📅 2025-yil 9-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 9 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 9 сентября 2025 г. · Постановления Президента
Официальный текст. Официальный документ. Редакционные примечания не включены.
📅 9 September 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
РЎЙХАТИ
РЎЙХАТИ
РЕЖА-ГРАФИГИ
«ЙЎЛ ХАРИТАСИ»
Нотариат институтини янада ривожлантириш ҳамда соҳага замонавий ахборот-коммуникация технологияларини кенг жорий этишга оид қўшимча чора-тадбирлар тўғрисида
Ўзбекистон Республикаси Президентининг 2024 йил 24 майдаги «Маъмурий ислоҳотлар доирасида адлия органлари ва муассасаларининг масъулиятини янада ошириш ҳамда ихчам бошқарув тизимини шакллантириш тўғрисида»ги ПФ-80-сон Фармонига мувофиқ ҳамда фуқаролар ва тадбиркорлик субъектларининг ҳуқуқ ва қонуний манфаатларини ҳимоя қилишда нотариат институтининг ролини ошириш, шунингдек, нотариуслар фаолиятини рақамлаштириш билан боғлиқ ишларни изчил давом эттириш мақсадида қарор қиламан:
1. 2026 йил 1 мартдан бошлаб базавий ҳисоблаш миқдорининг минг бараваригача бўлган қуйидаги фуқаролик-ҳуқуқий низосиз талаблар бўйича нотариуслар томонидан ижро хатларини ёзиш тартиби жорий этилсин:
(а) нотариал тасдиқланган битимларга асосланган талаб;
(б) ёзма ва нотариал тасдиқланган битим мавжуд бўлган тақдирда, ундирувни қарздорнинг мажбуриятлари бажарилишининг таъминоти бўлган кўчар мол-мулкка қаратиш тўғрисида талаб;
(в) ижара тўловлари, кўп квартирали уйлардаги жойларнинг мулкдорларидан мажбурий бадаллар ва тўловлар, коммунал ва алоқа хизматлари бўйича қарздорликни ундириш тўғрисида талаблар.
2. Адлия вазирлиги ва Ўзбекистон Нотариал палатасининг 2026 йил 1 апрелдан бошлаб нотариуслар фаолиятига қуйидагиларни жорий этиш тўғрисидаги таклифлари маъқуллансин:
(а) Ўзбекистон Республикасида нотариус лавозимида бўлишнинг энг юқори ёш чегарасини олтмиш беш ёшдан етмиш ёшга ошириш.
Бунда Адлия вазирлиги ҳузуридаги Олий малака комиссияси (кейинги ўринларда — Олий малака комиссияси) томонидан ўтказиладиган суҳбат натижасига кўра нотариус ўз розилиги билан иш фаолиятини етмиш ёшгача амалга ошириши мумкин;
(б) давлат нотариал идораси нотариусини лавозимига тайинлаш бўйича танлов ва хусусий нотариал фаолият билан шуғулланиш ҳуқуқини бериш бўйича малака имтиҳони ўрнига ахборот технологиялари имкониятларидан фойдаланган ҳолда қуйидаги икки босқичдан иборат бўлган ягона танлов тартибини жорий этиш:
(i) биринчи босқичда талабгорлар давлат ва жамият бошқаруви ҳамда коррупцияга қарши курашиш, фуқаролик ҳуқуқи, нотариат ва ворислик ҳуқуқи соҳалари бўйича тест синовларидан ўтади. Бунда тест синовлари ахборот технологияларидан фойдаланган ҳолда Адлия вазирлиги ҳамда Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги томонидан ташкил этилади;
(ii) иккинчи босқичда тест синовларидан муваффақиятли ўтган талабгорлар Олий малака комиссияси томонидан ўтказиладиган амалий имтиҳонда нотариал ҳаракатларнинг лойиҳаларини махсус электрон платформада тайёрлайди ва муаммоли масалага (казусга) жавоб беради;
(в) мазкур банднинг «б» кичик бандида назарда тутилган ягона танловда иштирок этишга фақат Адлия вазирлиги ҳузуридаги Юридик кадрларни қайта тайёрлаш ва малакасини ошириш институтида ташкил этиладиган курсларни муваффақиятли тамомлаган шахсларга рухсат бериш;
(г) хусусий амалиёт билан шуғулланувчи нотариус ўз касбий фаолиятини узрли сабабларга кўра бажара олмаган тақдирда, унинг аризасига асосан лицензиясининг амал қилиш муддатини тўхтатиб туриш;
(д) хусусий амалиёт билан шуғулланувчи нотариус лицензиясининг амал қилишини тўхтатиб туриш ёки тугатишдан ташқари огоҳлантириш ва жарима кўринишидаги муқобил таъсир чораларини қўллаш механизмини жорий этиш;
(ж) нотариал ҳаракатларни расмийлаштиришда фойдаланиладиган гербли (махсус) бланкаларни унификация қилиш орқали ягона шаклдаги гербли (махсус) бланкани жорий этиш. Бунда:
(i) нотариал ҳаракатларни махсус гербли бланкада расмийлаштириш тарафларнинг хоҳишига кўра амалга оширилиши мумкин;
(ii) видеоконференцалоқа режимида амалга оширилган нотариал ҳаракатлар гербли (махсус) бланкаларда расмийлаштирилиши талаб этилмайди;
(з) нотариал расмийлаштирилган барча ҳужжатларни нотариуснинг имзоси, муҳри ва/ёки QR код (матрик штрихли код) билан тасдиқлаш.
3. Шундай тартиб ўрнатилсинки, унга мувофиқ нотариал хизматлар кўрсатишда қуйидаги талаблар бекор қилинади:
(а) 2025 йил 1 декабрдан бошлаб:
(i) республика ҳудудида нотариал тасдиқланган никоҳ шартномалари нусхасини «Нотариус» автоматлаштирилган ахборот тизимига (кейинги ўринларда — Тизим) мажбурий юклаш тартибини жорий этиш орқали уларнинг аслини нотариуслар томонидан талаб қилиш;
(ii) нотариал ҳаракатларни амалга ошириш жараёни қайд этилган аудио ва видеоёзув файлларини электрон қурилмаларда сақлаш. Бунда ушбу турдаги аудио ва видеоёзувлар файлларини Тизимда тўғридан-тўғри нотариал ҳаракатга бириктириш ва сақлаш имконияти яратилади;
(б) 2026 йил 1 январдан бошлаб нотариал ҳаракатларни амалга ошириш учун нотариусга Ўзбекистон Республикаси фуқаросининг шахсини тасдиқловчи ҳужжатнинг аслини тақдим этиш. Бунда фуқароларнинг шахси уларнинг шахсини тасдиқловчи ҳужжат реквизитлари орқали замонавий ахборот технологияларидан фойдаланган ҳолда идентификация қилинади ҳамда биометрик маълумотлар (бармоқ изи ва Face-ID) орқали верификация қилинади.
4. Адлия вазирлигига нотариат соҳасида давлат сиёсатини амалга оширишда қуйидаги қўшимча ваколатлар берилсин:
(а) муайян ҳудуддаги (нотариал округдаги) нотариус лавозимларининг энг кўп сонини белгилаш;
(б) олис (чекка) ва нотариус лавозимига талаб юқори бўлмаган ҳудуд (нотариал округ)ларда давлат нотариал идораси нотариуси лавозимига талабгорларни ягона танловда иштирок этмаган ҳолда Олий малака комиссияси томонидан ўтказиладиган суҳбат асосида тайинлаш.
5. Қуйидагилар:
(а) Давлат нотариал идораси нотариуси лавозимига ягона танловда иштирок этмаган ҳолда суҳбат асосида нотариуслар тайинланиши мумкин бўлган олис (чекка) ва нотариус лавозимига талаб юқори бўлмаган ҳудуд (нотариал округ)лар рўйхати 1-иловага мувофиқ;
(б) Нотариуслар томонидан композит шаклда кўрсатиладиган давлат хизматлари рўйхати 2-иловага мувофиқ;
(в) 2025 — 2027 йилларда масофадан туриб видеоконференцалоқа режими орқали расмийлаштирилиши йўлга қўйиладиган нотариал ҳаракатлар режа-графиги 3-иловага мувофиқ;
(г) 2025 — 2027 йилларда нотариат институтини янада ривожлантириш ҳамда соҳага замонавий ахборот-коммуникация технологияларини жорий этиш бўйича «йўл харитаси» 4-иловага мувофиқ тасдиқлансин.
6. Белгилансинки, мазкур қарорнинг 1-иловасида кўрсатилган олис (чекка) ва нотариус лавозимига талаб юқори бўлмаган ҳудуд (нотариал округ)ларда:
(а) камида уч йил давомида нотариуслик фаолиятини амалга оширган нотариусларга Олий малака комиссияси хулосаси асосида хусусий амалиёт билан шуғулланувчи нотариус сифатида ўзлари танлаган республиканинг исталган бошқа ҳудудида фаолиятини давом эттириш ҳуқуқи берилади;
(б) давлат нотариал идораси нотариуси лавозими жорий этилганида ҳар бир давлат нотариал идораси учун камида бир нафардан нотариус ёрдамчиси ва нотариус котиби штат бирликларини мажбурий тарзда жорий этиш ҳақидаги талаб татбиқ этилмайди.
7. Шундай тартиб ўрнатилсинки, унга мувофиқ 2026 йил 1 апрелдан бошлаб кўчмас мулк ва ундаги улушлар билан боғлиқ барча битимлар нотариус томонидан Тизим орқали давлат рўйхатидан ўтказиш учун юборилиб, кўчмас мулк объекти давлат рўйхатидан ўтказилганда унинг янги мулкдори ҳақидаги маълумотлар коммунал хизматлар ташкилотларининг электрон ахборот тизимларига автоматик тарзда юборилади ва маълумотлар базаларида янгиланади.
