📅 2025-yil 8-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 8 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 сентября 2025 г. · Постановления Президента
Официальный текст. Официальный документ. Редакционные примечания не включены.
📅 8 September 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
«ЙЎЛ ХАРИТАСИ»
Олмалиқ давлат техника институтини ташкил этиш тўғрисида
Тошкент вилоятидаги олий таълим ташкилотларининг мавжуд ресурсларидан самарали фойдаланиш, ўқув жараёнларига энг сўнгги педагогик технологияларни жорий қилиш, илғор хорижий тажрибалар асосида юқори малакали кадрлар тайёрлашни янги босқичга кўтариш, шунингдек, олий таълим ташкилотларининг моддий-техника базасини мустаҳкамлаш мақсадида қарор қиламан:
I. Мақсад
1. Ушбу қарорнинг асосий мақсади этиб Тошкент вилояти иқтисодиёт тармоқ ва соҳаларида, жумладан, муҳандислик, металлургия, ишлаб чиқариш, кончилик соҳаларида замонавий билим ва кўникмаларга эга олий маълумотли кадрларга бўлган эҳтиёжни таъминлаш белгилансин.
II. Тошкент вилоятида муҳандислик соҳаси учун кадрлар тайёрлаш тизимини такомиллаштириш
2. Тошкент давлат техника университети Олмалиқ филиали негизида Олмалиқ давлат техника институти (кейинги ўринларда — Институт) ташкил этилсин.
3. Қуйидагилар:
(а) Олмалиқ давлат техника институти фаолиятининг асосий йўналишлари 1-иловага мувофиқ;
(б) Олмалиқ давлат техника институти фаолиятини ташкил этиш бўйича Олий таълим, фан ва инновациялар вазирлиги томонидан бажариладиган амалий тадбирлар 2-иловага мувофиқ тасдиқлансин.
4. Белгилаб қўйилсинки:
(а) Институт давлат олий таълим ташкилоти ҳисобланиб, Олий таълим, фан ва инновациялар вазирлиги тизимида фаолият юритади;
(б) Тошкент давлат техника университети Олмалиқ филиалида таҳсил олаётган барча талабалар ўқишини Институтда давом эттиради ҳамда 2025/2026 ўқув йилидан бошлаб битирувчи курс талабаларига белгиланган тартибда Институт дипломи берилади;
(в) Институт Тошкент давлат техника университети Олмалиқ филиалининг ҳуқуқ ва мажбуриятлари, шунингдек, тузилган шартномалари бўйича ҳуқуқий вориси ҳисобланади;
(г) Институт фаолиятини молиялаштириш:
(i) Давлат бюджети маблағлари, тўлов-контракт асосида ўқитишдан тушадиган маблағлар, хўжалик фаолияти ва шартнома асосида хизматлар кўрсатишдан тушадиган тушумлар, жисмоний ва юридик шахсларнинг ҳомийлик хайриялари, грантлар ҳамда қонунчилик ҳужжатларида тақиқланмаган бошқа манбалар ҳисобидан амалга оширилади;
(ii) 2025 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Олий таълим, фан ва инновациялар вазирлигига ажратилган маблағлар доирасида амалга оширилади, 2026 йилдан бошлаб Давлат бюджети параметрларида назарда тутилади.
III. Таълим ва илмий тадқиқот жараёнларини амалиётга интеграция қилиш
5. «Олмалиқ КМК» АЖ (кейинги ўринларда — Комбинат) Институтга асосий саноат ҳамкори сифатида бириктирилсин. Комбинат:
(а) 2026 йил 1 январга қадар Институтнинг мутахассислик кафедралари филиалларининг фаолиятини Комбинат таркибидаги корхоналарда самарали ташкил этишга кўмаклашсин;
(б) Институт талабалари, профессор-ўқитувчилари ва илмий изланувчилари учун ўқув ва тадқиқот жараёнларини Комбинатнинг Инновацион технологияларни ишлаб чиқиш ва татбиқ этиш маркази ҳамда унинг таркибидаги Тажриба-бойитиш фабрикаси лабораторияларида ташкил этиш имкониятини яратсин;
(в) ҳар ўқув йилида:
(i) Институтнинг юқори курс талабаларини ҳақ тўланадиган амалиётга жалб этсин;
(ii) Комбинатнинг технологик ва ишлаб чиқариш жараёнларида вужудга келадиган муаммоларини Институт билан ҳамкорликда ечишга қаратилган илмий лойиҳаларни танлов асосида молиялаштирсин.
6. Белгилаб қўйилсинки:
(а) Институтда геология, металлургия ва техникага ихтисослашган илғор муҳандислик мактаби (кейинги ўринларда — «ГеоМетТех» илғор муҳандислик мактаби) Комбинат маблағлари ҳисобига ташкил этилади;
(б) «ГеоМетТех» илғор муҳандислик мактаби Институт ва Миллий технологик тадқиқотлар университети «МИСиС» Олмалиқ филиалига хизмат кўрсатади;
(в) «ГеоМетТех» илғор муҳандислик мактабида таълим олиш учун академик кўрсаткичлари юқори бўлган талабалар танлов асосида саралаб олинади ва амалиётга йўналтирилган махсус таълим дастурлари асосида ўқитилади;
(г) «ГеоМетТех» илғор муҳандислик мактаби йўналишига мос саноат ҳамкорлари белгиланиб, уларни техник ва технологик жиҳатдан таъминлаш учун замонавий лабораториялар ташкил этилади;
(д) «ГеоМетТех» илғор муҳандислик мактабида саноат ҳамкорлари томонидан тақдим этилган муаммолар портфели асосида илмий-тадқиқот ва тажриба-конструкторлик ишлари йўлга қўйилади;
(ж) «ГеоМетТех» илғор муҳандислик мактабида амалга ошириладиган амалий ва инновацион лойиҳаларни саноат ҳамкорлари ва Инновацион ривожланиш агентлиги маблағлари ҳисобидан биргаликда молиялаштириш тизими жорий этилади;
(з) «ГеоМетТех» илғор муҳандислик мактаби фаолияти Институт ва Миллий технологик тадқиқотлар университети «МИСиС» Олмалиқ филиалининг бюджетдан ташқари маблағлари ва қонунчилик ҳужжатларида тақиқланмаган бошқа манбалар ҳисобидан молиялаштирилади.
7. Тошкент вилояти ҳокимлиги «ГеоМетТех» илғор муҳандислик мактаби учун саноат ҳамкорларини белгилашда маҳаллий йирик ишлаб чиқариш корхоналари билан қўйидаги йўналишларда самарали ҳамкорликни йўлга қўйсин:
(а) саноат ҳамкорларининг муаммолари асосида қўшма илмий лойиҳаларни амалга ошириш ва молиялаштириш;
(б) иқтидорли талабалар ва ёш олимларни қўллаб-қувватлаш, шу жумладан, улар томонидан олиб борилаётган илмий изланишларни молиялаштириш;
(в) замонавий ўқув ва илмий лабораториялар ташкил этиш.
IV . Қарор ижросини ташкил этиш, таъминлаш ва назорат
8. Олмалиқ давлат техника институти фаолиятини ташкил этиш бўйича «йўл харитаси» 3-иловага мувофиқ тасдиқлансин.
