hududi tasdiqlangan hududlarni va aholi punktlarini rivojlantirishni shaharsozlik jihatidan rejalashtirish toʻgʻrisidagi hamda ularni qurish haqidagi tasdiqlangan hujjatlarga muvofiqligi;

b) barpo etiladigan yangi massiv yongʻinga qarshi, sanitariya, ekologiyaga oid, shaharsozlik hamda boshqa majburiy normalar va qoidalarni buzmagan holda yangidan tashkil etilishi;

v) birlashtirish natijasida hosil boʻlgan yer uchastkasida kelgusida oʻzining asosiy foydalanish maqsadi bilan yoki asoslantirilgan holda oʻzgartiriladigan bino va inshootlarni loyihalashtirish va qurilish ishlarini amalga oshirish imkoni mavjud boʻlishi;

g) birlashtirish natijasida Toshkent va Nukus shaharlari hamda viloyatlar markazlarida har bir barpo etiladigan yangi massivda yagona yer uchastkasi hududiga kiritiladigan koʻp kvartirali uylar atrofidagi va umumiy foydalanishdagi yer uchastkalarining jami maydoni yuridik va jismoniy shaxslarga tegishli yer uchastkalari jami maydonining 35 foizidan oshmasligi;

d) shaharsozlik hujjatlarisiz amalga oshirilgan qurilish-montaj ishlari mavjudligi;

e) muhandislik tarmoqlari yoki muhofaza zonalarida obyektni joylashtirish rejalashtirilgani;

j) qurilayotgan obyekt uchun shaharsozlik talablari boʻyicha yer maydoni yetarli ekanligi;

z) obyektning yer maydonlari nizoli boʻlgan taqdirda, mazkur nizo mazmunan hal etilgani toʻgʻrisidagi qonuniy kuchga kirgan sud organining qarori yoxud nizolashuvchi taraflarning yozma ravishda rasmiylashtirilib, tasdiqlangan kelishuv bitimi mavjudligi;

i) barpo etiladigan yangi massiv hududiga kiritilgan yerlardagi koʻp yillik dov-daraxtlarning xatlovdan oʻtkazilgani va raqamlangani (ID raqam berilgani).

9. Barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash boʻyicha davlat xizmatlari koʻrsatish davlat xizmatlari markazlari, filiallar va tuman (shahar) qurilish va uy-joy kommunal xoʻjaligi boʻlimlari hamda ekologiya, atrof-muhitni muhofaza qilish va iqlim oʻzgarishi boshqarmalari oʻrtasidagi axborot almashinuvi elektron raqamli imzoni (keyingi oʻrinlarda — ERI) majburiy tartibda qoʻllash orqali faqat idoralararo elektron oʻzaro bogʻlanish yordamida amalga oshiriladi.

3-bob. Davlat xizmatini koʻrsatish tartibi

10. Xususiy investor (keyingi oʻrinlarda — ariza beruvchi) dalolatnoma rasmiylashtirish uchun davlat xizmatlari markaziga oʻzi kelib murojaat etadi yoki Oʻzbekiston Respublikasi Yagona interaktiv davlat xizmatlari portalida (keyingi oʻrinlarda — YIDXP) yoxud Kadastr agentligining rasmiy veb-sayti “kadastr.uz” (keyingi oʻrinlarda — veb-sayt) orqali davlat xizmatidan elektron tarzda foydalanish uchun roʻyxatdan oʻtadi.

11. Ariza beruvchi oʻzi kelib murojaat etgan taqdirda, davlat xizmatlari markazi xodimi — ariza beruvchi nomidan, YIDXP yoki veb-sayt orqali murojaat etgan taqdirda esa mustaqil ravishda, ushbu Reglamentga 3-ilovaga muvofiq elektron shakldagi soʻrovnomani toʻldiradi hamda davlat xizmatidan foydalanish uchun toʻlovni amalga oshiradi.

Ariza beruvchi ixtiyoriga koʻra dalolatnoma rasmiylashtirish hamda belgilangan tartibda kadastr pasportini olish hamda koʻchmas mulkni davlat roʻyxatidan oʻtkazish uchun bir vaqtda (kompozit xizmat sifatida) yoki alohida murojaat qilishi mumkin.

12. Arizaga quyidagi hujjatlar ilova qilinadi:

a) barpo etiladigan yangi massiv hududida boshqa jismoniy va yuridik shaxslarga tegishli koʻchmas mulklar hamda muhandislik-kommunikatsiya tarmoqlari mavjud boʻlgan taqdirda:

jismoniy va yuridik shaxslar hamda xususiy investor oʻrtasida oʻziga tegishli yer uchastkasi oʻrnida rejalashtirilgan yangi obyektni qurish va uni tasarruf qilish huquqini jismoniy va yuridik shaxslarning oʻzida qoldirish toʻgʻrisida tuzilgan notarial tasdiqlangan shartnomalar;

muhandislik-kommunikatsiya tarmoqlarini (elektr, gaz, aloqa, suv va kanalizatsiya tarmoqlari, yoʻllar) saqlovchi tashkilotlar bilan ularni koʻchirish yoki joyida saqlash toʻgʻrisida kelishuv bitimi;

b) barpo etiladigan yangi massivning chegaralari koʻrsatilgan qurilish loyihalari.

Investitsiya faoliyati subyektining vakili ariza bergan taqdirda, soʻrovnomaga belgilangan tartibda rasmiylashtirilgan ishonchnoma ilova qilinadi.

Davlat xizmatlari markazi tomonidan ariza beruvchidan ushbu bandda koʻrsatilmagan boshqa hujjatlarni talab qilish qatʼiyan taqiqlanadi.

13. Zarur maʼlumotlar soʻrovnomaga kiritilgandan soʻng ariza beruvchi maʼlumotlarning toʻgʻriligini tekshiradi va identifikatsiya qilishning tegishli vositalari (daktiloskopiya, elektron imzo, Mobil-ID va boshqalar) bilan tasdiqlaydi.

Ariza beruvchi YIDXP yoki veb-sayt orqali murojaat etgan taqdirda, soʻrovnomani ERI bilan tasdiqlash talab etilmaydi.

14. Ariza beruvchi davlat xizmatlari markaziga kelib murojaat etganda, uning soʻrovnomasi markaz xodimi tomonidan toʻldirilib, ariza beruvchi tomonidan tasdiqlangandan soʻng barcha hujjatlar real vaqt rejimida filialga elektron shaklda yuboriladi.

YIDXP yoki veb-sayt orqali murojaat qilinganda esa soʻrovnoma avtomatik tarzda filialga yuboriladi.

15. Dalolatnoma rasmiylashtirish uchun bazaviy hisoblash miqdorining 3 baravari miqdorida yigʻim undiriladi.

Davlat xizmati koʻrsatilishi uchun YIDXP orqali murojaat etilganda koʻrsatilgan xizmatlar uchun yigʻimlar summasining 90 foizi undiriladi.

16. Ariza beruvchi davlat xizmatidan foydalanishdan dalolatnoma imzolangunga qadar voz kechish huquqiga ega. Ariza beruvchi davlat xizmatidan foydalanishdan voz kechganda, uning soʻrovnomasi koʻrilmasdan qoldiriladi. Bunda toʻlangan yigʻim qaytarilmaydi.

17. Davlat xizmati koʻrsatilgani uchun yigʻim toʻlanganini tasdiqlash axborot-kommunikatsiya tizimlari orqali amalga oshiriladi.

18. Yigʻimlar summasi quyidagi tartibda taqsimlanadi:

a) davlat xizmatlari markazlariga oʻzi kelib murojaat etganda:

18 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga;

20 foizi — Qurilish va uy-joy kommunal xoʻjaligi vazirligi huzuridagi Qurilish sohasida axborot-kommunikatsiya texnologiyalarini rivojlantirish markazining shaxsiy hisobvaragʻiga;

0,5 foizi — “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi shaxsiy hisobvaragʻiga (Yagona billing tizimi orqali toʻlovlar amalga oshirilganda);

10 foizi — Kadastr agentligining budjetdan tashqari jamgʻarmasining shaxsiy hisobvaragʻiga;

qolgan mablagʻlar toʻliq miqdorda Davlat kadastrlari palatasi hududiy boshqarmalarining hisobvaragʻiga oʻtkaziladi;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga;

20 foizi — Qurilish va uy-joy kommunal xoʻjaligi vazirligi huzuridagi Qurilish sohasida axborot-kommunikatsiya texnologiyalarini rivojlantirish markazining shaxsiy hisobvaragʻiga;

10 foizi — Kadastr agentligining budjetdan tashqari jamgʻarmasining shaxsiy hisobvaragʻiga;

qolgan mablagʻlar toʻliq miqdorda Davlat kadastrlari palatasi hududiy boshqarmalarining hisobvaragʻiga oʻtkaziladi;

v) veb-sayt orqali murojaat etilganda:

20 foizi — Qurilish va uy-joy kommunal xoʻjaligi vazirligi huzuridagi Qurilish sohasida axborot-kommunikatsiya texnologiyalarini rivojlantirish markazining shaxsiy hisobvaragʻiga;

10 foizi — Kadastr agentligining budjetdan tashqari jamgʻarmasining shaxsiy hisobvaragʻiga;

qolgan mablagʻlar toʻliq miqdorda Davlat kadastrlari palatasi hududiy boshqarmalarining hisobvaragʻiga oʻtkaziladi.

Toʻlovlar davlat xizmatlari koʻrsatilgani uchun toʻlangan davlat bojlari va yigʻimlar summasi hisobini yurituvchi Yagona billing tizimi orqali amalga oshiriladi.

19. Dalolatnoma obyektning murakkabligiga qarab, quyidagi muddatlarda tayyorlanadi:

umumiy maydoni 0,1 gektargacha boʻlganda — 10 ish kunigacha;

umumiy maydoni 0,1 gektardan 0,5 gektargacha boʻlganda — 15 ish kunigacha;

umumiy maydoni 0,5 gektardan 1,5 gektargacha boʻlganda — 20 ish kunigacha;

umumiy maydoni 1,5 gektardan 5 gektargacha boʻlganda — 25 ish kunigacha;

umumiy maydoni 5 gektardan ortiq boʻlganda — 30 ish kunigacha.

20. Filial soʻrovnoma kelib tushgan kundan boshlab ushbu Reglamentning 19-bandida belgilangan muddatlarda quyidagi ishlarni amalga oshiradi:

a) barpo etiladigan yangi massivning chegaralari koʻrsatilgan batafsil rejalashtirish va qurish loyihalarida koʻrsatilgan hududning topografik rejasini tayyorlaydi;

b) arizada keltirilgan yer uchastkalarini birlashtirish va topografik rejada koʻrsatilgan chegaralarda yer uchastkasini birlashtirish imkoniyatini oʻrganadi;

v) ushbu Reglamentning 8-bandi “g” kichik bandida koʻrsatilgan talablarga birlashtirilayotgan yer uchastkasining muvofiqligini tekshiradi;

g) xususiy investorga mulk huquqi, meros qilib qoldiriladigan umrbod egalik, doimiy egalik, doimiy foydalanish va uzoq muddatli ijara huquqi bilan tegishli boʻlgan yer uchastkalarining kadastr raqamlari asosida mazkur yer uchastkalarining xususiy investor nomiga davlat roʻyxatidan oʻtkazilganini tekshiradi;

d) barpo etiladigan yangi massiv hududida boshqa jismoniy va yuridik shaxslarga tegishli koʻchmas mulklarga boʻlgan huquqlarning davlat roʻyxatidan oʻtkazilganini tekshiradi.

21. Oʻrganish natijalari ushbu Reglamentning 20-bandi talablariga toʻliq muvofiq deb topilgan taqdirda, filial dalolatnoma loyihasini shakllantiradi hamda dalolatnoma loyihasini filial boshligʻi va ijrochi oʻz ERIsi bilan imzolaydi.

Dalolatnomaga yangi tashkil boʻlayotgan yer uchastkasining chegaralari koʻrsatilgan topografik reja ilova qilinadi.

Yer uchastkasi va unga tutash hududning topografik rejasini tayyorlash uchun toʻlov summasi bir gektar yer maydoni uchun bazaviy hisoblash miqdorining besh baravari hisobidan kelib chiqib (bir kvadrat metrgacha boʻlgan aniqlikda) hisoblanadi.

Oʻrganish natijalari ushbu Reglamentning 20-bandi talablariga toʻliq muvofiq emas deb topilgan taqdirda, filial rad etishning aniq sabablari hamda qonunchilik hujjatlari normalarini koʻrsatgan holda dalolatnoma tayyorlashni rad etadi.

22. Filial tomonidan dalolatnoma loyihasi imzolangandan soʻng dalolatnoma, topografik reja hamda topografik rejani tayyorlash uchun toʻlov miqdori qiymati koʻrsatilgan xabarnoma (invoys) davlat xizmatlari markaziga (oʻzi kelib murojaat qilgan taqdirda) yoki YIDXP yoxud veb-sayt orqali (elektron shaklda murojaat qilgan taqdirda) arizachiga elektron shaklda yuboriladi.

Dalolatnomani tayyorlash rad etilgan taqdirda, rad etish toʻgʻrisidagi xabarnoma filial boshligʻining ERIsi bilan tasdiqlangan holda markazga (oʻzi kelib murojaat qilgan taqdirda) yoki YIDXP yoxud veb-sayt orqali (elektron shaklda murojaat qilgan taqdirda) arizachiga yuboriladi.

23. Davlat xizmatlari markazi dalolatnoma, topografik reja hamda topografik rejani tayyorlash uchun toʻlov miqdori qiymati koʻrsatilgan xabarnoma (invoys) kelib tushgandan soʻng real vaqt rejimida bu haqda axborot-kommunikatsiya tizimi orqali ariza beruvchini xabardor qiladi.

24. Ariza beruvchi 20 ish kuni mobaynida:

markazga kelib (oʻzi kelib murojaat qilgan taqdirda) identifikatsiya qilish vositalari (daktiloskopiya va boshqalar) orqali yoki YIDXP yoxud veb-sayt orqali (elektron shaklda murojaat qilgan taqdirda) dalolatnomani ERIsi bilan kelishadi;

topografik rejani tayyorlashning toʻlov qiymatini xabarnomada qayd etilgan miqdorda toʻlaydi.

25. Ariza beruvchi tomonidan kelishilgan dalolatnoma va unga ilova qilingan topografik reja davlat xizmatlari markazi tomonidan real vaqt rejimida, YIDXP yoki veb-sayt orqali murojaat qilinganda esa avtomatik tarzda tuman (shahar) qurilish va uy-joy kommunal xoʻjaligi boʻlimlari hamda ekologiya, atrof-muhitni muhofaza qilish va iqlim oʻzgarishi boshqarmalariga kelishish uchun yuboriladi.

26. Dalolatnoma va unga ilova qilingan topografik reja kelib tushgandan soʻng:

yetti ish kuni ichida tuman (shahar) qurilish va uy-joy kommunal xoʻjaligi boʻlimlari quyidagilarni oʻrgangan holda dalolatnomani kelishadi yoki rad etishning aniq sabablarini va tegishli qonunchilik hujjatlari normalarini koʻrsatgan holda uni rad etadi:

yer uchastkasi joylashgan manzilda yer uchastkalarini ushbu Reglamentning 8-bandi “a” — “v”, “d” — “z” kichik bandlarida koʻrsatilgan talablar asosida birlashtirish imkoniyatini;

barpo etiladigan yangi massivning chegaralari koʻrsatilgan batafsil rejalashtirish va qurish loyihalarini hududlarni va aholi punktlarini rivojlantirishni shaharsozlik jihatidan rejalashtirish toʻgʻrisidagi hamda ularni qurish haqidagi tasdiqlangan hujjatlarga muvofiqligini;

uch ish kuni ichida ekologiya, atrof-muhitni muhofaza qilish va iqlim oʻzgarishi boshqarmalari ushbu Reglamentning 8-bandi “i” kichik bandida koʻrsatilgan talablar asosida oʻrgangan holda dalolatnomani kelishadi yoki rad etishning aniq sabablarini va tegishli qonunchilik hujjatlari normalarini koʻrsatgan holda uni rad etadi.

27. Dalolatnomani kelishish yoki rad etish tegishli tashkilotlarning tuman (shahar) boʻlimi hamda tegishli viloyat boshqarmasi boshligʻining ERIsi bilan tasdiqlash orqali amalga oshiriladi.

Dalolatnoma kelishilgan yoki rad etilgan kuni dalolatnoma va topografik reja yoki rad etish haqidagi xabarnoma elektron shaklda davlat xizmatlari markaziga (oʻzi kelib murojaat qilgan taqdirda) yoki YIDXP yoxud veb-sayt orqali (elektron shaklda murojaat qilgan taqdirda) yuboriladi.

28. Davlat xizmatlari markaziga dalolatnoma yoki dalolatnoma tayyorlashni rad etish haqida xabarnoma kelib tushgan taqdirda, markaz xabarnoma kelib tushgandan soʻng real vaqt rejimida bu haqda axborot-kommunikatsiya tizimi orqali ariza beruvchini xabardor qiladi.

Arizani koʻrib chiqish natijalari asosida QR-kod (matritsali shtrix-kod) qoʻyib berilgan elektron hujjatlar asl hujjatlarga tenglashtiriladi.

29. Quyidagilar davlat xizmati koʻrsatishni rad etish uchun asos hisoblanadi:

ushbu Reglamentning 2, 3, 7 va 8-bandlarida nazarda tutilgan talablarga muvofiq emasligi;

soʻrovnomada notoʻgʻri maʼlumotlar koʻrsatilishi;

dalolatnoma ariza beruvchi tomonidan belgilangan muddatda imzolanmagani;

xususiy investorga mulk huquqi, meros qilib qoldiriladigan umrbod egalik, doimiy egalik, doimiy foydalanish va uzoq muddatli ijara huquqi bilan tegishli boʻlgan yer uchastkalari hamda yuridik va jismoniy shaxslarga tegishli yer uchastkalarining haqiqiy holati koʻchmas mulkka boʻlgan huquqlar davlat reyestridagi maʼlumotlardan farq qilishi;

filial hamda tuman (shahar) qurilish va uy-joy kommunal xoʻjaligi boʻlimlari vakiliga barpo etiladigan yangi massiv hududidagi obyektlarda oʻlchov ishlarining olib borilishiga, shu jumladan, obyektlarga kirish imkoni yoʻqligi (foydalanib kelayotgan shaxslar tomonidan bino va inshootga, yer uchastkasiga kirishga qarshilik qilish);

davlat roʻyxatidan oʻtkazuvchi organda ushbu koʻchmas mulk obyektining mansubligi masalasida nizolar borligidan dalolat beruvchi sud hujjatlari va soʻrovnomalarining mavjudligi;

vakolatli organ tomonidan koʻchmas mulk obyektiga taqiq yoki xatlov qoʻyilgani;

arizaga ilova qilingan hujjatlar toʻliq emasligi;

davlat xizmatlarini koʻrsatish uchun yigʻimni va topografik rejani tayyorlash uchun toʻlov summasini toʻlamaslik.

Dalolatnoma ariza beruvchi tomonidan belgilangan muddatda imzolanmagan taqdirda, ariza avtomatik tarzda rad etiladi.

Davlat xizmatlarini koʻrsatishni boshqa asoslarga koʻra rad etish qatʼiyan taqiqlanadi.

30. Ariza beruvchi davlat xizmati koʻrsatilishi rad etilgan kundan boshlab oʻn ish kuni mobaynida davlat xizmati koʻrsatish uchun yigʻimni toʻlamasdan, koʻrsatilgan kamchilikni bartaraf etgan holda qayta murojaat qilish huquqiga ega.

Davlat xizmatini takroran koʻrsatishda filiallar, tuman (shahar) qurilish va uy-joy kommunal xoʻjaligi boʻlimlari va ekologiya, atrof-muhitni muhofaza qilish va iqlim oʻzgarishi boshqarmalari tomonidan avvalgi rad etish asoslarida bayon etilmagan sabablarning keltirilishiga yoʻl qoʻyilmaydi, avval koʻrsatilgan sabablar bartaraf etilganini tasdiqlovchi maʼlumotlar bilan bogʻliq rad etish sabablarining keltirilishi bundan mustasno.

Qayta murojaat etilganda murojaatlar ushbu Reglamentga asosan umumiy tartibda va muddatlarda koʻrib chiqiladi.

4-bob. Yakunlovchi qoidalar

31. Xususiy investor hamda tegishli tashkilotlar tomonidan ushbu dalolatnomaning tasdiqlangani, keyinchalik birlashtirilgan yer uchastkasi hamda undagi bino va inshootlarga kadastr yigʻmajildini qayta shakllantirish va koʻchmas mulkka boʻlgan huquqlarni davlat roʻyxatidan oʻtkazish uchun asos hisoblanadi.

