📅 2025-yil 5-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 5 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 5 сентября 2025 г. · Постановления Президента
Официальный текст. Официальный документ. Редакционные примечания не включены.
📅 5 September 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ДАСТУРИ
Корпоратив муносабатларни тартибга солишни янада соддалаштириш чора-тадбирлари тўғрисида
Корпоратив муносабатларни ҳуқуқий тартибга солишни такомиллаштириш, корпоратив бошқарув тартиб-таомилларини янада соддалаштириш ҳамда хўжалик жамиятларида замонавий бошқарув усулларини жорий этиш мақсадида қарор қиламан:
I. Корпоратив муносабатларни такомиллаштириш
1. Адлия вазирлиги, Истиқболли лойиҳалар миллий агентлиги ва Давлат активларини бошқариш агентлигининг масъулияти чекланган жамият (кейинги ўринларда — жамият) иштирокчиси таркибига кириш ёки таркибидан чиқариш фактининг кучга кириш механизмини соддалаштириш тўғрисидаги таклифига розилик берилсин.
2. Белгилансинки, қуйидаги ҳолларда жамият иштирокчилари таркибига киритиш ёки таркибидан чиқариш амалда тегишли ҳаракат (ёки ҳаракатсизлик) ҳамда ҳодиса содир этилган пайтдан бошлаб юзага келган ҳисобланади:
(а) иштирокчилар таркибидан мажбурий чиқариш ёки иштирокчилар таркибига мажбурий киритиш, шу жумладан, жамиятдаги улуш иштирокчи ва учинчи шахс ўртасида умумий мулк деб топилган ва унинг тегишли қисмига мулк ҳуқуқи белгиланган ҳолатларда — суд қарори қонуний кучга кирган кундан;
(б) иштирокчининг ҳуқуқий вориси ёки меросхўр(лар)ини жамиятга иштирокчи(лар) сифатида киритишда нотариус томонидан расмийлаштирилган меросга бўлган ҳуқуқ тўғрисида гувоҳнома ёки жамият қайта ташкил этилиши (қўшиб юбориш, қўшиб олиш, бўлиш, ажратиб чиқариш, ўзгартириш) муносабати билан ҳуқуқий ворисликни ўтказишни назарда тутувчи топшириш ҳужжати жамиятга тақдим этилган вақтдан (бундан жамиятнинг уставида улушнинг (улушнинг бир қисмининг) меросхўрларга ёки ҳуқуқий ворисларга ўтиши учун жамият иштирокчиларининг розилигини олиш зарурлиги назарда тутилган ҳоллар мустасно);
(в) жамият улуши «E-auksion» электрон савдо платформаси ва/ёки қонунчиликка мувофиқ хусусийлаштиришнинг бошқа усуллари орқали сотилганда — савдо натижалари расмийлаштирилиб, улуш қиймати тўлиқ тўланган кундан (агар олди-сотди шартномасида бошқа шартлар назарда тутилмаган бўлса);
(г) жамият улушини (улушининг бир қисмини) сотиш ва жамият улушини (улушининг бир қисмини) сотишдан бошқача тарзда учинчи шахслар фойдасига воз кечиш нотариал шаклда амалга оширилганда — бу ҳақида тасдиқловчи ҳужжатлар расмийлаштирилган кундан. Бунда жамиятнинг уставида мазкур ҳаракат тақиқланмаганлиги, иштирокчининг улуши тўлиқ тўланганлиги, мазкур ҳаракат учун жамиятнинг ёки жамият иштирокчиларининг розилигини олиш зарурлиги назарда тутилган ҳолларда розилик олинганлиги каби ҳолатлар нотариус томонидан текширилади.