9. Ўзбекистон Республикаси Президентининг 2017 йил 27 июлдаги «Тошкент вилоятида саноат ишлаб чиқариш соҳаси учун муҳандис-техник кадрлар тайёрлаш тизимини такомиллаштириш чора-тадбирлари тўғрисида»ги ПҚ-3153-сон қарори ўз кучини йўқотган деб ҳисоблансин.
10. Олий таълим, фан ва инновациялар вазирлиги икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
11. Мазкур қарорнинг ижросини самарали ташкил қилишга масъул ва шахсий жавобгар этиб олий таълим, фан ва инновациялар вазири К.А. Шарипов ҳамда Тошкент вилояти ҳокими З.Т. Мирзаев белгилансин.
12. Ушбу қарор ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 8 сентябрдаги ПҚ-279-сон қарорига 1-ИЛОВА
Олмалиқ давлат техника институти фаолиятининг асосий йўналишлари
Қуйидагилар Институт фаолиятининг асосий йўналишлари ҳисобланади:
(а) муҳандислик, саноат ишлаб чиқариш, металлургия соҳалари ва ҳудуднинг кадрларга бўлган эҳтиёжига мувофиқ олий маълумотли мутахассислар ва илмий-педагог кадрлар тайёрлаш;
(б) таълим жараёнига илғор педагогик технологияларни, илм-фан ва техниканинг сўнгги ютуқларини татбиқ этиш;
(в) таълим жараёнига етакчи хорижий университетлар тажрибаси асосида ишлаб чиқилган ва ишлаб чиқариш жараёнлари билан узвий боғлиқ бўлган таълим дастурларини жорий этиш;
(г) фойдали қазилмаларни қазиб олиш ва қайта ишлаш бўйича янги илғор технологияларни ишлаб чиқиш, уларни республиканинг геология ва иқлим шароитидан келиб чиққан ҳолда амалиётга татбиқ қилиш бўйича таклифлар киритиш;
(д) амалий ва фундаментал илмий-тадқиқот ишлари ҳамда инновацион лойиҳаларни амалга ошириш, шунингдек, тадқиқот натижаларини тижоратлаштириш.
Ўзбекистон Республикаси Президентининг 2025 йил 8 сентябрдаги ПҚ-279-сон қарорига 2-ИЛОВА
Олмалиқ давлат техника институти фаолиятини ташкил этиш бўйича Олий таълим, фан ва инновациялар вазирлиги томонидан бажариладиган амалий тадбирлар
Олий таълим, фан ва инновациялар вазирлиги томонидан Олмалиқ давлат техника институти фаолиятини бошлаш учун қуйидаги амалий тадбирлар бажарилади:
(а) уч ой муддатда Институт профессор-ўқитувчилари фаолиятининг энг муҳим самарадорлик кўрсаткичларини (KPI) баҳолаш тизимини илғор хорижий тажрибани ҳисобга олган ҳолда жорий этиш;
(б) 2025/2026 ўқув йилидан бошлаб:
(i) танлов асосида Институтнинг бюджетдан ташқари маблағлари ва грантлар ҳисобидан профессор-ўқитувчилар ва докторантларни етакчи хорижий олий таълим ва илмий-тадқиқот ташкилотларига стажировка ва малака оширишга юбориш;
(ii) ўзаро келишув асосида етакчи маҳаллий ва хорижий олий таълим ташкилотлари (филиаллари) билан академик мобиллик дастурларини йўлга қўйиш;
(iii) кадрлар истеъмолчиларининг реал муаммолари асосида битирув малакавий ишлари ва магистрлик диссертациялари мавзулари банкини шакллантириш;
(iv) Институтда бакалавриат ва магистратура босқичларига ўқишга қабул қилинган иқтидорли талабалар учун дарсларни инглиз тилида ўқитадиган алоҳида гуруҳлар ташкил этиш;
(v) соҳа ташкилотларида профессор-ўқитувчилар илмий-тадқиқот ишлари ва амалий машғулот олиб боришлари, талабалар малакавий амалиётларини ўташлари учун зарур шарт-шароитларга эга Институт мутахассислик кафедралари филиалларини ташкил этиш;
(vi) Институт профессор-ўқитувчилари, тадқиқотчилари, талабалари томонидан амалга оширилган фундаментал, амалий ва инновацион лойиҳаларни тижоратлаштириш ҳамда сотиш мақсадида «спин-офф» корхонасини ташкил этиш.
Ўзбекистон Республикаси Президентининг 2025 йил 8 сентябрдаги ПҚ-279-сон қарорига 3-ИЛОВА
Олмалиқ давлат техника институти фаолиятини ташкил этиш бўйича
Т/р Чора-тадбирлар Амалга ошириш механизми Бажариш муддати Молиялаштириш манбалари Ижро учун масъуллар I. Олмалиқ давлат техника институти фаолиятини ташкил этиш 1. Олмалиқ давлат техника институти (кейинги ўринларда — Институт) фаолиятини ташкил этиш. 1. Институт уставини ишлаб чиқиш, тасдиқлаш ва белгиланган тартибда давлат рўйхатидан ўтказиш. 2. Институтнинг ташкилий тузилмаси ва харажатлар сметасини тасдиқлаш. 2025 йил октябрь - Олий таълим, фан ва инновациялар вазирлиги, Адлия вазирлиги, Институт 2. Институтни тажрибали ва юқори малакали мутахассислар (педагог ходимлар) билан тўлдириш. 1. Хорижий ва маҳаллий малакали мутахассисларни (педагог ходимларни) белгиланган тартибда саралаб олиш ҳамда таълим жараёнига жалб қилиш. 2. Меҳнат қонунчилиги талаблари асосида педагог ходимларни ишга қабул қилиш ва меҳнат шартномаларини расмийлаштириш. 2025 йил октябрь - Олий таълим, фан ва инновациялар вазирлиги, Тошкент вилояти ҳокимлиги, Институт 3. Тошкент давлат техника университети Олмалиқ филиалининг бино ва иншоотларини тегишли ҳудуди билан биргаликда Институтга ўтказиш. Олмалиқ шаҳри М. Улуғбек кўчаси 55 ва 60-уй манзилларида ҳамда Оҳангарон шаҳри А. Навоий кўчаси 4-уй манзилида жойлашган бино ва иншоотларни оператив бошқарув ҳуқуқи асосида бепул бериш. 2025 йил октябрь - Олий таълим, фан ва инновациялар вазирлиги, Тошкент вилояти ҳокимлиги, Институт II. Ўқув жараёнини ташкил этиш, таълим сифатини таъминлаш, янги педагогик технологиялар ва ўқитиш усулларини жорий этиш 4. Таълимнинг замонавий педагогик технологиялари ва методларидан фойдаланиш самарадорлигини ошириш. 1. Таълим жараёнини инновацион таълим технологиялари асосида ташкил этиш. 2025/2026 ўқув йилидан бошлаб Институтнинг бюджетдан ташқари маблағлари Олий таълим, фан ва инновациялар вазирлиги, Институт 2. Таълим мазмунини креатив фикрлашга йўналтирилган, инновацион ғоя ва ишланмаларни шакллантиришга хизмат қилувчи таълим технологиялари билан бойитиш. 