📅 2025-yil 8-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 8 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 сентября 2025 г. · Постановления Президента
Официальный текст. Официальный документ. Редакционные примечания не включены.
📅 8 September 2025 · Presidential resolutions
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ҚАРОРИ
ТАРКИБИ
Тошкент шаҳрида Н.Э. Бауман номидаги Москва давлат техника университети (миллий тадқиқот университети) олий таълим федерал давлат автоном таълим муассасаси филиалини ташкил этиш тўғрисида
Замонавий таълим дастурлари асосида муҳандислик соҳасида юқори малакали кадрлар тайёрлаш, таълим жараёнига фан ва техниканинг энг сўнгги ютуқларини жорий этиш, иқтисодиёт тармоқларида муҳандис кадрларга бўлган эҳтиёжни қондириш мақсадида қарор қиламан:
I. Мақсад
1. Ушбу қарорнинг асосий мақсади этиб 2030 йилдан бошлаб иқтисодиёт тармоқларини халқаро рейтинг ташкилотларининг юқори 300 талик рўйхатига кирувчи олий таълим ташкилотлари дастурлари асосида замонавий муҳандис кадрлар билан таъминлашни йўлга қўйиш белгилансин.
II. Халқаро тан олинган таълим дастурлари асосида муҳандислик соҳасида кадрлар тайёрлаш
2. Олий таълим, фан ва инновациялар вазирлиги ҳамда Н.Э. Бауман номидаги Москва давлат техника университети (миллий тадқиқот университети) олий таълим федерал давлат автоном таълим муассасасининг (кейинги ўринларда — Университет) Тошкент шаҳрида Университет филиалини (кейинги ўринларда — Филиал) ташкил этиш тўғрисидаги таклифига розилик берилсин.
3. Қуйидагилар Филиал фаолиятининг асосий йўналишлари этиб белгилансин:
(а) муҳандислик соҳасида инновацион ёндашувларни қўллай оладиган, чуқур илмий-техник билимларга эга бўлган юқори малакали кадрларни тайёрлаш;
(б) фан ва техниканинг энг сўнгги ютуқларини жорий этиш, замонавий таълим дастурлари ва ўқитиш шаклларини ишлаб чиқиш;
(в) муҳандислик соҳасида фундаментал ва амалий илмий-тадқиқотлар ўтказиш;
(г) хорижий мамлакатларнинг етакчи таълим ташкилотлари, илмий-тадқиқот марказлари ва бизнес-ҳамжамиятлари билан муҳандислик соҳасида узоқ муддатли ҳамкорлик ўрнатиш.
4. Белгилаб қўйилсинки:
(а) Филиал Университетнинг таълим, илмий, хўжалик ва бошқа фаолиятни амалга ошириш ҳуқуқига эга юридик шахс мақомидаги алоҳида таркибий бўлинмаси ҳисобланади;
(б) Филиалдаги таълим жараёни Россия Федерациясининг федерал таълим стандартларига мувофиқ Ўзбекистон Республикаси Олий таълим, фан ва инновациялар вазирлиги билан келишилган ҳолда Университет томонидан тасдиқланадиган ўқув режа ва дастурлар асосида олиб борилади;
(в) Филиалда таълим фаолияти 2026/2027 ўқув йилидан бошланади;
(г) абитуриентларни қабул қилиш ва битирувчиларни аттестациядан ўтказиш Ўзбекистон Республикаси Олий таълим, фан ва инновациялар вазирлиги билан келишилган ҳолда Университет томонидан белгиланадиган талаб ва тартибга мувофиқ амалга оширилади;
(д) Филиал битирувчиларига Ўзбекистон Республикасида олий маълумот тўғрисидаги ҳужжат сифатида тан олинадиган Университетнинг белгиланган намунадаги дипломи берилади;
(ж) Филиалга белгиланган тартибда лицензия олингандан сўнг таълим фаолияти билан шуғулланишга рухсат этилади.
5. Тошкент шаҳридаги Н.Э. Бауман номидаги Москва давлат техника университети (миллий тадқиқот университети) олий таълим федерал давлат автоном таълим муассасаси филиалининг васийлик кенгаши (кейинги ўринларда — Васийлик кенгаши) иловага мувофиқ таркибда тузилсин.
6. Васийлик кенгашининг асосий вазифалари этиб қуйидагилар белгилансин:
(а) Филиал фаолиятининг ташкил этилишини таъминлаш, унинг тўлақонли фаолиятини йўлга қўйиш билан боғлиқ ташкилий, молиявий, ҳуқуқий, иқтисодий, ўқув-услубий, моддий-техник ва бошқа масалаларни ҳал этиш;
(б) зарур лойиҳа, қурилиш-монтаж ва таъмирлаш-тиклаш ишларини амалга ошириш, Филиални жиҳозлаш, инфратузилмасини яратиш, моддий-техник таъминлашга доир вазифаларни мувофиқлаштириб бориш;
(в) Филиалга таълим жараёнини ва талабалар амалиётини самарали ташкил этиш, таълим сифатини таъминлаш, Филиал битирувчиларини ишга жойлаштириш, кадрлар тайёрлашнинг истиқболли йўналишларини белгилашда кўмаклашиш;
(г) Университет билан келишилган ҳолда ижтимоий-иқтисодий соҳада юқори малакали мутахассисларга бўлган эҳтиёждан келиб чиқиб, Филиалга талабаларни қабул қилиш параметрлари ва тўлов-контракт асосида ўқитиш қийматини белгилаш;
(д) Филиал фаолияти жадал ривожланишини таъминлаш учун ҳомийлик хайриялари, техник кўмак маблағларини (грантларни) ва бошқа бюджетдан ташқари маблағларни жалб этиш.
