📅 2025-yil 8-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 8 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 сентября 2025 г. · Постановления Президента
Официальный текст. Официальный документ. Редакционные примечания не включены.
📅 8 September 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ТУЗИЛМАСИ
НИЗОМ
Ўзбекистон Республикаси Президенти Администрацияси ҳузуридаги Таълим сифатини таъминлаш миллий агентлиги фаолиятини ташкил этиш тўғрисида
Ўзбекистон Республикаси Президентининг 2025 йил 5 майдаги «Таълим сифатини таъминлаш ва таълим хизматлари кўрсатиш тизимини такомиллаштириш бўйича қўшимча чора-тадбирлар тўғрисида»ги ПФ-76-сон Фармони ижросини таъминлаш мақсадида қарор қиламан:
I. Мақсад
1. Ушбу қарорнинг асосий мақсади Ўзбекистон Республикаси Президенти Администрацияси ҳузуридаги Таълим сифатини таъминлаш миллий агентлиги (кейинги ўринларда — Агентлик) фаолиятини самарали ташкил этиш ҳисобланади.
II. Агентлик фаолиятини ташкил этиш
2. Ўзбекистон Республикаси Президентининг 2025 йил 5 майдаги ПФ-76-сон Фармонига мувофиқ:
(а) «Таълим соҳасидаги лойиҳалар маркази» лойиҳа офиси негизида Ўзбекистон Республикаси Президенти Администрацияси ҳузурида Таълим сифатини таъминлаш миллий агентлиги (кейинги ўринларда — Агентлик) ташкил этилгани;
(б) Агентлик ўрта махсус, касбий, олий ва олий таълимдан кейинги таълим, шунингдек, кадрларни қайта тайёрлаш ва уларнинг малакасини ошириш, малакаларни баҳолаш соҳаларида ташқи сифат назоратини амалга оширувчи махсус ваколатли давлат органи этиб белгилангани (тиббиёт ва фармацевтика ходимларини қайта тайёрлаш ва уларнинг малакасини ошириш ташкилотлари ҳамда таълим дастурлари бундан мустасно) маълумот учун қабул қилинсин.
III. Ташкилий чора-тадбирлар
3. Қуйидагилар:
(а) Ўзбекистон Республикаси Президенти Администрацияси ҳузуридаги Таълим сифатини таъминлаш миллий агентлигининг марказий аппарати тузилмаси 1-иловага мувофиқ;
(б) Ўзбекистон Республикаси Президенти Администрацияси ҳузуридаги Таълим сифатини таъминлаш миллий агентлиги тўғрисидаги низом 2-иловага мувофиқ тасдиқлансин.
4. Агентлик директори (Б. Юлдашев):
(а) икки ҳафта муддатда Агентлик штат жадвали ва харажатлар сметасини тасдиқласин;
(б) бир ой муддатда Агентликни зарур назарий ва амалий тажрибага эга бўлган, юклатилган вазифаларни профессионал даражада амалга ошира оладиган юқори малакали кадрлар билан тўлдирсин;
(в) Агентликка юклатилган вазифаларнинг сифатли ва белгиланган муддатларда ижросини таъминлаш чораларини кўрсин.
IV. Қарор ижросини ташкил этиш, таъминлаш ва назорат
5. Иқтисодиёт ва молия вазирлиги (И. Норқулов):
(а) Стратегик ислоҳотлар агентлиги билан биргаликда 2025 йилда Агентлик фаолиятини ташкил этиш билан боғлиқ қўшимча харажатларни Агентликнинг асосланган таклифларига кўра Ўзбекистон Республикаси Президенти ҳузуридаги Стратегик ислоҳотлар агентлиги жамғармаси маблағлари ҳисобидан молиялаштириш ишларини ташкил қилсин;
(б) 2026 йилдан ҳар йили Давлат бюджети параметрларида Агентлик фаолиятини молиялаштириш учун зарур маблағларни кўзда тутсин.
6. Тошкент шаҳар ҳокимлиги, Давлат активларини бошқариш агентлиги икки ҳафта муддатда Тошкент шаҳри Юнусобод тумани Чингиз Айтматов кўчаси 1-А уй манзилида жойлашган бино ва иншоотларни тегишли ҳудуди билан бирга оператив бошқарув ҳуқуқи асосида Агентликка ўтказсин.
7. Иқтисодиёт ва молия вазирлиги Агентлик билан биргаликда Агентликка ажратилган Тошкент шаҳри Юнусобод тумани Чингиз Айтматов кўчаси 1А-уй манзилидаги бинони давлат-хусусий шериклик асосида демонтаж қилиш (бузиш) ва унинг ўрнида Агентликнинг замон талабларига мос келадиган биносини қуриш ва топшириш ишларини жадаллаштириш чораларини кўрсин.
8. Белгилансинки, Агентлик унинг бино-иншоотларида реконструкция ва таъмирлаш ишлари якунлангунига қадар Олий таълим, фан ва инновациялар вазирлигига тегишли Тошкент шаҳри Олмазор тумани Университет кўчаси 7-уй манзилидаги бинога ҳар бир ходим учун тасдиқланган меъёрлар асосида текин фойдаланиш ҳуқуқи билан вақтинча жойлаштирилади.
9. Агентлик манфаатдор вазирлик ва идоралар билан биргаликда икки ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур қарор ижросини назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президенти Администрацияси раҳбарининг таълимни ислоҳ қилиш бўйича ўринбосари Х.У. Умарова зиммасига юклансин.
Ўзбекистон Республикаси Президентининг 2025 йил 8 сентябрдаги ПҚ-275-сон қарорига 1-ИЛОВА
Ўзбекистон Республикаси Президенти Администрацияси ҳузуридаги Таълим сифатини таъминлаш миллий агентлигининг марказий аппарати
Аккредитация комиссияси Директор Маслаҳатчилар Директорнинг биринчи ўринбосари Директор ўринбосари Стратегик ривожлантириш ва халқаро ҳамкорлик гуруҳи 3 Олий ва олий таълимдан кейинги таълим ташкилотлари сифатини баҳолаш гуруҳи 12 Олий ва олий таълимдан кейинги таълим ташкилотлари рейтингини юритиш гуруҳи 6 Инсон ресурсларини ривожлантириш ва бошқариш гуруҳи 2 Ўрта махсус ва касбий таълим ташкилотлари сифатини баҳолаш гуруҳи 6 Ўрта махсус ва касбий таълим ташкилотлари рейтингини юритиш гуруҳи 4 Бош бухгалтер 1 Кадрларни қайта тайёрлаш ва улар малакасини ошириш ташкилотлари сифатини баҳолаш гуруҳи 4 Рақамлаштириш ва ахборот технологиялари гуруҳи 4 Юридик хизмат гуруҳи 2 Биринчи бўлим 1 Методология, экспертларни тайёрлаш ва реестрларни юритиш гуруҳи 3 Аккредитация жараёнларини режалаштириш ва натижаларини расмийлаштириш гуруҳи 4 Матбуот котиби 1 Ташкилий масалалар бўйича бош инспектор 1 Пост-аккредитация мониторингини юритиш гуруҳи 3 Миллий малака тизимини ривожлантириш институти Ижро интизоми ва мурожаатлар билан ишлаш бўйича бош инспектор 1 Эксперт ва жамоатчилик кенгашлари Комплаенс назорат бўйича бош инспектор 1 Апелляция ва шикоятлар комиссияси
Ўзбекистон Республикаси Президентининг 2025 йил 8 сентябрдаги ПҚ-275-сон қарорига 2-ИЛОВА
Ўзбекистон Республикаси Президенти Администрацияси ҳузуридаги Таълим сифатини таъминлаш миллий агентлиги тўғрисидаги
1-боб. Умумий қоидалар
1. Ушбу Низом Ўзбекистон Республикаси Президенти Администрацияси ҳузуридаги Таълим сифатини таъминлаш миллий агентлигининг (кейинги ўринларда — Агентлик) мақоми, вазифалари ва функциялари, ваколатлари, ҳуқуқ ва мажбуриятлари, фаолиятини ташкил этиш, шунингдек, ҳисобдорлик масалалари тартибини белгилайди.
2. Агентлик ўрта махсус, касбий, олий ва олий таълимдан кейинги таълим, шунингдек, кадрларни қайта тайёрлаш ва уларнинг малакасини ошириш, малакаларни баҳолаш соҳаларида ташқи сифат назоратини амалга оширувчи махсус ваколатли давлат органи ҳисобланади ҳамда ўзининг баҳолаш жараёнини мустақил ва холис амалга оширади.
Агентликнинг кадрларни қайта тайёрлаш ва уларнинг малакасини ошириш соҳасидаги ташқи сифат назорати бўйича ваколатлари тиббиёт ва фармацевтика ходимларини қайта тайёрлаш ва уларнинг малакасини ошириш ташкилотлари ҳамда таълим дастурларига татбиқ этилмайди.
3. Агентлик ўз фаолиятини Ўзбекистон Республикасининг Конституцияси ва қонунларига, Олий Мажлис палаталарининг қарорлари, Ўзбекистон Республикаси Президентининг фармон, қарор ва фармойишларига, шунингдек, ушбу Низом ҳамда бошқа қонунчилик ҳужжатларига асосан амал оширади.
4. Агентликнинг ўз ваколатлари доирасида таълим сифатига оид қабул қилган қарор ва буйруқлари республика ижро этувчи ҳокимият органлари, маҳаллий давлат ҳокимияти органлари, бошқа ташкилотлар ва уларнинг мансабдор шахслари, шунингдек, юридик ва жисмоний шахслар томонидан бажарилиши мажбурийдир.
5. Агентлик давлат муассасаси ҳисобланади ҳамда Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга, штампларга, бланкаларга, мустақил балансга, ўз мулкига, шунингдек, Иқтисодиёт ва молия вазирлиги ҳузуридаги Ғазначилик хизмати қўмитасида очилган шахсий ғазна ҳисобварақларига, тижорат банкларида миллий ва хорижий валютадаги ҳисобварақларига эга бўлади.
6. Агентликнинг расмий номи:
(а) давлат тилида:
тўлиқ номи — Ўзбекистон Республикаси Президенти Администрацияси ҳузуридаги Таълим сифатини таъминлаш миллий агентлиги;
қисқартирилган номи — Таълим сифатини таъминлаш миллий агентлиги ёки ТСТМА;
(б) рус тилида:
тўлиқ номи — Национальное агентство обеспечения качества образования при Администрации Президента Республики Узбекистан;
қисқартирилган номи — Национальное агентство обеспечения качества образования ёки НАОКО;
(в) инглиз тилида:
тўлиқ номи — National Quality Assurance Agency for Education under the Administration of the President of the Republic of Uzbekistan;
қисқартирилган номи — National Quality Assurance Agency for Education ёки NQAAE.