2025 йил октябрь 5. Талабаларда танқидий ва ижодий фикрлаш, тизимли таҳлил қилиш, тадбиркорлик кўникмаларини шакллантириш. 1. Мустақил таълимни ташкил этиш бўйича хорижий педагог ходимлар иштирокида семинар-тренинглар ташкил этиш. 2. Талабаларнинг мустақил таълим олиши учун етарли шарт-шароит яратиш. 2025/2026 ўқув йили Институтнинг бюджетдан ташқари маблағлари Олий таълим, фан ва инновациялар вазирлиги, Институт 3. Ўқув жараёнига касбий компетенцияларни кучайтиришга қаратилган методика ва технологияларни жорий этиш, ўқув жараёнини амалий кўникмаларни шакллантиришга йўналтириш. 2026/2027 ўқув йили 6. Ҳамкор ташкилотларда Институтнинг мутахассислик кафедралари филиалларини ташкил этиш. 1. Ташкилот ва корхоналарда Институтнинг мутахассислик кафедраларининг филиалларини ташкил этиш. 2025 йил декабрь Институтнинг бюджетдан ташқари маблағлари Олий таълим, фан ва инновациялар вазирлиги, Тошкент вилояти ҳокимлиги, Институт 2. Кафедралар филиалларида машғулотлар ўтказган ҳамда малакавий амалиёт ишларига раҳбарлик ва маслаҳатчилик қилган ходимларга Институт томонидан соатбай иш ҳақи тўлаш амалиётини жорий этиш. 2025/2026 ўқув йилидан бошлаб 7. Институтни халқаро эътироф этилган ташкилотлар рейтингининг биринчи 1000 талик олий таълим ташкилотлари рўйхатига киритиш бўйича тизимли ва самарали ишларни олиб бориш. 1. Институтнинг халқаро рейтингини ошириш мақсадида унинг фаолиятини таҳлил қилиш. 2025 йил октябрь Институтнинг бюджетдан ташқари маблағлари Олий таълим, фан ва инновациялар вазирлиги, Тошкент вилояти ҳокимлиги, Институт 2. Таҳлил натижаларига қараб, халқаро эътироф этилган агентликлар томонидан эълон қилинган рейтингларда иштирок этиш бўйича чора-тадбирлар режасини ишлаб чиқиш ва ижрога йўналтириш. 2025 йил декабрь 8. Профессор-ўқитувчиларнинг касбий маҳоратини ошириб бориш. 1. Институт профессор-ўқитувчиларининг 2025 — 2027 йилларда хорижда малака ошириш ва стажировка ўташ режасини ишлаб чиқиш. 2025 йил октябрь Институтнинг бюджетдан ташқари маблағлари ва грантлар Олий таълим, фан ва инновациялар вазирлиги, Институт 2. Ҳар йили Институтнинг камида 10 нафар профессор-ўқитувчисини ривожланган хорижий мамлакатларнинг нуфузли олий таълим ташкилотларига малака оширишга юбориш. 2025 — 2027 йиллар 9. Таълим дастурларини халқаро аккредитациядан ўтказиш. 1. Халқаро ташкилотлар билан ҳамкорликда таълим дастурларини халқаро аккредитациядан ўтказиш бўйича шартномалар тузиш. 2026 йил март Институтнинг бюджет ва бюджетдан ташқари маблағлари Олий таълим, фан ва инновациялар вазирлиги, Институт 2. Халқаро таълим талабларига мослаштирилган 2 та таълим дастурини халқаро аккредитациядан ўтказиш. 2026/2027 ўқув йили 10. Бириктирилган ўрта махсус ва касбий таълим ташкилотларига ўқув-услубий ва таълим сифатини оширишда кўмаклашиш ҳамда моддий-техника базасини яхшилаш. 1. Бириктирилган ўрта махсус ва касбий таълим ташкилотларининг ўқув-услубий таъминоти, таълим сифати ҳамда моддий-техника базасини ўрганиш. 2025 йил октябрь Институтнинг бюджетдан ташқари маблағлари, маҳаллий бюджет маблағлари, грантлар Институт, Олий таълим, фан ва инновациялар вазирлиги, Тошкент вилояти ҳокимлиги, ўрта махсус ва касбий таълим ташкилотлари директорлари 2. Ўрганиш натижаларини олий таълим ташкилотининг кузатув кенгашида муҳокама қилиш ва тегишли қарорни қабул қилиш. 3. Кузатув кенгаши қарори асосида бириктирилган ўрта махсус ва касбий таълим ташкилотларига ўқув-услубий ва моддий-техник ёрдам кўрсатиш. 2026 йил давомида III. Илмий-тадқиқот ва инновацион фаолиятни ривожлантириш ҳамда илмий ишлар натижадорлигини таъминлаш 11. Институт олимлари томонидан яратилган илмий-инновацион ишланмаларни тижоратлаштириш. 1. Илмий-инновацион ишланмаларни тижоратлаштиришга кўмаклашиш. Доимий Институтнинг бюджетдан ташқари маблағлари Олий таълим, фан ва инновациялар вазирлиги, Инновацион ривожланиш агентлиги, Институт 2. Илмий-инновацион ишланмаларни тижоратлаштириш юзасидан ишлаб чиқариш ташкилотлари билан ҳамкорликни йўлга қўйиш. 2025 йил декабрь 3. Илмий-инновацион ишланмаларни тижоратлаштиришни йўлга қўйиш. 2026 йил декабрь 12. Институт профессор-ўқитувчиларининг илмий салоҳиятини ошириш. 1. Институт профессор-ўқитувчилари учун «Web of Science», «Scopus», «Google Scholar» тизимларида илмий мақолалар чоп этиш ва уларнинг иқтибослик даражасини ошириш бўйича семинарлар ташкил этиш. 2. Нуфузли халқаро илмий журналларда мақолалар чоп этишни қўллаб-қувватлаш механизмларини жорий этиш. 3. Хирш индекси 5 ва ундан юқори бўлган профессор-ўқитувчилар ва илмий изланувчиларни моддий рағбатлантириш тизимини йўлга қўйиш. 4. Институтнинг илмий журналларини «Scopus», «Web of Science» ва бошқа халқаро илмий-техник маълумотлар базасига киритиш чораларини кўриш. 2025/2026 ўқув йилидан бошлаб Институтнинг бюджетдан ташқари маблағлари Олий таълим, фан ва инновациялар вазирлиги, Инновацион ривожланиш агентлиги, Институт 13. Институтнинг профессор-ўқитувчилари томонидан «Scopus» ва «Web of Science» халқаро маълумотлар базаларига киритилган илмий журналларда мақолалар чоп этиш, мақолаларга иқтибослик кўрсаткичлари салмоғини ошириш. 1. Профессор-ўқитувчилар илмий журналларда мақолалар чоп этишлари учун семинар-тренинглар ташкил этиш, консультация ва маҳорат дарслари ўтказиш. 2025 йил ноябрь Институтнинг бюджетдан ташқари маблағлари Олий таълим, фан ва инновациялар вазирлиги, Инновацион ривожланиш агентлиги, Институт 2. Профессор-ўқитувчиларнинг илмий-тадқиқот ишлари натижаларини патентлаштириш салмоғини ошириш, тажрибали профессор-ўқитувчилар ҳамда соҳа мутахассислари томонидан уларга зарур маслаҳатлар бериб борилишини таъминлаш. Доимий 14. Иқтисодиёт тармоқларини ривожлантиришнинг илмий-технологик вазифаларини ҳал этишга, илғор хорижий технологияларни синаш ва жорий этишга йўналтирилган илмий-амалий тадқиқотлар олиб бориш. 