7. Белгилаб қўйилсинки:
(а) Филиалга қабул параметрлари соҳа ва тармоқларда кадрларга бўлган реал эҳтиёжни ҳисобга олиб, Университет, Ўзбекистон Республикаси Олий таълим, фан ва инновациялар вазирлиги ҳамда Иқтисодиёт ва молия вазирлиги билан келишилган ҳолда Филиал Васийлик кенгашининг қарори билан тасдиқланади;
(б) Филиалга талабаларни ўқишга қабул қилиш давлат гранти ҳамда тўлов-контракт асосида амалга оширилади. Бунда давлат гранти асосида таълим олган Филиал битирувчилари уч йилдан кам бўлмаган муддат мажбурий ишлаб бериш шарти билан Ўзбекистон Республикасининг давлат ташкилотларига тақсимланади;
(в) Университетдан узоқ муддатга жалб қилинадиган профессор-ўқитувчиларнинг меҳнатига ҳақ тўлаш Филиалнинг ўқув жараёни эҳтиёжларидан келиб чиқиб тузилган шартномаларга мувофиқ амалга оширилади;
(г) Филиалнинг дарс жараёнида фойдаланиладиган махсус ускуна ва дастурлар билан ишлаш кўникмасига эга юқори малакали ходимлари учун Филиалнинг бюджетдан ташқари маблағлари ҳисобидан устамалар тайинланади.
III. Филиалнинг ҳамкорлик алоқалари
8. Филиалнинг асосий ҳамкорлари этиб қуйидагилар белгилангани маълумот учун қабул қилинсин:
(а) академик соҳада — Тошкент давлат техника университети ҳамда Бухоро давлат техника университети;
(б) саноат ва ишлаб чиқариш соҳасида — Ўзбекистон техник жиҳатдан тартибга солиш агентлиги, Ўзбекистон миллий метрология институти, «Ўзбекистон темир йўллари» АЖ, «UzAuto Motors» АЖ, «Тошкент трактор заводи» АЖ ва «UzAvto-INZI» МЧЖ.
9. 2025/2026 ўқув йилидан бошлаб Университет ва Тошкент давлат техника университети ҳамкорлигида магистратура мутахассисликлари бўйича қўшма таълим дастурлари асосида кадрлар тайёрлаш йўлга қўйилсин. Бунда қўшма таълим дастурлари доирасида:
(а) Филиал фаолияти тўлақонли йўлга қўйилгунга қадар «Метрология, стандартлаштириш ва сифатни бошқариш» ҳамда «Машинасозлик технологияси» магистратура мутахассисликлари бўйича кадрлар тайёрланади;
(б) ўқув жараёни ташкил қилинган мос даврга мувофиқ Ўзбекистон Республикаси Давлат бюджети ҳисобидан ҳамда Россия Федерацияси Ҳукумати қабул параметрлари доирасида жами 30 та давлат гранти ажратилади.
10. Университет томонидан қуйидагилар амалга оширилиши маълумот учун қабул қилинсин:
(а) Филиал таълим жараёнига илғор педагогик ҳамда ахборот технологияларини, фан ва техниканинг энг янги ютуқларини жорий этиш;
(б) Филиал профессор-ўқитувчилари таркибининг камида 40 фоизини Университет ва хорижий олий таълим ташкилотларининг профессор-ўқитувчиларини ўқув жараёни ҳамда илмий фаолиятга жалб этиш орқали шакллантириш;
(в) маҳаллий ва хорижий олий таълим ташкилотлари, илмий-тадқиқот марказлари ва етакчи ташкилотларда Филиал профессор-ўқитувчиларини қайта тайёрлаш ва уларнинг малакасини ошириш ишларини тизимли асосда ташкил этиш;
(г) Филиалнинг кутубхона фондини шакллантириш, уни замонавий ўқув-услубий ва илмий-педагогик адабиётлар билан тўлдириш, шу жумладан, Университетнинг ахборот-ресурс базасидан фойдаланиш имкониятини яратиш.
IV. Филиал фаолиятини молиялаштириш ва уни жойлаштириш
11. Филиал фаолиятини молиялаштириш манбалари этиб қуйидагилар белгилансин:
(а) Филиалга ўқишга қабул қилинган талабалар умумий сонининг 30 фоизидан ошмаган ҳолда давлат гранти асосида талабаларни ўқитиш учун Ўзбекистон Республикаси Олий таълим, фан ва инновациялар вазирлигига ажратиладиган Давлат бюджети маблағлари;
(б) талабаларни тўлов-контракт асосида ўқитишдан тушадиган маблағлар;
(в) хўжалик фаолияти ва шартнома асосида хизматлар кўрсатишдан тушадиган маблағлар;
(г) Васийлик кенгаши қарорлари асосида шакллантириладиган маблағлар, ҳомийлик хайриялари ва грантлар;
(д) қонунчилик ҳужжатлари билан тақиқланмаган бошқа манбалар.
