📅 2025-yil 16-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 16 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 сентября 2025 г. · Постановления Президента
Официальный текст. Официальный документ. Редакционные примечания не включены.
📅 16 September 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ЖАДВАЛИ
Ўзбекистон Республикасининг Евроосиё тараққиёт банкига аъзо бўлиш чора-тадбирлари тўғрисида
«Ўзбекистон Республикасининг Евроосиё тараққиёт банкини таъсис этиш ҳақидаги Битимга (Остона, 2006 йил 12 январь) қўшилиши тўғрисида»ги Ўзбекистон Республикаси Қонуни ижросини таъминлаш мақсадида қарор қиламан:
1. Евроосиё тараққиёт банкининг устав капиталида Ўзбекистон Республикасига ҳар бирининг номинал қиймати 1 000 (бир минг) АҚШ доллари бўлган 777 777 та (етти юз етмиш етти минг етти юз етмиш етти) акция тақсимот қилингани, шундан 168 411 таси (21,7 фоиз) пул тўланадиган акция ва 609 366 таси (78,3 фоиз) талаб бўйича тўланадиган акциялар эканлиги маълумот учун қабул қилинсин.
2. Евроосиё тараққиёт банки устав капиталидаги акцияларни харид қилиш бўйича Ўзбекистон Республикаси томонидан амалга ошириладиган тўловлар жадвали 1-иловага мувофиқ тасдиқлансин.
3. Инвестициялар, саноат ва савдо вазирлиги Ўзбекистон Республикасининг Евроосиё тараққиёт банки устав капиталидаги акцияларини харид қилишни белгиланган тартибда амалга оширсин.
4. Иқтисодиёт ва молия вазирлиги мазкур қарорга 1-иловага асосан 2025 йилда Давлат бюджети маблағлари ҳисобидан Инвестициялар, саноат ва савдо вазирлигига зарур маблағлар ажратсин, 2026 йилдан бошлаб Давлат бюджети параметрларида назарда тутсин.
5. Белгилансинки:
(а) Бош вазир ўринбосари Ж.А. Ходжаев — ҳамкорлик бўйича мухтор вакил;
(б) инвестициялар, саноат ва савдо вазири ўринбосари Х.Ф. Тешабаев — ҳамкорлик бўйича мухтор вакил ўринбосари;
(в) Инвестициялар, саноат ва савдо вазирлиги — Евроосиё тараққиёт банки билан ҳамкорлик доирасида юзага келадиган муносабатлар бўйича Ўзбекистон Республикасининг ваколатли органи;
(г) Марказий банк Ўзбекистон Республикасида Евроосиё тараққиёт банкига қарашли миллий валютадаги пул маблағлари ва бошқа активларнинг депозитарийси ҳисобланади.
6. Ўзбекистон Республикаси Президентининг айрим қарорларига 2-иловага мувофиқ қўшимчалар киритилсин.
7. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 16 сентябрдаги ПҚ-285-сон қарорига 1-ИЛОВА
Евроосиё тараққиёт банки устав капиталидаги акцияларни харид қилиш бўйича Ўзбекистон Республикаси томонидан амалга ошириладиган тўловлар
Тўлов йиллари Тўланадиган миқдор (АҚШ доллари) 2025 йил 10 000 000 2026 йил 79 205 500 2027 йил 79 205 500 Жами: 168 411 000
Ўзбекистон Республикаси Президентининг 2025 йил 16 сентябрдаги ПҚ-285-сон қарорига 2-ИЛОВА
Ўзбекистон Республикаси Президентининг айрим қарорларига киритилаётган қўшимчалар
1. Ўзбекистон Республикаси Президентининг 2020 йил 22 июндаги ПҚ-4756-сон қарори билан тасдиқланган Ўзбекистон Республикасининг халқаро шартномалар ва халқаро ташкилотларга аъзолик бўйича мажбуриятларни бажаришга масъул давлат органлари ва бошқа ташкилотлар рўйхатининг 11-позицияси «Халқаро шартнома, халқаро ташкилотнинг номи» устуни «Евроосиё тараққиёт банки» блоки билан тўлдирилсин.
2. Ўзбекистон Республикаси Президентининг 2025 йил 11 февралдаги ПҚ-51-сон қарори билан тасдиқланган Ўзбекистон Республикасининг халқаро молия институтларидаги бошқарувчилари ва уларнинг ўринбосарлари, шунингдек, Ўзбекистон Республикасидан халқаро молия институтларидаги бошқарувчи идораси вазифалари юкланган вазирлик ва идоралар рўйхати қуйидаги мазмундаги 8-позиция билан тўлдирилсин:
« 8. Евроосиё тараққиёт банки Ўзбекистон Республикаси Бош вазирининг ўринбосари Ж.А. Ходжаев инвестициялар, саноат ва савдо вазири ўринбосари Х.Ф. Тешабаев Инвестициялар, саноат ва савдо вазирлиги ».