7. Агентлик фаолияти Ўзбекистон Республикаси Президенти Администрацияси раҳбари томонидан мувофиқлаштирилади.
2-боб. Агентлик тузилмаси
8. Агентлик тузилмасига Агентликнинг марказий аппарати ҳамда Миллий малака тизимини ривожлантириш институти киради.
9. Миллий малака тизимини ривожлантириш институти директори ва директор ўринбосарлари Агентлик директори томонидан лавозимига тайинланади ва лавозимидан озод этилади.
3-боб. Агентликнинг асосий вазифалари ва функциялари
10. Қуйидагилар Агентликнинг асосий вазифалари ҳисобланади:
(а) идоравий мансублиги, мулкчилик ва ташкилий-ҳуқуқий шаклидан қатъи назар ўрта махсус, касбий, олий ва олий таълимдан кейинги таълим, шунингдек, кадрларни қайта тайёрлаш ва уларнинг малакасини ошириш ташкилотлари (кейинги ўринларда — таълим ташкилотлари)да (бундан тиббиёт ва фармацевтика ходимларини қайта тайёрлаш ва уларнинг малакасини ошириш ташкилотлари мустасно) ташқи баҳолашни амалга ошириш;
(б) таълим ташкилотларида таълим сифати маданиятини шакллантириш, ички сифат назорати мезонлари ва тартибларини такомиллаштириш ҳамда самарали амалга ошириш юзасидан услубий тавсиялар бериш;
(в) таълим сифатини баҳолашнинг мезон ва усулларини халқаро стандартлар ва илғор хорижий тажрибаларни инобатга олган ҳолда ишлаб чиқиш ҳамда такомиллаштириш;
(г) таълим ташкилотларида таълим сифатини таъминлашга қаратилган чора-тадбирлар самарадорлигини ўрганиш юзасидан илмий ва амалий тадқиқотларни олиб бориш ҳамда сўровномалар ўтказиш;
(д) таълим сифатини таъминлаш йўналишида халқаро алоқаларни кенгайтириш, таълим сифатини баҳолаш соҳасидаги халқаро ташкилотларга аъзо бўлиш ҳамда миллий аккредитация тизимининг халқаро даражада тан олинишини таъминлаш;
(ж) таълим сифатини баҳолаш бўйича фаолиятнинг очиқлиги ва шаффофлигини таъминлаш мақсадида жамоатчилик ва манфаатдор томонлар иштирокида йиллик ҳисоботларни эълон қилиб бориш;
(з) таълим соҳасидаги давлат дастурлари ва стратегияларида белгиланган мақсадли кўрсаткич ва натижаларга эришилишини таҳлил қилиш ҳамда тавсиялар ишлаб чиқиш;
(и) таълим соҳаси ва илмий-тадқиқот фаолиятини ривожлантириш, ушбу соҳадаги қонунчиликни такомиллаштириш бўйича таклифларни ишлаб чиқиш ҳамда истиқболли ташаббусларни илгари суриш.
11. Агентлик ўзига юклатилган вазифаларни бажариш учун қуйидаги функцияларни амалга оширади:
(а) идоравий мансублиги, мулкчилик ва ташкилий-ҳуқуқий шаклидан қатъи назар ўрта махсус, касбий, олий ва олий таълимдан кейинги таълим, шунингдек, кадрларни қайта тайёрлаш ва уларнинг малакасини ошириш, малакаларни баҳолаш соҳаларида ташқи баҳолашни амалга ошириш бўйича:
(i) таълим ташкилотларининг белгиланган норматив-ҳуқуқий ҳужжатлар ҳамда меъёр ва қоидаларга амал қилишини таҳлил қилади;
(ii) идоравий мансублиги, мулкчилик ва ташкилий-ҳуқуқий шаклидан қатъи назар таълим ташкилотларини махсус ва комплекс давлат аккредитациясидан ўтказади, бундан тиббиёт ва фармацевтика ходимларини қайта тайёрлаш ва уларнинг малакасини ошириш ташкилотлари ҳамда таълим дастурлари мустасно;
(iii) таълим ташкилотларида таълим-тарбия ва илмий-тадқиқот жараёнлари сифатини қиёсий таққослаш асосида уларнинг миллий рейтингини юритади;
(iv) таълим дастурларининг касбий стандартларга ва белгиланган малакаларга мувофиқлигини баҳолайди;
(v) таълим ташкилотларида тенглик ва инклюзивликни таъминлаш орқали барча таълим олувчилар учун адолатли ва қўллаб-қувватловчи муҳит яратилганини таҳлил қилади;
(vi) аккредитацияга оид ахборот тизимларида маълумотлар алмашиш самарадорлигини ошириш учун давлат органларининг тегишли платформалари билан интеграция жараёнларини йўлга қўяди;
(vii) таълим ташкилотларини ташқи баҳолаш жараёнларига «хавфни таҳлил қилиш» тизимини жорий қилади;
(б) таълим ташкилотларида таълим сифати маданиятини шакллантириш, ички сифат назорати мезонлари ва тартибларини такомиллаштириш ҳамда самарали амалга ошириш юзасидан услубий тавсиялар бериш бўйича:
(i) сифат маданиятини шакллантириш ва таълим сифатини таъминлаш бўйича таълим ташкилотларига услубий жиҳатдан кўмаклашади;
(ii) халқаро тажрибалар асосида ички сифатни таъминлашга оид мезонлар, индикатор ва қўлланмаларни ишлаб чиқишда иштирок этади;
(iii) таълим ва илм-фанда коррупция ҳолатларининг олдини олиш, уларнинг сабаб ва шарт-шароитларини бартараф этиш, манфаатлар тўқнашувига йўл қўймаслик бўйича тавсиялар ишлаб чиқади;
(iv) таълим сифатини таъминлашга оид семинарлар, конференциялар, курслар ташкил этади ҳамда маслаҳат хизматларини кўрсатади;
(v) махсус ва комплекс давлат аккредитациясига жалб қилинган экспертлар малакасини ошириб, улар фаолиятини доимий назорат қилиб боради;
(в) таълим сифатини баҳолашнинг мезон ва усулларини халқаро стандартлар ва илғор хорижий тажрибаларни инобатга олган ҳолда ишлаб чиқиш ҳамда такомиллаштириш бўйича:
(i) илғор хорижий тажрибаларни ўрганади ва улар асосида миллий таълим сифатини баҳолашнинг мезон ва усулларини ишлаб чиқади ҳамда такомиллаштириб боради;
(ii) таълим сифатини баҳолаш мезонлари ва усулларини янгилаб бориш бўйича маҳаллий ва хорижий экспертларни жалб қилади;
(iii) миллий малака тизимига мос равишда аккредитация мезонларини такомиллаштириб боради;
(iv) давлат аккредитациясидан ўтган таълим ташкилотлари ва дастурлари реестрини юритади;
(г) таълим ташкилотларида таълим сифатини таъминлашга қаратилган чора-тадбирлар самарадорлигини ўрганиш юзасидан илмий ва амалий тадқиқотларни олиб бориш ҳамда сўровномалар ўтказиш бўйича:
(i) таълим ташкилотларида таълим сифатини таъминлашга қаратилган чора-тадбирлар самарадорлигини ўрганиш юзасидан социологик ва бошқа сўровномалар ўтказади;
(ii) таълим соҳасида ислоҳотларни сифатли амалга оширишда республика ижро этувчи ҳокимият органларига ҳар томонлама кўмаклашиш, халқаро ташкилотлар, консалтинг компаниялар ва хорижий мутахассисларнинг тавсияларини таҳлил қилиш ва умумлаштириш, ташаббусларнинг самарали имплементациясини таъминлашга кўмаклашади;
(д) таълим сифатини таъминлаш йўналишида халқаро алоқаларни кенгайтириш, таълим сифатини баҳолаш соҳасидаги халқаро ташкилотларга аъзо бўлиш ҳамда миллий аккредитация тизимининг халқаро даражада тан олинишини таъминлаш бўйича:
(i) республикада тан олинадиган халқаро, хорижий ва нодавлат аккредитация ташкилотларига қўйиладиган талабларни белгилайди ва уларнинг реестрини юритади;
(ii) таълим сифатини таъминлаш бўйича халқаро ташкилотларга аъзо бўлиш ва улар билан ҳамкорликни йўлга қўйиш чораларини кўради;
(iii) республика таълим ташкилотларига уларнинг халқаро даражада эътироф этилиши учун услубий ва амалий тавсиялар беради;
(iv) миллий аккредитация тизимининг халқаро даражада тан олинишини таъминлаш чораларини кўради;
(ж) таълим сифатини баҳолаш бўйича фаолиятнинг очиқлиги ва шаффофлигини таъминлаш мақсадида жамоатчилик ва манфаатдор томонлар иштирокида йиллик ҳисоботларни эълон қилиб бориш бўйича:
(i) таълим сифати ва аккредитация билан боғлиқ жараёнларни рақамлаштириш, шу жумладан, Ўзбекистон Республикаси Соғлиқни сақлаш вазирлиги ҳузуридаги Узлуксиз касбий ривожланиш маркази томонидан аккредитациядан ўтказилган ташкилотлар ва таълим дастурлари тўғрисидаги маълумотларни электрон шаклда қабул қилиш ҳамда Давлат аккредитацияси реестрига киритиш чораларини кўради;
(ii) таълим ташкилотлари битирувчиларининг билим ва кўникмаларини баҳолаш ҳамда уларнинг меҳнат бозорига интеграциясини ўрганиш мақсадида Умуммиллий иш берувчилар сўровномасини ўтказади;
(iii) таълим ташкилотлари ўқувчи ва талабаларининг таълим сифати бўйича фикрларини ўрганишга қаратилган Умуммиллий талабалар сўровномасини, шунингдек, жамоатчиликнинг таълим сифати бўйича фикрларини ўрганишга қаратилган сўровномалар ўтказади;
(iv) таълим соҳасидаги республика ижро этувчи ҳокимият органлари билан ҳамкорликда таълим тизими фаолияти устидан жамоатчилик назоратини кучайтириш, очиқликни таъминлаш ҳамда корпоратив бошқарув усулларини қўллаш бўйича таклифларни ишлаб чиқади;
(з) таълим соҳасидаги давлат дастурлари ва стратегияларида белгиланган мақсадли кўрсаткич ва натижаларга эришилишини таҳлил қилиш ҳамда тавсиялар ишлаб чиқиш бўйича:
(i) таълим соҳасидаги республика ижро этувчи ҳокимият органлари билан ҳамкорликда жамоатчилик, етакчи хорижий экспертлар, консультантлар ва маслаҳатчиларни кенг жалб қилган ҳолда тизимдаги энг долзарб масалалар ва муаммоларга ечим топиш чораларини кўради;
(ii) ўрта махсус, касбий, олий ва олий таълимдан кейинги таълим, шунингдек, кадрларни қайта тайёрлаш ва уларнинг малакасини ошириш, малакаларни баҳолаш соҳаларидаги барча норматив-ҳуқуқий ҳужжатлар лойиҳаларини ўрганиб, ўз таклиф ва эътирозларини билдиради;
(iii) таълим соҳасидаги республика ижро этувчи ҳокимият органлари билан ҳамкорликда таълим хизматлари истеъмолчилари, илмий-педагогик жамоатчилик ҳамда давлат органлари ва ташкилотларининг таклифлари асосида таълим соҳасига оид истиқболли ташаббусларни ишлаб чиқади;
(и) таълим соҳаси ва илмий-тадқиқот фаолиятини ривожлантириш ҳамда ушбу соҳадаги қонунчиликни такомиллаштириш бўйича таклифларни ишлаб чиқиш ва истиқболли ташаббусларни илгари суриш бўйича:
(i) таълим ва илмий соҳада амалдаги қонунчиликни тизимли ўрганади, таҳлил қилади ва уни такомиллаштириш бўйича таклифлар тайёрлайди;
(ii) таълим соҳасида ишлаб чиқилган қонунчилик ҳужжатларини халқаро тажриба ва стандартлар асосида таҳлил қилади.