3. Белгилаб қўйилсинки:
(а) жамият иштирокчилари таркибига кириш ёки таркибидан чиқиш ҳолатларида жамият бошқа иштирокчиларни ўттиз кун муддатда бу ҳақида хабардор қилади ва жамият иштирокчилари таркибидаги ўзгартиришларни Тадбиркорлик субъектларининг ягона давлат реестрида (кейинги ўринларда — Реестр) қайта давлат рўйхатидан ўтказиш чораларини кўради. Бунда мазкур ўзгартиришларни амалга ошириш учун жамият умумий йиғилишининг қарорини қабул қилиш талаб этилмайди;
(б) мазкур қарорнинг 2-бандида белгиланган ҳолатларда жамият ўз иштирокчилари таркибидаги ўзгартиришларни белгиланган муддатда Реестрга киритиш чораларини кўрмаган тақдирда, манфаатдор шахс жамият иштирокчилари таркибига киритиш бўйича рўйхатдан ўтказувчи органга мустақил мурожаат қилиши мумкин. Бунда рўйхатдан ўтказувчи орган иштирокчининг мурожаатини рад этишга ҳақли эмас;
(в) мазкур қарорнинг 2-бандидаги ҳолатларда иштирокчи жамиятдаги улуш билан боғлиқ юридик ҳаракатларни ушбу улушга бўлган ҳуқуқ белгиланган тартибда давлат рўйхатидан ўтказилгандан кейин амалга оширишга ҳақли;
(г) жамиятларнинг солиқ ва мажбурий тўловлар бўйича қарздорликлари мавжудлиги уларнинг иштирокчилари таркиби ўзгариши билан боғлиқ ўзгартиришларни давлат рўйхатидан ўтказишни рад этиш учун асос ҳисобланмайди;
(д) давлат иштирокидаги корхоналар ва давлат муассасалари Давлат активларини бошқариш агентлигининг розилигини олган ҳолда уларнинг таъсисчилари қарори асосида ихтиёрий тугатилиши ёки қайта ташкил этилиши мумкин.
II. Замонавий ахборот технологияларини жорий этиш
4. Тижорат ташкилотлари (акциядорлик жамиятлари ва кредит бюролари бундан мустасно) таъсисчиларининг (иштирокчиларининг) ўзига тегишли улушларга бўлган ҳуқуқларининг ҳимоясини мустаҳкамлаш мақсадида Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизимида:
(а) юридик шахс таъсисчилари (иштирокчилари) таъсисчи сифатида иштирок этаётган корхоналар рўйхати, улардаги улушлар миқдори (фоизи), шунингдек, ушбу юридик шахс устав фондида (устав капиталида) иштирок этаётган бошқа таъсисчиларнинг (иштирокчиларнинг) улушлари миқдорлари (фоизи), мазкур улушларнинг шаклланган ёки шаклланмагани тўғрисидаги маълумотларни доимий тарзда онлайн юритиш тизими жорий этилади. Бунда мазкур маълумотлар хўжалик жамиятларида иштирок этувчи ҳар бир таъсисчига (иштирокчига) танишиш учун очиқ ҳисобланади;
(б) юридик шахс таъсисчилари (иштирокчилари) учун ўзларига тегишли улушни бегоналаштиришга тақиқ қўйиш имконияти яратилади.
5. Адлия вазирлиги 2026 йил 1 мартга қадар Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизимида:
(а) жамиятларда имтиёзли ҳуқуқни амалга ошириш бўйича бошқа иштирокчиларни хабардор қилиш, имтиёзли ҳуқуқдан фойдаланиш истагини билдириш, рад этишни электрон амалга ошириш имконияти яратилишини;
(б) «Notarius» автоматлаштирилган ахборот тизими билан интеграция қилинишини таъминласин.
6. Корпоратив низоларни судгача ҳал қилиш механизмларини такомиллаштириш, судлардаги юкламани камайтириш мақсадида 2025 йил 1 ноябрдан бошлаб Ўзбекистон Республикаси Президенти ҳузуридаги Тадбиркорликни қўллаб-қувватлаш бўйича жамоатчилик кенгаши таркибида Корпоратив этика бўйича комиссия ташкил этилсин.
7. Қуйидагилар Корпоратив этика бўйича комиссиянинг асосий вазифалари этиб белгиланади:
(а) юридик шахсларга, хусусан, хўжалик жамиятларига корпоратив этика масалалари бўйича тавсиялар бериб бориш;
(б) хўжалик жамиятларига корпоратив этика кодексини ишлаб чиқиш бўйича услубий ёрдам кўрсатиш;
(в) корпоратив этикани бузишга оид низоларни ҳал этиш юзасидан амалий ёрдам кўрсатиб бориш;
(г) корпоратив муносабатларни ривожлантириш бўйича Савдо-саноат палатаси ҳамда вазирлик ва идораларга таклифлар киритиб бориш.
8. Савдо-саноат палатаси Корпоратив этика бўйича комиссиянинг ишчи органи этиб белгилансин ва унинг фаолиятини ташкил этиш чораларини кўрсин.