8. Кадастр агентлиги, Энергетика вазирлиги, Қурилиш ва уй-жой коммунал хўжалиги вазирлиги, Экология, атроф-муҳитни муҳофаза қилиш ва иқлим ўзгариши вазирлиги, Солиқ қўмитаси ва «Ўзсувтаъминот» АЖ 2026 йил 1 апрелга қадар ўз ахборот тизимларининг белгиланган тартибда тўлиқ интеграциясини таъминлаб, маълумотлар автоматик тарзда янгиланишини йўлга қўйсин.
9. Манфаатдор вазирлик ва идоралар уч ой муддатда 2022 йил 1 октябрга қадар жисмоний ва юридик шахсларнинг мол-мулкларини бошқа шахсга ўтказишга нисбатан қўйилган тақиқларни тегишлилиги бўйича хатловдан ўтказсин ва сақлаб қолиниши лозим бўлган тақиқлар рўйхатини жисмоний шахснинг шахсий идентификация рақами, солиқ тўловчининг идентификация рақами ва мол-мулк ҳақидаги маълумотлар (идентификатор) асосида шакллантириб, Адлия вазирлигига тақдим этсин.
10. Адлия вазирлиги манфаатдор вазирлик ва идоралар билан келишган ҳолда ўз аҳамиятини йўқотган тақиқ (хатлов)лар рўйхатини шакллантирсин ва уларни бекор қилиш чораларини кўрсин.
11. Адлия вазирлиги манфаатдор вазирлик ва идоралар билан биргаликда Вазирлар Маҳкамасига қуйидагиларни киритсин:
(а) уч ой муддатда янги таҳрирдаги «Нотариат тўғрисида»ги қонун лойиҳасини. Бунда, шу жумладан, қуйидаги янги нотариал ҳаракатлар жорий этилиши назарда тутилсин:
(i) васият қилувчи вафот этганда нотариус томонидан меросхўрларга васиятномани эълон қилиш;
(ii) эр-хотиннинг биргаликдаги васиятномасини нотариал тасдиқлаш;
(iii) мерос шартномасини нотариал тасдиқлаш;
(iv) муаллифлик ҳуқуқи ва турдош ҳуқуқлар ҳамда саноат мулки объектлари билан боғлиқ меросни нотариус томонидан расмийлаштириш тартибини белгилаш;
(б) икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифларни.
12. Адлия вазирлиги (А. Ташкулов) 2026 йил 1 майга қадар қуйидагиларни тасдиқласин:
(а) давлат нотариал идораси нотариуси лавозимига ҳамда хусусий нотариал фаолият билан шуғулланиш ҳуқуқини берувчи лицензия олишга талабгорлар учун ягона танлов ўтказиш тартиби ва баҳолаш мезонларини;
(б) муайян ҳудуд (нотариал округ)даги нотариус лавозимларининг энг кўп сонини белгилаш тартибини;
(в) нотариуслар томонидан ижро хатларини ёзиш, никоҳ шартномалари, видеоконференцалоқа режими орқали нотариал ҳаракатларни расмийлаштириш бўйича маъмурий регламентларни.
13. Мазкур қарорнинг ижросини самарали ташкил қилишга масъул ва шахсий жавобгар этиб адлия вазири А.Д. Ташкулов белгилансин.
14. Қарор ижросини назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президенти Администрацияси Ҳуқуқий экспертиза ва комплекс таҳлил қилиш департаменти бошлиғи А.Б. Самадов зиммасига юклансин.
Ўзбекистон Республикаси Президентининг 2025 йил 9 сентябрдаги ПҚ-280-сон қарорига 1-ИЛОВА
Давлат нотариал идораси нотариуси лавозимига ягона танловда иштирок этмаган ҳолда суҳбат асосида нотариуслар тайинланиши мумкин бўлган олис (чекка) ва нотариус лавозимига талаб юқори бўлмаган ҳудуд (нотариал округ)лар
Т/р Ҳудуд номи Қорақалпоғистон Республикаси 1. Бўзатов тумани 2. Мўйноқ тумани Андижон вилояти 3. Улуғнор тумани Қашқадарё вилояти 4. Деҳқонобод тумани Бухоро вилояти 5. Қоровулбозор тумани Жиззах вилояти 6. Зафаробод тумани 7. Янгиобод тумани Навоий вилояти 8. Томди тумани 9. Ғозғон шаҳри Сирдарё вилояти 10. Сардоба тумани 11. Ширин шаҳри Самарқанд вилояти 12. Қўшработ тумани Сурхондарё вилояти 13. Бандихон тумани Тошкент вилояти 14. Бекобод тумани Фарғона вилояти 15. Сўх тумани Хоразм вилояти 16. Тупроққалъа тумани
Ўзбекистон Республикаси Президентининг 2025 йил 9 сентябрдаги ПҚ-280-сон қарорига 2-ИЛОВА
Нотариуслар томонидан композит шаклда кўрсатиладиган давлат хизматлари
Т/р Нотариуслар томонидан кўрсатиладиган хизмат турлари Ариза берувчилар тоифаси Хизмат кўрсатиш шакли Хизмат кўрсатиш натижасида бериладиган ҳужжат Хизмат кўрсатиш муддати 1. Нотариал расмийлаштирилган ва идоравий нотариал архивга топширилган ҳужжатларнинг дубликатини бериш Жисмоний ва юридик шахслар Анъанавий шаклда Нотариал расмийлаштирилган ҳужжатларнинг дубликати 5 иш куни 2. Идоравий нотариал архивга топширилган нотариал ҳаракатларни рўйхатга олиш реестр китобидан кўчирма бериш Жисмоний ва юридик шахслар Анъанавий ва электрон шаклда Реестр китобидан кўчирма 2 иш куни 3. Нотариал расмийлаштирилган ва идоравий нотариал архивга топширилган архив ҳужжатларидан нусха бериш Жисмоний ва юридик шахслар Анъанавий ва электрон шаклда Архив ҳужжатларидан нусха 2 иш куни 4. Идоравий нотариал архивда сақланаётган ҳужжатлар бўйича архив маълумотномасини бериш Жисмоний ва юридик шахслар Анъанавий ва электрон шаклда Архив маълумотномаси 1 иш куни 5. Доимий яшаш жойи бўйича рўйхатдан ўтиш учун ариза юбориш Жисмоний шахслар Анъанавий ва электрон шаклда Ариза юборилганлиги ҳақида маълумот 1 кун 6. Туғилиш, никоҳ тузиш, никоҳдан ажралиш ва ўлим ҳолати фуқаролик ҳолати далолатномаларини ёзиш органларида қайд этилгани бўйича маълумотнома бериш Жисмоний шахслар Анъанавий ва электрон шаклда Маълумотнома 2 кун 7. Оталик белгиланганлиги ҳақида маълумотнома бериш Жисмоний шахслар Анъанавий ва электрон шаклда Маълумотнома 2 кун
Ўзбекистон Республикаси Президентининг 2025 йил 9 сентябрдаги ПҚ-280-сон қарорига 3-ИЛОВА
2025 — 2027 йилларда масофадан туриб видеоконференцалоқа режими орқали расмийлаштирилиши йўлга қўйиладиган нотариал ҳаракатлар
Т/р Нотариал ҳаракат номи Ижро муддати Масъул ижрочилар 1. Барча турдаги ишончномаларни бекор қилиш 2025 йил декабрь Адлия вазирлиги 2. Ижро хатларини ёзиш 3. Никоҳ шартномасини тасдиқлаш 2026 йил июнь Адлия вазирлиги, Ички ишлар вазирлиги 4. Бошқа турдаги аризалардаги имзонинг ҳақиқийлигини шаҳодатлаш 5. Автомототранспорт воситасини ижарага бериш шартномасини тасдиқлаш 6. Эр-хотиннинг умумий мол-мулкидаги улушга мулк ҳуқуқи тўғрисида гувоҳномалар бериш 2026 йил декабрь Адлия вазирлиги, Кадастр агентлиги, Ички ишлар вазирлиги, Марказий банк 7. Марҳум эрдан (хотиндан) кейин хотиннинг (эрнинг) аризасига кўра умумий мол-мулкдаги улушга бўлган мулк ҳуқуқи тўғрисида гувоҳнома бериш 8. Ипотека шартномасини тасдиқлаш 9. Турар жойнинг олди-сотди шартномасини тасдиқлаш 2027 йил март Адлия вазирлиги, Кадастр агентлиги, Ички ишлар вазирлиги 10. Турар жойнинг ҳадя шартномасини тасдиқлаш 11. Қарз шартномасини тасдиқлаш 12. Автомототранспорт воситасини айирбошлаш шартномасини тасдиқлаш 13. Васиятномаларни тасдиқлаш 14. Алимент тўлаш тўғрисидаги келишувни тасдиқлаш 15. Кўчмас мулкни айирбошлаш тўғрисидаги шартномани тасдиқлаш 2027 йил сентябрь Адлия вазирлиги, Кадастр агентлиги, Ички ишлар вазирлиги, Марказий банк 16. Турар жойнинг ижара шартномасини тасдиқлаш 17. Нотурар жойнинг ижара шартномасини тасдиқлаш 18. Шартномани бекор қилиш тўғрисидаги келишувни тасдиқлаш 19. Кўчмас мулкдан текин фойдаланиш шартномасини тасдиқлаш 20. Автомототранспорт воситасидан текин фойдаланиш шартномасини тасдиқлаш
Ўзбекистон Республикаси Президентининг 2025 йил 9 сентябрдаги ПҚ-280-сон қарорига 4-ИЛОВА
2025 — 2027 йилларда нотариат институтини янада ривожлантириш ҳамда соҳага замонавий ахборот-коммуникация технологияларини жорий этиш бўйича
