📅 2025-yil 8-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 8 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 сентября 2025 г. · Постановления Президента
Официальный текст. Официальный документ. Редакционные примечания не включены.
📅 8 September 2025 · Presidential resolutions
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ҚАРОРИ
ТАРКИБИ
«ЙЎЛ ХАРИТАСИ»
Тошкент шаҳрида «ToshTech» техника университетини ташкил этиш тўғрисида
Мамлакатимизда муҳандислик соҳасида илғор техник ечимларни ишлаб чиқиш ва жорий этиш кўникмаларига эга, иқтисодиётнинг рақамли трансформациясига кўмаклаша оладиган, инновацион маҳсулот ва хизматлар ярата оладиган юқори малакали кадрлар тайёрлаш, бу борада олий таълим ва олий таълимдан кейинги таълимнинг узвийлиги ва ўзаро интеграциясини таъминлаш мақсадида қарор қиламан:
I. Мақсад
1. Ушбу қарорни қабул қилишнинг асосий мақсади этиб муҳандис кадрлар тайёрлаш бўйича халқаро таълим стандартларига жавоб берадиган намунавий олий таълим муассасасини ташкил этиш орқали ривожланиб бораётган саноат тармоқларини юқори малакали муҳандис кадрлар билан таъминлаш белгилансин.
II. Муҳандислик соҳаси учун халқаро стандартлар асосида кадрлар тайёрлашни йўлга қўйиш
2. Олий таълим, фан ва инновациялар вазирлиги билан «Boston consulting group» консалтинг компанияси (кейинги ўринларда — «BCG» компанияси) ўртасида 2025 йил 8 июль куни янги техника университетини ташкил этиш бўйича консалтинг хизматларини кўрсатиш тўғрисида шартнома тузилгани маълумот учун қабул қилинсин.
3. Тошкент шаҳрида «ToshTech» техника университети ташкил этилсин ҳамда унинг асосий фаолият йўналишлари 1-иловага мувофиқ тасдиқлансин.
4. Белгилаб қўйилсинки:
(а) «ToshTech» техника университети (кейинги ўринларда — Университет) фаолияти «BCG» компанияси билан ҳамкорликда йўлга қўйилади;
(б) Университет давлат олий таълим муассасаси ҳисобланади ҳамда Олий таълим, фан ва инновациялар вазирлиги тизимида фаолият юритади;
(в) Университет академик, молиявий ва ташкилий-бошқарув соҳаларида мустақил ҳисобланади;
(г) Университетга бакалавриат таълим йўналишлари ва магистратура мутахассисликларига қабул қилиш шартларини, мустақил белгилаш ваколати берилади;
(д) Университетда:
(i) 2025/2026 ўқув йилидан бошлаб Давлат бюджети маблағлари ҳисобидан молиялаштириладиган бир йиллик тайёрлов курси (foundation) жорий этилади;
(ii) 2026/2027 ўқув йилидан бошлаб бакалавриат таълим йўналишлари бўйича таълим жараёни йўлга қўйилади;
(iii) 2027/2028 ўқув йилидан бошлаб босқичма-босқич магистратура ва олий таълимдан кейинги таълим босқичлари жорий этилади;
(ж) Университетда таълим жараёни давлат гранти ва тўлов-контракт асосида давлат ва хорижий тилларда амалга оширилади. Бунда:
(i) 2029/2030 ўқув йилига қадар ўқишга қабул қилинган талабалар тўлиқ давлат гранти асосида ўқитилади;
(ii) талабаларни давлат гранти асосида ўқитиш харажатларини Давлат бюджети ҳисобидан молиялаштириш «Янги Ўзбекистон» университети учун ўрнатилган тартибда амалга оширилади.
5. Қуйидагилар:
(а) «TоshTech» техника университетининг васийлик кенгаши таркиби 2-иловага мувофиқ;
(б) «TоshTech» техника университети васийлик кенгашининг асосий вазифалари 3-иловага мувофиқ;
(в) «TоshTech» техника университети фаолиятини ташкил этиш бўйича «йўл харитаси» 4-иловага мувофиқ тасдиқлансин.
III. Университет фаолиятини молиялаштириш
6. Белгилансинки, Университет фаолиятини йўлга қўйиш, хусусан, таълим дастурларини ишлаб чиқиш, ахборот тизимларини яратиш ҳамда «BCG» компанияси томонидан Университетни ташкил этиш ва ривожлантириш стратегияси доирасида кўрсатиладиган қўшимча (шу жумладан, ёрдамчи пудрат ташкилотлари) хизматлар бўйича харажатларни қоплаш:
(а) 2025 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Олий таълим, фан ва инновациялар вазирлигига ажратилган бюджет маблағлари доирасида ҳамда жорий йилда мақбуллаштирилган маблағлар ҳисобидан амалга оширилади;
(б) 2026 йилдан бошлаб белгиланган тартибда Ўзбекистон Республикаси Давлат бюджети параметрларини шакллантиришда назарда тутилади.
7. 2029 йил 1 июнга қадар Университет томонидан четдан олиб келинадиган муқобили Ўзбекистонда ишлаб чиқарилмайдиган қурилма, дастурий ва техник воситалар ҳамда бутловчи қисмлар божхона божидан озод этилсин.
IV. Қарор ижросини ташкил этиш, таъминлаш ва назорат
8. Олий таълим, фан ва инновациялар вазирлиги икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Мазкур қарорнинг ижросини самарали ташкил қилишга масъул ва шахсий жавобгар этиб олий таълим, фан ва инновациялар вазири К.А. Шарипов белгилансин.