III. Қарор ижросини ташкил этиш, таъминлаш ва назорат
9. Корпоратив муносабатларни тартибга солишни янада такомиллаштириш бўйича чора-тадбирлар дастури иловага мувофиқ тасдиқлансин.
10. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров ҳамда адлия вазири А.Д. Ташкулов белгилансин.
11. Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 5 сентябрдаги ПҚ-268-сон қарорига ИЛОВА
Корпоратив муносабатларни тартибга солишни янада такомиллаштириш бўйича чора-тадбирлар
Т/р Чора-тадбирнинг номланиши Амалга ошириш механизми Ижро муддати Масъул ижрочилар 1. Масъулияти чекланган жамият иштирокчиси мақомини олиш ёки йўқотишнинг соддалаштирилган тартиб-таомилларини жорий қилиш. Ўзбекистон Республикасининг қонуни лойиҳаси 2025 йил ноябрь Адлия вазирлиги, Истиқболли лойиҳалар миллий агентлиги, Давлат активларини бошқариш агентлиги, Иқтисодиёт ва молия вазирлиги 2. Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизимида юридик шахс (акциядорлик жамиятлари ва кредит бюролари бундан мустасно) таъсисчиларининг (иштирокчиларининг) ўзига тегишли улушлар тўғрисидаги маълумотларнинг долзарблигини таъминлаш ҳамда мазкур улушларга бўлган ҳуқуқларининг ҳимоясини мустаҳкамлашга қаратилган қўшимча имкониятлар яратиш. Амалий чора-тадбирлар 2025 йил октябрь Адлия вазирлиги, Иқтисодиёт ва молия вазирлиги 3. Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизимида: масъулияти чекланган жамиятларда имтиёзли ҳуқуқни амалга ошириш бўйича бошқа иштирокчиларни хабардор қилиш, имтиёзли ҳуқуқдан фойдаланиш истагини билдириш, рад этишни электрон тарзда амалга ошириш имкониятини яратиш; « N otarius» автоматлаштирилган ахборот тизими билан интеграция қилишни таъминлаш. Амалий чора-тадбирлар 2026 йил 1 март Адлия вазирлиги, Иқтисодиёт ва молия вазирлиги 4. Савдо-саноат палатасида Корпоратив этика бўйича комиссия ташкил этиш ва унинг фаолиятини йўлга қўйиш. Амалий чора-тадбирлар 2025 йил октябрь Савдо-саноат палатаси
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 5 сентябрь,
ПҚ-268-сон
Oʻzbekiston Respublikasi Prezidentining
Qarori
DASTURI
Korporativ munosabatlarni tartibga solishni yanada soddalashtirish chora-tadbirlari toʻgʻrisida
Korporativ munosabatlarni huquqiy tartibga solishni takomillashtirish, korporativ boshqaruv tartib-taomillarini yanada soddalashtirish hamda xoʻjalik jamiyatlarida zamonaviy boshqaruv usullarini joriy etish maqsadida qaror qilaman:
I. Korporativ munosabatlarni takomillashtirish
1. Adliya vazirligi, Istiqbolli loyihalar milliy agentligi va Davlat aktivlarini boshqarish agentligining masʼuliyati cheklangan jamiyat (keyingi oʻrinlarda — jamiyat) ishtirokchisi tarkibiga kirish yoki tarkibidan chiqarish faktining kuchga kirish mexanizmini soddalashtirish toʻgʻrisidagi taklifiga rozilik berilsin.