Т/р Чора-тадбирлар номи Амалга ошириш шакли Бажариш муддати Масъул ижрочилар I. Нотариат соҳасининг норматив-ҳуқуқий базасини такомиллаштириш 1. «Нотариат тўғрисида»ги Қонуннинг янги таҳрири лойиҳасини ишлаб чиқиш ва унда қуйидагиларни назарда тутиш: янги нотариал ҳаракатларни жорий этиш, шу жумладан, васият қилувчи вафот этганда нотариус томонидан меросхўрларга васиятномани эълон қилиш, эр-хотиннинг биргаликдаги васиятномасини нотариал тасдиқлаш, мерос шартномасини нотариал тасдиқлаш, муаллифлик ҳуқуқи ва турдош ҳуқуқлар ҳамда саноат мулки объектлари билан боғлиқ меросни нотариус томонидан расмийлаштириш тартибини белгилаш; фуқаролик-ҳуқуқий низосиз талаблар бўйича қарз ундиришни нотариуснинг ижро хатларига асосан амалга ошириш, бунда қарздордан эътироз келиб тушганда нотариус томонидан ижро хатини бекор қилиш ҳамда ижро хатидаги хатоларни ва очиқ кўриниб турган арифметик хатоларни тузатиш; нотариуслик лавозимида бўлишнинг энг юқори ёш чегарасини олтмиш беш ёшдан етмиш ёшга ошириш; хусусий амалиёт билан шуғулланувчи нотариуснинг ихтиёрий аризасига асосан унинг лицензиясининг амал қилиш муддатини тўхтатиб туриш; хусусий амалиёт билан шуғулланувчи нотариусларга улар томонидан йўл қўйилган камчиликлар ёки содир этилган қоидабузарликлар учун мутаносиб равишда қўлланиладиган таъсир чоралари (огоҳлантириш ва жарима), уларнинг миқдорлари, муддатлари ва қўллаш тартибини белгилаш; нотариал расмийлаштириладиган барча ҳужжатларни нотариуснинг имзоси, муҳри ва/ёки QR код (матрик штрихли код) билан тасдиқлашни йўлга қўйиш. Қонун лойиҳаси 2025 йил декабрь Адлия вазирлиги (Ташкулов) , Олий суд (Исламов) , Нотариал палата (Ашуров) , манфаатдор вазирлик ва идоралар 2. Ўзбекистон Республикасининг айрим қонун ҳужжатларига фуқаролик қонунчилигини такомиллаштиришни назарда тутувчи ўзгартириш ва қўшимчалар киритиш бўйича қонун лойиҳасини ишлаб чиқиш ва унда қуйидагиларни назарда тутиш: васият қилувчи вафот этганда нотариус томонидан меросхўрларга васиятномани эълон қилиш; эр-хотиннинг биргаликдаги васиятномасини нотариал тасдиқлаш; мерос шартномасини нотариал тасдиқлаш; муаллифлик ҳуқуқи ва турдош ҳуқуқлар ҳамда саноат мулки объектлари билан боғлиқ меросни нотариус томонидан расмийлаштириш тартибини белгилаш. Қонун лойиҳаси 2025 йил декабрь Адлия вазирлиги (Ташкулов) , манфаатдор вазирлик ва идоралар 3. Нотариуслар томонидан амалга ошириладиган нотариал ҳаракатлар бўйича маъмурий регламентларни хатловдан ўтказган ҳолда уларнинг янгиланган лойиҳаларини ишлаб чиқиш. Бунда ижро хатларини ёзиш, васиятномалар, мерос шартномалари ва никоҳ шартномаларини тасдиқлаш ҳамда нотариал ҳаракатларни масофадан туриб видеоконференцалоқа режими орқали амалга ошириш тартиблари белгиланади. Адлия вазирининг буйруғи 2026 йил апрель Адлия вазирлиги (Ташкулов) , Нотариал палата (Ашуров) , манфаатдор вазирлик ва идоралар 4. Давлат нотариал идораси нотариуси лавозимига ҳамда хусусий нотариал фаолият билан шуғулланиш ҳуқуқини олишга талабгорлар учун танлов ўтказиш тартиби ва баҳолаш мезонларини тасдиқлаш. Адлия вазирининг буйруғи 2026 йил апрель Адлия вазирлиги (Ташкулов) , Билим ва малакаларни баҳолаш агентлиги (Каримов) , Коррупцияга қарши курашиш агентлиги (Бурханов) , Нотариал палата (Ашуров) , манфаатдор вазирлик ва идоралар 5. Муайян ҳудуддаги (нотариал округдаги) нотариуслар лавозимларининг энг кўп сонини белгилаш тартибини тасдиқлаш. Олис (чекка) ва нотариуслик лавозимига талаб юқори бўлмаган ҳудудларда (нотариал округда) давлат нотариал идораси нотариуси лавозимини ташкил этиш ва давлат нотариал идораси нотариуси лавозимига танловда иштирок этмаган ҳолда Олий малака комиссияси томонидан ўтказиладиган суҳбат асосида нотариусни тайинлаш тартибини жорий этиш. Адлия вазирининг буйруғи 2026 йил апрель Адлия вазирлиги (Ташкулов) , Нотариал палата (Ашуров) , манфаатдор вазирлик ва идоралар 6. Нотариал ҳаракатларни расмийлаштиришда фойдаланиладиган ягона шаклдаги гербли (махсус) бланкани жорий этиш. Вазирлар Маҳкамаси қарори лойиҳаси 2026 йил март Адлия вазирлиги (Ташкулов) , Нотариал палата (Ашуров) , манфаатдор вазирлик ва идоралар 7. Адлия вазирлиги ҳузуридаги Олий малака комиссияси ваколатларини қайта кўриб чиқиш. Бунда Олий малака комиссияси томонидан: амалий имтиҳонни ўтказиш; нотариус лавозимида бўлишнинг энг юқори ёшини 70 ёшгача узайтириш масаласини кўриб чиқиш; олис (чекка) ва нотариуслик лавозимига талаб юқори бўлмаган ҳудудлар (нотариал округ) учун давлат нотариал идораси нотариуси лавозимига суҳбат асосида нотариусни тайинлаш назарда тутилади. Адлия вазирининг буйруғи 2026 йил март Адлия вазирлиги (Ташкулов) 8. Талабгорлар учун Адлия вазирлиги ҳузуридаги Юридик кадрларни қайта тайёрлаш ва малакасини ошириш институтида мажбурий ўқув курсларини ташкил этиш тартибини белгилаш. Адлия вазирининг буйруғи 2026 йил март Адлия вазирлиги (Ташкулов) 9. Кўчмас мулкни бошқа шахсга ўтказиш билан боғлиқ битимларни нотариал тасдиқлаш жараёнини мажбурий аудио ва видео ёзувга қайд этиш ва «Нотариус» ААТга юклаш талабини белгилаш. Норматив-ҳуқуқий ҳужжат лойиҳаси 2025 йил ноябрь Адлия вазирлиги (Ташкулов), Нотариал палата (Ашуров) 10. Меросхўрларни қасддан яшириш ҳолатларига йўл қўйган фуқароларни нолойиқ меросхўр деб топиш ва уларга нисбатан жавобгарликни кучайтириш. Норматив-ҳуқуқий ҳужжат лойиҳаси 2027 йил декабрь Адлия вазирлиги (Ташкулов) , Олий суд (Исламов) , Бош прокуратура (Йўлдошев) , манфаатдор вазирлик ва идоралар 11. Адлия органлари балансида бўлган ва хусусий нотариуслар ижара ҳуқуқи асосида фойдаланиб келаётган биноларни уларга аукцион орқали сотиш тартибини белгилаш. Норматив-ҳуқуқий ҳужжат лойиҳаси 2026 йил апрель Адлия вазирлиги (Ташкулов) , Давлат активларини бошқариш агентлиги (Ортиков) , манфаатдор вазирлик ва идоралар II. Нотариуслар фаолиятига замонавий ахборот-коммуникация технологияларини жорий этиш 12. Нотариал ҳаракатларни амалга оширишда биометрик маълумотлар (бармоқ изи ва Face-ID) орқали фуқароларнинг шахсини верификация қилиш механизмини яратиш. Амалий чора-тадбирлар 2025 йил декабрь Адлия вазирлиги (Ташкулов) , Рақамли технологиялар вазирлиги (Шерматов) 13. Барча нотариал идораларга оптик толали алоқа тармоғини ўрнатиш чораларини кўриш. Амалий чора-тадбирлар 2026 йил январь Адлия вазирлиги (Ташкулов) , Рақамли технологиялар вазирлиги (Шерматов) 14. «E-notarius.uz» ахборот порталининг мобил иловасини яратиш. Амалий чора-тадбирлар 2026 йил март Адлия вазирлиги (Ташкулов) , Рақамли технологиялар вазирлиги (Шерматов) 15. Нотариуснинг ижро хатларини электрон ҳужжат сифатида шакллантириш ҳамда ундирувчи ва Ўзбекистон Республикаси Бош прокуратураси ҳузуридаги Мажбурий ижро бюроси органларига электрон ҳужжат айланиш тизими орқали юбориш амалиётини жорий этиш. Амалий чора-тадбирлар 2026 йил март Адлия вазирлиги (Ташкулов) , Бош прокуратура (Йўлдошев) , манфаатдор вазирлик ва идоралар 16. Суд томонидан муомалага лаёқатсиз деб топилган шахслар бўйича электрон маълумот базасини тўлиқ шакллантириш ва «Нотариус» ААТга интеграция қилиш. Амалий чора-тадбирлар 2026 йил апрель Олий суд (Исламов) , Адлия вазирлиги (Ташкулов) 17. Террорчилик фаолиятида ёки оммавий қирғин қуролини тарқатишда иштирок этаётган ёки иштирок этишда гумон қилинаётган шахслар рўйхати бўйича Бош прокуратура ҳузуридаги Иқтисодий жиноятларга