32. Davlat xizmatlari markazlari, filiallar, tuman (shahar) qurilish va uy-joy kommunal xoʻjaligi boʻlimlari hamda ekologiya, atrof-muhitni muhofaza qilish va iqlim oʻzgarishi boshqarmalari oʻz faoliyatini amalga oshirishi natijasida olingan ariza beruvchi haqidagi maʼlumotlarning maxfiyligini taʼminlashi shart.

33. Adliya vazirligi, uning hududiy boshqarmalari va davlat xizmatlari markazlari davlat organlari va boshqa tashkilotlarning ushbu Reglament talablari ijrosi boʻyicha faoliyatini, shu jumladan, YIDXP orqali doimiy nazorat va monitoring qilib boradi.

34. Ariza beruvchi davlat organlari va boshqa tashkilotlar xodimlarining xatti-harakatlari (harakatsizligi) yuzasidan qonunchilik hujjatlarida belgilangan tartibda shikoyat qilishi mumkin.

35. Ushbu Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash

Bosqichlar Subyektlar Tadbirlar Bajarish muddatlari 1-bosqich Ariza beruvchi 1. Dalolatnoma olish uchun davlat xizmatlari markaziga oʻzi kelib murojaat qiladi yoki Yagona interaktiv davlat xizmatlari portali yoxud Kadastr agentligining rasmiy veb-sayti orqali murojaat qiladi. 2. Davlat xizmati koʻrsatish uchun yigʻimni toʻlaydi. Xohishiga koʻra 2-bosqich 1. Davlat xizmatlari markazi. 2. YIDXP. 3. Kadastr agentligining rasmiy veb-sayti. Soʻrovnomani filialga yuboradi. Real vaqt rejimida 3-bosqich Filial 1. Barpo etiladigan yangi massivning chegaralari koʻrsatilgan batafsil rejalashtirish va qurish loyihasida koʻrsatilgan hududning topografik rejasini tayyorlaydi. 2. Arizada keltirilgan yer uchastkalarini birlashtirish va topografik rejada koʻrsatilgan chegaralarda yer uchastkasini shakllantirish imkoniyatini oʻrganadi. 3. Reglamentning 8-bandi “g” kichik bandida koʻrsatilgan talablar asosida birlashtirish mumkinligini koʻrib chiqadi. 4. Investitsiya faoliyati subyektiga mulk huquqi, meros qilib qoldiriladigan umrbod egalik, doimiy egalik, doimiy foydalanish va uzoq muddatli ijara huquqi bilan tegishli boʻlgan yer uchastkalarining kadastr raqami asosida mazkur yer uchastkalarining investitsiya faoliyati subyekti nomiga davlat roʻyxatidan oʻtkazilganini tekshiradi. 5. Barpo etiladigan yangi massiv hududida boshqa jismoniy va yuridik shaxslarga tegishli koʻchmas mulklarga boʻlgan huquqlarning davlat roʻyxatidan oʻtkazilganini tekshiradi. 6. Oʻrganishlar natijasida topografik reja ilova qilingan dalolatnomani tayyorlaydi yoki dalolatnoma rasmiylashtirishni rad etadi va uni davlat xizmatlari markazlariga yuboradi. Reglamentning 19-bandida belgilangan muddatlarda 4-bosqich Davlat xizmatlari markazi Dalolatnoma va topografik reja kelib tushgani haqida axborot-kommunikatsiya tizimi orqali ariza beruvchini xabardor qiladi. Real vaqt rejimida 5-bosqich Ariza beruvchi Markazga kelib identifikatsiya qilish vositalari orqali yoki YIDXP yoxud veb-sayt orqali huquq egalarining ERIsi bilan dalolatnomani kelishadi. 20 ish kuni 6-bosqich 1. Davlat xizmatlari markazi. 2. YIDXP. 3. Kadastr agentligining rasmiy veb-sayti. Dalolatnoma va unga ilova qilingan hujjatlarni kelishish uchun tuman (shahar) qurilish va uy-joy kommunal xoʻjaligi boʻlimlari hamda ekologiya, atrof-muhitni muhofaza qilish va iqlim oʻzgarishi boshqarmalariga yuboradi. Real vaqt rejimida 7-bosqich Tuman (shahar) qurilish va uy-joy kommunal xoʻjaligi boʻlimlari, ekologiya, atrof-muhitni muhofaza qilish va iqlim oʻzgarishi boshqarmalari Dalolatnoma va unga ilova qilingan hujjatlarni kelishadi yoki dalolatnoma va unga ilova qilingan hujjatlarni kelishishni rad etadi va uni davlat xizmatlari markazlariga yuboradi. Ushbu reglamentning 26-bandida belgilangan muddatlarda 8-bosqich Davlat xizmatlari markazi Dalolatnoma yoki dalolatnomani tayyorlashni rad etish haqida xabarnoma kelib tushgani haqida axborot-kommunikatsiya tizimi orqali ariza beruvchini xabardor qiladi. Real vaqt rejimida

Barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash DALOLATNOMASI ________-son __________ yil Ushbu dalolatnoma, Davlat kadastrlari palatasi __________________ boshqarmasining _________ tuman (shahar) filiali, __________ tuman (shahar) qurilish va uy-joy kommunal xoʻjaligi boʻlimi vakillari, __________ ekologiya, atrof-muhitni muhofaza qilish va iqlim oʻzgarishi boshqarmasi vakillari va xususiy investor bilan yer uchastkalarini birlashtirish toʻgʻrisida tuzildi. 1. Birlashtirilayotgan yer uchastkalari toʻgʻrisidagi maʼlumotlar: Xususiy investor: _____________________________________________ Yer uchastkalari joylashgan manzil: ______________________________ Yer uchastkalarining kadastr raqamlari ___________________________ Yer uchastkalarining maydonlari (m²) _____________________________ Yer uchastkalaridan ruxsat etilgan foydalanishning asosiy turlari: ________________________ _______________________________ Yer uchastkalari chegaralarini oʻzgartirishga asos boʻlgan hujjatlar _________________________ _______________________________ Yer uchastkalarining alohida xususiyatlari: ________________________ 2. Birlashtirilgan koʻchmas mulk tarkibi quyidagilardan iborat: Xususiy investor: _____________________________________________ Yer uchastkasi joylashgan manzil: ________________________________ Yer uchastkasining kadastr raqami ________________________________ Yer uchastkasining maydoni (m²) __________________________________ Yer uchastkalaridan ruxsat etilgan foydalanishning asosiy turlari: ________________________ _______________________________ Yer uchastkasining alohida xususiyatlari: __________________________ Xususiy investorga tegishli boʻlgan yer uchastkalarining jami maydoni (m² va %): ____________ _______________________________ Barpo etiladigan yangi massiv hududida koʻp kvartirali uylarga tutash yerlar va umumiy foydalanishdagi yerlarning jami maydoni (m² va %): ___________________________________________ _______________________ 3. Ushbu dalolatnoma, uning ajralmas qismi sifatida ilova qilingan topografik reja bilan birga haqiqiy hisoblanadi. XULOSA QISMI: Yer uchastkasiga oʻzgartirish kiritilgan koʻchmas mulk ushbu dalolatnomaning 3-bandida keltirilgan tarkibda alohida koʻchmas mulk deb hisoblanadi. tuman (shahar) filiali boshligʻi ________ ____________________ (F.I.O.) tuman (shahar) qurilish va uy-joy kommunal xoʻjaligi boʻlimi boshligʻi ________ ____________________ (F.I.O.) ekologiya, atrof-muhitni muhofaza qilish va iqlim oʻzgarishi boshqarmasi boshligʻi ________ ____________________ (F.I.O.) tuman (shahar) filiali muhandisi ________ ____________________ (F.I.O.) Xususiy investor ________ ____________________ (F.I.O.) 20___ yil “ ____” ______ ___ _ __________ tumani (shahri).

Barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash dalolatnomasiga ILOVA

Yer uchastkasining topografik rejasi ______________tumani (shahri) obyekt: _____________ Manzili: ______________________________________ Masshtab 1: __________________ Huquqiy hujjat boʻyicha yer uchastkasi maydoni — ____________ m 2 Topograf: ________________ sana: 20___ yil “____” ____________

_________________ ______________ (sanasi) (raqami) Barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash toʻgʻrisida SOʻROVNOMA I. Ariza beruvchi — jismoniy shaxs toʻgʻrisida maʼlumot: 1. F.I.O.: 2. Pasport (ID-karta) maʼlumotlari (seriyasi va raqami, jismoniy shaxsning shaxsiy identifikatsiya raqami (mavjud boʻlsa): 3. Telefon raqami: 4. Elektron pochta manzili (mavjud boʻlsa): II. Ariza beruvchi — yuridik shaxs toʻgʻrisida maʼlumot: 1. Rasmiy nomi (toʻliq): 2. Joylashgan joyi: 3. Telefon raqami: 4. Elektron pochta manzili (mavjud boʻlsa): III. Yer uchastkalari toʻgʻrisida maʼlumot: 1. Yer uchastkalarining manzili (indeks, manzil, moʻljal): 2. Yer uchastkalarining kadastr raqami: 3. Yer uchastkalarining maydonlari (m²): 4. Yer uchastkalaridan ruxsat etilgan foydalanishning asosiy turlari:

Vazirlar Mahkamasining 2020-yil 2-sentabrdagi 535-son qaroriga 5v-ILOVA

Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash boʻyicha davlat xizmatlari koʻrsatishning

1-bob. Umumiy qoidalar

1. Ushbu Reglament barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash boʻyicha davlat xizmatlari koʻrsatish tartibini belgilaydi.

2. Ushbu Reglament faqat barpo etiladigan yangi massiv hududidagi birlashtirilgan yer uchastkasiga nisbatan tatbiq etiladi.

3. Dalolatnomani rasmiylashtirish ushbu Reglamentga 1-ilovada keltirilgan sxemaga muvofiq amalga oshiriladi.

4. Dalolatnomani rasmiylashtirishda Iqtisodiyot va moliya vazirligi huzuridagi Kadastr agentligining Davlat kadastrlari palatasi tuman (shahar) filiallari (keyingi oʻrinlarda — filiallar):

ushbu Reglamentga 2-ilovaga muvofiq shaklda Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash dalolatnomasini tuzadi;

yer uchastkasining boʻlinishi natijasida hosil boʻlgan yer uchastkalarining manzilini Vazirlar Mahkamasining 2018-yil 14-dekabrdagi 1010-son qarori bilan tasdiqlangan Koʻchmas mulk obyektlari manzillari yagona reyestrini shakllantirish va yuritish tartibi toʻgʻrisidagi nizomga muvofiq belgilaydi;

2-bob. Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash xususiyatlari

5. Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash investitsiya faoliyati subyektining murojaatiga asosan amalga oshiriladi.

6. Dalolatnoma rasmiylashtirishda quyidagilar talab etiladi:

yer uchastkasini boʻlish natijasida hosil boʻlgan yer uchastkalari kelgusida undan ruxcat etilgan foydalanishning asosiy turlarini oʻzgartirmagan holda bino va inshootlarni loyihalashtirish va qurilish ishlarini amalga oshirish imkoni mavjud boʻlishi;

boʻlish natijasida vujudga keladigan yer uchastkalari yongʻinga qarshi, sanitariya, ekologiyaga oid, shaharsozlik hamda boshqa majburiy normalar va qoidalarni buzmagan holda yangidan tashkil etilishi;

yer uchastkasi boʻlinadigan boʻlishi;

yer uchastkalarining egalari yoki undan foydalanuvchilar mustaqil ravishda yer uchastkasiga umumiy foydalanishdagi yer uchastkasi orqali oʻtish imkoniyatidan mahrum boʻlib qolmasligi;

yer uchastkasining yangi chegaralari uning boʻlinishidan avvalgi chegaralari asosida belgilanishi, bunda yangi yer uchastkalarining maydonlari yigʻindisi hamda chegaralari avvalgi chegara va maydondan farq qilishiga yoʻl qoʻyilmasligi;

barpo etiladigan yangi massiv hududidagi birlashtirilgan yer uchastkasi boʻlinayotganda hududdagi jami koʻp yillik daraxtlar soni va yashil hududlar maydoni kamaytirilmagani.

7. Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash boʻyicha davlat xizmatlari koʻrsatish davlat xizmatlari markazlari, filiallar va tuman (shahar) qurilish va uy-joy kommunal xoʻjaligi boʻlimlari hamda ekologiya, atrof-muhitni muhofaza qilish va iqlim oʻzgarishi boshqarmalari oʻrtasidagi axborot almashinuvi elektron raqamli imzoni (keyingi oʻrinlarda — ERI) majburiy tartibda qoʻllash orqali faqat idoralararo elektron oʻzaro bogʻlanish yordamida amalga oshiriladi.

3-bob. Davlat xizmatini koʻrsatish tartibi

8. Xususiy investor (keyingi oʻrinlarda — ariza beruvchi) dalolatnoma rasmiylashtirish uchun davlat xizmatlari markaziga oʻzi kelib murojaat etadi yoki Oʻzbekiston Respublikasi Yagona interaktiv davlat xizmatlari portalida (keyingi oʻrinlarda — YIDXP) yoki Kadastr agentligining rasmiy veb-sayti “kadastr.uz” (keyingi oʻrinlarda — veb-sayt) orqali davlat xizmatidan elektron tarzda foydalanish uchun roʻyxatdan oʻtadi.

9. Ariza beruvchi oʻzi kelib murojaat etgan taqdirda, davlat xizmatlari markazi xodimi — ariza beruvchi nomidan, YIDXP yoki veb-sayt orqali murojaat etgan taqdirda esa mustaqil ravishda, ushbu Reglamentga 3-ilovaga muvofiq elektron shakldagi soʻrovnomani toʻldiradi hamda davlat xizmatidan foydalanish uchun toʻlovni amalga oshiradi.

Ariza beruvchi ixtiyoriga koʻra dalolatnoma rasmiylashtirish hamda belgilangan tartibda kadastr pasportini olish hamda koʻchmas mulkka boʻlgan huquqni davlat roʻyxatidan oʻtkazish uchun bir vaqtda (kompozit xizmat sifatida) yoki alohida murojaat qilishi mumkin. Bunda dalolatnoma kadastr pasportini rasmiylashtirish hamda koʻchmas mulkka boʻlgan huquqni davlat roʻyxatidan oʻtkazish uchun asos boʻladi.

10. Arizaga quyidagi hujjatlar ilova qilinadi:

barpo etiladigan yangi massiv hududidagi birlashtirilgan yer uchastkasida qurilishi rejalashtirilgan obyektlarning boʻlinish chegaralari koʻrsatilgan loyiha-smeta hujjatlari;

Xususiy investorning vakili ariza bergan taqdirda, soʻrovnomaga belgilangan tartibda rasmiylashtirilgan ishonchnoma ilova qilinadi.

Davlat xizmatlari markazi tomonidan ariza beruvchidan ushbu bandda koʻrsatilmagan boshqa hujjatlarni talab qilish qatʼiyan taqiqlanadi.

11. Zarur maʼlumotlar soʻrovnomaga kiritilgandan soʻng ariza beruvchi maʼlumotlarning toʻgʻriligini tekshiradi va identifikatsiya qilishning tegishli vositalari (daktiloskopiya, elektron imzo, Mobil-ID va boshqalar) bilan tasdiqlaydi.

Ariza beruvchi YIDXP yoki veb-sayt orqali murojaat etgan taqdirda, soʻrovnomani ERI bilan tasdiqlash talab etilmaydi.

12. Ariza beruvchi davlat xizmatlari markaziga kelib murojaat etganda, uning soʻrovnomasi davlat xizmatlari markazi xodimi tomonidan toʻldirilib, ariza beruvchi tomonidan tasdiqlangandan soʻng barcha hujjatlar real vaqt rejimida filialga elektron shaklda yuboriladi.

YIDXP yoki veb-sayt orqali murojaat qilinganda esa soʻrovnoma avtomatik tarzda filialga yuboriladi.

13. Dalolatnoma rasmiylashtirish uchun bazaviy hisoblash miqdorining 3 baravari miqdorida yigʻim undiriladi.

Davlat xizmati koʻrsatilishi uchun YIDXP orqali murojaat etilganda koʻrsatilgan xizmatlar uchun yigʻimlar summasining 90 foizi undiriladi.

14. Ariza beruvchi davlat xizmatidan foydalanishdan dalolatnoma imzolangunga qadar voz kechish huquqiga ega. Ariza beruvchi davlat xizmatidan foydalanishdan voz kechganda, uning soʻrovnomasi koʻrilmasdan qoldiriladi. Bunda toʻlangan yigʻim qaytarilmaydi.

15. Davlat xizmati koʻrsatilgani uchun yigʻim toʻlanganini tasdiqlash axborot-kommunikatsiya tizimlari orqali amalga oshiriladi.

16. Yigʻimlar summasi quyidagi tartibda taqsimlanadi:

a) davlat xizmatlari markazlariga oʻzi kelib murojaat etganda:

18 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga;

20 foizi — Qurilish va uy-joy kommunal xoʻjaligi vazirligi huzuridagi Qurilish sohasida axborot-kommunikatsiya texnologiyalarini rivojlantirish markazining shaxsiy hisobvaragʻiga;

10 foizi — Kadastr agentligining budjetdan tashqari jamgʻarmasining shaxsiy hisobvaragʻiga;

qolgan mablagʻlar toʻliq miqdorda Davlat kadastrlari palatasi hududiy boshqarmalarining hisobvaragʻiga oʻtkaziladi;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga;

20 foizi — Qurilish va uy-joy kommunal xoʻjaligi vazirligi huzuridagi Qurilish sohasida axborot-kommunikatsiya texnologiyalarini rivojlantirish markazining shaxsiy hisobvaragʻiga;

10 foizi — Kadastr agentligining budjetdan tashqari jamgʻarmasining shaxsiy hisobvaragʻiga;

qolgan mablagʻlar toʻliq miqdorda Davlat kadastrlari palatasi hududiy boshqarmalarining hisobvaragʻiga oʻtkaziladi;

v) veb-sayt orqali murojaat etilganda:

20 foizi — Qurilish va uy-joy kommunal xoʻjaligi vazirligi huzuridagi Qurilish sohasida axborot-kommunikatsiya texnologiyalarini rivojlantirish markazining shaxsiy hisobvaragʻiga;

10 foizi — Kadastr agentligining budjetdan tashqari jamgʻarmasining shaxsiy hisobvaragʻiga;

qolgan mablagʻlar toʻliq miqdorda Davlat kadastrlari palatasi hududiy boshqarmalarining hisobvaragʻiga oʻtkaziladi.

Toʻlovlar davlat xizmatlari koʻrsatilgani uchun toʻlangan davlat bojlari va yigʻimlar summasi hisobini yurituvchi Yagona billing tizimi orqali amalga oshiriladi.

17. Dalolatnoma obyektning murakkabligiga qarab, quyidagi muddatlarda tayyorlanadi:

umumiy maydoni 0,1 gektargacha boʻlganda — 10 ish kunigacha;

umumiy maydoni 0,1 gektardan 0,5 gektargacha boʻlganda — 15 ish kunigacha;

umumiy maydoni 0,5 gektardan 1,5 gektargacha boʻlganda — 20 ish kunigacha;

umumiy maydoni 1,5 gektardan 5 gektargacha boʻlganda — 25 ish kunigacha;

umumiy maydoni 5 gektardan ortiq boʻlganda — 30 ish kunigacha.

18. Filial soʻrovnoma kelib tushgan kundan boshlab ushbu Reglamentning 17-bandida belgilangan muddatlarda quyidagi ishlarni amalga oshiradi:

a) barpo etiladigan yangi massiv hududidagi birlashtirilgan yer uchastkasida qurilishi rejalashtirilgan obyektlarning boʻlinish chegaralari koʻrsatilgan loyiha-smeta hujjatlariga asosan hududning topografik rejasini tayyorlaydi;

b) arizada keltirilgan yer uchastkasini boʻlish va topografik rejada koʻrsatilgan chegaralarda yer uchastkalarini boʻlish imkoniyatini oʻrganadi;

v) ushbu Reglament 6-bandining beshinchi va oltinchi xatboshilarida koʻrsatilgan talablar asosida boʻlish mumkinligini koʻrib chiqadi;

g) kadastr raqami arizada koʻrsatilgan yer uchastkasining xususiy investor nomiga davlat roʻyxatidan oʻtkazilganini tekshiradi.