10. Қарор ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 8 сентябрдаги ПҚ-274-сон қарорига 1-ИЛОВА
«ToshTech» техника университетининг асосий фаолият йўналишлари
Қуйидагилар Университетнинг асосий фаолият йўналишлари ҳисобланади:
(а) муҳандислик, энергетика, ускунасозлик (hardware engineering), сунъий интеллект, механика муҳандислиги, электроника ва автоматика муҳандислиги, нефть ва газ, геология қидирув ва кон-металлургия соҳалари учун замонавий билим ва малакага эга бўлган, халқаро меҳнат бозори талабларига жавоб берадиган олий маълумотли кадрлар тайёрлаш;
(б) «таълим муҳити — учинчи ўқитувчи» тамойили асосида талабаларнинг интеллектуал қобилиятини ривожлантириш, билимини амалий тажрибалар орқали мустаҳкамлаш, ўқув материалларини самарали ва пухта ўзлаштиришга хизмат қиладиган ҳар томонлама қулай таълим муҳитини шакллантириш;
(в) таълим жараёнини хорижий илғор тажриба ва замонавий ахборот технологияларини қўллаган ҳолда жаҳоннинг етакчи университетларида жорий этилган таълим дастурлари ҳамда таълим технологиялари ва усуллари асосида ташкил этиш;
(г) муҳандис кадрларни тайёрлашда халқаро ҳамкорликни ривожлантириш, халқаро ҳамкор олий таълим ташкилотлари билан замонавий таълим дастурларини жорий этиш, саноат тармоқларида мавжуд эҳтиёждан келиб чиқиб, илмий-тадқиқот ишларини олиб боришни ташкил этиш, талабаларни илмий ва инновацион фаолиятга кенг жалб этиш;
(д) таълим ва илмий-техникавий соҳаларда хорижий мамлакатлар етакчи таълим ташкилотлари ва илмий-тадқиқот марказлари билан ҳамкорлик алоқаларини ривожлантириш;
(ж) муҳандислик йўналишидаги хорижий бестселлер ўқув адабиётларини давлат тилида чоп этиш ва таълимнинг барча босқичларида қўллашни жорий этиш;
(з) иқтисодиёт тармоқларининг эҳтиёжи асосида замонавий лаборатория мажмуасини ташкил этиш ҳамда бир вақтнинг ўзида тармоқлар, талабалар ва ўқитувчиларни жалб этган ҳолда кенг кўламда хўжалик фаолиятини олиб бориш.
Ўзбекистон Республикаси Президентининг 2025 йил 8 сентябрдаги ПҚ-274-сон қарорига 2-ИЛОВА
«TоshTech» техника университетининг васийлик кенгаши
Ж.А. Қўчқоров — Бош вазир ўринбосари — иқтисодиёт ва молия вазири, Васийлик кенгаши раиси К.А. Шарипов — олий таълим, фан ва инновациялар вазири Ж.Т. Мирзамаҳмудов — энергетика вазири Б.Б. Рахматов — Ўзбекистон Республикаси Президенти ҳузуридаги Стратегик ислоҳотлар агентлиги директори О.Р. Фазилкаримов — иқтисодиёт ва молия вазири ўринбосари Келишувга кўра — чет эллик малакали мутахассислар (келишув асосида) Лавозими бўйича — Университет ректори, Васийлик кенгаши котиби
Ўзбекистон Республикаси Президентининг 2025 йил 8 сентябрдаги ПҚ-274-сон қарорига 3-ИЛОВА
«ToshTech» техника университети васийлик кенгашининг асосий вазифалари
Қуйидагилар Васийлик кенгашининг асосий вазифалари ҳисобланади:
(а) Университетнинг стратегик ривожланиш режасини белгилаш, зарур ҳолларда консалтинг хизмати кўрсатувчи ташкилотлар билан тўғридан-тўғри шартнома тузиш;
(б) Университет фаолияти тўлақонли ташкил этилишини таъминлаш, унинг фаолиятини йўлга қўйиш билан боғлиқ масалаларни ҳал этиш;
(в) зарур лойиҳа ҳужжатларини тайёрлаш, қурилиш-монтаж ва таъмирлаш-тиклаш ишларини, Университетни жиҳозлаш, инфратузилмасини яратиш ва моддий-техник таъминлашга доир вазифаларни мувофиқлаштириб бориш;
(г) талабаларнинг ишлаб чиқариш амалиётини самарали ташкил этиш, битирувчиларни ишга жойлаштириш, меҳнат бозори талабини ҳисобга олган ҳолда мутахассислар ва илмий-техник кадрлар тайёрлашнинг истиқболли йўналишларини белгилаш;
(д) Университетда ўқиш учун тўлов-контракт қийматини белгилаш;
(ж) талабаларни қабул қилиш параметрларини меҳнат бозори конъюнктурасини ўрганиш ва ҳамкор иш берувчилар буюртмалари асосида белгилаш;
(з) Университет фаолиятини ривожлантириш учун ҳомийлик хайриялари, грантлар ва бошқа бюджетдан ташқари маблағларни жалб этиш;
(и) Университет кампусини ташкил этиш ва унинг инфратузилмасини ривожлантириш, Университетнинг моддий-техника, ўқув-услубий базасини мустаҳкамлаш;
(к) иқтидорли талабалар учун стипендиялар таъсис этиш, талабаларнинг бўш вақтларини самарали ташкил этиш учун шарт-шароитлар яратиш.
Ўзбекистон Республикаси Президентининг 2025 йил 8 сентябрдаги ПҚ-274-сон қарорига 4-ИЛОВА
«TоshTech» техника университети фаолиятини ташкил этиш бўйича
Т/р Чора-тадбирлар номи Амалга ошириш механизми Бажариш муддати Молиялаштириш манбалари Ижро учун масъуллар I. Университет фаолиятини йўлга қўйиш чора-тадбирлари 1. «TоshTech» техника университетини (кейинги ўринларда — Университет) давлат рўйхатидан ўтказиш ва унинг тузилмасини тасдиқлаш. 1. Университет уставини ишлаб чиқиш ва тасдиқлаш. 2. Университетни белгиланган тартибда давлат рўйхатидан ўтказиш. 3. Университет тузилмасини шакллантириш ва тасдиқлаш. 2025 йил октябрь - Олий таълим, фан ва инновациялар вазирлиги, Адлия вазирлиги, Университет 2. Университетни юқори касбий маҳоратга эга бўлган малакали, шу жумладан, хорижий мутахассислар билан тўлдириш. 1. Университет эҳтиёжидан келиб чиқиб, бошқарув жараёнига маҳаллий ва хорижий ҳамкор ташкилотлар билан биргаликда малакали мутахассисларни жалб қилиш. 