12. Белгилансинки, Филиални бюджет маблағлари ҳисобидан сақлаш билан боғлиқ харажатларни молиялаштириш:
(а) 2025 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Ўзбекистон Республикаси Олий таълим, фан ва инновациялар вазирлигига ажратилган маблағлар доирасида амалга оширилади;
(б) 2026 йилдан бошлаб бюджет қонунчилиги талабларига мувофиқ тақдим этилган бюджет сўровномаларига асосан Давлат бюджети параметрларида назарда тутилади.
13. Тошкент шаҳри ҳокимлиги Филиалнинг янги кампусини барпо этиш учун Янги Тошкент шаҳри ҳудудидан 6 гектар ер майдонини белгиланган тартибда Ўзбекистон Республикаси Олий таълим, фан ва инновациялар вазирлигига доимий фойдаланиш ҳуқуқи асосида ажратсин. Бунда:
(а) янги кампус бинолари қурилиб, фойдаланишга топширилгандан сўнг Ўзбекистон Республикаси Олий таълим, фан ва инновациялар вазирлигига оператив бошқарув ҳуқуқи асосида берилади ҳамда Филиал мазкур кампусда текин фойдаланиш ҳуқуқи асосида жойлаштирилади;
(б) янги кампус фойдаланишга топширилгунга қадар Филиал Ўзбекистон Республикаси Олий таълим, фан ва инновациялар вазирлигининг Тошкент шаҳри Олмазор тумани 2-Чимбой кўчаси 96-уй манзилидаги бино ва иншоотларига текин фойдаланиш ҳуқуқи асосида жойлаштирилади.
14. Ўзбекистон Республикаси Олий таълим, фан ва инновациялар вазирлиги Иқтисодиёт ва молия вазирлиги ҳамда Қурилиш ва уй-жой коммунал хўжалиги вазирлиги билан биргаликда икки ой муддатда:
(а) Филиалнинг янги кампусини барпо этиш бўйича лойиҳа-смета ҳужжатларини ишлаб чиқиш учун зарур маблағларни ажратиш;
(б) Филиал учун Янги Тошкент шаҳри ҳудудидан ажратилган ер майдонида 2 000 ўринли ўқув-лаборатория биноси ва 800 ўринли талабалар тураржойини қуриш ҳамда уларни ўқув, илмий лаборатория асбоб-ускуналари билан жиҳозлаш лойиҳаларини молиялаштириш бўйича таклифларни Вазирлар Маҳкамасига киритсин.
V. Қарор ижросини ташкил этиш, таъминлаш ва назорат
15. Ўзбекистон Республикаси Олий таълим, фан ва инновациялар вазирлиги икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
16. Мазкур қарорнинг ижросини самарали ташкил қилишга масъул ва шахсий жавобгар этиб олий таълим, фан ва инновациялар вазири К.А. Шарипов белгилансин.
17. Ушбу қарор ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 8 сентябрдаги ПҚ-276-сон қарорига ИЛОВА
Тошкент шаҳридаги Н.Э. Бауман номидаги Москва давлат техника университети (миллий тадқиқот университети) олий таълим федерал давлат автоном таълим муассасаси филиалининг васийлик кенгаши
1. К.А. Шарипов — олий таълим, фан ва инновациялар вазири, Васийлик кенгаши раиси 2. М.В. Гордин — Н.Э. Бауман номидаги Москва давлат техника университети (миллий тадқиқот университети) олий таълим федерал давлат автоном таълим муассасаси ректори (келишув асосида) 3. М.А. Омаров — транспорт вазирининг биринчи ўринбосари 4. З.Ғ. Нарзуллаев — «Ўзбекистон темир йўллари» АЖ бошқаруви раиси 5. А.Р. Жуманазаров — Ўзбекистон техник жиҳатдан тартибга солиш агентлиги директори 6. Л.Ф. Саидорипов — Ўзбекистон миллий метрология институти директори 7. О.Б. Бастамқулов — «UzAuto Motors» АЖ ижрочи директори 8. Н.Т. Муратходжаев — «UZAVTO-INZI» МЧЖ ҚК бош директори 9. А.А. Мухитдинов — «Тошкент трактор заводи» АЖ бош директори 10. А.А. Егоров — Н.Э. Бауман номидаги Москва давлат техника университети (миллий тадқиқот университети) олий таълим федерал давлат автоном таълим муассасасининг халқаро фаолият бўйича директори (келишув асосида) 11. Лавозими бўйича — Тошкент шаҳридаги Н.Э. Бауман номидаги Москва давлат техника университети (миллий тадқиқот университети) олий таълим федерал давлат автоном таълим муассасаси филиали директори, Васийлик кенгаши котиби
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 8 сентябрь,
ПҚ- 276 -сон
OʻZBEKISTON RESPUBLIKASI PREZIDENTINING
QARORI
TARKIBI
Toshkent shahrida N.E. Bauman nomidagi Moskva davlat texnika universiteti (milliy tadqiqot universiteti) oliy taʼlim federal davlat avtonom taʼlim muassasasi filialini tashkil etish toʻgʻrisida
Zamonaviy taʼlim dasturlari asosida muhandislik sohasida yuqori malakali kadrlar tayyorlash, taʼlim jarayoniga fan va texnikaning eng soʻnggi yutuqlarini joriy etish, iqtisodiyot tarmoqlarida muhandis kadrlarga boʻlgan ehtiyojni qondirish maqsadida qaror qilaman:
I. Maqsad
1. Ushbu qarorning asosiy maqsadi etib 2030-yildan boshlab iqtisodiyot tarmoqlarini xalqaro reyting tashkilotlarining yuqori 300 talik roʻyxatiga kiruvchi oliy taʼlim tashkilotlari dasturlari asosida zamonaviy muhandis kadrlar bilan taʼminlashni yoʻlga qoʻyish belgilansin.