қарши курашиш департаментининг ахборот тизими ва «Нотариус» ААТни ўзаро интеграция қилиш. Амалий чора-тадбирлар 2025 йил декабрь Адлия вазирлиги (Ташкулов) , Бош прокуратура (Хатамов) III. Нотариал идоралар фаолияти самарадорлигини таъминлаш 18. Нотариуслар томонидан композит шаклда қуйидаги давлат хизматлари кўрсатилишини йўлга қўйиш: нотариал расмийлаштирилган ва идоравий нотариал архивга топширилган ҳужжатларнинг дубликатини бериш; нотариал ҳаракатларни рўйхатга олиш реестр китобидан кўчирма бериш; нотариал расмийлаштирилган ва идоравий нотариал архивга топширилган архив ҳужжатларидан нусха бериш; идоравий нотариал архивда сақланаётган ҳужжатлар бўйича архив маълумотномасини бериш; доимий яшаш жойи бўйича рўйхатдан ўтиш учун ариза юбориш; туғилганлик, ўлим, никоҳ тузилганлиги ва никоҳдан ажралишни фуқаролик ҳолати далолатномаларини ёзиш органларида қайд этилганлиги бўйича маълумотнома бериш; оталик белгиланганлиги ҳақида маълумотнома бериш. Комплекс чора-тадбирлар 2026 йил февраль Адлия вазирлиги (Ташкулов) 19. Нотариуслар томонидан композит шаклда кўрсатиладиган қўшимча давлат хизматлари сонини ошириш масаласини кўриб чиқиш. Комплекс чора-тадбирлар 2026 йил май Адлия вазирлиги (Ташкулов) , манфаатдор вазирлик ва идоралар 20. Ўзбекистон Республикаси консуллик муассасалари томонидан тасдиқланадиган ариза ва ишончномаларни «Нотариус» ААТга юбориш тартибини жорий этиш. Комплекс чора-тадбирлар 2026 йил июль Адлия вазирлиги (Ташкулов) , Ташқи ишлар вазирлиги (Саидов) 21. Кўчмас мулк бошқа шахсга ўтказилганда унинг янги мулкдори ҳақидаги маълумотларни коммунал хизмат кўрсатувчи ташкилотларда автоматик тарзда ўзгартириш тартибини жорий этиш бўйича тегишли чора-тадбирларни амалга ошириш. Комплекс чора-тадбирлар режасини тасдиқлаш 2025 йил декабрь Кадастр агентлиги (Пулатов) , Адлия вазирлиги (Ташкулов) , Энергетика вазирлиги (Мирзамаҳмудов) , Қурилиш ва уй-жой коммунал хўжалиги вазирлиги (Хидоятов) , Солиқ қўмитаси (Кудбиев) , «Ҳудудий электр тармоқлари» АЖ (Асқаров) , «Ҳудудгазтаъминот» АЖ (Ходжаев) , «Ўзсувтаъминот» АЖ (Сувонқулов) , манфаатдор вазирлик ва идоралар Маълумотларни автоматик тарзда ўзгартириш тартибини жорий этиш 2026 йил 1 апрелга қадар 22. 2022 йил 1 октябрга қадар жисмоний ва юридик шахсларнинг мол-мулкларини бошқа шахсга ўтказишга нисбатан қўйилган тақиқларни тегишлилиги бўйича хатловдан ўтказиш ва сақланиб қолиниши лозим бўлган тақиқлар рўйхатини жисмоний шахснинг шахсий идентификация рақами, солиқ тўловчининг идентификация рақами ва объект идентификаторлари асосида шакллантириб, Адлия вазирлигига тақдим этиш. Амалий чора-тадбирлар 2025 йил декабрь Манфаатдор вазирлик ва идоралар, Адлия вазирлиги (Ташкулов) Ўз аҳамиятини йўқотган тақиқ (хатлов)лар рўйхатини шакллантириш ва тақиқдан чиқариш чораларини кўриш. 2026 йил апрель
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 9 сентябрь,
ПҚ-280-сон
Oʻzbekiston Respublikasi Prezidentining
qarori
ROʻYXATI
ROʻYXATI
REJA-GRAFIGI
“YOʻL XARITASI”
Notariat institutini yanada rivojlantirish hamda sohaga zamonaviy axborot-kommunikatsiya texnologiyalarini keng joriy etishga oid qoʻshimcha chora-tadbirlar toʻgʻrisida
Oʻzbekiston Respublikasi Prezidentining 2024-yil 24-maydagi “Maʼmuriy islohotlar doirasida adliya organlari va muassasalarining masʼuliyatini yanada oshirish hamda ixcham boshqaruv tizimini shakllantirish toʻgʻrisida”gi PF-80-son Farmoniga muvofiq hamda fuqarolar va tadbirkorlik subyektlarining huquq va qonuniy manfaatlarini himoya qilishda notariat institutining rolini oshirish, shuningdek, notariuslar faoliyatini raqamlashtirish bilan bogʻliq ishlarni izchil davom ettirish maqsadida qaror qilaman:
1. 2026-yil 1-martdan boshlab bazaviy hisoblash miqdorining ming baravarigacha boʻlgan quyidagi fuqarolik-huquqiy nizosiz talablar boʻyicha notariuslar tomonidan ijro xatlarini yozish tartibi joriy etilsin:
(a) notarial tasdiqlangan bitimlarga asoslangan talab;
(b) yozma va notarial tasdiqlangan bitim mavjud boʻlgan taqdirda, undiruvni qarzdorning majburiyatlari bajarilishining taʼminoti boʻlgan koʻchar mol-mulkka qaratish toʻgʻrisida talab;
(v) ijara toʻlovlari, koʻp kvartirali uylardagi joylarning mulkdorlaridan majburiy badallar va toʻlovlar, kommunal va aloqa xizmatlari boʻyicha qarzdorlikni undirish toʻgʻrisida talablar.
2. Adliya vazirligi va Oʻzbekiston Notarial palatasining 2026-yil 1-apreldan boshlab notariuslar faoliyatiga quyidagilarni joriy etish toʻgʻrisidagi takliflari maʼqullansin:
(a) Oʻzbekiston Respublikasida notarius lavozimida boʻlishning eng yuqori yosh chegarasini oltmish besh yoshdan yetmish yoshga oshirish.
Bunda Adliya vazirligi huzuridagi Oliy malaka komissiyasi (keyingi oʻrinlarda — Oliy malaka komissiyasi) tomonidan oʻtkaziladigan suhbat natijasiga koʻra notarius oʻz roziligi bilan ish faoliyatini yetmish yoshgacha amalga oshirishi mumkin;
(b) davlat notarial idorasi notariusini lavozimiga tayinlash boʻyicha tanlov va xususiy notarial faoliyat bilan shugʻullanish huquqini berish boʻyicha malaka imtihoni oʻrniga axborot texnologiyalari imkoniyatlaridan foydalangan holda quyidagi ikki bosqichdan iborat boʻlgan yagona tanlov tartibini joriy etish:
(i) birinchi bosqichda talabgorlar davlat va jamiyat boshqaruvi hamda korrupsiyaga qarshi kurashish, fuqarolik huquqi, notariat va vorislik huquqi sohalari boʻyicha test sinovlaridan oʻtadi. Bunda test sinovlari axborot texnologiyalaridan foydalangan holda Adliya vazirligi hamda Oliy taʼlim, fan va innovatsiyalar vazirligi huzuridagi Bilim va malakalarni baholash agentligi tomonidan tashkil etiladi;
(ii) ikkinchi bosqichda test sinovlaridan muvaffaqiyatli oʻtgan talabgorlar Oliy malaka komissiyasi tomonidan oʻtkaziladigan amaliy imtihonda notarial harakatlarning loyihalarini maxsus elektron platformada tayyorlaydi va muammoli masalaga (kazusga) javob beradi;
(v) mazkur bandning “b” kichik bandida nazarda tutilgan yagona tanlovda ishtirok etishga faqat Adliya vazirligi huzuridagi Yuridik kadrlarni qayta tayyorlash va malakasini oshirish institutida tashkil etiladigan kurslarni muvaffaqiyatli tamomlagan shaxslarga ruxsat berish;
(g) xususiy amaliyot bilan shugʻullanuvchi notarius oʻz kasbiy faoliyatini uzrli sabablarga koʻra bajara olmagan taqdirda, uning arizasiga asosan litsenziyasining amal qilish muddatini toʻxtatib turish;
(d) xususiy amaliyot bilan shugʻullanuvchi notarius litsenziyasining amal qilishini toʻxtatib turish yoki tugatishdan tashqari ogohlantirish va jarima koʻrinishidagi muqobil taʼsir choralarini qoʻllash mexanizmini joriy etish;
(j) notarial harakatlarni rasmiylashtirishda foydalaniladigan gerbli (maxsus) blankalarni unifikatsiya qilish orqali yagona shakldagi gerbli (maxsus) blankani joriy etish. Bunda:
(i) notarial harakatlarni maxsus gerbli blankada rasmiylashtirish taraflarning xohishiga koʻra amalga oshirilishi mumkin;
(ii) videokonferensaloqa rejimida amalga oshirilgan notarial harakatlar gerbli (maxsus) blankalarda rasmiylashtirilishi talab etilmaydi;
(z) notarial rasmiylashtirilgan barcha hujjatlarni notariusning imzosi, muhri va/yoki QR kod (matrik shtrixli kod) bilan tasdiqlash.