2. Университетга жалб этиладиган хорижий ва маҳаллий мутахассисларни очиқ танлов асосида саралаб олиш. 2025 йил октябрь — декабрь - Олий таълим, фан ва инновациялар вазирлиги, Энергетика вазирлиги, Ташқи ишлар вазирлиги 3. Университет ўқув ва илмий жараёнларига илмий даражали хорижий ва маҳаллий профессор-ўқитувчиларни жалб қилиш. 2025-2026 йиллар 3. 2025/2026 ўқув йилидан бошлаб Университетга бир йиллик тайёрлов курсига талабалар қабулини ташкил этиш. 1. «Boston consulting group» консалтинг компанияси (АҚШ) (кейинги ўринларда — «BCG» компанияси) билан ҳамкорликда тайёрлов (foundation) дастурини ишлаб чиқиш. 2. Тайёрлов курсига қабул қилиш шартлари ва муддатларини оммавий ахборот воситаларида эълон қилиш. 3. Номзодларни саралаб олиш ва тингловчилар қабулини ташкил этиш. 2025 йил октябрь - Олий таълим, фан ва инновациялар вазирлиги, Университет 4. «BCG» компанияси билан ҳамкорликда Университетни ривожлантириш стратегиясини қабул қилиш. 1. Университетни ривожлантириш стратегияси доирасида қуйидагиларни белгилаш: иш берувчилар ва бошқа халқаро ҳамкор ташкилотлар билан музокаралар ўтказиш асосида Университетнинг кадрлар тайёрлаш йўналишларини; Университетнинг молиявий моделини; рақамлаштириш ва бошқарув моделини; илмий тадқиқотлар ўтказиш йўналишларини; маҳаллий ва халқаро ҳамкорлик истиқболларини. 2025 йил октябрь - Университет васийлик кенгаши, Олий таълим, фан ва инновациялар вазирлиги, Иқтисодиёт ва молия вазирлиги 2. Университетни ривожлантириш стратегиясини тасдиқлаш. 2025 йил ноябрь 5. Университетда академик фаолиятни бошқариш жараёнини халқаро андозаларга мос даражада йўлга қўйиш. 1. Университетга академик фаолиятни ташкил этиш бўйича халқаро нуфузга эга бўлган тажрибали мутахассисларни жалб этиш бўйича номзодларни саралаш. 2025 йил ноябрь - Васийлик кенгаши, Университет 2. Шаффоф танлов асосида саралаб олинган номзодни Университетнинг тегишли лавозимига тайинлаш. 2026 йил январь 6. «BCG» компанияси билан ҳамкорликда Университет фаолиятини ташкил этиш бўйича нуфузли хорижий олий таълим ташкилотлари билан ҳамкорлик ўрнатиш. 1. Университет фаолиятини дастлабки босқичда ташкил этиш бўйича нуфузли хорижий олий таълим ташкилотларини аниқлаш. 2. Аниқланган олий таълим ташкилотлари билан музокаралар олиб бориш ва улар билан узоқ муддатли келишувга эришиш. 2026-2027 йиллар - Олий таълим, фан ва инновациялар вазирлиги, Иқтисодиёт ва молия вазирлиги, Университет 7. Олий таълим, фан ва инновациялар вазирлиги ҳамда Университетнинг буюртмаларига асосан Университетга жалб қилинадиган чет эллик ўқитувчилар ва мутахассислар ҳамда уларнинг оила аъзолари учун рухсатномаларни белгиланган тартибда расмийлаштириш. 1. Чет эллик ўқитувчи ва мутахассислар ҳамда уларнинг оила аъзолари учун кўп марталик кириш визаларини белгиланган тартибда расмийлаштириш. Доимий - Ташқи ишлар вазирлиги 2. Университетга жалб этиладиган чет эллик ўқитувчилар ва мутахассислар, уларнинг оила аъзолари учун белгиланган тартибда кўп марталик визалар берилиши ва узайтирилишини, шунингдек, уларнинг Ўзбекистон Республикасида яшаш манзиллари бўйича вақтинчалик рўйхатга олинишини таъминлаш. Ички ишлар вазирлиги 3. Чет эллик мутахассисларни жалб қилишда белгиланган тартибда Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқномаларни беришни (узайтиришни) таъминлаш. Камбағалликни қисқартириш ва бандлик вазирлиги II. Университетнинг ўқув жараёнини ташкил этиш 8. Ўқув жараёнини ташкил этиш билан боғлиқ меъёрий ҳужжатларни ишлаб чиқиш ва тасдиқлаш. 1. Илғор хорижий тажриба асосида бакалавриат таълим йўналишларини белгилаш, ўқув режалари ва дастурларини тасдиқлаш. 2. Бакалавриат ва магистратура босқичларида ўқув жараёнини ташкил этиш тартибини белгилаш. 2026 йил март - Университет Васийлик кенгаши 9. Университетда 2026/2027 ўқув йилидан бошлаб ташкил этиладиган бакалавриат таълим йўналишлари бўйича қабул параметрларини белгилаш. 1. Муҳандислик соҳаси учун иқтисодиёт тармоқларининг олий маълумотли кадрларга бўлган истиқболдаги эҳтиёжларини таҳлил қилиш. 2026 йил март — июнь - Университет васийлик кенгаши, Олий таълим, фан ва инновациялар вазирлиги, Иқтисодиёт ва молия вазирлиги 2. Иш берувчилар таклифлари асосида муҳандислик соҳаси учун эҳтиёж юқори бўлган бакалавриат таълим йўналишларига қабул параметрларини шакллантириш. 2026 йил июль 10. Бакалавриат таълим йўналишлари ва магистратура мутахассисликларини халқаро аккредитациядан ўтказиш. 1. Университетда ташкил этилган бакалавриат таълим йўналишларини халқаро ҳамкорлар билан биргаликда аккредитациядан ўтказиш режасини ишлаб чиқиш. 2026 йил июнь - Университет, Олий таълим, фан ва инновациялар вазирлиги, Таълим сифатини таъминлаш миллий агентлиги 2. Халқаро тан олинган аккредитация ташкилотлари билан ҳамкорлик бўйича шартнома тузиш ва йўналишларни аккредитация қилиш режа-графигини ишлаб чиқиш. 2026 йил июль 3. Бакалавриат таълим йўналишлари ва магистратура мутахассисликларини халқаро аккредитациядан ўтказиш. 2027 — 2030 йиллар 11. Университетда замонавий бошқарув тизими ва таълим жараёнини жорий этиш. 1. Университетда замонавий бошқарув тизимини йўлга қўйиш. 