12. Агентлик ўзига юклатилган вазифа ва функцияларни қонунийлик, холислик, ҳисобдорлик, очиқлик ва шаффофлик тамойиллари асосида амалга оширади.
4-боб. Агентликнинг ҳуқуқ ва мажбуриятлари
13. Агентлик ўзига юклатилган вазифа ва функцияларни амалга оширишда қуйидаги ҳуқуқларга эга:
(а) ўз ваколати доирасида, шу жумладан, бошқа давлат органлари билан биргаликда норматив-ҳуқуқий ҳужжатларни қабул қилиш;
(б) Вазирлар Маҳкамасига норматив-ҳуқуқий ҳужжатлар лойиҳаларини, шунингдек, Агентликка юкланган вазифалар ва функцияларни бажариш билан боғлиқ бўлган бошқа ҳужжатларни белгиланган тартибда киритиш;
(в) давлат органлари ва ташкилотларидан, шунингдек, республиканинг хориждаги дипломатик ваколатхоналари орқали зарур статистик, таҳлилий ҳамда бошқа маълумотларни олиш;
(г) ўз вазифаларини амалга ошириш учун давлат органлари ва ташкилотларидан зарур маълумотларни бепул, жумладан, «Электрон ҳукумат» тизимининг идоралараро интеграция платформаси орқали олиш;
(д) Олий таълим, фан ва инновациялар вазирлигининг таълим жараёнларини бошқариш ахборот тизимларидан (НEMIS, EMIS) ва олий таълимдан кейинги таълимни мувофиқлаштиришнинг ягона электрон тизимидан тўсиқсиз фойдаланиш;
(ж) давлат органлари ва ташкилотларига, жумладан, таълим ташкилотларига таълим сифатини ошириш бўйича кўриб чиқилиши мажбурий бўлган кўрсатмалар киритиш;
(з) мамлакатдаги ижтимоий-иқтисодий ҳолат ва қонунчиликдаги ўзгаришлар ҳамда халқаро таълим маконидаги замонавий тенденциялардан келиб чиқиб, комплекс ва махсус давлат аккредитациясидан ўтказиш талаб ва мезонларини янгилаб бориш;
(и) таълим сифатини таъминлаш, аккредитация, рейтинг ва бошқа масалалар юзасидан халқаро ва нодавлат ташкилотлар билан ҳамкорлик шартномаларини тузиш;
(к) таълим ташкилотларида таълим сифати билан боғлиқ ўрганишлар, мониторинг ва сўровномалар ўтказиш;
(л) таълим ташкилотларида «хавфни таҳлил қилиш» тизими асосида аниқланган талаб ва шартларнинг бузилиши ҳолатлари юзасидан Агентлик томонидан таълим ташкилотига тақдимнома киритиш ҳамда камчиликларни бартараф этиш учун муддат белгилаш;
(м) аниқланган камчиликлар бўйича таълим ташкилотларига чоралар кўриш бўйича муассис ёки юқори турувчи органига тақдимномалар киритиш;
(н) таълим ташкилотларининг давлат аккредитациясини тўлов асосида амалга ошириш ҳамда тўланган маблағларни аккредитацияни ўтказиш билан боғлиқ (жумладан, жалб қилинган мутахассислар меҳнатига ҳақ тўлаш) харажатларни қоплашга йўналтириш;
(о) таълим сифатини таъминлаш билан боғлиқ стандартлар, мезонлар ва индикаторларни амалиётга татбиқ қилишдан олдин таълим ташкилотларида тажриба-синовдан ўтказиш;
(п) маҳаллий ва хорижий экспертлар, шунингдек, республика ижро этувчи ҳокимият органлари, маҳаллий давлат ҳокимияти органлари, таълим ташкилотлари ва бошқа ташкилотлар вакилларини (асосий иш жойидаги иш ҳақи сақланган ҳолда) жалб этиш, улар иштирокида эксперт комиссиялари ва ишчи гуруҳлар тузиш;
(р) эксперт комиссиялари ва ишчи гуруҳлар томонидан таълим соҳасидаги жорий ҳолатни чуқур таҳлил қилиш, баҳолаш ва таклиф ишлаб чиқиш бўйича техник топшириқларни шакллантириш ҳамда консалтинг компанияларни жалб этган ҳолда тегишли таълим соҳасини ислоҳ қилиш бўйича «йўл хариталари»ни ишлаб чиқиш;
(с) жалб қилинган хорижий ва маҳаллий экспертларга иш ҳақини тегишли шартномага мувофиқ миллий ёки чет эл валютасида, шу жумладан, маблағларни уларнинг хориждаги ҳисобварақларига ўтказиш орқали тўлаш;
(т) қонунчилик ҳужжатлари билан тақиқланмаган пулли хизматлар кўрсатиш;
(у) Агентлик зиммасига юклатилган вазифалар доирасида етакчи хорижий давлатлар тажрибасини ўрганиш мақсадида Агентлик ходимларини, шунингдек, эксперт комиссиялари ва ишчи гуруҳлар аъзоларини ҳамда шартнома асосида жалб этилган бошқа шахсларни хорижий хизмат сафарларига юбориш;
(ф) ўз фаолияти йўналишлари бўйича консалтинг ва эксперт-таҳлилий хизматлар кўрсатиш, ушбу вазифаларни амалга ошириш учун ташкилий-ҳуқуқий тузилмаларни ташкил этиш;
(х) тегишли давлат органлари билан биргаликда таълим ташкилотларида таълим сифатини ошириш ва таълим жараёнларини яхшилашга тааллуқли масалалар юзасидан қонунчиликда белгиланган чораларни қўллаш.
14. Қонунчилик ҳужжатларига мувофиқ, шунингдек, Ўзбекистон Республикаси Президенти, Ўзбекистон Республикаси Президенти Администрацияси топшириқларига асосан Агентлик бошқа ҳуқуқларга ҳам эга бўлиши мумкин.
15. Агентлик қуйидагиларга мажбур:
(а) зиммасига юклатилган вазифаларни сифатли ва ўз вақтида бажариш;
(б) давлат аккредитациясини қонунчилик ҳужжатлари талабларига қатъий риоя этган ҳолда амалга ошириш;
(в) аккредитация жараёнларида ва уларнинг натижаларини очиқ ҳолда эълон қилиш орқали шаффофликни таъминлаш;
(г) аккредитация қарорларидан норози бўлганлар учун шикоят ва апелляция бериш жараёнларини ташкил этиш;
(д) ижро интизомини таъминлаш.
5-боб. Агентлик фаолиятини ташкил этиш
16. Агентлик фаолиятига Ўзбекистон Республикаси Президенти томонидан лавозимига тайинланадиган директор раҳбарлик қилади.
17. Агентлик директори мақоми, меҳнатга ҳақ тўлаш, моддий рағбатлантириш, тиббий ва транспорт хизмати кўрсатиш шарт-шароитларига кўра Ўзбекистон Республикаси Президентининг маслаҳатчиси ўринбосарига тенглаштирилади.
18. Агентлик директори икки нафар ўринбосарга эга бўлади.
19. Директор ўринбосарлари Ўзбекистон Республикаси Президенти Администрацияси раҳбари томонидан лавозимга тайинланади ва лавозимидан озод этилади.
20. Агентлик директори ўринбосарлари ва ходимлари меҳнатига ҳақ тўлаш, моддий рағбатлантириш, тиббий хизмат кўрсатиш шарт-шароитларига кўра Ўзбекистон Республикаси Президенти ҳузуридаги Стратегик ислоҳотлар агентлигининг тегишли ходимларига тенглаштирилади.
21. Миллий малака тизимини ривожлантириш институти директори мақомига кўра Агентлик директори ўринбосарига тенглаштирилади ҳамда унга Агентлик директори ўринбосарлари учун белгиланган меҳнатга ҳақ тўлаш ва моддий рағбатлантириш шарт-шароитлари қўлланади.
22. Агентликнинг бошқарув ходимлари Агентлик директори томонидан тўғридан-тўғри суҳбат асосида лавозимга тайинланади ва лавозимидан озод этилади.
23. Агентликка хорижий мутахассис, эксперт, консультант ва маслаҳатчиларни жалб қилиш ва ишга қабул қилиш шартнома асосида Агентлик директори томонидан амалга оширилади.
