UzbekAI

Ўзбекистон Республикаси Президентининг

Фармони

Қишлоқ хўжалигига мўлжалланган ерларда маҳсулот етиштиришнинг узлуксизлигини таъминлаш ва ердан фойдаланиш самарадорлигини ошириш бўйича қўшимча чора-тадбирлар тўғрисида

Қишлоқ хўжалигида ер ресурсларидан оқилона, самарали ва узлуксиз фойдаланиш, бўш турган ер участкаларининг ўз вақтида ҳисобга олиниши ва реализация қилинишини ташкил қилиш, ер майдонларини қайта ижарага бериш тартибини соддалаштириш мақсадида қарор қиламан:

I. Мақсадлар ва вазифалар

1. Ушбу Фармонни қабул қилишдан кўзланган асосий мақсадлар этиб қуйидагилар белгилансин:

(а) туман (шаҳар) ҳокимликлари тасарруфидаги бўш турган ер участкаларини тўлиқ ҳисобга олиш ва реализация қилиш;

(б) қишлоқ хўжалигига мўлжалланган ерларни қайта ижарага бериш тизимини такомиллаштириш;

(в) қишлоқ хўжалигига мўлжалланган ерларга бўлган ҳуқуқларни тўлиқ давлат рўйхатидан ўтказиш.

2. Қишлоқ хўжалигига мўлжалланган бўш турган ер майдонларини қисқа муддатда ижарага бериш, корхоналарнинг иқтисодий ҳолатидан қатъи назар, барча турдаги қишлоқ хўжалиги ерларига мос экин экиш, норматив ҳосилдорликдан кам бўлмаган маҳсулот етиштириш ва ҳосилни нес-нобуд қилмасдан ўриб-йиғиб олиш — ер участкаларининг ижарачилари (эгалари, фойдаланувчилари), ижарага берувчилари, агросаноат мажмуаси таркибидаги давлат органлари ва ташкилотлари учун биринчи навбатдаги устувор вазифа эканлиги кўрсатиб ўтилсин.

II. Бўш турган ерларни ҳисобга олиш

3. Барча туман ва шаҳар ҳокимлари қуйидагилар учун масъул ва шахсан жавобгар этиб белгилансин:

(а) тегишли туман (шаҳар) ҳудудида жойлашган барча турдаги бўш турган ер участкалари ўн кун муддатда ўз қарорига асосан давлат ер кадастрида бўш турган ер участкаси сифатида ҳисобга олинишини таъминлаш;

(б) ер участкасига бўлган ҳуқуқлар бекор қилинган ҳар бир ҳолатда ушбу ер ўн кун муддатда ўз қарорига асосан бўш турган ер участкаси сифатида ҳисобга олинишини таъминлаш;

(в) бўш турган ер участкаларини улар давлат ер кадастрида ҳисобга олинган кундан бошлаб ўн кун муддатда электрон онлайн аукцион савдоларига чиқариш чораларини кўриш;

(г) ер фонди тоифасини ўзгартириш, йирик инвестиция лойиҳасини амалга ошириш учун энг яхши таклифни танлаб олиш режалаштирилгани сабабли дарҳол реализация қилинмайдиган ер майдонлари ҳақида ушбу ер участкасини ҳисобга олиш тўғрисидаги ўз қарорида асослантирилган сабабларни кўрсатиб ўтиш;

(д) бўш турган ер участкалари ўзбошимчалик билан эгаллаб олинишига, ер бериш тартибини бузган ҳолда ажратилишига, бошқа шахслар томонидан ердан хўжасизларча фойдаланилишига ёки унинг яроқсиз ҳолга туширилишига йўл қўймаслик;

(ж) бўш турган ер участкаларини ҳисобга олиш тўғрисидаги қарорларини расмий эълон қилиш.

4. Қишлоқ хўжалигига мўлжалланган ер участкаларига бўлган ижара ҳуқуқини электрон онлайн аукцион савдолари орқали сотишдан туман (шаҳар) бюджетига тушган маблағлар туман (шаҳар) бюджетининг қўшимча манбалари ҳисобланиши белгилаб қўйилсин. Бунда ушбу маблағлар қатъий равишда ҳудудий инвестиция ва ижтимоий инфратузилмани ривожлантириш дастурларига мувофиқ тегишли туманда (шаҳарда) қишлоқ ва сув хўжалиги инфратузилмасини ривожлантириш, шу жумладан, суғориш тизимларини яхшилаш, замонавий сув тежовчи суғориш технологияларини жорий этиш, ер майдонларини янгидан ўзлаштириш ва қайта фойдаланишга киритиш, қишлоқ хўжалиги соҳасидаги энг сўнгги илмий янгилик ва инновацион ёндашувларни жорий этиш тадбирларини молиялаштириш учун халқ депутатлари туман (шаҳар) Кенгашлари қарорларига асосан йўналтирилади.

III. Ер участкаларини қисман қайта ижарага бериш

5. Қишлоқ хўжалигига мўлжалланган ерлар ижарачиларига ўзига ижарага берилган ер участкаларининг бир қисмига нисбатан ижара шартномаси бўйича ўз ҳуқуқ ва мажбуриятларини бошқа шахсга ўтказиш (қайта ижарага бериш) ҳуқуқи берилсин, бунда:

(а) ижарачининг ўзида қоладиган ва қайта ижарага олувчига ўтказиладиган ер участкаларининг майдони Ер кодексининг 46 1 -моддасида белгиланган ўлчамлардан кам бўлмаслиги лозим;

(б) ер участкаларини қисман қайта ижарага беришда уларни ижарачи ва қайта ижарага олувчи ўртасида тақсимлаш қишлоқ хўжалиги харитасидаги контурлар яхлитлиги ва амалдаги суғориш тизимини сақлаб қолган ҳолда алоҳида турган контурларни қайта тақсимлаш орқали амалга оширилади;

(в) ер участкаларини қисман қайта ижарага беришда тарафлар қишлоқ хўжалигига мўлжалланган ер участкасини бўлиш ва унинг янги чегараларини белгилаш бўйича давлат хизматидан фойдаланади.

IV. Қишлоқ хўжалигига мўлжалланган ер участкаларига нисбатан фақат ижара ҳуқуқини тан олиш

6. Ер кодексининг 46-моддасига мувофиқ, қишлоқ хўжалигига мўлжалланган ерлар фақат ижара ҳуқуқи асосида ажратилиши маълумот учун қабул қилинсин.