19. Oʻrganish natijalari ushbu Reglamentning 18-bandi talablariga toʻliq muvofiq deb topilgan taqdirda, filial dalolatnoma loyihasini shakllantiradi hamda dalolatnoma loyihasini filial boshligʻi va ijrochi oʻz ERIsi bilan imzolaydi.

Dalolatnomaga yangi hosil boʻlayotgan yer uchastkalarining chegaralari koʻrsatilgan topografik reja ilova qilinadi.

Yer uchastkalari va unga tutash hududning topografik rejasini tayyorlash uchun toʻlov summasi bir gektar yer maydoni uchun bazaviy hisoblash miqdorining besh baravari hisobidan kelib chiqib (bir kvadrat metrgacha boʻlgan aniqlikda) hisoblanadi.

Oʻrganish natijalari ushbu Reglamentning 18-bandi talablaridan biri yoki bir nechtasiga muvofiq emas deb topilgan taqdirda, filial rad etishning aniq sabablari hamda qonunchilik hujjatlari normalarini koʻrsatgan holda dalolatnoma tayyorlashni rad etadi.

20. Filial tomonidan dalolatnoma loyihasi imzolangandan soʻng dalolatnoma, topografik reja hamda topografik rejani tayyorlash uchun toʻlov miqdori qiymati koʻrsatilgan xabarnoma (invoys) davlat xizmatlari markaziga (oʻzi kelib murojaat qilgan taqdirda) yoki YIDXP yoxud veb-sayt orqali (elektron shaklda murojaat qilgan taqdirda) arizachiga elektron shaklda yuboriladi.

Dalolatnomani tayyorlash rad etilgan taqdirda, rad etish toʻgʻrisidagi xabarnoma filial boshligʻining ERIsi bilan tasdiqlangan holda davlat xizmatlari markaziga (oʻzi kelib murojaat qilgan taqdirda) yoki YIDXP yoxud veb-sayt orqali (elektron shaklda murojaat qilgan taqdirda) arizachiga yuboriladi.

21. Davlat xizmatlari markazi dalolatnoma, topografik reja hamda topografik rejani tayyorlash uchun toʻlov miqdori qiymati koʻrsatilgan xabarnoma (invoys) kelib tushgandan soʻng real vaqt rejimida bu haqda axborot-kommunikatsiya tizimi orqali ariza beruvchini xabardor qiladi.

22. Ariza beruvchi 20 ish kuni mobaynida:

topografik rejani tayyorlashning toʻlov qiymatini xabarnomada qayd etilgan miqdorda toʻlaydi.

23. Ariza beruvchi tomonidan kelishilgan dalolatnoma va unga ilova qilingan topografik reja davlat xizmatlari markazi tomonidan real vaqt rejimida, YIDXP yoki veb-sayt orqali murojaat qilinganda esa avtomatik tarzda tuman (shahar) qurilish va uy-joy kommunal xoʻjaligi boʻlimlari hamda ekologiya, atrof-muhitni muhofaza qilish va iqlim oʻzgarishi boshqarmalariga kelishish uchun yuboriladi.

24. Dalolatnoma va unga ilova qilingan topografik reja kelib tushgandan soʻng:

yetti ish kuni ichida tuman (shahar) qurilish va uy-joy kommunal xoʻjaligi boʻlimlari yer uchastkasi joylashgan manzilda yer uchastkasini ushbu Reglamentning 6-bandining ikkinchi — toʻrtinchi xatboshilarida koʻrsatilgan talablar asosida boʻlish imkoniyatini oʻrgangan holda dalolatnomani kelishadi yoki rad etishning aniq sabablarini va tegishli qonunchilik hujjatlari normalarini koʻrsatgan holda uni rad etadi;

uch ish kuni ichida ekologiya, atrof-muhitni muhofaza qilish va iqlim oʻzgarishi boshqarmalari ushbu Reglament 6-bandining yettinchi xatboshida koʻrsatilgan talablar asosida oʻrgangan holda dalolatnomani kelishadi yoki rad etishning aniq sabablarini va tegishli qonunchilik hujjatlari normalarini koʻrsatgan holda uni rad etadi.

25. Dalolatnomani kelishish yoki rad etish tegishli tashkilotlarning tuman (shahar) boʻlimi hamda tegishli viloyat boshqarmasi boshligʻining ERIsi bilan tasdiqlash orqali amalga oshiriladi.

26. Davlat xizmatlari markaziga dalolatnoma yoki dalolatnoma tayyorlashni rad etish haqida xabarnoma kelib tushgan taqdirda, markaz xabarnoma kelib tushgandan soʻng real vaqt rejimida bu haqda axborot-kommunikatsiya tizimi orqali ariza beruvchini xabardor qiladi.

Arizani koʻrib chiqish natijalari asosida QR-kod (matritsali shtrix-kod) qoʻyib berilgan elektron hujjatlar asl hujjatlarga tenglashtiriladi.

27. Quyidagilar davlat xizmati koʻrsatishni rad etish uchun asos hisoblanadi:

ushbu Reglamentning 2, 5 va 6-bandlarida nazarda tutilgan talablarga muvofiq emasligi;

soʻrovnomada notoʻgʻri maʼlumotlar koʻrsatilishi;

dalolatnoma ariza beruvchi tomonidan belgilangan muddatda imzolanmagani;

yer uchastkasining haqiqiy holati koʻchmas mulkka boʻlgan huquqlar davlat reyestridagi maʼlumotlardan farq qilishi;

davlat roʻyxatidan oʻtkazuvchi organda ushbu koʻchmas mulk obyektining mansubligi masalasida nizolar borligidan dalolat beruvchi sud hujjatlari va soʻrovnomalarining mavjudligi;

vakolatli organ tomonidan koʻchmas mulk obyektiga taqiq yoki xatlov qoʻyilgani;

arizaga ilova qilingan hujjatlar toʻliq emasligi;

davlat xizmatlarini koʻrsatish uchun yigʻimni va topografik rejani tayyorlash uchun toʻlov summasini toʻlamaslik.

Dalolatnoma ariza beruvchi tomonidan belgilangan muddatda imzolanmagan taqdirda, ariza avtomatik tarzda rad etiladi.

Davlat xizmatlarini koʻrsatishni boshqa asoslarga koʻra rad etish qatʼiyan taqiqlanadi.

28. Ariza beruvchi davlat xizmati koʻrsatilishi rad etilgan kundan boshlab oʻn ish kuni mobaynida davlat xizmati koʻrsatish uchun yigʻimni toʻlamasdan, koʻrsatilgan kamchilikni bartaraf etgan holda qayta murojaat qilish huquqiga ega.

Qayta murojaat etilganda murojaatlar ushbu Reglamentga asosan umumiy tartibda va muddatlarda koʻrib chiqiladi.

4-bob. Yakunlovchi qoidalar

29. Davlat xizmatlari markazlari, filiallar, tuman (shahar) qurilish va uy-joy kommunal xoʻjaligi boʻlimlari hamda ekologiya, atrof-muhitni muhofaza qilish va iqlim oʻzgarishi boshqarmalari oʻz faoliyatini amalga oshirishi natijasida olingan ariza beruvchi haqidagi maʼlumotlarning maxfiyligini taʼminlashi shart.

30. Xususiy investor tomonidan ushbu dalolatnomaning tasdiqlangani, keyinchalik boʻlingan yer uchastkalari va ulardagi bino inshootlarga kadastr yigʻmajildini qayta shakllantirish va koʻchmas mulkka boʻlgan huquqlarni davlat roʻyxatidan oʻtkazish uchun asos hisoblanadi.

Adliya vazirligi, uning hududiy boshqarmalari va davlat xizmatlari markazlari davlat organlari va boshqa tashkilotlarning ushbu Reglament talablari ijrosi boʻyicha faoliyatini, shu jumladan, YIDXP orqali doimiy nazorat va monitoring qilib boradi.

31. Ariza beruvchi davlat organlari va boshqa tashkilotlar xodimlarining xatti-harakatlari (harakatsizligi) yuzasidan qonunchilik hujjatlarida belgilangan tartibda shikoyat qilishi mumkin.

32. Ushbu Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash boʻyicha davlat xizmatlari koʻrsatishning maʼmuriy reglamentiga 1-ILOVA

Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash

Bosqichlar Subyektlar Tadbirlar Bajarish muddatlari 1-bosqich Ariza beruvchi 1. Dalolatnoma olish uchun davlat xizmatlari markaziga oʻzi kelib murojaat qiladi yoki Yagona interaktiv davlat xizmatlari portali yoxud Kadastr agentligining rasmiy veb-sayti orqali murojaat qiladi. 2. Davlat xizmati koʻrsatish uchun yigʻimni toʻlaydi. Xohishiga koʻra 2-bosqich 1. Davlat xizmatlari markazi. 2. YIDXP. 3. Kadastr agentligining rasmiy veb-sayti. Soʻrovnomani filialga yuboradi. Real vaqt rejimida 3-bosqich Filial 1. Barpo etiladigan yangi massiv hududidagi birlashtirilgan yer uchastkasida qurilishi rejalash-tirilgan obyektlarning boʻlinish chegaralari koʻrsatilgan loyiha-smeta hujjatlariga asosan hududning topografik rejasini tayyorlaydi. 2. Arizada keltirilgan yer uchastkasini boʻlish va topografik rejada koʻrsatilgan chegaralarda yer uchastkalarini shakllantirish imkoniyatini oʻrganadi. 3. Reglamentning 6-bandi “g” va “d” kichik bandlarida koʻrsatilgan talablar asosida boʻlish mumkinligini koʻrib chiqadi. 4. Yer uchastkasining kadastr raqami asosida mazkur yer uchastkasining investitsiya faoliyati subyekti nomiga davlat roʻyxatidan oʻtkazilganini tekshiradi. 5. Oʻrganishlar natijasida topografik reja ilova qilingan dalolatnomani tayyorlaydi yoki dalolatnoma rasmiylashtirishni rad etadi va uni davlat xizmatlari markazlariga yuboradi. Reglamentning 17-bandida belgilangan muddatlarda 4-bosqich Davlat xizmatlari markazi Dalolatnoma va topografik reja kelib tushgani haqida axborot-kommunikatsiya tizimi orqali ariza beruvchini xabardor qiladi. Real vaqt rejimida 5-bosqich Ariza beruvchi Markazga kelib identifikatsiya qilish vositalari orqali yoki YIDXP yoxud veb-sayt orqali huquq egalarining ERIsi bilan dalolatnomani kelishadi. 20 ish kuni 6-bosqich 1. Davlat xizmatlari markazi. 2. YIDXP. 3. Kadastr agentligining rasmiy veb-sayti. Dalolatnoma va unga ilova qilingan hujjatlarni kelishish uchun tuman (shahar) qurilish va uy-joy kommunal xoʻjaligi boʻlimlari hamda ekologiya, atrof-muhitni muhofaza qilish va iqlim oʻzgarishi boshqarmalariga yuboradi. Real vaqt rejimida 7-bosqich Tuman (shahar) qurilish va uy-joy kommunal xoʻjaligi boʻlimlari, ekologiya, atrof-muhitni muhofaza qilish va iqlim oʻzgarishi boshqarmalari Dalolatnoma va unga ilova qilingan hujjatlarni kelishadi yoki dalolatnoma va unga ilova qilingan hujjatlarni kelishishni rad etadi va uni davlat xizmatlari markazlariga yuboradi. Ushbu reglamentning 24-bandida belgilangan muddatlarda 8-bosqich Davlat xizmatlari markazi Dalolatnoma yoki dalolatnomani tayyorlashni rad etish haqida xabarnoma kelib tushgani haqida axborot-kommunikatsiya tizimi orqali ariza beruvchini xabardor qiladi. Real vaqt rejimida

Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash boʻyicha davlat xizmatlari koʻrsatishning maʼmuriy reglamentiga 2-ILOVA

Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash DALOLATNOMASI ________-son __________ yil Ushbu dalolatnoma, Davlat kadastrlari palatasi __________________ boshqarmasining ____________ tuman filiali, ____________ tuman (shahar) qurilish va uy-joy kommunal xoʻjaligi boʻlimi vakillari, ______________ ekologiya, atrof-muhitni muhofaza qilish va iqlim oʻzgarishi boshqarmasi vakillari va investitsiya faoliyati subyekti bilan yer uchastkasini boʻlish toʻgʻrisida tuzildi. 1. Boʻlinayotgan yer uchastkasi toʻgʻrisidagi maʼlumotlar: 1.1. Xususiy investor: ____________________ Yer uchastkasi joylashgan manzil: ______________ Yer uchastkasining kadastr raqami __________ Yer uchastkasining maydoni (m²) _____________ Yer uchastkasidan ruxsat etilgan foydalanishning asosiy turi: _________________ Yer uchastkasining alohida xususiyatlari: _______ 2. Boʻlinayotgan koʻchmas mulk tarkibi quyidagilardan iborat: 2.1. Xususiy investor: ________________________ Yer uchastkalari joylashgan manzil: _________________ Yer uchastkalarining kadastr raqamlari ______________ Yer uchastkalarining maydonlari (m²) ___________________ Yer uchastkalaridan ruxsat etilgan foydalanishning asosiy turlari: ______________________________ Yer uchastkalarining alohida xususiyatlari: __________ Xususiy investorga tegishli boʻlgan yer uchastkalarining jami maydoni (m² va %): ____________ Barpo etiladigan yangi massiv hududida koʻp kvartirali uylarga tutash yerlar va umumiy foydalanishdagi yerlarning jami maydoni (m² va %): _______ 3. Ushbu dalolatnoma, uning ajralmas qismi sifatida ilova qilingan topografik reja bilan birga haqiqiy hisoblanadi. XULOSA QISMI: Yer uchastkasiga oʻzgartirish kiritilgan koʻchmas mulk ushbu dalolatnomaning 3-bandida keltirilgan tarkibda alohida koʻchmas mulk deb hisoblanadi. tuman (shahar) filiali boshligʻi ________ __________________ (F.I.O.) tuman (shahar) qurilish va uy-joy kommunal xoʻjaligi boʻlimi boshligʻi ________ ___________________ (F.I.O.) ekologiya, atrof-muhitni muhofaza qilish va iqlim oʻzgarishi boshqarmasi boshligʻi ________ ____________________ (F.I.O.) tuman (shahar) filiali muhandisi ________ ____________________ (F.I.O.) Xususiy investor ________ ____________________ (F.I.O.) 20___ yil “____” _______ ___________ tumani (shahri).

Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash dalolatnomasiga ILOVA

Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash boʻyicha davlat xizmatlari koʻrsatishning maʼmuriy reglamentiga 3-ILOVA

_________________ ______________ (sanasi) (raqami) Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash toʻgʻrisida SOʻROVNOMA I. Ariza beruvchi — jismoniy shaxs toʻgʻrisida maʼlumot: 1. F.I.O.: 2. Pasport (ID-karta) maʼlumotlari (seriyasi va raqami, jismoniy shaxsning shaxsiy identifikatsiya raqami (mavjud boʻlsa): 3. Telefon raqami: 4. Elektron pochta manzili (mavjud boʻlsa): II. Ariza beruvchi — yuridik shaxs toʻgʻrisida maʼlumot: 1. Rasmiy nomi (toʻliq): 2. Joylashgan joyi: 3. Telefon raqami: 4. Elektron pochta manzili (mavjud boʻlsa): III. Yer uchastkalari toʻgʻrisida maʼlumot: 1. Yer uchastkasining manzili (indeks, manzil, moʻljal): 2. Yer uchastkasining kadastr raqami: 3. Yer uchastkasining maydoni (m²): 4. Yer uchastkasidan ruxsat etilgan foydalanishning asosiy turi: ” .

8. Vazirlar Mahkamasining “Notariuslar tomonidan ayrim notarial harakatlarni amalga oshirish tartibi toʻgʻrisidagi maʼmuriy reglamentlarni tasdiqlash haqida” 2020-yil 18-noyabrdagi 726-son qarorida :

a) 1-ilovada :

22-bandning yettinchi xatboshisi quyidagi tahrirda bayon etilsin:

“koʻchmas mulk yoki uning bir qismi garovga qoʻyilgan boʻlsa (garov reyestrida kreditorlarning huquqlari toʻgʻrisida yozuv mavjud boʻlsa), garovga oluvchining (kreditorning) roziligi”;

31-bandning beshinchi xatboshisidagi “Oʻzbekiston Respublikasi Davlat aktivlarini boshqarish agentligining hududiy organlaridan (Toshkent shahrida — “Toshkent shahar uy-joylarga davlat orderlari va maʼlumotnomalar berish markazi” davlat unitar korxonasidan)” soʻzlari “tuman (shahar) hokimliklaridan” soʻzlari bilan almashtirilsin;

40-bandda :

birinchi xatboshi quyidagi tahrirda bayon etilsin:

“40. Bitimni tasdiqlashda mol-mulkni boshqa shaxsga oʻtkazish taqiqlanmagani va (yoki) xatlanmagani, shuningdek, garov reyestrida mulkka nisbatan kreditorlarning huquqlari toʻgʻrisida yozuv mavjud emasligi Tizim orqali tekshiriladi. Bunda tekshirish natijasi boʻyicha olingan mulkni boshqa shaxsga oʻtkazish taqiqlanmagani yoki xatlanmagani va kreditorlarning huquqlari toʻgʻrisida yozuv mavjud emasligi haqidagi maʼlumotnoma Tizimda saqlanadi”;

quyidagi mazmundagi uchinchi xatboshi bilan toʻldirilsin:

“Garov reyestrida bitim predmeti boʻlgan mulkka nisbatan kreditorning huquqlari toʻgʻrisida yozuv mavjudligi aniqlansa, notarius murojaat qiluvchiga kreditorning roziligi olingandan keyin notarial harakatni amalga oshirish mumkinligi haqida tushuntiradi. Bunda kreditorning roziligi Tizim orqali olinadi”;

62-bandda :

ikkinchi xatboshi “taqiqlanmaganligi yoki xatlanmaganligi” soʻzlaridan keyin “shuningdek, garov reyestrida koʻchmas mulkka nisbatan kreditorlarning huquqlari toʻgʻrisida yozuv mavjud emasligi” soʻzlari bilan toʻldirilsin;

quyidagi mazmundagi uchinchi xatboshi bilan toʻldirilsin:

“Garov reyestrida bekor qilinayotgan bitim predmeti boʻlgan mulkka nisbatan kreditorning huquqlari toʻgʻrisida yozuv mavjudligi aniqlansa, notarius murojaat qiluvchiga kreditorning roziligi olingandan keyin bitimni bekor qilish mumkinligi haqida tushuntiradi. Bunda kreditorning roziligi Tizim orqali olinadi”;

uchinchi — oltinchi xatboshilar tegishlicha toʻrtinchi — yettinchi xatboshilar deb hisoblansin;

ilovaning 2-bosqichi “Tadbirlar” ustunida:

2-band “taqiq yoki xatlov” soʻzlaridan keyin “shuningdek, garov reyestrida mulkka nisbatan kreditorlarning huquqlari toʻgʻrisida yozuv” soʻzlari bilan toʻldirilsin;

3-banddagi “Oʻzbekiston Respublikasi Davlat aktivlarini boshqarish agentligining hududiy organlaridan (Toshkent shahrida — “Toshkent shahar uy-joylarga davlat orderlari va maʼlumotnomalar berish markazi” davlat unitar korxonasidan) olingan” soʻzlari “tuman (shahar) hokimliklaridan” soʻzlari bilan almashtirilsin;

b) 2-ilovada :

27-bandda :

birinchi xatboshi quyidagi tahrirda bayon etilsin:

“27. Bitimni tasdiqlashda mol-mulkni boshqa shaxsga oʻtkazish taqiqlanmagani va (yoki) xatlanmagani, shuningdek, garov reyestrida mulkka nisbatan kreditorlarning huquqlari toʻgʻrisida yozuv mavjud emasligi Tizim orqali tekshiriladi. Bunda tekshirish natijasi boʻyicha olingan mulkni boshqa shaxsga oʻtkazish taqiqlanmagani yoki xatlanmagani va kreditorlarning huquqlari toʻgʻrisida yozuv mavjud emasligi haqidagi maʼlumotnoma Tizimda saqlanadi”;

quyidagi mazmundagi uchinchi xatboshi bilan toʻldirilsin:

Notariuslar tomonidan avtomototransport vositalarini boshqa shaxsga oʻtkazish haqidagi bitimlarni tasdiqlashning maʼmuriy reglamentiga ilovaning 2-bosqichi “Tadbirlar” ustunining 2-bandi “taqiq yoki xatlov” soʻzlaridan keyin “shuningdek, garov reyestrida mulkka nisbatan kreditorlarning huquqlari toʻgʻrisida yozuv” soʻzlari bilan toʻldirilsin;

v) 3-ilovada :

19-bandning yettinchi xatboshisidagi “Oʻzbekiston Respublikasi Davlat aktivlarini boshqarish agentligining hududiy organlaridan (Toshkent shahrida — “Toshkent shahar uy-joylarga davlat orderlari va maʼlumotnomalar berish markazi” davlat unitar korxonasidan)” soʻzlari “tuman (shahar) hokimliklaridan” soʻzlari bilan almashtirilsin;

23 va 24-bandlar quyidagi tahrirda bayon etilsin:

“23. Shartnomani tasdiqlashda notarius garov (ipoteka) narsasi boshqa shaxsga oʻtkazish taqiqlanmagani va (yoki) xatlanmagani, shuningdek, garov reyestrida mulkka nisbatan kreditorlarning huquqlari toʻgʻrisida yozuv mavjud emasligi Tizim orqali tekshiriladi.