24. Агентлик директори:
(а) Агентлик фаолиятига умумий бошқарувни амалга оширади ҳамда Агентлик ташкилий-хўжалик фаолияти учун жавобгар ҳисобланади;
(б) ўз ўринбосарлари ва Агентлик тизимидаги ташкилотларнинг мансабдор шахслари ваколатларини ҳамда шахсий жавобгарлик даражасини белгилайди, шунингдек, вазифаларни тақсимлайди;
(в) давлат органлари ва ташкилотларида, шунингдек, халқаро ташкилотларда Агентлик номидан иш кўради;
(г) Агентлик ходимлари ва таълим ташкилотлари томонидан бажарилиши мажбурий бўлган буйруқлар чиқаради ва кўрсатмалар беради;
(д) Агентликка юклатилган вазифаларнинг самарали бажарилиши учун шахсий жавобгар ҳисобланади ва Ўзбекистон Республикаси Президенти олдида амалга оширилган ишлар бўйича ҳисобот беради;
(ж) Агентлик харажатлар сметаси ва штатлар жадвалини тасдиқлайди;
(з) Агентликнинг иш режалари, ҳисоботлари ва услубий ишланмаларини тасдиқлайди;
(и) Агентлик ходимлари билан меҳнат шартномаларини, шунингдек, хорижий ва маҳаллий экспертлар билан фуқаролик-ҳуқуқий шартномаларни тузади ва бекор қилади;
(к) Агентлик ходимларининг лавозим (функционал) вазифаларини тақсимлайди;
(л) ижро интизомига, шунингдек, жисмоний ва юридик шахсларнинг мурожаатларини қонунчилик ҳужжатларига мувофиқ кўриб чиқиш муддатлари ва тартибига қатъий риоя этилишини таъминлайди;
(м) Агентлик ходимларини рағбатлантириш, ижтимоий қўллаб-қувватлаш тартиби ва шаклларини, уларнинг лавозим маошига устама ва қўшимча тўловларни белгилайди, ходимларга моддий ёрдам кўрсатиш бўйича буйруқлар қабул қилади;
(н) Агентлик номидан шартнома ва келишувлар тузади, Агентлик активларини тасарруф этади, мулкни бошқариш бўйича қарорлар қабул қилади, молиявий ва бошқа турдаги ҳужжатларни имзолайди;
(о) қонунчилик ҳужжатлари ва мазкур Низомга мувофиқ ўзига юклатилган бошқа масалаларни ҳал этади.
25. Агентлик директори ўринбосарлари тегишли йўналишлар бўйича ишлар самарадорлигини ошириш ва вазифалар ўз вақтида ижро этилишини таъминлаш чораларини кўради ҳамда директор топшириғига кўра унинг алоҳида функцияларини бажаради.
26. Агентлик директори бўлмаган ёки ўз вазифаларини бажариши мумкин бўлмаган ҳолларда директор ўринбосарларидан бири директор вазифасини вақтинча бажариб туради.
6-боб. Агентлик фаолиятини молиялаштириш
27. Қуйидагилар Агентлик фаолиятини, шу жумладан, Агентлик томонидан ташкил этиладиган эксперт комиссиялари ва ишчи гуруҳлар, шартнома асосида жалб этиладиган маҳаллий ва хорижий мутахассисларга тўловларни амалга ошириш ҳамда Агентлик ходимларини моддий рағбатлантириш ва ижтимоий қўллаб-қувватлаш билан боғлиқ харажатларни молиялаштиришнинг асосий манбалари ҳисобланади:
(а) Ўзбекистон Республикаси Давлат бюджети маблағлари;
(б) Агентликнинг асосланган таклифларига кўра Ўзбекистон Республикаси Президенти ҳузуридаги Стратегик ислоҳотлар агентлиги жамғармаси ҳисобидан ажратиладиган маблағлар;
(в) аккредитациядан ўтказишдан, шунингдек, шартнома асосида бошқа пулли хизматлар кўрсатишдан тушадиган тушумлар;
(г) ўз фаолияти йўналишлари бўйича шартнома асосида консалтинг, эксперт-таҳлил ва бошқа хизматларни кўрсатишдан тушадиган маблағлар;
(д) давлат илмий-техникавий дастурлари доирасида ўтказиладиган грант танловлари натижалари бўйича фундаментал, амалий ва инновацион тадқиқотлар учун ажратиладиган маблағлар;
(ж) халқаро молия институтлари ва донор ташкилотларнинг грантлари ҳамда мақсадли маблағлари;
(з) Агентликнинг бюджетдан ташқари маблағлари, шу жумладан, вақтинча бўш турган бюджетдан ташқари маблағларини тижорат банкларининг депозитларига жойлаштиришдан тушадиган даромадлар;
(и) ҳомийлик ва қонунчилик ҳужжатларида тақиқланмаган бошқа манбалар.
28. Агентлик ўзининг вақтинча бўш турган бюджетдан ташқари маблағлари, шу жумладан, хорижий валютадаги маблағларини Ўзбекистон Республикасидаги тижорат банкларининг депозитларига жойлаштириш ва олинган даромадларни тасарруф этиши мумкин.
7-боб. Агентликнинг ҳисобдорлиги
29. Агентлик ўз фаолиятини бошқа давлат органлари ва ташкилотлари, уларнинг мансабдор шахсларидан мустақил равишда амалга оширади ҳамда ўз фаолияти доирасида Ўзбекистон Республикаси Президентига ҳисобдордир.
30. Агентлик ҳар йил якунида (зарур ҳолларда навбатдан ташқари) Ўзбекистон Республикаси Президентига ўзига юклатилган вазифалардан келиб чиқиб, амалга оширилган ишлар ҳақида ҳисобот киритади.
31. Агентлик таълим соҳасини ислоҳ қилиш ҳолати, амалга оширилаётган чора-тадбирлар, ислоҳотларни амалга оширишга тўсқинлик қилаётган салбий омиллар ва уларни бартараф этиш йўллари, шунингдек, таълим ва илмий-тадқиқот ташкилотлари фаолиятини ташқи баҳолаш механизмларини такомиллаштириш ҳамда таълим хизматларини кўрсатиш сифатини ошириш тўғрисида Ўзбекистон Республикаси Президенти Администрациясига ахборот киритиб боради.
8-боб. Агентликнинг маҳаллий ва хорижий ташкилотлар билан ҳамкорлик алоқалари ҳамда фаолиятини ташкил этишнинг бошқа масалалари
32. Агентлик ўзига юклатилган вазифаларни бажаришда давлат органлари, таълим ташкилотлари, илмий муассасалар, тадқиқот, таҳлил марказлари ва бошқа ташкилотлар билан ўзаро яқиндан ҳамкорлик қилади.
33. Халқаро ҳамкорлик фаолиятини амалга оширишда Агентлик ваколати доирасида қуйидаги ҳуқуқларга эга:
(а) хорижий давлатларнинг таълим соҳасидаги давлат ва нодавлат ташкилотлари билан ўзаро ҳамкорлик қилиш ва улар билан шартномалар (битим, меморандум ва бошқалар) тузиш;
(б) таълим соҳасида халқаро нодавлат нотижорат ташкилотлар билан ҳамкорлик қилиш ёки уларга аъзо бўлиш;
(в) Агентлик ходимларини хорижий мамлакатларга стажировка, амалиёт ўташ, конференция ва тренингларда иштирок этиш учун юбориш;
(г) ўз ваколати доирасида бошқа хорижий ҳамкорлик алоқаларини йўлга қўйиш.
34. Республика ижро этувчи ҳокимият органлари Агентликка ҳар томонлама кўмаклашади, шу жумладан, унинг сўровига кўра марказий аппарат ва тизим ташкилотлари ходимларининг ойлик иш ҳақи ва унга тенглаштирилган тўловларни сақлаб қолган ҳолда эксперт сифатида юборилишини таъминлайди.
35. Агентлик ходимларининг хизмат сафарлари амалдаги қонунчилик ҳужжатлари асосида амалга оширилади.
36. Агентликни қайта ташкил этиш ва тугатиш Ўзбекистон Республикаси Президентининг Фармони асосида амалга оширилади.
37. Мазкур Низом талабларини бузганликда айбдор бўлган шахслар қонунчиликда белгиланган тартибда жавобгарликка тортилади.
38. Мазкур Низомда назарда тутилмаган масалалар тегишли қонунчилик ҳужжатлари, ўрнатилган тартибга мувофиқ Агентлик буйруқлари ҳамда бошқа ҳужжатлар билан тартибга солинади.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 8 сентябрь,
ПҚ-275-сон
Oʻzbekiston Respublikasi Prezidentining
qarori
TUZILMASI
NIZOM
Oʻzbekiston Respublikasi Prezidenti Administratsiyasi huzuridagi Taʼlim sifatini taʼminlash milliy agentligi faoliyatini tashkil etish toʻgʻrisida
Oʻzbekiston Respublikasi Prezidentining 2025-yil 5-maydagi “Taʼlim sifatini taʼminlash va taʼlim xizmatlari koʻrsatish tizimini takomillashtirish boʻyicha qoʻshimcha chora-tadbirlar toʻgʻrisida”gi PF-76-son Farmoni ijrosini taʼminlash maqsadida qaror qilaman:
I. Maqsad
1. Ushbu qarorning asosiy maqsadi Oʻzbekiston Respublikasi Prezidenti Administratsiyasi huzuridagi Taʼlim sifatini taʼminlash milliy agentligi (keyingi oʻrinlarda — Agentlik) faoliyatini samarali tashkil etish hisoblanadi.
II. Agentlik faoliyatini tashkil etish
2. Oʻzbekiston Respublikasi Prezidentining 2025-yil 5-maydagi PF-76-son Farmoniga muvofiq:
(a) “Taʼlim sohasidagi loyihalar markazi” loyiha ofisi negizida Oʻzbekiston Respublikasi Prezidenti Administratsiyasi huzurida Taʼlim sifatini taʼminlash milliy agentligi (keyingi oʻrinlarda — Agentlik) tashkil etilgani;
(b) Agentlik oʻrta maxsus, kasbiy, oliy va oliy taʼlimdan keyingi taʼlim, shuningdek, kadrlarni qayta tayyorlash va ularning malakasini oshirish, malakalarni baholash sohalarida tashqi sifat nazoratini amalga oshiruvchi maxsus vakolatli davlat organi etib belgilangani (tibbiyot va farmatsevtika xodimlarini qayta tayyorlash va ularning malakasini oshirish tashkilotlari hamda taʼlim dasturlari bundan mustasno) maʼlumot uchun qabul qilinsin.
III. Tashkiliy chora-tadbirlar
3. Quyidagilar:
(a) Oʻzbekiston Respublikasi Prezidenti Administratsiyasi huzuridagi Taʼlim sifatini taʼminlash milliy agentligining markaziy apparati tuzilmasi 1-ilovaga muvofiq;
(b) Oʻzbekiston Respublikasi Prezidenti Administratsiyasi huzuridagi Taʼlim sifatini taʼminlash milliy agentligi toʻgʻrisidagi nizom 2-ilovaga muvofiq tasdiqlansin.