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 16 сентябрь,
ПҚ-285-сон
Oʻzbekiston Respublikasi Prezidentining
qarori
JADVALI
Oʻzbekiston Respublikasining Yevroosiyo taraqqiyot bankiga aʼzo boʻlish chora-tadbirlari toʻgʻrisida
“Oʻzbekiston Respublikasining Yevroosiyo taraqqiyot bankini taʼsis etish haqidagi Bitimga (Ostona, 2006-yil 12-yanvar) qoʻshilishi toʻgʻrisida”gi Oʻzbekiston Respublikasi Qonuni ijrosini taʼminlash maqsadida qaror qilaman:
1. Yevroosiyo taraqqiyot bankining ustav kapitalida Oʻzbekiston Respublikasiga har birining nominal qiymati 1 000 (bir ming) AQSH dollari boʻlgan 777 777 ta (yetti yuz yetmish yetti ming yetti yuz yetmish yetti) aksiya taqsimot qilingani, shundan 168 411 tasi (21,7 foiz) pul toʻlanadigan aksiya va 609 366 tasi (78,3 foiz) talab boʻyicha toʻlanadigan aksiyalar ekanligi maʼlumot uchun qabul qilinsin.
2. Yevroosiyo taraqqiyot banki ustav kapitalidagi aksiyalarni xarid qilish boʻyicha Oʻzbekiston Respublikasi tomonidan amalga oshiriladigan toʻlovlar jadvali 1-ilovaga muvofiq tasdiqlansin.
3. Investitsiyalar, sanoat va savdo vazirligi Oʻzbekiston Respublikasining Yevroosiyo taraqqiyot banki ustav kapitalidagi aksiyalarini xarid qilishni belgilangan tartibda amalga oshirsin.
4. Iqtisodiyot va moliya vazirligi mazkur qarorga 1-ilovaga asosan 2025-yilda Davlat budjeti mablagʻlari hisobidan Investitsiyalar, sanoat va savdo vazirligiga zarur mablagʻlar ajratsin, 2026-yildan boshlab Davlat budjeti parametrlarida nazarda tutsin.
5. Belgilansinki:
(a) Bosh vazir oʻrinbosari J.A. Xodjayev — hamkorlik boʻyicha muxtor vakil;
(b) investitsiyalar, sanoat va savdo vaziri oʻrinbosari X.F. Teshabayev — hamkorlik boʻyicha muxtor vakil oʻrinbosari;
(v) Investitsiyalar, sanoat va savdo vazirligi — Yevroosiyo taraqqiyot banki bilan hamkorlik doirasida yuzaga keladigan munosabatlar boʻyicha Oʻzbekiston Respublikasining vakolatli organi;
(g) Markaziy bank Oʻzbekiston Respublikasida Yevroosiyo taraqqiyot bankiga qarashli milliy valyutadagi pul mablagʻlari va boshqa aktivlarning depozitariysi hisoblanadi.
6. Oʻzbekiston Respublikasi Prezidentining ayrim qarorlariga 2-ilovaga muvofiq qoʻshimchalar kiritilsin.
7. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 16-sentabrdagi PQ-285-son qaroriga 1-ILOVA
Yevroosiyo taraqqiyot banki ustav kapitalidagi aksiyalarni xarid qilish boʻyicha Oʻzbekiston Respublikasi tomonidan amalga oshiriladigan toʻlovlar
Toʻlov yillari Toʻlanadigan miqdor (AQSH dollari) 2025-yil 10 000 000 2026-yil 79 205 500 2027-yil 79 205 500 Jami: 168 411 000
Oʻzbekiston Respublikasi Prezidentining 2025-yil 16-sentabrdagi PQ-285-son qaroriga 2-ILOVA
Oʻzbekiston Respublikasi Prezidentining ayrim qarorlariga kiritilayotgan qoʻshimchalar
1. Oʻzbekiston Respublikasi Prezidentining 2020-yil 22-iyundagi PQ-4756-son qarori bilan tasdiqlangan Oʻzbekiston Respublikasining xalqaro shartnomalar va xalqaro tashkilotlarga aʼzolik boʻyicha majburiyatlarni bajarishga masʼul davlat organlari va boshqa tashkilotlar roʻyxatining 11-pozitsiyasi “Xalqaro shartnoma, xalqaro tashkilotning nomi” ustuni “Yevroosiyo taraqqiyot banki” bloki bilan toʻldirilsin.