Bunda mulkni boshqa shaxsga oʻtkazish taqiqlanmagani yoki xatlanmagani va kreditorlarning huquqlari toʻgʻrisida yozuv mavjud emasligi haqidagi maʼlumotnoma Tizimda saqlanadi.

24. Agar garovga (ipotekaga) qoʻyuvchiga tegishli boʻlgan mol-mulkka nisbatan taqiq, shuningdek, garov reyestrida mulkka nisbatan kreditorlarning huquqlari toʻgʻrisida yozuv mavjud boʻlsa, shartnomani rasmiylashtirishda garovga oluvchining (kreditorning) roziligi olinadi”;

44-bandning ikkinchi xatboshisi “taqiqlanmaganligi yoki xatlanmaganligi” soʻzlaridan keyin “shuningdek, garov reyestrida koʻchmas mulkka nisbatan kreditorlarning huquqlari toʻgʻrisida yozuv mavjud emasligi” soʻzlari bilan toʻldirilsin;

ilovaning 2-bosqichi “Tadbirlar” ustunida:

2-band “taqiq yoki xatlov” soʻzlaridan keyin “shuningdek, garov reyestrida mulkka nisbatan kreditorlarning huquqlari toʻgʻrisida yozuv” soʻzlari bilan toʻldirilsin;

g) 4-ilovada :

10-bandning uchinchi xatboshisi “transport vositalariga nisbatan taqiq (xatlov)” soʻzlaridan keyin “shuningdek, garov reyestrida mulkka nisbatan kreditorlarning huquqlari toʻgʻrisida yozuv” soʻzlari bilan toʻldirilsin;

ilovaning 2-bosqichi “Tadbirlar” ustunining 2-bandi “taqiq yoki xatlov” soʻzlaridan keyin “shuningdek, garov reyestrida mulkka nisbatan kreditorlarning huquqlari toʻgʻrisida yozuv” soʻzlari bilan toʻldirilsin;

d) 5-ilovada :

31-bandning uchinchi xatboshisidan “qoʻshimcha masʼuliyatli yoki” soʻzlari chiqarib tashlansin;

34-band quyidagi tahrirda bayon etilsin:

“34. Guvohnomani rasmiylashtirishda meros mol-mulki taqiqlanmagani va (yoki) xatlanmagani, shuningdek, garov reyestrida mulkka nisbatan kreditorlarning huquqlari toʻgʻrisida yozuv mavjud emasligi Tizim orqali tekshiriladi. Bunda tekshirish natijasi boʻyicha olingan mulkni boshqa shaxsga oʻtkazish taqiqlanmagani yoki xatlanmagani va kreditorlarning huquqlari toʻgʻrisida yozuv mavjud emasligi haqidagi maʼlumotnoma Tizimda saqlanadi.

Agar meros mol-mulkiga nisbatan taqiq va xatlov qoʻyilgan, shuningdek, kreditorlarning huquqlari toʻgʻrisida yozuv mavjud boʻlsa, taqiq va xatlov hamda tegishli yozuv olib tashlanmagunga qadar guvohnomani berish toʻxtatib turiladi. Garov (ipoteka) shartnomasi asosida meros mol-mulkiga taqiq qoʻyilgan boʻlsa (garov reyestrida kreditorlarning huquqlari toʻgʻrisida yozuv mavjud boʻlsa), garovga oluvchining (kreditorning) roziligi bilan taqiq bekor qilinmagan holda merosxoʻrlarga guvohnoma berilishi mumkin”;

ilovaning 2-bosqichi “Tadbirlar” ustunining 3-bandi “taqiq yoki xatlov” soʻzlaridan keyin “shuningdek, garov reyestrida mulkka nisbatan kreditorlarning huquqlari toʻgʻrisida yozuv” soʻzlari bilan toʻldirilsin.

9. Vazirlar Mahkamasining “Oʻztoʻqimachiliksanoat” uyushmasining toʻqimachilik va tikuv-trikotaj sohasini rivojlantirish jamgʻarmasi mablagʻlarini shakllantirish va undan foydalanish tartibi toʻgʻrisidagi nizomni tasdiqlash haqida” 2021-yil 23-fevraldagi 93-son qarorida :

a) 1 , 3 va 4-bandlar oʻz kuchini yoʻqotgan deb hisoblansin;

b) ilovada :

3-band quyidagi tahrirda bayon etilsin:

“3. Jamgʻarma mablagʻlari qonunchilik hujjatlarida taqiqlanmagan manbalar hisobidan shakllantiriladi”;

26-band oʻz kuchini yoʻqotgan deb hisoblansin.

10. Vazirlar Mahkamasining “Toshkent viloyati maʼmuriy markazini qurish ishlarini jadallashtirish hamda zamonaviy ishbilarmonlik va turar-joy markazlarini tashkil etishga doir tashkiliy chora-tadbirlar toʻgʻrisida” 2021-yil 28-apreldagi 246-son qarorining 3-bandi quyidagi mazmundagi “e” kichik band bilan toʻldirilsin:

“e) “Nurafshon business city” zamonaviy ishbilarmonlik va turar-joy markazi hududidagi yer uchastkalarini elektron onlayn-auksion savdolari orqali sotishdan tushgan mablagʻlar (savdoga chiqarish va sotish xarajatlari chegirib qolingan holda) Direksiya tasarrufida qoldiriladi.

Bunda mablagʻlar muhandislik va transport kommunikatsiyalarining maydon ichki tarmoqlarini qurish, umumiy foydalaniladigan hududlarni obodonlashtirish hamda Direksiyani saqlash bilan bogʻliq xarajatlari uchun sarflanadi”.

11. Vazirlar Mahkamasining 2021-yil 4-maydagi 266-son qarori bilan tasdiqlangan Davlat aktivlarini boshqarish agentligiga davlat mulki sifatida balans qiymatida oʻtkaziladigan va keyinchalik ommaviy savdolar orqali sotiladigan obyektlar roʻyxatiga eslatmaning birinchi xatboshisidagi “elektron savdolar orqali belgilangan tartibda tadbirkorlik subyektlariga beriladi” soʻzlari “E-auksion” elektron savdo platformasi orqali jismoniy va yuridik shaxslarga qonunchilikda belgilangan tartibda realizatsiya qilinadi” soʻzlari bilan almashtirilsin.

12. Vazirlar Mahkamasining “Davlat kadastrlarini yuritish sohasini tartibga soluvchi ayrim normativ-huquqiy hujjatlarni tasdiqlash toʻgʻrisida” 2021-yil 22-iyundagi 389-son qarorida :

a) 2-ilovada 19-bandning ikkinchi xatboshisidan uchinchi jumla chiqarib tashlansin;

b) 3-ilovada :

1-band quyidagi mazmundagi ikkinchi xatboshi bilan toʻldirilsin:

“Ushbu Nizom kapital qurilish obyekti hisoblanmagan, shu jumladan, yengil konstruksiyali qurilmalarga nisbatan tatbiq etilmaydi”;

2-bandda :

quyidagi mazmundagi sakkizinchi xatboshi bilan toʻldirilsin:

“ kapital qurilish obyektlari — yer bilan uzviy bogʻliq boʻlgan va ularning belgilangan maqsadiga nomutanosib zarar yetkazmagan holda joyini oʻzgartirish mumkin boʻlmaydigan binolar, inshootlar, shuningdek, qurilishi tugallanmagan obyektlar”;

sakkizinchi — oʻn birinchi xatboshilar tegishlicha toʻqqizinchi — oʻn ikkinchi xatboshilar deb hisoblansin;

5-bandda :

uchinchi xatboshi quyidagi tahrirda bayon etilsin:

Oʻzbekiston Respublikasining “Koʻchmas mulkka boʻlgan huquqlarni davlat roʻyxatidan oʻtkazish toʻgʻrisida”gi Qonuni bilan belgilangan koʻchmas mulkka boʻlgan huquqni belgilovchi hujjatlar”;

quyidagi mazmundagi toʻrtinchi xatboshi bilan toʻldirilsin:

“yangi qurilgan, rekonstruksiya qilingan va qurilishi tugallanmagan obyektlarga tasdiqlangan loyiha hujjatlari”;

toʻrtinchi va beshinchi xatboshilar tegishlicha beshinchi va oltinchi xatboshilar deb hisoblansin;

11 va 12-bandlar quyidagi tahrirda bayon etilsin:

“11. Koʻchmas mulk obyektiga kadastr yigʻmajildini tayyorlash va kadastr pasportini rasmiylashtirishni rad etish uchun quyidagilar asos boʻladi:

soʻrovnomada notoʻgʻri maʼlumotlar koʻrsatilgani;

koʻchmas mulk obyektlariga boʻlgan huquqlarni tasdiqlovchi hujjatlar mavjud emasligi;

tuman (shahar) filialida ushbu koʻchmas mulk obyektining mansubligi masalasida nizolar borligidan dalolat beruvchi sud hujjatlarining mavjudligi;

vakolatli organ tomonidan koʻchmas mulk obyektiga taqiq yoki xatlov qoʻyilgani;

taqdim etilgan hujjatlarda notoʻgʻri, qarama-qarshi maʼlumotlar aniqlangani;

tuman (shahar) filialida ushbu yer uchastkasi qonunchilik hujjatlarida belgilangan tartibda olib qoʻyilgani haqidagi maʼlumotlarning mavjudligi;

yer uchastkasiga boʻlgan huquqlarning qonunchilik hujjatlarida nazarda tutilgan hollarda va tartibda bekor qilingani;

bino va inshootning ixtisoslashishi ular joylashgan yer uchastkasining foydalanish maqsadiga mos boʻlmagan tarzda oʻzgartirilgani.

Kadastr yigʻmajildi yoki kadastr pasportini tayyorlash rad etilganda, ushbu bandda nazarda tutilgan rad etish asoslari koʻrsatiladi.

Kadastr yigʻmajildi yoki kadastr pasportini rasmiylashtirishni ushbu bandda koʻrsatilmagan asoslar boʻyicha rad etish qatʼiyan taqiqlanadi.

12. Kadastr muhandisi yuridik va jismoniy shaxslarga kadastr yigʻmajildini tayyorlab berish boʻyicha kelishuv shartnomasiga muvofiq Davlat kadastrlari palatasining maxsus axborot tizimida ajratilgan shaxsiy kabineti orqali koʻchmas mulk obyektiga oid maʼlumotlarni kiritadi hamda mulkdor (foydalanuvchi)ning koʻchmas mulkiga oid mavjud axborotni tizimda oʻziga yuklab oladi.

Kadastr muhandisi oʻz shaxsiy kabineti orqali quyidagi maʼlumotlarni Davlat kadastrlari palatasining tuman (shahar) filialiga yuboradi:

koʻchmas mulk obyektining kadastr raqami (kadastr hujjatlariga oʻzgartirish kiritilayotganda);

mulkdor (foydalanuvchi) yuridik va jismoniy shaxsning nomi;

yuridik shaxslarda soliq toʻlovchining identifikatsiya raqami, jismoniy shaxslarda jismoniy shaxsning shaxsiy identifikatsiya raqami;

kadastr yigʻmajildini tayyorlash (qayta tayyorlash) uchun Oʻzbekiston Respublikasining “Koʻchmas mulkka boʻlgan huquqlarni davlat roʻyxatidan oʻtkazish toʻgʻrisida”gi Qonuni bilan belgilangan koʻchmas mulkka boʻlgan huquqni belgilovchi hujjatlar;

yangi qurilgan, rekonstruksiya qilingan va qurilishi tugallanmagan obyektlarga tasdiqlangan loyiha hujjatlari;

koʻchmas mulk obyektiga kadastr yigʻmajildini tayyorlash (qayta tayyorlash) boʻyicha tomonlar oʻrtasida imzolangan, shu jumladan, jismoniy shaxs tomonidan shaxsiy maʼlumotlardan foydalanishga rozilik berilgan shartnoma.

Yakka tartibdagi tadbirkor sifatida faoliyatini amalga oshiruvchi kadastr muhandislari geodeziya-kartografiya ishlari bilan shugʻullanuvchi yuridik shaxslar bilan shartnoma tuzish orqali kadastr suratiga olish ishlarini amalga oshirgan taqdirda, geodeziya-kartografiya ishlari bilan shugʻullanuvchi yuridik shaxslar bilan tuzilgan shartnoma nusxasini Davlat kadastrlari palatasining tuman (shahar) filialiga yuboradi.

Kadastr muhandisi malaka shahodatnomasining amal qilishi tugaganda, shaxsiy kabinetning ishchi funksiyalari cheklanadi”;

17-bandda :

quyidagi mazmundagi ikkinchi — sakkizinchi xatboshilar bilan toʻldirilsin:

“Kadastr rejalari yer uchastkasining maydonidan kelib chiqib quyidagi masshtablar talabida tuziladi:

12,5 gektargacha boʻlgan maydonlar — 1:500 masshtabda;

12,5 gektardan — 50 gektargacha — 1:1 000 masshtabda;

50 gektardan — 400 gektargacha — 1:2 000 masshtabda;

400 gektardan — 1 000 gektargacha — 1:5 000 masshtabda;

1 000 gektar va undan ortiq yer maydonlari — 1:10 000 masshtabda.

Bunda kadastr rejalari buyurtmachining talabidan kelib chiqib, topografik rejalar masshtablari doirasida yirikroq masshtablarda ham tuzilishi mumkin”;

ikkinchi — toʻrtinchi xatboshilar tegishlicha toʻqqizinchi — oʻn birinchi xatboshilar deb hisoblansin;

quyidagi mazmundagi 22 1 -band bilan toʻldirilsin:

“22 1 . Koʻchmas mulk obyektini hisobga olishda koʻp kvartirali uy joylashgan va unga tutash yer uchastkasi (rejasi, joylashgan obyektlar, shu jumladan, loyihada nazarda tutilgan avtoturargohlar, bolalar va sport maydonchalari, dam olish maskanlari, sayilgohlar, yoʻlaklar va koʻp kvartirali uyga xizmat koʻrsatuvchi boshqa obyektlar) maydoni hamda chegaralari boʻyicha maʼlumotlar aks ettiriladi”;

23-bandning birinchi xatboshisi quyidagi tahrirda bayon etilsin:

“23. Yer uchastkasiga boʻlgan huquqlari davlat roʻyxatidan oʻtkazilgan yer maydonining foydalanish maqsadiga mos ravishda hamda tegishli tartib asosida barpo etilgan va qurilishi tugallangan yoki tugallanmagan bino va inshootlarga kadastr yigʻmajildi tayyorlanishiga ruxsat beriladi”;

29-band quyidagi tahrirda bayon etilsin:

“29. Koʻchmas mulk obyektini hisobdan oʻtkazish natijasiga koʻra axborot tizimida bino va inshootlarning quyidagi kadastr maʼlumotlari aks ettiriladi:

binolar soni;

inshootlar soni;

asosiy xonalar soni;

binolar umumiy maydoni;

foydali (yashash) maydoni;

binoning qurilishosti maydoni;

inshootlar maydoni;

bino va inshootlarning kapitalligi;

foydalanish maqsadi;

konstruktiv turi (poydevor, devor, cherdak toʻsinlar, orayopma, tom qoplamasi, pol);

zilzilabardoshligi;

muhandislik jihozlangani (suv, oqova, elektr, gaz, issiqlik);

binoning qavatliligi;

obyekt joylashgan qavati;

binoning balandligi, m;

maydon, kv.m. (qurilishosti, umumiy, ishlab chiqarish, foydali, yashash);

qurilgan yili;

oʻzboshimchalik bilan qurilgan binolar va inshootlar;

kadastr qiymati;

bitim (shartnoma) qiymati;

maxsus inshootlar toʻgʻrisidagi maʼlumotlar;

koʻp kvartirali uylardagi turar joylar va yashash uchun moʻljallanmagan (noturar) joylar, umumiy mol-mulk (umumiy joylar) roʻyxati.

Bino va inshootlarning oʻziga xos xususiyatlarini aks ettiruvchi boshqa koʻrsatkichlar ham kiritilishi mumkin”;

31-bandning birinchi xatboshisi quyidagi tahrirda bayon etilsin:

“31. Binolar ular joylashgan yer uchastkasining foydalanish maqsadiga mos ravishda qayta ixtisoslashtirilganda, rekonstruksiya qilinganda, kadastr yigʻmajildiga tegishli oʻzgartirishlar kiritiladi”;

47-band quyidagi tahrirda bayon etilsin:

“47. Bino va inshootlarning konstruktiv qismlari, xonalar soni ular joylashgan yer uchastkasining foydalanish maqsadiga mos ravishda oʻzgartirilgan holda rekonstruksiya qilinganda, ular qaytadan texnik xatlovdan oʻtkaziladi hamda shu asosda bino va inshootlarning kadastr maʼlumotlari qaytadan tayyorlanadi”;

53-band quyidagi tahrirda bayon etilsin:

“53. Koʻchmas mulk obyektiga kadastr pasporti quyidagi hollarda rasmiylashtiriladi:

yer uchastkalari berilganda (realizatsiya qilinganda);

koʻchmas mulk obyekti boʻyicha birlamchi texnik inventarizatsiyadan oʻtkazish ishlari bajarilganda;

koʻchmas mulkni boʻlish va uning yangi chegaralarini belgilash amalga oshirilganda;

koʻchmas mulkni birlashtirish va uning yangi chegaralarini belgilash amalga oshirilganda;

yer uchastkasining maydoni yoki chegara nuqtalari oʻzgarganda;

koʻchmas mulk obyektining manzilini belgilashda yoki oʻzgartirishda;

yer uchastkasidan ruxsat etilgan foydalanish asosiy turi yoki kapital qurilish obyektining foydalanish maqsadi oʻzgarganda;

oʻz yer uchastkasida tegishli ruxsatnomalarni rasmiylashtirmasdan qurilgan bino va inshootlar mavjud boʻlganda”.

13. Vazirlar Mahkamasining “Koʻchma savdo faoliyatiga zamonaviy axborot texnologiyalarini yanada keng joriy etish hamda savdo avtomati orqali chakana savdo faoliyatini tartibga solish chora-tadbirlari toʻgʻrisida” 2021-yil 3-avgustdagi 485-son qarorida :

a) 3-bandning birinchi xatboshisidagi “muzlatgichlar hamda avtobus bekatlari uchun” soʻzlari “muzlatkichlar, avtobus bekatlari hamda elektromobillarni quvvatlantirish stansiyalari oʻrnatiladigan hududlar uchun” soʻzlari bilan almashtirilsin;

b) 1-ilovada :

20-bandning birinchi xatboshisidagi “muzlatgichlar hamda avtobus bekatlari uchun” soʻzlari “muzlatkichlar, avtobus bekatlari hamda elektromobillarni quvvatlantirish stansiyalari oʻrnatiladigan hududlar uchun” soʻzlari bilan almashtirilsin;

31-bandning oltinchi xatboshisidagi “muzlatgichlar hamda avtobus bekatlari uchun” soʻzlari “muzlatkichlar, avtobus bekatlari hamda elektromobillarni quvvatlantirish stansiyalari oʻrnatiladigan hududlar uchun” soʻzlari bilan almashtirilsin;

35-bandning sakkizinchi xatboshisidagi “muzlatgichlar hamda avtobus bekatlari uchun” soʻzlari “muzlatkichlar, avtobus bekatlari hamda elektromobillarni quvvatlantirish stansiyalari oʻrnatiladigan hududlar uchun” soʻzlari bilan almashtirilsin;

40-bandda :

quyidagi mazmundagi yettinchi xatboshi bilan toʻldirilsin:

“hududlarda elektr taʼminotining texnik holati va mavjud quvvatlardan kelib chiqib, elektromobillarni quvvatlantirish stansiyalari oʻrnatiladigan hududlarning maxsus shartlari”;

yettinchi — toʻqqizinchi xatboshilar tegishlicha sakkizinchi — oʻninchi xatboshilar deb hisoblansin;

sakkizinchi xatboshidagi “muzlatgichlar hamda avtobus bekatlari uchun” soʻzlari “muzlatkichlar, avtobus bekatlari hamda elektromobillarni quvvatlantirish stansiyalari oʻrnatiladigan hududlar uchun” soʻzlari bilan almashtirilsin;

41-bandda :

quyidagi mazmundagi beshinchi xatboshi bilan toʻldirilsin:

“Oʻzbekiston Respublikasi Energetika vazirligi hamda “Hududiy elektr tarmoqlari” AJ”;

beshinchi va oltinchi xatboshilar tegishlicha oltinchi va yettinchi xatboshilar deb hisoblansin.