4. Agentlik direktori (B. Yuldashev):
(a) ikki hafta muddatda Agentlik shtat jadvali va xarajatlar smetasini tasdiqlasin;
(b) bir oy muddatda Agentlikni zarur nazariy va amaliy tajribaga ega boʻlgan, yuklatilgan vazifalarni professional darajada amalga oshira oladigan yuqori malakali kadrlar bilan toʻldirsin;
(v) Agentlikka yuklatilgan vazifalarning sifatli va belgilangan muddatlarda ijrosini taʼminlash choralarini koʻrsin.
IV. Qaror ijrosini tashkil etish, taʼminlash va nazorat
5. Iqtisodiyot va moliya vazirligi (I. Norqulov):
(a) Strategik islohotlar agentligi bilan birgalikda 2025-yilda Agentlik faoliyatini tashkil etish bilan bogʻliq qoʻshimcha xarajatlarni Agentlikning asoslangan takliflariga koʻra Oʻzbekiston Respublikasi Prezidenti huzuridagi Strategik islohotlar agentligi jamgʻarmasi mablagʻlari hisobidan moliyalashtirish ishlarini tashkil qilsin;
(b) 2026-yildan har yili Davlat budjeti parametrlarida Agentlik faoliyatini moliyalashtirish uchun zarur mablagʻlarni koʻzda tutsin.
6. Toshkent shahar hokimligi, Davlat aktivlarini boshqarish agentligi ikki hafta muddatda Toshkent shahri Yunusobod tumani Chingiz Aytmatov koʻchasi 1-A uy manzilida joylashgan bino va inshootlarni tegishli hududi bilan birga operativ boshqaruv huquqi asosida Agentlikka oʻtkazsin.
7. Iqtisodiyot va moliya vazirligi Agentlik bilan birgalikda Agentlikka ajratilgan Toshkent shahri Yunusobod tumani Chingiz Aytmatov koʻchasi 1A-uy manzilidagi binoni davlat-xususiy sheriklik asosida demontaj qilish (buzish) va uning oʻrnida Agentlikning zamon talablariga mos keladigan binosini qurish va topshirish ishlarini jadallashtirish choralarini koʻrsin.
8. Belgilansinki, Agentlik uning bino-inshootlarida rekonstruksiya va taʼmirlash ishlari yakunlanguniga qadar Oliy taʼlim, fan va innovatsiyalar vazirligiga tegishli Toshkent shahri Olmazor tumani Universitet koʻchasi 7-uy manzilidagi binoga har bir xodim uchun tasdiqlangan meʼyorlar asosida tekin foydalanish huquqi bilan vaqtincha joylashtiriladi.
9. Agentlik manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qaror ijrosini nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidenti Administratsiyasi rahbarining taʼlimni isloh qilish boʻyicha oʻrinbosari X.U. Umarova zimmasiga yuklansin.
Oʻzbekiston Respublikasi Prezidentining 2025-yil 8-sentabrdagi PQ-275-son qaroriga 1-ILOVA
Oʻzbekiston Respublikasi Prezidenti Administratsiyasi huzuridagi Taʼlim sifatini taʼminlash milliy agentligining markaziy apparati
Akkreditatsiya komissiyasi Direktor Maslahatchilar Direktorning birinchi oʻrinbosari Direktor oʻrinbosari Strategik rivojlantirish va xalqaro hamkorlik guruhi 3 Oliy va oliy taʼlimdan keyingi taʼlim tashkilotlari sifatini baholash guruhi 12 Oliy va oliy taʼlimdan keyingi taʼlim tashkilotlari reytingini yuritish guruhi 6 Inson resurslarini rivojlantirish va boshqarish guruhi 2 Oʻrta maxsus va kasbiy taʼlim tashkilotlari sifatini baholash guruhi 6 Oʻrta maxsus va kasbiy taʼlim tashkilotlari reytingini yuritish guruhi 4 Bosh buxgalter 1 Kadrlarni qayta tayyorlash va ular malakasini oshirish tashkilotlari sifatini baholash guruhi 4 Raqamlashtirish va axborot texnologiyalari guruhi 4 Yuridik xizmat guruhi 2 Birinchi boʻlim 1 Metodologiya, ekspertlarni tayyorlash va reyestrlarni yuritish guruhi 3 Akkreditatsiya jarayonlarini rejalashtirish va natijalarini rasmiylashtirish guruhi 4 Matbuot kotibi 1 Tashkiliy masalalar boʻyicha bosh inspektor 1 Post-akkreditatsiya monitoringini yuritish guruhi 3 Milliy malaka tizimini rivojlantirish instituti Ijro intizomi va murojaatlar bilan ishlash boʻyicha bosh inspektor 1 Ekspert va jamoatchilik kengashlari Komplayens nazorat boʻyicha bosh inspektor 1 Apellyatsiya va shikoyatlar komissiyasi
Oʻzbekiston Respublikasi Prezidentining 2025-yil 8-sentabrdagi PQ-275-son qaroriga 2-ILOVA
Oʻzbekiston Respublikasi Prezidenti Administratsiyasi huzuridagi Taʼlim sifatini taʼminlash milliy agentligi toʻgʻrisidagi
1-bob. Umumiy qoidalar
1. Ushbu Nizom Oʻzbekiston Respublikasi Prezidenti Administratsiyasi huzuridagi Taʼlim sifatini taʼminlash milliy agentligining (keyingi oʻrinlarda — Agentlik) maqomi, vazifalari va funksiyalari, vakolatlari, huquq va majburiyatlari, faoliyatini tashkil etish, shuningdek, hisobdorlik masalalari tartibini belgilaydi.
2. Agentlik oʻrta maxsus, kasbiy, oliy va oliy taʼlimdan keyingi taʼlim, shuningdek, kadrlarni qayta tayyorlash va ularning malakasini oshirish, malakalarni baholash sohalarida tashqi sifat nazoratini amalga oshiruvchi maxsus vakolatli davlat organi hisoblanadi hamda oʻzining baholash jarayonini mustaqil va xolis amalga oshiradi.
Agentlikning kadrlarni qayta tayyorlash va ularning malakasini oshirish sohasidagi tashqi sifat nazorati boʻyicha vakolatlari tibbiyot va farmatsevtika xodimlarini qayta tayyorlash va ularning malakasini oshirish tashkilotlari hamda taʼlim dasturlariga tatbiq etilmaydi.
3. Agentlik oʻz faoliyatini Oʻzbekiston Respublikasining Konstitutsiyasi va qonunlariga, Oliy Majlis palatalarining qarorlari, Oʻzbekiston Respublikasi Prezidentining farmon, qaror va farmoyishlariga, shuningdek, ushbu Nizom hamda boshqa qonunchilik hujjatlariga asosan amal oshiradi.
4. Agentlikning oʻz vakolatlari doirasida taʼlim sifatiga oid qabul qilgan qaror va buyruqlari respublika ijro etuvchi hokimiyat organlari, mahalliy davlat hokimiyati organlari, boshqa tashkilotlar va ularning mansabdor shaxslari, shuningdek, yuridik va jismoniy shaxslar tomonidan bajarilishi majburiydir.
5. Agentlik davlat muassasasi hisoblanadi hamda Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga, shtamplarga, blankalarga, mustaqil balansga, oʻz mulkiga, shuningdek, Iqtisodiyot va moliya vazirligi huzuridagi Gʻaznachilik xizmati qoʻmitasida ochilgan shaxsiy gʻazna hisobvaraqlariga, tijorat banklarida milliy va xorijiy valyutadagi hisobvaraqlariga ega boʻladi.
6. Agentlikning rasmiy nomi:
(a) davlat tilida:
toʻliq nomi — Oʻzbekiston Respublikasi Prezidenti Administratsiyasi huzuridagi Taʼlim sifatini taʼminlash milliy agentligi;
qisqartirilgan nomi — Taʼlim sifatini taʼminlash milliy agentligi yoki TSTMA;
(b) rus tilida:
toʻliq nomi — Natsionalnoye agentstvo obespecheniya kachestva obrazovaniya pri Administratsii Prezidenta Respubliki Uzbekistan;
qisqartirilgan nomi — Natsionalnoye agentstvo obespecheniya kachestva obrazovaniya yoki NAOKO;
(v) ingliz tilida:
toʻliq nomi — National Quality Assurance Agency for Education under the Administration of the President of the Republic of Uzbekistan;
qisqartirilgan nomi — National Quality Assurance Agency for Education yoki NQAAE.
7. Agentlik faoliyati Oʻzbekiston Respublikasi Prezidenti Administratsiyasi rahbari tomonidan muvofiqlashtiriladi.
2-bob. Agentlik tuzilmasi
8. Agentlik tuzilmasiga Agentlikning markaziy apparati hamda Milliy malaka tizimini rivojlantirish instituti kiradi.
9. Milliy malaka tizimini rivojlantirish instituti direktori va direktor oʻrinbosarlari Agentlik direktori tomonidan lavozimiga tayinlanadi va lavozimidan ozod etiladi.
3-bob. Agentlikning asosiy vazifalari va funksiyalari
10. Quyidagilar Agentlikning asosiy vazifalari hisoblanadi:
(a) idoraviy mansubligi, mulkchilik va tashkiliy-huquqiy shaklidan qatʼi nazar oʻrta maxsus, kasbiy, oliy va oliy taʼlimdan keyingi taʼlim, shuningdek, kadrlarni qayta tayyorlash va ularning malakasini oshirish tashkilotlari (keyingi oʻrinlarda — taʼlim tashkilotlari)da (bundan tibbiyot va farmatsevtika xodimlarini qayta tayyorlash va ularning malakasini oshirish tashkilotlari mustasno) tashqi baholashni amalga oshirish;
(b) taʼlim tashkilotlarida taʼlim sifati madaniyatini shakllantirish, ichki sifat nazorati mezonlari va tartiblarini takomillashtirish hamda samarali amalga oshirish yuzasidan uslubiy tavsiyalar berish;
(v) taʼlim sifatini baholashning mezon va usullarini xalqaro standartlar va ilgʻor xorijiy tajribalarni inobatga olgan holda ishlab chiqish hamda takomillashtirish;
(g) taʼlim tashkilotlarida taʼlim sifatini taʼminlashga qaratilgan chora-tadbirlar samaradorligini oʻrganish yuzasidan ilmiy va amaliy tadqiqotlarni olib borish hamda soʻrovnomalar oʻtkazish;
(d) taʼlim sifatini taʼminlash yoʻnalishida xalqaro aloqalarni kengaytirish, taʼlim sifatini baholash sohasidagi xalqaro tashkilotlarga aʼzo boʻlish hamda milliy akkreditatsiya tizimining xalqaro darajada tan olinishini taʼminlash;
(j) taʼlim sifatini baholash boʻyicha faoliyatning ochiqligi va shaffofligini taʼminlash maqsadida jamoatchilik va manfaatdor tomonlar ishtirokida yillik hisobotlarni eʼlon qilib borish;
(z) taʼlim sohasidagi davlat dasturlari va strategiyalarida belgilangan maqsadli koʻrsatkich va natijalarga erishilishini tahlil qilish hamda tavsiyalar ishlab chiqish;
(i) taʼlim sohasi va ilmiy-tadqiqot faoliyatini rivojlantirish, ushbu sohadagi qonunchilikni takomillashtirish boʻyicha takliflarni ishlab chiqish hamda istiqbolli tashabbuslarni ilgari surish.