2025 йил октябрь - Олий таълим, фан ва инновациялар вазирлиги, Иқтисодиёт ва молия вазирлиги, «BCG» компанияси 2. Университетда таълим жараёнини ташкил этиш, хусусан: (а) муҳандислик соҳасида кадрлар тайёрлашда хорижий нуфузли олий таълим ташкилотларининг таълим дастурларини жорий этиш; (б) Университет кутубхона фондини замонавий хорижий ўқув адабиётлар, дарсликлар ва ўқув қўлланмалари билан бойитиш; (в) Университет бошқаруви ва таълим жараёнларини рақамлаштириш ҳамда таълимни бошқариш платформасини (LMS) яратиш. 2026/2027 ўқув йилидан бошлаб III. Илмий-инновацион фаолият ва халқаро ҳамкорликни ташкил этиш 12. Университет ҳузурида «R&D» марказини ташкил этиш. 1. Университет ҳузурида «R&D» марказини ташкил этиш. 2. «R&D» марказининг асосий тадқиқот йўналишларини белгилаш. 3. Марказга етакчи хорижий ва маҳаллий олимларни жалб этиш. 2025 йил ноябрь - Олий таълим, фан ва инновациялар вазирлиги, Университет васийлик кенгаши, Инновацион ривожланиш агентлиги 13. Илмий изланишлар ўтказиш жараёнларини рақамлаштириш. 1. Университетнинг барча ходим ва талабалари томонидан ўтказиладиган илмий изланишларни рўйхатга олиш, тасдиқлаш, ҳисобот топшириш ва натижалари билан бўлишишни қамраб олувчи ягона электрон платформа яратиш. 2026 йил октябрь - Университет, Олий таълим, фан ва инновациялар вазирлиги 2. Платформани ишга тушириш ва иштирокчилар фойдаланишини йўлга қўйиш. 2026 йил декабрь IV. Университетнинг моддий-техника базасини кучайтириш 14. Университетга ўз фаолиятини бошлаши учун биноларни текин фойдаланиш ҳуқуқи асосида ажратиш. 1. Университетни биринчи босқичда Тошкент давлат техника университети академик лицейи биносининг 1 — 3-қаватлари га жойлаштириш. 2. Академик лицей биносини «BCG» компанияси тавсиялари асосида таъмирлаш. 3. Академик лицейни 2026/2027 ўқув йилидан Тошкент давлат техника университетининг бошқа биноларига жойлаштириш чораларини кўриш. 4. Университетни академик лицей биносига текин фойдаланиш ҳуқуқи (коммунал ва сақлаш харажатларини қоплаган ҳолда) асосида жойлаштириш. 5. Университетни 2026/2027 ўқув йили бошлангунга қадар Тошкент давлат техника университетининг Тошкент шаҳар, Олмазор тумани, Университет кўчаси, 2-уй манзилида жойлашган Машинасозлик факультети биносига текин фойдаланиш ҳуқуқи асосида жойлаштириш. 2025 йил октябрь 2025 йилги Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида иқтисод қилинган ўзлаштирилмаган маблағлар Олий таълим, фан ва инновациялар вазирлиги, Тошкент шаҳар ҳокимлиги, Давлат активларини бошқариш агентлиги 15. Университет кампусини ташкил этиш. 1 Университет учун Тошкент давлат техника университетидан ўтказиладиган бино ва иншоотлар кетма-кетлигини белгилаш. 2. Университетга ўтказиладиган бино ва иншоотларни реконструкция қилиш, таъмирлаш ва жиҳозлаш ишларини босқичма-босқич 2026 — 2029 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурига киритиш. 3. 2030 йилга қадар Тошкент давлат техника университетининг тегишли кафедра ва факультетларини босқичма-босқич Университет таркибига киритиб бориш орқали Тошкент давлат техника университети фаолиятини тугатиш. 4. Университетни Тошкент давлат техника университети биноларига текин фойдаланиш ҳуқуқи асосида жойлаштириш. 2026 — 2029 йиллар Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури Иқтисодиёт ва молия вазирлиги, Олий таълим, фан ва инновациялар вазирлиги, Қурилиш ва уй-жой коммунал хўжалиги вазирлиги 16. Иқтисодиёт тармоқлари эҳтиёжидан келиб чиқиб, Университетда ўқув ва илмий лабораторияларни ташкил этиш. 1. «BCG» компанияси билан ҳамкорликда Университет ва иқтисодиёт тармоқларининг эҳтиёжидан келиб чиқиб, зарур лабораториялар рўйхатини шакллантириш. 2026 йил апрель - Университет Васийлик кенгаши, Олий таълим, фан ва инновациялар вазирлиги, Иқтисодиёт ва молия вазирлиги, Энергетика вазирлиги 2. Университетнинг бакалавриат йўналишлари, магистратура мутахассисликлари ва илмий-тадқиқот фаолиятига мос лаборатория мажмуаларини ташкил этиш. 2026 йил декабрь
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 8 сентябрь,
ПҚ- 274 -сон
OʻZBEKISTON RESPUBLIKASI PREZIDENTINING
QARORI
TARKIBI
“YOʻL XARITASI”
Toshkent shahrida “ToshTech” texnika universitetini tashkil etish toʻgʻrisida
Mamlakatimizda muhandislik sohasida ilgʻor texnik yechimlarni ishlab chiqish va joriy etish koʻnikmalariga ega, iqtisodiyotning raqamli transformatsiyasiga koʻmaklasha oladigan, innovatsion mahsulot va xizmatlar yarata oladigan yuqori malakali kadrlar tayyorlash, bu borada oliy taʼlim va oliy taʼlimdan keyingi taʼlimning uzviyligi va oʻzaro integratsiyasini taʼminlash maqsadida qaror qilaman:
I. Maqsad
1. Ushbu qarorni qabul qilishning asosiy maqsadi etib muhandis kadrlar tayyorlash boʻyicha xalqaro taʼlim standartlariga javob beradigan namunaviy oliy taʼlim muassasasini tashkil etish orqali rivojlanib borayotgan sanoat tarmoqlarini yuqori malakali muhandis kadrlar bilan taʼminlash belgilansin.
II. Muhandislik sohasi uchun xalqaro standartlar asosida kadrlar tayyorlashni yoʻlga qoʻyish
2. Oliy taʼlim, fan va innovatsiyalar vazirligi bilan “Boston consulting group” konsalting kompaniyasi (keyingi oʻrinlarda — “BCG” kompaniyasi) oʻrtasida 2025-yil 8-iyul kuni yangi texnika universitetini tashkil etish boʻyicha konsalting xizmatlarini koʻrsatish toʻgʻrisida shartnoma tuzilgani maʼlumot uchun qabul qilinsin.
3. Toshkent shahrida “ToshTech” texnika universiteti tashkil etilsin hamda uning asosiy faoliyat yoʻnalishlari 1-ilovaga muvofiq tasdiqlansin.