14. Vazirlar Mahkamasining 2021-yil 27-avgustdagi 543-son qarori bilan tasdiqlangan Yer uchastkalarini jamoat ehtiyojlari uchun doimiy foydalanishga ajratishning maʼmuriy reglamenti 30-bandi quyidagi mazmundagi oʻninchi xatboshi bilan toʻldirilsin:

“qonunchilik hujjatlarida belgilangan asosiy shartlar asosida mazkur yer uchastkasida bino va inshootlarni loyihalashtirish, qurilishni boshlash va yakunlash hamda obyektni foydalanishga topshirish muddatlari”;

oʻninchi — oʻn ikkinchi xatboshilar tegishlicha oʻn birinchi — oʻn uchinchi xatboshilar deb hisoblansin.

15. Vazirlar Mahkamasining 2021-yil 21-sentabrdagi 592-son qarori bilan tasdiqlangan Yirik investitsiya loyihasini amalga oshirish uchun eng yaxshi taklifni tanlab olishning maʼmuriy reglamentida :

5-band quyidagi mazmundagi “j” kichik band bilan toʻldirilsin:

“j) yer uchastkasi qiymatini qonunchilik hujjatlarida belgilangan tartibda bevosita yoki boʻlib-boʻlib toʻlash yoxud talabgor tomonidan tashkil etilgan (tashkil etiladigan) xoʻjalik jamiyatining ustav fondiga davlat ulushi sifatida kiritish. Bunda yer uchastkasi qiymatini baholovchi tashkilot tomonidan aniqlanadigan bozor qiymatiga nisbatan Vazirlar Mahkamasi tomonidan belgilanadigan koeffitsiyentni bevosita toʻlash majburiyatini olgan talabgorga birinchi darajali mezon sifatida “25” ball beriladi”;

13-bandda :

oltinchi xatboshi quyidagi tahrirda bayon etilsin:

“Arizada yer uchastkasi qiymatini baholovchi tashkilot tomonidan aniqlanadigan bozor qiymatiga nisbatan Vazirlar Mahkamasi tomonidan belgilanadigan koeffitsiyentni qonunchilik hujjatlarida belgilangan tartibda bevosita yoki boʻlib-boʻlib toʻlash yoxud talabgor tomonidan tashkil etilgan (tashkil etiladigan) xoʻjalik jamiyatining ustav fondiga davlat ulushi sifatida kiritish koʻrsatiladi”;

yettinchi xatboshi chiqarib tashlansin;

sakkizinchi xatboshi yettinchi xatboshi deb hisoblansin;

46-bandning ikkinchi xatboshisi quyidagi tahrirda bayon etilsin:

“Yer uchastkasini ijaraga berish toʻgʻrisidagi Vazirlar Mahkamasining hujjati loyihasida mazkur Reglamentning 5-bandidagi yirik investitsiya loyihasi boʻyicha takliflarni baholash mezonlaridan kelib chiqib, investitsiya majburiyatlari va qishloq xoʻjaligiga moʻljallanmagan yer uchastkalarida qonunchilikda belgilangan asosiy shartlar asosida mazkur yer uchastkasida bino va inshootlarni loyihalashtirish, qurilishni boshlash va yakunlash hamda obyektni foydalanishga topshirish muddatlari koʻrsatiladi”;

50-bandning birinchi xatboshisi quyidagi tahrirda bayon etilsin:

“Davlat kadastrlari palatasining hududiy boshqarmalari Oʻzbekiston Respublikasining “Koʻchmas mulkka boʻlgan huquqlarni davlat roʻyxatidan oʻtkazish toʻgʻrisida”gi Qonuni asosida talabgor nomiga yer uchastkasiga boʻlgan ijara huquqining yer ijara shartnomasi kelib tushgan kundan boshlab ikki ish kuni ichida davlat roʻyxatidan oʻtkazilishini taʼminlaydi”;

54 va 55-bandlar oʻz kuchini yoʻqotgan deb hisoblansin;

56-banddan “kafolat” soʻzi chiqarib tashlansin;

1-ilovaning 1-bosqich “Tadbirlar” ustuni quyidagi tahrirda bayon etilsin:

“Davlat xizmatlari markazlari yoki YIDXP orqali Ishchi organga ariza va tegishli hujjatlarni yuboradi”;

2-ilova quyidagi mazmundagi 3.6-band bilan toʻldirilsin:

“ 3.6. yer uchastkasi qiymatini baholovchi tashkilot tomonidan aniqlanadigan bozor qiymatiga nisbatan Vazirlar Mahkamasi tomonidan belgilanadigan koeffitsiyentni bevosita yoki boʻlib-boʻlib toʻlash yoxud talabgor tomonidan tashkil etilgan (tashkil etiladigan) xoʻjalik jamiyatining ustav fondiga davlat ulushi sifatida kiritishga oid maʼlumot. raqamda koʻrsatiladi ”.

16. Vazirlar Mahkamasining “Yoshlarni tadbirkorlikka jalb etish va ularning biznes tashabbuslarini qoʻllab-quvvatlash boʻyicha qoʻshimcha chora-tadbirlar toʻgʻrisida” 2021-yil 21-dekabrdagi 765-son qarorida :

a) 1-banddagi “100” raqami “70” raqami bilan almashtirilsin;

b) 2-bandning “a” kichik bandi uchinchi xatboshisidagi “50” raqami “20” raqami bilan almashtirilsin;

v) 2-ilovaning uchinchi ustunidagi “100” raqami “70” raqami bilan almashtirilsin.

17. Vazirlar Mahkamasining 2022-yil 12-yanvardagi 18-son qarori bilan tasdiqlangan “E-auksion” elektron savdo platformasida elektron onlayn-auksion va tanlovlarni tashkil etish hamda oʻtkazish tartibi toʻgʻrisidagi nizomda :

quyidagi mazmundagi 6 1 -band bilan toʻldirilsin:

“6 1 . Koʻp kvartirali uy-joylar qurish uchun yer uchastkalarini ijaraga berish boʻyicha gʻolib tuman (shahar) hokimligi va operator bilan elektron shartnoma (oferta)ni ERI orqali imzolaydi hamda ushbu shartnomalar operator tomonidan roʻyxatga olib boriladi.

Bunda oferta talablarini bajarmagan auksion savdosi gʻolibidan yer uchastkasi Oʻzbekiston Respublikasi Prezidentining 2024-yil 6-sentabrdagi PF-135-son Farmoni bilan tasdiqlangan Yangi ajratilgan yer uchastkasida bino va inshootlarni loyihalashtirish, qurilishni boshlash, qurilishni yakunlash hamda obyektni foydalanishga topshirish muddatlarini belgilashning asosiy shartlariga muvofiq qaytarib olinadi va belgilangan tartibda takroran auksion savdolariga chiqariladi”;

50-band quyidagi mazmundagi uchinchi xatboshi bilan toʻldirilsin:

“Yer uchastkasiga nisbatan taqiq qoʻyilgan hollarda auksion natijalari boʻyicha imzolangan ijara shartnomasi yoki auksion natijalari boʻyicha rasmiylashtirilgan yer uchastkasiga mulk huquqini beruvchi davlat orderi taqiqni bekor qilish uchun asos hisoblanadi”.

18. Vazirlar Mahkamasining “Qishloq xoʻjaligiga moʻljallanmagan yer uchastkalarini xususiylashtirish toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2022-yil 14-fevraldagi 71-son qarorida :

a) 4-band quyidagi mazmundagi toʻrtinchi xatboshi bilan toʻldirilsin:

“Tadbirkorlik va shaharsozlik maqsadlarida elektron onlayn-auksion savdolarida realizatsiya qilingan yer uchastkalarida qurilish ishlarini boshlashdan foydalanishga topshirishgacha boʻlgan jarayonlarni monitoring qilish reglamenti 2 1 -ilovaga muvofiq”;

toʻrtinchi — oltinchi xatboshilar tegishlicha beshinchi — yettinchi xatboshilar deb hisoblansin;

b) 1-ilovada :

2-bandning uchinchi va toʻrtinchi xatboshilari quyidagi tahrirda bayon etilsin:

“ Kadastr va roʻyxatdan oʻtkazish integratsiyalashgan axborot tizimi” — Iqtisodiyot va moliya vazirligi huzuridagi Kadastr agentligining koʻchmas mulklarni hisobga olish hamda koʻchmas mulklarga boʻlgan huquqlarni davlat roʻyxatidan oʻtkazish ishlarini amalga oshirish maqsadida foydalaniladigan axborot tizimi;

ariza beruvchi — meros qilib qoldiriladigan umrbod egalik qilish huquqi, doimiy foydalanish (egalik qilish) yoki ijara huquqi oʻz nomiga davlat roʻyxatidan oʻtkazilgan qishloq xoʻjaligiga moʻljallanmagan yer uchastkasini xususiylashtirish maqsadida ariza bergan Oʻzbekiston Respublikasi fuqarosi yoki yuridik shaxsi”;

6 va 7-bandlar quyidagi tahrirda bayon etilsin:

“6. Ariza beruvchilar yoki ularning vakolatli vakillari yer uchastkalarini xususiylashtirish uchun davlat xizmatlari markazlariga oʻzlari kelgan holda murojaat qiladilar yoki davlat xizmatidan elektron shaklda foydalanish uchun YIDXPda roʻyxatdan oʻtadilar.

7. Ariza beruvchi oʻzi kelib murojaat qilganda davlat xizmatlari markazi xodimi ariza beruvchi nomidan, YIDXP orqali murojaat qilganda esa — ariza beruvchining oʻzi mustaqil ravishda ushbu Reglamentga 2 va 3-ilovalarga muvofiq shakllarda ariza toʻldiradi.

Ariza toʻldirish jarayonida:

yer uchastkasiga boʻlgan huquqning davlat roʻyxatidan oʻtkazilgani, yer uchastkasida joylashgan koʻchmas mulk obyektlariga nisbatan taqiq yoki xatlovning mavjud emasligi hamda yer uchastkasiga va unga boʻlgan huquqlarga nisbatan yakunlanmagan davlat xizmatlari mavjud emasligi Kadastr agentligining “Kadastr va roʻyxatdan oʻtkazish integratsiyalashgan axborot tizimi” orqali;

yer uchastkasida qonunchilikka muvofiq xususiylashtirilmaydigan davlat mulki obyektlari mavjud emasligi “Davlat mulki” axborot tizimi orqali;

yer uchastkasiga nisbatan tugallanmagan sud ishlarining mavjud emasligi “Adolat” axborot tizimlari kompleksi orqali;

qazilma konlari (bundan zaxiralari foydali qazilmalar zaxiralari davlat balansi hisobiga olinmagan keng tarqalgan foydali qazilmalar mustasno) boʻlgan hududlarda yer uchastkasi joylashuvi “Raqamli geologiya” tizimi orqali;

yer uchastkasi huquq egasining (jismoniy shaxs) Oʻzbekiston Respublikasi fuqaroligiga ega ekanligi “E-Fuqaro” idoralararo maʼlumotlar bazasi orqali;

yer uchastkasi huquq egasining (jismoniy shaxs) oʻlim haqidagi maʼlumotlari mavjud emasligi (ariza beruvchining vakili murojaat qilgan taqdirda) “FHDYning yagona elektron arxivi” axborot tizimi orqali;

yer uchastkasi huquq egasi (yuridik shaxs) chet el yuridik shaxsi yoki chet el investitsiyalari ishtirokidagi korxonaga mansub emasligi haqidagi maʼlumotlar “Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shugʻullanuvchi jismoniy shaxslarning markaziy maʼlumotlar bazasi”dan “Raqamli hukumat” tizimining idoralararo integratsiyalashuv platformasi orqali avtomatik ravishda tekshiriladi.

Agar xususiylashtiriladigan yer uchastkasi ulushli yoki birgalikdagi egalik qilishda (foydalanishda) boʻlsa, ariza barcha egalarning (foydalanuvchilarning) fuqarolik qonunchilik hujjatlariga muvofiq tuziladigan kelishuviga binoan, bunday kelishuvga erishilmagan taqdirda, sud qaroriga binoan ushbu Reglament talablari asosida beriladi.

Xususiylashtirilayotgan yer uchastkasida boshqa shaxslarga xususiy mulk huquqi asosida tegishli bino va inshootlar mavjud boʻlgan taqdirda, ularning mazkur yer uchastkasiga doimiy foydalanish (egalik qilish), ijara yoki meros qilib qoldiriladigan umrbod egalik qilish huquqi mavjudligi tekshiriladi”;

8-band quyidagi mazmundagi toʻrtinchi xatboshi bilan toʻldirilsin:

“yer uchastkasi ulushli yoki birgalikdagi egalik qilishda (foydalanishda) boʻlsa, ariza barcha xususiylashtirish subyekti boʻlgan huquq egalarining (foydalanuvchilarning) fuqarolik qonunchilik hujjatlariga muvofiq tuziladigan kelishuvi yoki sudning tegishli hujjati”;

9-band quyidagi mazmundagi uchinchi xatboshi bilan toʻldirilsin:

“Agarda ariza “Ijtimoiy himoya yagona reyestri” axborot tizimida roʻyxatga olingan shaxs yoki I va II guruh nogironligi boʻlgan shaxs tomonidan berilgan holda, bunday shaxslarning arizalari boʻyicha ushbu bandning birinchi va ikkinchi xatboshilarida koʻrsatilgan yigʻimdan 50 foiz miqdorida chegirma qoʻllanadi (tadbirkorlik faoliyati maqsadlarida yoki yuridik shaxslar vakili sifatida murojaat qilingan holatlar bundan mustasno)”;

uchinchi xatboshi toʻrtinchi xatboshi deb hisoblansin;

10-band quyidagi tahrirda bayon etilsin:

“10. Yigʻimlar summasi quyidagi tartibda taqsimlanadi:

a) davlat xizmatlari markazlariga oʻzi kelib murojaat etganda:

18 foizi — Adliya vazirligining Davlat xizmatlarini rivojlantirish jamgʻarmasiga;

0,5 foizi — toʻlovlarni tasdiqlash Yagona billing tizimi orqali amalga oshirilgani uchun Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

qolgan mablagʻlar teng miqdorda quyidagi tartibda oʻtkaziladi:

Iqtisodiyot va moliya vazirligi huzuridagi Kadastr agentligining Davlat kadastrlari palatasi (keyingi oʻrinlarda — Davlat kadastrlari palatasi) hududiy boshqarmalari bank hisobvaragʻiga;

Qoraqalpogʻiston Respublikasi Qurilish va uy-joy kommunal xoʻjaligi vazirligi hamda viloyatlar qurilish va uy-joy kommunal xoʻjaligi bosh boshqarmalari hamda Toshkent shahar qurilish bosh boshqarmasining bank hisobvaragʻiga;

Ekologiya, atrof-muhitni muhofaza qilish va iqlim oʻzgarishi vazirligining budjetdan tashqari jamgʻarmasiga (xavfli moddalar bilan zararlangan hamda biogen zaharlanishga duchor boʻlgan hududlarda);

b) YIDXP orqali murojaat qilinganda:

10 foizi — Adliya vazirligining Davlat xizmatlarini rivojlantirish jamgʻarmasiga;

11,75 foizi — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga (shu jumladan, 0,5 foizi yigʻim toʻlangani Yagona billing tizimi orqali tasdiqlangani uchun);

qolgan mablagʻlar teng miqdorda quyidagi tartibda oʻtkaziladi:

Davlat kadastrlari palatasi hududiy boshqarmalarining bank hisobvaragʻiga;

12 va 13-bandlar quyidagi tahrirda bayon etilsin:

“12. Oʻzi kelib murojaat etganda davlat xizmatlari markazlari ariza toʻldirilgan vaqtdan boshlab real vaqt rejimida, YIDXP orqali murojaat qilinganda ariza avtomatik ravishda “Yerxususiylashtirish” AAT orqali quyidagi vakolatli davlat organlariga kelishish uchun yuboriladi:

tuman (shahar) qurilish va uy-joy kommunal xoʻjaligi boʻlimiga;

Davlat kadastrlari palatasi tuman (shahar) filialiga;

Qoraqalpogʻiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, viloyatlar yoki Toshkent shahar ekologiya, atrof-muhitni muhofaza qilish va iqlim oʻzgarishi boshqarmalariga;

kichik va yoshlar sanoat zonalarini boshqarish boʻyicha tegishli yagona direksiyaga.

13. Tuman (shahar) qurilish va uy-joy kommunal xoʻjaligi boʻlimi besh ish kuni ichida:

arizada koʻrsatilgan yer uchastkasi joylashgan hududni (aholi punkti yoki ular orasidagi hududni) rivojlantirishni shaharsozlik jihatidan rejalashtirish toʻgʻrisidagi hamda ularni qurish haqidagi tasdiqlangan hujjatlarga yer uchastkasi joylashuvining muvofiqligini;

shaharsozlik faoliyatini amalga oshirish uchun qonunchilikda cheklovlar oʻrnatilgan hududlardan foydalanish zonalarida arizada koʻrsatilgan yer uchastkasi joylashuvini;

yer uchastkasida koʻp qavatli uylarning mavjudligini, shuningdek, yer uchastkasining koʻp qavatli uyga tutash hududda joylashganini.

Aholi punktlarining tasdiqlangan bosh rejalarida, aholi punkti qismlarini batafsil rejalashtirish loyihalarida, hududlarni kompleks rivojlantirish va qurishga doir boshqa hujjatlarda yer uchastkalarini xususiylashtirishga bevosita monelik qiladigan maʼlumotlarning mavjudligi hamda shaharsozlik faoliyatini amalga oshirish uchun qonunchilikda cheklovlar oʻrnatilgan hududlardan foydalanish zonalarida arizada koʻrsatilgan yer uchastkasi joylashuvini tuman (shahar) qurilish va uy-joy kommunal xoʻjaligi boʻlimi tomonidan yer uchastkalarini xususiylashtirishni rad etish uchun asos hisoblanadi.

Agar ariza boʻyicha xususiylashtirish uchun berilgan yer uchastkasi hududida tasdiqlangan shaharsozlik hujjatlari mavjud boʻlmagan taqdirda, tuman (shahar) qurilish va uy-joy kommunal xoʻjaligi boʻlimi ushbu bandning birinchi qismida koʻrsatilgan muddat ichida arizada koʻrsatilgan yer uchastkasi joylashgan hududda tasdiqlangan shaharsozlik hujjatlari mavjud emasligini tasdiqlovchi xulosa taqdim etadi”;

quyidagi mazmundagi 13 1 -band bilan toʻldirilsin:

“13 1 . Qoraqalpogʻiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, viloyatlar hamda Toshkent shahar ekologiya, atrof-muhitni muhofaza qilish va iqlim oʻzgarishi boshqarmalari besh ish kuni ichida xavfli moddalar bilan zararlangan hamda biogen zaharlanishga duchor boʻlgan hududlarda yer uchastkasi joylashuvini tekshiradi”;

14-band quyidagi tahrirda bayon etilsin:

“14. Davlat kadastrlari palatasi tuman (shahar) filiali ariza tushgan kundan boshlab besh ish kuni ichida quyidagilarni aniqlash maqsadida tekshiradi:

yer uchastkalari boʻyicha topografik rejaning mavjudligini;

arizada koʻrsatilgan yer uchastkasi va huquq egasi toʻgʻrisidagi maʼlumotlarning Koʻchmas mulkka boʻlgan huquqlarning davlat reyestridagi maʼlumotlarga muvofiqligini;

xususiylashtirilayotgan yer uchastkasiga boʻlgan huquq egasi haqidagi maʼlumotlarning ushbu yer uchastkasida joylashgan bino va inshootlarning mulkdori haqidagi maʼlumotlarga muvofiqligini;

yer uchastkasi joylashgan joyga chiqqan holda yer uchastkasi chegaralarini kadastr hujjatlari maʼlumotlariga mosligini;

qishloq xoʻjaligiga moʻljallangan, oʻrmon hamda suv fondlarining yerlariga kiritilmaganini.