7. Белгилансинки, қишлоқ хўжалигига мўлжалланган барча турдаги ерларга нисбатан ижара ҳуқуқидан бошқа ҳар қандай шаклдаги ҳуқуқ тан олинмайди ва давлат рўйхатидан ўтказилмайди. Бунда ушбу қоида:

(а) давлат органлари, муассасалари ва корхоналарининг ижара ҳуқуқидан бошқа турдаги ҳуқуқ билан давлат рўйхатидан ўтказилган қишлоқ хўжалигига мўлжалланган ерларига ҳамда ер фондининг бошқа тоифалари таркибидаги қишлоқ хўжалиги ерларига;

(б) 2021 йил 1 августга қадар якка тартибда уй-жой қуриш ҳуқуқи билан деҳқон хўжалиги ва томорқа хўжалигини юритиш учун ҳамда боғдорчилик ва узумчилик ширкатларига ажратилган ерларга нисбатан татбиқ этилмайди.

8. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари Қуролли Кучлар, чегара, ички ишлар ва бошқа қўшинларнинг ҳарбий қисмлари, ҳарбий ўқув юртлари, корхоналари, муассасалари ва ташкилотларининг доимий фаолияти учун Вазирлар Маҳкамаси билан келишган ҳолда қишлоқ хўжалигига мўлжалланган ерларни жамоат эҳтиёжлари учун доимий фойдаланишга беришга ҳақли эканлиги белгилаб қўйилсин. Бунда ушбу ерлар мудофаа эҳтиёжлари учун мўлжалланган ерлар таркибида тегишлича қишлоқ хўжалиги ерлари, шу жумладан, суғориладиган ерлар сифатида аввалги ҳолатида ҳисобга олинади. Ушбу ерларда ер фонди тоифасини ўзгартирмасдан капитал қурилиш объектлари қуришга йўл қўйилмайди.

9. Қишлоқ хўжалигига мўлжалланган ер эгаларига ва фойдаланувчиларига ўзининг ер участкаларига бўлган эгалик қилиш ва фойдаланиш ҳуқуқларини 2027 йил 1 январга қадар халқ депутатлари туман (шаҳар) Кенгашлари қарори асосида ижара ҳуқуқига ўзгартириш имконияти берилсин.

10. Қишлоқ хўжалигига мўлжалланган ерларга эгалик қилиш ва фойдаланиш ҳуқуқи ижара ҳуқуқига ўтказилган ҳолларда ижара муддати ижара шартномаси тузилган санадан бошлаб қуйидагича этиб белгилансин:

(а) Ўзбекистон Республикаси фуқаролари ва улар муассислигидаги юридик шахслар учун — 30 йил;

(б) чет эл инвестициялари иштирокидаги корхоналар учун — 25 йил.

V. Фармон ижросини ташкил этиш, таъминлаш ва назорат қилиш

11. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:

(а) туман (шаҳар) ҳокимликлари томонидан ўн кун муддатда бўш турган қишлоқ хўжалигига мўлжалланган ерларни ҳисобга олиш юзасидан қарорлар Кадастр агентлигининг Давлат кадастрлари палатасига ҳисобга олиш учун юборилишини;

(б) Кадастр агентлиги билан биргаликда туман (шаҳар) ҳокимликлари тасарруфидаги бўш турган қишлоқ хўжалигига мўлжалланган ерларнинг ҳисобга олиниши ва улар тўғрисидаги маълумотлар реал вақт режимида Қишлоқ хўжалиги вазирлигининг «E-ijara» ахборот тизимига юборилишини;

(в) Қишлоқ хўжалиги вазирлиги ва Давлат активларини бошқариш агентлиги билан биргаликда қишлоқ хўжалигига мўлжалланган ерларнинг ўрнатилган тартибда электрон онлайн-аукцион савдоларига чиқарилишини таъминласин.

12. Адлия вазирлиги Қишлоқ хўжалиги вазирлиги ва Кадастр агентлиги билан биргаликда икки ой муддатда ер участкаларини қисман қайта ижарага беришда қишлоқ хўжалигига мўлжалланган ер участкасини бўлиш ва унинг янги чегараларини белгилаш бўйича давлат хизматини ишга туширсин.

13. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари Қишлоқ хўжалиги вазирлиги ва Кадастр агентлиги билан биргаликда 2026 йил 1 январга қадар:

(а) қишлоқ хўжалигига мўлжалланган ерлардан, биринчи навбатда, икки ой ичида доимий фойдаланиш ҳуқуқи билан ажратилган ерлардан рухсат этилган фойдаланишнинг асосий турини белгилаш ишларини самарали ташкил этсин ва якунласин;

(б) ҳар ой якунида ушбу бандга ҳамда мазкур Фармоннинг 9-бандига асосан қабул қилинган халқ депутатлари туман (шаҳар) Кенгашлари қарорлари ва амалга оширилган ишлар тўғрисида Вазирлар Маҳкамасига ахборот киритиб борсин.

14. Адлия вазирлиги Қишлоқ хўжалиги вазирлиги, Олий суд, Бош прокуратура, Кадастр агентлиги ва Ўзагроинспекция билан биргаликда икки ой муддатда ер участкасини ижарага олиш шартномаси бўйича ҳуқуқ ва мажбуриятларни тўлиқ ёки қисман бошқа шахсга ўтказишга (қайта ижарага беришга) рухсат берилгани муносабати билан ерга оид ҳуқуқбузарликлар учун маъмурий ва жиноий жавобгарлик чораларини қайта кўриб чиқишни назарда тутувчи қонун лойиҳасини белгиланган тартибда Вазирлар Маҳкамасига киритсин.

15. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига иловага мувофиқ ўзгартириш ва қўшимчалар киритилсин.

16. Қишлоқ хўжалиги вазирлиги тегишли вазирлик ва идоралар билан биргаликда икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

17. Ушбу Фармоннинг ижросини самарали ташкил қилишга масъул ва шахсий жавобгар этиб Бош вазир ўринбосарлари Ж.А. Ходжаев ва Ж.А. Қўчқоров, Қорақалпоғистон Республикаси Вазирлар Кенгаши Раиси ва вилоятлар ҳокимлари белгилансин.

