📅 2025-yil 4-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 4 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 4 сентября 2025 г. · Указы Президента
Официальный текст. Официальный документ. Редакционные примечания не включены.
📅 4 September 2025 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Қишлоқ хўжалиги соҳасида қўшилган қиймат солиғини ҳисоблашнинг соддалаштирилган тартибини жорий этиш чора-тадбирлари тўғрисида
Ўзбекистон Республикаси Президентининг тадбиркорлар билан V очиқ мулоқоти доирасида белгиланган устувор вазифалар ижросини бажариш, шунингдек, аҳолини сифатли озиқ-овқат маҳсулотлари билан таъминлаш, қишлоқ хўжалиги соҳасини қўллаб-қувватлаш орқали соҳада норасмий товар айланмасини қисқартириш мақсадида қарор қиламан:
I. Асосий мақсад
1. Ушбу Фармонни қабул қилишдан кўзланган асосий мақсад этиб 2026-2027 йилларда қишлоқ хўжалиги соҳасида расмий товар айланмасини камида 3 баравар ошириш белгилансин.
II. Қишлоқ хўжалиги товар ишлаб чиқарувчилари учун солиқ тизимини соддалаштириш
2. 2026 йил 1 январдан бошлаб қишлоқ хўжалиги товар ишлаб чиқарувчилари томонидан етиштирилган қишлоқ хўжалиги маҳсулотлари (бундан пахта ва ғалла мустасно) реализацияси учун қўшилган қиймат солиғининг «ноль» ставкаси жорий қилинсин.
3. Шундай тартиб ўрнатилсинки, унга мувофиқ 2026 йил 1 январдан:
(а) қўшилган қиймат солиғининг «ноль» ставкаси қўлланиладиган қишлоқ хўжалиги маҳсулотлари рўйхати (кейинги ўринларда — Рўйхат) Қишлоқ хўжалиги вазирлиги ва Солиқ қўмитаси томонидан тасдиқланади ва уларнинг расмий веб-сайтларида эълон қилинади;
(б) Рўйхатга киритилган маҳсулотларни етиштириш учун харид қилинган товарлар (хизматлар) бўйича тўланган қўшилган қиймат солиғи суммасини қоплаш (қайтариш) тартиби амал қилади;
(в) қишлоқ хўжалиги товар ишлаб чиқарувчиларига (бундан пахта ва ғалла мустасно) қўшилган қиймат солиғи суммаси ўрнини қоплаш (қайтариш) 3 кун муддатда автоматлаштирилган тарзда амалга оширилади.
4. Солиқ қўмитаси (Ш. Кудбиев) 2026 йил 1 январдан Халқаро валюта жамғармаси экспертлари билан биргаликда ишлаб чиқилган товарларни айнан битта етказиб бериш занжири бўйича қўшилган қиймат солиғи суммасини ҳисобга олишда электрон ҳисобварақ-фактураларни хавф даражасига қараб реал вақт режимида автоматлаштирилган тарзда таҳлил қилиш тизимини жорий қилсин. Бунда юқори хавф даражасига эга электрон ҳисобварақ-фактуралар бўйича:
(а) уларнинг улуши ҳисобот даврида расмийлаштирилган жами электрон ҳисобварақ-фактуралар сонининг 10 фоизидан ошмаслиги;
(б) қўшилган қиймат солиғи суммаси сотувчи (етказиб берувчи) ёки харидор (буюртмачи) томонидан бюджетга тўлиқ тўлангандан кейин ҳисобга олиниши назарда тутилсин.
5. Космик тадқиқотлар ва технологиялар агентлиги (Ш. Кадиров) 2026 йил 1 январдан бошлаб «Space Gov Monitoring» марказлашган ягона платформасини Солиқ қўмитасининг ахборот тизимларига интеграция қилиш орқали давлат космик мониторинги доирасида қишлоқ хўжалиги ерларида ҳақиқатда экин экилган майдонлар бўйича маълумотларни мунтазам равишда тақдим этиб бориш амалиётини йўлга қўйсин.