3. Shunday tartib oʻrnatilsinki, unga muvofiq notarial xizmatlar koʻrsatishda quyidagi talablar bekor qilinadi:
(a) 2025-yil 1-dekabrdan boshlab:
(i) respublika hududida notarial tasdiqlangan nikoh shartnomalari nusxasini “Notarius” avtomatlashtirilgan axborot tizimiga (keyingi oʻrinlarda — Tizim) majburiy yuklash tartibini joriy etish orqali ularning aslini notariuslar tomonidan talab qilish;
(ii) notarial harakatlarni amalga oshirish jarayoni qayd etilgan audio va videoyozuv fayllarini elektron qurilmalarda saqlash. Bunda ushbu turdagi audio va videoyozuvlar fayllarini Tizimda toʻgʻridan-toʻgʻri notarial harakatga biriktirish va saqlash imkoniyati yaratiladi;
(b) 2026-yil 1-yanvardan boshlab notarial harakatlarni amalga oshirish uchun notariusga Oʻzbekiston Respublikasi fuqarosining shaxsini tasdiqlovchi hujjatning aslini taqdim etish. Bunda fuqarolarning shaxsi ularning shaxsini tasdiqlovchi hujjat rekvizitlari orqali zamonaviy axborot texnologiyalaridan foydalangan holda identifikatsiya qilinadi hamda biometrik maʼlumotlar (barmoq izi va Face-ID) orqali verifikatsiya qilinadi.
4. Adliya vazirligiga notariat sohasida davlat siyosatini amalga oshirishda quyidagi qoʻshimcha vakolatlar berilsin:
(a) muayyan hududdagi (notarial okrugdagi) notarius lavozimlarining eng koʻp sonini belgilash;
(b) olis (chekka) va notarius lavozimiga talab yuqori boʻlmagan hudud (notarial okrug)larda davlat notarial idorasi notariusi lavozimiga talabgorlarni yagona tanlovda ishtirok etmagan holda Oliy malaka komissiyasi tomonidan oʻtkaziladigan suhbat asosida tayinlash.
5. Quyidagilar:
(a) Davlat notarial idorasi notariusi lavozimiga yagona tanlovda ishtirok etmagan holda suhbat asosida notariuslar tayinlanishi mumkin boʻlgan olis (chekka) va notarius lavozimiga talab yuqori boʻlmagan hudud (notarial okrug)lar roʻyxati 1-ilovaga muvofiq;
(b) Notariuslar tomonidan kompozit shaklda koʻrsatiladigan davlat xizmatlari roʻyxati 2-ilovaga muvofiq;
(v) 2025 — 2027-yillarda masofadan turib videokonferensaloqa rejimi orqali rasmiylashtirilishi yoʻlga qoʻyiladigan notarial harakatlar reja-grafigi 3-ilovaga muvofiq;
(g) 2025 — 2027-yillarda notariat institutini yanada rivojlantirish hamda sohaga zamonaviy axborot-kommunikatsiya texnologiyalarini joriy etish boʻyicha “yoʻl xaritasi” 4-ilovaga muvofiq tasdiqlansin.
6. Belgilansinki, mazkur qarorning 1-ilovasida koʻrsatilgan olis (chekka) va notarius lavozimiga talab yuqori boʻlmagan hudud (notarial okrug)larda:
(a) kamida uch yil davomida notariuslik faoliyatini amalga oshirgan notariuslarga Oliy malaka komissiyasi xulosasi asosida xususiy amaliyot bilan shugʻullanuvchi notarius sifatida oʻzlari tanlagan respublikaning istalgan boshqa hududida faoliyatini davom ettirish huquqi beriladi;
(b) davlat notarial idorasi notariusi lavozimi joriy etilganida har bir davlat notarial idorasi uchun kamida bir nafardan notarius yordamchisi va notarius kotibi shtat birliklarini majburiy tarzda joriy etish haqidagi talab tatbiq etilmaydi.
7. Shunday tartib oʻrnatilsinki, unga muvofiq 2026-yil 1-apreldan boshlab koʻchmas mulk va undagi ulushlar bilan bogʻliq barcha bitimlar notarius tomonidan Tizim orqali davlat roʻyxatidan oʻtkazish uchun yuborilib, koʻchmas mulk obyekti davlat roʻyxatidan oʻtkazilganda uning yangi mulkdori haqidagi maʼlumotlar kommunal xizmatlar tashkilotlarining elektron axborot tizimlariga avtomatik tarzda yuboriladi va maʼlumotlar bazalarida yangilanadi.
8. Kadastr agentligi, Energetika vazirligi, Qurilish va uy-joy kommunal xoʻjaligi vazirligi, Ekologiya, atrof-muhitni muhofaza qilish va iqlim oʻzgarishi vazirligi, Soliq qoʻmitasi va “Oʻzsuvtaʼminot” AJ 2026-yil 1-aprelga qadar oʻz axborot tizimlarining belgilangan tartibda toʻliq integratsiyasini taʼminlab, maʼlumotlar avtomatik tarzda yangilanishini yoʻlga qoʻysin.
9. Manfaatdor vazirlik va idoralar uch oy muddatda 2022-yil 1-oktabrga qadar jismoniy va yuridik shaxslarning mol-mulklarini boshqa shaxsga oʻtkazishga nisbatan qoʻyilgan taqiqlarni tegishliligi boʻyicha xatlovdan oʻtkazsin va saqlab qolinishi lozim boʻlgan taqiqlar roʻyxatini jismoniy shaxsning shaxsiy identifikatsiya raqami, soliq toʻlovchining identifikatsiya raqami va mol-mulk haqidagi maʼlumotlar (identifikator) asosida shakllantirib, Adliya vazirligiga taqdim etsin.
10. Adliya vazirligi manfaatdor vazirlik va idoralar bilan kelishgan holda oʻz ahamiyatini yoʻqotgan taqiq (xatlov)lar roʻyxatini shakllantirsin va ularni bekor qilish choralarini koʻrsin.
11. Adliya vazirligi manfaatdor vazirlik va idoralar bilan birgalikda Vazirlar Mahkamasiga quyidagilarni kiritsin:
(a) uch oy muddatda yangi tahrirdagi “Notariat toʻgʻrisida”gi qonun loyihasini. Bunda, shu jumladan, quyidagi yangi notarial harakatlar joriy etilishi nazarda tutilsin:
(i) vasiyat qiluvchi vafot etganda notarius tomonidan merosxoʻrlarga vasiyatnomani eʼlon qilish;
(ii) er-xotinning birgalikdagi vasiyatnomasini notarial tasdiqlash;
(iii) meros shartnomasini notarial tasdiqlash;
(iv) mualliflik huquqi va turdosh huquqlar hamda sanoat mulki obyektlari bilan bogʻliq merosni notarius tomonidan rasmiylashtirish tartibini belgilash;
(b) ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflarni.
12. Adliya vazirligi (A. Tashkulov) 2026-yil 1-mayga qadar quyidagilarni tasdiqlasin:
(a) davlat notarial idorasi notariusi lavozimiga hamda xususiy notarial faoliyat bilan shugʻullanish huquqini beruvchi litsenziya olishga talabgorlar uchun yagona tanlov oʻtkazish tartibi va baholash mezonlarini;
(b) muayyan hudud (notarial okrug)dagi notarius lavozimlarining eng koʻp sonini belgilash tartibini;
(v) notariuslar tomonidan ijro xatlarini yozish, nikoh shartnomalari, videokonferensaloqa rejimi orqali notarial harakatlarni rasmiylashtirish boʻyicha maʼmuriy reglamentlarni.
13. Mazkur qarorning ijrosini samarali tashkil qilishga masʼul va shaxsiy javobgar etib adliya vaziri A.D. Tashkulov belgilansin.
14. Qaror ijrosini nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidenti Administratsiyasi Huquqiy ekspertiza va kompleks tahlil qilish departamenti boshligʻi A.B. Samadov zimmasiga yuklansin.