11. Agentlik oʻziga yuklatilgan vazifalarni bajarish uchun quyidagi funksiyalarni amalga oshiradi:
(a) idoraviy mansubligi, mulkchilik va tashkiliy-huquqiy shaklidan qatʼi nazar oʻrta maxsus, kasbiy, oliy va oliy taʼlimdan keyingi taʼlim, shuningdek, kadrlarni qayta tayyorlash va ularning malakasini oshirish, malakalarni baholash sohalarida tashqi baholashni amalga oshirish boʻyicha:
(i) taʼlim tashkilotlarining belgilangan normativ-huquqiy hujjatlar hamda meʼyor va qoidalarga amal qilishini tahlil qiladi;
(ii) idoraviy mansubligi, mulkchilik va tashkiliy-huquqiy shaklidan qatʼi nazar taʼlim tashkilotlarini maxsus va kompleks davlat akkreditatsiyasidan oʻtkazadi, bundan tibbiyot va farmatsevtika xodimlarini qayta tayyorlash va ularning malakasini oshirish tashkilotlari hamda taʼlim dasturlari mustasno;
(iii) taʼlim tashkilotlarida taʼlim-tarbiya va ilmiy-tadqiqot jarayonlari sifatini qiyosiy taqqoslash asosida ularning milliy reytingini yuritadi;
(iv) taʼlim dasturlarining kasbiy standartlarga va belgilangan malakalarga muvofiqligini baholaydi;
(v) taʼlim tashkilotlarida tenglik va inklyuzivlikni taʼminlash orqali barcha taʼlim oluvchilar uchun adolatli va qoʻllab-quvvatlovchi muhit yaratilganini tahlil qiladi;
(vi) akkreditatsiyaga oid axborot tizimlarida maʼlumotlar almashish samaradorligini oshirish uchun davlat organlarining tegishli platformalari bilan integratsiya jarayonlarini yoʻlga qoʻyadi;
(vii) taʼlim tashkilotlarini tashqi baholash jarayonlariga “xavfni tahlil qilish” tizimini joriy qiladi;
(b) taʼlim tashkilotlarida taʼlim sifati madaniyatini shakllantirish, ichki sifat nazorati mezonlari va tartiblarini takomillashtirish hamda samarali amalga oshirish yuzasidan uslubiy tavsiyalar berish boʻyicha:
(i) sifat madaniyatini shakllantirish va taʼlim sifatini taʼminlash boʻyicha taʼlim tashkilotlariga uslubiy jihatdan koʻmaklashadi;
(ii) xalqaro tajribalar asosida ichki sifatni taʼminlashga oid mezonlar, indikator va qoʻllanmalarni ishlab chiqishda ishtirok etadi;
(iii) taʼlim va ilm-fanda korrupsiya holatlarining oldini olish, ularning sabab va shart-sharoitlarini bartaraf etish, manfaatlar toʻqnashuviga yoʻl qoʻymaslik boʻyicha tavsiyalar ishlab chiqadi;
(iv) taʼlim sifatini taʼminlashga oid seminarlar, konferensiyalar, kurslar tashkil etadi hamda maslahat xizmatlarini koʻrsatadi;
(v) maxsus va kompleks davlat akkreditatsiyasiga jalb qilingan ekspertlar malakasini oshirib, ular faoliyatini doimiy nazorat qilib boradi;
(v) taʼlim sifatini baholashning mezon va usullarini xalqaro standartlar va ilgʻor xorijiy tajribalarni inobatga olgan holda ishlab chiqish hamda takomillashtirish boʻyicha:
(i) ilgʻor xorijiy tajribalarni oʻrganadi va ular asosida milliy taʼlim sifatini baholashning mezon va usullarini ishlab chiqadi hamda takomillashtirib boradi;
(ii) taʼlim sifatini baholash mezonlari va usullarini yangilab borish boʻyicha mahalliy va xorijiy ekspertlarni jalb qiladi;
(iii) milliy malaka tizimiga mos ravishda akkreditatsiya mezonlarini takomillashtirib boradi;
(iv) davlat akkreditatsiyasidan oʻtgan taʼlim tashkilotlari va dasturlari reyestrini yuritadi;
(g) taʼlim tashkilotlarida taʼlim sifatini taʼminlashga qaratilgan chora-tadbirlar samaradorligini oʻrganish yuzasidan ilmiy va amaliy tadqiqotlarni olib borish hamda soʻrovnomalar oʻtkazish boʻyicha:
(i) taʼlim tashkilotlarida taʼlim sifatini taʼminlashga qaratilgan chora-tadbirlar samaradorligini oʻrganish yuzasidan sotsiologik va boshqa soʻrovnomalar oʻtkazadi;
(ii) taʼlim sohasida islohotlarni sifatli amalga oshirishda respublika ijro etuvchi hokimiyat organlariga har tomonlama koʻmaklashish, xalqaro tashkilotlar, konsalting kompaniyalar va xorijiy mutaxassislarning tavsiyalarini tahlil qilish va umumlashtirish, tashabbuslarning samarali implementatsiyasini taʼminlashga koʻmaklashadi;
(d) taʼlim sifatini taʼminlash yoʻnalishida xalqaro aloqalarni kengaytirish, taʼlim sifatini baholash sohasidagi xalqaro tashkilotlarga aʼzo boʻlish hamda milliy akkreditatsiya tizimining xalqaro darajada tan olinishini taʼminlash boʻyicha:
(i) respublikada tan olinadigan xalqaro, xorijiy va nodavlat akkreditatsiya tashkilotlariga qoʻyiladigan talablarni belgilaydi va ularning reyestrini yuritadi;
(ii) taʼlim sifatini taʼminlash boʻyicha xalqaro tashkilotlarga aʼzo boʻlish va ular bilan hamkorlikni yoʻlga qoʻyish choralarini koʻradi;
(iii) respublika taʼlim tashkilotlariga ularning xalqaro darajada eʼtirof etilishi uchun uslubiy va amaliy tavsiyalar beradi;
(iv) milliy akkreditatsiya tizimining xalqaro darajada tan olinishini taʼminlash choralarini koʻradi;
(j) taʼlim sifatini baholash boʻyicha faoliyatning ochiqligi va shaffofligini taʼminlash maqsadida jamoatchilik va manfaatdor tomonlar ishtirokida yillik hisobotlarni eʼlon qilib borish boʻyicha:
(i) taʼlim sifati va akkreditatsiya bilan bogʻliq jarayonlarni raqamlashtirish, shu jumladan, Oʻzbekiston Respublikasi Sogʻliqni saqlash vazirligi huzuridagi Uzluksiz kasbiy rivojlanish markazi tomonidan akkreditatsiyadan oʻtkazilgan tashkilotlar va taʼlim dasturlari toʻgʻrisidagi maʼlumotlarni elektron shaklda qabul qilish hamda Davlat akkreditatsiyasi reyestriga kiritish choralarini koʻradi;
(ii) taʼlim tashkilotlari bitiruvchilarining bilim va koʻnikmalarini baholash hamda ularning mehnat bozoriga integratsiyasini oʻrganish maqsadida Umummilliy ish beruvchilar soʻrovnomasini oʻtkazadi;
(iii) taʼlim tashkilotlari oʻquvchi va talabalarining taʼlim sifati boʻyicha fikrlarini oʻrganishga qaratilgan Umummilliy talabalar soʻrovnomasini, shuningdek, jamoatchilikning taʼlim sifati boʻyicha fikrlarini oʻrganishga qaratilgan soʻrovnomalar oʻtkazadi;
(iv) taʼlim sohasidagi respublika ijro etuvchi hokimiyat organlari bilan hamkorlikda taʼlim tizimi faoliyati ustidan jamoatchilik nazoratini kuchaytirish, ochiqlikni taʼminlash hamda korporativ boshqaruv usullarini qoʻllash boʻyicha takliflarni ishlab chiqadi;
(z) taʼlim sohasidagi davlat dasturlari va strategiyalarida belgilangan maqsadli koʻrsatkich va natijalarga erishilishini tahlil qilish hamda tavsiyalar ishlab chiqish boʻyicha:
(i) taʼlim sohasidagi respublika ijro etuvchi hokimiyat organlari bilan hamkorlikda jamoatchilik, yetakchi xorijiy ekspertlar, konsultantlar va maslahatchilarni keng jalb qilgan holda tizimdagi eng dolzarb masalalar va muammolarga yechim topish choralarini koʻradi;
(ii) oʻrta maxsus, kasbiy, oliy va oliy taʼlimdan keyingi taʼlim, shuningdek, kadrlarni qayta tayyorlash va ularning malakasini oshirish, malakalarni baholash sohalaridagi barcha normativ-huquqiy hujjatlar loyihalarini oʻrganib, oʻz taklif va eʼtirozlarini bildiradi;
(iii) taʼlim sohasidagi respublika ijro etuvchi hokimiyat organlari bilan hamkorlikda taʼlim xizmatlari isteʼmolchilari, ilmiy-pedagogik jamoatchilik hamda davlat organlari va tashkilotlarining takliflari asosida taʼlim sohasiga oid istiqbolli tashabbuslarni ishlab chiqadi;
(i) taʼlim sohasi va ilmiy-tadqiqot faoliyatini rivojlantirish hamda ushbu sohadagi qonunchilikni takomillashtirish boʻyicha takliflarni ishlab chiqish va istiqbolli tashabbuslarni ilgari surish boʻyicha:
(i) taʼlim va ilmiy sohada amaldagi qonunchilikni tizimli oʻrganadi, tahlil qiladi va uni takomillashtirish boʻyicha takliflar tayyorlaydi;
(ii) taʼlim sohasida ishlab chiqilgan qonunchilik hujjatlarini xalqaro tajriba va standartlar asosida tahlil qiladi.
12. Agentlik oʻziga yuklatilgan vazifa va funksiyalarni qonuniylik, xolislik, hisobdorlik, ochiqlik va shaffoflik tamoyillari asosida amalga oshiradi.