2. Oʻzbekiston Respublikasi Prezidentining 2025-yil 11-fevraldagi PQ-51-son qarori bilan tasdiqlangan Oʻzbekiston Respublikasining xalqaro moliya institutlaridagi boshqaruvchilari va ularning oʻrinbosarlari, shuningdek, Oʻzbekiston Respublikasidan xalqaro moliya institutlaridagi boshqaruvchi idorasi vazifalari yuklangan vazirlik va idoralar roʻyxati quyidagi mazmundagi 8-pozitsiya bilan toʻldirilsin:
“ 8. Yevroosiyo taraqqiyot banki Oʻzbekiston Respublikasi Bosh vazirining oʻrinbosari J.A. Xodjayev investitsiyalar, sanoat va savdo vaziri oʻrinbosari X.F. Teshabayev Investitsiyalar, sanoat va savdo vazirligi ”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 16-sentabr,
PQ-285-son
Президента Республики Узбекистан
Постановление
ГРАФИК
О мерах по вступлению Республики Узбекистан в состав участников Евразийского банка развития
В целях обеспечения исполнения Закона Республики Узбекистан «О присоединении Республики Узбекистан к Соглашению об учреждении Евразийского банка развития (Астана, 12 января 2006 года)» постановляю:
1. Принять к сведению, что в уставном капитале Евразийского банка развития Республике Узбекистан распределены 777 777 (семьсот семьдесят семь тысяч семьсот семьдесят семь) акций номинальной стоимостью одной акции — 1 000 (одна тысяча) долларов США, из них 168 411 акций (21,7 процента) — оплачиваемые акции, 609 366 акций (78,3 процента) — подлежащие оплате по требованию.
2. Утвердить график платежей, которые будут осуществлены Республикой Узбекистан, по покупке акций в уставном капитале Евразийского банка развития, согласно приложению № 1 .
3. Министерству инвестиций, промышленности и торговли приобрести в установленном порядке акции Республики Узбекистан в уставном капитале Евразийского банка развития.
4. Министерству экономики и финансов выделить в 2025 году необходимые средства Министерству инвестиций, промышленности и торговли за счет средств Государственного бюджета согласно приложению № 1 к настоящему постановлению, начиная с 2026 года — предусматривать в параметрах Государственного бюджета.
5. Определить:
(а) заместителя Премьер-министра Ж.А. Ходжаева — полномочным представителем по сотрудничеству;
(б) заместителя министра инвестиций, промышленности и торговли Х.Ф. Тешабаева — заместителем полномочного представителя по сотрудничеству;
(в) Министерство инвестиций, промышленности и торговли — уполномоченным органом Республики Узбекистан по отношениям, возникающим в рамках сотрудничества с Евразийским банком развития;
(г) Центральный банк — депозитарием денежных средств в национальной валюте и других активов, относящихся Евразийскому банку развития, в Республике Узбекистан.
6. Внести дополнения в некоторые постановления Президента Республики Узбекистан согласно приложению № 2 .
7. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 16 сентября 2025 года № ПП-285
платежей, которые будут осуществлены Республикой Узбекистан, по покупке акций в уставном капитале Евразийского банка развития
Годы платежей Сумма, подлежащая к оплате (в долларах США) 2025 год 10 000 000 2026 год 79 205 500 2027 год 79 205 500 Всего: 168 411 000
ПРИЛОЖЕНИЕ № 2 к постановлению Президента Республики Узбекистан от 16 сентября 2025 года № ПП-285
Дополнения, вносимые в некоторые постановления Президента Республики Узбекистан
1. В позиции 11 Перечня государственных органов и других организаций, ответственных за выполнение обязательств по международным договорам и членству Республики Узбекистан в международных организациях, утвержденного постановлением Президента Республики Узбекистан от 22 июня 2020 года № ПП-4756, графу «Наименование международного договора, международной организации» дополнить блоком «Евразийский банк развития».
2. В тексте на государственном языке Перечня управляющих Республики Узбекистан в международных финансовых институтах и их заместителей, а также министерств и ведомств, на которых возложены функции управляющего ведомства от Республики Узбекистан в международных финансовых институтах, утвержденного постановлением Президента Республики Узбекистан от 11 февраля 2025 года № ПП-51, дополнить позицией 8 следующего содержания:
« 8. Евроосиё тараққиёт банки Ўзбекистон Республикаси Бош вазирининг ўринбосари Ж.А. Ходжаев инвестициялар, саноат ва савдо вазири ўринбосари Х.Ф. Тешабаев Инвестициялар, саноат ва савдо вазирлиги ».
Президент Республики Узбекистан Ш. МИРЗИЁЕВ
г. Ташкент,
16 сентября 2025 г.,
№ ПП-285