18. Фармон ижросини ҳар ойда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2025 йил 12 сентябрдаги ПФ-172-сон Фармонига ИЛОВА

Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар

1. Ўзбекистон Республикаси Президентининг 2021 йил 8 июндаги «Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида»ги ПФ-6243-сон Фармонининг 3-банди учинчи хатбошиси қуйидаги таҳрирда баён этилсин:

«махсус иқтисодий зоналарда инвестиция лойиҳаларини жойлаштириш учун, шунингдек, маҳаллий ва чет эллик инвесторлар, шу жумладан, чет эл инвестициялари иштирокидаги корхоналар, чет эллик юридик ва жисмоний шахсларга қиймати камида 10 миллион АҚШ доллари эквивалентида бўлган, энг яхши таклифни танлаб олиш йўли билан аниқланадиган йирик инвестиция лойиҳасини амалга ошириш учун ер участкаларини ижарага беришда ушбу ер участкаларини ижарага олиш ҳуқуқининг баҳоловчи ташкилот томонидан аниқланадиган бозор қийматига нисбатан коэффициентларда белгиланадиган миқдордаги маблағни ижарага олувчи томонидан Ўзбекистон Республикасининг Давлат бюджетига тўлаш шарти билан. Бунда ер участкасининг қиймати қонунчилик ҳужжатларида белгиланган тартибда бевосита ёки бўлиб-бўлиб тўланиши ёхуд ижарага олувчи томонидан ташкил этилган (ташкил этиладиган) хўжалик жамиятининг устав фондига давлат улуши сифатида киритилиши мумкин».

2. Ўзбекистон Республикаси Президентининг 2022 йил 24 августдаги ПФ-198-сон Фармони билан тасдиқланган Мулк ҳуқуқининг дахлсизлигини ишончли ҳимоя қилиш, мулкий муносабатларга асоссиз аралашувга йўл қўймаслик, хусусий мулкнинг капиталлашув даражасини ошириш бўйича чора-тадбирлар дастурининг 5-позициясида:

(а) «Амалга ошириш механизми» устунининг тўртинчи ва бешинчи хатбошилари қуйидаги мазмундаги тўртинчи — олтинчи хатбошилар билан алмаштирилсин:

«3-босқич — тижорат ташкилотларига тегишли объектлар (ҳар чоракда камида 20 мингта);

4-босқич — якка тартибдаги турар жойлар ва бошқа объектлар (ҳар чоракда камида 150 мингта);

5-босқич — кўп квартирали уйлардаги квартиралар (2025 йилдан бошлаб ҳар чоракда камида 100 мингта)»;

(б) «Ижро муддати» устунида:

(i) «2023 йил декабрь» ва «2024 йил декабрь» сўзлари тегишинча «2027 йил декабрь» сўзлари билан алмаштирилсин:

(ii) қуйидаги мазмундаги бешинчи хатбоши билан тўлдирилсин:

«2027 йил декабрь».

3. Ўзбекистон Республикаси Президентининг 2024 йил 18 январдаги «Қишлоқ хўжалигига мўлжалланган ер участкаларини ижарага бериш тартибини такомиллаштириш бўйича қўшимча чора-тадбирлар тўғрисида»ги ПФ-15-сон Фармонида :

(а) 2-банднинг «в» ва «г» кичик бандлари чиқариб ташлансин;

(б) 4-банднинг биринчи хатбошиси «фойдаланиш мақсадини ўзгартирмаган ҳолда» сўзларидан кейин «тўлиқ ёки қисман» сўзлари билан тўлдирилсин;

(в) 5-банднинг иккинчи ва бешинчи хатбошиларидаги «2024 йил 31 декабрга қадар» сўзлари «2027 йил 1 январга қадар» сўзлари билан алмаштирилсин.

4. Ўзбекистон Республикаси Президентининг 2024 йил 16 февралдаги «Республикада озиқ-овқат хавфсизлигини таъминлашнинг қўшимча чора-тадбирлари тўғрисида»ги ПФ-36-сон Фармонида :

(а) 1-илованинг 1.2.3-бандида :

(i) тўртинчи хатбоши чиқариб ташлансин;

(ii) бешинчи хатбоши тўртинчи хатбоши деб ҳисоблансин;

(б) 2-илованинг 21-позицияси чиқариб ташлансин.

5. Ўзбекистон Республикаси Президентининг 2025 йил 21 апрелдаги ПФ-70-сон Фармони билан тасдиқланган Тадбиркорлик субъектларини қўллаб-қувватлаш мақсадида давлат активларини хусусийлаштириш ва давлат мулкини ижарага бериш йўналишларидаги имтиёз ва қўллаб-қувватлаш чораларининг «II. Ер участкаларини реализация қилишда» бўлими 2-банди «б» кичик банди биринчи хатбошисидаги «, қишлоқ хўжалигига мўлжалланган ер участкаларини ижара ҳуқуқи асосида» сўзлари чиқариб ташлансин.

6. Ўзбекистон Республикаси Президентининг 2025 йил 7 февралдаги «Қашқадарё вилоятини ижтимоий-иқтисодий ривожлантиришни жадаллаштириш бўйича қўшимча чора-тадбирлар тўғрисида»ги ПҚ-44-сон қарорига 9-илованинг 83-позицияси чиқариб ташлансин.

7. Вазирлар Маҳкамасининг 2021 йил 24 ноябрдаги 709-сон қарори билан тасдиқланган Бўш турган қишлоқ хўжалигига мўлжалланган ер участкаларини қишлоқ хўжалиги мақсадлари учун электрон онлайн-аукцион савдо орқали ижарага бериш тартиби тўғрисидаги низомда :

(а) 7-банднинг биринчи хатбошидаги «давлат рўйхатидан ўтказилган» сўзлари «туман (шаҳар) ҳокимининг қарорига асосан бўш турган ер участкаси сифатида ҳисобга олинган» сўзлари билан алмаштирилсин;

(б) 19-банднинг учинчи хатбошисидаги «лот қийматининг дастлабки 15 фоизини» сўзлари «лот қийматини» сўзлари билан алмаштирилсин;

(в) Низомга 1-илова 1-босқичининг «Муддат» устунидаги «Ер участкаси давлат захирасига олиниб, давлат мулки сифатида давлат рўйхатидан ўтказилгандан кейин» сўзлари «Ер участкаси туман (шаҳар) ҳокимининг қарорига асосан бўш турган ер участкаси сифатида ҳисобга олингандан кейин» сўзлари билан алмаштирилсин.

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 12 сентябрь,

ПФ-172-сон

(Қонунчилик маълумотлари миллий базаси, 12.09.2025 й., 06/25/172/0824-сон)

lex.uz

Oʻzbekiston Respublikasi Prezidentining

Farmoni

Qishloq xoʻjaligiga moʻljallangan yerlarda mahsulot yetishtirishning uzluksizligini taʼminlash va yerdan foydalanish samaradorligini oshirish boʻyicha qoʻshimcha chora-tadbirlar toʻgʻrisida

Qishloq xoʻjaligida yer resurslaridan oqilona, samarali va uzluksiz foydalanish, boʻsh turgan yer uchastkalarining oʻz vaqtida hisobga olinishi va realizatsiya qilinishini tashkil qilish, yer maydonlarini qayta ijaraga berish tartibini soddalashtirish maqsadida qaror qilaman:

I. Maqsadlar va vazifalar

1. Ushbu Farmonni qabul qilishdan koʻzlangan asosiy maqsadlar etib quyidagilar belgilansin:

(a) tuman (shahar) hokimliklari tasarrufidagi boʻsh turgan yer uchastkalarini toʻliq hisobga olish va realizatsiya qilish;

(b) qishloq xoʻjaligiga moʻljallangan yerlarni qayta ijaraga berish tizimini takomillashtirish;

(v) qishloq xoʻjaligiga moʻljallangan yerlarga boʻlgan huquqlarni toʻliq davlat roʻyxatidan oʻtkazish.