2. Belgilansinki, quyidagi hollarda jamiyat ishtirokchilari tarkibiga kiritish yoki tarkibidan chiqarish amalda tegishli harakat (yoki harakatsizlik) hamda hodisa sodir etilgan paytdan boshlab yuzaga kelgan hisoblanadi:
(a) ishtirokchilar tarkibidan majburiy chiqarish yoki ishtirokchilar tarkibiga majburiy kiritish, shu jumladan, jamiyatdagi ulush ishtirokchi va uchinchi shaxs oʻrtasida umumiy mulk deb topilgan va uning tegishli qismiga mulk huquqi belgilangan holatlarda — sud qarori qonuniy kuchga kirgan kundan;
(b) ishtirokchining huquqiy vorisi yoki merosxoʻr(lar)ini jamiyatga ishtirokchi(lar) sifatida kiritishda notarius tomonidan rasmiylashtirilgan merosga boʻlgan huquq toʻgʻrisida guvohnoma yoki jamiyat qayta tashkil etilishi (qoʻshib yuborish, qoʻshib olish, boʻlish, ajratib chiqarish, oʻzgartirish) munosabati bilan huquqiy vorislikni oʻtkazishni nazarda tutuvchi topshirish hujjati jamiyatga taqdim etilgan vaqtdan (bundan jamiyatning ustavida ulushning (ulushning bir qismining) merosxoʻrlarga yoki huquqiy vorislarga oʻtishi uchun jamiyat ishtirokchilarining roziligini olish zarurligi nazarda tutilgan hollar mustasno);
(v) jamiyat ulushi “E-auksion” elektron savdo platformasi va/yoki qonunchilikka muvofiq xususiylashtirishning boshqa usullari orqali sotilganda — savdo natijalari rasmiylashtirilib, ulush qiymati toʻliq toʻlangan kundan (agar oldi-sotdi shartnomasida boshqa shartlar nazarda tutilmagan boʻlsa);
(g) jamiyat ulushini (ulushining bir qismini) sotish va jamiyat ulushini (ulushining bir qismini) sotishdan boshqacha tarzda uchinchi shaxslar foydasiga voz kechish notarial shaklda amalga oshirilganda — bu haqida tasdiqlovchi hujjatlar rasmiylashtirilgan kundan. Bunda jamiyatning ustavida mazkur harakat taqiqlanmaganligi, ishtirokchining ulushi toʻliq toʻlanganligi, mazkur harakat uchun jamiyatning yoki jamiyat ishtirokchilarining roziligini olish zarurligi nazarda tutilgan hollarda rozilik olinganligi kabi holatlar notarius tomonidan tekshiriladi.
3. Belgilab qoʻyilsinki:
(a) jamiyat ishtirokchilari tarkibiga kirish yoki tarkibidan chiqish holatlarida jamiyat boshqa ishtirokchilarni oʻttiz kun muddatda bu haqida xabardor qiladi va jamiyat ishtirokchilari tarkibidagi oʻzgartirishlarni Tadbirkorlik subyektlarining yagona davlat reyestrida (keyingi oʻrinlarda — Reyestr) qayta davlat roʻyxatidan oʻtkazish choralarini koʻradi. Bunda mazkur oʻzgartirishlarni amalga oshirish uchun jamiyat umumiy yigʻilishining qarorini qabul qilish talab etilmaydi;
(b) mazkur qarorning 2-bandida belgilangan holatlarda jamiyat oʻz ishtirokchilari tarkibidagi oʻzgartirishlarni belgilangan muddatda Reyestrga kiritish choralarini koʻrmagan taqdirda, manfaatdor shaxs jamiyat ishtirokchilari tarkibiga kiritish boʻyicha roʻyxatdan oʻtkazuvchi organga mustaqil murojaat qilishi mumkin. Bunda roʻyxatdan oʻtkazuvchi organ ishtirokchining murojaatini rad etishga haqli emas;
(v) mazkur qarorning 2-bandidagi holatlarda ishtirokchi jamiyatdagi ulush bilan bogʻliq yuridik harakatlarni ushbu ulushga boʻlgan huquq belgilangan tartibda davlat roʻyxatidan oʻtkazilgandan keyin amalga oshirishga haqli;
(g) jamiyatlarning soliq va majburiy toʻlovlar boʻyicha qarzdorliklari mavjudligi ularning ishtirokchilari tarkibi oʻzgarishi bilan bogʻliq oʻzgartirishlarni davlat roʻyxatidan oʻtkazishni rad etish uchun asos hisoblanmaydi;
(d) davlat ishtirokidagi korxonalar va davlat muassasalari Davlat aktivlarini boshqarish agentligining roziligini olgan holda ularning taʼsischilari qarori asosida ixtiyoriy tugatilishi yoki qayta tashkil etilishi mumkin.