II. Xalqaro tan olingan taʼlim dasturlari asosida muhandislik sohasida kadrlar tayyorlash
2. Oliy taʼlim, fan va innovatsiyalar vazirligi hamda N.E. Bauman nomidagi Moskva davlat texnika universiteti (milliy tadqiqot universiteti) oliy taʼlim federal davlat avtonom taʼlim muassasasining (keyingi oʻrinlarda — Universitet) Toshkent shahrida Universitet filialini (keyingi oʻrinlarda — Filial) tashkil etish toʻgʻrisidagi taklifiga rozilik berilsin.
3. Quyidagilar Filial faoliyatining asosiy yoʻnalishlari etib belgilansin:
(a) muhandislik sohasida innovatsion yondashuvlarni qoʻllay oladigan, chuqur ilmiy-texnik bilimlarga ega boʻlgan yuqori malakali kadrlarni tayyorlash;
(b) fan va texnikaning eng soʻnggi yutuqlarini joriy etish, zamonaviy taʼlim dasturlari va oʻqitish shakllarini ishlab chiqish;
(v) muhandislik sohasida fundamental va amaliy ilmiy-tadqiqotlar oʻtkazish;
(g) xorijiy mamlakatlarning yetakchi taʼlim tashkilotlari, ilmiy-tadqiqot markazlari va biznes-hamjamiyatlari bilan muhandislik sohasida uzoq muddatli hamkorlik oʻrnatish.
4. Belgilab qoʻyilsinki:
(a) Filial Universitetning taʼlim, ilmiy, xoʻjalik va boshqa faoliyatni amalga oshirish huquqiga ega yuridik shaxs maqomidagi alohida tarkibiy boʻlinmasi hisoblanadi;
(b) Filialdagi taʼlim jarayoni Rossiya Federatsiyasining federal taʼlim standartlariga muvofiq Oʻzbekiston Respublikasi Oliy taʼlim, fan va innovatsiyalar vazirligi bilan kelishilgan holda Universitet tomonidan tasdiqlanadigan oʻquv reja va dasturlar asosida olib boriladi;
(v) Filialda taʼlim faoliyati 2026/2027 oʻquv yilidan boshlanadi;
(g) abituriyentlarni qabul qilish va bitiruvchilarni attestatsiyadan oʻtkazish Oʻzbekiston Respublikasi Oliy taʼlim, fan va innovatsiyalar vazirligi bilan kelishilgan holda Universitet tomonidan belgilanadigan talab va tartibga muvofiq amalga oshiriladi;
(d) Filial bitiruvchilariga Oʻzbekiston Respublikasida oliy maʼlumot toʻgʻrisidagi hujjat sifatida tan olinadigan Universitetning belgilangan namunadagi diplomi beriladi;
(j) Filialga belgilangan tartibda litsenziya olingandan soʻng taʼlim faoliyati bilan shugʻullanishga ruxsat etiladi.
5. Toshkent shahridagi N.E. Bauman nomidagi Moskva davlat texnika universiteti (milliy tadqiqot universiteti) oliy taʼlim federal davlat avtonom taʼlim muassasasi filialining vasiylik kengashi (keyingi oʻrinlarda — Vasiylik kengashi) ilovaga muvofiq tarkibda tuzilsin.
6. Vasiylik kengashining asosiy vazifalari etib quyidagilar belgilansin:
(a) Filial faoliyatining tashkil etilishini taʼminlash, uning toʻlaqonli faoliyatini yoʻlga qoʻyish bilan bogʻliq tashkiliy, moliyaviy, huquqiy, iqtisodiy, oʻquv-uslubiy, moddiy-texnik va boshqa masalalarni hal etish;
(b) zarur loyiha, qurilish-montaj va taʼmirlash-tiklash ishlarini amalga oshirish, Filialni jihozlash, infratuzilmasini yaratish, moddiy-texnik taʼminlashga doir vazifalarni muvofiqlashtirib borish;
(v) Filialga taʼlim jarayonini va talabalar amaliyotini samarali tashkil etish, taʼlim sifatini taʼminlash, Filial bitiruvchilarini ishga joylashtirish, kadrlar tayyorlashning istiqbolli yoʻnalishlarini belgilashda koʻmaklashish;
(g) Universitet bilan kelishilgan holda ijtimoiy-iqtisodiy sohada yuqori malakali mutaxassislarga boʻlgan ehtiyojdan kelib chiqib, Filialga talabalarni qabul qilish parametrlari va toʻlov-kontrakt asosida oʻqitish qiymatini belgilash;
(d) Filial faoliyati jadal rivojlanishini taʼminlash uchun homiylik xayriyalari, texnik koʻmak mablagʻlarini (grantlarni) va boshqa budjetdan tashqari mablagʻlarni jalb etish.