Oʻzbekiston Respublikasi Prezidentining 2025-yil 9-sentabrdagi PQ-280-son qaroriga 1-ILOVA
Davlat notarial idorasi notariusi lavozimiga yagona tanlovda ishtirok etmagan holda suhbat asosida notariuslar tayinlanishi mumkin boʻlgan olis (chekka) va notarius lavozimiga talab yuqori boʻlmagan hudud (notarial okrug)lar
T/r Hudud nomi Qoraqalpogʻiston Respublikasi 1. Boʻzatov tumani 2. Moʻynoq tumani Andijon viloyati 3. Ulugʻnor tumani Qashqadaryo viloyati 4. Dehqonobod tumani Buxoro viloyati 5. Qorovulbozor tumani Jizzax viloyati 6. Zafarobod tumani 7. Yangiobod tumani Navoiy viloyati 8. Tomdi tumani 9. Gʻozgʻon shahri Sirdaryo viloyati 10. Sardoba tumani 11. Shirin shahri Samarqand viloyati 12. Qoʻshrabot tumani Surxondaryo viloyati 13. Bandixon tumani Toshkent viloyati 14. Bekobod tumani Fargʻona viloyati 15. Soʻx tumani Xorazm viloyati 16. Tuproqqalʼa tumani
Oʻzbekiston Respublikasi Prezidentining 2025-yil 9-sentabrdagi PQ-280-son qaroriga 2-ILOVA
Notariuslar tomonidan kompozit shaklda koʻrsatiladigan davlat xizmatlari
T/r Notariuslar tomonidan koʻrsatiladigan xizmat turlari Ariza beruvchilar toifasi Xizmat koʻrsatish shakli Xizmat koʻrsatish natijasida beriladigan hujjat Xizmat koʻrsatish muddati 1. Notarial rasmiylashtirilgan va idoraviy notarial arxivga topshirilgan hujjatlarning dublikatini berish Jismoniy va yuridik shaxslar Anʼanaviy shaklda Notarial rasmiylashtirilgan hujjatlarning dublikati 5 ish kuni 2. Idoraviy notarial arxivga topshirilgan notarial harakatlarni roʻyxatga olish reyestr kitobidan koʻchirma berish Jismoniy va yuridik shaxslar Anʼanaviy va elektron shaklda Reyestr kitobidan koʻchirma 2 ish kuni 3. Notarial rasmiylashtirilgan va idoraviy notarial arxivga topshirilgan arxiv hujjatlaridan nusxa berish Jismoniy va yuridik shaxslar Anʼanaviy va elektron shaklda Arxiv hujjatlaridan nusxa 2 ish kuni 4. Idoraviy notarial arxivda saqlanayotgan hujjatlar boʻyicha arxiv maʼlumotnomasini berish Jismoniy va yuridik shaxslar Anʼanaviy va elektron shaklda Arxiv maʼlumotnomasi 1 ish kuni 5. Doimiy yashash joyi boʻyicha roʻyxatdan oʻtish uchun ariza yuborish Jismoniy shaxslar Anʼanaviy va elektron shaklda Ariza yuborilganligi haqida maʼlumot 1 kun 6. Tugʻilish, nikoh tuzish, nikohdan ajralish va oʻlim holati fuqarolik holati dalolatnomalarini yozish organlarida qayd etilgani boʻyicha maʼlumotnoma berish Jismoniy shaxslar Anʼanaviy va elektron shaklda Maʼlumotnoma 2 kun 7. Otalik belgilanganligi haqida maʼlumotnoma berish Jismoniy shaxslar Anʼanaviy va elektron shaklda Maʼlumotnoma 2 kun
Oʻzbekiston Respublikasi Prezidentining 2025-yil 9-sentabrdagi PQ-280-son qaroriga 3-ILOVA
2025 — 2027-yillarda masofadan turib videokonferensaloqa rejimi orqali rasmiylashtirilishi yoʻlga qoʻyiladigan notarial harakatlar
T/r Notarial harakat nomi Ijro muddati Masʼul ijrochilar 1. Barcha turdagi ishonchnomalarni bekor qilish 2025-yil dekabr Adliya vazirligi 2. Ijro xatlarini yozish 3. Nikoh shartnomasini tasdiqlash 2026-yil iyun Adliya vazirligi, Ichki ishlar vazirligi 4. Boshqa turdagi arizalardagi imzoning haqiqiyligini shahodatlash 5. Avtomototransport vositasini ijaraga berish shartnomasini tasdiqlash 6. Er-xotinning umumiy mol-mulkidagi ulushga mulk huquqi toʻgʻrisida guvohnomalar berish 2026-yil dekabr Adliya vazirligi, Kadastr agentligi, Ichki ishlar vazirligi, Markaziy bank 7. Marhum erdan (xotindan) keyin xotinning (erning) arizasiga koʻra umumiy mol-mulkdagi ulushga boʻlgan mulk huquqi toʻgʻrisida guvohnoma berish 8. Ipoteka shartnomasini tasdiqlash 9. Turar joyning oldi-sotdi shartnomasini tasdiqlash 2027-yil mart Adliya vazirligi, Kadastr agentligi, Ichki ishlar vazirligi 10. Turar joyning hadya shartnomasini tasdiqlash 11. Qarz shartnomasini tasdiqlash 12. Avtomototransport vositasini ayirboshlash shartnomasini tasdiqlash 13. Vasiyatnomalarni tasdiqlash 14. Aliment toʻlash toʻgʻrisidagi kelishuvni tasdiqlash 15. Koʻchmas mulkni ayirboshlash toʻgʻrisidagi shartnomani tasdiqlash 2027-yil sentabr Adliya vazirligi, Kadastr agentligi, Ichki ishlar vazirligi, Markaziy bank 16. Turar joyning ijara shartnomasini tasdiqlash 17. Noturar joyning ijara shartnomasini tasdiqlash 18. Shartnomani bekor qilish toʻgʻrisidagi kelishuvni tasdiqlash 19. Koʻchmas mulkdan tekin foydalanish shartnomasini tasdiqlash 20. Avtomototransport vositasidan tekin foydalanish shartnomasini tasdiqlash
Oʻzbekiston Respublikasi Prezidentining 2025-yil 9-sentabrdagi PQ-280-son qaroriga 4-ILOVA
2025 — 2027-yillarda notariat institutini yanada rivojlantirish hamda sohaga zamonaviy axborot-kommunikatsiya texnologiyalarini joriy etish boʻyicha
T/r Chora-tadbirlar nomi Amalga oshirish shakli Bajarish muddati Masʼul ijrochilar I. Notariat sohasining normativ-huquqiy bazasini takomillashtirish 1. “Notariat toʻgʻrisida”gi Qonunning yangi tahriri loyihasini ishlab chiqish va unda quyidagilarni nazarda tutish: yangi notarial harakatlarni joriy etish, shu jumladan, vasiyat qiluvchi vafot etganda notarius tomonidan merosxoʻrlarga vasiyatnomani eʼlon qilish, er-xotinning birgalikdagi vasiyatnomasini notarial tasdiqlash, meros shartnomasini notarial tasdiqlash, mualliflik huquqi va turdosh huquqlar hamda sanoat mulki obyektlari bilan bogʻliq merosni notarius tomonidan rasmiylashtirish tartibini belgilash; fuqarolik-huquqiy nizosiz talablar boʻyicha qarz undirishni notariusning ijro xatlariga asosan amalga oshirish, bunda qarzdordan eʼtiroz kelib tushganda notarius tomonidan ijro xatini bekor qilish hamda ijro xatidagi xatolarni va ochiq koʻrinib turgan arifmetik xatolarni tuzatish; notariuslik lavozimida boʻlishning eng yuqori yosh chegarasini oltmish besh yoshdan yetmish yoshga oshirish; xususiy amaliyot bilan shugʻullanuvchi notariusning ixtiyoriy arizasiga asosan uning litsenziyasining amal qilish muddatini toʻxtatib turish; xususiy amaliyot bilan shugʻullanuvchi notariuslarga ular tomonidan yoʻl qoʻyilgan kamchiliklar yoki sodir etilgan qoidabuzarliklar uchun mutanosib ravishda qoʻllaniladigan taʼsir choralari (ogohlantirish va jarima), ularning miqdorlari, muddatlari va qoʻllash tartibini belgilash; notarial rasmiylashtiriladigan barcha hujjatlarni notariusning imzosi, muhri va/yoki QR kod (matrik shtrixli kod) bilan tasdiqlashni yoʻlga qoʻyish. Qonun loyihasi 2025-yil dekabr Adliya vazirligi (Tashkulov) , Oliy sud (Islamov) , Notarial palata (Ashurov) , manfaatdor vazirlik va idoralar 2. Oʻzbekiston Respublikasining ayrim qonun hujjatlariga fuqarolik qonunchiligini takomillashtirishni nazarda tutuvchi oʻzgartirish va qoʻshimchalar kiritish boʻyicha qonun loyihasini ishlab chiqish va unda quyidagilarni nazarda tutish: vasiyat qiluvchi vafot etganda notarius tomonidan merosxoʻrlarga vasiyatnomani eʼlon qilish; er-xotinning birgalikdagi vasiyatnomasini notarial tasdiqlash; meros shartnomasini notarial tasdiqlash; mualliflik huquqi va turdosh huquqlar hamda sanoat mulki obyektlari bilan bogʻliq merosni notarius tomonidan rasmiylashtirish tartibini belgilash. Qonun loyihasi 2025-yil dekabr Adliya vazirligi (Tashkulov) , manfaatdor vazirlik va idoralar 3. Notariuslar tomonidan amalga oshiriladigan notarial harakatlar boʻyicha maʼmuriy reglamentlarni xatlovdan oʻtkazgan holda ularning yangilangan loyihalarini ishlab chiqish. Bunda ijro xatlarini yozish, vasiyatnomalar, meros shartnomalari va nikoh shartnomalarini tasdiqlash hamda notarial harakatlarni masofadan turib videokonferensaloqa rejimi orqali amalga oshirish tartiblari belgilanadi. Adliya vazirining buyrugʻi 2026-yil aprel Adliya vazirligi (Tashkulov) , Notarial palata (Ashurov) , manfaatdor vazirlik va idoralar 4. Davlat notarial idorasi notariusi lavozimiga hamda xususiy notarial faoliyat bilan shugʻullanish huquqini olishga talabgorlar uchun tanlov oʻtkazish tartibi va baholash mezonlarini tasdiqlash. Adliya vazirining buyrugʻi 2026-yil aprel Adliya vazirligi (Tashkulov) , Bilim va malakalarni baholash agentligi (Karimov) , Korrupsiyaga qarshi kurashish agentligi (Burxanov) , Notarial palata (Ashurov) , manfaatdor vazirlik va idoralar 5. Muayyan hududdagi (notarial okrugdagi) notariuslar lavozimlarining eng koʻp sonini belgilash tartibini tasdiqlash. Olis (chekka) va notariuslik lavozimiga talab yuqori boʻlmagan hududlarda (notarial okrugda) davlat notarial idorasi