1. Институт кафедраларида олиб бориладиган илмий тадқиқотлар йўналишларини белгилаш, илмий лойиҳалар кўламини кенгайтириш ва ташкилотларнинг буюртмалари бўйича шартномаларни бажаришни ташкил этиш. 2. Ҳудуддаги корхоналарнинг муаммолари бўйича мавзулар базасини шакллантириш ва лойиҳаларни бажариш. 2025/2026 ўқув йилидан бошлаб Ҳудуддаги тармоқ корхоналарининг маблағлари Олий таълим, фан ва инновациялар вазирлиги, Тошкент вилояти ҳокимлиги, Институт 15. Халқаро илмий тадқиқот грант лойиҳаларини амалга ошириш. 1. Хорижий мамлакатлар илмий-тадқиқот ташкилотлари билан ҳамкорлик алоқаларини ўрнатиш, қўшма конференция ва семинарлар ташкил этиш бўйича келишувга эришиш. 2025 йил октябрь Институтнинг бюджетдан ташқари маблағлари Олий таълим, фан ва инновациялар вазирлиги, Инновацион ривожланиш агентлиги, Институт 2. Халқаро ҳамкорликни йўлга қўйиш, илмий ишлар бўйича таклифлар тайёрлаш ва дастурни тасдиқлаш ҳамда фаолият йўналишида ишларни ташкил этиш. 2025 йил ноябрь 3. Соҳага илғор илмий-тадқиқот ишланмаларини жорий этиш мақсадида ихтисослашган компаниялар билан ҳамкорлик қилиш ҳамда ушбу ишларга нуфузли халқаро олий таълим ташкилотларини жалб қилиш. 2025 йил декабрь 16. Институтда давлат илмий дастурлари доирасида амалга оширилаётган лойиҳалар ва тадқиқотларнинг натижадорлигини ошириш. 1. Давлат илмий дастурлари доирасидаги тадқиқотлар мавзуларини ҳудудий ва ишлаб чиқариш соҳалари муаммоларини ҳисобга олган ҳолда қайта кўриб чиқиш. 2025 йил ноябрь Илм-фанни молиялаштириш ва инновацияларни қўллаб-қувватлаш жамғармаси маблағлари Институт, Инновацион ривожланиш агентлиги 2. Илмий-тадқиқот ишларига давлат буюртмасини шакллантириш учун лойиҳа ва таклифлар киритиб бориш. 2026 йилдан бошлаб IV. Маънавий-маърифий ва тарбиявий ишлар тизимини такомиллаштириш 17. Беш муҳим ташаббус доирасида тўгараклар ва спорт секциялари фаолиятини йўлга қўйиш. 1. Беш муҳим ташаббус доирасида тўгараклар ва спорт секциялари ташкил этиш учун зарур хона, жиҳозлар ажратиш. 2. Беш муҳим ташаббус доирасида тўгараклар ва спорт секциялари фаолиятини йўлга қўйиш. 2025 йил декабрь Институтнинг бюджетдан ташқари маблағлари Олий таълим, фан ва инновациялар вазирлиги, Институт 18. «Ёш китобхон талабалар лигаси» танлови ва «Заковат» интеллектуал ўйинларини ташкил этиш. 1. «Ёш китобхон талабалар лигаси» танлови ва «Заковат» интеллектуал ўйинларини ўтказиш тартибини (низомини) ишлаб чиқиш. 2025 йил декабрь Институтнинг бюджетдан ташқари маблағлари Олий таълим, фан ва инновациялар вазирлиги, Институт 2. «Ёш китобхон талабалар лигаси» танлови ва «Заковат» интеллектуал ўйинларини ўтказиш тартиби асосида танловларни юқори савияда ўтказиш. 2026 йил март
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 8 сентябрь,
ПҚ-279-сон
Oʻzbekiston Respublikasi Prezidentining
qarori
“YOʻL XARITASI”
Olmaliq davlat texnika institutini tashkil etish toʻgʻrisida
Toshkent viloyatidagi oliy taʼlim tashkilotlarining mavjud resurslaridan samarali foydalanish, oʻquv jarayonlariga eng soʻnggi pedagogik texnologiyalarni joriy qilish, ilgʻor xorijiy tajribalar asosida yuqori malakali kadrlar tayyorlashni yangi bosqichga koʻtarish, shuningdek, oliy taʼlim tashkilotlarining moddiy-texnika bazasini mustahkamlash maqsadida qaror qilaman:
I. Maqsad
1. Ushbu qarorning asosiy maqsadi etib Toshkent viloyati iqtisodiyot tarmoq va sohalarida, jumladan, muhandislik, metallurgiya, ishlab chiqarish, konchilik sohalarida zamonaviy bilim va koʻnikmalarga ega oliy maʼlumotli kadrlarga boʻlgan ehtiyojni taʼminlash belgilansin.
II. Toshkent viloyatida muhandislik sohasi uchun kadrlar tayyorlash tizimini takomillashtirish
2. Toshkent davlat texnika universiteti Olmaliq filiali negizida Olmaliq davlat texnika instituti (keyingi oʻrinlarda — Institut) tashkil etilsin.
3. Quyidagilar:
(a) Olmaliq davlat texnika instituti faoliyatining asosiy yoʻnalishlari 1-ilovaga muvofiq;
(b) Olmaliq davlat texnika instituti faoliyatini tashkil etish boʻyicha Oliy taʼlim, fan va innovatsiyalar vazirligi tomonidan bajariladigan amaliy tadbirlar 2-ilovaga muvofiq tasdiqlansin.
4. Belgilab qoʻyilsinki:
(a) Institut davlat oliy taʼlim tashkiloti hisoblanib, Oliy taʼlim, fan va innovatsiyalar vazirligi tizimida faoliyat yuritadi;
(b) Toshkent davlat texnika universiteti Olmaliq filialida tahsil olayotgan barcha talabalar oʻqishini Institutda davom ettiradi hamda 2025/2026 oʻquv yilidan boshlab bitiruvchi kurs talabalariga belgilangan tartibda Institut diplomi beriladi;
(v) Institut Toshkent davlat texnika universiteti Olmaliq filialining huquq va majburiyatlari, shuningdek, tuzilgan shartnomalari boʻyicha huquqiy vorisi hisoblanadi;
(g) Institut faoliyatini moliyalashtirish:
(i) Davlat budjeti mablagʻlari, toʻlov-kontrakt asosida oʻqitishdan tushadigan mablagʻlar, xoʻjalik faoliyati va shartnoma asosida xizmatlar koʻrsatishdan tushadigan tushumlar, jismoniy va yuridik shaxslarning homiylik xayriyalari, grantlar hamda qonunchilik hujjatlarida taqiqlanmagan boshqa manbalar hisobidan amalga oshiriladi;
(ii) 2025-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Oliy taʼlim, fan va innovatsiyalar vazirligiga ajratilgan mablagʻlar doirasida amalga oshiriladi, 2026-yildan boshlab Davlat budjeti parametrlarida nazarda tutiladi.