Davlat kadastrlari palatasi tuman (shahar) filiali yer uchastkasining topografik rejasi mavjud boʻlmagan taqdirda, Vazirlar Mahkamasining 2021-yil 22-iyundagi 389-son qarori bilan tasdiqlangan Koʻchmas mulk obyektlariga kadastr yigʻmajildini tayyorlash tartibi toʻgʻrisidagi nizomning 8-bandida belgilangan muddatlarda topografik rejani tayyorlaydi.

15-bandning birinchi xatboshisi quyidagi tahrirda bayon etilsin:

“15. Arizani va unga ilova qilingan hujjatlarni koʻrib chiqish natijalari boʻyicha vakolatli davlat organlari yer uchastkasini xususiylashtirish toʻgʻrisidagi arizani ushbu reglamentning 13-14-bandlari talablari asosida kelishadi yoki uning maqsadga muvofiq emasligi toʻgʻrisida xabar beradi”;

1-ilovaning 3-bosqichi quyidagi tahrirda bayon etilsin:

“ 3-bosqich Davlat kadastrlari palatasining tuman (shahar) filiali 1. Ariza tushgan kundan boshlab aniqlash maqsadida quyidagilarni tekshiradi: arizada koʻrsatilgan yer uchastkasi va huquq egasi toʻgʻrisidagi maʼlumotlarning Koʻchmas mulkka boʻlgan huquqlarning davlat reyestridagi maʼlumotlarga muvofiqligini; xususiylashtirilayotgan yer uchastkasi huquq egasi haqidagi maʼlumotlarning ushbu yer uchastkasida joylashgan bino va inshootlarning mulkdori haqidagi maʼlumotlarga muvofiqligini; yer uchastkasi joylashgan joyga chiqqan holda yer uchastkasi chegaralari, kadastr hujjatlari bilan mosligini; qishloq xoʻjaligiga moʻljallangan, oʻrmon hamda suv fondlarining yerlariga kiritilmaganini. 2. Arizani koʻrib chiqish natijalari boʻyicha “Yerxususiylashtirish” AAT orqali kelishadi. 5 ish kuni Tuman (shahar) qurilish va uy-joy kommunal xoʻjaligi boʻlimi 1. Arizada koʻrsatilgan yer uchastkasi: joylashgan hududning (aholi punkti yoki ular orasidagi hududni) rivojlantirishni shaharsozlik jihatidan rejalashtirish toʻgʻrisidagi hamda ularni qurish haqidagi tasdiqlangan hujjatlarga yer uchastkasi joylashuvining muvofiqligini; shaharsozlik faoliyatini amalga oshirish uchun qonunchilikda cheklovlar oʻrnatilgan hududlardan foydalanish zonalarida arizada koʻrsatilgan yer uchastkasi joylashuvini; yer uchastkasida koʻp qavatli uylarning mavjudligi, shuningdek, yer uchastkasining koʻp qavatli uyga tutash hududda joylashganini koʻrib chiqadi. 2. Arizani koʻrib chiqish natijalari boʻyicha “Yerxususiylashtirish” AAT orqali kelishadi. Qoraqalpogʻiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, viloyatlar va Toshkent shahar ekologiya, atrof-muhitni muhofaza qilish va iqlim oʻzgarishi tegishli boshqarmalari 1. Xavfli moddalar bilan zararlangan va biogen zaharlanishga duchor boʻlgan hududlarda yer uchastkasi joylashuvini tekshiradi. 2. Arizani koʻrib chiqish natijalari boʻyicha “Yerxususiylashtirish” AAT orqali kelishadi. ” ;

5-ilova matni quyidagi tahrirda bayon etilsin:

“ Oʻzbekiston Respublikasi Davlat gerbi OʻZBEKISTON RESPUBLIKASI DAVLAT AKTIVLARINI BOSHQARISH AGENTLIGINING _______________________ HUDUDIY BOSHQARMASI ( hudud nomi ) YER UCHASTKASIGA MULK HUQUQINI BERUVCHI DAVLAT ORDERI № ______ Mulkdorning nomi _______________________________________________________________________ (nodavlat yuridik shaxsning nomi yoki jismoniy shaxsning F.I.O.) Mulkdorning manzili (yashash joyi) _________________________________________________________ _________________________________________________________________________________________ pasport (identifikatsiyalovchi karta) seriyasi ____ raqami _________ kim tomonidan va qachon berilgan _________________________________________________________________________________________ (jismoniy shaxslar uchun) STIR __________________________, JSHSHIR ________________________________ (jismoniy shaxslar uchun) Yer uchastkasining kadastr raqami ___________________________________________________________ _________________________________________________________________________ manzilidagi oʻziga _________________________________________________________________________________________ (doimiy foydalanish (egalik qilish), ijara yoxud meros qilib qoldiriladigan umrbod egalik qilish) huquqi asosida tegishli boʻlgan __________________________________________________ qiymatidagi (summa raqam va soʻz bilan yoziladi) umumiy _____________ kv. metr yer maydoniga mulk huquqi berildi. Ushbu order ______________________________________________________________________________ (orderni bergan davlat organining nomi) ______________________________________________________________________ga asosan berildi. (orderni berishning asosi) Order roʻyxatdan oʻtkazilgan sana _____________ QR-kod Hududiy boshqarma boshligʻi F.I.O ” ;

v) 2-ilovada :

5 1 -band quyidagi mazmundagi uchinchi va toʻrtinchi xatboshilar bilan toʻldirilsin:

“Bunda hududlar va aholi punktlarining shaharsozlik hujjatlariga muvofiq yer uchastkasi ijara huquqi asosida auksion savdolariga chiqarilishi belgilangan taqdirda, tuman (shahar) qurilish va uy-joy kommunal xoʻjaligi boʻlimi tomonidan yer uchastkasining huquq turi belgilanganidan soʻng tuman (shahar) hokimliklari tomonidan ijara muddati belgilanadi.

Tuman (shahar) hokimliklari tomonidan ijara muddati bir ish kuni ichida belgilanmagan hollarda, ushbu Nizomning 9-bandida nazarda tutilgan muddatlarda hududlar toifasidan kelib chiqqan holda “Yerelektron” AATda ijara muddati avtomatik tarzda qoʻyiladi va yer uchastkasining kelishuv jarayoni keyingi bosqichga oʻtkaziladi”;

8-bandning birinchi xatboshisi quyidagi tahrirda bayon etilsin:

“8. Oʻzbekiston Respublikasi Davlat aktivlarini boshqarish agentligining hududiy boshqarmalari yer uchastkasini auksionga chiqarishda buyurtmachi hisoblanadi, kichik sanoat, yoshlar sanoat va tadbirkorlik zonalarida joylashgan yer uchastkalari bundan mustasno”;

9-band quyidagi tahrirda bayon etilsin:

“9. Yer uchastkalarini ijaraga berish muddati Oʻzbekiston Respublikasi Prezidentining “Respublika hududlarini toifalarga ajratish va tadbirkorlikni qoʻllab-quvvatlashning tabaqalashtirilgan tizimini joriy etish chora-tadbirlari toʻgʻrisida” 2022-yil 30-dekabrdagi PF-287-son Farmonida belgilangan 1 va 2-toifadagi hududlar uchun kamida 25 yil, 3-toifa uchun kamida 20 yil, 4 va 5-toifaga kiritilgan tumanlar uchun kamida 15 yil muddat etib belgilanadi (kichik sanoat zonalari hududidagi yer uchastkalari bundan mustasno)”;

10-bandda :

quyidagi mazmundagi uchinchi xatboshi bilan toʻldirilsin:

“Bunda “Yerelektron” AATda “Yangi Oʻzbekiston” massivlarida joylashgan tijorat binolarini qurishga moʻljallangan yer uchastkasining taklifi ishlab chiqilishi jarayonida, umumiy maydonining kamida 10 foiz qismini uy-joy qurish uchun ajratilgan yer uchastkalari bilan birga chegarasi belgilanadi”;

uchinchi — toʻqqizinchi xatboshilar tegishlicha toʻrtinchi — oʻninchi xatboshilar deb hisoblansin;

15-bandning “a” kichik bandi quyidagi mazmundagi yettinchi xatboshi bilan toʻldirilsin:

“yer uchastkalariga yaqin boʻlgan yoki ushbu hududda mavjud boʻlgan tegishli hududlar va inshootlardan rejim asosida foydalanish hamda ularni ekspluatatsiya qilish obyektlari boʻyicha — ekspluatatsiya qiladigan tashkilotlarga”;

22-bandning sakkizinchi xatboshisidagi “muvofiqlashtiruvchi” soʻzidan keyin “0,5 dan 3 gacha boʻlgan kamaytiruvchi va” soʻzlari bilan toʻldirilsin;

24-bandning beshinchi xatboshisi quyidagi tahrirda bayon etilsin:

“Ijara shartnomasida shaharsozlik hujjatlariga va (yoki) yer uchastkasi tanlangan hududning (massivning) loyiha konsepsiyasiga muvofiq yer uchastkasidan foydalanish shartlari, shuningdek, qonunchilik hujjatlarida belgilangan asosiy shartlar asosida mazkur yer uchastkasida bino va inshootlarni loyihalashtirish, qurilishni boshlash va yakunlash hamda obyektni foydalanishga topshirish muddatlari koʻrsatiladi”;

25-bandda :

uchinchi xatboshi quyidagi tahrirda bayon etilsin:

“yer uchastkasining oʻziga xos raqami, joylashgan joyi va “Yerelektron” AATdagi elektron xaritadagi shakli”;

quyidagi mazmundagi oʻn beshinchi xatboshi bilan toʻldirilsin:

“kichik sanoat, yoshlar sanoat va tadbirkorlik zonalari hududidagi yer uchastkalari boʻyicha investitsiya bitimida koʻrsatilgan investitsiya miqdori va yaratiladigan ish oʻrni soni”;

oʻn beshinchi — oʻn sakkizinchi xatboshilar tegishlicha oʻn oltinchi — oʻn toʻqqizinchi xatboshilar deb hisoblansin;

27-bandda :

quyidagi mazmundagi toʻrtinchi xatboshi bilan toʻldirilsin:

“Koʻp kvartirali uy-joylar qurish uchun yer uchastkalarini ijaraga berish boʻyicha auksion savdosida qoʻshilgan qiymat soligʻini toʻlovchi yuridik shaxslarga ishtirok etishga ruxsat beriladi”;

toʻrtinchi xatboshi beshinchi xatboshi deb hisoblansin hamda quyidagi tahrirda bayon etilsin:

“Elektron onlayn-auksion savdolari orqali realizatsiya qilingan yer uchastkalarida taqiq mavjud boʻlgan taqdirda, ushbu taqiq yechilgandan soʻng majburiy tartibda undirish uchun yuborilmagan maʼmuriy jarimalarni toʻlash majburiyati mahalliy hokimlik zimmasida qoladi”;

28-bandda :

uchinchi xatboshi quyidagi tahrirda bayon etilsin:

“Ijara shartnomasi taraflar tomonidan imzolangandan soʻng avtomatik ravishda Davlat kadastrlari palatasining hududiy boshqarmasiga hamda Oʻzbekiston Respublikasi Bosh prokuraturasi huzuridagi Majburiy ijro byurosiga (keyingi oʻrinlarda — Majburiy ijro byurosi) tegishli axborot tizimi orqali yuboriladi”;

quyidagi mazmundagi toʻrtinchi xatboshi bilan toʻldirilsin:

“Yer uchastkasiga nisbatan taqiq qoʻyilgan hollarda auksion natijalari boʻyicha imzolangan ijara shartnomasi Majburiy ijro byurosi va Davlat kadastrlari palatasining hududiy boshqarmasi uchun taqiqni bekor qilish uchun asos hisoblanadi”;

toʻrtinchi xatboshi beshinchi xatboshi deb hisoblansin;

31-bandning ikkinchi xatboshisidagi “toʻlash rad etilsa va (yoki) toʻlov oʻz vaqtida amalga oshirilmasa” soʻzlaridan keyin “, shu jumladan, auksion gʻolibi hamda tuman (shahar) hokimligi oʻrtasida tuzilgan koʻp kvartirali uy-joylar qurish uchun ijaraga berish boʻyicha auksion savdolari ofertasi talablari bajarilmaganda” soʻzlari bilan toʻldirilsin;

32-bandda :

birinchi xatboshi “shaxsiy kabinetiga” soʻzlaridan keyin “, Majburiy ijro byurosiga” soʻzlari bilan toʻldirilsin;

quyidagi mazmundagi uchinchi xatboshi bilan toʻldirilsin:

“Yer uchastkasiga nisbatan taqiq qoʻyilgan hollarda auksion natijalari boʻyicha rasmiylashtirilgan yer uchastkasiga mulk huquqini beruvchi davlat orderi Majburiy ijro byurosi va Davlat kadastrlari palatasining hududiy boshqarmasi uchun taqiqni bekor qilish uchun asos hisoblanadi”;

41-band quyidagi tahrirda bayon etilsin:

“41. Jismoniy va yuridik shaxslarga KSYOSTZ hududidagi yer uchastkalari ularning bosh rejasiga muvofiq elektron onlayn-auksion savdolari orqali realizatsiya qilinadi. Bunda:

yer uchastkalarini bosh rejada nazarda tutilgan lotlar asosida auksionga chiqarish boʻyicha takliflar investitsiya bitimi bilan birga kichik va yoshlar sanoat zonalarini boshqarish boʻyicha yagona direksiya (keyingi oʻrinlarda — direksiya) tomonidan “Yerelektron” AATga kiritiladi;

yer uchastkasi yer uchastkalarini tanlash materiallarini kelishish, xulosalar olish va maʼlumotlar taqdim etish uchun mazkur nizomning 15-bandida nazarda tutilgan tashkilotlarga yuborish talab etilmaydi;

KSYOSTZ hududidan faqat infratuzilma bilan taʼminlangan yer uchastkalari elektron onlayn-auksion savdolariga chiqariladi;

direksiya KSYOSTZ hududidagi yer uchastkalarini auksionga chiqarishda buyurtmachi hisoblanadi;

ijara shartnomasi tuman (shahar) hokimligi va auksion gʻolibi oʻrtasida, investitsiya bitimi direksiya va auksion gʻolibi oʻrtasida elektron imzolanadi.

Bunda ijara shartnomasida direksiya bilan auksion gʻolibi oʻrtasida investitsiya majburiyatlari bajarilishi toʻgʻrisida bitim imzolash majburiyati yuklanadi”;

quyidagi mazmundagi 41 1 -band bilan toʻldirilsin:

“41 1 . Olis va choʻl hududlarda joylashgan yoshlar sanoat va tadbirkorlik zonalari hududidagi boʻsh yer uchastkalari “1 soʻm” boshlangʻich qiymatda elektron onlayn-auksion savdolariga chiqariladi.

Bunda auksion qadami va zakalat miqdori investitsiya miqdoridan kelib chiqqan holda Vazirlar Mahkamasining 2022-yil 12-yanvardagi 18-son qarori bilan tasdiqlangan “E-auksion” elektron savdo platformasida elektron onlayn-auksion va tanlovlarni tashkil etish hamda oʻtkazish tartibi toʻgʻrisidagi nizomga muvofiq belgilanadi”;

2-ilovada :

1.2-band chiqarib tashlansin;

III boʻlim quyidagi tahrirda bayon etilsin:

“ III. Yer uchastkasini berish va undan foydalanish tartibi 3.1. Yer uchastkasidan foydalanishga ruxsat etilgan asosiy turiga muvofiq foydalanish shart. 3.2. Ijaraga oluvchi qonunchilikda belgilangan tartibda yer uchastkalaridan ruxsat etilgan foydalanishning asosiy turini oʻzgartirish huquqi ega. 3.3. Yer uchastkasini berish va foydalanishning boshqa shartlari: “___________________________________________________________________________________________________________________________________________________ (davlat-xususiy sheriklik loyihalarini amalga oshirish uchun berilgan, ijtimoiy sheriklik toʻgʻrisidagi kelishuvlar va shartnomalarni amalga oshirish uchun berilgan, jamoat ehtiyojlari uchun berilgan) ____________________________________________________________________________________________________________________________________________________”

g) quyidagi mazmundagi 2 1 -ilova bilan toʻldirilsin:

“Vazirlar Mahkamasining 2022-yil 14-fevraldagi 71-son qaroriga 2 1 -ILOVA

Tadbirkorlik va shaharsozlik maqsadlarida elektron onlayn-auksion savdolarida realizatsiya qilingan yer uchastkalarida qurilish ishlarini boshlashdan foydalanishga topshirishgacha boʻlgan jarayonlarni monitoring qilish

1-bob. Umumiy qoidalar

1. Ushbu Reglament tadbirkorlik va shaharsozlik maqsadlarida elektron onlayn-auksion savdolarida realizatsiya qilingan yer uchastkalarida qurilish ishlarini boshlashdan foydalanishga topshirishgacha boʻlgan jarayonlarni monitoring qilish tartibini belgilaydi.

2. Ushbu Reglament tadbirkorlik va shaharsozlik maqsadlarida elektron onlayn-auksion savdolarida realizatsiya qilingan yer uchastkalarida qurilish ishlarini boshlashdan foydalanishga topshirishgacha boʻlgan jarayonlarda ishtirok etadigan respublika va mahalliy ijro etuvchi hokimiyat organlari hamda boshqa tashkilotlarga, shuningdek, loyihalarning amalga oshirilishini monitoring qilish vazifasini bajaruvchi davlat organlariga nisbatan tatbiq etiladi.

3. Ushbu Reglamentda quyidagi asosiy tushunchalar qoʻllanadi:

investitsiya loyihalari — tadbirkorlik va shaharsozlik maqsadlarida elektron onlayn-auksion savdolarida realizatsiya qilinib, iqtisodiy aylanmaga toʻliq kiritilmagan yer uchastkalarida amalga oshiriladigan loyihalar;

iqtisodiy aylanmaga toʻliq kiritilmagan yer uchastkalari — tadbirkorlik va shaharsozlik maqsadlarida elektron onlayn-auksion savdolarida realizatsiya qilinib, rejalashtirilgan investitsiya loyihalari amalga oshirilmagan yer uchastkalari;

kompleks tarmoq jadvali — loyihani amalga oshirish doirasida parametrlarining oʻzaro bogʻliqligi hisobga olingan holda, chora-tadbirlar ketma-ketligi va muddatlarini belgilaydigan hujjat;

tegishli tashkilotlar — kommunikatsiya va infratuzilmaga ulanish bilan bogʻliq korxonalar (elektr, gaz, aloqa, yoʻl), tijorat banklari, qurilish nazorati inspeksiyasi va boshqalar.

4. Loyiha tashabbuskorlari va davlat organlarining tadbirkorlik va shaharsozlik maqsadlarida elektron onlayn-auksion savdolarida realizatsiya qilingan yer uchastkalarida qurilish ishlarini boshlashdan foydalanishga topshirishgacha boʻlgan jarayonlarning “Onlayn mahalla” elektron platformasidagi (keyingi oʻrinlarda — elektron platforma) hamkorligi ushbu Reglamentga ilovadagi sxema boʻyicha tashkil etiladi.

2-bob. Yer uchastkalarini iqtisodiy aylanmaga kiritish jarayonlarini monitoring qilish tizimining maqsadi

5. Yer uchastkalarini iqtisodiy aylanmaga kiritish jarayonlarini monitoring qilishdan quyidagilar maqsad qilingan:

tadbirkorlik va shaharsozlik maqsadlarida elektron onlayn-auksion savdolarida realizatsiya qilingan yer uchastkalarining iqtisodiy aylanmaga kiritilishini jadallashtirish orqali yerdan foydalanish samaradorligini oshirish;

investitsiya loyihalarida qurilish ishlarini boshlash, moliyaviy qoʻllab-quvvatlash, infratuzilma tarmoqlariga ulash, ruxsat berish hujjatlarini rasmiylashtirish, qurilish ishlarini yakunlash, mulkka tegishli huquqni davlat roʻyxatidan oʻtkazish bilan bogʻliq barcha bosqichlardagi muammoli masalalarni tezkor hal qilish orqali tadbirkorlarga koʻmaklashish;

investitsiya loyihalarini ishga tushirish bilan bogʻliq muammolarning tegishliligi yuzasidan respublika, viloyat va tuman (shahar) darajasidagi masʼul korxona va tashkilotlarga yoʻnaltirish orqali yechimini jadallashtirish;

ijara huquqi bilan ajratilib, belgilangan muddatlarda foydalanilmagan, tadbirkorlik va shaharsozlik faoliyati amalga oshirilmagan yer uchastkalari roʻyxatini shakllantirish.

