UzbekAI

Ўзбекистон Республикаси Вазирлар Маҳкамасининг

қарори

Андижон вилояти Асака туманидаги қишлоқ хўжалигига мўлжалланган ерлардан самарали фойдаланишни ташкил этиш чора-тадбирлари тўғрисида

Ўзбекистон Республикаси Президентининг «Республика ҳудудларини жадал комплекс ривожлантириш учун танлаб олинган туман (шаҳар)ларда амалий чора-тадбирларни амалга ошириш тўғрисида» 2025 йил 1 апрелдаги ПҚ-132-сон қарорига мувофиқ Андижон вилояти Асака туманидаги қишлоқ хўжалигига мўлжалланган ерлардан самарали фойдаланиш, саноатлашган интенсив боғ ва узумзорлар барпо қилиш, қишлоқ хўжалиги маҳсулотлари етиштиришни кўпайтириш, аграр соҳадаги тадбиркорлик субъектларининг ташаббусларини қўллаб-қувватлаш мақсадида Вазирлар Маҳкамаси қарор қилади:

1. Қуйидагилар:

а) Ўзбекистон Республикаси Президентининг «Республикада агросаноат соҳасига янги бозор механизмларини жорий этиш ҳамда саноатлашган боғ ва токзорларни барпо қилишнинг қўшимча чора-тадбирлари тўғрисида» 2024 йил 30 сентябрдаги ПФ-151-сон Фармонига мувофиқ республикада саноатлашган янги интенсив боғ ва токзорларни барпо этиш ҳамда молиялаштириш бўйича янги тизим жорий этилгани, захирадаги ер участкалари янги боғларни барпо этиш мақсадида Қишлоқ хўжалиги вазирлиги ҳузуридаги Агросаноатни ривожлантириш агентлигига (кейинги ўринларда — Агентлик) ёки у томонидан танланган тадбиркорлик субъектига Вазирлар Маҳкамаси томонидан тўғридан-тўғри ижара ҳуқуқи билан ажратилиши;

б) Ўзбекистон Республикаси Президентининг «Республика ҳудудларини жадал комплекс ривожлантириш учун танлаб олинган туман (шаҳар)ларда амалий чора-тадбирларни амалга ошириш тўғрисида» 2025 йил 1 апрелдаги ПҚ-132-сон қарорида Агентликка ер майдонлари ажратиб, интенсив мевали боғ ва токзорлар барпо этиш ҳамда лизинг орқали аҳолига бериш белгилангани;

в) Вазирлар Маҳкамасининг «Ўзбекистон Республикаси Қишлоқ хўжалиги вазирлиги ҳузуридаги Агросаноатни ривожлантириш агентлиги фаолиятини тартибга солувчи норматив-ҳуқуқий ҳужжатларни тасдиқлаш тўғрисида» 2025 йил 23 апрелдаги 255-сон қарори билан Республика ҳудудларида саноатлашган янги интенсив (сермаҳсул) боғ ва токзорларни барпо этиш тартиби тўғрисидаги низом тасдиқлангани маълумот учун қабул қилинсин.

2. Андижон вилояти ҳокимлиги ва Ўзбекистон Республикаси Қишлоқ хўжалиги вазирлигининг Андижон вилояти Асака туманининг «Янгиобод» маҳалла фуқаролари йиғинидаги «Бобур» массиви ҳудудида жойлашган ва туман ҳокимлиги захирасида бўлган иловага мувофиқ қишлоқ хўжалигига мўлжалланган 54,3 гектар ер участкасини саноатлашган интенсив боғ ва узумзор барпо қилиш учун Агентликка 30 (ўттиз) йил муддатга ижара ҳуқуқи асосида бериш тўғрисидаги таклифлари маъқуллансин.

3. Андижон вилояти ҳокимлиги Ўзбекистон Республикаси Қишлоқ хўжалиги вазирлиги билан биргаликда:

ушбу қарорда назарда тутилган ер участкаларини хатловдан ўтказиб, Асака тумани ҳокимлиги ва Агентлик ўртасида ер ижара шартномаси тузилишини;

белгиланган тартибда ер участкасига бўлган ҳуқуқлар давлат рўйхатидан ўтказилишини;

ер участкаларининг чегаралари натурада (жойнинг ўзида) белгиланиши таъминласин.