4-bob. Agentlikning huquq va majburiyatlari
13. Agentlik oʻziga yuklatilgan vazifa va funksiyalarni amalga oshirishda quyidagi huquqlarga ega:
(a) oʻz vakolati doirasida, shu jumladan, boshqa davlat organlari bilan birgalikda normativ-huquqiy hujjatlarni qabul qilish;
(b) Vazirlar Mahkamasiga normativ-huquqiy hujjatlar loyihalarini, shuningdek, Agentlikka yuklangan vazifalar va funksiyalarni bajarish bilan bogʻliq boʻlgan boshqa hujjatlarni belgilangan tartibda kiritish;
(v) davlat organlari va tashkilotlaridan, shuningdek, respublikaning xorijdagi diplomatik vakolatxonalari orqali zarur statistik, tahliliy hamda boshqa maʼlumotlarni olish;
(g) oʻz vazifalarini amalga oshirish uchun davlat organlari va tashkilotlaridan zarur maʼlumotlarni bepul, jumladan, “Elektron hukumat” tizimining idoralararo integratsiya platformasi orqali olish;
(d) Oliy taʼlim, fan va innovatsiyalar vazirligining taʼlim jarayonlarini boshqarish axborot tizimlaridan (NEMIS, EMIS) va oliy taʼlimdan keyingi taʼlimni muvofiqlashtirishning yagona elektron tizimidan toʻsiqsiz foydalanish;
(j) davlat organlari va tashkilotlariga, jumladan, taʼlim tashkilotlariga taʼlim sifatini oshirish boʻyicha koʻrib chiqilishi majburiy boʻlgan koʻrsatmalar kiritish;
(z) mamlakatdagi ijtimoiy-iqtisodiy holat va qonunchilikdagi oʻzgarishlar hamda xalqaro taʼlim makonidagi zamonaviy tendensiyalardan kelib chiqib, kompleks va maxsus davlat akkreditatsiyasidan oʻtkazish talab va mezonlarini yangilab borish;
(i) taʼlim sifatini taʼminlash, akkreditatsiya, reyting va boshqa masalalar yuzasidan xalqaro va nodavlat tashkilotlar bilan hamkorlik shartnomalarini tuzish;
(k) taʼlim tashkilotlarida taʼlim sifati bilan bogʻliq oʻrganishlar, monitoring va soʻrovnomalar oʻtkazish;
(l) taʼlim tashkilotlarida “xavfni tahlil qilish” tizimi asosida aniqlangan talab va shartlarning buzilishi holatlari yuzasidan Agentlik tomonidan taʼlim tashkilotiga taqdimnoma kiritish hamda kamchiliklarni bartaraf etish uchun muddat belgilash;
(m) aniqlangan kamchiliklar boʻyicha taʼlim tashkilotlariga choralar koʻrish boʻyicha muassis yoki yuqori turuvchi organiga taqdimnomalar kiritish;
(n) taʼlim tashkilotlarining davlat akkreditatsiyasini toʻlov asosida amalga oshirish hamda toʻlangan mablagʻlarni akkreditatsiyani oʻtkazish bilan bogʻliq (jumladan, jalb qilingan mutaxassislar mehnatiga haq toʻlash) xarajatlarni qoplashga yoʻnaltirish;
(o) taʼlim sifatini taʼminlash bilan bogʻliq standartlar, mezonlar va indikatorlarni amaliyotga tatbiq qilishdan oldin taʼlim tashkilotlarida tajriba-sinovdan oʻtkazish;
(p) mahalliy va xorijiy ekspertlar, shuningdek, respublika ijro etuvchi hokimiyat organlari, mahalliy davlat hokimiyati organlari, taʼlim tashkilotlari va boshqa tashkilotlar vakillarini (asosiy ish joyidagi ish haqi saqlangan holda) jalb etish, ular ishtirokida ekspert komissiyalari va ishchi guruhlar tuzish;
(r) ekspert komissiyalari va ishchi guruhlar tomonidan taʼlim sohasidagi joriy holatni chuqur tahlil qilish, baholash va taklif ishlab chiqish boʻyicha texnik topshiriqlarni shakllantirish hamda konsalting kompaniyalarni jalb etgan holda tegishli taʼlim sohasini isloh qilish boʻyicha “yoʻl xaritalari”ni ishlab chiqish;
(s) jalb qilingan xorijiy va mahalliy ekspertlarga ish haqini tegishli shartnomaga muvofiq milliy yoki chet el valyutasida, shu jumladan, mablagʻlarni ularning xorijdagi hisobvaraqlariga oʻtkazish orqali toʻlash;
(t) qonunchilik hujjatlari bilan taqiqlanmagan pulli xizmatlar koʻrsatish;
(u) Agentlik zimmasiga yuklatilgan vazifalar doirasida yetakchi xorijiy davlatlar tajribasini oʻrganish maqsadida Agentlik xodimlarini, shuningdek, ekspert komissiyalari va ishchi guruhlar aʼzolarini hamda shartnoma asosida jalb etilgan boshqa shaxslarni xorijiy xizmat safarlariga yuborish;
(f) oʻz faoliyati yoʻnalishlari boʻyicha konsalting va ekspert-tahliliy xizmatlar koʻrsatish, ushbu vazifalarni amalga oshirish uchun tashkiliy-huquqiy tuzilmalarni tashkil etish;
(x) tegishli davlat organlari bilan birgalikda taʼlim tashkilotlarida taʼlim sifatini oshirish va taʼlim jarayonlarini yaxshilashga taalluqli masalalar yuzasidan qonunchilikda belgilangan choralarni qoʻllash.
14. Qonunchilik hujjatlariga muvofiq, shuningdek, Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi topshiriqlariga asosan Agentlik boshqa huquqlarga ham ega boʻlishi mumkin.
15. Agentlik quyidagilarga majbur:
(a) zimmasiga yuklatilgan vazifalarni sifatli va oʻz vaqtida bajarish;
(b) davlat akkreditatsiyasini qonunchilik hujjatlari talablariga qatʼiy rioya etgan holda amalga oshirish;
(v) akkreditatsiya jarayonlarida va ularning natijalarini ochiq holda eʼlon qilish orqali shaffoflikni taʼminlash;
(g) akkreditatsiya qarorlaridan norozi boʻlganlar uchun shikoyat va apellyatsiya berish jarayonlarini tashkil etish;
(d) ijro intizomini taʼminlash.
5-bob. Agentlik faoliyatini tashkil etish
16. Agentlik faoliyatiga Oʻzbekiston Respublikasi Prezidenti tomonidan lavozimiga tayinlanadigan direktor rahbarlik qiladi.
17. Agentlik direktori maqomi, mehnatga haq toʻlash, moddiy ragʻbatlantirish, tibbiy va transport xizmati koʻrsatish shart-sharoitlariga koʻra Oʻzbekiston Respublikasi Prezidentining maslahatchisi oʻrinbosariga tenglashtiriladi.
18. Agentlik direktori ikki nafar oʻrinbosarga ega boʻladi.
19. Direktor oʻrinbosarlari Oʻzbekiston Respublikasi Prezidenti Administratsiyasi rahbari tomonidan lavozimga tayinlanadi va lavozimidan ozod etiladi.
20. Agentlik direktori oʻrinbosarlari va xodimlari mehnatiga haq toʻlash, moddiy ragʻbatlantirish, tibbiy xizmat koʻrsatish shart-sharoitlariga koʻra Oʻzbekiston Respublikasi Prezidenti huzuridagi Strategik islohotlar agentligining tegishli xodimlariga tenglashtiriladi.
21. Milliy malaka tizimini rivojlantirish instituti direktori maqomiga koʻra Agentlik direktori oʻrinbosariga tenglashtiriladi hamda unga Agentlik direktori oʻrinbosarlari uchun belgilangan mehnatga haq toʻlash va moddiy ragʻbatlantirish shart-sharoitlari qoʻllanadi.
22. Agentlikning boshqaruv xodimlari Agentlik direktori tomonidan toʻgʻridan-toʻgʻri suhbat asosida lavozimga tayinlanadi va lavozimidan ozod etiladi.
23. Agentlikka xorijiy mutaxassis, ekspert, konsultant va maslahatchilarni jalb qilish va ishga qabul qilish shartnoma asosida Agentlik direktori tomonidan amalga oshiriladi.
24. Agentlik direktori:
(a) Agentlik faoliyatiga umumiy boshqaruvni amalga oshiradi hamda Agentlik tashkiliy-xoʻjalik faoliyati uchun javobgar hisoblanadi;
(b) oʻz oʻrinbosarlari va Agentlik tizimidagi tashkilotlarning mansabdor shaxslari vakolatlarini hamda shaxsiy javobgarlik darajasini belgilaydi, shuningdek, vazifalarni taqsimlaydi;
(v) davlat organlari va tashkilotlarida, shuningdek, xalqaro tashkilotlarda Agentlik nomidan ish koʻradi;
(g) Agentlik xodimlari va taʼlim tashkilotlari tomonidan bajarilishi majburiy boʻlgan buyruqlar chiqaradi va koʻrsatmalar beradi;
(d) Agentlikka yuklatilgan vazifalarning samarali bajarilishi uchun shaxsiy javobgar hisoblanadi va Oʻzbekiston Respublikasi Prezidenti oldida amalga oshirilgan ishlar boʻyicha hisobot beradi;
(j) Agentlik xarajatlar smetasi va shtatlar jadvalini tasdiqlaydi;
(z) Agentlikning ish rejalari, hisobotlari va uslubiy ishlanmalarini tasdiqlaydi;
(i) Agentlik xodimlari bilan mehnat shartnomalarini, shuningdek, xorijiy va mahalliy ekspertlar bilan fuqarolik-huquqiy shartnomalarni tuzadi va bekor qiladi;
(k) Agentlik xodimlarining lavozim (funksional) vazifalarini taqsimlaydi;
(l) ijro intizomiga, shuningdek, jismoniy va yuridik shaxslarning murojaatlarini qonunchilik hujjatlariga muvofiq koʻrib chiqish muddatlari va tartibiga qatʼiy rioya etilishini taʼminlaydi;
(m) Agentlik xodimlarini ragʻbatlantirish, ijtimoiy qoʻllab-quvvatlash tartibi va shakllarini, ularning lavozim maoshiga ustama va qoʻshimcha toʻlovlarni belgilaydi, xodimlarga moddiy yordam koʻrsatish boʻyicha buyruqlar qabul qiladi;
(n) Agentlik nomidan shartnoma va kelishuvlar tuzadi, Agentlik aktivlarini tasarruf etadi, mulkni boshqarish boʻyicha qarorlar qabul qiladi, moliyaviy va boshqa turdagi hujjatlarni imzolaydi;
(o) qonunchilik hujjatlari va mazkur Nizomga muvofiq oʻziga yuklatilgan boshqa masalalarni hal etadi.
