📅 2025-yil 10-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 10 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 10 сентября 2025 г. · Указы Президента
Официальный текст. Официальный документ. Редакционные примечания не включены.
📅 10 September 2025 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Педагогика йўналишидаги олий таълим ташкилотларининг талабалари учун Абдулла Авлоний номли давлат стипендиясини таъсис этиш тўғрисида
Педагогика йўналишидаги олий таълим ташкилотларида таҳсил олаётган, илмий-тадқиқот фаолияти билан шуғулланаётган ҳамда академик ўзлаштиришда юқори натижаларни қайд этган билимли ва иқтидорли талабаларни ҳар томонлама қўллаб-қувватлаш мақсадида қарор қиламан:
1. 2025/2026 ўқув йилидан бошлаб педагогика йўналишидаги олий таълим ташкилотларининг талабалари учун Абдулла Авлоний номли давлат стипендияси таъсис этилсин.
2. Абдулла Авлоний номли давлат стипендияси педагогика йўналишидаги ҳар бир олий таълим ташкилотининг бакалавриат таълим йўналишида таҳсил олаётган бир нафар охирги икки курс талабасига Ўзбекистон Республикаси Президентининг «Ўзбекистоннинг ўқувчи ёшларини рағбатлантириш чоралари тўғрисида» 1993 йил 5 февралдаги ПФ-555-сон Фармонида белгиланган талаблар асосида тайинлансин.
3. Ўзбекистон Республикаси Президентининг 1993 йил 5 февралдаги «Ўзбекистоннинг ўқувчи ёшларини рағбатлантириш чоралари тўғрисида»ги ПФ-555-сон Фармонига иловага мувофиқ педагогика йўналишидаги олий таълим ташкилотлари талабалари учун Абдулла Авлоний номли давлат стипендиясини таъсис этишни назарда тутувчи ўзгартириш ва қўшимчалар киритилсин.
4. Олий таълим, фан ва инновациялар вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига мазкур Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
5. Ушбу Фармоннинг ижросини назорат қилиш Ўзбекистон Республикасининг Бош вазири А.Н. Арипов ҳамда Ўзбекистон Республикаси Президенти Администрацияси раҳбарининг таълимни ислоҳ қилиш бўйича ўринбосари Х.У. Умарова зиммасига юклансин.
Ўзбекистон Республикаси Президентининг 2025 йил 10 сентябрдаги ПФ-162-сон Фармонига ИЛОВА
Ўзбекистон Республикаси Президентининг 1993 йил 5 февралдаги «Ўзбекистоннинг ўқувчи ёшларини рағбатлантириш чоралари тўғрисида»ги ПФ-555-сон Фармонига киритилаётган ўзгартириш ва қўшимчалар
2-бандда :
биринчи хатбоши «Паҳлавон Маҳмуд,» сўзларидан кейин «педагогика йўналишида — Абдулла Авлоний,» сўзлари билан тўлдирилсин;
қуйидаги мазмундаги саккизинчи хатбоши билан тўлдирилсин:
«Абдулла Авлоний номли давлат стипендияси педагогика йўналишидаги ҳар бир олий таълим ташкилотининг бир нафар охирги икки курс талабасига»;
саккизинчи ва тўққизинчи хатбошилар тегишлича тўққизинчи ва ўнинчи хатбошилар деб ҳисоблансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 10 сентябрь,
ПФ-162-сон
Oʻzbekiston Respublikasi Prezidentining
Farmoni
Pedagogika yoʻnalishidagi oliy taʼlim tashkilotlarining talabalari uchun Abdulla Avloniy nomli davlat stipendiyasini taʼsis etish toʻgʻrisida
Pedagogika yoʻnalishidagi oliy taʼlim tashkilotlarida tahsil olayotgan, ilmiy-tadqiqot faoliyati bilan shugʻullanayotgan hamda akademik oʻzlashtirishda yuqori natijalarni qayd etgan bilimli va iqtidorli talabalarni har tomonlama qoʻllab-quvvatlash maqsadida qaror qilaman:
1. 2025/2026 oʻquv yilidan boshlab pedagogika yoʻnalishidagi oliy taʼlim tashkilotlarining talabalari uchun Abdulla Avloniy nomli davlat stipendiyasi taʼsis etilsin.
2. Abdulla Avloniy nomli davlat stipendiyasi pedagogika yoʻnalishidagi har bir oliy taʼlim tashkilotining bakalavriat taʼlim yoʻnalishida tahsil olayotgan bir nafar oxirgi ikki kurs talabasiga Oʻzbekiston Respublikasi Prezidentining “Oʻzbekistonning oʻquvchi yoshlarini ragʻbatlantirish choralari toʻgʻrisida” 1993-yil 5-fevraldagi PF-555-son Farmonida belgilangan talablar asosida tayinlansin.