7. Belgilab qoʻyilsinki:
(a) Filialga qabul parametrlari soha va tarmoqlarda kadrlarga boʻlgan real ehtiyojni hisobga olib, Universitet, Oʻzbekiston Respublikasi Oliy taʼlim, fan va innovatsiyalar vazirligi hamda Iqtisodiyot va moliya vazirligi bilan kelishilgan holda Filial Vasiylik kengashining qarori bilan tasdiqlanadi;
(b) Filialga talabalarni oʻqishga qabul qilish davlat granti hamda toʻlov-kontrakt asosida amalga oshiriladi. Bunda davlat granti asosida taʼlim olgan Filial bitiruvchilari uch yildan kam boʻlmagan muddat majburiy ishlab berish sharti bilan Oʻzbekiston Respublikasining davlat tashkilotlariga taqsimlanadi;
(v) Universitetdan uzoq muddatga jalb qilinadigan professor-oʻqituvchilarning mehnatiga haq toʻlash Filialning oʻquv jarayoni ehtiyojlaridan kelib chiqib tuzilgan shartnomalarga muvofiq amalga oshiriladi;
(g) Filialning dars jarayonida foydalaniladigan maxsus uskuna va dasturlar bilan ishlash koʻnikmasiga ega yuqori malakali xodimlari uchun Filialning budjetdan tashqari mablagʻlari hisobidan ustamalar tayinlanadi.
III. Filialning hamkorlik aloqalari
8. Filialning asosiy hamkorlari etib quyidagilar belgilangani maʼlumot uchun qabul qilinsin:
(a) akademik sohada — Toshkent davlat texnika universiteti hamda Buxoro davlat texnika universiteti;
(b) sanoat va ishlab chiqarish sohasida — Oʻzbekiston texnik jihatdan tartibga solish agentligi, Oʻzbekiston milliy metrologiya instituti, “Oʻzbekiston temir yoʻllari” AJ, “UzAuto Motors” AJ, “Toshkent traktor zavodi” AJ va “UzAvto-INZI” MCHJ.
9. 2025/2026 oʻquv yilidan boshlab Universitet va Toshkent davlat texnika universiteti hamkorligida magistratura mutaxassisliklari boʻyicha qoʻshma taʼlim dasturlari asosida kadrlar tayyorlash yoʻlga qoʻyilsin. Bunda qoʻshma taʼlim dasturlari doirasida:
(a) Filial faoliyati toʻlaqonli yoʻlga qoʻyilgunga qadar “Metrologiya, standartlashtirish va sifatni boshqarish” hamda “Mashinasozlik texnologiyasi” magistratura mutaxassisliklari boʻyicha kadrlar tayyorlanadi;
(b) oʻquv jarayoni tashkil qilingan mos davrga muvofiq Oʻzbekiston Respublikasi Davlat budjeti hisobidan hamda Rossiya Federatsiyasi Hukumati qabul parametrlari doirasida jami 30 ta davlat granti ajratiladi.
10. Universitet tomonidan quyidagilar amalga oshirilishi maʼlumot uchun qabul qilinsin:
(a) Filial taʼlim jarayoniga ilgʻor pedagogik hamda axborot texnologiyalarini, fan va texnikaning eng yangi yutuqlarini joriy etish;
(b) Filial professor-oʻqituvchilari tarkibining kamida 40 foizini Universitet va xorijiy oliy taʼlim tashkilotlarining professor-oʻqituvchilarini oʻquv jarayoni hamda ilmiy faoliyatga jalb etish orqali shakllantirish;
(v) mahalliy va xorijiy oliy taʼlim tashkilotlari, ilmiy-tadqiqot markazlari va yetakchi tashkilotlarda Filial professor-oʻqituvchilarini qayta tayyorlash va ularning malakasini oshirish ishlarini tizimli asosda tashkil etish;
(g) Filialning kutubxona fondini shakllantirish, uni zamonaviy oʻquv-uslubiy va ilmiy-pedagogik adabiyotlar bilan toʻldirish, shu jumladan, Universitetning axborot-resurs bazasidan foydalanish imkoniyatini yaratish.
IV. Filial faoliyatini moliyalashtirish va uni joylashtirish
11. Filial faoliyatini moliyalashtirish manbalari etib quyidagilar belgilansin:
(a) Filialga oʻqishga qabul qilingan talabalar umumiy sonining 30 foizidan oshmagan holda davlat granti asosida talabalarni oʻqitish uchun Oʻzbekiston Respublikasi Oliy taʼlim, fan va innovatsiyalar vazirligiga ajratiladigan Davlat budjeti mablagʻlari;
(b) talabalarni toʻlov-kontrakt asosida oʻqitishdan tushadigan mablagʻlar;
(v) xoʻjalik faoliyati va shartnoma asosida xizmatlar koʻrsatishdan tushadigan mablagʻlar;
(g) Vasiylik kengashi qarorlari asosida shakllantiriladigan mablagʻlar, homiylik xayriyalari va grantlar;
(d) qonunchilik hujjatlari bilan taqiqlanmagan boshqa manbalar.
12. Belgilansinki, Filialni budjet mablagʻlari hisobidan saqlash bilan bogʻliq xarajatlarni moliyalashtirish:
(a) 2025-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Oʻzbekiston Respublikasi Oliy taʼlim, fan va innovatsiyalar vazirligiga ajratilgan mablagʻlar doirasida amalga oshiriladi;
(b) 2026-yildan boshlab budjet qonunchiligi talablariga muvofiq taqdim etilgan budjet soʻrovnomalariga asosan Davlat budjeti parametrlarida nazarda tutiladi.