2. Qishloq xoʻjaligiga moʻljallangan boʻsh turgan yer maydonlarini qisqa muddatda ijaraga berish, korxonalarning iqtisodiy holatidan qatʼi nazar, barcha turdagi qishloq xoʻjaligi yerlariga mos ekin ekish, normativ hosildorlikdan kam boʻlmagan mahsulot yetishtirish va hosilni nes-nobud qilmasdan oʻrib-yigʻib olish — yer uchastkalarining ijarachilari (egalari, foydalanuvchilari), ijaraga beruvchilari, agrosanoat majmuasi tarkibidagi davlat organlari va tashkilotlari uchun birinchi navbatdagi ustuvor vazifa ekanligi koʻrsatib oʻtilsin.

II. Boʻsh turgan yerlarni hisobga olish

3. Barcha tuman va shahar hokimlari quyidagilar uchun masʼul va shaxsan javobgar etib belgilansin:

(a) tegishli tuman (shahar) hududida joylashgan barcha turdagi boʻsh turgan yer uchastkalari oʻn kun muddatda oʻz qaroriga asosan davlat yer kadastrida boʻsh turgan yer uchastkasi sifatida hisobga olinishini taʼminlash;

(b) yer uchastkasiga boʻlgan huquqlar bekor qilingan har bir holatda ushbu yer oʻn kun muddatda oʻz qaroriga asosan boʻsh turgan yer uchastkasi sifatida hisobga olinishini taʼminlash;

(v) boʻsh turgan yer uchastkalarini ular davlat yer kadastrida hisobga olingan kundan boshlab oʻn kun muddatda elektron onlayn auksion savdolariga chiqarish choralarini koʻrish;

(g) yer fondi toifasini oʻzgartirish, yirik investitsiya loyihasini amalga oshirish uchun eng yaxshi taklifni tanlab olish rejalashtirilgani sababli darhol realizatsiya qilinmaydigan yer maydonlari haqida ushbu yer uchastkasini hisobga olish toʻgʻrisidagi oʻz qarorida asoslantirilgan sabablarni koʻrsatib oʻtish;

(d) boʻsh turgan yer uchastkalari oʻzboshimchalik bilan egallab olinishiga, yer berish tartibini buzgan holda ajratilishiga, boshqa shaxslar tomonidan yerdan xoʻjasizlarcha foydalanilishiga yoki uning yaroqsiz holga tushirilishiga yoʻl qoʻymaslik;

(j) boʻsh turgan yer uchastkalarini hisobga olish toʻgʻrisidagi qarorlarini rasmiy eʼlon qilish.

4. Qishloq xoʻjaligiga moʻljallangan yer uchastkalariga boʻlgan ijara huquqini elektron onlayn auksion savdolari orqali sotishdan tuman (shahar) budjetiga tushgan mablagʻlar tuman (shahar) budjetining qoʻshimcha manbalari hisoblanishi belgilab qoʻyilsin. Bunda ushbu mablagʻlar qatʼiy ravishda hududiy investitsiya va ijtimoiy infratuzilmani rivojlantirish dasturlariga muvofiq tegishli tumanda (shaharda) qishloq va suv xoʻjaligi infratuzilmasini rivojlantirish, shu jumladan, sugʻorish tizimlarini yaxshilash, zamonaviy suv tejovchi sugʻorish texnologiyalarini joriy etish, yer maydonlarini yangidan oʻzlashtirish va qayta foydalanishga kiritish, qishloq xoʻjaligi sohasidagi eng soʻnggi ilmiy yangilik va innovatsion yondashuvlarni joriy etish tadbirlarini moliyalashtirish uchun xalq deputatlari tuman (shahar) Kengashlari qarorlariga asosan yoʻnaltiriladi.

III. Yer uchastkalarini qisman qayta ijaraga berish

5. Qishloq xoʻjaligiga moʻljallangan yerlar ijarachilariga oʻziga ijaraga berilgan yer uchastkalarining bir qismiga nisbatan ijara shartnomasi boʻyicha oʻz huquq va majburiyatlarini boshqa shaxsga oʻtkazish (qayta ijaraga berish) huquqi berilsin, bunda:

(a) ijarachining oʻzida qoladigan va qayta ijaraga oluvchiga oʻtkaziladigan yer uchastkalarining maydoni Yer kodeksining 46 1 -moddasida belgilangan oʻlchamlardan kam boʻlmasligi lozim;

(b) yer uchastkalarini qisman qayta ijaraga berishda ularni ijarachi va qayta ijaraga oluvchi oʻrtasida taqsimlash qishloq xoʻjaligi xaritasidagi konturlar yaxlitligi va amaldagi sugʻorish tizimini saqlab qolgan holda alohida turgan konturlarni qayta taqsimlash orqali amalga oshiriladi;

(v) yer uchastkalarini qisman qayta ijaraga berishda taraflar qishloq xoʻjaligiga moʻljallangan yer uchastkasini boʻlish va uning yangi chegaralarini belgilash boʻyicha davlat xizmatidan foydalanadi.

IV. Qishloq xoʻjaligiga moʻljallangan yer uchastkalariga nisbatan faqat ijara huquqini tan olish

6. Yer kodeksining 46-moddasiga muvofiq, qishloq xoʻjaligiga moʻljallangan yerlar faqat ijara huquqi asosida ajratilishi maʼlumot uchun qabul qilinsin.

7. Belgilansinki, qishloq xoʻjaligiga moʻljallangan barcha turdagi yerlarga nisbatan ijara huquqidan boshqa har qanday shakldagi huquq tan olinmaydi va davlat roʻyxatidan oʻtkazilmaydi. Bunda ushbu qoida:

(a) davlat organlari, muassasalari va korxonalarining ijara huquqidan boshqa turdagi huquq bilan davlat roʻyxatidan oʻtkazilgan qishloq xoʻjaligiga moʻljallangan yerlariga hamda yer fondining boshqa toifalari tarkibidagi qishloq xoʻjaligi yerlariga;

(b) 2021-yil 1-avgustga qadar yakka tartibda uy-joy qurish huquqi bilan dehqon xoʻjaligi va tomorqa xoʻjaligini yuritish uchun hamda bogʻdorchilik va uzumchilik shirkatlariga ajratilgan yerlarga nisbatan tatbiq etilmaydi.

8. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari Qurolli Kuchlar, chegara, ichki ishlar va boshqa qoʻshinlarning harbiy qismlari, harbiy oʻquv yurtlari, korxonalari, muassasalari va tashkilotlarining doimiy faoliyati uchun Vazirlar Mahkamasi bilan kelishgan holda qishloq xoʻjaligiga moʻljallangan yerlarni jamoat ehtiyojlari uchun doimiy foydalanishga berishga haqli ekanligi belgilab qoʻyilsin. Bunda ushbu yerlar mudofaa ehtiyojlari uchun moʻljallangan yerlar tarkibida tegishlicha qishloq xoʻjaligi yerlari, shu jumladan, sugʻoriladigan yerlar sifatida avvalgi holatida hisobga olinadi. Ushbu yerlarda yer fondi toifasini oʻzgartirmasdan kapital qurilish obyektlari qurishga yoʻl qoʻyilmaydi.

9. Qishloq xoʻjaligiga moʻljallangan yer egalariga va foydalanuvchilariga oʻzining yer uchastkalariga boʻlgan egalik qilish va foydalanish huquqlarini 2027-yil 1-yanvarga qadar xalq deputatlari tuman (shahar) Kengashlari qarori asosida ijara huquqiga oʻzgartirish imkoniyati berilsin.

10. Qishloq xoʻjaligiga moʻljallangan yerlarga egalik qilish va foydalanish huquqi ijara huquqiga oʻtkazilgan hollarda ijara muddati ijara shartnomasi tuzilgan sanadan boshlab quyidagicha etib belgilansin:

(a) Oʻzbekiston Respublikasi fuqarolari va ular muassisligidagi yuridik shaxslar uchun — 30 yil;

(b) chet el investitsiyalari ishtirokidagi korxonalar uchun — 25 yil.

V. Farmon ijrosini tashkil etish, taʼminlash va nazorat qilish

11. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

(a) tuman (shahar) hokimliklari tomonidan oʻn kun muddatda boʻsh turgan qishloq xoʻjaligiga moʻljallangan yerlarni hisobga olish yuzasidan qarorlar Kadastr agentligining Davlat kadastrlari palatasiga hisobga olish uchun yuborilishini;

(b) Kadastr agentligi bilan birgalikda tuman (shahar) hokimliklari tasarrufidagi boʻsh turgan qishloq xoʻjaligiga moʻljallangan yerlarning hisobga olinishi va ular toʻgʻrisidagi maʼlumotlar real vaqt rejimida Qishloq xoʻjaligi vazirligining “E-ijara” axborot tizimiga yuborilishini;

(v) Qishloq xoʻjaligi vazirligi va Davlat aktivlarini boshqarish agentligi bilan birgalikda qishloq xoʻjaligiga moʻljallangan yerlarning oʻrnatilgan tartibda elektron onlayn-auksion savdolariga chiqarilishini taʼminlasin.

12. Adliya vazirligi Qishloq xoʻjaligi vazirligi va Kadastr agentligi bilan birgalikda ikki oy muddatda yer uchastkalarini qisman qayta ijaraga berishda qishloq xoʻjaligiga moʻljallangan yer uchastkasini boʻlish va uning yangi chegaralarini belgilash boʻyicha davlat xizmatini ishga tushirsin.

13. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari Qishloq xoʻjaligi vazirligi va Kadastr agentligi bilan birgalikda 2026-yil 1-yanvarga qadar:

(a) qishloq xoʻjaligiga moʻljallangan yerlardan, birinchi navbatda, ikki oy ichida doimiy foydalanish huquqi bilan ajratilgan yerlardan ruxsat etilgan foydalanishning asosiy turini belgilash ishlarini samarali tashkil etsin va yakunlasin;

(b) har oy yakunida ushbu bandga hamda mazkur Farmonning 9-bandiga asosan qabul qilingan xalq deputatlari tuman (shahar) Kengashlari qarorlari va amalga oshirilgan ishlar toʻgʻrisida Vazirlar Mahkamasiga axborot kiritib borsin.

14. Adliya vazirligi Qishloq xoʻjaligi vazirligi, Oliy sud, Bosh prokuratura, Kadastr agentligi va Oʻzagroinspeksiya bilan birgalikda ikki oy muddatda yer uchastkasini ijaraga olish shartnomasi boʻyicha huquq va majburiyatlarni toʻliq yoki qisman boshqa shaxsga oʻtkazishga (qayta ijaraga berishga) ruxsat berilgani munosabati bilan yerga oid huquqbuzarliklar uchun maʼmuriy va jinoiy javobgarlik choralarini qayta koʻrib chiqishni nazarda tutuvchi qonun loyihasini belgilangan tartibda Vazirlar Mahkamasiga kiritsin.

15. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga ilovaga muvofiq oʻzgartirish va qoʻshimchalar kiritilsin.

16. Qishloq xoʻjaligi vazirligi tegishli vazirlik va idoralar bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

17. Ushbu Farmonning ijrosini samarali tashkil qilishga masʼul va shaxsiy javobgar etib Bosh vazir oʻrinbosarlari J.A. Xodjayev va J.A. Qoʻchqorov, Qoraqalpogʻiston Respublikasi Vazirlar Kengashi Raisi va viloyatlar hokimlari belgilansin.

18. Farmon ijrosini har oyda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2025-yil 12-sentabrdagi PF-172-son Farmoniga ILOVA

Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2021-yil 8-iyundagi “Yer munosabatlarida tenglik va shaffoflikni taʼminlash, yerga boʻlgan huquqlarni ishonchli himoya qilish va ularni bozor aktiviga aylantirish chora-tadbirlari toʻgʻrisida”gi PF-6243-son Farmonining 3-bandi uchinchi xatboshisi quyidagi tahrirda bayon etilsin:

“maxsus iqtisodiy zonalarda investitsiya loyihalarini joylashtirish uchun, shuningdek, mahalliy va chet ellik investorlar, shu jumladan, chet el investitsiyalari ishtirokidagi korxonalar, chet ellik yuridik va jismoniy shaxslarga qiymati kamida 10 million AQSH dollari ekvivalentida boʻlgan, eng yaxshi taklifni tanlab olish yoʻli bilan aniqlanadigan yirik investitsiya loyihasini amalga oshirish uchun yer uchastkalarini ijaraga berishda ushbu yer uchastkalarini ijaraga olish huquqining baholovchi tashkilot tomonidan aniqlanadigan bozor qiymatiga nisbatan koeffitsiyentlarda belgilanadigan miqdordagi mablagʻni ijaraga oluvchi tomonidan Oʻzbekiston Respublikasining Davlat budjetiga toʻlash sharti bilan. Bunda yer uchastkasining qiymati qonunchilik hujjatlarida belgilangan tartibda bevosita yoki boʻlib-boʻlib toʻlanishi yoxud ijaraga oluvchi tomonidan tashkil etilgan (tashkil etiladigan) xoʻjalik jamiyatining ustav fondiga davlat ulushi sifatida kiritilishi mumkin”.