3-bob. Elektron platformada kompleks tarmoq jadvalini ishlab chiqish va monitoring qilish tartibi

6. Oʻzbekiston Respublikasi Kambagʻallikni qisqartirish va bandlik vazirligi:

tadbirkorlik va shaharsozlik maqsadlarida elektron onlayn-auksion savdolarida realizatsiya qilingan yer uchastkalarida qurilish ishlarini boshlashdan foydalanishga topshirishgacha boʻlgan jarayonlarni monitoring qilish, onlayn rejimda kuzatish imkoniyatini yaratish maqsadida elektron platformada qoʻshimcha modullar kiritadi;

2018-yildan boshlab elektron onlayn-auksion savdolarida realizatsiya qilinib, iqtisodiy aylanmaga kiritilmagan yer uchastkalarini mahallalar kesimida elektron platformadagi mavjud modulga joylashtiradi;

elektron onlayn-auksion savdolarida realizatsiya qilinadigan yer uchastkalari toʻgʻrisidagi maʼlumotlar mahallalar kesimida elektron platformada real vaqt rejimida berib borilishini taʼminlash maqsadida tegishli idoralarning platformalari bilan integratsiya qiladi;

elektron platformaga kiritiladigan investitsiya loyihalarining maʼlumotlar bazasini doimiy boshqarishni (ularning hisobini yuritish, nazorat qilish, ularga oʻzgartirishlar hamda qoʻshimchalarni tasdiqlash yoki rad etish) taʼminlaydi.

7. Mahallalardagi hokim yordamchilari:

elektron onlayn-auksion savdolari orqali realizatsiya qilinib, iqtisodiy aylanmaga toʻliq kiritilmagan yer uchastkalarini har oyda xatlovdan oʻtkazadi;

xatlov natijalari asosida yer uchastkalarida amalga oshiriladigan investitsiya loyihalarining manzilli roʻyxatini shakllantiradi va loyiha tashabbuskori bilan birgalikda kompleks tarmoq jadvalini ishlab chiqadi;

tuman (shahar) kambagʻallikni qisqartirish va bandlikka koʻmaklashish boʻlimining masʼul xodimi bilan birgalikda loyiha maʼlumotlarini bir ish kuni mobaynida koʻrib chiqib, nomuvofiqliklar va xatoliklar aniqlanganda, qayta ishlashga yuboradi yoki kelishish uchun tegishli tashkilotlarga kiritadi;

kompleks tarmoq jadvalida investitsiya loyihalarida qurilish ishlarini boshlash, moliyaviy qoʻllab-quvvatlash, infratuzilma tarmoqlariga ulash, ruxsat berish hujjatlarini rasmiylashtirish, qurilish ishlarini yakunlash, mulkka tegishli huquqni davlat roʻyxatidan oʻtkazish bilan bogʻliq barcha bosqichlarning aniq muddatlarini belgilaydi va tasdiqlash uchun ikki hafta muddatda tuman (shahar) hokimligiga kiritadi.

8. Elektron platformada loyihaning kompleks tarmoq jadvali yaratilib, tegishli tashkilotlar bilan kelishilgandan keyin bir ish kuni mobaynida hujjat tuman (shahar) hokimi tomonidan tasdiqlanadi va nazorat uchun Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari hamda Kambagʻallikni qisqartirish va bandlik vazirligiga yuboriladi.

Bunda kelishuv jarayoni elektron platforma orqali amalga oshiriladi.

9. Investitsiya loyihasini amalga oshirish kompleks tarmoq jadvali tasdiqlangan kundan boshlanadi va har oyda ikki marotaba hokim yordamchilari tomonidan joyiga chiqqan holda monitoring qilinib, natijalari elektron platformaga kiritiladi.

Bunda loyihani ishga tushirish bilan bogʻliq muammolarni batafsil kiritib, tegishliligi yuzasidan respublika, viloyat va tuman (shahar) darajasidagi masʼul korxona va tashkilotlarga yoʻnaltiradi.

10. Tuman (shahar) hokimlarining birinchi va qurilish boʻyicha oʻrinbosarlari, shuningdek, mahallalardagi hokim yordamchilarining eng muhim samaradorlik koʻrsatkichlarini baholash mezonlariga yer uchastkalarini iqtisodiy aylanmaga kiritish darajasi boʻyicha alohida koʻrsatkich kiritiladi.

Bunda:

tuman (shahar) va mahalla hududida (baholanayotgan chorakda) tadbirkorlik faoliyati uchun auksionda realizatsiya qilingan yer uchastkalari soni va maydoni;

realizatsiya qilingan, lekin iqtisodiy aylanmaga toʻliq kiritilmagan, qurilish ishlari boshlanmagan yer uchastkalari tashabbuskorlarida loyihani amalga oshirish bilan bogʻliq yuzaga kelgan muammolarni bartaraf etish yoki muammolarni koʻrib chiqib, hal qilish yuzasidan viloyat yoki respublika tashkilotlariga taklif kiritish darajasi;

iqtisodiy aylanmaga kiritilmagan yer uchastkalarida qurilish ishlarini yakunlab, foydalanishga topshirilganlik darajasi (holati) inobatga olinadi.

4-bob. Foydalanilmagan yer uchastkalarini davlat zaxirasiga qaytarish boʻyicha taklif kiritish

11. Hokim yordamchilari elektron onlayn-auksion savdolari orqali ijara huquqi bilan ajratilib, belgilangan muddatlarda foydalanilmagan yer uchastkalari roʻyxatini Oʻzbekiston Respublikasining Yer kodeksi 36 va 38-moddalarida nazarda tutilgan tartiblar asosida tuman (shahar) hokimliklarining davlat zaxirasiga qaytarish boʻyicha taklif kiritadi.

12. Tuman (shahar) hokimliklari har oyda bir marta yer tanlash (realizatsiya qilish) komissiyasi bilan birgalikda belgilangan muddatlarda yer uchastkalarida investitsiya loyihasini amalga oshirmagan tadbirkorlik subyektlari bilan uchrashib, faoliyatini tiklash, qurilish ishlarini boshlash yuzasidan mavjud muammolarni oʻrganadi va bartaraf qilish boʻyicha chora-tadbirlarni belgilaydi.

Investitsiya loyihasini amalga oshirish imkoniyati boʻlmagan yer uchastkalarini belgilangan tartibda davlat zaxirasiga qaytarish boʻyicha sudga daʼvo arizasini kiritadi.

Sud tomonidan yer uchastkasiga boʻlgan huquq bekor qilinganda, mazkur yer uchastkasi zaxira yerlar toifasiga oʻtkazilmaydi hamda tuman (shahar) hokimliklarining tasarrufidagi boʻsh turgan yerlar sifatida hisobga olinadi.

Tuman (shahar) hokimliklarining tasarrufidagi boʻsh turgan yerlar oʻn besh kun muddatda tuman (shahar) hokimining qarori asosida davlat yer kadastrida hisobga olinadi hamda ushbu yerlarni boshqa yuridik va jismoniy shaxslarga berish (realizatsiya qilish) boʻyicha qayta auksion savdolariga chiqariladi.

5-bob. Loyihalarni amalga oshirish jarayonida yuzaga kelgan muammolarni bartaraf qilish tartibi

13. Tuman (shahar) hokimliklari investitsiya loyihalarini amalga oshirish jarayonida yuzaga kelayotgan muammoli masalalarni tadbirkorlik subyektlari kesimida har haftada bir marotaba muhokama qilib boradi.

Tuman (shahar) hokimliklari darajasida hal qilish imkoniyati boʻlmagan muammoli masalalar tegishliligi boʻyicha viloyat va respublika darajasida hal qilish uchun kiritiladi.

14. Oʻzbekiston Respublikasi Kambagʻallikni qisqartirish va bandlik vazirligi Iqtisodiyot va moliya vazirligi, Qoraqalpogʻiston Respublikasi Vazirlar Kengashi, viloyatlar hamda Toshkent shahri hokimliklari, tegishli vazirlik va idoralar bilan birgalikda investitsiya loyihalarini amalga oshirish jarayonida yuzaga kelayotgan muammoli masalalarni tadbirkorlik subyektlari kesimida har oyda muhokama qilib, tegishliligi boʻyicha masalalarni hal qilish choralarini koʻradi.

6-bob. Yakunlovchi qoida

15. Ushbu Reglament talablarining buzilishida aybdor boʻlgan shaxslar qonunchilikda belgilangan tartibda javob beradilar.

Bosqich Ishtirokchilar Tadbirlar Bajarish muddati 1-bosqich Kambagʻallikni qisqartirish va bandlik vazirligi 1. Tadbirkorlik va shaharsozlik maqsadlarida elektron onlayn-auksion savdolarida realizatsiya qilingan yer uchastkalarida qurilish ishlarini boshlashdan foydalanishga topshirishgacha boʻlgan jarayonlarni monitoring qilish, onlayn rejimida kuzatish imkoniyatini yaratish maqsadida “Onlayn mahalla” elektron platformasiga (keyingi oʻrinlarda — elektron platforma) qoʻshimcha modullar kiritadi. 2. 2018-yildan boshlab elektron onlayn-auksion savdolarida realizatsiya qilinib, iqtisodiy aylanmaga kiritilmagan yer uchastkalarini mahallalar kesimida elektron platformada mavjud modulga joylashtiradi. 3. Kelgusida elektron onlayn-auksion savdolarida realizatsiya qilinadigan yer uchastkalari toʻgʻrisidagi maʼlumotlarning mahallalar kesimida elektron platformada real vaqt rejimida berib borilishini taʼminlash maqsadida tegishli idoralarning platformalari bilan integratsiya qiladi. 4. Elektron platformaga kiritiladigan investitsiya loyihalarining maʼlumotlar bazasini boshqarishni (ularning hisobini yuritish va nazorat qilish, ularga oʻzgartirishlar hamda qoʻshimchalarni tasdiqlash yoki rad etish) taʼminlaydi. Doimiy 2-bosqich Mahallalardagi hokim yordamchilari 1. Elektron platformada mavjud modulga joylashtirilgan elektron onlayn-auksion savdolari orqali realizatsiya qilinib, iqtisodiy aylanmaga toʻliq kiritilmagan yer uchastkalarini xatlovdan oʻtkazadi. Har oyda 2. Yer uchastkalarida amalga oshiriladigan investitsiya loyihalarining manzilli roʻyxatini shakllantiradi va loyiha tashabbuskori bilan birgalikda kompleks tarmoq jadvalini ishlab chiqadi. Har oyda 3. Loyiha maʼlumotlarini koʻrib chiqib, nomuvofiqliklar va xatoliklar aniqlanganda qayta ishlashga yuboradi yoki kelishish uchun tegishli tashkilotlarga kiritadi. Bir ish kuni mobaynida 4. Kompleks tarmoq jadvalida investitsiya loyihalarida qurilish ishlarini boshlash, moliyaviy qoʻllab-quvvatlash, infratuzilma tarmoqlariga ulash, ruxsat berish hujjatlarini rasmiylashtirish, qurilish ishlarini yakunlash, mulkka tegishli huquqni davlat roʻyxatidan oʻtkazish bilan bogʻliq barcha bosqichlarning aniq muddatlarini belgilaydi va tasdiqlash uchun kiritadi. Xatlov yakunlangandan soʻng ikki hafta muddatda 3-bosqich Tuman (shahar) hokimlari 1. Elektron platformada loyihaning kompleks tarmoq jadvali yaratilib, tegishli tashkilotlar bilan kelishilgandan keyin hujjat tuman (shahar) hokimi tomonidan tasdiqlanadi. 2. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari hamda Kambagʻallikni qisqartirish va bandlik vazirligiga nazorat uchun yuboriladi. Bir kun muddatda 4-bosqich Hokim yordamchilari 1. Investitsiya loyihasining kompleks tarmoq jadvali tasdiqlangan kundan boshlab joyiga chiqqan holda monitoring qiladi, natijalarni elektron platformaga kiritadi. 2. Loyihani ishga tushirish bilan bogʻliq muammolarni batafsil kiritib, tegishliligi yuzasidan respublika, viloyat va tuman (shahar) darajasidagi masʼul korxona va tashkilotlarga yoʻnaltiradi. Loyiha ishga tushganga qadar har oyda ikki marotaba 3. Elektron onlayn-auksion savdolari orqali ijara huquqi bilan ajratilib, ikki yil davomida foydalanilmagan yer uchastkalarini Oʻzbekiston Respublikasining Yer kodeksi 36 va 38-moddalarida nazarda tutilgan tartiblar asosida davlat zaxirasiga qaytarish boʻyicha tuman (shahar) hokimliklariga taklif kiritadi. Doimiy 5-bosqich Tuman (shahar) hokimlari Belgilangan muddatlarda yer uchastkalarida investitsiya loyihasini amalga oshirmagan tadbirkorlik subyektlari bilan uchrashib, faoliyatini tiklash yoki belgilangan tartibda sudga daʼvo arizasini kiritish choralarini koʻradi. Har oyda bir marta 6-bosqich Kambagʻallikni qisqartirish va bandlik vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari Qurilish ishlari yakunlanib, binoga egalik huquqi davlat roʻyxatidan oʻtkazilgan yer uchastkasi elektron platformada amalga oshirilgan loyihalar moduliga oʻtkaziladi va mazkur yer uchastkasi tuman hokimi va hokim yordamchisi nazoratidan yechiladi. Doimiy 7-bosqich Kambagʻallikni qisqartirish va bandlik vazirligi, Iqtisodiyot va moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, tegishli vazirlik va idoralar, tuman (shahar) hokimliklari Investitsiya loyihalarini amalga oshirish jarayonida yuzaga kelayotgan muammoli masalalarni tadbirkorlik subyektlari kesimida muhokama qilib, tegishliligi boʻyicha masalalarni hal qilish choralarini koʻradi. Har oyda ” .

d) 4-ilova quyidagi mazmundagi 10 1 — 10 5 -bandlar bilan toʻldirilsin:

“10 1 . Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi va uning hududiy boʻlinmalari;

10 2 . Oʻzbekiston Respublikasi Togʻ-kon sanoati va geologiya vazirligi;

10 3 . Oʻzbekiston Respublikasi Ichki ishlar vazirligi va uning hududiy boʻlinmalari;

10 4 . Oʻzbekiston Respublikasi Oliy Sudi va uning hududiy boʻlinmalari;

10 5 . Oʻzbekiston Respublikasi Investitsiyalar, sanoat va savdo vazirligi hamda kichik va yoshlar sanoat zonalarini boshqarish boʻyicha yagona direksiyalari”.

19. Vazirlar Mahkamasining “Davlat yer va kadastr nazoratini amalga oshirish tartibi hamda davlat geodeziya nazoratini amalga oshirish tartibi toʻgʻrisidagi nizomlarni tasdiqlash haqida” 2022-yil 14-apreldagi 183-son qarorida :

a) 1-bandda :

“a” kichik bandning ikkinchi — beshinchi xatboshilari quyidagi tahrirda bayon etilsin:

“davlat yer nazoratini mahalliy davlat hokimiyati organlari va maxsus vakolatli davlat organlari (Iqtisodiyot va moliya vazirligi huzuridagi Kadastr agentligi, Vazirlar Mahkamasi huzuridagi Agrosanoat majmui ustidan nazorat qilish inspeksiyasi, Ekologiya, atrof-muhitni muhofaza qilish va iqlim oʻzgarishi vazirligi) tomonidan amalga oshirish tartibi;

davlat kadastr nazoratini Iqtisodiyot va moliya vazirligi huzuridagi Kadastr agentligi tomonidan amalga oshirish tartibi;

davlat yer va kadastr nazoratini amalga oshiruvchi maxsus vakolatli davlat organlarining vazifa va funksiyalari, ushbu organlar mansabdor shaxslari tarkibi, nazorat tadbirlari ishtirokchilari, ularning huquqlari va majburiyatlari, davlat yer va kadastr nazoratini tashkil etish va oʻtkazish tartibi;

yerga oid huquqbuzarliklarni aniqlashda jamoatchilik nazoratini amalga oshirish va jamoatchilik nazorati subyektlarini bazaviy hisoblash miqdorining bir baravari (jarima miqdoridan oshmagan) miqdoridagi pul mukofoti bilan ragʻbatlantirish tartibi”;

“b” kichik bandning ikkinchi xatboshisidagi “Davlat soliq qoʻmitasi” soʻzlari “Iqtisodiyot va moliya vazirligi” soʻzlari bilan almashtirilsin;

b) 1-ilovada :

2-bandda :

ikkinchi va uchinchi xatboshilardagi “davlat boshqaruvi organlari” soʻzlari “respublika ijro etuvchi hokimiyat organlari” soʻzlari bilan almashtirilsin;

quyidagi mazmundagi beshinchi va oltinchi xatboshilar bilan toʻldirilsin:

“ elektron grafik imzo (keyingi oʻrinlarda — EGI) — elektron hujjatni zamonaviy axborot-kommunikatsiya texnologiyalaridan foydalangan holda planshet yoki kompyuterga oʻrnatilgan texnik qurilmalar yordamida tasdiqlaydigan elektron hujjatdagi shaxs tomonidan qoʻlda (yozma ravishda) amalga oshiriladigan grafikli imzo;

elektron raqamli imzo (keyingi oʻrinlarda — ERI) — elektron hujjatdagi mazkur elektron hujjat axborotini elektron raqamli imzoning yopiq kalitidan foydalangan holda maxsus oʻzgarishlar natijasida hosil qilingan hamda elektron raqamli imzoning ochiq kaliti yordamida elektron hujjatdagi axborotda xatolik mavjud emasligini aniqlash va elektron raqamli imzo kalitining egasini identifikatsiya qilish imkonini beradigan imzo”;

beshinchi — yettinchi xatboshilar tegishlicha yettinchi — toʻqqizinchi xatboshilar deb hisoblansin;

yettinchi xatboshi quyidagi tahrirda bayon etilsin:

“ oʻzboshimchalik bilan egallab olingan yer uchastkasi — fuqarolar, yakka tartibdagi tadbirkorlar va rezident boʻlgan yuridik shaxslar tomonidan yer uchastkasiga boʻlgan huquqlarni belgilovchi hujjatlarsiz, shu jumladan, bunday hujjatlar yoʻqolgan yoki toʻliq rasmiylashtirilmagan holda egallab kelinayotgan yoki ortiqcha egallangan yer uchastkasi”;

4-banddagi “davlat boshqaruvi organlari” soʻzlari “respublika ijro etuvchi hokimiyat organlari” soʻzlari bilan almashtirilsin;

8-band quyidagi tahrirda bayon etilsin:

“8. Quyidagilar davlat yer nazorati boʻyicha maxsus vakolatli davlat organlari hisoblanadi:

Iqtisodiyot va moliya vazirligi huzuridagi Kadastr agentligi (keyingi oʻrinlarda — Kadastr agentligi) va uning hududiy organlari — yer toifasidan qatʼi nazar, barcha turdagi yer uchastkalariga boʻlgan huquqlarni davlat roʻyxatidan oʻtkazmaslik holatlarini, yer uchastkalarining oʻzboshimchalik bilan egallab olinishi va ushbu yer uchastkalarida oʻzboshimchalik bilan imorat qurilishini aniqlash, yer uchastkasi chegaralarini oʻzboshimchalik bilan oʻzgartirishga yoʻl qoʻymaslik choralarini koʻrish, yer uchastkasidan maqsadli foydalanishi ustidan davlat nazoratini amalga oshirish boʻyicha;

Vazirlar Mahkamasi huzuridagi Agrosanoat majmui ustidan nazorat qilish inspeksiyasi (keyingi oʻrinlarda — Oʻzagroinspeksiya) va uning hududiy organlari — qishloq xoʻjaligiga moʻljallangan yerlardan foydalanishni tashkil etish va muhofaza qilish sohasida samarali davlat nazoratini amalga oshirish boʻyicha;

Ekologiya, atrof-muhitni muhofaza qilish va iqlim oʻzgarishi vazirligi (keyingi oʻrinlarda — Ekologiya vazirligi) va uning hududiy organlari — yerlarning ishlab chiqarish chiqindilari va boshqa chiqindilar, kimyoviy va radioaktiv moddalar, oqova suvlar bilan ifloslanishi, tabiatni muhofaza qilish, sogʻlomlashtirish, rekreatsiya maqsadidagi yerlardan, suv fondi yerlaridan foydalanish va ularni muhofaza qilish ustidan davlat nazoratini amalga oshirish boʻyicha”;

12-banddagi “Qishloq xoʻjaligi vazirligi” soʻzlari “Oʻzagroinspeksiya” soʻzi bilan almashtirilsin;

13-banddagi “Davlat ekologiya qoʻmitasi” soʻzlari “Ekologiya vazirligi” soʻzlari bilan almashtirilsin;

15 va 16-bandlar quyidagi tahrirda bayon etilsin:

“15. Oʻzagroinspeksiya va Qoraqalpogʻiston Respublikasi Agrosanoat majmui ustidan nazorat qilish inspeksiyasi, viloyatlar boshqarmalari va tumanlar (Quvasoy shahar) boʻlimlarining mansabdor shaxslari qishloq xoʻjaligi yerlaridan foydalanish va uni muhofaza qilish ustidan davlat nazoratini amalga oshiruvchi mansabdor shaxslar hisoblanadi.