13. Toshkent shahri hokimligi Filialning yangi kampusini barpo etish uchun Yangi Toshkent shahri hududidan 6 gektar yer maydonini belgilangan tartibda Oʻzbekiston Respublikasi Oliy taʼlim, fan va innovatsiyalar vazirligiga doimiy foydalanish huquqi asosida ajratsin. Bunda:
(a) yangi kampus binolari qurilib, foydalanishga topshirilgandan soʻng Oʻzbekiston Respublikasi Oliy taʼlim, fan va innovatsiyalar vazirligiga operativ boshqaruv huquqi asosida beriladi hamda Filial mazkur kampusda tekin foydalanish huquqi asosida joylashtiriladi;
(b) yangi kampus foydalanishga topshirilgunga qadar Filial Oʻzbekiston Respublikasi Oliy taʼlim, fan va innovatsiyalar vazirligining Toshkent shahri Olmazor tumani 2-Chimboy koʻchasi 96-uy manzilidagi bino va inshootlariga tekin foydalanish huquqi asosida joylashtiriladi.
14. Oʻzbekiston Respublikasi Oliy taʼlim, fan va innovatsiyalar vazirligi Iqtisodiyot va moliya vazirligi hamda Qurilish va uy-joy kommunal xoʻjaligi vazirligi bilan birgalikda ikki oy muddatda:
(a) Filialning yangi kampusini barpo etish boʻyicha loyiha-smeta hujjatlarini ishlab chiqish uchun zarur mablagʻlarni ajratish;
(b) Filial uchun Yangi Toshkent shahri hududidan ajratilgan yer maydonida 2 000 oʻrinli oʻquv-laboratoriya binosi va 800 oʻrinli talabalar turarjoyini qurish hamda ularni oʻquv, ilmiy laboratoriya asbob-uskunalari bilan jihozlash loyihalarini moliyalashtirish boʻyicha takliflarni Vazirlar Mahkamasiga kiritsin.
V. Qaror ijrosini tashkil etish, taʼminlash va nazorat
15. Oʻzbekiston Respublikasi Oliy taʼlim, fan va innovatsiyalar vazirligi ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
16. Mazkur qarorning ijrosini samarali tashkil qilishga masʼul va shaxsiy javobgar etib oliy taʼlim, fan va innovatsiyalar vaziri K.A. Sharipov belgilansin.
17. Ushbu qaror ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 8-sentabrdagi PQ-276-son qaroriga ILOVA
Toshkent shahridagi N.E. Bauman nomidagi Moskva davlat texnika universiteti (milliy tadqiqot universiteti) oliy taʼlim federal davlat avtonom taʼlim muassasasi filialining vasiylik kengashi
1. K.A. Sharipov — oliy taʼlim, fan va innovatsiyalar vaziri, Vasiylik kengashi raisi 2. M.V. Gordin — N.E. Bauman nomidagi Moskva davlat texnika universiteti (milliy tadqiqot universiteti) oliy taʼlim federal davlat avtonom taʼlim muassasasi rektori (kelishuv asosida) 3. M.A. Omarov — transport vazirining birinchi oʻrinbosari 4. Z.Gʻ. Narzullayev — “Oʻzbekiston temir yoʻllari” AJ boshqaruvi raisi 5. A.R. Jumanazarov — Oʻzbekiston texnik jihatdan tartibga solish agentligi direktori 6. L.F. Saidoripov — Oʻzbekiston milliy metrologiya instituti direktori 7. O.B. Bastamqulov — “UzAuto Motors” AJ ijrochi direktori 8. N.T. Muratxodjayev — “UZAVTO-INZI” MCHJ QK bosh direktori 9. A.A. Muxitdinov — “Toshkent traktor zavodi” AJ bosh direktori 10. A.A. Yegorov — N.E. Bauman nomidagi Moskva davlat texnika universiteti (milliy tadqiqot universiteti) oliy taʼlim federal davlat avtonom taʼlim muassasasining xalqaro faoliyat boʻyicha direktori (kelishuv asosida) 11. Lavozimi boʻyicha — Toshkent shahridagi N.E. Bauman nomidagi Moskva davlat texnika universiteti (milliy tadqiqot universiteti) oliy taʼlim federal davlat avtonom taʼlim muassasasi filiali direktori, Vasiylik kengashi kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 8-sentabr,
PQ- 276 -son
ПРЕЗИДЕНТА РЕСПУБЛИКИ УЗБЕКИСТАН
ПОСТАНОВЛЕНИЕ
СОСТАВ
О создании филиала Федерального государственного автономного образовательного учреждения высшего образования «Московский государственный технический университет имени Н.Э. Баумана (национальный исследовательский университет) в городе Ташкенте
В целях подготовки высококвалифицированных кадров в сфере инженерии на основе современных образовательных программ, внедрения в образовательный процесс новейших достижений науки и техники, удовлетворения потребности отраслей экономики в инженерных кадрах постановляю:
I. Цели
1. Определить основной целью настоящего постановления налаживание обеспечения начиная с 2030 года отраслей экономики современными инженерными кадрами на основе образовательных программ высших образовательных организаций, входящих в топ-300 международных рейтинговых организаций.