III. Taʼlim va ilmiy tadqiqot jarayonlarini amaliyotga integratsiya qilish
5. “Olmaliq KMK” AJ (keyingi oʻrinlarda — Kombinat) Institutga asosiy sanoat hamkori sifatida biriktirilsin. Kombinat:
(a) 2026-yil 1-yanvarga qadar Institutning mutaxassislik kafedralari filiallarining faoliyatini Kombinat tarkibidagi korxonalarda samarali tashkil etishga koʻmaklashsin;
(b) Institut talabalari, professor-oʻqituvchilari va ilmiy izlanuvchilari uchun oʻquv va tadqiqot jarayonlarini Kombinatning Innovatsion texnologiyalarni ishlab chiqish va tatbiq etish markazi hamda uning tarkibidagi Tajriba-boyitish fabrikasi laboratoriyalarida tashkil etish imkoniyatini yaratsin;
(v) har oʻquv yilida:
(i) Institutning yuqori kurs talabalarini haq toʻlanadigan amaliyotga jalb etsin;
(ii) Kombinatning texnologik va ishlab chiqarish jarayonlarida vujudga keladigan muammolarini Institut bilan hamkorlikda yechishga qaratilgan ilmiy loyihalarni tanlov asosida moliyalashtirsin.
6. Belgilab qoʻyilsinki:
(a) Institutda geologiya, metallurgiya va texnikaga ixtisoslashgan ilgʻor muhandislik maktabi (keyingi oʻrinlarda — “GeoMetTex” ilgʻor muhandislik maktabi) Kombinat mablagʻlari hisobiga tashkil etiladi;
(b) “GeoMetTex” ilgʻor muhandislik maktabi Institut va Milliy texnologik tadqiqotlar universiteti “MISiS” Olmaliq filialiga xizmat koʻrsatadi;
(v) “GeoMetTex” ilgʻor muhandislik maktabida taʼlim olish uchun akademik koʻrsatkichlari yuqori boʻlgan talabalar tanlov asosida saralab olinadi va amaliyotga yoʻnaltirilgan maxsus taʼlim dasturlari asosida oʻqitiladi;
(g) “GeoMetTex” ilgʻor muhandislik maktabi yoʻnalishiga mos sanoat hamkorlari belgilanib, ularni texnik va texnologik jihatdan taʼminlash uchun zamonaviy laboratoriyalar tashkil etiladi;
(d) “GeoMetTex” ilgʻor muhandislik maktabida sanoat hamkorlari tomonidan taqdim etilgan muammolar portfeli asosida ilmiy-tadqiqot va tajriba-konstruktorlik ishlari yoʻlga qoʻyiladi;
(j) “GeoMetTex” ilgʻor muhandislik maktabida amalga oshiriladigan amaliy va innovatsion loyihalarni sanoat hamkorlari va Innovatsion rivojlanish agentligi mablagʻlari hisobidan birgalikda moliyalashtirish tizimi joriy etiladi;
(z) “GeoMetTex” ilgʻor muhandislik maktabi faoliyati Institut va Milliy texnologik tadqiqotlar universiteti “MISiS” Olmaliq filialining budjetdan tashqari mablagʻlari va qonunchilik hujjatlarida taqiqlanmagan boshqa manbalar hisobidan moliyalashtiriladi.
7. Toshkent viloyati hokimligi “GeoMetTex” ilgʻor muhandislik maktabi uchun sanoat hamkorlarini belgilashda mahalliy yirik ishlab chiqarish korxonalari bilan qoʻyidagi yoʻnalishlarda samarali hamkorlikni yoʻlga qoʻysin:
(a) sanoat hamkorlarining muammolari asosida qoʻshma ilmiy loyihalarni amalga oshirish va moliyalashtirish;
(b) iqtidorli talabalar va yosh olimlarni qoʻllab-quvvatlash, shu jumladan, ular tomonidan olib borilayotgan ilmiy izlanishlarni moliyalashtirish;
(v) zamonaviy oʻquv va ilmiy laboratoriyalar tashkil etish.
IV . Qaror ijrosini tashkil etish, taʼminlash va nazorat
8. Olmaliq davlat texnika instituti faoliyatini tashkil etish boʻyicha “yoʻl xaritasi” 3-ilovaga muvofiq tasdiqlansin.
9. Oʻzbekiston Respublikasi Prezidentining 2017-yil 27-iyuldagi “Toshkent viloyatida sanoat ishlab chiqarish sohasi uchun muhandis-texnik kadrlar tayyorlash tizimini takomillashtirish chora-tadbirlari toʻgʻrisida”gi PQ-3153-son qarori oʻz kuchini yoʻqotgan deb hisoblansin.
10. Oliy taʼlim, fan va innovatsiyalar vazirligi ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
11. Mazkur qarorning ijrosini samarali tashkil qilishga masʼul va shaxsiy javobgar etib oliy taʼlim, fan va innovatsiyalar vaziri K.A. Sharipov hamda Toshkent viloyati hokimi Z.T. Mirzayev belgilansin.
12. Ushbu qaror ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 8-sentabrdagi PQ-279-son qaroriga 1-ILOVA
Olmaliq davlat texnika instituti faoliyatining asosiy yoʻnalishlari
Quyidagilar Institut faoliyatining asosiy yoʻnalishlari hisoblanadi:
(a) muhandislik, sanoat ishlab chiqarish, metallurgiya sohalari va hududning kadrlarga boʻlgan ehtiyojiga muvofiq oliy maʼlumotli mutaxassislar va ilmiy-pedagog kadrlar tayyorlash;
(b) taʼlim jarayoniga ilgʻor pedagogik texnologiyalarni, ilm-fan va texnikaning soʻnggi yutuqlarini tatbiq etish;
(v) taʼlim jarayoniga yetakchi xorijiy universitetlar tajribasi asosida ishlab chiqilgan va ishlab chiqarish jarayonlari bilan uzviy bogʻliq boʻlgan taʼlim dasturlarini joriy etish;
(g) foydali qazilmalarni qazib olish va qayta ishlash boʻyicha yangi ilgʻor texnologiyalarni ishlab chiqish, ularni respublikaning geologiya va iqlim sharoitidan kelib chiqqan holda amaliyotga tatbiq qilish boʻyicha takliflar kiritish;
(d) amaliy va fundamental ilmiy-tadqiqot ishlari hamda innovatsion loyihalarni amalga oshirish, shuningdek, tadqiqot natijalarini tijoratlashtirish.