4. Belgilab qoʻyilsinki:
(a) “ToshTech” texnika universiteti (keyingi oʻrinlarda — Universitet) faoliyati “BCG” kompaniyasi bilan hamkorlikda yoʻlga qoʻyiladi;
(b) Universitet davlat oliy taʼlim muassasasi hisoblanadi hamda Oliy taʼlim, fan va innovatsiyalar vazirligi tizimida faoliyat yuritadi;
(v) Universitet akademik, moliyaviy va tashkiliy-boshqaruv sohalarida mustaqil hisoblanadi;
(g) Universitetga bakalavriat taʼlim yoʻnalishlari va magistratura mutaxassisliklariga qabul qilish shartlarini, mustaqil belgilash vakolati beriladi;
(d) Universitetda:
(i) 2025/2026 oʻquv yilidan boshlab Davlat budjeti mablagʻlari hisobidan moliyalashtiriladigan bir yillik tayyorlov kursi (foundation) joriy etiladi;
(ii) 2026/2027 oʻquv yilidan boshlab bakalavriat taʼlim yoʻnalishlari boʻyicha taʼlim jarayoni yoʻlga qoʻyiladi;
(iii) 2027/2028 oʻquv yilidan boshlab bosqichma-bosqich magistratura va oliy taʼlimdan keyingi taʼlim bosqichlari joriy etiladi;
(j) Universitetda taʼlim jarayoni davlat granti va toʻlov-kontrakt asosida davlat va xorijiy tillarda amalga oshiriladi. Bunda:
(i) 2029/2030 oʻquv yiliga qadar oʻqishga qabul qilingan talabalar toʻliq davlat granti asosida oʻqitiladi;
(ii) talabalarni davlat granti asosida oʻqitish xarajatlarini Davlat budjeti hisobidan moliyalashtirish “Yangi Oʻzbekiston” universiteti uchun oʻrnatilgan tartibda amalga oshiriladi.
5. Quyidagilar:
(a) “ToshTech” texnika universitetining vasiylik kengashi tarkibi 2-ilovaga muvofiq;
(b) “ToshTech” texnika universiteti vasiylik kengashining asosiy vazifalari 3-ilovaga muvofiq;
(v) “ToshTech” texnika universiteti faoliyatini tashkil etish boʻyicha “yoʻl xaritasi” 4-ilovaga muvofiq tasdiqlansin.
III. Universitet faoliyatini moliyalashtirish
6. Belgilansinki, Universitet faoliyatini yoʻlga qoʻyish, xususan, taʼlim dasturlarini ishlab chiqish, axborot tizimlarini yaratish hamda “BCG” kompaniyasi tomonidan Universitetni tashkil etish va rivojlantirish strategiyasi doirasida koʻrsatiladigan qoʻshimcha (shu jumladan, yordamchi pudrat tashkilotlari) xizmatlar boʻyicha xarajatlarni qoplash:
(a) 2025-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Oliy taʼlim, fan va innovatsiyalar vazirligiga ajratilgan budjet mablagʻlari doirasida hamda joriy yilda maqbullashtirilgan mablagʻlar hisobidan amalga oshiriladi;
(b) 2026-yildan boshlab belgilangan tartibda Oʻzbekiston Respublikasi Davlat budjeti parametrlarini shakllantirishda nazarda tutiladi.
7. 2029-yil 1-iyunga qadar Universitet tomonidan chetdan olib kelinadigan muqobili Oʻzbekistonda ishlab chiqarilmaydigan qurilma, dasturiy va texnik vositalar hamda butlovchi qismlar bojxona bojidan ozod etilsin.
IV. Qaror ijrosini tashkil etish, taʼminlash va nazorat
8. Oliy taʼlim, fan va innovatsiyalar vazirligi ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Mazkur qarorning ijrosini samarali tashkil qilishga masʼul va shaxsiy javobgar etib oliy taʼlim, fan va innovatsiyalar vaziri K.A. Sharipov belgilansin.
10. Qaror ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 8-sentabrdagi PQ-274-son qaroriga 1-ILOVA
“ToshTech” texnika universitetining asosiy faoliyat yoʻnalishlari
Quyidagilar Universitetning asosiy faoliyat yoʻnalishlari hisoblanadi:
(a) muhandislik, energetika, uskunasozlik (hardware engineering), sunʼiy intellekt, mexanika muhandisligi, elektronika va avtomatika muhandisligi, neft va gaz, geologiya qidiruv va kon-metallurgiya sohalari uchun zamonaviy bilim va malakaga ega boʻlgan, xalqaro mehnat bozori talablariga javob beradigan oliy maʼlumotli kadrlar tayyorlash;
(b) “taʼlim muhiti — uchinchi oʻqituvchi” tamoyili asosida talabalarning intellektual qobiliyatini rivojlantirish, bilimini amaliy tajribalar orqali mustahkamlash, oʻquv materiallarini samarali va puxta oʻzlashtirishga xizmat qiladigan har tomonlama qulay taʼlim muhitini shakllantirish;
(v) taʼlim jarayonini xorijiy ilgʻor tajriba va zamonaviy axborot texnologiyalarini qoʻllagan holda jahonning yetakchi universitetlarida joriy etilgan taʼlim dasturlari hamda taʼlim texnologiyalari va usullari asosida tashkil etish;
(g) muhandis kadrlarni tayyorlashda xalqaro hamkorlikni rivojlantirish, xalqaro hamkor oliy taʼlim tashkilotlari bilan zamonaviy taʼlim dasturlarini joriy etish, sanoat tarmoqlarida mavjud ehtiyojdan kelib chiqib, ilmiy-tadqiqot ishlarini olib borishni tashkil etish, talabalarni ilmiy va innovatsion faoliyatga keng jalb etish;
(d) taʼlim va ilmiy-texnikaviy sohalarda xorijiy mamlakatlar yetakchi taʼlim tashkilotlari va ilmiy-tadqiqot markazlari bilan hamkorlik aloqalarini rivojlantirish;
(j) muhandislik yoʻnalishidagi xorijiy bestseller oʻquv adabiyotlarini davlat tilida chop etish va taʼlimning barcha bosqichlarida qoʻllashni joriy etish;
(z) iqtisodiyot tarmoqlarining ehtiyoji asosida zamonaviy laboratoriya majmuasini tashkil etish hamda bir vaqtning oʻzida tarmoqlar, talabalar va oʻqituvchilarni jalb etgan holda keng koʻlamda xoʻjalik faoliyatini olib borish.