III. Фармон ижросини ташкил этиш, таъминлаш ва назорат
6. Бош вазир ўринбосари Ж. Қўчқоров:
(а) 2025 йил 1 декабрга қадар қишлоқ хўжалиги маҳсулотлари реализацияси учун қўшилган қиймат солиғининг «ноль» ставкаси жорий қилиниши муносабати билан қишлоқ хўжалиги соҳасига берилган субсидиялар ва бошқа қўллаб-қувватлаш чораларини мақбуллаштириш бўйича қарор лойиҳасини киритсин;
(б) Қишлоқ хўжалиги вазирлиги (И. Абдураҳмонов), Солиқ қўмитаси (Ш. Кудбиев), Савдо-саноат палатаси (Д. Вахабов) билан биргаликда бир ҳафта муддатда режа-график тасдиқлаган ҳолда, 2027 йил 1 январга қадар қишлоқ хўжалиги маҳсулотларига қўшилган қиймат солиғининг «ноль» ставкасини қўллаш ҳамда электрон ҳисобварақ-фактураларнинг хавф даражасини баҳолаш тизими бўйича жойларда тушунтириш ишларини олиб борсин, тадбиркорлик субъектларига юзага келаётган масалалар бўйича амалий ёрдам кўрсатсин.
7. Иқтисодиёт ва молия вазирлиги (А. Хайдаров) Солиқ қўмитаси (Ш. Кудбиев) билан биргаликда бир ой муддатда мазкур Фармондан келиб чиқиб, Солиқ кодексига ўзгартириш ва қўшимчалар киритишни назарда тутувчи қонун лойиҳасини Вазирлар Маҳкамасига киритсин.
8. Солиқ қўмитаси (Ш. Кудбиев) Иқтисодиёт ва молия вазирлиги (А. Хайдаров) билан биргаликда бир ой муддатда электрон ҳисобварақ-фактураларни хавф даражасига қараб реал вақт режимида автоматлаштирилган тарзда таҳлил қилиш ҳамда юқори хавф даражасига эга электрон ҳисобварақ-фактуралар бўйича қўшилган қиймат солиғи суммаси бюджетга тўлиқ тўлангандан кейин ҳисобга олиш тартибини Вазирлар Маҳкамасига тасдиқлаш учун киритсин.
9. Мазкур Фармоннинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров ҳамда Солиқ қўмитаси раиси Ш.Д. Кудбиев белгилансин.
10. Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 4 сентябрь,
ПФ-153-сон
Oʻzbekiston Respublikasi Prezidentining
Farmoni
Qishloq xoʻjaligi sohasida qoʻshilgan qiymat soligʻini hisoblashning soddalashtirilgan tartibini joriy etish chora-tadbirlari toʻgʻrisida
Oʻzbekiston Respublikasi Prezidentining tadbirkorlar bilan V ochiq muloqoti doirasida belgilangan ustuvor vazifalar ijrosini bajarish, shuningdek, aholini sifatli oziq-ovqat mahsulotlari bilan taʼminlash, qishloq xoʻjaligi sohasini qoʻllab-quvvatlash orqali sohada norasmiy tovar aylanmasini qisqartirish maqsadida qaror qilaman:
I. Asosiy maqsad
1. Ushbu Farmonni qabul qilishdan koʻzlangan asosiy maqsad etib 2026-2027-yillarda qishloq xoʻjaligi sohasida rasmiy tovar aylanmasini kamida 3 baravar oshirish belgilansin.
II. Qishloq xoʻjaligi tovar ishlab chiqaruvchilari uchun soliq tizimini soddalashtirish
2. 2026-yil 1-yanvardan boshlab qishloq xoʻjaligi tovar ishlab chiqaruvchilari tomonidan yetishtirilgan qishloq xoʻjaligi mahsulotlari (bundan paxta va gʻalla mustasno) realizatsiyasi uchun qoʻshilgan qiymat soligʻining “nol” stavkasi joriy qilinsin.
3. Shunday tartib oʻrnatilsinki, unga muvofiq 2026-yil 1-yanvardan:
(a) qoʻshilgan qiymat soligʻining “nol” stavkasi qoʻllaniladigan qishloq xoʻjaligi mahsulotlari roʻyxati (keyingi oʻrinlarda — Roʻyxat) Qishloq xoʻjaligi vazirligi va Soliq qoʻmitasi tomonidan tasdiqlanadi va ularning rasmiy veb-saytlarida eʼlon qilinadi;
(b) Roʻyxatga kiritilgan mahsulotlarni yetishtirish uchun xarid qilingan tovarlar (xizmatlar) boʻyicha toʻlangan qoʻshilgan qiymat soligʻi summasini qoplash (qaytarish) tartibi amal qiladi;
(v) qishloq xoʻjaligi tovar ishlab chiqaruvchilariga (bundan paxta va gʻalla mustasno) qoʻshilgan qiymat soligʻi summasi oʻrnini qoplash (qaytarish) 3 kun muddatda avtomatlashtirilgan tarzda amalga oshiriladi.