Oʻzbekiston Respublikasi Prezidentining 2025-yil 8-sentabrdagi PQ-279-son qaroriga 2-ILOVA
Olmaliq davlat texnika instituti faoliyatini tashkil etish boʻyicha Oliy taʼlim, fan va innovatsiyalar vazirligi tomonidan bajariladigan amaliy tadbirlar
Oliy taʼlim, fan va innovatsiyalar vazirligi tomonidan Olmaliq davlat texnika instituti faoliyatini boshlash uchun quyidagi amaliy tadbirlar bajariladi:
(a) uch oy muddatda Institut professor-oʻqituvchilari faoliyatining eng muhim samaradorlik koʻrsatkichlarini (KPI) baholash tizimini ilgʻor xorijiy tajribani hisobga olgan holda joriy etish;
(b) 2025/2026 oʻquv yilidan boshlab:
(i) tanlov asosida Institutning budjetdan tashqari mablagʻlari va grantlar hisobidan professor-oʻqituvchilar va doktorantlarni yetakchi xorijiy oliy taʼlim va ilmiy-tadqiqot tashkilotlariga stajirovka va malaka oshirishga yuborish;
(ii) oʻzaro kelishuv asosida yetakchi mahalliy va xorijiy oliy taʼlim tashkilotlari (filiallari) bilan akademik mobillik dasturlarini yoʻlga qoʻyish;
(iii) kadrlar isteʼmolchilarining real muammolari asosida bitiruv malakaviy ishlari va magistrlik dissertatsiyalari mavzulari bankini shakllantirish;
(iv) Institutda bakalavriat va magistratura bosqichlariga oʻqishga qabul qilingan iqtidorli talabalar uchun darslarni ingliz tilida oʻqitadigan alohida guruhlar tashkil etish;
(v) soha tashkilotlarida professor-oʻqituvchilar ilmiy-tadqiqot ishlari va amaliy mashgʻulot olib borishlari, talabalar malakaviy amaliyotlarini oʻtashlari uchun zarur shart-sharoitlarga ega Institut mutaxassislik kafedralari filiallarini tashkil etish;
(vi) Institut professor-oʻqituvchilari, tadqiqotchilari, talabalari tomonidan amalga oshirilgan fundamental, amaliy va innovatsion loyihalarni tijoratlashtirish hamda sotish maqsadida “spin-off” korxonasini tashkil etish.
Oʻzbekiston Respublikasi Prezidentining 2025-yil 8-sentabrdagi PQ-279-son qaroriga 3-ILOVA
Olmaliq davlat texnika instituti faoliyatini tashkil etish boʻyicha
T/r Chora-tadbirlar Amalga oshirish mexanizmi Bajarish muddati Moliyalashtirish manbalari Ijro uchun masʼullar I. Olmaliq davlat texnika instituti faoliyatini tashkil etish 1. Olmaliq davlat texnika instituti (keyingi oʻrinlarda — Institut) faoliyatini tashkil etish. 1. Institut ustavini ishlab chiqish, tasdiqlash va belgilangan tartibda davlat roʻyxatidan oʻtkazish. 2. Institutning tashkiliy tuzilmasi va xarajatlar smetasini tasdiqlash. 2025-yil oktabr - Oliy taʼlim, fan va innovatsiyalar vazirligi, Adliya vazirligi, Institut 2. Institutni tajribali va yuqori malakali mutaxassislar (pedagog xodimlar) bilan toʻldirish. 1. Xorijiy va mahalliy malakali mutaxassislarni (pedagog xodimlarni) belgilangan tartibda saralab olish hamda taʼlim jarayoniga jalb qilish. 2. Mehnat qonunchiligi talablari asosida pedagog xodimlarni ishga qabul qilish va mehnat shartnomalarini rasmiylashtirish. 2025-yil oktabr - Oliy taʼlim, fan va innovatsiyalar vazirligi, Toshkent viloyati hokimligi, Institut 3. Toshkent davlat texnika universiteti Olmaliq filialining bino va inshootlarini tegishli hududi bilan birgalikda Institutga oʻtkazish. Olmaliq shahri M. Ulugʻbek koʻchasi 55 va 60-uy manzillarida hamda Ohangaron shahri A. Navoiy koʻchasi 4-uy manzilida joylashgan bino va inshootlarni operativ boshqaruv huquqi asosida bepul berish. 2025-yil oktabr - Oliy taʼlim, fan va innovatsiyalar vazirligi, Toshkent viloyati hokimligi, Institut II. Oʻquv jarayonini tashkil etish, taʼlim sifatini taʼminlash, yangi pedagogik texnologiyalar va oʻqitish usullarini joriy etish 4. Taʼlimning zamonaviy pedagogik texnologiyalari va metodlaridan foydalanish samaradorligini oshirish. 1. Taʼlim jarayonini innovatsion taʼlim texnologiyalari asosida tashkil etish. 2025/2026 oʻquv yilidan boshlab Institutning budjetdan tashqari mablagʻlari Oliy taʼlim, fan va innovatsiyalar vazirligi, Institut 2. Taʼlim mazmunini kreativ fikrlashga yoʻnaltirilgan, innovatsion gʻoya va ishlanmalarni shakllantirishga xizmat qiluvchi taʼlim texnologiyalari bilan boyitish. 2025-yil oktabr 5. Talabalarda tanqidiy va ijodiy fikrlash, tizimli tahlil qilish, tadbirkorlik koʻnikmalarini shakllantirish. 1. Mustaqil taʼlimni tashkil etish boʻyicha xorijiy pedagog xodimlar ishtirokida seminar-treninglar tashkil etish. 2. Talabalarning mustaqil taʼlim olishi uchun yetarli shart-sharoit yaratish. 2025/2026 oʻquv yili Institutning budjetdan tashqari mablagʻlari Oliy taʼlim, fan va innovatsiyalar vazirligi, Institut 3. Oʻquv jarayoniga kasbiy kompetensiyalarni kuchaytirishga qaratilgan metodika va texnologiyalarni joriy etish, oʻquv jarayonini amaliy koʻnikmalarni shakllantirishga yoʻnaltirish. 2026/2027 oʻquv yili 6. Hamkor tashkilotlarda Institutning mutaxassislik kafedralari filiallarini tashkil etish. 1. Tashkilot va korxonalarda Institutning mutaxassislik kafedralarining filiallarini tashkil etish. 2025-yil dekabr Institutning budjetdan tashqari mablagʻlari Oliy taʼlim, fan va innovatsiyalar vazirligi, Toshkent viloyati hokimligi, Institut 2. Kafedralar filiallarida mashgʻulotlar oʻtkazgan hamda malakaviy amaliyot ishlariga rahbarlik va maslahatchilik qilgan xodimlarga Institut tomonidan soatbay ish haqi toʻlash amaliyotini joriy etish. 2025/2026 oʻquv yilidan boshlab 7. Institutni xalqaro eʼtirof etilgan tashkilotlar reytingining birinchi 1000 talik oliy taʼlim tashkilotlari roʻyxatiga kiritish boʻyicha tizimli va samarali ishlarni olib borish. 1. Institutning xalqaro reytingini oshirish maqsadida uning faoliyatini tahlil qilish. 2025-yil oktabr Institutning budjetdan tashqari mablagʻlari Oliy taʼlim, fan va innovatsiyalar vazirligi, Toshkent viloyati hokimligi, Institut 2. Tahlil natijalariga qarab, xalqaro eʼtirof etilgan agentliklar tomonidan eʼlon qilingan reytinglarda ishtirok etish boʻyicha chora-tadbirlar rejasini ishlab chiqish va ijroga yoʻnaltirish. 2025-yil dekabr 8. Professor-oʻqituvchilarning kasbiy mahoratini oshirib borish. 1. Institut professor-oʻqituvchilarining 2025 — 2027-yillarda xorijda malaka oshirish va stajirovka oʻtash rejasini ishlab chiqish. 2025-yil oktabr Institutning budjetdan tashqari mablagʻlari va grantlar Oliy taʼlim, fan va innovatsiyalar vazirligi, Institut 2. Har yili Institutning kamida 10 nafar professor-oʻqituvchisini rivojlangan xorijiy mamlakatlarning nufuzli oliy taʼlim tashkilotlariga malaka oshirishga yuborish. 2025 — 2027-yillar 9. Taʼlim dasturlarini xalqaro akkreditatsiyadan oʻtkazish. 