Oʻzbekiston Respublikasi Prezidentining 2025-yil 8-sentabrdagi PQ-274-son qaroriga 2-ILOVA
“ToshTech” texnika universitetining vasiylik kengashi
J.A. Qoʻchqorov — Bosh vazir oʻrinbosari — iqtisodiyot va moliya vaziri, Vasiylik kengashi raisi K.A. Sharipov — oliy taʼlim, fan va innovatsiyalar vaziri J.T. Mirzamahmudov — energetika vaziri B.B. Raxmatov — Oʻzbekiston Respublikasi Prezidenti huzuridagi Strategik islohotlar agentligi direktori O.R. Fazilkarimov — iqtisodiyot va moliya vaziri oʻrinbosari Kelishuvga koʻra — chet ellik malakali mutaxassislar (kelishuv asosida) Lavozimi boʻyicha — Universitet rektori, Vasiylik kengashi kotibi
Oʻzbekiston Respublikasi Prezidentining 2025-yil 8-sentabrdagi PQ-274-son qaroriga 3-ILOVA
“ToshTech” texnika universiteti vasiylik kengashining asosiy vazifalari
Quyidagilar Vasiylik kengashining asosiy vazifalari hisoblanadi:
(a) Universitetning strategik rivojlanish rejasini belgilash, zarur hollarda konsalting xizmati koʻrsatuvchi tashkilotlar bilan toʻgʻridan-toʻgʻri shartnoma tuzish;
(b) Universitet faoliyati toʻlaqonli tashkil etilishini taʼminlash, uning faoliyatini yoʻlga qoʻyish bilan bogʻliq masalalarni hal etish;
(v) zarur loyiha hujjatlarini tayyorlash, qurilish-montaj va taʼmirlash-tiklash ishlarini, Universitetni jihozlash, infratuzilmasini yaratish va moddiy-texnik taʼminlashga doir vazifalarni muvofiqlashtirib borish;
(g) talabalarning ishlab chiqarish amaliyotini samarali tashkil etish, bitiruvchilarni ishga joylashtirish, mehnat bozori talabini hisobga olgan holda mutaxassislar va ilmiy-texnik kadrlar tayyorlashning istiqbolli yoʻnalishlarini belgilash;
(d) Universitetda oʻqish uchun toʻlov-kontrakt qiymatini belgilash;
(j) talabalarni qabul qilish parametrlarini mehnat bozori konyunkturasini oʻrganish va hamkor ish beruvchilar buyurtmalari asosida belgilash;
(z) Universitet faoliyatini rivojlantirish uchun homiylik xayriyalari, grantlar va boshqa budjetdan tashqari mablagʻlarni jalb etish;
(i) Universitet kampusini tashkil etish va uning infratuzilmasini rivojlantirish, Universitetning moddiy-texnika, oʻquv-uslubiy bazasini mustahkamlash;
(k) iqtidorli talabalar uchun stipendiyalar taʼsis etish, talabalarning boʻsh vaqtlarini samarali tashkil etish uchun shart-sharoitlar yaratish.
Oʻzbekiston Respublikasi Prezidentining 2025-yil 8-sentabrdagi PQ-274-son qaroriga 4-ILOVA
“ToshTech” texnika universiteti faoliyatini tashkil etish boʻyicha
T/r Chora-tadbirlar nomi Amalga oshirish mexanizmi Bajarish muddati Moliyalashtirish manbalari Ijro uchun masʼullar I. Universitet faoliyatini yoʻlga qoʻyish chora-tadbirlari 1. “ToshTech” texnika universitetini (keyingi oʻrinlarda — Universitet) davlat roʻyxatidan oʻtkazish va uning tuzilmasini tasdiqlash. 1. Universitet ustavini ishlab chiqish va tasdiqlash. 2. Universitetni belgilangan tartibda davlat roʻyxatidan oʻtkazish. 3. Universitet tuzilmasini shakllantirish va tasdiqlash. 2025-yil oktabr - Oliy taʼlim, fan va innovatsiyalar vazirligi, Adliya vazirligi, Universitet 2. Universitetni yuqori kasbiy mahoratga ega boʻlgan malakali, shu jumladan, xorijiy mutaxassislar bilan toʻldirish. 1. Universitet ehtiyojidan kelib chiqib, boshqaruv jarayoniga mahalliy va xorijiy hamkor tashkilotlar bilan birgalikda malakali mutaxassislarni jalb qilish. 2. Universitetga jalb etiladigan xorijiy va mahalliy mutaxassislarni ochiq tanlov asosida saralab olish. 2025-yil oktabr — dekabr - Oliy taʼlim, fan va innovatsiyalar vazirligi, Energetika vazirligi, Tashqi ishlar vazirligi 3. Universitet oʻquv va ilmiy jarayonlariga ilmiy darajali xorijiy va mahalliy professor-oʻqituvchilarni jalb qilish. 2025-2026-yillar 3. 2025/2026 oʻquv yilidan boshlab Universitetga bir yillik tayyorlov kursiga talabalar qabulini tashkil etish. 1. “Boston consulting group” konsalting kompaniyasi (AQSH) (keyingi oʻrinlarda — “BCG” kompaniyasi) bilan hamkorlikda tayyorlov (foundation) dasturini ishlab chiqish. 2. Tayyorlov kursiga qabul qilish shartlari va muddatlarini ommaviy axborot vositalarida eʼlon qilish. 3. Nomzodlarni saralab olish va tinglovchilar qabulini tashkil etish. 2025-yil oktabr - Oliy taʼlim, fan va innovatsiyalar vazirligi, Universitet 4. “BCG” kompaniyasi bilan hamkorlikda Universitetni rivojlantirish strategiyasini qabul qilish. 1. Universitetni rivojlantirish strategiyasi doirasida quyidagilarni belgilash: ish beruvchilar va boshqa xalqaro hamkor tashkilotlar bilan muzokaralar oʻtkazish asosida Universitetning kadrlar tayyorlash yoʻnalishlarini; Universitetning moliyaviy modelini; raqamlashtirish va boshqaruv modelini; ilmiy tadqiqotlar oʻtkazish yoʻnalishlarini; mahalliy va xalqaro hamkorlik istiqbollarini. 2025-yil oktabr - Universitet vasiylik kengashi, Oliy taʼlim, fan va innovatsiyalar vazirligi, Iqtisodiyot va moliya vazirligi 2. Universitetni rivojlantirish strategiyasini tasdiqlash. 2025-yil noyabr 5. Universitetda akademik faoliyatni boshqarish jarayonini xalqaro andozalarga mos darajada yoʻlga qoʻyish. 1. Universitetga akademik faoliyatni tashkil etish boʻyicha xalqaro nufuzga ega boʻlgan tajribali mutaxassislarni jalb etish boʻyicha nomzodlarni saralash. 2025-yil noyabr - Vasiylik kengashi, Universitet 2. Shaffof tanlov asosida saralab olingan nomzodni Universitetning tegishli lavozimiga tayinlash. 2026-yil yanvar 6. “BCG” kompaniyasi bilan hamkorlikda Universitet faoliyatini tashkil etish boʻyicha nufuzli xorijiy oliy taʼlim tashkilotlari bilan hamkorlik oʻrnatish. 1. Universitet faoliyatini dastlabki bosqichda tashkil etish boʻyicha nufuzli xorijiy oliy taʼlim tashkilotlarini aniqlash. 2. Aniqlangan oliy taʼlim tashkilotlari bilan muzokaralar olib borish va ular bilan uzoq muddatli kelishuvga erishish. 