II. Подготовка кадров в сфере инженерии на основе международно признанных образовательных программ
2. Согласиться с предложением Министерства высшего образования, науки и инноваций, а также федерального государственного автономного образовательного учреждения высшего образования «Московский государственный технический университет имени Н.Э. Баумана (национальный исследовательский университет)» (далее — Университет) об организации в городе Ташкенте филиала Университета (далее — Филиал).
3. Определить основными направлениями деятельности Филиала:
(а) подготовку высококвалифицированных кадров, способных применять инновационные подходы в сфере инженерии, обладающих глубокими научно-техническими знаниями;
(б) внедрение новейших достижений науки и техники, разработку современных образовательных программ и форм обучения;
(в) проведение фундаментальных и прикладных научных исследований в сфере инженерии;
(г) установление долгосрочного сотрудничества в сфере инженерии с ведущими образовательными организациями, научно-исследовательскими центрами и бизнес-сообществами зарубежных стран.
4. Установить, что:
(а) Филиал является отдельным структурным подразделением Университета, имеющим статус юридического лица с правом на осуществление образовательной, научной, хозяйственной и иной деятельности;
(б) в Филиале образовательный процесс ведется на основе учебных планов и программ, утверждаемых Университетом в соответствии с федеральными образовательными стандартами Российской Федерации по согласованию с Министерством высшего образования, науки и инноваций Республики Узбекистан;
(в) в Филиале образовательная деятельность начинается с 2026/2027 учебного года;
(г) прием абитуриентов и аттестация выпускников осуществляются в соответствии с требованиями и порядком, устанавливаемыми Университетом по согласованию с Министерством высшего образования, науки и инноваций Республики Узбекистан;
(д) выпускникам Филиала выдается диплом Университета установленного образца, признаваемый в качестве документа о высшем образовании в Республике Узбекистан;
(ж) Филиалу разрешается осуществлять образовательную деятельность после получения лицензии в установленном порядке.
5. Создать Попечительский совет филиала Федерального государственного автономного образовательного учреждения высшего образования «Московский государственный технический университет имени Н.Э. Баумана (национальный исследовательский университет) в городе Ташкенте (далее — Попечительский совет) в составе согласно приложению .
6. Определить основными задачами Попечительского совета:
(а) обеспечение организации деятельности Филиала, решение организационных, финансовых, правовых, экономических, учебно-методических, материально-технических и иных вопросов, связанных с налаживанием его полноценной деятельности;
(б) координацию задач по осуществлению необходимых проектных, строительно-монтажных и ремонтно-восстановительных работ, оснащению Филиала, созданию его инфраструктуры, материально-техническому обеспечению;
(в) оказание содействия Филиалу в эффективной организации образовательного процесса и практики студентов, обеспечении качества образования, трудоустройстве выпускников Филиала, определении перспективных направлений подготовки кадров;
(г) установление по согласованию с Университетом параметров приема и размера платного контракта за обучение студентов Филиала исходя из потребностей социально-экономической сферы в высококвалифицированных специалистах;
(д) привлечение средств благотворительных пожертвований, технического содействия (грантов) и иных внебюджетных средств для обеспечения ускоренного развития деятельности Филиала.
7. Определить, что:
(а) параметры приема в Филиал утверждаются решением Попечительского совета Филиала по согласованию с Университетом, Министерством высшего образования, науки и инноваций, Министерством экономики и финансов Республики Узбекистан с учетом реальной потребности сфер и отраслей в кадрах;
(б) прием студентов на учебу в Филиал осуществляется на основе государственного гранта и платного контракта. При этом выпускники Филиала, обучившиеся на основе государственного гранта, распределяются в государственные организации Республики Узбекистан с условием обязательной отработки в течение не менее трех лет;
(в) оплата труда профессоров-преподавателей, привлекаемых из Университета на долгосрочной основе, осуществляется согласно договорам, заключенным исходя из потребностей Филиала в учебном процессе;
(г) для высококвалифицированных работников Филиала, обладающих навыками работы со специальными устройствами и программами, используемыми в процессе занятий, устанавливаются надбавки за счет внебюджетных средств Филиала.
III. Партнерские связи Филиала
8. Принять к сведению, что основными партнерами Филиала определены:
(а) в академической сфере — Ташкентский государственный технический университет и Бухарский государственный технический университет;
(б) в сфере промышленности и производства — Узбекское агентство по техническому регулированию, Узбекский национальный институт метрологии, АО «Узбекистон темир йуллари», АО «UzAuto Motors», АО «Ташкентский тракторный завод» и ООО «UzAvto-INZI».
9. Организовать начиная с 2025/2026 учебного года подготовку кадров в сотрудничестве Университета и Ташкентского государственного технического университета на основе совместных образовательных программ по специальностям магистратуры. При этом в рамках совместных образовательных программ:
(а) до полноценного налаживания деятельности Филиала будут подготавливаться кадры по специальностям магистратуры «Метрология, стандартизация и управление качеством» и «Технология машиностроения»;
(б) соразмерно периоду организации учебного процесса за счет Государственного бюджета Республики Узбекистан и в рамках параметров приема Правительства Российской Федерации будет выделено всего 30 государственных грантов.