3. Oʻzbekiston Respublikasi Prezidentining 1993-yil 5-fevraldagi “Oʻzbekistonning oʻquvchi yoshlarini ragʻbatlantirish choralari toʻgʻrisida”gi PF-555-son Farmoniga ilovaga muvofiq pedagogika yoʻnalishidagi oliy taʼlim tashkilotlari talabalari uchun Abdulla Avloniy nomli davlat stipendiyasini taʼsis etishni nazarda tutuvchi oʻzgartirish va qoʻshimchalar kiritilsin.
4. Oliy taʼlim, fan va innovatsiyalar vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
5. Ushbu Farmonning ijrosini nazorat qilish Oʻzbekiston Respublikasining Bosh vaziri A.N. Aripov hamda Oʻzbekiston Respublikasi Prezidenti Administratsiyasi rahbarining taʼlimni isloh qilish boʻyicha oʻrinbosari X.U. Umarova zimmasiga yuklansin.
Oʻzbekiston Respublikasi Prezidentining 2025-yil 10-sentabrdagi PF-162-son Farmoniga ILOVA
Oʻzbekiston Respublikasi Prezidentining 1993-yil 5-fevraldagi “Oʻzbekistonning oʻquvchi yoshlarini ragʻbatlantirish choralari toʻgʻrisida”gi PF-555-son Farmoniga kiritilayotgan oʻzgartirish va qoʻshimchalar
2-bandda :
birinchi xatboshi “Pahlavon Mahmud,” soʻzlaridan keyin “pedagogika yoʻnalishida — Abdulla Avloniy,” soʻzlari bilan toʻldirilsin;
quyidagi mazmundagi sakkizinchi xatboshi bilan toʻldirilsin:
“Abdulla Avloniy nomli davlat stipendiyasi pedagogika yoʻnalishidagi har bir oliy taʼlim tashkilotining bir nafar oxirgi ikki kurs talabasiga”;
sakkizinchi va toʻqqizinchi xatboshilar tegishlicha toʻqqizinchi va oʻninchi xatboshilar deb hisoblansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 10-sentabr,
PF-162-son
Президента Республики Узбекистан
Указ
Об учреждении Государственной стипендии имени Абдуллы Авлони для студентов высших образовательных организаций педагогического направления
В целях всесторонней поддержки эрудированных и одаренных студентов, обучающихся в высших образовательных организациях педагогического направления, занимающихся научно-исследовательской деятельностью, а также имеющих высокие показатели академической успеваемости, постановляю:
1. Учредить с 2025/2026 учебного года Государственную стипендию имени Абдуллы Авлони для студентов высших образовательных организаций педагогического направления.
2. Назначить Государственную стипендию имени Абдуллы Авлони одному студенту последних двух курсов, обучающемуся по направлениям образования бакалавриата каждой высшей образовательной организации педагогического направления на основе требований, определенных Указом Президента Республики Узбекистан от 5 февраля 1993 года № УП-555 «О мерах поощрения учащейся молодежи Узбекистана».
3. Внести изменения и дополнения в Указ Президента Республики Узбекистан от 5 февраля 1993 года № УП-555 «О мерах поощрения учащейся молодежи Узбекистана», предусматривающие учреждение Государственной стипендии имени Абдуллы Авлони для студентов высших образовательных организаций педагогического направления, согласно приложению .
4. Министерству высшего образования, науки и инноваций совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
5. Контроль за исполнением настоящего Указа возложить на Премьер-министра Республики Узбекистан А.Н. Арипова и заместитель руководителя Администрации Президента Республики Узбекистан по реформированию системы образования Х.У. Умаровой.
ПРИЛОЖЕНИЕ к Указу Президента Республики Узбекистан от 10 сентября 2025 года № УП-162
Изменения и дополнения, вносимые в Указ Президента Республики Узбекистан от 5 февраля 1993 года № УП-555 «О мерах поощрения учащейся молодежи Узбекистана»
В пункте 2 :
в абзаце первом после слов «по направлениям физической культуры и спорта,» дополнить словами «имени Абдуллы Авлони — по направлению педагогики,»;
дополнить абзацем восьмым следующего содержания:
«государственная стипендия имени Абдуллы Авлони назначается одному студенту последних двух курсов каждой высшей образовательной организации педагогического направления»;
абзацы восьмой и девятый считать абзацами девятым и десятым соответственно.
Президент Республики Узбекистан Ш. МИРЗИЁЕВ
г. Ташкент,
10 сентября 2025 г.,
№ УП-162