2026-2027-yillar - Oliy taʼlim, fan va innovatsiyalar vazirligi, Iqtisodiyot va moliya vazirligi, Universitet 7. Oliy taʼlim, fan va innovatsiyalar vazirligi hamda Universitetning buyurtmalariga asosan Universitetga jalb qilinadigan chet ellik oʻqituvchilar va mutaxassislar hamda ularning oila aʼzolari uchun ruxsatnomalarni belgilangan tartibda rasmiylashtirish. 1. Chet ellik oʻqituvchi va mutaxassislar hamda ularning oila aʼzolari uchun koʻp martalik kirish vizalarini belgilangan tartibda rasmiylashtirish. Doimiy - Tashqi ishlar vazirligi 2. Universitetga jalb etiladigan chet ellik oʻqituvchilar va mutaxassislar, ularning oila aʼzolari uchun belgilangan tartibda koʻp martalik vizalar berilishi va uzaytirilishini, shuningdek, ularning Oʻzbekiston Respublikasida yashash manzillari boʻyicha vaqtinchalik roʻyxatga olinishini taʼminlash. Ichki ishlar vazirligi 3. Chet ellik mutaxassislarni jalb qilishda belgilangan tartibda Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnomalarni berishni (uzaytirishni) taʼminlash. Kambagʻallikni qisqartirish va bandlik vazirligi II. Universitetning oʻquv jarayonini tashkil etish 8. Oʻquv jarayonini tashkil etish bilan bogʻliq meʼyoriy hujjatlarni ishlab chiqish va tasdiqlash. 1. Ilgʻor xorijiy tajriba asosida bakalavriat taʼlim yoʻnalishlarini belgilash, oʻquv rejalari va dasturlarini tasdiqlash. 2. Bakalavriat va magistratura bosqichlarida oʻquv jarayonini tashkil etish tartibini belgilash. 2026-yil mart - Universitet Vasiylik kengashi 9. Universitetda 2026/2027 oʻquv yilidan boshlab tashkil etiladigan bakalavriat taʼlim yoʻnalishlari boʻyicha qabul parametrlarini belgilash. 1. Muhandislik sohasi uchun iqtisodiyot tarmoqlarining oliy maʼlumotli kadrlarga boʻlgan istiqboldagi ehtiyojlarini tahlil qilish. 2026-yil mart — iyun - Universitet vasiylik kengashi, Oliy taʼlim, fan va innovatsiyalar vazirligi, Iqtisodiyot va moliya vazirligi 2. Ish beruvchilar takliflari asosida muhandislik sohasi uchun ehtiyoj yuqori boʻlgan bakalavriat taʼlim yoʻnalishlariga qabul parametrlarini shakllantirish. 2026-yil iyul 10. Bakalavriat taʼlim yoʻnalishlari va magistratura mutaxassisliklarini xalqaro akkreditatsiyadan oʻtkazish. 1. Universitetda tashkil etilgan bakalavriat taʼlim yoʻnalishlarini xalqaro hamkorlar bilan birgalikda akkreditatsiyadan oʻtkazish rejasini ishlab chiqish. 2026-yil iyun - Universitet, Oliy taʼlim, fan va innovatsiyalar vazirligi, Taʼlim sifatini taʼminlash milliy agentligi 2. Xalqaro tan olingan akkreditatsiya tashkilotlari bilan hamkorlik boʻyicha shartnoma tuzish va yoʻnalishlarni akkreditatsiya qilish reja-grafigini ishlab chiqish. 2026-yil iyul 3. Bakalavriat taʼlim yoʻnalishlari va magistratura mutaxassisliklarini xalqaro akkreditatsiyadan oʻtkazish. 2027 — 2030-yillar 11. Universitetda zamonaviy boshqaruv tizimi va taʼlim jarayonini joriy etish. 1. Universitetda zamonaviy boshqaruv tizimini yoʻlga qoʻyish. 2025-yil oktabr - Oliy taʼlim, fan va innovatsiyalar vazirligi, Iqtisodiyot va moliya vazirligi, “BCG” kompaniyasi 2. Universitetda taʼlim jarayonini tashkil etish, xususan: (a) muhandislik sohasida kadrlar tayyorlashda xorijiy nufuzli oliy taʼlim tashkilotlarining taʼlim dasturlarini joriy etish; (b) Universitet kutubxona fondini zamonaviy xorijiy oʻquv adabiyotlar, darsliklar va oʻquv qoʻllanmalari bilan boyitish; (v) Universitet boshqaruvi va taʼlim jarayonlarini raqamlashtirish hamda taʼlimni boshqarish platformasini (LMS) yaratish. 2026/2027 oʻquv yilidan boshlab III. Ilmiy-innovatsion faoliyat va xalqaro hamkorlikni tashkil etish 12. Universitet huzurida “R&D” markazini tashkil etish. 1. Universitet huzurida “R&D” markazini tashkil etish. 2. “R&D” markazining asosiy tadqiqot yoʻnalishlarini belgilash. 3. Markazga yetakchi xorijiy va mahalliy olimlarni jalb etish. 2025-yil noyabr - Oliy taʼlim, fan va innovatsiyalar vazirligi, Universitet vasiylik kengashi, Innovatsion rivojlanish agentligi 13. Ilmiy izlanishlar oʻtkazish jarayonlarini raqamlashtirish. 1. Universitetning barcha xodim va talabalari tomonidan oʻtkaziladigan ilmiy izlanishlarni roʻyxatga olish, tasdiqlash, hisobot topshirish va natijalari bilan boʻlishishni qamrab oluvchi yagona elektron platforma yaratish. 2026-yil oktabr - Universitet, Oliy taʼlim, fan va innovatsiyalar vazirligi 2. Platformani ishga tushirish va ishtirokchilar foydalanishini yoʻlga qoʻyish. 2026-yil dekabr IV. Universitetning moddiy-texnika bazasini kuchaytirish 14. Universitetga oʻz faoliyatini boshlashi uchun binolarni tekin foydalanish huquqi asosida ajratish. 1. Universitetni birinchi bosqichda Toshkent davlat texnika universiteti akademik litseyi binosining 1 — 3-qavatlari ga joylashtirish. 2. Akademik litsey binosini “BCG” kompaniyasi tavsiyalari asosida taʼmirlash. 3. Akademik litseyni 2026/2027 oʻquv yilidan Toshkent davlat texnika universitetining boshqa binolariga joylashtirish choralarini koʻrish. 4. Universitetni akademik litsey binosiga tekin foydalanish huquqi (kommunal va saqlash xarajatlarini qoplagan holda) asosida joylashtirish. 5. Universitetni 2026/2027 oʻquv yili boshlangunga qadar Toshkent davlat texnika universitetining Toshkent shahar, Olmazor tumani, Universitet koʻchasi, 2-uy manzilida joylashgan Mashinasozlik fakulteti binosiga tekin foydalanish huquqi asosida joylashtirish. 2025-yil oktabr 2025-yilgi Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida iqtisod qilingan oʻzlashtirilmagan mablagʻlar Oliy taʼlim, fan va innovatsiyalar vazirligi, Toshkent shahar hokimligi, Davlat aktivlarini boshqarish agentligi 15. Universitet kampusini tashkil etish. 1 Universitet uchun Toshkent davlat texnika universitetidan oʻtkaziladigan bino va inshootlar ketma-ketligini belgilash. 2. Universitetga oʻtkaziladigan bino va inshootlarni rekonstruksiya qilish, taʼmirlash va jihozlash ishlarini bosqichma-bosqich 2026 — 2029-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturiga kiritish. 3. 