II. Zamonaviy axborot texnologiyalarini joriy etish
4. Tijorat tashkilotlari (aksiyadorlik jamiyatlari va kredit byurolari bundan mustasno) taʼsischilarining (ishtirokchilarining) oʻziga tegishli ulushlarga boʻlgan huquqlarining himoyasini mustahkamlash maqsadida Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimida:
(a) yuridik shaxs taʼsischilari (ishtirokchilari) taʼsischi sifatida ishtirok etayotgan korxonalar roʻyxati, ulardagi ulushlar miqdori (foizi), shuningdek, ushbu yuridik shaxs ustav fondida (ustav kapitalida) ishtirok etayotgan boshqa taʼsischilarning (ishtirokchilarning) ulushlari miqdorlari (foizi), mazkur ulushlarning shakllangan yoki shakllanmagani toʻgʻrisidagi maʼlumotlarni doimiy tarzda onlayn yuritish tizimi joriy etiladi. Bunda mazkur maʼlumotlar xoʻjalik jamiyatlarida ishtirok etuvchi har bir taʼsischiga (ishtirokchiga) tanishish uchun ochiq hisoblanadi;
(b) yuridik shaxs taʼsischilari (ishtirokchilari) uchun oʻzlariga tegishli ulushni begonalashtirishga taqiq qoʻyish imkoniyati yaratiladi.
5. Adliya vazirligi 2026-yil 1-martga qadar Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimida:
(a) jamiyatlarda imtiyozli huquqni amalga oshirish boʻyicha boshqa ishtirokchilarni xabardor qilish, imtiyozli huquqdan foydalanish istagini bildirish, rad etishni elektron amalga oshirish imkoniyati yaratilishini;
(b) “Notarius” avtomatlashtirilgan axborot tizimi bilan integratsiya qilinishini taʼminlasin.
6. Korporativ nizolarni sudgacha hal qilish mexanizmlarini takomillashtirish, sudlardagi yuklamani kamaytirish maqsadida 2025-yil 1-noyabrdan boshlab Oʻzbekiston Respublikasi Prezidenti huzuridagi Tadbirkorlikni qoʻllab-quvvatlash boʻyicha jamoatchilik kengashi tarkibida Korporativ etika boʻyicha komissiya tashkil etilsin.
7. Quyidagilar Korporativ etika boʻyicha komissiyaning asosiy vazifalari etib belgilanadi:
(a) yuridik shaxslarga, xususan, xoʻjalik jamiyatlariga korporativ etika masalalari boʻyicha tavsiyalar berib borish;
(b) xoʻjalik jamiyatlariga korporativ etika kodeksini ishlab chiqish boʻyicha uslubiy yordam koʻrsatish;
(v) korporativ etikani buzishga oid nizolarni hal etish yuzasidan amaliy yordam koʻrsatib borish;
(g) korporativ munosabatlarni rivojlantirish boʻyicha Savdo-sanoat palatasi hamda vazirlik va idoralarga takliflar kiritib borish.
8. Savdo-sanoat palatasi Korporativ etika boʻyicha komissiyaning ishchi organi etib belgilansin va uning faoliyatini tashkil etish choralarini koʻrsin.
III. Qaror ijrosini tashkil etish, taʼminlash va nazorat
9. Korporativ munosabatlarni tartibga solishni yanada takomillashtirish boʻyicha chora-tadbirlar dasturi ilovaga muvofiq tasdiqlansin.
10. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov hamda adliya vaziri A.D. Tashkulov belgilansin.
11. Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 5-sentabrdagi PQ-268-son qaroriga ILOVA
Korporativ munosabatlarni tartibga solishni yanada takomillashtirish boʻyicha chora-tadbirlar
T/r Chora-tadbirning nomlanishi Amalga oshirish mexanizmi Ijro muddati Masʼul ijrochilar 1. Masʼuliyati cheklangan jamiyat ishtirokchisi maqomini olish yoki yoʻqotishning soddalashtirilgan tartib-taomillarini joriy qilish. Oʻzbekiston Respublikasining qonuni loyihasi 2025-yil noyabr Adliya vazirligi, Istiqbolli loyihalar milliy agentligi, Davlat aktivlarini boshqarish agentligi, Iqtisodiyot va moliya vazirligi 2. Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimida yuridik shaxs (aksiyadorlik jamiyatlari va kredit byurolari bundan mustasno) taʼsischilarining (ishtirokchilarining) oʻziga tegishli ulushlar toʻgʻrisidagi maʼlumotlarning dolzarbligini taʼminlash hamda mazkur ulushlarga boʻlgan huquqlarining himoyasini mustahkamlashga qaratilgan qoʻshimcha imkoniyatlar yaratish. Amaliy chora-tadbirlar 2025-yil oktabr Adliya vazirligi, Iqtisodiyot va moliya vazirligi 3. Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimida: masʼuliyati cheklangan jamiyatlarda imtiyozli huquqni amalga oshirish boʻyicha boshqa ishtirokchilarni xabardor qilish, imtiyozli huquqdan foydalanish istagini bildirish, rad etishni elektron tarzda amalga oshirish imkoniyatini yaratish; “ N otarius” avtomatlashtirilgan axborot tizimi bilan integratsiya qilishni taʼminlash. Amaliy chora-tadbirlar 2026-yil 1-mart Adliya vazirligi, Iqtisodiyot va moliya vazirligi 4. Savdo-sanoat palatasida Korporativ etika boʻyicha komissiya tashkil etish va uning faoliyatini yoʻlga qoʻyish. Amaliy chora-tadbirlar 2025-yil oktabr Savdo-sanoat palatasi
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 5-sentabr,
PQ-268-son
Президента Республики Узбекистан
Постановление
ПРОГРАММА
О мерах по дальнейшему упрощению регулирования корпоративных отношений
В целях совершенствования правового регулирования корпоративных отношений, дальнейшего упрощения процедур корпоративного управления, а также внедрения современных методов управления в хозяйственных обществах постановляю:
I. Совершенствование корпоративных отношений
1. Согласиться с предложением Министерства юстиции, Национального агентства перспективных проектов и Агентства по управлению государственными активами об упрощении механизма вступления в силу факта включения в состав участников либо исключения из состава участников общества с ограниченной ответственностью (далее — общество).
2. Установить, что в следующих случаях включение в состав участников общества или исключение из его состава считается состоявшимся с момента фактического совершения соответствующего действия (или бездействия), а также наступления события:
(а) принудительное исключение или включение в состав участников, в том числе в случаях, когда доля в обществе признана общей собственностью между участником и третьим лицом и на соответствующую ее часть установлено право собственности — со дня вступления в законную силу решения суда;
(б) при включении в общество в качестве участника(ов) правопреемника или наследника(ов) участника — с момента представления в общество нотариально удостоверенного свидетельства о праве на наследство либо передаточного акта, предусматривающего передачу правопреемства в связи с реорганизацией (слиянием, присоединением, разделением, выделением, преобразованием) общества (за исключением случаев, когда уставом общества предусмотрено получение согласия участников общества на переход доли (части доли) к наследникам или правопреемникам);
(в) при продаже доли общества через электронную торговую платформу «E-auksion» и/или иными способами приватизации в соответствии с законодательством — со дня оформления результатов торгов и полной оплаты стоимости доли (если иные условия не предусмотрены договором купли-продажи);
(г) при продаже доли общества (части доли) и при уступке доли общества (части доли) третьим лицам иным образом, чем продажа, если это осуществляется в нотариальной форме, — со дня оформления документов, подтверждающих данный факт. При этом нотариусом проверяется отсутствие в уставе общества запрета на указанное действие, осуществление полной оплаты доли участника, факт получения согласия в случаях, когда предусмотрена необходимость получения согласия общества или его участников на совершение данного действия.
3. Определить, что:
(а) в случаях включения в состав участников общества или их исключения из его состава общество в течение тридцати дней уведомляет об этом других участников и принимает меры государственной перерегистрации изменений в составе участников общества в Едином государственном реестре субъектов предпринимательства (далее — Реестр). Для осуществления указанных изменений принятие решения общего собрания участников общества не требуется;
(б) при непринятии обществом мер по включению в установленный срок в Реестр изменений в составе своих участников в случаях, определенных в пункте 2 настоящего постановления, заинтересованное лицо может обратиться в регистрирующий орган самостоятельно для включения в состав участников общества. При этом регистрирующий орган не вправе отказать в обращении участника;
(в) в случаях, предусмотренных пунктом 2 настоящего постановления, участник вправе осуществлять юридические действия, связанные с долей в обществе, после государственной регистрации права на нее в установленном порядке;
(г) наличие задолженностей у обществ по налогам и обязательным платежам не является основанием для отказа в государственной регистрации изменений, связанных с изменением состава их участников;
(д) предприятия с государственным участием и государственные учреждения могут быть добровольно ликвидированы или реорганизованы на основании решения их учредителей с согласия Агентства по управлению государственными активами.