10. Принять к сведению, что Университетом будут осуществлены:
(а) внедрение в образовательный процесс Филиала передовых педагогических и информационных технологий, новейших достижений науки и техники;
(б) укомплектование не менее 40 процентов профессорско-преподавательского состава Филиала путем привлечения к учебному процессу и научной деятельности профессоров-преподавателей Университета и зарубежных высших образовательных организаций;
(в) организация на системной основе работы по переподготовке и повышению квалификации профессоров-преподавателей Филиала в отечественных и зарубежных высших образовательных организациях, научно-исследовательских центрах и ведущих организациях;
(г) формирование библиотечного фонда Филиала, пополнение его современной учебно-методической и научно-педагогической литературой, в частности, предоставление возможности доступа к информационно-ресурсной базе Университета.
IV. Финансирование деятельности и размещение Филиала
11. Определить источниками финансирования деятельности Филиала:
(а) средства Государственного бюджета, выделяемые Министерству высшего образования, науки и инноваций Республики Узбекистан для обучения студентов на основе государственного гранта с условием непревышения 30 процентов общего количества студентов, принятых на учебу в Филиал;
(б) средства, поступающие от обучения студентов на платно-контрактной основе;
(в) средства, поступающие от хозяйственной деятельности и оказания услуг на договорной основе;
(г) средства, формируемые на основе решений Попечительского совета, благотворительные пожертвования и гранты;
(д) иные источники, не запрещенные актами законодательства.
12. Определить, что финансирование расходов, связанных с содержанием деятельности Филиала за счет бюджетных средств:
(а) в 2025 году осуществляется в рамках средств, выделенных из республиканского бюджета Республики Узбекистан Министерству высшего образования, науки и инноваций Республики Узбекистан в качестве распорядителя бюджетных средств первого уровня;
(б) начиная с 2026 года предусматривается в параметрах Государственного бюджета на основании бюджетных запросов, представленных в соответствии с требованиями бюджетного законодательства.
13. Хокимияту города Ташкента выделить в установленном порядке Министерству высшего образования, науки и инноваций Республики Узбекистан 6 гектаров земельной площади на территории города Новый Ташкент для строительства нового кампуса Филиала с правом постоянного пользования. При этом:
(а) здания нового кампуса после строительства и сдачи в эксплуатацию передаются Министерству высшего образования, науки и инноваций Республики Узбекистан на основе права оперативного управления, а также Филиал размещается в данном кампусе на праве безвозмездного пользования;
(б) до сдачи в эксплуатацию нового кампуса Филиал размещается в зданиях и сооружениях Министерства высшего образования, науки и инноваций Республики Узбекистан, расположенных по адресу: город Ташкент, Алмазарский район, улица 2-й Чимбай, дом 96, на основе права безвозмездного пользования.
14. Министерству высшего образования, науки и инноваций совместно с Министерством экономики и финансов, Министерством строительства и жилищно-коммунального хозяйства Республики Узбекистан в двухмесячный срок внести в Кабинет Министров предложения о:
(а) выделении необходимых средств для разработки проектно-сметной документации по строительству нового кампуса Филиала;
(б) финансировании проектов строительства здания учебной лаборатории на 2 000 мест и места проживания студентов на 800 мест на земельной площади, выделенной для Филиала на территории города Новый Ташкент, а также их оснащения учебным, научным лабораторным оборудованием.
V. Организация, обеспечение и контроль исполнения постановления
15. Министерству высшего образования, науки и инноваций Республики Узбекистан в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
16. Возложить на министра высшего образования, науки и инноваций К.А. Шарипова персональную ответственность за эффективную организацию исполнения настоящего постановления.
17. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 8 сентября 2025 года № ПП-276
Попечительского совета филиала Федерального государственного автономного образовательного учреждения высшего образования «Московский государственный технический университет имени Н.Э. Баумана (национальный исследовательский университет) в городе Ташкенте
1. К.А. Шарипов — министр высшего образования, науки и инноваций, председатель Попечительского совета 2. М.В. Гордин — ректор Федерального государственного автономного образовательного учреждения высшего образования «Московский государственный технический университет имени Н.Э. Баумана (национальный исследовательский университет) (по согласованию) 3. М.А. Омаров — первый заместитель министра транспорта 4. З.Г. Нарзуллаев — председатель правления АО «Узбекистон темир йуллари» 5. А.Р. Жуманазаров — директор Узбекского агентства по техническому регулированию 6. Л.Ф. Саидорипов — директор Узбекского национального института метрологии 7. О.Б. Бастамкулов — исполнительный директор АО «UzAuto Motors» 8. Н.Т. Муратходжаев — генеральный директор СП ООО «UZAVTO-INZI» 9. А.А. Мухитдинов — генеральный директор АО «Ташкентский тракторный завод» 10. А.А. Егоров — директор по международной деятельности Федерального государственного автономного образовательного учреждения высшего образования «Московский государственный технический университет имени Н.Э. Баумана (национальный исследовательский университет) (по согласованию) 11. По должности — директор филиала Федерального государственного автономного образовательного учреждения высшего образования «Московский государственный технический университет имени Н.Э. Баумана (национальный исследовательский университет) в городе Ташкенте, секретарь Попечительского совета
Президент Республики Узбекистан Ш. МИРЗИЁЕВ
г. Ташкент,
8 сентября 2025 г.,
№ ПП- 276