25. Agentlik direktori oʻrinbosarlari tegishli yoʻnalishlar boʻyicha ishlar samaradorligini oshirish va vazifalar oʻz vaqtida ijro etilishini taʼminlash choralarini koʻradi hamda direktor topshirigʻiga koʻra uning alohida funksiyalarini bajaradi.
26. Agentlik direktori boʻlmagan yoki oʻz vazifalarini bajarishi mumkin boʻlmagan hollarda direktor oʻrinbosarlaridan biri direktor vazifasini vaqtincha bajarib turadi.
6-bob. Agentlik faoliyatini moliyalashtirish
27. Quyidagilar Agentlik faoliyatini, shu jumladan, Agentlik tomonidan tashkil etiladigan ekspert komissiyalari va ishchi guruhlar, shartnoma asosida jalb etiladigan mahalliy va xorijiy mutaxassislarga toʻlovlarni amalga oshirish hamda Agentlik xodimlarini moddiy ragʻbatlantirish va ijtimoiy qoʻllab-quvvatlash bilan bogʻliq xarajatlarni moliyalashtirishning asosiy manbalari hisoblanadi:
(a) Oʻzbekiston Respublikasi Davlat budjeti mablagʻlari;
(b) Agentlikning asoslangan takliflariga koʻra Oʻzbekiston Respublikasi Prezidenti huzuridagi Strategik islohotlar agentligi jamgʻarmasi hisobidan ajratiladigan mablagʻlar;
(v) akkreditatsiyadan oʻtkazishdan, shuningdek, shartnoma asosida boshqa pulli xizmatlar koʻrsatishdan tushadigan tushumlar;
(g) oʻz faoliyati yoʻnalishlari boʻyicha shartnoma asosida konsalting, ekspert-tahlil va boshqa xizmatlarni koʻrsatishdan tushadigan mablagʻlar;
(d) davlat ilmiy-texnikaviy dasturlari doirasida oʻtkaziladigan grant tanlovlari natijalari boʻyicha fundamental, amaliy va innovatsion tadqiqotlar uchun ajratiladigan mablagʻlar;
(j) xalqaro moliya institutlari va donor tashkilotlarning grantlari hamda maqsadli mablagʻlari;
(z) Agentlikning budjetdan tashqari mablagʻlari, shu jumladan, vaqtincha boʻsh turgan budjetdan tashqari mablagʻlarini tijorat banklarining depozitlariga joylashtirishdan tushadigan daromadlar;
(i) homiylik va qonunchilik hujjatlarida taqiqlanmagan boshqa manbalar.
28. Agentlik oʻzining vaqtincha boʻsh turgan budjetdan tashqari mablagʻlari, shu jumladan, xorijiy valyutadagi mablagʻlarini Oʻzbekiston Respublikasidagi tijorat banklarining depozitlariga joylashtirish va olingan daromadlarni tasarruf etishi mumkin.
7-bob. Agentlikning hisobdorligi
29. Agentlik oʻz faoliyatini boshqa davlat organlari va tashkilotlari, ularning mansabdor shaxslaridan mustaqil ravishda amalga oshiradi hamda oʻz faoliyati doirasida Oʻzbekiston Respublikasi Prezidentiga hisobdordir.
30. Agentlik har yil yakunida (zarur hollarda navbatdan tashqari) Oʻzbekiston Respublikasi Prezidentiga oʻziga yuklatilgan vazifalardan kelib chiqib, amalga oshirilgan ishlar haqida hisobot kiritadi.
31. Agentlik taʼlim sohasini isloh qilish holati, amalga oshirilayotgan chora-tadbirlar, islohotlarni amalga oshirishga toʻsqinlik qilayotgan salbiy omillar va ularni bartaraf etish yoʻllari, shuningdek, taʼlim va ilmiy-tadqiqot tashkilotlari faoliyatini tashqi baholash mexanizmlarini takomillashtirish hamda taʼlim xizmatlarini koʻrsatish sifatini oshirish toʻgʻrisida Oʻzbekiston Respublikasi Prezidenti Administratsiyasiga axborot kiritib boradi.
8-bob. Agentlikning mahalliy va xorijiy tashkilotlar bilan hamkorlik aloqalari hamda faoliyatini tashkil etishning boshqa masalalari
32. Agentlik oʻziga yuklatilgan vazifalarni bajarishda davlat organlari, taʼlim tashkilotlari, ilmiy muassasalar, tadqiqot, tahlil markazlari va boshqa tashkilotlar bilan oʻzaro yaqindan hamkorlik qiladi.
33. Xalqaro hamkorlik faoliyatini amalga oshirishda Agentlik vakolati doirasida quyidagi huquqlarga ega:
(a) xorijiy davlatlarning taʼlim sohasidagi davlat va nodavlat tashkilotlari bilan oʻzaro hamkorlik qilish va ular bilan shartnomalar (bitim, memorandum va boshqalar) tuzish;
(b) taʼlim sohasida xalqaro nodavlat notijorat tashkilotlar bilan hamkorlik qilish yoki ularga aʼzo boʻlish;
(v) Agentlik xodimlarini xorijiy mamlakatlarga stajirovka, amaliyot oʻtash, konferensiya va treninglarda ishtirok etish uchun yuborish;
(g) oʻz vakolati doirasida boshqa xorijiy hamkorlik aloqalarini yoʻlga qoʻyish.
34. Respublika ijro etuvchi hokimiyat organlari Agentlikka har tomonlama koʻmaklashadi, shu jumladan, uning soʻroviga koʻra markaziy apparat va tizim tashkilotlari xodimlarining oylik ish haqi va unga tenglashtirilgan toʻlovlarni saqlab qolgan holda ekspert sifatida yuborilishini taʼminlaydi.
35. Agentlik xodimlarining xizmat safarlari amaldagi qonunchilik hujjatlari asosida amalga oshiriladi.
36. Agentlikni qayta tashkil etish va tugatish Oʻzbekiston Respublikasi Prezidentining Farmoni asosida amalga oshiriladi.
37. Mazkur Nizom talablarini buzganlikda aybdor boʻlgan shaxslar qonunchilikda belgilangan tartibda javobgarlikka tortiladi.
38. Mazkur Nizomda nazarda tutilmagan masalalar tegishli qonunchilik hujjatlari, oʻrnatilgan tartibga muvofiq Agentlik buyruqlari hamda boshqa hujjatlar bilan tartibga solinadi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 8-sentabr,
PQ-275-son
Президента Республики Узбекистан
Постановление
Об организации деятельности Национального агентства обеспечения качества образования при Администрации Президента Республики Узбекистан
В целях обеспечения исполнения Указа Президента Республики Узбекистан от 5 мая 2025 года № УП-76 «О дополнительных мерах по обеспечению качества образования и совершенствованию системы оказания образовательных услуг» постановляю:
I. Цель
1. Основной целью настоящего постановления является эффективная организация деятельности Национального агентства обеспечения качества образования при Администрации Президента Республики Узбекистан (далее — Агентство).
II. Организация деятельности Агентства
2. Принять к сведению, что в соответствии с Указом Президента Республики Узбекистан от 5 мая 2025 года № УП-76:
(а) на базе Проектного офиса «Центр проектов в сфере образования» создано Национальное агентство обеспечения качества образования при Администрации Президента Республики Узбекистан (далее — Агентство);
(б) Следует отметить, что данное агентство определено как специально уполномоченный государственный орган, осуществляющий внешний контроль качества в сферах среднего специального, профессионального, высшего и послевузовского образования, а также переподготовки и повышения квалификации кадров и оценки квалификации (за исключением организаций, занимающихся переподготовкой и повышением квалификации медицинских и фармацевтических работников, а также соответствующих образовательных программ).
III. Организационные меры
3. Утвердить:
(а) Структуру центрального аппарата Национального агентства обеспечения качества образования при Администрации Президента Республики Узбекистан согласно приложению № 1 * ;
(б) Положение о Национальном агентстве обеспечения качества образования при Администрации Президента Республики Узбекистан согласно приложению № 2 * .
4. Директору Агентства (Б. Юлдашев):
(а) в двухнедельный срок утвердить штатное расписание и смету расходов Агентства;
(б) в месячный срок укомплектовать Агентство высококвалифицированными кадрами, обладающими теоретическим и практическим опытом, необходимым для выполнения возложенных задач на профессиональном уровне;
(в) принять меры для обеспечения качественного исполнения в установленные сроки задач, возложенных на Агентство.
IV. Организация, обеспечение и контроль исполнения постановления
5. Министерству экономики и финансов (И. Норкулов):
(а) совместно с Агентством стратегических реформ в 2025 году организовать работы по финансированию дополнительных расходов, связанных с организацией деятельности Агентства, на основании обоснованных предложений Агентства за счет средств Фонда Агентства стратегических реформ при Президенте Республики Узбекистан;
(б) с 2026 года ежегодно предусматривать средства, необходимые для финансирования деятельности Агентства, в параметрах Государственного бюджета.
6. Хокимияту города Ташкента, Агентству по управлению государственными активами в двухнедельный срок передать Агентству на основе права оперативного управления здания и сооружения вместе с соответствующей территорией, находящиеся по адресу: город Ташкент, Юнусабадский район, улица Чингиза Айтматова, дом 1 А.
7. Министерству экономики и финансов совместно с агентством принять меры по демонтажу (сносу) здания по адресу ул. Чингиза Айтматова, 1А, Юнусабадский район, город Ташкент, выделенного агентству, на основе государственно-частного партнерства, и на его месте ускорить строительство. строительство и передача здания, соответствующего требованиям агентства.
8. Определить, что в период до завершения работ по реконструкции и ремонту его зданий и сооружений Агентство временно размещается с правом безвозмездного пользования в здании, принадлежащем Министерству высшего образования, науки и инноваций, расположенном по адресу: город Ташкент, Алмазарский район, улица Университетская, дом 7, на основе утвержденных нормативов для каждого работника.
9. Агентству совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
10. Контроль за исполнением настоящего постановления возложить на Премьер-министра Республики Узбекистан А.Н. Арипова и заместителя руководителя Администрации Президента Республики Узбекистан по реформированию образования Х.У. Умарову.
Президент Республики Узбекистан Ш. МИРЗИЁЕВ
г. Ташкент,
8 сентября 2025 г.,
№ ПП-275