4. Агентлик:

ажратилган ер майдонларида саноатлашган интенсив боғ ва узумзор барпо қилиш учун ҳудуднинг тупроқ-иқлим шароитидан келиб чиққан ҳолда мева ва узум навлари танланишини таъминласин;

лойиҳанинг тасдиқланган техник-иқтисодий асосларига мувофиқ 2025 йил якунига қадар интенсив мевали боғ ва узумзорларни барпо қилиб, уларни қонунчилик ҳужжатларида белгиланган тартибда 100 нафар фуқарога лизинг асосида электрон онлайн-аукцион савдолари орқали беришни ташкил этсин.

5. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.

Вазирлар Маҳкамасининг 2025 йил 5 сентябрдаги 567-сон қарорига ИЛОВА

Саноатлашган боғ ва узумзорлар барпо қилиш учун Андижон вилояти Асака тумани ҳокимлиги захирасида бўлган қишлоқ хўжалигига мўлжалланган ерлар ҳисобидан Агросаноатни ривожлантириш агентлигига ажратиладиган ер участкалари

Т/р Ердан фойдаланувчи номи Ер участкаси манзили Контур рақами Умумий ер майдони, гектар Шундан: туман (шаҳар) номи маҳалла номи суғориладиган экин ерлари кўп йиллик дарахтзор сув ости ерлари йўллар бошқа ерлар 1. Асака тумани ҳокимлиги Асака тумани «Янгиобод» МФЙ, «Бобур» массиви 14 7 6,4 0,2 0,2 0,2 2. 19қ 2,6 2,6 3. 26 4,7 3,9 0,3 0,1 0,2 0,2 4. 27 1,8 1,1 0,2 0,2 0,3 5. 28 1 1 0 6. 29 1,4 1,4 0 7. 30 7,7 7,3 0,2 0,2 8. 31 4,8 4,4 0,1 0,1 0,2 9. 33 16,8 15,9 0,3 0,3 0,3 10. 21қ 0,3 0,3 11. 22қ 6,2 6,2 Жами: 54,3 50,2 1,1 1,1 0,6 1,3

Ўзбекистон Республикасининг Бош вазири А. АРИПОВ

Тошкент ш.,

2025 йил 5 сентябрь,

567-сон

(Қонунчилик маълумотлари миллий базаси, 06.09.2025 й., 09/25/567/0808-сон)

lex.uz

Oʻzbekiston Respublikasi Vazirlar Mahkamasining

qarori

Andijon viloyati Asaka tumanidagi qishloq xoʻjaligiga moʻljallangan yerlardan samarali foydalanishni tashkil etish chora-tadbirlari toʻgʻrisida

Oʻzbekiston Respublikasi Prezidentining “Respublika hududlarini jadal kompleks rivojlantirish uchun tanlab olingan tuman (shahar)larda amaliy chora-tadbirlarni amalga oshirish toʻgʻrisida” 2025-yil 1-apreldagi PQ-132-son qaroriga muvofiq Andijon viloyati Asaka tumanidagi qishloq xoʻjaligiga moʻljallangan yerlardan samarali foydalanish, sanoatlashgan intensiv bogʻ va uzumzorlar barpo qilish, qishloq xoʻjaligi mahsulotlari yetishtirishni koʻpaytirish, agrar sohadagi tadbirkorlik subyektlarining tashabbuslarini qoʻllab-quvvatlash maqsadida Vazirlar Mahkamasi qaror qiladi:

1. Quyidagilar:

a) Oʻzbekiston Respublikasi Prezidentining “Respublikada agrosanoat sohasiga yangi bozor mexanizmlarini joriy etish hamda sanoatlashgan bogʻ va tokzorlarni barpo qilishning qoʻshimcha chora-tadbirlari toʻgʻrisida” 2024-yil 30-sentabrdagi PF-151-son Farmoniga muvofiq respublikada sanoatlashgan yangi intensiv bogʻ va tokzorlarni barpo etish hamda moliyalashtirish boʻyicha yangi tizim joriy etilgani, zaxiradagi yer uchastkalari yangi bogʻlarni barpo etish maqsadida Qishloq xoʻjaligi vazirligi huzuridagi Agrosanoatni rivojlantirish agentligiga (keyingi oʻrinlarda — Agentlik) yoki u tomonidan tanlangan tadbirkorlik subyektiga Vazirlar Mahkamasi tomonidan toʻgʻridan-toʻgʻri ijara huquqi bilan ajratilishi;

b) Oʻzbekiston Respublikasi Prezidentining “Respublika hududlarini jadal kompleks rivojlantirish uchun tanlab olingan tuman (shahar)larda amaliy chora-tadbirlarni amalga oshirish toʻgʻrisida” 2025-yil 1-apreldagi PQ-132-son qarorida Agentlikka yer maydonlari ajratib, intensiv mevali bogʻ va tokzorlar barpo etish hamda lizing orqali aholiga berish belgilangani;