1. Xalqaro tashkilotlar bilan hamkorlikda taʼlim dasturlarini xalqaro akkreditatsiyadan oʻtkazish boʻyicha shartnomalar tuzish. 2026-yil mart Institutning budjet va budjetdan tashqari mablagʻlari Oliy taʼlim, fan va innovatsiyalar vazirligi, Institut 2. Xalqaro taʼlim talablariga moslashtirilgan 2 ta taʼlim dasturini xalqaro akkreditatsiyadan oʻtkazish. 2026/2027 oʻquv yili 10. Biriktirilgan oʻrta maxsus va kasbiy taʼlim tashkilotlariga oʻquv-uslubiy va taʼlim sifatini oshirishda koʻmaklashish hamda moddiy-texnika bazasini yaxshilash. 1. Biriktirilgan oʻrta maxsus va kasbiy taʼlim tashkilotlarining oʻquv-uslubiy taʼminoti, taʼlim sifati hamda moddiy-texnika bazasini oʻrganish. 2025-yil oktabr Institutning budjetdan tashqari mablagʻlari, mahalliy budjet mablagʻlari, grantlar Institut, Oliy taʼlim, fan va innovatsiyalar vazirligi, Toshkent viloyati hokimligi, oʻrta maxsus va kasbiy taʼlim tashkilotlari direktorlari 2. Oʻrganish natijalarini oliy taʼlim tashkilotining kuzatuv kengashida muhokama qilish va tegishli qarorni qabul qilish. 3. Kuzatuv kengashi qarori asosida biriktirilgan oʻrta maxsus va kasbiy taʼlim tashkilotlariga oʻquv-uslubiy va moddiy-texnik yordam koʻrsatish. 2026-yil davomida III. Ilmiy-tadqiqot va innovatsion faoliyatni rivojlantirish hamda ilmiy ishlar natijadorligini taʼminlash 11. Institut olimlari tomonidan yaratilgan ilmiy-innovatsion ishlanmalarni tijoratlashtirish. 1. Ilmiy-innovatsion ishlanmalarni tijoratlashtirishga koʻmaklashish. Doimiy Institutning budjetdan tashqari mablagʻlari Oliy taʼlim, fan va innovatsiyalar vazirligi, Innovatsion rivojlanish agentligi, Institut 2. Ilmiy-innovatsion ishlanmalarni tijoratlashtirish yuzasidan ishlab chiqarish tashkilotlari bilan hamkorlikni yoʻlga qoʻyish. 2025-yil dekabr 3. Ilmiy-innovatsion ishlanmalarni tijoratlashtirishni yoʻlga qoʻyish. 2026-yil dekabr 12. Institut professor-oʻqituvchilarining ilmiy salohiyatini oshirish. 1. Institut professor-oʻqituvchilari uchun “Web of Science”, “Scopus”, “Google Scholar” tizimlarida ilmiy maqolalar chop etish va ularning iqtiboslik darajasini oshirish boʻyicha seminarlar tashkil etish. 2. Nufuzli xalqaro ilmiy jurnallarda maqolalar chop etishni qoʻllab-quvvatlash mexanizmlarini joriy etish. 3. Xirsh indeksi 5 va undan yuqori boʻlgan professor-oʻqituvchilar va ilmiy izlanuvchilarni moddiy ragʻbatlantirish tizimini yoʻlga qoʻyish. 4. Institutning ilmiy jurnallarini “Scopus”, “Web of Science” va boshqa xalqaro ilmiy-texnik maʼlumotlar bazasiga kiritish choralarini koʻrish. 2025/2026 oʻquv yilidan boshlab Institutning budjetdan tashqari mablagʻlari Oliy taʼlim, fan va innovatsiyalar vazirligi, Innovatsion rivojlanish agentligi, Institut 13. Institutning professor-oʻqituvchilari tomonidan “Scopus” va “Web of Science” xalqaro maʼlumotlar bazalariga kiritilgan ilmiy jurnallarda maqolalar chop etish, maqolalarga iqtiboslik koʻrsatkichlari salmogʻini oshirish. 1. Professor-oʻqituvchilar ilmiy jurnallarda maqolalar chop etishlari uchun seminar-treninglar tashkil etish, konsultatsiya va mahorat darslari oʻtkazish. 2025-yil noyabr Institutning budjetdan tashqari mablagʻlari Oliy taʼlim, fan va innovatsiyalar vazirligi, Innovatsion rivojlanish agentligi, Institut 2. Professor-oʻqituvchilarning ilmiy-tadqiqot ishlari natijalarini patentlashtirish salmogʻini oshirish, tajribali professor-oʻqituvchilar hamda soha mutaxassislari tomonidan ularga zarur maslahatlar berib borilishini taʼminlash. Doimiy 14. Iqtisodiyot tarmoqlarini rivojlantirishning ilmiy-texnologik vazifalarini hal etishga, ilgʻor xorijiy texnologiyalarni sinash va joriy etishga yoʻnaltirilgan ilmiy-amaliy tadqiqotlar olib borish. 1. Institut kafedralarida olib boriladigan ilmiy tadqiqotlar yoʻnalishlarini belgilash, ilmiy loyihalar koʻlamini kengaytirish va tashkilotlarning buyurtmalari boʻyicha shartnomalarni bajarishni tashkil etish. 2. Hududdagi korxonalarning muammolari boʻyicha mavzular bazasini shakllantirish va loyihalarni bajarish. 2025/2026 oʻquv yilidan boshlab Hududdagi tarmoq korxonalarining mablagʻlari Oliy taʼlim, fan va innovatsiyalar vazirligi, Toshkent viloyati hokimligi, Institut 15. Xalqaro ilmiy tadqiqot grant loyihalarini amalga oshirish. 1. Xorijiy mamlakatlar ilmiy-tadqiqot tashkilotlari bilan hamkorlik aloqalarini oʻrnatish, qoʻshma konferensiya va seminarlar tashkil etish boʻyicha kelishuvga erishish. 2025-yil oktabr Institutning budjetdan tashqari mablagʻlari Oliy taʼlim, fan va innovatsiyalar vazirligi, Innovatsion rivojlanish agentligi, Institut 2. Xalqaro hamkorlikni yoʻlga qoʻyish, ilmiy ishlar boʻyicha takliflar tayyorlash va dasturni tasdiqlash hamda faoliyat yoʻnalishida ishlarni tashkil etish. 2025-yil noyabr 3. Sohaga ilgʻor ilmiy-tadqiqot ishlanmalarini joriy etish maqsadida ixtisoslashgan kompaniyalar bilan hamkorlik qilish hamda ushbu ishlarga nufuzli xalqaro oliy taʼlim tashkilotlarini jalb qilish. 2025-yil dekabr 16. Institutda davlat ilmiy dasturlari doirasida amalga oshirilayotgan loyihalar va tadqiqotlarning natijadorligini oshirish. 1. Davlat ilmiy dasturlari doirasidagi tadqiqotlar mavzularini hududiy va ishlab chiqarish sohalari muammolarini hisobga olgan holda qayta koʻrib chiqish. 2025-yil noyabr Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari Institut, Innovatsion rivojlanish agentligi 2. Ilmiy-tadqiqot ishlariga davlat buyurtmasini shakllantirish uchun loyiha va takliflar kiritib borish. 2026-yildan boshlab IV. Maʼnaviy-maʼrifiy va tarbiyaviy ishlar tizimini takomillashtirish 17. Besh muhim tashabbus doirasida toʻgaraklar va sport seksiyalari faoliyatini yoʻlga qoʻyish. 1. Besh muhim tashabbus doirasida toʻgaraklar va sport seksiyalari tashkil etish uchun zarur xona, jihozlar ajratish. 2. Besh muhim tashabbus doirasida toʻgaraklar va sport seksiyalari faoliyatini yoʻlga qoʻyish. 2025-yil dekabr Institutning budjetdan tashqari mablagʻlari Oliy taʼlim, fan va innovatsiyalar vazirligi, Institut 18. “Yosh kitobxon talabalar ligasi” tanlovi va “Zakovat” intellektual oʻyinlarini tashkil etish. 1. “Yosh kitobxon talabalar ligasi” tanlovi va “Zakovat” intellektual oʻyinlarini oʻtkazish tartibini (nizomini) ishlab chiqish. 2025-yil dekabr Institutning budjetdan tashqari mablagʻlari Oliy taʼlim, fan va innovatsiyalar vazirligi, Institut 2. “Yosh kitobxon talabalar ligasi” tanlovi va “Zakovat” intellektual oʻyinlarini oʻtkazish tartibi asosida tanlovlarni yuqori saviyada oʻtkazish. 2026-yil mart