2. Oʻzbekiston Respublikasi Prezidentining 2022-yil 24-avgustdagi PF-198-son Farmoni bilan tasdiqlangan Mulk huquqining daxlsizligini ishonchli himoya qilish, mulkiy munosabatlarga asossiz aralashuvga yoʻl qoʻymaslik, xususiy mulkning kapitallashuv darajasini oshirish boʻyicha chora-tadbirlar dasturining 5-pozitsiyasida:

(a) “Amalga oshirish mexanizmi” ustunining toʻrtinchi va beshinchi xatboshilari quyidagi mazmundagi toʻrtinchi — oltinchi xatboshilar bilan almashtirilsin:

“3-bosqich — tijorat tashkilotlariga tegishli obyektlar (har chorakda kamida 20 mingta);

4-bosqich — yakka tartibdagi turar joylar va boshqa obyektlar (har chorakda kamida 150 mingta);

5-bosqich — koʻp kvartirali uylardagi kvartiralar (2025-yildan boshlab har chorakda kamida 100 mingta)”;

(b) “Ijro muddati” ustunida:

(i) “2023-yil dekabr” va “2024-yil dekabr” soʻzlari tegishincha “2027-yil dekabr” soʻzlari bilan almashtirilsin:

(ii) quyidagi mazmundagi beshinchi xatboshi bilan toʻldirilsin:

“2027-yil dekabr”.

3. Oʻzbekiston Respublikasi Prezidentining 2024-yil 18-yanvardagi “Qishloq xoʻjaligiga moʻljallangan yer uchastkalarini ijaraga berish tartibini takomillashtirish boʻyicha qoʻshimcha chora-tadbirlar toʻgʻrisida”gi PF-15-son Farmonida :

(a) 2-bandning “v” va “g” kichik bandlari chiqarib tashlansin;

(b) 4-bandning birinchi xatboshisi “foydalanish maqsadini oʻzgartirmagan holda” soʻzlaridan keyin “toʻliq yoki qisman” soʻzlari bilan toʻldirilsin;

(v) 5-bandning ikkinchi va beshinchi xatboshilaridagi “2024-yil 31-dekabrga qadar” soʻzlari “2027-yil 1-yanvarga qadar” soʻzlari bilan almashtirilsin.

4. Oʻzbekiston Respublikasi Prezidentining 2024-yil 16-fevraldagi “Respublikada oziq-ovqat xavfsizligini taʼminlashning qoʻshimcha chora-tadbirlari toʻgʻrisida”gi PF-36-son Farmonida :

(a) 1-ilovaning 1.2.3-bandida :

(i) toʻrtinchi xatboshi chiqarib tashlansin;

(ii) beshinchi xatboshi toʻrtinchi xatboshi deb hisoblansin;

(b) 2-ilovaning 21-pozitsiyasi chiqarib tashlansin.

5. Oʻzbekiston Respublikasi Prezidentining 2025-yil 21-apreldagi PF-70-son Farmoni bilan tasdiqlangan Tadbirkorlik subyektlarini qoʻllab-quvvatlash maqsadida davlat aktivlarini xususiylashtirish va davlat mulkini ijaraga berish yoʻnalishlaridagi imtiyoz va qoʻllab-quvvatlash choralarining “II. Yer uchastkalarini realizatsiya qilishda” boʻlimi 2-bandi “b” kichik bandi birinchi xatboshisidagi “, qishloq xoʻjaligiga moʻljallangan yer uchastkalarini ijara huquqi asosida” soʻzlari chiqarib tashlansin.

6. Oʻzbekiston Respublikasi Prezidentining 2025-yil 7-fevraldagi “Qashqadaryo viloyatini ijtimoiy-iqtisodiy rivojlantirishni jadallashtirish boʻyicha qoʻshimcha chora-tadbirlar toʻgʻrisida”gi PQ-44-son qaroriga 9-ilovaning 83-pozitsiyasi chiqarib tashlansin.

7. Vazirlar Mahkamasining 2021-yil 24-noyabrdagi 709-son qarori bilan tasdiqlangan Boʻsh turgan qishloq xoʻjaligiga moʻljallangan yer uchastkalarini qishloq xoʻjaligi maqsadlari uchun elektron onlayn-auksion savdo orqali ijaraga berish tartibi toʻgʻrisidagi nizomda :

(a) 7-bandning birinchi xatboshidagi “davlat roʻyxatidan oʻtkazilgan” soʻzlari “tuman (shahar) hokimining qaroriga asosan boʻsh turgan yer uchastkasi sifatida hisobga olingan” soʻzlari bilan almashtirilsin;

(b) 19-bandning uchinchi xatboshisidagi “lot qiymatining dastlabki 15 foizini” soʻzlari “lot qiymatini” soʻzlari bilan almashtirilsin;

(v) Nizomga 1-ilova 1-bosqichining “Muddat” ustunidagi “Yer uchastkasi davlat zaxirasiga olinib, davlat mulki sifatida davlat roʻyxatidan oʻtkazilgandan keyin” soʻzlari “Yer uchastkasi tuman (shahar) hokimining qaroriga asosan boʻsh turgan yer uchastkasi sifatida hisobga olingandan keyin” soʻzlari bilan almashtirilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 12-sentabr,

PF-172-son

(Qonunchilik maʼlumotlari milliy bazasi, 12.09.2025-y., 06/25/172/0824-son)

lex.uz

Президента Республики Узбекистан

Указ

О дополнительных мерах по обеспечению непрерывного производства продукции на землях сельскохозяйственного назначения и повышению эффективности землепользования

В целях рационального, эффективного и непрерывного использования земельных ресурсов в сельском хозяйстве, организации своевременного учета и реализации свободных земельных участков, упрощения порядка предоставления в перенаем земельных площадей постановляю:

I. Цели и задачи

1. Определить основными целями принятия настоящего Указа:

(а) полный учет и реализацию свободных земельных участков, находящихся в ведении хокимиятов районов (городов);

(б) совершенствование системы предоставления в перенаем земель сельскохозяйственного назначения;

(в) проведение полной государственной регистрации прав на земли сельскохозяйственного назначения.