notariusi lavozimini tashkil etish va davlat notarial idorasi notariusi lavozimiga tanlovda ishtirok etmagan holda Oliy malaka komissiyasi tomonidan oʻtkaziladigan suhbat asosida notariusni tayinlash tartibini joriy etish. Adliya vazirining buyrugʻi 2026-yil aprel Adliya vazirligi (Tashkulov) , Notarial palata (Ashurov) , manfaatdor vazirlik va idoralar 6. Notarial harakatlarni rasmiylashtirishda foydalaniladigan yagona shakldagi gerbli (maxsus) blankani joriy etish. Vazirlar Mahkamasi qarori loyihasi 2026-yil mart Adliya vazirligi (Tashkulov) , Notarial palata (Ashurov) , manfaatdor vazirlik va idoralar 7. Adliya vazirligi huzuridagi Oliy malaka komissiyasi vakolatlarini qayta koʻrib chiqish. Bunda Oliy malaka komissiyasi tomonidan: amaliy imtihonni oʻtkazish; notarius lavozimida boʻlishning eng yuqori yoshini 70 yoshgacha uzaytirish masalasini koʻrib chiqish; olis (chekka) va notariuslik lavozimiga talab yuqori boʻlmagan hududlar (notarial okrug) uchun davlat notarial idorasi notariusi lavozimiga suhbat asosida notariusni tayinlash nazarda tutiladi. Adliya vazirining buyrugʻi 2026-yil mart Adliya vazirligi (Tashkulov) 8. Talabgorlar uchun Adliya vazirligi huzuridagi Yuridik kadrlarni qayta tayyorlash va malakasini oshirish institutida majburiy oʻquv kurslarini tashkil etish tartibini belgilash. Adliya vazirining buyrugʻi 2026-yil mart Adliya vazirligi (Tashkulov) 9. Koʻchmas mulkni boshqa shaxsga oʻtkazish bilan bogʻliq bitimlarni notarial tasdiqlash jarayonini majburiy audio va video yozuvga qayd etish va “Notarius” AATga yuklash talabini belgilash. Normativ-huquqiy hujjat loyihasi 2025-yil noyabr Adliya vazirligi (Tashkulov), Notarial palata (Ashurov) 10. Merosxoʻrlarni qasddan yashirish holatlariga yoʻl qoʻygan fuqarolarni noloyiq merosxoʻr deb topish va ularga nisbatan javobgarlikni kuchaytirish. Normativ-huquqiy hujjat loyihasi 2027-yil dekabr Adliya vazirligi (Tashkulov) , Oliy sud (Islamov) , Bosh prokuratura (Yoʻldoshev) , manfaatdor vazirlik va idoralar 11. Adliya organlari balansida boʻlgan va xususiy notariuslar ijara huquqi asosida foydalanib kelayotgan binolarni ularga auksion orqali sotish tartibini belgilash. Normativ-huquqiy hujjat loyihasi 2026-yil aprel Adliya vazirligi (Tashkulov) , Davlat aktivlarini boshqarish agentligi (Ortikov) , manfaatdor vazirlik va idoralar II. Notariuslar faoliyatiga zamonaviy axborot-kommunikatsiya texnologiyalarini joriy etish 12. Notarial harakatlarni amalga oshirishda biometrik maʼlumotlar (barmoq izi va Face-ID) orqali fuqarolarning shaxsini verifikatsiya qilish mexanizmini yaratish. Amaliy chora-tadbirlar 2025-yil dekabr Adliya vazirligi (Tashkulov) , Raqamli texnologiyalar vazirligi (Shermatov) 13. Barcha notarial idoralarga optik tolali aloqa tarmogʻini oʻrnatish choralarini koʻrish. Amaliy chora-tadbirlar 2026-yil yanvar Adliya vazirligi (Tashkulov) , Raqamli texnologiyalar vazirligi (Shermatov) 14. “E-notarius.uz” axborot portalining mobil ilovasini yaratish. Amaliy chora-tadbirlar 2026-yil mart Adliya vazirligi (Tashkulov) , Raqamli texnologiyalar vazirligi (Shermatov) 15. Notariusning ijro xatlarini elektron hujjat sifatida shakllantirish hamda undiruvchi va Oʻzbekiston Respublikasi Bosh prokuraturasi huzuridagi Majburiy ijro byurosi organlariga elektron hujjat aylanish tizimi orqali yuborish amaliyotini joriy etish. Amaliy chora-tadbirlar 2026-yil mart Adliya vazirligi (Tashkulov) , Bosh prokuratura (Yoʻldoshev) , manfaatdor vazirlik va idoralar 16. Sud tomonidan muomalaga layoqatsiz deb topilgan shaxslar boʻyicha elektron maʼlumot bazasini toʻliq shakllantirish va “Notarius” AATga integratsiya qilish. Amaliy chora-tadbirlar 2026-yil aprel Oliy sud (Islamov) , Adliya vazirligi (Tashkulov) 17. Terrorchilik faoliyatida yoki ommaviy qirgʻin qurolini tarqatishda ishtirok etayotgan yoki ishtirok etishda gumon qilinayotgan shaxslar roʻyxati boʻyicha Bosh prokuratura huzuridagi Iqtisodiy jinoyatlarga qarshi kurashish departamentining axborot tizimi va “Notarius” AATni oʻzaro integratsiya qilish. Amaliy chora-tadbirlar 2025-yil dekabr Adliya vazirligi (Tashkulov) , Bosh prokuratura (Xatamov) III. Notarial idoralar faoliyati samaradorligini taʼminlash 18. Notariuslar tomonidan kompozit shaklda quyidagi davlat xizmatlari koʻrsatilishini yoʻlga qoʻyish: notarial rasmiylashtirilgan va idoraviy notarial arxivga topshirilgan hujjatlarning dublikatini berish; notarial harakatlarni roʻyxatga olish reyestr kitobidan koʻchirma berish; notarial rasmiylashtirilgan va idoraviy notarial arxivga topshirilgan arxiv hujjatlaridan nusxa berish; idoraviy notarial arxivda saqlanayotgan hujjatlar boʻyicha arxiv maʼlumotnomasini berish; doimiy yashash joyi boʻyicha roʻyxatdan oʻtish uchun ariza yuborish; tugʻilganlik, oʻlim, nikoh tuzilganligi va nikohdan ajralishni fuqarolik holati dalolatnomalarini yozish organlarida qayd etilganligi boʻyicha maʼlumotnoma berish; otalik belgilanganligi haqida maʼlumotnoma berish. Kompleks chora-tadbirlar 2026-yil fevral Adliya vazirligi (Tashkulov) 19. Notariuslar tomonidan kompozit shaklda koʻrsatiladigan qoʻshimcha davlat xizmatlari sonini oshirish masalasini koʻrib chiqish. Kompleks chora-tadbirlar 2026-yil may Adliya vazirligi (Tashkulov) , manfaatdor vazirlik va idoralar 20. Oʻzbekiston Respublikasi konsullik muassasalari tomonidan tasdiqlanadigan ariza va ishonchnomalarni “Notarius” AATga yuborish tartibini joriy etish. Kompleks chora-tadbirlar 2026-yil iyul Adliya vazirligi (Tashkulov) , Tashqi ishlar vazirligi (Saidov) 21. Koʻchmas mulk boshqa shaxsga oʻtkazilganda uning yangi mulkdori haqidagi maʼlumotlarni kommunal xizmat koʻrsatuvchi tashkilotlarda avtomatik tarzda oʻzgartirish tartibini joriy etish boʻyicha tegishli chora-tadbirlarni amalga oshirish. Kompleks chora-tadbirlar rejasini tasdiqlash 2025-yil dekabr Kadastr agentligi (Pulatov) , Adliya vazirligi (Tashkulov) , Energetika vazirligi (Mirzamahmudov) , Qurilish va uy-joy kommunal xoʻjaligi vazirligi (Xidoyatov) , Soliq qoʻmitasi (Kudbiyev) , “Hududiy elektr tarmoqlari” AJ (Asqarov) , “Hududgaztaʼminot” AJ (Xodjayev) , “Oʻzsuvtaʼminot” AJ (Suvonqulov) , manfaatdor vazirlik va idoralar Maʼlumotlarni avtomatik tarzda oʻzgartirish tartibini joriy etish 2026-yil 1-aprelga qadar 22. 2022-yil 1-oktabrga qadar jismoniy va yuridik shaxslarning mol-mulklarini boshqa shaxsga oʻtkazishga nisbatan qoʻyilgan taqiqlarni tegishliligi boʻyicha xatlovdan oʻtkazish va saqlanib qolinishi lozim boʻlgan taqiqlar roʻyxatini jismoniy shaxsning shaxsiy identifikatsiya raqami, soliq toʻlovchining identifikatsiya raqami va obyekt identifikatorlari asosida shakllantirib, Adliya vazirligiga taqdim etish. Amaliy chora-tadbirlar 2025-yil dekabr Manfaatdor vazirlik va idoralar, Adliya vazirligi (Tashkulov) Oʻz ahamiyatini yoʻqotgan taqiq (xatlov)lar roʻyxatini shakllantirish va taqiqdan chiqarish choralarini koʻrish. 2026-yil aprel
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 9-sentabr,
PQ-280-son
Президента Республики Узбекистан
Постановление
О дополнительных мерах по дальнейшему развитию института нотариата и широкому внедрению в сферу современных информационно-коммуникационных технологий
В соответствии с Указом Президента Республики Узбекистан от 24 мая 2024 года № УП-80 «О дальнейшем повышении ответственности и формировании компактной системы управления органов и учреждений юстиции в рамках административных реформ» и в целях повышения роли института нотариата при защите прав и законных интересов граждан и субъектов предпринимательства, а также последовательного продолжения работ, связанных с цифровизацией деятельности нотариусов, постановляю:
1. Внедрить с 1 марта 2026 года порядок совершения нотариусами исполнительных надписей по следующим бесспорным гражданско-правовым требованиям в размере до тысячекратного размера базовой расчетной величины:
(а) требование, основанное на нотариально удостоверенных сделках;
(б) требование об обращении взыскания на движимое имущество, являющееся обеспечением исполнения обязательств должника, при наличии письменной и нотариально удостоверенной сделки;
(в) требования о взыскании задолженности по арендным платежам, обязательным взносам и платежам с собственников помещений в многоквартирных домах, коммунальным услугам и услугам связи.