II. Внедрение современных информационных технологий
4. В целях укрепления защиты прав учредителей (участников) коммерческих организаций (за исключением акционерных обществ и кредитных бюро) на принадлежащие им доли в Автоматизированной системе государственной регистрации и постановки на учет субъектов предпринимательства:
(а) внедряется система постоянного введения в онлайн-формате сведений о перечне предприятий, в которых учредители (участники) юридического лица участвуют в качестве учредителя, о размере (в процентах) их долей в них, а также о размере (в процентах) долей других учредителей (участников), участвующих в уставном фонде (уставном капитале) данного юридического лица, формировании или неформировании этих долей. При этом указанные сведения являются открытыми для ознакомления каждым учредителем (участником), участвующим в хозяйственных обществах;
(б) для учредителей (участников) юридического лица создается возможность установления запрета на отчуждение принадлежащей им доли.
5. Министерству юстиции до 1 марта 2026 года в Автоматизированной системе государственной регистрации и постановки на учет субъектов предпринимательства обеспечить:
(а) создание возможности в обществах с ограниченной ответственностью осуществлять в электронном виде уведомление других участников о реализации преимущественного права, выражение намерения воспользоваться преимущественным правом и отказ от него;
(б) интеграцию с автоматизированной информационной системой «Notarius».
6. В целях совершенствования механизмов досудебного урегулирования корпоративных споров и снижения нагрузки на суды с 1 ноября 2025 года в составе Общественного совета по поддержке предпринимательства при Президенте Республики Узбекистан образовать Комиссию по корпоративной этике.
7. Определить основными задачами Комиссии по корпоративной этике:
(а) предоставление юридическим лицам, в частности хозяйственным обществам, рекомендаций по вопросам корпоративной этики;
(б) оказание методической помощи хозяйственным обществам в разработке кодекса корпоративной этики;
(в) оказание практической помощи в разрешении споров, связанных с нарушением корпоративной этики;
(г) внесение в Торгово-промышленную палату, а также в министерства и ведомства предложений по вопросам развития корпоративных отношений.
8. Определить Торгово-промышленную палату рабочим органом Комиссии по корпоративной этике и принять меры по организации ее деятельности.
III. Организация, обеспечение и контроль исполнения постановления
9. Утвердить Программу мер по дальнейшему совершенствованию регулирования корпоративных отношений согласно приложению .
10. Возложить на заместителя Премьер-министра Д.А. Кучкарова, а также министра юстиции А.Д. Ташкулова ответственность за эффективную организацию исполнения настоящего постановления.
11. Ежеквартальное обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 5 сентября 2025 года № ПП-268
мер по дальнейшему совершенствованию регулирования корпоративных отношений
№ Наименование мероприятий Механизм реализации Срок исполнения Ответственные исполнители 1. Введение упрощенных процедур приобретения или утраты статуса участника общества с ограниченной ответственностью. Проект закона Республики Узбекистан Ноябрь 2025 года Министерство юстиции, Национальное агентство перспективных проектов, Агентство по управлению государственными активами, Министерство экономики и финансов 2. Создание дополнительных возможностей в Автоматизированной системе государственной регистрации и постановки на учет субъектов предпринимательства, направленных на обеспечение актуальности сведений о долях, принадлежащих учредителям (участникам) юридических лиц (за исключением акционерных обществ и кредитных бюро), а также укрепление защиты их прав на указанные доли. Практические мероприятия Октябрь 2025 года Министерство юстиции, Министерство экономики и финансов 3. В Автоматизированной системе государственной регистрации и постановки на учет субъектов предпринимательства: создание возможности в обществах с ограниченной ответственностью осуществлять в электронном виде уведомление других участников о реализации преимущественного права, выражение намерения воспользоваться преимущественным правом и отказ от него; обеспечение интеграции с Автоматизированной информационной системой « N otarius». Практические мероприятия 1 марта 2026 года Министерство юстиции, Министерство экономики и финансов 4. Создание в Торгово-промышленной палате Комиссии по корпоративной этике и налаживание ее деятельности. Практические мероприятия Октябрь 2025 года Торгово-промышленная палата
Президент Республики Узбекистан Ш. МИРЗИЁЕВ
г. Ташкент,
5 сентября 2025 г.,
ПП-268