v) Vazirlar Mahkamasining “Oʻzbekiston Respublikasi Qishloq xoʻjaligi vazirligi huzuridagi Agrosanoatni rivojlantirish agentligi faoliyatini tartibga soluvchi normativ-huquqiy hujjatlarni tasdiqlash toʻgʻrisida” 2025-yil 23-apreldagi 255-son qarori bilan Respublika hududlarida sanoatlashgan yangi intensiv (sermahsul) bogʻ va tokzorlarni barpo etish tartibi toʻgʻrisidagi nizom tasdiqlangani maʼlumot uchun qabul qilinsin.

2. Andijon viloyati hokimligi va Oʻzbekiston Respublikasi Qishloq xoʻjaligi vazirligining Andijon viloyati Asaka tumanining “Yangiobod” mahalla fuqarolari yigʻinidagi “Bobur” massivi hududida joylashgan va tuman hokimligi zaxirasida boʻlgan ilovaga muvofiq qishloq xoʻjaligiga moʻljallangan 54,3 gektar yer uchastkasini sanoatlashgan intensiv bogʻ va uzumzor barpo qilish uchun Agentlikka 30 (oʻttiz) yil muddatga ijara huquqi asosida berish toʻgʻrisidagi takliflari maʼqullansin.

3. Andijon viloyati hokimligi Oʻzbekiston Respublikasi Qishloq xoʻjaligi vazirligi bilan birgalikda:

ushbu qarorda nazarda tutilgan yer uchastkalarini xatlovdan oʻtkazib, Asaka tumani hokimligi va Agentlik oʻrtasida yer ijara shartnomasi tuzilishini;

belgilangan tartibda yer uchastkasiga boʻlgan huquqlar davlat roʻyxatidan oʻtkazilishini;

yer uchastkalarining chegaralari naturada (joyning oʻzida) belgilanishi taʼminlasin.

4. Agentlik:

ajratilgan yer maydonlarida sanoatlashgan intensiv bogʻ va uzumzor barpo qilish uchun hududning tuproq-iqlim sharoitidan kelib chiqqan holda meva va uzum navlari tanlanishini taʼminlasin;

loyihaning tasdiqlangan texnik-iqtisodiy asoslariga muvofiq 2025-yil yakuniga qadar intensiv mevali bogʻ va uzumzorlarni barpo qilib, ularni qonunchilik hujjatlarida belgilangan tartibda 100 nafar fuqaroga lizing asosida elektron onlayn-auksion savdolari orqali berishni tashkil etsin.

5. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.

Vazirlar Mahkamasining 2025-yil 5-sentabrdagi 567-son qaroriga ILOVA

Sanoatlashgan bogʻ va uzumzorlar barpo qilish uchun Andijon viloyati Asaka tumani hokimligi zaxirasida boʻlgan qishloq xoʻjaligiga moʻljallangan yerlar hisobidan Agrosanoatni rivojlantirish agentligiga ajratiladigan yer uchastkalari

T/r Yerdan foydalanuvchi nomi Yer uchastkasi manzili Kontur raqami Umumiy yer maydoni, gektar Shundan: tuman (shahar) nomi mahalla nomi sugʻoriladigan ekin yerlari koʻp yillik daraxtzor suv osti yerlari yoʻllar boshqa yerlar 1. Asaka tumani hokimligi Asaka tumani “Yangiobod” MFY, “Bobur” massivi 14 7 6,4 0,2 0,2 0,2 2. 19q 2,6 2,6 3. 26 4,7 3,9 0,3 0,1 0,2 0,2 4. 27 1,8 1,1 0,2 0,2 0,3 5. 28 1 1 0 6. 29 1,4 1,4 0 7. 30 7,7 7,3 0,2 0,2 8. 31 4,8 4,4 0,1 0,1 0,2 9. 33 16,8 15,9 0,3 0,3 0,3 10. 21q 0,3 0,3 11. 22q 6,2 6,2 Jami: 54,3 50,2 1,1 1,1 0,6 1,3

Oʻzbekiston Respublikasining Bosh vaziri A. ARIPOV

Toshkent sh.,

2025-yil 5-sentabr,

567-son

(Qonunchilik maʼlumotlari milliy bazasi, 06.09.2025-y., 09/25/567/0808-son)

lex.uz