2. Указать первоочередными приоритетными задачами для арендаторов (владельцев, пользователей) земельных участков, арендодателей, государственных органов и организаций в составе агропромышленного комплекса предоставление в аренду свободных земельных площадей сельскохозяйственного назначения в короткие сроки, посадку на сельскохозяйственных землях всех типов соответствующих культур независимо от экономического состояния предприятий, выращивание продукции не ниже нормативной урожайности и уборку урожая без потерь.

II. Учет свободных земель

3. Возложить на хокимов всех районов и городов персональную ответственность за:

(а) обеспечение учета в десятидневный срок свободных земельных участков всех типов, расположенных в соответствующих районах (городах), в государственном земельном кадастре в качестве свободного земельного участка на основании своего решения;

(б) обеспечение в каждом случае отмены прав на земельный участок учета данной земли в десятидневный срок в качестве свободного земельного участка на основании своего решения;

(в) принятие мер по выставлению свободных земельных участков на электронные онлайн-аукционные торги в десятидневный срок, начиная со дня их учета в государственном земельном кадастре;

(г) указание в своем решении о земельных площадях, не подлежащих незамедлительной реализации в связи с планируемым изменением категории земельного фонда, отбором наилучшего предложения для реализации крупного инвестиционного проекта, обоснованных причин об учете данного земельного участка;

(д) недопущение самовольного захвата свободных земельных участков, выделения их с нарушением порядка предоставления земель, бесхозяйственного использования земель другими лицами или приведения их в непригодное состояние;

(ж) официальное объявление решений об учете свободных земельных участков.

4. Установить, что средства, поступившие в бюджет района (города) от реализации посредством электронного онлайн-аукциона права аренды на земельные участки сельскохозяйственного назначения, являются дополнительными источниками бюджета района (города). При этом данные средства в строгом порядке направляются на основании решений районных (городских) Кенгашей народных депутатов для финансирования мероприятий по развитию инфраструктуры сельского и водного хозяйства в соответствующем районе (городе) согласно территориальным программам развития инвестиционной и социальной инфраструктуры, в том числе улучшению оросительных систем, внедрению водосберегающих технологий орошения, новому освоению и повторному введению в оборот земельных площадей, внедрению последних научных новшеств и инновационных подходов в сфере сельского хозяйства.

III. Частичное предоставление в перенаем земельных участков

5. Предоставить арендаторам земель сельскохозяйственного назначения право на передачу (предоставление в перенаем) другому лицу своих прав и обязательств по договору аренды в отношении части земельных участков, предоставленных им в аренду, при этом:

(а) площадь земельных участков, оставляемых у самого арендатора и передаваемых в перенаем нанимателю, должна быть не менее размеров, установленных в статье 46 1 Земельного кодекса;

(б) при частичном предоставлении в перенаем земельных участков распределение их между арендатором и получающим в перенаем нанимателем осуществляется посредством перераспределения отдельных контуров с сохранением целостности контуров на сельскохозяйственной карте и действующей системы орошения;

(в) при частичной передаче в перенаем земельных участков стороны пользуются государственной услугой по разделению земельного участка сельскохозяйственного назначения и определению его новых границ.

IV. Признание исключительного права аренды в отношении земельных участков сельскохозяйственного назначения

6. Принять к сведению, что согласно статье 46 Земельного кодекса выделение земель сельскохозяйственного назначения осуществляется исключительно на основе права аренды.

7. Установить, что право на все виды земель сельскохозяйственного назначения в любой форме, кроме права аренды, не признается и не подлежит государственной регистрации. При этом данное положение не применяется в отношении:

(а) земель сельскохозяйственного назначения государственных органов, учреждений и предприятий, прошедших государственную регистрацию на праве иного вида, чем право аренды, а также сельскохозяйственных земель в составе других категорий земельного фонда;

(б) земель, выделенных до 1 августа 2021 года для ведения дехканского хозяйства и приусадебного хозяйства с правом строительства индивидуального жилья, а также садоводческим и виноградарским товариществам.

8. Установить, что Председатель Совета Министров Республики Каракалпакстан, хокимы областей и города Ташкента имеют право на предоставление по согласованию с Кабинетом Министров для общественных нужд земель сельскохозяйственного назначения для постоянной деятельности воинских частей, военных учебных заведений, предприятий, учреждений и организаций Вооруженных Сил, пограничных войск, войск внутренних дел и других войск. При этом учет данных земель осуществляется в составе земель, предназначенных для нужд обороны, соответственно, как сельскохозяйственные земли, в том числе орошаемые земли в прежнем состоянии. Строительство на данных землях объектов капитального строительства без изменения категории земельного фонда не допускается.

9. Предоставить владельцам и пользователям земель сельскохозяйственного назначения на срок до 1 января 2027 года возможность изменения права владения и пользования собственными земельными участками на право аренды на основании решения районных (городских) Кенгашей народных депутатов.

10. При переводе права владения и пользования землями сельскохозяйственного назначения в право аренды установить срок аренды с даты составления договора аренды:

(а) 30 лет — для граждан Республики Узбекистан и юридических лиц под их учредительством;

(б) 25 лет — для предприятий с участием иностранных инвестиций.

V. Организация, обеспечение и контроль исполнения Указа

11. Совету Министров Республики Каракалпакстан, хокимиятам областей и города Ташкента обеспечить:

(а) направление в десятидневный срок хокимиятами районов (городов) решений по учету свободных земель сельскохозяйственного назначения в Палату государственных кадастров Агентства по кадастру для учета;

(б) совместно с Агентством по кадастру осуществление учета свободных земель сельскохозяйственного назначения, находящихся в ведении хокимиятов районов (городов), и направление сведений о них в информационную систему «E-ijara» Министерства сельского хозяйства в режиме реального времени;

(в) совместно с Министерством сельского хозяйства и Агентством по управлению государственными активами выставление на электронные онлайн-аукционные торги земель сельскохозяйственного назначения в установленном порядке.

12. Министерству юстиции совместно с Министерством сельского хозяйства и Агентством по кадастру в двухмесячный срок запустить государственную услугу по разделению земельного участка сельскохозяйственного назначения и определению его новых границ при частичной передаче в перенаем земельных участков.