2. Одобрить предложения Министерства юстиции и Нотариальной палаты Узбекистана о внедрении с 1 апреля 2026 года в деятельность нотариусов следующего:
(а) увеличение предельного возраста пребывания в должности нотариуса в Республике Узбекистан с шестидесяти пяти лет до семидесяти лет.
При этом по результатам собеседования, проводимого Высшей квалификационной комиссией при Министерстве юстиции (далее — Высшая квалификационная комиссия), нотариус по собственному желанию может продолжить трудовую деятельность до семидесяти лет;
(б) внедрение вместо конкурса по назначению на должность нотариуса государственной нотариальной конторы и квалификационного экзамена на право занятия частной нотариальной деятельностью порядка единого отбора, состоящего из двух этапов, с использованием возможностей информационных технологий:
(i) на первом этапе претенденты проходят тестовые испытания по таким сферам, как государственное и общественное управление, противодействие коррупции, гражданское право, нотариат и право наследования. При этом тестовые испытания организуются Министерством юстиции и Агентством по оценке знаний и квалификаций при Министерстве высшего образования, науки и инноваций с использованием информационных технологий;
(ii) на втором этапе претенденты, успешно прошедшие тестовые испытания, в ходе практического экзамена, проводимого Высшей квалификационной комиссией, осуществляют подготовку проектов нотариальных действий на специальной электронной платформе и отвечают на проблемные вопросы (казусы);
(в) предоставление разрешения на участие в едином отборе, предусмотренном в подпункте «б» настоящего пункта, исключительно лицам, успешно окончившим курсы, организуемые в Институте переподготовки и повышения квалификации юридических кадров при Министерстве юстиции;
(г) приостановление срока действия лицензии на основании заявления нотариуса, занимающегося частной практикой, в случае невозможности исполнения им своей профессиональной деятельности по уважительной причине;
(д) внедрение механизма применения помимо приостановления или прекращения действия лицензии нотариуса, занимающегося частной практикой, альтернативных мер воздействия в виде предупреждения и штрафа;
(ж) внедрение гербового (специального) бланка единой формы путем унификации гербовых (специальных) бланков, используемых при оформлении нотариальных действий. При этом:
(i) оформление нотариальных действий на гербовом (специальном) бланке может осуществляться по желанию сторон;
(ii) оформление на гербовых (специальных) бланках нотариальных действий, осуществленных в режиме видеоконференцсвязи, не требуется;
(з) удостоверение всех нотариально оформленных документов подписью, печатью нотариуса и/или QR-кодом (матричным штриховым кодом).
3. Установить порядок, в соответствии с которым при оказании нотариальных услуг отменяются следующие требования:
(а) с 1 декабря 2025 года:
(i) истребование нотариусами оригинала брачных договоров, нотариально удостоверенных на территории республики, за счет внедрения порядка обязательной загрузки их копии в автоматизированную информационную систему «Нотариус» (далее — Система);
(ii) хранение на электронных носителях файлов аудио- и видеозаписей фиксации процесса осуществления нотариальных действий. При этом создается возможность прикрепления файлов аудио- и видеозаписей такого типа напрямую к нотариальным действиям и их хранения в Системе;
(б) представление с 1 января 2026 года нотариусу оригинала документа, подтверждающего личность гражданина Республики Узбекистан, для осуществления нотариальных действий. При этом личность граждан идентифицируется с использованием современных информационных технологий посредством реквизитов документа, подтверждающего их личность, а также верифицируется посредством биометрических данных (отпечатки пальцев и Face-ID).
4. Предоставить Министерству юстиции следующие дополнительные полномочия при осуществлении государственной политики в сфере нотариата:
(а) установление наибольшего количества должностей нотариуса на определенной территории (в нотариальном округе);
(б) назначение на должность нотариуса государственной нотариальной конторы в отдаленных (труднодоступных) районах и на территориях (в нотариальных округах) с невысоким спросом на должность нотариуса без участия претендентов в едином отборе, на основе собеседования, проводимого Высшей квалификационной комиссией.
5. Утвердить:
(а) Перечень отдаленных (труднодоступных) районов и территорий (нотариальных округов) с невысоким спросом на должность нотариуса, в которых назначение нотариусов возможно на основе собеседования без участия в едином отборе на должность нотариуса государственной нотариальной конторы, согласно приложению № 1 * ;
(б) Перечень государственных услуг, оказываемых нотариусами в композитной форме, согласно приложению № 2 * ;
(в) План-график нотариальных действий, оформление которых налаживается дистанционно посредством режима видеоконференцсвязи в 2025 — 2027 годах, согласно приложению № 3 * ;
(г) «Дорожную карту» по дальнейшему развитию института нотариата и внедрению в сферу современных информационно-коммуникационных технологий в 2025 — 2027 годах согласно приложению № 4 * .
6. Установить, что в отдаленных (труднодоступных) районах и на территориях (в нотариальных округах) с невысоким спросом на должность нотариуса, указанных в приложении № 1 * к настоящему постановлению:
(а) нотариусам, осуществившим деятельность нотариуса в течение не менее трех лет, на основании заключения Высшей квалификационной комиссии предоставляется право на продолжение деятельности в качестве нотариуса, занимающегося частной практикой, на любых выбранных ими других территориях республики;
(б) при введении должности нотариуса государственной нотариальной конторы требование об обязательном введении минимум по одной штатной единице должностей помощника нотариуса и секретаря нотариуса для каждой государственной нотариальной конторы не применяется.
7. Установить порядок, в соответствии с которым с 1 апреля 2026 года при направлении нотариусом всех сделок, связанных с недвижимым имуществом и долями в нем, для государственной регистрации посредством Системы и государственной регистрации объекта недвижимого имущества сведения о его новом собственнике автоматически направляются в электронные информационные системы организаций коммунальных служб и обновляются в базах данных.
8. Агентству по кадастру, Министерству энергетики, Министерству строительства и жилищно-коммунального хозяйства, Министерству экологии, охраны окружающей среды и изменения климата, Налоговому комитету и АО «Узсувтаъминот» до 1 апреля 2026 года обеспечить полную интеграцию своих информационных систем в установленном порядке и наладить автоматическое обновление данных в них.
9. Заинтересованным министерствам и ведомствам в трехмесячный срок по принадлежности провести инвентаризацию запретов, наложенных до 1 октября 2022 года относительно передачи имущества физических и юридических лиц другим лицам, сформировать и представить в Министерство юстиции перечень запретов, которые должны быть сохранены, на основе сведений (идентификаторов) о персональном идентификационном номере физического лица, об идентификационном номере налогоплательщика и об имуществе.
10. Министерству юстиции по согласованию с заинтересованными министерствами и ведомствами сформировать перечень запретов (арестов), утративших актуальность, и принять меры по их отмене.
11. Министерству юстиции совместно с заинтересованными министерствами и ведомствами внести в Кабинет Министров:
(а) в трехмесячный срок проект закона «О нотариате» в новой редакции. При этом, в частности, предусмотреть внедрение следующих новых нотариальных действий:
(i) оглашение завещания наследникам нотариусом в случае смерти завещателя;
(ii) нотариальное удостоверение совместного завещания супругов;
(iii) нотариальное удостоверение наследственного договора;
(iv) определение порядка оформления нотариусом наследства, связанного с авторским правом и смежными правами, а также объектами промышленной собственности;
(б) в двухмесячный срок предложения об изменениях и дополнениях в акты законодательства, вытекающих из настоящего постановления.
12. Министерству юстиции (А. Ташкулов) до 1 мая 2026 года утвердить:
(а) порядок проведения единого отбора и критерии оценки претендентов на должность нотариуса государственной нотариальной конторы и на получение лицензии на право занятия частной нотариальной деятельностью;
(б) порядок установления наибольшего количества должностей нотариуса на определенных территориях (в нотариальных округах);
(в) административные регламенты по совершению нотариусами исполнительных надписей, оформлению брачных договоров, нотариальных действий посредством режима видеоконференцсвязи.
13. Возложить на министра юстиции А.Д. Ташкулова персональную ответственность за эффективную организацию исполнения настоящего постановления.
14. Контроль за исполнением настоящего постановления возложить на Премьер-министра Республики Узбекистан А.Н. Арипова и начальника Департамента правовой экспертизы и комплексного анализа Администрации Президента Республики Узбекистан А.Б. Самадова.
Президент Республики Узбекистан Ш. МИРЗИЁЕВ
г. Ташкент,
9 сентября 2025 г.,
№ ПП-280