4. Soliq qoʻmitasi (Sh. Kudbiyev) 2026-yil 1-yanvardan Xalqaro valyuta jamgʻarmasi ekspertlari bilan birgalikda ishlab chiqilgan tovarlarni aynan bitta yetkazib berish zanjiri boʻyicha qoʻshilgan qiymat soligʻi summasini hisobga olishda elektron hisobvaraq-fakturalarni xavf darajasiga qarab real vaqt rejimida avtomatlashtirilgan tarzda tahlil qilish tizimini joriy qilsin. Bunda yuqori xavf darajasiga ega elektron hisobvaraq-fakturalar boʻyicha:
(a) ularning ulushi hisobot davrida rasmiylashtirilgan jami elektron hisobvaraq-fakturalar sonining 10 foizidan oshmasligi;
(b) qoʻshilgan qiymat soligʻi summasi sotuvchi (yetkazib beruvchi) yoki xaridor (buyurtmachi) tomonidan budjetga toʻliq toʻlangandan keyin hisobga olinishi nazarda tutilsin.
5. Kosmik tadqiqotlar va texnologiyalar agentligi (Sh. Kadirov) 2026-yil 1-yanvardan boshlab “Space Gov Monitoring” markazlashgan yagona platformasini Soliq qoʻmitasining axborot tizimlariga integratsiya qilish orqali davlat kosmik monitoringi doirasida qishloq xoʻjaligi yerlarida haqiqatda ekin ekilgan maydonlar boʻyicha maʼlumotlarni muntazam ravishda taqdim etib borish amaliyotini yoʻlga qoʻysin.
III. Farmon ijrosini tashkil etish, taʼminlash va nazorat
6. Bosh vazir oʻrinbosari J. Qoʻchqorov:
(a) 2025-yil 1-dekabrga qadar qishloq xoʻjaligi mahsulotlari realizatsiyasi uchun qoʻshilgan qiymat soligʻining “nol” stavkasi joriy qilinishi munosabati bilan qishloq xoʻjaligi sohasiga berilgan subsidiyalar va boshqa qoʻllab-quvvatlash choralarini maqbullashtirish boʻyicha qaror loyihasini kiritsin;
(b) Qishloq xoʻjaligi vazirligi (I. Abdurahmonov), Soliq qoʻmitasi (Sh. Kudbiyev), Savdo-sanoat palatasi (D. Vaxabov) bilan birgalikda bir hafta muddatda reja-grafik tasdiqlagan holda, 2027-yil 1-yanvarga qadar qishloq xoʻjaligi mahsulotlariga qoʻshilgan qiymat soligʻining “nol” stavkasini qoʻllash hamda elektron hisobvaraq-fakturalarning xavf darajasini baholash tizimi boʻyicha joylarda tushuntirish ishlarini olib borsin, tadbirkorlik subyektlariga yuzaga kelayotgan masalalar boʻyicha amaliy yordam koʻrsatsin.
7. Iqtisodiyot va moliya vazirligi (A. Xaydarov) Soliq qoʻmitasi (Sh. Kudbiyev) bilan birgalikda bir oy muddatda mazkur Farmondan kelib chiqib, Soliq kodeksiga oʻzgartirish va qoʻshimchalar kiritishni nazarda tutuvchi qonun loyihasini Vazirlar Mahkamasiga kiritsin.
8. Soliq qoʻmitasi (Sh. Kudbiyev) Iqtisodiyot va moliya vazirligi (A. Xaydarov) bilan birgalikda bir oy muddatda elektron hisobvaraq-fakturalarni xavf darajasiga qarab real vaqt rejimida avtomatlashtirilgan tarzda tahlil qilish hamda yuqori xavf darajasiga ega elektron hisobvaraq-fakturalar boʻyicha qoʻshilgan qiymat soligʻi summasi budjetga toʻliq toʻlangandan keyin hisobga olish tartibini Vazirlar Mahkamasiga tasdiqlash uchun kiritsin.
9. Mazkur Farmonning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov hamda Soliq qoʻmitasi raisi Sh.D. Kudbiyev belgilansin.
10. Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 4-sentabr,
PF-153-son
Президента Республики Узбекистан
Указ
О мерах по внедрению упрощенного порядка исчисления налога на добавленную стоимость в сфере сельского хозяйства
В целях выполнения приоритетных задач, определенных в рамках V открытого диалога Президента Республики Узбекистан с предпринимателями, обеспечения населения качественной продовольственной продукцией, а также сокращения неофициального товарооборота в отрасли путем поддержки сферы сельского хозяйства постановляю:
I. Основная цель
1. Определить основной целью принятия настоящего Указа повышение не менее чем в 3 раза официального товарооборота в сфере сельского хозяйства в 2026-2027 годах.
II. Упрощение налоговой системы для сельскохозяйственных товаропроизводителей
2. Внедрить с 1 января 2026 года нулевую ставку налога на добавленную стоимость для реализации сельскохозяйственной продукции (за исключением хлопка и зерна), выращенной сельскохозяйственными товаропроизводителями.
3. Установить порядок, в соответствии с которым с 1 января 2026 года:
(а) перечень сельскохозяйственной продукции, к которой применяется нулевая ставка налога на добавленную стоимость (далее — Перечень), утверждается Министерством сельского хозяйства и Налоговым комитетом и публикуется на их официальных веб-сайтах;
(б) действует порядок возмещения (возврата) сумм налога на добавленную стоимость, уплаченного по товарам (услугам), закупленным для выращивания включенной в Перечень продукции;
(в) возмещение (возврат) суммы налога на добавленную стоимость сельскохозяйственным товаропроизводителям (за исключением хлопка и зерна) осуществляется в трехдневный срок в автоматизированном порядке.
4. Налоговому комитету (Ш. Кудбиев) с 1 января 2026 года внедрить разработанную совместно с экспертами Международного валютного фонда систему автоматизированного анализа в режиме реального времени электронных счетов-фактур в зависимости от степени риска при зачете суммы налога на добавленную стоимость по единой цепочке поставки товаров. При этом по электронным счетам-фактурам, имеющим высокую степень риска, предусмотреть:
(а) непревышение их доли 10 процентов от общего количества электронных счетов-фактур, оформленных в отчетный период;
(б) зачет суммы налога на добавленную стоимость после ее полной уплаты в бюджет продавцом (поставщиком) или покупателем (заказчиком).
5. Агентству космических исследований и технологий (Ш. Кадиров) внедрить с 1 января 2026 года практику представления на регулярной основе данных по фактически засеянным посевным площадям на сельскохозяйственных землях в рамках государственного космического мониторинга путем интеграции централизованной единой платформы «Space Gov Monitoring» с информационными системами Налогового комитета.
III. Организация, обеспечение и контроль исполнения Указа
6. Заместителю Премьер-министра Д. Кучкарову:
(а) в срок до 1 декабря 2025 года внести проект постановления по оптимизации субсидий и иных мер поддержки, предоставленных сфере сельского хозяйства в связи с внедрением нулевой ставки налога на добавленную стоимость для реализации сельскохозяйственной продукции;
(б) совместно с Министерством сельского хозяйства (И. Абдурахмонов), Налоговым комитетом (Ш. Кудбиев), Торгово-промышленной палатой (Д. Вахабов) с утверждением в недельный срок плана-графика проводить на местах разъяснительную работу на срок до 1 января 2027 года по применению нулевой ставки налога на добавленную стоимость для сельскохозяйственной продукции и системе оценки степени риска электронных счетов-фактур, оказывать практическую помощь субъектам предпринимательства по возникающим вопросам.
7. Министерству экономики и финансов (А. Хайдаров) совместно с Налоговым комитетом (Ш. Кудбиев) в месячный срок внести в Кабинет Министров проект закона, предусматривающий внесение изменений и дополнений в Налоговый кодекс, вытекающих из настоящего Указа.
8. Налоговому комитету (Ш. Кудбиев) совместно с Министерством экономики и финансов (А. Хайдаров) в месячный срок внести на утверждение в Кабинет Министров порядок автоматизированного анализа в режиме реального времени электронных счетов-фактур в зависимости от степени риска, а также зачета суммы налога на добавленную стоимость по электронным счетам-фактурам, имеющим высокую степень риска, после ее полной уплаты в бюджет.
9. Возложить на заместителя Премьер-министра Д.А. Кучкарова и председателя Налогового комитета Ш.Д. Кудбиева персональную ответственность за эффективную организацию исполнения настоящего Указа.
10. Обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
4 сентября 2025 г.,
№ УП-153