13. Председателю Совета Министров Республики Каракалпакстан, хокимам областей и города Ташкента совместно с Министерством сельского хозяйства и Агентством по кадастру в срок до 1 января 2026 года:

(а) эффективно организовать и завершить работы по определению основного вида разрешенного использования земель сельскохозяйственного назначения, в первую очередь выделенных на праве постоянного пользования, в течение двух месяцев;

(б) вносить в Кабинет Министров по итогам каждого месяца информацию о решениях районных (городских) Кенгашей народных депутатов, принятых на основе настоящего пункта и пункта 9 настоящего Указа, а также о проделанной работе.

14. Министерству юстиции совместно с Министерством сельского хозяйства, Верховным судом, Генеральной прокуратурой, Агентством по кадастру и Узагроиспекцией в двухмесячный срок внести с Кабинет Министров в установленном порядке проект закона, предусматривающий пересмотр мер административной и уголовной ответственности за земельные правонарушения в связи с разрешением полной или частичной передачи (предоставление в перенаем) другому лицу прав и обязательств по договору аренды земельного участка.

15. Внести изменения и дополнения в некоторые акты Президента Республики Узбекистан и Правительства Республики Узбекистан согласно приложению .

16. Министерству сельского хозяйства совместно с соответствующими министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.

17. Возложить на заместителей Премьер-министра Ж.А. Ходжаева и Д.А. Кучкарова, Председателя Совета Министров Республики Каракалпакстан и хокимов областей персональную ответственность за эффективную организацию исполнения настоящего Указа.

18. Ежемесячное обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.

ПРИЛОЖЕНИЕ к Указу Президента Республики Узбекистан от 12 сентября 2025 года № УП-172

Изменения и дополнения, вносимые в некоторые акты Президента Республики Узбекистан и Правительства Республики Узбекистан

1. Абзац третий пункта 3 Указа Президента Республики Узбекистан от 8 июня 2021 года № УП-6243 «О мерах по обеспечению равенства и прозрачности в земельных отношениях, надежной защите прав на землю и превращению их в рыночный актив» изложить в следующей редакции:

«для размещения инвестиционных проектов в специальных экономических зонах, а также при предоставлении в аренду земельного участка отечественным и иностранным инвесторам, в том числе предприятиям с участием иностранных инвестиций, иностранным юридическим и физическим лицам для реализации ими крупного инвестиционного проекта стоимостью в эквиваленте не менее 10 миллионов долларов США, определяемого путем отбора наилучшего предложения с условием внесения арендатором в Государственный бюджет Республики Узбекистан выплаты в размере, определяемом в коэффициенте к рыночной стоимости права аренды земельного участка, определяемого оценочной организацией, путем отбора наилучшего предложения. При этом стоимость земельного участка может быть оплачена непосредственно или в рассрочку в порядке, установленном законодательством, либо внесена в качестве государственной доли в уставный фонд хозяйственного общества, созданного (создаваемого) арендатором».

2. В позиции 5 Программы мер по надежной защите неприкосновенности права собственности, недопущению необоснованного вмешательства в имущественные отношения, повышению уровня капитализации частной собственности, утвержденной Указом Президента Республики Узбекистан от 24 августа 2022 года № УП-198:

(а) абзацы четвертый и пятый графы «Механизм реализации» заменить абзацами четвертым — шестым следующего содержания:

«3-й этап — объекты, относящиеся к коммерческим организациям (ежеквартально не менее 20 тысяч);

4-й этап — индивидуальное жилье и другие объекты (ежеквартально не менее 150 тысяч);

5-й этап — квартиры в многоэтажных домах (начиная с 2025 года ежеквартально не менее 100 тысяч)»;

(б) в графе «Сроки исполнения»:

(i) слова «Декабрь 2023 года» и «Декабрь 2024 года» заменить соответственно словами «Декабрь 2027 года»;

(ii) дополнить абзацем пятым следующего содержания:

«Декабрь 2027 года».

3. В Указе Президента Республики Узбекистан от 18 января 2024 года № УП-15 «О дополнительных мерах по совершенствованию порядка предоставления в аренду земельных участков сельскохозяйственного назначения»:

(а) подпункты «в» и «г» пункта 2 исключить;

(б) в абзаце первом пункта 4 после слов «без изменения цели использования земельного участка» дополнить словами «полностью или частично»;

(в) в абзацах втором и пятом пункта 5 слова «до 31 декабря 2024 года» заменить словами «до 1 января 2027 года».

4. В Указе Президента Республики Узбекистан от 16 февраля 2024 года № УП-36 «О дополнительных мерах по обеспечению продовольственной безопасности в республике»:

(а) в пункте 1.2.3 приложения № 1:

(i) абзац четвертый исключить;

(ii) абзац пятый считать абзацем четвертым;

(б) позицию 21 приложения № 2 исключить.

5. В тексте на государственном языке абзаца первого подпункта «б» пункта 2 раздела «II. Ер участкаларини реализация қилишда» Льгот и мер поддержки по направлениям приватизации государственных активов и аренды государственного имущества в целях поддержки субъектов предпринимательства, утвержденных Указом Президента Республики Узбекистан от 21 апреля 2025 года № УП-70, слова «, қишлоқ хўжалигига мўлжалланган ер участкаларини ижара ҳуқуқи асосида» исключить.

6. Позицию 93 приложения № 9 к постановлению Президента Республики Узбекистан от 7 февраля 2025 года № ПП-44 «О дополнительных мерах по ускоренному социально-экономическому развитию Кашкадарьинской области» исключить.

7. В тексте на государственном языке Положения о порядке предоставления в аренду свободных земельных участков сельскохозяйственного назначения для сельскохозяйственных целей посредством электронных онлайн-аукционных торгов, утвержденного постановлением Кабинета Министров от 24 ноября 2021 года № 709:

(а) в абзаце первом пункта 7 слова «давлат рўйхатидан ўтказилган» заменить словами «туман (шаҳар) ҳокимининг қарорига асосан бўш турган ер участкаси сифатида ҳисобга олинган»;

(б) в абзаце третьем пункта 19 слова «лот қийматининг дастлабки 15 фоизини» заменить словами «лот қийматини»;

(в) в графе «Муддат» 1-го этапа приложения № 1 к Положению слова «Ер участкаси давлат захирасига олиниб, давлат мулки сифатида давлат рўйхатидан ўтказилгандан кейин» заменить словами «Ер участкаси туман (шаҳар) ҳокимининг қарорига асосан бўш турган ер участкаси сифатида ҳисобга олингандан кейин».

Президент Республики Узбекистан Ш. МИРЗИЁЕВ

г. Ташкент,

12 сентября 2025 г.,

№ УП-172

(Национальная база данных законодательства, 12.09.2025 г., № 06/25/172/0824)

lex.uz