2030-yilga qadar Toshkent davlat texnika universitetining tegishli kafedra va fakultetlarini bosqichma-bosqich Universitet tarkibiga kiritib borish orqali Toshkent davlat texnika universiteti faoliyatini tugatish. 4. Universitetni Toshkent davlat texnika universiteti binolariga tekin foydalanish huquqi asosida joylashtirish. 2026 — 2029-yillar Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi Iqtisodiyot va moliya vazirligi, Oliy taʼlim, fan va innovatsiyalar vazirligi, Qurilish va uy-joy kommunal xoʻjaligi vazirligi 16. Iqtisodiyot tarmoqlari ehtiyojidan kelib chiqib, Universitetda oʻquv va ilmiy laboratoriyalarni tashkil etish. 1. “BCG” kompaniyasi bilan hamkorlikda Universitet va iqtisodiyot tarmoqlarining ehtiyojidan kelib chiqib, zarur laboratoriyalar roʻyxatini shakllantirish. 2026-yil aprel - Universitet Vasiylik kengashi, Oliy taʼlim, fan va innovatsiyalar vazirligi, Iqtisodiyot va moliya vazirligi, Energetika vazirligi 2. Universitetning bakalavriat yoʻnalishlari, magistratura mutaxassisliklari va ilmiy-tadqiqot faoliyatiga mos laboratoriya majmualarini tashkil etish. 2026-yil dekabr
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 8-sentabr,
PQ- 274 -son
ПРЕЗИДЕНТА РЕСПУБЛИКИ УЗБЕКИСТАН
ПОСТАНОВЛЕНИЕ
О создании в городе Ташкенте Технического университета «TоshTech»
В целях подготовки в стране высококвалифицированных кадров, обладающих навыками разработки и внедрения передовых технических решений в сфере инженерии, способных содействовать цифровой трансформации экономики, создавать инновационные продукты и услуги, а также обеспечения преемственности и взаимной интеграции высшего и послевузовского образования в данном направлении постановляю:
I. Цель
1. Определить основной целью принятия настоящего постановления обеспечение развивающихся отраслей промышленности высококвалифицированными инженерными кадрами путем создания образцового высшего образовательного учреждения, соответствующего международным образовательным стандартам подготовки инженерных кадров.
II. Налаживание подготовки кадров для сферы инженерии на основе международных стандартов
2. Принять к сведению, что между Министерством высшего образования, науки и инноваций и консалтинговой компанией «Boston consulting group» (далее — компания «BCG») 8 июля 2025 года заключен договор об оказании консалтинговых услуг по созданию нового технического университета.
3. Создать в городе Ташкенте Технический университет «TоshTech» и утвердить основные направления его деятельности согласно приложению № 1 * .
4. Определить, что:
(а) деятельность Технического университета «TоshTech» (далее — Университет) организовывается в сотрудничестве с компанией «BCG»;
(б) Университет является государственным высшим образовательным учреждением и осуществляет деятельность в системе Министерства высшего образования, науки и инноваций;
(в) Университету предоставляется самостоятельность в академической, финансовой и организационно-управленческой областях;
(г) Университету предоставляется полномочие самостоятельно устанавливать условия приема по направлениям образования бакалавриата и специальностям магистратуры;
(д) в Университете:
(i) начиная с 2025/2026 учебного года внедряется одногодичный подготовительный курс (foundation), финансируемый за счет средств Государственного бюджета;
(ii) начиная с 2026/2027 учебного года внедряется образовательный процесс по направлениям образования бакалавриата;
(iii) начиная с 2027/2028 учебного года поэтапно внедряются ступени образования «магистратура» и «послевузовское образование»;
(ж) в Университете образовательный процесс осуществляется на основе государственного гранта и платного контракта, на государственном и иностранных языках. При этом:
(i) студенты, принятые на учебу до 2029/2030 учебного года, обучаются полностью на основе государственного гранта;
(ii) финансирование за счет Государственного бюджета расходов по обучению студентов на основе государственного гранта осуществляется в порядке, установленном для Университета «Новый Узбекистан».
5. Утвердить:
(а) Состав Попечительского совета Технического университета «TоshTech» согласно приложению № 2 * ;
(б) Основные задачи Попечительского совета Технического университета «TоshTech» согласно приложению № 3 * ;
(в) «Дорожную карту» по организации деятельности Технического университета «TоshTech» согласно приложению № 4 * .
III. Финансирование деятельности Университета
6. Установить, что покрытие расходов, связанных с организацией деятельности Университета, в частности, по разработке образовательных программ, созданию информационных систем, а также на дополнительные услуги, оказываемые компанией «BCG» (в том числе вспомогательными подрядными организациями) в рамках создания и стратегии развития Университета, осуществляется:
(а) в 2025 году в рамках средств республиканского бюджета Республики Узбекистан, выделенных Министерству высшего образования, науки и инноваций в качестве распределителя бюджетных средств первого уровня, а также средств, оптимизируемых в текущем году;
(б) начиная с 2026 года — ежегодно предусматриваются при формировании параметров Государственного бюджета Республики Узбекистан в установленном порядке.
7. Освободить на срок до 1 июня 2029 года от таможенной пошлины ввозимые Университетом из-за рубежа устройства, программные и технические средства, а также комплектующие, аналоги которых не производятся в Узбекистане.
IV. Организация, обеспечение и контроль исполнения постановления
8. Министерству высшего образования, науки и инноваций в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
9. Возложить на министра высшего образования, науки и инноваций К.А. Шарипова персональную ответственность за эффективную организацию исполнения настоящего постановления.
10. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
8 сентября 2025 г.,
№ ПП- 274