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 8-sentabr,
PQ-279-son
Президента Республики Узбекистан
Постановление
О создании Алмалыкского государственного технического института
В целях эффективного использования имеющихся ресурсов высших образовательных организаций, внедрения новейших педагогических технологий в учебный процесс, поднятия на новый уровень подготовки высококвалифицированных кадров на основе передового зарубежного опыта, а также укрепления материально-технической базы высших образовательных организаций в Ташкентской области постановляю:
I. Цель
1. Определить основной целью настоящего постановления удовлетворение потребности в кадрах с высшим образованием, обладающих современными знаниями и навыками, отраслей и сфер экономики Ташкентской области, в частности инженерии, металлургии, производства, горного дела.
II. Совершенствование системы подготовки кадров для сферы инженерии в Ташкентской области
2. Создать Алмалыкский государственный технический институт (далее — Институт) на базе Алмалыкского филиала Ташкентского государственного технического университета.
3. Утвердить:
(а) Основные направления деятельности Алмалыкского государственного технического института согласно приложению № 1 * ;
(б) Практические меры по организации деятельности Алмалыкского государственного технического института, осуществляемые Министерством высшего образования, науки и инноваций, согласно приложению № 2 * .
4. Определить, что:
(а) Институт является государственной высшей образовательной организацией и осуществляет деятельность в системе Министерства высшего образования, науки и инноваций;
(б) все студенты, обучающиеся в Алмалыкском филиале Ташкентского государственного технического университета, продолжат обучение в Институте, выпускникам с 2025/2026 учебного года в установленном порядке выдается диплом Института;
(в) Институт является правопреемником по правам и обязательствам, в том числе заключенным договорам Алмалыкского филиала Ташкентского государственного технического университета;
(г) финансирование деятельности Института:
(i) осуществляется за счет средств Государственного бюджета, средств, поступающих от обучения на платно-контрактной основе, поступлений от хозяйственной деятельности и оказания услуг на договорной основе, благотворительных пожертвований физических и юридических лиц, грантов и иных источников, не запрещенных актами законодательства;
(ii) в 2025 году осуществляется в рамках средств республиканского бюджета Республики Узбекистан, выделенных Министерству высшего образования, науки и инноваций в качестве распределителя бюджетных средств первого уровня, с 2026 года — предусматривается в параметрах Государственного бюджета.
III. Интеграция процессов обучения и научных исследований с практикой
5. Прикрепить АО «Алмалыкский ГМК» (далее — Комбинат) к Институту в качестве основного промышленного партнера. Комбинату:
(а) оказать содействие в эффективной организации с 1 января 2026 года деятельности филиалов кафедр специальности Института на предприятиях в составе Комбината;
(б) создать возможность организации учебного процесса и исследований студентов, профессоров-преподавателей и научных соискателей Института в Центре разработки и внедрения инновационных технологий и лабораториях Опытно-обогатительной фабрики при данном Центре;
(в) в каждом учебном году:
(i) привлекать студентов старших курсов Института к оплачиваемой практике;
(ii) финансировать научные проекты, направленные на решение совместно с Институтом проблем, возникающих в технологических и производственных процессах Комбината, на конкурсной основе.
6. Установить, что:
(а) Передовая инженерная школа, специализированная на геологии, металлургии и технике, (далее — Передовая инженерная школа «ГеоМетТех») создается в Институте за счет средств Комбината;
(б) Передовая инженерная школа «ГеоМетТех» обслуживает Институт и Алмалыкский филиал Национального исследовательского технологического университета «МИСиС»;
(в) для обучения в Передовой инженерной школе «ГеоМетТех» по ориентированным на практику специальным образовательным программам на конкурсной основе отбираются студенты, имеющие высокие академические показатели;
(г) в соответствии с направлением Передовой инженерной школы «ГеоМетТех» определяются промышленные партнеры, для технического и технологического обеспечения которых создаются современные лаборатории;
(д) в Передовой инженерной школе «ГеоМетТех» осуществляются научные исследования и выполняются опытно-конструкторские работы на основе портфеля проблем, представляемого промышленными партнерами;
(ж) внедряется система совместного финансирования прикладных и инновационных проектов, реализуемых в Передовой инженерной школе «ГеоМетТех», за счет средств промышленных партнеров и Агентства инновационного развития;
(з) деятельность Передовой инженерной школы «ГеоМетТех» финансируется за счет внебюджетных средств Института, Алмалыкского филиала Национального исследовательского технологического университета «МИСиС» и иных источников, не запрещенных актами законодательства.
7. Хокимияту Ташкентской области при определении промышленных партнеров для Передовой инженерной школы «ГеоМетТех» установить эффективное взаимодействие с отечественными крупными производственными предприятиями по следующим направлениям:
(а) реализация и финансирование совместных научных проектов на основе проблем промышленных партнеров;
(б) поддержка одаренных студентов и молодых ученых, включая финансирование осуществляемых ими научных изысканий;
(в) создание современных учебных и научных лабораторий.
IV . Организация, обеспечение и контроль исполнения постановления
8. Утвердить «Дорожную карту» по организации деятельности Алмалыкского государственного технического института согласно приложению № 3 * .
9. Признать утратившим силу постановление Президента Республики Узбекистан от 27 июля 2017 года № ПП-3153 «О мерах по совершенствованию подготовки инженерно-технических кадров для производственно-промышленной отрасли Ташкентской области».
10. Министерству высшего образования, науки и инноваций в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
11. Возложить на министра высшего образования, науки и инноваций К.А. Шарипова и хокима Ташкентской области З.Т. Мирзаева персональную ответственность за эффективную организацию исполнения настоящего постановления.
12. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
8 сентября 2025 г.,
№ ПП-279