16. Ekologiya vazirligi va Qoraqalpogʻiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, viloyatlar va Toshkent shahar Ekologiya, atrof-muhitni muhofaza qilish va iqlim oʻzgarishi boshqarmalari bosh davlat inspektorlari va ularning oʻrinbosarlari, katta davlat inspektorlari va davlat inspektorlari oʻz vakolatlariga muvofiq Ekologiya vazirligi organlarining yerlarni muhofaza qilish ustidan davlat nazoratini amalga oshiruvchi mansabdor shaxslari hisoblanadi”;

17-banddagi “davlat boshqaruvi organlari” soʻzlari “respublika ijro etuvchi hokimiyat organlari” soʻzlari bilan almashtirilsin;

19-bandning uchinchi va toʻrtinchi xatboshilardagi “davlat boshqaruvi organlari” soʻzlari “respublika ijro etuvchi hokimiyat organlari” soʻzlari bilan almashtirilsin;

24-band quyidagi tahrirda bayon etilsin:

“24. Davlat yer nazorati maxsus vakolatli davlat organi rahbarining (rahbar oʻrinbosarining) “E-YERNAZORAT” AATda elektron tarzda shakllantirilib, tasdiqlangan buyrugʻiga asosan oʻn ish kunidan koʻp boʻlmagan muddatda amalga oshiriladi.

Davlat yer nazoratini amalga oshirish toʻgʻrisidagi buyruqda yuridik shaxsning nomi yoki jismoniy shaxsning familiyasi, ismi, otasining ismi, nazorat amalga oshiriladigan yer uchastkasi joylashgan manzil, nazoratni amalga oshiruvchi mansabdor shaxslarning familiyasi, ismi, otasining ismi hamda lavozimi, nazoratni amalga oshirish muddati va maqsadlari koʻrsatiladi, ushbu bandning uchinchi xatboshisi bundan mustasno.

Yer uchastkalarini oʻzboshimchalik bilan egallab olish, ushbu yer uchastkalarida oʻzboshimchalik bilan imorat qurish bilan bogʻliq davlat yer nazoratini amalga oshirish toʻgʻrisidagi buyruqda yuridik va jismoniy shaxslarning nomi koʻrsatilmaydi.

Davlat yer nazoratini amalga oshirish toʻgʻrisidagi buyruqqa nazorat obyektining WGS-84 koordinatalar tizimidagi geolokatsiyasi ilova qilinishi lozim”;

29-band quyidagi tahrirda bayon etilsin:

“29. Hujjatlarni olib qoʻyish toʻgʻrisida maxsus vakolatli davlat organining mansabdor shaxsi tomonidan bayonnoma tuziladi, unda quyidagilar koʻrsatiladi:

bayonnoma tuzilgan vaqti va joyi;

bayonnomani tuzgan shaxsning lavozimi, familiyasi, ismi, otasining ismi;

hujjatlari olib qoʻyilgan shaxs toʻgʻrisidagi maʼlumotlar (yuridik shaxs nomi, uning mansabdor shaxsi yoki hujjatlarni olib qoʻyishda ishtirok etgan vakili yoxud jismoniy shaxsning familiyasi, ismi, otasining ismi, manzili va shu kabilar);

hujjatlarni olib qoʻyishda ishtirok etgan shaxslar toʻgʻrisidagi maʼlumotlar, agar ular boʻlsa;

olib qoʻyilayotgan hujjatning nomi (mazmuni), sanasi, raqami, uni qabul qilgan (rasmiylashtirgan) organ, tashkilot nomi hamda hujjatning varaqlari soni.

Hujjatlarni olib qoʻyish toʻgʻrisidagi bayonnoma planshet yoki kompyuter yordamida “E-YERNAZORAT” AAT orqali elektron tarzda rasmiylashtiriladi.

Ushbu bayonnoma yuridik shaxsning mansabdor shaxsi yoki uning vakili yoxud jismoniy shaxs tomonidan imzolarni identifikatsiya qilishning tegishli vositalari (daktiloskopiya (barmoq izi), yoki EGI) bilan tasdiqlangandan soʻng bayonnoma ushbu shaxslarga elektron aloqa vositasi yoki pochta xizmati orqali yuboriladi.

Yuridik shaxsning mansabdor shaxsi yoki uning vakili yoxud jismoniy shaxs hujjatlarni olib qoʻyish toʻgʻrisidagi bayonnomani imzolashdan bosh tortgan hollarda, bu haqida bayonnomaga tegishli yozuv kiritiladi va bayonnoma ushbu shaxslarga elektron aloqa vositasi yoki pochta xizmati orqali yuboriladi”;

31-bandda :

birinchi xatboshi quyidagi tahrirda bayon etilsin:

“Maxsus vakolatli davlat organining mansabdor shaxslari tomonidan davlat yer nazorati natijalari boʻyicha quyidagilar koʻrsatilgan holda “E-YERNAZORAT” AATda elektron tarzda dalolatnoma tuziladi”;

toʻqqizinchi xatboshi quyidagi tahrirda bayon etilsin:

“Ushbu dalolatnoma yuridik shaxsning mansabdor shaxsi yoki uning vakili yoxud jismoniy shaxs tomonidan imzolarni identifikatsiya qilishning tegishli vositalari (daktiloskopiya (barmoq izi) yoki EGI) bilan tasdiqlagandan soʻng dalolatnoma ushbu shaxslarga elektron aloqa vositalari va pochta xizmati orqali yuboriladi”;

32-band quyidagi tahrirda bayon etilsin:

“32. Yuridik shaxsning mansabdor shaxsi yoki uning vakili yoxud jismoniy shaxs dalolatnomani imzolashdan bosh tortgan hollarda, bu haqida dalolatnomaga tegishli yozuv kiritiladi va dalolatnoma ushbu shaxslarga uch ish kunidan kechiktirmasdan elektron aloqa vositalari hamda pochta xizmati orqali yuboriladi”;

40-bandning birinchi va ikkinchi xatboshilaridagi “davlat boshqaruvi organlari” soʻzlari “respublika ijro etuvchi hokimiyat organlari” soʻzlari bilan almashtirilsin;

44-bandning uchinchi xatboshisidagi “oʻn foizi” soʻzlari “bir baravari (jarima miqdoridan oshmagan)” soʻzlari bilan almashtirilsin;

53-band quyidagi tahrirda bayon etilsin:

“53. Yer uchastkalaridan maqsadsiz foydalanish va oʻzboshimchalik bilan egallangan yer maydonida noqonuniy qurilgan imoratlarni bartaraf etish toʻgʻrisidagi Kadastr agentligi organlarining koʻrsatmasi jismoniy va yuridik shaxslar tomonidan oʻn besh kun muddatda ixtiyoriy ravishda bajarilgan taqdirda, maxsus vakolatli davlat organining mansabdor shaxslari tomonidan oʻzboshimchalik bilan egallangan yer maydonida noqonuniy qurilgan imoratlar bartaraf etilganini qayd etish toʻgʻrisida elektron shakldagi dalolatnoma “E-YERNAZORAT” AAT orqali rasmiylashtirilib, maxsus vakolatli davlat organining mansabdor shaxslari tomonidan ERI bilan tasdiqlanadi.

Mazkur koʻrsatmalar bajarilmagan taqdirda, Kadastr agentligi organlari Oʻzbekiston Respublikasining Yer kodeksi 36-moddasiga muvofiq ushbu yer uchastkalariga boʻlgan huquqni bekor qilish hamda noqonuniy qurilgan imoratlarni bartaraf etish (buzib tashlash) yuzasidan toʻgʻridan toʻgʻri sudga murojaat qilishga haqli”;

1-ilovaning 5-bosqichidagi “Tadbirlar” ustunidagi matn quyidagi tahrirda bayon etilsin:

“Yuridik shaxsning mansabdor shaxsi yoki uning vakili yoxud jismoniy shaxs dalolatnomani olishdan bosh tortganda, dalolatnomaga tegishli yozuv kiritadi va dalolatnomani yuridik yoki jismoniy shaxsga elektron aloqa vositasi yoki pochta xizmati orqali yuboradi”;

2-ilovaning 2-bosqichidagi “Tadbirlar” ustunidagi matn quyidagi tahrirda bayon etilsin:

“Kelib tushgan huquqbuzarlik holatlari qayd etilgan arizalar va shikoyatlarni koʻrib chiqadi”;

v) 2-ilovaning 2-bandi toʻrtinchi xatboshidagi “Davlat soliq qoʻmitasi” soʻzlari “Iqtisodiyot va moliya vazirligi” soʻzlari bilan almashtirilsin.

20. Vazirlar Mahkamasining “Qurilish sohasiga oid yagona maʼmuriy qurilish reglamentlarini tasdiqlash toʻgʻrisida” 2022-yil 20-apreldagi 200-son qarorida :

a) 2-ilovada :

18-bandning oʻn uchinchi xatboshisi “qoʻshimcha bino va inshootlarni qurish rejalashtirilayotgan oʻz hududida koʻp yillik daraxtlar mavjud boʻlgan taqdirda qurish uchun ekologiya organlarining tegishli ijobiy xulosasi” soʻzlaridan keyin “hamda tuproqning unumdor qatlamini aniqlash yuzasidan Qishloq xoʻjaligi vazirligining Tuproqshunoslik va agrokimyoviy tadqiqotlar institutidan xulosa mavjudligi” soʻzlari qoʻshilsin;

19-bandda :

quyidagi mazmundagi oltinchi xatboshi bilan toʻldirilsin:

“bino va inshoot ular joylashgan yer uchastkasining foydalanish maqsadiga mos ravishda joylashmagani”;

oltinchi — oʻn uchinchi xatboshilar tegishlicha yettinchi — oʻn toʻrtinchi xatboshilar deb hisoblansin.

b) 3-ilovada :

9-band quyidagi mazmundagi beshinchi va oltinchi xatboshilar bilan toʻldirilsin:

“koʻchmas mulkni birlashtirish va uning yangi chegaralarini belgilash dalolatnomasi;

qishloq xoʻjaligiga moʻljallangan sugʻorilmaydigan yerlarda yer uchastkasidan ruxsat etilgan foydalanishning asosiy turiga mos boʻlgan obyektlarni joylashtirishni (qurishni) nazarda tutuvchi ichki xoʻjalik yer tuzish loyihasi”;

beshinchi — yettinchi xatboshilar tegishlicha yettinchi — toʻqqizinchi deb hisoblansin;

4-ilova quyidagi mazmundagi 13 2 -pozitsiya bilan toʻldirilsin:

“ 13 2 . Tuproqni muhofaza qilish va undan oqilona foydalanish talablari Loyihalashtirishda tuproqni muhofaza qilish va undan oqilona foydalanishga qoʻyilgan talablarga amal qilish. ”;

v) 4-ilovada :

9-band “Davlat xizmatlari markazlari, Kengashlar, vakolatli organlar, tuman (shahar) qurilish boʻlimlari, hududiy ekologiya, atrof-muhitni muhofaza qilish va iqlim oʻzgarishi organlari, sanitariya-epidemiologiya xizmatining tuman (shahar) boʻlimlari, tuman (shahar) favqulodda vaziyatlar boʻlimlari, Oʻzkomnazorat inspeksiyasi” soʻzlaridan keyin “hamda Tuproqshunoslik va agrokimyoviy tadqiqotlar instituti” soʻzlari qoʻshilsin.

21. Vazirlar Mahkamasining 2022-yil 1-iyundagi 290-son qarori bilan tasdiqlangan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining tadbirkorlik infratuzilmasini rivojlantirish jamgʻarmalari mablagʻlarini shakllantirish va ulardan foydalanish tartibi toʻgʻrisidagi nizom quyidagi mazmundagi 31 1 -band bilan toʻldirilsin:

“31 1 . Yangi massiv hududlarini shaharsozlik jihatidan rejalashtirish ishlariga loyiha tashkilotlarini jalb qilish boʻyicha xarajatlarning 30 foizigacha qismi jamgʻarmalar mablagʻlari hisobidan qoplab beriladi”.

22. Vazirlar Mahkamasining “Idoralararo elektron hamkorlik tizimi va maʼlumotlarning axborot almashinuvini yanada takomillashtirish chora-tadbirlari toʻgʻrisida” 2022-yil 20-sentabrdagi 516-son qarorining 4-bandi “v” kichik bandi yettinchi xatboshisi quyidagi mazmundagi yettinchi-sakkizinchi xatboshilari bilan almashtirilsin:

“kadastr organlarining axborot tizimlari va resurslarida mavjud boʻlgan maʼlumotlarning uchinchi shaxslarga taqdim etilishi boʻyicha toʻlovlarning Vazirlar Mahkamasining “Koʻchmas mulkka boʻlgan huquqlarning hisobini yuritishda shaffoflikni taʼminlash, shuningdek, kadastr sohasidagi ayrim maʼmuriy tartib-taomillarni takomillashtirish chora-tadbirlari toʻgʻrisida” 2022-yil 18-oktabrdagi 610-son qaroriga asosan “Kompyuterlashtirish, geoaxborot texnologiyalarini joriy etish va rivojlantirish markazi” DUK va “Raqamli hukumat loyihalarini boshqarish markazi” davlat muassasasi oʻrtasida tuziladigan shartnomaga muvofiq davlat muassasasi ixtiyorida qoladigan qismi ushbu kichik bandda belgilangan tartibda taqsimlanadi;

soliq organlarining axborot tizimlari va resurslarida mavjud boʻlgan maʼlumotlarning uchinchi shaxslarga taqdim etilishi boʻyicha toʻlovlarning Vazirlar Mahkamasining “Uchinchi shaxslarga soliq toʻlovchilar toʻgʻrisidagi maʼlumotlarni taqdim etish chora-tadbirlari haqida” 2021-yil 19-avgustdagi 529-son qaroriga asosan xususiy sherik va “Raqamli hukumat loyihalarini boshqarish markazi” davlat muassasasi oʻrtasida tuziladigan shartnomaga muvofiq davlat muassasasi ixtiyorida qoladigan qismi ushbu kichik bandda belgilangan tartibda taqsimlanadi”.

23. Vazirlar Mahkamasining 2023-yil 7-iyuldagi 279-son qarori bilan tasdiqlangan “20 ming tadbirkor — 500 ming malakali mutaxassis” dasturini amalga oshirish tartibi toʻgʻrisidagi nizomda :

33-band “yerga boʻlgan huquqlarni” soʻzlaridan keyin “(Toshkent shahrida joylashgan yer uchastkalari bundan mustasno)” soʻzlari bilan toʻldirilsin;

34-bandning birinchi xatboshisi “muddatlarda amalga oshiriladi” soʻzlaridan keyin “(Toshkent shahrida joylashgan yer uchastkalari bundan mustasno)” soʻzlari bilan toʻldirilsin.

Vazirlar Mahkamasining 2025-yil 3-sentabrdagi 559-son qaroriga 3-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari

1. Vazirlar Mahkamasining “Hududlarning davlat kadastrini yuritish tartibi toʻgʻrisidagi nizomni tasdiqlash haqida” 2014-yil 14-avgustdagi 231-son qarori .

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasi Madaniyat vazirligi faoliyatini tashkil etish toʻgʻrisida” 2017-yil 15-fevraldagi PQ-2778-son qarori)” 2017-yil 11-maydagi 270-son qaroriga 1-ilovaning 55-bandi .

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzi qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Yoʻl xoʻjaligini boshqarish tizimini yanada takomillashtirish chora-tadbirlari toʻgʻrisida” 2017-yil 14-fevraldagi PF-4954-son Farmoni)” 2017-yil 7-iyuldagi 472-son qaroriga 1-ilovaning 8-bandi .

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Favqulodda vaziyatlarning oldini olish va ularni bartaraf etish tizimi samaradorligini tubdan oshirish chora-tadbirlari toʻgʻrisida” 2017-yil 1-iyundagi PF-5066-son Farmoni)” 2017-yil 18-avgustdagi 644-son qaroriga 1-ilovaning 12-bandi .

5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Ekologiya va atrof-muhitni muhofaza qilish sohasida davlat boshqaruvi tizimini takomillashtirish toʻgʻrisida” 2017-yil 21-apreldagi PF-5024-son Farmoni va Oʻzbekiston Respublikasi Prezidentining “Oʻzbekiston Respublikasi Ekologiya va atrof-muhitni muhofaza qilish davlat qoʻmitasi faoliyatini taʼminlash chora-tadbirlari toʻgʻrisida” 2017-yil 21-apreldagi PQ-2915-son qarori)” 2017-yil 14-noyabrdagi 915-son qaroriga 1-ilovaning 56-bandi .

6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Qishloq va suv xoʻjaligi davlat boshqaruvi tizimini tubdan takomillashtirish chora-tadbirlari toʻgʻrisida” 2018-yil 17-apreldagi PF-5418-son Farmoni, Oʻzbekiston Respublikasi Prezidentining “Oʻzbekiston Respublikasi Qishloq xoʻjaligi vazirligi faoliyatini tashkil etish chora-tadbirlari toʻgʻrisida” 2018-yil 17-apreldagi PQ-3671-son qarori, “Oʻzbekiston Respublikasi Suv xoʻjaligi vazirligi faoliyatini tashkil etish chora-tadbirlari toʻgʻrisida” 2018-yil 17-apreldagi PQ-3672-son qarori)” 2018-yil 7-dekabrdagi 995-son qaroriga 1-ilovaning 81-bandi .

7. Vazirlar Mahkamasining “Oʻzbekiston Respublikasi Suv xoʻjaligi vazirligi huzuridagi Katta va alohida muhim suv xoʻjaligi obyektlarining texnik holatini hamda bexatar ishlashini nazorat qilish davlat inspeksiyasi toʻgʻrisida nizomni tasdiqlash haqida” 2019-yil 12-martdagi 215-son qaroriga 2-ilovaning 5-bandi .

8. Vazirlar Mahkamasining “Qurilish sohasida davlat boshqaruvi tizimining tubdan takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, baʼzilarini oʻz kuchini yoʻqotgan deb hisoblash toʻgʻrisida” 2019-yil 14-iyundagi 498-son qaroriga 1-ilovaning 29-bandi .

9. Vazirlar Mahkamasining “Oʻzbekiston Respublikasi Gidrometeorologiya xizmati markazi faoliyatini tashkil etish toʻgʻrisida” 2021-yil 10-apreldagi 200-son qaroriga 3-ilovaning 5-bandi .

10. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Normativ-huquqiy hujjatlar toʻgʻrisida” 2021-yil 20-apreldagi OʻRQ-682-son Qonuni)” 2022-yil 4-apreldagi 153-son qaroriga ilovaning 343-bandi .

11. Vazirlar Mahkamasining “Toʻqimachilik va tikuv-trikotaj korxonalarida chuqur qayta ishlash va yuqori qoʻshilgan qiymatli tayyor mahsulotlar ishlab chiqarishni hamda ularning eksportini moliyaviy qoʻllab-quvvatlashni yanada kengaytirish chora-tadbirlari toʻgʻrisida” 2022-yil 30-sentabrdagi 556-son qarori 2-bandi hamda unga 4-ilovaning 3-bandi “a” va “b” kichik bandlari .

12. Vazirlar Mahkamasining “Oʻzbekiston Respublikasi Suv xoʻjaligi vazirligi huzuridagi Suv xoʻjaligi obyektlari xavfsizligini va suvdan foydalanishni nazorat qilish inspeksiyasi faoliyatini tartibga soluvchi ayrim normativ-huquqiy hujjatlarni tasdiqlash toʻgʻrisida” 2023-yil 27-sentabrdagi 500-son qaroriga 5-ilovaning 5-bandi .

Oʻzbekiston Respublikasining Bosh vaziri A. ARIPOV

Toshkent sh.,

2025-yil 3-sentabr,

559-son

(Qonunchilik maʼlumotlari milliy bazasi, 04.09.2025-y., 09/25/559/0802-son; 25.12.2025-y., 09/25/821/1211-son)

lex.uz